<a href="https://kyzylorda-news.kz/">Kyzylorda-news.kz</a> Сақтандырылдым деп ойлап, емхана табалдырығында тосылғандар аз емес. Кейбір азаматтар МӘМС жүйесіне қате төлем жасап, нәтижесінде мәртебесіз қалып қояды. Әлеуметтік медициналық сақтандыру қоры осы мәртебеге қатысты ең жиі қойылатын сұрақтар мен туындайтын жағдайларды түсіндіріп берді.«МӘМС» туралы заңға сәйкес, сақтандырылған мәртебесі өткен немесе алдағы 12 айға төлем жасаған азаматқа беріледі. Соңғысын көбіне осы күнге дейін жүйеге бір де бір рет төлем жасамаған дербес төлеушілер аударады.<blockquote>«Дербес төлеушілер алдағы бір жылға төлем жасағанда көп қате жібереді. Кейбір азаматтар 12 айдікін бір айға төлеп қояды, жылын дұрыс таңдамайды немесе осы айдан жыл соңына дейін ғана төлеп, сақтандырылған мәртебесін ала алмадым деп хабарласады. Негізі айы мен жылын дұрыс көрсетіп, 1 жылға жеке-жеке төлеу қажет. Ал басқа мерзімге шатасып төлеп қойса, ақшаны қайтарып ала алады. Ол үшін «Азаматтарға арналған үкімет» мемлекеттік корпорациясына өтініш жазып, түбіртектерін бірге тапсыруы керек», – дейді Қордың ресми өкілі Забира Оразалиева.</blockquote>Тағы ескеретін жайт, егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, келесі айдан бастап төлем жасаған абзал. Яғни, 2025 жылдың қыркүйек айынан 2026 жылдың тамыз айына дейін төлеп, бір жыл бойы МӘМС аясында емделуге мүмкіндік бар.Сондай-ақ, халықтың экономикалық белсенді бөлігі МӘМС үшін төлем жасайды және оның айтарлықтай үлесін жұмыс берушілер мен қызметкерлер құрайды. Осы жерде ескере кететін жайт, жұмыс беруші бір күнтізбелік айдан асатын ақылы еңбек демалысы кезеңінде (мысалы, мұғалімдер) кірісті есептеу кезінде аударымдар мен жарналарды демалыс күндерінің санына тепе-тең есептелген кезеңдер бойынша бөле отырып, бір төлеммен жүргізу қажет. Ал жұмыскер ұзақ мерзімді курсқа кетсе немесе көп уақыт ауырған жағдайда сақтандыру мәртебесін жоғалтпау мақсатында сол айға дербес төлеуші ретінде&nbsp;(АЕК-тің 5%-ы, яғни 4 250 теңге) өздігінен төлеуі керек.<blockquote>«Сонымен бірге, 2026 жылдан бастап МӘМС жүйесіне қатысудың тұрақтылығын арттыру мақсатында маңызды норма енгізілмек. Бес жыл бойы тұрақты жарна төлеген адам қандай да бір себеппен төлем жасай алмаса, оның мәртебесі бұрынғы 3 айдың орнына 6 айға дейін сақталады, ал МӘМС жүйесіне 5 жылдан кем қатысқан жағдайда, сақтандыру мәртебесі сол 3 айдан аспайды», - деді Оразалиева. Бұл өзгеріс тұрақты түрде жүйеге қатысып келген, бірақ уақытша қиындыққа тап болған азаматтарды қолдауға мүмкіндік береді.</blockquote>Еске салайық, егер қосымша сұрақтарыңыз болса немесе медициналық көмек алуда қиындықтар туындаса, өз емханаңыздағы «Пациенттерді қолдау қызметіне» жүгіне аласыз. Сонымен бірге, Қордың өзіңізге ыңғайлы арналары арқылы өтініш-шағымдарыңызды қалдыра аласыз:- &nbsp;msqory.kz ресми сайты;- Qoldau 24/7 мобильді қосымшасы;- Telegramдағы SaqtandyryBot.&nbsp;Фото: freepik

МӘМС жүйесінде сақтандырылғандар қатарынан шығып қалмау үшін не істеу керек?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Арал қаласындағы «Қамқорлық» оңалту орталығының салтанатты ашылу рәсімі өтті. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, «Қазақстан халқына» қоғамдық қорының басқарма төрағасы Ләззат Шыңғысбаева мен зиялы қауым өкілдері қатысты.Аймақ басшысы әлеуметтік салада атқарылған жұмыстарға тоқталып, аудан тұрғындарына құттықтауын жеткізді.«Биыл ел тәуелсіздігінің берік тұғыры, демократиялық құндылықтарымыздың негізі саналатын Қазақстан Республикасының Конституциясына 30 жыл толды.Бүгін міне, мереке қарсаңында Өздеріңізбен бірге жерлестеріміздің, балаларымыздың игілігіне қызмет ететін жаңа нысанды ашамыз.Қазіргі таңда ел Президентінің, Үкіметтің қолдауымен тұрғындар денсаулығын сақтауға бағытталған маңызды жобалар сәтті жүзеге асырылуда. Соңғы үш жылда облыстың денсаулық сақтау саласына441 млрд. теңге қаржы бөлініп, халықтың сұранысына сәйкес түйткілді мәселелер шешімін тауып келеді.Медициналық құрал-жабдықтармен жыл сайын қамтамасыз етудің арқасында жабдықталу деңгейі 2022 жылы 83,2 пайыз болса, бүгінде бұл көрсеткіш 87,4 пайызға артты.Жергілікті бюджеттен 5 млрд. 400 млн. теңгеге 225 жаңа санитарлық автокөлік бір мезетте алынып, елді мекендердегі денсаулық сақтау мекемелеріне табысталды.Арал ауданына 25 автокөлік бөлініп, олар шалғайдағы Жіңішкеқұм, Құланды, Жаңақұрылыс, Ақбасты, Қарашалаң ауылдары тұрғындарының игілігіне айналды. Халық сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз қамтамасыз етілді. Осылайша, елді мекендерді санитарлық автокөлікпен қамту мәселесі толық шешімін тапты.Халыққа сапалы медициналық қызмет көрсету үшін мамандар біліктілігін арттыру мәселесі ұдайы назарымызда.«Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 5 млрд. теңгеге жуық қаржы бағыттады. Бұл қаржыға сирек кездесетін дертке шалдыққан жерлестерімізге қажетті дәрі-дәрмек сатып алынды.Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады.Өздеріңізге белгілі, бүгінге дейін Аралда типтік ғимараттағы аудандық емхана мәселесі шешімін таппай келген. Әр келген сайын осындағы ағайын бұл мәселені қайта-қайта көтеретін. Сіздердің өтініштеріңізбен жаңа емхана салу жөнінде шешім қабылдадық. Облыстық бюджеттен 22 млн теңге бөлініп, ауысымына 250 келушіге арналған емхана салу үшін жоба-сметалық құжаттама әзірленіп, мемлекеттік сараптамадан өтті. Құны 6 млрд 600 млн теңге, жалпы көлемі 8 600 шаршы метр болады.Емхана құрылысын Арнаулы мемлекеттік қордан қаржыландыру бойынша жұмыс жүргізілуде.Бүгін ел игілігіне табысталатын жаңа орталық, ондағы дәрігерлер елге адал қызмет етіп, науқастың дертіне дауа, көңіліне рауан беріп, халық алғысына бөленеді деп сенеміз», - деді Н. Нәлібаев.Президент бастамасымен қолға алынған «Ауылда денсаулық сақтауды жаңғырту» ұлттық жобасы аясында өңірдің барлық ауданында 28 медициналық нысан салынды. Арал ауданында Тоқабай, Бөген, Қызылжар дәрігерлік амбулаториялары және Көктем ауылында медициналық пункт пайдалануға берілдіҰлттық жоба аясында Арал, Қазалы, Шиелі, Жаңақорған көпбейінді аудандық ауруханалары жанынан қосымша құрылыстар, Арал, Шиелі аудандық ауруханалары жанынан жұқпалы аурулар бөлімшелері салынуда.Жақын күндері Шиелі ауданындағы жұқпалы аурулар бөлімшесі мен аудандық аурухананың қосымша құрылысы пайдалануға беріледі. Қалған 4 нысан жыл соңына дейін табысталады.Жыл басында Жаңақорған ауданы Төменарық ауылында дәрігерлік амбулаториясымен қоса 15 төсектік ауылдық аурухана, Арал ауданы Сексеуіл кентінде 40 төсек-орынға арналған аурухана ашылды.«Ауыл – ел бесігі» бағдарламасы аясында Қызылорда қаласының Баймұрат батыр елді мекенінде дәрігерлік амбулатория, Досан елді мекенінде медициналық бекет іске қосылды.Осылайша ауылдардағы медициналық- санитариялық алғашқы көмек көрсету ұйымдарының ғимараттарын нормативке сәйкестендіру мәселесі толығымен шешілді. Қызмет көрсету мүмкіндігі кеңейген жаңа "Қан орталығы" жұмыс атқаруда.Қызылорда қаласында емханасы мен онкологиялық бөлімшесі бар 300 орындық көпбейінді аурухана құрылысы жүргізілуде.Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Өткен жылдан бері 17 медициналық нысан күрделі жөндеуден өткізіліп, 44 ғимараттың жылу жүйесі газға ауыстырылды. Биыл 7 млрд. 600 млн теңгеге медициналық құрал-жабдықтар сатып алынуда.Фото: Қызылорда облысы әкімінің баспасөз қызметі

Арал қаласындағы «Қамқорлық» оңалту орталығы жұмысын бастады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 8 қыркүйек күні Парламент палаталарының бірлескен отырысында Қазақстан халқына Жолдауын жариялайды.Бұл туралы бүгін өзінің Telegram арнасында ҚР Президентінің кеңесшісі – Баспасөз хатшысы Руслан Желдібай <a href="https://kaz.inform.kz/news/memleket-basshisi-8-kirkuyek-kun-kazakstan-halkina-zholdauin-zhariyalaydi-63a030/">жазды.</a>Фото: Ақорда

Мемлекет басшысы 8 қыркүйек күні Қазақстан халқына Жолдауын жариялайды  

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының қабылдау кестесіне сәйкес Қызылорда облысы әкімінің орынбасары Шермағанбет Мейрамбек Зинабдинұлы азаматтарды жеке мәселелері бойынша қабылдап ұсыныс - тілектерін тыңдады.Қабылдауға партияның облыстық филиалының атқарушы хатшысы Ләйлә Төрешова, бірқатар жауапты басқарма басшылары қатысты.Облыс әкімі орынбасарының қабылдауына 10 азамат келді. Олар жұмысқа орналасу, оқуға түсіру, еңбек даулары, кәсіпкерлікке қолдау көрсету бағытында өтініштерін білдірді.Мәселен, қабылдауға алғаш болып келген қала тұрғыны «Қызылорда Балет Театры» жобасын ұсынып, жобаны іске асыру үшін мемлекет тарапынан қолдау көрсету, ұлттық қорлар мен инвесторларға өтінім беру үшін ұсыныс хат немесе меморандумға отыру жөніндегі мәселелерді шешіп беруге көмек сұрады.Келесі азамат өзінің жекеменшік балабақшада жұмыс жасайтындығын жеткізіп, балабақшада өзіне қатысты заңсыздықтар орын алып отырғандығын айтты.Облыс әкімінің орынбасары әрбір азаматтың өтінішіне жіті мән беріп, барлық өтініш бойынша жұмыс жасалатындығын жеткізді. Әрбір өтініштің мазмұнына сай тиісті басқарма басшыларына зерделеп, қолдау көрсету жөнінде тапсырма берді.Жұмысқа орналасу, оқуға түсіруге қолдау көрсету бойынша өтініш иелеріне қолданыстағы заңдар аясында кеңес берді.

Облыс әкімінің орынбасары қабылдау өткізді

<a href="https://kyzylorda-news.kz/">Kyzylorda-news.kz</a> Еліміз бойынша іске асып жатқан «Ауыл аманаты» жобасы аясында қазіргі уақытта жеңілдетілген несиеге қол жеткізіп, кәсіп бастаған және бар ісін дамытып отырған кәсіпкерлер баршылық. Ауылдың тұрмысын түзеуге бағытталған бағдарламаның игілігін көріп отырғандардың қатарында Аралдық кәсіпкер Майра Қабатаева да бар.Ол бүгінде аталмыш жобаның шапағатың көріп, Арал қаласынан шағын наубайханасын ашқан. Ауданның тұрғындарын сапалы әрі балғын нанмен қамтамасыз етіп, олардың алғысына кенеліп отыр.Майра осыдан 10 жыл бұрын нан өнімдерін сатып бастаған. Кәсіпкер 2024 жылы «Ауыл аманаты» атты жаңа бағдарламаның бар екенін естіп, соған қатысуға бел буған. Осылайша мамандардан кеңес алып, әкімдікке құжаттарын тапсырып, жеңілдетілген 2,5 пайызбен 5 млн теңге несие алған. Қаражат қолына тиген сәтте цехқа Ресейлік зауыттардан шығарылған үлкен пештер, қамыр илейтін құрылғы және тағы да басқа қажетті құрал-жабдықтар мен ұн, тұз секілді шикізаттар алып, жұмысын бастаған. Бүінде цехта 3 адам жұмыспен қамтылып отыр.Қазіргі уақытта наубайханада күніне 400- ге жуық дана бөлке, қара нан пісіріледі. Сондай-ақ қосымша күн ара 300 дана тәтті тоқаштар жасалып,сауда орындарына сатылымға жіберіліп отырады.Иә, ас атасының дайындалуы оңай жұмыс емес. Десе де Майра Жолдыбайқызы төзімділік танытып, бүгінде кәсібін бір қалыпқа келтіріп алған. Оған қоса қазір жеткен жетістігімен тоқтамай, алдағы уақытта ісін дамытып, цехты және жұмысшылар санын кеңейтіп, өнімін өзге өнірлеріне шығаруды жоспарлауда. Оған қоса тәтті өнімдер жасайтын кондитерлік цех ашуды да ойластырып отыр.<blockquote>"Бастапқы қиындықтар – әр істі бастар кезде кәсіпкердің басынан өтетін жайт. Жалпы табысқа жетудің бірден-бір кілті, ол – төзімділік. Қандай жұмыс болса да ауыр жеңіліне қарамау қажет. Ал несібесі жасаған жұмысына қарай келетін болады. Ең бастысы, жоспарымыз бен нақты мақсатымыз бар, – дейді Майра Қабатаева.&nbsp;</blockquote>

Ауыл аманаты: Нәзікжанды кәсіпкер жобаның игілігін көруде 

<a href="https://kyzylorda-news.kz/">Kyzylorda-news.kz</a> Биыл Табиғи монополияларды реттеу комитетінің Қызылорда облысы бойынша департаменті сумен және жылумен жабдықтау, «Нұра топтық су құбыры» Аралда салынып жатқан кәсіпорындардың бірлескен дирекциясы» &nbsp;қызметтерінің тарифтерін бекітті. Сонымен қатар, өңірде бірыңғай жеткізуші - «Қызылорда электр тарату тораптары» жұмыс істей бастады.15 мамырдан бастап беру тарифі 31%-ға көтерілді. 23 шілдеден бастап бөлшек баға жеке тұлғалар үшін - 25,47 теңге болып бекітілді. Жарты жылдықта 9 жоспардан тыс тексерулер жүргізіліп, оның 4 бойынша заң бұзушылықтар анықталған. Сонымен бірге, 5 әкімшілік өндірістер қозғалды. Бұл туралы Табиғи монополияларды реттеу комитетінің Қызылорда облысы бойынша департаменті басшысының орынбасары Зура Сардарбек баяндады.<blockquote>- Биылғы бірінші жартыжылдықта коммуналдық салада бірқатар маңызды өзгерістер болды. 2025 жылдан бастап су, жылу, газ және электр энергиясының жаңа тарифтері бекітілді. Тарифтердің қалыптасуында басты мақсат - &nbsp;халыққа қолжетімділікті сақтау және желілердің тозуын азайту. Департамент тарапынан тұтынушылардың құқықтарын қорғау басты назарда. Нәтижесінде артық төленген 193,8 млн теңге халыққа қайтарылуда, жылумен жабдықтау қызметі үшін қайта есеп жүргізіліп, тұтынушыларға 23,9 млн теңге қайтарылды. Сонымен қатар, Ұлттық жоба аясында облыстағы инфрақұрылымды жаңғыртуға миллиардтаған инвестициялар тартылуда. Бұл желілердің тозуын азайтып, сапалы қызмет көрсетуді қамтамасыз етеді. Алдағы уақытта да тарифтердің ашықтығын қамтамасыз ету үшін жария тыңдаулар жалғаса береді. Әрбір өтініш заң аясында қаралып, азаматтардың құқықтары қорғалуда,- деді Зура Сардарбекқызы.</blockquote>

Аймақта коммуналдық тарифтер жаңартылды

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Жаңа оқу жылы қарсаңында облыс әкімі Нұрлыбек Нәлібаевтың қатысуымен Арал ауданы Тоқабай ауылындағы 100 орындық мектеп пайдалануға берілді. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, «Қазақстан халқына» қоғамдық қорының басқарма төрағасы Ләззат Шыңғысбаева мен зиялы қауым өкілдері қатысты.<img src="https://knadmin.beoblood.kz/uploads/To_abaj_auyly_mektep_3_1030fd8cea.jpg" alt="Тоқабай ауылы мектеп 3.jpg">Аймақ басшысы ауыл тұрғындарын игі бастаманың іске асуымен &nbsp;құттықтады.<blockquote>«Жаңа оқу жылы қарсаңында Сыр өңірінің шежірелі мекені, топырағына құт дарыған, берекесі мен бірлігі жарасқан айдынды Арал ауданында Өздеріңізбен жүздескенімізге қуаныштымыз. Бүгін Тоқабай елді мекенінде №248 орта мектептің жаңа ғимаратының ашылуына жиналдық. Өздеріңіз білетіндей, бұған дейінгі салынған мектеп ғимаратының сапасы сын көтермей, апатты жағдайда деп танылды. Ауыл балалары уақытша әкімдік ғимаратында білім алып келді. Осы жағдайды ескеріп, өткен жылы демеушілік есебінен мектеп ғимаратын қайта салуды қолға алған болатынбыз. Алдымен негізгі оқу корпусының құрылысын аяқтап, балалардың жайлы жерде білім алуына жағдай жасадық. Бүгін құрылыс толық аяқталып, пайдалануға берудеміз. Аймағымызда әрбір баланың шығармашылықпен, спортпен айналысуына мемлекет тарапынан барлық мүмкіндік жасалуда. &nbsp;2022 жылдан бері өңірімізде жаңадан 15 мәдениет нысаны бой көтеріп, ел игілігіне берілді. Барлық 7 ауданда «Руханият орталықтары» салынды. Қызылордада «Отбасы орталығы», «Анаға тағзым», «Өнер орталығы», облыстық тарихи-өлкетану музейі ашылды. Ассамблеяның 30 жылдығы аясында «Қазатомөнеркәсіп» ұлттық атом компаниясының» қолдауымен «Достық үйінің» жаңа ғимараты бой көтеруде. Нысан алдағы қараша айында пайдалануға беріледі. Соңғы үш жылда 20 спорт кешені іске қосылды. Биыл тағы 6 спорт кешені келушілерге қызметін бастайды. Президентіміздің қолдауымен Қызылорда қаласында 11 мың орындық жаңа стадион құрылысы қарқынды жүруде. Алдағы қыркүйек айында ашылады. Облыс орталығындағы ірі жобалардың бірі - «Қызылорда Арена» көпбейінді спорт кешенінің құрылысы. Өткен жылдың қазан айында «Самұрық Қазына Траст» қорымен бірлесіп, «Теннис орталығы» ашылды. Биыл «Қазақстан халқына» қорының қолдауымен Шиелі, Жалағаш аудандарында жаңа спорт кешендері &nbsp;табысталды. Қордың демеушілігімен мүмкіндігі шектеулі жандарға арналған дене шынықтыру-сауықтыру кешені салынуда. Жергілікті кәсіпкерлердің демеушілігімен орнатылған 80 спорт-ойын алаңы ел игілігіне қызмет етуде. Ізденіс әлемінде білімге деген құлшыныстарыңыз өшпесін, талпыныстарың тоқтамасын! Жаңа оқу жылында шәкірттерге табыс, ұстаздарға шығармашылық шабыт, ата-аналарға қуаныш тілеймін!», - деді Н. Нәлібаев.</blockquote><img src="https://knadmin.beoblood.kz/uploads/To_abaj_auyly_mektep_2_9824a1075b.jpg" alt="Тоқабай ауылы мектеп 2.jpg">Жиында аймақтың әлеуметтік-экономикалық дамуына үлес қосқан азаматтар Қызылорда облысының Құрмет грамотасымен және облыс әкімінің Алғыс хатымен марапатталды.&nbsp;Наурызбай Байқадамов, Мұрат Ергешбаев құттықтауын жеткізіп, қоғам қайраткері Нажмадин Мұсабаев, Білім беру ісінің үздігі, Арал ауданының құрметті азаматы Үргенішбай Қуатов бата берді.Айта кетейік, облыс бюджеті 823 млрд. теңгеден асып, 2022 жылдан бері 226 пайызға өсті. Білім беру саласына соңғы үш жылда 812 млрд. 245 млн. теңге, биыл 346 млрд. 800 млн. теңге қаралды.Қайтарылған активтер есебінен 8 млрд. 200 млн. теңгеге 5 мектептің құрылысы қаржыландырылады. Қосымша білім беру жүйесін дамыту мақсатында үш жылда 4 "Оқушылар үйі" мен 2 "Өнер мектебі" салынып, зияткер жас ұрпаққа қызмет етуде. 29 тамыз күні Шиелі ауданындағы &nbsp;"Оқушылар үйі" мен "Өнер мектебі" салтанатты түрде ел игілігіне табысталады. Балалар мен жасөспірімдерге арналған «Сыр жұлдыздары» шығармашылық-инновациялық академиясы мамыр айында пайдалануға берілді. Өткен жылы «ҚазМұнайГаз» Ұлттық компаниясының демеушілігімен &nbsp;заманауи "Оқушылар сарайы" ашылды.Қазіргі таңда қайта жаңғыртылуы қолға алынған Президент саябағында жылдың төрт мезгілінде жұмыс істейтін 300 орындық тынығу лагері, Ботаникалық білім беру орталығы салынуда.<img src="https://knadmin.beoblood.kz/uploads/To_abaj_auyly_mektep_4_44160b89f5.jpg" alt="Тоқабай ауылы мектеп 4.jpg">

Тоқабай ауылындағы 100 орындық мектеп пайдалануға берілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Арал ауданына жұмыс сапары кезінде Сексеуіл кентіндегі 300 орындық «Келешек мектебінің» ашылу рәсіміне қатысты. Конституция мерекесі қарсаңындағы салтанатты басқосуға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, «Қазақстан халқына» қоғамдық қорының басқарма төрағасы Ләззат Шыңғысбаева мен зиялы қауым өкілдері арнайы келді.<img src="https://knadmin.beoblood.kz/uploads/Sekseuil_kenti_mektep_3_2510b69f85.jpg" alt="Сексеуіл кенті мектеп 3.jpg">Облыс әкімі тұрғындарды жаңа мектептің ашылуымен құттықтап, білім саласындағы жетістіктерге тоқталды.<blockquote>«Сіздерді жаңа бастамалар мен үмітке толы мереке 1 қыркүйек – Білім күнімен шын жүректен құттықтаймын! «Келешек мектептері» ұлттық жобасы аясында салынған бұл білім ордасы оқу мен ізденіс арқылы әр баланың болашағын айқындайды. Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Облысымыздың бюджеті 823 млрд. теңгеден асып, 2022 жылдан бері 226 пайызға өсті. 2023 жылдан бері облыстық бюджет есебінен 5 млрд. 700 млн. теңгеге 9 мектеп жанынан 2 900 орындық қосымша ғимарат салынды. Нәтижесінде үш ауысымдық мектептер мәселесі түбегейлі шешімін тапты. &nbsp;«Білімді қолдау қоры» арқылы 8 млрд. 400 млн. теңгеге Қызылорда қаласында дарынды балаларға арналған физика-математика бағытындағы, жатақханасы бар 400 орындық мектеп-интернат ел игілігіне табысталды. Мұнда оқу үшін еліміздің 17 аймағынан 1 445 оқушы өтініш білдіріп, білім бәйгесінде жоғары көрсеткіштерге қол жеткізген 200 бала қабылданды. Аталған қор есебінен 2 млрд. 333 млн. теңгеге Арал ауданы Мергенсай елді мекенінен 150 орындық заманауи мектептің құрылысы жүруде. Нысан қараша айында пайдалануға беріледі. Президентіміздің тапсырмасына сәйкес алдағы үш жылда өңіріміздегі 51 мектеп күрделі жөнделеді (реновация). Биыл облыстық бюджеттен 2 млрд. 400 млн. теңге бөлініп, 9 мектеп қайта жаңғыртудан өтті. Соңғы үш жылда 5 млрд. 300 млн. теңгеге 15 мектеп ғимаратына күрделі жөндеу жүргізілді. &nbsp;Атқарылған жұмыстардың нәтижесінде өткен үш жылда &nbsp;апатты жағдайдағы 7 мектептің мәселесі толық шешімін тапты. &nbsp;Өңіріміздегі апатты деп танылған 3 білім ордасын республикалық бюджет есебінен жаңадан салу жоспарлануда. Министрлікпен келісім бар. Қайтарылған активтер есебінен 8 млрд. 200 млн. теңгеге 5 мектептің құрылысы қаржыландырылады. Жаңа мектеп баршаңызға тағы да құтты болсын! Еліміздің көкжиегін кеңейтіп, жаңа биіктерге жетелейтін білім жолы әрдайым жарқын болсын!», - деді Н. Нәлібаев.</blockquote><img src="https://knadmin.beoblood.kz/uploads/Sekseuil_kenti_mektep_2_a0e55421e5.jpg" alt="Сексеуіл кенті мектеп 2.jpg">Жиында "Қазақстан халқына" қоғамдық қорының басқарма төрағасы Ләззат Шыңғысбаева сөз сөйлеп, аймағымыздың әлеуметтік-экономикалық дамуына үлес қосқан азаматтар Қызылорда облысының Құрмет грамотасымен және облыс әкімінің Алғыс хатымен марапатталды.Сонымен қатар, Мұрат Әбенов, Наурызбай Байқадамов Сыр өңіріндегі серпінді жұмыстарға тоқталып, тұрғындарға құттықтауларын жеткізді. Қоғам қайраткері Биғали Қаюпов пен Сексеуіл кенті ардагерлер кеңесінің төрағасы Бақытжан Жолмырзаев бата берді.Аймағымыздың білім беру саласына соңғы үш жылда 812 млрд. 245 млн. теңге, биыл 346 млрд. 800 млн. теңге қаралды. Қаржыландырудың барлық көзінен өткен жылы 31 млрд. 800 млн. теңгеге 13 білім беру ұйымы жаңадан ашылды.Мемлекет басшысының бастамасымен қолға алынған «Келешек мектептері» ұлттық жобасы аясында 54 млрд. 400 млн. теңгеге 6 900 орындық 10 мектептің құрылысы жүргізіліп, пайдалануға берілуде. Бүгінде 3 мың орындық 6 мектеп ел игілігіне табысталды. Қалған 4 мектептің біреуі бүгін салтанатты түрде ашылды, екеуі жаңа оқу жылына дайын.<img src="https://knadmin.beoblood.kz/uploads/Sekseuil_kenti_mektep_4_94af824cc4.jpg" alt="Сексеуіл кенті мектеп 4.jpg">

Сексеуіл кентінде 300 орындық «Келешек мектебі» ашылды

<a href="https://kyzylorda-news.kz/">Kyzylorda-news.kz</a> «AMANAT» партиясының «Ұлттық мұра» партиялық жобасы аясында Ақжарма ауылында ойын алаңы пайдалануға беріліп, шағын футболдан ашық біріншілік өтті.&nbsp;Іс-шараға партияның аудандық филиалының төрағасы, аудандық мәслихат төрағасы Ержан Әжікенов, аудан әкімінің орынбасары Димаш Байдушев, «AMANAT» партиясы Сырдария аудандық филиалының атқарушы хатшысы Ақтөре Ибрагимұлы арнайы қатысты. Сондай-ақ даңқты боксшылар Мұхтархан Ділдәбеков пен Біржан Жақыпов құрметті қонақ ретінде келді.Ойын алаңының салынуына және шағын футболдан өткізілген жарыстың ұйымдастырылуына «Ақжарма» бастауыш партия ұйымының төрағасы, аудандық мәслихаттағы «AMANAT» партиясы депутаттық фракциясының мүшесі Бисенов Марат Алдабергенұлы қолдау білдірді.Аудандық партия филиалының төрағасы Ержан Әжікенов бұқаралық спортты дамыту басым бағыттардың бірі екенін айтып, Президенттің тапсырмасымен облыс әкімінің қолдауымен Сыр өңірінде, Сырдария ауданында спорт саласы қарқынды дамып келе жатқанын айтты.&nbsp;Өз кезегінде Сидней олимпиадасының күміс жүлдегері, Қазақстанның еңбек сіңірген спорт шебері Мұхтархан Ділдәбеков ауылдағы спорт саласының дамуын оң бағалап, тілектестігін білдірсе, ойын алаңының салынуына қолдау білдірген Марат Бисенов ауылдың дамуына үлес қосу азаматтық парызы екенін айтып өтті. Алдағы уақытта да іргелі елді мекенді өркендету бағытында тың жобалар жүзеге асырылатынына назар аударып, ауыл тұрғындарын туған жерді көркейтуге және ел мүддесі жолында бірлесе еңбек етуге шақырды.Айта кету керек, ойын алаңының ашылуына орай ел ағаларының ауылға келген сапарында Ақжармалық бес бүлдіршіннің тұсауы кесілді. Жас өрендерге «Ақжарма» бастауыш партия ұйымының атынан сый-сияпат көрсетіліп, қариялар ақ батасын берді.

«Ұлттық мұра» партиялық жобасы аясында ойын алаңы пайдалануға берілді

<a href="https://kyzylorda-news.kz/">Kyzylorda-news.kz</a> Өңірімізде білім сапасын арттыру және білім беру ұйымдарының қызметін заң талаптарына сәйкестендіру бағытында жүйелі жұмыстар жүргізілуде. Мемлекеттік бақылау шаралары аясында білім беру мекемелерінің жұмысына жан-жақты тексеру жасалып, нәтижесінде бірқатар нақты шешімдер қабылданды. Бұл туралы бүгін ҚР Оқу-ағарту министрлігі Білім саласында сапаны қамтамасыз ету комитетінің Қызылорда облысы бойынша департаментінің басшысы Ғалия Дәулетова мәлімдеді.<blockquote>- Білім сапасын арттыру - біздің ең басты мақсатымыз әрі күн тәртібіндегі негізгі міндеттердің бірі. Өңірімізде осы бағытта нақты жұмыстар атқарылып келеді. 2025 жылдың 8 айында департамент тарапынан барлығы 157 мемлекеттік бақылау шарасы жүргізілді. Оның ішінде 97 білім беру ұйымына мемлекеттік аттестаттау, 49 балабақшаға қайта аттестаттау, 11 мекемеге рұқсаттық бақылау өткізілді. Бұл бақылау шаралары білім беру ұйымдарының жұмысына жүйелі талдау жасауға, олардың қызметін жетілдіруге және сапалы білім алуға барлық жағдайды қамтамасыз етуге бағытталған. Мемлекеттік аттестаттау барысында білім беру ұйымдарының оқу-тәрбие үдерісі, материалдық-техникалық базасы, педагогтардың біліктілігі мен балалардың оқу жетістіктері жан-жақты қаралды. Сонымен бірге кешенді тестілеуге 48 мектептен 3696 оқушы қатысты. Бұл бізге білім сапасының деңгейін айқындауға, мектептердің әлеуетін бағалауға және алдағы уақыттағы даму бағыттарын нақтылауға мүмкіндік берді. Мұндай ауқымды шаралар білім сапасын жүйелі түрде арттыруға зор ықпал етеді. &nbsp;Бүгінгі күні өңірде жаңа ашылып жатқан «Жайлы мектептерге» лицензиялар беріліп, оқушылар үшін заманауи әрі қолайлы орта қалыптастырылуда. Алдағы жоспар бойынша жыл соңына дейін 52 мектепке мемлекеттік аттестаттау, 20 балабақшаға қайта аттестаттау, сондай-ақ 4 мектепке талаптарға сәйкестікті тексеру жұмыстары жүргізіледі. Бұл - білім беру жүйесінің сапасын арттырумен қатар, ата-аналардың сенімін күшейтуге де ықпал ететін маңызды қадам. &nbsp;Сонымен қатар жеке мектептерді де назардан тыс қалдырмаймыз. Республика бойынша жекеменшік мектептердің шамамен 40 пайызы жалдамалы ғимараттарда орналасқан. Бұл өз кезегінде белгілі бір тәуекелдерді туындататыны анық. Сондықтан министрлік лицензиялық талаптарға өзгерістер енгізіп, білім беру ұйымдарының қауіпсіздігі мен инфрақұрылымына ерекше көңіл бөлмек. Мемлекет тарапынан сапалы білім беретін, балалардың құқығы мен мүддесін қатаң сақтайтын, заманауи талаптарға толық сәйкес келетін жеке мектептерді ғана қолдау жалғаса береді. Біздің басты ұстанымымыз – әрбір балаға лайықты білім беру жағдайын жасау, - деді Ғалия Ноғайқызы.</blockquote>

Білім саласындағы басты назар - сапа мен жетістік

<a href="https://kyzylorda-news.kz/">Kyzylorda-news.kz</a> Тарих қойнауын ақтарып, өткенге ой жүгірту – бүгінді бағамдауға себеп. Осы тұста, құндылықтың құнын, мұраның маңызын білген ҚАЖ департаментіне қарасты №68 мекемесінің жеке құрам қызметкерлері сол жағалаудан бой көтерген облыстық тарихи-өлкетану музейіне рухани сапар жасады.Музей директорының орынбасары Жанат Ахметова жылы қарсы алып, экскурсияны жүргізген Бақнұр Жолмырза сандық және мультимедиялық технологиялармен жабдықталған 11 экспозициялық залдағы мұралар жайында мардымды мәлімет берді. Бұл – тарих таспасын кері айналдырып, әр дәуірдің кезеңіне үңілуге түрткі болды.Мұнда 70 мыңнан астам экспонат сақталымда екен. Экскурсия барысында қызметкерлер өлкенің өткені мен бүгінін баяндайтын деректермен де танысты. Әрбір жәдігер – ата-бабамыздың өмір салтын өрнектеп, халықтың даналығын дәріптеп, ұлттың ұлылығын айшықтайтын негізгі айғақ.– Қарбалас жұмыстан уақыт тығыз болып, кейде көп нәрсеге бірдей көңіл бөлу мүмкін еместей көрінеді. Бірақ, жеке құраммен жұмыс тобының ұйымдастыруымен жаңа музейге жол тарттық. Санамыздың серпіліп қалғаны рас. Музейді қызығушылықпен араладық. Алған әсерім де бөлек. Туған жердің әр тасында тарих, әр жәдігерінде тағылым бар екенін сезіндім, — дейді әділет кіші сержанты Б.Қуандық.Алдағы уақытта да ұрпаққа аманат болған ұлы мұраларды қадірлеп, ұлықтау үрдісін үзбеуге тырысамыз.

Қазақстан және Қызылорда облысының жаңалықтары