<a href="https://kyzylorda-news.kz/">Kyzylorda-news.kz</a> Мемлекет басшысы өз Жолдауында жасанды интеллект технологияларын қолдана отырып, медициналық қызметтердің сапасы мен көлеміне мониторинг жүргізу үшін жаңа жүйе құру міндетін қойды.Әлеуметтік медициналық сақтандыру қоры осы бағытта жүйелі жұмыстар жүргізуде. 2025 жылы медициналық көмекке ақы төлеудің бірыңғай жүйесі базасында «Мониторинг» модулі іске қосылды. Бұрын стационарлық және амбулаторлық көмек жеке-жеке бағаланса, жаңа жүйе пациенттің емханаға қаралуынан бастап стационарға жатқызылуына дейінгі медициналық көмек жолын кешенді түрде бағалауға мүмкіндік береді.Медициналық көмекке ақы төлеудің бірыңғай жүйесінің бірінші кезеңінде 20-дан астам автоматты тексеру алгоритмі іске асырылды. Медициналық қызмет көрсетілгеннен кейін деректер жүйеге түсіп, қолданыстағы нормативтік-құқықтық актілер мен қызмет көрсету стандарттарына сәйкестігі тексеріледі. Сәйкессіздіктер анықталса, жүйе ақауларды тіркеп, мәселелерді жедел анықтауға және жеткізушілер мен аймақтар бойынша аналитикалық есептер жасауға мүмкіндік береді.Модуль 2025 жылдың наурызында Ақмола облысындағы медициналық ұйымдарда пилоттық режимде іске қосылды. Оның нәтижесінде оң динамика байқалды: ақаулар азайып, стандарттардың бұзылуы төмендеді. Бұл жүйенің медициналық қызмет көрсетушілер тарапынан талаптардың орындалуына ықпал етіп отырғанын көрсетеді.&nbsp; Сонымен бірге жаңа платформа енгізілгелі медициналық ұйымдар тарапынан сұрақтар мен пікірлер айтылды. Атап айтар болсақ, &nbsp;дефектілерді автоматты түрде тіркеу, алгоритмдердің логикасының ашықтығы және қарсылық білдіру тәртібі жиі көтерілді. Қор бұл бағытта кең көлемде түсіндіру жұмыстарын жүргізді: өңірлерде медициналық қауымдастық өкілдерімен жүзден астам кездесу мен оқыту сессиялары ұйымдастырылды, түскен ұсыныстарды ескере отырып, дефектілерді қолдану тәсілдері жаңартылды, жүйе пайдаланушыларына арналған оқыту іс-шаралары жүргізілуде.&nbsp; &nbsp;Жаңа жүйенің ерекшеліктерінің бірі — келіспеушіліктерді автоматты түрде енгізу және қарау тәртібі. Ақау тіркелгеннен кейін медициналық ұйым жүйе арқылы қарсылық білдіріп, дәлелдемелер мен растайтын құжаттарды қоса алады. Олар аймақтарға бөлінбей, көрсетілген қызмет профиліне сәйкес Қор сарапшыларына автоматты түрде беріледі, бұл мониторингтің объективтілігін арттырады. Бұдан бөлек, қажет болған жағдайда шағымды екінші рет қарау механизмі қарастырылған: оны басқа сарапшы қарайды, яғни медициналық ұйым келіспеген жағдайда әртүрлі мамандар жіті тексереді. Олардың пікірлері бір-біріне көрінбейді, бұл екі жерден дәлелдеме алуға мүмкіндік береді.&nbsp;Сонымен қатар, алгоритмдерді жетілдірумен қатар медициналық көмекке ақы төлеудің бірыңғай жүйесінің пайдаланушы интерфейсін жақсарту, функционалдың жұмысын жеделдету және медициналық ұйымдар үшін ыңғайлылығын арттыру жұмыстары жүргізілуде. Қор мамандары жүйенің IT-әзірлеушілерімен бірге ақауларды тіркеу логикасын ашық әрі түсінікті ету, қарсылықтарды өңдеуді жеделдету және шағымдарды тапсыруды жеңілдету бағытында жетілдірулерді енгізуде.&nbsp; &nbsp; Қор мониторинг нәтижелерін жүйелі түрде талдап, нормативтік немесе ұйымдастырушылық қайта қарауды талап ететін сұрақтарды уәкілетті органға жібереді. Мұндай ведомствоаралық диалог анықталған қайшылықтарды жоюға және медициналық қызмет көрсету мен есепке алудың бірыңғай тәсілдерін әзірлеуге қажет.&nbsp; &nbsp;Президенттің тапсырмасына сәйкес мониторинг жүйесіне жасанды интеллект технологиялары енгізілмек. Бұл 2025 жылдың соңына дейін жүзеге асырылады.&nbsp; ЖИ қолдану күрделі сәйкессіздіктерді анықтаудың дәлдігін арттырып, аналитикалық процестерді жеделдетіп, тәуекелдерді болжауды жақсартып, ресурстарды тиімді бөлуді қамтамасыз етеді деп күтілуде.&nbsp; Медициналық көмекке ақы төлеудің бірыңғай жүйесі мен «Мониторинг» модулін жүйелі түрде жаңартудың нәтижесінде Қор келесі мүмкіндіктерге қол жеткізуді көздейді: пациенттің маршруты бойынша көрсетілген көмектің сапасын объективті әрі ашық бағалау; жедел кері байланыс пен қызмет көрсетушілерді оқыту нәтижесінде стандарт бұзушылықтарының санының төмендеуі; бюджеттік шығыстардың тиімділігін көрсетілген қызметтердің көлемін жіті бақылау арқылы арттыру; сондай-ақ бірыңғай ережелер мен дұрыс деректер негізінде медициналық ұйымдар мен сақтандыру жүйесі арасындағы сенімділікті нығайту.&nbsp;&nbsp; &nbsp; &nbsp; &nbsp; &nbsp;Әлеуметтік медициналық сақтандыру қорыныңҚызылорда облысы бойынша филиалыныңақпараты бойынша&nbsp;

Қор медициналық қызметтердің сапасына мониторинг жүргізудің жаңа тәсілдерін енгізеді  	

<a href="https://kyzylorda-news.kz/">Kyzylorda-news.kz</a> &nbsp;Қалжан ахун ауылындағы «БАҚ» ШҚ-ның егіс алқабына орақ түсті. Егінге орақ салу рәсіміне аудан әкімі Берік Сәрменбаев, «Жан-Арай» серіктестігінің директоры, «Сырдария ауданының Құрметті азаматы» Бақдәулет Мақашев, аудандық мәслихат төрағасы Ержан Әжікенов,облыстық мәслихат депутаты Жұмабек Ембергенов және ауыл ардагерлері, облыстық мәслихат депутаты мен шаруашылық қызметкерлері қатысты.<blockquote>– «Егін өсіру – жұмыстың жарты бөлігі ғана. Оны соңғы дәніне дейін жинау одан да маңыздырақ» деп дала академигі Ыбырай Жақаев айтқандай, ала жаздайғы маңдай тердің нәтижесін көретін кез келіп жетті.Сыр күріші — елдің берекесі, ырысы. Соңғы жылдардағы су тапшылығы диқандарымызға оңай соқпағаны белгілі. Осы орайда Мемлекет басшысы Қасым-Жомарт Кемелұлы Тоқаевтың тапсырмасымен, Үкімет басшысы мен облыс әкімінің қолдауымен Сырдария өзенінің жоғарғы ағысындағы мемлекеттермен келіссөздер жүргізіліп, салаға нақты қолдау көрсетіліп келеді.Ауданда ауыл шаруашылығы саласы тұрақты дамуда. Жыл сайын аграрлы ауданымыз егін саласында жоғары көрсеткіштерге қол жеткізуде. Биыл да сырдариялық еңбеккерлер мол өнім алатынына сенім мол, – деді Берік Әбдіғаппарұлы.</blockquote>Жалпы, биыл аудан көлемінде 33 145 гектарға ауыл шаруашылығы дақылдары орналастырылды. Оның ішінде 19 950 гектарға күріш егілді. Суды үнемдеу және тиімді пайдалану мақсатында 13 шаруашылық 31 дана заманауи лазерлік жер тегістегіш техникасымен 16 000 гектар жерді тегістеу жұмыстарын жүргізді.<img src="https://knadmin.beoblood.kz/uploads/5_K_rishke_al_ash_y_ora_salu_r_simi_tti_306f68dd9f.jpg" alt="5 Күрішке алғашқы орақ салу рәсімі өтті.jpg">Сонымен қатар жаңбырлатып суару әдісімен 150 гектар жерге күнбағыс дақылы егілді. Күзгі егін жинау науқанына барлығы 900-ден астам техника қатысуда.Азық-түлік қауіпсіздігін қамтамасыз ету мақсатында соңғы екі жыл көлемінде бақша дақылдарын егуге ерекше көңіл бөлінуде. Биыл аудан бойынша 800 гектар жерге 1640 отбасы картоп, көкөніс және бақша өнімдерін егіп, алғашқы нәтижесін көріп отыр.Сыр күрішін егетін ірі шаруашылықтардың бірі – «БАҚ» шаруа қожалығы әрдайым алдыңғы қатардан табылып келеді. Биыл шаруашылық 460 гектар күріш пен 368 гектар жоңышқаның өнімін жинады.Қалжан ахун ауылының диқандары да несібесін жерден теріп, алтын күзге жарқын еңбегімен жетті.Фото: Сырдария ауданы әкімдігі

«Дала күні – 2025»: Күрішке алғашқы орақ салу рәсімі өтті

<a href="https://kyzylorda-news.kz/">Kyzylorda-news.kz</a> &nbsp;Келте ақылдың кесірі көп. Ал, кісілік келбетті қалыптастыратын көркем мінез адамды кемелдендіре түседі. Осы тұста, ҚАЖ департаментіне қарасты №68 мекемесінде республикалық ақпараттық түсіндірме тобының мүшесі, имам Елдос Жұмаділдәнің қатысуымен тағылымды кездесу өтті.Кездесу барысында имам жазасын өтеушілерге имандылықтың игілікке бастайтынын айтып, ой бөлісті. Өмірдің сын сағатында сынып қалмай, адамгершілік қасиетті сақтап қалуды және сабырлы болудың маңызын түсіндірді. Сонымен қатар, жазасын өтеуші азаматтарды жеке қабылдап, көкейдегі сұрақтарына жауап берді.<blockquote>– Танымдық бағытта өткен бұл кездесу ой-сананы түзеп, өмірге оң көзқараспен қарауға септігін тигізді деп білемін. Имамның ізгілік пен даналықты дәріптеуі, айтқан керекті кеңесі жазасын өтеушілерге рухани қолдау болды. Мұның теріс қадамнан тыйылып, дұрыс таңдау жасауға ықпал етері анық, - дейді мекеменің жедел бөлімінің теологиялық оңалту тобының жедел уәкілі Қайсар Жамалов.</blockquote>Күйзелісті жеңілдетіп, ойды орнықты ететін тағылымды кездесулер алдағы уақытта да өткізіле бермек.

Рухани тәлім – түзелуге бастар темірқазық 

<a href="https://kyzylorda-news.kz/">Kyzylorda-news.kz</a>&nbsp; 1️⃣ «Ақшаңызды сақтау үшін оны басқа шотқа аударыңыз немесе депозиттен шешіп, басқа шотқа салыңыз».Жалған қауіп тудырып, адамды шатастырады.2️⃣ «Сізбен тергеуші немесе ІІМ, ҰҚК қызметкері сөйлесіп тұр. Тұтқаны қоймаңыз».Жалған беделге сүйеніп, қысым жасайды.3️⃣ «Бұл қоңырау туралы ешкімге айтпаңыз — құпия операция жүргізіліп жатыр».Жәбірленушіні оқшаулап, кеңес алуына кедергі жасайды.4️⃣ «Кілт сөзді өзгертуге өтінім түсті».Шотқа қолжетімділікті жоғалтасыз деген ой салады.5️⃣ «Мен байланыс операторының қауіпсіздік қызметіненмін. Қазір сізге код келеді, соны айтып жіберіңіз».SIM-картаны немесе банк жүйесін ұрлау үшін қолданылады.6️⃣ «Депозиттегі қаражатты банк шотына аудару қажет».Ақшаны өз шоттарына аудартады.7️⃣ «Бұл – ұлттық қауіпсіздік қызметкері. Қай банкте шоттарыңыз барын айтыңыз. Карта мен депозитті дереу бұғаттау үшін деректеріңізді беріңіз».Барлық мәліметтерді жинап, кейін ақша ұрлайды.8️⃣ «Жақыныңыз қиын жағдайға түсті (ЖКО, полиция, аурухана). Шұғыл ақша жіберу керек».Эмоцияға беріліп, уақытпен қысады.9️⃣ «Сіз сыйлық/өтемақы ұтып алдыңыз! Оны алу үшін салықты немесе жеткізу ақысын төлеуіңіз керек».Жалған пайда ұсынып, ақша бопсалайды.🔟 «Шотыңыздан ақша шешуге әрекет жасалды. Операцияны тоқтату үшін SMS-кодты айтыңыз».Құпия кодты алдап алады.‼️ Мұндай қоңыраулардың мақсаты:🔘 клиенттің мобильді қосымшасына қол жеткізу;🔘 ақшаны «қорғалған шотқа» өз еркімен аудартқызу;🔘 TeamViewer, AnyDesk, RustDesk, Hoptodesk, RudeDesktop секілді қашықтан басқару бағдарламаларын орнатуға көндіру.📌 Кеңес:🔘 Ешқашан CVV, PIN, картаның толық деректерін, SMS-кодтарды ешкімге айтпаңыз! Полиция, банк немесе байланыс операторлары ақша немесе код сұрамайды.<img src="https://knadmin.beoblood.kz/uploads/Alaya_tardy_e_k_p_oldanatyn_10_ajlasy_7f93a05134.jpg" alt="Алаяқтардың ең көп қолданатын 10 айласы.jpg">POLISIA.KZ<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото pixabay.webp

Алаяқтардың ең көп қолданатын 10 айласы

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаевтың Жолдауында экология мен қоршаған ортаны қорғауға ерекше көңіл бөлінді. Атап айтқанда, биыл көктемде өткізілген «Таза Қазақстан» акциясына үш миллионнан астам адам қатысып, миллион тоннаға жуық тұрмыстық қалдық жиналғаны атап өтілді. Бұндай ауқымды бастама халық арасында табиғатқа жанашырлық пен экологиялық мәдениетті қалыптастыруға зор ықпал етуде. Өңірлік коммуникациялар қызметінің баспасөз алаңында Қорқыт ата атындағы Қызылорда университетінің «Электр энергетикасы, техносфералық қауіпсіздік және экология» кафедрасының аға оқытушысы Светлана Жүргенбайқызы Арал теңізінің қазіргі экологиялық жағдайы мен өңірде жүргізіліп жатқан жұмыстарға тоқталып, Президент Жолдауындағы қоршаған орта тапсырмаларына қатысты пікір білдірді.<blockquote>- Арал теңізінің экологиялық ахуалы әлі де болса күрделі. Соңғы жылдары кеуіп қалған теңіз түбінен жылына миллиондаған тонна тұзды шаң көтеріліп, бүкіл аймақтың денсаулығына әсер етуде. Осыны тоқтату үшін мемлекет ауқымды бағдарлама қолға алды. 2021–2025 жылдары 1,1 миллион гектар жерге сексеуіл егу жоспарланған. Бүгінде оның 350 мың гектары отырғызылып, биыл тағы 250 мың гектарға жасыл белдеу жасалуда. Бұл - Аралды құтқаруға бағытталған маңызды қадамдардың бірі. Сонымен қатар, жергілікті жерлерде су үнемдеу технологиялары енгізілуде, халықаралық ұйымдармен бірлескен жобалар жүзеге асырылуда. Аралды сақтау үшін жасалып жатқан бұл жұмыстар - бүкіл елдің ортақ ісі, – деді Светлана Жүргенбайқызы.</blockquote>Фото: Қызылорда облысының Өңірлік коммуникациялар қызметі

Жолдау: Арал теңізінің мәселесі шешілмек

<a href="https://kyzylorda-news.kz/">Kyzylorda-news.kz</a> &nbsp;Қазалылық диқандар егінге орақ салды. Қызу еңбекті алғаш болып Ақтан батыр ауылындағы «Береке» шаруа қожалығының шаруалары бастады. Диқандардың ендігі мақсаты ауа райының қолайлы шағында ел ырысына айналған күріш дақылын ысырапсыз жинап алу. Әрине, бұған адам күші мен арнайы техникаларда әзір.«Береке» шаруа қожалығының егіс алқабында өткен орақ салу рәсіміне аудан әкімінің міндетін атқарушы Жалғас Сүйеубаев пен аудандағы зиялы қауым өкілдері, ауылдық округ әкімдері мен шаруа қожалықтардың жетекшілері қатысты.Егінге орақ салу рәсімі басталмас бұрын Жалғас Оңғарұлы еңбеккерлерді егінге орақ түсуімен құттықтап, атқарылған жұмыстарды атап өтті.<blockquote>«Бұл – диқандардың еккен бір дәні мың дән болатын, халықтың ризық- несібесін қамбасына құятын жауапты да салтанатты шағы. Биыл аудан бойынша 17 мың 445 гектар ауыл шаруашылығы дақылдары егіліп, оның ішінде күріштің көлемі 5636 гектарды құрады. Соңғы жылдары орын алған су тапшылығы әсерін аудан дихандары қатты сезініп келеді. Биылғы жылы вегетациялық кезең өте күрделі жағдайда өтті. Мемлекет басшысының тапсырмасына сәйкес су тапшылығы жағдайында Үкімет резервінен жылжымалы дизельді насос алуға қаржы бөлініп, насостар ауданымызға жеткізіліп, шаруалар игілігіне пайдаланды. Сонымен қатар Төтенше жағдайлар министрлігі тарапынан еліміздің барлық өңірлерінен арнайы қызметкерлер келіп, 2 ай бойы су шаруашылықтардың егін алқаптарында шаруалардың игілігі үшін уақытпен санаспай жұмыс атқарды. Нәтижесінде, қиындықтарға қарамастан егіс көлемін барынша шығынсыз алып қалуға қол жеткіздік. Осы сәтте, Президентімізге, Үкімет басшысына, Ауылшаруашылығы, Төтенше жағдайлар министрліктеріне және аймақ басшысына көрсетілген барлық қолдаулар үшін шынайы ризашылығымызды жеткіземіз. Баршаңыздың еңбектеріңізге сәттілік тілеймін, қамба астыққа толсын, қырмандарыңыз таси берсін, – деді Жалғас Оңғарұлы.</blockquote>Дала төсінде өткен жиында ала жаздай маңдайы күнге, табаны құмға күйген мәртебелі еңбек адамдары марапат төрінен көрінді. Мұнан соң ауыл шаруашылығы саласының ардагері, «Жалаңтөс» ЖШС директоры Қасқырбай Әлімбай ақ батасын беріп, егін орағының лентасы салтанатты түрде қиылды. Мұнан соң «дала кемесі» атанған комбайндар өз жұмыстарын бастап кетті.<img src="https://knadmin.beoblood.kz/uploads/azaly_aeabcc71ff.jpg" alt="Қазалы.jpg">Күрішке орақ салу рәсімі мұнан кейін жылдағы дәстүрге сай аудан әкімінің міндетін атқарушы Жалғас Сүйеубаевтың төрағалығымен «Дала күні» мәжілісіне жалғасты.Жиында аудандық ауыл шаруашылығы мен жер қатынастары бөлімінің басшысы Еркін Сейтов күріш жинауға дайындық туралы баяндап берсе, егінді суармалы сумен қамтамасыз ету, су ақысы төлемдерінің барысы және су жолдарына жасалатын жөндеу жұмыстарына байланысты «Қазалысушар» өндірістік учаскесі басшысының орынбасары Жанбай Садық айтып берді.Мәжілісті қорытындылаған Жалғас Оңғарұлы жаздың шіліңгір ыстығына қарамастан нәтижелі жұмыс жасаған дихандардың еңбегіне тоқталды. Сонымен қатар алдағы міндет ел ризығын шашпай-төкпей, жауын-шашынға ұрындырмай егінді жинап алу керектігін жеткізді.Осыған сәйкес егілген егінді ысырапсыз мерзімінде жинап алу үшін аудандық ауыл шаруашылығы мен жер қатынастары бөлімінің басшысы Еркін Сейтов және ауыл әкімдері мен шаруашылық басшыларына бірқатар тапсырмалар жүктеді. Сондай-ақ, аудандық полиция бөлімі бастығы Асылбай Аңсатовқа егістікке түсіп, қараусыз, бағусыз жүрген малдардың иелеріне айыппұлдар салуды тапсырды.Фото: Қазалы ауданы әкімдігі

«Дала күні – 2025»: Қазалыда егінге алғашқы орақ түсті

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев халыққа Жолдауында ауыл шаруашылығын дамыту бағытындағы жаңа міндеттерді айқындап берді. Ол өз сөзінде бұл салаға соңғы жылдары бұрын соңды болмаған қолдау көрсетілгенін, шаруаларды қолдауға бір триллион теңге бөлінгенін атап өтті. Дегенмен, агроөнеркәсіптің әлеуетін толық ашу үшін оны тиімді пайдалану қажет екенін де ескеру керек және бұл тек үкімет тарапынан ғана жүргізілетін жұмыс емес, оған бәріміз де атсалысуымыз керек. Бұл туралы Өңірлік коммуникациялар қызметінің ақпарат алаңында қауымдастырылған профессор, техника ғылымдарының докторы Серікбай Өмірзақов айтты.<blockquote>– Мемлекет басшысының биылғы Жолдауында ерекше маңызы бар бірнеше мәселелер қозғалды. Менің ерекше назарым үшінші мәселеге, яғни, ауыл шаруалышығын жаңа деңгейге көтеру жайына ауды. Президент бұл салада нақты қадамдар мен шешімдерді атап өтті. Қазақстан – үлкен мемлекет, тарихи-климаттық ерекшелігі де айрықша. Сондықтан біздің өңірге қатысты айтылған мәселелер де өзекті болды. Әсіресе, су шаруашылығы мен агрохаб құру жайы. «Су – тіршілік көзі» деп аталарымыз бекер айтпаған. Соңғы жылдары аймағымызда су тапшылығы қатты сезіліп отыр. Жолдауда осы мәселені шешу үшін цифрлық технологиялар мен жасанды интеллектті пайдалану арқылы табиғи ресурстарды тиімді басқару қажеттігі атап өтілді. Жалпы бұл айтылған мәселенің бәрі тек мемлекеттік қолдаумен ғана шектелмейді. Бәріміз бірлесе жұмыс жасасақ ғана қазіргі замандағы күрделі мәселелерге төтеп бере аламыз. Агрохабтарды құру, ауыл шаруашылығы өнімдерін терең өңдеу арқылы өңір экономикасын бәсекеге қабілетті етуге мүмкіндік бар. Бұл бағытта тиісті жұмыстар да жасалып жатыр,- Серікбай Ыдырысұлы.</blockquote>

Ауыл шаруашылығы саласында жаңа міндеттер айқындалды

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының атқарушы хатшысы Ләйлә Төрешованың қатысуымен облыстық кәсіподақтар бірлестіктері орталығы алаңында ашық есік күні күні өтіп, «Құқықтық көмек» партиялық жоба аясында азаматтарға түрлі тақырыптарда кеңестер берілді.Жиынды ашқан облыстық партия филиаланың атқарушы хатшысы Ләйлә Төрешова жобаның мақсат міндеті мен жоба аясында атқарылған жұмыстарды атап өтті.<blockquote>«AMANAT» партиясының «Құқықтық көмек» партиялық жобасы 2023 жылдан бері жүзеге асып келеді. Жоба аясында өңірімізде білікті мамандармен азаматтарға, әлеуметтік осал топтағы жандарға тегін заңгерлік кеңестер беріліп, сотта, қылмысты қудалау органдарында және тағы басқа жағдайда азаматтарға өкілеттік етіп, өзін қорғауға көмек көрсету жұмыстары жүргізілуде. Мәселен, ағымдағы жылдың 8 айында 31 қабылдау өткізіліп, 156 адам жүгінсе, олардың 16-на жазбаша кеңес берілді, 89 тұрғынның құқығын қорғау бойынша сүйемелдеу шаралары жасалды. Онан бөлек, түрлі салалар бойынша Кодекс, заңдарға енгізілген өзгерістер төңірегінде түсіндіріме жұмыстары да жүргізіліп келеді. Бүгінгі ашық есік күні де қоғамда орын алып жатқан кейбір мәселелерді бірлесіп шешуге жұмыс жасау, әріптестік қағидаттарын орнату мақсатында облыстық кәсіподақтар бірлестіктері Орталығымен жасалған меморандум негізінде ұйымдастырылып отыр», - деді Ләйлә Төрешова.</blockquote>Ашық есік күнінің алғашқы бөлімінде бірқатар сала мамандарымен құқықтық түсіндірме жұмыстары жүргізілді. Атап айтсақ, «Жинақтаушы зейнетақы жүйесін жаңғырту, жарналардың түсу көлемін ұлғайту, қор қызметін алудың балама мүмкіндіктері» тақырыбында «Біріңғай жинақтаушы зейнетақы қоры» АҚ-ы облыстық филиалының бас маманы Гүлдана Тұяқбаева, 2024 жылдан бастап зиянды жағдайларда жұмыс істейтін жұмыскерлерге жаңадан енгізілген арнаулы әлеуметтік төлемдер бойынша ҚР Халықты әлеуметтік қорғау саласындағы реттеу және бақылау Комитетінің Қызылорда облысы бойынша департаментінің бөлім басшысы Төреахмет Жолымбетов және «Ақпараттық - құқықтық акция «Құқық пен еңбек - бір жүйе» тақырыптарында облыстық кәсіподақтар бірлестіктері Орталығының еңбек қатынастары жөніндегі сарапшысы Майра Боранбаевалар кең көлемде ақпарат берді.Екінші бөлімде арнайы мамандармен қабылдау ұйымдастырылып, азаматтардың өтініштері тыңдалды. Қабылдауға келушілер зейнетақы жүйесіне қатысты, «Қарызсыз қоғам» жобасының мүмкіндіктері, мүгедектігіне байланысты толық төлем қайтару, жұмыс орындарындағы қызметкерлерді аттестациялау жолдары туралы өтініштерін білдіріп, мамандардан жауап алды.&nbsp;

«Құқықтық көмек» партиялық жобасы аясында кеңестер берілді

<a href="https://kyzylorda-news.kz/">Kyzylorda-news.kz</a> &nbsp;Күз басталғалы Қызылорда облысында ауа райы тұрақты болып тұр. Қыркүйекте орташа температура +18...+20°С аралығында. Жауын-шашын өте аз - бар болғаны 2-4 мм ғана. Ай бойы шаңды дауыл жиі соғып, жел кей күндері 15-20 м/с-қа дейін күшеюі мүмкін. Бұл туралы Өңірлік коммуникациялар қызметінің ақпарат алаңында “Қазгидромет” РМК Қызылорда облысы бойынша филиалының Метеоболжау бөлімінің басшысы Айгерім Жөкелова мәлімдеді.<blockquote>"12 қыркүйекте Қызылорда қаласында күн ашық-бұлтты, жауын-шашынсыз өтеді. Солтүстік-шығыстан соққан желдің екпіні 15-20 м/с дейін жетіп, ауа температурасы түнде +13...+15°С, күндіз +25...+27°С шамасында болады.Күздің алдағы айларында да ауа райы қатты өзгермейді. Қазанда облыстың батысында ауа райы қалыпты болса, шығыс бөлігінде сәл жылырақ болады деп күтіледі. Орташа температура +9...+11°С, жауын-шашын шамамен қалыпты мөлшерде түседі. Қараша айында күн салқындайды, дегенмен ауа райы әдеттегіден сәл жылы болады. Бұл кезде жауын-шашын азаяды, тек Арал маңында ғана қалыпты деңгейде сақталуы мүмкін", - деді Айгерім Болатбекқызы.</blockquote>Жалпы, күз мезгілінде Қызылорда өңірінде жауын-шашын көп болмайды, бірақ шаңды дауылдар мен қатты желдер жиі қайталанып тұрады.

Күз мезгілінде Қызылорда өңірінде ауа райы тұрақты

<a href="https://kyzylorda-news.kz/">Kyzylorda-news.kz</a> Аутизмі бар балаларды өлтіруге шақырған алматылық блогер кешірім сұрады. Бұл туралы <a href="https://stan.kz/autizmi-bar-balalardi-oltiruge-shakirgan-bloger-keshirim-syradi-423212/">Stan.kz </a>ақпарат агенттігі хабарлайды.Блогер бұл сөздерді&nbsp;эмоцияға беріліп айтып қойғанын және жаман ойы болмағанын&nbsp;атап өтті.<blockquote>"Instagram-да бір видеоны көріп қалып, өте ауыр пікір айтып қойдым. Бірақ мен &nbsp;аутизмі бар балалардың ата-аналарының жүректеріне тиеді деген арам оймен айтпадым. Мен де эмоцияға беріліп, ашумен айтып қойдым. Барлығымыз бала асырап отырғандықтан, бала туралы айтылған сөз жүрекке батады екен. &nbsp;Аутизмі бар балалардың ата-аналарынан кешірім сұраймын. Мен арам оймен айтқан жоқпын, ойланбай айттым. Әр ата-анаға баласының орны бөлек, ауру баланы ешкім сұрап алмайды. Сол үшін ренжімеңіздер", – делінген үндеуде.</blockquote>Бұл жағдайға оқу-ағарту министрлігінің балалардың құқықтарын қорғау комитеті де пікір білдірді.<blockquote>“Ведомство әрбір баланың өмір сүру және толыққанды даму құқығы бар екенін еске салды. Бұл құқықтар баланың жынысына, тіліне, дініне, этникалық немесе әлеуметтік тегіне, денсаулық жағдайына және оның өзіне, ата-анасына немесе заңды өкілдеріне байланысты кез келген өзге де жағдайларға қарамастан қолданылады. Баланың қорғауға құқығын жоққа шығаратын немесе зорлық-зомбылықты ақтайтын кез келген пікір айтуға жол берілмейді және ол заңға ғана емес, қоғамның адамгершілік қағидаттарына да қайшы келеді”, –&nbsp;делінген хабарламада.</blockquote>Полиция оқиғаға қатысты сотқа дейінгі тергеуді бастады.Еске салсақ, осыған дейін блогердің аутизмі бар балаларды өлтіруге шақырғаны туралы жазған болатынбыз.<blockquote>"Аутистер тым көбейіп кетті, оларды емдеу керек, егер емделмесе, өлтіріп&nbsp;немесе арнайы аутизмге арналған ауруханалар ашу қажет. Аутизмі бар баланың ешқандай сезімі жоқ! Әке-шешесі неге қарамайды?&nbsp;Ата-аналар балаларының диагнозын біле тура, неге ай қарап жүреді?” –&nbsp;деп жазған еді блогер.</blockquote>Видеодан скрин

Аутизмі бар балаларды "өлтіруге шақырған" блогер кешірім сұрады

<a href="https://kyzylorda-news.kz/">Kyzylorda-news.kz</a> Бағдарламаға қатысушылар 10 қыркүйектен бастап өтініш пен құжаттарды ұсынуды электронды түрде «Азаматтарға арналған Үкімет» Мемлекеттік корпорациясы» КЕ АҚ-нан алынған электрондық цифрлық қолтаңбаны пайдалану арқылы kezekte.kz сайтында тіркеліп, «Жұмыс істейтін жастарға арналған «SyrJastary» жеңілдетілген ипотекалық несие беру» сервисінде жүзеге асыра алады.• Қарыздың ең жоғарғы суммасы – 13-20 млн теңгеге дейін;• Несиелеу мерзімі - 19 жыл;• Пайыздық мөлшерлеме - 6%;• Алғашқы жарна - 10% (Бастапқы жарна 10% (жеткілікті кепілмен қамтамасыз ету не жылжымайтын мүлік түріндегі қосымша кепіл не «Отбасы банк» АҚ депозиті болған кезде)• Бастапқы тұрғын үй алу мүмкіндігі;• Қамтылуы – 100 адам.«Сыр жастары» бағдарламасының талаптары:1. Қазақстан Республикасының азаматтығы болуы;2. Қатысушының жасы 35 жасқа дейін (қоса алғанда), өтініш берген күнге, жұбайының (зайыбының) жасына қарамастан (болған жағдайда). Бағдарламаның негізгі қатысушысы ретінде ерлі зайыптылардың біреуі ғана қатыса алады;3. Қатысушының соңғы 2 жылда Қызылорда облысында тұрақты тіркеуде болуы шарт, сонымен бірге ұсыным берген уақытта оның өзімен бірге тұратын отбасы мүшелерінің (жары, кәмелетке толмаған балалары, т.б.) де Қызылорда облысында тұрақты тіркеуі болуы тиіс.4. Үміткерде және оның отбасы мүшелерінде меншік құқығындағы, сондай-ақ соңғы 5 жылда Қазақстан Республикасының аумағында тұрғын үй жағдайларының қасақана нашарлату фактілерінің болмауы, отбасының басқа мүшелерінің ортақ бірлескен (үлестік) меншігін құрайтын үлестік меншіктегі үлесі немесе жалға берілетін тұрғын үйі болмауы, мыналарды қоспағанда: мемлекеттік бағдарламалар желісі бойынша Қазақстан Республикасының аумағында сатып алынған: бағдарламаға қатысушы немесе отбасы мүшелері жекешелендіру немесе мұрагерлік құқығы нәтижесінде кәмелетке толғанға дейін сатып алған жылжымайтын мүлік;5. Қатысушының ресми жұмыс өтілі мынадай санаттар бойынша кемінде 6 айды құрауы тиіс: бюджеттік сала, мәдениет және спорт, ЖОО және ҒЗИ, журналистер, Ұлттық холдингтер мен компаниялардың жергілікті филиалдары, екінші деңгейлі банктер, жас кәсіпкерлер, ауыл шаруашылығы саласының қызметкерлері, төтенше жағдай режимін қамтамасыз ететін органдар қызметкерлері және тұрғын үй-коммуналдық шаруашылық саласының қызметкерлері.<h2 style="text-align:center;">«Сыр жастары» бағдарламасына қатысу үшін қажетті құжаттар:</h2>1) білімі туралы құжаттың сканерленген түрі;2) жұмыс өтілі көрсетілген белгіленген үлгідегі фирмалық бланкідегі жұмыс орнынан анықтаманың сканерленген түрі;3) Қазақстан Республикасы Еңбек кодексінің 35-бабына сәйкес еңбек өтілін растайтын сканерленген құжаттар;4) Банк шотындағы ақша қалдығы мен қозғалысы туралы, банк шотының бар-жоғы мен нөмірі туралы анықтама;5) Жеке кәсіпкерлер үшін санат бойынша белгілеген жұмыс өтілін растайтын анықтама, санат бойынша көрсеткен жұмыс өтілі уақытына зейнетақы аударымдары туралы анықтама.Өтініш беруші осы Қағидалардың 5-тармағында көзделген тізбеге сәйкес құжаттар топтамасын толық ұсынбаған жағдайда, өтініш берушіге жоқ құжаттарды ұсыну қажеттілігі туралы хабарлама жіберіледі.Өтініш беруші хабарламаны алған күннен бастап 2 (екі) жұмыс күні ішінде құжаттардың толықтырылған пакетін ұсынады.«Сыр жастары» бағдарламасына қатысу үшін үміткерлерді іріктеу кезектілікке сәйкес санаттар бойынша тізімге енгізу жинаған балдар санымен айқындалады. Санат бойынша ең көп балл жинаған қатысушыға жолдама уәкілетті органмен қатысушыға электронды түрде жіберіледі.<h2 style="text-align:center;">Несиені бөлу төмендегі санаттар бойынша (салалар бойынша) жүргізіледі:</h2>1. Бюджеттік ұйымдардың қызметкерлері: мемлекеттік және азаматтық қызметшілер, мемлекеттік коммуналдық мекемелердің қызметкерлері.2. Мәдениет және спорт саласының қызметкерлері: мәдениет саласындағы шығармашылық одақтың мүшелері, мәдениет саласындағы мекемелердің қызметкерлері. Сондай-ақ, Қызылорда облысының мәдениет және спорт басқармасы жанынан Жас өзін-өзі жұмыспен қамтыған композиторлар, жас музыканттар, жас әртіс-актерлер, жас кинематографистер (актерлер, режиссерлер, сценаристер, операторлар, продюсерлер, суретші-декораторлар), жас жазушылар, жас суретшілер, жас қолөнершілер, жас мүсіншілер, жас дизайнерлер, жас сәулетшілер, Қызылорда облысының спорт саласындағы ұйымдарда еңбек етіп жүрген спортшылар мен жаттықтырушы-оқытушылар.3. Жоғары оқу орындары мен ҒЗИ қызметкерлері: жоғары оқу орындарының, қалалық және республикалық ғылыми-зерттеу институттарының оқытушылары мен ғылыми қызметкерлері.4. Журналистер, атап айтқанда: тікелей өндірістік қызметпен айналысатын журналистер мен БАҚ қызметкерлері.5. «Ұлттық басқарушы холдингтердің, ұлттық холдингтердің, ұлттық компаниялардың тізбесін бекіту туралы» Қазақстан Республикасы Үкіметінің 2011 жылғы 6 сәуірдегі № 376 қаулысына сәйкес Ұлттық холдингтер мен ұлттық компаниялардың қызметкерлері, ұлттық холдингтер мен ұлттық компаниялардың Қызылорда филиалының қызметкерлері;6. Екінші деңгейдегі банк филиалдарының қызметкерлері.7. Жас кәсіпкерлер және өзін-өзі жұмыспен қамтығандар. Жұмыс өтілі көрсетілген жұмыс орнынан анықтама болған жағдайда жеке мекемелерде, қоғамдық және волонтерлік ұйымдарда қызмет атқаратын жастар.8. Ауылшаруашылығы саласының қызметкерлері. Соның ішінде, ауылдық жерде «Дипломмен ауылға» мемлекеттік бағдарламасы санатына кірмейтін сала қызметкерлері.9. Төтенше жағдай режимiн қамтамасыз ететiн органдар қызметкерлерi, соның ішінде құтқарушылар, өрт сөндірушілер, т.б.;10. Тұрғын-үй коммуналдық шаруашылық саласының қызметкерлері (сантехник, слесарь, машинист және тағы да басқа мамандықтар бойынша қызметкерлер).Өтініш берушілерде балл тең болған кезде өтінішті бірінші болып ұсынған қатысушы басымдыққа ие болады.<h2 style="text-align:center;">«Сыр жастары» бағдарламасына қатысушылардың баллын есептеу</h2>Өлшемі Балл1 Тіркелген некенің әр жылы үшін 12 1 (бір) баласы бар 13 Әр келесі бала үшін 24 Қызылорда облысының мекемелерінде әр жылдағы жұмыс өтіліне байланысты 1,55 «Отбасы банкі» АҚ бастапқы 5% жарнасы бойынша 2Бағдарлама бойынша сұрақтар болса, басқарманың азаматтық қоғам институттарымен жұмыс және жастар бөліміне 60-53-23 номері бойынша хабарласуға болады.Сонымен бірге, облыс, қала, аудандық жастар ресурстық орталықтарында «Сыр жастары» бағдарламасы бойынша кеңес беріп, құжат ұсынуға көмек беретін мамандар отыратын болады. Жастардың құжат ұсынуға компьютері, интернеті болмаса, жастар орталықтарына барып, көмек алуға болады.Фото Ru.freepik.com

«Сыр жастары» жеңілдетілген ипотекалық несие беру бағдарламасының ережелері

<a href="https://kyzylorda-news.kz/">Kyzylorda-news.kz</a> Қызылордада «Сыр жастары» жеңілдетілген ипотекалық несие беру бағдарламасына құжат қабылдау басталды. Бағдарламаға қатысушылар бүгіннен бастап өтініш пен құжаттарын электронды түрде kezekte.kz сайтына тіркеп, «Жұмыс істейтін жастарға арналған «SyrJastary» жеңілдетілген ипотекалық несие беру» сервисінде жүзеге асыра алады. Бұл туралы облыстық қоғамдық даму басқармасының басшысы Руслан Каюпов мәлімдеді.<blockquote>«Аймақ басшысы Нұрлыбек Нәлібаевтың бастамасымен Қызылорда облысының жастары үшін жеңілдетілген ипотекалық несие беруге бағытталған «Сыр жастары» бағдарламасы қабылданған болатын. Бағдарламаның жалпы құны 1 млрд 700 миллион теңге, оның 1 млрд 200 млн теңгесі облыстық бюджеттен бюджеттік несие ретінде бөлінсе, 500 млн теңге «Отбасы банкі» арқылы қарастырылып отыр. Былтыр бұл бағдарлама аясында 100 жас баспаналы болды. Бағдарламаға ұсыным беру 15 күнтізбелік күн ішінде жүзеге асырылады, бүгін басталған науқан 24 қыркүйек күні аяқталады. Одан кейін, жиналған балл саны бойынша әр санат ең көп балл жинаған қатысушылар іріктеледі, оларға электронды жолдама беріледі. Жолдаманы алған жастар «Отбасы банкінде» төлем қабілеттілігін растайды, содан кейін келісім-шарт рәсімделіп, үй табысталатын болады. Бағдарлама аясында табысталатын үйлер қаламыздың Сол жағалауында орналасқан, жалпы көлемі 49 және 66 шаршы метрден кем емес 2-3 бөлмелі пәтерлер болады деп күтілуде», - деді басқарма басшысы.</blockquote>Айта кетейік, бағдарлама бойынша сұрақтар болса, басқарманың азаматтық қоғам институттарымен жұмыс және жастар бөліміне 60-53-23 номері бойынша хабарласуға болады. Сонымен бірге, облыс, қала, аудандық жастар ресурстық орталықтарында «Сыр жастары» бағдарламасы бойынша кеңес беріп, құжат ұсынуға көмек беріледі. Жастардың құжат ұсынуға компьютері, интернеті болмаса, жастар орталықтарына барып, көмек алуға болады.

Қазақстан және Қызылорда облысының жаңалықтары