<a href="https://kyzylorda-news.kz/">Kyzylorda-news.kz</a> Жалағаш ауданында жаңа Конституция жобасын түсіндіру жұмыстары жалғасуда. Бүгін өңірде арнайы болған республикалық және өңірлік коалиция мүшелері ауданның медицина саласы қызметкерлерімен арнайы кездесіп, реформалардың негізгі бағыттары мен алдағы референдумның тарихи мәнін талқылады.Іс-шараға Сенат депутаттары Руслан Рүстемов пен Нұртөре Жүсіп, облыстық мәслихат төрағасы әрі өңірлік коалиция жетекшісінің орынбасары Мұрат Тлеумбетов, аумақтық коалиция төрағасы Өмірзақ Елеусінов, облыстық мәслихат депутаты Әмірбек Шаймағанбетов, сондай-ақ аумақтық коалиция мүшелері Қаншагүл Мұстафаева мен Гүлзат Құрманбаева қатысты.Кездесу барысында Руслан Рүстемов реформалардың негізгі мақсаты – заң үстемдігін нығайту, билік тармақтары арасындағы тепе-теңдікті сақтау және азаматтардың құқықтарын қорғау екенін атап өтті. Нұртөре Жүсіп Конституция жобасының саяси жаңғыру үдерісінің маңызды кезеңі екенін, құжат ашық талқылаудан өтіп, қоғам пікірлері ескерілгенін айтты. Мұрат Тлеумбетов өкілді органдардың рөлі артып, қоғамдық бақылау механизмдері күшейетінін, бұл азаматтардың шешім қабылдау процесіне қатысуына мүмкіндік беретінін түсіндірді.Денсаулық сақтау саласының қызметкерлері өз сұрақтарын қойып, пікірлерін ортаға салды. Коалиция мүшелері нақты жауаптар беріп, мазмұнды пікір алмасу жүргізді. Қатысушылар жаңа Конституция маңызды құжат екенін және алдағы референдум ел үшін шешуші тарихи сәт болатынын атап өтті.<img src="https://knadmin.beoblood.kz/uploads/o_amdy_koalicziya_2_1e48dd8690.jpg" alt="Қоғамдық коалиция 2.jpg">

Медицина мамандары жаңа конституция жайлы ой бөлісті 

<a href="https://kyzylorda-news.kz/">Kyzylorda-news.kz</a> Шиелі ауданы әкімінің орынбасары Болатбек Ысмағұлов жауапты сала басшыларымен бірге түңгі рейд жұмыстарын ұйымдастырды.Аудан әкімдігі жанындағы кәмелетке толмағандар және олардың құқықтарын қорғау жөніндегі комиссия отырысының хаттамасы бойынша Шиелі кенті орталығында халық көп шоғырланатын орындар мен ойын-сауық орталықтарында нысан иесі мен тұрғындарға заң талаптарын түсіндіру және алдын алу шаралары жалғасуда.Бұл ретте, аудан әкімі Айтбай Жандарбековтың тапсырмасына сәйкес, жасөспірімдердің қауіпсіздігін қамтамасыз ету, кәмелетке толмағандар және жастар арасындағы құқық бұзушылықты болдырмау мақсатында рейдтік жұмыстар тұрақты жүргізілуде.Кәмелетке толмағандардың түнгі уақытта заңды өкілдерінің еріп жүруінсіз сағат 22:00-ден таңғы сағат 06:00-ге дейін ойын-сауық мекемелерінде болуы - заңды өкілдеріне үш айлық есептік көрсеткіш мөлшерінде айыппұл салуға әкеліп соғады.<img src="https://knadmin.beoblood.kz/uploads/Shieli_rejd_2_02eb6e338b.jpg" alt="Шиелі рейд 2.jpg">

Шиелі: Рейд жұмыстары ұйымдастырылды

<a href="https://kyzylorda-news.kz/">Kyzylorda-news.kz</a> Қазақстан Республикасы Конституциясының жаңа жобасын ақпараттық қолдау мақсатында «Конституциялық өзгерістер: құқық қорғау және жергілікті атқарушы органдар арасындағы өзара іс-қимыл» тақырыбында аудан ардагерлерімен кездесу ұйымдастырылды.Жиынды аудан әкімінің орынбасары Әліби Байнахатов жүргізіп отырды. Кездесуге аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев және Жалағаш ауданы прокурорының орынбасары Бағдат Ерімбетов қатысып, ұсынылып отырған заң жобасының негізгі бағыттарын жан-жақты түсіндіріп, пікір алмасты.Шара барысында жаңа Конституция жобасында көзделген нормалардың мазмұны мен маңызы кеңінен талқыланды. Атап айтқанда, азаматтардың құқықтары мен бостандықтарын қорғауды күшейту, заң үстемдігін нығайту, құқық қорғау органдары мен жергілікті атқарушы құрылымдардың өзара іс-қимылын жетілдіру, мемлекеттік басқарудың тиімділігін арттыру мәселелері сөз болды. Қатысушылар бұл өзгерістер қоғамның барлық саласына оң ықпал ететінін атап өтті.Өз сөзінде Әліби Қодарұлы Қазақстан Республикасы Ата Заңының тұжырымдамалық өзгерістері мемлекеттің адамға бағдарланған сипатын күшейтуге, Қазақстан халқына тән негізгі құндылықтар мен қағидаттарды айқындауға, сондай-ақ республикадағы саяси институттар құрылымының тиімділігін арттыруға бағытталғанын жеткізді.Кездесу ашық пікір алмасу форматында өтіп, ардагерлер тарапынан қойылған сұрақтарға нақты жауаптар берілді.

Ауданда ардагерлермен Конституциялық өзгерістерді талқылауға арналған кездесу өтті

<a href="https://kyzylorda-news.kz/">Kyzylorda-news.kz</a> 2026 жылғы 15 наурызға тағайындалған республикалық референдумда дауыс беру күніне 18 жасқа толған Қазақстан Республикасы азаматының қатысуға құқығы бар.Тізімдерді әкімдіктер нақты дауыс беру учаскесінің аумағындағы тұрғылықты мекенжайыңыз бойынша Сіздің тұрақты тіркелуіңіздің негізінде жасайды. Егер тұрақты тіркелуіңіз болмаса, Сіз референдум тағайындалған сәттен бастап, тиісті жергілікті атқарушы органда дауыс беруші ретінде тіркеле аласыз. Дауыс беру учаскелері тиісті әкімдердің шешімдерімен құрылады және олардың шекаралары бұқаралық ақпарат құралдарында жарияланады.<img src="https://knadmin.beoblood.kz/uploads/1771831681_6_eaf176b205.jpg" alt="1771831681_6.jpg">2026 жылғы 27 ақпаннан бастап Сізге өз учаскеңізде республикалық референдумға қатысуға құқылы азаматтардың тізімінен өзіңіз туралы деректерді тексеру мүмкіндігі берілетін болады.Әрқайсымыздың дауысымыз маңызды!Қазақстан Республикасының Орталық референдум комиссиясы

Тұрғындар учаскеден тізімнен өзін тексере алады

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық аллеясында «Масленица – 2026» мерекесі аталып өтті. Ашық аспан астында ұйымдастырылған думанды шараға 500-ге жуық қала тұрғыны жиналды. Олар қысты шығарып салып, көктемді қарсы алу дәстүрін кең көлемде атап өтті. Бұл жолғы мереке тек этностық салт-дәстүрдің көрінісі ғана емес, қоғамдық келісім мен ел бірлігінің жарқын үлгісіне айналды.Мерекелік жиында алғашқы сөз кезегі Қызылорда облыстық қоғамдық даму басқармасы басшысының орынбасары Артур Қамбаровқа берілді. Ол жиналған қауымды Масленица мерекесімен құттықтап, өңірдегі этномәдени бірлестіктердің қоғамдық тұрақтылық пен келісімді нығайтудағы рөліне тоқталды. «Бірлік пен өзара құрмет – мемлекет ретінде дамуымыздың берік іргетасы», – деген ол 2026 жылғы 15 наурызда өтетін республикалық референдумға да назар аударды. Конституция – елдің болашақ бағдары мен құқықтық негізін айқындайтын басты құжат екенін атап өтіп, азаматтарды елдік мүддеге бейжай қарамауға шақырды.Қалалық қоғамдық даму бөлімінің басшысы Жағыпар Тажмаханов та сөз алып, Сыр өңіріндегі татулық пен берекенің маңызын ерекше атап өтті. Оның айтуынша, аймақтағы әрбір мәдени шара – қоғамдық келісімді тереңдететін маңызды қадам.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke_8a45bdfe7a.jpg" alt="Масленица – 2026» татулық пен дәстүр тоғысқан тағылымды мереке.jpg">Мерекелік шарада «Славяне» қоғамдық-мәдени орталығының төрағасы Галина Щербакова жиналған қауымды Масленица мерекесімен құттықтады. Ол орталықтың қызметіне қолдау білдіріп жүрген мемлекеттік органдарға, серіктес ұйымдарға, шығармашылық ұжымдарға және белсенді тұрғындарға ризашылығын жеткізді. Сонымен қатар өңірдегі этностар арасындағы татулық пен өзара құрметтің маңызына тоқталып, мұндай шаралар халық достығын одан әрі бекемдей түсетінін атап өтті.Шара мазмұны бай әрі көпқырлы болды. Аллея аумағында славян этностарының ұлттық тағамдары мен қолөнер бұйымдарының көрмесі ұйымдастырылып, қонақтарға дәстүрлі құймақ пен тәттілер ұсынылды. Күннің нышаны саналатын құймақ – молшылық пен жылылықтың белгісі ретінде мерекенің басты символына айналды. Сонымен қатар спорттық жарыстар, арқан тарту, қаппен жүгіру секілді ұлттық ойындар көрермендерге ерекше қызықты болды.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke1_c33668d5c1.jpg" alt="Масленица – 2026» татулық пен дәстүр тоғысқан тағылымды мереке1.jpg">Концерттік бағдарлама мазмұнды шығармашылық нөмірлермен өрбіді. Қазақтың «Қара жорға» биі мен орыстың «Валенки» әні сахнада жарасымды үйлесім тапты. «Жемчужинка», «Анар Бэби», «Надежда» шығармашылық ұжымдары мен жеке орындаушылар халық әндері мен частушкаларды орындап, көрерменге көтеріңкі көңіл күй сыйлады. Қазақ және орыс тілдеріндегі әндердің қатар шырқалуы – мәдениеттер үндестігін айшықтай түсті.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke2_f0a68f6ba0.jpg" alt="Масленица – 2026» татулық пен дәстүр тоғысқан тағылымды мереке2.jpg">Сахналық көріністер арқылы Масленица аптасының әр күніне тән дәстүрлер таныстырылды. «Лакомка», «Тещины вечерки», «Золовкины посиделки», «Прощеное воскресенье» секілді ғұрыптар әзіл-қалжыңмен баяндалып, көрермендерді белсенді қатысуға шақырды. Әсіресе, кешірім сұрау күніне арналған бөлімде татулық пен сыйластықтың терең мәні кеңінен көрініс тапты.<img src="https://knadmin.beoblood.kz/uploads/Maslenicza_2026_tatuly_pen_d_st_r_to_ys_an_ta_ylymdy_mereke3_fb3ed47b59.jpg" alt="Масленица – 2026» татулық пен дәстүр тоғысқан тағылымды мереке3.jpg">Мереке соңында көпшілік ән шырқап, би билеп, ортақ қуанышпен тарқасты.

Масленица – 2026»: татулық пен дәстүр тоғысқан тағылымды мереке

<a href="https://kyzylorda-news.kz/">Kyzylorda-news.kz</a> Қазалы&nbsp;ауданының&nbsp;әкімі Алмасбек Есмаханов «AMANAT» партиясының Қазалы аудандық филиалында тұрғындарды жеке мәселелері бойынша қабылдады.Келген тұрғындар аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.Қабылдауға келушілердің басым бөлігі тұрақты жұмыс пен ақылы қоғамдық жұмысқа орналасу мен тұрғын үй кезегі мәселесін қозғады. Мұнан бөлек көшелерді асфалттау, жарықтандыру, әлеуметтік көмекке қатысты мәселелер көтерген тұрғындарда болды.Аудан басшысы жұмыссыздық мәселесі бойынша мамандықтарға сәйкес сұраныс болған жағдайда бос жұмыс орындарына кезектілікпен жіберілетіндігін түсіндірді. Кейбір азаматтарға қоғамдық жұмыс арқылыда жұмыс жасауға мүмкіндік барын жеткізді.Көшелерді асфальттау, жарықтандыру мәселелер бойынша кезектілікке сәйкес, қаржының мүмкіндігіне сәйкес жұмыстар жасалатыны түсіндіріліп, бұл бойынша жауапты сала басшыларына бірқатар тапсырмалар берілді.

 Қазалы ауданының әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a> «Әділетті және прогрессивті Қазақстанның Халықтық Конституциясы үшін!» Жалпыұлттық коалициясының мүшесі Мұрат Әбенов Сырдария ауданында болып, жергілікті тұрғындармен кездесті.Кездесуге аумақтық коалиция мүшелері Жұмабек Ембергенов, Алмас Есназар, Ақтөре Ибрагимұлы қатысты.Келелі кездесу барысында коалиция мүшелері аудан тұрғындарына жаңа Конституция жобасындағы өзгерістерді кеңінен түсіндірді.Жалпыұлттық коалициясының мүшесі, мәжіліс депутаты Мұрат Әбенов жаңа Конституция жобасындағы саяси жаңғырту нормаларын жан-жақты түсіндіріп, реформаның жүйелік сипатына ерекше тоқталды.<blockquote>«Жаңа редакция 11 бөлім мен 96 баптан тұрады. Бұл – қазіргі заман талаптарына сай әзірленген құжат. Қоғамда қалыптасқан жаңа ұғымдар мен құндылықтар ескерілген. Әсіресе азаматтардың жеке деректерін қорғау мәселесі күшейтілді. Бұл құқықтық қатынастарды әділ әрі нақты реттеуге мүмкіндік береді. Сондай-ақ жаңа жобада Жоғарғы Сот Төрағасы Президент тарапынан алты жылға бір рет қана тағайындалады. Бұл норма бір адамның ұзақ уақыт бойы жоғары лауазымда отыруына жол бермей, жеке мүдде мен ықпал ету мүмкіндігін шектеуге бағытталған. Мұны құқықтық жүйенің ашықтығы мен әділдігін күшейтетін маңызды қадам деп бағалауға болады, – Мұрат Әбенов.</blockquote>Өз кезегінде аумақтық коалиция мүшесі Жұмабек Ембергенов қоғам мен мемлекет арасындағы өзара сенімді бекемдеу – реформалардың негізгі бағыттарының бірі екенін атап өтті. Сондай-ақ «Заң және тәртіп» қағидатының қоғам тұрақтылығы мен әділетті дамудың басты кепілі екенін жеткізді. Ол Конституцияға енгізілетін өзгерістер азаматтардың құқықтық қорғалу деңгейін арттырып, мемлекет пен қоғам арасындағы сенімді нығайтатынына ерекше тоқталды.Кездесу барысында Конституция жобасының артықшылықтары аудан тұрғындарына жан-жақты әрі ашық диалог форматында түсіндірілді, жиынға қатысушылар тарапынан сұрақтар қойылып, мазмұнды пікір алмасу өтті.<blockquote>Сырдария ауданының Құрметті азаматы, мәдениет саласының үздігі, ардагер Тимур Айсин «Аудан тұрғыны ретінде айтарым – заң талаптарының болуы және оның Конституциямен бекітілуі өте дұрыс. Уақыт өткен сайын заңдарға өзгерістер енгізіліп, заман талабына сай жаңарып отыруы қажет. Біз отбасымызбен 15 наурыз күні референдумға барып, өз таңдауымызды жасаймыз», – деп пікір білдірді.</blockquote>

Конституциялық реформа – саяси жүйенің жаңғыруы

<a href="https://kyzylorda-news.kz/">Kyzylorda-news.kz</a> Жалпыұлттық коалиция қызметі аясында әлеуметтік желіні пайдаланушылардың аватарларына тақырыптық рамка орнату бастамасы жүзеге асырылуда, деп хабарлайды<a href="https://kaz.zakon.kz/kogam-tynysy/6077065-80-mynan-astam-leumettk-zheln-paydalanushylar-zhalpyltty-koalitsiya-bastamasyn-oldady.html"> Zakon.kz.</a>Бүгінде 15 наурызға белгіленген жалпыұлттық референдум қарсаңында өз азаматтық ұстанымын жария түрде білдіріп, акцияға 88 мыңнан астам адам қосылды, деп&nbsp;жазады&nbsp;«Әділетті және Прогрессивті Қазақстанның Халықтық Конституциясы үшін!» жалпыұлттық коалициясы.<blockquote>«Twibbonize.com ашық платформасында арнайы «referendum2026″ твиббоны жүктелді. Бірнеше күн ішінде өсу қарқыны бойынша ол ТОП-1 қатарына кіріп, сервистегі ең көп қолданылған твиббонға айналды. Сондай-ақ платформада басқа да бастамашылық&nbsp;акциялар&nbsp;орналастырылған. Қазіргі уақытта қолдаушылардың жалпы саны 88 мың адамға жетті. Жаңа Конституция жобасын қолдайтын азаматтар саны күн сайын артып келеді», делінген хабарламада.</blockquote>Онлайн-белсенділікке танымал қазақстандықтар да акцияға қосылды — блиц-шахматтан әлем чемпионы Бибісара Асаубаева, Сидней Олимпиадасының жүлдегері Мұхтархан Ділдәбеков, бокстан Қазақстанның үш дүркін чемпионы Василий Левит, еңбек сіңірген өнер қайраткері Қаракөз Сүлейменова, музыкант Абай Бегей, продюсер Ренат Басит, «Дервиши» тобының солисі Дильмурат Бахаров, халық әртісі Тұңғышбай Жаманқұлов, актер Ерболат Төлеген және басқа да көптеген тұлғалар.<blockquote>«Бұл бастама Қазақстанның әр өңіріндегі пайдаланушыларды біріктіріп, азаматтардың ел болашағын талқылауға қатысуының жоғары деңгейін көрсете отырып, қоғамда ерекше назар аудартқан цифрлық форматтардың біріне айналды», деп нақтылайды коалициядан.</blockquote>Айта кетсек, еліміздегі әуежайлар мен вокзалдар республикалық референдум жайлы ақпараттың алаңына&nbsp;айналды.Фото: referendum2026. kz

80 мыңнан астам әлеуметтік желіні пайдаланушылар жалпыұлттық коалиция бастамасын қолдады

<a href="https://kyzylorda-news.kz/">Kyzylorda-news.kz</a> &nbsp;Алматылық «Қайрат» футбол командасының 2026 жылғы маусымға құрамы толық белгілі <a href="https://kaz.inform.kz/news/kayrat-futbol-komandasi-zhana-mausimga-katisatin-kuramin-tanistirdi-cc7f33/">болды.</a>Команда құрамында бірқатар футболшының нөмірі ауысты. Өткен маусымда былтыр №72 жейдемен ойнаған Темірлан Анарбеков енді №1 жейдені таңдап отыр. Оған қоса былтыр №9 нөмірде жасыл алаңға шыққан шабуылшы Дастан Сәтпаевты жанкүйерлер алдағы уақытта №10 жейдемен жасыл алаңнан көреді.«Қайрат» командасының 2026 жылғы құрамыҚақпашылар: № 1 Темірлан Анарбеков, № 30 Данила Буч, № 82 Шерхан Калмурза;Қорғаушылар: № 3 Луиш Мата, № 4 Дамир Қасаболат, № 5 Лев Кургин, № 14 Александр Мартынович, № 20 Еркін Тапалов, № 21 Әмірбек Базарбаев, № 24 Александр Мрынский, № 25 Александр Широбоков, № 44 Лукас Африко;Жартылай қорғаушылар: № 6 Әділет Садыбеков, № 8 Олжас Байбек, № 11 Себастьян Себальос, № 13 Яакко Оксанен, № 17 Азамат Тұяқбаев, № 18 Дан Глазер, № 19 Ойва Юккола, № 27 Мұхамедали Әбіш;Шабуылшылар: № 7 Жоржиньо, № 9 Эдмилсон, № 10 Дастан Сәтпаев, № 15 Мансұр Бірқұрманов, № 23 Рамазан Бағдат, № 99 Рикардиньо.«Қайрат» биыл 2025/26 жылғы маусымда UEFA Чемпиондар лигасын негізгі кезеңінде сынға түсті.&nbsp;Қазақстандық команда негізгі кезеңде сегіз ойында бір ұпайға қол жеткізді. Олар Португалияның «Спортингіне» 1:4, Испанияның «Реал Мадридіне» 0:5, Италияның «Интеріне» 1:2, Грекияның «Олимпиакосына» 0:1, Данияның «Копенгагеніне» 2:3, Бельгияның «Брюггесііне» 1:4, Англияның «Арсеналына» 2:3 есебімен жол берсе, Кипрдің «Пафосымен» 0:0 есебімен тең түсті.https://kaz.inform.kz/news/kayrat-futbol-komandasi-zhana-mausimga-katisatin-kuramin-tanistirdi-cc7f33/Фото: «Қайрат» ФК

«Қайрат» футбол командасы жаңа маусымға қатысатын құрамын таныстырды 

<a href="https://kyzylorda-news.kz/">Kyzylorda-news.kz</a> Байқоңыр қаласында бой көтерген жаңа шағын ауданда 50 пәтерлі 5 тұрғын үйдің құрылысы аяқталды. Бұл туралы Өңірлік коммуникациялар қызметінде өткен баспасөз конференциясында облыс әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай айтып берді.<blockquote>«Халықты баспанамен қамту әлеуметтік саясаттың басты бағыты. Байқоңырда жаңа шағын ауданның қалыптасуы тұрғындардың өмір сүру сапасын арттыру жолындағы нақты нәтиже. Тұрғын үй мәселесін кезең-кезеңімен шешу мақсатында 2019 жылы «Нұрлы жер» мемлекеттік бағдарламасы аясында 50 пәтерлі 5 тұрғын үйдің құрылысы аяқталып, пайдалануға берілді. Нәтижесінде жаңа 7 «А» шағын ауданы бой көтерді. Ағымдағы жылдың қаңтар айында осы шағын ауданда тағы 50 пәтерлі 5 тұрғын үйдің құрылысы аяқталды», – деді Қайрат Ырзақұлұлы.Байқоңыр қаласы толықтай табиғи газға қосылды. Сонымен қатар Төретам және Ақай елді мекендері де көгілдір отынмен толық қамтамасыз етілген.«Қазіргі таңда облыс әкімдігімен «Байқоңыр қаласын сумен жабдықтау және су бұру жүйелерін қайта жаңарту» жобасын жүзеге асыруда. Жоба аясында 94,6 шақырым су құбыры және 84,6 шақырым кәріз желілері ауыстырылады», - деді Қайрат Нұртай.</blockquote>Байқоңыр қала мен ғарыш айлағын біріктіретін бірегей кешен. Ғасырлар тоғысындағы ғылыми жетістіктер мен адамзаттың ғарышты игеру тарихы осы жерде тоғысқан. Сондықтан кешен экономикасын әртараптандыруда туризмді дамыту уақыт талабы.<img src="https://knadmin.beoblood.kz/uploads/Baj_o_yr_alasyny_infra_rylymy_zha_artyluda_446d7a0e15.jpg" alt="Байқоңыр қаласының инфрақұрылымы жаңартылуда.jpg">Баспасөз конференциясында Қызылорда облысы әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай «Байқоңыр» кешенінің даму бағыттарына тоқталып, туризм саласын өркендету мәселесіне айрықша назар аударды.<blockquote>«Байқоңыр тек стратегиялық маңызы бар нысан ғана емес, ғарыш тарихының алтын бесігі. Біз оның әлеуетін тиімді пайдаланып, туризм арқылы экономикалық серпін беруді көздейміз. «Байқоңыр» кешенінде туризмді дамытудың 2029 жылға дейінгі тұжырымдамасы бекітілді. Бұл құжат кешеннің тарихи-танымдық және өндірістік әлеуетін ұштастыра отырып, жаңа туристік бағыттарды жүйелі түрде қалыптастыруды көздейді. Қазіргі таңда ғарыш айлағының бірқатар тарихи нысандары жалдан шығарылып, келушілер үшін жаңа туристік маршруттар ашылды. Олардың қатарында адамзат тарихындағы тұңғыш ғарыш сапарына жол ашқан «Гагарин старты», «Гагарин беседкасы», динамикалық сынақ стенді, сондай-ақ «Буран» монтаждау-жанармай құю кешені бар. Бұл нысандар ғарышты игеру дәуірінің үнсіз куәгерлері, ғылыми прогрестің жарқын айғағы» - деді Қайрат Ырзақұлұлы.</blockquote>Сонымен қатар, ғарыш айлағы тарихында алғаш рет Аэроғарыш комитетімен заманауи киіз үй үлгісіндегі қазақстандық бақылау пункті ашылды. Бұл ұлттық болмысты айшықтай отырып, заманауи технологиямен үйлесім тапқан ерекше жоба. Байқоңырды халықаралық деңгейдегі туристік орталыққа айналдыру алдағы жылдардың басты міндеттерінің бірі.Осылайша, ғарыш тарихының алтын парақтары жазылған Байқоңыр бүгінде тек стратегиялық кешен ғана емес, сонымен қатар болашаққа бағытталған туристік және экономикалық даму нүктесіне айналып отыр.

Байқоңыр қаласының инфрақұрылымы жаңартылуда

<a href="https://kyzylorda-news.kz/">Kyzylorda-news.kz</a> Онкологиялық ауруларды ерте анықтаудың ең дәл әдістерінің бірі – ПЭТ/КТ зерттеуі енді Қызылорда тұрғындарына да қолжетімді. Тексеру Orhun Medical компаниясының жаңа медициналық орталығында тегін медициналық көмектің кепілдендірілген көлемі (ТМККК) аясында жүргізіледі.Қызылорда қаласының тұрғыны Гүлсім Жанпейісова тексеруден тұрғылықты жері бойынша өту мүмкіндігі үшін және онкологиялық ауруы бар науқастарға көрсетіліп жатқан қамқорлық үшін алғысын білдірді.<blockquote>–&nbsp;Жеті жылдан бері онкологиялық ауру бойынша диспансерлік есепте тұрмын. Бұрын тексеруден өту үшін Алматы мен Астанаға баруға тура келетін. Бұл жол шығындарын көбейтеді әрі науқас адам үшін ұзақ сапар өте қиын. Енді қымбат тұратын тексеруден өз қаламда тегін өте аламын. Ауруым анықталғаннан бері емді уақытылы алып келемін,&nbsp;– деді пациент.</blockquote>Позитронды – эмиссиялық томография компьютерлік томографиямен бірге жүргізілгенде жасушалық деңгейде патологиялық өзгерістерді анықтауға мүмкіндік береді. Бұл әдіс қатерлі ісік ісіктері мен метастаздарды клиникалық белгілер пайда болмай тұрып анықтауға көмектеседі.<blockquote>–&nbsp;Биыл біз онкологиялық ауруы бар шамамен екі мың пациентті тексеруден өткізуді жоспарлап отырмыз. Аталған аппараттың артықшылығы&nbsp;- метастаздарды және қатерлі ісіктің әртүрлі сатыларындағы ісіктерді анықтауға мүмкіндік беруі. ТМККК аясында тегін тексеруден өту үшін пациент онкологиялық диспансерлік есепте тұруы және емхананың&nbsp;аймақтық дәрігерінің жолдамасы болуы қажет,&nbsp;– деді сәулелік диагностика дәрігері Дінмұхамбет Тұрсын.</blockquote>2027&nbsp;жылы медициналық орталық сүйек тініндегі метастаздарды анықтауға мүмкіндік беретін ОФЭКТ/КТ аппаратын орнатуды жоспарлап отыр.

Онкология: жеңу жолы – ерте анықтау 

<a href="https://kyzylorda-news.kz/">Kyzylorda-news.kz</a> Қазақстан Республикасының жаңа Конституция жобасы бойынша жалпыхалықтық референдум қарсаңында қоғамда қолайлы көңіл-күй сақталып отыр. 18 жастан асқан 1 200 респонденттің қатысуымен жүргізілген телефондық сауалнама нәтижелері осындай қоғамдық көңіл-күйді айқын көрсетті. Зерттеу еліміздің 20 облысы мен республикалық маңызы бар 3 қаласын толық қамтыды.Сауалнама нәтижелері халықтың хабардарлық деңгейі айтарлықтай жоғары екенін көрсетеді: азаматтардың басым бөлігі жоба мазмұнымен белгілі бір деңгейде таныс немесе ол туралы естіген. Сұралғандардың 22,5%-ы жаңа Конституциямен таныс емес екенін айтқан.Конституция жобасы халық тарапынан елеулі қолдауға ие екені байқалады. Жалпы алғанда Конституциямен қандай да бір деңгейде таныс респонденттердің 78,8%-ы құжатты қолдайды, оның ішінде 31,7%-ы толық қолдайтынын білдірсе, 47,1%-ы көбіне қолдайтынын атап өткен.Өздерінің күнделікті өміріне және құқықтық мәртебесіне тікелей әсер ететін мәселелер азаматтардың ерекше қызығушылығын тудырып отыр. Халық ең көп талқыланатын үш негізгі тақырып келесідей:1. Азаматтардың құқықтары мен бостандықтары – 35,3%;2. Әлеуметтік кепілдіктер (білім беру, денсаулық сақтау, зейнетақы) – 29,5%;3. Экология мәселелері – 18%.Сонымен қатар білім мен ғылым саласына (17,3%) да айтарлықтай көңіл бөлінген. Яғни азаматтардың қызығушылық құрылымы ең алдымен олардың әлеуметтік жағдайы мен өмір сапасына тікелей ықпал ететін нормаларға бағытталған.Сауалнамаға қатысқандардың басым бөлігі құжатты дайындау жұмысын да оң бағалап отыр. Респонденттердің 68,3%-ы «Конституциялық комиссия өзіне жүктелген міндетті орындай алды» деп есептейді, оның ішінде 16,4%-ы бұған толық сенімді, 49,8%-ы бұл бағалаумен негізінен келіседі.Сондай-ақ, сауалнама нәтижелері электоралдық белсенділіктің жоғары деңгейін көрсетеді. «2026 жылдың 15 наурызында жаңа Конституцияны қабылдау бойынша референдум өтеді. Сіз оған қатысасыз ба?» деген сұраққа респонденттердің 71,4%-ы оң жауап берген. Оның ішінде 32,9%-ы сайлау учаскелеріне міндетті түрде келетінін нақты айтса, 38,5%-ы дауыс беруге қатысуының ықтимал екенін жеткізген.Конституциялық реформаны талқылау негізінен тұлғааралық сипатқа ие. Азаматтар бұл мәселелерді көбіне отбасы мүшелерімен (37,6%), достары және таныстарымен (34,5%), сондай-ақ әріптестерімен (30,1%) талқылайды. Цифрлық ортадағы пікір алмасу салыстырмалы түрде сирек кездеседі (17,9%).Әлеуметтік желілер маңызды ақпарат көзі болып қала бергенімен, қолданушылардың басым бөлігі бақылаушы позициясында қалып отыр: олардың 59,8%-ы пікірталасқа қатыспай, жарияланымдарды тек оқумен шектеледі.Осылайша, сауалнама нәтижелері жаңа Конституция жобасының қоғам тарапынан жалпы алғанда жағымды қабылданатынын, халықтың хабардарлық деңгейі жоғары екенін және азаматтардың референдумға қатысуға айтарлықтай дайын екенін көрсетеді. Дегенмен, қоғамдық пікірдің қалыптасу үдерісі жалғасып жатса, реформаны талқылау белсенділігі сақталып отыр.Сауалнама әдістемесі: телефон арқылы сауалнама Институттың жеке қаражатына 2026 жылғы 14-18 ақпан аралығында жүргізілді. Сауалнамаға қатысқандар саны 1 200 респондент. Зерттеуге Қазақстанның 17 облысынан және республикалық маңызы бар 3 қаласынан (Астана, Алматы және Шымкент) 18 жастан асқан азаматтар қатысты. Телефондық сауалнама ұялы байланыс абоненттері арасында жүргізілді. Сауалнама қазақ және орыс тілдерінде өткізілді. Статистикалық ауытқуы 2,8%-дан аспайды. Сауалнама ОСК-ның жазбаша хабарламасы негізінде жүргізілді.Әлеуметтік-демографиялық блок: сауалнамаға 43,4% ер адам және 56,6% әйел қатысты, респонденттердің 64,2%-ы қала тұрғындары, 35,8%-ы ауыл тұрғындары болды.Қазақстандықтардың 80%-ы Конституциялық реформаны қолдайды2026 жылдың қаңтар айында «Қоғамдық пікір» зерттеу институты Мемлекет басшысы бастаған конституциялық реформаны азаматтардың қабылдауы мен бағалауын анықтауға бағытталған телефон арқылы сауалнамасын жүргізді.Зерттеу нәтижелері қаңтар айында қазақстандықтардың басты назары әлеуметтік-саяси және экономикалық күн тәртібіндегі оқиғаларда болғанын көрсетті. Респонденттердің 32,7%-ы айдың ең маңызды оқиғасы ретінде Қызылордада өткен Ұлттық құрылтайды атаған. Екінші орында – Салық кодексінің күшіне енуі (30,7%).Осылайша, әлеуметтік-саяси күн тәртібі азаматтардың қабыдауында басты орында екені белгілі болды. Сонымен қатар, қазақстандықтар дәстүрлі түрде мақтаныш пен отансүйгіштіктің қайнар көзі болып табылатын спорттық және мәдени жетістіктерді де назардан тыс қалдырмады. Мысалы, респонденттердің 18,3%-ы әлемнің үш дүркін чемпионы атанған шахматшы Бибісара Асаубаеваның спорттық жетістігін, ал 9,3%-ы қазақстандық теннисші Александр Бубликтің жетістігін және басқа да спорттық жетістіктерді атап өткен.Азаматтардың назарының әлеуметтік-саяси өзгерістерде болуы жүргізіліп отырған реформалардың олар тарапынан уақытылы рефомалар ретінде қабылданатынының белгісі болып табылады. Жалпы алғанда осындай пікірді 79% респондент білдірген. Олардың 48,2%-ы реформаларды «уақтылы деуге болады» десе, 30,8%-ы «толықтай уақтылы» деген ой білдірген.Бір палаталы Парламентке өту (31,1%), вице-президент лауазымын енгізу (21,6%), Халық Кеңесін құру (20,1%), сондай-ақ жалпы конституциялық реформаны өткізу (15,2%) респонденттер тарапынан ең маңызды, әрі есте қаларлық реформалар ретінде анықталып отыр.Сонымен қатар зерттеу нәтижелері қоғамның бір бөлігінің әлеуметтік-саяси күнтәртібіне қатысты белсенді талқылаулардан әзірге тыс қалып отырғанын көрсетеді. Мысалы 24,4% респондент Ұлттық құрылтай туралы ешнәрсе білмейтінін атап өткен.Алдағы реформалардан қазақстандықтардың не күтетінін анықтауға арналған сауалнаманың жеке бір бөлімі олардың бірінші кезектегі күтілімдерінің мемлекеттің ашықтығы мен орнықтылығының артуымен байланысты екенін көрсетті. Осы тұста респонденттер тарапынан мемлекет пен халық арасындағы диалогты кеңейту (32,3%), мемлекеттік басқару сапасын жақсарту (23,3%), бүгінгіден де тұрақты саяси жүйені қалыптастыру (18,9%), елдің тәуелсіздігін нығайту (17%), мемлекет пен қоғам арасындағы диалогтың кеңейту (12,1%), парламенттің рөлін күшейту (11,3%) және демократияландыруды одан әрі тереңдету (9,3%) қажеттілігі анықталып отыр.Сауалнамаға қатысушылардың едәуір бөлігі конституциялық реформалардың жүргізілуін өзінің жеке тұрмыс деңгейінің жақсаруымен тікелей байланыстырған. Жалпы алғанда 65,1% респондент ұсынылып отырған өзгерістер олардың жеке өмірі мен тұрмыс деңгейінің жағымды өзгеруіне әсер ететініне сенімді: 34% респондент «иә, сөзсіз», ал 31,1% «көбінде иә» жауаптарын берген.Жаңа Парламенттен азаматтар бірінші кезекте көбірек ашықтық, нәтижелі жұмыс және халықпен белсенді диалогты күтеді. Нақтырақ айтқанда, респонденттер Құрылтай депутаттары халыққа көбірек құлақ асады (37,8%) және адамдардың өмірін жақсартатын шешімдерді қабылдайды (32%) деген үміттерін білдірді.Сонымен қатар, қазақстандықтар жаңарған Парламенттен жаңа саяси тұлғалардың пайда болуын (11,1%), қоғамдық талқылаулар мен оларға халықтың қатысуының көбеюін (6,2%) және заң шығарушы органның жалпы ықпалының күшеюін күтеді (6%).Құрамына этномәдени бірлестіктердің, мәслихаттардың, қоғамдық кеңестер мен ҮЕҰ өкілдері кіреді деп күтілетін жаңа жоғары консультативтік орган Халық Кеңесінен азаматтардың күтілімдеріне келсек: респонденттердің басым көпшілігінің пікірінше (66,2%) ол барлық азаматтардың мүдделерін тең дәрежеде алға тартатын болады.Респонденттердің едәуір аз бөлігі Халық кеңесі өз қызметі мен шешімдерінде көбірек жеке топтардың қызығушылықтарына бағытталады деп есептейді: мәслихатты 8,8%, ірі қоғамдық бірлестіктерді – 7,3%, аймақтық қоғамдық кеңестерді – 5%, этномәдени бірлестіктер – 4,8% белгілеген.Жалпы, әлеуметтанулық зерттеу нәтижелері азаматтардың жүргізіліп отырған конституциялық реформаның мәніне, өкілді демократияның жаңа институттарының құзыретіне қызығушылық танытатынын, олар туралы жеткілікті жоғары деңгейде хабардар екенін, сондай-ақ олардың ашық әрі тиімді жұмыс атқаруына деген қоғамдық сұраныстың бар екенін көрсетеді.Осының нәтижесі ретінде сауалнамаға қатысқан азаматтардың басым көпшілігі алдағы конституциялық реформаны қолдайтынын білдіреді. Жалпы алғанда, бұл – респонденттердің 78,4%-ы, олардың 40,1%-ы реформаны «көбіне қолдайды», ал 38,3%-ы «толық қолдайды». Бұл көрсеткіштер өз кезегінде реформаның уақтылы әрі қоғам тарапынан сұранысқа ие екенін растайды.Фото: opinions.kz

Қазақстан және Қызылорда облысының жаңалықтары