<a href="https://kyzylorda-news.kz/">Kyzylorda-news.kz</a>. Сотталған экс-генерал Күдебаевтың отбасының басы тағы дауға қалды. Бұл туралы <a href="https://t.me/witness_kz">Свидетель.KZ</a> арнасы жазды, - деп хабарлайды <a href="https://dalanews.kz/kz">Dalanews.kz.</a>Арна мәліметіне сүйенсек, Алматы облысының Жер ресурстарын басқару департаменті Серік Күдебаевтың ұлы Темірлан Мырзақұлға және оған тиесілі "Кеңсай-агро" ЖШС-ға, сондай-ақ, бұрынғы генералдың ағасы Мұратбек Күдебаевқа қатысты сот ісін қозғады.<blockquote>"Алматы облысы экономикалық сотының 2024 жылғы 2 ақпандағы жеке қаулысына сәйкес, сөз 2015 жылғы қарашада және 2019 жылғы қазанда Жамбыл ауданының жер қатынастары бөлімі бұрынғы жоғары дәрежелі полиция қызметкерінің ағасы Мұратбек Күдебаевқа берген жер учаскелері туралы болып отыр.</blockquote>Талапкер жерді беру кезінде заңбұзушылықтар болған деп санайды. Сондай-ақ, департамент Мұратбек Күдебаев пен "Кеңсай-агро" ЖШС арасында 2020 жылғы 8 желтоқсанда жасалған жарғылық капиталға беру туралы шарттың күшін жоюды талап етіп отыр. Анық-қанығы әзірге&nbsp;белгісіз", - деп жазды арна.Бұған дейін бұқаралық ақпарат құралдары арқылы да Күдебаевтың отбасы ауыл шаруашылығымен айналысатыны белгілі.<blockquote>"Оның туған ағасы Мұратбек Күдебаевтың Алматы облысындағы Шиен кентінде орналасқан "Болашақ" атты шаруа қожалығы бар. <a href="https://statsnet.co/companies/kz/53988559">Statsnet</a> порталының бағалауы бойынша он жыл ішінде экс-генералдың ағасы агробизнестен 390 миллион теңгеден аса ақша тауып, 8 миллион теңгеге жуық салық төлеген", - деп жазылған арна мәліметінде.</blockquote><a href="https://t.me/witness_kz">Свидетель.KZ</a> деректеріне сүйенсек, сотталған полиция қызметкерінің ұлы Темірлан Мырзақұл "Кеңсай-агро" ЖШС-ға иелік етіп отыр. Бұл жауапкершілігі шектеулі серіктестікке осыған дейін оның немере ағасы Бақтияр Әбдірайымов құрылтайшы және басшы болған. Кәсіпорын ірі қара және буйвол өсірумен айналысады.<a href="https://adata.kz/">Adata.kz</a> мәліметінше, "Кеңесай-агро" ЖШС (шағын кәсіпорын) 2020 жылғы қазанда тіркелген. Жалпы салық аударымдары - 684 232 теңге (2024 жылы 14 350 теңге).<blockquote>"2023 жылы компания басшысы сот процесіне қатысып үлгерген. 2021 жылғы қыркүйекте Темірлан Мырзақұл Іле ауданында аумағы 279 гектар жер учаскесін жалға алған. Оның ықпалды әкесіне қатысты қылмыстық іс қозғалғаннан кейін аудандық жер қатынастары бөлімі келісімшартты бұзып, учаскені қайтарып алғысы келді. 2023 жылғы шілдеде Алматы облысының экономикалық соты жер беру туралы келісімшарттың күшін жойды", - деп жазды арна.</blockquote>Былтыр көктемде Серік Күдебаев қаңтар оқиғасы бойынша 10 жылға бас бостандығынан айырылды. Ол генерал-майор атағынан айырылып, билікті асыра пайдаланғаны және азаптау дерегі үшін кінәлі деп танылды. Кейінірек оған Түркияға қашқаны үшін жарты жыл қосылды. Экс-шенеунік жазасын орташа қауіпсіз мекемеде өтейді.&nbsp;Оған кезінде халықаралық іздеу де жарияланды. Өйткені ол шетел асып кетті. Дегенмен Күдебаев ресми шекара бекеттерінен өтпегені айтылды. Кейінірек Ұлттық қауіпсіздік комитеті қызметкерлі Күдебаевтың тау ішінде жеке шаруашылығы бар екенін де мәлімдеді. Бұл ақпарат оның елден қалай қашуы мүмкін екенін анықтау барысында айқындалды.<blockquote>"Болжам бар. Жұмыс жалғасып жатыр. Түсінесіздер ғой, тау жотасы 672 шақырым болады. Оның өзі туған жерде - тауға жақын елді мекенде шаруа қожалығы бар. Жақсы жолсеріктер болуы да мүмкін. Тау арқылы шығатын нұсқаны қарастырып жатырмыз", - деп түсіндірген еді сол кезде Алдажұманов.</blockquote>Ақыр аяғында Күдебаев Түркиядан ұсталып, елге әкелінді.Фото: Нұрболат Нұржаубай

Сотталған экс-генерал Күдебаевтың отбасының басы тағы дауға қалды

<a href="https://kyzylorda-news.kz/">Kyzylorda-news.kz</a>. Бүгін парламент мәжілісінің отырысында депутат Айдос Сарым мемлекеттік қызмет саласындағы заңнамада теріс қылық жасаған мемлекеттік қызметкерлердің жазасы жеңілдетілгенін мәлімдеді, деп хабарлайды <a href="https://kaskelen.kz/zhanalyktar/kirisinen-shygysy-asyp-ketkender-zhumystan-shygarylady/?fbclid=IwAR22eDf6rFQUZrgSS0BbtU3ov3IzKPcrv5HnPGJlzn8ZjT0UHczwIj6GVZA">kaskelen.kz</a>.Ол&nbsp;Мемлекеттік қызмет істері агенттігінің төрағасы Дархан Медеғалиұлына сұрақ қойды.<blockquote>“Осыдан бір жыл бұрын парламент мемлекеттік қызметкерлер мен оларға теңестірілген азаматтардың кірісі мен шығысына бақылау енгізуді көздейтін заң қабылдады. Заңға сай, 2027 жылдан бастап олардың шығысы кірісінен асып кетсе әкімшілік айыппұл салынады және жұмыстан шығарылуға&nbsp;тиіс. Оған қоса осы заңда олардың мемлекеттік қызметке кіруіне 3 жылға дейін шектеу белгіленген. Ал қазір біз қарап отырған заң жобасында мұны 2 жылға дейін қысқарту ұсынылып отыр. Заңсыз байығаны үшін мемлекеттік қызметтен шығарылған адамдарға қойылатын талаптарды жеңілдету қаншалықты орынды, түсіндіріп беріңізші”, –&nbsp;деп сұрады мәжіліс депутаты.</blockquote>Агенттік төрағасы бұл бөлік сыбайлас жемқорлыққа қарсы концепцияда көрсетілгендіктен бірізділік сақталу үшін қабылданды дейді.Фото: Нұрболат Нұржаубай

Кірісінен шығысы асып кеткендер жұмыстан шығарылады

<a href="https://kyzylorda-news.kz/">Kyzylorda-news.kz</a>. Облыс әкімі Нұрлыбек Нәлібаевтың төрағалығымен өткен ауыл шаруашылығы құрылымдары өкілдерімен кездесуде болжамды су көлеміне сәйкестендіріп егін егу мәселесі талқыланды.<blockquote>«Облыстың ірі шаруашылықтары ауыспалы егіс тәртібін сақтаудың, атыздарды лазерлік тегістеудің суды үнемдеудегі, өнімділікті көтерудегі тиімділігіне көз жеткізуде.</blockquote><blockquote>Мемлекет басшысы Үкіметтің кеңейтілген отырысында көрші елдердің тәжірибесін зерттеп, су үнемдеу технологияларын кеңінен енгізуді тапсырған болатын. Күріш алқабындағы суды үнемдеудің бірден-бір жолы – атыздарды лазерлік тегістеу. Өзбекстан Республикасында ЮНЕСКО-ның «ZEF/UNESCO» жобасы шеңберінде іске асқан ғылыми зерттеулерге талдау жүргізілді. Нәтижесінде суармалы суды 20 пайызға дейін үнемдеуге және өнімділікті 30 пайызға дейін арттыруға болатыны дәлелденді. Бұл әдісті аймағымыздың диқандары 2013 жылдан бері инженерлік жүйеге келтірілген ауыспалы күріш егістігінің 55 пайызына енгізді. Алдағы уақытта бұл жұмыстарды әрі қарай жалғастырамыз», – деді аймақ басшысы.</blockquote>Нұрлыбек Машбекұлы ҚР Су ресурстары және ирригация министрі Нұржан Нұржігітовтен лазерлік тегістеу әдісін су үнемдеу технологияларының қатарына қосу жөніндегі ұсынысты қолдауды сұрады.Жиында бірқатар компания басшылары суды үнемдеп пайдалану бағытындағы тәжірибелерін баяндап, зерттеу нәтижелерін ұсынды.Кездесу қорытындысымен облыс әкімі жауапты мекемелерге бірқатар тапсырма беріп, жергілікті шаруашылық иелерін суды ысырапсыз пайдалануға шақырды.Фото: Қызылорда облысы әкімінің баспасөз қызметі

Су көлеміне сәйкестендіріп егін егу мәселесі талқыланды

&nbsp; <a href="https://kyzylorda-news.kz/">Kyzylorda-news.kz</a>. Қызылорда полицейлері облыстың оқу орындары арасында «Есірткі – зұлым!» атты челленджін ұйымдастырды. Оны мұғалімдер, ата-аналар, түрлі қызмет салаларының өкілдерімен студенттер, оқушылар қолдады.Челленджге полиция қызметкерлері мен медицина өкілдері де қосылды. Бұл челлендждің мақсаты – саламатты өмір салтын насихаттау, өскелең ұрпақтың есірткіге теріс көзқарасын дамыту. Челлендж қатысушылары «морфинг» эффектісін пайдаланып бейнероликтер түсіріп, онда «Есірткі-зұлым! Біз есірткіге қарсымыз! Бізбен бірге бол!» үндеуін ұстанатындардың бейнелерін көрсетті. Челленджге 26 оқу орны мен 1000-нан астам адам қатысты.

Қызылордада есірткіге қарсы челлендж ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Мәжіліс депутаты Азат Перуашев Қазақстандағы мобильді төлемдерді толық бақылаудан бас тартуды ұсынды. Бұл туралы <a href="https://stan.kz/deputat-million-tengeden-aspaytin-mobildi-audarimdar-zh-396227/">Stan.kz</a> ақпарат агенттігі хабарлайды.Депутаттың пікірінше, миллион теңгеден асатын аударым жасайтындар ғана бақылануы керек. Мәжілісмен Үкімет әзірлеп жатқан экономиканы реформалау туралы құжатқа бірқатар нормаларды енгізуді ұсынды.<blockquote>"Салық саясатын тұрақтандыру шеңберінде сараланған мөлшерлемелерді енгізуден және бөлшек салықты төмендетуден басқа, ШОБ есептері мен тексерулерімен байланысты емес патенттік режимді қолдануды кеңейтуді ұсынамыз. Мобильді төлемдерді толық бақылаудан бас тарту, микробизнес деңгейінде критерийлер енгізу, айына 1 млн теңгеден астам аударымдар үшін ғана мобильді аударымдар бақылануын ұсынамыз. Сондай-ақ ұлттық банктің базалық мөлшерлемесін неғұрлым батыл төмендету және банк нарығын монополиядан шығару қажет. Бүгінгі таңда алты ірі ЕДБ барлық активтердің 67% (үштен екісі) бақылайды. Бұл қалыпты емес. Бәсекелестікті қамтамасыз ету үшін ірі банктерді бөлшектеу мәселесін қарастыру қажет", - деді ол.</blockquote><blockquote>Оның айтуынша, міндетті төлемдерді қайта қарау қажет, бұл бизнеске қосымша қысым жасап қана қоймай, инфляция көзі және басқару құралы ретінде қызмет етеді. Біз тауарларды таңбалау, медициналық сақтандыру қорына, БЖЗҚ-ға, кәдеге жарату жинағына жасалатын аударымдар туралы айтып отырмыз. Мұның бәрі еркін экономикаға үлкен кедергі, - дейді Перуашев.</blockquote><blockquote>"Жекешелендіру бөлігінде ірі қаржылық мүмкіндіктер тек белгілі бір адамдар тобында болатындығын ескеру қажет. Олардың капиталдарының пайда болуы кейде сұрақтар туғызады, ал тікелей сату әдісі бұрынғы жүйенің басты кемшілігі болып табылатын байлар мен кедейлерде одан әрі әлеуметтік алшақтыққа әкеледі. Осыған байланысты біз Чили мен Ұлыбританиядағы табысты жекешелендіру бағдарламаларының үлгісі бойынша халықтық капитализм тұжырымдамасын ұсынамыз, онда Мемлекеттік кәсіпорындардың құнында қоғамның және ШОБ серіктестерінің еңбек үлесі ескерілді", – деп ұсынды депутат.</blockquote>Сондай-ақ, оның айтуынша, жекешелендіру шеңберінде банктердің өтпеген бизнестен кепіл мүлкі ретінде алып қойған активтерін экономикалық айналымға қайтаруды қарастыру қажет.<blockquote>"Бұл міндет гипотетикалық кірістен маңыздырақ деп есептейміз. Алынған қарапайым жабдықтар мен өндірістік немесе сервистік кешендердің өзі жоғалған пайда түрінде экономикаға зиян келтіреді. Біз мұндай активтерді кейіннен сатып алумен және бағаны төмендетуге шектеусіз сенімгерлік басқару моделі бойынша бизнеске беру тетігін әзірлеуді ұсынамыз", - деп түйіндеді депутат.</blockquote>Естеріңізге сала кетейік, Қазақстанда 250 мың теңгеден астам мобильді аударымдарды қадағалау ұсынылады.Фото: Нұрболат Нұржаубай

Депутат миллион теңгеден асатын аударым жасайтындарды ғана бақылауды ұсынды

<a href="https://kyzylorda-news.kz/">Kyzylorda-news.kz</a>. Мамандандырылған ХҚО-да емтихан тапсыру үшін кезекке тұруға «ХҚКО» қосымшасы арқылы 8 мыңнан астам өтініш түскен. Енді азаматтарға алғаш рет жүргізуші куәлігін алу үшін орталыққа хабарласудың қажеті жоқ. Олар мұны қосымшаның «Бейнеқызметі» батырмасы арқылы онлайн жасай алады.&nbsp;Қызметтің арқасында азаматтар уақытын айтарлықтай үнемдей алады. Мәселен, бұған дейін теорияны тапсыру үшін көрсетілетін қызметті алушы мамандандырылған ХҚКО-ға келіп, талон алып, кезекте тұруы, оператордан өтініш беріп, содан кейін ғана емтихан сыныбына өтуі қажет болатын. Енді бұл кезеңдерден өтудің қажеті жоқ. Клиент алдын ала брондалған уақытта теориялық емтиханға тікелей келе алады. Ал теорияны сәтті тапсырғаннан кейін «ХҚКО» қосымшасы арқылы тәжірибелік емтиханға кезекке жазыла алады.Бейнеқоңырау арқылы кезекке тапсырыс беріп қана қоймай, жүргізуші куәлігін алу үшін құжаттардың сканерленген көшірмелерін де бере алады. Оның ішінде медициналық анықтама, қызмет алушының фотосуреті, қойылған қолының үлгісі, автомектепті аяқтаған болса, оқығаны туралы анықтама, мемлекеттік бажды төлегені туралы түбіртек бар. Барлық құжаттар диалогтық терезеде тіркелуі керек.&nbsp;Айта кетер болсақ, қосымшаны GooglePlay және AppStore-дан жүктеп алуға болады. Осы күні оны 350 мыңға жуық қолданушы орнатып үлгерген.

ХҚКО-ға кезекті брондаудың жаңа әдісі танымалдыққа ие болуда

<a href="https://kyzylorda-news.kz/">Kyzylorda-news.kz</a>. Әлемжеліде Қызылорда қаласындағы автовокзалға қатысты тұрғындар базынасын жеткізді деп хабарлайды Kyzylora news ақпарат агенттігі.Қала тұрғыны Сұлтан Сәбит Facebook парақшасына «Қызылорда қаласының сол жағалауынан салынайын деп жатқан жаңа автовокзалда билетті онлайн алуға мүмкіндік беретін бір бағдарлама орнатсаңыздар немесе билеттерді сататын құрылғы қойсаңыздар» деп ұсынысын жеткізді. Бұған қоса, Бөкейхан көшесінде орналасқан «Салтанат» автовокзалында есепшотсыз қолма-қол ақша төлейміз. Терминал мен кассалық аппарат жоқтығын айтып, жауапты мамандардың жауапсыздығына наразылығын білдірді. Бұл мәселеге қатысты редакция тілшілері ақиқатын анықтады.Бүгінде «Салтанат» автовокзалында 22 жуық қоғамдық көлік бар. Қызылорда облысынан бөлек, Астана, Алматы, Шымкент, Сарыағаш, Түркістан қаласы тіпті Өзбекстан мен Қытай мемлекетіне жолаушыларды тасымалдап отыр. Күнделікті халыққа қызмет етіп отырған мекеме қызылордалық тұрғынның арызынан хабардар екенін жасырмады. Сондай-ақ, кассалық аппараттың бары анықталды.Қала тұрғынының арызын білеміз. Біз халықтың қалауы бойынша жұмыс істеуге тырысып жатырмыз. Қағазға жазылып беретін билетті автоматты түрде компьютермен теріліп, шығаруға жоспарлаудамыз. Бірақ бізде есепшотсыз берілмейді. Билетпен бірге кассалық аппарат арқылы түбіртек беріледі. Ал, ертерек брондағысы келген адамдарға жағдай жасалған. Әлеуметтік желіде кассаның телефондары көрсетілген. Сол арқылы алдын ала брондауға халықтың толықтай мүмкіншілігі бар. 2020 жылы билеттерді сатудың автоматтандырылған жүйесін орнатқымыз келді. Алайда пандемия уақытымен тұспа-тұс келіп, жұмыс жүзеге аспай қалды. Халық қоғамдық көліктерді пайдаланбады. Дегенмен, біз терминалды сатып алдық. Қазір қажетті бағдарламаларды орнатып, терминалды қолданысқа береміз деп жоспарлап отырмыз, - деді автовокзалдың бас кассирі Жанат Иньятова.Азамат АбимолдаФото: Сұлтан Сәбит

Қызылордалық тұрғын автовокзалдың жұмысына наразы

&nbsp;<a href="https://kyzylorda-news.kz/">Kyzylorda-news.kz</a>.&nbsp; Биыл еліміз бойынша бюджет тапшылығы қаупі жоғары. Бүгіннің өзінде бюджетті толтыру бойынша көрсеткіштер көңіл көншітпейді. Бұл туралы Мәжіліс депутаты отырысында депутат, «AMANAT» партиясы фракциясының мүшесі Мархабат Жайымбетов мәлімдеді, деп хабарлайды<a href="https://azattyq-ruhy.kz/economy/66844-asykpai-arbamen-koian-alamyz-dep-zhurgende-dongelekti-zharyp-almaiyk-deputat"> Azattyq Ruhy</a>.Еліміздің биылғы шығыны – 24 трлн теңге. Оның 16,5 трлн теңгесі – табысымыз, 3,6 трлн теңге Ұлттық қордан алынады. 4 трлн теңге құнды қағаздарды шығарудан түскен. Яғни, тапшылық 7,5 трлн теңгені құрап отыр.<blockquote>«Өз кезегінде, уәкілетті органдар «асықпай арбамен қоян аламыз» деп жүргенде, арбамыздың дөңгелегі сына ма деп қатты алаңдаймыз. Сөздің ашығын айтқанда, «бас жарылса бөрік ішінде» деп жүре беретін заман келмеске кеткен. Алдымен квазисектордың таза пайдасын бюджетке беретін уақыт келді. Осы секторға жақсы аналитикалық талдау жасап, дұрыс жолға қойса, қазынамызға &nbsp;ең кемі 3 трлн теңге түсіруге болады. Бұл – бір. Екіншіден, квазисектордың сатып алу жүйесі мен механизмдерінде &nbsp;әлі де ашықтық жоқ. Сондай-ақ Ұлттық компанияларға құны 1,6 миллиард теңге болатын чартерлік рейстер неге қажет?» - деп сұрады Мархабат Жайымбетов.</blockquote>Келесі мәселе – салық жеңілдіктерінің тиімділігін арттыру. Мемлекеттік кірістер Комитетінің деректері бойынша, қолданылған салық жеңілдіктер сомасы 2022 жылы 9,5 трлн теңге болған. Бұл – бюджетке түспеген қаржы.Басты кемшілік – жеңілдіктердің саны мен құрылымы пысықталмаған және жеңілдіктер белгісіз мерзімге ешқандай мақсатты индикаторларсыз енгізілген.<blockquote>«Салық кодексіндегі жеңілдіктердің саны – 485. Бұл дегеніміз, едәуір көп. Біз алдымен 30% қысқартсак, шамамен бюджетке 1,3 трлн теңгеге дейін қаражат түсіруге болады. Мұны тереңірек зерделесек, болашақта 50% жеткізуге болады.</blockquote><blockquote>Расымен, кейбір салықтық жеңілдік тиімділігін көрсетпей жатыр. Кәсіпкерлер жеңілдік алса да, өнімнің бағасын түсірмей отыр. Мысалы, дәрілік заттар мен медициналық бұйымдарды сату және импорттау айналымы қосымша құн салықтан (НДС) босатылған. Бірақ осы салықтан босату дәрілер мен медициналық бұйымдардың бағасының түсуіне әсер етпеген. Осы ретте, мемлекет беретін жеңілдік іс жүзінде импорттаушылар мен сатушылардың коммерциялық мүдделеріне ықпал етеді, ал бюджетке кіріс келтірмей отыр», - деді депутат.</blockquote>Көбіне жеңілдіктердің негізгі алушылары – ірі компаниялар. Ал әлемдік экономика сарапшылар Қазақстандағы салық жеңілдіктері тым жомарт деген баға берген. Дамыған елдерде, салықтық жеңілдіктер инвесторларды тартатын, қызықтыратын аса бір қажетті тармақ болып саналмайды.Сондықтан салықтық жеңілдіктерге толық ревизия жасап, шетелдік тәжірибені зерттеп, алдымен 30%-дан астамын қысқарту, яғни 150-ге жуық түрін шегеру ұсынылды.Фото: parlam.kz

Мархабат Жайымбетов: Квазисектордың таза пайдасын бюджетке беретін уақыт келді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Нұрлыбек Нәлібаевтың төрағалығымен өткен ауыл шаруашылығы құрылымдары өкілдерімен кездесуде вегетация кезеңіндегі болжамды су көлеміне сәйкес егін егу мәселесі талқыланды. Кездесуге ҚР Су ресурстары және ирригация министрі Нұржан Нұржігітов, министрліктің және егіске су үнемдеу технологияларын қолдануда тәжірибесі бар кәсіпорындардың өкілдері, жергілікті атқарушы органдардың, су шаруашылығы ұйымдарының, ауыл шаруашылығы құрылымдарының басшылары қатысты. Аудан әкімдері мен ірі шаруа қожалықтарының төрағалары бейнебайланыс арқылы қосылды.<blockquote>«Аграрлық сала – облыс экономикасының негізгі бағыттарының бірі. Күріш – аймақтың табиғи ерекшелігіне, ауа райы мен топырақ құрамына бейімделген негізгі дақылымыз. Соңғы жылдары Сыр диқандары су тапшылығының кері әсерін сезініп келеді. Былтыр вегетация кезінде егісті сумен қамтамасыз ету күрделі жағдайда өтті. Мемлекет басшысы Қасым-Жомарт Кемелұлы мен Үкіметтің қолдауының арқасында аймақта су тапшылығының алдын-алу шаралары қабылданды. Биыл да Сырдария өзеніндегі судың жағдайына қарап, алдағы вегетация кезеңінде тапшылық болатыны болжануда.Өткен жылы егіс көлемі 4 800 гектарға ұлғайтылып, 193 400 гектар жерге егін егілді, 89 мың гектар күріш егістігінің әр гектарынан 56,5 центнерден өнім алынды. Саланы субсидиялауға 14 млрд. теңге қаржы бөлініп, 224 млрд. теңгенің өнімі өндіріліп, 3,7 пайызға артқан. Ауыл шаруашылығының негізгі қорына 12 млрд. теңге инвестиция салынып, 20 пайызға өсті. Биыл да қолдау шаралары жалғасады», – деді өз сөзінде аймақ басшысы.</blockquote>Облысқа арнайы іссапармен келген ҚР Су ресурстары және ирригация министрі Нұржан Нұржігітов саладағы негізгі мәселелерді атап өтіп, шешу жолдарын ұсынды.<blockquote>«Өткен жылы Мемлекет басшысының тапсырмасымен құрылған Су ресурстары және ирригация министрлігі 6 ай ішінде жаңа "Су кодексінің" жобасын әзірлеп, Парламентке қарауға ұсынды. Бұл құжат 3 мақсатты көздейді, олар - су тапшылығына қарамастан, ел экономикасына пайда әкелу, тұрғындардың күнделікті жағдайын жасау және экологиялық мәселелерді шешу. Министрлік бірнеше бағыт бойынша жұмыс істеуде, ең маңыздысы – суды үнемдеу жолдарын қарастыру. Үкімет су үнемдеу технологияларын енгізетін шаруа қожалықтарын қолдауды ұсынуда. Атап айтқанда, тамшылатып және жаңбырлатып суаруды енгізсе, субсидия 50%-ға дейін, ұңғыма қазса 80%-ға дейін ұлғайтылды. Қазір су үнемдеу – аса маңызды мәселе», - деді Нұржан Молдиярұлы.</blockquote>Жиында «Арал-Сырдария» бассейндік инспекциясының басшысы Қайратбек Сәрсенбаев, облыстық ауыл шаруашылығы және жер қатынастары басқармасының басшысы Талғат Дүйсебаев, «Қазсушар» кәсіпорны Қызылорда филиалының директоры Роллан Ахметов, Ы.Жақаев атындағы Қазақ күріш шаруашылығы ғылыми-зерттеу институтының басқарма төрағасы Сұлтанбек Тәуіпбаев, Қазақ су шаруашылығы ғылыми зерттеу институты басқарма төрағасының орынбасары Нұрлан Балғабаев, Қазақстанның Еңбек Ері, «Таң ЛТД» серіктестігінің басшысы Имамзада Шағыртаев, «Soil Solution» ЖШС директоры Раушан Нұралы, «OMAD Start» компаниясының құрылтайшысы Шахобиддин Каромов, «BNK Group» компаниясының құрылтайшысы Ниязәли Бейсенбаев баяндама жасап, су ресурстарын тиімді пайдалану бағытындағы тәжірибелерін бөлісті.Айта кетейік, күні кеше Қызылордада Парламент Сенатының аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаев бастаған депутаттар, Су ресурстары және ирригация бірінші вице-министрі Болат Бекнияз, Ауыл шаруашылығы вице-министрі Бағлан Бекбауов, шаруашылық құрылымдары мен су шаруашылығы мамандарының қатысуымен жаңа «Су кодексі» бойынша көшпелі отырыс өтті.<img src="https://knadmin.beoblood.kz/uploads/420192059_701320705522510_3433349798550570939_n_a42aa6d50b.jpg" alt="420192059_701320705522510_3433349798550570939_n.jpg"><img src="https://knadmin.beoblood.kz/uploads/417524578_701320742189173_887920084481292264_n_9f5ed581a7.jpg" alt="417524578_701320742189173_887920084481292264_n.jpg">

Нұрлыбек Нәлібаев: Аймақта су тапшылығының алдын-алу шаралары қабылданды

<a href="https://kyzylorda-news.kz/">Kyzylorda-news.kz</a>&nbsp; Аудан әкімі Ардақ Ибраимовтың төрағалығымен сыбайлас жемқорлыққа қарсы іс-қимыл жөніндегі комиссия отырысы өтті.Комиссия отырысында Жалағаш ауданының ауыл шаруашылығы мен жер қатынастары бөлімі қызметінде сыбайлас жемқорлық тәуекелдерінің алдын-алуда атқарылып жатқан жұмыстар туралы және М.Шәменов, Жаңадария ауылдық округтері бойынша сыбайлас жемқорлық сипатындағы құқық бұзушылықтардың алдын алу бағытында атқарған жұмыстары туралы мәселелер тыңдалды.«Сыбайлас жемқорлық сипатындағы құқық бұзушылықтарды болдырмау, олардың жолын кесу әрқайсыларыңыздың күнделікті жұмыстағы тікелей міндеттеріңіз және азаматтық борыштарыңыз.Бұл мәселе облыс әкімінің де тікелей бақылауында тұрғанын назарларыңызға жеткіземін. Сондықтан, бағынысты мекемеде қызметкерлер арасында сыбайлас жемқорлықтың алдын алу, оларды болдырмау бағытындағы жұмыстарды қатаң бақылауға алуды тапсырамын»,- деді аудан әкімі Ардақ Ибраимов.Сонымен қатар, күн тәртібінде қаралған мәселеге байланысты сала байынша жауапты аудан әкімінің орынбасарларына тиісті тапсырмалар жүктеліп, Қазақстан Республикасының 2022 – 2026 жылдарға арналған сыбайлас жемқорлыққа қарсы саясат тұжырымдамасында көзделген шаралардың уақтылы әрі сапалы орындалуына аса мән беру қажеттігі ескертілді.Фото: Жалағаш ауданының әкімдігі

Жалағаш ауданында сыбайлас жемқорлыққа қарсы комиссия отырысы өтті

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Ақмарал Әлназарова өзінің әлеуметтік желіде жариялаған суреттеріндегі Dolce &amp; Gabbana брендінің көйлегі мен қымбат сөмкелеріне қанша ақша жұмсағаны туралы сұраққа жауап берді. Бұл туралы <a href="https://stan.kz/densaulik-saktau-ministri-kimbat-brendtin-kiimderi-men-396161/">Stan.kz</a> ақпарат агенттігі хабарлайды.&nbsp;Журналистер министрден ондай қымбат брендтерден киіну үшін қанша жалақы алу керек екенін сұрады.<blockquote>"Брендтердің жанкүйерімін деп айта алмаймын. Менің үлкен гардеробым жоқ. Фотодағы сөмке қарапайым қыздардың да қалтасы көтеретін сөмке, бағасы 250 мың теңге. Ал көйлекті өзімнің мерейтойыма еңбек демалысымда алған ақшаға сатып алдым. Құны есімде жоқ, 800-900 мың теңгенің арасында", – деді Әлназарова.</blockquote>Министр өзінің жаңа қызметтегі жалақысы туралы сұраққа да жауап берді.<blockquote>"Мен әлі жалақы алған жоқпын, бірақ көп болады деп ойламаймын", – деді министр.</blockquote>Фото: Министрдің facebook парақшасынан алынды&nbsp;

Денсаулық сақтау министрі қымбат брендтің киімдері мен сөмкесін қандай ақшаға алғанын айтты

<a href="https://kyzylorda-news.kz/">Kyzylorda-news.kz</a>. Мәжіліс кейбір заңнамалық актілеріне оларды Конституция нормаларына сәйкес келтіру мәселелері бойынша заң жобасын бірінші оқылымда мақұлдады. Заң жобасының нормалары мемлекеттік қызмет саласындағы заңнаманы қамтиды, деп хабарлайды <a href="https://sputnik.kz/20240228/zhumystan-bosatylgan-memlekettik-qyzmetkerlerge-tagy-bir-mumkindik-berilmek-42550316.html">Sputnik</a>.Конституциялық Сот "Қазақстан Республикасының мемлекеттік қызметі туралы" заңының мемлекеттік қызметтің беделіне нұқсан келтіретін тәртіптік теріс қылық жасағаны үшін қызметтен босатылған азаматтардың мемлекеттік қызметке кіруіне шексіз тыйым салуды белгілеу бөлігін Конституцияға сәйкес емес деп таныды.Бұл орайда Конституциялық Сот заңда мемлекеттік қызмет пен мемлекеттік басқару мүдделеріне қарсы құқық бұзушылықтар үшін тәртіптік, әкімшілік және қылмыстық жауапкершілік шараларынан туындайтын құқықтық шектеулердің сай келмейтінін атап көрсеткен.Бұл ретте Конституциялық Сот кәсіби жарамсыздығына байланысты атқаратын лауазымына сәйкес келмейді деген теріс себеппен өкілеттігін тоқтатқан судья өзге де салаларда, соның ішінде мемлекеттік қызметте еңбек ету бостандығына конституциялық құқығын іске асыра алады деп есептейді.Фото: Нұрболат Нұржаубай

Қазақстан және Қызылорда облысының жаңалықтары