&nbsp;<a href="https://kyzylorda-news.kz/">Kyzylorda-news.kz</a>&nbsp;Биыл Шиелі ауданында 31 501 гектар жерге егін егілсе, оның 12 918 гектары, яғни негізгі үлесін күріш өнімі құрайды. Сондай-ақ, ауданда әртараптандыру дақылдарына ерекше ден қойылған. Мәселен, 1 421 гектарға бидай, 1 250 гектарға тары мен жүгері, 9 923 гектарға мал азықтық дақылдар мен 5 495 гектарға бақша дақылдары орналастырылған. Ауданда суды үнемдеу мақсатында тамшылатып суғару әдісімен 2 050 гектар жерге көкөніс және бақша дақылдары егілген. Бұл туралы Өңірлік коммуникациялар қызметінің ақпарат алаңында Шиелі ауданының әкімі Нұржан Ахатов айтты.<blockquote>– Биыл ауыл шаруашылығы саласы бойынша 4 млрд 496 млн теңгенің өнімі өндірілді. Азық-түлік қауіпсіздігін қамтамасыз ету және импортты азайту мақсатында әр отбасының өзін-өзі әлеуметтік маңызы бар өнімдермен қамтамасыз ету үшін шаруашылық құрылымдарымен 1 550 гектар жер дайындалып, бау-бақша өнімдері егілді. Ауыл шаруашылығы құрылымдары бүгінде жаңа үлгідегі техникалармен толыққан. Техника паркі кейінгі 4 жыл көлемінде отандық және шетелдік техникалармен 63 пайызға жаңарды. Биыл жаңадан 30 ауыл шаруашылығы техникалары алынып, 1,1 млрд теңге инвестиция тартылды. Осы тұста егістік алқаптарының бірде-бір гектары судан қалмасын деп, күні-түні судың сағасын күзеткен су шаруашылығы мамандарының еңбегіне де ерекше тоқталып, алғыс айтқым келеді. Себебі, күрішті суға бастыратын жауапты сәтте су мамандарының көмегімен шаруашылықтарға 59 дана су насостары қойылып, «Шиелісушар» өндірістік учаскесі теңгерімдегі 5 каналдың 13,6 шақырымы, облыстық табиғи ресурстар және табиғат пайдалануды реттеу басқармасы арқылы 6 каналдың 89 шақырымы тазаланып, сын сағаттан абыроймен шығуымызға үлкен септігін тигізді. Сонымен қатар, Сырдария өзеніндегі су тасқынының алдын алу мақсатында және экологиялық қажеттілікті орындау үшін аудан аумағындағы Шиелі-Телікөл, Бұлақты, Тарша, Ошақты, Қалғандария, Таушұқырой және Хан-қожа көлдер жүйесіне 367 млн текше метр су жіберілді. Нәтижесінде, аудандағы соңғы он жылда су бармаған көлдер мен шабындық-жайылымдардың 98,5 пайызы суарылды,- деді Нұржан Сәбитұлы.</blockquote>Сонымен қатар, Шиелі ауданы бойынша 39 елді мекеннің 95 пайызы сапалы ауыз сумен қамтамасыз етілген. Қызылқайың, Қосүйеңкі елді мекендерінде ауыз су жүйесінің құрылысына 447 млн теңге өлініп, пайдалануға берілген. Биыл Ақтам, Лесхоз елді мекеніне су тұщытқыш орнатуға аудандық бюджеттен 40 млн теңге қаржы қаралып, мемлекеттік сатып алу жұмыстары жүргізілуде. Нәтижесінде Шиелі ауданы 100 пайыз сапалы ауыз сумен қамтамасыз етілетін болады.Фото: Қызылорда облысының Өңірлік коммуникациялар қызметі

Шиеліде әртараптандыру дақылдарына ерекше мән берілген

<a href="https://kyzylorda-news.kz/">Kyzylorda-news.kz</a>&nbsp; 25 шілде – Дүниежүзілік суға батудың алдын алу күні.&nbsp;Аталмыш күн аясында елімізде «Балаларды судан қорғаңыздар!» апталық акциясы басталды. Акция барысында өңірде рейдтер жүргізіліп, профилактикалық іс-шаралар күшейтілуде.Облыста жыл басынан 16 адам суға кеткен. Оның 10-ы бала. Ал, суға шомылу маусымында 4 бала қаза болған. «Балаларды судан қорғаңыздар!» акциясында облыстық ТЖД мамандарымен бірлесіп су айдындарында кезекті рейд ұйымдастырылды. Құқық қорғау органдарының қызметкерлері көпшілікке түсіндірме жұмысын жүргізіп, су айдыны маңында құқық бұзушылық жасағандарға әкімшілік шара көрді. Бүгінге дейін облыста белгіленбеген су айдындарына шомылған 34 адамға әкімшілік шара көрілген.БҰҰ ұйымының мәліметі бойынша әлемде жыл сайын 236 600 адам суға батып қайтыс болады. Суға бату салдарынан болатын өлімнің 90 пайызы өзендер мен көлдерде орын алған. Ал, елімізде соңғы 10 жылда 2 240 адам суға кетіп қаза тапса, оның 701-і бала. Биыл да суға шомылу маусымы басталғаннан бері 93 адам, оның ішінде 35 бала суға батып кеткен. Кәмелетке толмағандардың қаза болу фактілері Атырау, Қостанай, Қызылорда, Батыс Қазақстан, Маңғыстау және Абай облыстарында жиі тіркелген. «Балаларды судан қорғаңыздар!» апталық акциясы барысында ұйымдастырылған рейдтік жұмыстардың басты мақсаты – кәмелетке толмаған азаматтарды жазатайым оқиғалардан сақтап, олардың қаза болуына жол бермеу.Фото: Қызылорда облысының Өңірлік коммуникациялар қызметі

"Балаларды судан қорғаңыздар!" апталық акциясы басталды

<a href="https://kyzylorda-news.kz/">Kyzylorda-news.kz</a>&nbsp; &nbsp;Шиелі – өңірдегі әлеуметтік-экономикалық жағдайы бір ізге түсіп, қарқынды дамыған ауданның бірі. Аудан бойынша биылғы жартыжылдыққа болжамдалған кіріс 6 млрд 824 млн теңге болса, оның ішінде аудандық бюджеттің өз кірісі 3 млрд 329 млн теңге болып 129 пайызға орындалған. «Бұл қаражаттың барлығы халықтың әл-ауқаты мен тұрмысын жақсартуға жұмсалуда», – дейді аудан әкімі. &nbsp;Өңірлік коммуникациялар қызметінің ақпарат алаңында Шиелі ауданының әкімі Нұржан Ахатов жыл басынан бері ауданда атқарылған жұмыстарды баяндады.<blockquote>– Жыл басынан бері аудан тұрғындарының өмір сүру сапасын арттыру және әлеуметтік-экономикалық даму жолында жүйелі жұмыстар атқарылып келеді. Экономикаға тікелей ықпал ететін барлық микроэкономикалық көрсеткіштерде де айтарлықтай өсім қалыптасты. Мәселен, жартыжылдықта өнеркәсіп өнімін өткен жылдың осы кезеңімен салыстырғанда 156,7 пайызға артқандығын көрсетеді. Өңдеу өнеркәсібі 218,6 пайызға, ал инвестициялар тарту көлемі 154,1 пайызға орындалды. Сонымен қатар, 6 айдың қорытындысымен мемлекеттік бағдарламалар аясында 183 жобаға шағын несие беріліп, 254 жұмыс орны құрылды. Жалпы, жаңа жұмыс орындарын ашудың жылдық жоспары 2 959 болса, жартыжылдықта 1 618 жұмыс орны құрылып, 54,7 пайызға орындалды. Айта кету керек, 2024-2028 жылдар аралығында ауданда 16 инвестициялық жобаларды жүзеге асыру жоспарланып отыр. Осы жобалар толық іске қосылған кезде 1 308 жұмыс орны ашылады. Оның ішіндегі 8 жобаны биыл іске қосуды жоспарлап отырмыз,- деді Нұржан Сәбитұлы.</blockquote>Сондай-ақ, «Ауыл – ел бесігі» жобасы шеңберінде Шиелі кентінде салынатын спорт кешені мен Бестам ауылында 150 орындық клубтың құрылысына тиісті қаржы бөлініп, қазіргі таңда құрылыс жұмыстары басталған.<blockquote>– Шиелі кентіндегі О.Байымбетов, Б.Дүйсенов көшелеріндегі 50 үйдің инфрақұрылымының құрылысына жергілікті бюджеттен 103 млн теңге бөлініп, ауыз су, жол, электр желілері тартылды. Аталған аумақта халықтың әлеуметтік жағынан осал топтарына арналған тұрғын үйлердің құрылыс жұмыстары жүргізілуде. Ерекше санаттағы азаматтарға аудан бойынша барлығы 123 тұрғын үй салынып, азаматтарға табысталатын болады. Одан бөлек, кенттегі әлеуметтік нысандар мен тұрғын үйлерді орталықтандырылған кәріз жүйесімен қамтамасыз ету үшін аудандық бюджеттен қаржы бөлініп, жоба сметалық құжаттары жасақталуда,- деді Нұржан Ахатов.</blockquote>Фото: Қызылорда облысының Өңірлік коммуникациялар қызметі

Биыл Шиеліде 8 инвестициялық жоба іске қосылмақ

<a href="https://kyzylorda-news.kz/">Kyzylorda-news.kz</a>&nbsp; ҚР Премьер-министрінің орынбасары Тамара Дүйсенованың Қызылорда облысына жасаған жұмыс сапары Қазалы ауданында жалғасты.«Ауыл аманаты» жобасы шеңберінде Салтанат Ражатова 8,6 млн теңге несие иеленіп, жылыжай өсіруді қолға алған. Былтыр басталған кәсіп алғашқы жемісін бере бастады. 160 шаршы метр аумаққа қияр егіліп, 60 келі өнім жиналған.<blockquote>«Отбасымызбен осы жылыжай жұмысын жүргізе бастадық. Әзірге нәтиже жаман емес деп санаймын. Өнімге сұраныс бар. Кәсіпкер үшін маңыздысы осы. «Ауыл аманаты» бойынша берілетін несие шарттары өте тиімді. Тек еңбек етуге ниет болуы керек», - деді Салтанат Ражатова.</blockquote>Ауданда ауыл шаруашылығынан өзге бағытты таңдағандар да бар. Толқын Бижанова алғашқыда кондитерлік өнімдерді үйден әзірлеп, ауылдастарының тапсырысы бойынша жұмыс істеп келген. «Ауыл аманаты» жобасы туралы естіп, кәсібін кеңейтіп, цех ашуды ұйғарған. 6,5 млн теңге жеңілдетілген несиенің арқасында мақсаты орындалып, 4 адамды жұмыспен қамтуда.Ал, Ғалия Қартабаева - аудандағы жас кәсіпкер. «Ауыл аманаты» бағдарламасына ер азаматтар атқаратын тірлікпен айналысуды көздеп, жоба ұсынған. 5,4 млн теңге несие алып, автокөлік жөндеу және жуу орталығын ұйымдастырған. Жұмыспен қамтылған екі адам күніне 5 көлікке қызмет көрсетеді.<blockquote>"Еңбек етуге ниеті бар адам кез келген кәсіпті қымсынбай қолға алуы керек", -дейді Ғалия Қартабаева.</blockquote>Қазалыда түйе ұстайтын шаруалар баршылық. Алайда, сүті сауылған күйі сатылуда. Оны терең өңдеуге қатысты кеңес берер, қажет болса, үйретер жандар бар. Мысалы, Алматы облысындағы «Дәулет-Бекет» ауыл шаруашылығы кәсіпорны шұбаттан бірнеше өнім әзірлейді. Тіпті сусынның ұнтақталған түрін ұсынуда.Аймақ тұрғындарымен, аудан, ауыл әкімдерімен кездескен вице-премьер ауылдарда кооперативке бірігу тәжірибесін кеңінен қолдану қажеттігін атап өтті. Елімізде 3-4 адам емес, бір шаруашылық аясында бүтін ауыл боп жұмылудың мысалдары бар. Мәселен, Батыстағы Қоскөл ауылы. Елді мекендегі барлық 227 ауланың басын қосқан серіктестік тәжірибесі туралы ауыл әкімі Әділет Мұсағалиев айтып берді.Ал, өндірілген өнімді кәдеге жаратудың бір жолы ретінде Түркістан облысының тәжірибесі ұсынылды. Мұнда кәсіпкер Данияр Қалымбетов мемлекеттік-жекеменшік әріптестік аясында аймақтағы әлеуметтік нысандардың асханаларын жөндеп, оларды азық-түлікпен қамту ісін қолға алған. Мектеп-интернаттар, медициналық әлеуметтік нысандарға қызмет көрсетуде. Тағамға қажетті өнімдерді орталықтандырылған жолмен сатып алып, мекемелерді қамтамасыз етеді.Аталған тәжірибе Сыр өңірінде де енгізілуі мүмкін. Осы ретте «Байқоңыр» әлеуметтік- кәсіпкерлік корпорацияның көмегі қажет. Шаруалардан сатып алынған көкөніс, ет, сүт өнімдері әлеуметтік нысандар асханаларының қажетіне жарайтын болады.Тамара Дүйсенова елдегі оң тәжірибелерді кеңінен тарату, өңіраралық байланысты нығайтудың маңызды екенін атап өтті.<blockquote>«Әр облыстың әрине, өзіндік ерекшеліктері бар. Алайда, өзара байланыс арқылы бірлесіп жетістікке жетуге болары даусыз. Сайып келгенде, бұл азаматтарымыздың тұрмысын жақсартуға елеулі әсер етеді. Әр азаматтың, отбасының бақуатты болуы мемлекетіміздің тұрақтылығының кепілі екенін естен шығармайық», - деп атап өтті Тамара Дүйсенова.</blockquote><img src="https://knadmin.beoblood.kz/uploads/2_64baa733b2.jpg" alt="2.jpg"><img src="https://knadmin.beoblood.kz/uploads/3_a35564f09e.jpg" alt="3.jpg">Фото: Қызылорда облысы әкімінің баспасөз қызметі

Тамара Дүйсенова: “Ауыл аманаты” жобасын жүзеге асыруда өңіраралық байланысты нығайту керек

<a href="https://kyzylorda-news.kz/">Kyzylorda-news.kz</a> &nbsp;Отарда комаға түскен сарбаз есін жиды. Жігіттің әкесі Тимур Жаналин бұл қуанышты жаңалықты өзінің Instagram парақшасында айтты. Ол қолдау көрсеткен адамдардың барлығына алғыс айтып, Нұржігіттің өзін жақсы сезінетінін жеткізді, деп хабарлайды <a href="https://qaz.ulysmedia.kz/news/17812-otarda-komaga-tusken-sarbaz-esin-zhidy/">Ulysmedia.kz.</a><blockquote>"Ұзақ уақыт байланысқа шықпадық, бірақ бұның себептері болды. Біріншіден, сәттілікті үркітпеу үшін, екіншіден, ұлымыз есін жиғанша. Барлығымыздың дұғаларымызбен Жаратқан дәрігерлердің қолымен Нұржігітке көмектесті және оған ұзақ әрі бақытты өмір сүруге күш пен мүмкіндік берді. Бірақ күрес әлі де жалғасуда... Алда қалпына келтіру мен оңалту бар", - деп жазды Тимур Жаналин.</blockquote>Нұржігіт Әбділпатта әскерге биыл мамырда алынған. Ол Шымкенттегі “Авиценна” жоғары медицина колледжінде 1-курста оқып жүрген. Демалыста Қостанайдағы үйіне барғанда әскерге өз еркімен барғысы келетінін айтқан. Анасы “ұлым әскерге сап-сау кетті” дейді.ОҚИҒА ҚАЛАЙ БОЛДЫ?Еске сала кетейік, Жамбыл облысы Қордай ауданы Отар ауылындағы №30212 әскери бөлімінде әскери борышын өтеп жүрген 19 жастағы қатардағы жауынгер Нұржігіт Әбділпатта жансақтау бөліміне түскен еді. Анасы ұлына “әлімжеттік жасағанын” айтқан.Сарбаздың анасына әскери полиция қызметкері хабарласып, ұлының ЖРВИ диагнозымен әскердегі медпунктке түскенін айтқан.ПРЕЗИДЕНТ ТАПСЫРМАСЫ<blockquote>Мемлекет басшысының баспасөз хатшысы Берік Уәли Қасым-Жомарт Тоқаев Жамбыл облысы Отар ауылындағы әскери бөлімде мерзімді қызметін өтеп жатқан сарбаздың комаға түсуіне қатысты анасының әлеуметтік желілерде жариялаған үндеуімен танысқанын, болған оқиғаның мән-жайын мұқият зерттеп, кінәлі адамдарды жазалауды талап еткенін жазды. “Президент Қорғаныс министріне армияда мұндай жағдайға жол бермеу қажет екенін ескертіп, тергеу амалдарын <a href="https://qaz.ulysmedia.kz/news/16454-zhambyl-oblysynda-sarbaz-zhansaktau-boliminde-zhatyr-tokaev-kin-lilerdi-zhazalaudy-tapsyrdy/">алуды тапсырды” деді ол.</a></blockquote>Фото: RFE/RL / Коллаж: Ulysmedia.kz

Отарда комаға түскен сарбаз есін жиды

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары Тамара Дүйсенова жұмыс сапары аясында «Ауыл аманаты» бағдарламасының аймақта жүзеге асу барысымен танысып, ауыл тұрғындарымен кездесті.Былтыр бағдарлама шеңберінде республикалық бюджеттен 3 млрд. теңге қаралып, 406 жобаға несие берілді. Соның арқасында 700-ден астам жұмыс орны құрылды.Несие алғандар жеңіл өнеркәсіпті де игеруде. Мәселен, Махамбетов ауылының тұрғыны Сәрсенгүл Аралбаева «Ауыл аманаты» арқылы қол жеткізген 5 млн теңгеге шұлық өнімдерін шығаратын құрал-жабдықтар сатып алды. Қазір күніне 200-250 дана шұлық сатуда. Жобаға дейін тұрақты табысы болмаған Сәрсенгүл Аралбаева бүгінде жеке кәсіпкер.<blockquote>«Өнімге деген сұраныс өте жақсы. Енді кәсіпті кеңейту жағын ойластырудамын. Әзірге екі адам жұмыс істейміз. Кәсібім кеңейіп жатса, жұмыс орындары да көбейеді. Қолдау білдіргендерге алғысым шексіз!», - деді ол.</blockquote>Осы ауылдың тұрғыны Алтынкүл Дүйсенғазиева жүн мен мақтадан көрпе тігіп, кәсібін дөңгелетіп отыр. Ол үшін «Ауыл аманаты» жобасы аясында 3 млн теңгеден астам несие алды. Қазір ауыл, ауданнан бөлек, Астанадан да тапсырыстар келіп, айына 20-25 көрпе тігуде.<blockquote>«Өзімнің ерекше балам бар. Оны да осы кәсіпке үйретудемін. Алғашқыда өтініш бергенде жобамның мақұлданатынына сенбедім. Алайда, талап қылған адамға жол ашық екеніне көзім жетті. Осындай төмен пайызбен несие беру бастамасын көтерген азаматтарға ризашылығымды білдіремін», - деді ол.</blockquote>Ал Сырдария ауданының Айдарлы аулында көне кәсіпті жаңғыртқан кәсіпкер бар. Зейнеткер Марияш Әлжанова киіз басып, түкті кілем, сырмақ тігеді. «Ауыл аманаты» жобасы арқылы алған қаржыға цех ашып, 6 адамды жұмыспен қамтуда.<blockquote>«Ұлттық бұйымдарға сұраныс қашан да жоғары болады. Өндіріске қажетті жүннен тапшылық жоқ. Өзіміздің ауылдан, көршілес Қоғалыкөлден қой мен түйе жүнін аламыз. Кәсіп өз алдына, ең негізгі мақсатым – жастарға ұлттық қолөнерді таныту», - дейді ол.</blockquote>Тамара Дүйсенова қолға алынған жобаларды жоғары бағалады. Ауыл тұрғындарымен кездесу кезінде мемлекеттік қолдау шараларымен таныстырды. Жастарға 2,5 пайызбен ұсынылатын жеңілдетілген несиелер, әлеуметтік жағынан осал топтағы азаматтарға берілетін қайтарымсыз гранттар жайлы айтты.<blockquote>«Ауыл аманаты» бағдарламасының негізгі мақсаты – ауыл тұрғындарының табысын арттыру. Мемлекет тарапынан түрлі қолдау шаралары қарастырылған. Ол туралы ауыл әкімдері түсіндіру жұмыстарын күшейтуі қажет», - деп атап өтті Тамара Дүйсенова.</blockquote>Фото: Қызылорда облысы әкімінің баспасөз қызметі

Тамара Дүйсенова "Ауыл аманаты" жобасының Сыр өңірінде жүзеге асу барысымен танысты 

&nbsp;<a href="https://kyzylorda-news.kz/">Kyzylorda-news.kz</a> &nbsp;Алматы қаласындағы 20 мектепке арналған мемлекеттік сатып алуларды қымбат бағамен жүзеге асырудан бас тартқаннан кейін бюджетке 1,9 млрд теңге қайтарылды, деп хабарлайды <a href="https://qaz.ulysmedia.kz/news/17802-20-mekteptin-zhabdyktaryna-bolingen-1-9-mlrd-tenge-memleketke-kaitaryldy/">Ulysmedia.kz.</a><blockquote>&nbsp; «Бұл тергеу нәтижесінде емес, превенция аясында әкімдік пен Антикордың бірлескен жұмысының арқасында анықталды. Тексеруден кейін 20 мектептің жабдықтарын сатып алу тоқтатылды», - деді Алматы әкімі Ерболат Досаев.</blockquote>1,9 млрд теңге көлеміндегі қаражат бюджетке қайтарылды.Сонымен қатар, әкім атап өткендей, бүгінде мемлекеттік сатып алу саласында ұсынылатын тауарлар мен қызметтердің, оның ішінде әлеуметтік маңызы бар объектілердің сапасына сәйкессіздік мәселесі өзекті болып қала береді.<blockquote>&nbsp; &nbsp; «Өкінішке орай, қазіргі мемлекеттік сатып алу жүйесі жосықсыз жеткізушілерге қатысуға мүмкіндік береді. «Баға мен сапа» қағидасы әрдайым жұмыс істемейді, яғни арзан әрдайым сапалы бола бермейді. Мен бұған қарсымын. 2025 жылғы 1 қаңтардан бастап мемлекеттік сатып алу туралы жаңа заң күшіне енеді, ол бойынша біз жеткізушілер мен олардың тауарлары талаптарға сай болады деп күтеміз. Сондай - ақ, мемлекеттік сатып алуға қатысушылардың жауапкершілігі артады», - деді әкім.</blockquote>Фото: ашық дереккөзден

20 мектептің жабдықтарына бөлінген 1,9 млрд теңге мемлекетке қайтарылды

<a href="https://kyzylorda-news.kz/">Kyzylorda-news.kz</a> «Жастарға жұмыс»&nbsp;жобасы&nbsp;аясында «Amanat» партиясы «Жастар Рухы» ЖҚ Қызылорда облыстық филиалы, «Qosyl» қалалық жастар орталығы, Еңбек мобильділігі орталығы және «Мансап» орталығының ұйымдастыруымен&nbsp;ЖОО және ТжКБ оқу орындарын бітіруші түлектеріне&nbsp;кезекті бос жұмыс орындары жәрмеңкесін ұйымдастырды.Іс-шара мақсаты – жастар арасындағы&nbsp;жұмыссыздық деңгейін төмендету, мамандық бойынша жұмысқа орналасуына жағдай жасау және жастардың сұранысындағы қажеттіліктерді қамтамасыз ету.Аталған&nbsp;«Жастарға жұмыс» жобасы&nbsp;аясында &nbsp;мемлекеттік және жеке меншік мекеме ұйымдарының өкілдерімен түрлі сала мамандары қабылдау өткізіп, жастарға жұмыс ұсынды. Сонымен қатар, сала мамандары түлектерге еліміздегі мемлекеттік бағдарламалар мен оқу бітіруші студенттерге арналған мүмкіндіктер жайлы ақпарат берді.Жәрмеңкеге келген кейбір жұмыс берушілер оқу бітірген түлектер мен жұмыссыз жастарды тағылымдамадан өткізіп жұмысқа қабылдайтындарын жеткізді.Елімізде бос жұмыс орындары жәрмеңкесі дәстүрлі түрде ұйымдастырылып келеді. Жәрмеңке нәтижесінде бітіруші түлектер мен жұмыссыз жастар өздеріне керекті жұмыс орындарымен танысып, жұмысқа орналасады.&nbsp;Жалпы республикамызда «Жастар Рухы» жастар қанаты ұйымдастырған бос жұмыс орындары жәрмеңкесіне&nbsp;20 мыңға&nbsp;жуық жас қатысты. Бүкіл ел аумағында ұйымдастырылған жәрмеңкеде&nbsp;3,5 мыңнан&nbsp;астам жұмыс беруші бос жұмыс орындарын ұсынды.&nbsp;

Қызылордада «Жастарға жұмыс» жобасы аясында жәрмеңке өткізілді

<a href="https://kyzylorda-news.kz/">Kyzylorda-news.kz</a> Сырдария ауданы бойынша жалпы 34253 гектар ауыл шаруашылық дақылдарын орналастыру межеленіп, оның ішінде, күріш көлемі 21852 гектар жерге орналастырылады.Сонымен қатар, жаздық бидай 2368 гектар, арпа 40 гектар, мақсары 391 гектар, күнбағыс 40 гектар, тары 4 гектар, жаңа жоңышқа 1853 гектар, картоп 142 гектар, көкөніс 240 гектар, бақша 420 гектар, ескі жоңышқа 6903 гектарды құрады. Бүгінде диқандар егілген ауыл шаруашылығы дақылдарын күтіп баптау жұмыстарын жүргізуде.Өткен жылы ауданда 36 043 гектарға (2022 жылы 33098 га, 2945 га артық) ауыл шаруашылығы дақылдары орналастырылса, оның ішінде, күріштің көлемі 23 811 гектар, жаздық бидай 1723 гектар,арпа 15 гектар, мақсары 180 гектар, күнбағыс 100 гектаржәне картоп, көкөніс, бақша дақылдары 1168 гектарды құрайды.Егілген күріш дақылынан гектарына 59,8центнерден өнім алынып, барлығы 142 390 тонна астық жиналды.Соңғы жылдары аймақта су тапшылығы мәселе тудырды. Осыған байланысты облыс әкімініңқолдауымен 2022 жылы шаруашылықтарға 37 насос, өткен жылы қосымша 12 насосалынды. Ауданда барлығы 74 насоспен егінге қажетті су жеткізілді.Екі жылдың көлемінде аймақ басшысының тапсырмасымен азық-түлік қауіпсіздігін қамтамасыз ету мақсатында бақша дақылдарынегу жұмыстары жүргізілуде.Ауданда 2022 жылы 210 гектар қосымша жер ашылып, 865 отбасы бақша дақылдарын ексе, 2023 жылы жер көлемі 359 гектарға дейін артып,1105 отбасы әлеуметтік маңызы бар картоп, көкөніс, бақша өнімдерін жинап алды (картоп – 200 га, көкөніс – 51 га, бақша дақылдары – 108 га). Бұл бағыттағы жұмыстар биыл да жалғасын табады.Бақша дақылдарын егуде аудан жастары белсенділік танытуда. Алғашқы жылы Айдарлы, Шіркейлі ауылының жастар бригадасы 20 гектарғаегін ексе, былтыр Аманкелді, Жетікөл, Бесарық, А.Тоқмағамбетов елді мекендерінде жастар бригадалары құрылып, 60 гектарға бақша дақылдарын егіп, жемісін көрді.

Сырдария ауданында 34253 гектар ауыл шаруашылық дақылдары орналастырылған

<a href="https://kyzylorda-news.kz/">Kyzylorda-news.kz</a> Биылғы жылдың бірінші жартыжылдығында тіркелген өрт оқиғалары өткен жылдың дәл осы кезеңімен салыстырғанда 23 пайызға азайған. Сала мамандары өрт оқиғаларының басым бөлігі тұрғындардың қауіпсіздік шараларына селсоқ қарағанынан пайда болады дейді.&nbsp;Сондай-ақ, «ҚР кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы» Заңы аясында ҚР ТЖМ Өртке қарсы қызмет комитеті заңды тәуелді актілерді енгізді. Өңірлік коммуникациялар қызметінің ақпарат алаңында мемлекеттік өрт бақылау басқармасы бастығының міндетін атқарушы, азаматтық қорғау майоры Арман Дастенов өрт қауіпсіздігі саласында жедел ден қою шаралары туралы айтты.<blockquote>– Жедел ден қою шаралары бақылау және қадағалау субъектісінің немесе қызметтің орындауын тоқтата тұруды қамтиды. Жедел ден қою шараларының қолданылу мерзімі тізбенің барлық талаптары үшін бірыңғай, яғни 60 күнтізбелік күн болып белгіленді. Бұл шараларды қолдану тәртібі «Азаматтық қорғау туралы» Заңның 38-1-бабында баяндалған. Ал, тізбеде тексеру парақтарынан өрт қауіпсіздігінің 81 талабы бұзылса, ол жедел ден қою шараларын қолдануға әкеп соғады. Мәселен, мемлекеттік бақылауды жүзеге асыру барысында немесе нәтижелері бойынша өрт қауіпсіздігі саласындағы мемлекеттік инспектор, егер объектіні пайдалану жеке және заңды тұлғалардың конституциялық құқықтарына, бостандықтары мен заңды мүдделеріне, ҚР Ұлттық қауіпсіздігі және адамдардың өмірі мен денсаулығына, қоршаған ортаға тікелей қатер төндірген жағдайда жедел ден қою шараларын қолданады,- деді Арман Мамайұлы.</blockquote>Фото: Қызылорда облысының Өңірлік коммуникациялар қызметі

Өңірде өрт оқиғалары азайған

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша экономикалық тергеп-тексеру департаменті ел экономикасының дамуына кедергі келтіретін қылмыстарды анықтап, олардың алдын алады.Департамент басшысының міндетін атқарушы Арман Джанадилов «Азаматтар мен кәсіпкерлердің заңды құқықтарының сақталуын қадағалап және әлеуметтік шиеленісті тұрақты ету – біздің басты міндетіміз»,-деді. &nbsp;Өңірлік коммуникациялар қызметінің ақпарат алаңында аталмыш сала бойынша жартыжылдықта атқарылған жұмыстар баяндалды.<blockquote>– Жалпы, өңірде қызметтің негізгі бағыттары бойынша өткен жылмен салыстырғанда оң динамика байқалады. Мәселен, аймақтағы көлеңкелі экономика деңгейін төмендету мақсатында сәуір айында көлеңкелі экономикаға қарсы іс-қимыл жөніндегі ведомствоаралық комиссия құрылды. Комиссияның жұмыс жоспары бекітіліп, өңірдің ерекшелігін және қолда бар жүйелік проблемаларды ескере отырып, қарауға жататын мәселелер әзірленді. Сондай-ақ, 2024 жылға арналған жұмыс бағыттары да айқындалды, – деді Арман Барысханұлы.</blockquote>&nbsp;Әлеуметтік маңызы бар азық-түлік тауарларының бағасын тұрақтандыру және оларды қадағалау бағытында департамент облыс әкімі жанындағы ӘМАТ жөніндегі комиссия шеңберінде жұмыс жүргізуде. Бүгінгі күнге дейін комиссия 23 отырыс өткізді.&nbsp;<blockquote>– Біз комиссияда қаралған ӘМАТ-қа сауда үстемесінің асып кетуінің 26 фактісін анықтадық. 8 факті бойынша жеткізушілерді әкімшілік жауапкершілікке тарту туралы шешім қабылданды. Мемлекеттік органдарда сатып алудың кезінде өнімсіз делдалдарды жоюдың оң тәжірибесі бар. Сонымен қатар, Департаменттің жүргізген тексеру нәтижесінде облыстық 3 ауруханада өнімсіз азық-түлік жеткізу тізбегінен делдалдар алынып тасталды. Көтерме сатушылармен және өндірушілермен тікелей келісім шарттар жасалғаннан кейін әлеуметтік маңызы бар тауарлар тізбесінің 11 атауы бойынша бағаның төмендеуі қамтамасыз етілді. Атап айтқанда, қартоп, сәбіз, қырыққабат және қант арзандады. Одан бөлек, қаржылық мониторинг агенттігімен қолға алынған жаңа жобаның бірі – 2022 жылдан бастап қаржы пирамидалары мен алаяқтық сайттарын анықтау бойынша әлеуметтік желіге мониторинг жүргізу. «Кибернадзор» ақпараттық жүйесі арқылы қаржы пирамидасы белгісі бар сайттар мен сілтемелерді бұғаттау үшін ҚР цифрландыру және аэроғарыш министрлігі жанынан арнайы эксперттер тобы құрылған.</blockquote>Қызылордалық мамандармен заңсыздық белгілері бар 263 сілтеме енгізіліп, оның ішіндегі 251 сілтеме бұғатталды.&nbsp;<blockquote>Қабылданған шаралар нәтижесінде 4,5 мыңнан астам жазылушысы қаржы пирамидасының белгілері бар 5 шот жабылды. Жастарды қаржылық алаяқтықтан сақтандыру мақсатында, Қызылорда қаласындағы мектептер мен колледждерде өткен жылдан бері «Қаржылық сауаттылық негіздері» тақырыбында семинар-сабақтар өткізу қолға алынды, – деді талдау әзірлемелер тобының басшысы Нұрбол Әлкебайұлы.</blockquote>Фото: Өңірлік коммуникациялар қызметі

Облыстың экономикалық дамуында оң динамика қалыптасқан

<a href="https://kyzylorda-news.kz/">Kyzylorda-news.kz</a> &nbsp; Қостанай облысының&nbsp;бас имамы Тәжімбет Бахытбек Нұрғабылұлы Бурабайдағы түнгі клубтардың бірінен шығып, масаң күйде көлік айдап бара жатқан жерінде ұсталған. Бұл туралы Stan.kz ақпарат агенттігі хабарлайды.Ол сот қаулысымен 15 тәулікке қамалып, 7 жылға көлік құралын басқару құқығынан айырылды.<blockquote>“Тәжімбет Бахытбек Нұрғабылұлы әкімшілік құқық бұзушылық туралы кодекстің&nbsp;608-бабының 1-бөлігімен (Жүргізушінің көлік құралын масаң күйде басқаруы) кінәлі деп танылсын, оған осы бап бойынша 15 (он бес) тәулікке қамаққа алу және 7 (жеті) жылға көлік құралын басқару құқығынан айыру жазасы тағайындалсын.Қамаққа алу уақыты 2024 жылғы 23 шілде сәуір сағат 16:53 минуттан бастап есептелсін”, –&nbsp;деп жазылған қаулыда.</blockquote>Анықталғандай, оқиға 23 шілде күні түнгі сағат үште болған. 777DPA10 нөмірлі Toyota Highlander мінген бас имам Бурабай кентіндегі түнгі клубтың жанынан мас күйінде ұсталды. Сот отырысында Тәжімбет ішімдік ұрттағанын мойындамаған, қымыз ғана іштім деп ақталған. Алайда медициналық куәландыру мешіт қызметкерінің алкоголь ішкенін растады.<blockquote>“Сот&nbsp;Б.Н. Тәжімбетке әкімшілік жаза қолдану кезінде оның жауаптылығын жеңілдететін мән-жайлардың жоқ екендігін, ал жауаптығын ауырлататын мән-жай ретінде, оның алкогольдік масаң күйде болуы және ол әрекетінің жеке басына,&nbsp;айналасындағыларға&nbsp;қауіптілілік тудыратынын ескере отырып,&nbsp;құқық бұзушылық үшін балама жазаның жоқтығын ескере отырып, оған әкімшілік жаза ретінде қамаққа алу және көлік құралын басқару құқығынан айыру жазасын тағайындау қажет деп есептейді”, –&nbsp;деп жазылған сот қаулысында.</blockquote>Айта кетсек, Қазақстан мұсылмандары діни басқармасы&nbsp;ресми&nbsp;сайтынан&nbsp;Қостанайдың бас имамы туралы ақпаратты&nbsp;өшіріп тастағанын байқауға болады.&nbsp;20 өңірдің&nbsp;19-ы бойынша ғана мәлімет бар.Бірнеше сағаттан кейін осы оқиғаға байланысты Қазақстан мұсылмандары діни басқармасы ресми пікір білдірді.<blockquote>“Діни басқарманың қызмет жүйесінде заң нормаларын және дін қызметкері этикасын өрескел бұзатын жеке тұлғалардың діни салада жұмыс істеуіне моральдық тұрғыдан құқығы жоқ. ҚМДБ дін қызметкеріне лайықсыз әрекет жасаған Бахытбек Тәжімбетті Қостанай облысының бас имамы қызметінен босатты. &nbsp;Қазақстан мұсылмандары діни басқармасы болған оқиғаны үлкен өкінішпен қабылдап, еліміздегі мұсылман жамағатынан кешірім сұрайды”, – деп жауап берді ҚМДБ баспасөз қызметі.</blockquote>Тәжімбет Бахытбек Нұрғабылұлы 2015 жылдың&nbsp;қараша айынан Қостанай облысы бойынша өкіл имам және Қостанай облыстық "Марал ишан" мешітінің бас имамы болып тағайындалды. Үйленген, екі баласы бар.&nbsp;Фото:&nbsp;Бахытбек Нұрғабылұлының жеке парақшасынан

Қазақстан және Қызылорда облысының жаңалықтары