<a href="https://kyzylorda-news.kz/">Kyzylorda-news.kz</a> Қазақстандықтарға алаяқтықтың жаңа түрі туралы ескертілді. Құзырлы органдардың айтуынша, алаяқтар&nbsp;Антикор символикасы бар жалған құжаттар мен хабарламалар жіберіп жатыр. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Сыбайлас жемқорлыққа қарсы қызметінің мәліметінше,&nbsp;түрлі алаяқтар WhatsApp, Telegram желілерінде әрекет етеді.<blockquote>“Сыбайлас жемқорлыққа қарсы қызмет мессенджерлерде (WhatsApp, Telegram және т.б.) Сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған аккаунттар құрған және жалған ақпарат тарататын алаяқтар туралы тағы да ескертеді”, –&nbsp;делінген хабарламада.&nbsp;</blockquote>Алаяқтар Антикор символикасы бар жалған құжаттарды, хабарламаларды және файлдарды жасайды&nbsp;және жолдап жатыр.<blockquote>“Жалған ақпараттық таратуларға сенбеу, күмәнді сілтемелерге өтпеуді, сондай-ақ қолма-қол ақша аудармауды сұраймыз. Осындай қоңыраулар мен таратуларды алған жағдайда осы фактілер туралы Қазақстанның Құқық қорғау органдарына дереу хабарлауды сұраймыз”, – делінген хабарламада.&nbsp;</blockquote>Фото:&nbsp;pixabay.com

"WhatsApp, Telegram желілерінде әрекет етеді": Қазақстандықтарға алаяқтықтың жаңа түрі туралы ескерту жасалды

&nbsp;<a href="https://kyzylorda-news.kz/">Kyzylorda-news.kz</a> Ұстаз – ұлағатты тұлға, шәкірт жүрегінде есімі алтын әріппен жазылатын асыл жан. Оның берген білім мен тәрбиесі тек бір адамның емес, тұтас қоғамның өркендеуіне ықпал етеді. Еліміздің әр түкпірінде мұғалімдер мерекесі әртүрлі форматта тойлануда. Біздің облыста да айтулы күн аясында&nbsp; 420 шара ұйымдастырылып, оған 29 650 білім алушы қатысқан. Бұл туралы Өңірлік коммуникациялар қызметі ұйымдастырған көшпелі брифингте облыстық білім басқармасы басшысының орынбасары Бекжан Есенбаев айтты.<blockquote>&nbsp;– Қазақта “Ұстазы жақсының – ұстанымы жақсы” деген қанатты сөз бар.&nbsp; Қандай ұрпақ болмасын олардың білімді, білікті болуы біздің ұстаздарымыздың бүгінгі еңбегіне тікелей байланысты. Мереке қарсаңында 20 қыркүйектен бастап облыстағы барлық білім беру ұйымдарында мәдени іс-шараларымыз өтіп жатыр. Осы орайда, “Еңбек адамы” айдарымен әр білім ордасының техникалық қызметкерлерін басқарма басшысының марапаттау кештері болды. Мұғалімдердің құрметіне орай түрлі челленджер мен ашық тәрбие сағаттар, кездесу кештері де ұйымдастырылса, бүгін “Ұстазым - ұлағатым” атты салтанатты шарамен қорытындыланатын болады, – деді Бекжан Шәкизатұлы.</blockquote>Фото: Қызылорда облысының Өңірлік коммуникациялар қызметі

Қызылордада ұстаздар күніне орай 450 шара ұйымдастырылды 

Қасым-Жомарт Тоқаев ұстаздар қауымын кәсіби мерекесімен құттықтап, аса жауапты әрі қастерлі міндетті абыроймен атқарып жүрген педагогтерге алғыс айтты. Сонымен қатар еліміздегі оқу-ағарту саласын дамыту жолында жүзеге асырылып жатқан ауқымды жұмыстарға тоқталды.<blockquote>– Менің тапсырмаммен «Педагог мәртебесі туралы» арнайы заң қабылданды. Бұл құжат ұстаздардың заңды мүддесі мен құқықтарын қорғауға ықпал етті. Қазір мұғалімдер мен тәрбиешілердің жалақысы айтарлықтай көбейді. Олар негізгі қызметіне кедергі келтіретін артық міндеттерден босатылды. Осы заңға сәйкес «Қазақстанның еңбек сіңірген ұстазы» атағы енгізілді. Бұл – жай атақ емес, мәртебелі мемлекеттік награда. Оның иегеріне қомақты сыйақы беріледі. Республика бойынша 46 мұғалім осы наградаға ие болды. Сондай-ақ қазір ұстаздарға академиялық дәрежесіне сәйкес үстемеақы төленіп жатыр. Халықаралық олимпиада жүлдегерлерін дайындаған мұғалімдерге қаржылай қолдау көрсетіледі. Педагог мамандығы бойынша оқып жатқан студенттердің шәкіртақысы 2,5 есе көбейді. Биыл болашақ ұстаздарды даярлау үшін 16 мыңға жуық грант бөлінді. Соның ішінде шамамен 1800 «Алтын белгі» иегері педагогика мамандығын таңдады. Бұл – өте жақсы үрдіс, – деді Мемлекет басшысы.&nbsp;</blockquote>

Президент мұғалімдерді кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a> Қазақстанның бірқатар өңірінде алдағы күндері, яғни қазанның 5-7 аралығында 30 градусқа дейін ыстық болады деп күтілуде. Бұл туралы «Қазгидромет» РМК сілтеме жасаған <a href="https://kaz.nur.kz/society/2169870-qazaqstannyng-kei-ongirinde-demalys-kunderi-aua-temperaturasy-30-gradusqa-deiin-koteriledi/">KAZ.NUR.KZ</a> хабарлайды.Синоптиктердің болжамынша, скандинавиялық антициклонның ықпалымен еліміздің батысында, 5-6 қазанда республиканың солтүстік және шығыс облыстарында ауа райы құрғақ және ашық болады. Күндіз батыста 23-30 градусқа дейін жылы болса, солтүстікте және шығыста 15-23 градусқа дейін күн жылынады. Дегенмен түнде ауа температурасы нөлден төмен мәндерге дейін төмендейді.7 қазанға қарай солтүстік пен шығысқа суық атмосфералық фронт пен жаңбырлы бұлттар тарай бастайды, сондықтан жауын-шашын (көбінесе жаңбыр), желдің күшеюі және күндізгі ауа температурасының төмендеуі күтіледі.Ал елдің оңтүстігінде және орталығында, атмосфералық фронттардың әсерінен 5-7 қазан аралығында жаңбыр жауады. 6-7 қазанда таулы аймақтарда қатты жаңбыр мен найзағай, жел күшейеді, түнде және таңертең таулы аймақтарда тұман болады.Фото: NUR.KZ/Владимир Третьяков

Қазақстанның кей өңірінде демалыс күндері ауа температурасы 30 градусқа дейін көтеріледі

<a href="https://kyzylorda-news.kz/">Kyzylorda-news.kz</a> Қазақтың тойында тағы бір таңданыс тудырған жайт орын алды – тойға келген қонақтар кімнің ақшасы көп екенін көрсетіп, жарысты, деп жазады <a href="https://azattyq-ruhy.kz/">Azattyq Rýhy.</a>Ойынға қатысқан қонақтардың бірі банк картасында 25 млн теңге бар екенін айтты. Ал бухгалер болып істейтін мейман банк картасында 103 млн теңге жатқанын көрсетіп, бас сыйлықты ұтып алады. Тамаданың әлеуметтік желідегі локациясына қарасақ, той Қызылорда қаласында өтуі мүмкін.Дегенмен, видеоға пікір жазған адамдар бұл бухгалтерді шұғыл түрде Антикор тексеру керек деген пікірде қалған.<blockquote>«Бухгалтерді антикор тексеруі керек. Картасында 103 млн теңге бар, бірақ тойға он мың беретін шығар. Жұмысшылардың жалақысын картасына салып алған болар. Ары таза болған соң, көрсетіп отыр ғой. Бір мекеме жұмысшыларының айлығы шығар, депозитке айналдыру үшін салып қойған шығар», – деп жазған олар.</blockquote>Фото: Azattyq Ruhy / Әсет Құндақбаев

«Картамда 103 млн теңге жатыр»: Тойға келген есепші қомақты ақшасын көрсетіп, бас жүлде алды 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің 26 студенті Қазақстан Республикасы Президентінің стипендиясына ие болды. Президенттік стипендия биылғы қыркүйек айынан бастап оқу үлгерімі «өте жақсы» және университеттің қоғамдық жұмыстарында белсенділігімен ерекшеленген білім алушыларға тағайындалды.&nbsp;&nbsp;Білімді әрі белсенді жастарға қашанда жүйелі қолдау бар. Президенттік стипендия иегерлерінің бірі – «Қазақ тілі мен әдебиеті» мамандығының 4-курс студенті, «Жауқазын» студенттік театрының төрағасы Ақниет Мәулен.<blockquote>“Оқу орнына алғаш қабылданғанда Президенттік стипендия иегерлерімен танысудың сәті түсті. Сол кезде «мен де осындай үздік студент боламын» деген мақсат пайда болды. Бұл маған ғылыми және қоғамдық жұмыстарға көбірек уақыт бөлуге, түрлі олимпиадаларға қатысуға мүмкіндік береді. &nbsp;Ең бастысы жоғары білікті маман болуға ынталандырады. Қазір 81 мың теңгеден астам шәкіртақы аламын”,– деді Ақниет Қайратқызы.&nbsp;</blockquote>Стипендия күндізгі оқу нысаны бойынша оқитын студенттерге 3-курстан бастап мемлекеттік білім беру тапсырысы бойынша және ақылы негізде тек «өте жақсы» (А, А-) оқитын студенттерге беріледі. Дарынды жастарды шабыттандыруға арналған үлкен қолдау.<img src="https://knadmin.beoblood.kz/uploads/Korkyt_6346053754.jpg" alt="Коркыт.jpg">

Биыл 26 студентке ҚР Президентінің  стипендиясы тағайындалды

<a href="https://kyzylorda-news.kz/">Kyzylorda-news.kz</a> Орта салмақта WBO және IBF тұжырымдары бойынша әлем чемпионы Жәнібек Әлімханұлы (15-0, 10 КО) бүгін жаңазеландиялық Андрей Михайловичтен басым түсті. Қазақстандық былғары қолғап шебері қарсыласымен тартысты жекпе-жек өткізді деп хабарлады <a href="https://kaz.inform.kz/news/zhanbek-almhanuli-austriyalik-andrey-mihaylovichten-basim-tust-ee9571/">KAZINFORM</a>12 раундқа жоспарланған кездесуде отандасымыз айқын басымдылық танытты. Бірінші раундта Андрей Михайловичті нокдаунға түсірді. Ал, тоғызыншы раундта төреші жекпе-жекті тоқтатты. Осылайша Жәнібек қарсыласын Сиднейде сан соқтырып, чемпиондық белбеуін сақтап қалды.&nbsp;Айта кетсек, бұл жекпе-жек шілде айында өтуі тиіс болатын. Ол уақытта Жәнібек Әлімханұлы ауруханаға түсті. Бұл жөнінде боксшы кейіннен твиттер парақшасында былай деп жазды:<blockquote>«Қолдауларыңызға рақмет! Менде қазір барлығы дұрыс. Бірнеше апта салып араға қайта қосыламын. Бастысы мен орта салмақта өнер көрсете беремін. Менің бұл жақта бітпеген шаруаларым бар», - деп жазды Әлімханұлы.</blockquote>Бүгінгі бокс кеші Аустралияның Сидней қаласындағы The Star аренасында өтті. 25 жастағы Андрей Михайлович кәсіпқой рингте 21 жекпе-жек өткізіп, бірде-бір рет жеңілмеген. 13 кездесуін нокаутпен аяқтаған 21-0, 13 KO. Қазірде Халықаралық бокс федерациясы (IBF) рейтингінде 3 орында тұр.Фото: No Limit Boxing

Жәнібек Әлімханұлы Сиднейдегі бокс кешінде Андрей Михайловичті нокаутпен жеңді

<a href="https://kyzylorda-news.kz/">Kyzylorda-news.kz</a>&nbsp; Бейбіт атомды қауіпсіз және сенімді пайдалануды қамтамасыз етейік –Қазақстан атомшылары қазақстандықтарға жүгінді.Қазақстанның атом саласының қызметкерлері ел тұрғындарына жүгінді. Бейне атом өнеркәсібін дамыту қауымдастығының (AIDA) ресми сайтында және әлеуметтік желілерінде жарияланды.Еліміздің әртүрлі кәсіпорындарында жұмыс істейтін атом саласының қызметкерлері өзінің бейне жолдауында қайта құру жылдарындағы қиындықтарға қарамастан, Қазақстан өзінің атом саласын сақтап, оның болашақ ұрпақ үшін дамуын қамтамасыз ете алғанын атап өтті. Бүгінгі таңда қазақстандық атомшылар елде де, одан тыс жерлерде де жұмыс істейтін жоғары білікті мамандар болып табылады.Атом энергетикасын дамыту бойынша алдағы референдумға байланысты атом жұмысшылары өз кәсібіне қатысты қате, алдамшы және кейде жәбірлейтін мәлімдемелерге тап болғанын атап өтті. Олар мұндай пікірлердің әділетсіз екенін және нақты жағдайды көрсетпейтінін атап көрсетеді.«Біз Қазақстан халқына бейбіт атомды қауіпсіз және сенімді пайдалануды, энергетикалық тәуелсіздікті және экономикамыздың жаңа деңгейге көтерілуін қамтамасыз ететінімізді жауапкершілікпен мәлімдейміз. Біз еліміздің жаңа салалардағы көшбасшылығы үшін жағдай жасаймыз және Қазақстанның жарқын болашағына лайықты үлес қосамыз», — хатта делінген.Атом саласының қызметкерлері барлық азаматтарды өз қызметін қолдауға және Қазақстанның экономикалық және технологиялық серпілісінің кепілі ретінде атом энергетикасының маңыздылығын атап өтуге шақырады. Манифест атомшылардың ел халқы алдындағы миссиясы мен тарихи борышын, сондай-ақ олардың Қазақстанның өркендеуіне өз үлесін қосуға деген ұмтылысын&nbsp;көрсетеді.<figure class="media"><div data-oembed-url="https://youtu.be/9ZfmT8oA4gM"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/9ZfmT8oA4gM" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: akparatinfo

Бейбіт атомды қауіпсіз және сенімді пайдалануды қамтамасыз етейік –Қазақстан атомшылары қазақстандықтарға жүгінді

<a href="https://kyzylorda-news.kz/">Kyzylorda-news.kz</a> 6 қазанда өтетін республикалық референдумда тұрғылықты тіркеуі жоқ Қазақстан азаматтары сайлау учаскесінің мекенжайы бойынша тіркеле алады. Аталған қызметті ХҚКО мамандары көрсетеді.&nbsp;Еліміз бойынша бұл күні 10 мыңнан астам сайлау учаскесі жұмыс істейді. Оның ішінде 196 дауыс беру учаскесіне халыққа қызмет көрсету орталығының мамандары жұмылдырылады. Олар тіркеуі жоқ азаматтарды сайлау учаскесінің орналасқан жері бойынша уақытша тіркеуге тұрғызады. Мұндай шешім қазақстандықтардың өзінің дауыс беру құқығын пайдалана алу үшін қабылданды.&nbsp;Айта кету керек, референдум күні ХҚКО қызметкерлері сайлау учаскесінде сағат 7:00-ден бастап 20:00-ге дейін азаматтарды бір күнге мекенжай бойынша уақытша тіркейтін болады. Егер тұрғылықты жері бойынша тіркеуі жоқ азамат дауыс беру үшін мектеп, колледж немесе ауруханаға жүгінсе, оны сол мекемеде тіркейді. Ескеретін маңызды жайт, 7 қазан күні азамат автоматты түрде тіркелген жерінен шығарылады, сәйкесінше дауыс беруші өз тұрғылықты мекенжайы бойынша қайта тіркелу керек.Сондай-ақ, мекенжай тіркеуі бар азаматтар референдум күні ХҚКО арқылы басқа мекенжайға тіркеле алмайтынын атап өткен жөн. Өйткені дауысты тек тұрғылықты мекенжай бойынша ғана беруге болады.ХҚКО мамандары жұмыс істейтін сайлау учаскелерінің мекенжайларымен&nbsp;<a href="https://docs.google.com/spreadsheets/d/16a5aa1nUSP-dr0rEtj91rX4Br-oMMOS7/edit?usp=sharing&amp;ouid=111854233141836180071&amp;rtpof=true&amp;sd=true">сілтемесіне</a> өтіп, таныса аласыз.&nbsp;Еске сала кетейік, Қазақстанда АЭС салу мәселесі бойынша референдум 6 қазан күні өтеді.

Қазақстандықтар референдум күні уақытша мекенжай тіркеуін жасай алады 

<a href="https://kyzylorda-news.kz/">Kyzylorda-news.kz</a> Бүгінде автомектеп кез келген қалада, тіпті ауданда бар. Кәсіппен айналысқысы келетіндер осы кәсіп түріне қызығушылық танытуда. Оған басты себеп – көлік айдағысы келетін жастар, оның ішінде қыз-келіншектер қатарының артуы. Бұрын көлік тізгін деген нәзік жанды арасында ғана көзіміз шалса, қазір едәуір көбейген.Тіпті көлік айдаған 5 адамның &nbsp;екеуі қыз-келіншектер десек, қателесе қоймаспыз. Автомектепте оқығанның пайдасы көп. &nbsp;Адамдар автомектепке жазылып, алдымен теориялық білімін жетілдіріп, кейін практикалық тәжірибеден өтеді. "Азамат" автомектебі білім беріп қана қоймай, заңды, ережені, көлікте өзіңді еркін сезініп, басқарып кетуді үйретеді. 10 жыл бұрын ашылған автомектепке бүгінде сұраныс артқан. Бұл мектептің өзгелерден ерекшелігі – қыз инструкторларда бар. Бұл өз кезегінде нәзік жандар үшін қолайлы болып отыр. Бүгінде қыз-келіншектер көлік айдап үйрену үшін Гүлзира мен Назираның қызметіне жүгініп, қызығушылық танытады.<blockquote>&nbsp; &nbsp;"Біздің автомектептің ашылғанына 10 жыл. Осы уақыт ішінде мамандардан білім алып, жүргізуші куәлігіне қол жеткізгендер көп. Тағы бір айта кетерлігі, біздің ерекшелік – қыз бала көлік айдауды үйретеді. Облыс бойынша біздің автомектеп қана мұндай қызмет ұсынады. Жігіттердің мысы бәрібір басым болады дейді. Біз білім алушының пікірімен кеңесіп, қарсылық танытпаймыз. Сондай-ақ онлайн және оффлайн қызмет көрсетеміз. Қашықтан білім алып жатқандар жобамен 30 пайызды құрайды. Біз оларға телефон арқылы ережені үйретеміз. Үйге тапсырмалар беріп, ережені толық біліп шығуын қадағалаймыз", – дейді "Азамат" автомектебінің директоры Гүлзира Пайызрахманова.</blockquote>&nbsp; "Бабас" бизнес орталығында &nbsp;орналасқан автомектепте 14 адам жұмыс істейді. Онда барлық санаттар бойынша оқытады. 2014 жылдан бері 20 мыңнан аса адамға білім берген. Көлік әкімшілік полицияның рұқсатымен белгіленіп, сызылған жол бойында жүреді.<blockquote>&nbsp; – Көлік айдауды, ережені үйрету бөлек. Көлікке өзі отырып, тізгіндеу бір бөлек. Көбіне адамда қорқыныш болады. Бастысы, сол қорқынышты жеңіп, мақсатына қарай ұмтылу. Біздегі мамандардың 12 жылдық тәжірбиесі бар. Мамандар 5 жыл сайын оқып, білімдерін жетілдіреді. Оларды кәсіби мамандар деп толық айтуға негіз бар. Бүгінге дейін ешкімнен шағым түскен жоқ. Көңілдерінен шығып, ризашылықтарын білдіріп келеді. Бір айта кетерлігі, бүгінде ер адамдар арасында "нәзікжандар көлік тізгіндей алмайды" деген түсінік қалыптасқан. Бірақ, бұл – қате пікір. Әйелдер көлікті сауатты жүргізеді. Заңдылықтарын сақтап, жылдамдықты асырмай, белгілерге назар аударатын да әйелдер", – &nbsp;дейді Гүлзира инструктор.</blockquote><img src="https://knadmin.beoblood.kz/uploads/647bf83a_d92f_471f_91d2_f7e381a9afbb_d937475e3a.jpg" alt="647bf83a-d92f-471f-91d2-f7e381a9afbb.jpg">14 адамды жұмыспен қамтып отырған кәсіпкер айналасына мықты мамандарды тартқан. Олардың қызмет көрсету сапасы, өзіңдік әдіс-тәсілі бар. "Көлікті айдауды қыз үйрете ме?" деп қоңырау шалып сұрайтындар көп. Бірі күйеуінің қызғанғанын алға тарса, енді бірі жігіттердің ашуланғанда дөрекілік танытатынын айтады. Бірақ Нұржігіт, Азамат есімді инструкторлар өз ісінің маманы, әр сөзді жаймен байыппен, оң-солын айтып отырады екен.<img src="https://knadmin.beoblood.kz/uploads/690e4e35_4549_44cd_bd1b_c085b4675bb6_c793d4287f.jpg" alt="690e4e35-4549-44cd-bd1b-c085b4675bb6.jpg"><blockquote>"Көбі инструктор ретінде қыз баласын іздейді. Жігіттер тез ашуланғыш келеді дейді. Ал маған өз жұмысым ұнайды. Көлік үйрететін адам сабырлы, әр шәкіртіне өзінше бөлек тәсіл қолдана білетін ізденімпаз болуы керек деп ойлаймын. &nbsp;Әйелдерің басым &nbsp;бөлігі көлік жүргізер алдында автомектепті оқып алады. Әбден оқып, бой үйретіп, ережелермен танысқан соң ғана рөлге отырады. "Әйелдер жол ережесін жиі бұзады" деген пікірмен келіспеймін. Өйткені біз көлік жүргізгенде кітап бойынша жүреміз. Жол ережесін бұзбаймыз»,&nbsp;–&nbsp;дейді Назира&nbsp;инструктор.</blockquote><img src="https://knadmin.beoblood.kz/uploads/a42c5d92_0067_41f1_b038_5f8363e634cd_6dea51e0f1.jpg" alt="a42c5d92-0067-41f1-b038-5f8363e634cd.jpg">Мөлдір САБЫРЖАНФото: radk61.ru

Машина айдауды қыздан үйренген дұрыс

<a href="https://kyzylorda-news.kz/">Kyzylorda-news.kz</a> &nbsp; Биыл Қызылорда облысының мәдениеті елеулі жаңалықтарға толы болды. Соның ішіндегі ең ерекше әрі маңыздысы – “Түгіскен көсемі” мен “Жетіасар ақсүйек әйелі” реконструкциялары. Бұл екі бірегей тарихи тұлға біздің бай мәдени мұрамызды тереңірек тануға жол ашып, ежелгі дәуірдің құпияларын қайта жаңғыртқандай. Өңірлік коммуникациялар қызметінің ұйымдастыруымен облыстық тарихи-өлкетану музейінде көшпелі брифинг өтті.– Бұл Сыр тарихында ең алғаш жасалынып жатқан құнды дүние, асыл қазыналарымыз. “Түгіскен көсемі” мен “Жетіасар ақсүйек әйелі” реконструкциялары біздің терең тамырымыз бен ата-бабаларымыздың өмірін қайта жаңғыртуға мүмкіндік береді. “Түгіскен көсемі” реконструкциясы Сырдың төменгі ағысында орналасқан тарихи маңызы бар археологиялық кешендердің бірі. Ол Оңтүстік Түгіскен ескерткішіне ХХ ғасырдың 60 жылдары Хорезм археологиялық-этнографиялық экспедициясының нәтижесінде табылған. Ал, “Жетіасар ақсүйек әйелі” реконструкциясы &nbsp;қоғамдағы әйелдердің мәртебесі мен сол кездегі мәдениеттің биік деңгейін айшықтайтын көрнекті бейне. ХХ ғасырдың ІІ жартысында Қызылорда облысында орналасқан Жетіасар мәдениетіне Хорезм археологиялық-этнографиялық экспедициясы жүргізген қазба барысында табылған, –деді облыстық тарихи-өлкетану музейінің директоры Сапар Көзейбаев.“Түгіскен көсемі” мен “Жетіасар ақсүйек әйелін” қайта жаңғыртқан Ринат Кутдусов пен Әзілхан Тәжекеевтер жұмыс барасында қолданылған ғылыми деректері мен әдістері туралы сөз қозғады.– &nbsp;Жетіасар мәдениетінің қазба барысында табылған әйел адамның жәдігерлеріне байланысты антропологиялық материалдарына сүйене отырып қайта қалпына келтіру жұмыстарын жасадық. Оның басты ерекшелігі - ондағы киімдердің барлығы қазба барысында табылған жәдігерлердің негізінде жасалған. Олардың костюмінің үлгісі, оны тігу әдісі бүгінгі заманға дейін де сәнін жоғалтпаған. Қазба барысында екі алқадан бөлек, әйел адамның жеке сөмкесінен гигиеналық заттары да табылды. Бұл шамамен біздің заманымыздың II-IV ғасырларымен мерзімделген 27-30 жас аралығындағы әйел адамы,- деді Ә.Х. Марғұлан атындағы Археология институтының Астана қаласындағы филиалының директоы, тарих ғылымдарының кандидаты Әзілхан Тәжекеев.<img src="https://knadmin.beoblood.kz/uploads/461851861_2108124702916364_7027529195743825443_n_a3190c4aed.jpg" alt="461851861_2108124702916364_7027529195743825443_n.jpg"><img src="https://knadmin.beoblood.kz/uploads/461989266_2108124709583030_6132038129028117547_n_ddacd0a942.jpg" alt="461989266_2108124709583030_6132038129028117547_n.jpg">Фото: &nbsp;Өңірлік коммуникациялар қызметі

Тұранның алтын жауһарлары

<a href="https://kyzylorda-news.kz/">Kyzylorda-news.kz</a> «Bilim-orkenieti» ұлттық инновациялық ғылыми-зерттеу орталығы және «Жаңа Қазақстан» Республикалық инновациялық орталығының ұйымдастыруымен өтетін «ҚАЗАҚСТАН РЕСПУБЛИКАСЫНЫҢ ҚҰРМЕТТІ ҚАЙРАТКЕРІ» атты республикалық байқауына барлық сала өкілдерін қатысуға шақырамыз!Іс-шараның мақсаты: Мемлекет басшысы Қасым-Жомарт Кемелұлы Тоқаевтың «Адал адам – Адал еңбек – Адал табыс» атты бағдарламалық мақаласын кеңінен насихаттау. Әділетті Қазақстанды құру үшін, әр азамат өзінен бастауды қажеттігін, тәуелсіздіктің баянды болуы үшін ұлттық бірегейлік пен бірліктің маңыздылығын қоғамға дәріптеу. Тәуелсіздік жылдары өз мамандығының хас шебері атанып, еліміздің дамуына үлес қосып жүрген азаматтарды қоғамда кеңінен насихаттау, жастарға үлгі ету.Республикалық байқау қатысушылары: Қазақстан Республикасының еңбек нарығында кемінде 10 жыл еңбек өтілі бар, ұжымында белсенді, абыройлы, өзінің парасаттылығымен жас буынға үлгі өнеге көрсетіп жүрген тұлғалар.Байқаудың шарттары: Байқау екі кезеңнен тұрады. Бірінші кезең бойынша қатысушы өзі жайлы жазылған 2 беттен артық емес өмірбаянын (14 кегл, Times New Roman) және өтініш кестесін толтырып, бірге жіберу қажет. Сондай- ақ өмірбаяндағы жеткен жетістіктерін растайтын құжат көшірмелері (мыс.: алынған алғыс хат, сертификат, куәлік және т.б.) қоса тіркелуі тиіс. Құжаттар astana-20n@mail.ru электронды почтасына 2024 жылдың қазан айының 20-на дейін қабылданады.Байқау қатысушыларына табысталады:• «ҚАЗАҚСТАН РЕСПУБЛИКАСЫНЫҢ ҚҰРМЕТТІ ҚАЙРАТКЕРІ» төсбелгісі;• «ҚАЗАҚСТАН РЕСПУБЛИКАСЫНЫҢ ҚҰРМЕТТІ ҚАЙРАТКЕРІ» статуэткасы;•Куəлік;•Құрмет грамотасы;•Қатысушыға қолдау көрсеткені үшін мекеме басшысының атына Алғыс хат табысталады.Байқаудың марапаттау рəсімі Астана қаласында конференция түрінде өтеді. Қорытынды конференция бағдарламасы іріктеліп алынған қатысушыларға жіберіледі. Қорытынды конференция барысында елімізге белгілі тұлғалардың қолынан төсбелгі және тағы басқа марапаттар табыс етіледі.Ұйымдастыру алқасының сайты:&nbsp;https://bilim-ork.kz/Электронды почта: astana-20n@mail.ruИнстаграм парақшасы: @bilim_orkenietyҰйымдастыру алқасы: +7 778 629 80 35, +7 747 702 52 62, 8778-742-74-40, +7 778 742 74 40

Қазақстан және Қызылорда облысының жаңалықтары