<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының «Jastar Generation – 2025» халықаралық жастар лагерінің қатысушылары Алматы қаласында бас қосты. Қызылорда облысынан өңірлік ҚХА «Ассамблея жастары» РҚБ өкілдігінің белсенділері, Ассамблея жастарының жетекшісі Елена Пак және Елена Павлова, Юлианна Ким қатысты.Алматыдағы ЮНЕСКО өңірлік кеңсесінің әлеуметтік-гуманитарлық бағдарламалар бөлімінің басшысы Мақсат Байбеков қатысушыларға инклюзивті даму үшін жастардың мүмкіндіктерін кеңейту және жаһандық теңсіздікті азайту мәселелері бойынша баяндама жасады. Қазақстан Республикасы Президенті жанындағы жастар саясаты жөніндегі кеңес пен әйелдер істері және отбасылық-демографиялық саясат жөніндегі ұлттық комиссияның мүшесі, «Ұлттық волонтерлік желі» қоғамдық бірлестігінің атқарушы директоры Татьяна Миронюк «Ассамблея» жастар қоғамдық ұйымының қызмет бағыттарына тоқталды.Блогер Арман Юсуповпен өткен мотивациялық кездесу және Шығыс Қазақстан облысы бойынша «Ассамблея жастары» РҚБ өкілдігінің төрағасы Равиль Юнусов өткізген «Этноквиз» шараларымен жастар лагеріндегі алғашқы күн аяқталды.

«Jastar generation – 2025» халықаралық жастар лагері

<a href="https://kyzylorda-news.kz/">Kyzylorda-news.kz</a> Қызылордада Қазақстан халқы Ассамблеясының 30 жылдығы аясында Отбасы күніне орай түрлі этнос өкілдерінің жас отбасылары арасында «Толағай» атты отбасылық сайыс өтті.Шараның басты мақсаты – ел бірлігінің бастауы саналатын отбасы құндылықтарын дәріптеу, жас буынға салауатты өмір салтын насихаттау және этносаралық татулықты нығайту болды.Бұл жолғы сайысқа төрт этнос өкілдерінен құралған жас отбасылар қатысты. Олардың қатарында Мәденовтер әулеті жетекшілік еткен «Ералаш», Бисекей отбасынан құралған «Берекелі жанұя», Швемлерлер әулеті шыққан «Kinder», сондай-ақ Исмаиловтар отбасы бақ сынаған «Алға» командалары болды.Қатысушылар өз күштері мен ептіліктерін бес кезең бойынша сынға салды. «Ұзындыққа секіру», «Нығыздалған допты алып жүру», «Алтын қасық», «Пингвин» және «Қаппен секіру» сайыстары көрерменге қызыққа толы сәттер сыйлады.Тартысты дода қорытындысында «Ералаш» командасы бірінші орынға ие болса, «Алға» командасы екінші орыннан көрінді. Ал «Kinder» командасы үшінші орынды қанжығасына байлады. Көрермендердің ерекше ықыласына бөленген «Берекелі жанұя» командасы «Көзайым» номинациясына ие болды.Жеңімпаздар мен қатысушылардың барлығы Қызылорда облыстық қоғамдық даму басқармасының дипломдарымен және бағалы сыйлықтарымен марапатталды.Осындай мазмұнды шаралар жас отбасылардың бірлігін арттырып қана қоймай, түрлі этнос өкілдерінің татулығы мен ортақ құндылықтарға деген құрметін айқын көрсетеді. Бұл – еліміздегі тұрақтылық пен қоғамдық келісімнің нақты көрінісі.

«Толағай» сайысында этнос отбасылары бақ сынады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев жауапты сала басшыларымен бірге Қазақстан футбол федерациясының бас хатшысы Давид Лориямен және кәсіби клубтар арасында жарыстар өткізу дирекциясының басшысы Бақытжан Пазылхайырмен кездесті.Аймақ басшысы спорт саласындағы жетістіктерге тоқталып, Қазақстан кубогы финалының жұмысына сәттілік тіледі.<blockquote>«Қасиетті Сыр еліне қош келдіңіздер! Қызылордалық «Қайсар» футбол клубы елімізде алғашқы болып жаңа маусымды легионерсіз, отандық футболшылармен бастады. Бұл бастама шетелдік ойыншылардың көлеңкесінде қалған жергілікті футболшыларымызға мүмкіндік беріп, олардың жасыл алаңдағы кәсіби шеберлігін шыңдауға жол ашты.Облысымызда спорт саласында ауқымды жобалар іске асырылып, жүйелі жұмыстар жүргізілуде. Соңғы үш жылда Сыр спортына қаржыландырудың барлық көзінен 64 млрд. 200 млн. теңге бөлінді. Биыл дене шынықтыру мен спортты дамытуға облыстық бюджеттен 38 млрд. 213 млн. теңге қаражат қаралды.Қызылорда қаласында 11 мың орындық жаңа стадион бой көтерді. Спорт нысаны УЕФА талаптарына сай, материалдық-техникалық базасы соңғы үлгідегі заманауи құралдармен жабдықталған.Президентіміз Ұлттық құрылтайдың төртінші отырысында Туризм және спорт министрлігіне Футбол федерациясымен, өңір әкімдерімен бірлесіп және бизнесті тартып, клубтық футболды коммерцияландыру туралы тапсырма берген болатын. Қазіргі таңда бұл бағытта тиісті жұмыстар жүргізілуде. Алдағы уақытта спортты қолдаудағы игі бастамалар, ауқымды жобалар жалғасын табады», – деді Н.Нәлібаев.</blockquote>Басқосуда Давид Лория көрсетілген қонақжайлыққа алғысын жеткізіп, бірлесіп атқаратын жұмыстарға қатысты ұсыныстарын ортаға салды.Айта кетейік, жаңа стадионда олимпиадалық спорт түрлеріне арналған бокс, гимнастика, күрес, таеквондо, ауыр атлетика залдары бар. Нысан қазан айында ел игілігіне табысталады.Бұдан бөлек, 20 млрд. 500 млн. теңгеге «Қызылорда Арена» көпбейінді спорт кешені салынуда. Кешенде олимпиадалық спорт түрлеріне арналған жаттығу залдары, жүзу бассейні, халықаралық жарыстарды өткізуге арналған 2500 орындық зал қарастырылған.Қазанның 4-і күні футболдан Қазақстан кубогының финалы Қызылорда қаласындағы жаңадан салынған орталық стадионда өтеді деп жоспарлануда.Фото: Қызылорда облысы әкімінің баспасөз қызметі

 Қазақстан кубогының финалы Қызылордадағы жаңа стадионда өтеді

<a href="https://kyzylorda-news.kz/">Kyzylorda-news.kz</a> Президент жиналған өнімді тиісінше сақтауды маңызды міндеттің бірі деп санайды. Әртүрлі дақылдарды өсірудің жоспардағы көлемі мен әр дақылға жеке қойма қажет екенін ескерсек, мұндай орындардың тапшылығы байқалады.<blockquote>– Заманауи элеваторларды салуға және оларды ұстап тұруға қомақты инвестиция қажет екені анық. Сондықтан элеваторларды жаңғырту үшін жеңілдетілген қаржыландырудың арнайы бағдарламасын іске қосу керек. Сапалы тұқым дайындауға баса назар аударған жөн. Бұдан бөлек, отандық нарықты өзімізде шығарылған тұқыммен қамтамасыз етудің нақты қадамдары керек. Былтырдан бастап жетілдірілген минералды тыңайтқыштарды субсидиялау тетігі тиімділігін көрсетті. Ауыл шаруашылығы министрлігінің алдында тұқым өндірісі бойынша мемлекеттік қолдаудың баламалы шараларын енгізу міндеті тұр. Жалпы, егін шаруашылығында жақсы нәтижеге қол жеткізгенімізді атап өткен дұрыс. Бұл ауыл шаруашылығының аралас салаларына оң әсер етіп отыр, – деді Қасым-Жомарт Тоқаев.</blockquote>Фото: Ақорда

Қасым-Жомарт Тоқаев егін шаруашылығын дамытудағы басым міндеттерді атады

<a href="https://kyzylorda-news.kz/">Kyzylorda-news.kz</a> 16 қыркүйек күні облыстық білім саласы ардагерлер кеңесінің ұйымдастыруымен Отбасы күніне орай «Шаңырағым – шаттығым» атты тағылымды кездесу кеші өтті. Шара Отбасы орталығында ұйымдастырылып, өңіріміздің білім саласының ардагерлері мен қадірменді қонақтар бас қосты.Мерекелік кештің мақсаты – отбасылық құндылықтарды дәріптеу, үлгілі отбасыларды ұлықтап, жас ұрпаққа өнегелі тәрбие беру, ұстаздар әулетінің ұлағатты өмір жолын насихаттау.Кеш басталар алдында ғимараттың кіреберісіне қызыл жол төселіп, ардагерлер мен қонақтар той иелерін ыстық ықыласпен қарсы алды. Әсем әуен әуелеп, зал мерекеге сай безендірілді.Салтанатты шараның шымылдығын жүргізуші Ғалым Башарұлы ашып, отбасы – қоғамның берік негізі, ұрпақ сабақтастығының алтын діңгегі екенін атап өтті.Бұл күні зал төрінен үш отбасы – ұстаздық жолда ғана емес, отбасылық өмірде де үлгі болып келе жатқан Гауһар және Алтын той иелері орын алды.Гауһар той иелері – Баукенов Абай Баукенұлы мен Мәлібекова Күлайхан Мәлібекқызы. Олар 60 жыл бір шаңырақ астында ғұмыр кешіп, 5 қыз, 2 ұл өсіріп, 21 немере, 15 шөбере сүйіп отырған өнегелі отбасы. Екеуі де ұзақ жылдар №156 Н.Бекежанов атындағы мектепте ұстаздық етіп, талай шәкірт тәрбиелеген ұлағатты жандар.Алтын той иелері – Махамбет Жеткербай мен Зейнегүл Шеңгелбайқызы. 1970 жылы шаңырақ көтерген жұп бүгінде 4 ұл, 3 қыз тәрбиелеп, 30-ға жуық немере, 5 шөбере сүйіп отыр. Махамбет ағай – ұстаз әрі жазушы, Қазақстан Журналистер одағының мүшесі. Зейнегүл апай технология пәнінің мұғалімі ретінде көптеген шәкіртін өнерге баулыды.Алтын той иелері – Жүсіпбеков Қайрулла мен Нұрымбетова Айткүл. 1975 жылдан бері жұптасып, ұстаздық қызмет атқарып келе жатқан бұл отбасы бес бала тәрбиелеп өсірген. Бүгінде 25 немеренің ардақты ата-әжесі атанып отыр.Кеш барысында ұстаздар әулетінің өмір жолынан сыр шертетін слайдтар көрсетілді, әжелер ансамблі «Дударай» әнін орындап, қатысушыларға мерекелік көңіл-күй сыйлады.Облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Каримова, Облыстық білім саласы қызметкерлерінің кәсіподақ төрайымы Есқалиева Гүлнар Бабабекқызы құттықтау сөз сөйлеп, «Азаматтарға арналған үкімет» мемлекеттік корпорациясы Қызылорда облыстық филиалы директорының орынбасары Ахетова Жанар Абдрайханқызы Гауһар және Алтын той иелеріне неке куәліктерін табыстады.Шара барысында ардагер ұстаздармен шағын сұхбат ұйымдастырылып, олардың отбасы құрудағы, бала тәрбиесіндегі тәжірибелері мен естеліктері тыңдалды. «Ескірмеген махаббат», «Әкешім – асыл адам», «Асыл жарым» әндері орындалып, кештің мазмұнын байыта түсті.Соңында ұйымдастырушылар барша қонақтарға алғыс білдіріп, отбасылардың шаттығы мен бірлігін тілеп, естелікке суретке түсті.Бұл кеш – отбасы құндылықтарын насихаттайтын, ұстаздар әулетінің өмір жолы арқылы жастарға үлгі көрсететін тағылымды жиын болды.Облыстық білім саласы ардагерлер кеңесі

«Шаңырағым – шаттығым» атты тағылымды кездесу кеші өтті

<a href="https://kyzylorda-news.kz/">Kyzylorda-news.kz</a> Мемлекет басшысы Ақмола облысының Зеренді ауданында аймақ шаруаларымен егін жинау науқанына арналған кеңес өткізді. Іс-шараға Қостанай, Павлодар және Солтүстік Қазақстан облысының диқандары бейнебайланыс режимінде қатысты.Президент Ақмола облысына егін жинау науқанының барысымен танысу үшін арнайы келгенін айтты.<blockquote>– Егіс алқабындағы жұмыстарды уақтылы аяқтап, астықты дер кезінде жинап алу қажет. Еліміздегі азық-түлік қауіпсіздігі, ішкі нарықтың тұрақтылығы осы жұмысқа тікелей байланысты. Астық жинау науқанын ойдағыдай жүзеге асырсақ, экспорттық әлеуетіміз де мықты болмақ, яғни шетелге мол өнім шығара аламыз. Былтыр елімізде ауыл шаруашылығы саласы үшін табысты жыл болды. Шаруалар табанды еңбек етіп, астық жинаудан рекордтық көрсеткішке қол жеткізді. Осының бәрі агротехнологияны дұрыс қолданудың нәтижесі деуге болады. Соның арқасында ауыл шаруашылығы бойынша өнім көлемінің өсімі басқа салаларға қарағанда анағұрлым артық болды. Биылғы 8 айда атқарылған жұмыстардың нәтижесі жаман емес. Өндірістің технологиялық әлеуетін арттыру үшін қолға алынған шаралар тиімділігін көрсетіп жатыр, – деді Қасым-Жомарт Тоқаев.</blockquote>Фото: Ақорда

Президент Қасым-Жомарт Тоқаев: «Егіс алқабындағы жұмыстарды уақтылы аяқтап, астықты дер кезінде жинап алу қажет»

<a href="https://kyzylorda-news.kz/">Kyzylorda-news.kz</a> Президентке биыл өңірдегі егіс алқабының көлемі 300 мың гектарға ұлғайып, 5,5 миллион гектарға жеткені баяндалды.Болжам бойынша аймақтағы агроқұрылымдар 7 миллион тоннадан астам дәнді, 650 мың тоннадан аса майлы дақыл жинамақ. Бүгінге дейін 3,6 миллион тонна астық бастырылды. Орта есеппен 1 гектар алқаптан 15,4 центнер өнім алынған. Жиналған өнімнің сапасы жоғары.Мемлекет басшысының тапсырмасына сәйкес, өңірде мол өнім беретін майлы дақылдар алқабын ұлғайту жұмыстары жалғасып жатыр.2023 жылмен салыстырғанда мұндай егістік алаңының көлемі 2,5 есе артып, 495 мың гектарға жеткен.Осындай көпбейінді шаруашылықтардың бірі – «Зеренді сақтау өнімдері» ЖШС.Кәсіпорын директоры Ербол Жауаровтың айтуынша, шаруашылық дәнді және бұршақты дақылдарды өсірумен, сиыр, жылқы тұқымдарын асылдандырумен айналысады.Бұдан бөлек, серіктестіктің қуаттылығы 2,5 мың тонна болатын май зауыты, құс фабрикасы мен диірмені бар.Фото: Ақорда

Мемлекет басшысы Ақмола облысындағы егін жинау науқанымен танысты

<a href="https://kyzylorda-news.kz/">Kyzylorda-news.kz</a> &nbsp;Қазақстанда дропперлік үшін қылмыстық жауапкершілік ресми түрде енгізілді – яғни банк шоттарына, карталарға, электрондық әмияндарға немесе ЖСН-ге (ИИН) үшінші тұлғалардың қол жеткізуіне заңсыз рұқсат беру, сондай-ақ олардың нұсқауы бойынша аударымдарға қатысу қылмыс болып саналады. Fingramota.kz заңнамадағы өзгерістер мен дропперлік схемалардың негізгі белгілерін еске салады.Қылмыстық кодекстің жаңа бөліміне 232-1-бап енгізілді, ол қатысу дәрежесіне қарай жауапкершілікті бөледі:Өз шоттарыңызға немесе карталарыңызға заңсыз қолжетімділік бергеніңіз үшін – 3 жылға дейін бас бостандығынан айыру;Үшінші тұлғалардың мүддесіне аударымдар немесе төлемдер жасағаныңыз үшін – 5 жылға дейін бас бостандығынан айыру;«Дропповод» деп аталатын – өзге адамдардың деректерін қасақана қылмыстық схемаларда пайдалану үшін сатып алғандар үшін – 7 жылға дейін бас бостандығынан айыру. Егер дроппердің әрекеті елеулі залал келтірсе немесе қаржылық пайдамен қатар жүрсе, мүлікті тәркілеу және ірі айыппұлдар да көзделген.<h2 style="text-align:center;">Дроппер деген кім?</h2>Дроппер – бұл өзінің шотының, картасының, мобильді банкінің немесе сәйкестендіру деректерінің (логиндер, парольдер, SMS-кодтар) қолжетімділігін ұсынып немесе сатып, сол арқылы өз реквизиттері арқылы басқа адамдардан ұрланған ақшаны аударуға немесе қолма-қол етуге мүмкіндік беретін адам.Көп жағдайда адамдар өздерінің заңсыз схемаға қатысып жатқанын білмейді, ал олардың шоты арқылы жүргізілген қаржылық операциялар оларды алаяқтық схемалардың сыбайласы етеді.Алаяқтар сирек ашық әрекет етеді. Көбіне олар өз схемаларын «қосымша жұмыс» немесе «бір реттік қызмет» ретінде бүркемелейді. Төменде кең тараған сценарийлер:«Жеңіл табыс» туралы хабарландырулар. Әлеуметтік желілерде, жұмыс іздеу сайттарында немесе чаттарда «ештеңе істеудің қажеті жоқ, карта ашып, аударымдар қабылдаңыз» деген тартымды ұсыныстар пайда болады. Адамға салымсыз тез табыс уәде етіледі, бірақ оның картасы ұрланған ақшаны аударуға пайдаланылатыны айтылмайды.Жалған HR-менеджерлер.&nbsp;Telegram немесе WhatsApp-та ірі компаниялардың «өкілдері» қашықтан жұмысқа қызметкер іздеп жүргендей жазады. Шын мәнінде олар сізге «есеп айырысуды жеңілдету» немесе «тестілеу үшін» бірнеше шот ашуды ұсынады.«Курьерлер» және «көмекшілер».&nbsp;Адамнан өз шотына ақша қабылдап, оны әрі қарай аударуды сұрайды. «Компания әлі заңды тұлға ашқан жоқ» немесе «бақылаудан тезірек өтеміз» деген сылтау айтылады. Шын мәнінде бұл – ақшаны жылыстату.Таныстар немесе көршілер. Кейде сенімді пайдаланады: «Көмектесші, менде уақытша картаға қолжетімділік жоқ», «аударымды қабылдап тұр, кейін мен аламын» – мұндай өтініштер зиянсыз көрінуі мүмкін, бірақ салдары ауыр болуы ықтимал. Негізгі қармақ – «оңай ақша». Сізге «қызмет» үшін 10 000-нан 100 000 теңгеге дейін уәде етеді. Дәл осындай схемалар қарапайым адамды қылмысқа қатысушы етеді.<h2 style="text-align:center;">Неліктен бұл қауіпті?</h2>Көп адам: «Не болды, мен жаман ештеңе істеген жоқпын, тек карта/шотымды бердім ғой» деп ойлайды. Бірақ дропперліктің қауіптілігі – құқық қорғау органдары үшін сіз бірінші күдіктіге айналасыз.Барлық транзакциялар тіркеледі. Банктер мен төлем жүйелері операциялардың қай құрылғыдан және IP-мекенжайдан өткенін көреді. Егер сіздің шотыңыз арқылы алаяқтық жасалса, бірінші болып сізді тергеуге шақырады.«Мен білмедім» деген сөз жауапкершіліктен босатпайды. Заң мұндай әрекеттерді ұйымдастырушы болмасаңыз да, қылмысқа қатысу деп қарастырады. Картаны немесе ақшаны аударуға келісім беруіңіз – алаяқтарға көмектесу болып саналады.Мүлікті жоғалту қаупі бар. Егер сыйақы алғаныңыз дәлелденсе, ол тәркіленеді. Сонымен қатар азаматтық сот арқылы жәбірленушілерге келтірілген залал толықтай өндірілуі мүмкін.Беделге нұқсан келуі де ықтимал. Қылмыстық іс қозғалған факті деректер базасында қалады. Бұл жұмысқа орналасуға, шетелдік виза немесе лицензия алуға кедергі келтіруі мүмкін.Ең бастысы: дроппер алаяқтарға басқа адамдардан ұрланған ақшаны заңдастыруға көмектеседі, яғни өз еркімен болмаса да олардың сыбайласы болып саналады.Fingramota.kz кеңестері: дропперге айналмаудың жолдарыБанктік карталарыңызды, логиндеріңізді, парольдеріңізді, ЖСН немесе SMS-кодтарыңызды үшінші тұлғаларға бермеңіз. Тіпті сенетін адамыңыз болса да, зиян шегу қаупі артады.Таныс емес адамдардың өтініші бойынша немесе уәде етілген табысқа айырбас ретінде шот немесе карта ашпаңыз.«Оңай ақша» уәделерінен және «ештеңе істемейсің – тек қабылдап, жібересің» деген сияқты қарапайым ұсыныстары бар вакансиялардан сақ болыңыз.Табыс ұсынған адамды немесе компанияны тексеріңіз: пікірлерін, ресми сайтын, байланыс деректерін, лицензияларын қараңыз.Егер сізді бір схемаға тартуда деп күдіктенсеңіз – дереу кез келген байланысты тоқтатыңыз және банкке немесе құқық қорғау органдарына хабарласыңыз.Мобильді банкте хабарламаларды баптап, аударымдарға лимиттер қойып, өз тарапыңыздан бақылау жасаңыз. Fingramota.kz сайтындағы жаңалықтарды оқып, қаржылық сауаттылық бойынша дер кезінде ұсыныстар алып отырыңыз.Фото: fingramota.kz

Дропперлік - қылмыс! 

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен өткен жиналыста Мемлекет басшысы Қасым-Жомарт Тоқаевтың Қазақстан халқына арнаған Жолдауынан туындайтын міндеттер мен жол жүру және жаяу жүргіншілердің қауіпсіздігін қамтамасыз ету мәселелері қаралды.Жиында аудан басшысы Үкімет пен облыс деңгейінде өткен мәжілістердің қорытындыларын атап өтіп, алдағы кезеңде жүзеге асырылатын нақты шараларды белгіледі.<blockquote>– Мемлекет басшысының Жолдауы – біздің нақты іс-қимылымыздың негізі. Осы аптада актив жиынын ұйымдастырып, барлық салалар бойынша тапсырмаларды нақтылап алуға тиіспіз, – деді аудан әкімі.</blockquote>Жиында жол-көлік оқиғаларының алдын алу, жол белгілерін орнату, қауіпсіздік шараларын күшейту мәселелері жан-жақты қаралды. Аудан бойынша бүгінде 1740 дана жол белгісі орнатылса, биылғы жылы аудандық бюджеттен тиісті қаржы бөлініп, қосымша 353 дана жол белгісі алынған.<blockquote>– Білім беру ұйымдарының маңында қауіпсіздік талаптарын толық сақтауға тиіспіз. Бұл – балалардың амандығы. Барлық тиісті жол белгілері мен жолақтар белгіленіп, жылдамдықты шектеу және «Балалар» белгілері орнатылсын, – деді Жандос Еркінбек.</blockquote>Аудан әкімі Жосалы кентіндегі бағдаршамдарды орнату, сондай-ақ Ақжар–Көмекбаев бағытындағы аудандық маңыздағы автожолдың жөндеу жұмыстарының созылып кеткеніне тоқталып, тиісті басшыларға нақты мерзім белгіледі. Сондай-ақ кейбір жол-көлік оқиғаларының ауыл шаруашылығы техникалары мен иесіз жүрген малдардың қатысуымен орын алатынын атап өткен аудан басшысы, кент және ауылдық округ әкімдеріне жол бойында қауіпсіздік талаптарын түсіндіру жұмыстарын күшейтуді тапсырды.Қорытындылай келе, аудан әкімі Жандос Еркінбек жолаушылар мен жаяу жүргіншілердің қауіпсіздігін қамтамасыз ету, Мемлекет басшысының Жолдауынан туындайтын міндеттерді жүйелі жүзеге асыру бойынша жауапты сала басшыларына нақты тапсырмалар жүктеді.

Жолдауда туындайтын міндеттер мен қауіпсіздік мәселелері пысықталды

<a href="https://kyzylorda-news.kz/">Kyzylorda-news.kz</a> «Қолданбалы этносаяси зерттеулер институтының» ұйымдастыруымен 2025 жылдың 15-19 қыркүйек аралығында Қызылорда қаласында этномедиаторларды даярлау бойынша семинар-тренинг бастау алды.5 күндік іс-шараның мақсаты – этномедиаторларды даярлау, қақтығыс алдындағы және қақтығыстан кейінгі кезеңдерде сауатты әрекет етуге қабілетті, оларды оқшаулаудың әртүрлі деңгейлеріндегі этномедиаторлар пулын қалыптастыру.Семинар-тренингте Шымкент қаласы, Түркістан және Қызылорда облыстарынан жергілікті атқарушы, құқық қорғау органдары, «Қоғамдық келісім», этномәдени бірлестіктердің өкілдері, білім беру мекемелерінің қызметкерлері, медиаторлар және басқада мүдделі тұлағалар қатысады.<img src="https://knadmin.beoblood.kz/uploads/1_Etnomediatorlardy_dayarlau_bojynsha_seminar_trening_bastau_aldy_a460160b4a.jpg" alt="1 Этномедиаторларды даярлау бойынша семинар-тренинг бастау алды.jpg">Семинардың ашылуында облыстық қоғамдық даму басқармасы басшысының орынбасары – облыстық Қазақстан халқы Ассамблея хатшылығының меңгерушісі Артур Қамбаров сөз сөйлеп, Қазақстан халқы Ассамблеясының 30 жылдығы және даулардың барлығын этномедиация жолымен заң аясында шешуіне тоқталды.«Ассамблея ширек ғасырдан аса уақыт ішінде елімізде тұратын этностар арасындағы татулық пен бірлікті нығайтуда елеулі рөл атқарды. Бүгінгі таңда өңірімізде 30-дан астам этнос өкілдері тату-тәтті өмір сүруде. Аймақта қоғамдық-саяси және этносаралық ахуал тұрақты деңдейде.<img src="https://knadmin.beoblood.kz/uploads/2_Etnomediatorlardy_dayarlau_bojynsha_seminar_trening_bastau_aldy_e9304de38d.jpg" alt="2 Этномедиаторларды даярлау бойынша семинар-тренинг бастау алды.jpg">Дегенмен, қоғамда орын алатын тұрғындар арасындағы тұрмыстық жанжалды этносаралық дауға ұластырып, қолдан резонанстық мәселелер туындататын фактілердің болуы заңдылық. Біз бұған жол бермеуіміз керек», - деді ол.Семинарды жүргізуге ҚР Мәдениет және ақпарат министрлігі жанындағы «Қолданбалы этносаяси зерттеулер институтының» Этномедиация Орталығының директоры Луиза Узарова, ҚР Мәдениет және ақпарат министрлігі жанындағы «Қолданбалы этносаяси зерттеулер институтының» Этномедиация Орталығының директоры орынбасары Фарида Мұсатаева арнайы келіп қатысуда.

Этномедиаторларды даярлау бойынша семинар-тренинг бастау алды

<a href="https://kyzylorda-news.kz/">Kyzylorda-news.kz</a> Спортпен шұғылдану – адамды шыңдап қана қоймай, өмірге деген құлшынысты арттырады. Мұны ескерген ҚАЖ департаментіне қарасты №68 мекемесі ойды оятумен қатар, бойды сергітетін іс-шаралар өткізуге басымдық беріп келеді. “Асыл Мұра-Орда” қоғамдық қорымен бірлесе отырып, сотталған азаматтар арасында теннис ойынын ұйымдастыруы да соған дәлел.Спорттық іс-шараның мақсаты – сотталғандардың әлеуметтік бейімделуіне жағдай жасап, ортақ тәртіпке шақырып, алға ұмтылуға ықпал ету. Әрқайсысы ойын барысында осалдық танытпады. Екі тарап та ептілігін көрсетіп, ұпай жинауда ұтымды тәсіл қолдана білді. Жарыс қорытындысы бойынша, теннисте топ жарған үздіктер марапатталып, белсенді қатысушыларға Алғыс хат табыс етілді.<blockquote>– Бүгінгі ойыннан түсінгенім, теннис – төзімділікті талап етеді екен. Мүлт кетіп жатсаң да, екінші мүмкіндікте мүдірмеуге тырысып бағасың. Әр қимыл-қозғалыстан соң ішкі күйзелістен арылып, жеңілдегендей күй кештім. Мұндай спорттық ойындар тек денені шынықтыруға емес, ой сергітіп, жанға жаңа леп беретінін ұғындым, - дейді сотталушының бірі.</blockquote>Бұл бағыттағы спорттық іс-шаралар тұрақты түрде жалғасын таба бермек.

Теннис үстеліндегі тартыс

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге байланысты жиналыс өтті. Онда аймақ басшысы облыстық кәсіпкерлік және өнеркәсіп басқармасының жаңадан тағайындалған басшысы Тәуіпбаева Мөлдір Сұлтанбекқызын таныстырды.Мөлдір Сұлтанбекқызы 1978 жылы Тараз қаласында дүниеге келген. Қазақ мемлекеттік басқару академиясында «Халықаралық экономикалық қатынастар», Қазтұтынуодағы Қарағанды экономикалық университетінде «Құқықтану», Алматы менеджмент университетінде «Іскерлік әкімшілік» мамандықтары бойынша білім алған.«Болашақ» бағдарламасының түлегі. Америка Құрама Штаттары Оңтүстік Калифорния университетінің «Халықаралық мемлекеттік саясат және басқару» магистрі. Экономика ғылымдарының кандидаты.Еңбек жолын 1999 жылы Қорқыт Ата атындағы Қызылорда мемлекеттік университетінің зерттеушісі болып бастаған. Әр жылдары Қызылорда инженерлік-экономикалық институтында ассистент, оқытушы, «Дабл Холдинг.Инк» корпорациясының сатып алу және есепке алу координаторы, Қазақ гуманитарлық заң колледжінің оқытушысы, қалалық мәдени-демалыс паркінің директоры, қалалық білім бөлімі басшысының орынбасары, Қызылорда қаласы әкімі аппаратында түрлі басшылық лауазымдарда болған. 2023 жылдан осы кезге дейін облыстық мемлекеттік сатып алу басқармасында бөлім басшысы қызметін атқарып келді.Облыс әкімі жаңа басшыға маңызды міндеттер жүктеді. Атап айтқанда, өңірге инвестиция тартудың тиісті шараларын қабылдау, индустриялық аймақтардың тиімділігін арттыруда шағын өнеркәсіптік парктер құру, кәсіпкерлік субъектілерінің санын, жұмыс күшін, өндірілген өнім көлемін ұлғайту бағытындағы жұмыстарды жоғары деңгейде атқаруды тапсырды.

Қазақстан және Қызылорда облысының жаңалықтары