«Кyzylorda-news.kz» &nbsp;– 15 жыл«Цифрлық медианың енді ғана қалыптаса бастаған кезі. Сайт жұмысын жүргізу, ақпарат табу оңай болмады. &nbsp;Алғашында күн сайын 15 ақпарат табудың өзі қиын болды. Сайт жұмысын игеру үшін бағдарламалау тілін меңгеру қажет болды», – дейді кейіпкеріміз, зейнеткер Насреддин аға. Оның еңбек жолындағы ең бір шуақты сәттердің бірі – интернет басылымда жұмыс істеген кезі. Технология тілін көпшілік әлі үлгермеген кезде алғашқылардың бірі болып сайт жұмысын дөңгелетіп әкету оңай болған жоқ. Қызығы мен шыжығы мол жаңа жобаны жүзеге асыру үшін табандылық пен тынымсыз еңбек қажет.Осыдан 15 жыл бұрын «Кyzylorda-news.kz интернет газеті ақпарат кеңістігіне қадам басты. Бастапқы кезеңде тың бастама көпшілікті елең еткізгенімен интернет газеттің бір ізге түсіп кетуі оңай болмады. Себебі ол кезде ғаламтор игілігі облыс тұрғындарына бірдей қолжетімді емес еді. Сыр өңіріндегі тұңғыш интернет басылым ашылған жылдары интернет газетінің жауапкершілігін көтерген қызметкерлердің бірі, сайт операторы Насреддин Бахманов еді. &nbsp;2010 жылдары интернет басылымдар мен ақпарат агенттіктер бірінен соң бірі ашылып жатты. Ізінше 2011 жылдың 5 мамырында Сыр өңірінде екі тілде ақпарат тарататын алғаш «Kyzylorda-news.kz» интернет газеті өмірге келді. Жаңадан ашылған интернет газеттің бас редакторлық қызметіне республикалық «Караван» газетінің облыстағы меншікті тілшісі Елібай Жікібаев шақырылды. Ол интернет басылымның жүйесін бір жолға түсіру үшін аянбай еңбек етсе, Насреддин Бахманов дизайн жасау жұмысын қолға алды.<blockquote>– Алғашқы кезде ақпараттарды сайтқа орналастыру жұмысын игердік. Ол кезде бүгінгідей бір батырманы баса салу жоқ, ақпарат жариялау үшін бағдарламалау тілін меңгеру талап етілетін. Интернет газетте тек Қызылорда облысына қатысты жаңалық жариялап отырдық. Күніне екі тілде 15 ақпарат жариялау тапсырылды. Алғашқы күндері осынша ақпарат табу қиын болғанымен Елібай Зұлқарнайұлының іскерлігінің арқасында облыстық мекемелердің баспасөз қызметімен тығыз қарым-қатынас орнаттық. Ең бастысы, оқырманға жаңалықты дер кезінде жеткізіп отырдық, – дейді Насраддин Бахманов.</blockquote><img src="https://knadmin.beoblood.kz/uploads/nyus_56db808eba.jpg" alt="ньюс.jpg">Уақыт бір орында тұрмайтынцы белгілі. Сәт сайын технология өзгерген заманда аймақтық интернет басылым да уақыт көшіне ілесуге ұмтылды. Жаңа айдарлар қосылып, қазақ, орыс тіпті ағылшын тілінде ақпарат жариялана бастады. Оқырмандармен кері байланысты жандандыру мақсатында «Бізге жаңалық жіберіңіз» бөлімі жұмыс істеді. Технология жетіліп, сайттың мобильді нұсқасын жасау қажеттілігі де туындады. Ал оқырмандар жаңалықты кез келген уақытта, кез келген жерден оқи алатын мүмкіндікке ие болды. Тіпті, нашар көретіндерге арналған нұсқаға дейін жоғары деңгейде жасалды.<blockquote>– &nbsp;Уақыт өте келе сайтқа ақпарат салу жұмысын жеңілдеттік. Бұрынғыдай тек оператор ғана емес, әр тілші сайтқа өзі әзірлеген ақпаратты дер кезінде салуды үйренді. Сондай-ақ интернет газетте журналистер аптасына бір сұхбат, бір сараптамалық мақала жазуға міндетті болды. Бұл тілшілерге қиын болған жоқ. Сайтқа күніне жариялануы тиіс деген 15 ақпараттың санын 18-ге, одан кейін 20-ға жеткіздік. Осылайша, «Қызылорда облысының интернет газеті» деген атымызға сай болу үшін еңбек еттік, – дейді Насреддин Қайназарұлы. &nbsp;</blockquote><img src="https://knadmin.beoblood.kz/uploads/nyus_kollega_aeb9124a79.jpg" alt="ньюс коллега.jpg">Сол жылдары Президент жанындағы әлеуметтік зерттеулер институты оқырман­ды сайттар мен әлеуметтік желілердегі шоу-бизнес, жеке адамдардың өмірі және алып-қашпа әңгіме қызықтыратынын анықтаған. Сол уақытта елдегі сайттар рейтинг қуып, танымалдылыққа ұмтылып жатқанда, «Kyzylorda-news.kz» интернет басылымы сенсацияға, жылт еткен дүниелерге үйір бола қойған жоқ. Редакция тек ақпарат берумен шектелмей, визуалды контентке де ерекше мән берді. Сайтта жарияланған ақпараттың сапасы арта түсті. Фоторепортаждар беру жолға қойылып, апта сайын түрлі тақырыптарда суреттер топтамасын беру дәстүрге айналды.<blockquote>– Бірде редактор Мұрат Жетпісбаевқа тұңғыш немеремнің суретін ұсынып, «құр сурет тақырыпты ашпайды, астына өлең жазып бер», – деп қолқа салдым. Сол фоторепортаж 10 жылға жуық сайт бетінде сақталды. Кейін табиғат көріністерін, соның ішінде «Тораңғыл» ағашын суретке түсіріп, оған орыс редакциясының бас редактор орынбасары Әлібек Байшүленов арнайы мақала жазып, мазмұнды дүние жарық көрді, – дейді Насреддин Бахманов.</blockquote>Алғашқы жылдардағы табанды еңбек пен тәжірибе ақпараттық агенттік тарихындағы ұмытылмас кезең. Сол жолды бастаған буынның еңбегі бүгінгі жетістіктердің берік іргетасына айналды. Бүгінде облыстағы алғашқы «Kyzylorda-news.kz» ақпараттық агенттігінде аға буын мен жас толқын арасындағы сабақтастық жалғасып, жаңашылдық пен тәжірибе үйлесім тауып келеді.Думан КеңшілікФото: Kyzylorda-news.kz

Насреддин Бахманов: Рейтинг қуып, танымал болуға ұмтылмадық

<a href="https://kyzylorda-news.kz/">Kyzylorda-news.kz</a>&nbsp; Биыл тоғызыншы рет ұйымдастырылған, 37 шетелдік, 43 отандық баспаның басын қосқан, Орталық Азиядағы ең ауқымды мәдени-ағартушылық шаралардың біріне айналған «Astana Eurasian Book Fair – 2026» халықаралық кітап көрме-жәрмеңкесінде оқырман үшін жаңалық көп болды. Соның бірі – жерлесіміз Нұрсұлтан Мықтыбайдың «Ақ Жайықтың көз жасы» атты кітабының таныстырылымына зиялы қауым көп жиналды. Өйткені бұл кітап Қазақстанның еңбек сіңірген қайраткері, Мемлекеттік сыйлықтың және «Құрмет», «Отан» ордендерінің иегері Ақұштап Бақтыгереева публицистикасына арналған тұңғыш әрі жан-жақты зерттеу еңбегі болып отыр. Тұсаукесер рәсіміне келушілер автордан бөлек, ақынның өзімен жүздесу құрметіне ие болды. Ал кештің тізгінін танымал жазушы Жадыра Шамұратова ұстады.«Фолиант» баспасынан әдемі ди­­зайнмен жарық көрген аталған кі­тап­тың өзіндік үш ерекшелігі бар: бі­ріншіден, қалың оқырманы сонау алпысыншы жылдардан бері қазақ әйелінің бей­не­сін асқақтатқан поэ­зия­сы ерекше сыршыл­дықпен, сезімтал­дықпен өріл­ген ақын деп таныған адамның публи­цис­ти­ка­лық қыры кө­рінген еңбек. Екін­ші­ден, атауы ерек­ше: әдетте біз көз жа­сы де­генде қуа­ныштың көз жасы де­ген тіркес еске түседі. Бұл жерде Ақ Жа­йық жағ­рапиялық атау ғана емес, ол – ел, халық, оның арғы жағында сол елдің мұңы мен мұраты, шері мен ша­мыр­қанысы жатқаны анық. Сонымен бірге кітаптың екі авторы бар деуге болады. Біріншісі – ұлт тағдыры туралы қа­лам тербеген ақынның өзі болса, екін­­ші­сі – қаламгердің әр жылдары түрлі ба­сылымдарда жарық көрген мақа­лала­рын негізге ала отырып, та­қыры­бының өзектілігі мен айтар ойы, ұлттық мүдде мен болмыс, қа­зіргі қазақ қоғамындағы рухани құн­ды­лықтар, тіл тағдыры, ұлт­тық тәр­бие мен экологиялық мәселелер тұрғы­сы­нан жан-жақты талдап, сара­лаған, публицистің азаматтық ұстаны­мы мен қаламгерлік үнін, ұлттық кел­бе­тімізді сақтау жолындағы күресін қа­­ра­­па­йым тілде баяндап, ақынның өт­кір пі­кірлері мен пайымдауларын сарап­та­ған Нұрсұлтан Мықтыбай.Руханият пен әлеуметтік мәселелер жайын тоғыстырған әдемі әдеби жиын­­да алғаш болып сөз алған қоғам қай­рат­кері Ақұштап Бақтыгереева ай­рықша тебіреністе отырғанын жет­кізді.<blockquote>– «Ақ Жайықтың көз жасы» де­ген менің мақалам еді. «Неге олай деп жаз­дыңыз?» деп сұрап жатыр жа­ңа жас­тар жағы. Ақ Жайықтың қара­пайым түсі­нік­те көзі жоқ өзен екені рас. Бірақ Ақ Жайық және қазақтың басқа да жерлері жылайтыны рас. Оны неге жасырамыз? Қалай жыла­май­ды Ақ Жайық? Ол жер­де 40 жыл бойы полигон жасады, 40 жыл бойы ядролық жарылыстар болды. Жәң­гір хан отырғызған сыңсыған орман бір күнде жоқ болды. Қырық жыл бойы баққан малы арам өлді, ба­ла­сы ауру туды. Шын мәнінде, Ақ Жа­йықтың жы­ламаған кезі жоқ. Әлі де буырқанып, ішінен тынып, ебіл-себіл болып жатыр. Менің бір таңғалғаным, студент кезінен жанымда жүрген, әде­биетке құмар, со­нау Сырдың бойында қазақтың аталы сөзіне сусындап өс­кен Нұрсұлтан ба­лам менің барлық жазғандарымды, тіп­ті өзімде жоқ ма­қалаларымды жи­нап, оны зерттеп, зерделеп, әбден са­ра­лапты. Ол мақала неге жазылды, аста­рын­да не жатыр, оқырманға бәрін қара­па­йым тілде тү­сінікті етіп ұсынып отыр. Бұл кі­таптың ішінде ұлт тағдыры бар, қа­зақтың басынан кешіп келе жатқан тауқыметі жатыр. Мұнда «Үш мың шақырым созылып жатқан темір­жолдың бойында әлі күнге дейін самса сатып жүрген қазақ әйелдерін көремін, солардың бағы қашан ашылады?» де­ген жанай­қайым бар. Иә, сол жылдар қа­зақ қызы қараусыз қалып, өз бетінше өсті, аналары базар жағалап кетті. Мек­теп ашу, тәрбие сағатын жүргізу ме­нің арманым еді. Оны қолдаған кім бар? Қоғамдағы болып жатқан ке­лең­­сіз­дік­тер өлеңге сыймаған кезде пуб­ли­цис­тика етіп жаздым. Аға ұр­пақ туралы ке­йінгі буынның қалам тер­беуі, жас­тар­дың көңіл бөлуі – мен үшін қуаныш. Әсіресе, Нұрсұлтанның осын­дай үлкен еңбек жасағанына ана ретінде алғысым шексіз, – деді ақын ағынан жарылып.</blockquote>Жалпы кейінгі буынның алдың­ғы буынды іздеуі, оның шығарма­шы­лы­ғын өзі қызығып зерттеуі, жаз­ғанына құр­мет­пен қарауы сирек жағ­дай емес. Де­генмен, автор Н.Мық­тыбай бұл кі­тап­ты жазуды қолға алуына не түрт­кі бол­ғанын ерекше естеліктермен жет­кізді.<blockquote>– Шынымды айтсам, бұл кітап осы­дан 5-6 жыл бұрын жарық көруі тиіс болатын. 2017 жылы Махам­бет Өте­місов атындағы Батыс Қа­зақ­стан мемле­кеттік универси­тетінде «Ақ­ұш­тап Бақ­ты­гереева публи­цис­тика­сын­дағы ұлт­тық таным мәсе­лелері» атты дип­лом­дық жұмыс қорғадым. Ол ақын пуб­ли­цистика­сының бір бө­лігі ғана бо­латын. Содан бастап апам­ның көсем­сөз­деріне деген қызы­ғушылығым бас­талды. Бұрын ақын ретінде ғана тани­тын жанды енді публицист ретінде тани бастадым. Қаламгердің замана шын­дығын, қоғам келбетін тап басқан мақа­лалары мені қатты толғантты. Сол дип­ломдық қорғауға зерттеу нысаны – Ақұштап апамның өзі келіп қатысты. Қорғау жұмысына зерттеу нысанының келуі бұрын-соңды болмаған жаңалық еді. Сонда балалығым ба, әлде Алла ау­зыма сөз салды ма, апама көптің кө­зінше: «Сіздің публицистикаңызды те­ре­ңінен, мүлдем басқа арнада зерттеп кітап етіп шығарамын» деп уәде бер­ген едім. Сол уәдемді 9 жылдан кейін енді орындап тұрмын. «5-6 жыл бұрын жарық көруі керек еді» деп отыр­ға­ным осы. Ең болмағанда, қалам­гердің 80 жас мерейтойына орай шы­ға­ра­мын деп ойлағанмын. Одан да қалыс қалды. Ол жалқаулығым емес, пуб­лицистің әлі де жаза түсетініне, ұлттық мәсе­ле­лер­ді қаузайтынына сенген­ді­гімізден еді. Бірақ «ештен кеш жақсы» дейтін ха­­лық­пыз ғой. Осы тұста кітапты шы­ғарып, көпшілікке ұсынған «Фолиант» бас­пасына зор ризашылығымды білді­ремін, – деді ол.</blockquote>Осыдан соң кеш қонағы Ақұштап Бақтыгереева, Қазақстанның еңбек сі­ңірген қайраткері, филология ғы­лым­дарының докторы, профессор Се­рік Не­гимов, ақын, Мемлекеттік сый­лық­тың иегері, ТҮРКСОЙ Жазу­шылар ода­­ғының төрағасы Ұлық­бек Есдәулет, бел­гілі жазушы, кино­дра­матург, «Да­рын» мем­лекеттік жас­тар сыйлығының, «Ай­боз» ұлт­тық сый­лығының лауреаты Айгүл Кемел­баева кітаптың тұсауын кесіп, ақ жол тіледі.Салтанатты рәсімнен кейін сөз ал­ған қаламгерлер ұлттық мүдде, тіл тағ­дыры, рухани құндылықтар мен эко­ло­гия тақырыптарын қозғаған ақын пуб­лицистикасының өзектілігі мен қо­ғамдық маңызына тоқталды.<blockquote>– Ақұштап қаламынан туған мінсіз дүниелер – оның қоғам қайраткері ре­тін­дегі азаматтық болмысын, ұлт ал­­дындағы жауапкершілігін жан жү­­ре­­гі­нен тулап шыққан шындыққа суа­рыл­ған сөздері арқылы айқындайтын өзін­ше өзгеше әлем. Қоғамдық пікір қа­лып­тас­тырудағы рөлі өз алдына, ағар­ту­­шы­лық және тәрбиелік мәні, қо­ғам­ның көзі мен құлағындай халық пен би­лік арасындағы алтын көпір іс­петті әлеуметтік бақылау сипаты, өз дә­уірінің үніне айналуы тұрғысынан оның көшелі, зерделі мақалалары қо­ғам­дық, әлеуметтік маңызға ие. Ақын жаз­­баларынан ұлттық рухты айқын та­нытуға деген ұмтылыс, зор құш­тар­лық – ынтызарлық сезіледі. Ақұш­тап публицистикасын ақпарат тарату құ­ралындағы кезекті мақала емес, қо­ғам­дық ойдың айнасы және тарихи құжат ретінде зерттеу нысанына айналдырып отырған Нұрсұлтан Мықтыбайдың қо­лыңыздағы «Ақ Жайықтың көз жасы» атты кітабы теориялық негіздемесімен, жазушының тілдік ерек­шелігін жүйелі, жан-жақты, толық тал­дап зерделеуімен қым­бат. Бұл – Ақ­ұштап Бақ­тыгереева жазба­ларының қоғамдық сананы қа­лыптас­тырушы зияткерлік күш есе­­бін­де ғылыми ор­тада мо­йындалуы де­ген сөз. Журналистика, филология, сая­саттану ғы­лым­дары­ның түйіскен же­рін­дегі күр­делі процесс сана­латын бұл көсемсөздер – газет-журнал ма­те­­риалдары арқылы бел­гілі бір кезең­дегі қо­ғам­ның көңіл-күйін, әлеу­меттік мәселелері мен қоғамдық-саяси көз­­­қарасын айқын­дай­тын көшбас­шылық, стра­тегтік кемел идея­ларға ие дәуір да­уысы, ға­сыр құбыла­намасы. «Менің қаламым – тек сезімнің құралы емес, ол – шындықтың қаруы» деген ұста­ным Ақұштап көсемсөздерінің темірқазығы, беломыртқасы іспеттес. Қоғамдағы оқи­ға­ларға бейжай қара­майтын, ақи­қат шындыққа суарылған өткір ой­лар, шынайылық пен қайсар мінез, ба­тылдық пен қаһармандық рух сұңғыла оқырманды ойлантады. Бұл батылдық, жігерлілік болмаса, Ал­ланың ақ жо­лында жүрмесе, адам­шылықтың түзу жолын ұстанбаса, ол қалайша ақи­қат­ты іздер еді, қалайша ұлт сөзінің ай­на­­сындай алғаусыз ақта­рылып жа­зар еді?! – деді жаңа кітап жайында то­лым­ды пікір білдірген профессор Серік Не­гимов.</blockquote>Ал ақын Ұлықбек Есдәулет ке­зінде Ақұштап Бақтыгерееваның қайрат­кер­лік бейнесі туралы ұтымды сөз айтқан Әбіш Кекілбаевтың баянда­масын еске алып, мұндай адамның тұлғасын, бей­несін ашатын дүниелер кейінгілер үшін керектігін алға тартты. Жазушы Айгүл Кемелбаева болса: «Нұрсұлтан Ақұштап апайдың азаматтық пози­ция­сын, ер азаматтардан кем соқпайтын қай­раткерлігін зерттеп-зерделеп жаз­ған екен. Бұл кітап резонанс тудыра­ды, өйткені қазіргі геосаясат үстем за­манда тойшыл, бейқам қазақ қоғамы үшін маңызы ерекше зор деп білемін. Үлкен әдебиетте, проза, поэзия жан­­рында өзіне ғана тән дара үнің болуы биік бағаланса, ол ерекшелік Ақұштап ақын­ның шығармашылық қазынасында бар. Ақұштап апай – менің де кейіп­керім. Мен ақын өмірінен алып екі әңгіме жаздым және Ақұштап деп өз есімімен жаздым. Нұр­сұлтан Мықты­байдың мына кі­табы деректі, зерттеу жанрының ен­шісі болса, менікі көр­кем проза. Әдетте шығармашылық тұл­ға­лар ту­ра­лы зерттеулер, мақалалар жа­зылады. Мен ұмытыла бастағандай се­­зілетін тенденцияны жаңғыртып, да­­рынды адамдар туралы көркем про­за жаз­дым. Мысалы, осы залда отыр­ған Ұлықбек Есдәулет, Серік Не­гимов, Дәу­леткерей Кәпұлы тәрізді шы­ғар­машы­лық иелерінің прозалық обра­зын неге жасамасқа?!» деп жас жазу­шыларға ерекше идея ұсынды.Жалпы бұл тұсаукесерге Алматы, Орал қалаларынан арнайы келіп қа­тысқан жандардың қарасы қалың бол­ды. Солардың бірі Қазақстанның еңбек сіңірген қайраткері, «Дарын» мемле­кеттік жастар сыйлығының иегері, фи­лология ғылымдарының кандидаты, Құрманғазы атындағы Қазақ ұлттық консерваториясының профессоры, ән­ші, композитор Сәуле Жанпейісова А.Бақ­тыгерееваның сөзіне жазылған «Кіммін мен?», Н.Мықтыбайдың сөзіне жазылған «Ақұштап – ақ шағала» атты өзінің авторлық әндерін орындап, кеш­тің ажарын аша түсті.Әдеби жиынның соңы автограф-сессияға ұласты. Ақын мен автордан қолтаңба аламыз дескен оқырмандар легі бір толастамады.Ақнұр САҒЫНТАЙ.Астана

«Ақ Жайықтың көз жасы»

“Қызылорда ньюс” – 15 жыл– Айжан Жұмабекқызы, «Қызыл­орда ньюс» ақпараттық агенттігінің әлеуметтік желіде желкен көтеріп, жа­ңалық тарат­қанына 5 мамыр күні тура 15 жыл толады. Құтты болсын!– Рахмет!– Әуелгіде интернет газет, бертін келе сайт, онан кейін ақпараттық агент­тікке айналған жаңалық жаршы­сының аз-кем тарихы екеумізге аян. Әйтсе де осы ақпарат көзінің негізін қалап, өзегіне қан жүгірткен өкілдер еңбегін ұмытуға болмайды.– Әлемдік медиатрансформация мә­селелерін зерттеушілер баспадан веб­сайтқа көшу процесін кейінгі 15 жыл деп қарастыратынын ескерсек, жалпы біз­дің де бұл ақпарат айдынында жел­кен керген жылдарымыз шамалас бо­лады екен. Бұл ретте интернет газет идея­сының авторы, негізін қалаушы аға буын Аманжол Сақыпұлы, агенттіктің алғашқы бас редакторы Елібай Жікібаев, оператор Насреддин Бахманов, одан ке­йінгі жылдарда шығармашылық топ­ты шыңдаған Мұрат Жетпісбаев, Әлі­бек Байшүленов, Дәуіржан Елубаев, Жә­нібек Исаев, сайт әкімшісі Бақытжан Салмұрза, кейінгі толқындардан На­ғым­жан Сауяев, Назерке Саниязова, Дәу­рен Омаров, Нұрсұлтан Мықтыбай, Мөлдір Снадинқызы, Әзиз Батырбеков есімдерін біз әрқашан мақтанышпен ай­тамыз. Әрбірінің өзіндік қолтаңбасы бар. Қазақ журналистикасындағы жаңа ме­дианың, яғни ақпарат таратудың басқа көзіне қарағанда мүмкіндігі зор медиа-технологияның алғашқы қарлығаш­та­ры­ның бірі ретінде танылуы, тұрақты оқыр­ман қалыптастыруы, сәт сайын мың құбылған замана көшіне бейімделуі мұның барлығы да жылдарды жылға жалғап, сабақтасып отырған үлкен шы­ғармашылық ұжымның еңбегі деп бағалаймыз.– Әлеуметтік желіде ақпарат та­ратудың түрлі тәсілі қолданылып жүр. «Қызылорда ньюс» қандай жолдан өтті?– Интернет газетке бастапқы жылдары Жарғы бойынша екі тілде 15 ақпарат салыну қажет болса, сол 15 ақпаратты табудың өзі оңай болмаған жолдардан өтті. Себебі ол кездері барлық ақпарат газеттердің шығу күніне ыңғайланып, асықпай, баппен жазылатын. Елібай Зұл­харнайұлының еңбегімен Ішкі істер департаменті, төтенше жағдайлар және денсаулық сақтау басқармасының бас­пасөз қызметімен тығыз байланыс орнату арқылы күнделікті жаңалықтар жасау қызметі жолға қойылса, одан кейінгі жылдары күнделікті оқырман санын кө­бейту жұмыстары маңызды болды. Ақ­параттық агенттік болып тіркелген 2014 жылдары мультимедиалық элемент­тер­ді пайдалана отырып, ұзақ мәтінді лон­гридтер мен фоторепортаждар ұсынудың да өз қызығы бар. 2018 жылдары әлеу­меттік желілермен жұмыс істеу қолға алынып, SMM нұсқаулықтары үй­ре­тіл­ді. 2019 жылы жаңартылған, жетіл­ді­рілген, дизайны заманауи веб-сайт іске қосылды. Аудиоподкастар жасал­ды. Қазір видеоконтент, түрлі медиа­блог­тар ме­дианың жаңашылдығы ретін­де қа­был­данып отыр. Мұнымен қоса агент­тік­тің әлеуметтік желілердегі рес­ми парақшаларын үздіксіз дамыту, күн­де­лікті қысқа рилстар арқылы оқыр­манды ұстап тұру басты назарда тұрады. Бұрын қысқа жазбалар басқа сайттардан көшірілетін болса, қазір камера, дрон көмегімен бейнежазбаларды өзіміз түсі­ріп, арнайы жабдықталған студияда мон­таждап, өнім ретінде ұсыну мүмкіндігінің болуы кәсіби табысымыз деп есептейміз. Осының барлығы да агенттіктің ақпа­ратты жылдам әрі сапалы таратудың сан түрлі жолдарынан өтіп келе жатқанын көрсетеді.– Алдағы бесжылдықтың бәсекесі нені меңзейді?– Меніңше, ақпараттық агенттіктің алдағы бесжылдық жоспары жаңалық та­рату деңгейінен жоғары болу керек. Қа­зіргі медианарықта тек жылдамдық жет­кіліксіз, сенім, сараптама және техно­логиялық икемділік шешуші роль ат­қа­рады. Демек сенімді ақпарат көзі, са­рап­тамалық орталық және мультиме­диа­лық платформа ретінде түсіндіретін, тал­дайтын, бағыт беретін медиа болуымыз өте маңызды. Өйткені қазіргі аудитория тез қабылдайды, визуалды ақпаратты жақсы көреді, эмоция мен мағына іздейді.Қалай дегенде де әрбір бесжылдықтың өзіне тән көтеретін жүгі, дамитын жолы болады. Сол жолда әріптестер еңбегі абыройлы бола бергей деп тілеймін.ӘңгімелескенҚ.ӘБІШФото: Нұрболат Нұржаубай

 Айжан Жұмабекқызы: «Қазіргі аудитория тез қабылдайды, эмоция мен мағына іздейді»

<a href="https://kyzylorda-news.kz/">Kyzylorda-news.kz</a> &nbsp;Қазалы ауданы әкімі Алмасбек Есмаханов аудандық мәслихат төрағасы Ғазиз Әлішпен бірге Қожабақы ауылындағы «Ауыл – Ел бесігі» бағдарламасы аясында салынып жатқан спорт кешенінің құрылысын көрді.Бүгінде мердігер мекеме «Намыс-Құрылыс» жауапкершілігі шектеулі серіктестігі ғимараттың негізгі құрылыс жұмыстарын толық аяқтап, ішкі әрлеу және сырлау, ғимарат алдындағы тас төсеніштер мен кафель плиталарын төсеу жұмыстарын жүргізуде. Инженерлік желілер толық тартылып, нысанды пайдалануға беру үшін қалған жұмыстар жоспарлы түрде атқарылуда. Спорт кешенінің жалпы құны 537,1 млн теңгені құрайды.Аудан басшысы спорт кешенінен кейін «Қазалы – Қожабақы – Бозкөл – Кәукей» автожолының 32,1 шақырымындағы көпірді күрделі жөндеу жұмыстарының сапасын бақылады. Жобаға сәйкес жаңа көпірдің ұзындығы 21,69 метр болса, жалпы өткел ұзындығы 375,13 метрді құрайды. Қазіргі таңда мердігер мекеме «Гүлнұр МК» ЖШС-і тарапынан жаңа көпір құрылысына қажетті жабдықтар құрылыс алаңына толықтай жеткізіліп, көпір жанына айналма жол мен уақытша су өткізгіш құбырлар жасалды. Қазіргі таңда арматураларды тоқу жұмыстары жүргізіліп, бірер күнде жердің терең қабатына темірбетонды қада қағу жұмыстары басталмақ.Аудан әкімі Қожабақы ауылындағы құрылыс нысандарын аралау барысында мердігер мекемелерге құрылыс сапасы мен мерзімін қатаң бақылауда ұстауды тапсырып, тұрғындар үшін маңызды жобаларды уақытылы әрі сапалы аяқтаудың маңыздылығын ескертті. Спорт кешенінің құрылысын маусым айына дейін, ал көпір құрылысын қыркүйек айына дейін толық аяқтауға жұмыс жасау керектігін айтты.

Аудан әкімі Қожабақы ауылындағы құрылыс жұмыстарының сапасын бақылады 

Бізге – 15 жыл

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Қазалы&nbsp;ауданы әкімдігінің мәжіліс залында ұзақ жылдар бойы мемлекеттік қызметте абыройлы еңбек еткен аудан әкімі аппаратының құжаттамалық қамтамасыз ету және бақылау бөлімінің іс жүргізуші инспекторы Абат Роза Жүнісқызын құрметті зейнеткерлік демалысқа шығарып салуға арналған жиын өтті.Тағылымды шарада аудан әкімі Алмасбек Есмаханов Роза Жүнісқызының саналы ғұмырын мемлекеттік қызмет саласына арнап, ауданның әлеуметтік-экономикалық дамуына қосқан еңбегі жайында айтып өтті.Зейнет жас иесінің көпжылдық адал еңбегі үшін алғыс білдірді. Ауданның ең жоғары наградасы «Құрмет грамотасын» табыстап, арнайы сый-құрмет көрсетті.Жиын барысында аудандық мәслихат төрағасы Ғазиз Әліш, аудан әкімінің орынбасары Жалғас Сүйеубаев, аудандық экономика және қаржы бөлімінің басшысы Бақытжан Жарылқап 40 жылдан астам уақыт аудан әкімдігі жүйесінде табысты еңбек етіп, кәсібилігімен, жауапкершілігімен және адамгершілік қасиетімен ұжым арасында зор құрметке ие болған азаматшаға жылы лебіздерін жеткізді.Өз кезегінде Роза Жүнісқызы арнайы қабылдап құрмет көрсетіп жатқан аудан басшысы мен азаматтарға және ұзақ жылдар бірге қызмет атқарған ұжымдастарына алғысын жеткізді.

 Абыройлы еңбек иесіне құрмет көрсетілді

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде «Әлемді ғылым құтқарады – IV» атты дәстүрлі ғылым айлығының жабылу салтанаты өтті. Ауқымды іс-шара университеттің ғылыми әлеуетін арттыруға бағытталған бір айлық еңбектің қорытындысын шығарып, үздіктерді марапаттаумен ерекшеленді.Салтанатты жиын университет ұжымының Басқарма төрағасы – Ректоры Наурызбай Байқадамовтың III дәрежелі «Барыс» орденімен наградталуымен құттықтаудан басталды.&nbsp;Іс-шараның ашылуында Ректор ғылым айлығы аясында атқарылған жұмыстарға тоқталып, университетте ғылыми-зерттеу бағытында жүйелі жұмыстар жүргізіліп жатқанын атап өтті.&nbsp;Ғылым айлығы барысында 100-ге жуық іс-шара ұйымдастырылған. Атап айтқанда, 27 ғылыми семинар мен вебинар, профессор-оқытушылардың 9 ашық дәрісі, республикалық және 5 халықаралық конференция, 4 ғылыми тұлғаға арналған дөңгелек үстел, 6 студенттік конференция, 5 ғылыми олимпиада, сондай-ақ түрлі сайыстар, сенбілік акциялар мен ғылым көрмелері өткізілген.Жиын барысында ғылым мен білім саласына үлес қосып жүрген профессор-оқытушылар құрамы, ғылыми орталықтар мен зертхана ұжымдары, сондай-ақ білім алушылар ректордың алғыс хаттарымен марапатталды. Сонымен қатар, жоғары рейтингілі ғылыми журналдарда жарияланымдары бар «Белсенді ТОП-20 автор» иегерлері арнайы марапатқа ие болды.Аталған іс-шара ғылым мен білімнің өзара сабақтастығын нығайтып, жас ғалымдар мен студенттердің ғылыми ізденісіне тың серпін берді.

«Әлемді ғылым құтқарады – IV» ғылым айлығы қорытындыланды

<a href="https://kyzylorda-news.kz/">Kyzylorda-news.kz</a> Облыстық кәсіпкерлік және өнеркәсіп басқармасының басшысы Мөлдір Тәуіпбаева Арал ауданында жүзеге асырылып жатқан «Qazaq Camel» серіктестігінің түйе сүтінен құрғақ ұнтақ өндіру жобасы туралы кеңінен баяндады.Жобаның жалпы құны 3 млрд теңгені құрайды. Жылына 392 тонна өнім өндіру жоспарланған. Жоба Бірыңғай индустрияландыру картасына енгізілген. Мемлекеттік қолдау аясында индустриялық аймақтан 1 гектар жер телімі бөлінді.Сонымен қатар, «Өнеркәсіпті дамыту қоры» арқылы Қытай Халық Республикасынан қажетті технологиялық жабдықтарды сатып алуға 1,8 млрд теңге қаржы қарастырылған. Өнімді өткізу бойынша оффтейк-келісімшарт жасалып, алдағы 10 жыл ішінде өнім толықтай Қытай нарығына экспортталатын болады.Жобаның әлеуметтік маңызы зор. Арал өңірінде шамамен 23 жаңа тұрақты жұмыс орны ашылады. Қазіргі таңда негізгі өндірістік ғимараттардың құрылысы аяқталып, технологиялық қондырғыларды монтаждау жұмыстары толық жүргізілді. Кәсіпорын жақын арада іске қосылады.Айта кету керек, елімізде түйе сүтін өңдейтін кәсіпорындар бар болғанымен, өнеркәсіптік деңгейде құрғақ ұнтақ өндіретін зауыттар өте аз. Сондықтан бұл жоба өз саласы бойынша бірегей бастамалардың бірі болып табылады.Зауыттың Арал ауданында орналасуы өңірдегі түйе шаруашылығын дамытуға, шикізатты жергілікті ауылдардан жеткізуге, логистикалық тиімділікті арттыруға және ауыл тұрғындарының табысын көбейтуге мүмкіндік береді.Жалпы алғанда, жобаның табысты іске асуы жаңа жұмыс орындарының ашылуына, халықтың тұрақты табыс табуына, экспорттық әлеуеттің артуына, өңдеу өнеркәсібінің дамуына және бюджетке түсетін салық түсімдерінің ұлғаюына оң әсер етеді.Бұл бағыттағы жұмыстар алдағы уақытта да жүйелі түрде жалғасын табатын болады.

Арал ауданында түйе сүтінен құрғақ ұнтақ өндіру жобасы жүзеге асуда

<a href="https://kyzylorda-news.kz/">Kyzylorda-news.kz</a> Қызылордада 7 мамыр – Отан қорғаушылар күні мен 9 мамыр – Жеңістің 81 жылдығына арналған түрлі іс-шара жоспарланып отыр. Олардың арасында концерттер, көрмелер, акциялар, спектакльдер және т.б. бар.Биылғы мерекелік шаралардың ауқымы кең, мазмұны терең. Бекітілген жоспарға сәйкес, негізгі шаралар 4-10 мамыр аралығын қамтиды. Басты мақсат – жас ұрпақтың бойында патриоттық сезімді ояту және ардагерлерге лайықты құрмет көрсету.Мереке қарсаңында облыстың барлық кенттері мен ауылдық округтеріндегі орталық көшелерде баннерлер мен билбордтар орналастырылып, мерекелік безендіру жұмыстары жүргізілуде. Сондай-ақ, БАҚ пен әлеуметтік желілерде этномәдени бірлестіктер мен қоғамдық пікір көшбасшыларының құттықтаулары жарияланып, «Елім деп соғар жүрегім» атты патриоттық челлендждер бастау алды.Шіркейлі ауылында Кеңес Одағының батыры Жаппасбай Нұрсейітовті еске алуға арналған волейболдан аудандық турнир өтеді.Шиелі ауданында Социалистік Еңбек Ері Ы. Жақаев атындағы ауыр атлетикадан республикалық турнир ұйымдастырылады. Сондай-ақ, Арал ауданында батыр Ерденбек Ниетқалиевті еске алуға арналған дәстүрлі жеңіл атлетикалық эстафета жоспарланған.Мәдениет саласында да ауқымды шаралар күтілуде. 6 мамыр күні «Өнер орталығында» Отан қорғаушылар және Жеңіс күніне арналған салтанатты жиын өтсе, Н. Бекежанов атындағы театр сахнасында «Ескі үйдегі екі кездесу» және «Жәмилә» драмалары көрермен назарына ұсынылады. 7 мамыр күні эстрада жұлдызы Жеңіс Ысқақованың 60 жасқа толған мерейтойлық концерті өтеді.Биылғы шаралардың өзегі – ардагерлерге көрсетілетін құрмет. Атап айтқанда, Ғасыр адамы, майдангер Яхия Тасыровты құттықтауға арналған арнайы шаралар мен кездесулер Сырдария ауданында кең көлемде ұйымдастырылмақ.9 мамыр – Жеңіс күні облыс орталығындағы «Тағзым алаңында» дәстүрлі гүл қою рәсімі, митинг және әскери шеру өтеді. Сонымен қатар, осы күні «Өнер орталығында» дарынды қолбасшы Жалаңтөс Баһадүрдің 450 жылдығына арналған «Ерлік байрағы - елдің айбары» атты республикалық ақындар айтысы мерекенің сәнін кіргізбек.Барлық облыс тұрғындарын мерекелік шараларға белсене қатысуға және ерлік рухын ұлықтауға шақырамыз. Бұл іс-шаралар тізбегі өңірімізде бейбітшілік пен келісімді нығайтып, өткен тарихқа тағзым етудің жарқын үлгісі болмақ.

Алдағы мерекелер Қызылордада кең көлемде атап өтіледі

Майдангер Яхия Тасыpовтың өнегелі өмір жолы&nbsp; &nbsp;Ұлы Отан соғысы – адамзат тарихындағы ең қасіретті де тағдырлы кезеңдердің бірі. Бұл сұрапыл жылдарда елін, жерін қорғау үшін миллиондаған азамат қолына қару алып, майданға аттанды. Солардың арасында туған жердің намысын ту етіп, ерліктің өшпес үлгісін көрсеткен жауынгерлердің бірі – Қызылорда облысы, Сырдария ауданы, Қазаөзек елді мекенінің&nbsp;тумасы Яхия Тасыpов.Яхия Тасыpов 1922 жылы қарапайым қазақ отбасында дүниеге келген. Жастайынан еңбекке араласып, адалдық пен жауапкершілікті бойына сіңіріп өскен ол ел басына күн туған сәтте шет қалмай, 1941 жылы небәрі 19 жасында әскер қатарына шақырылады. Алғашқы әскери дайындықтан Омбы қаласында өтіп, 1942 жылдың қазан айында майдан даласына жіберіледі.Жас жауынгердің майдандағы жолы Мәскеуді қорғау шайқастарынан басталды. Ел тағдыры қыл үстінде тұрған сол бір кезеңде ол батылдығы мен табандылығын танытып, жауға қарсы күресте алдыңғы шептен табылды. Кейін Сталинград шайқасы мен Курск доғасындағы қиян-кескі ұрыстарға қатысып, сондай-ақ Польшаны азат ету жолындағы шайқастарда ерлік көрсетті. Бұл тарихи майдандар – соғыстың шешуші кезеңдері болғаны белгілі. Сол бір ауыр сындарда Яхия Тасыpовтың қайсарлығы мен жауынгерлік шеберлігі айқын көрінді.Жауынгерлік жолындағы ең ауыр сәттердің бірі – Гданьск порты үшін болған шайқас еді. Осы ұрыста Яхия Тасыpов аяғынан ауыр жараланады. Госпитальда ұзақ уақыт ем қабылдап, денсаулығын қалпына келтіргеннен кейін, ол майданға қайта оралып, соғыс жолын жалғастырады. Бұл оның рухының мықтылығын, Отан алдындағы борышына деген адалдығын көрсететін ерекше ерлік.Яхия Тасыpов Ұлы Жеңісті Германия жерінде қарсы алып, елге аман-есен оралады. Оның майдандағы ерлігі мен жанқиярлығы мемлекет тарапынан жоғары бағаланып, І және ІІ дәрежелі Ұлы Отан соғысы ордендерімен, «Қызыл жұлдыз» орденімен, «Ерлігі үшін», «Германияны жеңгені үшін» медальдарымен марапатталды.Соғыстан кейінгі бейбіт өмірде де Яхия Тасыpов ел игілігі жолында аянбай еңбек етті. Тереңөзек, Жалағаш сүт зауыттарында қызмет атқарып, кейін 1962 жылдан бастап туған ауылында қойма меңгерушісі болды. Бұдан соң ПМК-1608 мекемесінде, аудан орталығындағы астық қабылдау пунктінде еңбек етіп, абыройлы қызметтің үлгісін көрсетті. Еңбек жолының әр кезеңінде ол жауапкершілігі жоғары, ісіне адал азамат ретінде танылды.Яхия ата – тек майдангер ғана емес, үлкен әулеттің тірегі,&nbsp;батагөй қария.&nbsp;Обылысымызды басқарған тұлғалар өз жұмысын атамыздың батасын алудан бастайды.&nbsp;Бүгінде елін сүйген асыл болмысымен, еңбексүйгіштігімен, қарапайымдылығымен үлгі болып отыр. Оның өмір жолы – ұрпаққа қалдырған үлкен аманат, тағылымды тәрбие мектебі.&nbsp;Яхия Тасыpов – әулеттің ғана емес, бүкіл Қазақстан халқының мақтанышына айналған тұлға. Оның ерлігі – ел тарихының бір бөлшегі, ал еңбегі – бейбіт өмірдің берік іргетасы.Бүгінде осындай батырлардың есімін ұлықтау, олардың өнегелі жолын насихаттау – ұрпақ алдындағы қасиетті парыз. Өткенін құрметтеген елдің ғана болашағы жарқын болмақ.Яхия Тасыpовтың ғибратты ғұмыры – ерлік пен елдіктің мәңгілік үлгісі.&nbsp;Оның майдандағы батырлығы мен бейбіт өмірдегі ерен еңбегі ұрпақ жадында сақталып, тәуелсіз еліміздің рухани тірегіне айнала береді. Батырлар рухына тағзым ету – елдігіміздің айқын көрінісі, болашаққа деген сенімді қадам. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Маратова Фатима&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Тәрбие және әлеуметтік-құқықтық&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;жұмыстар бөлімше бастығының аға&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; көмекшісі (мемлекеттік тіл ойынша) &nbsp; &nbsp;&nbsp;

Ерлік пен елдік – ұрпаққа аманат

<a href="https://kyzylorda-news.kz/">Kyzylorda-news.kz</a> Президент сенімді инфрақұрылымды цифрлық экономиканың тағы бір берік тұғыры ретінде атады. Бұл – технологиялық дербестіктің алғышарты. Оның маңызы энергетика немесе логистика саласынан кем түспейді.<blockquote>– Есептеу қуатын, деректерді және байланыс арналарын бақылауда ұстау айрықша өзекті. Қазіргі заманда мұны өзгелерден тәуелсіз болудың бұлжымас қағидасы десек, артық айтқандық емес. Бізге жасанды интеллект пен «бұлтты» технология қызметтеріне арналған инфрақұрылымдық базаны дамыту керек. Осы бағыттағы басты жоба – «Деректерді өңдеу орталықтарының алқабын» құру ісін жүйелі жүргізу қажет. Бұл – алдағы уақытта экономикамыздың жаңа индустриялық тірегіне айналатын ауқымды кластер. Мұндай орталықтар кәсіпкерлер мен ғалымдарды есептеу ресурстарымен қамтамасыз етеді. Сенімді цифрлық инфрақұрылым еліміздің стратегиялық активіне айналуға тиіс. Үкімет «Деректерді өңдеу орталықтарының алқабы» жобасын мұқият пысықтауы қажет. Бұл ретте халықаралық стандарттар және осы саладағы жетекші компаниялар бекіткен талаптар ескерілуге тиіс. Ең бастысы, бұл аса маңызды жоспар еліміздің сұранысына сай және заманауи озық үрдістерді ескере отырып жасалғаны жөн. Дата-орталықтар – сәнді цифрлық технологиялар көрмесі емес, – деді Мемлекет басшысы.</blockquote>Қасым-Жомарт Тоқаев киберқауіпсіздік жіті қадағаланбаса, кез келген инфрақұрылым сыр беретінін мәлімдеді.<blockquote>– Ұлттық технологиялық өнімнің бәріне қауіпсіздік стандарттарын енгізу керек. Дербес деректерді қорғау міндеті Конституцияда нақты бекітілді. Сондықтан бұл жұмыс құпиялық, тұтастық, қолжетімділік қағидаттарына негізделуі қажет. Мемлекеттік цифрлық қызметтердің тұрақты әрі қауіпсіз жұмыс істеуі – басты талаптың бірі. Ашықтық, жаһандық интеграция және ұлттық мүдде арасындағы теңгерімді сақтау – айрықша маңызды. Мемлекет осы жұмысты тиімді ұйымдастырғаны дұрыс. Цифрлық қауіпсіздік мәселесі виртуалды кеңістік ауқымынан әлдеқашан шығып кетті. Таяу Шығыстағы оқиғалар жаһандық тәртіптің осал тұстарын айқындап берді. Өкінішке қарай, бүгінде дамыған елдердің цифрлық инфрақұрылымына қатер төніп тұрғаны жасырын емес. Мұндай жағдайда халықаралық бизнеске қауіпсіздік ауадай қажет. Жаһандық технологиялық қауымдастық үшін институттар мен құқықтық жүйенің тұрақты, ал цифрлық инфрақұрылымның сапалы болғаны өте маңызды. Қазақстанды «цифрлық хабқа» айналдыру жөнінде міндет қойдық. Демек осы талаптың үдесінен шыға білу қажет, – деді Президент.</blockquote>Фото: Ақорда

Мемлекет басшысы Үкіметке «Деректерді өңдеу орталықтарының алқабы» жобасын мұқият пысықтауды тапсырды

<a href="https://kyzylorda-news.kz/">Kyzylorda-news.kz</a> &nbsp;Қасым-Жомарт Тоқаев экономиканы цифрландыру тиімділігін арттыру үшін өлшемді көрсеткіштер қажет екенін еске салды– Есепсіз немесе көзге көрінбейтін дүниені басқару қиын. Сондықтан Үкімет көп созбай, ведомстволар деңгейіндегі жағдайға базалық есеп жүргізетін жүйені қолданысқа енгізгені жөн. Бұған салғырт қарауға болмайды, жұмысты кешіктірмеу керек. Цифрландыру мен мемлекеттік жобалардың пайдасын жан-жақты зерделеу қажет. Үкімет Digital Qazaqstan стратегиясы аясында «ізашар жобаларды» іріктеп шығарды. Оларды мұқият сараптап, экономикаға тікелей әсерін анықтау керек. Жалпы, қай салада болсын, түпкі нәтижеге жету үшін әркім жеке жауапкершіліктен қашпауы қажет. Бізде басқа таңдау жоқ: не тиімді цифрлық экономика құрамыз, не өркениет көшінің соңында қаламыз. Басқаша айтқанда, «не боламыз, не бордай тозамыз», – деді Президент.Мемлекет басшысының айтуынша, зияткерлік капиталды күшейтіп, еңбек өнімділігін арттырмаса, тек демографиялық өсім бәсекеге қабілетті ел болуға кепілдік бермейді.<blockquote>– Кеңестің осыған дейінгі отырысында қабылданған шешімге сай биыл Орталық Азиядағы алғашқы Жасанды интеллект университеті ашылады. Шетелдік жоғары оқу орындарымен серіктестік құру арқылы іргелі және қолданбалы ғылымды дамытуды қолға алдық. Бірнеше жобаның тізімі жасалды. Олар барынша жедел таратылуға тиіс. Үкімет қысқа мерзім ішінде «ғылымнан нарыққа дейінгі» кезеңдерді түгел қамтитын тізбек жасауы керек. Алдымызда қолданбалы әзірлемелерді тез арада коммерцияландыру, салықтық ынталандыру және келешегінен көп үміт күттіретін жобаларды бірлесе қаржыландыру құралдары қарастырылған толыққанды венчурлық экожүйе қалыптастыру міндеті тұр. Мұндай пәрменді тетік болмаса, ғылыми әлеуетіміз тек академиялық ортамен шектеліп қалады, – деді Мемлекет басшысы.&nbsp;</blockquote>Фото: Ақорда

Қазақстан және Қызылорда облысының жаңалықтары