<a href="https://kyzylorda-news.kz/">Kyzylorda-news.kz</a> Алматыда цифрлық кеңістіктегі балаларды қорғау пилоттық жобасы басталды. Оның негізінде балаларды интернеттегі зиянды контенттен қорғайтын "SIM KIDS" арнайы SIM-картасы іске қосылды. Бұл туралы <a href="https://stan.kz/kazakstanda-balalardi-kauipti-kontentten-korgaytin-sim-416726/">Stan.kz</a> ақпарат агенттігі хабарлайды.&nbsp;Бас прокурор Берік Асыловтың айтуынша, жаңа SIM-карта TELE2/ALTEL байланыс операторымен бірлесіп әзірленген.<blockquote>“Бұл – суицидті насихаттау, порнография, есірткі, онлайн-казино және өзге де интернет-қатерлерден қорғайтын арнайы балаларға арналған SIM -карта. Оның көмегімен ата-аналар баласының қандай қосымшаларды пайдаланып жүргенін бақылай алады. Зиянды сайттарға қолжетімділікті шектеп, құрылғы үнсіз режимде болса да, баласына қоңырау шала алады”, – дейді бас прокурор.</blockquote>Бас прокурордың сөзінше, жоба ата-аналар арасында үлкен қызығушылық тудырды. Сынақ кезеңі аяқталғаннан кейін бұл SIM-карта баршаға қолжетімді болады дейді.<blockquote>“Бала цифрлық кеңістікте суицидке итермелейтін қауіпті ойындардан, құмар ойындарға тәуелділіктен, психикасына зиян келтіретін және отбасылық тәрбие мен құндылықтарға деген көзқарасын бұрмалауы мүмкін кез келген жағымсыз контенттен қорғалуы тиіс. Ең бастысы – баланың қауіпсіздігі отбасындағы көңіл бөлуден басталады”, – дейді Асылов.</blockquote>Сондай-ақ ол ересектер балалардың көңіл күйіндегі, ортасындағы өзгерістерге сезімтал болуы керек дейді.Фото: freepik.com

Қазақстанда балаларды қауіпті контенттен қорғайтын SIM-карта іске қосылды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев жөндеу жүргізіліп жатқан білім ордаларына арнайы барып, құрылыс барысымен танысты.Ең алдымен, аудан басшысы Ә. Тәжібаев атындағы №36 мектеп-лицейдің ағымдағы жөндеу жұмыстарын көрді. Қазіргі таңда мектеп ғимаратының сыртқы қасбеті жаңартылып, сырлау және әрлеу жұмыстары мен шатырларды, жабындарды ағымдағы жөндеу жұмыстары жүргізілуде. Сонымен қатар, оқушылардың салауатты өмір салтын қалыптастыру мақсатында мектеп аумағындағы спорт алаңына ағымдағы жөндеу жұмыстары да басталды. Мектеп-лицей аумағындағы жөндеу жұмыстарына облыстық бюджеттен 43 млн. теңге қаржы бөлінді. Мердігер мекеме: «Сертификаттау-сынақ орталығы» ЖШС.Аудан әкімі мұндай жұмыстардың білім беру сапасына оң әсер ететінін атап көрсетті.<blockquote>– Мемлекет басшысы Қасым-Жомарт Кемелұлы Тоқаев мектептердің деңгейін көтеруге, олардың материалдық-техникалық базасын жақсартып, оқушылар үшін қолайлы жағдай жасауды атап өткен болатын. Осы орайда, аймақ басшысы Нұрлыбек Машбекұлы Нәлібаевтың қолдауымен аудан көлемінде ауқымды жұмыстар қолға алынып, бірқатар мектептерде жөндеу жұмыстары жүргізілу үстінде. Сондықтан жөндеу жұмыстары белгіленген мерзімде, сапалы әрі талапқа сай орындалуы тиіс, – деді Берік Әбдіғаппарұлы. &nbsp; &nbsp;&nbsp;</blockquote>Мұнан соң аудан әкімі С.Сейфуллин елді мекеніндегі №137 орта мектебінің күрделі жөндеу жұмыстарына дайындық жоспарымен танысты. №137 орта мектеп 1974 жылы салынған. Жалпы сыйымдылығы 460 орынға негізделген. Бүгінде мектеп ғимараты жөндеуді қажет етеді. Осыған байланысты биыл мектептің күрделі жөндеу жұмыстарына облыстық бюджеттен 309 млн. теңге қаржы бөлініп, мемлекеттік сатып алу порталында конкурс жарияланған болатын. Жеңімпаз медігер мекеме – «N Cтрой Сервис» ЖШС. Бүгінгі таңда техникалық қадағалаумен келісім шарт жасалған. Күрделі жөндеу жұмыстарын бастау оқу жылының соңына жоспарлануда.Аудан әкімі құрылыс барысын тұрақты бақылауда ұстау қажеттігін айтып, тиісті бөлім басшыларына нақты тапсырмалар жүктеді. Мектептің жөндеу жұмыстары жаңа оқу жылына дейін аяқталуын қатаң ескертті.<img src="https://knadmin.beoblood.kz/uploads/Syrdariya_audany_kimi_2_58b2a4b341.jpg" alt="Сырдария ауданы әкімі 2.jpg">Фото: Сырдария ауданы әкімінің баспасөз қызметі

Жөндеу жұмыстарымен танысты

<a href="https://kyzylorda-news.kz/">Kyzylorda-news.kz</a> Арал аудандық көп бейінді орталық ауруханасының мәжіліс залында аудан әкімінің орынбасары Н.Бохаевтың төрағалығымен арнайы жиын өтіп, аудандағы денсаулық сақтау саласының 2025 жылдың 3 айында атқарған жұмыстары талқыланды.Жиынға Арал аудандық көп бейінді орталық ауруханасының бас дәрігері Б.Қуанышбаев пен емхана меңгерушілері, дәрігерлер қатысты.Алдымен ҚР Үкіметінің 2022 жылғы 24 қарашадағы №945 қаулысымен бекітілген «Қазақстан Республикасында денсаулық сақтау саласын дамытудың 2026 жылға дейінгі тұжырымдамасының» нысаналы индикаторларына қол жеткізу үшін Арал аудандық көп бейінді орталық ауруханасының атқарған жұмыстары және есепті мерзімде жалпы өлім-жітімнің, оның ішінде еңбек етуге қабілетті жастағылар арасында орын алған өлім-жітім себептерін талдау жөнінде бас дәрігердің бастапқы медициналық санитарлық қызметі жөніндегі орынбасары Л.Әділбаева хабарлама жасады.Мұнан соң қатерлі ісік ауруларының алғашқы рет кеш сатысына тіркелу себептерін талдау жөнінде бас дәрігердің ішкі аудит және пациенттерді қолдау жөніндегі орынбасары Қ.Үмбетов, аудан халқының денсаулығын нығайту мақсатында аудандық емхананың өткен жылдың есепті мерзімімен салыстырмалы түрде атқарған жұмыстары туралы аудандық килиникалық-диагностикасының емханасының меңгерушісі А.Исаев хабарлама жасады.Жиын барысында аудан әкімінің орынбасары Н.Бохаев көтерілген мәселелердің барлығы да өзекті екенін айтып, адам өміріне араша болуда ең алдымен ақ халатты абзал жандар өз ісіне адал болуы керектігін атап өтті. Сондай-ақ нәтижелі көрсеткішке қол жеткізу үшін сапалы медициналық қызмет басты орында болуы керектігін жеткізіп, саладағы бірқатар жұмыстарды тілге тиек етті.<blockquote>– Өткен жылы салаға 25 дана санитарлық автокөлік табысталып, шалғай орналасқан Жіңішкеқұм, Құланды, Жаңақұрылыс, Ақбасты, Қарашалаң елді мекендеріндегі медициналық бекеттер автокөліктермен қамтылды. А.Байтұрсынов емханасы, Жақсықылыш кентіндегі дәрігерлік амбулатория және жүйке аурулар диспансерінің жылу жүйесі табиғи газға көшірілді. Сексеуіл кентіндегі 40 орындық аурухана құрылысы аяқталып, ел игіліне табысталды. «Ұлт саулығын нығайту» жобасы аясында Тоқабай елді мекеніндегі дәрігерлік амбулатория пайдалануға берілді. Қалада орналасқан «Қамқорлық» ерте араласу оңалту орталығы қайта жаңғыртудан өтуде. Нысан биылғы жылдың маусым-шілде айларында ашылады. Медициналық қызмет түрлерін кеңейту мақсатында аудандық аурухана негізінде 54 төсектік «Кардиология» және «Инсульт» бөлімшелері ашылып, жұмыс істеуде. Арал аудандандық көпбейінді орталық ауруханасы ультрадыбыстық зерттеу аппаратымен жабдықталды, – деді аудан әкімінің орынбасары.</blockquote>Саланың алдағы жұмысы ағымдағы жылдың 6 айдағы қорытындысымен қайта қаралатын болады.<img src="https://knadmin.beoblood.kz/uploads/At_aryl_an_zh_mystar_au_ymdy_2_68cbf1fa81.jpg" alt="Атқарылған жұмыстар ауқымды 2.jpg">

Атқарылған жұмыстар сараланды

<a href="https://kyzylorda-news.kz/">Kyzylorda-news.kz</a> Қызылорда облысында «Таза Қазақстан» республикалық экологиялық акциясы аясындағы жалпы сенбілік жалғасуда. Санитарлық тазарту, абаттандыру және көгалдандыру жұмыстарына облыс, аудан орталықтары мен ауыл тұрғындары белсене қатысып, игі іске өз үлестерін қосты.Жалпы сенбілікке 120 мыңнан астам адам – еріктілер, қоғам қайраткерлері, бюджет саласының, түрлі мекемелердің қызметкерлері жұмылды. Тазалық шараларынан соң 3 900 тоннадан астам тұрмыстық қалдық арнайы орындарға шығарылды.Саябақтар мен скверлер, тарихи-мәдени ескерткіштердің, әлеуметтік, &nbsp;өндірістік және кәсіпкерлік нысандарының маңайы, сондай-ақ су көздері мен көше бойы тазаланды. Бұл жұмыстарға 900-ден астам арнайы техника тартылды.Жыл басынан бері облыс аумағына өңірдің климатына бейімделген 92 890 түп ағаш көшеті отырғызылды. Оның ішінде қарағаш, терек және &nbsp;Сыр талы бар.Экологиялық акция аясындағы жұмыстар мұнымен шектелмейді. Өңірде бұл бағыттағы іс-шаралар алдағы уақытта да жалғасын таппақ.<img src="https://knadmin.beoblood.kz/uploads/Tazaly_zh_mystary_2_9deb80876b.jpg" alt="Тазалық жұмыстары 2.jpg">Фото: Қызылорда облысы әкімінің баспасөз қызметі

Таза Қазақстан: Көркейту-көгалдандыру жұмыстары жалғасуда

<a href="https://kyzylorda-news.kz/">Kyzylorda-news.kz</a> Ереванда Армениядағы Қазақстанның мәдени күндері басталды, деп хабарлайды <a href="https://baq.kz/armeniyada-qazaqstannyn-madeni-kunderi-bastaldy-200011993/">BAQ.KZ </a>Мәдениет және ақпарат министрлігіне сілтеме жасап.Бірлескен іс-шараларды өткізу Қазақстан Президенті Қасым-Жомарт Тоқаевтың Ереванға жасаған ресми сапары барысында мемлекет басшылары қол жеткізген келісімдердің нәтижесінде мүмкін болды.Қазақстанның ресми делегациясын ҚР Мәдениет және ақпарат министрі Аида Балаева бастап барды. Армения астанасындағы мәдени күндер бағдарламасы қазақстандық фильмдер көрсетілімінен басталды. Бүгін "Москва" кинотеатрында көрермендерге режиссер Рүстем Әбдірашевтің "Қазақ хандығы. Алтын тақ" атты тарихи кинотуындысы мен Фархат Шәріповтің "Стоп, ночь" фильмі ұсынылды.Салтанатты жиында Ұлттық киноны қолдау мемлекеттік орталығының басқарма төрағасы Құрманбек Жұмағали құттықтау сөз сөйлеп, қазақстандық киноөндірістің даму маңыздылығына тоқталды. Ол Мемлекет басшысының Мәдениет және ақпарат министрлігінің қызметіне қатысты заңға қол қойғанын атап өтті. Заңда бірқатар жаңа ережелер қамтылған. Атап айтқанда, Шәкен Айманов атындағы «Қазақфильм» киностудиясы дамуының жаңа кезеңі басталды. Елдегі кинофильмдерді қаржыландырудың жалпы көлемінің кемінде 30 пайызы тікелей аталған киностудияға бағытталады. Бұл шешім студия жұмысының қаржылық тұрақтылығы мен тиімділігін қамтамасыз етеді.Сонымен қатар, Құрманбек Жұмағали киножобаларды іріктеудің жаңа ережелері жайлы айтып, қазіргі қазақ фильмдері армян көрерменінің көңілінен шығатынына сенім білдірді.Армениядағы Қазақстан киносының күндері – елдеріміз арасындағы ынтымақтастықты, өзара түсіністікті және достық байланыстарды нығайтуда маңызды платформа. Қазақ киноөнерімен жақын танысуға мүмкіндік туғанына ерекше қуаныштымыз. Қазақ киносы – бұл терең философия, болашаққа батыл көзқарас. Біз Қазақстандағы киноөнердің даму барысын зор қызығушылықпен бақылап отырмыз. Бүгінгі көрсетілімдер мәдениеттеріміз арасындағы алтын көпірге айналады деп сенеміз, – деді Армения Кино қорының директоры Давид Банучян іс-шараның ашылу салтанатында сөйлеген сөзінде.Ертең көрермендерге тағы екі туынды – режиссер Серікбол Өтепбергеновтің "Патриоттар уақыты", Данияр Ибрагимовтің "Бүркіт" фильмдері ұсынылады.Мәдени күндер аясында Қазақстанның ресми делегациясы Ереван мемлекеттік университетіндегі Абай атындағы қазақ тілі, тарихы және мәдениеті орталығына, сондай-ақ Арменияның Ұлттық кітапханасына барды. Мұнда қазақ әдебиеті бұрышы орналасқан. Делегация кітап қорымен танысып, қазақстандық қаламгерлердің оннан астам кітабын тарту етті. Олардың қатарында — Қайрат Айтбаевтың "Сал домбыра", Нұрбай Бектұрсыновтың "Отан қорғаушы", Фариза Оңғарсынованың "Таңдамалы", Қазақстан Президенті Қасым-Жомарт Тоқаевтың "Нұр мен көлеңке" еңбегі және басқа да бірқатар басылымдар бар.Мәдени күндер 19 сәуір күні Арам Хачатурян атындағы концерт залында өтетін Гала-концертпен қорытындыланады. Бұл кешке қазақстандық эстрада жұлдыздары, зиялы қауым өкілдері, дипломаттар, ғалымдар, жазушылар мен өнер қайраткерлері қатысады.<img src="https://knadmin.beoblood.kz/uploads/Armeniyada_y_aza_stanny_m_deni_k_nderi_2_ff5ae2c35f.jpg" alt="Армениядағы Қазақстанның мәдени күндері 2.jpg">Фото: Мәдениет және ақпарат министрлігі

Арменияда Қазақстанның мәдени күндері басталды

<a href="https://kyzylorda-news.kz/">Kyzylorda-news.kz</a> ҚР Оқу-ағарту министрлігі Балалардың құқықтарын қорғау комитеті барлық блогерлерді, инфлюенсерлерді және медиа саласының қатысушыларын балалардың құқықтарын сақтауға және қолданыстағы заңнаманы қатаң ұстануға шақырды.<blockquote>− Әлеуметтік желіде баласының құқықтары бұзылғанын мәлімдеген ананың видеоүндеуі тарады. Бұл — танымал блогерлердің бірі жариялаған, кәмелетке толмаған баланы түсірген бейнематериал. Комитет төрағасы Насымжан Оспанова баланың анасымен тікелей байланысқа шығып, жан-жақты көмек ұсынды — психологиялық және заңгерлік көмек қарастырылды. Қажет болған жағдайда Комитет баланың құқықтары мен мүдделерін қорғау үшін ресми түрде сот процесіне қатысуға дайын, − деп жазылған комитет хабарламасында.</blockquote>Комитет барлық блогерлерді, инфлюенсерлерді және медиа саласының қатысушыларын балалардың құқықтарын сақтауға және қолданыстағы заңнаманы қатаң ұстануға шақырады. Жақсы ниетпен түсірілсе де, балалар қатысқан контентті жариялау олардың психологиялық жай-күйіне теріс әсер етіп, құқықтық жауапкершілікке әкелуі мүмкін.<blockquote>− Қазақстан Республикасының Азаматтық кодексінің 145-бабына сәйкес, кез келген адамның, соның ішінде баланың бейнесін жариялау тек оның немесе заңды өкілінің келісімімен ғана жүргізіледі. Сондай-ақ, «Дербес деректер және оларды қорғау туралы» заңға сәйкес, баланың бейнесі қолжетімділігі шектеулі жеке дерек боп саналады және заңмен қорғалады. Құрмет, қорғау және қауіпсіздік – әрбір баланың құқығы. Бұл құқықтар шынайы өмірде де, цифрлық кеңістікте де қамтамасыз етілуі керек, − дейді комитет.</blockquote>Фото: freepik

Бала құқықтарын қорғау комитеті блогерлерге үндеу жасады 

<a href="https://kyzylorda-news.kz/">Kyzylorda-news.kz</a> Биылғы жылы егіс егетін шаруашылықтар су үнемдеу технологиясын пайдалана отырып, оның ішінде тамшылатып суару және подпленка әдісімен бақша, көкөніс дақылдарын орналастыруды қолға алды.Оған дәлел, Арал қаласында жеке кәсіпкер М.Орынбасаров 720 ш.м жылыжай кешеніне, Ақирек ауылдық округіндегі «Асхат» шаруа қожалығы 8 гектар, Аманөткел ауылдық округіндегі жеке кәсіпкер Е.Төреханов 8 гектар және Сексеуіл кентінде жеке кәсіпкер А.Боханов жылыжай кешеніне 600 ш.м және «Құмсай» өңіріне 10 гектар жерге &nbsp;тамшылатып суару және подпленка әдісімен бақша-көкөніс дақылдарын орналастыруда.<img src="https://knadmin.beoblood.kz/uploads/Aral_su_nemdeu_tehnologiyasy_13feac5d8e.jpg" alt="Арал су үнемдеу технологиясы.jpg">Сондай-ақ, Қаратерең, Жаңақұрылыс, Аманөткел ауылдық округінде орналасқан шаруашылықтардың 18 гектар ескі жоңышқа дақылдары &nbsp;тырмаланып, суарылып күтімге алынды.Аудан бойынша егін шаруашылығын дамытуға байланысты оның ішінде, мал азықтық шөптер (жоңышқа), бақша, көкөніс және тағы да басқа дақылдарды орналастыру шеңберінде әлі де жұмыстар ұйымдастырылуда. Бүгінгі күнге, аудан бойынша 233 гектар жер жыртылып, көктемгі дала жұмыстары жалғасын табуда.<img src="https://knadmin.beoblood.kz/uploads/Aral_su_nemdeu_tehnologiyasy_3_71bb62ebb9.jpg" alt="Арал су үнемдеу технологиясы 3.jpg">

Аралдық шаруалар су үнемдеу технологиясын пайдалануда

<a href="https://kyzylorda-news.kz/">Kyzylorda-news.kz</a> Қазалы ауданының әкімі Мейрамбек Шермағанбет кезектілікке сәйкес тұрғындарды жеке мәселелері бойынша қабылдап, олардың ұсыныс-пікірлерін тыңдады. Қабылдауға келген тұрғындар аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.&nbsp;Тұрғындардың басым көпшілігі тұрғын үй мен жер кезегі және тұрақты жұмыс пен қоғамдық жұмысқа тұру мәселелерін көтерді. Сондай-ақ Әйтеке би кентінің бірқатар көшелеріне жарық орнату, жол кедергілер салу мен әлеуметтік көмек сұраған азаматтарды болды.Аудан әкімі әрбір тұрғынның мәселесін жіті тыңдап, тиісінше түсініктеме берді. Сондай-ақ, көтерілген мәселелерді зерттеп, заңдылыққа сәйкес шешу жолдарын қарастыру жөнінде жауапты сала басшыларына нақты тапсырма жүктеді. Ал көше жарықшамы, жол кедергілерін орнату сынды басқада мәселелер бойынша аудан басшысы сол аймақтарға өзі барып көретіндігін айтты.&nbsp;Қабылдау барысында жұмыссыздық мәселесін көтерген тұрғындарға, аудан бойынша қазіргі таңдағы бос жұмыс орындарын ұсына отырып, мамандықтарына сәйкес сұраныс болған жағдайда тиісті жұмыс орындарына кезектілікпен жіберілетіндігі түсіндірілді.&nbsp;Фото: Қазалы ауданы әкімінің баспасөз қызметі

Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Қазақстаннан жеті команда АҚШ-тың Хьюстон қаласында өтетін FIRST Championship атты мектеп оқушыларына арналған ең беделді инженерлік жарысқа аттанды. Байқауға қатысушының ең кішісі — небәрі 6 жаста. Бұл туралы <a href="https://kaz.inform.kz/news/kazakstandik-okushilar-alemdeg-en-r-robototehnika-chempionatinda-elnamisin-korgaydi-9e98b6/">Қазақпарат</a> Оқу-ағарту министрлігінің баспасөз қызметіне сілтеме жасап хабарлайды.Биыл чемпионат 110 елден келген 50 мыңнан астам жас инженер мен өнертапқыштарды біріктірді. 2025 жылғы маусымының тақырыбы — суасты әлемін зерттеу және қорғау.Биыл Қазақстан бұл байқауға бұрын-соңды болмаған ауқымда — бірден 7 командамен қатысып отыр. Жолдаманың көбеюі – еліміздің мектеп робототехникасының халықаралық беделі артып келе жатқанын көрсетеді.<blockquote>– Біздің командалар — маусымның басты фавориттері. Қазақстанның қоржынына тағы да жүлделер мен жеңістер қосылады деп үміттенеміз, — деді USTEM Foundation қоғамдық қорының жетекшісі Асылбек Мурзахметов.</blockquote>Қазақстан құрамасы Орталық Азия чемпионаты — Almaty Tech Cup нәтижесінде іріктелді. Ел атынан қатысып жатқан командалар:&nbsp;<ul><li style="text-align:justify;">Atlantis — «Сатурн» мектебі, Павлодар қаласы;</li><li style="text-align:justify;">PID&nbsp;— Назарбаев зияткерлік мектебі, Алматы қаласы;</li><li style="text-align:justify;">Cristabol&nbsp;— Назарбаев зияткерлік мектебі, Алматы қаласы; Skillset&nbsp;— «Skillset» мектебі, Астана қаласы;</li><li style="text-align:justify;">JelToqSun және Rasslexx&nbsp;— «Мұрагер» мектебі, Қарағанды қаласы.</li></ul>Фото: Оқу-ағарту министрлігінің баспасөз қызметі

Қазақстандық оқушылар әлемдегі ең ірі робототехника чемпионатында ел намысын қорғайды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Кеңес Одағының батыры Тәйімбет Көмекбаевты еске алуға арналған грек-рим күресінен ересектер арасындағы халықаралық турнирдің ашылу рәсімі өтті.Турнирге 10-нан астам мемлекеттен, еліміздің әр өңірінен келген балуандар 10 салмақ дәрежесінде белдеспек.Рәсімге Тәйімбет Көмекбаевтың ұлы, ІІ дәрежелі «Даңқ» орденінің иегері, генерал-майор Бағбан Тәйімбетов, ҚР Грек-рим, еркін және әйелдер күресі федерациясының вице-президенті Дәурен Жабасов, басқа да құрметті қонақтар қатысты.Аймақ басшысы қатысушыларға сәттілік тілеп, өңірдің спорт саласындағы ауқымды жұмыстарға тоқталды.<blockquote>«Алаштың анасы атанған қасиетті Сыр өңіріне қош келдіңіздер! Баршаңызды Кеңес Одағының батыры, даңқты жерлесіміз Тәйімбет Көмекбаевты еске алуға арналған грек-рим күресінен халықаралық турнирдің ашылуымен шын жүректен құттықтаймын! Президентіміз Қасым-Жомарт Кемелұлы Бурабайда өткен Ұлттық құрылтайда «Спортты насихаттау, оны әсіресе балалар мен жасөспірімдер арасында дәріптеу – ұлт саулығының кепілі», – деген болатын. Сыр өңірінде соңғы үш жылда 18 спорт кешені салынып, іске қосылды. Өткен жылы «Самұрық қазына траст» қорымен бірге құны 3 млрд. 400 млн теңге болатын «Үстел теннисі орталығы» салынып, халыққа қызмет етуде. Облыс орталығында халықаралық стандарттарға сай 11 мың орындық орталық стадион салынуда. «Қызылорда Арена» көпбейінді спорт кешенінің құрылысы басталды. Келесі жылы ел игілігіне табысталады. «Қазақстан халқына» қорының қолдауымен көпсалалы денешынықтыру-сауықтыру кешенінің іргетасы қаланды. Жаңа нысан жыл соңына дейін пайдалануға беріледі. Алдағы мамыр айында бірқатар спорттық үйірмені қоса қамтитын «Шығармашылық академиясы» ашылады. Спорт – мемлекетіміздің мерейін үстем ететін, тұрғындарды салауаттылыққа жетелейтін маңызды сала. Бүгінгі халықаралық жарыс өздеріңізге қарап бой түзейтін жастарымызды елжандылыққа тәрбиелеп, спорттағы бәсекелестікті қалыптастыруға, татулықты нығайтуға септігін тигізетін дода болады деп сенеміз. Жарысқа қатысушыларға сәттілік, шын мықтыларға жеңіс тілеймін», – деді Н. Нәлібаев.</blockquote><img src="https://knadmin.beoblood.kz/uploads/Haly_araly_turnir_2_4e87915587.jpg" alt="Халықаралық турнир 2.jpg">Салтанатты ашылу рәсімінде ҚР Туризм және спорт министрлігі Спорт және дене шынықтыру істері комитетінің төрағасы Руслан Есеналин, батырдың ұрпағы Ардашер Шайымбетов сөз сөйледі.Жарыстың қадірлі қонағы, қырғыздың атақты балуаны, Әлемнің екі дүркін, Азияның үш дүркін чемпионы, Олимпиаданың күміс және қола медальдарының иегері Ақжол Махмудовқа дәстүрге сай иығына шапан жабылды.Айта кетейік, Кеңес Одағының батыры Тәйімбет Көмекбаевтың есімін ұрпақ жадында қалдыру мақсатында жыл сайын түрлі шаралар өткізіліп келеді. Биылғы еске алу шарасының ерекшелігі – грек-рим күресінен халықаралық турнир тұңғыш рет ұйымдастырылуда. Бұған дейін батыр ұрпақтары үйлестіріп келген турнир биылдан бастап облыс әкімдігінің қолдауымен халықаралық деңгейде өткізілуде.<img src="https://knadmin.beoblood.kz/uploads/Haly_araly_turnir_df1b0a3916.jpg" alt="Халықаралыө турнир.jpg">Фото: Қызылорда облысы әкімінің баспасөз қызметі

Тәйімбет Көмекбаевты еске алуға арналған халықаралық турнир басталды

<a href="https://kyzylorda-news.kz/">Kyzylorda-news.kz</a> “КСМ” темір-бетон шығаратын өндіріс орны 1969 жылы қызметін бастаған. Бүгінде өндіріс түгел заманауи құрылғылармен жабдықталған. 200-ден астам темірбетон бұйымдарын шығаратын серіктестік өніміне сұраныс жоғары. Жалпы өндірілетін өнімдер қатарында көп бөлімді жабын және таспалық фундамент тақталары, қабырға блоктары, темір-бетон маңдайшалар, дөңгелек темір-бетон шеңберлері бар.Өңірдегі көпқабатты тұрғын үйлерде және көпір, гидротехникалық ғимараттар құрылысында осы өндірістің қолтаңбасы бар.<blockquote>- Зауыттың материалдық-техникалық базасы да жыл өткен сайын жаңарып, бәсекеге қабілеті артып келеді. Құрылғылардың басым бөлігі Ресейден келді. Жұмысшылардың 30 пайызын құрайтын қыз-келіншектер - технолог, инженерлік-техникалық құрам, кранның барлығын жетік меңгерген. Жұмыстары өте тиянақты. Ерлермен тең дәрежеде иық тірестіріп, еңбек етуде. Нәзік жандыларымыз нәтижелі жұмыстар атқаруда. Біздің өнімдерге Ақтау мен Атыраудан сұраныс көп түседі. Сондай-ақ қаладағы құрылысы қызған жұмыс орындарын да қамтып отырмыз. Сұраныс түссе, біздігі қызметкер еңбек етуге әзір,- деді Аманбай Жұмабеков.</blockquote><img src="https://knadmin.beoblood.kz/uploads/K_sipkerlik_7_2e711acf8d.jpg" alt="Кәсіпкерлік 7.jpg">Фото: Қызылорда облысының өңірлік коммуникациялар қызметі

Жергілікті кәсіпорынның жұмысы жүйелі

<a href="https://kyzylorda-news.kz/">Kyzylorda-news.kz</a> 2023 жылы құрылған Су ресурстары және ирригация министрлігі 2030 жылға дейінгі су саясатының негізгі бағыттарын әзірледі. Сондай-ақ, су инфрақұрылымын жаңғырту, су үнемдеу технологияларын енгізу және су мамандарын даярлау бойынша кешенді жұмыстар жүргізіп келеді.<img src="https://knadmin.beoblood.kz/uploads/Whats_App_Image_2025_04_18_at_18_05_55_1_97a0117790.jpeg" alt="ашық сабақ.jpeg">Министрлік қоғамда суды үнемді пайдалануға бағытталған мәдениетті қалыптастыруға ерекше мән беріп отыр.Қазақстан Республикасы Су ресурстары және ирригация министрлігінің бастамасымен еліміздің жалпы білім беретін мектептерінде су ресурстарын сақтау және үнемдеу мәдениетін қалыптастыруға бағытталған «Суды үнемде – болашақты сақта» атты ашық сабақ өтті.Ашық сабақтың басты мақсаты – жас ұрпақтың экологиялық сауаттылығын арттыру, суды үнемді пайдалану дағдысын қалыптастыру.<img src="https://knadmin.beoblood.kz/uploads/ashy_saba_35dbb38e4d.jpeg" alt="ашық сабақ.jpeg">Іс-шараның салтанатты ашылуы Абай атындағы үш тілде оқытатын дарынды балаларға арналған мамандандырылған сыныптары бар мектепте ұйымдастырылып, оған 6-11 сынып оқушылары мен ұстаздар қатысты.&nbsp;Ал, облыстың бірнеше аудандарындағы мектептер аталған ашық сабаққа онлайн форматта Zoom платформасы арқылы қашықтан қосылып, белсенді&nbsp;атсалысты.Мектеп директоры Айгүл Өткелбаева судың табиғаттағы және адам өміріндегі маңызын атап өтті.Ашық сабақ&nbsp;Қазақстанның барлық облыстарында ҚР Су ресурстары және ирригация министрлігі, ҚР Оқу-ағарту министрлігі, жергілікті білім басқармаларының қолдауымен &nbsp;жүзеге асуда.Сабақ барысында&nbsp;ҚРСу ресурстары және ирригация министрлігі Су ресурстарын реттеу, қорғау және пайдалану комитетінің төрағасы Сейілбек Нұрымбетов оқушыларға еліміздегі су ресурстарының жағдайы туралы ақпарат беріп, суды үнемдеудің тиімді жолдарын ұсынды. Сонымен қатар оқушылар «Су -тіршілік&nbsp;көзі» атты бейнероликті тамашалап, сұрақ-жауап,&nbsp;пікір алмасу бөліміне белсене қатысты.<img src="https://knadmin.beoblood.kz/uploads/Whats_App_Image_2025_04_18_at_18_05_54_1_ca9597e2dd.jpeg" alt="WhatsApp Image 2025-04-18 at 18.05.54 (1).jpeg">&nbsp;

Қазақстан және Қызылорда облысының жаңалықтары