<a href="https://kyzylorda-news.kz/">Kyzylorda-news.kz</a> Түркия төрт күндік жұмыс аптасына көшеді. Осылайша ел тұрғындары 3 күн қатарынан демалу мүмкіндігіне ие болады, – деп хабарлайды&nbsp;<a href="https://aikyn.kz/">Aikyn.kz</a>&nbsp;Мамандар жаңа жүйе наурыз-сәуір айларында басталатынын мәлімдеді. Ол үшін азамтаттар жұмыс берушімен келісе отырып, күніне он сағат жұмыс істеу кестесіне көшеді. Осылайша аптасына 40 сағат жұмыс істейді.Бұл жеңілдікті ең алдымен кішкентай балалары бар әйелдер, университетте оқып жүріп жұмыс істейтін жастар және мүгедектегі бар адамдар пайдалана алады.Жаңа жүйенің ерекшелігі бір жұмыста аптасына 4 күн істейтін адам мен 5 күн істейтін адамның жалақылары бірдей болады.Мамандардың пікірінше, бұл жүйе адамдардың жұмысқа ынтасын арттырып, отбасымен көбірек уақыт өткізуге мүмкіндік береді.Фото: Нұрболат Нұржаубай

Түркия төрт күндік жұмыс аптасына көшеді

<a href="https://kyzylorda-news.kz/">Kyzylorda-news.kz</a>&nbsp;&nbsp; Әлемге танымал қазақстандық әнші Димаш Құдайберген өзінің әлеуметтік желідегі парақшасында жаңа туындысының жарық көретін уақытын жазды, деп хабарлайды&nbsp;<a href="https://egemen.kz/">Egemen.kz</a>.&nbsp;&nbsp;<blockquote>«Қымбаттыларым! Алдағы уақытта жаңа әннің тұсаукесері болатынын қуана хабарлаймын. 7 наурызда біз әлемге әйгілі композитор және продюсер Вальтер Афанасьев бастаған халықаралық ән жазушылар тобы дайындаған әнді шығарамыз. Ән «Love’s Not Over Yet» деп аталады. Сіздерге ұнайды деп үміттенемін!», деп жазды Димаш&nbsp;<a href="https://www.instagram.com/kudaibergenov.dimash/?utm_source=ig_embed&amp;ig_rid=8beedd56-b0b7-4498-aa2c-28ef41f5310c">Instagram&nbsp;</a>парақшасында.</blockquote>Фото: Инстаграм парақшасынан

Димаш Құдайберген қуанышты жаңалығын хабарлады

<a href="https://kyzylorda-news.kz/">Kyzylorda-news.kz</a>&nbsp; Алматыдағы Кардиология және ішкі аурулар ғылыми-зерттеу институтында донорлық жүрек трансплантациясы сәтті өтті. 6 сағатқа созылған күрделі операция белгілі кардиохирург Юрий Пяның жетекшілігімен жасалды, деп хабарлайды <a href="https://kaz.inform.kz/news/almati-oblisinda-kaytis-bolgan-donor-4-adamnin-omrn-saktap-kaldi-610e65/">Қазақпарат</a> ақпараттық агенттігіне сілтеме жасап.&nbsp;Дәрігерлердің айтуынша, донордың жүрегін салған 43 жастағы пациенттің жағдайы қазір тұрақты. Науқас бір жарым жылдан бері жүрек жетіспеушілігі диагнозымен есепте тұрды. Энергетикалық сусындарды шамадан тыс тұтынудың кесірінен жағдайы нашарлаған пациент, тіпті дәрі-дәрмек қабылдай алмайтын хәлге түскен.&nbsp;<blockquote>– Мені осы халге түсірген энергетикалық сусын. Оны көп ішетінмін.&nbsp;1,5 жыл бойы соның салдарын тарттым. Жастарға айтатыным: қара су ішсеңдер де энергетик ішпеңдер. Күніyе 3-4 бөтелке ішетінмін. Маған екінші өмір сыйлаған донордың туыстары мен дәрігерлерге алғыс айтамын, – дейді Дәурен Атамбеков.</blockquote>Дәрігерлердің айтуынша, науқас ауруханада тағы бір апта жатқан соң оңалту бөліміне ауыстырылады.<blockquote>– Жүректі трансплантациялау-күрделі операциялардың бірі, алайда біздің алған тәжірибеміз, дағдыларымыз, клиникамыздың техникалық жарақтандырылуы оларды жоғары деңгейде орындауға мүмкіндік береді, – деді Институттың кардиохирургия бөлімшесінің меңгерушісі Рүстем Төлеутаев.</blockquote>Бұл – жүрек трансплантациясы бойынша Алматыдағы екінші сәтті операция. Институт дәрігерлері 2023 жылы 19 жастағы жігітке донор жүрегін салған еді.&nbsp;Айта кету керек, донордан екі бүйрек, өкпе, сонымен қатар көз қабығы алынды. Бүйрек Жетісу облысының тұрғыны 17 жастағы науқасқа А. Сызғанов атындағы ұлттық хирургия ғылыми орталығында және астаналық 18 жастағы пациентке University Medical Center-де трансплантацияланды. Өкпе UMC-те қостанайлық 43 жастағы пациентке, көз қабығы кератопластикасы екі реципиентке трансплантацияланды.&nbsp;Қазір Қазақстанда жүрек трансплантациясын күту парағында 140 ересек адам және 5 бала тұр.&nbsp;Фото: Нұрболат Нұржаубай&nbsp;

Алматы облысында қайтыс болған донор 4 адамның өмірін сақтап қалды

<a href="https://kyzylorda-news.kz/">Kyzylorda-news.kz</a>&nbsp; Биыл «AMANAT» партиясының «Үздік бастауыш партия ұйымы» байқауы Президент жариялаған «Жұмысшы мамандықтар жылы» аясында ұйымдастырылып отыр. Ол аудандық, облыстық және республикалық 3 кезеңнен тұрады. Партияның облыстық филиалында байқаудың аймақтық кезеңі қорытындыланып, үздіктері марапатталды.«AMANAT» партиясының Қызылорда облысында 206 бастауыш ұйымына топтасқан 47 мыңға жуық мүшесі бар. 206 бастауыш ұйымның 44-і 100-ге дейінгі, 151-і 100-500-ге және 11-і 500-ден жоғары партия мүшелері бар ірі бастауыш ұйымдар.<blockquote>«Үздік бастауыш ұйым» байқауы 23-24 қаңтар аралығында филиалға қарасты барлық қала, аудандарда ұйымдастырылған болатын. Аймақтық кезеңде сол аудандық деңгейлерде әрбір санат бойынша үздік деп танылған бастауыш ұйымдар жұмысын бағаладық. Бағалау 5 бағытта жүргізілді. Яғни, партиялық жобаларды іске асыруға қатысу, партияішілік жұмыс, партиялық жұмыста креативті әдістерді пайдалану, БПҰ қызметін бұқаралық ақпарат құралдарында жариялау, жастармен жұмысы. Негізгі мақсат партиялық құрылымның жұмыс тиімділігін арттыру, бастауыш партия ұйымдарының рөлі мен белсенділігін күшейту, олардың ынтасын және партияның қызметіне қатысу деңгейін арттыру»,- деді партияның облыстық филиалының төрағасы Алмасбек Есмаханов.</blockquote>Атап өту керек, облыстық кезеде 100-ге дейінгі партия мүшесі бар 6 бастауыш ұйым, 100-ден 500-ге дейін мүшесі бар 9 және 500-ден жоғары партия мүшелері бар 5 жалпы 20 бастауыш ұйым бақ сынады.Қатысушылардың барлығы өз жұмыстарын жоғары деңгейде көрсетті. Комиссия шешімімен әр санат бойынша аймақтық кезеңде үздік деп танылғандарға партияның облыстық филиалының төрағасы Алмасбек Есмаханов арнайы дипломдар мен бағалы сыйлықтарды табыстады.Байқау қорытындысы бойынша І санат бойынша 1 орынды партияның Сырдария аудандық филиалына қарасты «Жастар», 2 орынды партияның Шиелі аудандық филиалына қарасты «Мейірім» және 3 орынды партияның Қазалы аудандық филиалы жанындағы «Кәукей» бастауыш ұйымы жеңіп алса, ІІ санат бойынша 1 орын партияның Жалағаш аудандық филиалына қарасты «Аққұм», 2 орын Шиеліден «Атамекен», 3 орын Байқоңыр филиалы жанындағы «Космос» бастауыш ұйымы иеленді. Сонымен қатар, ІІІ санат бойынша 1 орынды партияның қалалық филиалына қарасты «Тұран», 2 орын Қармақшы ауданындағы «Қараөзек» және 3 орынды партияның Жалағаш аудандық филиалы жанындағы «Дарын» бастауыш ұйымдары жеңіп алды.Алдағы уақытта әр санат бойынша жеңімпаз деп танылған 3 бастауыш ұйым, республикалық деңгейде аймақ намысын қорғайтын болады.&nbsp;<img src="https://knadmin.beoblood.kz/uploads/zdik_bastauysh_partiya_jymy_baj_auyny_ajma_ty_keze_i_m_resine_zhetti_2_6685e3095c.jpg" alt="«Үздік бастауыш партия ұйымы» байқауының аймақтық кезеңі мәресіне жетті 2.jpg"><img src="https://knadmin.beoblood.kz/uploads/zdik_bastauysh_partiya_jymy_baj_auyny_ajma_ty_keze_i_m_resine_zhetti_460aa2f892.jpg" alt="«Үздік бастауыш партия ұйымы» байқауының аймақтық кезеңі мәресіне жетті.jpg">

«Үздік бастауыш партия ұйымы» байқауының аймақтық кезеңі мәресіне жетті

<a href="https://kyzylorda-news.kz/">Kyzylorda-news.kz</a> Географиялық нұсқама дегеніміз – географиялық объектінің аумағынан шығарылатын, белгілі бір сапасы, репутациясы немесе басқа да сипаттамалары едәуір дәрежеде оның географиялық шығу тегімен байланысты тауарды сәйкестендіретін белгілеме. Белгі тек белгілі бір аумаққа қатысты өнімнің шыққан жерін көрсететін болса ғана географиялық нұсқаманың қызметін атқара алады.Географиялық нұсқама ауылшаруашылық өнімдеріне, тамақ өнімдеріне, шараптар мен спирттік ішімдіктерге, қолөнер мен өнеркәсіп өнімдеріне қолданылады. Бұған дейін географиялық нұсқама статусы Алматының әйгілі апортына берілген болатын.Қызылорда облысының Әділет департаменті облыс әкімдігімен бірлесе Қызылорда облысының аумағында өндірілетін танымал өнімдерді сараптап, оларды «ұлттық брэнд» ретінде тіркеу жұмыстарын жүргізді. Жыл бойы атқарылған шаралар нәтижесінде 9 өнім географиялық нұсқама ретінде тіркеліп, мемлекеттік тізілімге енгізілді. Олардың ішінде Қызылорданың күріші; Қызылорданың тұзы; Жаңақорғанның жүгері сусыны; Жайылманың қарбызы; Қазалының конфеті; Арал теңізінің көксерке сүбесі; Аралдың түйе сүтінен жасалған сабыны; Аралдың жантақ өсімдігі қосылған емдік сабыны; Қазалының сабыны бар. Сондай-ақ, Шиелінің құрты, Шиелінің түйе сүтінен жасалған балмұздағы және Жаңақорғанның бал арасын тіркеуге арыз беріліп, қазірде сараптама жасалуда.Қызылорда облысы - негізгі даму көрсеткіштері бойынша өңірлер арасында үздік үштікте екендігі бәрімізге мәлім. Өңдеу өнеркәсібі мен ауыл шаруашылығы саласының дамуы бойынша &nbsp;да алдыңғы саптан көрініп келеді. Географиялық нұсқама ретінде тіркелу әлеуеті жоғары өнімдердің көбі осы салаларда өндіріледі. Бұл – Қызылорда өңірінің ұлттық брэндтері санын одан әрі ұлғайтуға мүмкіндік мол дегенді білдіреді.Фото: Қызылорда облысының әділет департаменті

Қызылорда ұлттық «бренд» өнімдерін қалыптастыруда

<a href="https://kyzylorda-news.kz/">Kyzylorda-news.kz</a> Футболдан Қазақстан ұлттық құрамасының бас жаттықтырушысы қызметінен босатылған Станислав Черчесовтың қанша ақша алатыны белгілі болды. Бұл туралы <a href="https://stan.kz/kizmetinen-bosatilgan-cherchesovke-futbol-federaciyasi-413210/">Stan.kz</a> ақпарат агенттігі хабарлайды.Черчесовпен бірге оның жаттықтырушы штабы да командадан кетеді.Спорт сарапшыларының мәліметіне сүйенсек, келісімшарт бұзылған жағдайда Қазақстан футбол федерациясы Черчесовқа 1 миллион еуро (539 миллион теңге) төлеуге міндетті. Бұл сома тараптар арасындағы келісімде көрсетілген.Айта кетейік, Черчесов Қазақстан құрамасының бапкері қызметіне 2023 жылдың соңында келді. Құраманы бір жылға жуық жаттықтырған ол 2025 жылдың 27 қаңтарында қызметінен кетті.Фото: Getty Images

Қызметінен босатылған Черчесовке футбол федерациясы 1 млн еуро төлеуге міндетті

<a href="https://kyzylorda-news.kz/">Kyzylorda-news.kz</a> Қазақстанда 1-ақпаннан бастап не өзгереді? Бұл туралы <a href="https://baq.kz/1-aqpannan-bastap-ne-ozgeredi-200006560/">BAQ.KZ</a> тілшісі ақпаннан бастап енгізілетін өзгерістерге шолу жасады.Оқушылар каникулға шығадыОқу-ағарту министрлігінің хабарлауынша, елімізде бірінші сынып оқушылары ақпанда демалысқа шығады.Мектептерде 9 қаңтардан бастап 10 оқу аптасынан тұратын III тоқсан басталды.1-сынып оқушыларына 10-16 ақпан аралығында,яғни қосымша 7 күн демалыс беріледі.Бензин мен дизель экспорттауға тыйымЭнергетика министрлігі Қазақстан Республикасының аумағынан, оның ішінде ЕАЭО-ға мүше мемлекеттерге бензинді, дизель отынын және мұнай өнімдерінің жекелеген түрлерін автомобильмен тасымалдауға тыйым салатын бұйрық шығарды.Бұдан басқа мұнай өнімдерін теміржол көлігімен әкетуге тыйым салынады:2025 жылғы 1 ақпаннан бастап 2025 жылғы 29 наурызға дейінгі кезеңге табиғи зілзалалар, авариялар немесе зілзалалардың зардаптарын жоюға көрсетілетін гуманитарлық көмекті және/немесе көмекті көрсету шеңберінде мұнай өнімдері.Бұйрық 2025 жылдың 29 қаңтарында күшіне енді.Автогаз қымбаттайдыЭнергетика министрлігі «Ашық НҚА» порталында сұйытылған мұнай газының шекті көтерме бағасын түзету туралы бұйрық жобасының жарияланғанын хабарлады. Жобаға сәйкес, 2025 жылғы 1 ақпаннан бастап сұйытылған газдың бағасы шамалы көтеріледі.Бұл түзетулер сұйытылған мұнай газын өндірушілердің шығындарының артуына байланысты қабылданып жатыр. Қазіргі кезде сұйытылған газ өндірісінің өзіндік құны тоннасына 65-75 мың теңге аралығында болса, өндіруші зауыттар үшін шекті көтерме баға тоннасына 45 158 теңге деңгейінде бекітілген. Бұл жағдай өндірушілерге қажетті қаражатты жинақтауға және жыл сайынғы жөндеу жұмыстарын жүргізуге қиындық тудырып отыр.Баға Астана мен Алматыда 84 және 89 теңгеден 102 теңгеге артады. Шымкентте 1 литр автогаз бағасы 70-тен 90 теңгеге өседі. Қалған өңірлерде сұйытылған газ 6-20 теңгеге қымбаттайды.Алматыда су тарифтері өзгередіҚалалық табиғи монополиялары реттеу департаментінің басшысы Әсел Буднееваның айтуынша, 1 ақпаннан бастап судың бір текше метрінің орташа бағасы 135 теңге болады. Ал суды бұру қызметі 83 теңгеге дейін көтеріледі.Бірақ әлеуметтік осал топтар үшін тарифтердің бір бөлігі әкімдік тарапынан өтеледі. Ондай топтарға ардагерлер, мүгедектікті бар азаматтар, көпбалалы отбасылар, зейнеткерлер және тағы басқа адамдар кіреді. Жалпы, өтемақыны 141 мыңнан артық адам алады, - дейді Буднеева.Қазақстандық спортшылар Азия ойындарына қатысадыАқпанның 7-14 аралығында Қытайдың Харбин қаласында IX қысқы Азия ойындары өтеді. Ұлттық құрамадан кімдер жарыс алаңына шығады.Ойындарға еліміздің атынан 137 спортшы қатысады. Хоккейден ерлер мен әйелдер командалары топтық кезеңдерді 3 және 4 ақпанда бастайды.Қазақстан құрамасының 2025 жылғы Қысқы Азия ойындарына қатысатын спортшыларының толық тізімін осы жерден көруге болады.Қазақстан-Ресей шекарасындағы екі бақылау-өткізу бекеті жұмысын тоқтатады1 ақпаннан бастап Ақтөбе облысындағы "Әлімбет" және Батыс Қазақстан облысындағы "Сырым" өткізу бекеттері 16 айға жабылады. Оған себеп – жөндеу жұмыстары. Осыған байланысты Орынбор облысындағы ресейлік байланыстырылған "Орск" және "Мастаково" пункттері жабылады.Шекарадан "Светлый" (тек Ресей мен Қазақстан азаматтары үшін), "Теплое" (тек Ресей мен Қазақстан азаматтары үшін), "Илек" және "Сағарчин" өткізу бекеттері арқылы өтуге болады.Тарифтер тағы қымбаттайдыTele2 11 ақпаннан бастап бағаны көтереді: өзгерістер "Мұрағаттағы 2790 адамға пайдалы", "Мұрағатталған 3590 адамға пайдалы", "Мұрағатталған 4590 адамға пайдалы" және "Мұрағатталған 5590 адамға пайдалы" тарифтеріне әсер етеді. Абоненттік төлем барлық жағдайда 1000 теңгеге өседі, бірақ көрсетілетін қызметтердің көлемі (ГБ және минуттар саны) артады.15 ақпаннан бастап кейбір Beeline абоненттері үшін қызмет құны көтеріледі. Өзгерістер шамамен 30 тарифке әсер етеді: баға 500-1000 теңгеге өседі, бірақ тарифтердің негізгі мазмұны өзгеріссіз қалады. Бонус ретінде кейбір жағдайларда қызметтердің қосымша көлемі пайда болады.Астанада жәрмеңке өтедіАстанада 1-2 ақпанда кезекті қалалық ауыл шаруашылығы жәрмеңкесі өтеді.Жәрмеңкеде Қазақстанның түрлі өңірлерінен – Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері тікелей ұсынылады. Қала тұрғындары мен қонақтары көкөністер мен жемістерді, ет, ұн, сүт өнімдерін, кондитерлік өнімдерді, табиғи шырындарды және т.б. сатып ала алады.Фото: kyzylorda-news.kz

Бірінші ақпаннан бастап не өзгереді?

<a href="https://kyzylorda-news.kz/">Kyzylorda-news.kz</a> AI-стартаптарын қолдау үшін Astana Hub базасында мақсатты көлемі 1 млрд долларды құрайтын Венчурлік инвестициялар қорықұрылды, деп хабарлайды Алматыдағы <a href="https://baq.kz/zhi-din-alemdik-ekonomikaga-qosqan-ulesi-20-trillion-dollarga-zhetedi-olzhas-bektenov-200006692/">BAQ.KZ</a> тілшісі.Digital Almaty 2025 халықаралық форумында премьер-министр Олжас Бектенов жасанды интеллектің маңызды аспектілеріне тоқталып өтті.Премьер-министр Олжас Бектенов форум барысында 2030 жылға қарай жасанды интеллекттің әлемдік экономикаға қосқан үлесі шамамен 20 триллион долларға жететінін мәлімдеді.<blockquote>Орайлы сәтті пайдалана отырып, бүгінгі іс-шараға қатысып жатқан әріптестеріме және үкіметтік делегацияларға алғысымды білдіргім келеді. Жаңа дәуір бізден әп-сәтте өзгеріп жатқан цифрлық әлемге тез бейімделуді талап етеді. Естеріңізде болса, 1980 жылдары компьютерлердің жаппай таралу кезеңі болды, 2000 жылдары смартфондар мен мобильді қосымшалар заманы басталды. Олардың әрқайсысы әлемдік ЖІӨ-ні 7%-дан астам көрсеткішке арттырды. Енді міне, біз жаңа заманда – жасанды интеллект дәуірінде өмір сүріп, ілгері дамып жатырмыз. Ақпараттық технологиялар саласындағы IDC жетекші талдау компаниясының (International Data Corporation) зерттеулеріне сәйкес, 2030 жылға қарай жасанды интеллекттің әлемдік экономикаға қосқан үлесі шамамен 20 триллион долларға жетеді. Бұл ретте, тек қана AI есебінен ЖІӨ-нің жыл сайынғы өсімін 2-3%-ға қамтамасыз етуге болады. Елдеріміздің экономикасын дамыту үшін осы мүмкіндікті пайдалану керек, - деді Олжас Бектенов</blockquote>Үкімет басшысы өз сөзінде Аlem.ai халықаралық жасанды интеллект орталығының маңыздылығына, жасанды интеллектті күнделікті өмірде тиімді қолданудың маңызына тоқталды.<blockquote>Жасанды интеллекттің жаһандық деңгейде кеңінен таралуына үш негізгі аспект ықпал етіп жатыр. Бірінші - ол адами капиталды дамыту. Жасанды интеллекттің жаһандық моделі жедел түрде бәсекелестіктен кооперативтік үлгіге ауысуда. Ол үшін IT-индустрияның әлемдік көшбасшылары ынтымақтаса отырып, өздерінің ғылыми-зерттеу жобаларын бірлесіп жүзеге асырып жатыр. Танымал платформаларда энтузиастар өз әзірлемелерімен ашық түрде бөлісуде. Олар мұны технологиялардың жаппай дамуы үшін жасап жатыр.Біз бұл тәжірибені өзіміздің және бірлесіп жасалатын әзірлемелер үшін де пайдалануымыз керек. Мемлекет басшысы Қасым-Жомарт Тоқаев Аlem.ai халықаралық жасанды интеллект орталығының негізінде құзыреттіліктер экожүйесін құру бастамасын көтерді. Ол биыл ашылатын болады. Бұл бір алаңда шешімдерді бірлесіп әзірлеу үшін жетекші ІТ-компанияларды, зерттеу зертханаларын, стартаптар мен білім беру бағдарламаларын біріктіруге мүмкіндік береді. Біз Аlem.ai орталығының базасында жасанды интеллект саласындағы бірлескен жобаларды іске асыруүшін ЕАЭО елдерінің күш-жігерін біріктіруді ұсынамыз. Сондай-ақ тек ІТ-мамандарды оқытуда ғана емес, жасанды интеллектті күнделікті өмірде тиімді қолдануда кешенді тәсілді қамтамасыз етудің маңызы зор. Сондықтан біз бес жыл ішінде Қазақстанда аталғансалада 1 миллион адамды оқытуға қатысты алдымызға үлкен мақсат қойып отырмыз. Өткен жылы француз педагогы Николя Садиракпен(Ecole42 мектебінің негізін қалаушы) бірлесіп, Қазақстанда Tomorrow School жасанды интеллект мектебі ашылды. Ондағы білім беру бағдарламасы оқытушылардықажет етпейді, жасанды интеллекттің өзі жаңа дағдыларды меңгеруге көмектеседі. Сондай-ақ мектепте оқытудың инновациялық ойын әдістері қолданылады. Біз осындай ерекше тәсіл тәжірибесімен бөлісуге әзірміз, - деді премьер-министр.</blockquote>Олжас Бектенов технологиялық инфрақұрылымды ғана дамытудың тиімсіз екенін атап өтті.<blockquote>Екінші маңызды аспект цифрлық инфрақұрылымды дамыту және технологияларға қолжетімділік болып табылады. Қазір тек технологиялық инфрақұрылымды ғана дамытудың тиімсіз екенін әлемдік озық тәжірибе көрсетіп отыр. Әсіресе, есептеу қуаттарын экспорттау ережелері қатаңдатылып, құны өсіп бара жатқанын ескеретін болсақ, бұл – өте өзекті мәселе. Мысалы, DeepSeek және 01.AI компанияларының қытайлық модельдері LLM үлкен тілдік үлгілерін ең төмен шығындармен дамытуға болатынын дәлелдеді. Бұл мұндай технологияларды әзірлеу қолжетімді екенін көрсетеді. Жергілікті LLM және мультимодальды модельдерге көшу жасанды интеллекттің дамуындағы келесі маңызды қадам болып табылады. Бұл технологиялар біздің мәдени құндылықтарымызды сақтауға, шешімдерді бейімдеуге және деректердің қауіпсіздігін арттыруғамүмкіндік береді. Сондай-ақ, олар жергілікті нарықтардың ерекшеліктері мен азаматтардың мүдделерін барынша нақты ескеруге мүмкіндік береді, – деді ол.</blockquote>Үкімет басшысы өз баяндамасында жасанды интеллект комитетінің жұмысына тоқталып, қоғамға тигізер әсерін атап өтті.<blockquote>Үшінші элемент жасанды интеллекттің дамуына институционалдық негіз құру болып табылады. Біз ол үшін өзімізде жаңа мемлекеттік орган – Жасанды интеллект комитетін құрдық. Ұлттық жасанды интеллект стратегиясын әзірлеуге негіз болған тиісті тұжырымдаманы бекіттік. Инновацияларды дамыту үшін құқықтық негіз құруғабағытталған жасанды интеллект туралы заң жобасынәзірледік. Бұл құжат та жасанды интеллект саласын реттеу мен дамытуды ынталандыру арасындағы тепе-теңдіктіқамтамасыз етуге тиіс. Қазір Президент жанындағы жасанды интеллектті дамыту жөніндегі кеңес құрылып жатыр, оның құрамына жетекші отандық және халықаралық сарапшылар кіреді, олар осы саладағы озық технологиялар мен тәжірибені интеграциялауға ықпал етеді. Перспективалы AI-стартаптарын қолдау үшін Astana Hub базасында мақсатты көлемі 1 млрд долларды құрайтын Венчурлік инвестициялар қорықұрылды, - деді Олжас Бектенов.</blockquote>Премьер-министр елімізде жүзеге асырылып жатқан 150 астам стартаптарға тоқталып өтті.<blockquote>Технологиялық прогресс пен инновациялардың өңірлік орталығы болып табылатын Astana Hub жалпы жылдық кірісі 1 млрд. доллардан астам соманы құрайтын мың жарымнан астам қатысушыны біріктіреді. Олардың арасында жасанды интеллект саласындағы Higgsfield AI, Cerebra, CodiPlay, Arlan Biotech, Alaqan сияқты барлығы 150 стартап бар. Кейбір стартаптардың құны 100 млн долларғажетіп үлгерді. Осы ретте мен жасанды интеллект мәтінненжасап шығарған бейнекөріністі назарларыңызға ұсынғым келеді. Оны біздің отандық Higgsfield AI стартапы әзірледі, - деді Үкімет басшысы.</blockquote>Фото: ҚР Үкіметі

ЖИ-дің әлемдік экономикаға қосқан үлесі 20 триллион долларға жетеді – Олжас Бектенов

<a href="https://kyzylorda-news.kz/">Kyzylorda-news.kz</a> Мүфтияттың айтуынша, әйелдердің мешітке барып жамағатпен намаз оқуының айыбы жоқ. Алайда үйде оқығаны абзалырақ, деп хабарлайды <a href="https://baq.kz/ayeldin-meshitte-namaz-oquy-durys-pa-qmdb-zhauap-berdi-200006709/">BAQ.KZ.</a>Осы орайда ҚМДБ Шариғат және пәтуа бөлімі Алла Елшісінің төмендегі сөзін келтіреді:"Әйелдеріңе мешітке баруға тыйым салмаңдар. Бірақ үйлері олар үшін мешітке барудан да қайырлы.ҚМДБ хабарлауынша, Ханафи мәзһабының ғалымдары фитнаға (бұзақылық) түсіп қалу қаупі болғандықтан, жас әйелдердің мешітке барып жамағатпен намаз оқуын мәкруһ санаған. Бірақ бұл жасы үлкен әйелдерге қатысты емес.<blockquote>Қарт әйелдердің таң және ақшам мен құптан намаздарында мешітке баруына болады. Бұл – имам Әбу Ханифаның көзқарасы. Өйткені ниеті бұзақылар бесін мен екінті намазында қаптап жүреді. Ақшам намазында кешкі асын ішумен әлек, таң намазы мен құптанда ұйқыда болады дейді. Әбу Юсуф пен Мұхаммедтің пікірі бойынша қарт әйелдер барлық парыз намаздарда мешітке бара алады, - делінген ҚМДБ сайтында.</blockquote>Бірақ Шариғат және пәтуа бөлімі мешітте әйелдерге арналған бөлек жер болса және ол жерге барар жолда көпшілікке көрінбейтіндей болса дегенді айтады. Басты мақсат – әйелдің абыройы мен қоғамда түрлі бүліктердің тууына жол бермеу.Фото: Нұрболат Нұржаубай

Әйелдің мешітте намаз оқуы дұрыс па? – ҚМДБ жауап берді

<a href="https://kyzylorda-news.kz/">Kyzylorda-news.kz</a> Елімізде мобильді аударымдар арқылы табыс табатын жеке тұлғаларға қатысты бақылау күшейтілмек. Бұл туралы Қаржы министрлігінің Жеке тұлғалардың табыстарын әкімшілендіру басқармасы басшысының орынбасары Әсемгүл Мұстафина мәлімдеді, деп хабарлайды <a href="https://baq.kz/mobildi-audarymdar-endi-millionnan-assa-gana-tekserilui-mumkin-200006721/">BAQ.KZ</a> тілшісі.Банктер қандай аударымдарды тексереді?2022 жылдан бастап екінші деңгейлі банктер (ЕДБ) кәсіпкерлік қызметтен табыс алу белгілері бар аударымдарды бақылап келеді. Қаржы министрінің 2022 жылғы № 323 бұйрығына сәйкес, егер жеке тұлға қатарынан 3 ай бойы 100 немесе одан да көп әртүрлі адамнан ақша алса, бұл кәсіпкерлік қызметтің белгісі болып саналады.Мұндай жағдай анықталса, банктер бұл ақпаратты мемлекеттік кірістер органдарына тапсыруға міндетті. Яғни, салық органдары бұл адамның кәсібін заңдастырған- заңдастырмағанын тексеруі мүмкін.Жаңа өзгерістер қандай?Қаржы министрлігі Ұлттық Банкпен және банктермен бірлесіп, ережеге қосымша өзгеріс енгізуді қарастырып жатыр. Енді үш ай ішінде мобильді аударымдар арқылы түскен қаражаттың жалпы сомасы 12 ең төменгі жалақыдан (ЕТЖ) асса, бұл да кәсіпкерлік қызметтің белгісі ретінде қарастырылады.2024 жылы ЕТЖ мөлшері 85 000 теңге болғандықтан, 12 ЕТЖ шамамен 1 020 000 теңге.Фото: Нұрболат Нұржаубай

Мобильді аударымдар: енді миллионнан асса ғана тексерілуі мүмкін

<a href="https://kyzylorda-news.kz/">Kyzylorda-news.kz</a> Мұсылмандар үшін қасиетті Рамазан айы 2025 жылдың 1 наурызында басталады. Ал 26-27 наурыз аралығында Қадір түні&nbsp;болады. Ал Құрбан айт 6-8 маусым аралығында өтеді. Бұл туралы <a href="https://stan.kz/biil-ramazan-ayi-men-kyrban-ayt-kashan-bastaladi-413197/">Stan.kz </a>ақпарат агенттігі хабарлайды.2025 жылға арналған діни мерекелердің кестесі жарияланды. Кестемен Қазақстан мұсылмандары діни басқармасының шариғат және пәтуа бөлімі таныстырды.Биыл&nbsp;қасиетті Рамазан айы 1 наурызда басталып, Қадір түні – 26-27 наурыз аралығында болады. 30 наурызда Ораза айт,&nbsp;ал Құрбан айт 6-8 маусым аралығында өтеді.Фото: Нұрболат Нұржаубай

Биыл Рамазан айы мен Құрбан айт қашан басталады

<a href="https://kyzylorda-news.kz/">Kyzylorda-news.kz</a> Мемлекет басшысы Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударған болатын. Ол кітап шығару ісі идеологиялық жұмыстың басты бағыттарының бірі екенін атап өтті. Сондай-ақ, Қасым-Жомарт Тоқаев биылғы Жолдауында «Адал азамат» тұжырымдамасының мән-мағынасына терең тоқталды. Осыған орай, «AMANAT» партиясы Президенттің бастамаларына демеу болып, өз деңгейінде ұлттың зияткерлік дамуына жан-жақты қолдау көрсетіп келеді.Осы орайда, 2023 жылдан бастап еліміздің барлық аймағында «Кітап-AMANAT» жобасымен рухани орталықтар ашылып, бастама аясында біздің аймақта да кітап орталығында белсенді жұмыс жүргізілуде.Аталған орталықта Ұлттық басылым күніне орай баспа саласының өкілдерінің қатысуымен жастармен, оқырмандармен мәдени-рухани, танымдық-ағартушылық бағытында кездесу өтті.Кездесуге «AMANAT» партиясы Қызылорда қалалық филиалының Атқарушы хатшысы Гүлшат Мусаева, «Orda.kz» Баспа үйінің редакторы Арайлым Қайыпназарова және журналист Алдияр Нұрманов қатысты.Басқосу барысында рухани орталықтың қонақтары баспа саласының қыр-сыры мен қызықшылықтары туралы әңгіме өрбітіп, жастармен пікір алмасты.<img src="https://knadmin.beoblood.kz/uploads/Kitap_amanat_ltty_basylym_k_nine_oraj_baspa_salasyny_kilderimen_kezdesu_tti_1_a276d35f6e.jpg" alt="«Кітап-amanat» ұлттық басылым күніне орай баспа саласының өкілдерімен кездесу өтті 1.jpg">

Қазақстан және Қызылорда облысының жаңалықтары