<a href="https://kyzylorda-news.kz/">Kyzylorda-news.kz</a> Қызылорда қаласының сол жағалауынан бой көтерген облыстық тарихи - өлкетану мұражайында партияның облыстық филиалы жанындағы мәдениет пен өнерді қолдауға бағытталған «Miras» аймақтық кеңесінің көшпелі отырысы өтті. Көшпелі отырыс барысында кеңес мүшелері мұражайдағы жәдігерлермен танысты.Кеңес мүшелері ұлттық жәдігерлерімізді сақтау, кейінгі ұрпаққа насихаттауда үлкен орын алатын мұражайдың жұмысына сәттілік тілеп, мұражай жұмысын қолдау бағытында өз ұсыныстарын ортаға салды. Атап айтқанда мұражай қызметін кеңінен ақпараттандыру, тұрғындардың қатынауы үшін жолаушылар тасымалын ұйымдастыру, қауіпсіздік мәселелерін алға тартып, жауапты басқармаларға ұсыныстар беретін болды.Кеңес отырысы соңында партияның облыстық филиалының төрағасы Алмасбек Есмаханов кеңес мүшесі, облыстық тарихи - өлкетану мұражайының директоры Сапар Көзейбаевқа кеңес жұмысына белсене араласып, партия бастамаларын қолдаудағы еңбегі үшін ҚР Парламенті Мәжілісінің депутаты, «Miras» респбуликалық кеңесінің төрағасы Әлтай Аманжол Дүйсенбайұлының арнайы алғыс хатын табыстады.Атап өтейік, заманауи жаңа ғимарат ұлтымыздың тарихи «Қазақ» атауының қайтарылғанының, Қызылорданың Қазақ елінің астанасы болғанының 100 жылдық мерейтойына, облыстық музейдің 85 жылдығына арналып салынды. Сыр өңірінің баға жетпес тарихи-мәдени мұрасын сақтау және кеңінен насихаттау мақсатындағы жаңа музей сандық және мультимедиялық технологиялармен жабдықталған. Музейдің 85 жылдық тарихында алғаш рет типтік ғимарат қор сақтау қоймаларымен жабдықталған.Қазіргі уақытта музей қорында 67 613 экспонат сақталған. Музейдің жаңа экспозицияларында аймақтың флорасы мен фаунасы, палеонтология, археология және этнография, Қызылорда облысының экономикалық және әлеуметтік-мәдени дамуы көрсетіледі. 11 залдан тұратын мұражайдың тақырыптық құрылымы, жабдықтары мен безендірілуі жасанды интеллект элементтерін қолдана отырып, 3D модельде жасалған.&nbsp;

«Miras» аймақтық кеңесінің көшпелі отырысы өтті

<a href="https://kyzylorda-news.kz/">Kyzylorda-news.kz</a>&nbsp; Премьер-министр Олжас Бектенов Қытай Халық Республикасымен ынтымақтастық мәселелері бойынша кеңес өткізді. ҚР Президенті Қасым-Жомарт Тоқаев пен ҚХР Төрағасы Си Цзиньпиннің таяуда жасаған сапары барысындағы келіссөздері аясында қол жеткізілген уағдаластықтарды ескере отырып, инвестициялық жобаларды іске асыру мәселелері талқыланды.Сыртқы істер министрлігі деректері бойынша, қазір Қазақстанда қытайлық инвесторлардың қатысуымен 50 мыңға жуық жұмыс орны ашылып, жалпы құны $66,4 млрд болатын 224 индустриялық жоба жүзеге асырылуда. ҚХР Қазақстан экономикасындағы ең ірі инвесторлардың бестігіне кіреді: 2005-2024 жылдар аралығында инвестиция көлемі $26,4 млрд-ты құрады.Премьер-министр ҚХР Төрағасының таяуда Қазақстанға жасаған сапары ынтымақтастыққа елеулі серпін бергенін атап өтті. Сондай-ақ Астанада өткен «Орталық Азия – Қытай» индустриялық және инвестициялық ынтымақтастық форумының маңыздылығы атап өтілді. Форум аясында Қазақстан мен Қытай арасында жалпы құны $24 млрд-ты құрайтын 58 коммерциялық келісімге қол қойылды.<blockquote>«Мемлекет басшысы 2029 жылға дейін кемінде $150 млрд көлемінде шетелдік инвестиция тарту міндетін қойды. Осы тұрғыда жетекші экономикалық державалардың бірі және біздің негізгі инвестициялық серіктесіміз Қытай елімен толыққанды кооперацияны одан әрі тереңдету – Қазақстанның аса маңызды басымдығы. Сондықтан инвестициялар көлемін арттыру, жаңа бірлескен жобаларды іске қосу, әсіресе шикізаттық емес әрі экспортқа бағдарланған өнімдерді өндіру бойынша жүйелі шаралар қажет. Мемлекет басшысының шақыруы бойынша ҚХР Төрағасының Қазақстанға таяуда жасаған кезекті сапары екі ел арасындағы экономикалық әріптестіктің жоғары деңгейін дәлелдеп, одан әрі нығайта түсті. Әрбір жобаның жүзеге асырылуы менің тікелей бақылауымда болады, толық қолдау көрсетіледі», — деп тапсырды Олжас Бектенов.</blockquote>Премьер-министр жаңа жобалары жоқ өңірлерде, оның ішінде Абай, Шығыс Қазақстан, Батыс Қазақстан облыстарында жұмысты жандандыру қажеттігін баса айтты Олжас Бектенов аталған өңір басшылығына қысқа мерзімде серіктестермен өзара іс-қимыл орнатуды және нақты бастамалар ұсынуды тапсырды.Ұзақмерзімді серіктестік орнату және инвестиция тарту мақсатында аймақтық делегациялардың Қытай провинцияларына сапарларын жандандыру жөніндегі тапсырманы іске асыруға назар аударылды. Олжас Бектенов ҚХР Төрағасының сапары аясында келісімдерге қол қойып, алдын ала уағдаластықтарды қамтамасыз еткен Астана қаласындағы және Алматы, Қызылорда, Түркістан облыстары сияқты бірқатар өңірдегі оң динамиканы атап өтті. Қалған өңірлерге осы бағытта жұмыс істеу тапсырылды.Сондай-ақ кеңес барысында «Орталық Азия – Қытай» форумы аясында өңірлердің қытайлық серіктестермен жасасқан жаңа келісімдерін жүзеге асыру мәселелері қаралды. Мәселен, Алматы облысында «жасыл» энергетика, логистика, АӨК және өнеркәсіп саласындағы жобаларды қоса алғанда, $6 млрд-тан астам соманы құрайтын 7 құжатқа қол қойды. Астана қаласы, Қызылорда және Түркістан облыстары инфрақұрылым, агроөнеркәсіп және өнеркәсіп салаларында бастамалар ұсынды.Кеңес қорытындысы бойынша мемлекеттік және жергілікті атқарушы органдарға қол қойылған келісімдерді іс жүзінде жүзеге асыруды, әрбір кезеңде барлық жобаны сүйемелдеуді, сондай-ақ бірыңғай мемлекеттік инвестициялық саясат шеңберінде іс-қимылдарды үйлестіруді қамтамасыз ету тапсырылды.

Қазақстан мен Қытай арасында 58 коммерциялық келісімге қол қойылды

<a href="https://kyzylorda-news.kz/">Kyzylorda-news.kz</a> &nbsp;Маусымдық жаппай сатылым жақындап келеді, бір жағынан, бұл кезде тауарларды тиімді бағамен табуға болады, ал екінші жағынан, жосықсыз сатушыларға және тіпті алаяқтарға тап болу қаупі артады.Fingramota.kz-пен бірге олардың айла-шарғыларына қалай түспеуге және ақшаны жоғалтпай, шынымен үнемдеуге болатынын қарастырайық.«Маусымдық жаппай сатылым» басталмас бұрын бағаларды тексеріңізЖосықсыз сатушылар көбінесе ең көп таралған маркетингтік тәсілдердің бірін қолданады: сатылым басталмас бірнеше апта бұрын олар танымал тауарлардың бағасын әдейі көтереді. Ал акция күні бағаны бұрынғы деңгейге дейін төмендетіп, үлкен жеңілдік елесін жасайды. Бастапқы бағаларды бақыламаған сатып алушылар тиімді сатып алу жасап жатырмыз деп қателеседі, ал іс жүзінде олар сатылым басталғанға дейінгідей ақша төлейді. Мұндай тәсіл эмоционалды және импульсивті сатып алуларға бағытталған, сондықтан алданып қалмас үшін өзіңізді қызықтыратын тауарлардың бағасын алдын ала тіркеп алу маңызды.Кеңес: Баға динамикасын арнайы сервистер арқылы міндетті түрде тексеріңіз – мысалы, Google-да «Баға тарихы» бар, немесе жай ғана бағалардың скриншоттарын алдын ала сақтап алыңыз. Сондай-ақ, әртүрлі сатушылардағы бағаларды салыстырыңыз, егер жеңілдік тым жоғары болса, сақ болу керек.«Тек бүгін!» ұрандарына сенбеңізБарлық шектеулі таймерлер мен «Тауар таусылуға жақын қалды» немесе «Жеңілдік түн ортасында аяқталады» деген жазулар агрессивті жарнамалар және сатып алушыларға қысым көрсету әдістері болып табылады. Алаяқтар да сенгіш адамдарды осындай манипуляциялық айла-шарғылар арқылы өз желілеріне тартуды өте жақсы көретінін ұмытпаңыз.Кеңес: Әдетте, көптеген акциялар бір күннен артық созылады - сатушылар өз тауарларын мүмкіндігінше көп адам сатып алғанына мүдделі. Сондықтан асықпаңыз және тауарлардың шынымен аз екенін өзіңіз тексеріңіз, өйткені жосықсыз сатушылар дүрбелең тудыру үшін ассортиментті жасанды түрде шектейді.Белгісіз брендтерге сенбеңізБіз люкс компаниялардан тауар сатып алу керек деп айтпаймыз, бірақ өте белгісіз брендтер, олар үлкен жеңілдіктер ұсынса, бұл сақ болуға тұрарлық себеп. Қауіптісі, тауар бастапқыда сапасыз немесе үлкен жеңілдіктерді ескерсек те, тым жоғары бағаланған болуы мүмкін.Кеңес: Егер сізге жаңа бренд қызықты болса, онда тәуелсіз алаңдардағы пікірлерді оқып шығыңыз, тек біреуімен шектелмеңіз, сонда толыққанды сурет аласыз. Әлеуметтік желілерді зерттеу де артық болмайды - адамдар пікірлерде, әдетте, шынайы эмоцияларымен бөліседі, бірақ мұнда да абай болу керек және бренд сатып алған боттардан сақтану қажет.Жалған сайттар мен фишингтен сақтаныңызБіз бұл туралы бірнеше рет айттық және тағы да қайталаймыз: алаяқтар көбінесе танымал брендтер мен маркетплейстердің «үлкен жеңілдіктері» бар сайттарының көшірмелерін жасайды. Жалған сайттар ұсақ-түйегіне дейін көшірме болуы мүмкін, сондықтан App Store және Google Play-ден қосымшаларды жүктеп алған дұрыс – мұнда тек тексерілген нұсқалар ғана түседі, және солар арқылы жұмыс істеңіз.Кеңес: Әрқашан URL мекенжайын тексеріңіз (атауы https:// басталуы керек, «s» әрпінің болмауы сайттың жалған екенін көрсетеді). Сондай-ақ, белгісіз сайттарда карта деректерін (нөмір, пин-код, CVV/CVC) ешқашан енгізбеңіз және онлайн төлемдер үшін әрдайым шағын сома болатын бөлек карта ашқан дұрыс. Және, ақырында, барлық құрылғыларыңызда екі факторлы авторизацияны қосыңыз.Қайтару және жеткізу шарттарын әрқашан оқыңызКейбір интернет-дүкендер мен маркетплейстердегі сатушылар маңызды бөлшектерді жасыруы мүмкін – мысалы, айырбастау және қайтару мүмкін еместігі немесе қайтарудың ерекше шарттары. Кейде бұл шарттар тапсырысты ресімдеу кезінде ғана пайда болады, немесе олар мүлдем айтылмайды.Кеңес: Мұндай әрекеттер жаңылыстырады және сіздің сатып алушы ретіндегі құқықтарыңызды бұзады. Сондықтан сатып алу шарттарының скриншоттарын, әсіресе тауар сипаттамасы бар бетті, қайтару туралы ақпаратты және жеткізу құнын сақтап алыңыз. Бұл сатушы кейіннен шарттарды өзгертсе немесе қайтарудан бас тартса, дәлел болады.Бұдан басқа, Қазақстан заңнамасына сәйкес, егер тауардың сыртқы түрі мен қаптамасы сақталған болса, оны 14 күн ішінде қайтаруға болатынын есте ұстаған жөн. Іш киім, дәрі-дәрмектер, шұлық бұйымдары және т.б. бұған жатпайды. Егер сатушы тауар қайтаруға жатпайды деп мәлімдесе, онда сіз оған Тұтынушылардың құқықтарын қорғау комитетіне шағым беруге толық құқылысыз.«Маусымдық жаппай сатылым» алдындағы сатып алушының чеклистіБағаларды алдын ала салыстырыңыз. Акциялар басталғанға дейін қажетті тауарлардың бағасын жазып алыңыз – жеңілдіктер жалған болуы мүмкін.Сайттар мен сатушыларды тексеріңіз. Сайттың шынайы екеніне көз жеткізіңіз: мекенжайын, байланыс деректерін, пікірлерді және қайтару шарттарын тексеріңіз.Ұсыныстарды салыстырыңыз. Бір тауар әртүрлі дүкендерде әртүрлі бағада болуы мүмкін.Пікірлерді зерттеңіз. Сатушы сайтында ғана емес, тәуелсіз алаңдарда да сатып алушылардың пікірлерін оқыңыз.Шарттарды оқыңыз. Төлем, қайтару және жеткізу ережелерін мұқият оқып шығыңыз.Импульсивті сатып алулардан аулақ болыңыз. Өзіңізге: «Маған бұл шынымен қажет пе?» деп сұраңыз – және ойлануға уақыт беріңіз.Қауіпсіз төлеңіз. Карталарды және тексерілген төлем сервистерін пайдаланыңыз. Ақшаны жеке шоттарға аудармаңыз.Бюджетті бақылаңыз. Шығыстар лимитін анықтаңыз және қажетті сатып алулар тізімін ұстаныңыз.Растауларды сақтаңыз. Түбіртектерді, хаттарды және скриншоттарды сақтаңыз – бұл қайтару немесе дау кезінде пайдалы болады.<img src="https://knadmin.beoblood.kz/uploads/19_05_infographics_rus_7_4a7c0d2186.png" alt="19.05 infographics rus-7.png">Өзіңізді, ақшаңызды сақтаңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Жаздық жаппай сатылым: жосықсыз сатушылардың айла-шарғыларына қалай түспеуге болады 

<a href="https://kyzylorda-news.kz/">Kyzylorda-news.kz</a> Аққұм ауылдық округінде халықпен кездесу өткізілді. Оған партияның облыстық мәслихатындағы фракция мүшесі Тілеп Ібайдулла Тілепұлы, «AMANAT» партиясы Арал аудандық филиалының төрағасы Төрахметов Базарбай Шөменұлы, аудандық мәслихаттағы партия фракциясының жетекшісі Жангушикова Шарбану Байділдақызы қатысты.Кездесуде фракция мүшелері атқарған жұмыстарын баяндады. Жалпы, партияның «Халықпен бірге» Сайлауалды бағдарламасы аясында Аққұм ауылдық округінде ауқымды жұмыстар атқарылды. Фракция мүшелерінің белсенділігінің нәтижесінде ауылдағы инфрақұрылымдық жобалар жүзеге асты. Жол картасы аясында ауылдық округті газдандыру жұмыстары жүргізілді.Кездесуде азаматтар тарапынан бірқатар сауалдар жолданды. Соның ішінде ауылдағы кіреберіс жолдарды жөндеу, су ұңғымаларын қазу сынды мәселелер көтерілді.Жиын соңында фракция мүшелері ауыл тұрғындарының сауалдарына байланысты тиісті ұсыныстарды жолдайтынын жеткізді.Одан әрі фракция мүшелері азаматтардың жеке мәселелері бойынша мобильдік қабылдау өткізді.Алдағы уақытта тағы да тұрғындармен кездесу жұмыстары жүргізіліп, тиісті жұмыстар атқарылатын болады.Фото: «AMANAT» партиясы

Аққұм ауылының тұрғындары фракция мүшелерімен кездесті

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында қызмет атқаратын ҚР ІІМ Ұлттық ұланы 5547 әскери бөлімінің әскери қызметшілері тұрғын үйде шыққан өрттен зардап шеккендерге алғашқылардың бірі болып көмекке келді.Кезекші патруль бағыты «Ескі базар» аумағындағы тұрғын үйден өрт шыққаны туралы полицияның жедел басқару орталығынан хабар алған. Бұл туралы білген кезекші лейтенант Ернұр Әбілхан патрульдік топ құрамындағы қатардағы жауынгерлер Нұрдәулет Әдіхалық пен Ердос Махмұдовпен бірге дереу оқиға орнына аттанған.Үшінші қабаттағы пәтердің терезесінен қою түтін будақтап шығып жатты. Өрт сөндірушілер келгенге дейін әскери қызметшілер тұрғындарды өрт жайлы ескертіп, оларды шұғыл эвакуациялауға кірісті.<blockquote>– Біз келгенде үйдің ішін қою түтін басып, күйік иісінен тыныс алу қиын еді. Соған қарамастан, орамалдарымызды сулап, бетімізді жауып, адамдарға сыртқа шығуға көмектестік. Сол сәтте бір ер адам бесінші қабатта кішкентай қызы мен жұбайы қалып қойғанын, ал есікті сыртынан өзі жауып кеткенін айтты. Кілтті алып, оларды да қауіпсіз жерге шығардық, – деді лейтенант Ернұр Әбілхан.</blockquote>ҚР ІІМ Ұлттық ұланы әскери қызметшілерінің жедел әрі батыл әрекетінің арқасында қайғылы жағдайдың алдын алуға мүмкіндік болды. Тұрғындар түгелдей қауіпсіз жерге көшіріліп, ешкім зардап шеккен жоқ.Фото: 5547 әскери бөлімі&nbsp;

Қызылордадағы ұландықтар өртте бірінші болып көмекке келді

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Қазақстан-Қытай ынтымақтастығы бойынша&nbsp;Үкімет отырысы өтіп, күн тәртібіндегі мәселеге орай бірқатар тапсырма жүктелді.Оған облыс әкімінің орынбасары Ардақ Зебешев селекторлық режимде қатысып, баяндама жасады.«Қытай Халық Республикасы – Қызылорда облысының ең ірі сауда серіктесі.&nbsp;Өткен жылдың қорытындысымен өзара тауар айналымының көлемі 489 млн. АҚШ долларына жетті. Аймақта қытайлық инвесторлардың қатысуымен 2 ірі зауыт іске қосылған. Олар – жылына 1 млн. тонна цемент өндіретін және 197 мың тонна шыны өндіретін зауыттар.Сіздің тапсырмаңызға сәйкес, биылғы ақпан айында облыс әкімі Нұрлыбек Машбекұлы Қытайдың 4 өңіріне іссапармен барып, 34 компания басшысымен келіссөздер жүргізді. Іссапар аясында ауыл шаруашылығы және құрылыс салаларына озық технологияларды енгізу бойынша құны 10,8 млрд. теңге болатын 9 келісім-шартқа қол қойылды.Биыл Қытай технологиясын пайдаланатын 10 инвестициялық жоба іске қосылып, 397 жұмыс орны ашылмақ. Атап айтқанда, кірпіш зауыты, қағаз және картон шығару, айна өндірісі, жалпы қуаттылығы 90 мегаваттық 3 күн-электр станциясы. Сондай-ақ, нан-тоқаш, кондитерлік және макарон, түйе сүтінен құрғақ ұнтақ, күріш және ас тұзын өндіру зауыттары.Түйе сүтінен құрғақ ұнтақ өнімдер қытайлық компаниямен жасалған оффтейк келісіміне сәйкес 100 пайыз Қытайға экспортталады. Бұдан бөлек, Қытай технологиясымен жұмыс жасайтын цемент зауытының жобалау жұмыстары басталды»,– деді А. Зебешев.Жуырда Астана қаласында өткен «Орталық Азия – Қытай» форумы аясында құрылыс индустриясы, су үнемдеу, ауыл шаруашылығы және машина жасау салаларында 4 меморандумға қол қойылды. Аталған жобалар Үкіметтің тікелей қолдауымен құрылған «Қорқыт Ата» арнайы экономикалық аймағында жүзеге асырылады.Үкімет тарапынан шыны зауытына көрсетілген мемлекеттік қолдау шараларына қытайлық инвестор қарсы міндеттемелер алып, құны 55 млн. АҚШ. доллары болатын қосымша 2 жаңа инвестициялық жобаны іске асыруды жоспарлауда. Олар – кварц құмын байыту және фотогальваникалық күн шынысын өндіру цехтары.Осы жұмыстарды жалғастыру мақсатында қала және аудан әкімдіктері өкілдері, ауыл әкімдері Қытайға іссапармен барды. «Бір үй – бір өндіріс» атты бағдарламамен, ауылдарды қалалық типте дамыту, елді мекендердің жергілікті брендін қалыптастыру жұмыстарымен танысып, тәжірибе алмасты.&nbsp;Қызылорда облысы әкімінің баспасөз қызметі

Аймақта қытайлық инвесторлардың қатысуымен 2 ірі зауыт іске қосылған 

<a href="https://kyzylorda-news.kz/">Kyzylorda-news.kz</a> Бүгін 28 маусым – Бұқаралық ақпарат құралдары қызметкерлерінің кәсіби мерекесі қарсаңында Сыр журналистикасының саңлағы Сағитжан Бермағанбетовты еске алуға арналған шағын футболдан облыстық турнир өтті.Спорттық шараға аймақтағы бұқаралық ақпарат құралдарының қызметкерлерінен құралған 6 команда қатысты. Жарыс соңында облыс әкімінің орынбасары Шахмардан Асқарұлы жеңімпаз командалар мен үздік ойыншыларды марапаттады.Турнир қорытындысы бойынша:<ul><li style="text-align:justify;">Қызылорда Қоғамдық телеарнасы турнир жеңімпазы атанды.</li><li style="text-align:justify;">Облыстық “Qyzylorda” телеарнасы екінші орынды еншіледі.</li><li style="text-align:justify;">Ал меншікті тілшілерден құралған команда үшінші орынға табан тіреді.</li></ul>Сонымен қатар, жарыс алаңында ерекше ойын өрнегімен көзге түскен қатысушылар арнайы номинациялармен марапатталды:<ul><li style="text-align:justify;">«Үздік қақпашы» – Абзал Жолтерек</li><li style="text-align:justify;">«Үздік ойыншы» – Бауыржан Қожамұратов</li><li style="text-align:justify;">«Үздік шабуылшы» – Шыңғыс Нұрбай</li><li style="text-align:justify;">&nbsp;«Үздік қорғаушы» – Нұрлан Жақыпбек</li></ul>&nbsp;<figure class="image"><img src="https://knadmin.beoblood.kz/uploads/futbol_4_aff731b855.jpg" alt="футбол 4.jpg"></figure><figure class="image"><img src="https://knadmin.beoblood.kz/uploads/Futbol_3_8ea44f3265.jpg" alt="Футбол 3.jpg"></figure>

 БАҚ өкілдері арасындағы  шағын футболдан облыстық турнирдің жеңімпаздары анықталды

«Таза Қазақстан» республикалық экологиялық акциясы аясындағы көркейту-көгалдандыру, абаттандыру жұмыстары Қызылорда облысында сәтті жүзеге асырылуда.Мемлекет басшысының тікелей қолдауымен Қызылорда қаласы соңғы жылдары қарқынды құрылыс алаңына айналды. Инфрақұрылым мен қоғамдық кеңістіктерді жаңғырту бағытында ірі жобалар жүзеге асырылуда. Қаланың сәулеттік келбеті жаңарып, тұрғындардың өмір сүру сапасын арттыруға бағытталған жұмыстар жүйелі түрде жүргізілуде. Бүгінде қала аумағында 42 демалыс саябағы мен сквер-аллея бар. Бұл орындардың барлығы да жаңғыртылуда. Мақсат – Қызылорданың туристік әлеуетін арттыру, тұрғындарға қолайлы әрі қауіпсіз демалыс орындарын ұсыну.Қайта жаңғыртудан өткен қалалық мәдени және демалыс паркі заманауи архитектуралық үлгімен безендіріліп, жаңа субұрқақтар, амфитеатр, скейтпарк, балалар мен ересектерге арналған ойын алаңдарымен &nbsp;толықты.&nbsp;Бұған қоса, қаладағы халық көп серуендейтін ҚР Тұңғыш Президенті паркі, Б. Шөкенов атындағы саябақ және Қорқыт Ата мемориалдық ескерткіш кешені саябағы қайта жаңғыртудан өтуде.&nbsp;Қаланың шырайын ашатын басты орындар – орталық алаң мен бірқатар скверлер де заманауи талаптарға сай қайта жаңарды. Жаңа жарық шамдары, сәндік гүлзарлар, субұрқақтар мен жайлы орындықтар орнатылып, бұл аумақтар қала тұрғындары мен қонақтары үшін нағыз демалыс орнына айналды.&nbsp;«Тәуелсіздікке – 25 жыл» даңғылы толық жаңғыртудан өтіп, екі жолақтыдан төрт жолақтыға кеңейтілді. Ұзындығы 7 шақырымды құрайтын көше бойына жарық бағандары, аялдамалар, веложолақтар және жаяу жүргіншілер жолы салынды.&nbsp;

Қызылорда қаласы – жаңару мен дамудың нақты үлгісіне айналуда

Мәдениеттің бір бөлігі тазалық десек, бұл бағыттағы жұмыстар ауданда ұдайы жүргізіліп келеді. Шашылған қоқыстарды жинау өз алдына, тазалық мәселесінде қала аумағындағы әлеуметтік, кәсіпкерлік және жеке тұрғын үйлердің сыртқы келбетінің талапқа сай болуы ерекше маңызды.Осы қағиданы қатаң басшылыққа алған аудан әкімдігі жанынан Арал қаласы бойынша кәсіпкерлік нысандардың, объектілердің, тұрғын үйлердің сыртқы келбеттерінің талапқа сәйкестігін анықтау мақсатында арнайы жұмысшы топ құрылды.Құрамында құқықтық, коммуналдық және әлеуметтік мекемелердің өкілдері бар жұмысшы топ бүгінде қала бойынша ғимараттарға зерделеу жұмыстарын жүргізіп, анықталған кемшіліктерге сәйкес нысан иелеріне ескертпе жасауда. Алдағы уақытта да бірқатар мәселелерге қатысты түсіндірме жұмыстары жүргізіледі.«Қала көркі өз көркің» демекші ауламыздың таза болып, үй-жайлардың немесе түрлі мақсаттағы ғимараттардың сыртқы келбеті келісті болып тұрғаны өзімізге жақсы. Осындай қағиданы басшылыққа алып барша аудан, қала тұрғындарын айналамызды таза әрі ұқыпты ұстауға шақырамыз. Тазалық мәдениетіне көзқарас осылай қалыптаспақ.

Ғимараттардың талапқа сай болуы қадағалануда

<a href="https://kyzylorda-news.kz/">Kyzylorda-news.kz</a> Келер аптаның жексенбісінде Қазалы ауданындағы Арықбалық ауылдық округіндегі тұрғындар ауыл өмірі үшін маңызды қадам жасайды.4 жыл мерзімге жаңа әкімді сайлау арқылы тұрғындар өз таңдауын жасап, азаматтық үн қоса алады.Ауылдық округ әкіміне кандидат ретінде 3 азамат тіркелді. Олар сайлаушылармен кездесу өткізіп, үгіт жүргізу шеңберінде өз сайлауалды бағдарламаларын жүргізуде. Кандидаттардың 6 сенім білдірілген адамы тіркеліп, куәліктерін алды.Кандидаттардың орташа жасы - 41.Округте 939 сайлаушы дауыс беруге құқылы. Сайлау науқанында 7 комиссия мүшесі қызмет атқарады.Дауыс беру учаскесіне келе алмаған азаматтар өтініш қалдыру арқылы тасымалданатын жәшіктің көмегімен дауыс бере алады.

29 маусымда Арықбалық ауылдық округінде жаңа әкім сайланады

<a href="https://kyzylorda-news.kz/">Kyzylorda-news.kz</a> Мемлекеттік қызмет – ел басқару ісіндегі негізгі тірек, барлық саланың үйлесімді жұмыс істеуін қамтамасыз ететін маңызды тетік. Халықтың билікке деген сенімі – ең алдымен, заман талабына сай, жауапкершілігі жоғары мемлекеттік қызметшінің іс-әрекетімен өлшенеді. Жыл басынан бері жергілікті атқарушы мемлекеттік органдар бойынша барлығы 140 қызметшінің білімін жетілдіру жұмыстары ұйымдастырылды. Әрине, ұдайы даму үдерісінде жүру - қоғам қажеттіліктеріне икемделе отырып, тиімді әрі сапалы қызмет көрсетуге ұмтылуға жол ашады. Бұл туралы ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев айтты.<blockquote>- Есепті кезеңде мемлекеттік әкімшілік қызметке кіруге үміткерлерді тестілеуге 734 адам қатысып, оның 165 немесе 22,5% шекті мәннен төмен емес нәтижеге ие болды. Құқық қорғау органдарына алғаш кіретін азаматтарды тестілеуге 263 адам қатысып, оның 84 немесе 32% шекті мәннен төмен емес нәтижеге ие болды.Жыл басынан бері Қызылорда облысындағы барлық деңгейдегі мемлекеттік органдарда 125 бос лауазымдарға орналасуға конкурстар өткізілді. 2024 жылы жүргізілген Өңірлік кадр резервіне іріктеуге өңіріміздің жастары белсенді қатысып, 235 үміткер өз құжаттарын тапсырып, іріктеу жұмыстары Қызылорда облысы бойынша сәтті аяқталды. Нәтижесімен Қызылорда облысының Өңірлік кадр резервіне алынған 25 кандидаттың 9-ы конкурстық іріктеусіз бос лауазымдарға тағайындалды. Оның ішінде 3-і басшы лауазымдар. Тағы 1 үміткер ҚР Президенті Әкімшілігіне шақырту алып, жаңа лауазымға орналасты. Өңірлік кадр резервінен тағайындаулар саны жағынан Қызылорда облысы алғашқы орындарда. D-O-2 санаты бойынша барлығы 11 мемлекеттік қызметші ротациялауға енгізілген. Бұл ретте, 6 қызметшінің қызметте болу мерзімі 5 жылдан асқандықтан облыс әкімдігімен мерзімін ұзарту бағытындағы шешім қабылданды. 5 қызметшінің 3-еуі бос мемлекеттік әкімшілік лауазымдарға жарияланған конкурстарға қатысып, өзге қызметке орналасса, 1 мемлекеттік қызметші өзге D-O-2 санатындағы лауазыммен ротацияланды. 1 мемлекеттік қызметшінің ротациялану мерзімі 6 жыл толуына орай, құжаттары Агенттікке жолданып, келісім алынды. Сонымен, D-O-2 санаты бойынша алғашқы ротацияланушылардың жұмысы толық аяқталды. Әрі қарай, мерзімдері келген мемлекеттік қызметшілерді ротациялау Департаменттің бақылауында болады. E-1 санаты бойынша барлығы 2 мемлекеттік қызметші ротациялауға енгізілген. Оның 1-еуі аудан әкімінің Өкімімен ұзартылды. 1-нің мерзімі 6 жылдан астам болғандықтан құжаттары Агенттікке жолданып, 2 жылға ұзарту туралы келісім алынды. С-O-2 санаты бойынша 10 мемлекеттік қызметші ротациялауға енгізілып, толық ротациялану жұмыстары жүргізілді. Бұл ретте, 1 қызметшінің зейнеткерлік жасқа келуіне байланысты ротациядан босатылғандығын айтып өткен жөн,- деді Ерлеген Жәрдемұлы.</blockquote>Фото: Нұрболат Нұржаубай<img src="https://knadmin.beoblood.kz/uploads/Memlekettik_yzmet_k_sibilik_pen_zhauapkershilik_zholy_155c4301d7.jpg" alt="Мемлекеттік қызмет кәсібилік пен жауапкершілік жолы.jpg">

Мемлекеттік қызмет: Кәсібилік пен жауапкершілік жолы

<a href="https://kyzylorda-news.kz/">Kyzylorda-news.kz</a> Бүгін, «AMANAT» партиясының Қызылорда облыстық филиалы жанындағы аймақтық «Жер аманаты» комиссиясының отырысы өтті. «Жер аманаты» жобасы аясында ұйымдастырылған жиынға партияның облыстық филиалының төрағасы Алмасбек Есмаханов төрағалық етті.<blockquote>Жалпы өңірде жерлерді қайтарудың жоспары жақсы орындалуда. Атап айтсақ, ағымдағы жылдың 5 айында 11950 гектар жерді қайтару жоспарланса, 33408 гектар жер қайтарылып жоспар 2,8 есе артығымен орындалған. Жиында сөз алған партияның облыстық филиалының төрағасы Алмасбек Есмаханов: «Аудандар бөлінісіне келгенде жоспардың орындалуында кемшіліктер бар. Мәселен, бір аудан межені асырып орындаса, кейбір аудандарда жоспардың орындалуы төмен көрсеткіш көрсетіп отыр», - деді.</blockquote>Комиссия отырысында көрсеткіші төмен Қазалы, Қармақшы, Шиелі аудандары әкімдерінің орынбасарларының есептері тыңдалды.Қазалы ауданына келсек, ағымдағы жылы 10 000 гектар жер қайтару жоспарланған. Қазіргі таңда 2380 гектар болатын 11 жер учаскесі мемлекет меншігіне қайтарылған. 15092,0 гектар болатын 32 жер учаскесіне «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысының тіркеу және Жер кадастры бойынша Қазалы аудандық бөлімі арқылы жерге орналастыру жобалары толығымен аяқталып, топырақтың балл банитетін анықтау жұмыстары жүргізілуде. Жоғарыда аталған жер телімдерін конкурс арқылы қайта айналымға енгізу, табыстау жұмыстары ағымдағы жылдың қыркүйек - қазан айларына жоспарланған.«Ауыл шаруашылығы мақсатындағы жерді пайдаланбай отырған 6080,0 га болатын 21 тұлғаға тиісті шара қабылдау үшін Департаментке хат жолданып, тексеру жұмыстарын жүргізудеміз»,- дейді Қазалы ауданы әкімінің орынбасары Жалғас Сүйеубаев.Ал, Қармақшы ауданы бойынша жыл соңына дейін 9,0 мың гектар жерді қайтару жоспарланған. 5 айдың жоспары 1500 гектар қайтару болса, жоспар 108 пайызға орындаған. Партияның облыстық филиалының төрағасы жылдық жоспардың толық орындалуын да қамтамасыз етуді сұрады.Шиелі ауданы әкімінің орынбасары Бағлан Сағындықов: биыл аудан бойынша 4000 гектар жерді мемлекет меншігіне қайтару жоспарланып, бүгінге 5 тұлғадан көлемі 460 гектар жер мемлекет меншігіне қайтарылғандығын айтты. Алайда жыл соңына дейін жоспарды толығымен орындаймыз деп отыр.Ауданы әкімінің орынбасары мал жайылымдарымен қамтамасыз ет жағдайы туралы да атап өтті. Бұл бағытта ауданға қарасты кент және барлық елді-мекендердегі тіркелген мал басына және тиісті нормативке сәйкес қажетті жайылымдарын orda.geoportal.kz сайты арқылы карталары толығымен әзірленіп, мал жайылымдарымен қамтамасыз етілу жағдайы туралы талдау жұмыстары жүргізілген. Сауын малы бойынша жүргізілген талдау нәтижесі бойынша Шиелі кенті мен 7 ауылдық округ бойынша 63,4 мың гектар жайылымдық жер жетіспейтіндігі анықталған.Осындай жағдайлардың көптеп кездесетіндігін тілге тиек еткен облыстық жер ресурстарын басқару департаментінің басшысы Марат Кушеков қала, аудан маңындағы жайылымдық жерлерді кәсіпкерлік мақсатқа бермеу қажет екендігін айтты.Күн тәртібіне қойылған жайылым мәселесі бойынша облыстық ауыл шаруашылығы және жер қатынастары басқармасы басшысының орынбасары Рысбек Шайхиев баяндап берді. Оның айтуынша облыс бойынша өзіндік қосалқы шаруашылықтардағы 153,8 мың бас шартты мал басына 1966,5 мың гектар жайылым алқабы қажет етіледі. Жалпы облыс бойынша жайылым жетпей тұрғаны 530,1 мың га, қамтамасыз ету деңгейі 73,0 %.«Қазіргі таңда экология министрлігімен жасалған жұмыстар нәтижесімен халықты мал жайылымымен қамтамасыз ету мақсатында шөп шабу және мал жаю үшін орман қоры жерінен бөлінетін алаңдарды ұлғайтуға қол жеткізіліп жатыр. Бұл жұмыстар жайылымдарды басқару мен пайдалануға бағытталған жоспар аясында жалғасатын болады»,- дейді басқармасы басшысының орынбасары.Жиын соңында комиссия мүшелері жұмысты жетілдіру бағытында өз ұсыныс пікірлерімен бөлісті.&nbsp;

Қазақстан және Қызылорда облысының жаңалықтары