Kyzylorda-news.kz. &nbsp;Қазіргі таңда жастардың дені кәсіпке бет бұрды. Мемлекет тарапынан берілетін қолдауды пайдаланып, өз ісің дөңгелетіп жатқаны қуантады. Өзгеше кәсіпті қолға алған кәсіпкер 24 жаста.&nbsp;Өңірде есігін айқара ашқан шағын зауыттың негізгі құрылтайшысы – қызылордалық 24 жастағы кәсіпкер Айдос Амангелдиев. &nbsp;Жаңа зауыттың өндірістік қуаты жылына 5 мың тоннадан асады, алда 10-ға жуық жаңа жұмыс орындары ашылады деп күтілуде. &nbsp;Бұл туралы Қызылорда облысының кәсіпкерлік және өнеркәсіп басқармасы хабарлады.Аталған зауытта құрылысқа қажетті су-эмульсиялы, лак-бояу өнімдері шығарылатын болады. Өндіріс технологиясын және зауыттың халықаралық сапа стандартын ескере отырып, өнімге қажетті шикізат Алматыдан сатып алынады.<blockquote>– Бұл жобаны мемлекеттік бағдарлама аясында жүзеге асырдым. «2021-2025 жылдарға арналған кәсіпкерлікті дамыту жөніндегі Ұлттық жобасы» арқылы 5 млн теңге көлемінде қайтарымсыз грант ұтып алдым. Алматы қаласынан арнайы қондырғы мен жабдығын алып, ғимарат жалдау арқылы шағын цех аштық. Эмульсияға қажетті шикізат пен түрлі қоспаны да Алматыдан алдырамыз. Әзірге эмульсияның 3 түрін дайындаймыз, – дейді жеке кәсіпкер.&nbsp;</blockquote>&nbsp;

Қызылордада су-эмульсиялы бояу өндірісі іске қосылды   

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Кез келген елдің экономикасын дамытатын сол елдің төл өнімі екені белгілі. Бірақ алдымен өндірілген өнім сол шығарған елдің талабын қанағаттандырып, толық қамтамасыз етіп қана қоймай, өзге елдерге шығарылып пайда әкелсе ғана өндірісті дамытады. Мемлекет басшысы былтырғы Жолдауында осы мәселені көтеріп, елде өндіріс саласы кенжелеп тұрғанын айтқан-ды. Соңғы жылдары аймағымызда үлкен кәсіпорындар ашылып, елдің дамуына оң өзгерістер енуде. Ауданда карьер қазу қызметімен айналысатын «АНК Дәулет» ЖШС бүгінде өңдеу саласына жаңа бетбұрыс жасап отыр. Бұл туралы серіктестіктің директоры Дәулет Қанатбайұлымен сұқбаттасқан едік.&nbsp;– Алдымен әңгімеміздің тінін «АНК Дәулет» жауапкершілігі шектеулі серіктестіктің жұмысы жайында елге қысқаша таныстырып тарқатсақ.– Серіктік ең бірінші әкем Қанатбай Нұрмаханұлының бастамасымен акционерлік қоғамы болып ашылды. Кейін жауапкершілігі шектеулі серіктестік болып құрылып, жұмысын кеңейтті. Мұнда алпысқа жуық жұмысшы бар. Мекеме ауданнан он екі шақырым қашықтықта орналасқан Ордазы деген жерде карьер қазумен айналысады. Ол жердегі топырақ, қиыршық тастарды өзіміздің өнеркәсіптік базамызға тасымалдап, арнайы жабдықтармен үш-төрт түрге бөлшектейміз. Бұл құмдар құрылысқа арналғандықтан көрші аудандарға сұраныс бойынша вагондармен жіберіп отырамыз. Мәселен, Арал, Қазалы аудандарындағы темір бетон зауытына осы бөлшектелген топырақтар жеткізілуде. Одан бөлек облыс, тағы да басқа аймақтарға тапсырыс бойынша жіберудеміз.– Енді өзіңіз әке жолын жалғастырып жатырсыз. Қаншалықты қиыншылығы бар?– Жалпы АНК Дәулеттің жұмысы маған бала кезден таныс. Әкемнің қасында көп жүріп, жұмыстың қыр-сырын үйрендім. Кейін қалаға оқуға түсіп, «Заңгер» мамандығын меңгеріп, еңбек жолымды осы мекемеден бастадым. Қазіргі таңда серіктестіктің директорлық қызметіндемін. Қиыншылық кез келген жұмыста болып тұрады. Бірақ оған төзімділікпен, сабырлықпен қарау керек. Әкемнен алған тәжірибемнің арқасында мекеменің жұмысын тоқтатпай жүргізіп келеміз. Шүкір, жылдан-жылға ілгерілеушілік бар. Елдегі басқа қалалармен тығыз байланыстамыз. Түркістан облысы, Созақ ауданына бөлшектелген құмдарымызды арнайы бір тонналық қаппен жеткізіп отырмыз.&nbsp;– Енді жақсы жаңалыққа көшсек. Бұйырса кәсіпорын биыл жаңа жобаны іске асыруды жоспарлап отыр. Нақтысын айтқанда ауданда газоблок шығаратын өндіріс ашылмақ. Осыны кеңінен тарқатсаңыз.– Қазір елімізде көптеген оң өзгерістер орын алуда. Әсіресе өндіріс ошақтары салынып, экономикамыз өркендеп жатыр. Біз де шикізаттан өнім шығару бағыты бойынша бөлшектелген құрылыс құмнан ауданда газоблок шығаратын шағын зауыт ашуды жоспарлап отырмыз. Бұйырса биыл іске қосылады. Он адамды жұмыспен қамтитын боламыз. Жобаның жалпы құны 200 млн теңге. Оның ішінде «Микробизнес-Қызылорда» бағдарламасы шеңберінде 60 млн теңгеге несиелендірілді. Газоблок өнімі кез келген құрылысқа жарайды, яғни үй, құрылыс нысандарын, цех салуға бірден-бір таптырмас құрал. Жобамыз іске асып, өнім шығып жатса бірінші жергілікті тұрғындарға қол жетімді бағада сатылатын болады. Өйткені құм өзімізден шығып жатыр, оған қосылатын қоспаларды соның ішінде цементті Шиеліден алдыратын боламыз. Жалпы байқасаңыз, Қармақшының топырағы ерекше әрі сапалы. Сонымен қатар мемлекеттік стандартқа сәйкес. Карьерден қазылған құмдарды түріне қарай пайдалануға болады. Мәселен, асфальт жолдың астына жаюға, бетон құюға, тағы басқа да құрылыс жұмыстарына пайдалануға жарайды. Зауыттағы құрылғыларды Ресейден алдырттық. Арнайы маманы келіп құрастыруда. Бұйырса бәрі автоматтандырылған, технологиялық процес бойынша өнім өндірілетін болды.– Не себепті кәсіптің бұл түрін таңдадыңыз?– Көп жағдайда бізге құрылыс заттары сырттан келеді. Мәселен, батыс аймақтан құрылысқа қажетті ракушка тасы аймағымызға жеткізілуде. Біріншіден, ол теңіз астынан өндіріледі, сол себепті ылғалды бойына жинайды. Екіншіден, оның келуі, жеткізілуі үлкен қаражатты қажет етеді. Ал енді газоблок ол өз жерімізден шығады. Шикі заты дайын. Одан үй салған жағдайда жылуды бойынан өткізбейді. Сонымен қатар көлемді әрі өнімді келеді. Артық шығынды да қажет етпейді. Жалпы ауданды дамыту ісінде алға қойған жоспар көп. Өндіріс бар жерде өріс кеңейетіні сөзсіз ғой, бұйырса кезең кезеңімен жүзеге асатын болады.– Мекеме бұған дейін де өнім шығарумен айналысты. Қандай өнім түрлерін елге ұсындыңыздар?– Елдегі шикі затты пайдалана отырып брусчатка, көшеге қойылатын жиек тастарды өндірдік. Одан бөлек сплитерлік блоктар шығардық. Ол қазіргі таңда құрылыста сұранысқа қажет дүниенің бірі болғандықтан қолға алдық. Бұл өнімнің барлығы жеріміздегі құмдардың зерттеліп, сапа жағынан жоғары баға алуымен жүзеге асырылып жатыр. Алдағы уақытта газоблок өндірісі де жергілікті өнім ретінде «Қармақшыда жасалған» деген брэнтпен шығатын болады.– Сіз қазіргі таңда аудандық мәслихат депутатысыз. Былтыр жыл қорытындысында «Үздік депутат» атандыңыз. Осы ел мүддесін ойлаудағы жұмысты қатар алып жүру қиындық тудырмайма?– Жалпы бұл депутаттық жолды бекер таңдап келгенім жоқ. Елге кішкене де болса пайдам тисін деген мақсатпен сайландым. Сайлауалды бағдарламамның ішінде жұмыссыздық мәселесін азайту туралы қамтылған. Сол бойынша жұмыссыз жүрген жастарды ертеңгі іске қосылар зауытымызға тартудамыз. Аудан тұрғындарымен кездескенде де олардың пікірін, ойын тыңдаймыз. Мәселен, №250 мектеп-лицейі жанындағы саябаққа балалар ойын алаңын салып беру туралы тұрғындардан ұсыныс түскен болатын. Соны қолға алып, өз қаражатымнан ойын алаңын салып бердім. Депутат болғаннан кейін ел ісіне араласу міндетіміз. Әр сессия сайын ауданға қатысты мәселелерді талқылап, оң бағытқа қарай жұмыс істеудеміз.– Уақыт бөліп сұқбаттасқаныңызға рақмет.

Дәулет Қанатбайұлы: Кәсіпке бала күннен бейім болдым 

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қазақта «Еңбегіне қарай өнбегі» деген тәмсіл бары сөзсіз. Қазіргі уақытта жерден ризық-несібесін терген шаруалар еңселі еңбек етумен дараланып келеді. Бұл ретте, аудан жастары бастап егін егуге ерекше машықтанған. Ерте көктемде бақшалық&nbsp; жерді дайындап, алажаздай егін еккен жастар диқаншылық кәсіптің қыр-сырына қаныққан. Сырдария ауданының көлемінде бірнеше жастар бригадасы құрылып, жұмыс жасап келе жатыр.Шын мәнінде, ауданымызда жастар арасындағы жұмыссыздық деңгейін төмендету мақсатында және оларды жұмыспен қамту бағытында өткен жылы аудандық жастар ресурстық орталығының бастамасымен ауданға қарасты бірнеше ауылдан жастар бригадасы ашылған болатын. Былтыр Шіркейлі, Айдарлы, Асқар Тоқмағамбетов, Аманкелді, Бесарық, Жетікөл ауылының жастары егін егіп, бақша өнімдерін күтіп, баптаған еді. Аталған жастар бригадаларына 200-ге жуық жас тартылған еді. Оларға 60 гектар жер беріліп, картоп пен бақша дақылдары орналастырылған екен.<blockquote>– &nbsp;Елімізде жұмыссыздық деңгейі жастар арасында өзекті мәселеге айналып жатқаны сөзсіз. Ауданымыздың еңбек нарығында жастарды еңбекке тарту, жастардың жұмыссыздық деңгейін төмендету мақсатында түрлі бағытта жұмыстар жүргізіліп келеді. Соның бір дәлелі – ауданымызда жастар бригадасының құрылуы болып табылады. Ауыл жастарының егін егуге деген құлшынысы жоғары. Маусым соңында мол өнім алуға үмітті. Бір жағынан NЕЕТ санатындағы және пробация есебінде тұратын жастардың жұмыспен қамтылуы – маңызды рөл ойнайды. Өткен жылы ҚР Парламенті Сенатының депутаты Руслан Рүстемов және ҚР Парламент Мәжілісінің депутаттары Мархабат Жайымбетов, Мұрат Ергешбаев, аудан әкімі Берік Сәрменбаев жастар бригадасының егін егу барысымен танысып, жоғары бағаларын берді, – деді Айдарлы ауылдық округі әкімі аппаратының жастар ісі жөніндегі маманы Өмірзақ Есболатов.</blockquote>Айта кетейік жастар бригадасы елдегі ағайынның ризық-несібесін теріп келеді. Өз кезегінде Айдарлық белсенді жас аталған бастамаға байланысты өз пікірін білдірді.&nbsp; &nbsp;<blockquote>– Ауыл жастарының басын бір арнаға тоғыстырған бригаданың қызметі өз алдына үйлестіріп келеміз. Елді мекендегі әрбір жастың егін егуге, еңбек етуге өз мүмкіндігі бар. Ата-бабамыздан келе жатқан бақша егу кәсібін жандыру – күн тәртібінен түспейді. Алдағы уақытта әлеуметтік маңызы бар азық-түлік өнімдерін халыққа ұсынуға дайынбыз. Маусым соңында егінді бітік жинап, аудан қамбасын астыққа толтыру ойда бар. Әрине, жасалған істің еш кетпегені жақсы, – деді Дархан Әзімханов.</blockquote>

Айдарлылық жастар «Жастар бригадасына» серпін беруде

<a href="https://kyzylorda-news.kz/">Kyzylorda-news.kz.</a> Кәсіпкерлік саласы мен ауыл шаруашылығы саласы етене жақын. Қазіргі күні ауыл шаруашылығын дамыту бағытындағы кәсіп түрлеріне деген халықтың қызығушылығы жоғары. Ондай кәсіп түрлері мемлекет тарапына да қолдауға ие. Ауданда жылыжай шаруашылығы дамып келеді. Саралап қарасақ, бұл шаруашылық өміршең кәсіп түрі ретінде айы оңынан туып тұр. Ал біздің өңір тұрғындарының жылыжай шаруашылығын дамытуы көңілге қуаныш ұялатады. Біз тап осы жылыжай туралы бекер сөз қозғап отырған жоқпыз. Себебі Сексеуіл кентінің тұрғыны Ахметжан Боханов кенттен жылыжай құрылысын бастады.&nbsp;Ауыл шаруашылығы өнімдерін өндіру өз кезегінде азық-түлік бағасының тұрақтауына әкеліп соғады. Бұл импортқа тәуелділікті азайтады. Облыс әкімі Н.Нәлібаев та &nbsp;азық-түлікпен өз-өзімізді қамтамасыз етуіміз керектігін айтып, саланы дамытуды әркез назарға алып отырады. &nbsp;Осы ретте Сексеуіл кентінің тұрғыны, жеке кәсіпкер Ахметжан Боханов 240 шаршы метрді құрайтын жылыжайдың құрылыс жұмыстарын бастап кетті.&nbsp;Жылыжай салуды бұрыннан жоспарлап жүрдім. Оны жан-жақты зерттеп көрдім. Ақырында таптырмас табыс көзі екендігіне көзім жетті. Сосын өзімнің кәсібіме неге айналдырмасқа деген ой келді. «Атамекен» кәсіпкерлер палатасында оқу курсынан өтіп, сертификат алдым. Бизнес жоспар дайындадым. Осылай биылғы жылдың басында қайтарымсыз гранттық қаражат алуға өз жобамды ұсындым. Сәтін салып жылыжай саламын деген арманымды жүзеге асыру үшін маған мүмкіндік туып, грант жеңіп алдым, – дейді кәсіпкер. &nbsp;Қазіргі таңда өз ауласынан жылыжай құрылысын салып біткен. Енді өнім өсіруге дайындық жұмыстары басталып кеткендігін айтқан кәсіпкер негізінен жылыжайдың негізгі бағыты – көкөніс өсіру екендігін айтты. Соның ішінде голландиялық қияр тұқымының Авелла F1, Лоджейн F1, Северин және Туми F1 сорттарын егу.Бұл – біздің ең алғашқы бастамамыз. Егер сәтін салып оң нәтижеге қол жеткізіп жатсам, тағы да басқа өнім түрлерін өсіріп көрмекпін. Жылыжай құрылысын аса ыждағаттылықпен жасадық. Барынша қателік жібермеуге тырыстық. Біздің өңірдің табиғаты бау-бақшаға қолайсыз болса да жылыжай жер талғамайтын кәсіп түрі болған соң мұнда қыс, жаз демей өнім алуға мүмкіндік бар, – дейді Ахметжан.Кәсіпкерлікке ден қойып, жылыжай ісін қолға алған кәсіпкер жары Қарлығаш екеуі көпбалалы отбасы. Жылыжай жұмысының тасы өрге домалап, өнім молайса, бес баланың ырзық-несібесі арта түспек.&nbsp;Бұған дейін отбасын бағу үшін әртүрлі жұмыстар істеп, нәпақа тауып жүрдік. Ал енді қазір өзім кәсіпкерге айналдым. Бір түсінгенім, қазір еңбек етемін деген адамға қай жерде де несібе бұйырады екен. Мемлекеттің осындай қолдауы болғаны үшін қуаныштымын,– дейді ол.&nbsp;Расында қазір аудан халқының көбі кәсіпкерлікке ден қойып, өз қызығушылықтарынан туған дүниелерді кәсібіне айналдыруда. Сол арқылы халық қажетін өтеп, өздері де тәуір табыс тауып отыр. Ахметжан Бохановтың да жылыжайы жемісті болса қияр сортын сырттан тасымай, Сексеуілдің қиярын тұтынатын боламыз.Фото: Pixabay com

Сексеуілде көпбалалы отбасы жылыжай ісін қолға алды

<a href="https://kyzylorda-news.kz/">Kyzylorda-news.kz.</a> Шыдамдылық, қайсарлық, өжеттілік, еңбекқорлық пен сабырлылық. Әсілінде кәсіп бастаған адамға керек қасиет. Кәсіп демекші, біз қазір нағыз кәсіпкер мен алыпсатардың ара-жігін ажыратпай, бәріне бірдей қоғамнан кәсіпкер деген ат бергенбіз. Ал шынтуайтына келгенде, өз өнімін шығарып, оны табыс көзіне айналдырып отырған адам ғана кәсіпкер деген мәртебелі атқа лайықты емес пе?! Біз бүгінгі мақалаға арқау ететін кейіпкер де сан кәсіптің шашауын шығармай бір арнаға тоғыстырып жүрген нағыз іскер азамат. Кейіпкеріміз Жансерік Нысанбаев қарапайым құрылысшы болудан бастап, өнеркәсіп иесіне дейінгі кәсіпкерлік жолын бізге былайша баяндап берді.Нысанбаев Жансерік Темірбайұлы 1982 жылы Арал қаласында қарапайым отбасында өмірге келген. Әкесі Темірбай Нысанбаев ағаш ұстасы болған. Ал анасы Ләмпасия Қаныбетова 33 жыл табан аудармай аудандық аурухананың тері аурулары бөлімшесінде тазалықшы қызметін атқарып, бүгінде зейнетке шыққан. Жансерік отбасындағы 3 баланың тұңғышы. Сондықтан да болар, ол ата-анаға қолғабыс жасап, еңбекке ерте араласты. Тұрмыстағы тауқыметті түйсініп өсті.<blockquote>– 1989 жылы қаладағы №62 мектептің алғаш табалдырығын аттап, 1999 жылы бітіріп шықтым. Енді менің алдымда жоғары оқу орнын оқып, бір мамандықты игеру керек деген мақсат тұрды. Негізі құрылыс, дизайн саласына қатты қызығатынмын. Мектеп қабырғасында оқып жүргенде ол кезде қабырға газеті деген болады. Сондай жұмыстарды асқан құлшыныспен жасайтынмын. Бірақ өкіншіке орай, мен құжат қабылдаудан кеш қалып, ол мамандыққа түсе алмадым. Сонан соң Қызылорда қаласындағы Заң колледжіне оқуға түстім. Оқуды бітірген соң мамандығым бойынша жұмысқа орналасу қиын болды. Әрі жоғары оқу орнын оқу қажеттігі туды. Осылайша Ақтөбе қаласындағы Қ.Жұбанов атындағы университеттің сырттай бөліміне мамандығым бойынша оқуға түстім. Бұл шақта мен Ақтөбеге барып тұрақтап, сонда әр түрлі жұмыстар істедім. Сырттай бөлімде оқйтын болған соң оқу ақысын ата-анама салмақ салмай, өзім табайын деген ой болды. Ең бірінші қаладағы жиһаз сататын дүкенге жиһаз құрастырушы болып жұмысқа орналастым, – деп бастады Жансерік әңгімесін.</blockquote>Осында жүріп ол жиһаздардың құрастырылу технологиясын толық меңгеріп алады. Енді "неге осы дүниені шетелден тасымай, өзіміз жасап көрмеске" деген ой түйеді. Ол үшін ұсталық таныс дүние, әкесі Темірбай да, атасы Нысанбай да ұста кісі болған. Нағашылар жағы да бұл өнерден кенде емес. Қанында бар қасиет. Осылайша, ол Ақтөбеде жүрген аралдық жігіттердің басын біріктіріп, шағын жиһаз цехын ашады. Бұл 2003 жылдар болатын. Өз өнімдерін дүкендерге сатып, бұл тәуір табыс әкеле бастайды. Сол шақтарда қазір біздің тұрмысымызға сіңіп кеткен «еврожөндеудің» енді басталып келе жатқан шағы болатын. Жансерік бұл істі де толық зерттеп жүріп меңгеріп алады. Еңбекққор жан енді жиһаз жасаумен қатар, үйлерге құрылыс жұмыстарын жүргізіп, заманауи өң беретін құрылысшыға айналады.<blockquote>– Аралдық таныс жігіттердің басын біріктіріп, тәуекелге бел буып құрылысшылықты қолға алдық. Бұл шақ нағыз құрылысшының түкірігі жерге түспей тұрған кез еді. Біз білмейтін түрлі құрылыс материалдары шығып жатты. Бұл жұмыстардың бәрінде жұмыс берушімен келісім жасап, құрылысқа қажетті материалдарды есептеу – барлық жұмыстар менің мойнымда болды. Осылай Ақтөбе қаласы менің өмірімдегі тәжірибе алаңы болды. Көп нәрсені көрдім, үйрендім, білдім. 2007 жылы отбасылық жағдайыма байланысты Аралға қайта қоныс аудардым. Бұл кезде қос дипломым болса да жұмыстың реті болмады. Бірақ құр қарап жатуға тағы болмайды. Сонан соң үй ауласында шағын жаздық сарайымыз бар еді. Соның ішінде отырып ағаштан түрлі тұрмысқа қажетті заттар жасай бастадым. Орындық, үстел, гүл, теледидар қоюға арналған бұйымдар жасадым. Оларды ағайындарыма, көршілеріме сыйға бердім. Біз, қазақ өзі төрінен қонақ үзілмейтін халықпыз ғой. Олардың үйіне келген адамдар қызығушылық танытып, қайдан келген дүние екенін сұрайды ғой. Олар мені нұсқайды. Осылай біртіндеп тапсырыстар келе бастады. Ақыр аяғы тапсырыс молайып, қасыма көмекші жігіттер алдым. Ол шақта менде ағашты кесуге арналған құралдар болған жоқ. Ақтөбеден кестіріп алып келетінмін. Табысымды жиыстырып ең бірінші станок алдым. Енді кішкентай сарай тарлық етті. 2009 жылы ресми түрде кәсіпкер ретінде тіркеліп, орталықтан жалға ғимарат алып, өз кәсібімді дамыта бастадым. Тұрғындардан, мекемеден жиһаздарға тапсырыс та түсе бастады. Бұл жеке ғимараттың болуы керектігінен хабар берді. Осыдан соң кәсіпкерлік мақсатта жер алып, 2012 жылы өзімнің «Арал жиһаз» деп аталатын цехымды аштым, – деген Жансерік туған жердегі алғашқы табысты жылдары туралы айтты.</blockquote>Ол қай кезде де бір іспен тоқтап қалған жан емес. Жаңа дүниеге әркез құштар. Ілімін алып, ізін қуып меңгергенше тыным таппайды. Жиһаз жасаумен қатар құрылысшылық қызметін де ұмытпай қатар ала жүреді. Мұның аралығында да түрлі кәсіпте өзін сынақтан өткізген. Бірақ тағы бір жаңа дүние жасау керек. Осы оймен ол ұзақ жүрді. Ең алдымен өзіне "аралдықтардың басты тіршілік көзі не?" деген сауалды қойды. Әрине, балықшылық. Ал балықшыға керегі – қауіпсіз қайық.<blockquote>– Сол жылдары балықшылар арасында қайғылы жағдай көп болды. Жас жігіттер суға кетіп жатты. Сосын ойлана келе жайлы, жақсы, қауіпсіз моторлы қайық жасау керек деген ой түйдім. Ол кезде астымда джип маркалы соңғы үлгідегі темір тұлпарым болды. Соны сатып, шетелден қайық жасауға қажетті материалдарды алдырдым. Қазір ақпараттық заман ғой. Ғаламтордан қарап, жасалу техникасын үйрендім. Бірінші жасаған қайық сынақтан өтпеді. Сынбадым. Тағы жасап көрдім. Ол да жарамсыз деп танылды. Мұнан соң да тәуекелге бел будым. Енді тыңғылықты зерттеп, тағы құрастырып шықтық. Ер кезегі үшке дейін деген рас екен. Бұл сәтті шыққан дүние болды. Бұған дейін бір көліктің ақшасын желге ұшқандай жоқ қылсам да, ақырында діттеген мақсатыма жеткеніме қуандым, – дейді ол.</blockquote>Жансерік ең бірінші сапаға мән беретін жан. Ал қайықтардың бағасы нарықтағы өзге өнеркәсіптегі қайықтар бағасынан әлдеқайда төмен. Сондықтан қазірде тапсырысы көп. Ол жасаған қайықтар Каспий теңізі мен Балхаш, Алакөлде жүзіп жүр.<blockquote>– Айына 5-6 қайық шығарып отырмыз. Бәрі тапсырыспен жасалады. Одан артыққа үлгермейміз. Көбіне тапсырыстар сырт қалалардағы балықшы қауымнан түсіп жатады. Тапсырыстың дұрыс жетуіне де жауаптымыз. Менің бір түсінгенім, өндіріс өлтірмейді. Қазақ өзі "тәуекел түбі жел қайық, өтесің де кетесің" демей ме? Біз жаңаны меңгеруге дағдылануымыз керек. Аралда жиһаз жасауды кәсібіне айналдырып отырған жігіттер бар. Оларға көмек керек болса, әркез қолдан келген көмегімді аямаймын. Ал қайық жасауды әлі ешкім қолға алған жоқ. Тіпті Қазақстанның өзінде саусақпен санарлық өндіріс орындары бар. Сондықтан болар, бәсекелестік аз ортада тез табысқа кенелуге де мүмкіншілік жоғары, – дейді кәсіпкер.</blockquote>Қазір өндіріс толық қуаттылықпен жұмыс жасап тұр. Кәсіпкердің басты мақсаты – бағаны тұрақтандыру. Ол бір айда бір қайық жасап, оны қымбат бағаға саудалағаннан гөрі арзан бағада ай ішінде алты қайықты саудаға салып, қарқынды жұмыс жасағанды жөн деп санайды. 8 адамды тұрақты жұмыспен қамтып отыр. Айлық жалақылары атқаратын қызметіне қарай 150 мың мен 200 мыңның аралығында.<blockquote>– Алла сәтін салса, биыл құрылыс материалдарын шығаратын цехты іске қосқалы отырмын. Бүгінде кәсіп ашам деген жанға мемлекеттен қолдау көп қой. «Атамекен» кәсіпкерлер палатасы арқылы «Даму» қорынан алты пайыздық мөлшерлемемен несие алып, аталған цехты бастауға қажетті құрылғыларға тапсырыс беріп қойдым. Енді Аралдан құрылыс материалдары шығатын күннің де ауылы алыс емес, – деді Жансерік Темірбайұлы.</blockquote>Еңбек түбі – береке. Ол қазір қоғамда кәсіптен береке тапқан, жаңа істі қолға алып, табысқа жеткен азамат болумен қатар зайыбы Жанармен берекелі отбасылық бақытқа кенеліп, төрт баланы тәрбиелеп отырған үлгілі әке.<blockquote>– Балаларымды адал еңбекке баулудамын. Кісі ақысын жемей, табанды еңбек етуді біз әкемізден үйрендік. Анамыздың ақ сүтімен бойға сіңірдік. Солардан көрген үлгі-өнегемізді өз балаларымызға да сіңіріп жүрміз. "Ағаш жапырағымен, адам ұрпағымен көрікті" дейді. Біздің істеген әрбір ісіміз сол балаларға үлгі болса екен, – деген кәсіпкер Жансерік Темірбайұлы отбасылық құндылықты да жоғары қастерлейтіндігін тілге тиек етті.</blockquote>Ол бала кезден еңбекқор болып ержетіп, жиһаз жасауды, құрылыс жұмыстарын істеуді меңгерді. Ал қазір қайық жасаудың шеберіне айналды. Енді құрылыс материалдарын шығаратын цехты іске қоспақ. Бұл төрт адамның ойынан табылатын ерекше қабілеттің бәрі бір ғана жанның бойына дарыған. Бір кездегі заңгерлік мамандығы да тасада қалып жатқан жоқ. Өнеркәсіптің заңгерлік құжатнамасын жүргізуде де өзінің алған білімі пайдасын беруде. Жансерік еңбектен нәпақа табумен қатар, халық қажетін өтеп отыр.

Аралдық жас кәсіпкер жасаған қайыққа сұраныс жоғары

<a href="https://kyzylorda-news.kz/">Kyzylorda-news.kz</a>. Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев жұмыс сапарымен Қазалы ауданына барды.Қазалы ауданының әкімі Мейрамбек Шермағанбеттің төрағалығымен аудандағы жұмыспен қамту және әлеуметтік қорғау саласындағы мәселелер бойынша мәжіліс өтті.Мәжілісте Ғабит Жаңабаев халықтың жұмыспен, әлеуметтік көмекпен қамтылуы, мүгедектігі бар адамдарды әлеуметтік қолдау бойынша көрсеткіштердің орындалу барысына тоқталды.Мейрамбек Зинабдинұлы жиын барасында бірқатар ауылдық округтердің «Алғашқы жұмыс орны» жобасы, жастарға берілетін 2,5 пайыздық несие, түрлі жобалар үшін мемлекет тарапынан берілетін грант мүмкіндіктерін пайдаланбай, белгіленген көрсеткіштерді мүлде орындамаған округ әкімдеріне қатаң ескерту берді. Сонымен қатар аудандық «Мансап» орталығының директоры Болатбек Баймахановқа кент, қала және ауыл әкімдерімен бірлесе отыра жастардың өз кәсіптерін бастау үшін 2,5 пайызбен жеңілдетілген шағын несие туралы түсіндірме жұмыстарын жүргізуді тапсырды.Жиын соңында аудан әкімі 2024 жылға арналған индикаторларының бекітілген жоспарын өз деңгейінде орындап, мемлекет тарапынан берілген қолдауды тиімді пайдаланып, тұрғындарды, әсіресе, жастарды жұмыспен қамту мәселесін басты назарда ұстау қажеттігін ескертті.Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев ауданға жасаған жұмыс сапары барысында Мейрамбек Зинабдинұлымен бірге аудандық жұмыспен қамту және әлеуметтік бағдарламалар бөлімі мен аудандық «Мансап» орталығының жұмысымен танысты.<img src="https://knadmin.beoblood.kz/uploads/430657516_717499320569296_6311649156762942849_n_55fecc0ef9.jpg" alt="430657516_717499320569296_6311649156762942849_n.jpg">

Қазалы ауданының тұрғындарын жұмыспен қамту мәселесі қалай жүргізілуде?

<a href="https://kyzylorda-news.kz/">Kyzylorda-news.kz</a>.Қызылордалықтарға «Q-MED» емханасы толық адамдарға арналған аймақтағы жалғыз МРТ аппараты және басқа да диагностикалық құрылғыларымен жақсы таныс. Аймақтағы танымал бастапқы медициналық көмек көрсету ұйымдарының бірі «Q-MED» емханасының жұмысы жайында Асылбек Торыбаев әңгімелейтін болады.-Асылбек Шырынбайұлы, емхананың құрылу тарихына тоқталып өтсеңіз?- Емхана «Q-MED company group» серіктестігінің бастамасымен, «Даму» кәсіпкерлікті дамыту қорының қолдауымен, шетелдік инвестицияларды тарту арқылы құрылған. Медициналық орталық амбулаториялық, консультациялық-диагностикалық көмек көрсетеді. Емхананың жоспарлы қуаттылығы ауысымына 300 адамға дейін жетеді. Қазіргі таңда 4 аймақ облыс орталығының 7 мыңнан астам тұрғынына қызмет көрсетеді. Ал 2023 жылдың ақпанында 1612 адаммен жұмыс істей бастаған болатын. Бүгінгі күні 20 мың адамды қамти отырып, аймақтардың санын 12-ге жеткізуді жоспарлап отырмыз. Емхана барлық қажетті бастапқы медициналық-санитарлық көмекті көрсетеді. Бұл амбулаториялық жағдайда және күндізгі стационарда аурулар мен жағдайлардың алдын алу, диагностикалау, емдеу, салауатты өмір салтын қалыптастыру шаралары болып табылады.- Сіздерге консультациялық-диагностикалық қызметке мұқтаж науқастар көптеп барады. Оларға тегін қызмет көрсетіледі ме?&nbsp;- Иә, бізге облыстағы барлық емханалардан науқастар жіберіледі. Жоспарланған қызметтерді алу үшін науқас «Сақтандырылған» мәртебесіне ие болуы керек, өйткені емхана деңгейінде бұл қызметтер міндетті әлеуметтік медициналық сақтандыру аясында көрсетіледі. Егер диагностикалық тексеруге көрсеткіштер болса, науқастың КТ, МРТ, ФГДС, ЭКГ, ЭЭГ, жүрек УДЗ, Холтер мониторингінен өтуге мүмкіндігі бар.&nbsp; КТ аппаратына сәбилердің де, салмағы 170 келіге дейінгі адамдардың да түсуі қарастырылған. Сәулеленудің аз дозасы бар рентген аппараты бар.- Дегенмен, көптеген адамдар МРТ аппаратымен тексерілгісі келеді, өйткені бұл зерттеу диагностиканың ең дәл әдісі ретінде танылған…- Ең алдымен, МРТ диагностикасы үшін тиісті көрсеткіштер болуы керек. Томограф ерте кезеңдерде патологияларды көруге қабілетті. Бірақ, МРТ тромбтарды көрсете алады ма? Бұл әдіс көзбен шолуды жақсарту үшін контраст ерітіндісін пайдаланатын КТ ангиографиясы сияқты дәл емес. Мен емхананың магнитті-резонансты томографиясының бір ерекшелігін атап өткім келеді. Ол 250 келі салмаққа шыдайды. Ал қалыпты МРТ аппараты 130 келіге дейінгі жүктемеге арналған. Диагностикалық зерттеу науқас үшін ең қолайлы жағдайда, сәулелену әсерінсіз жүргізіледі. Көп жағдайда бұл диагностикалық зерттеулерге неврологиялық аурулары мен жарықтары бар, қан айналымы жүйесі бұзылған немесе әртүрлі жарақаттардан кейінгі науқастар жүгінеді.&nbsp; Айта кетейін, 2023 жылы «Q-med» емханасында 16,5 мыңға жуық адам консультациялық-диагностикалық қызмет алған. Бұл мақсаттарға Әлеуметтік медициналық сақтандыру қорынан 32,7 млн. теңге бөлінді.- Науқастар көбінесе мамандарға көріну үшін ұзын-сонар кезекке және диагностикалық тексерулерді күту уақытының ұзақ болуына шағымданады. Сізде осындай шағымдар бар ма?&nbsp;«Сыннан аулақ болу үшін ештеңе істемеу керек, ештеңе айтпау және ешкім болмау керек...» дегендей, түрлі пікірлер болатыны сөзсіз. Егер 2023 жылы бірлі-жарым жағдайлар болған болса, биылғы жылдың басынан бері науқастардан шағым түскен жоқ. Бұл ретте, барлық бастапқы медициналық-санитарлық көмек көрсету ұйымдарындағыдай, «Q-med» емханасында да пациенттердің шағымдары қаралып, мүмкіндігінше туындаған бойда &nbsp;мәселелерді шешуге тырысатын науқастарды қолдау және ішкі аудит қызметі жұмыс істейтінін атап өткім келеді.&nbsp; Біз сапалы медициналық қызмет пен тиімділікті қамтамасыз етуге бағытталғанбыз. Емхана «бір терезе» қағидаты бойынша жұмыс істейді. Медициналық ұйым зертханалық қызметтен, диагностикадан, дәрігерлерден кеңес алудан және дәрі-дәрмекпен қамтамасыз етуден басқа, жедел жәрдем қызметтерін де көрсетеді.&nbsp; Медициналық орталықта барлығы 60-тан астам адам жұмыс істейді, оның 26-сы дәрігер. Бұл терапевт, кардиолог, травматолог, хирург, невропатолог және басқа да кәсіби мамандар.&nbsp; Сұрақтарыңыз болса, емхананың байланыс орталығына мына телефон нөмірі бойынша хабарласуға болады: 8 705 176 70 24.-Әңгімелескеніңізге рахмет.&nbsp; &nbsp;<img src="https://knadmin.beoblood.kz/uploads/Qmed_5b84c965d7.jpg" alt="Qmed.jpg"><img src="https://knadmin.beoblood.kz/uploads/Qmed_2_30b967456a.jpg" alt="Qmed 2.jpg">

Асылбек Торыбаев: Емхана «Бір терезе» қағидаты бойынша жұмыс істеуі керек

&nbsp;<a href="https://kyzylorda-news.kz/">Kyzylorda-news.kz.</a> &nbsp;Кішкентайынан күйшілікке өлең-жырды мәнерлеп оқуға &nbsp;тыңдарман жүрегіне жеткізе білуге &nbsp;қазақтың салты мен дәстүріне берік, қазақ әдебиетінің олжалы оқырманы, ара-тұра қалам алып, өлең жазуға икемі бар жан туралы қалам тербемекпіз. Бұл өнердің бәрі ақиық ақын Асқар Тоқмағамбетов ауылының өнерлі қызы &nbsp;Ақниет Базарбаеваның бойынан табылатыны сөзсіз.Мектеп қабырғасында &nbsp;жүрген кезінен қалам мен қағазға жақын болып, өлең шығаруды серік еткен қыз бүгінде туған жерден түлеп ұшып, студент атанған жас талант жерлестерінің мақтанышы.Оның жасы – жиырмада. Ол – Махамбет Өтемісұлы атындағы Батыс Қазақстан университетінің 4-курс студенті. Осы күні &nbsp;халық аспаптары, оның ішінде домбыра мамандығын игеріп, ұлттық өнерді ұлықтап жүр.<blockquote>– Бастапқыда арманым журналист болу еді. Кейін тағдырдың бағыты мен мүмкіндіктерге орай осы мамандыққа бет алдым. Жалпы, домбыра тарту, күй шерту маған таңсық емес. Бойымдағы &nbsp;қасиет маған әкемнен дарыған. Отбасымызда барлығы домбыра шертеді. Әрине, кәсіби түрде, нотамен болмаса да, «әу демейтін қазақ жоқ» дегендей, ән-күйге отбасымызбен жақынбыз. Менің атам бір емес, бірнеше аспапта ойнайтын. Атамның үйіне барғанда түрлі аспаптарды көріп, қатты қызығатынмын. Ол кісі маған «Би» деген күйді ойнап берген еді. Өкінішке орай, қазір атам ортамызда жоқ. Бірақ дәл сол күйді тартып бергені әлі күнге кешегідей көз алдымда. Тіпті атамды түсімде жиі көремін, өнер жолында мені желеп-жебеп жүрген шығар деп ойлаймын, – дейді жас талант.</blockquote>Одан кейін кейіпкеріміз &nbsp;болашақ мамандығына қалай келгенін әңгімелеген еді.– 2-сыныпта оқып жүрген кезімде анам домбыра сыныбына берді. Гүлназ Сералиева есімді апайым мені домбыра аспабына баулыған болатын. Әйтсе де, домбырамен бірден «достасып» кете алмаған едім. Гүлназ апайымның мінезі &nbsp;қаталдау еді. Оның үстіне өзімнен де бар, жалқаулыққа салынып, алғашқы күннен үйге берген тапсырманы орындамай барғанмын. Бірақ мұғалім ол үшін ұрыспады, ұзақ лекция да оқымады. Бар болғаны, көзіме тіке бір қарады. Сол көзқарастан мен кейін көп нәрсе ұқтым. Бірақ сол кезде баламын ғой, жылап қайтқаным есімде. Әкем мені қорғаштаса да, анам бастаған істі аяқсыз қалдыруға болмайтынын айтып, домбыра сыныбын ақыры бес жыл бойына үздік оқып, тәмамдадым. Әр ісіме қолдау көрсетіп, әркез ақыл-кеңесін аямайтын, үлгі-өнеге көрсетіп, бізді өсірген ата-анама алғысым шексіз, – дейді Ақниет Айнабекқызы.<blockquote>Әкенің қанынан, ананың ақ сүтінен нәр алып, үлкен өмірге қадам басқан Ақниеттің бойындағы өнер де, талант та ата-анасынан дарып әрі тәрбиемен келгені жасырын емес. Асқар тауы &nbsp;домбыра шерткенімен қоса кейде өлең шығарып, бата шығарып, кейінгі буынға үлгі көрсете біледі. Ал анасы негізгі жұмысынан бөлек кітап пен газет оқуға құштар жан екен. Ақниет отбасында төрт ағайынды. Екі ағасы мен әпкесінің ортасында еркелеп өскен ол – үйдің кенжесі. Кішкентай кезінде өлең құрастырып, машықтанған кейіпкеріміз түрлі мүшәйраларда да топ жарғанымен, бой жете келе өлең жазуды көп қолға алмағанын айтты. Тіпті бала күнінде анасына арнап жазған алғашқы төрт қатар өлеңін әлі күнге сақтап қойған екен. Ал өлең-сөзді мәнерлеп оқуға машықтанған Ақниет поэзия оқығанда ең бастысы «жүректен-жүрекке жеткізе алу керек» дейді.</blockquote>Қазіргі уақытта &nbsp;сол бір балалық шақта қырсықтықпен жарты жолдан тастап-ақ кетпек болған домбырасы кәсібіне айналып, балалық қылығын есіне алған Ақниет әр істе жауапкершілік пен ынтаның маңызды екенін жақсы біледі. Қазақтың қара домбырасын жанына серік еткен бойжеткен өнердің арқасында шет елдерде болып, тіпті халықаралық байқауларда топ жарған. Ақниет Базарбаева Беларуссияда өткен «Artivires» жобасында 2-орынды иеленіп, ұлт намысын абыроймен қорғаған. Сан түрлі байқауда бағы мен бабы қатар келіп жүрген бойжеткен аудан, облыс, республика, әлемдік деңгейдегі сайыстарда бақ сынап жүр.&nbsp;

Ақниет Базарбаева: Өнер – ұлттық дәстүріміз 

<a href="https://kyzylorda-news.kz/">Kyzylorda-news.kz</a>.Visa және Halyk Bank Қазақстандағы She’s Next, Empoweredby Visa жаһандық бастамасының үшінші толқынын бастайды. Әр қатысушыда жеке бизнесіңізді дамыту үшін 7 миллион теңге және 3 миллион теңге ұтып алуға, сондай-ақ Halyk банкінен 8% мөлшерлемемен 50 миллион теңгеге дейін жеңілдікті қаржыландыру алуға &nbsp;мүмкіндігіңіз бар.<blockquote>«Әйелдер бизнесте өзін-өзі көрсетуде батыл және сенімді бола бастады. Мысалы, банктің несие портфеліндегі әйелдер мен ерлердің үлесі сәйкесінше 51% және 49% құрайды. Біздің байқауымызша, әйел кәсіпкерлер мегаполистерде, яғни Астана, Алматы және Шымкентте өте белсенді. Алдыңғы She’s Next бағдарламаларының қатысушылары да негізінен ірі қалалардың тұрғындары болды.Үшінші толқын аясында біз еліміздің өңірлеріндегі кәсіпкерлерге өз бизнесін дамыту және кеңейту мүмкіндігін ұсынғымыз келеді. Менің ойымша, бұл әйелдер кәсіпкерлігін бастау үшін өзінің тиімділігін дәлелдеп үлгерген жобамыздың бірінші кезектегі міндеті», - деп атап өтті Halyk Bank басқарма төрайымы Үміт Шаяхметова. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</blockquote>Әйелдер кәсіпкерлігін қолдау мен дамытуға бағытталған бастаманы Қазақстанның ASMAR ұлттық кәсіпкер әйелдер қауымдастығы мен ҚР Ұлттық экономика министрлігі де қолдады<blockquote>«Мұндай бастамалар әйел кәсіпкерлерді қолдаудың мүмкіндігі ғана емес, сонымен қатар ел экономикасын дамытудағы маңызды қадам болып табылады. Жыл сайын Қазақстанда шағын және орта бизнес кәсіпорындарының саны артып келеді: бұл ретте әйелдер ШОБ субъектілерінің 43,5%-ын басқарады. Visa және Halyk Bank-пен серіктестік ШОБ–тің табысты дамуы мен әйелдер кәсіпкерлігі экономикалық прогрестің негізгі қозғаушы күшіне айналатын болашақты қалыптастыру үшін қолайлы жағдайлар жасауға деген ұмтылысты көрсетеді», - деп түсіндірді Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссия төрағасының орынбасары Ләззат Рамазанова.</blockquote>Бұл бастамаға өз ісін бастаған, сондай-ақ іс бастауды жоспарлап жүрген әйелдер қатыса алады. Қатысуға өтінімді <a href=" https://shesnext.kz/">She’s Next </a>ресми сайтында беруге болады.<blockquote>«She’s Next-тің алдыңғы екі толқынында біз 9,5 мың кәсіпкерге бизнесін дамытуға, жаңа білім алуға және өзіне деген сенімді арттыруға көмектестік. Биыл Halyk Bank-пен бірлесе отырып, үлкен қалаларда ғана емес, облыс орталықтары мен ауылдарда тұратын әйелдерге ерекше көңіл бөлгіміз келеді. Білім беру бағдарламасы әр бір әйелге өз ісін ашу және дамыту үшін білім мен дағдылардың жиынтығын береді. Бастаманың жаңа толқыны аясында біз дарынды көшбасшыларды таба алатынымызға сенімдімін»,- дейді Visa-ның Орталық Азия мен Әзірбайжан елдеріндегі вице-президенті және өңірлік менеджері Кристина Дорош.</blockquote>Жоба кезеңдері&nbsp;She’s Next Day Қазақстанның 8 қалада. Олардың аясында қатысушылар бір-бірімен танысып, шақырылған лекторлардан жаңа білім алып, бастаманың үшінші толқынының мүмкіндіктері туралы көбірек біле алады.Білім беру бағдарламасы. 14 маусым мен 28 маусым аралығында барлық іс-шаралар өткізілгеннен кейін She’s Next ресми парақшасында барлық қатысушылар үшін танымдық дәрістерге қолжетімділік ашылады.Бизнес-жоспарлар. 29 маусым мен 10 шілде аралығында білім беретін бейнероликтер мен сынақтардан сәтті өткеннен кейін кәсіпкерлер іріктеу кезеңіне қатысу үшін бизнес-жоспарларын жібере алады.Дауыс беру. 22-26 шілде Қазақстанның барлық тұрғындары үшін ашық дауыс беруге ұсынылады. Ең көп дауыс жинаған екі қатысушы «Халық таңдауы» номинациясында 3 миллион теңге көлемінде грант алады.Финал. Финалға және ашық дауыс беруге іріктелген барлық финалистер Алматыда өтетін республикалық финалға шақырылады. She's Next Pitch Day. Әр номинация бойынша жеңімпаз 7 миллион теңге ұтып алады. &nbsp;

Visa және Halyk үшін She's Next бастамасының үшінші толқыны басталды 

<a href="https://kyzylorda-news.kz/">Kyzylorda-news.kz</a>. Облыс әкімі Нұрлыбек Нәлібаевтың төрағалығымен өткен ауыл шаруашылығы құрылымдары өкілдерімен кездесуде болжамды су көлеміне сәйкестендіріп егін егу мәселесі талқыланды.<blockquote>«Облыстың ірі шаруашылықтары ауыспалы егіс тәртібін сақтаудың, атыздарды лазерлік тегістеудің суды үнемдеудегі, өнімділікті көтерудегі тиімділігіне көз жеткізуде.Мемлекет басшысы Үкіметтің кеңейтілген отырысында көрші елдердің тәжірибесін зерттеп, су үнемдеу технологияларын кеңінен енгізуді тапсырған болатын. Күріш алқабындағы суды үнемдеудің бірден-бір жолы – атыздарды лазерлік тегістеу. Өзбекстан Республикасында ЮНЕСКО-ның «ZEF/UNESCO» жобасы шеңберінде іске асқан ғылыми зерттеулерге талдау жүргізілді. Нәтижесінде суармалы суды 20 пайызға дейін үнемдеуге және өнімділікті 30 пайызға дейін арттыруға болатыны дәлелденді. Бұл әдісті аймағымыздың диқандары 2013 жылдан бері инженерлік жүйеге келтірілген ауыспалы күріш егістігінің 55 пайызына енгізді. Алдағы уақытта бұл жұмыстарды әрі қарай жалғастырамыз», – деді аймақ басшысы.</blockquote><figure class="image"><img src="https://knadmin.beoblood.kz/uploads/417544960_701371292184118_999321490571127946_n_dacb2f746c.jpg" alt="417544960_701371292184118_999321490571127946_n.jpg"></figure>Нұрлыбек Машбекұлы ҚР Су ресурстары және ирригация министрі Нұржан Нұржігітовтен лазерлік тегістеу әдісін су үнемдеу технологияларының қатарына қосу жөніндегі ұсынысты қолдауды сұрады.Жиында бірқатар компания басшылары суды үнемдеп пайдалану бағытындағы тәжірибелерін баяндап, зерттеу нәтижелерін ұсынды.Кездесу қорытындысымен облыс әкімі жауапты мекемелерге бірқатар тапсырма беріп, жергілікті шаруашылық иелерін суды ысырапсыз пайдалануға шақырды.Фото: облыс әкімінің баспасөз қызметі&nbsp;<img src="https://knadmin.beoblood.kz/uploads/417444262_701371388850775_313401130689798375_n_816f8e40cd.jpg" alt="417444262_701371388850775_313401130689798375_n.jpg"><img src="https://knadmin.beoblood.kz/uploads/417492059_701371688850745_7946082127237537479_n_8a90c6a792.jpg" alt="417492059_701371688850745_7946082127237537479_n.jpg">

Күріш өсірудің озық тәжірибесі таныстырылды

<a href="https://kyzylorda-news.kz/">Kyzylorda-news.kz.</a> Күллі тіршілік біткенге жан еніп, бауыры қардың ызғарынан арылып, бусанған дүниенің жылы шырайы, күннің ашық қабағы мен шуағы тура бір әйел затының мейірлі жанары мен сытқы алақанынан, көркем болмысы мен ерке мінезінен таралып жатқандай көрінеді. Ақ жаулықты әжелердің ақ батасымен әдем жаңарыш, ананың алақаны әлдилегендей, жарымыз бен әпке-қарындастарымыздың қылығындай көктемнің көріктілігі де осы күнге байланғандай.Расында «өмірдің бастауы – анадан» дегендей оларға көрсетілген құрметтің артығы болмайды. Және анаға деген құрмет қызметке де, атақ-дәрежеге де бөлінбейді. Себебі аналық бақыт бұл әйел заты үшін ең үлкен мәртебе. Міне, осындай биік мәртебеге лайықты жандардың бірі біздің бүгінгі кейіпкеріміз – Ақгүл Жақсылықова.Ақгүл Жақсылықова 1971 жылы Арал қаласында туған. Қарапайым ғана отбасында өскен қыз қазіргі Жарасқан Әбдірашев атындағы №62 мектеп-лицейде білім алады. Әкесі обаға қарсы күресу мекемесінде қызмет жасаса, анасы аудандық өнер мектебінде техникалық қызметкер болған.Ел үшін қиын уақытта мектеп бітіріп, ары қарай оқуға мүмкіндік болмағанымен кейіпкеріміз қазірде бір шаңырақтың түтінін түтетіп отырған асыл жар, перзенттерінің ардақты анасы.Ақгүл апаймыздың анасы зейнет демалысына шыққан соң, 1992 жылдың желтоқсан айында анасының орнына жұмысқа қабылданады. Бүгінде бір жерде табан тайдырмай қызмет жасап келе жатқанына 30 жылдан астам уақыт болған ол:<blockquote>– Адамның бақыты байлықта, қызметте емес екен. Қазірде осы мекемеде еңбек етіп жүргеніме 30 жылдан асты. Осы уақыттың ішінде көптеген басшымен, жұмысшылармен қызметтес болдым. Бірақ барлығы "апай" деп сыйлап, құрмет көрсеткенде, шын бақыттың айналаңдағы адамдарға сыйлы болуыңда екенін анық түсінесің. Бастысы өзіңнің қызметіңді адал атқарып, жауапкершілікпен жұмыс істеуіңде. Сонда ғана ұжымға сыйлы, ортаңда абыройлы боласың. Қазақтың қай сөзіне үңілсек те терең тағына, үлкен тәрбие жатыр ғой. «Өзінің сүйікті ісін жасаған адам бақытты емес, өз ісін сүйіп жасаған адам бақытты» демейді ме?! Шынында сол өз жұмысыма деген махаббаттың арқасында осындай абыройға бөленіп отырмын.</blockquote>Бірақ нағыз бақыт әрбір әйел заты үшін – перзент сүю. Оның «анашым» деп мойыныңа асылған сәтін көру. Солардың қызығына бірге қуанып, жетістігіне тілекші болу дер едім, – дейді.Кейіпкеріміз 1993 жылы Сержан Жақсылықовпен шаңырақ көтереді. Бүгінде екеуі де бір мекемеде еңбек етіп жүрген олар бірі әке бақытын, бірі ана бақытын сезіне алған бақытты отбасы. Қызы Салтанат Жаңабаева Қорқыт Ата атындағы университетті қазақ тілі мен әдебиеті пәні мұғалімі мамандығы бойынша бітіріп, бүгінгі таңда тұрмыс құрып, ана атанып отырса, Мақсаты аудандағы білімнің қара шаңырағына баланған Т.Г.Шевченко атындағы №13 мектепте 9 сынып, Ринаты 6 сынып оқып жатыр.Қашанда жүзі жайнап, жанындағы адамдарға тек жақсы тілегін айтып жүретін Айгүл Жақсылықова:<blockquote>– Алла әйел адамды ерекше жаратқан. Ер азамат шаңырақтың асыраушысы, табыс табушы дегенмен оны үйлестіріп, үлгіртіп отыру біздің міндетіміз. Балаға қамқорлық жасап, оған күтім көрсету де әйел адамға жүктеледі. Осының барлығын теңдей алып жүру ерлік. Мұны кез келген қыз бала көруі, сезінуі қажет дер едім. Себебі қиындық көрмей қызыққа жету мүмкін емес. Айналаңдағы жандардың батасын алу арқылы ғана бақытқа, қызыққа кенеле аламыз.</blockquote>Менің де осындай бақытты күнге жетуім ақ бата мен адал тілектің арқасы деп ойлаймын. Қолымызда атамыз бар. Қазірде 77 жасқа келген қартымыз, қазынамыз «Айналайын, қызым, бақытты бол! Бала-шағаңның қызығын көр! Ақ-адал тілегіңе жет!» деген батасымен өркендеп, өсіп келеміз, – деген ол, барша нәзік жандыларды алдағы мерекемен құттықтап, шаңырақтарына шаттық, өмірлеріне нұрлы сәуле тіледі.

30 жыл ізгі ісімен үлгі болған қарапайым еңбек адамы

&nbsp;<a href="https://kyzylorda-news.kz/">Kyzylorda-news.kz</a>.&nbsp; Жаңақорған ауданының қаржы саласының мамандары мен қаржы саласының ардагерлері бас қосып, нарық заманында отбасы бюджетін жоспарлау тақырыбында ой қозғап, дөңгелек үстел өткізді. Өйткені, үнем – бүгінгі күннің басты тақырыбы. Неге? Ұлттық валюталардың құнсыздануы, мұнай мен бидайдың, металл түрлері бағасының құлдырауы әлем елдерінің экономикасына кері әсер етуде. Күннен күнге нарық бағасы шарықтап, күнкөріс деңгейі құбылып келеді. Сондықтан қаржылық сауаттылықты арттыру, қалтадағы қаржыны оңтайлы игеру әрбір жанның басты қағидасына айналуы керек. Байқасақ, кез келген жан ақша таба алады. Алайда сол тапқан табысын бейберекет жаратып, есепсіз жұмсайды екен. Яғни, ақшаны табу мен оны басқару арасында байланыс жоқтығы қаржылық сауатсыздығымызды аңғартады.Күнделікті ас-суға қажетті азық-түлік, киім-кешектен басқа білім алу, несие жабу, алған қарызды қайтару, басқа да керекжараққа қаржы қажет. Ай сайын алақанға түсетін ақшаның шығынын азайтып, кірісті көбейтуге жол ашқың келеді. Алайда отбасылық бюджет есебінің жоқтығынан жалақың келесі айға дейін жетпейді. Айдың басында алған жалақы ары кетсе бір аптаның ішінде жөнін тауып, қалтамыз босап қалады. Мұндайда қарыз алып күнелтудің жолын іздейсің. Айналаға қол жайып, таныс-тамырдан қарызға ақша сұраймыз. Осындай қиын-қыстау уақытта әрбір адам отбасылық бюджетке немқұрайлы қарамай, үнемдеуді үйренгені жөн.&nbsp;Осы тұста, аудандағы қаржы саласының ардагері Жамур Мүсілімнің былай дейді:<blockquote>– Көпшілігіміз отбасылық бюджетті жүргізбейміз. Есепсіз жаратып артық қаражат жинауға тырыспаймыз. Қолда бар қаражатты көбейтудің жолдарын қарастырмаймыз. Қаржы саласының маманы ретінде айтайын, жалақыны алған күннен бастап кіріс-шығысты басқару, жинау, қосымша табыс табуға тырысу, білімді көтеріп, сол арқылы табысты жұмысқа орналасу, артық ақшаны кәсіпке салу бір күнде пайда болатын дүние емес. Мұның бәрі жылдар бойы қалыптасады. Адам тіршілік барысында қаржысыз, экономикалық үрдістерсіз өмір сүре алмайды. Қалай дегенмен де осы мәселелерге кезігеді. Дәл осындай сәттері тиімді шешімдер қабылдамаса, отбасылық бюджетке кері әсерін тигізуі әбден мүмкін. Оған қарапайым мысал, қазіргі кезде көп адамдарда несие бар. Несиені ақылмен алмағандар, үлкен пайыздары бар қарыздардың шырмауында қалып жатады. Нәтижесінде кепілдікке қойылған баспанасына дейін иелігінен кетіп, сан соғып жататын жағдайлар көп. Сол себепті әр адам отбасы бюджетін саналы басқарғаны жөн, – дейді қаржы саласының ардагері.</blockquote>&nbsp;Расында, қазіргі жағдайда қаржыгерлердің басым көпшілігі ақшаны оңды-солды шашуға болмайтынын айтады. Сондықтан азаматтар қаражаттарын міндетті түрде есептеп, үнемдеп, жоспарлап отыруы шарт. Әр отбасының қаржылай сауатты болуы елімізді байқуатты елдердің қатарына қосары сөзсіз. Осы бағытта белгілі кәсіпкер «Хан» нан өнімдерінің негізін салушы Рустам Әмірханның өз айтары бар:<blockquote>– Уақыт талабы жайбасарлық пен еріншектікті жаратпайды. Наубайханамызда отбасы мүшелері болып еңбек етеміз. Адал еңбек қып тапқан бір тиынды екі етіп, берекесіне қауышқан оны бей-берекет ысырап етпесе керек. Отбасылық қаржыны дұрыс құрау үшін ай сайынғы төлемнің нақты есебін шығарып отыру керек. Мәселен, су, жарық, жылу, газ, такси қызметі. Осыған төленетін қаржыны үнемдеймін десең құнтты болуға тура келеді. Көлікпен емес жаяу жүруге тырысу. Қарапайым күнделікті қолданатын салфетканы алып қарайықшы. Барлық үйдің дастарқанында оны пайдалану дәстүрге айналған. Бірақ оған да қаржы жұмсалатынын ұмытпаңыз. Мысалы, салфетканың бір данасы 800- 1000 теңге тұрды. Оның орнына жуып, қайта қолданатын кәдімгі майлықтарды пайдалануға болады. Сол сияқты, жарықты да арнайы лампа көмегімен әжептәуір үнемдеуге болады. Мұның бәрі елеусіз дүние болғанымен, қалтадағы қаржыға әсер ететінін өзім күнделікті аңғарып отырамын, – дейді жас кәсіпкер.</blockquote>Тағы бір мәселе, көпшілік банктерге 2-3 несиеден төлеп жатады. Қарапайым халық банктің қойған талаптарына мән бермей, қолына ұстатқан қаражатқа риза болады. Кейбіреулері тек пайыз мөлшерлемесіне ғана назар аударып жатады. Бұған қоса, мамандар несиенің төлем түрін де ескеруге кеңес айтады. Мысалы, бизнеске, үй шаруашылығына арналған қаржы пайдалы несиеге жатады. Өйткені мұндай несие қосымша табыс табуға мүмкіндік береді. Ал сатып-алулар мен күтпеген нәрселерге жұмсалатын несиелерден ешқандай табыс таппайсыз. Керісінше қарызбен қоса үстеме пайыз төлейсіз. Тіпті ең пайдалы саналатын несиелерді дұрыс өтемеген жағдайда салдары түрлі мәселелерге әкеп соқтырады. Сол себепті кез келген несие алушы алдымен өзінің төлем қабілетін анықтап алғаны жөн, – дейді «Халық» банкінің маманы Дана Тұрлыбекова. – Несиені көп азаматтар аспаннан түскен тегін ақша деп қарайды. Қандай ақша болсын, оның қайтарымы барын ескермейді. Тіпті қазіргі кезде құжатыңызды ұсынсаңыз 20 000-30 000 мың теңгеден бастап қарыз беретін жеңіл кредиттердің саны арта бастады. Жарнамалары да жер жарып тұр. Олар адамдардың банктерге берешектері бар не жоғын тексеріп жатпайды. Микроқаржы ұйымдары ұсынған қаржыны қолайлы екен деп ойланбастан бірден ала салуға болмайды. Қаржы аса қажетті болмаса, мұндай несиелерге мүлдем жақындамау қажет, – дейді жауапты маман. Осы орайда, қарапайым халықты бизнеске бейімдеуде «Атамекен» кәсіпкерлер палатасы «Кәсіпкерлік негіздері» пәнін енгізуді көтерген болатын. Қаржылық сауаттылықты арттыруды көздейтін пәнді ҚР Білім және ғылым министрлігі қолдап, 2019 жылдан бастап еліміздің барлық мектептерінде факультатив ретінде оқытыла бастады.&nbsp;Біздің ауданымызда мұның жайы турасында Қызылорда облысы кәсіпкерлер палатасы Жаңақорған аудандық филиалының директоры Асылжан Жолдасбеков сөз алды.<blockquote>– Оқушыларға Ұлттық кәсіпкерлер палатасымен пилоттық негізде әзірленген «Кәсіпкерлік пен бизнес негіздері» атты кітап таратылған. Оқулықта экономика, бизнес саласындағы терминдер, компания құруға дайындық, бизнесжоспар құрудың негізгі кезеңдері сынды материалдар қамтылған. Жылдан-жылға бұл пәннің аясы кеңейіп келеді. Бұл бағытта аудан мектептері де 90 пайыз қамтылып отыр. Сол себепті баланы күнделікті тіршілікке ерте араластырып, нақты қаржылық жоспар құруға баулуда, кіріс-шығысты, отбасылық бюджетті жоспарлау туралы дәрістердің пайдасы үлкен. Мұның арты қаржылық сауаттылыққа алып келеді. Оқушылардан бөлек, кез келген жан өз қаржысын басқаруды үйренгені жөн. Қарапайым мысал, темекі, кола, кофе сынды денсаулыққа зиянды дүниелерден бас тарту арқылы бір жылда, қанша ақша үнемдейтініңізді есептеп көріңіз. Олардың жыл сайын өсетін құнын еске алғанда қаншама қаржыны сақтап қалғаныңызға өзіңіз таң қаласыз, – дейді ол.</blockquote>Әлем елдерінің де тәжірбиесіне зер салуды жөн көрдік. Мәселен, Британ билігі 2008 жылы елдегі дағдарыстың салдарынан шығу үшін оқушылардың қаржылық сауаттылығын көтеруді қолға алыпты. Бастапқыда факультативте оқытылса, кейіннен жалпы пән ретінде оқытыла бастаған. Бастауыш сыныпта жеке қаржы және оның жұмсалу жолдары туралы айтылады. Ал жоғары сынып оқушыларына несие, ақша жинау жолдары үйретіледі. Еуропалықтар, әсіресе, чехиялықтар балаға келген табыс пен шығыстың арасын түсіндіреді. Тіпті, қарапайым оқушылар коммуналдық төлем, азық-түлік, киімкешекке жұмсалатын ақшаны басқара алады. Бұл үшін қаржы және бизнес саласында тәжірибесі бар лар шақырылады. Ал, Израиль Үкіметі бизнесте табысқа жеткен кәсіпкерлерді мектепке шақырып, оқушыларды кәсіпкерлікке үйретеді екен. Жалпы, әртүрлі болжамдар мен талдаулар көп.Оған тоқталмай, адамның экономикалық дағдарыстан шығуының жолын түсіндіруге тырыссақ... Бірінші жолы. Отбасылық бюджет құру. Жоспар жасап, үй заттарына керекті қаржыны белгілеу керек. Мұхаммед (с.ғ.с.): «Азық-түлікті өлшеңдер, сонда оның берекесі сақталады» деген. Яғни шығындарды алдын-ала есептеп, қаржыны мақсатты жарату қажет-ақ. Бір сөзбен айтқанда, кіріс-шығысты назарға алып, отбасылық қаржылық қорды құру маңызды. Екінші жолы. Үй шаруасындағы әйелді дағдарыспен күресуге үйрету аса маңызды. Себебі, көп жағдайда «отбасылық қаржыны» тұтынатын әйел екені ақиқат. Ондайда «Үй экономикасының негіздері» сынды әдістемелік құралдарды оқытып, көп шығын шығару проблемасынан құтылуға болады. Үшінші жолы. Адам жеке тұтынатын заттарға қатысты үнемділікті күшейту және қаржыны өлшеп жаратуды үйренгені абзал. Ол үшін ең алдымен жарнамада кең таралған тауарларды сатып ала беруді тежеу керек. Яғни «дұрыс жарата білсең – ештеңе азаймайды, бұрыс жаратсаң – ештеңе қалмайды!» қағидасын ұстанған дұрыс. Төртінші жол. Заттардың қажеттілік деңгейін сұрыптап, анықтап, маңыздысына бірінші қол жеткізуді әдетке айналдыру.Екінші деңгейдегісін содан кейін, үшінші деңгейдегісін соңында аласыз. Ақшаңыз аз болса, басқа амал бар ма? Кейбір елдерде айлықтың төрттен бір бөлігінің телефон бірліктеріне кететіндігі анықталған. Телефонмен болған қарым-қатынасыңыз тым көп пе? Мұны да бір өлшеп қойыңыз. Бұл тізімге кешкі немесе түскі асты дәмханалар мен мейрамханалардан ішуді тежеуді қосу қажет. Бесінші жолы. Айдың соңында алған жалақыны екіге бөлу керек. Біріншісі – жаратуға, екіншісі – жинауға. Жиналған ақшаны кірісті жобаларға инвестициялаған адамның ұтары көп. Бір маркалы тауарларды сатып алуды доғару. Кейбір адамдар мақтан үшін маркалы тауарларды сатып алуды әдетке айналдырған. Дәл қазір мұнымен қош айтысу керек болып тұр.Қорыта келе, ақшаны тиімді басқару үшін қаржы бұлақтарын көбейту керектігін білікті мамандардан білдік. Қаржы бұлақтары дегеніміз – қалтаға ақша түсіретін табыс көзі. Қаржы бұлақтары көбейген сайын адам байлыққа бір қадам жақындайды екен. Ал оны көбейту үшін не істеген дұрыс? Ол үшін жүйелі түрде ақшаны шашпай, жинау керек. Яғни үнемдеу арқылы шығынды азайтып, соның нәтижесінде артылған ақшаны ай сайын жинақтап отыру қажет. Кейде көпшілік арасында «Кеше ғана шемішке сатып жүр еді. Қазір шіріген бай», дейтін әңгімені жиі құлақ шалады.Демек, үнемдеу, еңбектену арқылы зор табысқа жетуге болады. Ал, сізге табысқа жету жолында біздің ұсынған бес жол пайдасын тигізсе игі...Фото: ашық дереккөз

Қазақстан және Қызылорда облысының жаңалықтары