<a href="https://kyzylorda-news.kz/">Kyzylorda-news.kz</a> «Ұлағат» білім ордасы» мектебінде қалаға қарасты білім ошақтарының он саусағы майысқан шеберлері мен өнер иелері бас қосты. «Өнерлі ұрпақ – ел болашағы» атты қолөнер бойынша облыстық көрме-жәрмеңке сайысында бақ сынаған оқушылардың әрқайсысы бір-бір оқу орнының үмітін арқалап келген. Тартысты дода Қызылорда облысының мәдениет, архивтер және құжаттама басқармасының қолдауымен жеке кәсіпкер «Ербаеваның» «DamuBala» платформасы аясындағы үйірмелер мүшелері арасында өтті.<img src="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp 815w, https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6-768x1100.webp 768w" sizes="(max-width: 815px) 100vw, 815px" width="815" loading="lazy">Алдымен қадірменді қонақтар білім ошағының базасында жасақталған көркем гимнастика, қазақ күресі, шахмат, теннис, садақ ату тәрізді үйірмелердің жұмысымен танысты. Ал мұнан соң сайыс төрінде өнер көрсететін әрбір шебердің туындысын жеке-жеке тамашалады. Оқушылар тұрмысқа қажетті түрлі бұйымдарды өздері қолдан жасап жатты. Тағы бірі картина тоқыса, енді бірі бисерден бұйымдар жасады. Мұның барлығы балалардың бойынан талантты тап басып танып, бұлақ көріп, көзін ашып жүрген ұстаздардың мол еңбегінің нәтижесі екені даусыз.<img src="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp 1177w, https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507-768x737.webp 768w" sizes="(max-width: 1177px) 100vw, 1177px" width="1177" loading="lazy"><blockquote>– Тәуелсіздік мерекесінің қарсаңында ұйымдастырылып жатқан байқауымыз біздің шәкірттеріміздің жан-жақты, өнерлі, білімді, талантты екенін көрсетті. Біздің болашағымыз – осы балалар. Олардың дұрыс жолда қалыптасып, дамуы жолында әркез тер төге бермекпіз. Өнерлерің өрге жүзсін, – деді мектеп директоры Елжан Әжібеков.</blockquote><img src="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp 1024w, https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874-768x397.webp 768w" sizes="(max-width: 1024px) 100vw, 1024px" width="1024" loading="lazy">Сайысқа қорытындысы бойынша «ORDA school» мектебі І орынды қанжығасына байлады. Ал «Samruk kids» оқу орталығы ІІ орынды еншіледі. «Алаш арыстаны» спорт шығармашылық орталығына да ІІ орын бұйырды. Үздік үштікті түйіндеген қос қатысушы Жаңақорған ауданынан «Бала-ART» өнер орталығы мен ЖК «Ербаева» кәсіпкерлігі ІІІ дәрежелі дипломмен марапатталды.Сайысқа қатысқан орталықтар мен жеке мектеп жетекшілері Қызылорда қаласы әкімінің алғыс хатымен марапатталды.

Өнерлі ұрпақ – сайыс төрінде

<a href="https://kyzylorda-news.kz/">Kyzylorda-news.kz</a> &nbsp;Құрметті жерлестер!Баршаңызды еліміздің азаттығын және жаңа тарихи кезеңде дербес даму жолына түскенін әйгілеген Тәуелсіздік күнімен құттықтаймын!Бұл – халқымыздың мызғымас бірлігін айшықтайтын мейрам. Осы күні еліміз азаттыққа ие болып, жаңа тарихи дәуір басталды. Мемлекет басшысы Қасым-Жомарт Кемелұлы «Біз тамыры терең мемлекеттігіміздің маңызды белестерін ұлықтап, ұлтты ұйыстыратын ортақ құндылықтарды нығайта береміз. Сол арқылы қастерлі Тәуелсіздігіміздің тұғырын биіктете түсеміз», – деп атап өтті. Тәуелсіздік жылдары еліміздің әлеуметтік-экономикалық әл-ауқаты артып, мәдени-рухани келбеті жоғары деңгейге жетті.&nbsp;Ұлтаралық татулық пен дінаралық келісім салтанат құрды. Жас мемлекетіміздің қалыптасуына, бүгінгі шыққан биігі мен қол жеткізген жетістіктеріне Сыр елінің қосқан үлесі зор.&nbsp;Бүгінде аймақ бюджеті еселеп артып, басым бөлігі әлеуметтік салаға бағытталуда. Ауқымды инвестициялық, инфрақұрылымдық жобалар жүзеге асырылып, тұрғындардың тұрмыс-тіршілігін жақсартуда маңызды шешімдер қабылданып келеді.Қадірлі ағайын!Тәуелсіздік мерекесі құтты болсын!&nbsp;Әрбір қазақстандықтың жүрегінде Отанға деген сүйіспеншілік сезімі күшейіп, болашаққа деген сенімі арта түссін.&nbsp;Сіздерге зор денсаулық, мол бақыт, табысты еңбек тілеймін.Еліміз аман, жұртымыз тыныш болсын!

Облыс әкімі Нұрлыбек Нәлібаевтың Тәуелсіздік күнімен құттықтауы

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан халқын Тәуелсіздік күнімен құттықтады.<ul><li style="text-align:justify;">Құрметті отандастар!</li></ul>Сіздерді Тәуелсіздік күнімен құттықтаймын!Бұл – халқымыздың азаттық туралы арманы ақиқатқа айналып, елдік дәстүрлеріміз жаңғырған күн. Осы мерейлі мерекеде бәріміз бабалар аманатына әрдайым адал болудың және ұлт болашағына зор жауапкершілікпен қараудың мән-маңызын терең түсінеміз. Себебі тәу етер Тәуелсіздігіміз – баршаға ортақ құндылық әрі барлық игілігіміздің бастауында тұрған баға жетпес байлық. Тәуелсіздігімізден биік еш нәрсе жоқ. Оны көздің қарашығындай қорғау – әр азаматтың перзенттік парызы.Бүгінде Қазақстан халықаралық деңгейдегі абырой-беделі жоғары, стратегиялық бағдары айқын мемлекет ретінде болашаққа нық сеніммен қадам басып келеді. Халқымыз бұған еселі еңбек пен ырысты ынтымақтың арқасында қол жеткізді. Біз осы берекелі бірлігімізді, қоғамдағы тыныштық пен тұрақтылықты сақтай отырып, қиындықтың бәрінен сүрінбей өтеміз. Тәуелсіз еліміз өркениетті, озық мемлекет ретінде дами береді.Баршаңызға зор денсаулық, мол табыс тілеймін!Қастерлі Отанымыз өсіп-өркендей берсін! – делінген құттықтауда.Айта кетейік, бүгін Қазақстан Республикасының «Мемлекеттік тәуелсіздігі туралы» Конституциялық Заңға қол қойылғанына 33 жыл толып отыр.Фото: Ақорда

Тәуелсіздігімізден биік еш нәрсе жоқ – Президент

<a href="https://kyzylorda-news.kz/">Kyzylorda-news.kz</a> Қазақстан Республикасы Қаржы министрлігінің Мемлекеттік кірістер комитеті халықаралық тасымалдарды жүзеге асыру кезінде тасымалдаушылар мен басқа да мүдделі тараптарды қысқы кезеңдегі ауа райы жағдайлары мен автожолдардағы қозғалыс шектеулерін ескеруге шақырды, – деп хабарлайды <a href="https://aikyn.kz/">Aikyn.kz.&nbsp;&nbsp;</a>Әдетте, қолайсыз ауа райы жағдайларына байланысты, әсіресе қазақстан-қытай шекарасында, автомобиль өткізу пункттерінің өткізу мүмкіндігінің төмендеуі мүмкін. Бұл өңірде төмен температуралар мен қатты желдерге байланысты қытай тарапының белсенділігі азаюы ықтимал.Сонымен қатар, Қазақстан Республикасы Үкіметі мен Қытай Халық Республикасы Үкіметі арасындағы Қазақстан-Қытай мемлекеттік шекарасы арқылы өткізу пункттері туралы келісімге сәйкес, екі елдің мерекелік күндерінде өткізу пункттерінің жұмысы уақытша тоқтатылады.Жақын арада Қазақстан Республикасының Тәуелсіздік күнін мерекелеуге байланысты 2024 жылғы 16-17 желтоқсан аралығында қазақстан-қытай шекарасындағы автомобиль өткізу пункттерінде адамдарды, көлік құралдарын және жүктерді өткізу жүзеге асырылмайды.Қазақстан-Қытай шекарасындағы теміржол өткізу пункттері штаттық режимде жұмысын жалғастырады. Осыған байланысты, комитет тасымалдаушыларға маршруттарды алдын ала түзетіп, өткізу пункттері жұмысының кестесіндегі ықтимал өзгерістерді ескеруді ұсынады.Комитет өткізу пункттері жұмысының өзгеруіне жедел ден қою және тасымалдаушыларды уақытылы хабардар ету үшін көрші елдердің құзырлы органдарымен белсенді ынтымақтастық жасап жатыр.<blockquote>«Уақытша қолайсыздықтарға түсіністікпен қарауларыңызды сұраймыз», – делінген хабарламада.</blockquote>Фото: gov.kz

16-17 желтоқсанда Қазақстан-Қытай шекарасындағы бекеттер жұмыс істемейді

<a href="https://kyzylorda-news.kz/">Kyzylorda-news.kz</a> Алматыда метрополитенінде жолаушы рельстерге құлап кетті. Оқиғаның бейнежазбасы әлеуметтік желілерде <a href="https://kaz.inform.kz/news/almati-metrosinda-zagip-zholaushi-relsterge-kulap-mert-boldi-82b9e2/">таралды.</a>Қайғылы оқиға «Абай» метро бекетінде болған. Алматы қаласы Полиция департаментінің мәліметіне сәйкес, рельске құлап кеткен 26 жастағы жігіт мерт болды.<blockquote>–Аталған дерек бойынша тергеу амалдары жүргізіліп жатыр. Оқиға салдарынан 26 жастағы зағип жігіт көз жұмды. Оқиғаның басқа да&nbsp;мән-жайлары анықталады, — деп хабарлады қалалық ПД баспасөз қызметі.</blockquote>Еске салайық, бұған дейін Алматының метро бекеттерінде биыл 70-тен астам қауіпті заттар табылғанын жазғанбыз.&nbsp;Бұдан бөлек, Алматының метро бекеттерінде кітап автоматтары орнатылатыны белгілі болды.Фото: Александр Павский/ Kazinform

Алматы метросында зағип жолаушы рельске құлап, мерт болды

<a href="https://kyzylorda-news.kz/">Kyzylorda-news.kz</a> Астана қаласындағы 86 мектеп-гимназиясының 2 сынып оқушысы Әбдіқайым Мұхаммедғали шахматтан Тайландта өткен Азия чемпионатында алтын медаль алды, деп хабарлайды&nbsp;<a href="https://qaz365.kz/sport/10791-segiz-zhasar-kazakstandyk-okushy-shakhmattan-aziia-chempiony-atandy/">Qaz365.kz</a>.Қалалық білім басқармасының баспасөз қызметінің ақпаратынша, сегіз жасар оқушы бұған дейін Шахмат ойынынан өткен «Akbulak Open 2023 « халықаралық турнирдан үш мәрте күміс&nbsp; жүлдегері атанып, әлем чемпионаттарына қатысқан.<blockquote>«Бұл Әбдіқайым Мұхаммедғалидің алғашқы алтын медалі», – делінген хабарламада.</blockquote>Фото: Астана қаласының білім басқармасы

Сегіз жасар қазақстандық оқушы шахматтан Азия чемпионы атанды

<a href="https://kyzylorda-news.kz/">Kyzylorda-news.kz</a> Жуырда президент Қасым-Жомарт Тоқаев «ҚР кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы»&nbsp;заңға қол қойған.&nbsp;Осы құжатта «Отбасы банкке» қатысты біраз жаңашылдық бар. Солардың негізгісі жарты жылдан кейін «Отбасы банк» Ұлттық даму институтына айналып, әкімдіктер баспана кезегін «Отбасы банкке» тапсырады. Осылайша үй кезегінде тұрғандардың бірыңғай республикалық базасы құрылады, деп хабарлайды&nbsp;<a href="https://azattyq-ruhy.kz/society/81442-memlekettin-komegimen-ui-algan-adamdardyn-aty-zhoni-endi-otbasy-banktin-saitynda-turady">Azattyq Rýhy.</a>Отбасы банктің Ұлттық даму институтына айналу процесі алты айға созылады. Осы аралықта банк «Тұрғын үймен қамтамасыз ету орталығы» ақпараттық жүйесін іске қосады. Ал әкімдіктер 2025 жылғы 24 мамырға дейін тұрғын үй кезегін Отбасы банкке тапсыруға тиіс. 24 мамырдан бастап қазақстандықтардың баспана кезегіне қою туралы өтініштері осы ақпараттық жүйе арқылы онлайн қабылданады. Тұрғын үймен қамтамасыз ету орталығы өтініш берген азаматтардың үйі бар-жоғын, отбасылық және қаржылық жағдайын автоматты түрде тексереді.<blockquote>«Отбасы банк Ұлттық даму институты болғаннан кейін кезекте тұрғандардың бірыңғай республикалық базасын жүргізіп, «Тұрғын үймен қамтамасыз ету орталығы» арқылы үйге мұқтаж азаматтардан жаңа өтінім қабылдайды. Мұның бәрі Baspana market (otbasybank.kz) порталында жүргізіледі. Ол жерде алдымен авторизациядан өтіп, электронды цифрлық қолтаңбамен қол қою арқылы өтінім беру қажет. Баспанаға мұқтаждар тізіміне екі талапқа сай келетін қазақстандықтар ғана енеді – соңғы бес жыл ішінде меншік құқығында үйі болмаған және жалғыз тұрғын үйі апатты деп танылғандар», – деп түсіндірді Отбасы банк.</blockquote>Егер апатты деп танылған жалғыз баспанасы басқа елді мекенде орналасса, бұл азамат кезекке алынбауы мүмкін. Мысалы, апатты деп танылған үйі Алматы облысында орналасып, ал ол өзі Алматы қаласында кезекке тұруға тырысса, оның өтініші қабылданбайды.Сондай-ақ, үйге мұқтаж жандар арасында пәтер бөлу кезекке тұрған күніне ғана емес, табыс деңгейіне де байланысты болады. Мәселен, егер отбасының кірісі әрбір мүшесіне шаққанда бір күнкөріс деңгейін немесе 43 407 теңгені құраса, оған тұрғын үйдің арендалық төлемін субсидиялау немесе жергілікті атқарушы органдардың жалға берілетін пәтері ұсынылады.Ал егер отбасының табысы күнкөріс деңгейінен жоғары болса, онда оған ең төменгі бастапқы жарнасы бар және жылдық 2%-дан (ЖТСМ 2%-дан 2,1%-ға дейін) 9%-ға (ЖТСМ 9,3%-дан 11,8%-ға дейін) дейінгі мөлшерлемелер бойынша тұрғын үй бағдарламалары ұсынылады.<blockquote>«Отбасы банк тұрғын үй кезегінде тұрған азаматтардың және соңғы 2 жыл ішінде мемлекеттің қолдауымен баспаналы болғандардың тізімдерін өзінің ресми сайтында жариялап отырады. Бұған қоса тұрғын үйге кезегінде тұрған азаматтардың тізімдерін тоқсан сайын түгендеп, жаңартып тұрады», – деп мәлімдеді Отбасы банк.</blockquote>Отбасы банк Ұлттық даму институтына ауысқанға дейін жергілікті әкімдіктер тұрғын үйге мұқтаж азаматтарды есепке қою жұмысын жалғастырады.Отбасы банк Ұлттық даму институты болып қайта құрылғаннан кейін де екінші деңгейлі банк ретінде қалады. Яғни банк тұрғын үй құрылыс жинақ жүйесін іске асырады. Бұрынғыдай барлық қазақстандыққа қолжетімді несие, сондай-ақ баспана кезегінде тұрған азаматтарға мемлекеттік бағдарламалар аясында жеңілдетілген заем береді.Бұдан бөлек жеке тұрғын үй қорынан жалға алынған баспананың арендасын субсидиялау тетігі де Отбасы банктің құзыретінде қалады.Фото: Azattyq Rýhy/Әбілқасым Есентаев

Мемлекеттің көмегімен үй алған адамдардың аты-жөні енді Отбасы банктің сайтында тұрады

<a href="https://kyzylorda-news.kz/">Kyzylorda-news.kz</a> Екінші тоқсанның аяқталуына санаулы күндер қалды. Қысқы каникул кезеңі 2024 жылдың 30-желтоқсаны мен 2025 жылдың 8-қаңтарын қоса алғанда он күнге созылады, деп хабарлайды BAQ.KZ.Мектеп оқушыларының қысқы демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары жасалды. Ол бойынша мектептерде бірқатар білім беру, спорттық, мәдени және шығармашылық іс-шаралар өткізу жоспарланған:* «Оқуға құштар мектеп» жобасын іске асыру аясында «Қыста кітап оқимыз, жадымызға тоқимыз» мектепішілік іс-шарасы; * театр фестивальдері мен қойылымдары; * жаңа жылдық әшекейлер жасау бойынша шеберлік сабақтары; * қауіпсіздік сабақтары; * мұражайларға, ғылыми орталықтарға және тарихи ескерткіштерге танымдық экскурсиялар; * спорттық ойындар, коньки, шаңғы тебу; * қайырымдылық акциялары және басқа да шаралар.Ең бастысы – балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алуға, мектептің ішкі тәртібін сақтауға, балалардың көшедегі қауіпсіздігіне, үйдегі өрт қауіпсіздігі және киберқауіпсіздікке ерекше назар аударылады.Айта кетейік, бұл іс-шаралар білім беру ұйымдарына әдістемелік ұсыным ретінде жолданады.

Оқушылар қысқы каникулда неше күн демалады?

<a href="https://kyzylorda-news.kz/">Kyzylorda-news.kz</a> Үкімет басшысы Олжас Бектенов елімізде тұрғын үй саясатына қатысты бірқатар проблеманы тізіп берді, деп хабарлайды&nbsp;<a href="https://el.kz/baspana-kezeginde-turgyn-uyge-muqtazh-azamattar-gana-boluy-kerek-bektenov_400005503/">El.kz</a>&nbsp;ақпарат агенттігі. &nbsp;<blockquote>Мен тізімдерді түгендеп, бір жүйеге келтіруді тапсырған болатынмын. Бірақ бұл жұмыс әлі аяқталған жоқ. Сондықтан оны тездету керек. Баспана кезегінде шынымен мұқтаж азаматтар ғана болуы керек, — деп атап өтті Олжас Бектенов.</blockquote>Ал өнеркәсіп және құрылыс министрі Қанат Шарлапаев биылғы қаңтар-қараша айларында 16 миллион шаршы метр тұрғын үй салынғанын, бұл өткен жылдың сәйкес көрсеткішімен салыстырғанда 107%-ды құрайтынын айтты.&nbsp;&nbsp;Премьер-министр Олжас Бектенов құрылыс индустриясы – ел экономикасындағы негізгі салалардың бірі екенін, оның тұрғын үймен қамту, инфрақұрылымды дамыту және жұмыс орындарын құруға тікелей әсер ететінін атап өтті.Мемлекет басшысы 2029 жылға дейін жаңадан 111 млн шаршы метр тұрғын үй салу міндетін қойды. Бұл міндет жүйелі негізде және кезең-кезеңімен орындалуы тиіс.Біз өткен жылы Тұрғын үй-коммуналдық инфрақұрылымды дамыту тұжырымдамасын қайта қарадық. Онда азаматтардың тұрғын үй жағдайын жақсартуға бағытталған ауқымды іс-шаралар қамтылған. Қазіргі таңда нәтижесі жаман емес. Жаңа тұрғын үй құрылысы жыл сайын ұлғайып келеді.<blockquote>Биыл Үкімет аталған секторды одан әрі ынталандыру мақсатында қосымша шараларды іске асырды. Атап айтқанда, Тұрғын үй саясатын реформалау туралы заң қабылданды. Ол баспанамен қамтамасыз етудің ашық әрі түсінікті жүйесін құруға мүмкіндік береді. Сонымен қатар жаңа жеңілдетілген ипотекалық бағдарламалар іске қосылып, қаржыландыру көлемі артты, – деп атап өтті Олжас Бектенов.</blockquote>Фото: t.me/KZgovernment

Баспана кезегінде тұрғын үйге мұқтаж азаматтар ғана болуы керек – Бектенов

<a href="https://kyzylorda-news.kz/">Kyzylorda-news.kz</a> Қызылорда облыстық Қазақстан халқы Ассамблеясының Ақсақалдар кеңесі 2024 жылдың 22 қарашасында, Қызылорда қаласының Достық үйінде «Жұқпалы инфекциялық аурулардың алдын алуға байланысты атқарылып жатқан жұмыстар және басты мәселелері» тақырыбында отырыс өткізді.Жұқпалы аурулар – ауруды тудыратын микроорганизмдердің кесірінен пайда болатын және жұқтырған адамнан сау адамға берілетін ауру түрі. Біздің ағзамыздың кез келген мүшесі инфекцияға сезімтал болып келетіндіктен, әрбір адам кемінде жылына бір ретте осы аурумен ауырады екен. Сондықтан да ол басқаларға қарағанда, ең көп кездесетін ауру түрі болып саналады. Аурудың алдын алу үшін, ең бірінші, салауатты өмір салтын ұстану қажет. Себебі, ауруға қарсы бейімділігі төмен болып, тезірек жазылуына мүмкіндік туады. Сонымен қатар жеке гигиена ұстану қажет. Сырттан келген жағдайда, болмаса, тамақтанудың алдында міндетті түрде қолды жуу керек. Егер де ауамен тасымалданатын инфекция түрі болатын болса маска киіп, адамдар көп жиналатын жерлерден алшақ болу тиіс.Отырысқа, күн тәртібіндегі мәселеге сәйкес, Қызылорда облысының санитариялық-эпидемиологиялық бақылау департаменті мен Қызылорда облысының денсаулық сақтау басқармасының өкілдері шақырылып, хабарлама жасады.Хабарламада белгілі болғандай, облыста сальмонеллез, қызылша, жіті вирусты гепатит, жіті вирусты гепатит А, көкжөтел секілді жұқпалы аурулардың өсу қарқыны анықталған. Соның ішінде, жедел вирусты гепатит «А» ауруы өткен жылмен салыстырғанда 1,5 есеге өскен. Ауруға шалдыққандардың 80 пайызы гепатитке қарсы егілмегендер. Оның ішінде егуден түбегейлі бас тарту мен вакцинаның 2013, 2015, 2017 жылдары үзіліспен берілуі де бүгінгі таңда аурушандықтың өршуіне өз әсерін тигізді. Сондай-ақ, қызыша, көкжөтел, малдан жұғатын аурулар да санитариялық және медициналық тазалықты ұстанбағандықтан және алдын алу үшін егуден бас тартудан көбейіп отырғаны белгілі.Қазақстан Республикасының Конституциясында көрсетілгендей, мемлекеттің ең қымбат қазынасы – адам және адамның өмірі, құқықтары мен бостандықтары болып табылады. Жұқпалы инфекциялық және аса жұқпалы инфекциялық ауруларды алдын алудың басты қағидасы тұрғындар арасында түсіндірме жұмыстарын жүргізу болып табылады.Жоғарыда келтірілген мәселені негізге ала отырып, Қызылорда облыстық Қазақстан халқы Ассамблеясының Ақсақалдар кеңесі аймақ тұрғындарын көзге көрінбейтін кесел болып табылатын жұқпалы инфекциялық аурулармен саналы түрде бірлесіп күресуге шақырады:<ul><li>салауатты өмір салтын ұстануға;</li><li>тазалық жеке гигиенасын сақтауға;</li><li>мерзімді екпе алудан бас тартпауға;</li><li>медициналық қызметкерлердің емдеу және алдын алу жұмыстарына жәрдемдесуге;</li><li>бағулы малдарды уақытылы ветеринариялық тексеруден өткізуге;</li><li>қоғамдық орындарды (көшелерді, сауда және жұмыс орындарын, логистикалық қызмет көрсету нысандарын және т.с.с.) таза ұстауға;</li><li>өздеріңізден аурулардың белгілері анықталған жағдайда оқшалануға;</li><li>сынамадан өтіп, рұқсат етілген вакциналарды пайдалануға кедергі жасамауға.</li></ul>«Ауырып ем іздегенше, ауырмайтын жол ізде!», – дейді дана халқымыз. Жарқын болашақ тек қана дені сау ұлттың қолында екенін ұмытпайық, ағайын!Фото: Ассамблея Қызылорда

Қызылорда облыстық Қазақстан халқы Ассамблеясының Ақсақалдар кеңесінің аймақ тұрғындарына ҮНДЕУІ

<a href="https://kyzylorda-news.kz/">Kyzylorda-news.kz</a> Илон Маск 400 миллиард доллардан астам табысы бар жер бетіндегі алғашқы адам атанып отыр.Оның табысының артуына SpaceX компаниясы акцияларының өсуі себеп болған.Bloomberg агенттігінің дерегінше, әлемдегі ең бай адамның капиталы 439 миллиард долларды құрайды. Бір қызығы, АҚШ-тағы президенттік сайлаудан соң оның көлемі бірден 150 миллиард долларға артқан.Екінші орында тұрған Джефф Безос 244 миллиард долларға иелік етеді. Ал үшінші орында 219 миллиард доллары бар Meta басшысы Марк Цукерберг тұр.Фото: AP Photo / Jae C. Hong

Илон Масктың табысы рекордық көрсеткішті құрады

<a href="https://kyzylorda-news.kz/">Kyzylorda-news.kz</a> Танымал әнші&nbsp;Ayree жақында тұрмысқа шықпақ. Бұл туралы&nbsp;<a href="https://stan.kz/ia-dedim-ayree-ge-suyiktisi-shanhay-kalasinda-uylenuge-411033/">Stan.kz</a>&nbsp;ақпарат агенттігі хабарлайды.&nbsp;Өнер иесі қуанышты жаңалығын жеке парақшасында жария етті.&nbsp;<blockquote>“Мен “иә” дедім.&nbsp;Барша құттықтаулар мен тілектеріңізге алғыс білдіреміз!Барлығын оқып шықтық. Шүкір, бақыттымыз!”, – деп жазды әнші.</blockquote>Эстрада жұлдызының таңдауы Нұркен Қасымов есімді танымал клипмейкерге түскен.Айта кетейік, өнер иесі ғашығымен бірге Шанхай қаласына арнайы түсірілім жасау үшін барған. Алайда түсірілім барысында ойламаған жерден Ayree-дің сүйіктісі оның алдынан шығып, сақинасын ұсынды. Шоу-бизнес жұлдызы мұндай тосынсыйды мүлдем күтпей, көз жасына ерік берді.&nbsp;Желі қолданушылары түрлі пікір білдіріп, қос ғашыққа бақыт тілеп жатыр.&nbsp;<blockquote>“Айри бақытты болуға лайық қыз”, “Кәріс жігітіне ұқсайды екен”, “Қандай керемет жаңалық”, “Нұркенді танимыз, өте жақсы жігіт”, – деп жазды көпшілік.&nbsp;</blockquote>Фото: https://www.instagram.com/ayreeofficial/

Қазақстан және Қызылорда облысының жаңалықтары