<a href="https://kyzylorda-news.kz/">Kyzylorda-news.kz</a>&nbsp; Кішкентай Дубай шоколадының бағасы 15-20 мың теңге болып еді, енді мына жүзімнің кішкене бір бөлігі 5-10 мың теңге деседі.&nbsp;Мәжіліс депутаты Дәулет Мұқаев жарыса жүзім жеген жұртты маркетингтің құрбаны екенін айтты, деп хабарлайды <a href="https://sn.kz/sn-akparat-agyny/117873-korsekyzar-khalykpyz-deputat-aksha-zhok-zhok-dep-trendten-kalmaityndardy-synady">Skifnews.kz</a> ақпарат порталы.<blockquote>"Көрсеқызар халықпыз… Немесе маркетинг құрбанымыз! "Дубай шоколады" деген шығып еді, енді "кәріс жүзімі" (Шэйн мускат дей ме) деген шықты. Инстаға кіріп қалсаң болды, шырт-пырт деп жеп отырғандар қатары көбейді. Соны жалпақ жұртқа жарияламай-ақ жеуге болады ғой… Кішкентай Дубай шоколадының бағасы 15-20 мың теңге болып еді, енді мына жүзімнің кішкене бір бөлігі 5-10 мың теңге деседі. "Ақша жоқ-жоқ" дейді де, талап алып жатыр халық) Оның құрамында не бар, несі пайдалы, не зиян, ол туралы басымызды ауыртқымыз келмейді. Бастысы жұрттан қалмау керек. Алла біледі, бұны да 12/24 айға бөліп төлейтіндер шықса таң қалмаймын Ps: ақшаңыз артылып жатса, ала беріңіз. Қарсылығым жоқ. Бірақ елден, трендтен қалмайын деген ой – әбестік. Одан да мына қоңыр күзде ет жеңіздер, сорпа ішіңіздер. Міне, нағыз пайдалы тағам", – деп жазды депутат.</blockquote>Фото: Мәжілістің баспасөз қызметі

«Көрсеқызар халықпыз…»: Депутат «ақша жоқ-жоқ» деп трендтен қалмайтындарды сынады

<a href="https://kyzylorda-news.kz/">Kyzylorda-news.kz</a> &nbsp;8 желтоқсан күні Қызылорда облысындағы 7 округте шығып қалған мәслихат депутаттарының орнына сайлау ұйымдастырылады.Атап айтқанда, Қызылорда қаласындағы №19 округ, Қармақшы ауданындағы №1, №4 округтер, Жалағаш ауданындағы №12 округ, Сырдария ауданындағы №11, №12 округтер және Шиелі ауданындағы №3 сайлау округі.7 округте 14 учаске және 139 комиссия мүшесі жұмыс істейді. Мұнда 20 421 сайлаушы дауыс беруге құқығы бар.Сайлауды өткізудің Күнтізбелік жоспарына сәйкес кандидаттардан құжат қабылдау 8 қараша, сағат 18.00-де аяқталды. Ал, кандидаттарды тіркеу 13 қараша, сағат 18.00-ге дейін аяқталады.7 округ бойынша 23 кандидат ұсынылды. Оның 4-і саяси партиядан, 19-і өзін-өзі ұсынды.Ұсынылған кандидаттар ішінде 18-і – ер, 5-і – әйел адам.15 кандидат Қазақстан Республикасындағы саяси партияларының мүшесі болып табылады, 9 кандидат партия қатарында жоқ.Кандидаттардың орташа жасы - 39 жас.20 кандидаттың жоғары білімі, 2-і – орта кәсіптік білімі және 1-і – орта білімі бар.Кандидаттардың 17-і мемлекеттік мекемелерде, ұйымдарда, 6-ы - коммерциялық құрылымдарда жұмыс жасайды.Ұсынылған 23 кандидаттың 18-і тіркелді. Олар енді үгіт жұмыстарын жүргізуге құқылы.Үгіт кезеңі 13 қараша сағат 18.01-ден 7 желтоқсанға дейінгі аралықты қамтиды. 7 желтоқсан – тыныштық күні, 8 желтоқсан – дауыс беру күні.Заңға сәйкес, кандидат өз сайлау қорын аша алады. Үгітті БАҚ арқылы, кездесу жиындарын өткізу және таратпа материалдарын тарату арқылы жүргізуге құқығы бар.Дауыс беру таңғы сағат 07.00-ден кешкі 20.00-ге дейін жалғасады.<img src="https://knadmin.beoblood.kz/uploads/2_5a08b69260.jpg" alt="2.jpg">Қызылорда облысының аумақтық сайлау комиссиясы

Қызылорда облысында 7 округтен шығып қалған мәслихат депутаттарының орнына сайлау өтеді

<a href="https://kyzylorda-news.kz/">Kyzylorda-news.kz</a> Қашанда сапалы білімнің іргетасы бастауыш сыныпта қалыптасады. Сондықтан мектеп табалдырығын аттаған әрбір балаға бағыт-бағдар беретін алғашқы ұстаздың ұлылығын барлық адам мойындайды. Мамандыққа деген адалдықты шәкіртке деген сүйіспеншілікпен ұштастырған алғашқы ұстаз бала жанының бағбаны екені сөзсіз.&nbsp; Кенжегүл Раманқұлова – 35 жылға жуық абыройлы қызмет атқарып, терең білім мен тәлімді тәрбиені шәкірттеріне сіңіріп, адамға тән асыл қасиеттерді бойына жинаған саналы ғұмырын ұстаздыққа арнаған ұлағат иесі. Білікті ұстаз талай жыл бойы ауыл балаларына білім мен тәрбиені қатар беріп, қажырлы еңбек етіп келеді.Ұлағатты ұстаз Кенжегүл Жорабекқызы 35 жылға жуық уақыт Сырдария ауданына қарасты Асқар Тоқмағамбетов ауылындағы №135 орта мектепте қызмет етіп келеді. Орта мектепті ойдағыдай аяқтаған соң 1987-1990 жылдары М.Мәметова атындағы педагогикалық училищені жалпы білім беретін мектептің бастауыш кластарында оқыту мамандығы бойынша үздік дипломмен бітіріп, 1991-1994 жылдары Қорқыт ата атындағы Қызылорда педагогикалық институтында бастауыш оқытудың педагогикасы мен әдістемесі маман­дығын игеріп шығады. Бала кезінен білімге құштар болған білікті маман алғашқы еңбек жолын 1990 жылы №135 А.Тоқмағамбетов атындағы орта мектепте бастауыш сынып мұғалімі болып бастаған. Саналы ғұмырында талай шәкіртін білім нәрі­мен сусындатып, тәлімді тәрбие беріп жүрген ардақты ұстаз мектеп директорының тәрбие ісі жөніндегі орынбасары, бағдарлы оқыту ісі жөнін­дегі орынбасар, оқу ісінің орынбасары қызметтерін атқарған. Аяу­лы жан ұстаздық қызметімен қоса отбасын қатар алып жүрген үлкен шаңырақтың шамшырағы, ұйытқысы. Өмірлік серігі қажырлы еңбек етіп жүрген шаруа адамы. Білікті ұстаз жолдасымен бірге 4 бала тәрбиелеп, бүгінде бақытты ата-әже атанып отыр.<blockquote>– «Ел боламын десең, бесігіңді түзе» дейді халық даналығында. Мекте­тегі білім мен тәрбиенің алғашқы баспалдағы және негізі бастауыш сыныптардан басталатыны белгілі. Бастауыш мұғалімі ол тек оқытуышы ғана емес, ол – бағбан, баланың жарқын болашағына жол көрсетуші, бағыт-бағдар беруші, сонымен қоса баланың бойындағы қабілет көзін ашушы. Бастауыш мұғаліміне қойылар талап пен жауапкершілік басқалардан екі есе жоғары деуге болады. Осы тұста ұстаз ретінде баланы сол қалпында жақсы көру маңызды екенін айтқым келеді. Тентек пен тілалғышты, ұғымтал мен ойлау қабілеті төмен, ұқыпты мен жалқау оқушыларды бөліп-жармай, барлығын да бірдей жақсы көру керек. Балаларға деген мейірімділік пен сүйіспеншілік бар жерде қатыгездік болмайды, намысына тиетін сөздер айтылмайды, олардың әрбір жетістіктеріне қуанып отырасың. Оларды түсіне білу, яғни солардың көзқарастарымен санасу, оларды ересектерше қабылдау, қамқорлық танытқанына қуану, ақыл­дасып отыру маңызды. Олардың танытқан қамқорлықтары мен әрбір ісіне кешіріммен емес, үлкен құрметпен қарау керек. Балаларды түсіну дегеніміз – оларды билігі­ бағындыру емес, керісінше олар­дың бүгінгі өмірі­не сүйене отырып, бола­шақ өміріне алғашқы дәндерін себу. Бала жүрегінің тебіренісі мен жан дүние­сінің қозғалысын түсіне білген педагог оқушысының тәрбиесі­мен тереңдей айналыса алады. Мұғалімнің бойынан адамға тән жақсы қасиеттердің барлығы – күлімсіреу, қаталдық, ұстамдылық, салмақтылық, сезімталдық, шынайылық, зияткерлік, тіл табысушылық, өмірге деген махаббат болуы керек, – дейді білікті ұстаз.</blockquote>Кенжегүл Раманқұлова өзінің ұстаздық еткен жолында «Бастауыш сыныптағы математика пәнінің үздік мұғалімі – 2021» аудандық байқауына қатысып, ІІ орын иегері атанды. Ұлағат­ты ұстаз әр сабағында қазіргі заман талабына сай дамыта оқытудың жаңа технологияларын пайдалана отырып, әртүрлі әдіс-тәсілдерді кеңінен қолданып, оқушылардың сабаққа деген қызығушылығын арттырып, құштарлығын оятып, жан-жақты ізденуге ұмтылдырады. Тәжірибелі маманның сыныптан тыс жұмыс­тары, тәрбие сағаттары, мере­келік іс-шаралары үнемі жоғары деңгейде өтеді. Білікті ұстаздың талай жылғы еңбегі ақталып, сол еңбектің нәтижесінде бүгінде алған марапаттары мен жетісіктері жетерлік. Атап айтқанда, 2018 жылы «Сырдария ауданының 90 жылдығы» мерекелік медалімен марапатталса, 2019 жылы ҚР бастауыш сынып оқушы­лары арасындағы олимпиадада оқушы жетістігі үшін «Алғыс хат» алған. Одан бөлек Қызылорда облыстық білім және ғылым қызмет­керлері кәсіподағының Құр­мет грамотасымен марапатталған. Абырой биігіндегі ұстаз шәкірттері де шетінен өнерлі, дарынды және соның нәтижесінде жеткен жетістіктері де аз емес. Мәселен, Мұхамедияр Абзалұлы «Бояулар құпиясы» атты республикалық сурет байқауында ІІ орын иеленсе, Балнұр Болатбекова І орын иегері атанған. Республикалық пәндік олимпиададан Батырбек Ақылбекұлы мен Айнамкөз Уалиханқызы халықаралық «Ақбота» сайысында жүлделі І орынды қанжы­ғаларына байлады.<blockquote>– Кенжегүл Жорабекқызы әр сабағын жоғары ізденушілікпен, заманауи технологияларды пайдаланып, жан-жақты шығармашылықта өткізетін ұстаз ретінде ұжым арасында сыйлы. Өз пәнін жетік меңгерген маманның бойында адамгершілік қасиеттері мол. Әрбір іске аса жауапкершілікпен қарайды, ұжымда беделді. 2019-2024 жылдары мектептің бастауыш кәсіподақ ұйымының төрағасы болған. Саналы ғұмырында балаларға тәлім-тәрбие беріп, қажырлы еңбек етіп жүрген білікті ұстаздың мектебіміздің өсіп-өнуіне, дамуына, бүгінгідей дәрежеге жетуіне қосқан үлесі мен еңбегі орасан зор, – дейді мектеп директоры.</blockquote>Алтынай ЖҮНІСОВА

Білім негізі – бастауыш сынып

<a href="https://kyzylorda-news.kz/">Kyzylorda-news.kz</a> Облыс орталығына іргелес «Белкөл» кентінде 882 отбасы тұрады. Халқының саны – 4787 адам. Жыл сайын кенттің ауқымы кеңейіп, кәсіпкерлер саны артып, әлеуметтік-экономикалық жағдайы жақсаруда. Бұрынғымен салыстырғанда едәуір алға жылжудың барын байқайсың. Кентке кіргеннен құж-құж қайнаған тіршілікке, кәсіпкерлік нысандардың көбейгеніне куә боласың. Халқының да ауызбірлігі бекем екені көзге көрініп тұрады. Кент әкімі Жасұлан Сәдудің айтуынша, оң шешімін тапқан мәселелер жетерлік. Мәселен, өткен жылы 96 отбасына 10,2 млн теңге атаулы әлеуметтік көмек берілсе, биыл 55 отбасына 9 млн теңге тағайындалған. 433 адам өзін-өзі жұмыспен қамтып отыр.<blockquote>− Әлеуметтік жағынан аз қамтылған отбасылардың, көпбалалы аналардың мұң-мұқтаждары үнемі назарда. Олардың қатары азайып келеді. Бұл азаматтарды тұрақты жұмысқа орналастыру және түрлі мемлекеттік бағдарламаға тартумен байланысты, − дейді кент әкімі.</blockquote>Инфрақұрылым реттелудеКенттегі ауқымды жұмыстың бірі – электр желілерін ретке келтіру бастамасы. Бүгінде Жерұйық, Сарыарқа, Бірлік көшелеріне электр желісін жүргізуге республикалық бюджеттен 76,6 млн теңге бөлініп, құрылыс-монтаж жұмыстары жасалған. Сондай-ақ тозығы жеткен электр желілерінің құрылысын жүргізу үшін ұзындығы 21 шақырым болатын 12 көшені қайта жаңғыртуға жоба-сметалық құжаттары әзірленуде. Оған қалалық бюджеттен 6,5 млн теңге бөлінген. «Белкөлде» қазіргі уақытта &nbsp;11 электр трансформаторы жұмыс жасайды.Мұнан бөлек, жаяу жүргіншілер жолы мен көшені жарықтандыру жұмыстары да кезең-кезеңімен реттелуде. Мәселен, Әбдіқадыров көшесіне жаяу жүргіншілер жолын салу үшін қалалық бюджеттен 62,4 млн теңгеге қаржы қаралған. Ал Бірлік және Путейцева көшелеріне түнгі жарық бағаналарын орнатуға облыстық бюджеттен 27,7 млн теңге бөлінген. Қазіргі таңда орталық көшені қайта жаңғырту, 7 көшеге түнгі жарық бағаналарын орнату, 3 көшеге жаяу жүргіншілер жолын салу, 8 көшеге күрделі жөндеу жұмыстарын жүргізуге жоба-сметалық құжаттары әзірленіп, бюджеттік өтінім ұсынылып отыр.Жалпы кентте 21,5 шақырымды құрайтын 24 көше бар. Оның ішінде 12,6 шақырым болатын 13 көшеге асфальт төселген, ұзындығы 4,5 шақырым 5 көшеге тас төселген. Кент толықтай ауызсу және «көгілдір отынмен» қамтылған. 9 көшеге 169 түнгі жарық бағаналары орнатылса, орталық көше мен Бірлік көшесіне жаяу жүргіншілер жолы салынған.<blockquote>− «Бірқазан» елді мекені де назарда тыс қалған жоқ. Ондағы тұрғындар ауызсумен толық қамтылған. Электр желілері де жаңадан жүргізілді. Былтыр асфальт төселсе, биыл көшені жарықтандыратын боламыз. Сондай-ақ, тұрғындардың өтініші бойынша жастарға жер беру мәселесі де шешімін табуда. Бұл, әрине, тұрғылықты халық санының көбеюіне ықпал етеді. Ал газдандыру жұмысы бойынша жоба жасалуда. Алдағы екі жылдың көлемінде реттеледі, − дейді Ж.Сәду.</blockquote>Айта кету керек, кенттегі шешімін тапқан мәселенің бірі − теміржолдың арғы бетіне өтетін жаяу жүргіншілер көпірінің салынуы. Оған 2022 жылы облыстық бюджеттен 251 млн теңге қаржы бөлініп, өткен жылы ел игілігіне пайдалануға берілді.Кәсіпкерлер көбейіп келедіМемлекеттік бағдарламалардың игілігін белкөлдіктер де көруде. Жыл басынан бері мұнда 79 кәсіпкерлік субъект тіркеліп, 84 тұрақты жұмыс орны ашылған. Өткен жылы мемлекеттік бағадарламалар аясында жалпы құны 192,7 млн теңгені құрайтын 23 жоба қолдау алған. Сондай-ақ «Бизнес-Бастау» бағдарламасы шеңберінде 27 тұрғын оқу курсын аяқтап, 10 адам қайтарымсыз грантқа ие болған. Ал өзге бағдарламалар бойынша кентте кір сабын жасап шығару, жүк тасымалы, МІІҚ өсіру, стоматологиялық құралдар алу, тері өңдеу, ағаш шеберханасы, қасбеттік жылу панельдерін өндіру жобалары қолдау тапқан.Биыл бірінші жартыжылдықта 43,6 млн теңгені құрайтын 8 жоба жүзеге аспақ. Оның ішінде 400 МРП грант – 4,6 млн теңге болатын 3 жоба, «Бизнестің жол картасы – 2025» бағдарламасы бойынша 1 жоба (23 млн теңге), «Микробизнес-Қызылорда» бағдарламасы аясында «Өңірлік инвестициялық орталық» микроқаржы ұйымы арқылы 16 млн теңгені құрайтын 4 жоба қаржыландырылған. Қазіргі таңда «Ауыл аманаты» жобасы аясында жалпы құны 154,8 млн теңге болатын 18 жобаның құжаты жинақталуда.Қаржыға қол жеткізген кәсіпкерлер Мұханбетжан Сапаров, Зухра Алмаханова, Гүлдана Досмамбетова, Ербол Еңсепов кәсіптерін әрі қарай жандандырмақ.<blockquote>− Шаштараз кәсібімен айналысқаныма біраз жыл болды. Осы уақытқа дейін орынды жалға алып келдім. Өткен жылы өз қаражатыма ғимарат алсам, биыл «Қызылорда өңірлік инвестиция орталығы» АҚ арқылы «Іскер» бағдарламасы аясында 6%-бен 3 млн теңге несие алдым. Бұл – мен үшін үлкен көмек. Шаштаразға келушілер қатары көп, баға да қолжетімді. Алдағы уақытта кәсібімді бұдан әрі кеңейткім келеді, − дейді кәсіпкер Мұханбетжан Сапаров.</blockquote>Жастарға жол ашықЖастар – қоғамның қозғаушы күші. Елімізде оларды қолдауға үнемі басымдық берілуде. Әсіресе, кейінгі уақытта жақсы қозғалыс бар. Белкөлдік жастардың да бос уақытын тиімді пайдалану мақсатында түрлі шаралар жүргізілуде. Мәселен, қоғамдық жұмыстармен айналысуына, спортпен шұғылдануына, жұмыссыз жастардың қатарын азайтуға барынша күш салынуда. Кентте жалпы мыңға жуық жас бар. Оның ішінде кент пен «Бірқазан» елді мекенін қосқанда 241-і – студенттер. 343 жас жұмыспен қамтылса, 131-і өз-өзін жұмыспен қамтып отыр. «Мансап» орталығы арқылы «Жастар тәжірибесі» бойынша 6 жас маман тәжірибеден өтуде.«Белкөлде» бұқаралық спорт түрлері де жақсы дамып келеді. Мұнда 5 ойын және 1 футбол алаңы бар. Ал «Бірқазан» елді мекенінде 1 футбол алаңы спортсүйер қауымға қызмет етуде. Биыл да жеке сектордан 1 ойын алаңын салу жоспарланған. Сонымен қатар жастардың әлеуетін көтеру және олардың бос уақыттарын тиімді ұйымдастыру мақсатында бой көтерген «Белкөл» спорт кешені олардың спортпен шұғылдануына жақсы мүмкіндік туғызуда. Себебі мұнда 300-ге жуық жас спорттың 7 түрімен (футбол, каратэ, бокс, джи-джитсу, еркін күрес, шахмат, үстел теннисі) машықтанып, түрлі жарыстардың биік тұғырларынан көрінуде.<blockquote>− Кентте жыл сайын жастар арасында кіші футболдан «Каратэ-до» Қазақстан чемпионы қара белбеу иегері Сәпи Ернұр мен өңірімізге еңбегі сіңген теміржолшы Алмат Айдарбекұлын еске алуға арналған турнир өтеді. Бұған 1989-2004 жылғы жастар қатысады. Жылда дәстүрге айналған бұл шара жастардың спортқа деген қызығушылығын оятады, − дейді кент әкімі.</blockquote>Мұнан бөлек 360 оқушы №189 орта мектеп жанынан ашылған 13 үйірмеге қатысуда. Оның қатарында волейбол, шахмат, футбол, ұлттық ойын түрлері, дойбы, үстел теннисі, каратэ-до, баскетбол, велоспорт секілді үйірмелер бар. Ал «Белкөл» кенті клубының жанынан 7 үйірме жұмыс жасап, 103 көркем өнерпазбен қамтылған. Олар түрлі деңгейдегі халақаралық, республикалық, облыстық байқауларға қатысып, кенттің мәдениет саласының өркендеуіне өз үлестерін қосуда. Биылдың өзінде белкөлдік жастар 5 халықаралық, 7 республикалық байқауға қатысып, жүлделі орындарға ие болды.Жастарды қолдау мұнымен толастамайды. Кенттің мақтанышына айналған «Әл-Азиз» орталығында 5 үйірмеге (ән, би, қолөнер, бастауыш білім беру, математика-логика) 150-ге жуық жасөспірім қатысады. Ал «Азиз» өнер мектебінде 166 жас домбыра, вокал, кескіндеме сурет үйірмелеріне қатысады.Жастардың уақытын тиімді пайдалануға бағыттау, оларды үйірмелермен қамту қоғам үшін маңызды. Бұл ретте «Белкөлде» белсенділік бар.Білім және денсаулықКентте 2 мектепте барлығы 963 оқушы, мектепалды даярлық тобында 202 бала екі ауысымда білім алуда. Сонымен қатар кенттің кішкентай тұрғындарына «Балапан» мемлекеттік балабақшасы, «Ғазиза» және «Дилмар» жеке балабақшалары қызмет етеді. Қазіргі таңда «Балапан» балабақшасында 180 бала, жеке балабақшаларда 25 бала тәрбиеленуде. Кенттегі балабақша мәселесі толығымен шешілген.Одан басқа мұнда мемлекеттік-жекеменшік әріптестік аясында салынған теміржол ауруханасына қарасты дәрігерлік амбулатория бар. Ол 2020 жылы пайдалануға берілген. Онда 12 мейірбеке, 2 кіші қызметкер жұмыс істейді. Күндізгі стационарда 8 орын қарастырылған. Ғимараттың жалпы ауданы – 687 шаршы метр. Жылу жүйесі газбен жылытылады. Ауызсу және электр энергиясымен толықтай қамтылған. «Бірқазан» елді мекенінде де мемлекеттік-жекеменшік әріптестік аясында салынған заманауи, талапқа сай медициналық бекет 2018 жылы пайдалануға берілген.Белкөлдіктер үшін ендігі бір мәселе – мәдениет үйінің жайы. Оның да шешімі табылар шақ алыс емес көрінеді.

Белкөл кентінің әлеуметтік-экономикалық жағдайы жақсаруда

<a href="https://kyzylorda-news.kz/">Kyzylorda-news.kz</a> Қазақстан Республикасында мемлекет, жұмыс беруші және қызметкер арасындағы жауапкершілікті базалық, міндетті және ерікті деңгейде бөлуді көздейтін әлеуметтік қорғау жүйесінің көп деңгейлі моделі қалыптасыпжәне бүгінде қарқынды жүзеге асырылуда.Міндетті әлеуметтік сақтандыру жұмыс істейтін азаматтарды әлеуметтік қорғаудың міндетті (қосымша) деңгейі ретінде Мемлекеттік әлеуметтік сақтандыру қоры (Қор) арқылы жүргізілуде.Міндетті әлеуметтік сақтандыру жүйесінің қаржы ресурстары жұмыс берушілердің жұмыскерлер үшін, сондай – ақ жеке кәсіпкерлер мен жеке практикамен айналысатын адамдардың өздері үшін Қорға төлейтін әлеуметтік аударымдары есебінен қалыптастырылады. Бұл ретте, еңбек шарттарын жасасқан жұмыскерлер үшін әлеуметтік аударымдар міндетті зейнетақы жарналары сияқты жұмыскердің жалақысынан ұсталынбайды, ол жұмыс берушілердің қаражаты есебінен төленеді. Бұл туралы Қызылорда облысы бойынша «Мемлекеттік әлеуметтік сақтандыру қоры» АҚ филиалы мәлімдеді.&nbsp;Әлеуметтік аударымдарды уақтылы және толық төлеу міндетті әлеуметтік сақтандыру жүйесіне қатысушыларға еңбек ету қабілетінен айырылуы, асыраушысынан айырылуы, жұмысынан айырылуы, жүктілікке және босануға байланысты, сондай-ақ бір жарым жасқа дейінгі бала күтіміне байланысты табысынан айырылуы сияқты әлеуметтік тәуекелдер туындаған кезде әлеуметтік төлемдер алуды қамтамасыз етеді.Міндетті әлеуметтік сақтандыру жүйесіне 6,4 млн-ға жуық жұмыс істейтін азамат қатысады және жыл сайын 1,2 млн. аса адам&nbsp;Қордан әлеуметтік төлемдер алады. 2005 жылдан бастап Қордан жалпы сомасы шамамен 4,2 трлн теңгеге төлемдер төленді, оның ішінде Қызылорда&nbsp;облысы бойынша 170 743,8 млн. теңге.Отандық еңбек нарығында болып жатқан өзгерістерді ескере отырып, атап айтқанда, «платформалық жұмыспен қамту» сияқты жұмысқа орналастырудың жаңа түрі кеңінен тарала отырып, әлеуметтік аударымдар төленуі тиіс тұлғалар санаты да кеңеюде.Мәселен, ҚР Әлеуметтік және Салық кодекстерінің нормаларына сәйкес, ағымдағы жылдың 1 қыркүйегінен бастап интернет-платформалар мен мобильді қосымшалар (мысалы: Яндекс, Uber, Glovo, Wolt және т.б.) арқылы қызмет көрсететін тұлғалар үшін, яғни мобильді қосымшаны пайдаланатынплатформалық жұмыспен қамтуға тартылған таксистер, курьерлер үшін арнайы салық режимі енгізілді.Интернет-платформа операторы (мысалы, "Wolt" тамақ жеткізушісі) табыстың 4% -. ұстайды, оның 1% - жеке табыс салығы, 1% - әлеуметтік аударымдар, 1% - міндетті зейнетақы жарналары және 1% - міндетті әлеуметтік медициналық сақтандыру жарналары.2025 жылдың 1 қаңтарынан бастап салық агенттерімен жасалған азаматтық-құқықтық сипаттағы шарттар&nbsp;бойынша табыс алатын, оның ішінде Қазақстан Республикасындағы халықаралық ұйымдардың өкілдіктерінде, Қазақстан Республикасында аккредиттелген шет мемлекеттердің дипломатиялық өкілдіктері мен консулдық мекемелерінде жұмыс істейтін жеке тұлғалардың кірістерінен әлеуметтік аударымдар ұсталатын және Қорға аударылатын болады.Әлеуметтік аударымдардың мөлшерлемесі 2025 жылғы 1 қаңтардан бастап 5% құрайтын болады. Бұл ретте, салық заңнамасына сәйкес, салық төлеушілер әлеуметтік салықтың есептелген сомасын Қорға төленген әлеуметтік аударымдар сомасына азайтады.Әлеуметтік аударымдар төленбейтін кірістерді қоспағанда, жұмыс берушінің еңбекке ақы төлеу ретінде табыс түрінде төленетін шығыстары әлеуметтік аударымдарды есептеу объектісі болып табылады.Айта кету керек, бір төлеушіден әлеуметтік аударымдарды есептеудің ай сайынғы объектісі республикалық бюджет туралы заңда тиісті қаржы жылына белгіленген ең төменгі жалақының (ЕТЖ) 7 еселенген мөлшерінен аспауы және 1 ЕТЖ-ден кем болмауы тиіс.Әлеуметтік тәуекелдер туындаған жағдайда Қордан төленетін әлеуметтік төлемдердің мөлшері жеке есептеледі және Қорға төленген әлеуметтік аударымдардың толықтығына және міндетті әлеуметтік сақтандыру жүйесіне қатысу өтіліне тікелей байланысты болады.Осыған байланысты, әлеуметтік төлемге жүгінер алдында Қорға келіп түскен әлеуметтік аударымдардың сомасын egov.kz электрондық үкімет порталы арқылы онлайн режимде және екінші деңгейдегі банктердің мобильді қосымшалары немесе жеке басын куәландыратын құжатпен «Азаматтарға арналған үкімет» мемлекеттік корпорациясының бөлімшесіне (ХҚКО) немесе Қордың филиалына жүгіне отырып тексеру қажет.2024 жылдың 8 айының қорытындысы бойынша шамамен 1,2 млн. адам жалпы сомасы 622,4 млрд. теңгеге Қордан әлеуметтік төлемдер алды, оның ішінде Қызылорда облысынан Қордан әлеуметтік төлемдерді жалпы сомасы 26 563,2 млн. теңгеге 58 780 адам алды.Қорытындылай келе, әлеуметтік тәуекелдер туындаған жағдайда жұмыс істемейтін азаматтармен салыстырғанда жұмыс істейтіндердің &nbsp;әлеуметтік қорғалуыжоғары екенін атап өткен жөн. Осыған байланысты, біздің азаматтарымыздың жұмысқа орналасқан кезде жасалған еңбек шарттарының болуы және әлеуметтік әріптестіктің барлық тараптарының (жұмыс берушілер, қызметкерлер және мемлекет)&nbsp;қолданыстағы заңнамада көзделген құқықтар мен міндеттерді сақтауы ерекше маңызға ие.Фото: Н.Нұржаубай

Міндетті әлеуметтік сақтандырумен қамтуды кеңейту

<a href="https://kyzylorda-news.kz/">Kyzylorda-news.kz</a> Белгілі блогер, желі жұлдызы Дина Төреәлі табысын сынаған оқырманына жауап берді. Бұл туралы <a href="https://stan.kz/baydin-kizina-soylemender-dina-toreali-orinsiz-syrak-ko-409352/">Stan.kz</a> ақпарат агенттігі хабарлайды.Желі белсендісі көпшілікке табыс табуға қатысты ақыл-кеңесін бөлісті.<blockquote>“Байдың қызына сөйлемеңдер, аузы қисық болса да осы сөйлесін” деп жазыпты-мыс. Менің қазіргі өмір сүруіме ешкім дайын нәрсені аузыма әкеліп, салып отырған жоқ. Жасым 21-де болса да, декретте отырсам да,&nbsp;әр күнімді тек қалай жақсартсам болады екен деп ойлаймын. Күйеудің айлығына қарап, немесе&nbsp;әке-шеше, ата-анаға ауыз ашып отырған жастар емеспіз. Кішкене диваннан тұрсаң, ақша табудың жолы көп. "Нан таппай отырғандар қаншама, ұят емес пе" деп айтатындар&nbsp;сол баяғы мыжылған менталитетпен өмір сүреді. Жұрт не дейді деп жалтақтау – әлі қалмапты. Мен Құдайдың рөліне кіріп кететін адамдардың қатарынан емеспін. Біреудің тағдырын, өмірін, жағдайын ойлап немесе аяп талқылайтын мен ешкім емеспін. Құдай аясын. Әркім өз әрекеті, ниетіне қарай, жасаған дұғасына қарай өмір сүретінін қабылдап тастаған адаммын”, – деп ашуланды блогер.</blockquote>Сондай-ақ ақша табу үшін әрекет ету керегін де еске салды.<blockquote>Өміріңде бірдеңе дұрыс емес пе, өзің кінәлісің. Әрекет етсең, бәрін өзгерте аласың. Мынадай ханымдар туралы бастасам, қазір байқамай ашуланып кетемін. Өз байлары аздық ете ме екен өздеріне?! Біздікілерді аңдып бола алмай отыр. Басқа уайымдары жоқ. Көрінбей кетсе, барып ұстап алайын деп пе едіңдер? Ойларыңның, ниеттеріңнің астарын түсіне алмай-ақ қойдым", — деп жазды желі жұлдызы.</blockquote>Айта кетейік,&nbsp;Дина Төреәлі 124 метрлік биік ғимараттың төбесіне шығып, 10 айға толған ұлына ерекше кеш ұйымдастырған еді.&nbsp;Фото:&nbsp;https://www.instagram.com/tattti_kyz/

"Байдың қызына сөйлемеңдер": Дина Төреәлі орынсыз сұрақ қойған оқырманына ренжіді

<a href="https://kyzylorda-news.kz/">Kyzylorda-news.kz</a> &nbsp;Бүгінде Жаңақорған ауданындағы 35 елді мекенге орталықтандырылған таза ауыз су жүйелері жүргізілген. Ал, электр желілерін жаңғырту мәселесін шешу мақсатында 10 жоба жүзеге асырылып, 9 елді мекеннің электр желілік жүйелері жаңғыртылмақ. Айта кету керек, аудан орталығы мен 19 елді мекеннің электр желілері толық жаңғыртудан өткен соң электр тарату жүйесінің тозу көрсеткіші 75 пайыздан 25 пайызға дейін төмендейтін болады. Жаңақорған ауданының әкімі Мәжит Самитов жыл басынан бері ауданда атқарылған жұмыстарды баяндады.<blockquote>– Жыл басында Шалқия, Құттықожа, Кейдер ауылдарындағы газдандыру жұмыстары аяқталып, тұрғындарға пайдалануға берілді. Одан бөлек газдандыру бойынша тағы 3 жобаның құрылыс жұмыстары жүргізілуде. Сондай-ақ, 40 жыл бұрын басталып, аяқсыз қалған Жаңақорған кентіндегі темір жол үстінен өтетін көпір құрылысына демеушілер есебінен жоба дайындалып, сараптамадан өткізілді. Ал, аудандағы 4 елді мекеннің 7 көшесіне жаяу жүргіншілер жолы салынып, 8 ауылдың 27 көшесі жарықтандырылатын болады, – деді Мәжит Самитұлы.</blockquote>Қазіргі таңда Жаңақорған ауданында 6 711 шағын және орта кәсіпкерлік субъекті бар. Аудандағы кәсіпкерлікті дамыту бойынша ұлттық жоба шеңберінде 82 жобаға мемлекеттік грант берілген. Аудан әкімінің айтуынша, биыл «Ауыл аманаты» бағдарламасы аясында биыл 101 жоба қаржыландырылып, 145 жаңа жұмыс орны ашылатын болады.<blockquote>– Тұрғындардың табысын арттырудың бірден бір жолы тұрақты жұмыспен қамту болғандықтан, жұмыссыздарды нәтижелі жұмыспен қамтуға баса мән беріп отырмыз. Жыл басынан бері жұмыс іздеуші ретінде жұмыспен қамту орталығына 3 050 адам хабарласса, жұмыссыздықтан әлеуметтік қорғау шараларымен 2 468 азамат қамтылды. Жалпы, хабарласқан тұрғындардың 72,4 пайызы жұмысқа орналастырылды. Есепті мерзімдегі ресми жұмыссыздар саны – 1 654 адам болып, жұмыссыздық деңгейінің 5 пайызын құрап отыр, – деді Мәжит Самитұлы.</blockquote>

Жаңақорған ауданында 9 елді мекеннің электр желілік жүйелері жаңғыртылмақ

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы, Қазақстан Республикасының Оқу-ағарту министрлігі және «Тең мүмкіндіктер әлемі» қоғамдық қорымен бірлесіп 1-6 желтоқсан аралығында Астана қаласында «Тең мүмкіндіктер» балалар инклюзивті спорт фестивалін өткізуді жоспарлап отыр.Осы бағытта Партияның Орталық аппараты жанындағы Саяси менеджмент мектебімен жиын өтіп, дайындық жұмыстары пысықталды.Жалпы партияның «Халықпен бірге!» деп аталатын Сайлауалды бағдарламасында ерекше қажеттіліктері бар азаматтарға қолдау көрсету, олардың өмір сүру жағдайларын жақсартуға айрықша көңіл бөлінген. «Кедергісіз келешек» жобасы аясында ұйымдастырылатын фестивальдің мақсаты: ерекше білім беру қажеттіліктері бар балалар мен олардың дені сау құрдастары арасындағы достық байланыстарын нығайту, олардың әлеуметтік белсенділігін, сенімі мен өзара сыйластықтарын арттыру.Жиыннан соң партияның облыстық филиалының Атқарушы хатшысы Ләйлә Төрешова білім, спорт, денсаулық сақтау секілді жауапты басқарма өкілдерімен бірге фестивальге қатысатын командалардың жол жүру, тұру, тамақтану, балалардың қауіпсіздігі секілді мәселелерді талқылап, шешу жолдарын нақтылады.&nbsp;

Балалар инклюзивті спорт фестивалін өткізу мәселесі пысықталды

&nbsp;<a href="https://kyzylorda-news.kz/">Kyzylorda-news.kz</a> Қызылордада тағдырлас жандарға қол ұшын беріп, қоғамға араласуына мүмкіндік жасау үшін құрылған бірлестік бар. «Жәудір» мүгедектер қоғамдық бірлестігі 2 жылдан бері жұмыс істеп келеді. Бірлестік директоры – Гүлсім Әбілова. Бүгінде 10 адамды жұмыспен қамтып отыр.<blockquote>– Менің негізгі мамандығым – филолог. Біраз жыл Байқоңырдағы мектепте мұғалім болып жұмыс істедім. Бірақ көру қабілетім нашарлап, оқушылардың дәптерін тексере алмадым. Дәрігерлер үшінші топқа шығарып, жұмыс істеуге болмайтынын айтты. Қаншама ем алғаныммен көзімнің көру қабілеті жақсармады. Қазір бірінші топ мүгедегімін. Талай жыл ұстаздық қызметте болғандықтан маған бұл ауыр тиді. Басқа жұмысқа денсаулығым жарамайды. Біршама уақыт қаладағы соқырлар қоғамында жұмыс істедім. Бұл жұмыс та көңілімнен шықпады. Содан осы бірлестікті ашуды ұйғардым. Біз түрлі өнімдер шығарамыз. Бірақ мақсатымыз – пайда табу емес. Мүмкіндігі шектеулі жандардың қолынан қандай іс келеді, соны барынша ұқсатып, өз-өзін қамтамасыз етуге үйретеміз, – дейді ол.</blockquote>Үш бағытта жұмыс істейтін бірлестікте тағдыр тауқыметін тартқан жандар шүйіркелесіп, бір үйдің адамдарындай әр істі келісіп атқарады. Қолөнер, тігін және емдік массаж бағытында өз-өздерін жұмыспен қамтып отырған жайы бар. Мәселен, қолөнер бағыты бойынша гипстен көптеген бұйымдар жасайды. Осында қаңтар айында қоғамдық жұмысқа орналасқан Ботагөз Бөлегенова гипстен қобдиша, тиын салғыш, доп, той табақ заттарын жасауды тез үйреніп алған.<blockquote>– Бұл бұйымдарды жасау үшін арнайы гипсті пайдаланамыз. Оны суға араластырып, қалыпқа құямыз. Қатқан соң қалыптан шығарып, оны бояп, әрлейміз. Өнімдердің барлығы қолжетімді бағада. Бір қобдиша бағасы көлеміне қарай 250-300 теңге аралығында сатылады. Күніне 100 қобдиша, 50 тиын салғыш шығаруға мүмкіндігіміз бар. Қазір тойдың маусымы болғандықтан тапсырыстар көп, – дейді ол.</blockquote>Мұнан бөлек балалардың жастығы, көрпе, көрпешелер, кейінгі кезде ұмытылып бара жатқан сыпыра тігуді де қолға алған. Сапалы матадан тігілетін болғандықтан сұраныс жақсы. Оның үстіне бағасы базардағыдай аспандап тұрған жоқ. Қол еңбегіне үстеме қоймай, тек шикізатқа кеткен тауардың бағасына ғана ақы алады. Сонымен бірге, жіп, тоқыма бұйымдарын да жасайды.Тағы бір бағыты бойынша мүмкіндігі шектеулі жандарға тегін емдік массаж қызметі де бар. Айына бір адамға қайырымдылық көмек керсетіледі. Мемлекеттен берілетін мүмкіндікті де пайдаланып, жұмысшы орнын субсидиялау бойынша айлық төленеді. Өз-өздерін қаржыландырып отырған бірлестік алдағы уақытта жұмыс ауқымын кеңейтіп, аудандардан филиал ашуды да мақсат етеді.<blockquote>– Алға қойып отырған мақсатымыз бар. Бірлестік енді аяққа тұрып келе жатқандықтан, бізге кәсіпкер инвестиция жасаса деген ұсынысымыз бар. Өйткені, қаражат жағы жетіспейді. Айналым да көп емес. Тек қолдағы барды тиімді пайдаланып отырмыз. Тігіншілік бағытын дамытып, заманауи цех ашуды көздейміз. Онда мақтаны жуып, түтіп, қайта тазартып жаңадан көрпеше жасауды қолға алғымыз келеді. Қазір осы салада сұраныс көп. Перде тігуді де жоспарлап отырмыз. Әрине барлығына қаражат керек. Ауданда филиал ашып, ол жақта да мүмкіндігі шектеулі жандарды қоғамға араластырып, еңбекке баулығымыз келеді, – дейді бірлестік директоры.</blockquote>Расында еңбек ете білген жанның несібесі мол болады. Мүмкіндігі шектеулі екеніне қарамастан жұмыстан қашпай, тіршілік қылып жүрген жандардың еңбегіне сырттай сүйсінесің. Өзгеге масыл болмай, өз-өзін еңбекке баулыған бірлестік жұмысшыларының ісі көпке өнеге.&nbsp;

Бірлестік жұмысшыларының еңбегі көпке өнеге

<a href="https://kyzylorda-news.kz/">Kyzylorda-news.kz</a> &nbsp;Қазігі таңда жеке кәсіп ашып, өз жұмысымды жандандырамын деген адамға мүмкіншіліктер көп. Соның бірі мемлекет тарапынан берілетін көмек. «Кәсіп нан сұамайды – өзі тамақтандырады» деп бекер айтылмаса керек-ті. Бүгінде Сырдария ауданында, оның ішінде ауданнан шалғай орналасқан елді мекендерде, мемлекет тарапынан қолдау көріп,адал еңбекті ту етіп, алдына айқын мақсат қойғандар шағын кәсіптен-ақ көктеп, дамып келеді. Соның бірі Сырдария ауданына қарасты берекелі Бесарық ауылының тұрғыны Гүлмира Смағұлова. Ол бүгінде сұранысқа ие «Балауса» наубайхана өнімдері кәсібін дөңгелетіп отырған жеке кәсіпкер.Кейіпкеріміз Гүлмира Өсербайқызы негізінде Шиелінің тумасы. Жас кәсіпкердің негізгі мамандығы – фармацевт. Ауыл халқының табысын арттыру, ауылдағы кәсіпкерлікті дамыту мақсатында қолға алынған «Ауыл аманаты» бағ­дарламасының қолдауы Гүлмираның арманын жүзеге асырды. Жеке кәсіпкер 2024 жылы «Ауыл аманаты» мем­ле­кеттік бағдарламасына қатысуға өтінім беріп, СПК-Байқоңырдан жеңілдетілген 2,5 пайызбен 7 миллион тең­ге несие алды. Осы қаражатқа кәсіпкер Бесарық ауылында екі адамды жұмыспен қамтамасыз етіп, наубайхананы іске қосқан болатын. Бүгінде наубайхана тұрақты түрде өз жұмысын жалғастыруда. Ауыл тұрғындары «өнімдердің сапасы жоғары әрі дәмі тіл үйіреді» деп жақсы бағалауда. Наубайханада қазіргі нарықта сұранысқа ие нан өнім­дерінің барлығы қамтылған. Жеке кәсіпкер жұмыс барысында барлық технологиялық талапты сақтай отырып, өнім сапасын түсіретін, тұтынушы талаптарына қайшы асығыс қарекеттерге жол берілмейтіндігін алға тартады. Наубайхана таңғы сағат 7-ден бастап кешкі 8-ге дейін үзіліссіз аптаның жеті күнінде де жұмыс істейді. Сонымен қоса түнгі және күндізгі ауысым қарастырылған.<blockquote>– Жеңілдетілген несие алу мүмкіндігі – мемлекет жасап отырған жақсы қолдау. Кім еңбекті жақсы көрсе, оған қашан да жанына жайлы жұмыс табылады. Мемлекет тарапынан кәсіпкерлерге берілер көмек көп. Оны тек тиімді түрде пайдалану қажет. Көпшілігі «наубайхана жұмысы ауыр ғой» деп жатады. Алайда несібе өздігінен келе бермейді. Тура жүріп, адал еңбек етсең ғана түбі қайтарымы болады. Кәсіп бастауға негізгі себептің бірі – ауыл дүкендерінде көбінесе нан болмай қалатын. Бұл әрі берекесі мол кәсіп. Қазақ «Ас атасы – нан» деп бекер айтпаса керек-ті. Сондықтан өз ісімді қасиетті ас наннан бастауды жөн көрдім. Екіншіден, қай өнімнің де сапасы дұрыс болса ғана сұраныс тоқтамайды. Мен мұны анық түсіндім, – дейді жеке кәсіпкер.</blockquote>Мемлекеттік қолдаудың игілігін көрген Гүлмира Өсербайқызы кәсібімен қатар берекелі шаңырақтың түтінін түтетіп отырған көпбалалы ана. Кәсіпкердің айтуынша оның осы кәсіпті бастап, дөңгелетуіне мүмкіндік жасап, себепкер болып отырған отбасының қолдауының арқасында. Осы орайда кейіпкеріміз өзінің жақындарына, қолдаушылары ата-енесіне және жұбайына үлкен алғысын білдіреді. Кейіпкеріміздің кенжесі небәрі 9 айлық. Соған қарамастан декреттік демалыста отырып, айлық нәрестесімен берекелі кәсіптің көзін тапқан кейіпкеріміздің жұмысы көпке үлгі болары анық.Қазір цехта бөлке нан, қара нан, батон, тәтті тоқаштар, бәліш, торт, самса секілді өнімдердің бірнеше түрін шығаруда. Одан бөлек кондитерлік және жартылай дайын өнімдерді де дайындайды. Наубайхана өнім дайындауға қажетті барлық заманға сай құрал-жабдықтармен қамтамасыз етілген. Жас кәсіпкер бұл саланы алдымен үйде өзі нан пісіруден бастаған. Кейіннен тапсырыс көбейген соң наубайхана ашуды мақсат етеді. Сапасына сақтықпен қарайтын кәсіпкердің ендігі мақсаты – алдағы уақытта өндіріс орнын кеңейтіп, жұмыссыз жас­тарды жұмыспен қамту. Бүгінде жеке кәсіпкер Гүлмира Өсербайқызы ісіне береке дарып, бүкіл ауыл тұрғындарын түрлі нан өнімдерімен қамтып отыр.Бұдан бөлек ауылдың 3 дүкеніне бөлке нан күнделікті өткізіледі. Сондай-ақ той-томалаққа, жиынға, құдайы тойларға үлкен көлемде тапсырыс қабылдайды. Өз кезегінде нарыққа жаңадан қосылған наубайхана сапалы өнімдермен қуанта берсін демекпіз.Алтынай Жүнісова

Сырдариялық наубайшының несібесі

<a href="https://kyzylorda-news.kz/">Kyzylorda-news.kz</a> &nbsp;Мемлекеттен берілетін қолдаудың арқасында өңірдегі ауыл шаруашылығы саласының дамуында оң динамика қалыптасып отыр. Жыл басынан бері ауыл шаруашылығы өнімдерінің көлемі 3,8 пайызға артса, қайта өңдеу өнімдерінің көлемі мен ауыл шаруашылығының негізгі қорына салынған инвестицияда да өсім бар. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев айтты.<blockquote>– Биыл облыс бойынша 189,4 мың гектар ауыл шаруашылығы дақылдары егіліп, агротехникалық талаптарға сай толық жинап алынды. Мұндағы негізгі дақыл күріштің көлемі 85,6 мың гектарды құрап, әр гектарынан 58 центнерден өнім алып, жарты миллион тоннаға жуық күріш жиналды. Сонымен қатар, күріштен басқа дәнді дақылдардан 18,5 мың тонна, майлы дақылдар 4,9 мың тонна, картоп, көкөніс, бақша өнімдерінен 352,7 мың тонна, мал азықтық дақылдары 367 мың тонна өнім өндірілді. Өңірдегі су тапшылығы жағдайын ескере келе күріштің көлемі 3,4 мың гектарға қысқартылып, есесіне мал азықтық және майлы, дәнді дақылдарды ұлғайттық. Өндірісте суды үнемдейтін технологияларды қолдануды қарқынды дамытудамыз. Су үнемдеу технологияларын пайдалану көлемі өткен жылмен салыстырғанда бірнеше есеге артып, 4 400 гектарға жеткізілді,- деді Талғат Тұрсынұлы.</blockquote>Ел қамбасын мол астыққа кенелтіп, саланың өсіп-өркендеуіне аталған сала еңбеккерлерінің қосқан үлесі зор. Олар өздерінің қажырлы еңбегімен ел қоржынын сары алтынға толтырып, үнемі үздік нәтижеге қол жеткізіп келеді. Мәселен, биыл жиналған 189,4 мың гектар ауыл шаруашылығы дақылдары дәл осы қызметкерлердің дамылсыз еңбегінің арқасы. Бүгін Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев сала қызметкерлерін мерекемен құттықтап, атқарылып жатқан жұмыстарға тоқталды.<blockquote>– Агроөнеркәсіптік кешен – қоғам үшін өмірлік маңызы бар өнімдер өндірілетін және орасан зор экономикалық әлеует шоғырланған кез келген ел экономикасының құрамдас бөлігі. Биыл өңірде 3 инвестициялық жобаны іске асыру жұмыстары басталды. Тамшылатып суару әдісімен 800 гектарға жүгері, жаңбырлатып суару әдісімен 184 гектарға сүрлемдік жүгері мен жоңышқа егілді. Су шығынын азайту мақсатында егістік жерлерді лазерлік тегістеудің маңызы зор. Соңғы жылдары диқандар күріш егістіктерінің 55 мың гектарын лазерлік тегістеуден өткізді. Нәтижесінде, суды үнемдей отырып, өнімділікті 30 пайызға арттырдық. Ауыл шаруашылығы саласының өндірісі аймағымыздың әлеуметтік экономикалық дамуында маңызы зор екенін ескере отырып, алдағы уақытта саладағы мақсат-міндеттерге қол жеткізу жолында қарқынды шаралар ұйымдастырылып, тиісті жұмыстар атқарылатын болады, - деді Талғат Тұрсынұлы.</blockquote><img src="https://knadmin.beoblood.kz/uploads/auylsharuashyly_y_3e6cb82507.jpg" alt="ауылшаруашылығы.jpg">Фото: aikyn.kz

Биыл облыстағы ауыл шаруашылығы өнімдерінің көлемі артты

<a href="https://kyzylorda-news.kz/">Kyzylorda-news.kz</a> Сырдария ауданының орталығы Тереңөзектен шалғайда жатқан Іңкәрдария ауылы өзінің 60 жылдығын тойлады. Ауылдағы білімнің қарашаңырағы саналатын №191 орта мектебі де 1964 жылы құрылған. Ауыл тарихымен бірге жасап келе жатқан мектепті &nbsp;осы жылдар ішінде жүздеген түлектер бітіріп, еліміздің түкпір-түкпірінде қызмет атқаруда. Қызылқұмдағы ауылдан шыққан азаматтардың қатарында профессорлар, ғылым кандидаттары, мұғалімдер, дәрігерлер, журналистер, экономистер, ауылшаруашылығында жұмыс істейтін мамандар да бар.&nbsp;Ауылдағы білім ошағы 1990 жылы 624 орындық қос қабатты ғимарат болып қайта салынғанда ел-жұрттың қуанышында шек болмады. Жаңа типті оқу орнының талабы мен сұранысына сай білім ордасында оқу-тәрбие үрдісін ізгілендіру жолында игі жұмыстар атқарылып келеді.<blockquote>– Мектеп – ғылым ғимараты. Сондықтан мектептегі тәртіп мүлтіксіз орындалуы тиіс. Мектептегі басты принциптердің бірі – балаларды оқуға қызықтыра отырып білім беру.&nbsp;Мектеп те – мешіт секілді қасиетті орын. 2023-2024 оқу жылын 185 оқушы аяқтады. 50 оқушы оқу озаты, 48 оқушы оқу екпіндісі болды. Бұл оқушылардың білім сапасының 67 пайызын көрсетті. Мектепте 16 кабинет жұмыс жасайды. 42 компьютер бар, 2 компьютер интернет желісіне қосылған. Оқушыларға 38 мұғалім дәріс береді. Оның 35-і жоғары білімді, 3-і арнаулы орта білімді. Бірқатар пән электронды оқулықпен оқытылады.Жыл сайынғы оқушылардың білімін сарапқа салатын Ұлттық бірыңғай тестілеу Қазақстан Республикасында қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі. Жыл сайын ҰБТ-ға қатысқан оқушының барлығы да грант иегері атанып жүр.2023-2024 оқу жылында орта мектепті 8 оқушы аяқтады. Осы оқу жылында 11 сынып оқушылары Әйгерім Дайрабайқызы «Алтын белгі», Әсемай Бекет «Үздік аттестат» иеленсе, негізгі мектепті бітіруші Шұғыла Әбдіразақ, Жайна Кәдірқызы, Айтолқын Темірбай, Аяулым Іңкәрбекқызы «Үздік аттестат» иегерлері атанды. Республикалық «Дарын», «Зерде» ғылыми жобалар сайыстарына оқушыларымыз белсене атсалысып келеді. Биылғы оқу жылында 10 оқушымыз қатысып, оның үшеуі аудандық кезеңде жүлделі орындармен марапатталды. Оқушыларды іскер­лікке, еңбекке, төзімділікке үй­ре­ту мақсатында қолөнер, шахмат, волейбол, футбол, ән-хор, домбыра үйірмелері жұмыс жасайды, – дейді мектеп директорының&nbsp;орынбасары Елена Сейдахметова.</blockquote>Елена Сейдахметованың айтуынша, қазіргі жаңа технологияға байланысты жаңартылған білім мазмұны бойынша 33 педагог, яғни 84,6% білімдерін жетілдірген. Деңгейлік курстан барлығы 6 педагог білім жетілдірсе, олардың 2-еуі І (ілгері) деңгей, 4-еуі ІІІ (базалық) деңгей бойынша бітірді. Тілдік курстан 1 педагог өткен. Химия және биология пәнінің мұғалімі Әйгерім Жәлімбетова В2, С1 деңгейі бойынша аяқтаған. Қысқа мерзімді түрлі тақырыптағы жаңа технологияға байланысты, критериалды бағалау, инклюзивті білім беру, жекелеген пән бойынша да кезекпен жылда 20-25 педагог білім жетілдіріп отырады. Мектепте 4 жас маман бар. 2-еуі жоғары, 2-еуі арнаулы орта білімді.Өткен оқу жылы бойынша «Жаңа жыл – жаңа қадам, жаңа бағыт» акциясы өтіп, әлеуметтік қолдауды қажет ететін көмекке мұқтаж және мектеп оқушыларына жаңа жылдық сыйлық беру мақсатында «Ақ­жарма және К» ЖШС төрағасы Қайрат Нұрсейітов, «Думан» сауда үйінің директоры Мей­рамбек Қонақбаев, «Ақжарма 1» ЖШС төрағасы Марат Бисенов, «Биали спорт» компаниясының директоры Асхат Шаукенбаев, ауыл кәсіпкерлері Салтанат Несіпбаева, Ақгүл Сәрсенбаева оқу құралдарымен қамтамасыз еткен.<blockquote>– Мектептің 4 оқушысы үйден оқы­тылады. Оларға мектеп мұғалім­дері үйлеріне барып білім береді. «Қара­қасқа» елді мекенінен, №42 бекеттен 10 оқушы тасымалданады.Мектеп жанынан 2009 жылы «Еркетай» шағын орталығы ашылған бола­тын. Онда 2 топта 40 бала тәрбие­ленуде. Ел ертеңі – жас ұрпақты саналы тәрбие, сапалы білім берген мектеп ұжымы тағы бір оқу жылын табысты аяқтап, жаңа оқу жылына дайындықты бастап кетті, – дейді Елена Сейдахметова.</blockquote>Соңғы оқу жылдарында мектеп оқушылары саламатты өмір салтын ұстану мақсатында спорттық үйірме­лерге қатысып, түрлі сайыста жүлделі орын иеленуде.Мәселен, «Бесасық» ұлттық ойын түрінен мектеп командасы ауданның алды болып, облыстық сайысқа қатысып, жақсы нәтижеге жетті. Шағын футболдан аудандық, облыс­тық жарыста бірінші орын иеленіп, республикалық сайысқа қатысты. Сонымен қатар волейболдан мектеп спортшылары ауданда үздік шығып, облыстық сайысқа жолдама алды. Жас спортшылардың арасында қол күрестен ауданда жоғары нәтижеге жеткен шәкірттер мектеп, ауыл мақтаныштары. Үйірме жетекшісі – Іңкәрбек Аяпов, Саят Байманов, Медет Төкенов оқушыларды спортқа баулып, жетістіктерге жетуде.«Мектеп театры» жобасымен «Шам­шырақ» мектеп театрының мүше­­­лері сахна қойылымын шебер орындауға үйренуде. Үйір­ме мүше­лері түрлі сахналық қойы­лым­дармен бай­қау­ларға қатысып, жүлделі орындарды жеңіп алды. Театр жұмы­сының жандануына ата-ана­лар тарапынан қолдау көрсетілуі де үлкен жетістік екенін айту керек.Бибісара ЖАНӘЛІ<img src="https://knadmin.beoblood.kz/uploads/Syrdariya_9247f2c1c4.jpg" alt="Сырдария.jpg">Фото: baq.kz

Қазақстан және Қызылорда облысының жаңалықтары