&nbsp; <a href="https://kyzylorda-news.kz/">Kyzylorda-news.kz</a>. Спорт саласында ұзақ жыл қажырлы еңбек етіп, чемпиондардың бапкері атанған, сонымен қоса бұқаралық спорт түрін де дамытуда елеулі үлес қосып жүрген азамат Болат &nbsp;Рысмахан туралы қалам тербеуді жөн санадық.&nbsp; &nbsp; &nbsp; Қазіргі таңда ардагерлік жасқа асқан абыроймен жеткен спорт шеберінің есімі аудан жұртшылығына ғана емес, облыс, одан қалды республикаға өте жақсы танымал. Ауданда алғашқылардың бірі болып балаларды волейбол спорттық ойын түрімен шынықтырып, жүздеген жеңімпаз спортшыларды шығарған жаттықтырушының еңбегі зор.&nbsp; &nbsp; &nbsp; Тереңөзек кентінің тумасы Болат Жұмаділұлы «Спорт десе ішкен асын жерге қоятындардың» бірі десек артық айтқанымыз емес. Бала кезінен әкесі Жұмаділ мен анасы Ақжарқынның дүниеге әкелген 7 баласының үшіншісі болып ержеткен бозбала әпкелері Света мен Розаға арқа сүйеп, өзінен кейінгі &nbsp;Қайрат, Раушан, Сәуле, Талғат деген бауырларына үлкен қамқорлық танытты. Әкесі спорт саласында қызмет еткен, ал анасы кітапханашы. Ата-анасының тәрбиесін алып, аудан орталығындағы №36 орта мектепті аяқтады. Мектеп қабырғасында оқып жүрген кезінде-ақ Болатты спортқа баулыған жаттықтырушысы Кеңес Иноятов шәкіртіне көп үміт артты. Бір жылдың төлдері Тәжібек Кенжеғұлов, Николай Агафонов, Серік Омаров, Болат Рысмаханов ауданның абыройын мектеп оқушысы кездерінде-ақ асқақтатқаны осы күнге естерінде.&nbsp; &nbsp; &nbsp; Жалынды жас орта мектепті бітіре саласымен жастайынан еңбекке ерте араласты. Ол 1974 жылы Отан алдындағы борышын өтеу үшін екі жылға Белоруссияға аттанады. &nbsp;Әскерден аман-есен келіп, Ресейдің Ленинград қаласында 3-4 жылдай метрода жұмысшы болып еңбек етті. Туған жерге оралған соң 1981 жылы ХРСУ-да монтаждаушы болып жұмыс істеп жүрсе де, спорттан бір сәтке де &nbsp;қол үзбейді. &nbsp; &nbsp; Спорт мектебінің басшысы болған Төлеген Бекенов аудан спортын дамытуға мықты спортшыны жұмысқа шақырып, 1984 жылы №11 олимпиадалық резервтің балалар мен жасөспірімдер спорт мектебіне жаттықтырушылық қызметіне қабылдайды. &nbsp; &nbsp; &nbsp;40 жылға жуық табан аудармастан спорт саласында маңдай терін төгіп жүрген азамат осы уақыт аралығында жүздеген спортшыны тәрбиелеп, биік шыңдарға шығарды. Арнайы білімді Шымкент қаласындағы дене шынықтыру техникумынан алып, онан соң Алматы қаласындағы дене шынықтыру және спорт институтына оқуға түседі. 1992 жылы оқуын ойдағыдай тәмәмдап, оқытушы-жаттықтырушы дипломын қолына алады. &nbsp; &nbsp; – Бала кезімнен спортқа жақын болдым. Мектеп қабырғасында жүрген кезде-ақ &nbsp;талай жарыстарға барып, аудан намысын қорғайтын едік. Өзімнің болашағымды &nbsp;спорт жаттықтырушысы ретінде көретінмін. Спорт мектебіне қабылданған күннен бастап қыздар тобын жасақтап, волейболдың қыр-сырын үйрете бастадым. Спортшыдан шапшаңдықты, бір топта үйлесіп ойнау қабілетін қажет ететін спорттың бұл түріне жасақтаған алғашқы қыздар тобында 1972 жылы туған қыздар болды. Оларды 3 жыл тәрбиеледім. 1987 жылы аудан алғаш рет облыста чемпион атанды. 2000 жылға дейін бірыңғай тек қана қыздар командасын жаттықтырдым. Табандылық пен еткен елеулі еңбек ақталып, облыста осы уақытқа дейін 35 рет «Алтын күз» спартакиадасы өтіп, біздің аудан командасы 32 рет чемпион атанды. Бұл спартакиада біз үшін нағыз олимпиада десек болады, – дейді чемпиондардың бапкері Болат Жұмаділұлы. &nbsp; &nbsp; Спорт шебері 25 жылдан астам уақыт волейболдан облыстың аға жаттықтырушысы болды. Осы уақыттарда облыстың құрама командасы 20 рет республика чемпионы атанып , 30 мәрте жүлделі орындарды иемденіп, жеңімпаз атанды. Республикаға еңбегі сіңген жаттықтырушының ең үлкен жетістігі – өзі тәрбиелеген спортшы шәкірттерінің жемісті жеңісі. &nbsp; &nbsp; Қажырлы еңбектің арқасында талай шәкірттері ұстаздың жолын қуып, өздері де білікті жаттықтырушы атанды. Олардың қатарында аудандық спорт мектебінде директордың орынбасары қызметін атқаратын Гүлстан Алмашева, әдіскер Құндызай Төленова, жаттықтырушылар Жандос Темірғалиев, Айбек Сейпулов және де Жасұлан Бохаев бар. Спорт саласының майталманы 16 жыл бойы қыздар тобын жаттықтырса, 2000 жылдан бастап ұлдар командасын жаттықтырып бастайды. Тынымсыз еңбек пен жоғары талап үдесінен шыққан ұлдар командасы да үнемі байрақты жарыстарда жүлдегер атанып аудан атын республикаға танытып келеді. Айта кету керек, ер балалардан жасақталған команда да «Алтын күз» спартакиадасында соңғы 8 жылдан бері қарай І орын тұғырынан түскен емес. Бұл тәжірибелі маманның ақ адал еңбегінің көрсеткіші екені сөзсіз.&nbsp; &nbsp; &nbsp; Шындығында көп сөзден гөрі нәтижеге, спорттың биік шыңдарына жетуді мақсат етіп қоятын жаттықтырушы Болат Рысмаханның шәкірттері ең алғаш рет республикада 1992 жылы жеңіске жеткен болатын. &nbsp; &nbsp; – Әлі күнге дейін есімде одақ тарағаннан кейін Ақтөбе қаласында республикалық деңгейдегі ауыл спортшыларының алғашқы жарысын «Қайрат» спорт қоғамы ұйымдастырды. Республиканың әр түкпір-түкпірінен келген мықты командалардың арасында Тереңөзектік волейболшылар облыстың намысын қорғады. Осы жарыс кезінде біздің команда бұрын-соңды болмаған жақсы нәтиже көрсетті. Жүлделі ІІ орынды алып, айды аспанға бірақ шығарды. Сол кезде мықты деген жаттықтырушылар Қызылорданың спорты дамығанына көз жеткізіп, таңғалғандарын жасырмады. Өз ризашылықтарын білдіріп, волейболшы қыздарға сәттілік тіледі, – дейді спорт майталманы.&nbsp; &nbsp; &nbsp;Саналы ғұмырын &nbsp;Волейбол спортының өркендеп дамуына арнаған Болат Жұмаділдің тәжірибесі көрсеткендей, бұл спорт түрі шапшаңдықты ғана емес, дұрыс жоспарлауды да талап етеді. Осы екі маңызды міндетті орындаған команда жеңіске жететіні анық. Сәйкесінше білікті бапкердің шәкірттері жоғарғы оқу орнында оқығанда, кейін қандай да бір қызметке орналасқанда тапсырманы тез әрі сапалы орындайтын маман болып қалыптасып келеді. Бұл бапкердің тек спортшы ғана емес, азамат тәрбиелей білген қасиеті, маңдай терінің мәуелі жемісі. &nbsp; &nbsp; – Қай салада қызмет етсе де спортшыларымыз волейбол арқылы өз саласында абыройлы болады. Себебі қазір кезде кез келген салада, мейлі ол полиция, медицина, білім, мұнай, төтенше жағдай қызметі т.б. міндетті түрде спартакиада өтеді. Міне, осы тұста біздің спортшылар өз командаларын алға сүйреп, мекеменің абыройын арттырады. Сол себепті волейбол бұқаралық спорт түрі болғандықтан, онымен шұғылданатындар жұмысқа жақсы орналасады. Бір артықшылығы футбол мен волейбол ойнайтындар оны өмір бойы ойнайды десем артық айтқаным емес. Біздің спортшыларда жұмыссыз қалу қаупі жоқ. Әр спортшы ұжымға тез сіңісіп, адамдармен тіл табысуда ешқандай қиындық көрмейді, – дейді білікті маман.&nbsp; &nbsp; &nbsp; – Болат Жұмаділұлымен 1984 жылдан бері ауданның спорт саласында бірге қызмет етіп келеміз. Ол ауданымызда ең алғаш волейболдан кәсіби жаттықтырушы болған азаматтардың бірі. Мектеп оқушыларын спорт мектебіне шақыруда белсенді еңбек етті. Оның шәкірттері де жаттықтырушының талабына, тәртібіне мойынсұнған. Тынымсыз еңбек, төгілген маңдай тер міндетті түрде өз нәтижесін беретіні анық. Әрбір спортшыдан мықты волейболшыны шығаратын жаттықтырушының өзіндік техникасы мен шеберлігі болады. Ширек ғасырға жуық облыстың аға жаттықтырушысы болды. Облыстың намысын республика көлемінде қорғап, әлі де талай додалы бәсекеде бақ сынайтын спортшыларды дайындап келеді. Бәкең өз ісінің майталманы болуымен қатар аудандағы үлгілі отбасының отағасы, – дейді әріптесі Бақытжан Ахметов. &nbsp; &nbsp; Талай шәкіртті баптаған жаттықтырушы зейнет демалысына шықса да спорттан кеткен жоқ. Жас спортшыларды тәрбиелеуде барын салып, мықты команданы жасақтады. &nbsp;7 бірдей шәкірті спорт шеберлігіне үміткер атанса, осы уақыт аралығында ондаған спорт шеберін және жүздеген спорт шеберлігіне үміткерлерді қанаттандырды. &nbsp; &nbsp; Аудан спортын дамытуға, саламатты өмір салтын насихаттауға айрықша көңіл бөліп, атсалысып жүрген азаматтың балалары да спорттан алыс емес. Құдай қосқан жары ардақты ұстаз Зағипа Тайманова екеуі тәрбилеген үш ұлы да волейболды асқан шеберлікпен ойнайды. Тұңғыш ұлы Әділет пен Дәулет бүгінгі таңда Ұлттық қауіпсіздік комитетінде қызметте, кенже ұлы Әсет Қазақ спорт және туризм академиясының 4-ші курс студенті. Ауданның құрама командасының мүшесі, спорт шеберлігіне үміткер. Әке ізін жалғап, жолын қуған Әсет болашақ оқытушы-жаттықтырушы. Бүгінде Болат ағаның отбасында Аделина, Ади, Адина, Эмир есімді немерелері өсіп келеді. &nbsp; &nbsp; Қай уақытта де адал, қажырлы еңбектің жемісті нәтижесі болады. Абыройлы азаматтың еңбегі лайықты бағаланып, көптеген наградалардың иесі атанды. Қазақстан Тәуелсіздігіне – 10 жыл, 25 жыл, Қызылорда облысына – 70 жыл, Қызылорда қаласына – 200 жыл, Сырдария ауданының 90 жылдық медалі, Байқоңыр қаласына – 50 жыл, Қызылорда спортына – 60 жыл, «Еңбек даңқы» медалі, Спорт саласының майталманы атағы мен ҚР Мәдениет және спорт министрінің Құрмет грамотасы, ҚР Білім және Ғылым министрінің Құрмет грамотасы біраз жылдардағы тынымсыз еңбектің жемісі. &nbsp; &nbsp; Қазіргі кезде 66 жасты еңсерген спорт ардагері өзінің әріптестерімен кәсіби төл мерекені лайықты атап өтуде.

Болат  Рысмахан: Тынымсыз еңбек, төгілген маңдай тер міндетті түрде өз нәтижесін беретіні анық

&nbsp;<a href="https://kyzylorda-news.kz/">Kyzylorda-news.kz</a>. Қазіргі таңда мемлекет тарапынан жергілікті әкімдіктерге қойылып отырған бірінші талап – кәсіпкерлікті дамытып, жұмыс орындарын ашу, жергілікті салық базасын ұлғайту және қоғамдық саяси тұрақтылықты сақтау. Бұл бағытта ауданда бірқатар жұмыстар жүзеге асты. Орта және шағын бизнестің дамуына қолдау ретінде түрлі бағдарламалар іске қосылып, нәтижесін беруде. Яғни, кәсіпкерлік көкжиегінің кеңеюі жұмыссыздық мәселесінің оң шешілуіне ықпал етіп келеді. Осыған орай, Қызылорда облысы кәсіпкерлер палатасының Шиелі ауданындағы филиалының биылғы жылды қалай қорытындылағанына тоқталуды жөн көрдік.Бүгінде Шиелі ауданында инфрақұрылым мен құрылыс қарқынды дамуда. Жыл басынан бері құрылыс саласындағы сапалы жұмыстарды газет бетіне жариялаған болатынбыз. Ал инфрақұрылым жақсы дамымайынша, кәсіпкерлік саласының өркендеуі мүмкін емес. Сондықтан осы саланың қанат жаюына аудан халқы дән риза. Жеке кәсібін ашып, өз ісін дербес жүргіземін деген азаматтар қашан да қолдауға, көмекке мұқтаж келеді. Ал Ұлттық кәсіпкерлер палатасы елімізде билік пен бизнестің арасын жалғастырушы дәнекер қызметін ғана емес, кәсіпкерлерге қолдау, кеңес беру ісін де жүзеге асырып отыр.<blockquote>– «Атамекен» Шиелі аудандық кәсіпкерлер палатасына келген әрбір кәсіпкерге көмек қолын созып, кәсібін дөңгелетуге бар күш-жігерімізді жұмсаудамыз. Кәсіпкерлікті өрістетуге жан-жақты жағдай жасау, жаңа жұмыс орындарын ашу, отандық өнімді қолдау, білікті мамандар даярлау, халықты бизнеске сауаттандыру мәселелері біз үшін күн тәртібінен түскен емес. Жаңа ғасырда, жаһандық бәсекелестік жағдайында ілгерілеудің негізгі шешуші факторы еңбек болмақ, тек тынымсыз еңбектің арқасында біз қандай да бір қаржылық қиындықтарды жеңіп, ел экономикасын өрге сүйрей алатынымыз анық. Бизнес жұмыс істесе, ол – қосымша салық, қосымша жалақы, жаңа жұмыс орны, ал жұмыс орны – әлеуметтік жағдайдың маңызды индикаторы, – деді «Атамекен» Шиелі аудандық кәсіпкерлер палатасының басшысы Бекзатхан Бауыржанұлы.</blockquote>Мекеме басшысының сөзіне сүйенсек, соңғы 6 айда 277 азаматқа 650 кеңес берілді. Олардың 172-сі кәсіпкерлік субъектісі болса, қалғаны кәсіпкерлік бастамасы бар азаматтар. Сондай-ақ «Ауыл аманаты» жобасымен несие алуға ниетті 75 азаматқа бизнес жоспар әзірленген. Нәтижесінде жалпы құны 157 миллион теңгені құрайтын 37 жоба мақұлданып, 38 жоба қаралуда. Оған қоса «Мен кәсіпкер» жобасының «Кәсіпке бағыт» бағдарламасы аясында 20 жылдан астам уақыттан бері күріш, көкөніс пен бақша дақылдарын өсіруге маманданған эксперттен бақша және көкөніс шаруашылығы бойынша 14 кәсіпкер теориялық және практикалық білім алып, біліктілігін көтергенін де тілге тиек етті.Кәсіпкерлікке қолдау көрсету мемлекеттің әлеуетін нығайтуға тікелей әсер ететіні баршаға мәлім. Сондықтан да Мемлекет басшысының Жолдауларында бұл салаға қажетті мәселелер басым айтылады. Өндіріс қабілетін арттырып, өнім көлемін көбейту үшін «Бизнестің жол картасы» мен «Қарапайым заттар экономикасы» бағдарламаларын біріктіріп, шағын және орта кәсіпкерлікті қолдайтын кешенді бағдарламаға айналдыру керегін нұсқады. Міне, сол бағытта толымды жұмыстар атқарылып, ауданнан жуырда ғана қызанақ пастасын өндіру цехы ашылды. Бәйтерек ауылдық округінде бой көтерген «Barly Bai &amp; K» өндірістік кооперативі, мемлекет тарапынан аз пайызбен 27,6 млн теңге көлеміндегі қаражат алған болатын. Осылайша, кәсіптің көзін тапқан шиеліліктер өз өнімдерімен дүкен сөрелерін толықтыруда. Бүгінде Патима Махамбеттің «Тамаша» шұжығы, Қанат Мұсаевтың қызанақ томат пастасы, Жансая Имантаеваның кондитерлік өнімдері аудан хылқының сұранысын қанағаттандырып отыр.Береке – бірлік бар жерге орнайды десек, табыс – тіршілікте тірлік істеген адамға келеді екен. Сондықтан да кәсіп ашамын деген жанға мемлекеттік бағдарламалар түрлі бағыт ұсынуда. Бұл жасалып жатқан мемлекеттік көмек пен қолдаудың түпкі мақсаты – еліміздің «Қазақстан-2050» стратегиясына сай әлемнің аса дамыған 30 елінің қатарынан көрінуі болатын. Ал бұл міндетті орындау үшін әрбір қазақстандық кәсіпкерше ойлай біліп, еңбек етуі тиіс. Кәсіпкерліктің үлесі мемлекеттің қаржы секторын жарақтандыруда маңызды рөлге ие. Сол себепті шағын және орта бизнесті дамыту мәселесі өзектілігін жоймайды.

Бекзатхан Бауыржанұлы: Жан-жақты жаңа жағдай жасау, жаңа жұмыс орындарын ашу, даярлау маңызды

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Қазір талабы қатты мына заманда басыңды бұғып жата берсең астау-астау ас, асыл тастан соғылған тәж қайда? Тәңір берген ризықты тыраштанып таппасаңыз, таңдайыңыз құр тақылдауын тоқтатпайды. Қолыңда қуат барда ерінбей еңбек етсеңіз, ісіңіз зая кетпесі анық.Бүгінде «Ауыл аманаты» бағдарламасының көмегімен кәсібін ашып, нәсібін тауып жүрген азаматтардың қатары көбейіп келеді. Соның бірі жеке кәсіпкер – Дәуірбек Жәбеков. Ол құрылысқа қажетті фибробетон, полифасад өнімін шығаруда. Бір сөзбен айтқанда өнідірілген өнім жаңадан салынған үйіңіздің сыртын қаптауға арналған заманауи құрал. Енді мұны құрылыс материалын өзге аймақтан тапсырыспен екі есе шығынданып алмай-ақ, өзіміздің жергілікті өнімді тұтынуға тамаша мүмкіндік десе де болады.Әдетте ерлер жағы мұндай жаңашылдыққа қызығушылықпен қараймыз. Құрылысқа ебіміз болған соң кәсіпкердің ісін көрмекке тура тарттық. Шағын бөлмеде жабдықталған цехтың жұмысы тоқтаусыз жүріп тұр. Кәсіпкер былтыр бағдарлама шеңберінде 3 млн теңге алып, жыл аяғында жұмысын бастапты. Қажетті қаражатқа жеткенінше керек деген құралдарын алған. Қазір алғашқы өнімдері ойдағыдай сапалы шығуда.<blockquote>Бұл жоба былтыр ойға келген. Өзім құрылысқа жақын болған соң бір іспен айналысқым келді. Көп ізденіп, осы фибробетон өнімін шығарамын деп шештім. Өйткені бұл құрылыс құралы қазір сұранысқа ие әрі көп уақытқа дейін сапасын жоғалтпайды. Осы кәсіпті толық меңгеру үшін Тараз қаласына барып, арнайы жасау технологиясын он күндей оқып, үйрендім. Өнімге қажетті шикізаттарды сырттан алдырамын. Мәселен, цементтің өзін таңдап аламыз, Жамбылдан тапсырыспен келеді. Оған қосылатын майда шебін тастар Жаңақорғанның өнімі. Қалғанын өзімізде барын пайдаланып жатырмын. Әзірге жұмыс жаман емес, көрген-білгендер келіп алғашқы тапсырысын беруде, – дейді кәсіпкер.</blockquote>Жаңадан салынған үйіңіздің сыртын жылы материалмен қаптаймын немесе сәндеймін десеңіз осы шағын цехта өнділірген өнім нағыз сіз іздеген құрылыс құралы. Фибробетон, полифасад өнімі мұнда әртүрлі қалыпқа құйылып дайындалады. Жауын-шашынға төзімді, өз қалпын 30 жылға дейін сақтап тұра алады. Тапсырыс берсеңіз үйіңіздің көлеміне қарай Дәуірбек өзі өлшемін алып, кететін өнімнің есебін шығарады. Әрі бағасы да қолжетімді болмақ.<blockquote>Қазір күн суық болған соң өнімдердің кебу процесі ұзақ жүруде. Ертең күн жылынса жұмысымыз күшеймек. Әзірге цехтің іші тарлау болып тұр. Қосымша жер кеңейтіп жатырмын, дайын болған өнімдерді жинайтын жер керек, – дейді ол.</blockquote>Мұнда өнімнің әрбір шикізаты таразыға өлшеніп барып араласады. Артық не кем қосылған жағдайда еңбек зая кетеді. Ауданда мұндай шағын өндірістің қолға алынғанына бірінші болып біз қуандық. Себебі көпшілік құрылыс бастарда қажетті материалдың алыстан емес, жақыннан табылғанын қалайды. Нарықтың қымбат тұсы қай-қайсының болсын қалтасын оңай қағып жатқан жоқ. Ендеше Дәуірбектің дара кәсібінің өркендеуіне сеп болып, қолдау білдірсек болғаны.

Қармақшылық кәсіпкер құрылысқа қажетті өнім шығаруда

&nbsp;<a href="https://kyzylorda-news.kz/">Kyzylorda-news.kz</a>. Дүниежүзілік үкіметтік емес ұйымдар күні аясында облыстық Азаматтық альянсы бастамасымен «Nomad Palace» кешенінде қауымдастық мүшелерінің кездесуі өтті. Айта кетейік, қазір елімізде 23 мыңнан астам үкіметтік емес ұйым бар болса, біздің облыста тіркелгені – 1217. Өткен жылы ҮЕҰ-ның қатысуымен маңызды әлеуметтік мәселелерді шешуге бағытталған 18 жоба жүзеге асырылды.Кездесуге облыстық қоғамдық даму басқармасының басшысы А.Есмаханов, «Қызылорда облысының Үкіметтік емес ұйымдарының альянсы ассоциациясы» заңды тұлғалар бірлестігінің төрайымы А.Ізден және салалық басқарма басшыларының орынбасарлары, қоғам белсенділері, азаматтық сектор жетекшілері мен сарапшылары, БАҚ өкілдері қатысты.Бірлестік төрайымы Анар Ізден «Ауылда азаматтық бастамаларды дамыту» гранты аясында «Қамыстыбас (Арал ауданы) және «Сабалақ» (Қызылорда қаласы) ауылдарының ластану мәселелерін шешуде тұрғылықты азаматтардың мүмкіндігін кеңейтіп, белсенділігін арттыруда атқарылған жұмыстардың жайын баяндады.Нақтырақ айтсақ, бұл жоба барысында жоғарыда аталған елді мекендердің қоқыс шығару тәртібін жүйеге келтіріп, «Қызылорда тазалығы» сынды құзырлы мекемелермен келісім-шарттар жасасып, тұрғындарға түсіндірме жұмыстары жүргізілген. Қорқыт ата атындағы университет мамандарымен бірлесіп, қоқысты сұрыптап тастау тәжірибесін енгізіп, арнайы контейнерлер орнату үшін бюджеттен қаржы қарауға ұсыныс берілген.«Арал теңізі» қоғамдық бірлестігінің директоры Айнакүл Баймаханова &nbsp;37 жыл бойы азаматтық секторда нәтижелі жұмыстар атқарып, шетелдік қорлардың қаржыландыруымен 30-ға жуық жобаны жүзеге асырған. Атап айтқанда, ауылдардағы 15 амбулаториялық клиника мен 4 балабақшаны қажетті құрал-жабдықтармен қамтамасыз еткен. Сондай-ақ аудандағы жұмыссыздық мәселесін шешуде белсенділік танытып келеді. Бірлестік директоры халықаралық ұйымдармен байланысты арттырудың маңыздылығын айта келіп, Арал ауданындағы су ресурстарын сақтау және үнемді пайдалану жобасын жүзеге асырудағы нәтижелі жұмысын қатысушылардың назарына ұсынды.<blockquote>Арал теңізінің айналасында 20 шақты көл бар. Сол көлдерді тазарту барысында жылдар бойы су түбіне жиналып, қоқысқа айналған бірнеше тонна ау қалдықтарын шығардық. Оның себебі, балық аулаушылар сапасыз ау құрады, ол жыртылып, іске аспай қалады да, көлдің түбіне жиналады. Осы қоқыстарды жаңа технология әдісімен қайта өңдеп, брусчатка шығаруға қол жеткіздік. Сонымен қатар балықшылармен кездесіп, оларға суды ластамау, табиғатқа зиян келтірмеу жөнінде насихат жұмыстарын жүргізіп, балық аулайтын сапалы ау алып бердік, – деді А.Баймаханова.</blockquote>«Арал өңірі тұрғындарының құқығын қорғау» жобасының нәтижелері, тұрақтылығы» тақырыбында баяндама жасаған «Бастамаларды қолдау» қоғамдық қорының төрайымы Мәдина Төлепова көптеген өзекті мәселелер төңірегінде сөз қозғады.«Арал өңірінде экологиялық қасірет салдарынан зардап шеккен азаматтарды әлеуметтік қорғау туралы» 1992 жылы күшіне енген ҚР Заңын қолдану барысында кейбір мәселелерді зерделеп, нақтылау қажеттігін айтты.<blockquote>Мысалы, өзге өңірлерден біздің облысқа келіп қызмет еткен азаматтар жоғарыдағы заңға сәйкес жалақысына 30 пайыз үстеме алады. Ал бірақ Арал өңірінде туған, осы жерде он-он бес жылдан астам өмір сүріп жатқан азаматтар өзге өңірлерге еңбек етуге барса, олар жалақысына үстемақы алмайды. Ал негізінде, заңда нақты көрсетілгендей, осы өңірде өмір сүріп жатқан, яғни экологияның зардабын тартып отырған азаматтарды әлеуметтік қорғау бойынша жалақысына үстемақы берілуі тиіс. Сол сияқты, осы өңірде туып-өскен өзге қалаларда оқып жатқан студенттерге де бұл қолдау қарастырылмаған. Заң бойынша олардың шәкіртақысына да үстемақы қосылуы керек. Өйткені бұл үстемақы – экология салдарынан зардап шегіп отырған азаматтардың өз денсаулығына күтім жасауға берілетін қаражат. Осы мәселелерді көтеріп, қоғам пікірін Үкіметке ұсынып отырмыз, – деді М.Төлепова.</blockquote>«Ақ босаға» әйелдер қоғамдық бірлестігінің атқарушы директоры Зейнар Тәжиева әлеуметтік жобаларды іске асырудың нәтижесі және шешімдері туралы баяндады. Айта кетейік, «Ақ босаға» қоғамдық бірлестігінің халықаралық деңгейдегі әлеуметтік жобаларды жеңіп алып, орындауда тәжірибесі бар. Осы орайда ол әрбір жүзеге асырылған жобаның бірінші кезекте адам факторы үшін тиімділігі, сол арқылы қоғамдағы күрделі мәселелердің шешімін табуына ықпалды болуы тиіс екенін айтты.Мүгедек балаларды оңалтуға арналған «Шапағат» &nbsp;орталығының директоры «Әлеуметтік серіктестік бағытындағы жобалардың өміршеңдігі, қоғам үшін маңыздылығы» тақырыбын тарқатып, тәжірибесін ортаға салды.Орталық директорының айтуынша, осы санаттағы балаларды оңалтумен бірге, олардың кәмелет жасқа толған соң кәсіппен айналысып, тұрақты жұмыспен қамтылуына қолайлы жағдай жасалып отыр.«Әлеуметтік маңызды жобалардың нәтижелілігін бағалау қағидасының іске асырылуы» тақырыбында «PRO BONO» қоғамдық қорының төрағасы П.Горбачев баяндап, өңірде жүзеге асырылған жобалар бойынша талдау жасады.«Азаматтық қоғам және мәдениет: Қазақстанның жаңаруы бағытындағы құндылықтар мен басым бағыттар» тақырыбындағы ХІ облыстық Азаматтық форум аясындағы шаралар, алдағы міндеттер туралы «Ұмай» мектепке дейінгі балаларға арналған сауықтыру және тәрбиелеу қайырымдылық үйінің» ҮЕҰ жоба үйлестірушісі Қаракөз Есбосын баяндап, облыстық Азаматтық альянстың өңірдегі өзекті мәселелер бойынша құзырлы орындарға әзірлеген ұсыныстарын, қабылдаған шешімдерін, сондай-ақ алдағы атқаратын жұмыстарын назарға ұсынды.Дүниежүзілік үкіметтік емес ұйымдар күні аясында облыстық Азаматтық альянс қауымдастығының мүшесі, «Арал теңізі» қоғамдық бірлестігінің төрайымы Айнагүл Баймаханова облыстың Құрмет грамотасымен марапатталды. Сондай-ақ аймақтағы әлеуметтік мәселелердің шешілуіне азаматтық белсенділігімен ықпал етіп жүрген бірқатар ҮЕҰ жетекшілері облыс әкімінің Алғыс хатымен марапатталды. Бұған қоса, облыстық қоғамдық даму басқармасының басшысы А. Есмаханов азаматтық сектордың дамуына өзіндік үлесін қосып жүрген бірнеше үкіметтік емес ұйым қызметкерлеріне Алғыс хат табыстады.Мерекелік шара шағын футболдан мемлекеттік қызметкерлер мен үкіметтік емес ұйым өкілдерінен жасақталған командалар арасындағы жолдастық матчпен қорытындыланды. Жеңімпаз командаларға арнайы диплом табысталды. &nbsp;

Әлеуметтік бағытта 18 жоба жүзеге асты

<a href="https://kyzylorda-news.kz/">Kyzylorda-news.kz</a>. Ғасырлар қойнауында жатқан Шиелі мекенде тарихи-мәдени ескерткіштер мен ғимараттар аз емес. Сонау тарихы тереңде жатқан ғимараттарға көңіл бөлетін уақыт келген секілді. Сіз қалай ойлайсыз? Иә, аудандағы 95 жылдық мерейтойды мерейлі аяқтағанымыз рас. Ал алдағы 100 жылдық мерейтойға дайындығымыз қалай? Ғасырлар бойы мекендеп тұрған орынды жаңарту ойымызда бар ма?Мәселен, мақаланың әлқиссасын ғұмырлы ғимаратымыз Шиелі теміржол вокзалынан бастайықшы. Шынында, ауданнан шыққан талай тұлғалардың алғашқы сапарының куәсі болған шежірелі орын десек, қателеспейтін шығармыз. Оның тарихи танымын әмбе жұрт білуге тиісті. Бұл – құрылыс кешені жолаушыларға қызмет көрсетуге және пойыз қозғалысын басқаруға арналған ғимарат. Қазақстанда алғаш теміржол вокзалы кеңес төңкерісіне дейін Оралда, Қызылжарда (Петропавл), Ақмешіт (қазіргі Қызылорда) қалаларында пайда болады. Ал Шиеліде 1903 жылы салынып, жалпы алаңы 7580 ш/м, құрылыс алаңы 896,9 ш/м, ғимарат құрылысы 637,2 ш/м, жалпы көлемі 4800 ш/м құрайды. 2012 жылы күрделі жөндеуден өткен.Бұл ғимарат туралы мұрағат деректерінде «Орынбор Ташкент» теміржол құрылысымен «Орынбор Ташкент» теміржол құрылысымен қатар бой көтерген вокзалдың іргесі Ақирек тауынан қашалып, түйе керуенімен тасылған шақпақ тастардан нөмірленіп салынған. Қабырғалары күйдірілген кірпіштен қаланып, төбесі қаңылтырмен жабылған.Шиелі станциясы жүк тасымалы жағынан 1 кластық станция болып есептелінсе, ал атқарылатын жұмыстарына сәйкес 3 кластық вокзал санатына енеді. Бұнда күнделікті уақытта шамамен 200 дей жолаушыға қызмет көрсетіп, күтіп алып, шығарып салады. Аудан халқын асыраған теміржол вокзалынан талай адам сапарға шығып, діттеген жеріне жетіп отырған. Бұнда Қазақстанның түкпір түкпіріне қауын-қарбыз, күріш вагонға тиеп жіберіп отырады.Шиелі теміржол вокзалының басшысы Алмат Досымовтың айтуынша, вокзал ғимаратының, жолаушылар платформасының, перронның және вокзал аумағының техникалық жағдайы жақсы, қалыпты. Қысқы мезгілде вокзал аумағы перрон және жолаушылар платформасы уақытында қардан, мұздан тазартылып, қажетті тайғақ жерлерге құм себіліп еді.Сонымен қатар мүмкіндігі шектеулі жандар үшін де жағдай жасалған. Вокзалдың кіреберіс есігіне вокзал кезекшісімен байланыстыратын қоңырау орнатылған, пандус стандартқа сәйкес жасалған.Вокзал ғимараты биік те, сәнді етіп салынған. Сондықтан ауданға қыдырып келген халық сәулетіне қызығып, таңданыстарын жасырмайды. Бүгінде теміржол вокзалында 10 кезекші, 7 тазалықшы жұмыс істейді. Айтакетсек, тұғыры биік ғимаратқа 120 жыл толып отыр. Міне, осындай ғасырдан астам тарихы бар шежірелі орынмен қалай мақтанбасқа?!БҰЛ – СУ ҚЫСПАҚТЫ МҰНАРА. БІЛЕТІН БЕ ЕДІҢІЗ?Суреттегі бейнеленген мұнараны бірі білсе, бірі білмейтін шығар. Иә, бұл – Шиелі теміржол вокзал маңында орналасқан су қыспақты мұнарасы. Бір қарасаңыз, Стамбулдағы Галата мұнарасына ұқсайтын секілді. Расында, аудан тұрғындарына сауалнама жүргізгенімізде, Шиелідегі мұнараны шетелдегі мұнараға ұқсатып жатты. Сонда бізге ой келді: «Неге шетелдегі мұнаралар секілді біздің ғимараттар да әлемдік туристік орталыққа айналмайды?».Суреттегі галата мұнарасы – әлемдік мұра тізіміне енген және ең көне мұнаралардың бірі саналатын ғимарат. Стамбулдың символдарының бірі. Ол Стамбулдың Еуропа жағында, Бейоғлу ауданында, Босфорға қарайтын жерде орналасқан. Деректерге сүйенсек, ғасырлар бойы Стамбулдың сәнін келтірген Галата мұнарасы маяк ретінде салынғанымен, тарих бойы зындан, обсерватория, өрт мұнарасы сияқты әртүрлі мақсатта пайдаланылған. Барлығы 11 қабаттан тұратын мұнараның биіктігі – жерден төбенің ұшына дейін 69 метр, еден көлемі – 208 шаршы метр. Оның дизайны қарапайым болғанымен, өте керемет тарихи орын.Осылайша, біздің де тарихи ғимараттарды әлемдік деңгейге шығаруға болады емес пе? Тарихи және мәдени ескерткіштердің ел дамуы үшін маңызы зор. Ал мұндағы мұнаралардың алатын орны бөлек. Сәулет өнерінің ерекше үлгісі болып табылады. Кейде осындай тарихи туындылардың қай уақытта салынғанын білмей жатамыз. Бұл архитектуралық құрылыс жайлы тек көне жазбаларда айтылады.Әлемнің жеті кереметінің біріне саналатын Александрия шамшырағының мұнарасы ежелгі дәуірлерде ақ өзіндік ерекшелігімен тарихта қалған. Кейін Вавилон мұнарасы да көркемдік келбетімен тарих қойнауынан орын алды. Бағзы замандағы сәулет өнерінде мұнаралардың көрініс табуы грек аңыздары мен әр халықтың ауыз әдебиетінде және жазба әдебиетте де көрініс тауып отырды.Қай кезеңде болсын мұнаралар тек жақсы мақсаттарға тұрғызылған. Олар азаматтық, әскери және табынушылық бағытта салынған сәулет құрылысы болып табылады. Бұлар арқылы қаланы төбеден бақылап, өрттің алдын алып отырған. Ал әскери комиссариат, су айдау жүйесінде, ортағасырлық обсервоторияларда аспан әлемін зерттеу мақсатында қолданған.ХХ ғасырдың басында тоғыз жолдың торабы тоғысатын Шиелі вокзалы маңындағы мұнара Орынбор-Ташкент теміржолын салудағы кешендік ғимаратқа жатады. Ол бумен жүретін паровоздардың тоқтаусыз жүруі үшін салынса, кейін халықты ауызсумен қамтамасыз ету мақсатында пайдаланылған. Сол кезде Сыр бойында осындай 38 су қыспақты мұнара тұрғызылған көрінеді.Қазіргі таңда олардың көбі жұмыс істеп тұр. Ресейдің сәулеттік үлгісінде салынған су қыспақты мұнараларды биіктігі мен сыйымдылығына қарай бөліп қарастыруға болады. Сыр өңіріндегі су қыспақты мұнаралар сәулеттік келбеті жағынан бір бірінен ерекшеленгенімен, негізгі сұлбасы ұқсас келеді. Оның жоғарғы қабатында су сақтайтын орын болса, төменгі бөлігі күйдірілген тікбұрыш форматты айшықталып қаланған қыштар, жоғарғы жағы ағаштан салынған болып келеді. Кейбір мұнаралардың жоғарғы маңдайшалы бөлігінде терезелер орналастырылған. Осындай су қыспақты мұнара Шиелі станциясы теміржол бекеті ғимаратының кешеніне кіреді және вокзал үйінің батысында тұрғызылған. Мұнара күйдірілген тікбұрышты пішінді кірпіштен, әкпен аралас құмды ерітіндімен өрілген. Ауқымды өлшемдермен тұрғызылған ғимараттың биіктігі 12-15 метрді құраса, диаметрі 8 метр болады. Көлемді жоспарлы құрылымы мұнараның цилиндрі көлемімен анықталған. Мұнара құрылымының ерекшелігі – оның қарапайымдылығында. Николай ІІ патшалық құрған заманда жан жақтан жиналған шеберлер композицияны түрлендіріп, әсемдетуге тырысқан. Үш қабаттан тұрады. Төменгі жағы жертөле болса, жоғарғы қабат қоңыр түсті, беті тегіс етіліп салынған.Мұнараның айтарлықтай биік болуы, үлкен көлемде судың және оның үлкен ағысының теміржол бекетіне қажет болуынан пайда болса керек. Осыған байланысты ішінде суы бар екі резервуар орнатылған.Мұнараның көлемі сегіз қырлы, екі қабатты, бірінші қабаты әкті құмды ерітіндіде қабатты, бірінші қабаты әкті құмды ерітіндіде күйдірілген кірпіштен жасалған. Екінші қабаты мен үшінші қабаты да ағаштан құралған. Негізгі биіктігі 16,85 метрге жетеді. Жоғарғы қабаттың байсалды жері көлденең және тік бағытталған. Тақтай жиектің және шектеулі түрде пайдаланылған ою элементтерінің есебінен шешілген шатыр астына шағын төртбұрышты терезелер орнатылған. Үсті темір шатырмен қапталған. Су айдау станциясында орнатылған бумен жұмыс істейтін сорғылар арқылы жиналған су өз екпінімен тұтынушыларға таратылады.

Шиелінің тарихи жерлері жаңартыла ма?

Су тапшылығының алдын алу шаралары талқыланды

Мектеп оқушылары гардеробқа барар жолда қысылып қалған, деп хабарлайды <a href="https://kaskelen.kz/zhanalyktar/mektep-direktory-zhumysynan-bosatyldy/">kaskelen.kz</a>Желіде Алматы қаласының мектептерінің бірінде ондаған мектеп оқушыларының баспалдаққа жиналған видеосы таралды. &nbsp;Оқушылардың кейбірі қысылып қалған. Қаланың білім басқармасында ақпарат расталды. Мектепте екі ауысымда 1426 оқушы оқиды, ал жоба бойынша мектеп 870 оқушыға арналған.<blockquote>“Ағымдағы жылдың 27 ақпанында екінші ауысымнан кейін бірінші қабатта орналасқан мектептің киім ауыстыратын бөлмесінде оқушылар көп жиналды. Мұның себебі-көрсетілген күні оқушылардың киіну процесін дұрыс ұйымдастырмау. Бұрын бұл мектепте мұндай жағдай байқалған жоқ. Мектеп әкімшілігінің мәліметінше, зардап шеккендер жоқ”, – деп хабарлады мектеп әкімшілігі</blockquote>Оқу процессін ұйымдастыра алмаған мектеп директоры жұмыстан босатылдыФото: Нұрболат Нұржаубай&nbsp;

Мектеп директоры жұмысынан босатылды

&nbsp;<a href="https://kyzylorda-news.kz/">Kyzylorda-news.kz.</a> Бүгінде Сырдария ауданында волейбол спорты ерекше өркен жайып, бірнеше толқын тәрбиеленіп шықты.&nbsp;Қай жарысқа барса да, қоржыны бос қайтпайтын аудан құрамасының сапында ойнайтын Ержігіт Айбекұлы үздіктер қатарынан көрініп келеді. Облыс құрамасына шақырту алған оның бойындағы қабілетті бапкерлері жоғары бағалайды.Осыдан 15 жыл бұрын білікті бапкер Болат Рысмахановтың ізін қуған Айбек Сейпуловтың мақтаулы шәкірттерінің бірі – Ержігіт Айбекұлы екі мәрте ҚР чемпионы атанған. Сонымен қатар биыл ел біріншілігінде талабы таудай спортшы өз командасымен бірге қолаға қол созған. Жыл сайын дәстүрлі түрде өткізіліп келе жатқан Елеу Көшербаев атындағы халықаралық турнирдің жеңімпазы әркез бапкерлер үмітін ақтап келеді. Жігері мықты спортшы 2008 жылы Тереңөзек кентінде дүниеге келген. №210 О.Әбілпаттаев атындағы орта мектепте білім алған Ержігіт жаңа оқу жылында «Болашақ» колледжінің табалдырығын аттамақ ниетте.<blockquote>– Болашағынан зор үміт күттіретін шәкіртім қазіргі уақытта «Қайсар» волейбол клубының ойыншыларымен бірге Түркістан қаласында жаттығу жиынында. Әкесі – Айбек пен анасы – Қалдыгүлдің кенжесі Ержігіт волейбол спортын жетік меңгерген. Бойы 1.72 см болатын ойыншымыз қорғаушы ретінде байрақты бәсекелердің көрігін қыздырады. Жалпы, бізде спортшыларды &nbsp;аптасына 5 күн жаттықтырады. Спортшыларды физикалық, психологиялық тұрғыдан дайындауға көңіл бөлеміз. Кей жағдайда жарыс жолында ойын өрнегін өзгерте алатын спортшылар болады. Ержігіт сондай тегеурінді спортшылардың қатарында, – дейді жеке бапкері Айбек Сейпулов.</blockquote>ҚР спорт шеберлігіне үміткер Ержігіт Айбекұлының туған әпкесі Нұрай да «Қайсар» волейбол клубының құрамына шақыртылып, алдағы чемпионатқа дайындық үстінде. Қос ағайынды волейболшылар Сырдария ауданының мақтанышына айнала бермек.<blockquote>– Мен 4 сынып оқып жүргенімде волейбол спортына қызығушылығым артты. Бапкерлерім қойған әдіс-тәсілді сәтті орындап, жаттығулардан қалмай, жетістіктерге қол жеткізе білдім. Шын мәнінде, волейболшы бітімболмысын бір қалыпта ұстағаны жөн. Біз үнемі шынығып, артық салмақ қосып алудан сақтанамыз. Әркез бапкерім мен ата-анам артқан үмітті ақтағым келеді, – деді құрама капитаны.</blockquote>

Сырдариялық спортшының алар асуы алда

<a href="https://kyzylorda-news.kz/">Kyzylorda-news.kz.</a> Белгілі бір себептерге байланысты микроқаржы ұйымынан&nbsp;(МҚҰ) лицензияны қайтарып алатын кездер болады, бұл көрсетілетін қызметтердің уақытша немесе толық тоқтатылуын білдіреді.Мәселен,&nbsp;Қазақстан Республикасы Қаржы нарығын реттеу және дамыту агенттігінің бұйрығына сәйкес 2024 жылғы 23 ақпаннан бастап&nbsp;(«Hava Finance»&nbsp;МҚҰ» ЖШС, «POS Credit»&nbsp;МҚҰ» ЖШС, «SF Offline»&nbsp;МҚҰ» ЖШС, «Салем Кредит»&nbsp;МҚҰ» ЖШС,&nbsp;«Express Аванс»&nbsp;МҚҰ» ЖШС)&nbsp;5&nbsp;(бес) микроқаржылық&nbsp;қызметті&nbsp;жүзеге асыруға лицензиялардың қолданысы&nbsp;3 ай мерзімге&nbsp;тоқтатылды.Мұндай жағдайларда қарыз алушы не істеу керек екендігін &nbsp;Fingramota.kz-пен бірге қарастырайық.«Микроқаржы қызметі туралы» Заңның 16-бабына сәйкес микроқаржы қызметін жүзеге асыруға лицензияның қолданылуын тоқтата тұру МҚҰ-ның микрокредит беру туралы жаңа шарттар жасасуына, оның ішінде қолданыстағы шарттарды ұзартуға немесе өзгертуге тыйым салуға әкеп соғады.Бұл МҚҰ мен қарыз алушы өз міндеттемелері мен жауапкершілігін арттырмауы үшін жасалады.Микроқаржы қызметін жүзеге асыруға лицензиясының қолданылуы тоқтатыла тұрған МҚҰ микрокредит беру туралы бұрын жасалған шарттар бойынша өз міндеттемелерін орындауға міндетті.Осылайша, МҚҰ лицензияның қолданылуын тоқтата тұру кезінде қолданыста болған микрокредиттік шарттар бойынша барлық шарттарды сақтауға, оның ішінде қарыз алушылардан микрокредиттерді өтеу бойынша барлық төлемдерді қабылдауға және кредиттік бюроларға ақпараттың уақтылы ұсынылуын қамтамасыз етуге міндетті. Бұл ретте қарыз алушылар алынған микрокредиттер бойынша бірдей жауапкершілікте болады және микроқаржы ұйымының алдындағы қарыздарын уақтылы және толық көлемде өтеуді жалғастыруға міндетті.Осыған байланысты Агенттік МҚҰ лицензиясының қолданылуын тоқтата алады«Микроқаржы қызметі туралы» ҚР Заңының 16-бабының 1-тармағына сәйкес МҚҰ лицензиясының қолданылуын тоқтата тұру үшін мынадай негіздер бар:қызметтің «Микроқаржылық қызмет туралы» ҚР Заңының 14-бабының 5 және 6-тармақтарында, 14-1-бабының 3, 5 және 7-тармақтарында көзделген талаптарды бұза отырып, жүзеге асырылуы; пруденциялық нормативтердің және (немесе) сақтауға міндетті өзге де нормалар мен лимиттердің бұзылуы; Қазақстан Республикасының Ұлттық Банкіне (ҚР ҰБ) есептіліктің бірнеше рет (қатарынан күнтізбелік он екі ай ішінде екі және одан да көп рет) ұсынылмауы; дәйексіз қаржылық немесе өзге де есептілікті ұсынғаны үшін бірнеше рет (қатарынан күнтізбелік он екі ай ішінде екі және одан да көп рет) әкімшілік жауаптылыққа тартылуы; уәкілетті органның жазбаша нұсқамасының орындалмауы; тексеруді белгіленген мерзімде жүргізудің мүмкін болмауына әкеп соқтырған тексеру жүргізуге кедергі жасалуы; «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» ҚР Заңында көзделген талаптардың бірнеше рет (қатарынан күнтізбелік он екі ай ішінде екі және одан да көп рет) бұзылуы; микроқаржылық қызметті жүзеге асыруға лицензия алу үшін ұсынылған құжаттарда дәйексіз мәліметтер мен ақпараттың анықталуы. Микроқаржы қызметі туралы Заңның 16-бабының 2-тармағына сәйкес МҚҰ-ны лицензиядан айыру үшін мынадай негіздер бар:микроқаржылық қызметті жүзеге асыруға арналған лицензияның қолданысын жүйелі түрде (қатарынан күнтізбелік он екі ай ішінде үш және одан да көп рет) тоқтата тұру; қызметін ҚР заңдарының талаптарын, сондай-ақ уәкілетті органның, ҚРҰБ-ның нормативтік актілерін жүйелі түрде (қатарынан күнтізбелік он екі ай ішінде үш және одан да көп рет) бұза отырып жүзеге асыру; уәкілетті органның жазбаша ұйғарымдарын жүйелі түрде (қатарынан күнтізбелік он екі ай ішінде үш және одан да көп рет) орындамау; осы Заңда көзделмеген қызмет түрлерін жүзеге асыру; дәйексіз қаржылық немесе өзге де есептілікті ұсынғаны үшін әкімшілік жауапкершілікке жүйелі түрде (қатарынан күнтізбелік он екі ай ішінде үш және одан да көп рет) тарту; микроқаржылық қызметті жүзеге асыруға арналған лицензияны алған күннен бастап қатарынан күнтізбелік алты ай ішінде қызметті жүзеге асырмау; микроқаржылық ұйым қызметін тоқтату туралы сот шешімінің заңды күшіне енуі; қайта ұйымдастыру немесе тарату арқылы өз қызметін ерікті түрде тоқтату туралы шешім қабылдау. тексеруді белгіленген мерзімде жүргізуге мүмкіндік бермеген, екі реттен көп кедергі келтіру. Микроқаржылық қызметті жүзеге асыруға лицензияның қолданысын тоқтата тұру не одан айыру туралы шешім көрсетілген шешім қабылданған күннен бастап күшіне енеді.Микроқаржылық қызметті жүзеге асыруға лицензияның қолданысын тоқтата тұру не одан айыру туралы шешімнің қабылдануы туралы ақпарат уәкілетті органның интернет-ресурсында мемлекеттік және орыс тілдерінде жарияланады.&nbsp;Микроқаржы ұйымы уәкілетті орган микроқаржылық қызметті жүзеге асыруға лицензиядан айыру туралы шешім қабылдаған күннен бастап күнтізбелік отыз күн ішінде өзінің атауынан «микроқаржы ұйымы», «кредиттік серіктестік», «ломбард» деген сөздерді, олардан туындайтын, көрсетілген заңды тұлғаның микрокредиттер беру жөніндегі қызметті жүзеге асыратынын болжайтын сөздерді немесе аббревиатураны алып тастау арқылы қайта тіркеу рәсімін жүргізуге не қайта ұйымдастыру немесе тарату туралы шешім қабылдауға міндетті.Микрокредит беру туралы шарттар бойынша орындалмаған міндеттемелері бар МҚҰ-ның клиенттеріне не істеу керек?&nbsp;МҚҰ-ның лицензиясын тоқтата тұру не одан айыру қарыз алушыларды ұйым алдындағы өз міндеттемелерін уақтылы және толық көлемде орындау міндетінен босатпайды.Сондықтан, егер сіз МҚҰ-ның қарыз алушысы болсаңыз, босаңсудың және микрокредит бойынша жоспарлы төлемді өткізудің қажеті жоқ. Егер сіз қарыз бойынша төлемдерді тоқтатып қойсаңыз, онда сізде мерзімі өткен берешек туындап, оған өсімақы (өсімпұл, айыппұл) есептелуі мүмкін.МҚҰ алдындағы міндеттемелердің орындалуын бұзғаныңыз үшін, микрокредит беру туралы жасалған шарттардың талаптарына сәйкес жауапты болатыныңызды есте сақтаңыз. &nbsp;Өзіңізге және өз ақшаңызға абай болыңыз және Fingramota.kz-пен бірге алаяқтықтың жаңа схемалары туралы хабардар болыңыз!&nbsp;Фото: Fingramota.kz

Қарыз алушы микроқаржы ұйымының лицензиясы тоқтатылған кезде не істеуі қажет?

<a href="https://kyzylorda-news.kz/">Kyzylorda-news.kz</a>.&nbsp; &nbsp;Қызылорда облысы бойынша Қазынашылық департаменті Мемлекеттік мекемелердің бюджеттік қаржыларының мақсатты жұмсалуы мен атқарылуын қадағалап отырады. Осыған сәйкес, былтыр «Қазынашылық-Клиент» ақпараттық жүйесі арқылы барлығы 599 305 қаржылық құжат қабылданған. Сәйкесінше, оның 589 508-і өңделсе, 9 797 құжат кері қайтарылған. Бұл туралы Өңірлік коммуникациялар қызметінің ақпарат алаңында Қызылорда облысы бойынша Қазынашылық департаментінің басшысы Әуезбек Дүйсенбаев мәлімдеді.<blockquote><blockquote>– Қазынашылық департаменті облыс көлемінде «Мемлекеттік-жекешелік әріптестік» жобалары бойынша жасалатын келісім шарттарды тіркеу жұмыстарын атқарады. Аталған жоба бойынша 2017-2023 жылдар аралығында барлығы 14 821 643,3 мың теңгеге 60 жобаның келісім шарты тіркелген. Төлемдер бойынша тоқсандық, жылдық есептер уақытылы жүргізіліп келеді. 2023 жылы біздің департамент 829 мемлекеттік мекемеге қызмет көрсетті. Ал бюджет кірісіне 975 млн 159 485,3 мың теңге түсім түскен. Сонымен қатар, өткен жылдың қорытындысы бойынша департаменттің кіріс-шығыс құжат айналымы 16 984 құжатты құрады. Сондай-ақ, 2023 жылы департаментке жеке және заңды тұлғалардан 35 өтініш келіп түсіп, тиісті жауаптар берілді, – деді Әуезбек Сейткамалұлы.</blockquote></blockquote>Фото: Қызылорда облысының Өңірлік коммуникациялар қызметі

Бюджеттік қаржының мақсатты жұмсалуы қадағалануда

<a href="https://kyzylorda-news.kz/">Kyzylorda-news.kz</a>. Қызылорда облысы бойынша ішкі мемлекеттік аудит департаментіне 2023 жылы барлығы 2 713 өтінім келіп түскен. Бұл өтініштердің басым көпшілігі яғни, 1 973-і заңды тұлғалардан болса, қалған 740 өтініш жеке тұлғалардан келген. Тиісінше, былтыр 2 608 арыз-шағым тиісті заңнамаға сәйкес толық қаралып жабылса, қалған өтініштер басқа мемлекеттік органдардың құзыреттілігіне жолданған. Бұл жөнінде Қызылорда облысы бойынша ішкі мемлекеттік аудит департаментінің басшысы Ербол Күзембаев хабарлады.<blockquote>– Былтыр біздің департаменттің нәтижелі атқарған жұмыстарының нәтижесінде, барлығы 108 аудиторлық шаралардың көмегімен 43 млрд 452,9 млн теңге қаржы қамтылды. Соның ішінде, бюджетке 1 млрд 035 млн теңге көлемінде қаржы өтелді. Бұдан бөлек, біздің департамент мемлекеттік сатып алу заңнамасын сақталуына бақылау жүргізетін уәкілетті орган болып табылады. Осы мақсатта камералдық бақылау жүргізу жұмыстарының нәтижесінде анықталған заңбұзушылықтар бойынша 2 239 хабарлама жолданып, өз уақытында орындалды. Өздеріңіз білетіндей, Мемлекет басшысы мемлекеттік сатып алудың сапалы жаңа жүйесін құру керектігін айтқан болатын. Осы мақсатта мемлекеттік сатып алудың жаңа заң жобасы талқылануда. Жаңа заң аясында, сатып алынатын тауарлардың жұмыстардың, көрсетілетін қызметтердің сапасын арттыру, сатып алу рәсімдерін оңтайландыру, құрылыс нарығын монополиясыздандыру, бірыңғай сатып алу платформасын құру сынды бірнеше жүйе қамтылатын болады, – деді Ербол Күзембаев.</blockquote>Фото: Қызылорда облысының Өңірлік коммуникациялар қызметі

Ербол Күзембаев: Мемлекеттік сатып алудың жаңа заң жобасы талқылануда

<a href="https://kyzylorda-news.kz/">Kyzylorda-news.kz</a>. «Облыстағы орта және мектепке дейінгі біліммен қамтамасыз етудің сапасы туралы» мәселесі бойынша Қызылорда облыстық мәслихатының Экономика, әлеуметтік және құқықтық мәселелері жөніндегі тұрақты комиссия жанынан құрылған жұмысшы топ Шиелі ауданына келді.Жұмысшы топ құрамында облыстық мәслихат депутаттары Ж.Ысқақ, І.Тілеп, А.Абибуллаева, облыстық қаржы және экономика басқармасының бөлім басшысы Ш.Әбиева, облыстық білім басқармасының маманы Ш.Демес, Шиелі аудандық мәслихат төрағасы А.Жандарбеков, аудандық мәслихат депутаты Б.Сүлейменов, Шиелі ауданы әкімінің орынбасары Б.Ысмағұлов бастаған жұмысшы топ бүгін Еңбекші, Қосүйеңкі, Жиделіарық және Н.Бекежанов елді мекендерін аралады.Жұмыс топ мүшелері білім беру ұйымдары ғимаратының сыйымдылығы, қазіргі таңдағы техникалық жағдай, санитарлық-гигиеналық талаптарын, мектептің жабдықталуы, мектеп асханасының жұмысы, ыстық тамақтың ұйымдастырылуы және қаржыландыру көзі, мектептің жылыту көзі, Ұлттық біріңғай тестілеу бойынша көрсеткіштері және ҰБТ мен МАБ-қа дайындық шаралары, кадр жұмыстарының ұйымдастырылуы, пән мұғалімдерінің біліктілік арттыруы және жүргізетін пәніне сәйкестігі, оқушылардың оқулықтармен, оқу құралдарымен қамтылуы, мектептегі тәрбие жұмысы (мектеп пен ата-ана арасындағы өзара байланыс, құқық бұзушылық тың алдын алу, оқушылардың жазғы демалысын ұйымдастыру), мектепте медициналық кабинеттің болуы және медбикемен қамтылуы бойынша бақылау жүргізді.Бақылау барысында халық қалаулылары тиісті басқарма өкілдеріне ұсыныс-пікірлерін жеткізді.

Қазақстан және Қызылорда облысының жаңалықтары

Болат Рысмахан: Тынымсыз еңбек, төгілген маңдай тер міндетті түрде өз нәтижесін беретіні анық