<a href="https://kyzylorda-news.kz/">Kyzylorda-news.kz</a> Тез ақша табуға деген ұмтылыс, тұрақты табыстың болмауы немесе қаржылық қиындықтар адамдарды қауіптілігінен бейхабар схемаларға итермелейді. Ең кең тарағандарының бірі — дропперлік немесе адам басқа біреудің ақшасын аударуға, қабылдауға немесе қолма-қол ақшаға айналдыруға делдал болатын money mule схемалары.Бір қарағанда «қылмыстық ештеңесі жоқ»: тек аударманы қабылдап, әрі қарай жібересіз және комиссия аласыз. Іс жүзінде – заңдық салдары ауыр, шоттарды бұғаттау және қылмыстық жауапкершілікке тартылу қаупі.Толығырақ Fingramota.kz-пен бірге қарастырайық.Дропперлік және money mule деген не?Дроппер – бұл үшінші тұлғалардың өтініші бойынша ақшаны өзінің банктік картасына немесе шотына қабылдайтын, оны әрі қарай аударатын, қолма-қол ақшаға айналдыратын немесе өз деректемелеріне рұқсат беретін адам.Әдетте, мұндай қаражат көзі заңсыз: олар интернет-алаяқтық, фишинг, вишинг, қарт адамдарды алдау, аккаунттарды бұзу немесе жеке деректерді ұрлау нәтижесінде алынған қаражат.Money mule схемаларын алаяқтар аударымдар тізбегін шатастыру, ұрланған қаражатты шығарып алу, жауапкершілікті басқа адамға — карта немесе шот иесіне аудару үшін пайдаланады. Банктер мен құқық қорғау органдары үшін сол дроппер «қолда бар буын» болып табылады.Мұндай схемаларға кімдер жиі алданадыАдамдардың түрлі санаты дропперліктің құрбаны болады, бірақ оларды бір нәрсе біріктіреді — жеңіл табыс табу туралы уәделерге сенуі және тәуекелдерді түсінбеуі.1. Тәжірибесіз қосымша табыс тапқысы келетін студенттер мен жастар.&nbsp;Оларға «қарапайым тапсырмалар» беріледі: ақшаны қабылдау, деректемелерге аудару, операцияларға көмектесу. Барлығы қауіпсіз, қашықтан жұмыс істеуге ұқсағанмен, іс жүзінде адам заңсыз қаржылық операцияларға қатысады.2. Жұмыссыздар мен қаржылық жағдайы қиын адамдар.&nbsp;Ақша шұғыл қажет болғанда, «жылдам төлеу» және «кепілді табыс табу» сияқты ұсыныстар сақтықты әлсіретеді. Алаяқтар қаражаттың шығу көзі мен заңдық салдарын әдейі жасырады.3. Қиындықсыз ақша тапқысы келетіндер.&nbsp;«Үйде отырып оңай жұмыс істеу», «аударымдар үшін кіріс алу» немесе «бірнеше рет басқаны үшін комиссия алу» туралы хабарландырулар қауіпсіз табыс табу елесін береді. Ақшаны тез тапқысы келетін адамдар барлық нәрсеге мән беру мүмкіндігінен айырылады.Алаяқтар өз аудиториясының күтулеріне орай мұқият бейімделеді: олар іскерлік тонды, компаниялардың «ресми» атауларын, жалған шарттарды қолданады, шұғыл сезімді тудырады – «қазір аудару керек», «уақыт шектеулі». Егер не іздеу керектігін білмесе, тіпті сақ адамдардың өзі алдануы мүмкін.Бұл іс жүзінде қалай орын алады: нақты жағдайлар«Студент&nbsp;үшін қосымша жұмыс істеу»Студент Алмас әлеуметтік желілерде: «Аударымдар үшін көмекші керек, ақысы операциялардан пайыз ретінде төленеді» деген хабарландыру тауып алды. Оған «шарт», нұсқаулар жіберіліп, бәрі заңды екеніне сендірді. Бірнеше күннен кейін оның картасына ірі &nbsp;сомалар түсіп, ол бұл сомаларды одан әрі аудара бастады. Көп ұзамай банк оның шотын бұғаттап тастады: ақша алаяқтық болып шықты. Алмас тергеуге қатысушы болды, ал оның картасы қылмыстық схеманың құралына айналды.«Жұмыссыз адамның уақытша көмегі»Жанна жұмыссыз қалып, «шетелдік&nbsp;клиенттер үшін аударымдармен бизнеске көмектесуге» келісті. Ол шот ашып, нұсқауларды орындап жүрді.Бірнеше күннен кейін ол құқық қорғау органдарына шақырылды: операциялар күдікті&nbsp;деп танылды және қаражаттың шығу тегі расталмады. Енді Жанна өз әрекетінің заңсыздығын түсінбегенін дәлелдеуге мәжбүр болды.«Жұмыс берушіден шұғыл аударым»Сәкенге банктік аударымдармен қашықтан жұмыс жасау ұсынылды. Сомалары аз, ал тапсырмалары қарапайым болып көрінді. Бірнеше операциядан кейін банк шотты тоқтатып, түсініктеме сұрады. Жас жігіт қиын жағдайға тап болды: ақшаға қол жеткізбестен және жауапкершілікке тарту қаупі бар.Сипатталған барлық жағдайларда адамдарға тез және оңай табыс уәде етілді, олардың жеке банктік шоттары немесе карталары жұмыс үшін пайдаланылды. Ешкім жұмыстың мәнін және кіріс қаражатының көзін нақтылаған жоқ – барлық ақпарат үстірт және сенімді түрде берілді. Нәтижесінде схеманың ортасында шот иесі болды.Неліктен «мен білмедім» деген сөз ақталуға жатпайдыЕң қауіпті иллюзиялардың бірі – ақшаны ұрлаған адам жауапты деген сенім. Іс жүзінде қаражат өткен картаның немесе шоттың иесі жауап береді.Мұндай схемаларға қатысу мына жағдайларға әкелуі мүмкін:банктік шоттарды бұғаттау;банктердің «қара тізімдеріне» кіру;азаматтық жауапкершілік – зардап шеккендерге ақшаны қайтару міндеті.Адам қаражаттың қылмыстық шығу тегі туралы білмесе де, оны дәлелдеу өте қиын болуы мүмкін.Жеке қылмыстық жауапкершілік: 2025 жылдан бері не өзгерді2025 жылғы 16 қыркүйектен бастап Қазақстанда дропперлік үшін жеке қылмыстық жауапкершілік енгізілгенін білу маңызды (ҚР Қылмыстық кодексінің 232-1-бабы).Мынадай жазалау шаралары&nbsp;көзделген:өзінің банктік картасын немесе шоттарын үшінші тұлғаларға беру - &nbsp; &nbsp; &nbsp; &nbsp; &nbsp; &nbsp; &nbsp; &nbsp; 3 жылға дейін бас бостандығынан айыру;басқа тұлғалардың мүддесі үшін аударымдар мен төлемдерді жүзеге асыру - 5 жылға дейін бас бостандығынан айыру;қылмыстық схемаларда біреудің банктік қолжетімділігін қасақана пайдалану — 7 жылға дейін бас бостандығынан айыру.Басқаша айтқанда, «оңай табыс табу» жолы қылмыстық жазалау мерзіміне, шоттарды бұғаттауға және көптеген жылдар бойы беделге нұқсан келтіруге әкелуі мүмкін.Дропперлік схемалар арбауына қалай түспеуге боладыӨзіңізді қорғау үшін қаржылық қауіпсіздіктің негізгі қағидаларын &nbsp;сақтау жеткілікті:ешқашан банктік картаңызды, деректемелеріңізді үшінші тұлғаларға бермеңіз, сондай-ақ олардың онлайн-банкингке қолжеткізуіне жол бермеңіз;егер қаражат көзі мен операцияның мақсатын түсінбесеңіз, сыйақы үшін ақша қабылдауға немесе аударуға келіспеңіз;тәжірибесіз, шартсыз және ресми жұмыс берушісіз «оңай табыс табу» жолы жөніндегі ұсыныстардан абай болыңыз;компанияларды, деректемелерді және жұмыс жағдайларын тексеріңіз;жақын адамдарыңызбен немесе мамандармен күмәнді ұсыныстарды талқылаңыз;есіңізде болсын: заңды жұмыс сіздің жеке картаңызды пайдалануды қажет етпейді.<img src="https://knadmin.beoblood.kz/uploads/infographics_12_11_8_2cd2369c23.jpg" alt="infographics 12.11-8.jpg">Ең бастысы, дропперлік арқылы адал ақша табылмайтынын есте ұстаған жөн. Дропперлік Сіздің келешегіңізге нақты қауіп төндіреді. Бірден, тез арада ақша табуға тырысамын деп банктік қызметтерге қолжетімділікті жоғалтуға, беделге нұқсан келтіруге және тіпті қылмыстық жауапкершілікке дейін күрделі мәселелерге тап болуыңыз мүмкін.Егер сізге «ақша алуға» немесе «ақша аударуға аздап көмектесу»&nbsp;ұсынылса, одан бас тартыңыз. Басқа адамға көмектесемін деп проблемаға тап болмаңыз!Фото: fingramota.kz

Дропперлік және money mule схемалары: басқаның ақшасы сіздің проблемаңызға айналған кезде

<a href="https://kyzylorda-news.kz/">Kyzylorda-news.kz</a> &nbsp; «Достық үйінде» елдік маңызы зор Ұлттық Құрылтайдың V отырысын жоғары деңгейде ұйымдастыруға елеулі үлес қосқан мамандарды марапаттау рәсімі өтті. Салтанатты жиынға облыс әкімінің орынбасары Мейрамбек Шермағанбет қатысып, бірқатар азаматтарға облыс әкімінің арнайы «Алғыс хатын» табыстады.Іс-шара барысында Мейрамбек Шермағанбет Ұлттық Құрылтайдың ел өміріндегі айрықша орны мен маңызына тоқталып, жауапты кезеңде ұйымшылдық пен жоғары кәсібилік танытқан мамандардың еңбегін ерекше атап өтті.<blockquote>– Ұлттық Құрылтай – қоғамдық ой мен мемлекеттік ұстаным тоғысатын маңызды алаң. Мазмұны терең, мәні айрықша осындай маңызды жиынның жоғары деңгейде өтуі ортақ іске жауапкершілікпен қарап, бір мақсат жолында жұмыла еңбек еткен азаматтардың қажырлы еңбегінің нәтижесі. Атқарылған жұмыстар мен көрсетілген қолдау ел үшін маңызды бастамалардың табысты жүзеге асуына берік негіз қалады. Сіздердің еңбектеріңізді жоғары бағалаймыз, – деді Мейрамбек Зинабдинұлы.</blockquote>Алдымен өңірдің ақпараттық кеңістігінде кәсіби әрі жүйелі жұмыс жүргізіп, Құрылтай жұмысының сапалы ақпараттық сүйемелденуіне үлес қосқан облыстық бұқаралық ақпарат құралдарының өкілдері марапатталды. Сонымен қатар Қызылорда облысының қоғамдық даму басқармасының қызметкерлері мен басқармаға қарасты «Ақпараттық-талдау орталығы», «Қоғамдық келісім», «Өңірлік коммуникациялар қызметі», «Тілдерді оқыту орталығы», «Жастар ресурстық орталығы» мекемелерінің мамандары да құрметке ие болды.Шара соңында облыс әкімінің орынбасары марапатталған азаматтарға шынайы алғысын білдіріп, өңірдің қоғамдық-саяси дамуына бағытталған маңызды бастамаларды бірлесе жүзеге асыру жұмыстары алдағы уақытта да жүйелі түрде жалғасатынын атап өтті.

Жауапты кезеңде қажырлы еңбегі еленген мамандар марапатталды

<a href="https://kyzylorda-news.kz/">Kyzylorda-news.kz</a> Мемлекет басшысының халыққа қажетті инфрақұрылымды дамыту жөніндегі тапсырмасына сәйкес, Сырдария ауданында құрылыс, жол және коммуналдық салаларда ауқымды жұмыстар атқарылуда. Мәселен, өткен жылы ауданда 27,7 мың шаршы метр тұрғын үй пайдалануға беріліп, жоспар 101,5 пайызға орындалды. Бұл туралы Өңірлік коммуникациялар қызметінің ақпарат алаңында Сырдария ауданының әкімі Берік Сәрменбаев мәлімдеді.<blockquote>– Өткен жылы ауданда құрылыс жұмыстарының жалпы көлемі 28,5 млрд теңгені құрады. Сонымен қатар, құны 186,5 млн теңге болатын Нағи Ілиясов ауылындағы жаңа қоныстану аймағына инженерлік-инфрақұрылымдық желілер тарту жұмыстары басталып, аталған жоба биыл толық аяқталады. Жол саласы да аудан дамуының басым бағыттарының бірі болып қала береді. Аталған салаға өткен жылы 1,4 млрд теңге бөлініп, 13 жоба аясында ұзындығы 30 шақырымды құрайтын автомобиль жолдары жөндеуден өткізілді. Аудандық маңызы бар «Қызылорда – Әуежай – Қоғалыкөл – Шіркейлі» автожолының қалған 10,2 шақырымы толық аяқталып, сондай-ақ Шіркейлі, Шаған және Сәкен Сейфуллин елді мекендеріндегі 12 көше күрделі жөндеуден өтті. Бұдан бөлек, Тереңөзек кенті, Жетікөл, Амангелді, Ақжарма ауылдарындағы 17 көшеге және Іңкәрдария ауылындағы «Мүлкілан баба» кесенесіне апаратын жолға аудандық бюджеттен 137 млн теңге бөлініп, қиыршық тас төсеу жұмыстары жүргізілді. Нәтижесінде аудандық маңызы бар жолдардың жақсы және қанағаттанарлық жағдайдағы үлесі 99 пайызға, ал елді мекендер ішіндегі жолдардың үлесі 87 пайызға жетті. Сонымен қатар, биыл жалпы құны 3 млрд теңгеден асатын 10 жобаға бюджеттік өтінім ұсынылып, оның ішінде Тереңөзек кенті мен Шаған ауылындағы 13 көшені күрделі жөндеуге 527 млн теңге бөлінді. Аймақ басшысының қолдауымен Тереңөзек кентінде заманауи талаптарға сай жаңа теміржол вокзалының құрылысы жүргізілуде. Аталған нысан жақын айларда пайдалануға беріледі деп жоспарлануда. Коммуналдық салада да нақты нәтижелер бар. Қазіргі таңда аудан халқы 100 пайыз сапалы ауыз сумен қамтамасыз етілген. Өткен жылы «Сыр суы» өндірістік бөлімшесі арқылы 138 млн теңгеге Айдарлы, Жетікөл, Қоғалыкөл, Шіркейлі, Ақжарма, Іңкәрдария және Қалжан ахун елді мекендеріндегі ауыз су жүйелеріне күрделі жөндеу жұмыстары жүргізілді. Ал биыл Тереңөзек кенті мен Аманкелді, Бесарық, Шаған, Асқар Тоқмағанбетов және Сәкен Сейфуллин ауылдарының ауыз су жүйелерін қайта жаңғырту жоспарланып отыр, – деді Берік Әбдіғаппарұлы.</blockquote>Ауданда елді мекендерді газдандыру жұмыстары да кезең-кезеңімен жүзеге асырылуда. Өткен жылы бұл мақсатқа барлығы 4 млрд теңге қаржы бөлініп, Нағи Ілиясов пен Шаған ауылдары табиғи газға қосылды.<blockquote>– Ақжарма ауылын газдандыру жобасы бойынша республикалық бюджеттен тиісті қаржы бөлініп, қазіргі таңда газ құбырларын тарту жұмыстары жүргізілуде. Аталған ауыл тұрғындары биыл көгілдір отынның игілігін көреді деп жоспарланып отыр. Сонымен қатар, жалпы құны 3,3 млрд теңгені құрайтын Шіркейлі, Қоғалыкөл және Бесарық ауылдарын газдандыру жобаларына бюджеттік өтінім ұсынылды. Бүгінде Шіркейлі мен Қоғалыкөл ауылдарына газ тарту жұмыстарын бастау үшін республикалық бюджеттен 720 млн теңге бөлініп, құрылыс жұмыстары жуық арада басталады. Нәтижесінде ауданды газбен қамту деңгейі 80 пайызға жетеді деп күтілуде. Электр желілерін жаңғырту бағытында да жүйелі жұмыстар жүргізілуде. Соңғы жылдары Айдарлы, Жетікөл, Аманкелді, Қоғалыкөл және Шаған ауылдарының электр желілері толық қайта жаңғыртылды. «Ауыл – ел бесігі» бағдарламасы аясында құны 490 млн теңге болатын Қалжан ахун ауылын электрмен жабдықтау жобасы өткен жылы басталып, биыл аяқталады. Нәтижесінде электр желілерінің тозу деңгейі 67 пайыздан 62 пайызға дейін төмендейді. Ал биыл жалпы құны 5,4 млрд теңгені құрайтын Тереңөзек кенті, Нағи Ілиясов, Асқар Тоқмағанбетов және Сәкен Сейфуллин ауылдарының электр желілерін қайта жаңғыртуға жобалау-сметалық құжаттама әзірленіп, қаржыландыруға бюджеттік өтінім жолданды, – деді Берік Сәрменбаев.</blockquote>2025 жылы Сырдария ауданында экономиканың негізгі салалары бойынша тұрақты өсім қалыптасты. Өнеркәсіп орындары 101,8 млрд теңгенің өнімін өндіріп, 72,4 пайызға ұлғайса, өңдеу өнеркәсібі 14,2 млрд теңгені құрап, 11,2 пайызға өсті.<blockquote>- Ауданда кәсіпкерлік саласын дамытуға әркез басымдық беріліп келеді. Өткен жылы аудан экономикасына 89,5 млрд теңге негізгі инвестиция тартылып, бөлшек сауда көлемі 3,2 млрд теңгеге жетті. Жыл басында ауданда 2 675 шағын және орта кәсіпкерлік субъектісі тіркелді. Өткен жылы мемлекеттік және өңірлік бағдарламалар аясында құны 5,7 млрд теңгені құрайтын 199 жобаға қаржылай қолдау көрсетілді. Оның ішінде «Қызылорда» өңірлік инвестициялық орталығы арқылы 8 жоба, «Ауыл аманаты» жобасы арқылы 19 жоба қаржыландырылды. «Өңдеу» бағдарламасы бойынша құны 256 млн теңгенің жобасы екінші деңгейлі банктер тарапынан субсидияланса, «Ұлттық жоба» шеңберінде 129 адамға мемлекеттік қайтарымсыз грант берілді. Сонымен қатар, «Аграрлық несие корпорациясы» арқылы 21 жоба, «ҚазАгроҚаржы» акционерлік қоғамы арқылы 21 ауыл шаруашылығы техникалары мен құрал-жабдықтары алынды. Өңірлік пул аясында Қалжан ахун ауылында құны 35 млн теңгеге жылыжай құрылысы іске қосылды. Тереңөзек кентінде құны 50 млн теңгені құрайтын наубайхана пайдалануға беріліп, бүгінде тәулігіне 500 дана нан және түрлі кондитер өнімдері өндірілуде,- деді Берік Әбдіғаппарұлы.</blockquote>Сондай-ақ, аудан әкімі брифинг барысында алдағы жылдарға жоспарланған ірі инвестициялық жобаларға да тоқталды.<blockquote>- Мемлекет басшысы мен облыс әкімінің қолдауымен ірі инвестициялық жобаларды іске асыру бағытында нақты келіссөздер жүргізілді. Алдағы жылдары ауданда жалпы құны 1,7 триллион теңгені құрайтын 4 жоба жүзеге асырылмақ. Соның ішінде 2026-2028 жылдары «Қызылорда Энерджи ЛТД» серіктестігінің қуаттылығы 1 100 МВт бу-газ кондырғысының құрылысы жоспарлануда. Құны 1,6 трлн теңгені құрайтын жобаға 280 гектар жер учаскесі резервке алынды, құрылыс жұмыстарын биыл бастау жоспарланып отыр. Жоба жүзеге асқан кезде 510 адам жұмыспен қамтылатын болады. Одан бөлек, құны 40 млрд теңгені құрайтын «Қызылорда крахмал-сірне зауыты» жобасы, 41 млрд теңгелік газ өндіру зауытының құрылысы және Шаған ауылындағы 400 басқа арналған тауарлы сүт фермасының жобалары кезең-кезеңімен жүзеге асырылады. Бұл жобалар аудан экономикасын әртараптандырып, жаңа жұмыс орындарын ашуға мүмкіндік береді,- деді Берік Сәрменбаев.</blockquote>Өткен жылы Сырдария ауданында 33 145 гектар жерге ауыл шаруашылығы дақылдары егіліп, әр гектардан орта есеппен 61 центнерден өнім алынып, жалпы 122 мың тонна астық жиналды. Бұл көрсеткіш өткен жылмен салыстырғанда айтарлықтай жоғары.<blockquote>– Аудан шаруашылықтарындағы еңбеккерлердің еселі жұмыстарының нәтижесінде облыс көлемінде Сырдария ауданы «Егін шаруашылығы бойынша озат аудан» атанды. Мемлекет басшысының Сыр еліне жасаған жұмыс сапары барысында берген тапсырмасына сәйкес, ауданда суды көп қажет ететін дақылдар көлемін оңтайландыру және су үнемдеу технологияларын енгізу бағытында жүйелі жұмыстар жүргізілуде. Осы мақсатта егістік алқаптарда лазерлік жер тегістеу әдісі қолданылып, нәтижесінде 30 пайызға дейін су үнемделіп, егін шығымы артты. Өткен жылы шаруашылық құрылымдары заманауи лазерлік жер тегістегіш техниканың көмегімен 3 500 гектар жерге тегістеу жұмыстарын жүргізді. Қазіргі таңда ауданда бұл бағыттағы жұмыстар 70 пайызға жетті. Сонымен қатар, шаруашылықтар 150 гектар алқапқа жаңбырлатып суару әдісімен әртүрлі дақылдар егіп, жақсы нәтиже көрсетті. Мемлекет басшысының тапсырмасына сәйкес әлеуметтік маңызы бар азық-түлік қауіпсіздігін қамтамасыз ету және баға тұрақтылығын сақтау мақсатында ауданда 805 гектар жерге бақша және көкөніс дақылдары егілді. Оның ішінде Айдарлы, Жетікөл, Аманкелді, Шіркейлі, Бесарық, Асқар Тоқмағамбетов ауылдарында жастар бригадалары 100 гектарға жуық алқапқа бақша дақылдарын орналастырып, мол өнім алды. Мал шаруашылығын дамыту жұмыстары да аудан бойынша жүйелі түрде жүргізілуде. Өткен жылы мүйізді ірі қара басының саны 4,1 пайызға, жылқы 9,4 пайызға, құс 16,5 пайызға артты. Сонымен қатар, ет өндірісі 1,1 пайызға, ал сүт өндірісі 4,1 пайызға өсті, – деді Берік Әбдіғаппарұлы.</blockquote>Фото: Қызылорда облысының Өңірлік коммуникациялар қызметі

Сырдария ауданында инфрақұрылымдық жобалар жүйелі жүзеге асуда

<a href="https://kyzylorda-news.kz/">Kyzylorda-news.kz</a> &nbsp; 2025 жылы Қызылорда облысында заңдылықтың сақталуын қамтамасыз ету және қоғамдық қауіпсіздікті нығайту бағытында кешенді жұмыстар жүзеге асырылды. Облыстық прокуратура мен полиция департаментінің бірлескен жұмысының нәтижесінде өңірдегі қылмыстық ахуал айтарлықтай жақсарғаны байқалады.Қызылорда облысы прокуратурасы заңда белгіленген өкілеттіктер аясында қылмыстың алдын алу бойынша жүйелі жұмыстар жүргізді. Нәтижесінде 2025 жылы өңірде қылмыстың тіркелуі 2,5 пайызға төмендеген.Бұл туралы Қызылорда облысының прокуроры Ризабек Ожаров пен Полиция департаментінің бастығы Серік Ергешов мәлімдеді.<img src="https://knadmin.beoblood.kz/uploads/yzylordada_ylmys_de_geji_t_mendep_o_amdy_auipsizdik_ny_ajdy_2177194f71.jpg" alt="Ризабек Кәрімұлы"><blockquote>– Бұрын сотты болған тұрғындармен жұмысты күшейту мақсатында прокуратура бастамасымен мобильдік топтар құрылып, есепте тұрған 1500-ден астам тұрғынның тұрғылықты мекенжайы мен жұмыс орындары тексерілді. Бұл шаралар жекелеген қылмыс түрлерінің азаюына тікелей әсер етті. Жекелеген қылмыс түрлері бойынша нақты төмендеу байқалады. Аса ауыр қылмыстар 2 пайызға, орташа ауырлықтағы қылмыстар 4,8 пайызға, онша ауыр емес қылмыстар 3,5 пайызға азайды. Денсаулыққа қасақана ауыр зиян келтіру - 4 пайызға, тонау - 48,6 пайызға, қорқытып алушылық - 18,8 пайызға, ұрлық - 50 пайызға төмендеді. Қоғамдық орындарда жасалған қылмыс 10,8 пайызға, оның ішінде көшедегі қылмыс 7,7 пайызға азайды, - деді Ризабек Кәрімұлы.</blockquote>Сонымен қатар меншікке қарсы, әсіресе алаяқтық қылмыстарының алдын алу мәселелері ұлттық банк, қаржы нарығын реттеу агенттігі, екінші деңгейлі банктер мен микроқаржы ұйымдарының қатысуымен өткен үйлестіру кеңесінде жан-жақты қаралды. Нәтижесінде 289 жәбірленушінің 300 миллион теңгеге жуық несие төлемін уақытша тоқтату бойынша 340 ұсыну енгізіліп, алаяқтық деректері бойынша 406 дроппер анықталды. Келтірілген 2,4 млрд теңге залалдың 1,5 млрд теңгесі өндіріліп, өтелу деңгейі 63 пайызды құрады.Ал Қызылорда облысы Полиция департаменті қоғамдық тәртіп пен жол қауіпсіздігін қамтамасыз ету бағытында бірқатар тың бастамаларды іске асырды. Жаяу жүргіншілердің қауіпсіздігін арттыру мақсатында қосымша 10 дана «Sunqar» автоматтандырылған құрылғысы іске қосылып, бейнебақылау жүйелері кеңейтілді.Өңірдегі жедел жағдайдың тұрақты бақылауда екенін полиция департаментінің бастығы, полиция полковнигі Серік Ергешов атап өтті.<img src="https://knadmin.beoblood.kz/uploads/622292087_2511876879207809_2840081664773169985_n_4382a001cd.jpg" alt="Серік Жүрсінбайұлы"><blockquote>– Жалпы қылмыстық құқық бұзушылықтардың тіркелуі 2 пайызға төмендеді. Қоғамдық орындарда және көшелерде жасалатын қылмыстардың саны азайды. 10 мың тұрғынға шаққандағы құқық бұзушылық деңгейі республика бойынша 57 болса, облысымызда бұл көрсеткіш 32-ні құрап отыр. Біз қауіпсіз өңірлер қатарындамыз. Сондай-ақ соңғы үш жылда өңірде ұрлық қылмыстары 63 пайызға төмендеп, пәтер және тонау деректері азайған. Мал ұрлығы өткен жылмен салыстырғанда бір деңгейде сақталған , – деді Серік Жүрсінбайұлы.</blockquote>Құқық қорғау органдарының бірлескен әрі жүйелі жұмысы Қызылорда облысында қоғамдық қауіпсіздікті нығайтып, тұрғындардың құқықтық қорғалу деңгейін арттыруға оң ықпал етіп отыр.Фото: Нұрболат Нұржаубай

Қызылордада қылмыс деңгейі төмендеп, қоғамдық қауіпсіздік нығайды

<a href="https://kyzylorda-news.kz/">Kyzylorda-news.kz</a> 2026 жылғы қаңтардан бастап «Міндетті әлеуметтік медициналық сақтандыру туралы» Заңға өзгерістер күшіне енді. Соған сәйкес, жарналар мен аударымдар есептелетін шекті табыс мөлшері өзгерді. Ал мөлшерлемелер бұрынғыдай сақталды. Бұл туралы Әлеуметтік медициналық сақтандыру қорының Қызылорда облысы бойынша филиалы хабарлады.Жұмыс берушілердің аударымдары – қызметкер табысының 3%-ыЕң жоғары табыс – 40 ЕТЖ (2026 жылы ол 3 400 000 теңгені құрайды)Аударымның ең жоғары мөлшері – айына 102 000 теңгеге дейінҚызметкерлердің және азаматтық-құқықтық шарттар бойынша жұмыс істейтін тұлғалардың жарналары – табыстың 2%-ыЕң жоғары табыс – 20 ЕТЖ немесе 1 700 000 теңгеЕң жоғары жарна – айына 34 000 теңгеге дейінЖеке кәсіпкерлердің және жеке практикамен айналысатын тұлғалардың жарналары – айына 5 950 теңге (1,4 ЕТЖ 5%)Дербес төлеушілердің жарналары – айына 4 250 теңге (ЕТЖ 5%)Жеке кәсіпкерлер мен дербес төлеушілердің жарналарын есептеу үшін ең төменгі жалақы қолданылады. 2026 жылы оның мөлшері – 85 000 теңгеМӘМС жарналарын төлеу жолдары:• «Қазпошта» АҚ кассаларында• екінші деңгейлі банктердің кассалары мен мобильді қосымшаларында• төлем терминалдары арқылыМӘМС – күтпеген медициналық шығыннан қорғайды. Ертеңіңізге сенімді болыңыз!Фото: freepik.com

2026 жылы МӘМС-ке кім қанша төлейді?

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында жастар арасында есірткіқұмарлықтың алдын алу және салауатты өмір салтын насихаттауға бағытталған ауқымды байқау аяқталды. «Есірткіге жол жоқ!» ұранымен өткен шараға 12 мен 20 жас аралығындағы шығармашыл мектеп оқушылары мен студенттер қатысты. Байқаудың басты шарты бойынша қатысушылар есірткіге қарсы тақырыпта үш авторлық GIF-анимация дайындап, құрдастарының назарын осы әлеуметтік мәселеге аудару үшін оларды әлеуметтік желілерде орналастыруы қажет болды.Байқау екі кезеңнен тұрды. Бастапқы кезең аудан орталықтары мен Қызылорда қаласында ұйымдастырылды. Бірінші турдың нәтижесі бойынша аймақтық білім бөлімдері облыстық кезеңге 47 үміткердің 141 жұмысын жолдады. Сайыстық комиссия қатысушылардың жоғары дайындығы мен креативті тәсілдерін атап өтіп, 12 үміткердің еңбегіне ерекше тоқталды.Облыстық деңгейдегі жеңімпаздар болып Қызылорда қаласы №176 орта мектеп оқушысы Шанжархан Нұрасыл, Жалағаш ауданы №118 орта мектеп оқушысы Аманкелдіқызы Кәусар және Шиелі ауданы №244 орта мектеп оқушысы Алмасханқызы Жансель танылды. Ұйымдастырушылардың айтуынша, қазіргі заманғы цифрлық форматтарды қолдану жастарды белсенді әлеуметтік қызметке тартуға және олардың бойында зиянды әдеттерге қарсы берік ұстаным қалыптастыруға септігін тигізеді.

Қызылорда облысында «Есірткіге жол жоқ!» атты есірткіге қарсы GIF-анимациялар байқауы қорытындыланды

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасының криминалдық полиция бөлімшесінің қызметкерлері және учаскелік полиция инспекторлары тұрғындарды интернет алаяқтықтан қорғау және «Заң мен тәртіп» қағидатын одан әрі ілгерілету мақсатында қала бойынша тұрғындарға профилактикалық шараларды жүргізуде.Құқық қорғау органдарының өкілдері тұрғындарға, халық көп шоғырланған орындарға келген азаматтарға сақтандыру шараларын түсіндірді, ал дүкендер, сауда орындары, көп қабатты үйлер, аялдамалар және банк ғимараттарына ақпараттық жабыстырмалар орналастырылды.Бұл шаралар интернет алаяқтық әрекеттерінің алдын алу және тұрғындардың қауіпсіздігін қамтамасыз етуге бағытталған. Профилактикалық жұмыстар алдағы уақытта да жалғасатын болады.

Қызылордада интернет-алаяқтықтың алдын алу бойынша ақпараттық жұмыстар жүргізілуде

<a href="https://kyzylorda-news.kz/">Kyzylorda-news.kz</a> Қазіргі таңда тұтынушылардың құқықтарын қорғау қоғамдағы өзекті мәселелердің бірі. Сауда нарығының кеңеюі мен қызмет көрсету саласының дамуы азаматтардың заңды құқықтары мен мүдделерін қорғауды талап етеді. Бұл бағыттағы жұмыстар Қызылорда облысында жүйелі түрде жүзеге асырылып келеді.&nbsp;&nbsp;Есепті кезеңде Қызылорда облысы бойынша сауда және тұтынушылардың құқықтарын қорғау департаментіне 910-ға жуық азаматтан өтініш түскен. Өтініштер заң талаптарына сәйкес қаралып, бақылау және тексеру шаралары жүргізілген. Нәтижесінде сауда және тұтынушылардың құқықтарын қорғау саласында бірқатар заң бұзушылықтар анықталып, тиісті шаралар қабылданды. Бұл туралы Өңірлік коммуникациялар қызметінің ақпарат алаңында Қызылорда облысы бойынша сауда және тұтынушылардың құқығын қорғау департаменті басшысының міндетін атқарушы Нұрлыбек Бимырзаев мәлімдеді.<blockquote>– Департаменттің негізгі міндеті тұтынушылардың құқықтарын қорғау, бизнес субъектілеріне заң талаптарын түсіндіру және сауда саласына мемлекеттік бақылау жүргізу. Есепті кезеңде департамент тарапынан 59 нарық субъектісіне тексеру жүргізіліп, нәтижесінде 600 мың теңге көлемінде айыппұл салынды. Әлеуметтік маңызы бар азық-түлік тауарлары бағасын негізсіз өсіру деректері де жіті бақылауға алынған. Бұл бағытта 196 кәсіпкерлік субъектісі тексеріліп, 129 заң бұзушылық анықталды. Нәтижесінде 29 кәсіпкерге ескерту беріліп, 77 кәсіпкерге 1,4 миллион теңге көлемінде айыппұл салынды. Бұл жұмыстар бағаның негізсіз өсуінің алдын алуға бағытталған. Сонымен қатар тұтынушылардан келіп түскен өтініштердің басым бөлігі бөлшек сауда, электрондық сауда және қоғамдық тамақтану салаларына тиесілі. Қаралған өтініштердің нәтижесінде тұтынушылардың пайдасына 21,2 миллион теңге көлеміндегі қаражаттың қайтарылуына ықпал жасалған. Тұтынушылардың құқықтарын қорғау біздің басты басымдықтарымыздың бірі. Сондай-ақ әлеуметтік маңызы бар азық-түлік тауарлары бағасын тұрақтандыру мақсатында кәсіпкерлік субъектілерімен түсіндіру және ақпараттық-насихаттау жұмыстары тұрақты түрде жүргізіліп келеді, деді Нұрлыбек Шонжарұлы.</blockquote><figure class="image"><img src="https://knadmin.beoblood.kz/uploads/622770086_2511684869227010_5336910920983264080_n_e60067beb2.jpg" alt="тұтынушылардың құқығын қорғау департаменті басшысының міндетін атқарушы Нұрлыбек Бимырзаев"><figcaption>&nbsp;</figcaption></figure>Спикердің айтуынша, тұтынушылардың өз құқықтарын білуі мен заң талаптарының сақталуы әділ бәсекелестік орта қалыптастыруға және халықтың әлеуметтік жағдайын жақсартуға оң әсер етеді.&nbsp;Фото: Нұрболат Нұржаубай

Тұтынушы құқығы қорғалуы тиіс

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының әкімі Алмасбек Есмаханов отбасы құндылықтарын дәріптеу, аяулы аналарға деген құрметті арттыру мақсатында көпбалалы аналармен арнайы кездесу өткізіп, Президент Жарлығына сәйкес «Алтын алқа» және «Күміс алқа» төсбелгілерін салтанатты түрде табыстады.Кездесу барысында аудан басшысы әйел-аналардың қоғамдағы, отбасы мен ұрпақ тәрбиесіндегі айрықша рөлін атап өтіп, елдің бүгінгі жетістігі мен ертеңгі болашағы аналардың мейірімі мен еңбегінің нәтижесі екенін айтты.<blockquote>-Әрбір отбасының ұйытқысы болып отырған аналар – берекенің бастауы, тіршіліктің күретамыры. Мемлекет тарапынан аналар мен балаларды қолдауға әрдайым басымдық беріліп келеді. Бұл бағытта ауданымызда көпбалалы және аз қамтылған отбасыларға, мүмкіндігі шектеулі бала тәрбиелеп отырған аналарға әлеуметтік қолдау шаралары жүйелі түрде жүзеге асырылуда. Қазіргі таңда ауданда 4 мыңға жуық отбасының балалары мемлекеттік жәрдемақымен қамтылған. Аяулы аналарымызға деген құрмет әрдайым жалғаса бермек, - деді аудан әкімі.</blockquote>Марапаттау рәсімінен кейін Роза Бағланова атындағы аудандық мәдениет орталығының өнерпаздары аналарға арнап ән шырқап, мерекелік көңіл күй сыйлады.«Ана – ұлттың айнасы, берекенің бастауы» - деген аудан әкімі марапат иелерін наградаларымен құттықтап, аналарға мықты денсаулық, отбасыларының амандығы, ұрпақтарының қызығын көруді тіледі.

Қазалыда көпбалалы аналарға «алтын алқа» және «күміс алқа» табысталды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстанның еңбек сіңірген қайраткері, көрнекті ғалым, филология ғылымдарының докторы, профессор Бағдат Кәрібозұлы атындағы «Әдебиет теориясы» дәрісханасы ашылды.&nbsp;Салтанатты шараға «AMANAT» партиясы Қызылорда облыстық филиалының төрағасы Жандос Базартай, облыс әкімінің орынбасары Мейрамбек Шермағанбет, облыстың зиялы қауым өкілдері, оқытушы-профессорлар, ғалымның әріптестері, достары мен шәкірттері қатысты.Іс-шара барысында «AMANAT» партиясы Қызылорда облыстық филиалының төрағасы Жандос Базартай профессор Бағдат Кәрібозұлының ғылыми мұрасы мен ұстаздық жолы жас ұрпаққа үлгі екенін атап өтіп, «AMANAT» партиясының Атқарушы хатшысы Кәрібек &nbsp;Дәулет Жамаубайұлының жүрекжарды құттықтауын жеткізді. &nbsp;Сондай-ақ салтанатты жиында облыс әкімінің орынбасары Мейрамбек Шермағанбет құттықтау сөз сөйлеп, аймақ басшысының ізгі тілегін жеткізді.Жаңадан ашылған дәрісхана – ғалымның әдебиет пен ғылымға арнаған ғұмырлық еңбегіне көрсетілген зор құрметтің, ұлағатты ұстазға деген тағзымның айқын көрінісі болды.«AMANAT» партиясы «Ұлттық мұра» партиялық &nbsp;жобасы аясында отандық авторларға қолдау көрсету және шығармаларын насихаттау бағытындағы жүйелі жұмыстарды жалғастыра беретін болады.<img src="https://knadmin.beoblood.kz/uploads/Zha_a_d_rishana_2_6c46a5174e.jpg" alt="Жаңа дәрісхана 2.jpg">

Әдебиет пен ғылымға құрмет: Бағдат Кәрібозұлы атындағы дәрісхана ашылды

<a href="https://kyzylorda-news.kz/">Kyzylorda-news.kz</a> Ерте, ерте, ертеде, ешкі жүні бөртеде, қырғауылы қызылда, құйрық жүні ұзында Елемес дейтін ер болыпты. Елеместің төрт түлігі сай екен, ел-жұрт оны оңынан қараса да, солынан қараса да, шіркін, Елеместен артық бақытты адам бар ма екен дейтіндей қызылды-жасылды жарқ-жұрқ еткен өмір сүріпті.&nbsp;Бірақ аузынан ақ май аққан Елеместің есіл-дерті әлдебір жоқты іздеумен өтіпті. Тіпті оның не екенін білмесе де, өміріне әйтеуір бірдеңе жетпейтіндей, көңілі жайланбай, сол аңсарын іздеп, басын тауға да, тасқа да соғыпты. Жұрт бақытты байлықтан іздейді, мен де сол байлықтың бәрі бар, бірақ неге бақытты емеспін деп жатса да, тұрса да өзін іштей мүжіген сұрақтар мазасын ала беріпті.&nbsp;Күндердің күнінде бақытын іздеп, асыл мұратыма жетсем деген тілекпен жолға шығыпты. Жолда келе жатып, әлдебір өсіп тұрған өзгеше шөпті көріпті. Бұл шөптің иісінің басын айналдырғаны сонша, қасынан жай ғана өту мүмкін емес еді. Иіске елітіп, қанша уақыт өткенін тіпті білмей де қалыпты. &nbsp;Осы адамдар түтіндетіп отырып, өзін бақытты сезінетін шөп осы шығар деп ойлайды да, іле-шала ойын жүзеге асыру үшін оны қағазға орап, қайсы бір жылы Жібек жолының бойында көпестерден көргенін өзінше қайталап көріпті. Осылайша ай артынан ай, жыл артынан жыл өтіпті. Еліне оралмаған Елеместі іздеп жолға шыққан жақындары шөпке масайып, есінен адасқан Елеместі көріпті. Жақындары оны ауруынан айықтырғанда ғана адамның ақылын сау мақсатқа жұмсауы бақыттың нағыз өзі екен ғой деген ойға келіпті.Ермұхаммед АСҚАР,№290 орта мектептің 6 сынып оқушысыФото: gov.kz

Есірткі жайлы (ертегі)

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев 2026 жылғы &nbsp;05 қаңтарда «Түркістан» газетіне берген сұқбатында «Әскери қызметтің абырой-беделін көтеру және еліміздің қорғаныс қабілетін арттыру – мемлекеттің басты басымдығының бірі.Қарулы Күштерімізді технологиялық тұрғыдан жаңғырту жұмысы қарқынды жүргізіле бастады. Былтыр Ұлы Жеңістің 80 жылдығына орай өткізілген әскери шеруді шетелдік саясаткерлер мен әскери қайраткерлер жоғары бағалады, бұл іс-шара армиямыздың заманауи қару-жарақпен және техникамен, соның ішінде Қазақстанда жасалған өнімдермен толық жабдықталғанын, сондай-ақ, әскери қызметшілеріміздің дайындығы өте жақсы екенін айқын көрсетті» деген болатын.«Atamnyn Amanaty» ұйымының миссиясы - тарихи жадыны сақтау, ұрпақтар сабақтастығын арттыру, жастарға рухани-адамгершілік және әскери-патриоттық тәрбие беру және осы бағытта мемлекетке барынша қолдау көрсету.Қазақстан сол соғыста хабар-ошарсыз кеткен азаматтарын іздеуші әлемдегі санаулы мемлекеттердің қатарынан. Майданға кетіп, із-түзсіз жоғалғандардың саны 271 мыңнан асады. Бұл шаруамен 2019 жылдың 19 мамырында құрылған «Atamnyn Amanaty» қоғамдық бірлестігі айналысады. Содан бері ұйымның ресми сайты, әлеуметтік желілері және байланыс телефондары арқылы хабарсыз кеткендерді іздестіруге 12 мыңнан астам өтініш келіп түскен. 4500-ден астам қазақстандық жауынгерлердің жерленген жерлері мен жеке бастарын анықталды. Майдан даласынан табылған 23сарбаздың сүйегі Қазақстанға жеткізіліп, әскери құрметпен салтанатты түрде жерленді.Далалық қазба жұмыстарын жүргізуде біздің ұйымның біршама тәжірибесі бар. Біздіңеріктілер жасағы Ресейдің Калуга облысы аумағындағы «Батыс майданы. Варшава тас жолы» халықаралық әскери-тарихи экспедициясына тұрақты түрде қатысып келеді. Бірер жыл бұрынбіздің еріктіліер 387-ші Ақмола атқыштар дивизиясы соғысқан Ульяновск ауданында жерлестеріміздің құрметіне ескерткіш-белгі орнатып қайтты.Өскелең ұрпақ өзінің өткен тарихын білуге тиіс. Мәселен, «Аталар аманатына адалмыз» атты акциясын ұйымдастыру дәістүрге айналды. Акция аясында әрбір колледждің студенттері Қазақстанда жасақталып, Екінші дүниежүзілік соғысқа қатысқан двизиялар мен құрмалардың тарихын, майдан жолын зерттеп, солар жөнінде ғылыми-іздестіру жұмыстарын жасайды.&nbsp;«Мың естігеннен бір рет көрген артық» дейді қазақ. &nbsp;Сол себепті Астана қаласының бір топ студенттерін қала түбіндегі әскери бөлімдерге алып бару дәстүрге айналды. Жасөспірімдер сапар барысында казармадан бастап, қару-жарақ, әскери техникалармен, иісшіл итермен танысып, солдат ботқасынан дәм татып, жауынгерлік өмірмен етене танысады. Бір күннің ішінде олардың әскери қызметке деген көзқарастары түбегейлі өзгерді деуге болады. Көбі бұрынғы ойларынан айнып, қажет болса Отан қорғаушысы ретінде сапқа тұруға тілек білдіріп жатады.Ұлы Абайдың: «Өлді деуге бола ма айтыңдаршы, Өлмейтұғын артында сөз қалдырған?» деген өлең жолдарын соңына өшпес із тастап, өлмес ерлік жасаған кез келген азаматқа айтуға болатындай. Кешегі қан майданда қас дұшпанемен арыстандай айқасқан батырдың бірі – Байбол Рахметов. Зеңбірек көздеушісі болған Сыр перзентінің сүйегі сексен жылдан астам уақыт өткен соң Псков түбінен табылып отыр. Топырақ астынан өзімен бірге көзі тірісінде қаһармандығы үшін алған «Қызыл жұлдыз» ордені мен «Ерлігі үшін» медалі бірге шықты. Сүйегі Псков облысынан табылған тағы бір боздақ ол - Оңтүстік Қазақстан облысы, Шаян ауданы, Ақбастау ауылында 1921 жылы дүниеге келген Мұсахан Қалмырзаев. Оның да дерегі «Ерлігі үшін» медалінің номері арқылы анықталды.Былтырғы жылдың басты оқиғаларының бірі – осы екі майдангердіңелге оралуы деуге болады. 2025 жылдың соңғы күндері олардың сүйегі әскери ұшақпен Қазақстанға жеткізіліп, 80 жылдан астам уақыт сарыла күткен туыстарына табыс етілді. Сосын бірі Түркістан облысында, екіншісі Қызылорда облысында әскери құрметпен жерленді. Біз осы сауапты іске атсалысқан барлық азаматтарға алғыс айтамыз. Ал, «Atamnyn Amanaty» қоғамдық бірлестігінің жұмысы жаңа жылда да жалғаса бермек.Мысалы жаңа 2026 жылға мынадай жобаларды әзірлеп, соларды іске асырудан үміттіміз:<ul><li style="text-align:justify;">Қазақстаннан шақырылған және Екінші дүниежүзілік соғысқа қатысқан солдаттар мен офицерлер туралы электрондық дерекқор құру. Ұлттық платформа нақты ақпаратты сақтап, олардың есімдерін ұрпақтарға жеткізіп, олардың үлестерін мойындауды қамтамасыз етеді.</li><li style="text-align:justify;">Халықаралық әскери-тарихи экспедиция «Батыс Қазақстан – Сталинград шайқасының алдыңғы шебі». Мақсат — соғыста қаза тапқан солдаттардың және бейбіт тұрғындардың сүйектерін көтеріп, есімдерін қалпына келтіріп, ескерткіштер орнату. Бөкейорда ауданында зерттеу мен мәңгі есте сақтау қажет 40-50 бауырлас қабір бар.</li><li style="text-align:justify;">Соғыс жылдары Қазақстан аумағында эвакуациялық госпитальдардың тарихын зерттеу, госпитальдарға жерленген орындарды анықтау, оларды абаттандыру және естелік тақтайшаларын орнату. Соғыс жылдары Қазақстанда шамамен 150 000 жаралы емделді, олардың көпшілігі қаза тауып, жергілікті зираттарға жерленді.</li></ul>Еуропада қаза тапқан қазақстандық солдаттарды іздеу. Қолда бар деректерге сәйкес, 2,2 миллионнан астам қызыл әскерлер, оның ішінде қазақстандықтар да бар, белгісіз жауынгерлер ретінде жерленген. Бұл жоба олардың есімдерін қалпына келтіріп, Қазақстанның Жеңіске қосқан үлесін халықаралық деңгейде мойындауға көмектеседі.Бұл ата-баба аманатын орындауға, ерлікті ұмытпауға,елдікті ұлықтуға, және ұлт тарихындағы тағы бір ақтаңдақты жабуға бағытталған игілікті іс болып табылады. Өйткені өскелең ұрпақтың бойында рухани-адамгершілік құндылықтарды, отансүйгіштік сезімді қалыптастыру мемлекет басшысы айтқандай ортақ парызымыз. &nbsp;Майданда хабар-ошарсыз кеткен туыстарын іздестірем деген адамдар болса бізге төмендегі байланыс телефондары арқылы тегін өтініш бере алады:8 -776 -828- 45- 35; 8-776- 828- 45- 34; 8 -701- 999- 78 -20,ata.amanaty@gmail.com. &nbsp; &nbsp;Мұрат Молдағалиев,«Atamnyn Amanaty» ҚБ басқарма төрағасы

Қазақстан және Қызылорда облысының жаңалықтары