<a href="https://kyzylorda-news.kz/">Kyzylorda-news.kz</a> Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев атап өтті.Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес Сыр елінде ірі жоба жүзеге асуда. Қызылорда қаласында 215 млрд.теңгеге қуаттылығы 240 мегаваттық жаңа жылу-электр орталығының құрылысы қарқынды жүруде.<blockquote>«Президентіміздің тікелей қолдауымен бүгінде инвестор – «Акса Энерджи» түрік компаниясы жылу орталығының құрылысына 127 млрд.теңге инвестиция салды. Орталық келер жылдың қыркүйек айында ел игілігіне табысталады. Құрылыс барысы Мемлекет басшысы мен Үкіметтің тікелей бақылауында. Жаңа жылу-электр станциясы – тәуелсіздік жылдарындағы инвестор қаржысына бой көтерген ең ауқымды, теңдессіз жоба», - деді Қызылорда облысының әкімі Нұрлыбек Нәлібаев брифинг барысында.</blockquote>Жаңа нысан пайдалануға берілгеннен кейін 773 қызметкер озық технологиялармен жабдықталған заманауи ғимаратта жұмыс істейтін болады деп күтілуде.Айта кетейік, құрғындарды электр энергиясымен қамту бағытында 11 млрд. теңгеге 38 жоба жүзеге асырылуда.<img src="https://knadmin.beoblood.kz/uploads/467667181_868038808850698_2547107371924818377_n_ab84c76511.jpg" alt="467667181_868038808850698_2547107371924818377_n.jpg">

Қызылордада инвестор қаржысына жаңа жылу-электр орталығы салынуда

<a href="https://kyzylorda-news.kz/ru">Kyzylorda-news.kz</a>&nbsp;Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев баяндады.Мемлекет басшысының, Үкіметтің қолдауымен дер кезінде жүргізілген келіссөздер арқасында биыл егіс алқаптары сумен толық қамтамасыз етілді, аймақта су тапшылығы болған жоқ. Ауыл шаруашылығына соңғы 2 жылда 20,3 млрд. теңгеден астам инвестиция тартылды. Өткен 10 айда негізгі капиталға 12,2 млрд. теңге инвестиция салынды.<blockquote>«Аграрлық аймақ саналатын Қызылорда облысы үшін суармалы су мәселесі қашанда өзекті. Биыл 189 мың 449 гектарға ауыл шаруашылығы дақылдары егіліп, агротехникалық талаптарға сай мерзімінде толық жиналды. Өндірісте ылғал үнемдейтін технологиялар қолдану қарқынды дамып келеді. Жаңа технологияларды пайдалану көлемі 4 мың 400 гектарға жеткізілді. Бұл өткен жылмен салыстырғанда &nbsp;5 есе артық», - деді облыс әкімі.</blockquote>Мемлекет басшысының қолдауымен бастау алған «Кең дала-2» бағдарламасы диқан қауымы үшін қолайлы болды.Еске салсақ, соңғы жылдары Сыр диқандары 55 мың гектар күріш егістігін лазермен тегістеді. Нәтижесінде суды үнемдеп, өнімділікті 30 пайызға арттырды.

Қызылордада су ресурстарын тиімді басқару әдістері кеңінен енгізілуде

<a href="https://kyzylorda-news.kz/ru">Kyzylorda-news.kz</a>&nbsp; Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев баяндады.Сыр өңірінде Мемлекет басшысының 10 мың адамға 100 жұмыс орнын құру тапсырмасынан туындаған жоспар 2022-2023 жылы 63 пайызға артығымен орындалып, 25 мыңға жуық жаңа жұмыс орны ашылды.Мемлекет басшысы биылғы Жолдауында 2025 жылды «Жұмысшы мамандықтар жылы» деп жариялады. Осыған орай, аймақтың еңбек нарығына қажетті кадрлар даярлау үшін Мамандықтар атласы әзірленіп, ауыл шаруашылығы, қызмет көрсету, тау-кен, техникалық-технологиялық, IT салаларына қажетті кадрлар даярланады.«2024 жылдың 10 айында 30 мыңға жуық жұмыс орны ашылды. Бұл жоспар жыл аяғына дейін толығымен орындалады. Жастар арасындағы жұмыссыздық көрсеткіші төмендеді», - деді Нұрлыбек Нәлібаев.Айта кетейік, Қазақстан мен Оңтүстік Корея ынтымақтастығы аясында биыл Қорқыт Ата атындағы Қызылорда университетінің базасында еліміздегі алғашқы жасанды интеллект институты ашылды. Онда киберқауіпсіздік, информатика және ақпараттық жүйелер мамандары Сеул Ұлттық Ғылым және технологиялар университеті әзірлеген бағдарламалар бойынша оқытылады», - деді аймақ басшысы.

Қызылордада жастар арасындағы жұмыссыздық көрсеткіші төмендеді

<a href="https://kyzylorda-news.kz/">Kyzylorda-news.kz</a>&nbsp; Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев атап өтті.Мемлекет басшысының Қазақстан халқына арнаған Жолдауынан туындайтын негізгі міндеттердің бірі – отандық және шетелдік инвестицияларды тарту. Биыл жоспарланған 517,5 млрд теңге меженің 478,3 млрд теңгесіне 10 айда қол &nbsp;жеткізілді. Соңғы үш жылда 30,3 млрд.теңгенің 35 инвестициялық жобасы іске қосылды.&nbsp;<blockquote>«Атап өту қажет, өңірге бекітілген индикатор соңғы екі жыл қатарынан артығымен орындалуда. 2022 жылы 373,5 млрд. теңге индикатор белгіленген еді, атқарылған жұмыстар нәтижесінде жоспар 10,6%-ға артығымен орындалып, &nbsp;413,3 млрд.теңге болды. Ал, өткен жылы 424,2 млрд.теңге индикатор &nbsp;бекітіліп, жоспар 21%-ға артығымен орындалды, яғни 513,7 млрд.теңге инвестиция тартылды», - деді Н.Нәлібаев.&nbsp;</blockquote>Қызылорда көрсеткіштің өсу қарқыны, жоспарлы көрсеткіштің орындалуы бойынша өңірлер арасында І орынға шықты. Өнеркәсіп саласының дамуына серпін берген шыны зауыты арқылы өндіріске 42 млрд. теңге инвестиция тартылды. Қажетті шикізаттар шетелден, әсіресе Ресейден, Өзбекстаннан тасымалдануда. Зауыт іске қосылғаннан бері 37,1 млрд. теңгенің 28,7 млн. шаршы метр шынысын өндіді. Өнімнің 70%-ы ішкі нарыққа, 30%-ы Өзбекстан, Қырғызстан, Тәжікстан, Грузияға және Ресейге экспортқа жіберіледі. Қазіргі таңда зауытта 400-ге жуық адам жұмыс жасауда.&nbsp;Инвестиция тарту, өндірістік кооперацияны дамыту, жаңа жобаларды іске асыру үшін шетелдік компания басшылары, дипломатия өкілдері облысқа жұмыс сапарымен келіп, кездесулер ұйымдастыруда. Аймақта инвесторларға қолайлы климат қалыптасты деп айтуға толық негіз бар.Сыр өңірінде жүзеге асырылған ірі инвестициялық жобалар қатарында «Болат Өтемұратов қорының» демеушілігімен салынған «Қорқыт ата әуежайының» жаңа терминалы бар. «Акса Энерджи» түрік компаниясының &nbsp;инвестициясына қуаттылығы 240 мегаваттық жаңа жылу-электр орталығының құрылысы қарқынды жүруде.<figure class="image"><img src="https://knadmin.beoblood.kz/uploads/tecz_b963280bc8.jpg" alt="тец.jpg"></figure>

Сыр өңіріне 1.4 трлн теңге инвестиция тартылды

<a href="https://kyzylorda-news.kz/">Kyzylorda-news.kz</a>&nbsp; Сыр өңірінде экономикалық дамудың макрокөрсеткіштері бойынша оң динамика қалыптасты. Бұл туралы облыс әкімі Нұрлыбек Нәлібаев Орталық коммуникациялар қызметінің Қызылордада өткен көшпелі брифингінде хабарлады.Аймақ басшысы атқарылған жұмыстар мен алдағы уақытта қолға алынатын жобалар туралы баяндады.<blockquote>«Бүгінгі күні Президентіміздің, Үкіметтің ерекше қолдауының арқасында облысымыздың бюджеті 744 млрд теңгеден асты. Осыдан екі жыл бұрын 364 млрд теңге болатын. Өсім 204,4 пайызды құрады. Бюджетіміздің 55,4 пайызы әлеуметтік салаға бағытталған. Облыстың даму бюджеті соңғы 2 жылда 3,6 есе артты.Осы жылдың 10 айының қорытындысымен облыстың әлеуметтік-экономикалық дамуында өсім қалыптасты. Өңірлер арасында көшбасшылар қатарынан көріндік. Атап айтсақ, өнеркәсіп өндірісі-0,8, өңдеу өнеркәсібі-22,8, ауыл шаруашылығы-3, құрылыс жұмыстарының көлемі-50, тұрғын үй-7,4, көлік-3,5, сауда-6,5 пайызға өсті. Биылға жоспарланған 517 млрд. 500 млн. теңге инвестицияның 478 млрд. 300 млн.теңгесін 10 айда тарттық. Оның 74 пайызы – жеке инвестициялар», – деді облыс әкімі.</blockquote>Соңғы 2 жылда құны 19 млрд. 600 млн. теңге болатын 22 инвестициялық жоба іске қосылды. Биыл өңдеу өнеркәсібінде 10 млрд. 700 млн.теңгенің 13 жобасы жоспарланған. Бүгінде 9 жоба қолданысқа берілді.Арал шөгінді бассейнінің «Шығыс» және «Батыс» учаскелеріндегі геологиялық зерделеу жұмыстары осы жылдың соңында аяқталады. Биыл Сырдария бассейінін зерттеу жұмыстары басталуда.Сонымен қатар, «ҚазМұнайГаз» Ұлттық компаниясының бастамасымен «Торғай Палеозой» кен орнында тереңдігі 5 мың 500 метр ұңғыманы бұрғылау басталып, қазір шамамен 3 мың 820 метрге жетті.«Саутс Ойл» компаниясы «Құмкөл» кен орнындағы қиын өндірілетін тақтатас мұнайын дәстүрлі емес тәсілмен өндіру үшін жобалауды бастап, келер жылы іске кірісуді жоспарлауда.Өңдеу өнеркәсібін дамыту арқылы өңір экономикасын әртараптандыру жұмыстары қолға алынған. Осылайша мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі кейінгі жылдары қыркүйек айынан бастап оң динамикаға шықты.Облыс әкімі шыны зауытының жұмысына тоқталды.<blockquote>«2022 жылы іске қосылған шыны зауыты тұрақты өнім шығарып, оның 70%-ын ішкі нарыққа, 30%-ын Өзбекстан, Қырғызстан, Тәжікстан, Грузияға және Ресейге экспорттауда. Зауыт іске қосылғаннан бері 37 млрд. 100 млн. теңгенің 28 млн. 700 мың шаршы метр шынысын өндірді. Қазіргі таңда мұнда 400-ге жуық адам еңбек етеді. Биыл шыны зауыты жанынан шетелдік инвестордың 15 млн. АҚШ доллар қаржысына жылына 5 млн. шаршы метр энергия үнемдейтін шыны өндіру жобасы іске қосылды. «Өндіріс» индустриялық аймағында шыны зауытының айналасынан ілеспе кәсіпорындар құру қолға алынды. Атап айтқанда, «Айна Гласс» серіктестігінің құны 1 млрд. 500 млн. теңге, жылдық қуаттылығы 720 мың шаршы метр айна өндіру жобасының құрылысы басталды. Сонымен қатар, «Horn glass» неміс технологиясымен жылына 220 млн. бөтелке өндіру, жылдық қуаттылығы 22 мың 600 шаршы метр шыңдалған шыны (стеклопакет) өндірісін кеңейту жобаларына тиісті жер телімі бөлініп, жобалау жұмыстары басталды, – деді Н.Нәлібаев.</blockquote>Металлургия саласында «Шалқия» қорғасын-мырыш және «Баласауысқандық» ванадий кеніштерін игеру жалғасуда. 2030 жылға қарай еліміз өзінің энергия теңгеріміндегі жаңартылатын энергия көздерінің үлесін ағымдағы 4,5%-дан 15%-ға дейін арттыруды жоспарлаған. Облыс аумағында 89 мегаваттық 9 күн-электр станциясы жұмыс істейді. Оның үшеуі – шетелдік инвесторлар қатысуымен салынған ірі станция.Биыл барлық қаржы көздерінен 63 млрд. 523 млн теңгеге жеке кәсіпкерліктің 3 мың 761 жобасы қаржыландырылды. Нәтижесінде кәсіпкерліктің экономикадағы үлесі осы жылы 21%-ға жетеді.

Қызылорда облысы негізгі макроэкономикалық көрсеткіштер бойынша көш бастап тұр

&nbsp;<a href="https://kyzylorda-news.kz/">Kyzylorda-news.kz</a> Сарапшылар елімізде келесі жылы пәтер бағасы 10-нан 15 пайызға дейін көтеріледі деген болжам жасады, деп хабарлайды<a href="https://el.kz/qazaqstanda-baspana-bagasy-15-payyzga-osui-mumkin_400003189/"> El.kz</a>Баспананың қымбаттауының себебі – құрылыс саласына 12 пайыздық қосылған құн салығы қайта енгізілмек. Ал құрылыс компаниялары сол салықты қалтадан шығармас үшін шаршы метрдің құнына ақша қосады дейді мамандар. Бұл – жаңа үйлердің бағасы шарықтаса, ескі пәтерлер де қымбаттайды деген сөз.12 пайыздық құн салығы дегеніміз жаңалық емес. Елдегі құрылыс компаниялары бұл салықтан сонау 2001 жылы босатылған. Осылайша, Үкімет үйдің бағасын арзандатпақ болды. Енді сол салық келесі жылдан бастап қайта енгізілгелі отыр. Бұл бағаға кері әсер етеді деседі сарапшылар.Құрылыс компанияларына жеңілдік берілген 2001 жылдан бастап, жаңа баспананың құны 21 есе қымбаттапты. Кейін бұл сан тағы өскелі тұр.<blockquote>Қазір құрылыс компаниясы үй салып, орта есеппен 15 пайыз пайда табады. Егер 12 пайыздық салық енгізілетін болса, құрылыс компаниясы нөлге жұмыс істейді деген сөз. Сондықтан оларда екі-ақ бағыт бар: пайдасыз істейді немесе шаршы метр бағасын көтереді, –&nbsp;дейді&nbsp;Қазақстан құрылысшылар одағы Астана филиалының директоры&nbsp;Вячеслав Лазарев.</blockquote>Әрине, жұрттың екінші нұсқаны таңдайтыны белгілі. Осылайша, түбінде зардабын қарапайым тұтынушы тартады. Өйткені риелторлар келесі жылы жаңа салынған үйлер аспандайтын болса, сәйкесінше ескі үйлер бағасының да қатарласып қымбаттайтынына сенімді.<blockquote>Өйткені бірінші санаттағы тұрғын үй бағасы тым қымбат болады. Сәйкесінше екінші санаттағы үйдің иесі екінші санатты сатып, бірінші санаттағы пәтерді алғысы келеді. Ал екінші санаттағы үй бағасы сол бірінші санаттағы үйдің бағасына қарай өзгереді. Бағасы өссе, сатып алу мүмкіндігі азаяды. Бұл жалпы жылжымайтын мүлік нарығына тікелей әсер етеді, –&nbsp;дейді риелтор Шахрух Асқаров.</blockquote>Тұрғын үй нарығының қандай өзгеріске ұшырайтынын уақыт көрсетеді. Бірақ дәл қазір пәтер бағасы айтарлықтай тұрақталып қалды дейді риелторлар. Алматыда 40 шаршы метр 1 бөлмелі пәтердің құны – шамамен 25-30 миллион теңгенің төңірегінде. Енді 12 пайыздық салық енгізілсе, дәл сол үйдің құны қаншаға шығатынын келесі жылы салыстырып көруге болады.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: pixabay.com

Қазақстанда баспана бағасы 15 пайызға өсуі мүмкін

<a href="https://kyzylorda-news.kz/">Kyzylorda-news.kz</a> Сот жүйесін жетілдіру, бұл бағыттағы шараларды сапалы жүзеге асыру – заң үстемдігін қамтамасыз етудегі басты басымдықтың бірі. Себебі қарапайым халықтың сот пен судьяға деген сенімі билік пен мемлекетке деген сеніммен бірдей. Би – түзу, билік – әділ болсын. Мемлекет басшысы Қасым-Жомарт Тоқаев еркін елдің ертеңін адам құқығының қорғалуы және заң үстемдігімен байланыстырады. Әлбетте бұған Ата заң кепіл.&nbsp;Осы орайда Жалағаш аудандық сотында БАҚ өкілдерінің қатысуымен биыл 9 айдың жұмыс қорытындысы, заң үстемдігін қамтамасыз ету бойынша баспасөз&nbsp;конференциясы өтті. Баспасөз конференциясына Жалағаш аудандық сот төрағасы Асылхан Мизанбаев және аудандық сот қызметкерлері, құқық қорғау саласының мамандары, жергілікті өңірлік «Жалағаш жаршысы» газетінің тілшілері қатысты. Жиын барысында аудандық сот төрағасы Асылхан Мизанбаев биыл атқарылған жұмыс жайлы баяндады.Төрағаның айтуынша, аталған мерзімде аудандық сотта барлығы 853 іс, нақтырақ тоқталсақ, азаматтық 403, әкімшілік 3, қылмыстық 44, әкімшілік құқық бұзушылық 403 іс қаралған. Аяқталған 403 азаматтық іс бойынша 28 сот бұйрығы,&nbsp;221 шешім шығарылса, 112 іс тоқтатылған, Ал 38 іс қараусыз қалдырылып, 4 іс басқа соттың қарауына жолданған. Тоқтатылған азаматтық істерге қатысты медиация бойынша 110, оның ішінде сотқа дейінге хаттама негізінде 83 іс қаралған. Азаматтық істер бойынша ең көп қаралған даулар шарт бойынша міндеттемеден туындаған дау-лар 234,&nbsp;неке бұзу 45, кәмелетке толмаған балаларды асырап бағу үшін алимент өндіру жайлы талаптар 27, заңдық маңызы бар фактіні анықтау жайлы арыздар 24, әкімшілік істер бойынша 2 іс медиация тәртібімен тоқталған, 1 іс қанағаттандырудан бас тартылған.<blockquote>– Қылмыстық істер бойынша 44 іс аяқталса, үкім шығару арқылы 27 іс, сондай-ақ 11-і тоқтатылды. Медиация тәртібімен 8-і татуласты, соттылығы бойынша 6 іс жолданып, 30 азамат сотталды. Оларға тағайындалған жаза түрлері бойынша 5 азамат қоғамдық жұмысқа тартылды, 18-інің бас бостандығын шектеу, 4-еуін бас бостанды¬ғынан айыру, 2 азаматқа айыппұл салынып , 1 азаматқа шартты жаза тағайындалды. Аяқталған істердің санаттарына тоқталсам, онша ауыр емес санаттағы қылмыс – 9, ауырлығы орташа қылмыс – 6, ауыр қылмыс – 14, теріс қылық санатындағы қылмыс – 15. Аяқталған&nbsp; қылмыстық істердің ең көп қаралған қылмыс санаты бойынша ҚР ҚК-нің 188-1 бабы, мал ұрлығы бойынша 1 іс қаралды, ҚК-нің 188-бабы, ұрлық, яғни бөтеннің мүлкін жасырын жымқыру 10 іс, ұсақ-түйек жымқыру 3 іс, есірткі затын заңсыз егу, тасымалдау санатында 11 іс назарға алынды. Алаяқтық бойынша 3 іс қаралып, аяқталды.</blockquote>Жалпы жаза тағайындалғандары бойынша айыппұл 123, ескерту 20, қамаққа алу 43, көлік құралын басқару құқығынан айыру 2, көлік құралын басқару құқығынан айыру қосымша жаза ретінде 7 адамға қолданылған. Әкімшілік құқық бұзушылықтың ең көп қаралған санаты бойынша жеке бастың құқықтарына қол сұғатын, оның ішінде ұрып-соғу, отбасы-тұрмыстық қатынастарда тұратын адамды ұрып соғу бойынша 75 іс қаралған.Баспасөз конференциясын қорытындылаған сот төрағасы алдағы уақытта да сот төрелігінің сапасын арттыруға, сот жүйесін нығайтуға барлық шаралар қолданылатынын айтып, баспасөз конференциясына қатысушылардың сұрақтарына жауап берді.&nbsp;Жандос МАХМҰТҰЛЫФото: egemen.kz

Сот төрелігін жетілдіру – қоғам талабы

<a href="https://kyzylorda-news.kz/">Kyzylorda-news.kz</a> Жалағаш ауданына қарасты Аққұм ауылына бұған дейінгі сапарымызда ауылдағы ағайынның талап-тілегіне жол сапасы арқау болған. Ішкі көшелер сапасының сын көтермейтінін біз де жақсы білеміз, жергілікті билік бұған қатысты арнайы жобалар дайындалғанын айтумен шектелетін. Кешегі апта ауылға тағы жолымыз түсті, Аққұмды аралап, елді мекеннің тыныс-тіршілігімен таныстық. Байқағанымыз, ауылда соңғы уақытта жергілікті жұрттың талап-тілегіне ерекше мән берілгені байқалады. Әлбетте, басқа да салалар бойынша жұмыстар жоқ емес, бірақ бізді ой-шұқыры көп орталық көшелердің сапасына мән берілгені қуантты.Иә, бұған дейін редакцияның шығармашылық тобы «Ауыл тынысы» деген айдар аясында елді мекендердің бүгінгі тынысын, ондағы мәселелерде басылым бетінде көтерген. Кешегі аптада кезекті сапарымыз Аққұм ауылдық округінде&nbsp;жалғасты. Тарқатайық…Әлеуметтің әлеуетін арттыру маңыздыНегізінен елді мекен жұрты егін егу, мал өсіру, жалпы ауыл шаруашылығы өнімдерін өндірумен және оны өңдеумен айналысады. Әлеуметтік жағдайына келсек, 1800-ге жуық адам мекен еткен ауылда жұмыссыздық денгейі 3 пайызды құрайды. Кәсіпкерлікті дамыту жөніндегі 2021-2025 жылдарға арналған ұлттық жоба бойынша 5 ауыл тұрғыны жастар практикасына, 2 ауыл тұрғыны&nbsp; «Күміс жас» жобасына, 3 ауыл тұрғыны «Әлеуметтік жұмыс» орындарына орналастырылып, 12 ауыл тұрғыны тұрақты жұмыс тапқан.Мемлекет басшысының бұған дейінгі 10 мың адамға 100 жаңа жұмыс орнын құру жөніндегі арнайы тапсырмасы бар. Атынбек Асанбеков осы бағытта нақты жұмыстар жүзеге асып жатқанын айтады. Мәселен, осыған дейін Аққұмда&nbsp; 10 жаңа жұмыс орны ашылған. Биыл жұмыссыз ретінде 46&nbsp;тұрғын тіркелсе, оның 12-сі тұрақты жұмысқа орналасқан, 34 адам ақылы қоғамдық жұмысқа тартылды.Кәсіпкерлік алға басқанАуыл әкімі Алтынбек Асанбеков жүзге жуық шағын және орта кәсіпкерлік нысаны барын айтады. Бүгінде оның 95-і нақты жұмыс жасап тұр. Жергілікті жұрт кәсіп ашуда мемлекеттік бағдарламаларды тиімді пайдаланып отыр. Мәселен, Ауылдық округ бойынша «Бастау Бизнес» кәсіпкерлік негіздерін 7 ауыл тұрғыны оқып, барлығы қайтарымсыз грантпен кәсіп ашқан. Ал «Ауыл аманаты»&nbsp; жобасы бойынша 1 адам суармалы жерлердегі өсімдіктерді бүрку үшін квадрокоптер алуға қаржылай қолдауға ие болған. Жоба құны – 11,4 млн теңге. Сонымен қатар 2 ауыл тұрғыны арнайы техника, 1 ауылы тұрғыны асыл тұқымды мал алу үшін құжат дайындауда.<blockquote>– Аққұмда биыл атқарылған қызметтер&nbsp; Президент Жолдауынан, сондай-ақ Үкімет қабылдаған бағдарламалардан туындайтын міндеттерді орындауға, облыс, аудан әкімінің қаулы, шешім және хаттамалық тапсырмаларын орындауға бағытталған. Өздеріңіз көріп отырғандай, ауылда егін және мал шаруашылығы қар-қынды дамыған. Ауылдық округ бойынша 2 заңды тұлға, 14 шаруа қожалық, 5 бюджеттік мекеме және пошта байланыс бөлімшесі, учаскелік полиция пункті, бір мешіт халыққа қызмет көрсетеді, – дейді Алтекең.</blockquote>Қос салада қарқын барИә, Аққұмдағы ағайынның ауыл шаруашылығы саласында табысты еңбек етіп отқанын аңғару қиын емес. Әсіресе олар күнделікті тұрмыс-тіршілігін мал шаруашылығымен байланыстырады. Қазірдің өзінде жеке отбасыларда 1668 мүйізді ірі қара, 1853 жылқы, 825 қой, 728 ешкі, 74 түйе, 1006 үй құстары есепке бар. Ал мал шаруашылығымен айналысатын шаруа қожалықтарда 609 мүйізді ірі қара, 670 жылқы, 125 қой, 94 түйе есепке алынған. Ауылда биыл 2112 гектар күріш, 745 гектар жаңа жоңышқа,75 гектар мақсары егіліп, 706 гектар ескі жоңышқа күтімге алынған. Кешегі күзгі науқанның қорытындысымен ауыл еңбеккерлері егін шаруашылығын толайым табыспен қорытындылады. Жалпы жер көлемі 15 500 гектарды құраса, оның ішінде 10008 гектары – ауыл шаруашылығы жерлері. Мұнан бөлек 5212 гектар жайылымдық, 246 гектар шабындық және 4550 гектар егістік жер тағы бар.Ауылдағы алтын ұяЕлді мекендегі 420 орындық №38 орта мектеп 1974 жылы пайдалануға берілген. 2012 жылы білім ордасына күрделі жөндеу жұмыстары жүргізілді. Қазіргі таңда онда балалардың сапалы білім алуына барлық жағдай жасалған.Бүгінде ауылдағы алтын ұяда 400 оқушы білім алад. Ондағы 58 мұғалімнің 96,5 пайызы – жоғары білімді маман. Биыл білім ошағын 25 оқушы бітірген. ҰБТ-ға 22-сі қатысып, бүгінде 19 түлек мемлекеттік грантпен жоғары оқу орындарында білім алуда. Биыл бұл нысан жылу маусымында 9 тонна дизель отынымен тамтылған. Әлі 65 тонна дизель келеді деп күтілуде.&nbsp;Ауылдық округте №7 «Шұғыла» балабақшасы жұмыс жасайды. 1975 жылы пайдалануға берілген нысан 120 балаға арналған. Қазіргі таңда 105 бала қамтылған. Онда 40-қа жуық адам жұмыспен қамтылған. Балабақша ғимаратына да 2016 жылы күрделі жөндеу жұмыстары жүргізілген. Екі жыл бұрын тағы да&nbsp;ағымдағы жөндеу жұмыстары жүргізілді. Балабақша жылу маусымында 5,7 тонна дизельмен қамтылған. Енді 42 тонна дизель келеді деп күтілуде.&nbsp;Ауыл тұрғындарына 10 төсектік күндізгі стационарлық дәрігерлік емхана қызмет көрсетеді. Медициналық нысан 1975 жылы пайдалануға берілген. Биыл жаңа жедел жәрдем көлігімен қамтамасыз етілді. Емханаға&nbsp; 3 жыл бұрын күрделі жөндеу жұмыстары жүргізілді. Қазіргі таңда бұл нысан да жылу маусымына сақадай сай. Осыған дейін 75 тонна қатты отын жеткізілсе, алдағы уақытта тағы да 55 тонна көмір келеді деп күтілуде.Аққұмда 150 орындық ауылдық клуб ауыл тұрғындарына қызмет көрсетеді. мәдениет үйі 2012 жылы пайдалануға берілген. Онда 15 адам жұмыс жасайды. Мәдениет ошағына 2022 жылы күрделі жөндеу жасалған. Бұл нысан да жылы жылу маусымына дайын екен. Бүгінге дейін 20 тонна қатты отын жеткізілсе, қалғаны алдағы уақытта келеді деп күтілуде.&nbsp;Елді мекенде 1 спорт орталығы тұрғындарға қызмет көрсетеді. 2017 жыл салынған ғимарат 3 жыл бұрын қайта жабдықталып, ауыл спортының алға басыуына қолғабыс етуде. Қазіргі таңда онда ауыр атлетика, тоғызқұмалық, күрес үйірмелері жұмыс жасайды.&nbsp;Ауылда Ауызсу жүйесі мен электр желілеріне 2021-2022 жылдары қайта жаңғырту жұмыстары жүгізілген. Жергілікті жұрт тәулік бойы сапалы ауызсуға қол жеткізіп отыр. Сондай-ақ барлық тұрғын үй су өлшегіш құралын қондырған. Елді мекенді аяқ сумен қамтамасыз ету мақсатында 1 сутартқыш насос іске қосылған.Жол сапасы жақсарғанИә, Аққұмда соңғы жылдары жол құрылысы қарқын алып, елдің талап-тілегі орындалды. Ауылдың ішкі көшелерінің жалпы ұзындығы 14 шақырымды құрайды. Биыл ауылдық округте 10 көшеге күрделі жөндеу жұмыстарын жүргілді. Жобаның жалпы құны – 457,1 млн теңге.&nbsp;<blockquote>– Өздеріңіз білетіндей, осыған дейін ауылымыздың басты мәселесі осы жол сапасының сын көтермейтіні еді. Аудан әкімінің халықпен кездесулерінде де елдің мәселесі осы жол сапасы арқау болған. Ел ағалары ауылдағы ағайынның мәселесін ескеріп, ортақ мәселемізді шешіп берді. Алдағы жылға да арнайы жобаларымыз бар, барлығы осы елді мекеннің екінші тынысын ашуға негізделген, – дейді Атынбек Асанбеков.</blockquote>Ауылдың абаттануына демеушілер де дем бердіЕлді мекенде демеушілер есебінен де ауылды абаттандыру, көркейту-көгалдандыру жұмыстары қарқын алған. Биыл «Жасталап» шаруа қожалығының төрағасы Кенжехан Жадиловтың демеушілігімен Бейбітшілік көшесінің бойындағы 750 метр жер қоршалып, гүл және жеміс ағаштарын егу жұмыстары жүргізді. Кәсіпкер бұл мақсатқа 2,8 млн теңгң бөлген. Сонымен қатар мектептің 20 жылдық түлектері «Тайман қари» мешітіне 2 млн теңгеге ағымдағы жөндеу жұмыстарын жүргізген.&nbsp;Мұнан бөлек Меңліқара Нұрқожаев көшесі мен орталық алаңға «Бірлік-А» шаруа қожалығы 1,3 млн теңгеге жарықтандыру жұмыстарын жүргізді. 1968 жылғы ауыл азаматтары Кеңес әскерінің Ауған жерінен шыққанына 35 жыл толуына орай Ауғанстан жерінде интернационалдық борышын адал өтеп келген ардагерлерге арнап аллея ашты.Ауылды аббаттандыру мақсатында мемелкеттік бағдарламалармен де ілкімді жобалар жүзеге асқан. Мәселен, «Өңірлерді дамыту» бағдарламасы бойынша 2,2 млн теңгеге Қалыбай Бекенов көшесіне түнгі жарық шамдары ауыстырылды. Сондай-ақ Бейбітшілік және Б.Ақдаулетов көшелеріндегі бейнебақылау камералары жөнделіп, ауылішілік көшелердің жол белгілері жаңартылған.Жалпы ауылда айтарлықтай өзгеріс бар, мұның бәрі нәтижелі жұмыстың жемісі деп түйдік. Бірақ бұған тоқмейілсуге тағы болмайды. Оны ауыл әкімі Алтекең де жақсы біледі. Алдағы жылға да нақты жоспарлары бар екен, ал оның нәтижесін сол уақыттың еншісіне қалдырдық.&nbsp;Кенжетай ҚАЙРАҚБАЕВ

Аққұмда ауқымды жұмыс бар

&nbsp;<a href="https://kyzylorda-news.kz/">Kyzylorda-news.kz</a> ҚР Президенті жанындағы “Орталық коммуникациялар қызметі” РММ көшпелі баспасөз конференциясы өтеді.Онда Қызылорда облысының әкімі Нұрлыбек Нәлібаев «Қызылорда облысының әлеуметтік-экономикалық дамуы туралы» хабарлама жасайтын болады. Баспасөз конференциясын <a href="https://www.youtube.com/user/ortcomkz">https://www.youtube.com/user/ortcomkz</a>&nbsp; гиперсілтемесі арқылы көре аласыздар.Уақыты: 20.11.2024 – 11.30Өтетін орны: Қызылорда қаласы, С. Бейбарыс көшесі 1.Фото: ortcom.kz

Қызылорда облысының әлеуметтік-экономикалық дамуы туралы

<a href="https://kyzylorda-news.kz/">Kyzylorda-news.kz</a> Өрт сөндіруші – қызметі батылдық пен өжеттілікті талап ететін ең жауапты мамандық. Бүгінде Жалағаш ауданында орналасқан №11 өрт сөндіру бөлімінде&nbsp; 22 өрт сөндіруші бар. Соның бірі – Қаныш Серікұлы.&nbsp;Ол бала күнінен осы салада қызмет етуді армандаған. Айтуынша, нағашысы өрт сөндіру бөлімінің ардагері екен. Ес білгелі нағашы ағасына еліктеп өскен кейіпкеріміз – бүгінде аудандық №11 өрт сөндіру бөлімінің қарауыл бастығы, азаматтық қорғау аға лейтенанты.&nbsp;Мұнда қызметкерлер 4 ауысым бойынша жұмыс жасайды. Әр ауысымда 8 қызметкер бар. Жұмысын №1-ші қарауылдан кезекшілікті қабылдап алудан бастаған кейіпкеріміз мұнда одан бөлек 1 бөлімше командирі, 3 өрт сөндіруші-құтқарушы, 2 өрт сөндіру көлігінің жүргізушісі, 1 радиотелефонист қызмет ететінін айтады.Өрт сөндіру бөлімінің әдеттегі күні 08:30-дан 08:45-ке дейін кезекшілікке түсетін қарауылға нұсқаулық, ауыстырылатын қарауылдың тәуліктік кезекшілігін қорытындылауынан басталады. Осы он бес минуттың ішінде жаңа ауысым өрт сөндіру техникасын, авариялық-құтқару жабдықтарын қабылдайды. Содан кейін кезекшілікке түсетін қызметкерлердің денсаулығы тексеріледі. Яғни бұл кезеңде мамандардың физиологиялық, психологиялық тұрғыда жұмысқа дайындығына мән беріледі. Содан кейін күнделікті белгіленген кестеге сәйкес&nbsp; өрт сөндіру, құтқару дайындығы, дәрігерлікті ұйымдастыру сынды сабақтар өтеді.&nbsp;<blockquote>– Мен бүгінде қарауыл бастығы болып қызмет етемін. Әр қарауыл бастығының өзіне жүктелген маңызды міндеттері бар. Жалпы қарауыл бастығы ғимараттардың орналасуын, олардың өрт қауіпсіздігін, қолданыстағы техниканың сипаттамалары мен мүмкіндіктерін жатқа білуі керек. Сондай-ақ&nbsp; бөлімше қызметкерлерінің артылған міндеттерді тиянақты орындауын, оқуын, моральдық және психологиялық жай-күйін қатаң бақылайды. Мұнан бөлек өрт-техникалық құрал-жабдықты дұрыс пайдалану мен ұқыпты қарауға, олардың тәртіппен ұқыппен пайдалануына да жауап береді, – дейді Қаныш Серікұлы.</blockquote>Кейіпкеріміз жұмысқа қабылданғанына көп болмаса да жауапкершілігі мол мамандықты абыроймен атқарып, ел алғысына бөленіп жүр. «Адамдардың амандығы үшін, өртті дер кезінде ауыздықтау қызметтік міндетім ғана емес, бала күннен бергі жүрек қалауым» деген Қаныштың сөзінен қандай жағдай болса да кез келген уақытта адам өмірін ажалдан арашалап қалуға дайын екенін аңғардық.&nbsp;<blockquote>– Жалпы бұл мамандыққа кез келген адам келе бермейді. «Өрт сөндіру – жүректілердің мамандығы» деп текке айтылмаған. Себебі бұл қызмет батылдық пен төзімділікті қажет етеді. Өзіңіз білетіндей, құтқару қызметінің әр күні қауіп-қатерге толы. Мәселен, былтыр сәуір айында бір күнде 7 дабыл түсті. Күн салқын, дала жел. Абай көшесінің бойында қатарлас орналасқан 5 тұрғын үйдің бір мезетте бірінің қорасы, екіншісінің сарайы өртенді. Бұл өртті ауыздықтап жатқанда Ақсу ауылы мен Мәдениет ауылынан «қора өртеніп жатыр» деген хабар келді. Дереу Ақсу ауылына бір өрт көлігін жібердік. Ал Мәдениет ауылындағы өртті ауылдағы ерікті жастардың көмегімен өшірдік, – дейді кейіпкеріміз.&nbsp;</blockquote>Иә, Қаныш Серікұлының сөзінің жаны бар, өрт сөндірушілер үшін әр секунд маңызды. Олар адам өмірін құтқару, жарылатын заттардың алдын алу, мүлікті қорғау, жалынның басқа ғимараттарға таралуын болдырмау бағытында жұмыс жасайды.&nbsp;Кейіпкеріміз ең алғаш жұмысқа келген кезінде еске алды. Айтуынша, алғашқыда ол бұрын-соңды мұндай оқыс оқиғаларға тап болмаған, бойында қорқыныш пен қобалжу болыпты. Алайда қазір ол қорқыныш бойынан сейіліп, сап тиылған. Себебі Қаныш күнде түрлі жағдайлармен бетпе-бет келіп, тосыннан тұтанатын қызыл жалынмен арпаласып жүріп, өзгелерді құтқару арқылы шыңдалған.&nbsp;Оқыс оқиға орын алған алаңда қою түтін арасында өрт сөндіруге арналған киіммен қозғалып, жүгіру былай тұрсын, салмағы 20 келіге жуық шланганың өзін ұстап тұру кімге болса да оңайға соқпасы анық. Алайда біз қалам тербеп отырған кейіпкеріміз қандай қиыншылық кездессе де жігерлілік танытып, төтенше жағдайға тосқауыл қоюда. Тұрғындар өмірін құтқаруда ерен еңбек етіп жүрген құтқарушылардың бұл жұмысы ерлікпен пара-пар. Олар қашанда тұрғындар үшін қызметін мінсіз атқарып, ел алдындағы маңызды миссиясын жалғастыра бермек. Бүгінгі сұхбатта соған көзіміз жетті. «Мамандыққа – адалдық» деген осы шығар, сірә.&nbsp;&nbsp;Ақтоты ЕРЖАНҚЫЗЫ

Қаныш Серікұлы: Құтқару қызметінің әр күні қауіп-қатерге толы

<a href="https://kyzylorda-news.kz/">Kyzylorda-news.kz</a> Республикалық және облыстық бұқаралық ақпарат құралдарының өкілдері Қызылорда облысындағы бірқатар нысандармен танысты. Олар ең әуелі облыстың ұлттың рухани ордасы деп есепттелетін Өнер орталығына барды.&nbsp;Бұл орталықта Тұрмағамбет атындағы халық аспаптары оркестрі, Симфониялық оркестр, «Сыр самалы» вокалды-аспаптық ансамблі, «Томирис» би ансамблі, «Ақмешіт» фольклорлық ансамблі, «Қорқыт сазы» қобызшылар ансамблі, «Тұран» триосы, «Айару» заманауи би ансамблі және «Әдемі» балалар музыкалық театр студиясы секілді өнер ұжымдары жұмыс істейді. Мұндағы әр ұжым аймақтың мәдениеті мен өнерін дамытуда елеулі үлес қосып келеді. Ал, ұлттық құндылықтарды дәріптеуге арналған «Анаға тағзым» орталығы да қонақтар үшін ерекше әсер қалдырды. Бұл орталық отбасылық құндылықтарды насихаттап, ана мәртебесін көтеруге бағытталған маңызды мәдени жобалардың бірі болып есептеледі.Одан соң журналистер аймақтағы маңызды инфрақұрылымдық жобалардың бірі саналатын жылу электр орталығының құрылысымен танысып, «Жан-Арай» агро-индустриалды кешені мен жуырда ғана ашылған теннис орталығын аралады. Сонымен қатар, жақында ашылған жаңа автовокзал мен «Қорқыт ат» әуежайының жаңа терминалы журналистердің назарын аударды. Бұл нысандардың барлығы да өңірдің қазіргі заман талабына сай дамып келе жатқанын көрсетеді.Баспасөз туры Сырдария ауданы, Бесарық ауылына сапармен жалғасты. Мұнда журналистер «Абай-Дәулет» ЖШС-нің «Фри» зауытының жұмысымен және «Ауыл аманаты» жобасы аясында жүзеге асқан бастамалармен танысты. Әсіресе, қолғап, сабын, пластикалық ыдыстар, ұлттық нақыштағы ою-өрнек өнімдері және шұлық өндірісі журналистердің қызығушылығын оятты. Бұл жобалар ауыл шаруашылығын әртараптандыруға және ауыл тұрғындарының өмір сапасын жақсартуға зор ықпал етуде. Баспсөз турына қатысқан БАҚ өкілдері Қызылорда облысының әлеуметтік-экономикалық және мәдени дамуын жан-жақты дамуына оң бағаларын берді.<img src="https://knadmin.beoblood.kz/uploads/Press_tur_44ae760a5d.jpg" alt="Пресс тур.jpg"><img src="https://knadmin.beoblood.kz/uploads/Press_tur_1_8bbd6c360a.jpg" alt="Пресс тур 1.jpg"><img src="https://knadmin.beoblood.kz/uploads/nysan_1_76df43f6f8.webp" alt="nysan-1.webp">Фото: Қызылорда облысының Өңірлік коммуникациялар қызметі

БАҚ өкілдері облыстағы нысандарды аралады

<a href="https://kyzylorda-news.kz/">Kyzylorda-news.kz</a> &nbsp;2024 жылғы 15-16 қараша күндері Өзбекстан Республикасы, Ташкент қаласында Өзбекстан Республикасы Министрлер Кабинетінің жанындағы Қуғын-сүргін құрбандарын еске алу Мемлекеттік мұражайының ұйымдастыруымен Орталық Азиядағы жәдиттік қозғалыстың көрнекті өкілі, педагог-ағартушы, саяси қайраткер Қоңырқожа Қожықовтың қоғамдық-саяси және ғылыми-педагогикалық шығармашылығына арналған «Орталық Азиядағы жәдитшілік феномені: тұлғалар мен тағдырлар» атты халықаралық ғылыми-тәжірибелік конференция және Самарқанд қаласында саяси қайраткер, заңгер, шығыстанушы Сералы Лапиннің өмірі мен қызметіне арналған ғылыми-танымдық дөңгелек үстел мен зиярат ету рәсімі өткізілді.Ұлтымыздың қатпарлы тарихында Алаштың астанасына Қызылорда атауын алғаш ойлап тапқан ағартушы-ғалым, жерлесіміз Қоңырқожа Қожықовтың және қазақтан шыққан алғашқы шығыстанушы, Сыр өңірінің біртуар перзенті Сералы Лапиннің еңбектері ұшан теңіз.Ұлт қайраткерлерінің мұрасын насихаттау мақсатында ұйымдастырылған халықаралық деңгейдегі тағылымды шараға еліміздің мемлекет және қоғам қайраткерлері, республикаға белгілі университеттердің тарих, филология, шығыстану, мәдениеттану салаларының профессор-ғалымдары, саяси қайраткерлердің туған-туыстары және Сыр елінен Қызылорда облысының қоғамдық даму басқармасының басшысы Р. Каюпов бастаған арнайы делегация қатысты.<blockquote>«Тарихи тұлғаларымыз Қоңырқожа Қожықов және Сералы Лапин қасиетті Сыр өңірінде дүниеге келіп, бүкіл ғұмырын қазақ мемлекеттілігін жаңғыртуға арнаған, қазақ халқының арасында әділдік пен заңдылықты күшейтудің жолында тер төккен қайраткерлер.Ұлт тарихының ақтаңдақ беттерін ашуда аталған халықаралық ғылыми-тәжірибелік конференцияның алатын орны ерекше деп сенемін.Алаштың анасы атанған киелі өңір – Сыр елі халқының және Қызылорда облысының әкімі Нәлібаев Нұрлыбек Машбекұлының атынан тағылымды ұлықтау шараларын ұйымдастырушыларға шынайы алғысымды білдіремін» - деді облыстық қоғамдық даму басқармасының басшысы Руслан Мұхамедәліұлы.</blockquote>Тағылымды шаралар барысында ұлт перзенттерінің тұлғалық бейнесі мен қоғамдық-саяси қызметі туралы тың деректер негізінде мазмұнды баяндамалар жасалып, еңбегі мен шығармашылық мұралары ұлықталды.<img src="https://knadmin.beoblood.kz/uploads/V_Uzbekistane_proshli_meropriyatiya_pamyati_Konyrkozhi_Kozhykova_i_Seraly_Lapina_1_adb8eaeaa5.jpg" alt="В Узбекистане прошли мероприятия памяти Коныркожи Кожыкова и Сералы Лапина 1.jpg">

Қазақстан және Қызылорда облысының жаңалықтары