<a href="https://kyzylorda-news.kz/">Kyzylorda-news.kz</a> Республика күні Жамбыл, Түркістан, Маңғыстау, Ақмола, Қарағанды, Батыс Қазақстан және Шығыс Қазақстан облыстары мен Алматы қаласында жаңа мектептер пайдалануға берілді, деп хабарлайды <a href="https://kaz.nur.kz/society/2301909-respublika-kuninde-elimizde-birneshe-zhanga-mektep-paidalanuga-berildi/">KAZ.NUR.KZ </a>Оқу-ағарту министрлігінің баспасөз қызметіне сілтеме жасап.Алматы қаласында бірден төрт жаңа форматтағы мектеп есігін айқара ашты. Солардың бірі Медеу ауданындағы 2000 оқушыға арналған №220 мектеп. Жаңа ғимарат өз микроауданы бойынша оқушы орны тапшылығын толық жойды. Мектепте 83 оқу кабинеті, 4 спорт залы, кітапхана, асхана және коворкинг аймақтары бар.Жамбыл облысында Қарасу және Қаракемер ауылдарында екі жаңа мектеп өз есігін айқара ашты. Солардың бірінде 28 оқу кабинеті, конференц-зал, STEM-зертханалар, робототехника кабинеті, коворкинг орталығы, сондай-ақ 3 шеберхана мен 3 ғылыми зертхана қарастырылған.Маңғыстау облысының Мұнайлы ауданында "Келешек мектептері" ұлттық жобасы аясында 900 орындық 11-ші мектеп ашылды. Онда 45 оқу кабинеті заманауи интерактивті тақталармен жабдықталған.Сондай-ақ Түркістан облысының Сауран ауданында мереке қарсаңында "Келешек мектептері"" ұлттық жобасы шеңберінде №5 мектеп пайдалануға берілді. Мектепте жаңа үлгідегі кабинеттер, STEM-зертханалар, 3 шеберхана, коворкинг аймақтары, демалыс және ойын алаңдары, спорттық залдар, асхана, кітапхана және акт залы бар. Қазіргі таңда өңірде алты мектептің құрылысы жүруде.Батыс Қазақстан облысының Достық ауылында 1200 оқушыға арналған жаңа форматтағы мектеп ашылды. Нысанның пайдалануға берілуімен апатты мектеп мәселесі шешілді. Айта кетейік, бұл өңірде ұлттық жоба аясында салынған бесінші мектеп.Ақмола облысының Көкшетау қаласында апатты ғимараттың орнына салынған №10 жаңа мектептің техникалық ашылуы өтті. Мұнда жайлы білім алу үшін барлық жағдай жасалған: кең сыныптар, зертханалар, робототехника кабинеттері, заманауи спорт және конференц-залдар бар.Қарағанды облысының Жарық ауылында ұлттық жоба аясында жаңа мектеп ашылды. Мұнда STEM-зертхана, жаратылыстану-математика бағытындағы заманауи жабдықтармен және әдістемелік материалдармен қамтамасыз етілген кабинеттер, робототехника және графикалық дизайн сыныптары бар. Мектепте жасанды интеллект технологиясымен жабдықталған 22 интерактивті тақта орнатылған.Одан бөлек Шығыс Қазақстан облысының Игілік ауылында жергілікті бюджет есебінен салынған жаңа мектеп пайдалануға берілді.Фото: Нұрболат Нұржаубай

Республика күнінде бірнеше жаңа мектеп пайдалануға берілді

<a href="https://kyzylorda-news.kz/">Kyzylorda-news.kz</a> “Парасат” орденінің иегері, әнші Қарақат Әбілдина атақ алуға қатысты ренішін жасырмады. Бұл туралы<a href="https://stan.kz/bir-zhapirak-kagaz-byyirmadi-karakat-abildina-atak-alug-425413/"> Stan.kz</a> ақпарат агенттігі хабарлайды.Өнер иесі “Ұлытау” тобының атақсыз қалғанына қатысты жазба жариялады.<blockquote>“Қазір әлеуметтік желіде қозғап жатқан мәселе туралы менің де айтарым бар! 25 жыл бойы домбыраны арқалап, 25 жыл бойы қазақтың үнін әлемге танытып, 25 жыл бойы мәдениет үшін тынымсыз еңбек еткен “Ұлытау” тобы тағы да елеусіз қалды. Олар марапат сұрап отырған жоқ. Бірақ еңбектің ескерілмеуі –&nbsp;әділетсіздік. Олар қазақтың брендіне айналған бірегей топ. Моцарт пен Құрманғазыны бір сахнада үндестіре алған құбылыс! Олар – этно-рокты идеология үшін сахнаға алып шыққан талант иелері. “Ұлытау” болмаса, бүгінгі жастар күйге дәл осылай ғашық болар ма еді?! Домбыра дәл осындай жаңа тыныс алар ма еді?!Стадион толы халық жиналар ма еді?!”, – деп жазды Қарақат.</blockquote>Сондай-ақ әнші “Ұлытау” тобын құрған Қыдырәлі Болмановтың жары болғаны үшін емес жеке пікір екенін еске салды.<blockquote>“Сонда қалай?! Марапат кімге беріледі?! Халықтың жүрегінен орын алған топқа осы уақытқа дейін ресми түрде бір жапырақ қағаз да бұйырмауы әділет пе, ағайын?! “Ұлытау” тобының продюсері Қыдырәлінің&nbsp;жары болғаным үшін ғана емес, мәдениеттің жанашыры, ұлттық рухтың үнін көтеріп жүрген әнші, ана, азамат ретінде айтарым мынау: “Ұлытауды” марапаттау – күйге, домбыраға, ұлттық рухқа бас ию. “Ұлытауды” елемеу – ұлттық өнерді, адал еңбекті елемеу.! Сіз қалай ойлайсыз?”, – деді әнші.</blockquote>Фото:&nbsp;https://www.instagram.com/karakat_a/

"Бір жапырақ қағаз бұйырмады": Қарақат Әбілдина атақ алуға қатысты жазба жариялады

<a href="https://kyzylorda-news.kz/">Kyzylorda-news.kz</a> Сырбойылықтар «Мерейлі отбасы – 2025» ұлттық конкурсының лауреаттары Әбсадықовтар отбасын салтанатты түрде күтіп алды.Әбсадықовтар әулетінің отағасы Жақсылық Дүйсенбайұлы Әбсадықов – 1943 жылы дүниеге келген. Ұзақ жылдар бойы ауыл шаруашылығы саласында еңбек еткен ардагер. Ол «Социалистік жарыстың жеңімпазы» белгісінің иегері, сондай-ақ «Сырдария ауданының әлеуметтік-экономикасының дамуына елеулі үлес қосқаны үшін» ауданның 90 жылдық мерекелік медалімен марапатталған. &nbsp;<img src="https://knadmin.beoblood.kz/uploads/bsady_ovtar_otbasy_3_9ca6079d56.jpg" alt="Әбсадықовтар отбасы 3.jpg">Бүгінде Әбсадықовтар отбасының құрамы 6 бала, 29 немере мен 47 шөбереден құралған үлкен әулетке айналып отыр. Отбасы мүшелері түрлі салаларда адал әрі тынымсыз еңбек етіп келеді. &nbsp;Әбсадықовтар отбасы ұрпақтар сабақтастығын, еңбектің қадірін және отбасылық құндылықтарды дәріптеп келе жатқан өнегелі әулет. Олардың адал еңбегі мен бірлігі өзге отбасыларға үлгі болып, ел руханияты мен еңбек мәдениетінің ажырамас бөлігіне айналды.<img src="https://knadmin.beoblood.kz/uploads/bsady_ovtar_otbasy_2_336499bb98.jpg" alt="Әбсадықовтар отбасы 2.jpg">

Сырбойылықтар Әбсадықовтар отбасын ерекше құрметпен күтіп алды

<a href="https://kyzylorda-news.kz/">Kyzylorda-news.kz</a> Республика күнін кең көлемде атап өту және қазақ өнері мен мәдениетін әлем жұртшылығына таныстыру мақсатында Сыр елі өнер майталмандарының мерекелік концерті Швейцарияның Берн қаласында өтті.Мерекелік шараны Қазақстанның Швейцариядағы және Лихтенштейндегі Елшісі Қайрат Саржанов ашып, өнерпаздардың ұлттық мәдениетті дәріптеудегі еңбегіне ризашылық білдірді.Концертке Швейцария Сыртқы істер министрлігі Еуразия директоратының басшысы, Елші П.И. Фукс арнайы қатысып, қазақ диаспорасын және шығармашылық ұжымды Республика күнімен құттықтады. Сондай-ақ, Берн кантонының басшысы, Швейцарияның мемлекеттік органдары мен дипломатиялық корпус өкілдері, іскерлік топтар және қазақ қауымдастығының мүшелері қонақ болды.Берн төріндегі бірегей концерт екі ел арасындағы мәдени және рухани байланысты тереңдетіп, қазақ өнерінің халықаралық деңгейде танылуына кең жол ашты. Қазақтың әуезді әні мен күмбірлеген күйін паш еткен өнерпаздар көрермен ықыласына бөленіп, зор қошеметке ие болды.Кеш соңында қонақтар қазақтың ұлттық тағамдарынан дәм татты.<img src="https://knadmin.beoblood.kz/uploads/Shvejczariya_Bern_alasy_4753fd68c8.jpg" alt="Швейцария Берн қаласы.jpg">

Сыр өнерпаздарының мерекелік концерті Швейцарияның Берн қаласында қорытындыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өңірде жылыту маусымының өту барысы талқыланды. Жиынға облыстық мәслихаттың төрағасы, қала әкімі мен жауапты сала басшылары қатысты.Облыс әкімі жауапты маусымды талапқа сай, үздіксіз өткізу үшін &nbsp;тиісті сала жетекшілеріне нақты тапсырмалар берді. Атап айтқанда, әлеуметтік нысандардағы жылу режимін тұрақты бақылауда ұстау, тұрғын үйлер мен жеке сектордағы шағымдарға жедел әрекет ету мақсатында кезекші топтардың жұмысын күшейту керек. Сонымен қатар, жылу желілерінде туындаған ақауларды дер кезінде жою және тұрғындарға қолайсыздық туғызбау міндеттелді.Өңірде жылыту маусымына тіршілікті қамтамасыз етуші кәсіпорындар мен әлеуметтік сала нысандарының дайындығы бекітілген кестеге сәйкес жүргізіліп, жоспарланған жұмыс толық орындалды. Қазіргі таңда &nbsp;кәсіпорындар штаттық режимде жұмыс жасауда.Қызылорда облысында жылыту маусымы &nbsp;8 қазанда басталды. Бүгінде &nbsp;1 079 әлеуметтік нысан мен орталықтандырылған жылу жүйесіне қосылған 909 көпқабатты тұрғын үй толықтай жылумен қамтамасыз етілген. Жылыту маусымының өту барысы облыстық штабтың тұрақты бақылауында.

Жылу маусымының өту барысы талқыланды

Қызылорда облысы Полиция департаменті тарапынан жүргізіліп жатқан «Браконьер» жедел-профилактикалық іс-шарасы аясында Арал аудандық полиция бөлімінің қызметкерлері табиғатты қорғау бағытында бірқатар рейдтік іс-шаралар өткізуде.Рейд барысында Ваз 2121 автокөлігімен заңсыз аңшылықпен айналысқан 42 жастағы Арал ауданының тұрғыны ұсталды. Көлікті тексеру кезінде 1 дана аңшы мылтығы, 9 дана оқ және жүк салғыштан 2 қапқа салынған жалпы саны 55 дана үйрек пен қасқалдаққа ұқсас құстар табылып, тәркіленді.Аталған дерек бойынша заңсыз аңшылық фактісімен іс қозғалып, тиісті сараптамалар тағайындалды. Қазіргі таңда тергеп-тексеру амалдары жүргізілуде.Полиция қызметкерлері азаматтарды табиғатты қорғау заңнамасын сақтауға және заңсыз әрекеттерден бой тартуға шақырады.

Аралдық полицейлер заңсыз аңшылықпен айналысқан азаматты анықтады 

Әлемдегі ең биік ғимарат Бурдж-Халифада Қазақстанның көк туы бейнеленді. Бұл туралы&nbsp;<a href="https://stan.kz/">Stan.kz</a>&nbsp;агенттігі хабарлайды.Біріккен араб Әмірліктеріндегі Дубай қаласында Бурдж-Халифа ғимраты Қазақстанның көк туымен көмкеріліп, &nbsp;мемлеккеттік әнұранымыз қосылды. Ерекше сәтті Дубайдағы Қазақстан елшілігі өзінің Instagram парақшасында жариялады.&nbsp;“Біріккен Араб Әмірліктері Қазақстанды Республика күнімен құттықтады”,&nbsp;–&nbsp;делінген желідегі жазбада.

Әлемдегі ең биік ғимарат Қазақстанның көк туымен көмкерілді 

26 қазанда Орталық стадионда Қазақстан Премьер-лигасының соңғы турындағы матч өтті. Онда алматылық "Қайрат" өз алаңында "Астанамен" тең түсті.&nbsp;&nbsp;Бұл туралы&nbsp;<a href="https://stan.kz/">Stan.kz</a>&nbsp;агенттігі хабарлайды.Осылайша алматылық “Қайрат”&nbsp;қатарынан екінші жыл еліміздің чемпионы атанды.Кездесу алаң иелерінің белсенді шабуылдарымен басталды, алайда нақты гол соғатын сәттер бола қойған жоқ. Ал қонақтар сирек ұйымдастырған қарсы шабуылдарының бірінде нәтижеге қол жеткізді: 15-минутта “Астана”&nbsp;капитаны Марин Томасовтың&nbsp;соққысы қақпаға дәл кірді.“Қайрат”&nbsp;есепті теңестіруге талпынғанымен, бірінші тайм қонақтардың бір голдық басымдығымен аяқталды.Үзілістен кейін алаң иелері қарсыластың қақпасына жойқын шабуыл ұйымдастырып, өз мақсаттарына жетті. 55-минутта алматылық команданың ойыншысы Дастан Сатпаев есепті теңестірді.Бүгінгі “Қайрат”&nbsp;пен “Астана”&nbsp;арасындағы кездесу Қазақстан футболының нағыз эль-классикосы. Ойынның тағдыры чемпиондыққа тікелей әсер ететіндіктен, жанкүйерлердің қолдауы ерекше. Стадион маңында көтеріңкі көңіл күй, музыка мен ұрандар, балалардың күлкісі мен қолындағы командалық жалаушалар бәрі де бұл кештің ерекше екенін аңғартады.

"Қайрат" командасы Қазақстан чемпионы атанды 

Қазақстанда Республика күнінде 709 бала дүниеге келдіРеспублика күні еліміздің перзентханаларында 709 нәресте дүниеге келді. Оның ішінде 359 ұл және 350 қыз бар.Сонымен қатар, жаңа туған сәбилердің арасында бес жұп егіз бар.Фото: Нұрболат Нұржаубай&nbsp;

Республика күнінде 709 бала дүниеге келді 

Қызылорда облыстық «Ақмешіт-Сырдария» орталық мешітінде «Құран – бірлік пен береке бастауы» атты облыстық Құран жарысының жеңімпаздарын салтанатты марапаттау рәсімі өтті.Қазақстан Республикасының ұлттық мерекесі – Республика күні және Қазақстан мұсылмандары діни басқармасының 35 жылдық мерейтойы аясында ҚМДБ Қызылорда облысы бойынша өкілдігінің ұйымдастыруымен өткен рухани шарада Қызылорда қаласы мен барлық ауданнан келген 50-ден аса үміткер Құран Кәрімнің 5, 3 және 1 парасын жатқа оқу бойынша өзара бақ сынасты.Сыр өңірінің бас имамы Дастан қажы Жанасұлы жүлдегерлер мен «Көрермен көзайымы» атанған қатысушыны құттықтап, оларға арнайы дипломдар мен қаржылай сыйлықтар табыстады. Сонымен қатар, байқауға қазылық еткен облыстық «Ақмешіт-Сырдария» орталық мешітінің наиб имамы Шыңғысхан Жаппарханұлы, Жаңақорған кенті «Һисамиддин Сығанақи» мешітінің имамы Мұқан Нұрланұлы, «Қазалы» қарилар дайындау орталығының ұстазын Исмаил Омарұлын, жүргізген қалалық «Мүсірәлі ата» мешітінің имамы Қайырбек Тоқтықбайұлын, демеуші азаматты алғыс хатпен марапаттады. Және де орын иеленбеген өзге қатысушылар да ынталандыру сыйақысы мен алғыс хаттарға ие болды.Айта кетейік, шараға жергілікті жас кәсіпкер, мешіт жанашыры демеушілік көрсетті.Әділқазылар алқасының шешімімен Құран жарысының жеңімпаздары төмендегідей:- «Құран Кәрімнің 5 парасын жатқа оқу» аталымы І орын – 200 000 тг – Асқар Байбатшаев ІІ орын – 150 000 тг– Нұрислам Еркебұланұлы ІІІ орын – 100 000 тг– Айбек Мамаджанов- «Құран Кәрімнің 3 парасын жатқа оқу» аталымы І орын – 150 000 тг – Бақыт Жәнібек ІІ орын – 100 000 тг – Рамазан Русланұлы ІІІ орын – 70 000 тг – Абдулла Нишанбаев- «Құран Кәрімнің 1 парасын жатқа оқу» аталымы І орын – 100 000 тг – Иманали Жиенбай ІІ орын – 70 000 тг – Ержігіт Амандықов ІІІ орын – 50 000 тг – Талғат Исаұлы- Көрермен көзайымы жүлдесі – 30 000 тг - Әлимұстафа Қайрат.ҚМДБ Қызылорда облысы бойынша өкілдігінің баспасөз қызметі

Облыстық Құран жарысының жеңімпаздары анықталды

Қазақстанның даңқты боксшысы Геннадий Головкин халықаралық World Boxing федерациясының президенті лауазымына өз кандитурасын ұсынатынын мәлімдеді. Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі хабарлады.Бұны Геннадий Головкиннің өзі Instagram парақшасында жариялад“Достар, мен халықаралық World Boxing федерациясының президенті лауазымына өз кандидаттурамды ұсыну туралы маңызды шешім қабылдадым. Менің миссиям – бокстың олимпиадалық болашағын сақтау, сенімді нығайту және спортшыларды, жаттықтырушылар мен федерацияларды біздің спортты дамыту жолындағы талпыныстарында қолдау. Біздің басты мақсатымыз – Халықаралық Олимпиада комитетінің толық мойындауына қол жеткізіп, бокстың Лос-Анджелес-2028, Брисбен-2032 және алдағы Олимпиада ойындарындағы орнын бекіту. 23 қараша күні біз бокстың жарқын болашағына қарай маңызды қадам жасаймыз”, — деді Геннадий Головкин.Айта кетейік, Геннадий Головкин қазіргі таңда World Boxing ұйымының Олимпиадалық комиссиясының төрағасы және Қазақстан Ұлттық Олимпиадалық комитетінің президенті қызметін атқарады. Қазірдің өзінде Головкин World Boxing ұйымында ықпалды тұлғалардың бірі.Геннадий Головкин – Қазақстанның еңбек сіңірген спорт шебері, 2004 жылғы Олимпиада ойындарының күміс жүлдегері және 2003 жылғы әлем чемпионы.Кәсіби бокста Головкин IBF 2015–2018, 2019–2023, IBO 2011–2018, 2019–2023&nbsp;және WBA 2010–2018, 2022–2023&nbsp;нұсқалары бойынша әлем чемпионы атанды. Ол рингте қатарынан 23 рет қарсыласын нокаутпен жеңіп, орта салмақтағы ең жоғары нокаут көрсеткіші үшін Гиннестің рекордтар кітабына енген.

Геннадий Головкин World Boxing федерациясының президенті лауазымына өз кандидатурасын ұсынады

Қармақшы ауданының &nbsp;Т.Рысқұлов көшесінің бойында «Республика күні» мен «Алтын күз – 2025» мерекелеріне орай ауыл шаруашылығы өнімдерінің кең ауқымды жәрмеңкесі ұйымдастырылды.Молшылық мерекесіне айналған шараға аудан әкімі Жандос Еркінбек, аудандық мәслихат төрағалары мен депутаттары, ардагерлер қатысып, жергілікті шаруалардың өнімдерімен танысты.Жәрмеңкеге ауданның барлық ауылдық округтері мен кенттерінен келген диқандар мен кәсіпкерлер 38 автокөлікпен 114 тонна өнім жеткізді. Оның ішінде 25 тонна күріш, 50 тонна жеміс-жидек, көкөніс пен бақша өнімдері, 2 тонна сүт, ет және балық өнімдері, сондай-ақ 37 тонна жем-шөп тұрғындарға нарық бағасынан 15–20 пайыз төмен бағамен ұсынылды.Береке мен еңбектің мерекесіне айналған шара барысында жергілікті өнерпаздар әсем ән мен күйден шашу шашып, тұрғындарға көтеріңкі көңіл-күй сыйлады.Айта кетейік, өткен аптада облыс орталығында өткен «Алтын күз – 2025» жәрмеңкесіне де Қармақшылық шаруалар 51 жүк көлігімен 100 тоннаға жуық өнім жеткізіп, сапалы өнімдерімен жоғары бағаланған болатын.

Қазақстан және Қызылорда облысының жаңалықтары