<a href="https://kyzylorda-news.kz/ru">Kyzylorda-news.kz</a> Кейінгі бес жылда Қазақстанда тіркелген әкімшілік құқық бұзушылықтар саны 2,5 есе өсті. Бұл туралы<a href="https://stan.kz/rekordtik-korsetkish-kazakstandiktar-bir-zhilda-304-mil-413586/"> Stan.kz</a> ақпарат агенттігі Finprom.kz сайтына сілтеме жасап хабарлайды.Өткен жылы мұндай құқықбұзушылықтар саны 15,1 миллионнан асса, 2019 жылы тек 6,1 миллион болған.Әрбір осындай оқиға үшін құқықбұзушыларға әртүрлі әкімшілік жазалар қолданылды: 2024 жылға 14,7 млн болды. Оның ішінде айыппұлдар – 84%, ескерту – 12%, әкімшілік қамауға алу – 0,6%, шетелдік құқықбұзушыларды елден шығару істері – 0,2% және басқа да жаза түрлері қолданылды.Әкімшілік жазалардың көбеюі құқықбұзушылықтардың санына тікелей байланысты.12 айда тәртіп бұзушыларға салынған ақшалай айыппұлдың жалпы сомасы 304,3 млрд теңге болды, 2023 жылмен салыстырғанда 63,9% артық. 2019 жылғы көрсеткіштермен салыстырғанда (71,9 млрд теңге) 4,2 есе өскен.Сонымен қатар салынған айыппұл көлемі де соңғы жылдардағы рекордтық көрсеткіш болды. Ең жоғары айыппұл 2024 жылы 190,5 млрд теңгеге жақындады (өткен жылмен салыстырғанда 30,5% көп).2024 жылға салынған әкімшілік айыппұл көлемі бойынша Алматы қаласы мен Маңғыстау облысы көш бастады: 60,1 млрд және 40,5 млрд теңге. Алматылықтардың көбі жол ережесіне қатысты көп айыппұл төлеген. Мысалы 60,1 миллиард теңгенің 40,1 миллиарды көлік және жолдағы бұзушылықтар үшін төленді.Маңғыстау облысындағы ірі көлемдегі айыппұлдар экологияға қатысты. Жалпы соманың 76,2%-ы немесе 30,9 млрд теңгесі кәсіпорынның қалдықтардың шегінен асып кетуіне байланысты.Өткен жылы әкімшілік айыппұлдардың 91%-ы жол қозғалысы ережелерін бұзғаны үшін салынған. Айыппұл салуға әкеп соққан 12,7 миллион әкімшілік істің 11,6 миллионы осы санатқа жатады. Көбіне жылдамдықты арттыру (5,9 миллион) және жол белгілері немесе таңбалау талаптарын сақтамау (2,9 миллион) болды.Салыққа қатысты әкімшілік құқықбұзушылықтар – 35 млрд теңге, қоғамдық тәртіп пен имандылыққа нұқсан келтіретін құқық бұзушылықтар – 10 млрд теңге, сауда және қаржы саласындағы құқықбұзушылықтар 8,4 млрд теңге болды.Фото: freepik.com

Рекордтық көрсеткіш: Қазақстандықтар бір жылда 304 миллиард теңге айыппұл төлеген

<a href="https://kyzylorda-news.kz/ru">Kyzylorda-news.kz</a> Форумда «Жаңа адамдар» қозғалысының жетекшісі Әсел Баденова Президентке ұйымның осыған дейін атқарған игі істері мен азаматтық бастамаларын таныстырды. Оның айтуынша, қазіргі кезде қозғалыстың 19 қалада кампусы, 15 мыңға жуық белсенді мүшесі бар. Қозғалыс елімізде ондаған азаматтық бастамалар мен акцияларды ұйымдастырып үлгерген. Жастар вандализммен, рұқсат етілмеген жерге қоқыс төгушілермен, кәмелетке толмаған балаларға ішімдік сатушылармен, есірткі таратушылармен және басқа да әлеуметтік кеселдермен күрес жүргізіп, өздерінің азаматтық ұстанымдарын ашық әрі белсенді білдіріп жүр.Мемлекет басшысы форумға жиналған жалынды жастардың бойындағы Отанға, елге деген сүйіспеншілік пен құрметке ризашылығын білдіріп, көзі ашық, көкірегі ояу азаматтардың әр жетістігіне қуанатынын, әр бастамасын қолдайтынын жеткізді.<blockquote>– Қазақстанның жастары – жасампаз. Мен мұны үнемі айтып жүрмін. Жаңа ғана өте жақсы ойлар айтылды. Тың идеялар, игі бастамалар бар. Сіздердің сөздеріңізді тыңдап, форум атмосферасын сезіне отырып, кеудемді мақтаныш кернеді. Қазақстанның болашағына деген сенімім нығая түсті. «Жас келсе – іске» деп бекер айтпаған. Еліміздің келешегі ойы ұшқыр, білімі терең, көзқарасы заманауи жастардың қолында. Мен Президент ретінде Сіздерге зор үмітпен қараймын, – деді Қасым-Жомарт Тоқаев.</blockquote>Президент қазір еліміз үшін тарихи кезең екеніне, алдымызда биік мақсаттар тұрғанына назар аударды.<blockquote>– Біз жұрттан көш ілгері жүретін ел боламыз. Үйренетін де, үйрететін де ұлт боламыз. Жастар барлық өзгерістің бастауында тұрады. «Жаңа адамдар» – жаңа қоғамның айнасы. «Жаңа адамдар» – жаңа болмыс! Бұл – өз еліне адал жастардың қозғалысы! Біздің стратегиямызға қолдау білдірген сіздерге алғыс айтамын. Реформаларымыздың мән-маңызы ұрандарыңызда көрініс тапқан. Бұл өзгерістер Әділетті Қазақстанды құру, «Заң мен тәртіпті» қамтамасыз ету тұжырымдамасына негізделген, – деді Мемлекет басшысы.</blockquote><img src="https://knadmin.beoblood.kz/uploads/Zha_a_adamdar_prezident_784d824bd2.jpg" alt="Жаңа адамдар президент.jpg">Фото: akorda.kz

Президент жастар форумында сөз сөйледі

<a href="https://kyzylorda-news.kz/ru">Kyzylorda-news.kz</a> «Арал теңізінің құрғап, шөлге айналуы – алаңдатарлық мәселе. Экологиялық апатқа ұшыраған аймақты оңалту керек. Бұған қоса, трансшекаралық өзендердің су қорын тиімді пайдалану қажет. Ол үшін су үнемдеу технологияларын кеңінен қолдану керек», - деді Қазақстан Республикасының Президенті Қасым-Жомарт Тоқаев.2024 жылдың қазанынан осы жылдың қаңтарына дейін Солтүстік Арал теңізіне 1 миллиард текше метр су жіберілді. Бұл жоспарланған көлемнен 100 миллион текшее метрге артық. Орталық Азия елдерімен қол жеткізген келісімдерінің нәтижесінде 2025 жылғы наурыз айының соңына дейін Солтүстік Аралға жіберілген судың жалпы көлемі 1,6 млрд текше метрге жетеді.Бүгінгі таңда Солтүстік Арал теңізіндегі судың жалпы көлемі - 22,1 млрд текше метр. 2022 жылдың басында 18,9 млрд текше метр болды. 2025 жылдың соңына қарай теңіздегі су көлемі 23,4 млрд текшее метрге дейін жетеді деп күтілуде.Солтүстік Арал теңізінің ауданы да ұлғаюда. Бүгінгі таңда ол 3065 шаршы шақырымға жетті. Бұл 2022 жылдың басындағы көрсеткіштен 111 шаршы шақырымға көп.Солтүстік Арал теңізінің ауданы мен көлемінің ұлғаюы судың минералдануың азайтуға және балықтың 22 түрінің популяциясын қалпына келтіруге мүмкіндік берді. Жыл сайынғы балық аулау көлемі 8 мың тоннаға жетті.«Көкарал бөгетін сақтау және Сырдария өзені сағаларын қалпына келтіру» жобасы аяқталуға жақын. Бүгінгі таңда «Тәуір» қорғаныс бөгетін салу, Қарашаланкөлі мен Сырдария өзені арасындағы екі учаскедегі бөгеттер мен «Қарашалан-1» каналын және оның бас құрылысын реконструкциялау жұмысы аяқталды. Жыл соңына дейін Солтүстік Арал теңізін Үлкен Аралдан бөлетін Көкарал бөгетін қайта жаңарту жұмысын аяқтау жоспарланып отыр. Жобаны іске асыру Солтүстік Аралдың сақталуына және судың тұздылығын төмендетуге ықпал етеді.Қызылорда облысының күріш алқаптарын лазерлік жоспарлаушымен тегістеу және су үнемдеу технологияларын пайдалану шамамен 200 млн текше метр су үнемдеп, оны Солтүстік Аралға жіберуге мүмкіндік берді. 55 мың гектар күріш алқабы лазерлік жоспарлаушының көмегімен тегістелді, бұл орташа өнімділікті гектарынан 40-55 центнерден 70-80 центнерге дейін арттыруға септігін тигізді.Су үнемдеу технологияларын енгізуді ынталандыру үшін шаруалардың инфрақұрылым жүргізу, су үнемдеу жүйелерін сатып алу және орнату шығындарын субсидиялау мөлшері 50%-дан 80%-ға дейін ұлғайтылды. Су үнемдеу жүйелерін пайдаланатын дихандар үшін су армалысуға субсидия мөлшері тарифке байланысты 85%-ға дейін ұлғайтылды.Арал теңізі бассейніндегі аймақты оңалту мақсатында көгалдандыру жұмысы жалғасып жатыр. Бүгінде Үлкен Арал теңізінің тартылған аумағында 4,4 млн көшет отырғызылды.2021-2024 жылдар аралығында 475 мың гектар жерге тұқым мен көшет отырғызылды. Биыл 428 мың гектарда көгалдандыру жұмыстарын жүргізу жоспарланған. Осының нәтижесінде 2025 жылдың соңына қарай Арал теңізі табанын көгалдандырудың жалпы көлемі 1,1 млн гектарға жетуі тиіс.Айта кету керек, 2024 жылдың 1 қаңтарынан бастапа Халықаралық Аралды құтқару қорына төрағалық ету кезегі Қазақстан Республикасына өтті. Мемлекет басшысы Қасым-Жомарт Тоқаев 2026 жылдың соңына дейін ХАҚҚ Президенті болып сайланды. Қазақстанның 2024-2026 жылдар аралығындағы төрағалығы кезеңінде ХАҚҚ Атқару комитетінің жұмыс жоспары бекітілді. Құжат 10 түрлі бағыт бойынша 40-қа жуық іс-шараны қамтиды.Президенттің тапсырмаларын іске асыру 2000 мыңға жуық адамды жұмыспен қамтамасыз етуге мүмкіндік береді. Солтүстік Арал теңізінің су көлемі мен ауданының ұлғаюы судың минералдануын азайтады, бұл оның биологиялық әралуандығын сақтауға көмектеседі және Қызылорда облысының балық шаруашылығының дамуытуға ықпал етеді.Су үнемдеу технологияларын енгізу және су инфрақұрылымын дамыту Солтүстік Аралға қосымша су көлемін жіберуге мүмкіндік береді, сондай-ақ өңірдің ауыл шаруашылығын дамытуға көмектеседі.Арал теңізінің тартылған аумағын көгалдандыру топырақ эрозиясының алдын алады және құмды, тұзды дауылдармен күресуге көмектеседі. Бұл аймақтың экологиялық жағдайын жақсартып, жергілікті тұрғындардың денсаулығын қорғайды.Фото: ҚР Су ресурстары және ирригация министрлігі

Солтүстік Арал қалпына келуде: Арал теңізін жандандыру үшін 1 миллиард текше метр су жіберіліп, жасыл белдеулер бой көтерді

<a href="https://kyzylorda-news.kz/ru">Kyzylorda-news.kz</a> «Цифрлық технологиялар арқылы біз азаматтардың күнделікті өмірін барынша жеңілдетуге және барлығына тең мүмкіндіктерге қол жеткізуге ниеттіміз. Ол үшін мемлекеттік басқаруды цифрландырудың сапалы жаңа форматына көшу керек. Оның мәні мемлекеттік саясаттың басты бағыты адамға, оның қажеттіліктері мен мүдделеріне бағытталғандығында», – ҚР Президенті Қасым-Жомарт Тоқаев.&nbsp; &nbsp; &nbsp; &nbsp; &nbsp; &nbsp; &nbsp;<img class="image_resized" style="width:40.58%;" src="https://knadmin.beoblood.kz/uploads/Foto_qaa_kz_2_e010f76c77.jpg" alt="Фото qaa.kz 2.jpg"> &nbsp; &nbsp; &nbsp; &nbsp; &nbsp; &nbsp; &nbsp; &nbsp;<img class="image_resized" style="width:40.11%;" src="https://knadmin.beoblood.kz/uploads/Foto_qaa_kz_33_980e7d724f.jpg" alt="Фото qaa.kz 33.jpg"> &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;2024 жылы Қазақстан Мемлекет басшысының тапсырмасын іске асыруда айтарлықтай нәтижелерге қол жеткізді. Цифрлық трансформацияның нормативтік және әдіснамалық негіздері әзірленді, сараптамалық база қалыптастырылды және түрлі салаларда ауқымды реформалар іске қосылды.Цифрлық трансформацияның негізгі құралдарының бірі бизнес-процестерді қайта құру болды. 1200-ден астам мемлекеттік үдерістерді қайта қарау нәтижесінде 23 мемлекеттік органда 468 бизнес-үдеріс оңтайландырылды, бұл олардың орындалу мерзімін орта есеппен 45%-ке қысқартуға мүмкіндік берді.Атап айтқанда, Ауыл шаруашылығы министрлігінде 98 процестің реинжинирингі қызмет көрсету мерзімінің 55%-ке қысқаруына әкелді. Ішкі істер министрлігі мен Ұлттық экономика министрлігінде бұл көрсеткіш сәйкесінше 55% және 85%-ды құрады.Жылдың басты жетістігі мемлекеттік қызметтерді цифрландыру деңгейін арттыру болды. БҰҰ деректеріне сәйкес, Қазақстан онлайн-қызметтер индексі бойынша топ-10 елдің қатарына кіріп, цифрландыру деңгейі бойынша 193 мемлекеттің ішінде 24-ші орынды иеленді.<img class="image_resized" style="width:49.48%;" src="https://knadmin.beoblood.kz/uploads/Foto_qaa_kz_3_6fb4ac7737.jpg" alt="Фото qaa.kz 3.jpg"> <img class="image_resized" style="width:49.37%;" src="https://knadmin.beoblood.kz/uploads/Foto_qaa_kz_5_c2c56e1291.jpg" alt="Фото qaa.kz 5.jpg">Бүгінгі таңда халықтың 93%-тен астамы eGov порталы арқылы электрондық қызметтерге қол жеткізе алады. Мемлекеттік қызметтердің 90,8%-і смартфондар арқылы қолжетімді. Биометриялық сәйкестендіру мен QR-қолтаңбаларды енгізу электрондық қызметтерді алу процесін жеңілдетті — бір жыл ішінде қазақстандықтар QR-кодтар арқылы 23 миллионнан астам құжатқа қол қойды.<img class="image_resized" style="width:43.98%;" src="https://knadmin.beoblood.kz/uploads/Foto_qaa_kz_6_1ff881c164.jpg" alt="Фото qaa.kz 6.jpg"> &nbsp; &nbsp; &nbsp; &nbsp; &nbsp; &nbsp; &nbsp;&nbsp;<img class="image_resized" style="width:43.68%;" src="https://knadmin.beoblood.kz/uploads/Foto_qaa_kz_7_949ea01cac.jpg" alt="Фото qaa.kz 7.jpg">Қазақстандағы цифрлық трансформация мемлекеттік қызметтерді неғұрлым қолайлы, қолжетімді және тиімді етуге бағытталған.Қазақстандықтар үшін нақты пайдасын көрсеткен бірнеше цифрлық шешімдерге тоқталғымыз келеді.Азаматтардың өмірін жақсартқан цифрлық шешімдердің мысалдары:• Сандық әскери билет қағаз құжаттарын толығымен ауыстырды.• Балабақшаларға онлайн тіркелу ваучерлік қаржыландыру жүйесінің арқасында процесті ашық етті.• «Еуропалық хаттаманы» енгізу сақтандыру төлемдерін алу мерзімін 40 күннен 5 күнге дейін қысқартып, полицияның қатысуынсыз ЖКА ресімдеуге мүмкіндік берді.• Атқарушылық іс жүргізуді автоматтандыру азаматтарға қаржылық жүктемені азайта отырып, жеке сот орындаушыларының қатысуын болдырмады.• Цифрландыру балабақшаларға, мектептерге, жоғары оқу орындары мен жатақханаларға түсуді жеңілдетті, сондай-ақ денсаулық сақтау, әлеуметтік қорғау және тіркеу қызметтеріндегі процестерді оңтайландырды.<img class="image_resized" style="width:46.66%;" src="https://knadmin.beoblood.kz/uploads/Foto_qaa_kz_8_43944db55b.jpg" alt="Фото qaa.kz 8.jpg"> &nbsp; &nbsp;&nbsp;<img class="image_resized" style="width:46.82%;" src="https://knadmin.beoblood.kz/uploads/Foto_qaa_kz_9_1d51b552a8.jpg" alt="Фото qaa.kz 9.jpg">2025 жылы 44 мемлекеттік қызметтің мерзімін қысқарту, 20 мемлекеттік қызметті проактивті форматқа ауыстыру, сондай-ақ 35 мемлекеттік қызметті трансформациялау жоспарланған.Цифрлық трансформацияның нәтижелері бүгінде миллиондаған қазақстандықтар үшін айқын. Әрбір жоба мемлекеттік қызметтердің ыңғайлылығын, ашықтығын және қолжетімділігін арттыруға бағытталған. Цифрландыру деңгейін арттыру білім беруге, денсаулық сақтауға және әлеуметтік қызметтерге қолжетімділікті жақсартады, оларды ыңғайлы және әділ етеді. Қазір көптеген мемлекеттік қызмет онлайн-форматта, кезексіз және қосымша бюрократиялық рәсімдерсіз қолжетімді.Фото: qaa.kz

Бюрократиядан қолайлылыққа: цифрландыру мемлекеттік қызметтерді қалай жақсартады

<a href="https://kyzylorda-news.kz/ru">Kyzylorda-news.kz</a> Әли Әлиев жаттықтыратын Қазақстан ұлттық құрамасының ақпан айындағы оқу-жаттығу жиынына қатысатын ойыншылар тізімі белгілі болды. Бұл қатарға “Қайсар” футбол клубының шабуылшысы Айбар Жақсылықов та енді.Енді Айбар Болатұлы құрамамен бірге 10-17 ақпан аралығында өтетін жаттығу жиындарына қатысатын болады. Жиында 2 жолдастық кездесу өткізу жоспарлануда.Айта кетейік, Айбар Жақсылықов күні кеше “Қайсармен” келісім-шарт мерзімін ұзартты.Фото: Қызылорда облысының дене шынықтыру, спорт және туризм басқармасы

Футбол: "Қайсардың" шабуылшысы ұлттық құрамаға шақырту алды

<a href="https://kyzylorda-news.kz/ru">Kyzylorda-news.kz</a> Облыс әкімі Нұрлыбек Нәлібаев су шаруашылығының жағдайын және су тасқынының алдын алу жұмыстарын тексерді.Мемлекет басшысының Жолдауында ирригация жүйелері, жалпы су шаруашылығы мәселесімен мұқият айналысу, көктемгі қарқын суды жинап, оны диқандардың қажетіне жарату мақсатында гидрология бекеттерін жөндеп, жаңғырту тапсырылғаны белгілі. Бұл бағытта облыста бірқатар жұмыс атқарылды.Атап айтқанда, Үкімет қаулысымен бекітілген «Қазақстан Республикасының су саласын дамытудың 2024 - 2028 жылдарға арналған кешенді жоспарына» Қызылорда облысын суармалы сумен қамтамасыз етуге бағытталған 112 жоба енгізілді.Олар аймақтың әлеуметтік- экономикалық жағдайының жақсаруына оң әсерін тигізеді.Кешенді жоспарға енгізілген жобалар ішіндегі «Қараөзек» су қоймасын салуды Ислам Даму банкі есебінен қаржыландыру үшін Су ресурстары және ирригация министрлігімен бірлескен жұмыс жүргізілуде. Бұл 31 мың гектар суармалы, 120 мың гектар шабындық пен жайылымдық жерді және вегетациялық кезеңде Арал теңізін суландыруға мүмкіндік береді.«Келінтөбе» магистралды каналына су беретін канал» жобасын жүзеге асыруға 2024 жылға республикалық және облыстық бюджеттен қаржы бөлініп, 6,1 шақырым айналма канал қазылды. Сағасына гидротехникалық құрылыс салу қажеттілігі туындауына байланысты жоба-сметалық құжаты әзірленіп, мемлекеттік сараптамадан өткізу үшін өтінім ұсынылды.Жоба іске асқанда, Жаңақорған ауданының 30 мың гектар егістік жерін вегетациялық кезеңде суландыруға мүмкіндік береді.Су үнемдейтін технологияны енгізуді 2028 жылға дейін 24,2 мың гектарға жеткізу (2024 ж. - 4,4 мың гектар, 2025 ж. - 9,2 мың гектар, 2026 ж. -14,2 мың гектар, 2027 ж. - 19,2 мың гектар, 2028 ж. - 24,2 мың гектар) көзделген.Өткен жылы су үнемдеу технологияларын пайдалану көлемі 4,4 мың гектарға жеткізіліп, 2023 жылмен салыстырғанда 3,5 мың гектарға артты.Күріш шаруашылығында су үнемдеудің бірден-бір жолы - егістікті лазерлік тегістеу. Өткен жылы күріш егістігінің 55 мың гектарына лазерлік тегістеу жүргізілсе, алдағы 5 жылда 72 мың гектарға жеткізу жоспарлануда.Сонымен қатар, өткен жылы «Арна» мекемесінің теңгеріміндегі 107 су нысанына, 1 қорғаныс бөгеті және 69 канал бойындағы гидротехникалық құрылыстарға ағымдағы ұстап тұру жұмыстары жүргізілді.Биыл 5 каналды тазалау жоспарлануда.Сол сияқты, «Көлтоған» су қоймасының апаттық жағдайының уақытша алдын алу және «Ақүйік» ауылдық округі тұрғындарын аяқ сумен қамтамасыз ету үшін «Арна» мекемесі арқылы су беретін каналды тазалау, дамбысын көтеру, су тоспаларын жөндеу, қойманың бөгетін уақытша қалпына келтіру жұмыстары атқарылды.Аймақ басшысы су үнемдеу технологияларын кеңінен қолдану, су тасқынының алдын алу мәселесі күн тәртібінен түспеуі керек екенін ескертті.<img src="https://knadmin.beoblood.kz/uploads/AJMA_BAS_Sh_YSY_SU_Sh_ARUA_Sh_YLY_YNY_Zh_A_DAJYN_PYSY_TADY_e199f80298.jpg" alt="АЙМАҚ БАСШЫСЫ СУ ШАРУАШЫЛЫҒЫНЫҢ ЖАҒДАЙЫН ПЫСЫҚТАДЫ.jpg">Фото: Қызылорда облысы әкімінің баспасөз қызметі

Аймақ басшысы су шаруашылығының жағдайын пысықтады

<a href="https://kyzylorda-news.kz/">Kyzylorda-news.kz</a> «AMANAT» &nbsp;партиясының облыстық филиалының төрағасы Алмасбек Есмахановтың қатысуымен филиал жанындағы Экология жөніндегі аймақтық кеңестің отырысы өтті. Онда өткен жылы атқарған жұмыстар қорытындыланып, алдағы жұмыс жоспары бекітілді. Сонымен қатар кеңес құрамына өзгерістер енгізу мәселесі талқыланды.Облыстық партия филиалы жанындағы экологиялық кеңес Қазақстан Республикасының Президенті Қ.К.Тоқаевтың тапсырмаларын және «AMANAT» партиясының «Халықпен бірге!» Сайлауалды бағдарламасын орындау жөніндегі Жол картасының шеңберінде аймақтық экологиялық мәселелерді шешуге ықпал ету мақсатында құрылған консультативтік-кеңесші орган болып табылады.Өткен жылы Экологиялық кеңестің 5 отырысы өтіп, күн тәртібінде 9 мәселе қаралған. Соның ішінде коммуналдық қалдықтарды басқару жөніндегі бағдарламаларды әзірлеу және олардың орындалуын қамтамасыз ету бөлігінде жергілікті атқарушы органдармен нормативтік құқықтық актілердің орындалуы, ірі мұнай және уран өндіруші басқада да өндіріс орындарындағы радиоактивті қалдықтарды жинау, сұрыптау, залалсыздандыру және жою мәселелері жан-жақты талқыланып, отырыстар қорытындысымен 15 ұсыныс көтерілген. Әр отырыс сайын көтерілген ұсыныстар тиісті республика деңгейінде мекемелерге, Министрліктерге, сондай-ақ, жергілікті мекемелерге, қала, аудан әкімдіктеріне жолданып тиісті жұмыстар атқарылған.Сондай-ақ, Парламент қабырғасында қаралып жатқан заң жобаларын талқыға салып, өңірдің ерекшелігіне қатысты ұсыныстар жолданған. Экологиялық кеңестің мамыр айындағы отырысы ерекше форматта өтіп, «Қызылорда су жүйесі» мемлекеттік коммуналдық кәсіпорнына қарасты биологиялық тазарту станциясы мен «Теміржолсу-Қызылорда» ЖШС өндірістік химиялық-бактериялогиялық зертханасы жұмысына мониторинг жүргізілген.Жиын барысында Кеңес төрағасы Жорабек Нұрымбетов, мүшелері Светлана Кужамбердиева, Ибрагим Басықараев, Жұмабек Ембергенов, Олжас Ізмағамбетов және Әсем Сағатқызы өздерінің ұсыныс-пікірлерін ортаға салып, наурыз айында Қорқыт ата атындағы Қызылорда университетінің студенттерінмен бірлесіп, «500 ағаш – 500 арман» акциясын бастайтындығын жариялады.Отырыс соңында Жорабек Ибрагимұлы әріптестерін өңірдің экологиялық мәселелерін шешуге қолдан келгенше жұмыс жасауға шақырды.

«AMANAT»  Кеңестің өткен жылғы жұмысы қорытындыланып, алдағы жоспар бекітілді

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы қалалық мәдениет үйінде «Жемқорлықсыз қоғам» тақырыбында мәдениет саласы және 55/47 әскери бөлімі қызметкерлерімен кездесу өтті.&nbsp;Іс-шараға партияның облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңес төрағасы, облыстық мәслихаттағы депутаттық фракция жетекшісінің орынбасары Мақсұт Нәлібаев пен кеңес мүшесі, «Жаңару» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Қызылорда облысындағы филиалы директоры, облыстық мәслихаттағы партия фракциясы мүшесі Әмірбек Шаймағамбетов қатысты.&nbsp;Кездесу барысында қатысушыларға партияның облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңес пен «Жаңару» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Қызылорда облысындағы филиалы тарапынан күн тәртібіндегі мәселе бойынша жасалып жатқан жұмыстар, сондай-ақ қоғамдық ұйымдар алдында тұрған міндеттер туралы ақпарат берілді.&nbsp;Мұнан бөлек, кездесуге қатысушылар сыбайлас жемқорлыққа қарсы іс-қимыл бойынша еліміздегі мемлекеттің және партияның бағдарламасымен, нормативтік – құқықтық актілер базасымен танысты.

«Жемқорлықсыз қоғам» тақырыбында кездесу өтті

<a href="https://kyzylorda-news.kz/">Kyzylorda-news.kz</a> Айтыскер ақын Айнұр Тұрсынбаева «SAAD» отандық желілік маркетинг компаниясын ашты, деп хабарлайды&nbsp;<a href="https://sn.kz/sn-adebiet-zhane-oner/120399-khalykty-koraga-kirgizudi-bastady-ainur-tursynbaeva-zhelilik-marketing-kompaniiasyn-ashty-video">Skifnews.k</a><a href="http://skifnews.kz/">z</a>&nbsp;ақпарат порталы.Ақынның досы Балғынбек Имашовтың айтуынша, компанияның құрылтайшылары Тұрсынбаеваның бір туған бауырлары.<blockquote>«Тұңғыш Отандық желілік “SAAD” компаниясының құрылтайшылары — бір туған бауырлар Дархан, Ардақ, Айнұр! Бүгін үлкен оқиға: Алматыдағы Балуан Шолақ атындағы Спорт Сарайында жаңа компанияның тұсаукесері өтуде. Ата-анасын шығарып батасын алуы, Алатау Серілерінің рухты әнімен кештің басталуы сондай орынды әрі тағылымды болды. Тамара Асардың әндері осы кештің шырайы, сәні мен салтанаты болды. СААД компаниясы — мыңдаған адамдарға табыс көзі, жүзмыңдаған адамдарға сапалы өнім, миллиондарға денсаулық пен сұлулық сыйлайтын мүмкіндік деп сенеміз. Экономикамызға пайдалы, яғни, миллиардтаған долларлар шетке кетпейді, керісінше, сырттан үлкен қаржылардың құюлуына себеп болмақ.Қазақтың екі мықты қызы — Ардақ пен Айнұр бірігіп Дархан бауырын қолдаса, бұл үштіктің алмайтын асуы, қопармайтын тауы қалмайды деп сенем. Алла жар болсын, Айнұр досым! Мен сенің әр бастамаңа тілекші әрі қолдаушымын!», — деп жазды ол.&nbsp;</blockquote>Айнұр Тұрсынбаевның өзі оқырмандарын желілік маркетинг компаниясына тіркелуге шақырып жатыр.&nbsp;<blockquote>«Позор болып басқа елдің сетевойында жүрмейік…Тұңғыш қазақтың классикалық маркетингпен құрылған компанияға тіркелу басталды», – дейді&nbsp;ол.&nbsp;</blockquote>Дегенмен, желі қолданушылары бұл компанияның болашағына күдікпен қарауда.&nbsp;<blockquote>«Сетевой маркетинг қой, бірін бірі сүреу, кредитке тығу басталды», «Кезінде НЛ-мен біраз адамның ақшасын жеп еді, әлі тоймапты», «Алаяқтық қой, сенбеңдер», «Арты мәссәған, мен алдамдым болып кетпесін», «Аңқау елге арамза молда», «Кейін былық болып шығып, Балғынбек Айнұрды танымаймын деп тұрма», «Халықты тонауды қоймапты», «Зауыт ашты ма десем, тағы бір пирамида ашыпты ғой», «Айнұр тағы да халықты қораға кіргізуді бастады», — деп жазды олар.&nbsp;</blockquote>Ал, компанияның жарнамалық мәтіндерінде желілік маркетинг арқылы миллиондарды тауып, оңай баспаналы болатын жүйе бар екенін айтқан.&nbsp;Фото: коллаж Sn.kz

Айнұр Тұрсынбаева желілік маркетинг компаниясын ашты

<a href="https://kyzylorda-news.kz/">Kyzylorda-news.kz</a>&nbsp; Медициналық көмек алу туралы сұрақтар бойынша 1414 байланыс орталығына қоңырау шалуға болатыны белгілі. Келіп түсетін өтініштердің бір бөлігі МӘМС жүйесіндегі мәртебені нақтылауға қатысты. Әлеуметтік медициналық сақтандыру қорындағылар оператордың жауабын күтуге уақыт жоғалтпай, мәртебені онлайн-сервис арқылы жылдам тексеруге болатынын еске салып өтті.Қордың ЖСН енгізіп міндетті әлеуметтік медициналық сақтандыру жүйесінде өз мәртебеңді білуге болатын жеке сервистері бар. Олардың қатарына келесілер жатады:<ul><li><a href="https://msqory.kz/">https://msqory.kz/</a> ресми сайты – парақшаның ортасындағы «Сақтандыру мәртебесін тексеріңіз» жолағы арқылы;</li><li>Qoldau 24/7 мобильдік қосымшасы – бас мәзірдегі «Сақтандыру мәртебесін тексеру» пәрмені арқылы;</li><li>Telegram-дағы @SaqtandyrýBot – негізгі мәзірдегі «Сақтандыру мәртебесін анықтау» пәрмені арқылы.</li></ul>Сондай-ақ, Әлеуметтік медициналық сақтандыру қоры екінші деңгейдегі банктермен және медициналық ақпараттық жүйелерді жеткізушілермен тиісті келісімдер жасай отырып, сақтандыру мәртебесін тексеру және жарналарды төлеу үшін сервистерді кеңейту бағытында тұрақты жұмыс жүргізіп келеді. Бүгінгі таңда бұл мүмкіндік келесідей мобильді қосымшаларда қолжетімді:<ul><li>Damumed</li><li>Halyk (Халық банкі)</li><li>BCC.KZ (ЦентрКредит банкі)</li><li>Kaspi.kz (Kaspi Bank)</li><li>Forte (Forte Bank)</li><li>Freedom SuperApp (Фридом Банк Қазақстан)</li><li>Bereke bank (Bereke Банк)</li></ul>Сонымен қатар, egov.kz электрондық үкімет сайтында «Міндетті әлеуметтік медициналық сақтандыру жүйесінде медициналық қызметтерді тұтынушы ретінде қатысу және аударымдардың және немесе жарналардың аударылған сомалары туралы ақпарат» мемлекеттік қызметі бар.<img src="https://aqmeshit-aptalygy.kz/wp-content/uploads/2025/02/21.webp" alt="МӘМС-тегі мәртебені қалай жылдам тексеруге болады?" srcset="https://aqmeshit-aptalygy.kz/wp-content/uploads/2025/02/21.webp 1200w, https://aqmeshit-aptalygy.kz/wp-content/uploads/2025/02/21-768x403.webp 768w" sizes="(max-width: 1200px) 100vw, 1200px" width="1200" loading="lazy">&nbsp;

МӘМС-тегі мәртебені қалай жылдам тексеруге болады?

&nbsp;<a href="https://kyzylorda-news.kz/">Kyzylorda-news.kz</a> Ауыл шаруашылығы мен жер қатынастары саласы – өңір экономикасының негізгі саласының бірі. Былтыр 36 952 гектарға ауыл шаруашылығы дақылдары орналастырылды. Оның ішінде 19 800 гектар жерге күріш дақылы орналастырылып, гектарына 60,5 центнерден өнім жиналды. Бұл туралы Өңірлік коммуникациялар қызметінің ақпарат алаңында Жалағаш ауданының әкімі Ардақ Ибраимов мәлімдеді.<blockquote>– Аймақ басшысының тапсырмасына сәйкес суды аз қажет ететін дақылдарды көбейтуге басымдылық берілді. Осы бағыта былтырғы жылы егіс алқабы 597 гектарға көбейтілді. Осы жетістіктердің нәтижесінде ауданымыздың бірқатар шаруашылықтары мен қызметкерлері озат атанып, арнайы жүлделермен марапатталды. Аудан шаруашылықтары техника паркін жаңарту жұмыстарын үнемі жүргізіп келеді. Өткен жылы 1 млрд 886 млн теңгеге 27 дана ауыл шаруашылығы техникалары сатып алынды. Биыл аудан бойынша 37 155 гектарға ауыл шаруашылығы дақылдарын орналастыру жоспарлануда. Оның ішінде негізгі дақыл күріш көлемі 19 800 гектарға орналастырылатын болады. Өткен жылы ауданда әр отбасы өзін-өзі әлеуметтік маңызы бар азық түлік өнімдермен қамтамасыз ету үшін шаруашылық құрылымдарымен 500 гектар жер дайындалып, 188 гектар жерге картоп, 191 гектар жерге бақша, 121 гектар жерге көкөніс дақылдары егіліп, ысырапсыз жинап алынды, – деді аудан әкімі.</blockquote>Айта кетейік, егін шаруашылығымен бірге ауданда мал шаруашылығы да тұрақты дамуда. 2024 жылдың қорытындысымен барлығы 31 111 бас мүйізді ірі қара, 23 872 бас уақ мал, 31193 бас жылқы, 736 бас түйе, 50 бас шошқа, 9 779 бас құс өсірілуде.Фото: Өңірлік коммуникациялар қызметі

Жалағаш ауданында егіс алқабы 597 гектарға көбейтілді

&nbsp;<a href="https://kyzylorda-news.kz/">Kyzylorda-news.kz</a> Жол құрылысы және ішкі көшелерді жөндеу бойынша 5 жобаға бюджет есебінен қаржы қаралып, Бұқарбай батыр, Аққұм, Есет батыр ауылдарының 17 көшесіне және М.Шәменов ауылының кіре беріс автомобиль жолын күрделі жөндеу жұмыстары жүргізіледі. Таң ауылындағы екі пәтерлі 10 тұрғын үйге кірме автомобиль жолын салынбақ. Бұл туралы Өңірлік коммуникациялар қызметінің баспасөз алаңында Жалағаш ауданының әкімі Ардақ Ибраимов баяндады.<blockquote>«2025 жылы ауданның жол саласын дамытуға бюджеттен барлығы – 1 млрд 731 млн. теңге бөлінді. Бұл қаржыға 24,6 км автомобиль жолдары және көшелер жөндеуден өткізілетін болады. Сондай-ақ, «Ауыл – Ел бесігі» бағадарламасы аясында ұзындығы 22,3 шақырым құрайтын Жалағаш кенті мен 5 елді мекенде 35 көшеге жөндеу жұмыстары жүргізіледі», – деді аудан басшысы.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары