​<a href="https://kyzylorda-news.kz/">Kyzylorda-news.kz</a>&nbsp; Бүгін «Өнер орталығында» 1 мамыр – Қазақстан халқының бірлігі күніне арналған «Қазақстан – достықтың мекені» атты салтанатты шара өтті. Оған облыс әкімі Нұрлыбек Нәлібаев, құқық қорғау органдарының басшылары, зиялы қауым өкілдері қатысты.<img src="https://knadmin.beoblood.kz/uploads/aza_stan_Dosty_ty_mekeni_atty_saltanatty_shara_tti_2_10dc0ab9fc.jpg" alt="«Қазақстан – Достықтың мекені» атты салтанатты шара өтті 2.jpg">Аймақ басшысы өңір тұрғындарын бейбітшіліктің, келісімнің мерейлі мерекесімен құттықтады.<blockquote>«Мемлекет басшысының бастамасымен, халықтың қолдауымен қабылданған жаңа Конституциямызға сәйкес, қоғам мен билік арасындағы байланысты нығайту мақсатында елімізде Халық кеңесі институты құрылуда.Бұл бастама тұрғындарымыздың ұсыныс-пікірін ескеріп, елдік мәселелерді жұртшылықпен бірге талқылауға негізделген әділетті қоғам қалыптастырудың маңызды тетігі болмақ.Бір жағадан бас, бір жеңнен қол шығарып, жұдырықтай жұмыла білгеннің арқасында ортақ мүдде жолындағы қиындықтарды қайыспай көтеріп, қуанышымызды бірге бөлісіп, ақ ниетімізді, асыл қасиеттерімізді танытып келеміз. Бұл – тілі басқа болса да тілегі бір, жүзі басқа болса да жүрегі бір жұртымыздың айнымас бірлігінің дәлелі.Еліміздегі этносаралық достық пен бірліктің үлгісін әлемге танытқан Қазақстан халқы Ассамблеясының 30 жылдығына орай «Қазатомөнеркәсіп» ұлттық атом компаниясының демеушілігімен қаламызда 3 млрд. 800 млн. теңгеге салынған «Достық үйінің» заманауи, сәулетті, жаңа ғимараты ел игілігіне табысталды. Бұл – аймағымыздың бірлігі мен ынтымағын нығайтуға атсалысқан этномәдени бірлестіктер мен Ассамблея белсенділері үшін барлық қажеттіліктермен қамтамасыз етілген заманауи ғимарат.Баршаңызды 1 мамыр – Қазақстан халқының бірлігі күнімен шын жүректен құттықтаймын! Егемен еліміздің еңсесі биік, Тәуелсіздігіміздің тұғыры берік болғай!»,– деді Нұрлыбек Машбекұлы.</blockquote>Салтанатты шарада бейбітшілік пен достықты нығайтуға, аймақтың әлеуметтік-экономикалық дамуына елеулі үлес қосқан азаматтарға ІІІ дәрежелі «Барыс», «Парасат», «Құрмет» ордендері, «Ерен еңбегі үшін» медалі, ҚР Президентінің Алғысы және «Барыс» төсбелгісі, облыстың Құрмет грамотасы мен облыс әкімінің Алғыс хаты табысталды.Мерекеде облыстық корейлер қауымдастығының «Хан» би ансамблі корей биін, «Славян» этномәдени бірлестігінің «Сударушки» вокалдық тобы «Праздники» әнін орындап, концерттік бағдарлама грузин биімен жалғасты.Өңірде 11 этномәдени бірлестік пен 9 қоғамдық құрылым бар. Олар этносаралық татулықты нығайтуға, қоғамдық келісімді сақтауға және ел бірлігін бекемдеуге бағытталған маңызды бастамаларды жүзеге асырып келеді.<img src="https://knadmin.beoblood.kz/uploads/assambleya_foto_oblys_kimdigi_0076ad7d3e.jpg" alt="ассамблея фото облыс әкімдігі.jpg">Ассамблея жанындағы ғылыми-сарапшылық топтың қатысуымен халықаралық ғылыми-танымдық конференция, «Сыр елі – достық мекені» республикалық Ассамблея жастары форумы, «Достық керуені» байқауы және «Бірлігі бекем Сыр елі» республикалық форумы ұйымдастырылды.Татар этномәдени бірлестігінің 35 жылдық мерейтойы халықаралық деңгейде аталып өтті. Шараға Татарстан Республикасынан арнайы қонақтар қатысып, ел бірлігі мен шынайы достықтың маңызын айқындаған тағылымды басқосу болды.Қызылордаға ерекше архитектуралық сән берген «Достық үйінің» жаңа ғимаратында этнос өкілдерінің жастарына арналған шығармашылық үйірмелері, медиация орталығы, музей, Ассамблея жанындағы ғылыми сарапшылық топтар жұмыс істейді. Жаңа нысан азаматтық қоғам институттарының басын қосатын, жаңа бастамаларды дамытатын орталыққа айналды.Барлық аудандағы жаңадан салынған «Руханият орталықтарынан» музей, кітапхана, архив, неке қию залдары ашылған, ардагерлер мен аналар кеңесіне, оған қоса этномәдени бірлестіктерге, үкіметтік емес ұйымдарға да жабдықталған жұмыс кабинеттері берілген. Орталықтардағы «Қоғамдық келісім» кабинеттері этнос өкілдерінің мәдени-рухани сабақтастығын сақтауға қызмет етеді.Фото: Қызылорда облысы әкімінің баспасөз қызметі

«Қазақстан – Достықтың мекені» атты салтанатты шара өтті

<a href="https://kyzylorda-news.kz/">Kyzylorda-news.kz</a> Бүгін «Достық үйінде» «Qyzylorda» телеарнасының 35 жылдығына арналған салтанатты шара өтті. Оған облыс әкімі Нұрлыбек Нәлібаев, «Қазақстан» Республикалық телерадио корпорациясы» акционерлік қоғамының бас редакторы Болат Мүрсәлім, Ақтөбе, Оңтүстік Қазақстан, Жамбыл облыстық телеарналарының директорлары, мәслихат депутаттары және зиялы қауым өкілдері қатысты.<img src="https://knadmin.beoblood.kz/uploads/QYZYLORDA_Telearnasyna_35_zhyl_A_parat_ajdynynda_y_ajtuly_beles_f8b35a9d79.jpg" alt="«QYZYLORDA» Телеарнасына 35 жыл Ақпарат айдынындағы айтулы белес.jpg"><img src="https://knadmin.beoblood.kz/uploads/35_let_telekanalu_Qyzylorda1_f25ea50951.jpg" alt="35 лет телеканалу Qyzylorda1.jpg">Аймақ басшысы телеарна ұжымын мерейтойымен құттықтап, өңірдің ақпараттық кеңістігін дамытуға қосқан елеулі үлесін атап өтті.<blockquote>«Мемлекет басшымыз Қасым-Жомарт Кемелұлы «Біз озық ойлы ұлт болуымыз қажет. Көш бастайтын елдердің қатарына қосылуымыз керек. Бір ел болып, жұдырықтай жұмылсақ, бұл мақсатымызға міндетті түрде жетеміз. Осы ортақ жұмысқа журналистер қауымы да зор үлес қосып жүр. Сіздерді реформаның қозғаушы күші деп айтуға болады», – деп атап өтті.«Qyzylorda» телеарнасындағы білікті әрі тәжірибелі мамандар заманға сай озық техникалар мен жаңа технологиялардың мүмкіндіктерін пайдаланып, журналистикадағы жаңа бастамаларды ақпарат айдынына батыл енгізіп келеді.Аймағымыздың жетекші арнасы ел өміріндегі саяси маңызды оқиғалар туралы ақпаратты жылдам таратып, жағымды жаңалықтардың хабаршысы болуда. Телеарна эфирге шыққан 35 жыл ішінде халық шығармашылығын дамыту мен жергілікті музыкалық контентті қалыптастыруға айрықша басымдық берді.Бүгінде «Ботақан» балалар телефестивалі, «Сыр жұлдыздары» ән байқауы, «Жыр керуен», «Асыл мұра», «Сыр сүлейін сұрасаң...», «Ғасырлар үні» секілді дәстүрлі музыканы насихаттайтын тағылымды жобалар телеарнаның алтын қорын толықтырды.Сыр өңірінің жылнамасын, Тәуелсіздік шежіресін қалыптастырудағы қажырлы еңбектеріңіз үшін Сіздерге зор ризашылығымды, алғысымды білдіремін. Ақпарат айдынында заман көшінен қалмай, жаңа медианы меңгеріп, елдікті сақтау, азаттықты баянды ету жолында абыройлы қызмет атқара бергейсіздер!», – деді Нұрлыбек Машбекұлы.</blockquote>Жиында корпорацияның бас редакторы Болат Мүрсәлім, «Құрмет» орденінің иегері Жағыппар Қарабала сөз сөйледі.Кәсіби шеберлігі мен телевизия саласындағы қажырлы еңбегі үшін бірқатар азаматқа ҚР Мәдениет және ақпарат министрлігінің «Еңбек ардагері», «Ақпарат саласының үздігі» төсбелгілері, облыстың Құрмет Грамотасы, облыс әкімнің Алғыс хаты, «Қазақстан» республикалық телерадиокорпорациясы» акционерлік қоғамының Құрмет грамотасы мен Алғыс хаты табысталды.Фото: Қызылорда облысы әкімнің баспсөз қызметі

«QYZYLORDA» Телеарнасына 35 жыл: Ақпарат айдынындағы айтулы белес

<a href="https://kyzylorda-news.kz/">Kyzylorda-news.kz</a> &nbsp;Шиелі аудандық соты Қызылорда облысында заңсыз онлайн-құмар ойын ұйымдастыру және банктік шоттарды заңсыз пайдалану деректері бойынша екі қылмыстық істі қарады. Бұл туралы Қызылорда облысы бойынша&nbsp;экономикалық тергеп-тексеру департаменті хабарлады.&nbsp;Сот материалдарына сәйкес, сотталушы «А» 2025 жылдың қыркүйек–қазан айлары аралығында әлеуметтік желі арқылы «Карта-Лото» заңсыз құмар ойынын ұйымдастырып, ақша аударымдарын қабылдау үшін үшінші тұлғаның «Kaspi» қосымшасын заңсыз пайдаланған.&nbsp;Ал «Г» есімді азаматша &nbsp;аталған заңсыз әрекетке қатыса отырып, өз анасының атына тіркелген банк шотын үшінші тұлғаға пайдалануға беріп, материалдық сыйақы алған. Сот отырыстарында екі сотталушы да өз кінәларын толық мойындап, жасаған әрекеттеріне өкінетіндерін білдірді. Олардың кәмелетке толмаған балаларының болуы және шын ниетпен өкінуі жеңілдететін мән-жайлар ретінде ескерілді.Сот үкімімен &nbsp;«А» &nbsp;ҚР ҚК 232-1-бабы 7-бөлігі бойынша кінәлі деп танылып, 3 жылға бас бостандығын шектеу жазасы тағайындалды. Бұрынғы үкіммен біріктіріліп, түпкілікті 4 жыл бас бостандығынан айыру жазасы белгіленді. Жаза өтеу кәмелетке толмаған балаларының болуына байланысты кейінге қалдырылды, сондай ақ пробациялық бақылау белгіленді. Ал күдікті «Г» ҚР ҚК 232-1-бабы 1-бөлігі бойынша кінәлі деп танылып, 25 АЕК (98 300 теңге) көлемінде айыппұл салынды. Сонымен қатар жәбірленушілерге өтемақы қорына 5 АЕК (19 660 теңге) мөлшерінде төлем өндірілді. Үкім заңды күшіне енді. Фото: Қызылорда облысы бойынша&nbsp; экономикалық тергеп-тексеру департаменті

Банк шотын жалға беру – дропперлік: заңсыз онлайн ойынның жолы кесілді

1 мамыр – Қазақстан халқының бірлігі күніне орайҚазақстан – татулық пен келісімнің алтын ұясы. Кең байтақ елімізде сан түрлі ұлт пен ұлыс өкілдері бір шаңырақ астында тату-тәтті өмір сүріп, ортақ Отанымыздың өркендеуі жолында аянбай еңбек етуде. Бұл – еліміздің басты құндылығы, тәуелсіздігіміздің ең үлкен жетістіктерінің бірі.1 мамыр – Қазақстан халқының бірлігі күні – ел ішіндегі достық пен өзара құрметтің, түсіністік пен ынтымақтың айқын көрінісіне айналған мереке. Осындай игі құндылықтар, әсіресе, әскери қызмет саласында ерекше маңызға ие. Себебі Отан қорғау – ұлтқа бөлінбейтін, баршаға ортақ қасиетті міндет.Ұлттық ұланның 5547 әскери бөлімінде де түрлі этнос өкілдері бір сапта қызмет етіп, ел тыныштығын күзетуде. Мұнда ұлтқа емес, қызметке, тәртіп пен жауапкершілікке мән беріледі. Әрбір әскери қызметші – ортақ мақсат жолында біріккен нағыз патриот.Осындай абыройлы қызмет атқарып жүрген азаматтардың бірі – ұлты өзбек, майор Захиддин Бабанов.Майор Захиддин Бабанов – әскери бөлімдегі тәжірибелі, білікті әрі жауапкершілігі жоғары офицерлердің бірі. Ол өзінің қызмет жолында кәсібилігімен, тәртіпке беріктігімен және адами қасиеттерімен әріптестерінің құрметіне бөленіп келеді. Қай тапсырма жүктелсе де, оны тиянақты орындап, бөлімнің жауынгерлік дайындығын арттыруға елеулі үлес қосуда.Әскери қызмет – үлкен төзімділік пен табандылықты талап ететін сала. Бұл жолда әрбір офицер тек өзіне ғана емес, қарамағындағы жеке құрамға да жауап береді. Майор Захиддин Бабанов осы жауапкершілікті терең түсініп, ұжыммен тығыз байланыста жұмыс жүргізіп келеді. Ол жас сарбаздарға тәлімгер бола отырып, оларды тәртіпке, Отанға адал қызмет етуге баулиды.Өзінің айтуынша: «Қазақстан – бізге ортақ үй. Әртүрлі ұлт өкілдері бір мақсатта қызмет етіп, бір-біріне тірек бола білуі – ең үлкен күш. Әскери салада бірлік пен сенім болмаса, нәтиже де болмайды».Бұл сөздер оның азаматтық ұстанымын, елге деген шынайы құрметін айқын көрсетеді. Өзбек ұлтының өкілі бола тұра, ол қазақ елінің мәдениеті мен дәстүрін құрметтеп, мемлекеттік тілге ерекше мән береді. Қызмет барысында қазақ тілін еркін қолдануы – оның елге деген ықыласының белгісі.5547 әскери бөлімінде түрлі мерекелер мен мәдени іс-шаралар жоғары деңгейде ұйымдастырылып тұрады. Мұндай шаралар ұжымдағы достықты нығайтып, әртүрлі этнос өкілдерінің өзара түсіністігін арттыра түседі. Бірлік күніне арналған іс-шараларда әр ұлттың салт-дәстүрі насихатталып, ортақ құндылықтар дәріптеледі.Майор Захиддин Бабанов осындай шараларға белсенді қатысып, ұжымның рухани бірлігін нығайтуға өз үлесін қосып келеді. Оның қарапайымдылығы мен іскерлігі, сабырлылығы мен адамгершілігі – әріптестері арасында жоғары бағаланады.Жалпы, әскери бөлімдегі түрлі ұлт өкілдерінің бір мақсат жолында еңбек етуі – еліміздегі бірлік пен келісім саясатының нақты көрінісі. Мұнда әркімнің ұлтына емес, атқарған ісіне қарап бағалау дәстүрі қалыптасқан. Бұл – шынайы әділдік пен кәсібиліктің белгісі.1 мамыр – бірлік мерекесі қарсаңында майор Захиддин Бабанов сынды азаматтардың еңбегін дәріптеу – баршамызға үлгі. Себебі ел тыныштығы мен қауіпсіздігі жолында аянбай қызмет етіп жүрген мұндай тұлғалар – мемлекеттің тірегі.Қорытындылай келе, ел бірлігі – ең басты байлығымыз. Оны сақтау – әрбір азаматтың қасиетті борышы. Бірлігі бекем елдің келешегі де кемел болары анық.Татулық туы биік, бірлігі мығым Қазақстанымыз жасай берсін!&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Маратова Фатима&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Тәрбие және әлеуметтік құқықтық &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; жұмыстар бөлімше бастығының&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;аға көмекшісі (мемлекеттік тіл бойынша)

Бірлік – ел қорғанының берік қалқаны

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев, «Қазақстан» Республикалық телерадио корпорациясы» акционерлік қоғамының бас редакторы Болат Мүрсәлім облыстық «Qyzylorda» телеарнасының жұмысымен танысты. Телеарна алғаш рет 1991 жылдың 30 сәуірінде эфирге шығып, 35 жылдан бері өңір тұрғындарын үздіксіз әрі жедел ақпаратпен қамтамасыз етіп келеді.&nbsp;Осы жылдар аралығында отандық журналистиканың үздік мектептерінің бірі болып қалыптасты, арна тілшілері Тәуелсіздік жылдарындағы Сыр өңірінің шежіресін жасауға атсалысты. Шығармашылық ұжым дайындаған сюжеттерде, бағдарламаларда жұртшылықтың ойы мен пікірі, талабы мен тілегі айқын көрініс табады.&nbsp;Телеарна ғимараты үш және төрт қабатты екі блоктан тұрады, жалпы аумағы 3500 шаршы метр. Заманауи талаптарға сай жабдықталған 4 студия бар. Атап айтқанда, қойылымдық хабарларға арналған түсіру павильоны, жаңалықтар, виртуалды және дыбыс жазу студиялары. Биыл ғимаратқа күрделі жөндеу жұмыстары жүргізіліп, материалдық-техникалық базасы жаңартылды.Бүгінде телеарна цифрлық форматта тәулігіне 15 сағат хабар таратады. Жаңалықтар күніне жалпы 8 рет, оның 6-ы тікелей эфирде көрерменге ұсынылады. Апта сайын әртүрлі бағыттағы 35-тен астам бағдарлама дайындалады. Өзіндік өнімнің үлесі 67 пайыз.Телеарна эфирінде «Өмірдің өзі…», «Өзекжарды», «Ұлт саулығы», «Қайырлы күн, Қызылорда!», «Анықтаймыз», «Құдайы қонақ», «Қызық орда», «Параллель», «Пайдалы подкаст», «Үштаған» секілді жобалар тұрақты көрсетіліп келеді. Бұл бағдарламаларда қоғамдағы өзекті мәселелер көтеріліп, көрермен сұранысына сай сапалы әрі мазмұнды ақпарат, жан-жақты сараптамалар беріледі.Бүгінде мұнда 71 кәсіби маман еңбек етеді. Ұжым өңірдің әлеуметтік-экономикалық, мәдени-рухани даму жолын жан-жақты насихаттауға өз үлесін қосып келеді.<img src="https://knadmin.beoblood.kz/uploads/Oblys_kimi_oblysty_telearna_2_27d855711e.jpg" alt="Облыс әкімі облыстық телеарна 2.jpg">

Аймақ басшысы «QYZYLORDA» телеарнасының жұмысымен танысты

<a href="https://kyzylorda-news.kz/">Kyzylorda-news.kz</a> Елімізде Мемлекет басшысының бастамасымен жүзеге асқан «Таза Қазақстан» акциясы аясында елді мекендердің санитарлық тазалығын сақтау жұмыстары жүйелі жүргізілуде. Аймақ басшысы Нұрлыбек Машбекұлы Нәлібаевтың тапсырмасына сәйкес, Сырдария ауданының әкімі Берік Сәрменбаев аудан аумағындағы бірқатар әлеуметтік нысандарды аралап, санитарлық тазалық жұмыстарын бақылады. Аралау барысында олардың айналасының тазалығы мен техникалық жай-күйіне назар аударды.Сырдария ауданының әкімі Берік Сәрменбаев мекеме аумақтарын таза ұстау, абаттандыру, көгалдандыру және мекеме сыртының жай-күйін ұдайы күтіп ұстау жұмыстарын жүйелі жүргізу қажеттігін атап өтті.<blockquote>— Санитарлық тазалық – баршамызға ортақ міндет. Тазалық жұмыстары тек сенбіліктермен шектелмей, күнделікті әдетке айналуы тиіс. Әрбір мекеме өз аумағын ғана емес, ғимараттың сыртқы келбеті мен жай-күйін де талапқа сай күтіп ұстауы қажет, – деді Берік Әбдіғаппарұлы.</blockquote>Сонымен қатар, аралау барысында анықталған кемшіліктер бойынша тиісті сала басшыларына оларды қысқа мерзімде жою жөнінде нақты міндеттер жүктелді. Көгалдандыру, ағаш отырғызу және мекеме сыртының жай – күйіне баса мән беру қажеттігі ескертілді.<img src="https://knadmin.beoblood.kz/uploads/Syrdariya_k_rkejtu_k_galdandyru_zh_mystary_2_37e4729993.jpg" alt="Сырдария көркейту-көгалдандыру жұмыстары 2.jpg">

Сырдария: Көркейту-көгалдандыру жұмыстары басты назарда

<a href="https://kyzylorda-news.kz/">Kyzylorda-news.kz</a> Жаңақорған ауданының әкімі Мажит Самитовтың қатысуымен Қаратөбе ауылдық округіндегі «Сұңқар» шаруа қожалығының егіс алқабында «Дала күні-2026» семинар-кеңесі өтті.&nbsp;Іс-шараға қатысушылар алдымен ауыл шаруашылығы көрмесін тамашалап, саладағы заманауи техникалар мен озық тәжірибелермен танысты. Әрі қарай шара «Дала күні» семинар-кеңесімен жалғасты. Семинарда аудандық ауыл шаруашылығы мен жер қатынастары бөлімінің басшысы Талғат Зейдалиев көктемгі егіске дайындық барысы туралы баяндады. Ал «Жаңақорғансушар» өндірістік учаскесінің басшысы Әбдімажит Ахметов шаруашылықтарды сумен қамтамасыз ету мәселелері туралы хабарлама жасады. «Сұңқар» шаруа қожалығының төрағасы Құлмағанбет Исаханов егіс жұмыстарына дайындық деңгейін таныстырса, «Әмір» шаруа қожалығының төрағасы Ахтан Пиренов су үнемдеу технологияларын енгізу бағытындағы тәжірибесімен бөлісті.Жаңақорған ауданының әкімі өз сөзінде диқандарға күріш егу науқанын агротехникалық талаптарға сай, белгіленген мерзімде сапалы аяқтаудың маңыздылығын атап өтті. Сондай-ақ, су ресурстарын тиімді пайдалану, жаңа технологияларды кеңінен енгізу қажеттігіне ерекше назар аударды.Жиын барысында ауыл шаруашылығы саласындағы өзекті мәселелер көтеріліп, шаруалардың ұсыныс-пікірлері тыңдалды. Семинар соңында аудан басшысы сала ардагерлерімен бірге егіс алқабына дән сеуіп, диқандарға мол өнім мен берекелі жыл тіледі.<img src="https://knadmin.beoblood.kz/uploads/Zha_a_or_an_d_n_sebu_2_84af0cb2fe.jpg" alt="Жаңақорған дән себу 2.jpg">

Жаңақорғанда егін алқабына дән себілді

<a href="https://kyzylorda-news.kz/">Kyzylorda-news.kz</a> «Достық үйінде» белгілі қаржыгер-экономист, «Ерен еңбегі үшін» медалінің иегері, Жаңақорған және Шиелі аудандарының құрметті азаматы Қамбарбек Амангелдіұлы Мүбәраковтың өмірі мен қызметіне арналған «Адал дос, асыл азамат» атты еске алу кітабының тұсаукесер рәсімі өтті. Ғұмырнамалық кітап аймақ басшысы Нұрлыбек Нәлібаевтың бастамасымен жарыққа шыққан.Тағылымды шараны Қорқыт ата атындағы Қызылорда университетінің Басқарма төрағасы – ректоры Наурызбай Байқадамов жүргізіп, қайраткер тұлғаның өңірдің әлеуметтік-экономикалық дамуына қосқан елеулі үлесін ерекше атап өтті. Қамбарбек Мүбәраковтың кәсіби біліктілігі мен азаматтық болмысы кейінгі буынға үлгі екенін жеткізді.Кітаптың құрастырушысы белгілі журналист Дүйсенбек Аяшұлы жаңа туындыдағы естеліктер арқылы абзал азаматтың жарқын бейнесі, жақсы істері жаңғыра түскенін айтты.<img src="https://knadmin.beoblood.kz/uploads/Zha_a_kitap_t_saukeser_90c730ee63.jpg" alt="Жаңа кітап тұсаукесер.jpg">Екі бөлімнен тұратын кітапта қаржы саласының үздігі атанған тұлғаның ата тегі, өмір жолы, қызметтік тәжірибесі жан-жақты баяндалған. Сонымен қатар, елжанды азаматтың ерте үзілген ғұмырындағы кейінгі ұрпаққа өнеге болатын тағылымды тұстар кеңінен қамтылған.Жинақ мазмұнында басты кейіпкердің әріптестері, ел ағалары жақындары мен замандастарының естеліктері топтастырылып, сол кезеңнің қоғамдық келбетін бейнелеуге мән берілген.Іс-шара барысында сөз алған мемлекет және қоғам қайраткерлері Бекмырза Еламанов, Мұрат Бақтиярұлы, қоғам қайраткері Қуанышбек Ысқақов және қаржы саласының ардагерлері, ел ағалары Дайрабай Ысқақов, Қалқазбек Әжібеков Қамбарбек Амангелдіұлының адамгершілік қасиеттері мен кәсіби шеберлігіне тоқталып, оның жарқын бейнесі ел жадында мәңгі сақталатынын атап өтті.Тұсаукесер рәсімі тағылымға толы мазмұнды пікірлер мен естеліктерге ұласып, көпшілікке рухани әсер сыйлады.Саят Асқар

Жаңа кітап оқырманға жол тартты

<a href="https://kyzylorda-news.kz/">Kyzylorda-news.kz</a> Қазақстан халқының бірлігі күні қарсаңында облыс әкімі Нұрлыбек Нәлібаевтың қатысуымен сол жағалауда жаңадан салынған көпқабатты тұрғын үй кешені иелеріне табысталды. Оған құқық қорғау органдарының бірінші басшылары, облыстық мәслихат депутаттары, зиялы қауым өкілдері мен ел ағалары, Ассамблея өкілдері, «Акса Энерджи Қызылорда» компаниясының қызметкерлері қатысты.Жалпы 380 пәтерлік тұрғын үй кешенінің аумағы 24 мың шаршы метр, қалған үйлер биыл қазан айында тапсырылады. Рәсімде аймақ басшысы жиналған жұртшылықты Қазақстан халқының бірлігі күнімен және қоныстоймен құттықтап, тұрғын үй құрылысы саласында атқарылған жұмыстарға тоқталды.<img src="https://knadmin.beoblood.kz/uploads/Zha_a_t_r_yn_j_kesheni_9371555a24.jpg" alt="Жаңа тұрғын үй кешені.jpg"><blockquote>«Мемлекет басшымыз Қасым-Жомарт Кемелұлы «Қазақ жерін мекен еткен сан алуан этностың мәдениеті, діні мен дәстүрі өзара үндесіп, бірегей өркениетке айналды. Ырысты ынтымақтың арқасында халқымыздың қуаты арта түседі. Сондықтан біз бірлігімізді нығайтуға бар күш-жігерімізді жұмылдыруымыз керек. Бұл – әрбір азаматтың мәртебелі міндеті әрі перзенттік парызы», – деген болатын. Айтулы мереке қарсаңында комфорт плюс санатындағы заманауи, жаңа үлгідегі «Тұран» кешенінің 7 қабатты алғашқы үйін пайдалануға беруге жиналдық. Тұрғын үйді Президентіміздің қолдауымен қаламызда жаңа жылу-электр орталығын салған түрік инвесторы «Акса энерджи Қызылорда» компаниясының қызметкерлеріне салтанатты түрде табыстаудамыз. Жаңа баспаналарыңыздың іргетасы берік, қабырғасы мығым, ішіндегі әр отбасының шаңырағы татулық пен берекеге толы болғай! Алдағы уақытта да компания ұжымы Сыр өңірінің әлеуметтік-экономикалық дамуына бағытталған серпінді жобаларды жүзеге асыра береді деп сенеміз. Баршаңыздың дендеріңізге саулық, отбасыларыңызға амандық, бақ-береке тілеймін! Қоныстарыңыз құтты болсын!», – деді Нұрлыбек Машбекұлы.</blockquote>Рәсімде құрылысшылар облыс әкімінің Алғыс хатымен марапатталды. «Құрмет», «Парасат» ордендерінің иегері Нажмадин Түркпенұлы жаңа қоныс иелерін құттықтады.Айта кету керек, өңірде халықты баспанамен және әлеуметтік нысандармен қамтамасыз етуге бағытталған мемлекеттік саясат жүйелі түрде жүзеге асырылып келеді.Соңғы төрт жыл ішінде тұрғын үй кезегінде тұрған азаматтарға 8 мыңға жуық пәтер табысталды. 2023 жылдан бері барлық ауданда шамамен 1800 жаңа пәтер &nbsp;пайдалануға берілді. Биыл тұрғын үй кезегінде тұрған азаматтарға 2400 пәтер беру үшін бюджеттен 55 млрд 600 млн теңге бөлінді.Кейінгі жылдары қала орталығында заманауи дизайнмен жеті, тоғыз және он екі қабатты тұрғын үйлер салынуда.

Қызылордада жаңа тұрғын үй кешені пайдалануға берілді

<a href="https://kyzylorda-news.kz/">Kyzylorda-news.kz</a> «Тез арада ақша керек, ал банктер&nbsp;кредитті&nbsp;мақұлдамай ма?&nbsp;Кредиттік&nbsp;тарихыңыз&nbsp;жарамай ма? Зейнетақы аударымдарыңыз&nbsp;жоқ па?&nbsp;Тығырықтан&nbsp;шығудың&nbsp;жолы мүлдем жоқ&nbsp;болып көрінсе,&nbsp;бізге кел!* * * &nbsp;нөмірі бойынша whatsapp-ке жаз» - мұндай хабарлар мессенджерлер мен әлеуметтік желілерде белсенді таралып, қиын қаржылық жағдайға душар&nbsp;болған адамдарға бағытталған.Алайда «қарапайым шешімнің» артында көбінесе «сұр кредиторлар», яғни &nbsp;қызметі заңмен реттелмейтін нарыққа&nbsp;заңсыз қатысушылар тұр.Мұндай схемалардың&nbsp;қалай жұмыс істейтіні&nbsp;және оның арты неге соқтыратыны жөнінде&nbsp;Fingramota.kz-пен&nbsp;бірге анықтайық.«Сұр кредиторлар»&nbsp;деген кімдер&nbsp;«Сұр кредиторлар» - бұл лицензиясыз және мемлекет тарапынан бақылаусыз қарыз беретін ұйымдар немесе жеке тұлғалар. Олар заңнама талаптарын сақтамайды, мөлшерлемелері мен жұмыс істеу әдістерімен шектелмейді, демек клиент алдында жауапкершілік алмайды.Олардың басты міндеті - сіздің төлем қабілеттілігіңізді бағалау емес, сізді тез арада мәмілеге тартып, пайда табу.«Сұр кредиторлардың» схемалары қалай жұмыс істейді1-схема.&nbsp;Астары бар&nbsp;«тиімді&nbsp;кредит»&nbsp;Бірінші кезеңде адамға тиімді пайыздық мөлшерлемемен «жылдам» қарыз ұсынылады. Клиент тез шешім қабылдауы үшін оны асықтырады: бұл оның «соңғы мүмкіндігі», «мөлшерлемелер көтерілетіні», «ұсыныстың шектеулі екендігі» туралы айтады. Нәтижесінде адамға шартты мұқият оқып, зерделеуге мұрсат бермей, ол шарттың талаптарымен келіседі. Кейіннен пайыз мәлімделгеннен едәуір жоғары; қайтару мерзімі өте қысқа болып шығады; айыппұлдар мен өсімпұлдар күн сайын өсетіні анықталады.Кейбiр жағдайларда келесi күнi барлық соманы қайтаруды талап етуi мүмкiн. Егер адам төлей алмаса, онда «қара коллекторлар» деп аталатындар қосылады, олардың әдеттегі &nbsp;әрекеттері: қысым көрсету, қорқыту, психологиялық әсер ету, ал кейде жақындарын қорқыту.Есте сақтау маңызды:&nbsp;Қазақстанда кредиттерді тек ҚР Қаржы нарығын реттеу және дамыту агенттігінің тиісті лицензиясы бар ұйымдар бере алады.2-схема. «Кредитті жабуға көмектесеміз»Адамды алдап түсірудің бір түрі - қарызыңыздан құтылуға көмектесемін деп уәде беру. Адамға несиесін "сатып алу" немесе банкпен келісу ұсынылады: соманың бір бөлігін төлеу жеткілікті (мысалы, 10-40%), ал қалғаны есептен шығарылады.Ақша аударылғаннан кейін клиент кредиттің жабылғаны туралы «растау» алған болады, көбінесе бұл жалған құжат немесе жалған қызметтен келіп түскен хабарлама. Іс жүзінде қарыз жабылмайды, ал адам ақшасынан айырылып қалғанымен қоймай, банк алдындағы міндеттемелері өтелмей қала береді.3-схема. «Кредиттік тарихыңызды түзетіп береміз»Алаяқтар көбінесе кредиттік тарихты аз ақшаға «дұрыстап беруді» ұсынады. Ол үшін олар жеке деректерді, банктік карта деректерін беруді және аккаунттарға кіруге рұқсат беруді сұрайды. Осы ақпаратты алған алаяқтар оны өздерінің пайдакүнем мақсаттарында пайдалана алады.Бұл неліктен қауіпті? «Сұр кредиторларға» жүгіну бірден бірнеше салдарға: борыштың күрт өсуіне; жеке және қаржылық деректердің жоғалуына; қысым көрсетілуіне және қауіп-қатердің төнуіне және &nbsp;сізге айтпай атыңызға жаңа кредиттер ресімдеуге әкелуі мүмкін. Бұдан басқа, кейбір жағдайларда адамның өзі заңсыз схемаларға қатысуы мүмкін.«Сұр кредиторлардан» қалай қорғануға болады1.Лицензияның болуын тексеріңізҚарызды ресімдеу алдында қаржы ұйымының ресми тіркелгеніне және қызметті жүзеге асыруға лицензиясы бар екеніне көз жеткізіңіз. Мұны ҚНРДА-ның веб-сайтында тексеруге болады.2.Тым еліктіріп әкететін уәделерге сенбеңізЕгер сізге «құжаттарсыз 5 минут ішінде», «кірістерді тексерусіз» немесе «барлығына 100% мақұлдаумен» ақша ұсынылса, бірден сақ болыңыз. Көбінесе мұндай ұсыныстардың артында алаяқтық схемалар жатады.3. Шартты мұқият оқып шығыңызҚол қоймас бұрын барлық шарттарды зерделеп шығыңыз: пайыздық мөлшерлеме, қайтару мерзімі, төлем мерзімін кешіктіргеніңіз үшін айыппұлдар, комиссиялар және қосымша қызметтер. Егер құжатты алдын ала оқуға рұқсат бермесе, онда бас тартқан дұрыс.4. Бөгде адамдарға жеке деректеріңізді бермеңіздерЖеке куәлік, банк картасын суретке түсіріп жібермеңіз, SMS-кодтар мен құпиясөздерді белгісіз адамдарға немесе күмәнді сайттарға жібермеңіз.5. &nbsp;Қысымнан және асығыстықтан сақтаныңызЕгер сізді шартқа «дәл қазір» қол қоюға асықтырса, бас тартумен қорқытса немесе алдын ала төлем талап етсе - бұл дабыл қағу сигналы.6. Тек ресми банктерге және МҚҰ-ға жүгініңізҚұқықтық алаңда жұмыс iстейтiн лицензияланған банктер мен микроқаржы ұйымдарының қызметтерiн пайдалану - сенiмдi.Ең басты ереже: егер жағдай тым тиімді немесе түсініксіз болып көрінсе, тәуекелге бармау керек. Қаржылық қауіпсіздік сақтықтан басталады.Кредитті мақұлдауға «кепілдік беретін» делдалдар жоқ екенін есте сақтау маңызды.Кредит тарихы туралы не білу маңызды2022 жылдан бастап дербес кредиттік есепте соңғы 5 жылдағы ақпарат көрсетіледі. Алайда бұл бұрынғы мерзімі өткен төлемдер толығымен жойылады дегенді білдірмейді, олар банктер мен басқа да ұйымдарға қолжетімді есептің толық нұсқасында сақталады. Сондай-ақ сіздің кредиттік тарихыңызды тек сіздің келісіміңізбен ғана сұратуға болады.Кредиттік есепті үнемі тексеру күмәнді кредиттерді дер кезінде байқауға және жедел әрекет етуге көмектеседі.Егер сіз зардап шеккен болсаңыз не істеу керекЕгер сіз осындай жағдайға тап болсаңыз, оны созып жібермеу маңызды. Хат алмасуды, шарттарды, чектерді сақтаңыз және полицияға барып, алаяқтық фактісін тіркеу қажет. Егер сіз деректерді берген болсаңыз, онда картаны тез арада бұғаттаңыз, оны қайта жүктеңіз және барлық: банктік, пошталық және әлеуметтік шоттардағы парольдерді ауыстырыңыз. Егер күдікті бағдарлама орнатылса, онда оны жойыңыз және қажет болған жағдайда құрылғыны шығарыңыз.Қате аударылған жағдайда ақшаны өз еркімен қайтармаңыз, банкке жүгініп, ресми өтініш жасаңыз.Қаржылық қиындықтар - тәуекелге баруға және күмәнді ұйымдарға жүгінуге себеп емес.&nbsp;Асығыс қабылданған шешім одан да үлкен проблемаларға әкелуі мүмкін. Сыни ойлауды сақтаңыз, ақпаратты тексеріңіз және тек заңды және ашық қаржы құралдарын таңдаңыз.<img src="https://knadmin.beoblood.kz/uploads/S_r_kreditorlar_3_66c2984214.jpg" alt="Сұр кредиторлар 3.jpg">

Нарықта «сұр кредиторлар» белсенділік танытуда

<a href="https://kyzylorda-news.kz/">Kyzylorda-news.kz</a> Бүгін Шиелі ауданының әкімі Айтбай Жандарбеков тиісті сала басшыларымен бірге «Батыс Еуропа – Батыс Қытай» халықаралық автомобиль дәлізі бойында «Таза Қазақстан» экологиялық акциясы аясында жүргізіліп жатқан абаттандыру және көркейту жұмыстарының барысын қадағалап, аралап шықты.Аралау барысында жол бойында орналасқан кәсіпкерлік нысандар, жанармай құю бекеттері, қызмет көрсету орындары мен санитарлық тораптардың тазалығы, сыртқы келбеті, аумақтың ретке келтірілуі және көгалдандыру жұмыстары зерделенді. Сонымен қатар, жол жиегіндегі қоқыс қалдықтарын уақтылы шығару, белгіленбеген орындарға қоқыс тастамау, қоршаған ортаның тазалығын сақтау мәселелері бойынша нақты тапсырмалар берілді.Аудан әкімі кәсіпкерлерге өз нысандарының айналасын таза ұстап, келушілер үшін қолайлы жағдай жасау - ортақ міндет екенін атап өтті. Әсіресе, халықаралық маңызы бар автодәліз бойындағы қызмет көрсету сапасы мен сыртқы эстетикалық келбеттің жоғары деңгейде болуы аудан имиджіне тікелей әсер ететінін жеткізді.Жауапты сала басшыларына абаттандыру жұмыстарын жүйелі түрде ұйымдастырып, тұрақты бақылауда ұстау тапсырылды. Сонымен қатар, көгалдандыру, жарықтандыру, жол жиегін ретке келтіру бағытындағы жұмыстарды күшейту қажеттігі айтылды.<img src="https://knadmin.beoblood.kz/uploads/Shieli_tazaly_zh_mystary_4_1ff8e33684.jpg" alt="Шиелі тазалық жұмыстары 4.jpg">

Тазалық пен тәртіп – басты назарда

<a href="https://kyzylorda-news.kz/">Kyzylorda-news.kz</a> Еңбек қатынастары қоғамның әлеуметтік және экономикалық дамуының негізгі тіректерінің бірі. Әсіресе жаһандану жағдайында еңбек нарығы күрделеніп, жұмыс беруші мен жұмысшы арасындағы қарым-қатынастар жаңа мазмұнға ие болуда. Осы тұрғыда жұмысшы құқықтарын қорғаудың халықаралық стандарттарын сақтай отырып, оларды ұлттық деңгейде тиімді іске асырудың маңызы ерекше.&nbsp;Қазақстан Республикасы Конституциясының 24 бабына сәйкес әркімнің қауіпсіздік пен тазалық талаптарына сай еңбек ету жағдайына, еңбегі үшін нендей бір кемсітусіз сыйақы алуына құқығы бар.&nbsp;Еліміз 1993 жылдан бері Халықаралық еңбек ұйымының мүшесі болып табылады. Халықаралық еңбек ұйымы 28 сәуірді барлық әлем мемлекеттері атап өтетін Дүниежүзілік еңбекті қорғау күні деп жариялады.&nbsp;Бұл жұмыста қаза тапқан немесе жарақат алған жұмысшыларды еске алудың халықаралық күні.Дүниежүзілік еңбекті қорғау күнінің ұраны: "Қауіпсіз және салауатты жұмыс ортасы – еңбек саласындағы негізгі қағидат және құқық.&nbsp;Дүниежүзілік еңбекті қорғау күні әлемде жыл сайын 2003 жылдан бері атап өтіледі.Қазақстанда Дүниежүзілік еңбекті қорғау күні 2005 жылдан бері да атап өтіледі. Бұл науқан жұмыс берушілерді, жұмысшыларды, қоғамды еңбекті қорғаудың шешілмеген мәселелеріне бағытталған, сондай-ақ сол мәселелерді шешуге мүмкіндік беру мақсатында өткізіледі.Халықаралық еңбекті қорғау күні - апатты, жарақаттануды және жұмыс орындарда сырқаттануды болдырмау үшін барлығын істеуге дайын, өндірісте қаза болғандарды еске алу. Біздің әрбіріміз жұмыс беруші де жұмысшылар да еңбекті қорғау мәдениетінің әлсіз болуы, барлық өндіріс қызметіне кері әсерін тигізу мүмкіндігін сезіну қажет.Еңбек қауіпсіздігі мен қорғау - мемлекет, жұмыс берушілер, жұмысшылар бірлестігі тарапынан тұрақты назарын талап ететін маңызды әлеуметтік-еңбек мәселесі болған және болып та қала береді.Еңбекті қорғаудың жұмыс істеуінің мақсаты - жұмысшылардың денсаулығы мен өмірін сақтап қалу болып табылады. Адам ол ең бағалы ресурс, сондықтан адам өмірін сақтап қалу және қамқорлық таныту жұмыс берушілердің басты міндеті болып табылады. Еңбекті қорғаудың жоғары деңгейі - адамдардың денсаулығы мен өмірінің сенімді кепілі.Жақында, 7 сәуірде Қазақстан Республикасының Еңбек кодексі жұмыскердің өмірі мен денсаулығын қорғау, сондай-ақ оның отбасының құқықтарын қамтамасыз ету бойынша заң нормаларымен толықтырылды.Заң өзгерістері 2026 жылдың 8 маусымында күшіне енеді.Заң өзгерістеріне сәйкес жазатайым оқиғаны тергеп тексеруге комиссия жұмысына жұмыскердің ерік білдіруі бойынша, ал ол қайтыс болған жағдайда жұбайының (зайыбының) немесе жақын туыстарының еркі бойынша адвокат немесе заң консультанты қатыса алады.Сонымен қатар, комиссияның жұмысына жұмыс берушімен немесе зардап шеккен адаммен тиісті шарттық қатынастары бар сақтандыру ұйымының өкілі де қатыса алады.Заң өзгерістеріндегі басты жаңалықтың бірі және бірегейі, ол жазатайым оқиға үшін кінәлілік дәрежесі бойынша айқындалады.Заң нормасына сәйкес, егер өндірістегі жазатайым оқиға кезінде жұмыскердің өрескел абайсыздығы анықталса, комиссия оның кінәсінің дәрежесін пайызбен, бірақ 25% - дан аспайтын мөлшерде айқындайды. Бұрын заңнама максималды пайызды шектемеді, бұл тиісті төлемдерді төмендетуге мүмкіндік беретін. Жұмыскер кінәсін 25 пайызбен шектеу - зардап шеккен адамды қорғайды, тіпті оның кінәсі болса да, жұмыс беруші залалдың кем дегенде 75% -н &nbsp;жабады.Берікбол Байхожаев,Қазақстан Республикасындағы&nbsp;Адам құқықтары жөніндегі уәкілдің&nbsp;Қызылорда облысы бойынша өкіліФото: baq.kz

Қазақстан және Қызылорда облысының жаңалықтары