<a href="https://kyzylorda-news.kz/">Kyzylorda-news.kz</a> «AMANAT» партиясының «Бақытты отбасы» жобасы аясында жыл сайынғы «Баланы мектепке дайындайық» акциясы жалғасуда. Партия тарапының бастамасымен бірнеше жыл дәстүрлі түрде ұйымдастырылып келе жатқан акция еліміздің келешегі, оқушылардың сапалы білім алуына, қажетті құрал-жабдықтармен қамтылуына жол ашып отыр.&nbsp;Акция аясында партияның Арал аудандық филиалының төрағасы Базарбай Төрахметов пен партия филиалының атқарушы хатшысы Талғат Қанатов оқушылармен кездесіп, мектепке қажетті құрал-жабдықтар &nbsp;толтырылған сөмкелерді табыс етті.Өздерінің ақжарма тілектерін білдіріп, жаңа оқу жылына толағай табыс тіледі. Игі шара партияның аудандық &nbsp;филиалына қарасты барлық бастауыш ұйымына жалғасып жатыр.

"Баланы мектепке дайындайық!" акциясы жалғасуда

<a href="https://kyzylorda-news.kz/">Kyzylorda-news.kz</a> Қызылордадағы Назарбаев Зияткерлік мектебінің ұстаздары дәстүрлі тамыз конференциясында кәсіби жетістіктерімен ерекшеленді. Олардың жұмыстары мен жобалары білім беру саласының сарапшылары тарапынан жоғары бағаланды.Биылғы конференция «Құндылықтар – білім берудің драйвері: заманауи мұғалім нені және қалай үйретеді?» тақырыбында өтті.Екі күнге созылған шара аясында ұстаздар шеберлік-сағаттарға, тақырыптық сессияларға және пленарлық отырыстарға қатысып, білім беру саясатын дамыту мен басқарушылық тәжірибені жетілдіру мәселелерін талқылады. Конференция кәсіби диалог, тәжірибе алмасу және нақты шешімдер қабылдау алаңы ретінде маңызды рөл атқарды.<img src="https://knadmin.beoblood.kz/uploads/nish2_4914d5f5a2.jpg" alt="ниш2.jpg">Іс-шара барысында «Табысты тәжірибелер панорамасы» жобасының қорытындысы жарияланды. «Қазақ тілі мен әдебиеті, Орыс тілі мен әдебиеті» санатында «Дәлелді кейс» номинациясы бойынша қызылордалық мұғалімдер Айгүл Абуова, Айгүл Доскужаева және Мархабат Изыкулова үздік деп танылды. Олар қазақ сыныптарындағы оқушылардың тілдік дағдыларын дамытуға арналған «Сөйлеуіңді шыңда!» атты мақал-мәтелдер, фразеологизмдер, дәйексөздер мен афоризмдер жинағын әзірледі.Сонымен қатар, конференция қорытындысында Сәуле Шажанбаева «Назарбаев Зияткерлік мектептері» ДББҰ басқарма төрағасының Құрмет грамотасымен, ал Сәкен Сүлейменов пен Гүлмира Бакулова Алғыс хатпен марапатталды.<img src="https://knadmin.beoblood.kz/uploads/nish3_30625552c3.jpg" alt="ниш3.jpg">

Қызылордалық ұстаздар тамыз конференциясында үздік атанды

<a href="https://kyzylorda-news.kz/">Kyzylorda-news.kz</a> Балаларға арналған онлайн платформалар, атап айтқанда, Roblox сияқты танымал ойындар&nbsp;әлемде&nbsp;сот процестеріне негіз болып отыр. Ол ойындардың артында ойыншылардың атын жамылып, балалармен сенімді қарым-қатынас орнатып, жабық чаттарға шақыратын қылмыскерлер тұрған болуы&nbsp;мүмкін. Осы орайда&nbsp;Оқу-ағарту министрлігінің балалардың құқықтарын қорғау комитеті ата-аналарды балалардың онлайн ойындарына ерекше назар аударуға шақырып, үндеу жасады. Бұл туралы <a href="Қазақстандық ата-аналарға интернеттегі Roblox ойынына қатысты ескерту жасалды">Stan.kz</a> ақпарат агенттігі хабарлайды.Roblox –&nbsp;әлемдегі ең танымал балалар ойындарының бірі. Онда ойыншылар өзінің ойын әлемін құрып, бір-бірін шақыра алады. Тіркелу&nbsp;оңай болғандықтан және ойыншылар бір-бірімен онлайн&nbsp;сөйлесе&nbsp;алатындықтан, бұл ойын әлемде кеңінен танымал. Алайда ойынның қолжетімді болуы қаскөйлер назарын&nbsp;аударып отыр.&nbsp;Сарапшылардың айтуынша, қаскөйлер балалармен чат арқылы сөйлесіп, кейін жабық арналарға шақырып, қауіпті әрекеттерге итермелейді.Әлемдік БАҚ-тың жазуынша,&nbsp;АҚШ-та&nbsp;балалармен байланыс орнату үшін&nbsp;Roblox қолданбасын пайдаланған ересектерге қарсы ондаған іс қозғалған. Мәселен, Солтүстік Каролинада&nbsp;бір ер адам 10 жасар қыздан&nbsp;ашық фотосын сұрап, ойын ішіндегі Robux валютасын ұсынған&nbsp;деп айыпталған.Осы жайттардың аясында оқу-ағарту министрлігі интернет кеңістігінде&nbsp;балалардың қауіпсіздігін қамтамасыз ету үшін ата-аналарға негізі қағидалар мен қауіпті белгілерді ескертті.Балаларға интернетте не істеуге болмайды?- жеке мәліметтерін (аты-жөні, мекенжай, телефон, отбасы жайлы мәлімет) бөлісу;- Instagram, Telegram, TikTok, ВКонтакте сияқты желілердегі қауіпті топтар мен анонимді чаттарға кіру;- ата-анасы тексермеген күмәнді онлайн ойындарды ойнау.Ата-аналар балаларының іс-әрекетін қалай бақылай алады?- ата-ана бақылауы параметрін пайдаланыңыз: Android үшін&nbsp;Family Link, iOS үшін Screen&nbsp;&nbsp;Time;- баланың әлеуметтк желілердегі&nbsp;достары мен жазылымдарының тізімін бақылаңыз;- аты-жөні жоқ, түсініксіз белгілермен, иероглифтермен немесе күмәнді суреттермен жасалған парақшаларға назар аударыңыз.Баланың қандай әрекеттеріне көңіл бөлу керек?- бала дұрыс ұйықтамайды, түнде жиі оянады;- денесінде түсініксіз жарақаттар, көгерулер пайда болады;- тұйықталып, ашушаң болып, сөйлесуден қашады;- мазмұны депрессивті немесе агрессивті бейнелерді жиі көреді;- қорқынышты суреттер салып, оның мәнін түсіндірмейді.Балаға қалай көмек көрсету қажет?- эмоционалдық жағдайын жіті бақылаңыз;- балаңызбен жиі сөйлесіп, күнделікті өміріне қызығушылық танытыңыз;- бала кез келген сәтте ойын бөлісе алатынын сезінуі керек.Көмек қажет болса, қайда жүгінуге болады?- құқық қорғау органдарына (102);- мектептегі педагог-психологтарға;- мектеп жанындағы ата-аналарға қолдау көрсету орталығына;- балаларды психологиялық қолдау орталығына;- өңірлік бала құқықтары жөніндегі уәкілге;- тәулік бойы тегін жұмыс ісейтін "111" байланыс отралығына.<blockquote>"Ата-ана бақылауын орнату және баланың интернеттегі белсенділігін қадағалау –&nbsp;оны онлайн қателерден қорғаудың сенімді жолы", –&nbsp;делінген хабарламада.</blockquote>

Қазақстандық ата-аналарға интернеттегі Roblox ойынына қатысты ескерту жасалды

<a href="https://kyzylorda-news.kz/">Kyzylorda-news.kz</a> &nbsp;Бүгінгі күні Әдеп жөніндегі кеңестің атқарып жатқан жұмыстарынан қоғам БАҚ пен әлеуметтік желілер арқылы құлағдар болуы мүмкін.&nbsp;Жалпы Әдеп жөніндегі кеңес немен айналысады деген сұраққа қысқаша жауап берер болсақ, Кеңес сыбайлас жемқорлықтың алдын алуға және қызметтік әдеп нормаларын бұзушылықтардың, оның ішінде мемлекеттік қызметке кір келтіретін тәртіптік теріс қылықтардың профилактикасына бағытталған іс-шараларды жүзеге асырады. Сонымен қатар басшылық лауазымдағы мемлекеттік қызметшілерге қатысты тәртіптік істерді қарайды.Осы жыл басынан Әдеп жөніндегі кеңестің 6 отырысы өткізіліп, онда барлығы 29 мәселе қаралды. Оның 7-уі тәртіптік іс болса, қалған профилактикалық бағыттағы мәселелер бойынша 22 мемлекеттік орган басшылары мен әдеп жөніндегі уәкілдердің есептері тыңдалды. Тыңдау нәтижесімен мемлекеттік орган басшыларына қызметтік тәртіпті нығайту және мемлекеттік қызметшілердің тәртіптік жауаптылығын арттыру бағытында &nbsp;105 ұсыным жолданды. Сонымен қатар, тәртіптік практиканы талдау қорытындылары негізінде мемлекеттік органдардың тәртіптік комиссияларының жұмыс нәтижелерін қарау нәтижелерімен 6 мемлекеттік қызметшіге заңсыз қолданылған тәртіптік жазаларының күші Кеңес шешімдерімен &nbsp;жойылып, бұзылған құқықтары қалпына келтірілді.Кеңесте қаралған 7 тәртіптік істің 6-уы бойынша тәртіптік жазалар қолданылған болса, 1 тәртіптік іс тоқтатылды. Оның ішінде әдеп нормаларын бұзғандары үшін 3 мемлекеттік қызметшіге ескерту, сөгіс түріндегі тәртіптік жазалар қолданылса, мемлекеттік қызметке кір келтіретін тәртіптік теріс қылықтар жасағаны үшін 3 мемлекеттік қызметшіге қызметіне толық сәйкес еместігі туралы ескерту берілді.Бұдан бөлек, Қазақстан Республикасы Мемлекеттік қызмет істері агенттігі Қызылорда облысы бойынша департаментінің қызметкерлерімен мемлекеттік қызмет туралы заңнаманың, қызметтік әдепті бұзушылықтың алдын алу және әдепсіз мінез-құлық &nbsp;деректерін болдырмау мақсатында мемлекеттік қызметшілер арасында жыл басынан 106 семинар-кездесулер ұйымдастырылып, түсіндірме жұмыстары жүргізілді. Осы жүргізілген профилакталық жұмыстардың нәтижесінде Кеңесте қаралатын тәртіптік істердің саны жылдан жылға азайып келеді. Мәселен, 2022 жылы Кеңесте 45 тәртіптік іс қаралған болса, одан кейінгі жылдары бұл істердің саны үш есеге азайғанын байқауға болады.Профилактикалық бағыттағы осы атқарылған жұмыстар және мемлекеттік қызметшілердің әдебіне қойылған жоғары талаптардың арқасында мәдениеті жоғары, әдепті, адал мемлекеттік қызметшілердің қалыптасары сөзсіз.Мирамкүл &nbsp;Бибітова,Қазақстан Республикасы Мемлекеттік қызмет істері агенттігінің&nbsp;Қызылорда облысы бойынша &nbsp;департаменті басшысының орынбасары,&nbsp;Әдеп жөніндегі кеңес хатшылығының меңгерушісі&nbsp; &nbsp;

Профилактикалық жұмыстар нәтижесі

<a href="https://kyzylorda-news.kz/">Kyzylorda-news.kz</a> Қызылорда облысының денсаулық сақтау басқармасының басшысы Олжас Искаков Арал ауданындағы жұмыс сапары барысында «Ауылда денсаулық сақтауды жаңғырту» ұлттық жобасы аясында жүзеге асырылып жатқан бірқатар құрылыс нысандарымен танысты.Атап айтқанда, жапсаржай құрылысы, 25 төсектік жұқпалы аурулар бөлімшесінің құрылысы, сондай-ақ аурухананың «Кардиология» және «Инсульт» бөлімшелеріне жүргізіліп жатқан реконструкция жұмыстарының барысын бақылап, тексерді.Сапар барысында басқарма басшысы құрылыс жұмыстарының сапасы мен белгіленген мерзімде аяқталуына ерекше назар аударып, мердігер компания өкілдеріне нақты тапсырмалар берді.&nbsp;

Басқарма басшысы бірқатар құрылыс нысандарын аралады

<a href="https://kyzylorda-news.kz/">Kyzylorda-news.kz</a> Педагог&nbsp;өз құзыретіне кірмейтін&nbsp;оқыс жайттар&nbsp;үшін айыпталудан қорғалады. Бұл туралы&nbsp;Оқу-ағарту министрлігі Ғани Бейсембаев&nbsp;мәлімдеді, – деп хабарлайды <a href="https://kz.kursiv.media/kk/2025-08-25/shdr-pedagog-oqys-oqigalar-ushin-aiyptalmaydy/?fbclid=IwY2xjawMZFrZleHRuA2FlbQIxMQABHjaTMUYZBfA7vc_9QlHtHulL5ocRvaUMLE8uLixNCXEz8SIHFCgcDXU-s_XR_aem_lf79IzDMoDzHIQxwCmkNgg">kursiv.media.</a>Министрліктің ақпаратына&nbsp;<a href="https://www.gov.kz/memleket/entities/edu/press/news/details/1056128">қарағанда</a>, биылғы оқу жылында&nbsp;ата-аналар комитеттері&nbsp;трансформацияланады. Жаңа мектептер, бірыңғай дизайн-код, жасанды интеллект мәселесі қолға алынып,&nbsp;педагог мәртебесі&nbsp;бекітіледі.Ғани Бейсембаев осы тақылеттес алдағы&nbsp;оқу жылының басты міндеттерін&nbsp;айқындаған.<blockquote>«Педагог өз құзыретіне кірмейтін оқыс оқиғаларға байланысты негізсіз айыптаулардан қорғалуы керек. Бұл – мемлекеттің негізгі ұстанымы. Мұғалімді қорғау арқылы біз балаларды және олардың сапалы білім алуға деген құқығын қорғаймыз», – деді министр.</blockquote>Ғани Бейсембаев бұл жөнінде Шымкент қаласында&nbsp;«Білім келешегі: адал азамат, кәсіби маман» тақырыбында&nbsp;қалалық тамыз конференциясы кезінде хабарлаған. &nbsp;Фото: Нұрболат Нұржаубай

«Педагог өз құзыретіне кірмейтін оқыс оқиғалар үшін айыпталмайды» – Ғани Бейсембаев

<a href="https://kyzylorda-news.kz/">Kyzylorda-news.kz</a> 2025-2026 жылдардың жаңа эпидемиялық маусымына дайындық жөнінде ҚР Бас мемлекеттік санитариялық дәрігерінің қаулысы қабылданды, деп хабарлайды Санитариялық-эпидемиологиялық бақылау комитеті.Қаулы 2025–2026 жылдардағы ЖРВИ, тұмау және COVID-19 бойынша эпидемиялық маусым кезеңінде санитариялық-эпидемияға қарсы, санитариялық-профилактикалық іс-шараларды өткізуді көздейді. Бұл туралы <a href="https://kaz.inform.kz/news/mektepter-men-balabakshalarga-zhana-sanitarlik-talaptar-engzled-bb0471/">kaz.inform.kz</a> хабарлады.&nbsp;Оның ішінде:&nbsp;ағымдағы жылғы 15 қыркүйектен бастап тұмауға қарсы вакцинация жүргізу; медициналық ұйымдарда кіре берісте «сүзгілердің» жұмысын қамтамасыз ету, маскаларды пайдалану, антисептиктердің болуы; ЖРВИ, тұмау және COVID-19 белгілері бар жүкті әйелдер мен 1 жасқа дейінгі балаларға үйде шақыруға бірінші кезекте қызмет көрсету; балабақшаларда күнделікті таңертеңгі сүзгіні жүргізу, ЖРВИ және тұмау белгілері бар балаларды шеттету; Сонымен қатар орта білім беру ұйымдарында бір сыныптағы оқушылардың 20–30%-ы бір инкубациялық кезең ішінде ЖРВИ-мен ауырған жағдайда, жалпы білім беретін ұйымдарда кабинеттік оқыту жүйесі жойылады және күнтізбелік 10 күн ішінде жаңа балаларды сыныптарға қабылдауға тыйым салынады.–&nbsp;Бір инкубациялық кезең ішінде оқушылардың жалпы санының 30%-ы және одан көбі ЖРВИ-мен ауырған жағдайда, оқушылар онлайн оқытуға көшіріледі,&nbsp;— делінген комитет таратқан ақпаратта.Фото: pixabay.com

Мектептер мен балабақшаларға жаңа санитарлық талаптар енгізіледі   

<a href="https://kyzylorda-news.kz/">Kyzylorda-news.kz</a> Криптовалюталар төлем жүйесіндегі валютаның жаңа түрі болуына байланысты ғана емес, сондай-ақ оны реттеу әлі де жеткіліксіз деңгейде болғандықтан қызығушылық танытады. Оның осындай осал тұсын &nbsp;алаяқтар қуана пайдаланады, азаматтарды жалған сайттардың, белгілі адамдардың есімдерін қолданып, шындыққа жанаспайтын уәделер беріп, агрессивті маркетинг арқылы алдайды.Криптоалаяқтардың қандай амалдар қолданатынын Fingramota.kz -пен бірге қарастырайық.Фишинг және жалған сайттарАлаяқтар криптовалютамен жұмыс істеу үшін ресми сервистердің немесе сайттардың атын бүркемеленіп, мессенджерлерде сайттар, электрондық хаттар немесе хабарламалар жасайды. Олардың басты мақсаты - аңғал азаматтардың дербес деректері мен ақшаларын ұрлау. Мысалы, Ақмола облысының тұрғыны алаяқтарға сеніп, қандай да бір сайтта криптовалютамен «ойнаған». Екі аптадан кейін ол «ойынды» жалғастыру және үлкен сома ұтып алу үшін компанияның шотына ақша аударған, алайда сайт бұғатталған болып шығады. &nbsp;Әйел алаяқтарға сеніп, 6,5 млн теңгесінен айырылды. &nbsp;Қаржы пирамидаларыАлаяқтықтың бұл түрінің схемасы бесенеден белгілі: ақшаны «бұрын-соңды болмаған» жоғары пайызбен салып, күнде бір жаңа адамдар әкелу. Егер осыған дейін алаяқтар кәдімгі ақшамен жұмыс істесе, қазір олар криптовалютамен жұмыс істейді. Мысалы, жақында Ақтөбе облысының Қаржы мониторингі агенттігінің департаменті Harmony Rider Technology атты электросамокаттар шығаратын американдық ірі компанияның атын жамылған қаржы пирамидасының қызметін әшкереледі.Салымшыларға салым сомасына байланысты күн сайын 12 доллардан 690 долларға дейін төлемдерге уәде етілді, ал жаңа қатысушыарды тартқаны &nbsp;үшін қосымша бонустық сыйақы есептелді. Нәтижесінде 115 қазақстандық азамат қаржы пирамидасына 197 млн теңгеден астам қаржы салған. Алаяқтар салымшылардың ақшасын OKX криптовалюталық әмиянға аударған, содан кейін оларды фиат ақшаға айналдырып, банктік шоттарға шығарған.Белгілі адамдардың жалған ұсыныстарыСенгіш азаматтарды өз желілеріне мүмкіндігінше көп тарту үшін алаяқтар танымал блогерлердің, әншілердің және актерлердің атынан жалған хабарландырулар жариялайды. Мәселен, алаяқтар танымал вайнердің жалған телеграм-арнасын құрып, ұтысқа ие болу үшін кем дегенде 100 доллар салуды ұсынған.Осы уақытқа дейін интернет кеңістігінде «белгілі вайнердің» инвестиция салуды ұсынатын әр түрлі дипфейк-бейнежазбалар орналастырылатын. &nbsp;Ол өз жанкүйерлеріне тек оның ресми парағындағы ақпаратқа сенуге шақырған, алайда алаяқтар оның атын өз мақсаттарына қолдануды жалғастыруда. Бұл жерде вайнер — алаяқтар бейнесін пайдаланған жалғыз адам емес, олар сонымен қатар топ-менеджерлердің, министрлер мен басқа да танымал тұлғалардың қатысуымен дипфейк-бейнежазбалар жасаған.Криптоалаяқтықты қалай танып-білуге болады?Кепілді пайдаға уәде беру: инвестицияларда кіріске жүз пайыз кепілдік берілмейді, себебі активтердің нарықтық құны өсуі де, төмендеуі де мүмкін. Егер сізге белгіленген және кепілді пайдамен уәде беріп криптовалюталық жоба ұсынылса — сақ болу қажет.Техникалық құжаттың болмауы немесе мазмұнының әлсіздігі: White Paper (техникалық құжат) —криптовалютаның кез келген іске қосудың негізгі элементі. Онда жобаның технологиясы, жұмыс қағидаттары мен мақсаттары егжей-тегжейлі сипатталуға тиіс. Егер құжат мазмұнсыз, жалпылама сөз &nbsp; тіркестерімен жазылған немесе мүлдем жоқ болса, сізге осы компаниямен жұмыс істеу қажет пе, жоқ па деген ой тастауға тиіс.Агрессивті жарнама: маркетинг кез келген бизнестің қалыпты және тіпті міндетті бөлігі болғанымен, алаяқтар көбінесе «жауыр болған» жарнаманы қолданады. Олардың мақсаты — қайтсе де қысқа мерзім ішінде мүмкіндігінше көп адам тартып, тез ақша жинап алу. Егер жарнамалық мәлімдемелер шындыққа жанаспайтын болып көрініп, фактілермен расталмаса — инвестициялауға асықпаңыз, өз бетіңізше тергеу жүргізіңіз. Бұл көп уақыт алмайды — ол үшін тәуелсіз алаңдарда пікірлерді оқып, сондай-ақ ҚР Қаржы нарығын реттеу және дамыту агенттігінің сайтында компанияның лицензиясын тексеру жеткілікті.Анонимді команда: заңды инвестициялық жобаларда сіз әрқашан басқарудың артында кім тұрғанын — олардың есімдерін, тәжірибесін, тіпті әлеуметтік желілердегі кәсіби парақшаларын көріп, біле аласыз. Егер жобаның командасы өздерінің жеке басын жасырса немесе ашық көздерде олар туралы ақпарат болмаса, бұл ойланатын жағдай.Жеңіл ақшаға уәде беру:&nbsp;егер «тез, оңай, қиындықсыз» деген ұсыныс түссе, бұл, әрине, алдау, әсіресе криптовалютаға қатысты.Криптоалаяқтардан қалай қорғануға боладыӨзіңіз түсінетін нәрсеге ғана инвестиция салыңыз. Егер сіз белгілі бір криптовалютамен қалай жұмыс істеуді толық білмесеңіз, инвестициялауға асықпаңыз — алдымен технологияны, жұмыс қағидаттарын және ықтимал тәуекелдерді зерттеңіз.Қысымға берілмеңіз. Алаяқтар әлеуетті құрбандарын асықтырып, тез арада қатысқаны үшін бонустар немесе жеңілдіктер беруге уәде береді. Асығыс шешім қабылдамаңыз — «қыруар ақшаға» кенелуге уәде ететін компанияға өз зерттеуіңізді жүргізіңіз.Желілердегі жарнамаға сын көзбен қараңыз. &nbsp;Өкінішке орай, алаяқтар айла-шарғысын әлеуметтік желілер арқылы танымал адамдардың фотосуреттерін олардың рұқсатынсыз пайдалану немесе «сыйлықтар» мен жеңіл ақша ұсыну арқылы іске асыруы сирек емес. Мұндай хабарландыруларға сақтықпен қараңыз және атақты адамдардың, саясаткерлердің, компаниялардың және т.б. ресми аккаунттарындағы барлық ақпаратты қайта-қайта тексеріңіз. Ұсыныс керемет тартымды болып көрінсе де, сыни тұрғыдан ойлауды ұмытпаңыз.Күтпеген ұсыныстарға жауап бермеңіз. Егер сізге «инвестициялауға &nbsp;тиімді мүмкіндік» бар деп қоңырау шалса немесе хабарлама жіберілсе, бұл алдау болуы мүмкін. Дербес деректеріңізді ешкімге бермеңіз немесе қаражатты бейтаныс адамдарға аудармаңыз.Қосымшаларды тек ресми көздерден жүктеңіз.&nbsp;Google Play Store және Apple App Store басқа сайттарға қарағанда қауіпсіз, себебі онда үнемі тексеру жүргізіледі және барлық күдікті қолданбалар бірден жойылады. &nbsp;Сонымен қатар, басқа сайттардан жүктеу сіздің смартфоныңызға немесе компьютеріңізге вирус жұқтыруға әкелуі мүмкін, және сіз бірде-бір криптовалюта операциясын жасамай-ақ ақша мен дербес деректеріңізден &nbsp;айырыласыз.Тексеру жүргізіңіз. Егер криптовалюта сізге таныс болмаса, техникалық құжатын қарап зерттеңіз, оны кім шығаратынын және оның қалай жұмыс істейтінін біліңіз, тәуелсіз шолуларды қараңыз. Оның заңдылығына көз жеткізу үшін жалған криптовалюталардың өзекті тізімдерімен танысыңыз, алаяқтықтың жаңа тәсілдері туралы жиі айтатын мемлекеттік органдардың жаңалықтары мен есептерін зерттеңіз.<img src="https://knadmin.beoblood.kz/uploads/2605_infografika_kaz_18_805a6d3ef9.png" alt="2605-infografika-kaz-18.png">Өзіңізге, ақшаңызға абай болыңыз және Fingramota.kz -пен аржылық сауаттылықты арттырыңыз!Фото: fingramota.kz

Сақ болыңыз: криптовалютамен алдау схемалары 

<a href="https://kyzylorda-news.kz/">Kyzylorda-news.kz</a> Сақтандырылдым деп ойлап, емхана табалдырығында тосылғандар аз емес. Кейбір азаматтар МӘМС жүйесіне қате төлем жасап, нәтижесінде мәртебесіз қалып қояды. Әлеуметтік медициналық сақтандыру қоры осы мәртебеге қатысты ең жиі қойылатын сұрақтар мен туындайтын жағдайларды түсіндіріп берді.«МӘМС» туралы заңға сәйкес, сақтандырылған мәртебесі өткен немесе алдағы 12 айға төлем жасаған азаматқа беріледі. Соңғысын көбіне осы күнге дейін жүйеге бір де бір рет төлем жасамаған дербес төлеушілер аударады.<blockquote>«Дербес төлеушілер алдағы бір жылға төлем жасағанда көп қате жібереді. Кейбір азаматтар 12 айдікін бір айға төлеп қояды, жылын дұрыс таңдамайды немесе осы айдан жыл соңына дейін ғана төлеп, сақтандырылған мәртебесін ала алмадым деп хабарласады. Негізі айы мен жылын дұрыс көрсетіп, 1 жылға жеке-жеке төлеу қажет. Ал басқа мерзімге шатасып төлеп қойса, ақшаны қайтарып ала алады. Ол үшін «Азаматтарға арналған үкімет» мемлекеттік корпорациясына өтініш жазып, түбіртектерін бірге тапсыруы керек», – дейді Қордың ресми өкілі Забира Оразалиева.</blockquote>Тағы ескеретін жайт, егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, келесі айдан бастап төлем жасаған абзал. Яғни, 2025 жылдың қыркүйек айынан 2026 жылдың тамыз айына дейін төлеп, бір жыл бойы МӘМС аясында емделуге мүмкіндік бар.Сондай-ақ, халықтың экономикалық белсенді бөлігі МӘМС үшін төлем жасайды және оның айтарлықтай үлесін жұмыс берушілер мен қызметкерлер құрайды. Осы жерде ескере кететін жайт, жұмыс беруші бір күнтізбелік айдан асатын ақылы еңбек демалысы кезеңінде (мысалы, мұғалімдер) кірісті есептеу кезінде аударымдар мен жарналарды демалыс күндерінің санына тепе-тең есептелген кезеңдер бойынша бөле отырып, бір төлеммен жүргізу қажет. Ал жұмыскер ұзақ мерзімді курсқа кетсе немесе көп уақыт ауырған жағдайда сақтандыру мәртебесін жоғалтпау мақсатында сол айға дербес төлеуші ретінде&nbsp;(АЕК-тің 5%-ы, яғни 4 250 теңге) өздігінен төлеуі керек.<blockquote>«Сонымен бірге, 2026 жылдан бастап МӘМС жүйесіне қатысудың тұрақтылығын арттыру мақсатында маңызды норма енгізілмек. Бес жыл бойы тұрақты жарна төлеген адам қандай да бір себеппен төлем жасай алмаса, оның мәртебесі бұрынғы 3 айдың орнына 6 айға дейін сақталады, ал МӘМС жүйесіне 5 жылдан кем қатысқан жағдайда, сақтандыру мәртебесі сол 3 айдан аспайды», - деді Оразалиева. Бұл өзгеріс тұрақты түрде жүйеге қатысып келген, бірақ уақытша қиындыққа тап болған азаматтарды қолдауға мүмкіндік береді.</blockquote>Еске салайық, егер қосымша сұрақтарыңыз болса немесе медициналық көмек алуда қиындықтар туындаса, өз емханаңыздағы «Пациенттерді қолдау қызметіне» жүгіне аласыз. Сонымен бірге, Қордың өзіңізге ыңғайлы арналары арқылы өтініш-шағымдарыңызды қалдыра аласыз:- &nbsp;msqory.kz ресми сайты;- Qoldau 24/7 мобильді қосымшасы;- Telegramдағы SaqtandyryBot.&nbsp;Фото: freepik

МӘМС жүйесінде сақтандырылғандар қатарынан шығып қалмау үшін не істеу керек?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Арал қаласындағы «Қамқорлық» оңалту орталығының салтанатты ашылу рәсімі өтті. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, «Қазақстан халқына» қоғамдық қорының басқарма төрағасы Ләззат Шыңғысбаева мен зиялы қауым өкілдері қатысты.Аймақ басшысы әлеуметтік салада атқарылған жұмыстарға тоқталып, аудан тұрғындарына құттықтауын жеткізді.«Биыл ел тәуелсіздігінің берік тұғыры, демократиялық құндылықтарымыздың негізі саналатын Қазақстан Республикасының Конституциясына 30 жыл толды.Бүгін міне, мереке қарсаңында Өздеріңізбен бірге жерлестеріміздің, балаларымыздың игілігіне қызмет ететін жаңа нысанды ашамыз.Қазіргі таңда ел Президентінің, Үкіметтің қолдауымен тұрғындар денсаулығын сақтауға бағытталған маңызды жобалар сәтті жүзеге асырылуда. Соңғы үш жылда облыстың денсаулық сақтау саласына441 млрд. теңге қаржы бөлініп, халықтың сұранысына сәйкес түйткілді мәселелер шешімін тауып келеді.Медициналық құрал-жабдықтармен жыл сайын қамтамасыз етудің арқасында жабдықталу деңгейі 2022 жылы 83,2 пайыз болса, бүгінде бұл көрсеткіш 87,4 пайызға артты.Жергілікті бюджеттен 5 млрд. 400 млн. теңгеге 225 жаңа санитарлық автокөлік бір мезетте алынып, елді мекендердегі денсаулық сақтау мекемелеріне табысталды.Арал ауданына 25 автокөлік бөлініп, олар шалғайдағы Жіңішкеқұм, Құланды, Жаңақұрылыс, Ақбасты, Қарашалаң ауылдары тұрғындарының игілігіне айналды. Халық сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз қамтамасыз етілді. Осылайша, елді мекендерді санитарлық автокөлікпен қамту мәселесі толық шешімін тапты.Халыққа сапалы медициналық қызмет көрсету үшін мамандар біліктілігін арттыру мәселесі ұдайы назарымызда.«Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 5 млрд. теңгеге жуық қаржы бағыттады. Бұл қаржыға сирек кездесетін дертке шалдыққан жерлестерімізге қажетті дәрі-дәрмек сатып алынды.Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады.Өздеріңізге белгілі, бүгінге дейін Аралда типтік ғимараттағы аудандық емхана мәселесі шешімін таппай келген. Әр келген сайын осындағы ағайын бұл мәселені қайта-қайта көтеретін. Сіздердің өтініштеріңізбен жаңа емхана салу жөнінде шешім қабылдадық. Облыстық бюджеттен 22 млн теңге бөлініп, ауысымына 250 келушіге арналған емхана салу үшін жоба-сметалық құжаттама әзірленіп, мемлекеттік сараптамадан өтті. Құны 6 млрд 600 млн теңге, жалпы көлемі 8 600 шаршы метр болады.Емхана құрылысын Арнаулы мемлекеттік қордан қаржыландыру бойынша жұмыс жүргізілуде.Бүгін ел игілігіне табысталатын жаңа орталық, ондағы дәрігерлер елге адал қызмет етіп, науқастың дертіне дауа, көңіліне рауан беріп, халық алғысына бөленеді деп сенеміз», - деді Н. Нәлібаев.Президент бастамасымен қолға алынған «Ауылда денсаулық сақтауды жаңғырту» ұлттық жобасы аясында өңірдің барлық ауданында 28 медициналық нысан салынды. Арал ауданында Тоқабай, Бөген, Қызылжар дәрігерлік амбулаториялары және Көктем ауылында медициналық пункт пайдалануға берілдіҰлттық жоба аясында Арал, Қазалы, Шиелі, Жаңақорған көпбейінді аудандық ауруханалары жанынан қосымша құрылыстар, Арал, Шиелі аудандық ауруханалары жанынан жұқпалы аурулар бөлімшелері салынуда.Жақын күндері Шиелі ауданындағы жұқпалы аурулар бөлімшесі мен аудандық аурухананың қосымша құрылысы пайдалануға беріледі. Қалған 4 нысан жыл соңына дейін табысталады.Жыл басында Жаңақорған ауданы Төменарық ауылында дәрігерлік амбулаториясымен қоса 15 төсектік ауылдық аурухана, Арал ауданы Сексеуіл кентінде 40 төсек-орынға арналған аурухана ашылды.«Ауыл – ел бесігі» бағдарламасы аясында Қызылорда қаласының Баймұрат батыр елді мекенінде дәрігерлік амбулатория, Досан елді мекенінде медициналық бекет іске қосылды.Осылайша ауылдардағы медициналық- санитариялық алғашқы көмек көрсету ұйымдарының ғимараттарын нормативке сәйкестендіру мәселесі толығымен шешілді. Қызмет көрсету мүмкіндігі кеңейген жаңа "Қан орталығы" жұмыс атқаруда.Қызылорда қаласында емханасы мен онкологиялық бөлімшесі бар 300 орындық көпбейінді аурухана құрылысы жүргізілуде.Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Өткен жылдан бері 17 медициналық нысан күрделі жөндеуден өткізіліп, 44 ғимараттың жылу жүйесі газға ауыстырылды. Биыл 7 млрд. 600 млн теңгеге медициналық құрал-жабдықтар сатып алынуда.Фото: Қызылорда облысы әкімінің баспасөз қызметі

Арал қаласындағы «Қамқорлық» оңалту орталығы жұмысын бастады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 8 қыркүйек күні Парламент палаталарының бірлескен отырысында Қазақстан халқына Жолдауын жариялайды.Бұл туралы бүгін өзінің Telegram арнасында ҚР Президентінің кеңесшісі – Баспасөз хатшысы Руслан Желдібай <a href="https://kaz.inform.kz/news/memleket-basshisi-8-kirkuyek-kun-kazakstan-halkina-zholdauin-zhariyalaydi-63a030/">жазды.</a>Фото: Ақорда

Мемлекет басшысы 8 қыркүйек күні Қазақстан халқына Жолдауын жариялайды  

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының қабылдау кестесіне сәйкес Қызылорда облысы әкімінің орынбасары Шермағанбет Мейрамбек Зинабдинұлы азаматтарды жеке мәселелері бойынша қабылдап ұсыныс - тілектерін тыңдады.Қабылдауға партияның облыстық филиалының атқарушы хатшысы Ләйлә Төрешова, бірқатар жауапты басқарма басшылары қатысты.Облыс әкімі орынбасарының қабылдауына 10 азамат келді. Олар жұмысқа орналасу, оқуға түсіру, еңбек даулары, кәсіпкерлікке қолдау көрсету бағытында өтініштерін білдірді.Мәселен, қабылдауға алғаш болып келген қала тұрғыны «Қызылорда Балет Театры» жобасын ұсынып, жобаны іске асыру үшін мемлекет тарапынан қолдау көрсету, ұлттық қорлар мен инвесторларға өтінім беру үшін ұсыныс хат немесе меморандумға отыру жөніндегі мәселелерді шешіп беруге көмек сұрады.Келесі азамат өзінің жекеменшік балабақшада жұмыс жасайтындығын жеткізіп, балабақшада өзіне қатысты заңсыздықтар орын алып отырғандығын айтты.Облыс әкімінің орынбасары әрбір азаматтың өтінішіне жіті мән беріп, барлық өтініш бойынша жұмыс жасалатындығын жеткізді. Әрбір өтініштің мазмұнына сай тиісті басқарма басшыларына зерделеп, қолдау көрсету жөнінде тапсырма берді.Жұмысқа орналасу, оқуға түсіруге қолдау көрсету бойынша өтініш иелеріне қолданыстағы заңдар аясында кеңес берді.

Қазақстан және Қызылорда облысының жаңалықтары