<a href="https://kyzylorda-news.kz/">Kyzylorda-news.kz</a> Аймақтағы мемлекеттік қызметшілердің құқықтық сауаттылығын арттыру мақсатында құзырлы органдар тарапынан құқықтық оқытулар, түсіндірмелік семинар-кеңестер ұдайы өткізіліп келеді. Бұл жұмыстарда Әдеп жөніндегі уәкілдер институтының рөлі ерекше.Осы мақсатта облыс әкімі аппаратының әдеп жөніндегі уәкілі Бағдат Әбдіқадыр Сырдария ауданының жергілікті атқарушы орган қызметкерлеріне семинар-кеңес өткізді. Жиынның басты мақсаты – Қазақстан Республикасының мемлекеттік қызметі, сыбайлас жемқорлыққа қарсы іс-қимыл заңнамаларының талаптарын түсіндіру және мемлекеттік қызметшілердің қызметтік әдебін нығайту. Семинар-кеңеске аудан әкімі аппаратының басшысы, әдеп жөніндегі уәкілі Нұржан Ешниязов, кент, ауылдық округ әкімдері, дербес бөлімдердің, квазимемлекеттік сектор субъектілерінің басшылары мен қызметкерлері қатысты.Әдеп жөніндегі уәкіл семинар-кеңес барысында қолданыстағы мемлекеттік қызмет, сыбайлас жемқорлыққа қарсы іс-қимыл заңнамаларының және Әдеп кодексінің нормаларына қатысты ақпарат беріп, мемлекеттік қызметшілердің құқықтары мен әлеуметтік кепілдіктерін жан-жақты түсіндірді. Сондай-ақ, мемлекеттік қызметшілердің қызметтен тыс уақыттағы мінез-құлқы және сыбайлас жемқорлық шектеулеріне тоқталды. Мемлекеттік орган қызметкерлерінің арасында лудоманияның алдын алу мақсатында ойын мекемелеріне барудан бас тарту, құмар ойындарға және бәс тігуге қатысу туралы түсіндірме берілді.<blockquote>«Мемлекеттік қызметші өзінің жауапкершілігін, мәртебесін сезіне отырып, барлық іс-әрекеттерін әдеп нормаларының шеңберінде жүзеге асыруы тиіс. «Сыбайлас жемқорлыққа қарсы іс-қимыл туралы» Қазақстан Республикасы Заңының 12-бабының 1-тармағында жауапты мемлекеттік лауазымды атқаратын адамдар, мемлекеттік функцияларды орындауға уәкілеттік берілген адамдар және оларға теңестірілген адамдар сыбайлас жемқорлыққа қарсы шектеулерді қабылдайды деп көрсетілген. Шектеулердің бірі - құмар ойындарға және бәс тігуге қатысу. Қазақстан Республикасының «Ойын бизнесі туралы» Заңының 15-бабы 1-тармағының 2) тармақшасына сәйкес құмар ойындарға және (немесе) бәс тігуге қатысуы шектелген адамдардың қатысуына тыйым салынған. Сәйкесінше сыбайлас жемқорлыққа қарсы шектеулерді қабылдамау лауазымға қабылдаудан бас тартуға не жұмыстан шығаруға (атқарып жүрген лауазымынан босатуға, өкілеттіктерін тоқтатуға) алып келеді», - деді Б.Әбдіқадыр.</blockquote>Жиындардың соңында мемлекеттік қызметшілерден ұжымдағы қарым-қатынас деңгейін анықтауға арналған анонимді сауалнамалар алынды. Сонымен қатар, Әдеп жөніндегі уәкіл мемлекеттік қызметшілер мен азаматтарға жеке қабылдау өткізді. Жеке қабылдауға келген мемлекеттік қызметшілердің сұрақтарына жауап берді.

Әдеп жөніндегі уәкіл мемлекеттік қызметшілермен кездесті

<a href="https://kyzylorda-news.kz/">Kyzylorda-news.kz</a> ҚР Қаржы нарығын реттеу және дамыту агенттігі әзірлеген жаңа қаулы халықтың әлеуметтік осал топтарына жататын, табысы төмендеген немесе төтенше жағдайдың салдарынан зардап шеккен азаматтарға көмек көрсетуге арналған.&nbsp;Шарт талаптарын өзгертуге кім құқылы екендігі және оны қалай рәсімдеуге болатыны жөнінде Fingramota.kz-пен бірге қарастырып көрелік.&nbsp;Қазақстанда төтенше жағдайлар жиі орын алады.&nbsp;Су тасқыны, үсік шалу және басқа да ауа райының күрт өзгерістері халықтың, әсіресе әлеуметтік осал топтардың және кәсіпкерлікпен айналысатын азаматтардың қаржылық жағдайына теріс әсер етуі мүмкін.Бұған дейін және қазіргі таңда да банктер мен микроқаржы ұйымдары әлеуметтік осал санаттағы немесе төтенше жағдайлардан зардап шеккен азаматтарға ерікті түрде кредит төлеуді кейінге шегеру мүмкіндігін ұсынып келеді.Жаңа ережелер және олар қандай көмек береді &nbsp;Жаңа нормативтік құқықтық актімен мұндай көмек міндетті және бірыңғай болады. Түзетулер өткен жылы қабылданған&nbsp;қаржылық қызметтерді тұтынушылардың құқықтарын қорғау&nbsp;туралы заңмен тікелей байланысты - олар төтенше жағдай (мысалы, табиғи апаттар немесе техногендік апаттар), сондай-ақ кірістің төмендеуі кезінде халықты қолдау құралдарын күшейтеді.Жаңа актілерге сәйкес, кейінге қалдырудың ең аз мерзімі — 3 айдан кем емес және оны тек жоғары қарай өзгертуге болады. Сонымен қатар, егер сіз ХӘОТ санатына жатсаңыз немесе төтенше жағдайдан зардап шеккен болсаңыз және оны құжатталған түрде растай алсаңыз, кейінге қалдыру&nbsp;комиссия, өсімпұл және айыппұл есептелмей&nbsp;беріледі.Ең маңызды тұсы – кредитті өтеуді кейінге шегеру табыстың азаюы жағдайында ғана қарастырылады. Мұндай жеңілдік алу үшін келесі құжаттарды ұсыну қажет:<ul><li style="text-align:justify;">табыстың азайғанын растайтын анықтамалар;</li><li style="text-align:justify;">жұмыс орнынан берілген анықтама;</li><li style="text-align:justify;">сіздің төтенше жағдай аймағында болғаныңызды растайтын құжаттар.</li></ul>Банктер мен МҚҰ нақты орын алған жағдайға байланысты жәбірленушіден белгіленген тәртіппен құжаттар сұратуға тиіс – мысалы, төтенше жағдай кезінде тізім - бір тізім, кірісі төмендеген кезде - басқа тізім болады. НҚА әрбір жағдайға бейімделген қағаздардың жеңілдетілген тізбесін, сондай-ақ осындай жағдайларды қарау кезінде дәлдікті, ашықтықты және біркелкілікті көздейді.Нәтижесінде қаржы ұйымдары негізсіз бас тарта алмайды, ал қарыз алушылар өз жағдайларын қосымша шығындар мен артық төлемдерсіз реттеуге мүмкіндік алады.&nbsp;НҚА жобасы кредиттерді кейінге қалдыруды қол жетімді, түсінікті және заңмен қорғалған етеді. Егер сіз талаптарға сай болсаңыз, үш айлық демалысқа кепілдік беріледі. Жобаны талқылау аяқталды, ол жақын арада қабылданады және қолданысын бастайды.Егер кейінге қалдыру стандартты жағдайда орын алса2021 жылдан бастап проблемалық берешекті реттеудің бірыңғай тәртібі қолданылады. Ол шамамен 2,2 млн қарыз алушының шарттарының талаптарын өзгертуге мүмкіндік берді.Мерзімін өткізу басталған жағдайда қарыз алушы ол басталған күннен бастап&nbsp;күнтізбелік 30 күн&nbsp;ішінде жазбаша өтінішпен не кредиттік шартта жазылған өзге де тәсілмен қарызды қайта құрылымдау үшін кредиторға жүгінуге құқылы. Алайда, егер сіз мерзімін кешіктіру жақын арада басталатынын түсінсеңіз, мұны алдын-ала жасауға болады. Тек кредиторға жүгіну фактісін тіркеу қажет.Өтініште кірістің төмендеуі немесе жұмысынан айрылу сияқты&nbsp;төлем мерзімін кешіктірудің туындау&nbsp;себебі көрсетілген; күрделі ауру немесе мүгедектік; декреттік демалыс; форс-мажорлық жағдайлар (өрт, мүлікті ұрлау және т.б.). Себептерді көрсеткеннен&nbsp;кейін бәрін құжатпен растаңыз.Сондай-ақ, өтініште сіз қайта құрылымдаудың нұсқаларын көрсете аласыз. Мұндай әрекеттер айыппұл төлемеу, кредиттік тарихтың нашарлау және сот арқылы өндіріп алуды болдырмауды төмендетуге көмектеседі.Есіңізде болсын! Қарызды қайта құрылымдау түрлері: &nbsp;<ul><li style="text-align:justify;">сыйақы мөлшерлемесін төмендету;</li><li style="text-align:justify;">төлемді кейінге қалдыру;</li><li style="text-align:justify;">өтеу әдісінің өзгеруі (бұл шарт кепілмен қамтамасыз етілген қарыздарға тән);</li><li style="text-align:justify;">қарыз мерзімін ұлғайту;</li><li style="text-align:justify;">мерзімі өткен негізгі борышты және (немесе) сыйақыны кешіру, айыпақыны (айыппұл, өсімпұл), комиссияларды және қарызға қызмет көрсетуге байланысты өзге де төлемдерді жою;</li></ul>Егер қарыз болған жағдайда кепілді қарыз алушы мүлікті&nbsp;үш ай&nbsp;ішінде соттан тыс тәртіппен дербес өткізуге құқылы.Кредитор&nbsp;күнтізбелік 15 күн&nbsp;ішінде қарыз алушының өтінішіне жауап беруі керек. Бұл ретте кредитордың кредит беру шартының талаптарын өзгерту жөніндегі ұсыныстарын алған күннен бастап күнтізбелік 30 күн ішінде қайта құрылымдау талаптары бойынша келісімге қол жеткізбеу&nbsp;реттеуден бас тарту болып есептеледі.Есіңізде болсын, банктер мен МҚҰ кредитті қайта құрылымдау мәселесін қарау үшін қарыз алушыдан мерзімі өткен берешекті немесе оның бір бөлігін біржолғы өтеуді талап ете алмайды.Егер келісімге келе алмасаңызЕгер кредитор мен қарыз алушы өзара қолайлы шешім таба алмаса, бұл жағдайда қарыз алушы банктік немесе микроқаржы омбудсманына жүгіне алады.Банк омбудсманы Дархан Қадырбайұлы Нұрпейісов болып табылады. 2024 жылғы 21 желтоқсаннан бастап банк омбудсманының өкілеттігі кеңейтілді. Омбудсманның негізгі міндеті – қарыз алушылар мен кредиторлар арасындағы қаржылық дауларды сотқа дейінгі реттеу. Ол қазақстандықтардың барлық қарыздар, оның ішінде тұтынушылық қарыздар бойынша дауларын қарайды. Бұрын омбудсман қарыз алушылар-жеке тұлғалар мен банктер арасындағы ипотекалық қарыз шарттары бойынша ғана дауларды шешуге қатысқан.Омбудсман соттың қарауына қабылданған және/немесе заңды күшіне енген сот актісі бар, сондай-ақ істің жаңа мән-жайлары болмаған кезде қайта жіберілген жолданымдарды қарамайды.Банк омбудсманының Колл-орталығы, WhatsApp телефон нөмірі, электрондық пошта және https://www.bank-ombudsman.kz/ сайты бар. Омбудсман кеңсесі Алматыда орналасқан.Микроқаржы омбудсманы – Назгүл Қарасқызы Естеусізова. Микроқаржы омбудсманы болып сайланғанға дейін «Қазақстанның ұлттық коллекторлар палатасы» заңды тұлғалар бірлестігінің Төрағасы болды.Жаңа омбудсманның алдына микроқаржылық ұйымдардың клиенттерінің құқықтарын қорғауды қамтамасыз ету және қарыз алушылар және микроқаржы ұйымдары, талап ету құқығы берілген коллекторлық агенттіктер арасындағы дауларды шешуге жәрдемдесу міндеттері қойылған. &nbsp;&nbsp;Микроқаржы омбудсманының институты алғаш рет&nbsp;Қазақстанда құрылды.&nbsp;Микроқаржы ұйымының шешімі оны қарыз алушы-жеке тұлға қабылдаған жағдайда,&nbsp;микроқаржы ұйымы және&nbsp;қарыз алушы-жеке тұлғамен жасалған микрокредит беру туралы шарт бойынша құқық (талап ету) берілген&nbsp;коллекторлық агенттік үшін&nbsp;міндетті.Микроқаржы ұйымы, қарыз алушымен жасалған микрокредит беру туралы шарт бойынша құқық (талап ету) берілген тұлға микроқаржы омбудсманының шешімін ол белгілеген мерзімде орындамаған жағдайда микроқаржы омбудсманы бұл туралы уәкілетті органға бес жұмыс күнінен кешіктірмей хабар беруге міндетті.Микроқаржы ұйымының, қарыз алушымен жасалған микрокредит беру туралы шарт бойынша құқық (талап ету) берілген тұлғаның микроқаржы омбудсманының шешімін орындау мерзімі&nbsp;күнтізбелік отыз күнді&nbsp;құрайды.Микроқаржы омбудсманы мынадай:1) сот қарауға қабылдаған және (немесе) олар бойынша заңды күшіне енген сот актісі бар; 2) жүгінуші адам микрокредит беру туралы шарт шеңберінде туындаған жағдайды реттеу мақсатында өзінің микроқаржы ұйымына, микрокредит беру туралы шарт бойынша құқық (талап ету) берілген тұлғаға жүгінуінің жазбаша дәлелдемесін ұсынбаған; 3) істің жаңа мән-жайлары болмаған кезде қайтадан жіберілген жолданымдарды қарамайды.Екі омбудсманның да қызметтері&nbsp;өтеусіз.&nbsp;Қарыз алушы омбудсмандардың&nbsp;әрекеттеріне немесе әрекетсіздігіне шағым беруге құқылы. &nbsp;Микроқаржы омбудсманы туралы және оған қалай жүгінуге болатындығы туралы қосымша ақпаратты мына сілтеме бойынша таба аласыз <a href="https://mfombudsman.kz/">https://mfombudsman.kz/</a><img src="https://knadmin.beoblood.kz/uploads/Fingramota_25_07_b6e821043f.png" alt="Финграмота 25.07.png">Өз қаржылық сауаттылығыңызды бізбен бірге арттырыңыз!&nbsp;

Кредит бойынша кейінге қалдыруды қалайша алуға болады

<a href="https://kyzylorda-news.kz/">Kyzylorda-news.kz</a> Қызылорда қаласындағы қауіпсіздігі барынша төмен ҚАЖ департаментінің №37 мекемесінен үш жазасын өтеуші «Қазақстан Республикасы Конституциясының отыз жылдығына байланысты рақымшылық жасау туралы» Заң аясында бостандыққа шықты.Бостандық алғандардың бірі – алаяқтық бабымен 1 жылға бас бостандығынан айырылған ер адам. Ол жазасын қауіпсіздігі барынша төмен мекемеде өтеп жатқан болатын. Қызылорда қалалық №2 сотының қаулысымен оның қалған 5 ай мерзімі рақымшылыққа сәйкес қылмыстық жауаптылықтан босатылды.<blockquote>– Жасаған қылмысыма өкінемін. Рақымшылық заңы бойынша бостандыққа шықтым – бұл мен үшін үлкен өмірлік сабақ болды. Ендігі мақсатым – отбасыммен қауышып, заң талаптарын бұзбай, жұмысқа орналасып, балаларымды дұрыс тәрбиелеуге бар күшімді салу, – деді босатылған азамат.</blockquote>№37 мекеме бастығының орынбасары Нұрлан Мұхтаровтың айтуынша, аталған рақымшылық заңы мекемеде жазасын өтеп жатқан 79 сотталған тұлғаға қолданылады. Оның ішінде жетеуі толық босатылуға, қалғандарына жаза мерзімін қысқартуға жатады.<blockquote>– Бүгінгі күні үшеуі бостандыққа шықты. Қалған сотталғандардың құжаттары сотта қаралуда. Рақымшылық заңы аясындағы жұмыстар заң талаптарына сай әрі жүйелі түрде жүргізілуде, – деді мекеме бастығының орынбасары.</blockquote>Айта кетейік, рақымшылық заңы Қызылорда облысы бойынша ҚАЖ мекемелерінде жазасын өтеп жатқан 200-ден аса сотталғанға қолданылады.

Қызылордада жазасын өтеуші азаматтар рақымшылықпен босатылды

<a href="https://kyzylorda-news.kz/">Kyzylorda-news.kz</a> Мемлекеттік орман қоры жерлері – елдің экологиялық тепе-теңдігін сақтауда, табиғи ресурстарды қорғауда маңызды рөл атқаратын аумақтар. Бұл жерлерде шаруашылық қызметті жүзеге асыру, соның ішінде мал жаю мен шөп шабу, Қазақстан Республикасының орман заңнамасына сәйкес қатаң түрде реттеледі.Мемлекеттік орман қоры жерлері мемлекет меншігінде болады және оларды пайдалану ерекше тәртіппен жүзеге асырылады. Аталған жерлердің негізгі мақсаты – ормандарды сақтау, қорғау және қалпына келтіру. Сондықтан бұл аумақтарда кез келген қызмет түрі орман экожүйесіне зиян келтірмеуі тиіс.Мемлекеттік орман қоры жерлерінде мал жаюға тек орман шаруашылығы мекемесінің немесе уәкілетті мемлекеттік органның рұқсатымен ғана жол беріледі. Мал жаю кезінде жас ағаш көшеттеріне, бұталарға және табиғи өсімге зиян келтірмеу қажет. Орманды қалпына келтіру учаскелерінде, жас ормандарда және ерекше қорғалатын табиғи аумақтарда мал жаюға тыйым салынады.Сонымен қатар малдың ретсіз жайылуының алдын алу, өрт қауіпсіздігі талаптарын сақтау және орман аумағын ластамау негізгі міндет болып табылады.Шөп шабу жұмыстары мемлекеттік орман қоры жерлерінде тек арнайы белгіленген учаскелерде және бекітілген мерзімдерде жүргізіледі. Бұл жұмыстар табиғи өсімдік жамылғысына, жануарлар дүниесіне және топырақ қабатына зиян келтірмей жүзеге асырылуы тиіс.Орман алқаптарына зақым келтіретін техникаларды қолдануға, сондай-ақ рұқсатсыз шөп шабуға жол берілмейді.Мемлекеттік орман қоры жерлерін рұқсатсыз пайдалану, оның ішінде мал жаю немесе шөп шабу заң бұзушылық болып табылады. Мұндай әрекеттер үшін Қазақстан Республикасының қолданыстағы заңнамасына сәйкес әкімшілік жауапкершілік көзделген және келтірілген залал өтелуге тиіс.Мемлекеттік орман қоры жерлерін ұтымды пайдалану – табиғатты қорғау мен болашақ ұрпақ алдындағы жауапкершіліктің маңызды бөлігі. Мал жаю мен шөп шабу кезінде белгіленген талаптарды сақтау арқылы орман ресурстарын сақтауға және экологиялық тұрақтылықты қамтамасыз етуге болады.

Мемлекеттік орман қоры жерлерінде мал жаю мен шөп шабуды пайдалану тәртібі

<a href="https://kyzylorda-news.kz/">Kyzylorda-news.kz</a> &nbsp;Тараздық әйел тұтынушылық несие бойынша бес банкке 6 миллион теңгеден астам қарыз болған.&nbsp;Бұл туралы&nbsp;<a href="https://stan.kz/kazakstandik-kopbalali-ananin-ay-sayingi-nesiesi-zhalak-421117/">Stan.kz</a>&nbsp;ақпарат агенттігі хабарлады.Әйел&nbsp;балалардың әкесімен ресми некеде емес, ЖШС-де оператор болып жұмыс істейді және 220 мың теңге&nbsp;жалақы алады. Ал оның ай сайынғы несие бойынша төлемдері 395 мың теңге болып, табысынан едәуір асып түскен. Сонымен қатар&nbsp;ол отбасы шығындарын төлейді.Төрт баланың анасы сотқа жүгініп, төлем қабілеттілігін қалпына келтіруді сұраған.Ол несиелік жүктеменің шамадан тыс екенін көрсетіп, ай сайынғы төлемдерді азайта отырып, қарызды өтеу мерзімін 60 айға дейін ұзартуды сұраған. Бес кредитордың төртеуі талапты қанағаттандыруға қарсы болған.<blockquote>“Тараз қалалық соты талап қоюшының уәждері іс материалдарымен толықтай расталған, оның әрекетінде арам пиғылдың белгілері жоқ деген қорытындыға келген. &nbsp;Сот талап қоюды қанағаттандырып, төлем қабілеттілігін қалпына келтіру тәртібін қолданды, оған сәйкес қарыз 5 жыл бойы ай сайын өтеледі”, –&nbsp;деп мәлімдеді сот.</blockquote>Сот шешіміне екі кредитор банк шағым түсірген. Алайда Жамбыл облыстық соты шешімді өзгеріссіз қалдырды. Сот актілері заңды күшіне енді.Фото: Нұрболат Нұржаубай

Сот банктерді қазақстандық көпбалалы анаға көмектесуге міндеттеді

<a href="https://kyzylorda-news.kz/">Kyzylorda-news.kz</a> Ағымдағы жылдың алғашқы алты айында Қызылорда облысында мемлекеттік сатып алу саласында бірқатар шаралар атқарылып, заң бұзушылықтардың алдын алу бойынша нақты қадамдар жасалды. Жалпы 94 мыңнан астам мемлекеттік сатып алу жоспарланып, оның басым бөлігі жарияланды. Соңғы бес жылда облыс көлемінде 14 мыңнан аса конкурс ұйымдастырылған. Сонымен қатар, сала мамандары үшін семинарлар мен оқыту шаралары жиі өткізіліп, мемлекеттік сатып алу жүйесін жетілдіруге бағытталған ұсыныстар енгізілуде. Бұл туралы Өңірлік коммуникациялар қызметінің ақпарат алаңында Қызылорда облысының мемлекеттік сатып алу басқармасы басшысының міндетін атқарушы Ғалымжан Ілкібаев баяндады.<blockquote>- Биылғы алты айда мемлекеттік сатып алу саласындағы ашықтықты арттыру, заң бұзушылықтарды болдырмау және жаңа заңнама талаптарын түсіндіру бағытында ауқымды жұмыстар атқардық. Әкімдіктер мен облыстық басқармалар мамандары үшін 55-ке жуық оқыту шарасы ұйымдастырылды, оның ішінде 200-ден астам маманның қатысуымен облыстық семинар-кеңес өткізілді. Астана қаласынан келген сарапшылардың қатысуымен өткен іс-шарада 250 маманға сертификат табысталды. Бұдан бөлек, тексеру комиссиясы және ішкі мемлекеттік аудит департаментімен бірлесіп, барлық аудандарда көшпелі семинарлар өткіздік. Мемлекеттік сатып алуларға қатысты заңнамаға енгізілген өзгерістер бизнеске қолайлы жағдай жасап, отандық өндірушілерді қолдауға бағытталды. Мәселен, шарт бойынша төлем мерзімі қысқартылып, аванстық төлемдер көлемі артты. Біз үшін басты міндет - сатып алу процесін барынша ашық әрі тиімді ету, - деді Ғалымжан Маратұлы.</blockquote><img src="https://knadmin.beoblood.kz/uploads/Memlekettik_satyp_alu_salasynda_zha_a_zgerister_engizilip_ba_ylau_k_shejtildi_d5846c18e2.jpg" alt="Мемлекеттік сатып алу саласында жаңа өзгерістер енгізіліп, бақылау күшейтілді.jpg">Фото: Нұрболат Нұржаубай

Мемлекеттік сатып алу саласында жаңа өзгерістер енгізіліп, бақылау күшейтілді

<a href="https://kyzylorda-news.kz/">Kyzylorda-news.kz</a> Елімізде алаяқтықтың жаңа түрі белең алды. Тұтынушылық несие үшін берілетін жеңілдіктерді заңсыз қолма қол ақшаға айналдыратындар күрт көбейген.&nbsp;Бұл туралы&nbsp;<a href="Stan.kz">Stan.kz&nbsp;</a>ақпарат агенттігі 31-арнаның <a href="https://www.youtube.com/watch?v=ZrSoehH42PQ">Информбюро</a> жаңалықтар қызметіне сілтеме жасап хабарлайды.Алаяқтар&nbsp;жымысқы әрекетін&nbsp;тұрмыстық техника, смартфон, теледидар, тоңазытқыш сатумен айналысатын жеке кәсіпкерлер арқылы жүзеге асырады.Әлеуметтік желіде мұндайлардың жарнамасынан көз шалынады.&nbsp;Ал оған хабарласқан қарапайым тұрғын заңсыз схеманың қатысушысы болғанын білмей де қалады.&nbsp;Ол компания көрсеткен сауда желісінен немесе онлайн дүкеннен тұрмыстық техниканы бөліп төлеу арқылы сатып алады. Тауарды компания мүшесіне әкелген кезде олар тауар құнының 70-80%-ын&nbsp;клиенттің қолына ұстатады. Мұның бәрі түбіртек, ешқандай құжатсыз іске асады. Ал компаниядағылар әлгі затты ірі сауда орындарына кері қайтарады. Яғни&nbsp;бір-бірімен байланысып жұмыс істейді. Ал заңгерлер сатып алушыға да, сатушыға да қылмыстық жауапкершілік қарастырылған деп отыр.<blockquote>“Бұл жерде нақты тауар алмасу болмайды. Өтірік сделка болады деген сөз. Соған сәйкес бұл жерде жауапкершілігі бар. Оны жасаған адам да, жеке кәсіпкерлік те,&nbsp;сатушы&nbsp;айналдырған сатып алушы болса да. Заңды тұлға болсын жеке тұлға болсын оның мүлкі&nbsp;тәркіленіп, 5 мың айлық есептік көрсеткішке дейін айыппұл салынады. Немесе 6 жылға дейін бас бостандығынан айырылады”, –&nbsp;дейді заңгер Данияр Киманов.</blockquote>Фото: Ru.freepik.com

Қазақстанда қолма-қол ақша жасайтындар заңмен жазаланады

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖД мекемесіндегі кірпіш шығаратын кәсіпорында 50-ге жуық сотталған еңбек етеді, – деп хабарлайды <a href="https://polisia.kz/qyzylorda-oblysynda-qazhd-mekemesindegi-kirpish-shygharatyn-kasiporynda-50-ge-zhuyq-sottalghan-engbek-etedi/">Polisia.kz.</a> Қызылорда облысы бойынша ҚАЖД-ға қарасты №60 түзеу мекемесінің өндірістік аймағында күйдірілген кірпіш шығаратын кәсіпорын жұмыс істейді. Бұл – ішкі нарықта үлкен сұранысқа ие өнім.&nbsp;Ішкі істер министрінің тапсырмасына сәйкес, сотталғандарды еңбекпен қамту – қылмыстық-атқару жүйесі қызметінің басты басымдықтарының бірі болып табылады. Бүгінде №60 мекемеде 13 кәсіпорын жұмыс істеп тұр, олардың қатарында 50-ге жуық сотталған еңбек ететін кірпіш өндірісі де бар.&nbsp;Аталған өндірістік орынға жазасын өтеушілер өз еркімен келеді. I және II топтағы мүмкіндігі шектеулі жандар мемлекеттен әлеуметтік жәрдемақы алатындықтан, жұмысқа тартылмайды. Сол сияқты зейнет жасына жеткен азаматтар да еңбекке қабылданбайды.&nbsp;<blockquote>– Қалған барлық азаматтарды мүмкіндігінше жұмыспен қамтуға тырысамыз, – дейді сотталғандардың еңбегін ұйымдастыру бөлімінің бастығы Айдана Абдреймова. Жұмысшылардың бірі – А. есімді азамат.&nbsp;</blockquote>Ол сот үкімі шыққанға дейін тұрақты жұмыспен қамтылмаған. Қазіргі таңда кірпіш күйдіру процесіне қатысып жүр.&nbsp;<blockquote>– Мен үшін еңбек — аса маңызды. Себебі жұмыс барысында кері ойлар мен жағымсыз эмоциялардан арыламын. Ең бастысы — уақытымды пайдалы іске жұмсап, өзіме де, қоғамға да пайда әкелемін. Бүгін кірпіш күйдіру жұмысын тәмамдадым. Атқарған еңбегімнің нәтижесін көзбен көру – үлкен қуаныш. Мен өз жұмысымды сүйіп істеймін, – дейді ол.&nbsp;</blockquote>Жазасын өтеушілер үшін еңбек – тек күнкөріс көзі ғана емес, сонымен қатар бостандыққа бастар жол.Фото: Polisia.kz&nbsp;

Қызылорда облысында ҚАЖД мекемесіндегі кірпіш шығаратын кәсіпорында 50-ге жуық сотталған еңбек етеді 

<a href="https://kyzylorda-news.kz/">Kyzylorda-news.kz</a> Шиелі ауданында білім беру сапасын арттыру, мектепке дейінгі ұйымдардың жұмысын жетілдіру бағытында нақты шаралар қолға алынуда. Бұл туралы Өңірлік коммуникациялар қызметінің ақпарат алаңында Шиелі ауданының әкімі Айтбай Жандарбеков баяндады.<blockquote>- Ауданда жалпы білім беретін 38 мемлекеттік, 2 жеке мектеп, 18 мемлекеттік және 75 жеке балабақша жұмыс істейді. Үш ауысымда оқыту немесе апатты жағдайда тұрған білім мекемелері жоқ. Биылғы ҰБТ қорытындысы бойынша ауданның орташа балы 84,3 болып, аймақтағы үздік төрт ауданның қатарындамыз. Балаларымыздың алаңсыз білім алуына барлық жағдайды жасау - басты міндетіміз. Осы тұрғыда «Сыр ұланы» лагері мен «Қарлығаш» балабақшасындағы ескі, қауіпті қоршаулар жаңартылып, орнына заманауи әрі қауіпсіз қоршаулар орнатылды. Сонымен қатар аудан бойынша жеке балабақшаларға жүргізілген жоспарлы мониторинг жұмыстары барысында заң талаптарын сақтамаған 25 балабақша тізімнен шығарылып, мемлекеттік тапсырыс тоқтатылды. Бұл шаралар мектепке дейінгі білім беру сапасын арттыруға және ата-аналардың сенімін күшейтуге бағытталған,-деді Айтбай Насраддинұлы.</blockquote>Шиелі ауданында «Ауылдық денсаулық сақтауды жаңғырту» ұлттық пилоттық жобасы аясында бірқатар маңызды медициналық нысандардың құрылысы жүргізілуде.<blockquote>- Денсаулық сақтау - біздің аудан үшін ең маңызды бағыттардың бірі. Қазіргі таңда Шиелі кентінде 30 төсектік жұқпалы аурулар бөлімінің жаңа ғимараты бой көтеріп жатыр. Құрылыс жұмыстары жоспарға сай жүріп, нысанды қыркүйек айында пайдалануға беруді көздеп отырмыз. Сондай-ақ ауданаралық аурухана базасында қосымша корпус салынып, оған МРТ құрылғысын орнату жұмыстары жоспарланған. Бұл тұрғындар үшін жоғары технологиялы диагностикалық қызметтің қолжетімділігін айтарлықтай арттырады. Бұдан бөлек, «Болашақ» дәрігерлік амбулаториясын күрделі жөндеу жұмыстары жүріп жатыр. Барлық жобалар аудан халқының денсаулығын жақсартуға және медициналық қызмет сапасын жаңа деңгейге көтеруге бағытталған, - деді Айтбай Насриддинұлы.</blockquote>

Шиелі: Ауданда білім беру саласына қатаң бақылау енгізілді

<a href="https://kyzylorda-news.kz/">Kyzylorda-news.kz</a> &nbsp;Бақ пен бап қатар сыналатын байрақты бәсекеде биіктен көріну – абырой. Осы ретте, ҚАЖ департаментіне қарасты №68 мекемесінің қызметкері Асхат Қожабеков Республикалық деңгейдегі самбо күресіне қатысып, сенім үдесінен шықты. Белдесуде белі бүгілмей, шаршы алаңда топ жарғаны – табандылығынан. Сондықтан, еншісіне бірінші орын бұйырғанын мақтанышпен айтамыз.<blockquote>– Қолым қалт еткенде жаттығу жасап, спортпен шұғылдануға тырысамын. Дзюдоға да қатысқаным бар. Дода жайына келсек, қарсыластырым мықты болды. Бірақ, мені алға жетелеген жеңіске деген талпынысым. Оған қоса, ұжымның қолдауы мен маған артқан сенімін сезінгенде қалайша осал болайын. Мекеме басшылығына алғыс білдіремін, - деді әділет қатарындағы Асхат Қожабеков.&nbsp; ҚАЖД бастығы әділет полковнигі Шаймерден Есенкелдиев&nbsp;Көкшетаудан жеңіспен оралған мекеме қызметкерін арнайы қабылдап, құттықтауын білдірді.</blockquote>

Мекеме қызметкері жеңіс тұғырынан көрінді

<a href="https://kyzylorda-news.kz/">Kyzylorda-news.kz</a> Қызылордада жазасын өтеушіге кір сабын ішіне телефон жасырып өткізбек болған күдікті анықталды, – деп хабарлайды <a href="https://polisia.kz/kir-sabyn-ishine-zhasyrghan-qyzylordada-sottalghangha-telefon-zhetkizbek-bolghan-kudikti-anyqtaldy/">Polisia.kz.</a>Қызылорда облысы бойынша ҚАЖ департаментіне қарасты №37 мекемеде жазасын өтеп жатқан сотталғанға қысқа мерзімді кездесуге келген танысының алып келген сәлем-сауқаттарын тексеру барысында мекеме қызметкерлері ерекше қырағылық танытты.&nbsp;Тексеру нәтижесінде кір сабынның ішіне жасырылған телефон табылды. Телефон — сотталғандардың пайдалануына тыйым салынған заттардың қатарына жатады.&nbsp;Телефонды мекеме аумағына енгізуге әрекеттенген азаматқа қатысты Қазақстан Республикасының Әкімшілік құқық бұзушылық туралы кодексінің 481-бабына сәйкес құжаттар сотқа дайындалуда. Қызметкерлердің дер кезінде қабылдаған шараларының арқасында мекемеге тыйым салынған заттың өтіп кетуіне жол берілмеді.Фото: Polisia.kz

Кір сабын ішіне жасырған: Қызылордада сотталғанға телефон жеткізбек болған күдікті анықталды 

<a href="https://kyzylorda-news.kz/">Kyzylorda-news.kz</a> &nbsp;Дамыған дәуірде қарышты қоғамға ілесе алатын ұрпақ тәрбиелеу – бүгінгі күннің басты талабы. Өйткені ұлттық тәрбиеден нәр алып, жан-жақты жетілген бала биік дәрежені бағындыруға талпынады. Осы мақсатты межелеуге мол мүмкіндік сыйлайтын «Сыр жұлдыздары» балалар мен жасөспірімдерге арналған шығармашылық-инновациялық академиясының балаларды дамытуға қосар үлесі зор.Нысанда бассейн, топтық жаттығу бөлмесі, көркем гимнастика және фитнес залы бар. Сондай-ақ үстел ойындарына арналған кабинет, жекпе-жек, үстел теннисі залдары, киім ауыстыру бөлмелері қарастырылған. Көркемдік-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Заманауи академия күніне 3000 оқушыға қызмет көрсетеді. Мұнда жәй ғана қызмет көрсету емес, өскелең ұрпақты жан-жақты дамыту және тәрбиелеудің маңызы мен рөлі тереңірек қарастырылады. Атап айтқанда, интеллектуалдық дағдыны қалыптастыру бағытында оқушылардың логикалық ойлауын дамыту, спорт пен өнерге баулу, шығармашылық қабілетін шыңдау арқылы баланың өресін кеңейтуге күш салса, жекелеген жаттығулар мен үйірмелер рухани бай болуға үндейді. Яғни, жаңа академияны ауқымды жұмысы арқылы жеткіншек жақсы жетістіктерге жол аша алады.

Қазақстан және Қызылорда облысының жаңалықтары