<a href="https://kyzylorda-news.kz/">Kyzylorda-news.kz</a> ҚР Президентінің кеңесшісі Бақытжан Сәпиевтың төрағалығымен өткен өңір әкімдерімен кеңесте су тасқынының туындау қаупі, туристік аймақтарды, экологиялық мәдениетті дамытудың, «Таза Қазақстан» тұжырымдамасының жай-күйі және жекеменшік мектептер атауы туралы мәселелер қаралды.Оған облыс әкімінің бірінші орынбасары Данияр Жаналинов селекторлық режим арқылы қатысты. Желтоқсанның 10-ындағы мәліметке қарағанда, Шардара су қоймасынан Сырдария өзенінің төменгі ағысына секундына 150 текше метр су жіберілуде. Былтыр осы күнгі көрсеткіш 300 текше метр болған. Жинақталған су көлемі 1 828 млн. текше метр, өткен жылдың осы күні 2 594 млн. текше метр жиналған. Облыс аумағына 59,3 текше метр су келіп түсуде, былтырғы көрсеткіш 511 текше метр.Өңірде ықтимал су тасқынының алдын алудың іс-шаралар жоспары әзірленген. Су басу қаупі бар аймақтарға арнайы техникалары, күш-құралдары дайындыққа келтірілген мекемелер бекітілді. Атап айтқанда, 31 аймаққа 101 мекеме жауапты, оларда 268 арнайы техника және 1 195 адам күші бар.<img src="https://knadmin.beoblood.kz/uploads/ir_kimderimen_kezdesu_2_f4f85e8e8c.jpg" alt="Өңір әкімдерімен кездесу 2.jpg">Су тасқынына қарсы материалдық-техникалық қор, 100,6 тонна жанармай, 96 099 дана қап және басқа да материалдар жеткілікті. Халықты көшіру пункттері дайын.Жергілікті атқарушы органдар мен төтенше жағдайлар, су шаруашылығы мамандарынан тәулік бойы кезекшілік ұйымдастырылады. Су жағдайы тұрақты бақылауда.Биыл өңірдің туристік әлеуетін арттыру бағытында бірқатар шара қабылданды. Жазғы маусымда 13 шағын және 2 ірі демалыс орны келушілерге қызмет көрсетті. Туристердің сұранысына сай &nbsp;келетін, халықаралық деңгейдегі Rixos және Pana қонақүйлері салынуда.Өткен 10 айдың қорытындысымен туризмге салынған инвестиция 49,2 млрд теңге болып, былтырғыға қарағанда 87 пайыз өсті. Жылдың 3 тоқсанында 157 500 турист келіп, олардың саны да 35 пайыз артқан.Мемлекет басшысының бастамасымен қолға алынған «Таза Қазақстан» республикалық экологиялық бағдарламасы аясында өңірде санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыс жүргізілуде.Бюджет қаражатынан бөлек, кәсіпкерлер демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар заманауи үлгіде жөндеуден өткізілді.Қазіргі уақытта атауын өзгертуге жататын жекеменшік мектеп құрылтайшыларына түсіндірме жұмысы жүргізілуде.<img src="https://knadmin.beoblood.kz/uploads/ir_kimderimen_kezdesu_3_24fdfeb122.jpg" alt="Өңір әкімдерімен кездесу 3.jpg">

Өңір әкімдерімен кеңес өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті. Жиынға құқық қорғау органдарының өкілдері, мемлекеттік мекемелердің басшылары, комиссия мүшелері, сондай-ақ кент және ауылдық округ әкімдері қатысты.Күн тәртібінде екі негізгі мәселе қаралды. «№4 сыбайлас жемқорлықтың алдын алу және оған қарсы іс-қимыл үлгілік базалық бағыты бойынша жыл көлемінде атқарылған жұмыстардың қорытындысы» &nbsp;бойынша &nbsp;аудан әкімі аппаратының мемлекеттік-құқықтық жұмыстар бөлімінің басшысы Е.Зұлқарнаев баяндады. Екінші мәселе бойынша «Сыбайлас жемқорлыққа қарсы іс-қимыл мәселелері жөніндегі комиссияның 2026 жылға арналған жұмыс жоспарының жобасы» бекіту туралы мәселе қаралды.Аудан әкімі Берік Әбдіғаппарұлы өз сөзінде Мемлекет басшысының қоғам өмірінің барлық саласында адалдық пен әділдікті нығайту жөніндегі тапсырмаларын атап өтіп, сыбайлас жемқорлық тәуекелдерін төмендету – мемлекеттік органдардың басты міндеттерінің бірі екенін айтты.&nbsp;Отырыс қорытындысы бойынша аудан әкімі &nbsp;комиссия мүшелеріне бірқатар тапсырмалар беріп, тиісті шараларды қабылдауды міндеттеді.Сонымен қатар отырыс барысында отбасылық-тұрмыстық қатынастар саласындағы құқық бұзушылықтардың алдын алу, соның ішінде құқық бұзушыларға психологиялық көмек көрсету тиімділігі, бөтен мүлікті ұрлау қылмыстарының алдын алу шаралары, сондай-ақ өсім байқалған қылмыс түрлері бойынша қосымша мәселелер қаралды. Сонымен бірге комиссияның 2026 жылға арналған жұмыс жоспары ұсынылып, аудандық полиция бөлімі бастығының орынбасары Қасымхан Асанұлы баяндама жасады.Аудан әкімі Берік Әбдіғаппарұлы отбасындағы тәрбие мен қоғамдағы тәртіп мәселесіне тоқталып, тұрмыстық зорлық-зомбылықтың алдын алудың маңыздылығын атап өтті. Сондай-ақ қылмыстың кейбір санаттары бойынша өсім бар екенін айтып, нақты профилактикалық шараларды күшейтуді тапсырды.Отырыс қорытындысымен құқық қорғау органдарына және жауапты сала басшыларына тиісті тапсырмалар берілді.

Сырдария: Сыбайлас жемқорлыққа қарсы іс-қимыл мәселелері жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a> Қызылорда облысы әкімінің орынбасары Бақыт Жаханов арнайы жұмыс сапарымен Қармақшы ауданына келді. Алдымен Жосалы кентіндегі теміржол вокзалының күрделі жөндеу жұмыстарымен танысты. Бүгінде ғасырға жуық тарихы бар вокзал жұмысы облыс әкімінің тапсырмасына сәйкес жолаушыларға қолайлы жағдай жасау бағытындағы маңызды бастама. Сондықтан бұл жобаның орындалуы мен сапасы бойынша мердігер мекемелерге бірқатар тапсырмаларын берді.Одан кейін жұмыс сапары Төретам кентіндегі теміржол вокзалының күрделі жөндеу және қайта жаңарту жұмыстарының барысын қараумен жалғасты. Мұнда да құрылыс кезеңдері қаралып, мердігерлерге жұмыс қарқынын арттырып, сапа талаптарын қатаң сақтауды тапсырды.&nbsp;<img src="https://knadmin.beoblood.kz/uploads/arma_shy_t_r_yn_j_7ec45e6176.jpg" alt="Қармақшы тұрғын үй.jpg">Сапар соңында Бақыт Жаханов Байқоңыр қаласындағы 50 пәтерлі 5 тұрғын үйдің құрылыс алаңында болды. Халықтың тұрмыс сапасын жақсарту мақсатында салынып жатқан тұрғын үй желтоқсан айының аяғында аяқталады деп жоспарланып отыр. Бұл бағытта тұрғындарға пайдалануға беру мерзімі бойынша жауапты тұлғаларға нақты тапсырмалар жүктеді.Облыс әкімінің орынбасары барлық нысандарда жұмыстарды сапалы әрі уақытылы аяқтаудың маңыздылығын атап өтіп, құрылыс қарқынын арттыруға қатысты тиісті ұсыныстарын берді.<img src="https://knadmin.beoblood.kz/uploads/arma_shy_t_r_yn_j_2_683b6755b1.jpg" alt="Қармақшы тұрғын үй 2.jpg">

Теміржол вокзалы мен тұрғын үй құрылыстарының жай-күйі тексерілді

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов ауданға жұмыс сапарымен келіп, аудан әкімі Аманжол Оңғарбаев пен облыстық құрылыс, сәулет және қала құрылысы басқармасының басшысы Ерлан Төралиев және құрылыс саласының мамандармен бірге қаладағы бірнеше құрылыс нысандарының жұмысымен танысты.Алдымен Тоқабай және Қарақұм ауылдарына барып, ауыз су тарту жұмыстарының құрылысымен танысты. &nbsp;Қазіргі таңда Арал-Сарыбұлақ топтық су құбырына қосылатын Арал-Тоқабай-Абай тармағының құрылысы және Қызылорда облысы Арал ауданына қарасты Тоқабай, Абай елді мекендерін сумен жабдықтау жұмыстары жүргізілуде. Жобаның мақсаты – халық саны 868 адамды құрайтын Тоқабай және 2206 адам тұратын Абай ауылдарын, яғни жалпы 3074 адамды орталықтандырылған ауыз сумен қамтамасыз ету.&nbsp;<img src="https://knadmin.beoblood.kz/uploads/Ba_yt_Zhahanov_Aral_audanyna_bardy_3_19158d6ab3.jpg" alt="Бақыт Жаханов Арал ауданына барды 3.jpg">Жоба құны – 8,2 млрд теңге. Бас мердігер – «Сапа Құрылыс 2007» ЖШС. Нысан құрылысы 2021 жылы басталған. Бүгінгі таңда Жақсықылыш–Тоқабай бағытындағы ұзындығы 39 шақырым болатын су құбыры толық тартылды. Тоқабай ауылындағы ұзындығы 16,7 км болатын ауылішілік су желісі тартылып, тоқабайлықтардың игілігіне таза әрі сапалы ауыз су пайдалануға берілді.Облыс әкімінің орынбасары мұнан соң халықтың әлеуметтік осал тобына жататын тұрғын үйге мұқтаж отбасыларға арналып салынып жатқан тұрғын үйлердің құрылыс жұмыстарын көрді.Қазіргі таңда ауданда 2 пәтерлі 30 тұрғын үйдің құрылысы жүргізілуде. Өткен жылы мемлекеттік бюджеттен бөлінген 2,2 млрд теңгеге салынған 150 пәтерлі тұрғын үйге жыл басында тұрғындар қоныстанған болатын. Бұл бағыттағы жұмыстар биыл да жалғасуда. Ағымдағы жылы 60 пәтер сатып алуға 900 млн. теңге қаржы қаралды. Бүгінде тұрғын үйлер құрылысы аяқталуға жақын. Қазіргі уақытта ішкі әрлеу және жылу жүйелері жүргізілуде. Қаз-қатар тізілген үйлердің сыртқы қоршау жұмыстарымен қатар айналасын ретке келтірілуде.Облыс әкімінің орынбасары Б.Жаханов нысандарды аралау барысында құрылыс басында жауапты тұлғалармен жүздесіп, тиісті тапсырмалар берді.Бахыт Дүйсенұлы мұнан соң қаладағы темір жол вокзалының құрылыс жұмыстарымен танысты. Бұған дейін Арал қаласы мен Сексеуіл кентіндегі темір жол вокзалдарын күрделі жөндеуден өткізу жоспарланған. Алайда алдын ала жобалау барысында ғимараттардың тым ескі болуына байланысты, іргетасы мен қабырға тіректерінің әбден тозуы салдарынан инженерлік-техникалық тұрғыда күрделі жөндеу жұмыстарын жүргізу тиімсіз деп танылды.<img src="https://knadmin.beoblood.kz/uploads/Ba_yt_Zhahanov_Aral_audanyna_bardy_2_df52283619.jpg" alt="Бақыт Жаханов Арал ауданына барды 2.jpg">Қазіргі таңда Арал қаласы мен Сексеуіл кентіндегі ескі вокзалдардың орнына жаңа ғимараттардың құрылысы жүргізілуде. Бүгінде қалалық темір жол бекетінің құрылыс жұмыстарын «Техоснастка-Ремсервис» ЖШС мекемесі жүргізуде. Ғимараттың қабырғаларын қалау, бетон бұйымдарын берік орнату, терезелерін салу және ішкі бөлмелерін сылау жұмыстары жүргізілуде.&nbsp;Медицина саласында да нәтижелі істер қолға алынуда. Аудандағы жұқпалы аурулар бөлімшесінің ескі ғимаратының орнына жаңа нысанның құрылысы жүріп жатыр. Құны 2 млрд 300 млн теңге болатын нысанды «Иман» ЖШС мекемесі салуда. Қазіргі уақытта сыртқы абаттандыру және ішкі әрлеу жұмыстары жүргізілуде.Б.Дүйсенұлы нысан басында мердігер мекеме өкілдерімен тілдесіп, жұмысты сапалы әрі уақытлы аяқтауға күш салу керектігін тапсырды.Облыс әкімінің орынбасары Бахыт Жаханов кезекті жұмыс сапары барысында Мергенсайда салынып жатқан 150 орындық жаңа мектеп ғимаратының құрылыс барысымен танысты.&nbsp;&nbsp;Құны 2 млрд 333 млн. теңге болатын нысанның сырты толықтай қапталып, ішкі әрлеу және инженерлік жүйелерді тарту жұмыстары аяқталуға жақын. Қазіргі таңда ғимараттың ішкі жылу жүйелері мен электр желілері толықтай орнатылған. Еден төсеу, ішкі есіктерді орнату және абаттандыру жұмыстары жүргізілуде. Жаңа мектеп ғимараты жыл соңына дейін пайдалануға беріледі деп күтілуде.Бахыт Дүйсенұлы нысанды аралау барысында мердігерлерге сапа мен мерзім талаптарын сақтау қажеттігін қатаң ескертіп, тұрғындар көптен күткен білім ордасының уақытылы пайдалануға берілуі аса маңызды екенін айтты.Мұнан соң Сексеуіл кентінде жаңадан салынып жатқан вокзал ғимаратының құрылыс жұмыстарымен танысты. &nbsp;Бүгінде заманауи жолаушылар вокзалын толық аяқтауға, жолаушылар алаңын (перон) абаттандыруға қажетті материалдар қосымша жеткізілген. Ғимараттың қабырғасын сылау, стяжка құю, терезе салу, электр желісін жүргізу жұмыстары жүргізіліп жатыр. Жаңа заман талабына сай келетін вокзал алдағы уақытта кент ажарын ашып, жолаушыларға толыққанды қызмет көрсететін болады.Облыс әкімінің орынбасары Бақыт Жаханов кездесу барысында жауаптыларға негізгі жұмысты бәсеңдетпеуді және белгіленген мерзімде сапалы аяқтауды тапсырды.

Облыс әкімінің орынбасары жұмыс сапарымен Арал ауданында болды

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен қолға алынған «Ауылда денсаулық сақтауды жаңғырту» ұлттық жобасы аясында Шиелі ауданында кешенді әрі жүйелі жұмыс атқарылды. Ауыл халқын сапалы алғашқы медициналық көмекпен қамтамасыз етуді мақсат тұтқан ұлттық жобаның арқасында тұрғындардың денсаулығын жақсарту ісі ілгерілеп келеді.Шиелі аудандық көпбейінді орталық ауруханасына қарасты Бала би, Досбол би, Қарғалы, Ортақшыл, Алмалы, Ә.Тәжібаев, Тартоғай және Бестам елді мекендеріндегі дәрігерлік амбулаториялардың тозығы жетіп, техникалық сараптама қорытындысы бойынша апатты жағдайда деп танылған болатын. Кейінгі екі жылда материалдық-техникалық жағынан жарақтандырылған, заманауи үлгідегі 8 дәрігерлік амбулатория салынып, пайдалануға берілді.Дәрігерлік амбулаторияларда физиотерапия, денешынықтыру, фильтр, акушерлік кабинеттер, дәріхана мен дәрілік қойма, химизатор, тіркеу бөлімі, медициналық қалдықтарды сақтау және дезинфекциялық ерітінді дайындау бөлмелері қарастырылған. Әр нысанда 4 төсек-орындық күндізгі стационар жұмыс істейді.Аудандық аурухананың жұқпалы аурулар бөлімі 1974 жылы асармен салынған, тозығы жетіп, апатты жағдайда тұрған болатын. Тамыз айында 30 төсектік жұқпалы аурулар бөлімі салынып, қолданысқа берілді.Онда 20 бокс, 2 төсек-орындық қарқынды терапия палатасы, 3 процедуралық және қарау кабинеті, шағын операциялық блок бар. Бөлімше тәулік бойы жұмыс істейді және қауіпті инфекцияларды ерте анықтау, оқшаулау, емдеуге толық дайын.Облыс басшылығының, денсаулық сақтау басқармасының қолдауымен 27 жаңа жедел жәрдем көлігі аудандағы ауылдық амбулаторияларға табысталды.Клиникалық фармакология қызметін жетілдіру жөніндегі 2024-2026 жылдарға арналған жол картасы аясында аудандық ауруханада госпитальдық фармация бөлімі ашылып, қазір жұмыс атқаруда.«Болашақ» дәрігерлік амбулаториясы 1970 жылы салынған, 75 пайыз тозығы жеткен нысан болатын. Бүгінде күрделі жөндеуден өткізіліп, материалдық-техникалық базасы жаңартылды. Кабинеттер санитарлық және техникалық талаптарға сәйкестендірілді, жаңа медициналық аппараттар орнатылды, қабылдау аймақтары кеңейтілді.Шиелі ауданаралық ауруханасының көпбейінді ауруханаға айналуына байланысты медициналық қызмет ауқымы ұлғайды. Емдеу мекемесі МРТ аппаратымен жабдықталды. Аудандық аурухана жанынан жаңа ғимарат құрылысы аяқталып, 18 төсектік инсульттік және диагностикалық бөлімше қолданысқа берілді.Аудан дәрігерлері Германия Түркия, Литвада білімін жетілдіріп, тәжірибе алмасып, заманауи медициналық тәжірибелерді меңгеріп келді.Бұл бастамалар Шиелі ауданындағы медициналық қызмет сапасын арттыруға, халыққа қолжетімді әрі сапалы медициналық көмек көрсетуге бағытталған.Фото: Қызылорда облысы әкімінің баспасөз қызметі

Шиелі ауданына қарасты 8 ауылда жаңа дәрігерлік амбулатория салынды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы «Евразия» спорт кешенінде ҚР Тәуелсіздік күніне орай мемлекет және қоғам қайраткері Ілияс Қабыловты еске алуға арналған дзюдодан 2009-2010 жылы туылған жасөспірімдер арасында халықаралық турнирдің ашылу салтанаты өтті.Ашылу рәсіміне облыстық мәслихат депутаты, облыстық дзюдо федерациясының президенті, “Ауыл” партиясының Қызылорда облыстық филиалының төрағасы Садық Мұстафа, облыстық дене шынықтыру, спорт және туризм басқармасының бөлім басшысы Сағидат Бертай, ҚР Оқу-ағарту министрлігінің Ұлттық ғылыми практикалық дене шынықтыру орталығының жетекші-сарапшысы Нұрсұлтан Бекмұратұлы, «Мейірім құшағы» әйел-бала отбасы жөніндегі облыстық қоғамдық бірлестігінің төрағасы Динара Ибадуллаева және Қырғызстан елі, Ош қаласының дзюдо федерациясының президенті Тимур Сатиев қатысты.Ілияс Қабылов – Сырдан шыққан көрнекті публицист, әдеби сыншы, философ. Ол қазақ мәдениеті мен әдебиетінде қайталанбас туындыларды жарыққа шығарып, ұлттық мазмұнды ұштастыра білген бірегей тұлға. Биыл мемлекет және қоғам қайраткерінің құрметіне арналған дәстүрлі турнир 10-шы мәрте ұйымдастырылуда.Салтанатты шарада құрметті қонақтар барша жарыс қатысушыларына құттықтау сөз сөйлеп, сәттілік пен шынайы жеңіс тіледі. Одан кейін Қырғызстан елінен арнайы келген Тимур Сатиевке қазақтың дәстүріне сай құрмет көрсетіліп, сый-сияпат табысталды. Өз кезегінде құрметті қонағымыз өз ризашылығын білдіріп, Қырғызстан елінің жұртшылығы атынан естелік сыйлық табыстады.Тәуелсіздік мерекесіне орай салтанатты шара соңында спортшылар, құрметті қонақтар және қадірлі көрермендер бір мезетте көк Туымызды желбіретіп, патриоттық ән шырқады.Айта кетейік, мемлекет және қоғам қайраткері Ілияс Қабыловты еске алуға арналған халықаралық турнирге Қырғызстан елінен және еліміздің әр аймағынан 10 команда, 400-ге жуық спортшы үш күн бойы 16 салмақ дәрежесінде боз кілемде белдесетін болады. Жарыс жеңімпаздары арнайы Алғыс хат және медальдармен марапатталады.

Дзюдодан мемлекет және қоғам қайраткері Ілияс Қабыловты еске алуға арналған халықаралық турнир басталды

<a href="https://kyzylorda-news.kz/">Kyzylorda-news.kz</a> «AMANAT» партиясының Саяси менеджмент академиясы «Барлық деңгейдегі мәслихат депутаттарының бюджет процесіндегі рөлі» тақырыбында тағылымды оқыту семинарын ұйымдастырды. Оқыту барысында депутаттардың бюджеттік саясаттағы құзыреттерін арттыру, жергілікті бюджетті жоспарлау, қарау және бекіту кезіндегі рөлін күшейту мәселелері пысықталды.Сабақты облыстық мәслихаттағы «AMANAT» партиясы депутаттық фракциясының мүшесі, Экономика, әлеуметтік және құқықтық мәселелер жөніндегі тұрақты комиссияның төрағасы Балжан Шәменова жүргізіп, бюджеттік процестің өзекті тұстарына жан-жақты тоқталды.Оқытудың негізгі мақсаты- мәслихат депутаттарының бюджеттік процестерге қатысу құзыреттерін кеңейту, жергілікті атқарушы органдармен тиімді өзара іс-қимыл орнату дағдыларын дамыту, бюджет саясатының ашықтығы мен есептілігін арттыру және қаралған қаражаттың нәтижелілігіне мониторинг жүргізу тетіктерін жетілдіру.Іс-шараға аудандық мәслихаттардың экономика мәселелері жөніндегі тұрақты комиссияларының, Қызылорда қалалық мәслихатының экономика, кәсіпкерлікті дамыту, әлеуметтік сала және құқықтық тәртіп мәселелері жөніндегі тұрақты комиссиясының және облыстық мәслихаттағы экономика, әлеуметтік сала және құқықтық тәртіп мәселелері жөніндегі тұрақты комиссияның төрағалары қатысты.Оқу барысында депутаттар бюджеттік жоспарлау, мониторинг жүргізу және атқарушы органдармен өзара іс-қимыл мәселелері бойынша бірқатар сұрақтар қойып, өздеріне қажетті түсіндірмелер алды.Бұл оқыту өңірлік депутаттардың кәсіби әлеуетін арттырып қана қоймай, аймақтың әлеуметтік-экономикалық дамуына бағытталған бюджет саясатының сапалы жүзеге асуына ықпал ететін болады.<img src="https://knadmin.beoblood.kz/uploads/1_M_slihat_deputattaryny_byudzhettik_zyretterin_arttyru_bojynsha_o_ytu_jymdastyryldy_d5dee2a7c7.jpg" alt="1Мәслихат депутаттарының бюджеттік құзыреттерін арттыру бойынша оқыту ұйымдастырылды.jpg">

«AMANAT»: Мәслихат депутаттарының бюджеттік құзыреттерін арттыру бойынша оқыту ұйымдастырылды

<a href="https://kyzylorda-news.kz/">Kyzylorda-news.kz</a> ҚР Бәсекелестікті қорғау және дамыту агенттігінің Қызылорда облысы бойынша департаменті өңірдегі мемлекеттік мүлікті оңтайландыру және экономиканы ырықтандыру бағытында ауқымды жұмыс жүргізіп келеді. Бұл шаралар Қазақстан Республикасының Президенті қол қойған «Экономиканы ырықтандыру жөніндегі шаралар туралы» Жарлық аясында іске асуда.&nbsp;Департамент мемлекеттік кәсіпорындардың қызмет саласын кеңейту, жаңадан құру немесе өзгерту кезінде монополияға қарсы органның келісімін алу процесін қадағалайды. Биыл 40 кәсіпорынға қатысты мониторинг жүргізіліп, оның ішінде 32 ұйымның қызметін заңсыз кеңейткені немесе монополияға қарсы органның келісімінсіз жұмыс істегені анықтаған. Бұл туралы ҚР Бәсекелестікті қорғау және дамыту агенттігінің Қызылорда облысы бойынша департаментінің басшысы Дамир Тоқжанов мәлімдеді.<blockquote>- 2025 жылдың қорытындысы бойынша департамент нарық субъектілері мен мемлекеттік органдарға бәсекелестік туралы заңнаманы бұзу белгілеріне қатысты 4 ресми хабарлама жолдаған. Ұлттық жекешелендіру басқармасының қорытындысы бойынша Қызылорда облысында жекешелендіруге жататын 18 квазимемлекеттік сектор субъектісінің тізімі жасақталды. Бұл тізім 2025 жылғы 24 қазанда қабылданған ҚР Үкіметінің №894 қаулысымен ресми түрде бекітілді. Жекешелендіруге жататын ұйымдар коммуналдық шаруашылық, ветеринария, спорт, әуежайлар және несие беру салаларында қызмет көрсетеді. Олар тендер, аукцион, сенімгерлік басқаруға беру немесе біріктіру жолымен жекешелендірілмек,- деді Дамир Жакенұлы.</blockquote><img src="https://knadmin.beoblood.kz/uploads/brifing_6a0e974b42.jpg" alt="брифинг.jpg">Фото: Нұрболат Нұржаубай

 Аймақта мемлекеттік секторды оңтайландыру және жекешелендіру жұмыстарына баса назар аударылуда

<a href="https://kyzylorda-news.kz/">Kyzylorda-news.kz</a> Шорт-тректен 2026 жылғы қысқы Олимпиадаға қатысатын Қазақстан ұлттық құрамасы белгілі болды.Олимпиада лицензиясын иеленген спортшылардың есімдері биылғы 9 қазан мен 30 қараша аралығында өткен шорт-тректен әлемдік турдың қорытындысы бойынша анықталды. Нәтижесінде Қазақстан құрамасы 9 олимпиада лицензиясын жеңіп алды.Бас бапкер Петр Гамидов пен ұлттық құрама бапкерлер штабының шешімімен 2026 жылғы қысқы Олимпиадада ел намысын Денис Никиша, Абзал Әжіғалиев, Ольга Тихонова және Яна Хан қорғайды.Лицензия бойынша ақпарат:2000 м (микст) – 1 лицензияЕрлер:500 м – 2 лицензия 1000 м – 1 лицензияӘйелдер:500 м – 2 лицензия 1000 м – 1 лицензия 1500 м – 2 лицензияАйта кетейік, бұған дейін мәнерлеп сырғанаушылар Михаил Шайдоров пен Софья Самоделкина әлем чемпионатында олимпиадалық нормативті орындап, екі лицензия жеңіп алған еді. Осылайша, Олимпиадаға қатысатын спортшылар саны 6-ға жетіп, ел қоржынына жалпы 11 лицензия түсті.Олимпиада жолдамаларының нақты саны 2026 жылғы қаңтардың соңында белгілі болады.XXV қысқы Олимпия ойындары 2026 жылғы 6-22 ақпан күндері Милан мен Кортина-д’Ампеццо қалаларында өтеді. Оған 93 елден 3 500-ден астам спортшы қатысады.

Шорт-трек: Қазақстан құрамасы 9 олимпиада лицензиясын жеңіп алды

<a href="https://kyzylorda-news.kz/">Kyzylorda-news.kz</a> Төтенше жағдайда тыпыршып қалмаған игі. Бұл үшін дайындыққа ден қоюдың мәні зор. ҚАЖ департаментіне қарасты №68 мекеме қызметкерлерінің “дабыл сөмкесі” тексеріліп, шұғыл әрекет етуде шатқаяқтап қалмауының алдын алды.Иә, мұның кәсіби жауапкершілікті нығайтуға септігі тиеді. Өйткені, әр қызметкердің ұқыптылығымен ұштасып жатқаны ұғынықты. Сөмкедегі заттың жадынамаға сай түгел болып, тиісті орнына салынуы да мұқият қаралды. Қызметтік куәлік те назардан тыс қалмай, жіті тексерілді. “Дабыл сөмкесінің” дайындығы – күтпеген оқиға кезінде күйгелектену мен артық даурығудан алыс ететіні анық. Себебі, құрал-жабдықтың жоқтығы қызметкерді қапы етіп, абдырап қалудан басқа амал қалдырмайды. Мекеме бастығының тәрбие ісі жөніндегі орынбасары әділет майоры Мирамбек Тұрымбетовтің сөзі де осыны сабақтайды.<blockquote>– Әр дайындық жұмысын зерделеу – күн тәртібінен түскен емес. Әсіресе, “дабыл сөмкесінің” жайы жоспарлы жүзеге асып отырады. Дайындық дағдыға айналса, кәсіби бейне қалыптасып, жауапкершілік деңгейі де артады. Қызметкерлердің жеке қорғаныс және төтенше жағдайға қажетті құралдары тексерілді. Нәтижесінде, айтарлықтай кемшілік байқалмады. Бұл бағыттағы жұмыс алдағы уақытта да пысықталады, - деді әділет майоры М.Ұзақұлы.</blockquote>Демек, ортақ жауапкершілік ортаймаса, осал ойға да орын болмайды деген сөз.

Дабыл сөмкесі: даурығусыз дайындықтың мәні

<a href="https://kyzylorda-news.kz/">Kyzylorda-news.kz</a> Қыстың қытымыр мінезі қамдану керегін еске салады. Өйткені, көк тайғақта жолдағы қауіп те еселенетіні белгілі. Осы тұста, жол-патрульдік полициясы ҚАЖ департаментіне қарасты №68 мекемесі қызметкерлерінің жеке автокөлігіне тексеру жүргізді.Қауіпсіздік талаптарын күшейту мақсатындағы іс-шара &nbsp;– әр қызметкердің амандығын сақтаудағы негіз болды. Арнайы мамандар көліктердің техникалық жағдайын, құжаттардың дұрыстығын және ең бастысы – қысқы дөңгелектердің орнатылуына мұқият қарады.<blockquote>– Көлік – күнделікті қатынас құралы. Сондықтан, оның талапқа сай болып, дұрыс жабдықталуы өзіміздің де, өзгенің де өміріне тікелей әсер етеді. Оның үстіне, қызметте де, қызметтен тыс уақытта да талап пен тәртіпті сақтау – міндетіміз. Сол себепті, мұндай тексеру жұмысы барынша ұқыпты әрі ыждағатты болуға ықпал етеді, - дейді жеке құраммен жұмыс жөніндегі аға инспектор әділет лейтенанты Фердауси Ертай.</blockquote>Жол-патрульдік полициясының кәсіби қолдауы мен бірлескен бақылау қызметкерлерге уақытылы ескерту жасап, қауіптің алдын алуға көмектеседі. Мұндай тиянақты тексеріс – қос тараптың амандыққа алаң болып, сақтыққа салғырт қарамайтынына дәлел.

Қысқы қауіпсіздік: қызметкерлердің көлігі тексерілді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен аудандық прокуратурадағы кадрлық өзгерістердің орын алуына байланысты арнайы мәжіліс өтті.Жиында аудан басшысы ауданда прокуратура органдарымен бірлесе атқарылған нәтижелі жұмыстар жайында айтып, қадағалаушы органның қоғамдағы маңызын атап өтті.Мұнан кейін, Қызылорда облысы прокурорының орынбасары Сарпеков Мәди Нәбиұлына сөз берді, аудандық прокуратурадағы кадрлық өзгерістерді таныстырып өтті.Облыс прокурорының орынбасары Мәди Нәбиұлы Арал ауданының прокуроры лауазымына «Прокуратура туралы» Қазақстан Республикасының Конституциялық заңына сәйкес ротациялау тәртібімен жаңадан тағайындалған Әбіш Дарын Елтайұлын аудан активіне таныстырды.<img src="https://knadmin.beoblood.kz/uploads/Aral_ta_ajyndau_b5bd4dbd4d.jpg" alt="Арал тағайындау.jpg">Актив отырысында аудан әкімі Аманжол Сақыпұлы бұған дейін Арал ауданының прокуроры қызметін 5 жылдай атқарып келген Мадияр Ертарғынұлының еңбегіне тоқталып, қоғамдағы күрделі мәселелердің шешілуіне ықпал етіп, қылмыстық ахуалды тұрақтандыруға құқық қорғау органдарымен бірге тығыз жұмыс жасағанын атап өтті.Қызмет барысында көрсеткен жоғары кәсіби деңгейі, заңдылық пен әділдікті сақтауға қосқан зор үлесі үшін облыстың ең жоғары марапаты – Қызылорда облысының "Құрмет Грамотасы" мен облыс әкімі Н.Нәлібаевтың «Алғыс хатын» табыстады.Мәжілісте аудандық ардагерлер кеңесінің төрағасы Әділбек Әйімбетов пен аудандық мәслихат төрағасы Базарбай Төрахметов, Арал аудандық сотының төрағасы Руслан Алдамбергенов жаңадан тағайындалған прокурорларға құттықтау сөз сөйлеп, пікірлерін білдірді.Арал ауданының Прокуроры қызметіне тағайындалған Әбіш Дарын Елтайұлы 1978 жылы Қызылорда облысы, Шиелі ауданында дүниеге келген.Түркістан қаласы Қ.А.Яссауи атындағы ХҚТУ-дың «заңгер» мамандығы бойынша білім алып, 1998-1999 жылдары Қарулы Күштері қатарында болған.Еңбек жолын 2000 жылы Жаңақорған ауданы прокурорының көмекшісі қызметінен бастаған.Одан әрі Сырдария ауданы прокурорының көмекшісі, Қызылорда қаласы прокурорының аға көмекшісі, облыс прокуратурасының бөлім прокуроры, 2005-2010 жылдары Жаңақорған ауданы прокурорының орынбасары қызметін атқарған.2010-2019 жылдары облыс прокуратурасында үздіксіз қызмет етіп, облыс прокурорының көмекшісі, аға көмекшісі, басқарма бастығы, 2019-2022 жылдары Жаңақорған ауданының, 2022-2025 жылдары Қазалы ауданының прокуроры қызметтерін атқарған.Прокуратура органдарындағы жұмыс өтілі 25 жылдан астам.Қызметтегі жетістіктері үшін ҚР Президентінің жарлығымен «Жауынгерлік ерлігі үшін» медалімен наградталып, үлгілі қызмет атқарғаны үшін Бас Прокурордың және облыс прокурорының бұйрықтарымен бірнеше мәрте марапатталған. Отбасылы, 5 бала тәрбиелеп отыр.Фото: Аудан әкімінің баспасөз қызметі

Қазақстан және Қызылорда облысының жаңалықтары