БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Бүгін біз қаржылық мақсаттар қою білу және оған қол жеткізу, оның ішінде ақша жинау үшін депозиттер, қосымшалардағы «жинақ қобдишалары» немесе автоматты бағдарламалар сияқты цифрлық құралдарды қалайша қолдануға болатыны жөнінде айтып береміз.&nbsp;ДепозиттерБанк қосымшасында бір немесе бірнеше депозитті берден ашып, оларға атау беруге болады, мысалы, «велосипед сатып алуға», «саяхатқа» және т.б.&nbsp;Депозитті тек кәмелеттік жасқа толған қазақстандықтар ғана аша алады. Балалар ата-аналарынан банктік салым ашып берулеріне көмек сұрай алады. Және де, мүмкіндігінше үнемделген ақшаны сол жерге аударған дұрыс. Бастысы — мұны жүйелі түрде істеп отыру қажет, сонда шоттағы сома да өседі. Табысқа жетудің басты шарты – тәртіп.&nbsp;Депозитттің тағы бір түрі – белгілі бір мерзімге ашылатын және сол кезеңде ақша шешіп алуға болмайтын депозит. Сондай-ақ, толтырып отыруға болатын және төмендетілмейтін қалдыққа дейін ішінара шешіп алу мүмкіндігі бар депозиттер бар. Әдетте, оның мөлшері 1 мың теңге, алайда әртүрлі банктерде талаптар да әртүрлі, олар банктің салым шартында көрсетіледі. Ең дұрысы, ай сайынғы капиталдандыруы бар депозиттерді таңдау. Бұл жерде салым сомасына банк беретін пайыз қосылады. Ал келесі айда сыйақы банк есептеген пайыздарды қоса алғанда, барлық сомаға есептеледі.<img src="https://knadmin.beoblood.kz/uploads/fingr_depozity_bd8860b666.png" alt="фингр депозиты.png">✅Онлайн&nbsp;кестелерШығыс, кіріс және жинақ сомасы әр бағанда көрсетілген кесте көз алдыңызда тұрса, қаржыңызды басқару оңайырақ болады. Мысалы, бір жылда 100 мың теңге жинау үшін айына қанша ақша жинау керек екенін есептейтін кесте құру керек. Ол үшін компьютерде немесе смартфонда кесте жасайсыз. Ондағы әр айдың бағанында кірісіңіз (қалта қаражаты, туған күніңізге деп берген ақша, сатушы қайтарған қаржы) бен шығыныңыз (сыйлықтар, достарыңызбен кинотеатрға бару және т.б.) бар баған болуы керек. Яғни, сіздің кірістеріңіз бен шығыстарыңыздың арасындағы айырмашылық. Осылайша сіз қанша ақша үнемделгенін және қандай шығындарды қысқарту керек екенін көре аласыз.<img src="https://knadmin.beoblood.kz/uploads/tab_KAZ_01_da215d5d13.png" alt="tab_KAZ-01.png">✅&nbsp;Балансты&nbsp;дөңгелектеуМұндай әдіс күн сайын ақша жинап, бірақ әр тиынды үнемдемей-ақ жинауға көмектеседі. Бұл әдіс балаларға арналған банк картасы барларға қолайлы. Ол үшін күн сайын картаңыздағы қалдықты тексеріп, сома дөңгелек болуы үшін ата-анаңыз ашқан депозитке белгілі бір соманы аударып отыруыңыз қажет. Сіз соманы ондыққа немесе жүздікке дейін дөңгелектей аласыз. Мысалы, картаңызда 5774 теңге болса, 774 теңгені анаңызға немесе әкеңізге депозитке салуы үшін аударуға болады. Әр жолы осылай. Салып отыратын сома көп емес, сәйкесінше бюджетіңізге көп әсер етпейді, бірақ сіздің жинағыңыз барған сайын ұлғая береді. Әсіресе депозит капитализациясы бар банкте болса, көбейеді.&nbsp;<img src="https://knadmin.beoblood.kz/uploads/fingramota_c1a5ca8cd8.png" alt="финграмота.png">✅&nbsp;«52&nbsp;апта»&nbsp;ойыныБұл челленджде нақты бір соманы күн сайын емес, аптасына бір рет салып отыруыңыз керек. Бұған ата-анаңызбен қатысқаныңыз дұрыс.Сонымен, кесте сызыңыз, оған 52 ұяшық жасаңыз және депозитке апта сайын қанша ақша аударуға дайын екеніңізді жазыңыз. Мысалы, 100, 500, 1000 теңге немесе одан да көп. Сонымен, егер сіз 100 теңгеден саламын деп шешсеңіз, онда бірінші ұяшықта 100, екіншісінде 200 және әрі қарай өсу ретімен кете береді. Бір жылдан кейін сіз керек соманы жинап шығасыз. Әрине, ақшаны бұлай әрдайым жинап отыру мүмкін болмауы ықтимал. Сондықтан мүмкіндігіңізге қарай бір соманы бір аптада, екіншісін келесі аптада сала аласыз. Ең бастысы — мұны жүйелі түрде істеу.&nbsp;<img src="https://knadmin.beoblood.kz/uploads/fingr_283d407170.png" alt="фингр.png">Сөз соңында, өз шығындарыңызды бақылау үшін қолдануға болатын тағы бір әдісті айтайық. Ол 60-10-10-10-10 деп аталады. Оның мәні мынадай:Табыстың 60%-ы негізгі шығындарға жұмсалады (тамақ, үйірмелердің төлемі және т.б.);10%-ы тұрақты емес шығындарға кетеді (сыйлықтар, ірі сатып алу);10%-ы ойын-сауық (кино мен театрға бару, ойын-сауық саябақтары және т.б.);10%-ы жинауға (велосипед, жаңа гаджет, саяхат және т.б. үшін);10%-ы ұзақ мерзімді жинаққа (оқу және басқалары).&nbsp;Осы схеманы пайдаланып, өзіңіздің цифрлық «қобдишаңызды» жасай аласыз, ол депозит, онлайн-кесте, немесе қарапайым қағаз конверт болса да болады.&nbsp;Ақша жинау дағдысын неғұрлым тез меңгерсеңіз, үлкен зат сатып алуға қажет соманы жинау мүмкіндігі соғұрлым жоғары болады. Бұл сізге әрдайым ақшалы болуға және кез келген жағдайда өзіңізді сенімді сезінуге мүмкіндік береді.Фото: fingramota.kz

Цифрлық өнімдер арқылы қалайша ақша жинауға және көбейтуге болады 

<a href="https://kyzylorda-news.kz/">Kyzylorda-news.kz</a> Қызылордада аймақ басшысының қолдауымен Әзірбайжан классигі Узейір Гаджыбековтың «Аршын мал алан» комедиялық опереттасы сахналанды.Көрерменге бұрыннан таныс болса да, Сыр топырағында алғаш рет сахналанған мюзиклде сол замандағы қоғамдағы теңсіздік, бай-кедей арасындағы таптық айырмашылық пен махаббат иірімдері сынды өзекті мәселелер комедиялық жанрда көрініс тапқан. Бауырлас елдің танымал шығармасында ең ұлы махаббат сезімінің материалдық құндылықтан биік екендігі насихатталып, тамашалауға келген жұртшылықтың ыстық ықыласына бөленді.Бүкіләлемдік өркениет тарихында түркі әлемінің рухани мұрасына айналған музыкалық қойылымға Қарағанды академиялық музыкалық комедия театрының режиссері Евгения Пермякова режиссерлік етті.<blockquote>– Маған музыкалық опереттаға қоюшы режиссер болуға ұсыныс түскен сәтте қуана-қуана келісімімді бердім. Әрине, дайындық сәтінің өз қиыншылықтары болды. Өте қысқа уақытта осындай керемет туынды жасап шығу оңайға соқпады. Оперетта - вокал, би және актерлік шеберлік секілді үш өнердің біте қайнасуы. Осындай үлкен өнерді, сіздер үшін жаңа жанрды ойдағыдай алып шыққан жергілікті әртістерді бүгінгі премьерамен құттықтаймын, - дейді Евгения Михайловна.</blockquote>Ал опереттаның кейіпкерлерінің бірі Жиханның рөлін сомдаған «Мәдениет қайраткері» төсбелгісінің иегері Үміт Медеуова шығармашылық топтың еңбегіне тоқталып өтті.<blockquote>– Махаббатқа толы, жылы, өте керемет туынды Сыр тұрғындары үшін үлкен жаңалық болып отыр. Әрине, біз үшін де. Барлық шығармашылық топ үлкен еңбек етті. Жақсы қойылым, жарқын эмоциялар сыйлау үшін жұмыс жасадық. Нәтижесін, бағасын халық өзі бере жатар. Көңілдеріңізден шығады деген сенімдемін, - дейді Үміт Еменқызы.</blockquote>Оперетта облыстық симфония оркестрінің сүйемелдеуімен өтті. Кеш соңында өнер өкілдерінің құрметіне орай аймақ басшысының ықылас гүлі табысталды.<img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_2_10fed60b32.jpg" alt="Қызылордада тұңғыш рет комедиялық оперетта сахналанды 2.jpg"><img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_187b8f31c5.jpg" alt="Қызылордада тұңғыш рет комедиялық оперетта сахналанды.jpg"><img src="https://knadmin.beoblood.kz/uploads/yzylordada_t_ysh_ret_komediyaly_operetta_sahnalandy_3_7d1f378fcd.jpg" alt="Қызылордада тұңғыш рет комедиялық оперетта сахналанды 3.jpg">

Қызылордада тұңғыш рет комедиялық оперетта сахналанды

<a href="https://kyzylorda-news.kz/">Kyzylorda-news.kz</a> Бұл туралы үкімет баспасөз орталығында өткен брифингте Үкімет басшысының орынбасары - Ұлттық экономика министрі Нұрлан Байбазаров айтты, деп хабарлайды <a href="https://el.kz/zhana-zhyl-qarsanynda-azyq-tulik-bagasy-baqylauda-bolady-ministr_400004619/">El.kz </a>ақпарат агенттігі.<blockquote>Үкімет жағдайға мониторинг жүргізеді әрі әлеуметтік маңызы бар өнім түрлері бойынша экономикадағы бағаларды тежеуге бағытталған шаралар қабылдайды. Әлеуметтік маңызы бар азық-түлік тауарларының бағасын тежеу үшін қысқы және көктемгі маусымаралық кезеңге қарай жеткілікті көлемде қалыптасқан жаңа өнім қоры шығарылатын болады. Тұрақтандыру қорларының, сауда объектілерінің қоймаларында және ауыл шаруашылығы өндірушілерінде 29 негізгі түрі бойынша 826 мың тоннадан астам азық-түлік сақталады. Бұл қорлар сақтау мерзімдерін ескере отырып үнемі толықтырылып отырады және еліміздің қажеттіліктерін бірнеше айға қамтамасыз ете алады, - деді министр.</blockquote>Сондай-ақ жаңа жылдық мерекелер қарсаңында бағаның ықтимал өсуін тежеу үшін қосымша шаралар қабылдануда.<blockquote>Өңірлерде тұрақты ауылшаруашылық жәрмеңкелері ұйымдастырылады. Қысқы кезеңде және маусымаралық кезеңде бағаны одан әрі тұрақтандыру үшін ақпан айының басында тұрақтандыру қорларынан көкөністерді босатуды бастау жоспарлануда, бұл нарықты қажетті өнім көлемімен қамтамасыз етуге және баға ауытқуларының алдын алуға мүмкіндік береді, - деп атап өтті Нұрлан Байбазаров.</blockquote>Фото: Үкімет&nbsp;

Жаңа жыл қарсаңында азық-түлік бағасы бақылауда болады - министр

<a href="https://kyzylorda-news.kz/">Kyzylorda-news.kz</a> Үкімет инвестицияларды ынталандыру және экономиканы әртараптандыру жөніндегі белгіленген жоспарларды іске асыруды жалғастырады.<blockquote>«Қазақстанда мұнай-газ химиясы, машина жасау, металлургия және АӨК жоғары деңгейде қайта өңдеудің 17 ірі жобасын іске асыру басталды. Экономикаға үлкен инвестициялар құйылуда. Биыл Мемлекет басшысының тұрғын үй құрылысы, өңірлерді газдандыру, ТКШ жаңғырту, көлік инфрақұрылымы бойынша ауқымды бастамаларын іске асыру аясында ғана экономиканы қаржыландыру 2 трлн теңгеден асты. Осы жылы жалпы сомасы 40 трлн теңгеге жуық Ұлттық инфрақұрылымдық жоспарды 2029 жылға дейін іске асыру басталды. Жыл соңына дейін Энергетика және коммуналдық секторларды жаңғырту жөніндегі ұлттық жоба қабылданады. Фермерлерді қолдау жалғасуда. Келесі жылы көктемгі егіс жұмыстарын қаржыландыру 700 млрд теңгеге дейін ұлғайтылды. Бүгінгі таңда фермерлерден өтінімдер қабылдануда, олар 5%-дық жеңілдігі бар қаржыландырумен қамтамасыз етіледі», — деді баспасөз мәслихатында журналистер сұрағына жауап берген Премьер-министрдің орынбасары – ұлттық экономика министрі Нұрлан Байбазаров.</blockquote>Сонымен қатар Үкімет экономикаға шетел капиталын тарту бойынша шараларды күшейтті. Сондай-ақ бизнес үшін жағдайды жақсарту және экономиканы ырықтандыру бойынша жүйелі жұмыс жалғастырылады. Үкіметтік бағдарламаларды іске асырудан экономикаға шетел валютасының түсуі валюта нарығына тұрақтандырушы әсер етеді әрі экономиканың одан әрі өсуіне ықпал етеді деп күтілуде.https://t.me/KZgovernment/14419Фото: aikyn.kz

Нұрлан Байбазаров: Экономикаға үлкен инвестициялар құйылып жатыр 

&nbsp;<a href="https://kyzylorda-news.kz/">Kyzylorda-news.kz</a> Үкімет ішкі нарықты тауарлармен қамтамасыз ету, бәсекелестікті реттеу және қорғау есебінен инфляцияны тежеу жөніндегі шаралар кешенін жалғастырады.Премьер-министрдің орынбасары – ұлттық экономика министрі Нұрлан Байбазаров Үкімет Ұлттық банкпен және жергілікті атқарушы органдармен бірлесіп, ішкі нарықты тауарлармен қамтамасыз ету, бәсекелестікті қорғау, сыртқы сауданы және тарифтерді реттеу есебінен инфляцияны тежеу жөніндегі шаралар кешенін іске асыруды жалғастыратынын айтты. Осындай әрекеттердің арқасында Қазақстанда 2023 жылғы жылдық инфляция жылына 20,3%-дан 9,8%-ға дейін төмендегені және 2024 жылғы 11 айдың қорытындысы бойынша 8,4%-ды құрағаны атап өтілді.<blockquote>«Үкімет жағдайға мониторинг жүргізеді әрі әлеуметтік маңызы бар өнім түрлері бойынша экономикадағы бағаларды тежеуге бағытталған шаралар қабылдайды. Әлеуметтік маңызы бар азық-түлік тауарларының бағасын тежеу үшін қысқы және көктемгі маусымаралық кезеңге қарай жеткілікті көлемде қалыптасқан жаңа өнім қоры шығарылатын болады. Тұрақтандыру қорларының, сауда объектілерінің қоймаларында және ауыл шаруашылығы өндірушілерінде 29 негізгі түрі бойынша 826 мың тоннадан астам азық-түлік сақталады. Бұл қорлар сақтау мерзімдерін ескере отырып үнемі толықтырылып отырады және еліміздің қажеттіліктерін бірнеше айға қамтамасыз ете алады. Сондай-ақ жаңа жылдық мерекелер қарсаңында бағаның ықтимал өсуін тежеу үшін қосымша шаралар қабылдануда. Өңірлерде тұрақты ауылшаруашылық жәрмеңкелері ұйымдастырылады. Қысқы кезеңде және маусымаралық кезеңде бағаны одан әрі тұрақтандыру үшін ақпан айының басында тұрақтандыру қорларынан көкөністерді босатуды бастау жоспарлануда, бұл нарықты қажетті өнім көлемімен қамтамасыз етуге және баға ауытқуларының алдын алуға мүмкіндік береді», — деп атап өтті Нұрлан Байбазаров.</blockquote>Өңірлік комиссиялар бағаның өсуіне талдау жүргізеді, өнімсіз делдалдар анықталады және сауда үстемесінің асып кету фактілері қаралады. Аталған комиссиялардың қызметі осы жылы бақылау-фискалдық және күштік органдарды тарту есебінен күшейтілді. Маусымаралық кезеңде ішкі нарықты көкөністермен қамтамасыз ету мақсатында жақын шетелден ерте көкөністерді жеткізу үшін «жасыл дәліз» ұйымдастырылады. Бұдан басқа, сауда саласында бизнеспен тығыз өзара іс-қимыл жүзеге асырылады.https://t.me/KZgovernment/14419фото: centeraktiv.kz

Үкімет инфляцияны тежеу шараларын жалғастырады

<a href="https://kyzylorda-news.kz/">Kyzylorda-news.kz</a> «Мемлекеттің барлық әлеуметтік міндеттемелері толық көлемде орындалып жатыр және одан әрі қарай да орындала береді. Бұл – Үкімет жұмысының басым бағыттарының бірі», &nbsp;– деп атап өтті Премьер-министрдің орынбасары – ұлттық экономика министрі Нұрлан Байбазаров брифингте.&nbsp;Атап айтқанда, биыл қаңтардан бастап барлық зейнетақы мен жәрдемақылар жыл сайын инфляция деңгейін ескере отырып индекстелуде. 2025 жылдың 1 қаңтарынан бастап ынтымақты зейнетақы 8,5%-ға, әлеуметтік жәрдемақылар мен базалық зейнетақы 6,5%-ға индекстеледі.Мемлекет басшысының тапсырмасы бойынша базалық зейнетақының мөлшерін кезең-кезеңімен арттыру жалғасып жатыр.2025 жылға арналған республикалық бюджетте 42 түрлі әлеуметтік төлемдер бойынша 6 трлн теңгеден астам қаражат қарастырылған, бұл 2024 жылмен салыстырғанда 12,5%-ға көп.Республикалық бюджеттен және Мемлекеттік әлеуметтік сақтандыру қорынан 2 млн-ға жуық қазақстандық отбасы жәрдемақылар мен әлеуметтік төлемдер алады.«2025 жылдың басынан бастап балалы отбасыларға төленетін барлық мемлекеттік жәрдемақы мөлшері 6,5%-ға индекстеледі. Балалы отбасыларға арналған жәрдемақыларды төлеуге 2025 жылға арналған республикалық бюджетте 875,1 млрд теңге қарастырылған. Аз қамтылған азаматтарды әлеуметтік қолдау атаулы әлеуметтік көмек көрсету арқылы жалғасады. 2023 жылдың 1 қарашасындағы жағдай бойынша 76 мың отбасы немесе 403 мың адам АӘК алды. АӘК көрсетудің жаңа тәсілдерін азаматтардың шығыстарын ескере отырып қайта қарау шеңберінде бұл көмек Цифрлық отбасы картасы және мемлекеттік әрі мемлекеттік емес ұйымдардың жүйелерімен интеграциялау арқылы трансформацияланады», — деп атап өтті Нұрлан Байбазаров.Бұдан бөлек, 2024 жылдың 1 қыркүйегінен бастап Қазақстанда стипендия көлемі: бакалавриат бойынша 20%-ға, магистранттар мен докторанттарға 15%-ға өсті. Ғылыми ұйымдар қызметкерлерінің жалақысы 18%-ға артты, 2025 жылдан бастап 17%-ға көбейеді.https://t.me/KZgovernment/14419фото: aikyn.kz

2025 жылдан бастап балалы отбасыларға төленетін барлық жәрдемақы мөлшері 6,5%-ға индекстеледі

<a href="https://kyzylorda-news.kz/">Kyzylorda-news.kz</a> Ақмола облысы Бұланды ауданы, Шұбарағаш ауылындағы жеке тұрғын үйден өрт шығып, екі бала мерт болды. Бұл туралы <a href="https://stan.kz/">Stan.kz</a> ақпарат агенттігі хабарлайды.Өрттің аумағы –үш шаршы метр.Жеті және үш жасар бала түтіннен уланып, көз жұмды.Жедел қызмет нөмірлеріне қоңыраулар түскен жоқ. Өртті оқиға куәгерлері сөндірді.Қайғылы оқиғаның себептерін Ақмола облысы төтенше жағдайлар департаментінің ғылыми-зерттеу өрт сынау зертханасының мамандары анықтайды.Бұланды ауданының төтенше жағдайлар бөлімі сотқа дейінгі тергеуді бастады.Фото: Pixabay.com

Ақмола облысында үйден өрт шығып, екі бала мерт болды

<a href="https://kyzylorda-news.kz/">Kyzylorda-news.kz</a> Үкімет үйінде өткен баспасөз мәлсихатында Премьер-министрдің орынбасары – ұлттық экономика министрі Нұрлан Байбазаров валюта нарығындағы ахуал мен оның еліміздің әлеуметтік-экономикалық дамуына әсері туралы мәлімдеді.Соңғы бірнеше аптада валюта нарығында белгілі бір ауытқулар байқалып, ұлттық валюта бағамы әлсірегені атап өтілді. Осыған байланысты, азаматтар мен бизнестің алаңдаушылығын ескере отырып, Үкімет пен Ұлттық банк валюта нарығындағы тұрақтылықты қамтамасыз ету үшін үйлестірілген шаралар қабылдауда.Нұрлан Байбазаров ұлттық валютаның бағамының түзетілуі тек сыртқы фундаменталды факторлардың ықпалынан туындаған құбылыс екенін атап өтіп, олардың негізгі үшеуіне тоқталды:соңғы айларда жаһандық доллар индексінің күшеюі;мұнайдың әлемдік бағасының біршама төмендеуі;Ресей рублінің әлсіреуі. Ресей Қазақстанның ірі сауда серіктесі екенін ескере отырып, рубль бағамындағы ауытқулар теңге бағамына әсер етуі мүмкін.«Мұндай жағдайда Үкіметтің басты міндеті – азаматтарымыздың әлеуметтік жағдайының нашарлауына жол бермеу, олардың әл-ауқатын қорғау, сондай-ақ кәсіпкерлерге келетін теріс әсерді азайту. Экономика мен халық үшін ықтимал теріс салдарды тұрақтандыру және барынша азайту үшін барлық қажетті шаралар қабылданатын болады. Үкіметтің бұл үшін жеткілікті ресурстары мен құралдары бар», – деп атап өтті Н. Байбазаров.https://t.me/KZgovernment/14419

Үкімет пен Ұлттық банк валюта нарығындағы тұрақтылықты қамтамасыз ету үшін үйлестірілген шаралар қабылдануда

<a href="https://kyzylorda-news.kz/">Kyzylorda-news.kz</a> Қазақстан Республикасының Қаржы нарығын реттеу және дамыту агенттігі (бұдан әрі – Агенттік) жанындағы Қаржылық сауаттылық жөніндегі сараптамалық кеңестің бірінші отырысы өтті.Сараптамалық кеңестің басты міндеті – халықтың білімі мен дағдыларын жақсартуға бағытталған елдегі қаржылық сауаттылықты дамытудың стратегиялық бағыттарын әзірлеу және қаржылық сауаттылықты арттыру жөніндегі іс-шаралар мен материалдарға сараптамалық бағалауды қалыптастыру.Сараптамалық кеңеске қаржы ұйымдарының, қоғамдық бірлестіктердің өкілдері, кәсіби экономистер мен қаржыгерлер, бұқаралық ақпарат құралдарының басшылары мен өкілдері, блогерлер мен пікір көшбасшылары кірді.&nbsp;Отырыс барысында Fingramota.kz жобасының өкілдері қаржылық сауаттылық деңгейін әлеуметтанушылық зерттеу нәтижелері, негізгі үрдістер мен проблемалық мәселелер туралы айтып берді.Сараптамалық кеңеске қатысушылар ақпараттық және білім беру жұмысын күшейту бойынша ұсыныстар, сондай-ақ жаңа құжат – Қаржылық сауаттылықты арттыру жөніндегі 2025-2028 жылдарға арналған жол картасына түзетулер енгізді.Мәселен, сарапшылар ең қолайлы бейімделген білім беру және ақпараттық өнімдерді дайындау үшін ел халқын нақты аудиторияға бөлу қажеттілігін атап өтті.&nbsp;Сондай-ақ, кросс-платформалық коммуникациялар және халықты ақпараттық материалдармен, әсіресе Қазақстан өңірлерінде қамтуды арттыру үшін барлық қатысушылардың жұмысын үйлестіру мәселесі шешуші мәселелердің бірі болып қала береді.Fingramota.kz жобасының өкілдері барлық ұсыныстар қабылданып, іс-шаралар жоспарына енгізілетінін атап өтті.&nbsp;Отырыс қорытындысы бойынша 2025 жылға арналған іс-шаралар жоспары, сарапшылармен кездесулер өткізу кезеңділігі және есептілікті қалыптастыру әзірленетін болады.Жаңартуларды Fingramota.kz сайтынан қадағалаңыз.Фото: fingramota.kz

Қаржылық сауаттылықты арттыру жөніндегі сараптамалық кеңес құрылды  

<a href="https://kyzylorda-news.kz/">Kyzylorda-news.kz</a>&nbsp; Бала құқықтары жөніндегі уәкіл Динара Закиева балаларды қараусыз қалдыруға қатысты бастама көтерді, - деп хабарлайды <a href="https://massaget.kz/news/12-jaska-deyng-balalardyi-uyde-jalgyiz-kaldyiruga-tyiyyim-121260/">Massaget.kz</a>&nbsp;Закиеваның мәліметінше, 2024 жылдың басынан бері Қазақстанда балалар қаза тапқан 15 өрт оқиғасы тіркелген. Көп жағдайда балалар үйде жалғыз қалған кезде қайғылы жағдайлар болған.<blockquote>"Осы деректерді талдай отырып, 12 жасқа дейінгі балаларды кәмелетке толған адамдардың қарауынсыз қалдыруға тыйым салу бойынша заңнамалық шараларды пысықтау қажет деп санаймын. Оған қоса қолдауға мұқтаж отбасылар мемлекеттік көмек бағдарламаларымен қамтамасыз етілуі қажет", - деп жазды балалар омбудсмені.</blockquote>

Қазақстан және Қызылорда облысының жаңалықтары