<a href="https://kyzylorda-news.kz/">Kyzylorda-news.kz</a> Қаңтар айында бағалы металдардың құны тағы өсіп жатыр. Бұл туралы <a href="https://kaz.inform.kz/news/kazakstanda-altin-bagasi-kimbattadi-abb230/">kaz.inform.kz </a>хабарлады.Қазақстан Ұлттық банкінің мәліметінше, қазір елде алтынның бір граммы 82 164.45 теңгеге бағаланып отыр. Айта кетейік, 2026 жылдың басында бағалы металдың бір грамы 71 300.21 теңге болған еді.Әлемдік нарықта да алтын бағасы тарихи рекордтарды жаңартып жатыр. 26 қаңтарда троя унциясының құны алғаш рет 5000 доллардан асып, кейін 5200 долларға дейін жетті.Сарапшылар бұл жағдайды АҚШ долларының әлсіреуімен, геосаяси жағдайдың ушығуымен және экономикалық тұрақсыздықпен байланыстырады.Қаңтар айында алтынның әлемдік бағасы 20%-ға, ал бір аптаның ішінде 5%-дан астамға өсті.Фото: China Daily

Қазақстанда алтын бағасы қымбаттады  

<a href="https://kyzylorda-news.kz/">Kyzylorda-news.kz</a>&nbsp; Спорт – адам өміріндегі ең маңызды әрекеттердің бірі. Ол тек денені шынықтырып қана қоймай, мінез-құлықты қалыптастырып, табандылық пен жауапкершілікке үйретеді. Қазіргі қоғамда спортпен айналысу саламатты өмір салтының негізгі белгісіне айналды. Уақыт талабына сай белсенді қозғалыс – денсаулықты сақтаудың ең тиімді жолдарының бірі.Тұрақты түрде жаттығу жасау адамның иммунитетін күшейтіп, жүрек-қан тамырлары жүйесін жақсартады, бұл көптеген аурудың алдын алуға мүмкіндік береді. Сонымен қатар спорт артық салмақтан арылуға, бұлшық етті нығайтуға және жалпы физикалық төзімділікті арттыруға көмектеседі. Дене шыныққан сайын адам өзін сергек, жеңіл әрі қуатты сезінеді, бұл күнделікті өмірдегі белсенділікке тікелей әсер етеді.Спорттың пайдасы тек физикалық денсаулықпен шектелмейді. Ол адамның психологиялық жағдайына да оң ықпал етеді. Жаттығу кезінде ағзада қуаныш гормондары бөлініп, күйзеліс азаяды, көңіл-күй жақсарады, ұйқы реттеледі. Қазіргі таңда жастар арасында жиі кездесетін күйзеліс пен шаршаудың алдын алуда спорттың рөлі ерекше. Белсенді қозғалыс адамды жағымсыз ойлардан арылтып, өзіне деген сенімділікті арттырады.Спорттың түрлері көп. Ал соның ішіне командалық спорт түрлері адамдарды бірлікке, өзара көмекке және тәртіпке баулиды. Мұндай ойындарда әр қатысушы ортақ мақсат үшін еңбек етіп, жауапкершілікті сезінеді. Ал жеке спорт түрі адамның өз-өзіне сенімділігін арттырып, ерік-жігерін шыңдайды. Жеке жетістікке жету жолында адам сабырлы болуды, өз мүмкіндігін дұрыс бағалауды және үнемі өзін жетілдіруді үйренеді.Спорттың тағы бір маңызды қыры – тәрбиелік мәні. Жарыстарға қатысу арқылы адам жеңісті қадірлеуді, ал жеңілісті сабырмен қабылдауды үйренеді. Бұл өмірлік тәжірибе адамның мінезін қалыптастырып, қиындықтарға төтеп беру қабілетін арттырады. Жеңіске жету үшін үздіксіз еңбек ету, тәртіп сақтау, уақытты дұрыс жоспарлау қажет екенін спорт нақты іс жүзінде дәлелдейді.Тағы бір айта кетерлігі спорт жастарды жаман әдеттерден аулақ болып, пайдалы орта қалыптастыруға жетелейді. Спортпен айналысатын адам өз денсаулығына жауапкершілікпен қарап, өмір сапасын жақсартуға ұмтылады. Спорт алаңында табылған достық, өзара қолдау мен ортақ қызығушылық қоғамда оң құндылықтың дамуына ықпал етеді.P.S. Спорт – мықты денсаулықтың, берік рухтың және табысты болашақтың негізі. Ол адамды физикалық тұрғыдан ғана емес, рухани әрі әлеуметтік тұрғыдан да дамытады. Сондықтан әр адам жасына қарамастан спортты күнделікті өмірінің бір бөлігіне айналдыруы тиіс. Себебі спортпен дос болған жан – өз болашағына дұрыс қадам жасаған жан.&nbsp;Аяжан Махамбетәлі,Қорқыт ата атындағы Қызылорда университетінің 4 курс студентіФото: freepik.com

Спорт – денсаулық пен табыстың кепілі

<a href="https://kyzylorda-news.kz/">Kyzylorda-news.kz</a> &nbsp;Бүгінде қолөнер – тек қызығушылық емес, табыс көзіне айналған кәсіп түрі. Осындай істің қыр-сырын меңгеріп, бала күнгі қызығушылығын кәсібіне айналдырған жандардың бірі – Айдана Алмасбекқызы.Ол гипспен жұмыс істеуді ерте жастан үйренген. Алғашында бұл жай ғана уақыт өткізудің бір жолы болған. Уақыт өте келе ол бұл істің үлкен мүмкіндікке айналатынын түсінген. Бүгінде Айдана түрлі безендірілген бұйымдар, тойбастар, қобдишалар, қыз-келіншектерге арналған әшекейлі заттар жасап, халық сұранысына ие.Кәсіпкердің айтуынша, кәсіптің басталуы оңай болмаған. Алғашқы жасаған бұйымдары сапасыз шығып, кейде сынып, кейде дұрыс қатпай қалған. Бірақ ол қателіктен қорықпады. Керісінше, әр кемшілігін тәжірибе ретінде қабылдап, өзін-өзі жетілдіре түсті. Уақыт өте келе өлшем алуды, дұрыс қатынас сақтауды, сапалы өнім шығаруды толық меңгерді. Бүгінде оның жасаған бұйымдары ұқыптылығымен, әдемілігімен және беріктігімен ерекшеленген.Бүгінде Айдананың кәсібі отбасылық іске айналған. Себебі Айдананың қолынан шыққан дүниелерді қайын атасы жинастырып, балалары сырлап, анасы (енесі) қаптап береді. Ал отағасы тапсырыстарды үйді-үйге дейін жеткізеді. Әр дүниені асықпай, жауапкершілікпен жасап, тапсырыс берушінің қалауын ескеруге тырысады. Сол себепті оның өнімдеріне деген сұраныс күннен-күнге артып келеді.Алғашқы ірі тапсырыстың бірі – ұзату тойына арналған 250 дана сандықша (шкатулка) болды. Бұл жұмыс оның шыдамдылығы мен жауапкершілігін шыңдай түсті. Әрбір мүсіншенің сапасын бірдей етіп шығару, уақытында аяқтау үлкен еңбекті талап етті. Осы тапсырысты сәтті орындағаннан кейін Айдананың өзіне деген сенімі артып, тапсырыс саны да көбейе түсті.Сырдариялық кәсіпкер бүгінде өзге аудандардан да тапсырыс қабылдай бастаған. Әлеуметтік желілерге жасаған бұйымдарын жариялап, жұмыс барысын бейнежазба арқылы көрсетіп отырады. Бұл оның еңбегін көпшілікке танытып, жаңа тұтынушылар табуына мүмкіндік беріп отыр.Айдана әр тапсырыс берушінің талғамына мән береді. «Мен жасаған әр дүние тұтынушының көңілінен шығуы керек» дейді ол. Сол себепті ол түсіне, пішініне, ою-өрнегіне дейін алдын ала ақылдасып, асықпай, сапалы етіп дайындауға тырысады. Той иелері, мектеп оқушылары, шағын мерекелік кеш ұйымдастыратын жандар – бәрі де оның тұрақты тұтынушыларына айналған.Айдананың алдағы жоспары да ауқымды. Ол кәсібін кеңейтіп, жаңа өнім түрлерін қосуды, шеберлік сабақтарын өткізуді, болашақта жеке шеберхана ашуды армандайды. Оның айтуынша, кәсіп бастаудағы басты мақсат - тек табыс табу емес, сүйікті ісің арқылы адамдарға қуаныш сыйлау.Айдананың өмір жолы бүгінгі жастарға үлгі. Бала күнгі қарапайым қызығушылықты үздіксіз еңбек, ізденіс пен шыдамдылықтың арқасында табысты кәсіпке айналдыруға болатынын ол өз ісімен дәлелдеп келеді. Расында да, еңбек еткен адам ғана нәтижеге жетеді. Ал өз ісін сүйіп істеген жан үшін кез келген қиындық – жаңа белеске бастайтын баспалдақ қана.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Аяжан&nbsp;Махамбетәлі,Қорқыт ата атындағы Қызылорда университетінің 4 курс студенті

Уақыт талғамайтын кәсіп

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Нағи Ілиясов ауылындағы дәрігерлік амбулаторияның жұмысымен танысты. Медициналық нысанды аралап, медициналық қызмет сапасына және ғимараттың жай-күйіне мән берді.<blockquote>– Мемлекет басшысы Қасым-Жомарт Кемелұлы Тоқаевтың қолдауымен, аймақ басшысы Нұрлыбек Машбекұлы Нәлібаевтың тапсырмасына сәйкес соңғы үш жылда облыста денсаулық сақтау саласына 441 млрд. теңге қаржы бөлініп, «Ауылда денсаулық сақтауды жаңғырту» ұлттық жобасы аясында барлық аудандарда 28 медициналық нысан жаңадан салынды. Соның ішінде, Н.Ілиясов ауылындағы дәрігерлік амбулатория 2023 жылы пайдалануға берілді. Заманауи талаптарға сай келетін нысанда тұрғындарға сапалы медициналық қызмет көрсетілуі тиіс. Сондай-ақ, ғимарат тазалығына мән беріп, ұқыптылықпен, жауапкершілікпен сапалы күйінде сақталуын қамтамасыз етіп, кемшіліктер болмауы қажет, – деді Берік Әбдіғаппарұлы.</blockquote>Бүгінде дәрігерлік амбулаторияда ауыл тұрғындарына 12 медицина қызметкері қызмет көрсетіп, 10 жатын орынмен қамтылған. Медициналық нысан заманауи медициналық құрал-жабдықтармен толық қамтамасыз етілген.Мұнда алғашқы медициналық-санитарлық көмек көрсету, тұрғындарды профилактикалық тексеруден өткізу және жоспарлы ем-шаралар жүргізу жұмыстары жүзеге асырылады.Фото: Сырдария ауданы әкімінің баспасөз қызметі

Нағи Ілиясов ауылындағы дәрігерлік амбулатория жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда облысында Су және білім: Қазақстан Республикасы мен Өзбекстан Республикасы балалар мен жастары арасында су ресурстарын ұқыпты пайдалану және сақтау мәдениетін қалыптастыру (Арал теңізі бассейні) пилоттық жобасы басталды. Жоба ЮНИСЕФ, Францияның даму агенттігі (AFD) ҚР Су ресурстары және ирригация министрлігі, ҚР Оқу-ағарту министрлігі қолдауымен мен Аралды құтқару халықаралық қоры Атқарушы комитетінің (АҚХҚ АК) ынтымақтастығымен жүзеге асырылуда.Жобаның орындаушысы – «Су ресурстарының ақпараттық-талдау орталығы» КЕАҚ.Жобаның мақсаты – су ресурстарының тапшылығы мен климаттық қауіп-қатерлер күшейіп отырған жағдайда су сауаттылығын арттыру және тұрақты мінез-құлық дағдыларын қалыптастыру. Пилоттық алаң ретінде Арал теңізі бассейнінде орналасқан, су тапшылығына аса осал өңірлердің бірі – Қызылорда облысы таңдалды.Пилоттық жоба 10 мектепті және 12 мыңнан астам оқушыны қамтидыЖобаға облыстағы 10 пилоттық мектеп қатысуда. Білім беру және ағартушылық іс-шараларға 12 мыңнан астам оқушы мен 800-ден аса педагог тартылды. Сонымен қатар, 55 мың оқушысы бар 45 магниттік мектеп бастамаға қосылып, тәжірибе мен білім беру форматтарын кеңейтілген мектеп желісіне тарататын болады.«Суды ұтымды пайдалану мәдениетін қалыптастыруды ерте жастан бастау қажет. Білім беру жүйесі арқылы біз ұзақ мерзімді перспективада елдің су қауіпсіздігіне тікелей әсер ететін тұрақты мінез-құлық дағдыларын қалыптастырамыз. Бұл әсіресе су тапшылығы жоғары өңірлер үшін маңызды», – деп атап өтті ҚР Су ресурстары және ирригация министрлігінде.Мектептерде іс-қимыл топтары мен су тұтынуын мониторингтеу жұмыстары басталды.Пилоттық мектептерде жастардың су клубтарының жұмысы басталды. Мектептерде әрекет командалары құрылып, су үнемдеу бойынша жеке жоспарлар әзірленіп, су тұтынуды бақылау, мектеп инфрақұрылымының қазіргі жағдайын талдау жұмыстары басталды. Мұндай практикалық тәсіл судың маңыздылығын түсіндіріп қана қоймай, оқушыларды білімді күнделікті өмірде қолдануға – өлшеуге, талдауға және әдеттерін өзгертуге үйретеді.<img src="https://knadmin.beoblood.kz/uploads/3cc18dd5_2476_4d65_86b5_8ce651f8294c_5e3d5af3c7.jpg" alt="3cc18dd5-2476-4d65-86b5-8ce651f8294c.jpg">Жастар су клубтары, байқаулар және интерактивті әдістемелік материалдар2026 жылғы қаңтардан бастап пилоттық мектептерде жастар су клубтары жұмыс істей бастады. Жоба аясында балалар суреттері мен педагогтарға арналған экологиялық ертегілер байқауларын қоса алғанда, 6 шығармашылық және білім беру конкурсын өткізу жоспарланған. Сонымен бірге, тиімді су пайдалану дағдылары мен экологиялық ойлауды дамытуға бағытталған ойындар, квестер және тапсырмалардан тұратын әдістемелік пакеттер әзірленеді. Жобаға ЮНИСЕФ-тің жас еріктілері де қосылады. Олар 2025 жылы Қазақстан өңірлерінде ашылған ЮНИСЕФ-тің алты жастар хабы базасында климат және қоршаған ортаны қорғау саласындағы бастамаларды іске асырып келеді.<img src="https://knadmin.beoblood.kz/uploads/dcb4ef63_8c98_4dd6_9a67_57a93ff2efd7_b17e646d8f.jpg" alt="dcb4ef63-8c98-4dd6-9a67-57a93ff2efd7.jpg">Келесі кезең: Арал теңізі маңындағы эко-кемп, медиа-форум және Tamshy.kz цифрлық платформасыЖобаның алдағы жоспарында – сәуір айында барлық пилоттық және магниттік мектептердің қатысуымен плоггинг өткізу, балалар мен жасөспірімдерге арналған офлайн медиа-форум ұйымдастыру, сондай-ақ су үнемдеу бойынша мектеп жобаларының байқауын өткізіп, үздік бастамалар авторларын ақшалай сертификаттармен марапаттау көзделген.Пилоттық мектептердің аумағында су үнемдеу технологияларын көрсететін демонстрациялық учаскелер құрылады. Бұл балаларға тамшылатып және ұсақ-диспенсерлі суару жүйелерінің, сенсорлық крандар мен ауызсу субұрқақшалардың тиімділігін бақылауға, сондай-ақ агроволокно қолдану арқылы мектеп ауласында көкөніс, жасыл желек, гүлдер мен бұталар өсіру тәжірибесін жүргізуге мүмкіндік береді.Сонымен қатар, байқау жұмыстарын онлайн бағалау және білім беру материалдарын орналастыру үшін Tamshy.kz цифрлық платформасы іске қосылады. Барлық әдістемелік материалдар мен жоба нәтижелері ашық қолжетімді болады.

Қазақстандық оқушыларға суды үнемдеуді үйретуде

<a href="https://kyzylorda-news.kz/">Kyzylorda-news.kz</a> Қазақстан шахмат федерациясы Қазақстан Республикасы Парламенті Сенатымен бірлесіп жүзеге асырып жатқан «Senat Open» республикалық шахмат турнирі еліміздің барлық өңірлерінде өтуде.Аталмыш шара аясында бүгін Қызылорда облысы Полиция департаментінің қызметкерлері мен мәдениет басқармасының өкілдері өзара бақ сынасып, зияткерлік қабілеттерін көрсетті.Турнирдің ашылу салтанатында Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы және Қызылорда облысы Полиция департаменті Ардагерлер кеңесінің төрағасы Шаймағамбетов Әмірбек Бердібекұлы шараның маңыздылығына тоқталып, қатысушыларға сәттілік тіледі.Биыл турнир жаңартылған форматта өтуде. Жарысқа ардагерлер, мемлекеттік қызметшілер, ұлттық компания қызметкерлері, ғылым мен білім беру саласының өкілдері, БАҚ, мәдениет, медицина және құқық қорғау органдарының қызметкерлері қатысуда. Бұл формат турнирдің ауқымын кеңейтіп, беделін арттыруға мүмкіндік берді.«Senat Open 2026» кубогы кезең-кезеңімен іріктеу жүйесі бойынша өтеді. Өңірлік жарыстардың қорытындысы бойынша әр санаттан үздік қатысушылар келесі кезеңге жолдама алады. Турнир еліміздің барлық 20 өңірін қамтиды.Финалдық кезең дәстүрге сай тамыз айының соңында Астана қаласында өтетін болады. Үшінші рет ұйымдастырылып отырған бұл дода шахматты зияткерлік спорт түрі ретінде кеңінен насихаттауға және өңіраралық спорттық ынтымақтастықты дамытуға бағытталған.Полиция қызметкерлері өздерінің шеберліктерімен және жеңіске деген жігерімен ерекшеленді. Турнир қорытындысы бойынша озық шыққан тәртіп сақшылары марапат төрінен көрінді.Фото: Qyzylorda PD

Қызылордалық полицейлер шахмат жарысына қатысты

<a href="https://kyzylorda-news.kz/">Kyzylorda-news.kz</a> Ақорда Айбек Смадияровтың Президенттің кеңесшісі – Баспасөз хатшысы болып тағайындалғанын <a href="https://kaz.inform.kz/news/aybek-smadiyarov-prezidenttn-kenesshs-baspasoz-hatshisi-boldi-29168d/">хабарлады.</a><blockquote>- Мемлекет басшысының өкімімен Айбек Серікбайұлы Смадияров Қазақстан Республикасы Президентінің кеңесшісі – Президенттің Баспасөз хатшысы болып тағайындалды, ол бұрынғы атқарған лауазымынан босатылды, - делінген ресми дереккөзде.</blockquote>Айбек Смадияров II сыныпты Төтенше және Өкілетті Уәкіл дипломатиялық дәрежеге ие. Қазақ, орыс, ағылшын және түрік тілдерін меңгерген. Ол 1983 жылғы 7 шілдеде Оңтүстік Қазақстан облысында дүниеге келген. 2004 жылы Абылай хан атындағы Қазақ халықаралық қатынастар және әлем тілдері университетін бітірген.Еңбек жолын 2005 жылы «Қазақстандағы Қытай банкі» АҚ Әкімшілік департаментінің маманы ретінде бастаған. 2006 жылдан 2008 жылға дейін ҚР Сыртқы істер министрлігі Консулдық қызмет департаментінің маманы ретінде қызмет атқарды.2008-2010 жылдары ҚР СІМ Еуропа департаментінің атташесі және үшінші хатшысы лауазымдарында жұмыс істеді.2010-2012 жылдар аралығында Қазақстанның Мажарстандағы Елшілігінде үшінші хатшы қызметін атқарды.2012 жылдан 2013 жылға дейін ҚР Президентінің Баспасөз қызметінде сарапшы, ал 2013-2014 жылдары ҚР СІМ Сыртқы саяси сараптау мен болжамдау комитетінің бірінші хатшысы лауазымын атқарды.2014 жылдан 2018 жылға дейін Вьетнамдағы ҚР Елшілігінде екінші және бірінші хатшы қызметінде жұмыс істеді.2018-2019 жылдары ҚР СІМ баспасөз қызметін басқарып, 2019-2023 жылдар аралығында ҚР СІМ Халықаралық ақпарат комитеті төрағасының орынбасары – баспасөз хатшысы лауазымын атқарды.2023 жылғы маусымнан бастап ҚР СІМ Коммуникациялар департаментінің директоры – Ресми өкілі болды.2025 жылы ҚР СІМ Халықаралық ақпарат комитетінің төрағасы — Ресми өкілі.Фото: ҚР СІМ

Айбек Смадияров Президенттің кеңесшісі – Баспасөз хатшысы болды   

<a href="https://kyzylorda-news.kz/">Kyzylorda-news.kz</a> Қорғаныс министрлігі жыл басынан бері Қарулы Күштерде әскери қызметкерлердің қаза табуына байланысты&nbsp;ресми мәлімдеме жасады. Бұл туралы <a href="https://stan.kz/">Stan.kz</a> ақпарат агенттігі хабарлады.Ведомство басшылығы жыл басынан бері қаза тапқан әскери қызметшілердің&nbsp;жақындарына көңіл айтып,&nbsp;әскери қызмет қауіпсіздігін қамтамасыз ету жөніндегі жауапкершілік деңгейін толық түсінетінін атап өтті.<blockquote>“Жыл басынан бері Қарулы Күштерде әскери қызметкерлердің қаза табуына байланысты Қазақстан Республикасы Қорғаныс министрлігінің басшылығы қаза болғандардың отбасыларына, туған-туыстарына және жақындарына шынайы көңіл айтады”, –&nbsp;делінген хабарламада.</blockquote>Сондай-ақ Қорғаныс министрі Дәурен Қосановтың тапсырмасы бойынша&nbsp;келер уақытта мұндай трагедиялардың қайталануына жол бермеуге бағытталған шұғыл шаралар&nbsp;қабылданған.Біріншіден, тәрбие жұмысының ұйымдастырылуы мен әскери тәртіпті бақылау күшейтілді.<blockquote>“Жарғы талаптары мен қарумен жұмыс істеу кезіндегі қауіпсіздік шараларының, оқу-жаттығуларды өткізу, атыс жүргізу және қызметтік міндеттерді орындау барысында қауіпсіздік талаптарының сақталуы қатаң реттеліп отыр”, –&nbsp;делінген хабарламада.</blockquote>Екіншіден, барлық әскери бөлімдерге жеке құрамды кешенді психологиялық тексеруден өткізу үшін комиссиялар жіберілді. Әскери қызметкерлердің психикалық жай-күйіне, сондай-ақ қызметтік міндеттерді орындауға психологиялық дайындық деңгейіне қайта бағалау жүргізілмек.Үшіншіден, командирлер мен сержанттық құрамның&nbsp;жеке жауапкершілігі күшейтілді. Негізгі назар оқыс оқиғалардың алдын алуға және қауіпсіз мінез-құлық дағдыларын қалыптастыруға бағытталды.Төртіншіден, әскери полиция күштерімен әскери бөлімдерде жан-жақты тексерулер ұйымдастырылды. Жеке құрамға бақылау, бейнебақылау, оның ішінде қызметтен тыс уақытта да, күшейтілді.Бесіншіден, әскери полиция күштерімен жан-жақты тексерулер ұйымдастырылды. Жеке құрамға бақылау күшейтілді, оның ішінде қызметтен тыс уақытта да.<blockquote>“Тәулік бойғы бақылау енгізіліп, құқықбұзушылықтар мен оқиғалардың алдын алуға бағытталған қосымша профилактикалық шаралар қабылданды”, –&nbsp;делінген хабарламада.</blockquote>Алтыншыдан, скери қызметкерлердің жақындарымен тұрақты бейнебайланыс жасау жүйесі құрылды. Бөлімше командирлері ресми арналар арқылы ата-аналармен тұрақты байланыс орнатып, жүйелі түрде өзара әрекет етеді.Кадрлық және тәртіптік шешімдер<blockquote>Бұған дейін тіркелген деректер&nbsp;бойынша кадрлық және тәртіптік шаралар қабылданды. “Шығыс” өңірлік қолбасшылығының қолбасшысы, штаб бастығы және қолбасшының тәрбие және идеологиялық жұмыс жөніндегі орынбасары тәртіптік жауапкершілікке тартылды. Қаза тапқан сарбаздың әскери бөлім командирі, оның орынбасары және батальон командирі қызметтерінен босатылды. “Қабылданып жатқан барлық шаралар ең алдымен жеке құрамның өмірі мен денсаулығын сақтауға және мұндай қайғылы жағдайлардың қайталануына жол бермеуге бағытталған. Бұл бағыттағы жұмыс тұрақты негізде жалғасын табады”, –&nbsp;делінген хабарламада.</blockquote>Фото:&nbsp;Pexels.com

Бірнеше командир қызметінен кетті: Қорғаныс министрлігі әскердегі өлім-жітімге байланысты мәлімдеме жасады

<a href="https://kyzylorda-news.kz/">Kyzylorda-news.kz</a> Қазіргі таңда Шиелі ауданында экономикалық ахуал тұрақты қалыптасып, негізгі көрсеткіштер бойынша оң өсім байқалуда. Бүгінде аудан бюджетінің көлемі 16,5 млрд теңгеге жетіп, өз кірістері 2022 жылмен салыстырғанда 170 пайызға артқан. Бұл туралы Өңірлік коммуникациялар қызметінің ақпарат алаңында Шиелі ауданының әкімі Айтбай Жандарбеков мәлімдеді.<blockquote>- Аймақ басшысының тапсырмасына сәйкес, аудан дамуының негізгі басымдықтары ретінде инвестиция тарту, жаңа жұмыс орындарын құру, салық базасын кеңейту, кәсіпкерлікті дамыту, тұрғындарды көгілдір отынмен қамтамасыз ету, көркейту-көгалдандыру және қоғамдық-саяси тұрақтылықты сақтау бағыттары айқындалған. Осы мақсатта аудан экономикасына тікелей әсер ететін барлық негізгі көрсеткіштерде оң динамика қалыптасты. Жыл сайын жүзеге асырылатын инвестициялық жобалардың да саны артып келеді. Атап айтқанда, өткен жылы 10 ірі инвестициялық жобаны іске асыру басталды. Олардың қатарында «Тесис» ЖШС-ның қуаттылығы 40 МВт күн электр станциясы, «VIGOR Holding» ЖШС-ның қуаттылығы 20 МВт күн электр станциясы, «Эко Энерджи Плюс» ЖШС-ның «Батыс Қытай – Батыс Еуропа» халықаралық автодәлізі бойында газ құю және сервистік қызмет көрсету кешені бар. Сондай-ақ, «Ақмая» шаруа қожалығының күріш ақтау зауыты, «Таң ЛТД» ЖШС-ның жүгері дақылдарын кептіру және терең өңдеу жобасы, «Transshipment 1» ЖШС-ның сұйық реагенттер қоймасы мен «Шиелі әк» ЖШС-ның жылына 1 млн тонна әк өндіретін зауыты бар. Аталған жобалардың бірқатары өз жұмысын бастап, қалғандары кезең-кезеңімен іске қосылатын болады,- деді Айтбай Насриддинұлы.</blockquote>Егін шаруашылығы бойынша өткен жылы Шиелі ауданында жалпы 30 192 гектар жерге ауыл шаруашылығы дақылдары орналастырылды. Оның ішінде негізгі дақыл саналатын күріш 12 301 гектар алқапқа егілді. Аталған егістіктің әр гектарынан орта есеппен 61,3 центнерден өнім алынып, нәтижесінде 75 405 тонна сыр салысы қамбаға құйылды.<blockquote>– Өткен жылы су тапшылығының алдын алу және егіс алқаптарындағы суды тиімді пайдалану мақсатында ерте көктемнен бастап 9 500 гектар жерге лазерлік тегістеу жұмыстары жүргізілді. Сонымен қатар, заманауи су үнемдеу технологияларын енгізу аясында 2 100 гектар жерге тамшылатып суару әдісі қолданылды. Оның ішінде 700 гектар алқапқа «Таң ЛТД» ЖШС тарапынан дәндік жүгері дақылы егілсе, 1 400 гектар жерге көкөніс пен бақша дақылдары орналастырылды. Ауыл шаруашылығы саласының материалдық-техникалық базасын нығайту бағытында соңғы төрт жыл көлемінде отандық және шетелдік техникалар есебінен ауданның ауыл шаруашылығы құрылымдарының техника паркі 68,5 пайызға жаңартылды. Одан бөлек, ауыл тұрғындарының табысын арттыруға бағытталған мемлекеттік қолдау тетіктері де тиімді іске асырылуда. Атап айтқанда, 2023 жылдан бастап облыс көлемінде жүзеге асырылып келе жатқан «Ауыл аманаты» жобасы аясында Шиелі ауданында соңғы жылдары 145 жоба қаржыландырылды. Аталған бастамалардың ауқымын кеңейту және тұрғындарға қолжетімділігін арттыру мақсатында демеушілердің қолдауымен аудан орталығында арнайы «Ауыл аманаты» орталығы ашылды,- деді Айтбай Насриддинұлы.</blockquote>Биыл Үкімет пен аймақ басшысының айрықша қолдауының нәтижесінде республика көлемінде теміржол вокзалдары мен вокзал маңы аумақтарын күрделі жөндеу және абаттандыру жұмыстары бастау алып, бұл бастама облыс аумағында да кең көлемде жүзеге асуда. Осы ауқымды жобалар аясында 1903 жылы салынған Шиелі теміржол вокзалы да күрделі жөндеуден өткізіліп, тарихи нысан жаңаша келбетке ие болуда.<blockquote>– Мемлекет басшысы Қазақстанда азаматтарды қолжетімді тұрғын үймен қамтамасыз ету – мемлекеттің басты әлеуметтік міндеттерінің бірі екенін бірнеше мәрте атап өткен еді. Өйткені баспана тек тұрғын үй емес, ол әр отбасының тұрақты өмірі мен әлеуметтік әл-ауқатының берік негізі. Осы бағытта аудан тұрғындарын баспанамен қамту мақсатында 2021 жылдан бүгінгі күнге дейін 370 пәтер пайдалануға берілді. Ал өткен жылдың өзінде әлеуметтік осал топтағы азаматтар үшін 52 пәтер салынып, тұрғындар жаңа қонысқа ие болды. Қазіргі таңда аудан бойынша 18 елді мекен табиғи газбен қамтылған. Елді мекендерді газдандыру деңгейі халық санына шаққанда 81,6 пайызды құрап отыр. Сонымен қатар, Шиелі ауданы тұрғындары бүгінгі күні 100 пайыз сапалы ауыз сумен қамтамасыз етілген, - деді Айбай Насриддинұлы.</blockquote>Ауданда әлеуметтік инфрақұрылым саласында да ауқымды жұмыстар атқарылуда. Атап айтқанда, Шиелі кентіндегі көп бейінді орталық аудандық аурухана ғимаратына қосымша блок салынып, МРТ құрылысын орнатуға 733 млн теңге бөлініп, құрылыс жұмыстары толық аяқталды. Бұдан бөлек, 650 млн теңгеге заманауи МРТ аппараты орнатылып, пайдалануға беріліп, «Болашақ» дәрігерлік амбулаториясын күрделі жөндеуге 255 млн теңге қаржы бөлініп, құрылыс жұмыстары толығымен аяқталды. Сондай-ақ, аймақ басшысының қолдауымен Шиелі ауданына 30 жедел жәрдем көлігі жеткізіліп, жедел медициналық қызмет көрсетудегі өзекті мәселе толық шешімін тапты.

Шиеліде ірі инвестициялық жобалар арқылы экономикалық өсім қалыптасты

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қазынашылық департаменті өткен жылы 903 мемлекеттік мекемеге, квазимемлекеттік сектор субъектілеріне, жергілікті өзін-өзі басқару органдарына, мемлекеттік сатып алу жүйесіне, сондай-ақ білім беру инфрақұрылымын қолдау қоры мен қаржылық және қаржылық емес қолдау операторларының шоттарына қызмет көрсетті. Одан бөлек, 700 мыңға жуық қаржылық құжат қабылданып, оның 665 мыңы өңделді. Ал 16 515 құжат ресми хат арқылы орындаусыз кері қайтарылды. Бұл туралы департамент басшысы Қалмұханбет Байсариев мәлімдеді.<blockquote>- Жыл қорытындысы бойынша департаменттің кіріс және шығыс құжат айналымы 20 529 құжатты құрады. Өткен жылы департаментке және аудандық, қалалық қазынашылық басқармаларына жеке және заңды тұлғалардан барлығы 99 өтініш келіп түсті. Барлық арыз-шағымдар заңнама талаптарына сәйкес уақтылы қаралып, тиісті жауаптар берілді. Сонымен қатар ҚР Тілдерді дамыту мен қолдауға арналған мемлекеттік бағдарламасын іске асыру аясында Қызылорда облысы бойынша Қазынашылық департаментінде іс жүргізу толықтай мемлекеттік тілде жүзеге асырылды,- деді Қалмұханбет Сапарбекұлы.</blockquote>

Қызылорда қазынашылығы: 2025 жылдағы жүйелі жұмыстар қорытындыланды

<a href="https://kyzylorda-news.kz/">Kyzylorda-news.kz</a> «AMANAT» партиясының облыстық филиалының төрағасы Жандос Базартайдың қатысуымен партия филиалы жанындағы сыбайлас жемқорлыққа қарсы іс-қимыл жөніндегі аймақтық кеңестің отырысы өтті.Жиынның күн тәртібінде мемлекеттік сатып алу саласы бойынша сыбайлас жемқорлыққа қарсы іс - қимыл аясында жүргізіліп жатқан жұмыстар талқыланып, кеңестің құрамына өзгеріс енгізілді.<blockquote>«Мемлекеттік сатып алу саласында ұйымдастырылатын конкурстардың ашықтығы мен оңтайлылығын қамтамасыз ету, сыбайлас жемқорлық тәуекелдерін болдырмау және жергілікті атқарушы органдарға түсетін жүктемені азайту мақсатында, облыс әкімінің бастамасымен 2023 жылдан бастап, облыстық басқармалар мен қала, аудан әкімдіктері және оларға бағынысты мекемелер арасында мемлекеттік сатып алудың бірыңғай ұйымдастырушысы ретінде облыстық мемлекеттік сатып алу басқармасы айқындалды. Атап өту керек, бір облыста – бір ұйымдастырушы тәсілін республика бойынша бірінші болып, Қызылорда облысы енгізді.»-деді облыстық мемлекеттік сатып алу басқармасы басшысы Бауыржан Шаменов.</blockquote>2025 жылы мемлекеттік сатып алу веб-порталда 1 158 тапсырыс берушімен жалпы 110 309 сатып алу жоспарланып, жүзеге асырылған.Бұл ретте, жалпы жоспардың тек 3 пайызы немесе 3 304 сатып алу облыстық мемлекеттік сатып алу басқармасымен конкурс тәсілі арқылы өткізілсе, қалған 97 пайыз мемлекеттік сатып алулар тапсырыс берушілердің тікелей өздерімен өткізілген.<blockquote>Жиында барысында кеңес төрағасы Мақсұт Нәлібаев: «Мемлекеттік сатып алу саласында жүргізілетін мемлекеттік саясатқа сәйкес мемлекеттік басқарудың стратегиялық мақсаттарына қол жеткізіліп, мемлекеттің міндеттері мен функциялары қамтамасыз етіледі. Сонымен бірге бұл қызмет негізінен қаржылық қатынастардан тұратындықтан және мемлекеттік органдармен бірге көптеген кәсіпкерлік субъектілерін қамтитындықтан өте маңызды болып табылады.»-деді.</blockquote>Мұнан бөлек жиында кеңес мүшелерінің құрамына өзгерістер енгізілді. Отырысты қорытындылаған филиал төрағасы Жандос Базартай сыбайлас жемқорлыққа қарсы іс-қимыл баршаға ортақ міндет екендігін тілге тиек етіп, мемлекеттік сатып алу саласындағы сыбайлас жемқорлық, құқық бұзушылық көріністері мен оның туындау себеп салдарын жою мақсатындағы жұмыстар алдағы уақытта да тұрақты түрде бақылауда болатындығын атап өтті.

Мемлекеттік сатып алудағы ашықтық пен тиімділік партия алаңында қаралды

Конституцияның адамның жеке басына қол сұқпаушылық, адамның негізгі құқықтарын қорғау және сот билігінің тәуелсіздігіне қатысты нормалары айтарлықтай күшейтіледі. Бұл мәселелер Конституциялық комиссияның төртінші отырысында қаралған Ата Заңға енгізілетін өзгерістердің жиынтық жобасынан көрініс тапты.Жоба таныстырылымында Конституциялық сот төрағасының орынбасары Бақыт Нұрмұханов ұсынылған өзгерістердің басты тұстарына ерекше тоқталып, «Негізгі құқықтар, бостандықтар мен міндеттер» атты бөлімнің жаңа атауы қарастырылған мәселелерді толық қамтитын атап өтті.Бұл ретте ұсынылған новеллалар адамның ең жоғары құндылық екені туралы қағидатқа сүйене отырып, құқықтар мен бостандықтарды іске асыру және қорғау кепілдіктерін күшейтеді және толықтырады.<blockquote>«Бұл өмір сүру құқығын абсолюттік дәрежеге көтеру, адамға бағдарланған саясат, адамның жеке басына қол сұғылмаушылық пен «Миранда ережесінің», цифрлық дәуірде жеке мәліметтерді қорғау, ар-намыс пен қадір-қасиетті қорғауды күшейту, әлеуметтік құқықтар мен құқықтық анықтық қағидаттарын бекіту деген сөз», — деді Бақыт Нұрмұханов.</blockquote>Ол қазіргі уақытта Конституцияның 7-бөліміндегі сот әділдігі қағидаты ретінде қарастырылып отырған кейбір нормалардың адам құқықтарын қорғау кепілдігі ретінде осы бөлімге көшіріліп, жеке бапқа біріктірілетінін айтты.<blockquote>«Сөз бостандығы мен шығармашылық еркіндік құқығына жаңа мән-мағына беріліп, демократиялық және құқықтық мемлекетте жеке тұлғаның еркін дамуының маңызды шарты саналатын зияткерлік меншікті қорғау кепілдіктерінің бөлек түрлері белгіленді», – деп атап өтті Конституциялық сот төрағасының орынбасары.</blockquote>Оның айтуынша, Конституцияда неке мен отбасы құндылықтарын, сондай-ақ қоршаған ортаны қорғау міндеттемелері күшейтіледі.<blockquote>«Аты өзгерген «Сот жүйесі. Прокуратура. Құқық қорғау тетіктері» бөлімінде айтарлықтай өзгерістер көзделген. Оған сот ісін жүргізу нысандарын кеңейтуге, әділеттілік пен сот тәуелсіздігінің конституциялық қағидаттарын нығайтуға, сондай-ақ сот жүйесіндегі кадр мәселелеріне қатысты сот мәселелері бойынша маңызды түзетулер кіреді», – деді Бақыт Нұрмұханов.</blockquote>Сондай-ақ, ол Конституциялық комиссия мүшелерінің назарын адвокатураның құқықтық мәртебесін бекітетін жеке баптың қарастырылғанына аударды.Сонымен қатар, Конституциялық комиссияның мүшесі Құрылтайдың құрылуына байланысты «Жергілікті мемлекеттік басқару және өзін-өзі басқару» бөліміне нақты түзетулер енгізу қажет болғанына да тоқталды.Сөз соңында Бақыт Нұрмұханов «Конституцияға өзгерістер мен толықтырулар енгізу» деп аталатын жаңа бөлім Ата Заңның мәтінін ең үздік халықаралық тәжірибеге сәйкес жаңартуға мүмкіндік беретінін атап өтті.Фото: Азаматтарға арналған үкімет

Қазақстан және Қызылорда облысының жаңалықтары