<a href="https://kyzylorda-news.kz/">Kyzylorda-news.kz</a> Бүгін – Дүниежүзілік сайлау күні. Бұл күннің айтулы күнге осыдан 20 жыл бұрын Будапештте өткен сайлауды ұйымдастырушылардың жалпы конференциясы аясында бекіген.Бұл ретте Қызылорда облысының аумақтық сайлау комиссиясы саяси партиялардың өкілдерімен басқосу ұйымдастырды.Саяси партиялармен ортақ алаңда кездесу өткен жылдан бастау алып, дәстүрлі түрде өткізілуде.Отырысқа «AMANAT» партиясы, «Ауыл» ХДПП, «Ақжол» ҚДП, «Қазақстанның Халық партиясы», «Жалпыұлттық социал-демократиялық» партиясы филиалдарының басшылары мен өкілдері келді.Жиында сайлау жүйесіндегі негізгі мәселелер мен алдағы жоспарлар талқыланып, пікір-алмасу жүргізілді.Комиссия төрағасы Әділбек Ерсұлтанов 2024 жылы өткен сайлау науқандарының нәтижелерін баяндап, Президент реформасымен қолға алынған сайлау процестерінің негізгі ерекшеліктеріне тоқталды.<blockquote>- Біз әрдайым ашық әрі жариялы сайлау өткізуге мүдделіміз. Өздеріңізден пікірлер мен ұсыныстар тыңдауға дайынбыз.Мемлекет басшысы Парламенттің құзіретін кеңейтіп, депутаттардың пәрменін күшейту тетігін тікелей сайлау өткізу арқылы шешуге болатынын жеткізді. Нәтижесінде, 2023 жыл ел тарихында Мәжіліс және мәслихат депутаттарының сайлауын өткізумен есте қалды. Бұл үрдіс кент және ауыл әкімдерінің сайлауында да сәтті жүзеге асуда.Талдауларға сүйенсек, депутат, әкім болуға ниетті азаматтардың арасында өзін-өзі ұсыну жолын таңдаған азаматтардың қатары артқанын көруге болады. Мәселен, 2021 жылы кент және ауылдық округ әкімдері сайлауында кандидаттардың 87,2 пайызы партиядан ұсынылып, 12,7 пайызы өзін-өзі ұсынса, 2024 жылы партиямен ұсынылған кандидаттардың үлесі 36,3 пайызды көрсетті. Керісінше, өзін-өзі ұсыну деңгейі 63,6 пайызға көтерілді,-деді Ә.Ерсұлтанов.</blockquote>Айта кетейік, аймақта өткен жылы АЭС салу бойынша Республикалық референдум, Сенат депутатының сайлауы және шығып қалған мәслихат депуттарының сайлауы өтті. Сондай-ақ, жыл ішінде Шиелі ауданы әкімі мен ауылдық округ әкімдерінің сайлауы өткізілді.Жиында комиссия төрағасының орынбасары Болат Накипов саяси партиялардың сайлау процестеріне қатысу белсенділігі және кандидаттарды ұсыну бағыты бойынша талдауларды жеткізді.Кездесуде партия өкілдері сөз алып, ортақ тақырып аясында ұсыныстарын жеткізіп, өзара ой бөлісті.Жиын соңында Дүниежүзілік сайлау күніне орай бірқатар әріптестерге Алғыс хаттар табыс етілді.Еске салайық, биылдан бастап аудан, облыстық маңызы бар қала әкімдері тікелей сайлау жүйесі арқылы яғни халық таңдауы арқылы қызметке келеді. Демек, өкілеттілік мерзімі аяқталуына қарай, ротация мерзімі жеткенде біртіндеп өткізіледі.Соңғы 4 жылда барлық 146 кент және ауыл әкімдерінің 137-і тікелей сайлауымен әкім қызметіне кірісті.&nbsp;Биыл қалған 9 әкімнің сайлауы ұйымдастырылады.<img src="https://knadmin.beoblood.kz/uploads/D_niezh_zilik_sajlau_k_ni_sayasi_partiyalardy_kilderi_kezdesti_1_20b398fda3.jpg" alt="Дүниежүзілік сайлау күні саяси партиялардың өкілдері кездесті 1.jpg"><img src="https://knadmin.beoblood.kz/uploads/D_niezh_zilik_sajlau_k_ni_sayasi_partiyalardy_kilderi_kezdesti_2_fc44ae5f2a.jpg" alt="Дүниежүзілік сайлау күні саяси партиялардың өкілдері кездесті 2.jpg">Қызылорда облысының аумақтық сайлау комиссиясы

Дүниежүзілік сайлау күні саяси партиялардың өкілдері кездесті

<a href="https://kyzylorda-news.kz/">Kyzylorda-news.kz</a>&nbsp; Көбінесе ҚҚС мөлшерлемесінің өсуі бағаныңкүрт қымбаттауына әсер етеді. Бірақ елімізде олай болуы мүмкін бе?&nbsp;Жауап: тұтынушылар үшін бағаның айтарлықтай өсу қаупі минималды. Себебін түсіндірейік.ҚҚС шегін төмендету бағаның өсуін теңестіруге көмектеседіҚҚС төлеуші компаниялар өздері сияқты басқа ҚҚС төлеушілермен жұмыс істеуді көздейді, өйткені бұл оларға бюджетке төленетін салық сомасын азайтуға мүмкіндік береді. Егер ҚҚС төлеуші компания басқа ҚҚС төлеушіден тауар немесе қызмет сатып алса, ол төленген ҚҚС-ын есепке ала алады, нәтижесінде оның салықтық жүктемесі азаяды. Осылайша ҚҚС төлеушілер арасындағы жүктеменің бөлінуі бағаға деген қысымды азайтады.Еңбекақы қорына түсетін жүктемені азайту арқылы теңгерім сақталадыҮкімет ҚҚС мөлшерлемесінің өсу ықпалын азайту үшін еңбекақы қорына түсетін жүктемені төмендетуді жоспарлап отыр. Бұлшамамен тауар бағасының40%-ын құрайды. Еңбекақы қорына түсетін жүктеменің азаюыбағаның қымбаттау қаупін төмендетеді.Ауыл шаруашылығы саласындағы салықтық жеңілдіктер сақталадыҚазір елімізде түрлі салаларға арналған салықтық ынталандырулар бар және олардың көбі өзгеріссіз қалады. Мәселен, ауыл шаруашылығы саласындағы жеңілдіктер сақталады, бұл отандық азық-түлік бағасының қатты қымбаттауына жол бермейді. Осылайша ҚҚС мөлшерлемесінің болжамды өсуінің әсері жеңілдететін факторлармен өтеді, сондықтан бұл жалпы бағаның едәуір өсуіне әсер етпеуі тиіс. &nbsp;Фото: Нұрболат Нұржаубай

ҚҚС мөлшерлемесінің артуы бағаның өсуіне әсер ете ме?

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Есірткі қылмысына қарсы іс-қимыл басқармасы «Спорт есірткіге қарсы!» ұранымен, оқушылар арасында үстел теннисінен жарыс ұйымдастырды.Жарыс барлық аудан орталықтарында және Қызылорда қаласында өткізіліп, оған 8-11 сынып оқушылары қатысты.Облыстың 95 оқу орнының теннисшілері қарсыластарымен жеке кездесулерде жарысты.Төрешілер алқасы әр өңірде I,II,III орындардың иегерлерін анықтады.Үстел теннисін ұнататын жүз жиырма бес спортшы осы таңғажайып ойында допты ұрып-соғудың күші мен ептілігін өлшеді. Жанкүйерлер әрбір сәтті қадамды қошеметпен қарсы алды.Бірнеше сағат ішінде төрешілер ең мықтыларын анықтады. Жарыс барысында үздіксіз күрес жүргізіліп, қызғануға тұратын жас спортшылардың жеңіске деген ұмтылысы, жақсы эмоциялар мен керемет көңіл-күйі жарыстарды мерекеге айналдырды.Балалар өздерінің спорттық мүмкіндіктерін көрсете алды, үздік деп танылғандар: Кенішбай Бақдәулет (Қызылорда қаласының №212 мектеп-гимназиясы), Немат Уайда (Жаңақорған ауданының №51 орта мектебі), Байзақ Мирас (Арал ауданының №260 орта мектебі), Сайлаубаев Тимур (Қазалы ауданының №249 мектеп-лицейі), Нұртуғанұлы Бекжан (Қармақшы ауданының №99 орта мектебі), Сайфулла Маржан (Жалағаш ауданының № 201 мектеп-лицейі), Абдулла Нұрислам (Сырдария ауданының №44 орта мектебі), Ақберген Абдат (Шиелі ауданының №244 орта мектебі).Фото: Полиция департаменті

Қызылордада жастар арасында жарыс өтті

<a href="https://kyzylorda-news.kz/">Kyzylorda-news.kz</a> Грейс-кезең (немесе жеңілдікті кезең) – бұл кредиттік картаны ұстаушы қарыз қаражаттарын пайыз төлемей пайдалана алатын уақыт. Егер берешекті осы мерзім ішінде өтеген жағдайда, банк пайыз есептемейді, бұл кредиттік картаны өз қаржыңды басқарудың ыңғайлы құралына айналдырады.&nbsp;Грейс-кезеңнің қалай жұмыс істейтіні, оның артықшылықтары және оның астарында не жатқаны жөнінде Fingramota.kz-пен бірге талқылап көрелік.&nbsp;Егер сіз кредиттік карта ресімдеу туралы шешім қабылдасаңыз, бірінші кезекте, оны ресімдеу талаптарын мұқият зерттеп алыңыз: яғни, картаға бір жылдық қызмет көрсету құны, жылдық пайыздық мөлшерлеме қандай, қай кезде ай сайынғы төлемдерді жасап отыру қажет, мерзімін өткізгені үшін қандай өсімпұл және қолма-қол ақша шешіп алған үшін қанша пайыз ұсталатыны жөнінде анықтап алған дұрыс. Есіңізде болсын, кредит алу оны қайтарудан әлдеқайда оңай және оны шартта белгіленген мерзімде жасап отыру қажет.Менеджерден консультация алуға ерінбеңіз, картаның жеңілдік кезеңі болғаны құптарлық (кредиттік лимитті пайызсыз пайдалану мүмкіндігі), оның ішінде сіз негізгі қарыз сомасына пайыз есептелмей мұндай картамен төлей аласыз. Бұл уақыт аралығы грейс- кезең деп аталады.Грейс- кезең қалай жұмыс істейді?Әдетте, грейс-кезең 2 сатыдан тұрады:1. Есеп айырысу кезеңі (көп жағдайда 30 күн) – бұл клиенттің карта арқылы сатып алулар жасау уақыты. Осы кезеңнің соңында банк қарыз сомасын белгілейді.2. Төлем кезеңі (әдетте 20-25 күн) – пайыздар төлемеу үшін қарызды өтеу мерзімі.55 күн құрайтын грейс-кезеңнің жұмыс мысалы:&nbsp;&nbsp;• &nbsp; 1 ақпанда есеп айырысу кезеңі басталады (30 күн).&nbsp;&nbsp;• &nbsp; 1 наурызда банк қорытындылайды – берешек сомасы белгіленеді.&nbsp;&nbsp;• 25 наурызға дейін төлем кезеңі қолданылады – егер қарыз толығымен қайтарылса, пайыздар есептелмейді.Маңызды: егер сіз тек&nbsp;ең төмен&nbsp;төлем жасасаңыз, онда&nbsp;грейс-кезең аяқталады және банк қарыздың қалған бөлігіне пайыздар есептейді.<figure class="image"><img src="/uploads/fingramota_kz_29be8afe78.png"></figure>Грейс-кезеңнің артықшылықтары&nbsp;Пайыздарды&nbsp;үнемдеу. Егер қарыз уақтылы төленсе, қарыз қаражатын артық төлемсіз пайдалануға болады. &nbsp; &nbsp; &nbsp; &nbsp;Бюджетті&nbsp;жоспарлаудағы ыңғайлылық. Грейс-кезең шығыстарды бөлуге және оларды жалақы алатын күнге байланыстырмауға мүмкіндік береді.Қосымша&nbsp;бонустар. Көптеген банктер кэшбэк арқылы ақша қайтаруды, серіктестерден алатын жеңілдіктерді және кредиттік картамен төлеген кезде бонустық ұпайларды ұсынады.Қосымша&nbsp;қаражатқа қол жеткізу. Грейс-кезеңі бар кредиттік карта күтпеген шығыстар орын алған жағдайда қауіпсіздік жастығы болуы мүмкін.&nbsp;Қауіп-қатерлер: неге назар аудару қажет&nbsp;1. Пайыздар&nbsp;грейс-кезең&nbsp;аяқталғаннан кейін барлық сомаға есептеледі. Егер борыш толығымен өтелмесе, банк тек қалдыққа ғана емес, бүкіл сатып алу сомасына да пайыз есептейді.2. Грейс-кезең&nbsp;қолма-қол ақшаны алуға қолданылмайды. Банкоматтан ақша алған кезде көп жағдайда комиссия алынады және ол жеңілдік кезеңіне жатпайды, сондықтан егер сіз картадан қолма-қол ақша алсаңыз, жеңілдік кезеңі аяқталуы мүмкін.3. Банктердің&nbsp;әр&nbsp;түрлі&nbsp;талаптары. Шартты мұқият оқып шығыңыз – кейбір банктерде грейс-кезең тек сатып алу кезінде, ал кейбіреуінде тіпті аударымдар кезінде де қолданылады.Тағы қандай ерекшеліктер бар?Грейс-кезең кредиттік карта арқылы жасалатын барлық сатып алу жағдайларында қолданылмауы мүмкін. Сондықтан банк менеджерінен барлық қажетті ақпаратты алдын ала алу және картаны ресімдеу алдында &nbsp;шарттың талаптарын мұқият зерделеу өте маңызды. Мысалы, егер сіз осы карта арқылы ақша аударсаңыз немесе кредиттерді немесе айыппұл төлесеңіз, жеңілдік кезеңі аяқталуы мүмкін. Бұл, егер картаның шарттарына сәйкес, пайдаланылған берешек толық өтелген жағдайда, грейс-кезең тауарларды, жұмыстарды немесе қызметтерді белгілі бір сомаға дейін (мысалы, 20 мың теңгеге дейін немесе 100 мың теңгеге дейін) сатып алу бойынша қолма-қол ақшасыз операцияларға ғана қатысты &nbsp;орын алуы мүмкін.Сонымен бірге грейс-кезеңінің нақты ұзақтығы банк көрсеткеннен қысқа болуы мүмкін екенін ескерген жөн. Бір банктің карталарында жеңілдік кезеңі бірінші сатып алудан басталуы мүмкін, ал кейбір банктерде ол айдың басынан басталады. Осылайша, сіз картаны, мысалы, 1 ақпанда алдыңыз, ал алғашқы сатып алуды 30 ақпанда жасадыңыз, нәтижесінде грейс-кезең іс жүзінде 30 күнге қысқарады.Сондықтан мобильді қосымша арқылы немесе банктің сайтында мерзімдерді мұқият қадағалап отыру, сондай-ақ SMS, push-хабарламалар арқылы банктен келген хабарламаларға назар аудару немесе менеджерлерден ақпаратты өз бетінше нақтылау маңызды. Сонымен қатар, егер клиент әдетте айына бір рет төленетін ең төменгі төлемді өтеу мерзімінде қарызын төлемейтін болса, банк кредиттік картаға қызмет көрсету үшін пайыздарды есептей бастауы мүмкін.Ай сайынғы төлем бойынша қарызды өтемеген кезде, банк әдетте қарызды төлегенге дейін клиенттің кредиттік картасын бұғаттайды. Қазақстандық банктердегі берешекті уақтылы өтемегені үшін өсімпұл күніне орта есеппен 0,5%-ды құрайды.Картаның мерзімі аяқталғаннан кейін шот жабылмайтынын, клиенттің кредиттік міндеттемесі тоқтатылмайтынын білу маңызды.Кредиттік карта иелерінің үйреншікті қателіктері&nbsp;Кредиттік карталардың иелері қарызды пайдалану кезінде жиі қателіктер жібереді, нәтижесінде пайыздар мен айыппұлдар болады. Олардың ең көп тарағандары:&nbsp; &nbsp;&nbsp;- &nbsp;Карта бойынша қосымша қызметтерге мән бермеу немесе оны тексермеу. Мысалы, банк сізге әдепкі қалпы бойынша сақтандыру қызметін қоса алады. Артық төлемеу үшін Сіз оны өзіңіз алып тастай аласыз немесе картаны рәсімдеу кезінде сақтандырудан бас тарта аласыз.&nbsp; &nbsp;- Клиенттің мөлшерлемелерге назар аудармауы. Көптеген банктерде операцияларды қолма-қол ақшасыз жасау мен ақшаны банкоматтан алу пайызы арасында үлкен айырмашылық бар.&nbsp;&nbsp;- Жаңа жеңілдік кезеңін күтпеу. Егер кредит бойынша пайызсыз мерзімнің ұзақтығы 50 күн болса, онда басында қарызды өтеу керек, ал қаржылық операцияларды жаңа грейс-кезең басталған кезде ғана жасау керек.&nbsp;&nbsp;- Кредиттік картаны рәсімдегеннен кейін тұтынушылардың карта қажет болмаған кезде ол жабыла ма, жоқ па екендігін бақыламауы. Егер төлем толық жабылмаса, картада қосылған қызметтер үшін қарыз жинақтала береді.&nbsp;&nbsp;- Бір мезгілде түрлі банктердің карталарын пайдалану. Бір кредиттік картаны ғана қолданған жөн. Себебі, сіз оларды бір-бірімен шатастырып қана қоймай, төлем жасаған кезде де жаңылысып қалуыңыз мүмкін. Егер клиент төлемді мерзімінде жасамаса, онда қосылған жоғары пайыздарды төлеуге мәжбүр болады.Кредиттік карталардың қандай артықшылықтары болса да, олар бойынша төлем жасауға міндетті екеніңізді есте сақтаңыз. Яғни сіз әрқашан ең алған міндеттемелеріңіз үшін жауапкершілікті түсінуіңіз керек. Сондықтан кредиттік картаны рәсімдемей тұрып, барлық тәуекелдерді бағалаңыз. Қарыздарды уақтылы өтеу үшін Сізде тұрақты кіріс болуы керек. Сонымен қатар, қаржылық қауіпсіздік жастықшасы түріндегі жинақталған ақшаңыз болуы керек. Егер Сіз жұмысыңыздан айрылып қалсаңыз немесе ауырып қалсаңыз, өзіңізді қорғай аласыз және кредит бойынша төлемді кешіктіруге жол бермейсіз.Қаржылық сауаттылығыңызды Fingramota.kz-пен бірге арттырыңыз!&nbsp;Фото: fingramota.kz

Кредиттік карталар бойынша грейс-кезең: ол деген не және оның артықшылықтары қандай?

<a href="https://kyzylorda-news.kz/">Kyzylorda-news.kz</a> Республикаға белгілі, Арал теңізі аумағындағы табиғат байлығының ең сирек кездесетін түрлері сақталған «Барсакелмес мемлекеттік&nbsp;табиғи корығы» РММ ұжымы өрт қауiпсіздігіне байланысты ауқымды дайындық жұмыстарын бастап кетті. Бүгінде жалпы көлемі 163126 гектар болатын табиғи қорық үш учаскеден тұрады. Атап айтар болсақ, олар: Барсакелмес, Қасқақұлан және Дельта аумағы болып бөлінеді.&nbsp;Жыл басынан берi қорық бойынша биылғы өрттен қорғану маусымына арналған негiзгi iс-шаралар жоспары әзiрленді. Онда қорыққа жақын орналасқан ауылдық округтер мен сонда тұратын жергілікті кәсіпкерлермен іс-қимыл жоспары бекітіліп, орман мен дала өртiнiң алдын алу және жою мәселелерi көрсетiлген. Сондай-ақ жыл басынан берi мекеме аумағында өз қызметiн жүзеге асыратын барлық өртке қарсы iс-шаралар жоспары келiсiлдi. Орман өртiнiң пайда болуының ескерту схемалары жасалып, сөндiруге арналған қажетті күштер мен құралдардың есебi анықталды.Айта кетейік, қорықтағы барлық құрал-жабдықтар, инвентарлар тексерiліп отырады. Сондай-ақ өрттен қорғануға арналған жабдықтарды жөндеуге қосалқы бөлшектер мен жаңа құралдар сатып алынуда. Патрульдiк және өрт сөндiру техникалары радио және телефон байланыстарымен жабдықталған. Өрт сөндiруге арналған көліктердің жүргiзушiлерi арнайы техникамен жұмыс iстеуге машықтанған. Өрт сөндiру тақырыбында дәрiстер жоспарлы түрде жүргізіліп, ауыл шаруашылығы кәсiпорындары, жауапкершiлiгi шектеулi серiктестiктері, ауыл әкімшіліктері және орман мен орманның тiкелей маңында жұмыс жүргiзетiн басқа ұйымдарда оқу-насихат жұмыстары жүргізілді.Сонымен қатар, «Барсакелмес» мемлекеттік табиғи қорығы қызметкерлері халық арасында, орта мектептерде орман мен тоғайлы жердегі өрт қауiпсiздiгi ережелерiн сақтау бойынша түсiндiру және үгiт-насихат жұмыстарын жүргізіп, арнайы үн-парақтар таратып отырады.Ғалымжан БАЗАРБАЕВ,«Барсакелмес мемлекеттік табиғы қорығы»РММ-нің күзет бөлімінің басшысыФото: gov.kz

Қорықшы міндеті – орман қауіпсіздігі

<a href="https://kyzylorda-news.kz/">Kyzylorda-news.kz</a> Касперский зертханасы сарапшылары смартфонға қандай да бір қосымша жүктер алдында мұқият болуға шақырады.&nbsp;Бұл туралы&nbsp;<a href="https://stan.kz/sarapshilar-smartfonga-kosimsha-zhukterde-sak-boluga-sh-413419/">Stan.kz</a>&nbsp;ақпарат агенттігі 31-арнаның “Информбюро” жаңалықтар қызметіне&nbsp;сілтеме жасап хабарлайды.&nbsp;Сарапшылардың айтуынша, алаяқтар дәл осы қолданбалар арқылы жеке деректерге қол жеткізе алады. Телефондағы 20-ға жуық қосымшадан адамдардың жеке дерегін хакерлерге жіберетін вирустар табылған.<blockquote>“Зиянды бағдарлама смартфондағы қандай да бір суретті немесе құжатты айлакерлерге жібереді Сондықтан ұялы телефонға кез келген бағдарламаларды орната берудің қажеті жоқ. Байланыс құралын вирусқа қарсы тазартып отыру керек”, – дейді мамандар.</blockquote>Касперский зертханасының қазақстан, орталық азия және моңғолиядағы басқарушы директоры Валерий Зубановтың айтуынша, вирус көбіне жеткізу қызметін ұсынатын қосымшаларда немесе маркетплейстерде болуы мүмкін.<blockquote>“Тіпті танымал мессенжерлерде де бар. Оны өздігімізден анықтау мүмкін емес. Сондықтан, смартфонға жиі антивирустық бағдарламалар орнату керек. Сондай-ақ карталар мен қандай да бір логин мен құпия сөзді фотоға түсіріп, галереяда сақтамау керек”, – дейді Валерий Зубанов.</blockquote>Ол арнайы қосымшаларды көшіріп, маңызды ақпараттарды сонда сақтауға кеңес береді.Фото: Нұрболат Нұржаубай

Сарапшылар смартфонға қосымша жүктерде сақ болуға шақырды

<a href="https://kyzylorda-news.kz/">Kyzylorda-news.kz</a> Бәсекелестік мықты болған жерде сапа болады. Бұл дене шынықтыру, спорт және туризм басқармасының басшысы Бақтияр Артаевтың Өңірлік коммуникациялар қызметінің баспасөз алаңында айтқан сөзі.Өңір спортшыларының алды Баку мен Әзірбайжанға барып, шеберліктерін шыңдауда. Брифингте басқарма басшысы бәсекелістікті дамыту үшін спортшыларды олимпиадалық деңгейі қалыптасқан елдерде жаттығу өткізуіне жағдай жасайтынын айтты. Нәтиже бірден бола қоймайтынын ескерсек, әліптің артын баққан дұрыс. Сондай-ақ Бақтияр Артаев өңірдегі бокс спортына деген жоспарларымен бөлісті.<blockquote>- Біздегі спортшыларды олимпиадалық деңгейі бар елдерге тәжірибе алмасуға жіберу керек. Бәсекелестік бар жерде нәтиже болады. Соған жұмыс жасайтын боламыз. Қазірде “Тарлан” спорт кешенін спорт басқармасының теңгеріміне алу жұмыстары жүргізіліп жатыр. Сол мәселені артынан қалмай жүріп бітірдім.Жоспарлар сәтімен болса келесі айда Қызылордада бокс клубы ашылады. Оның басшылығына Қамшыбек Қоңқабаевқа ұсыныс жасаймыз. Ол кісі елге қызмет жасаймын десе қолдау болады. Одан бөлек Құлахмет Тұрсынбай мен Руслан Сыбаевты қарастырудамыз,- деді Бақтияр Ғарифуллаұлы.</blockquote>Фото: Өңірлік коммуникациялар қызметі

Бақтияр Артаев: "Келесі айда бокс клубы ашылады"

<a href="https://kyzylorda-news.kz/">Kyzylorda-news.kz</a> Мемлекеттік шығармашылық тапсырыс бойынша зерттеу жұмыстары жүргізіліп жатқаны белгілі. Жұмысын тоқтатқан кәсіпкерлердің үйірмелеріне қатысқан балалар бүгінде аумақтағы мәдениет үйлері мен клубтар, мектептердегі үйірмелерге тартылып жатыр. Облыстық халық шығармашылығын дамыту орталығы жанынан арнайы штаб құрылып, аудандар мен Қызылорда қаласындағы мәдениет, спорт, білім салаларынан жауапты мамандар белгіленді. Бұл туралы Өңірлік коммуникациялар қызметінің ақпарат алаңында облыстық мәдениет, архивтер және құжаттама басқармасының басшысы Мира Қазбекова мәлімдеді.<blockquote>«Келісім шарт тоқтаған, жабылған үйірмелерге бұрын қатысқан балаларды білім, мәдениет, спорт мекемелеріне қамтудың бөлінісі жасалынды. Жабылған 415 үйірмеге 10247 бала қатысқан деген ақпарат бар. Зерделеу жұмыстары аяқталғаннан кейін ғана нақты ақпарат айтылады. Десек те 10 мыңнан аса баланың жағдайын назарда тыс қалдырмаймыз. Олар мәдениет үйлері, орта мектептер мен оқушылар үйі, спорт кешендеріндегі тегін үйірмелерге қатысатын болады. Ол үшін әр бір ата-ана өзінің тұрғылықты мекен жайы бойынша баласын қауіпсіз саналатын мемлекеттік мәдениет үйі, клуб, оқушылар үйіндегі тегін үйірмелерге бере алады. Баласының құжаттарымен аталған мекемелерге хабарласуы керек. Біз қала аудандар бойынша бөліністі жасап ұсындық. Мәселен, Қызылорда қаласында 5356 бала бұрын жеке шығармашылық үйрмелеріне барған. Осыған орай, мәдениет үйлеріне 2000 баланы, орта мектептерге 1356 баланы қабылдауға мүмкіндігіміз бар. Олар оқушылар үйіне және қаладағы көптеген спорт нысандарына қатынап, тегін білім ала алады. Осы сияқты жұмыстар аудандарда да жүргізілуде. Ата-аналармен тікелей байланысып отыратын арнайы жауапты мамандар да бекітілді,» - деді басқарма басшысы Мира Жомартқызы.</blockquote>Айта кетейік, “Даму бала” бағдарламасы бойынша спорттық секциясымен 174 өнім беруші 16 423 балаға қызмет көрсеткен. Қазіргі таңда зерделеу нәтижесінде 119 өнім берушімен келісім шарт бұзылып, 55 кәсіпкер 5000-ға жуық балаға қызмет көрсетуде.Фото: Өңірлік коммуникациялар қызметі

Мира Қазбекова: "Оқушылар үйірмелерден тыс қалмайды"

<a href="https://kyzylorda-news.kz/">Kyzylorda-news.kz</a> Қала әкімінің орынбасары Дархан Тұрсынбаевтың төрағалығымен «Отбасының цифрлық картасы» автоматтандырылған ақпараттық жүйесіндегі D, Е санатындағы отбасыларды қолайлы санаттарға ауыстыру мәселесі жөніндегі арнайы топтың кезекті отырысы өтті.Жиында 2-6 жас аралығында мектепке дейінгі ұйымдарға бармайтын немесе тіркелмеген балалар, 6-18 жас аралығында орта мектепке бармайтындар немесе өзектендірілмеген оқушылар, NEET санатындағы жастар, МӘМС жүйесімен қамтылмағандар, қорларға аударымдары жоқ жеке кәсіпкерлер, шаруа қожалықтары, құжаттары жарамсыздар мен тұрғылықты мекенжайы бойынша тұрмайтын азаматтарға қатысты өзектендендіру жұмыстары бойынша атқарылып жатқан шаралар талқыланды.Арнайы топ төрағасы Дархан Есалыұлы D, Е санатындағы отбасыларды қолайлы санаттарға ауыстыру жөнінде салаға жауапты құзырлы мекеме басшыларына нақты тапсырмалар беріп, орындалуы қатаң бақылауда болатындығын жеткізді.Фото: Қызылорда қаласы әкімінің баспасөз қызметі

Арнайы топтың кезекті отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Арал ауданына жұмыс сапары кезінде жұртшылықпен кездесіп, құқық қорғау органдарының басшыларымен бірге тұрғындарды жеке қабылдады. Азаматтарға көтерген мәселелерінің шешіміне қатысты заң аясында тиісті түсіндірме берілді.«Оқушылар үйінде» өткен жеке қабылдауға 91 азамат келді. Олар тұрғын үй, жолды асфальттау, балабақша салу, салық, декларация тапсыру, жұмысқа орналасу, мектеп салу, сор көлдерді көму, тағы басқа мәселелерді көтерді.«Мергенсай» ауылының тұрғынын «Арал-Жалаңаш» автожолын асфальттау мәселесі толғандырады. Аймақ басшысы аталған автомобиль жолына қаржы бөлінгенін, жөндеу жұмыстары сәуір айында басталатынын айтты.Арал қаласының тұрғыны «Шаруашылыққа қажетті ұнтақтар шығару» жобасын таныстырып, кәсібіне қолдау сұрады. Облыс әкімі тың жобаға жан-жақты қолдау болатынын жеткізді.Сонымен қатар, аймақ басшысы ауданда құрылыс салатын мердігер мекемелердің басшыларын қабылдап, нысандардың сапасына баса мән беруді, жұмысты уақытылы аяқтауды тапсырды.Қабылдауда тұрғындар құқық қорғау органдары басшыларына өз сауалдарын қойып, заңдық тұрғыда кеңес алды. Көтерілген мәселелер заңда белгіленген тәртіппен, кезең-кезеңімен шешіледі. Аймақ басшысы осы орайда жауапты сала басшыларына бірқатар тапсырма берді.Сондай-ақ,облыс әкімі еңбек ардагерлерімен және зиялы қауым өкілдерімен кездесіп, өңірдің әлеуметтік-экономикалық дамуындағы кейбір мәселелерді талқылады.<img src="https://knadmin.beoblood.kz/uploads/Aral_audany_t_r_yndarymen_kezdesu_b4666b4ed6.jpg" alt="Арал ауданы тұрғындарымен кездесу.jpg">Фото: Қызылорда облысы әкімінің баспасөз қызметі

Облыс әкімі аралдық тұрғындармен кездесіп, жеке мәселелерін тыңдады

<a href="https://kyzylorda-news.kz/">Kyzylorda-news.kz</a> 2024 жыл сыр спортшылары үшін табысты болды. ҚР чемпионаты мен кубоктарынан 808 медаль, Әлем және Азия чемпионаттары мен кубоктарынан 120 медаль еншілеп, сыр спортшыларының мерейі үстем болды. Жалпы спорт түрлері бойынша ҚР Ұлттық құрама командасына облыстан 690 спортшы енгізілді. Былтыр Парижде өткен жазғы Олимпиада және паралимпиада ойындарына аймағымыздан 7 спортшы жолдама алып, ел намысын қорғады. Осы жылы «Ауыл – ел бесігі» бағдарламасы аясында 6 спорт нысаны, облыстық бюджет есебінен - 2 нысан, Қазақстан Халқына қоры арқылы - 2 спорт нысаны салынуда. Бұл туралы облыстық дене шынықтыру, спорт және туризм басқармасының басшысы Бахтияр Артаев баяндады.<blockquote>- 2024 жылдың қорытындысымен өңірдегі халықтың 1000 адамға шаққандағы спорттық инфрақұрылыммен қамтылу көрсеткіші 1 494-ті құрап, 46,2%-ға жетті. Сондай-ақ былтыр аймақ басшысының қатысуымен Қызылорда қаласының сол жағалауынан құны 11 мың орындық жаңа стадионның іргетасы қаланды. Қазіргі таңда стадионның құрылысы қарқынды жүруде. Осы жылдың мамыр айында іске қосылады деп жоспарлануда. Сонымен қатар, өткен жылы «Samruk- Kazyna Trust» әлеуметтік жобаларды қолдау қорымен бірлесе отырып, заманауи үлгідегі «Үстел теннисі» орталығы ашылды. Мұның барлығын өңір спортына көрсетіліп жатырған қамқорлық деп түсінеміз,- деді Бахтияр Ғарифоллаұлы.</blockquote>

Жаңа стадион мамыр айында іске қосылады

<a href="https://kyzylorda-news.kz/">Kyzylorda-news.kz</a> 10 ақпаннан бастап умра мен қажылыққа баруға ниетті 1 жастан асқан барлық жолаушының менингококк инфекциясына қарсы егу сертификаты болуы керек. Вакцинацияға қойылатын талаптар: Менингококқа қарсы төрт валентті (ACYW-135) полисахарид вакцина кейінгі 3 жыл ішінде және Жидда, Мәдинаға келерден кемінде 10 күн бұрын салынған болуы керек. Немесе менингококкқа қарсы төрт валентті (ACYW-135) конъюгаттық вакцина кейінгі 5 жыл ішінде және қалаға келерден кемінде 10 күн бұрын салынған болуы керек. Қосымша ақпаратты Сауд Арабиясы Денсаулық сақтау министрлігінің ресми <a href="https://www.moh.gov.sa/en/HealthAwareness/Pilgrims_Health/Pages/default.aspx/Pages/default.aspx">сайтынан</a> таба аласыз.<a href="https://t.me/airastana/2227">https://t.me/airastana/2227</a>Фото: pixabay.webp

Қазақстан және Қызылорда облысының жаңалықтары