<a href="https://kyzylorda-news.kz/date/2020/10/28/">Kyzylorda-news.kz</a>. Бүгін облыс әкімі Гүлшара Әбдіқалықова пандемия жағдайына сәйкес, онлайн режимінде өтіп жатқан «Алтын дән-2020» шарасына қатысты.Жиынды Қызылорда қаласы мен аудандардан онлайн форматта 300-ге жуық маман көрді.
Шарада аймақ басшысы ауыл шаруашылығы ел экономикасының қозғаушы саласы екенін және мемлекеттік қолдаудың арқасында өңірдің ауыл шаруашылығы өндірісінің дамуында оң нәтижелер қалыптасқандығын тілге тиек етті. Сонымен бірге, пандемия кезеңінде су тапшылығының туындауына қарамастан, биылғы жылы әр гектарына орташа 61,8 центнерден өнім алып, 551 мың тоннадан астам Сыр күрішін ел қамбасына құйып, кезекті рекордтық көрсеткіштің жаңарғанын ерекше атап өтті.
Өңірде аграрлық салада өндірілген өнім көлемі 94,4 млрд. теңгеге жетіп, өткен жылдың сәйкесті кезеңімен салыстырғанда 3,2 пайызға артқан. Ал, ауыл шаруашылығына салынған инвестиция көлемі 1,8 есеге, тамақ өнімдерін өндіруге салынған инвестиция 1,6 есеге ұлғайған.
Биыл облыс бойынша барлығы 184,2 мың гектарға ауыл шаруашылығы дақылдары егіліп, жалпы егіс көлемі соңғы бес жылда 16 мың гектарға көбейген.
Суармалы суға байланысты жыл сайынғы мәселелерді ескере келе, қысқа мерзімде ауыл шаруашылығы өндірісін, әсіресе, егіншілік саласын әртараптандыру бағыты қолға алынды. Бұл ретте соңғы бес жылда мал азықтық дақылдар 4 мың гектарға, күріштен басқа дәнді дақылдар 7,5 мың гектарға артқан.
Өңірде әртараптандыруға бағытталған соя, жүгері және бидай дақылдары егісінің көлемін ұлғайтып, аквагельді пайдаланып егілген 80 гектар күздік бидайдың әр гектарынан 18 центнерден өнім алынды. Сондай-ақ, алдағы кезде күріштің егіс көлемін азайтып 80-85 мың гектарға тұрақтандырып, орнына диверсификациялы дақылдар егу көзделіп отыр.
Шара барысында ауыл шаруашылығы бағытында негізгі табыс түсіретін секторлардың даму перспективалары сөз болып, әрбір ауданның ерекшеліктеріне қарай өнім өндіру мәселесі айтылды. Айталық, келесі жылдың өзінде, Қазалы ауданында жаңбырлатып суғару тәсілімен егілетін 87 гектар жүгері, Жаңақорған ауданында томат пастасы өндірісін ашуға бағытталған 3 мың гектар қызанақ егу бірінші кезекте іске асырылмақ. Ал, Шиелі ауданында пайдаланылған ағын суды қайта қолдану арқылы жаңбырлату тәсілімен 10 мың гектарға жоңышқа дақылы егу қолға алынады.
Өңірдің экономикалық кірісін көбейтуде мал шаруашылығы бағытын дамыту мәселесі де өзекті. Мүйізді ірі қара 4,4%-ға, жылқы 8,5%-ға, түйе 5,3%-ға көбейіп, мал өнімдерінің өндірісі бойынша бүгінгі күнге 26,3 мың тонна ет, 65,2 мың тонна сүт өндіріліп, ет өндірісі 2,5%-ға, сүт өндірісі 2,6%-ға артқан. Аймақтың экспорттық әлеуеті артып, ауыл шаруашылығы тауар өндірушілерімен 17 мемлекетке 22,5 млн.АҚШ долларын құрайтын 66,1 мың тонна ауыл шаруашылығы өнімдері экспортталған. Оның ішінде, биыл алғаш рет облыстан Германияға 421,5 тонна қамыс, ал Қытай мен Ауғанстанға 391 тонна мақсары майы жөнелтілген.
Ерекше айту керек, Қызылорда облысының 2023 жылға дейінгі экономикалық даму жоспары аясында бекітілген 287,4 млрд.теңгені құрайтын 265 инвестициялық жобалардың ішінде ауыл шаруашылығы саласында 58,8 млрд.теңгені құрайтын 63 жоба бастау алды.
Бүгінгі күнге, әлеуметтік маңызы бар азықпен қамтамасыз ету мақсатында құны 14 млрд.теңге құрайтын 45 инвестициялық жобаны жүзеге асыру басталса, оның 9 жобасы іске қосылған. Ал, алдағы жылы өңірде қуаттылығы жылына 5 мың тонналық ет комбинаты, Қармақшы ауданында жылына 1500 тонна құс етін өндіретін құс фабрикасы, Шиелі ауданында қуаттылығы 24 тонналық сүт фермасы және ауыл шаруашылығы өнімдерін терең өңдеуге бағытталған басқа да жобалар жүзеге асатын болады.
Аймақта ауыл шаруашылығына қажетті су тораптарын қайта қалпына келтіру жұмыстары да жолға қойылған. Мәселен, «2020-2021 жылдарға арналған Жұмыспен қамтудың жол картасы» бағдарламасы аясында «Жиделі су қоймасын қайта жаңғырту» жұмыстарына 450 млн. теңге, «Әйтек су торабын қайта жаңғырту» жобаларына 700 млн.теңге қаржы қаралып, жұмыстар іске асуда. Ал, алдағы кезде жаз маусымындағы су тапшылығын шешу мақсатында «Қараөзек су қоймасы» және Шиелі ауданында қысқы кезеңдегі тасқын суды жинап егістікке пайдаланатын «Күміскеткен» су қоймасын іске асыру міндеті тұр.
Шара соңында аймақ басшысы ауыл шаруашылығы еңбеккерлерін 27 номинация бойынша үздік аудандар мен агроөнеркәсіп саласының озаттарын марапаттады. Олардың қатарында Сырдария ауданынан «Мади Қажы» серіктестігінің директоры Сейткамал Сұлтанов пен Қазалы ауданынан «Рза-Агро» серіктестігінің егіс бригадирі Балғазы Аймағамбетұлы да бар. Сонымен бірге биылғы жылы күріш өндеу зауытын іске қосып, 45 мың тонна күріш ақтап, ішкі және сыртқы нарыққа өнім шығарғаны үшін «Абзал и К» серіктестігінің директоры Мағжан Ералиев «Озат өңдеу кәсіпорны» номинациясын иеленді. Ал, «Озат ауыл шаруашылығы кооперативі» аталымы Шиелі ауданынан «Шиелі төрт түлігі» кооперативінің жетекшісі Сабыр Ермахановқа табысталды. Жиында «Озат комбайншы» номинациясы Жалағаш ауданынан келген «Таң ЛТД» ЖШС комбайншысы Талғат Табынбаевқа бұйырды.
Мұнан бөлек, айрықша еңбек еткен сала ардагерлеріне Қазақстан Республикасының Ауыл шаруашылығы министрлігінің «Ауыл шаруашылығы саласының үздігі» және «Еңбек ардагері» төсбелгісін табыстады.
<img src="https://kyzylorda-news.kz/wp-content/uploads/2020/10/123110834_2852347201534997_3942990734109343353_n.jpg" alt="" />
<img src="https://kyzylorda-news.kz/wp-content/uploads/2020/10/123119108_2852346921535025_3839397873724932561_n.jpg" alt="" />

Облыс әкімі «Алтын дән-2020» шарасына қатысып, еңбек озаттарын марапаттады

<a href="https://kyzylorda-news.kz/date/2020/10/28/">Kyzylorda-news.kz.</a> Бүгін Қызылордада жастар саясатын дамыту мақсатында «BIRGEMIZ QYZYLORDA» волонтерлардың күндізгі лагері бастау алды.
Санитарлық талаптарды сақтай отырып өткізілетін лагерь жұмысы 28-30 қазан күндері аралығында 3 күнге созылмақ. 
Лагерьге 20-ға жуық волонтерлық жастар ұйымдары мен белсенді бастамашыл топ өкілдерінен барлығы 80 волонтер қатысуда.
Лагерь барысында жастармен Волонтерлық тақырыптық бағыт бойынша түрлі мәселелер талқыланады. Соның ішінде «Волонтерлік қызмет» дегеніміз не, «Волонтер жылының» ерекшелігі неде, волонтерлік қызметті дамыту үшін қандай шараларды қолға алған жөн тақырыптарындағы сұрақтарға жауап іздемек.
Білікті тренерлермен құқықтық сауаттылық, медиа волонтерлық және жергілікті және халықаралық деңгейдегі волонтерлық тақырыптарында оқыту жұмыстары жүргізілмек.
Сондай-ақ мәдени, спорттық-туристік шаралар да жоспарланған. Яғни, «Birgemiz: Asyl mura» жалпыұлттық жобасы бойынша «Рухани жаңғыру» орталығымен бірлесе отырып қала тарихы, мәдени демалыс орындары, мұражайларға экскурсия ұйымдастырылмақ. Сыр бойындағы шаһардың өткені мен бүгінін көрсету, таныстыру барысында қызықты танымдық ойындар да жүргізілетін болады.
Ал, «Birgemiz: TazaQazaqstan» жалпыұлттық жобасы бойынша қатысушы ұйымдар мен жастар және белсенді жастарды тарта отырып қала ішінде эко-акциясын өткізеді. Бұл шараның да жастар үшін өздерінің қаласын таза ұстауға, вандализмнің алдын алуға маңызы зор.
Айта кету керек, лагерь жұмысын «Бізбен бірге» қоғамдық қоры қалалық ішкі саясат бөлімінің тапсырысы «Мейірімділік қадамдары» волонтерлік қозғалысы» әлеуметтік маңызы бар қызметінің аясында үйлестіруде.
<img src="https://kyzylorda-news.kz/wp-content/uploads/2020/10/123048518_1029588350889345_6154048025256011184_n.jpg" alt="" />
<img src="https://kyzylorda-news.kz/wp-content/uploads/2020/10/123138473_1029588244222689_8663299950683601791_n.jpg" alt="" />

Қызылордада еріктілердің күндізгі лагері басталды

<a href="https://kyzylorda-news.kz/date/2020/10/28/">Kyzylorda-news.kz</a>. Қызылорда гарнизонының 50-ге жуық әскери қызметшісі донорлық қан тапсырды. Шара санитарлық-эпидемиологиялық талаптар мен нормаларды сақтай отырып ұйымдастырылды.
Әскери қызметшілер қан тапсыру алдында тексеруден өтті, атап айтқанда қажетті құжаттар мен сауалнамаларды толтырып, қан орталығының дәрігерлерімен әңгімелесулер жүргізді. Дәрігерлер әскерилерге донор болудың артықшылықтарын және моральдық тұрғыда маңыздылығын түсіндірді.Әскерилерден шашамен 25 литр қан жиналды.
<blockquote>
 «Барлық кезде әскери қызметшілер мұндай қайырымдылық шараларына дайынбыз. Қан тапсырудың адам денсаулығына да, пайдасы бар екенін де естіп жүрмін. Мен үшін әскери қызметшілердің осындай қайырымдылыққа қол ұшын созып, қатысып жатқаны өте қуантады. Жақсы істеріміз көп болсын», – дейді аға сержант Бексұлтан Жақсымбетов.
</blockquote>
Тапсырылған донорлық қан аймақтық ауруханалардағы ауыр науқастар, апаттардан зардап шеккендер және шұғыл медициналық көмек көрсету кезіндегі қызметтер үшін пайдаланылады. 
Қазақстан Республикасы Қарулы Күштерінде әскерилердің донор ретінде қан тапсыруы дәстүрге айналған жағдай.Бұл процесті әдетке айналдырған десек те болады.
<blockquote>
 «Қызылорда облысының барлық аумағындағы медициналық мекемелерді қанмен қамтамасыз ететін қан орталығындағы әртүрлі жағдайда қанға мұқтаж жандарға сұраныс түседі. Сол себептен осы әскери бөліммен қанға мұқтаж жандарға көмек ретінде іс-шаралар ұйымдастырылып отырады. Біздің қан орталығы ұжымының атынан осындай үлкен қолдау көрсетіп отырған әскери бөлім басшысына және әскери қызметшілерге үлкен алғысымызды білдіреміз», – дейді Қызылорда облыстық қан орталығының дәрігері Гауһар Ғалымжанқызы.
</blockquote>
<img src="https://kyzylorda-news.kz/wp-content/uploads/2020/10/9a6197ff-00d5-4694-a8a2-f57d83a3e07f.jpg" alt="" />
<img src="https://kyzylorda-news.kz/wp-content/uploads/2020/10/f9441889-ef02-49a7-8609-7e7a717f31f0.jpg" alt="" />

Қызылорда гарнизонының қызметшілері қан тапсырды

Kyzylorda-news.kz. 31 қазан күні ауыл шаруашылығы өнімдерінің жәрмеңкесі төменде көрсетілген орындарда өткізіледі.
Жаңақорған ауданы – Астана даңғылы бойында (Е.Көшербаев көшесі мен А.Иманов көшесінің аралығы); 
Қазалы ауданы – «Шұғыла» мөлтек ауданы (Ғ.Мұратбаев көшесі мен Қ.Яссауй көшесінің қиылысы); 
Жалағаш ауданы – Ә.Қашаубаев көшесінің бойы (Жетікөл көшесімен қиылысы); 
Шиелі ауданы – Тасбөгет кентінде (Орталық алаңы).
Осы орайда, жәрмеңке өтетін орындарда автокөлік жолы уақытша жабылатындығын хабарлаймыз.
<img src="https://kyzylorda-news.kz/wp-content/uploads/2020/10/122909902_2694385304161544_4046022453265150847_o.jpg" alt="" />

Қызылордада ауыл шаруашылығы өнімдерінің жәрмеңкесі өтеді

<a href="https://kyzylorda-news.kz/date/2020/10/28/">Kyzylorda-news.kz</a>. Баспаналы болуды армандаған қазақстандық азаматтарға жеңілдетілген шарттармен несие беру мақсатында әзірленген “Шаңырақ” бағдарламасына құжат қабылдау басталды. Әкімдікте баспана кезегінде тұрған азаматтарға арналған бұл жоба мемлекет басшысының тапсырмасымен жүзеге асырылуда. Ал жоба операторы – Қазақстанның тұрғын үй құрылыс жинақ банкі, деп жазды <a href="https://sputnik.kz/society/20201028/15311946/Baspana-quzhat-qabyldau.html">Sputnik</a>.
<blockquote>
 “Әкімдікте кезекте тұрған азаматтар бүгіннен бастап баспанаға мұқтаж жан ретінде құжат тапсыра алады. Бұл жобаға 1986-2017 жылдар аралығында кезекке тұрған адамдармен қатар 2018, 2019 және 2020 жылдары әкімдікке өтініш тапсырғандар да қатысуға құқылы”, – делінген банк хабарламасында.&nbsp;
</blockquote>
Бағдарламаға қатысу үшін соңғы алты ай ішіндегі отбасының әр мүшесіне тиесілі отбасылық табыстың бір айлық көлемі 3,1 күнкөріс минимумынан асып кетпеуі тиіс (2020 жылдың 1 сәуірінен бастап күнкөріс минимимуы – 32&nbsp;668 теңгеге тең).
Сонымен қатар тұрақты айлық табыс немесе кәсіпкерлік қызметтен түсетін кірістің (зейнетақы аударымдары, жеке табыс салығы мен басқа да міндетті аударымдарды есептемегенде) болуы талап етіледі. Бірақ 2020 жылы отбасының әр мүшесіне келетін табыс көлемі 101&nbsp;271 теңгеден көп болмауы керек.
<h3 id="">Баспана бағасы қаншадан?</h3>
Әкімдіктер салған несиелік тұрғын үйлердің 1 шаршы метрі бойынша мынадай баға мөлшерлері белгіленген: 240 мың теңгеге дейін – Алматы қаласында, 
220 мың теңгеге дейін – Нұр-Сұлтан қаласында, 200 мың теңгеге дейін – Шымкент қаласы мен Алматы маңындағы аймақтарда, 180 мың теңгеге дейін – Ақтөбе, Атырау, Ақтау, Түркістан, Қарағанды қалалары мен Қарағанды облысында және басқа өңірлерде – 160 мың теңгеге дейін.
Пәтерлер жеке құрылыс компаниялары соққан үйлерден сатып алынған жағдайда ең жоғары заем сомасы: Нұр-Сұлтан мен Алматы қаласы және олардың шекарасымен іргелес елді мекендерде 18 миллион теңге; Шымкент қаласы мен Атырау, Ақтау, Ақтөбе, Түркістан және Қарағанды облысында 15 миллион теңгеге дейін, ал қалған өңірлерде 12 миллион теңгеге дейінгі баға ұсынылады.
<h3 id="-1">Төлем қабілеттігі қалай расталады</h3>
Әкімдік кезегінде тұрған азаматтар бағдарламаға қатысу туралы және төлем қабілеттігін бағалау жөніндегі өтінішті тек&nbsp;<a href="https://hcsbk.kz/">www.hcsbk.kz</a>&nbsp;сайты арқылы электронды түрде бере алады. Бұл Тұрғын үй құрылыс жинақ банкінің клиенттеріне де, әзірше банктен салым ашып, клиенттер қатарына қосылып үлгермеген тұрғындарға да қатысты.
Өтініш беру мерзімі 2020 жылдың 28 қазанынан басталады.
<h3 id="-2">Бағдарламаға қатысу үшін не істеу керек</h3>
<ul>
<li><a href="https://hcsbk.kz/">www.hcsbk.kz</a>&nbsp;банк сайтындағы “Қолжетімді тұрғын үй – “Шаңырақ” пилоттық жобасы бөлімі арқылы электрондық өтініш беру;</li>
<li>Банк сайтында өтініш берген күннен бастап 3 күн аралығында банк қызметкерінің қоңырауын күтіп, оған жауап беру. Ол несиелендіру шарттары мен&nbsp; бағдарлама талаптарын жіті түсіндіріп, өтініш тапсыру үшін сізді банк бөлімшесіне жазады;</li>
<li>Төлем қабілеттілігіңізді бағалау үшін құжаттарыңызды алып, банк бөлімшесіне белгіленген уақытта келу;</li>
<li>Займды мақұлдау жөнінде банктің оң шешімін алу;</li>
<li>Банк талаптарына сай, жеке құрылысшылардан жаңа тұрғын үй тауып (сондай-ақ, “Тұрғын үй құрылысына кепілдік беру қоры” АҚ-ның үлестік құрылысқа қатысу туралы кепілдігі бар келісімі болған жағдайда), кепілзат бойынша банк мақұлдауын алып, сату-сатып алу немесе үлестік қатысу келісімдерін жасау;</li>
<li>Банктен заем алу.</li>
</ul>
Заемды алу үшін өтініш берушінің жинақ шотында несие көлемінің 10 процентінен кем түспейтін тұрғын үй құрылыс жинағы болуы тиіс.
Әкімшілік кезегіне қай уақыттан бастап есепке тұрғаныңызды&nbsp;<a href="https://egov.kz/cms/kk">egov.kz</a>&nbsp;сайты арқылы немесе жергілікті атқарушы билік органдарынан білуге болады.
<h3 id="-3">Жобаға қанша қаражат бөлінген</h3>
“Шаңырақ” пилоттық жобасын жүзеге асыру үшін ұлттық банктің еншілес ұйымының қаражатынан 210 миллиард теңге көлемінде қаражат бөлу жоспарланған. Оның 90 миллиард теңге көлеміндегі алғашқы бөлігі Тұрғын үй құрылыс жинақ банкіне түсті. Осы бюджетке сәйкес, еліміздің шамамен 7-8 мыңдай отбасын баспанамен қамтамасыз ету жоспарланып отыр. Жылдық мөлшерлемесі 5 пайызға тең (ЖТСМ 5,2% бастап), жеңілдетілген заемды алу үшін, бағдарлама қатысушылары әкімдік кезегінде тұрған болуы тиіс. Сондай-ақ Тұрғын үй құрылыс жинақ банкіндегі жинақ шоттында займ мөлшерінің 10 пайызын бастапқы жарна ретінде төлеу керек. Ал несиелендіру мерзімі – 20 жылға дейін.
Айта кетейік, аталған бағдарлама бойынша пәтерді тек жаңа тұрғызылған үйлерден ғана алуға болады. Ал ол тұрғын үйлер “5-10-20” бағдарламасы бойынша жергілікті әкімдіктер мен жеке құрылыс компаниялары тұрғызып жатқан нысандарда (“Тұрғын үй құрылысына кепілдік беру қоры” АҚ-ның үлестік құрылысқа қатысу туралы кепілдігі бар келісімі болған жағдайда) ғана бар.
“Шаңырақ” бағдарламасы бойынша пәтер салып жатқан құрылыс компанияларының тізімін www.hcsbk.kz сайтынан жүктеп алуға болады.
<h3 id="-4">Қанша пәтер берілді</h3>
Бағдарламаның бірінші кезеңінде 19&nbsp;407 өтініш қабылданды, оның 6 956 кезекке тұру датасына (1986-2010 жылдар) сай келді. Нәтижесінде жалпы көлемі 5&nbsp;752&nbsp;000 000 теңгеге 447 несиелік өтініш мақұлданды.
Бағдарламаның екінші кезеңінде 22 834 өтініш қабылданды. Оның 17&nbsp;986 кезекке тұру датасына (2011-2015 жылдар) сай келіп, нәтижесінде жалпы көлемі 22&nbsp;325&nbsp;000 000 теңгеге 1 620 несиелік өтініш мақұлданды.
Оқи отырыңыз:&nbsp;<a href="https://sputnik.kz/society/20200807/14658655/Baspana-bagdarlamalar-qatelik.html">Баспана алуға арналған бағдарламалар: мамандар жиі қайталанатын қателікті атады</a>
Бағдарламаның үшінші кезеңінде 11 957 өтініш қабылданып, оның 9 511 кезекке тұру датасына (2016-2017 жылдар) сай келді. Нәтижесінде жалпы көлемі 4&nbsp;361&nbsp;000 000 теңгеге 319 несиелік өтініш мақұлданды.
Үш кезеңді қоса алғанда 54 198 өтініш қабылданды. Оның 34 453 кезекке тұру датасына (1986-2017 жылдар) сай келді. Нәтижесінде жалпы көлемі 32 миллриад 400 миллион теңгеден астам қаражатқа 2 386 несиелік өтініш мақұлданды.

&#8220;5-10-20&#8221; бағдарламасының төртінші кезеңі басталды: өтінішті кімдер тапсыра алады?

<a href="https://kyzylorda-news.kz/date/2020/10/28/">Kyzylorda-news.kz.</a> Қызылордалық полицейлер интернет алаяқты&nbsp; қолға түсірді.&nbsp; Жеңіл пайда табамын деген алаяқ 63 жастағы азаматтан «арзан бағамен дөңгелек&nbsp; алып беремін»&nbsp; деген желеумен 1 миллион 200 мыңнан астам ақшасын алып, уәдесін орындамаған. &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Жаңақорған аудандық полиция бөлімінің қызметкерлерімен жүргізілген жедел іздестіру жұмыстарының нәтижесінде осы қылмысқа күдікті Жаңақорған кентінің 33 жастағы тұрғыны ұсталды. Бұрын сотты болған алаяқ&nbsp; кінәсін толық мойындаған.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қазіргі уақытта Қазақстан Республикасы Қылмыстық кодексінің 190-бабының 1-бөлігімен &nbsp;(Алаяқтық) &nbsp;сотқа дейінгі тергеп-тексеру амалдары жүргізілуде.

Қызылордада интернет арқылы алдаған алаяқ ұсталды

<a href="https://kyzylorda-news.kz/date/2020/10/28/">Kyzylorda-news.kz.</a> Ауылшаруашылығы саласындағы субсидия төңірегіндегі сауалдарға Қызылорда облысы кәсіпкерлер палатасының Агроөнеркәсіптік кешен бөлімінің бастығы Жасұлан Серіков жауап береді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Биыл ауылшаруашылығы саласына мемлекет тарапынан берілетін субсидияларда өзгерістер бар ма? Әсіресе, соңғы кезде өңір кәсіпкерлері мал шаруашылығына қатысты көбірек сұрап жүр.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – &nbsp;Сәлеметсіз бе. Мемлекет тарапынан ауыл шаруашылығы секторын қолдауға арналған субсидиялар жеткілікті. Ережесін шығаратын Ауыл шаруашылығы министрлігі. Соның бірі мал шаруашылығын қолдауға арналған субсидия ережесі. Осы жылдың шілде айында өзгерістер енгізілді. Тамыз айында әр облыс өз деңгейінде қаулылар қабылдап, қыркүйектен бастап қаулыға сай жұмыс жасауда. Ереже талабында айтарлықтай өзгеріс жоқ. Дегенмен, енгізілген өзгерістегі жақсы жаңалық – малды өсіруге кететін шығындардың бірі жем-шөбіне, яғни азыққа кететін қаржыны субсидиялау. Егер де бір кәсіпкерде елу бастан асатын ірі қара мал болса, оның әр басына жем-шөбі үшін жергілікті бюджеттен 30 мың теңге субсидия төленетін болды. Кәсіпкердің кемінде 300 бас қойы болса, әр қойға азығы үшін 5 мың теңге субсидия қаралған. Бұл өте жақсы қолдау. Бірақ проблемасы да бар. Субсидияның бұл түрі жергілікті бюджетте ақша болса ғана беріледі, яғни республикалық бюджеттен аталмыш мақсатқа ақша бөлінбейді. Сондықтан әр облыс өзінің мүмкіндігі аясында ғана шешім қабылдайды. Ең басты мақсатымыз – кәсіпкерлерге бұл ақпаратты жеткізу. Қолдау тетіктерінің бар екендігі жөнінде хабардар болғанын қалаймыз.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Аталмыш субсидияны алу үшін тек мал басына қатысты талапты сақтаса жеткілікті ме, әлде…?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Сауалыңыз орынды. Бұл талаптан өзге әр малда радио толқынды биркалар – шаруалардың тілімен айтсақ «сырғалар» болуы керек. Бұрын да ол сырғалар болды. Ол биркаларда компьютермен жазылған саны ғана тұратын, бірақ олар сканерленбейді. Қазіргі Ауыл шаруашылығы министрлігі әзірлеген ереже талабына сай әр малда RFID системасы бар биркалар болуы қажет. Сол кезде ғана жем-шөпке арналған субсидияна ала алады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Кәсіпкерлер инвестициялық субсидияға қатысты да соңғы кезде жиі сұрауда… &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ауыл шаруашылығы министрлігі тарапынан сала кәсіпкерлеріне арналған қолдаудың бірі – инвестициялық шығынға кеткен қаржының бір бөлігін субсидия ретінде қайтарып беру. Оны агроөнеркәсіптік кешендегі кәсіпкерлер «инвест.субсидия» деп те атайды. Аталмыш субсидияға қатысты 1 тамызда ереже талабына өзгерістер енгізілді. Қазір жаңа ереже қолданыста. Соның ішінде бірнеше өзгерістер бар. Жалпы, инвестициялық субсидия дегеніміз – шаруашылықтың техникаға немесе қондырғыға кеткен шығынының бір бөлігін 25 пайыздан 50 пайызға дейінгі мөлшерде мемлекеттің субсидия арқылы қайтарып беруі. Бұрын мал шаруашылығымен айналысатын шаруалар үшін шаруашылығындағы шопанға арналған вагон, күн паннелі және су ұңғымасына кеткен шығынның 80 пайызына дейін субсидияланатын. Жаңа ережеге сай, күн паннеліне кеткен шығын субсидияланбайтын болды, ал вагон мен су ұңғымасына кеткен шығын 50 пайызға дейін субсидияланатын болды. Алғашында ереженің жобасында 25 пайыз деп көрсетілген болатын. Біз кәсіпкерлердің ең болмаса 50 пайызға дейін субсидиялауды көтеруді сұраған өтініштерін Орталық аппаратқа, министрлікке жолдадық. Нәтижесінде өтінішіміз қабылданды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Жалпы ауыл шаруашылығы мақсатындағы жобаларды біздің өңірде қандай қаржы институттары қаржыландыруда?
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – Ауыл шаруашылығымен айналысқысы келіп, мемлекеттік бағдарлама аясында жеңілдетілген несие алғысы келетін азаматтар «Ауыл шаруашылығын қаржылай қолдау қоры» АҚ-ның облыстық филиалына, «Аграрлы несие корпорациясы» АҚ облыстық филиалына, «Қызылорда» Өңірлік инвестициялық орталығына жүгінулеріне болады. Аталмыш қаржы институттары бүгінде мал және егін шаруашылықтарына қатысты жобаларды қаржыландыруда.
<img src="https://kyzylorda-news.kz/wp-content/uploads/2020/10/zhaswlan.jpg" alt="" />
Қызылорда облысы кәсіпкерлер палатасының Агроөнеркәсіптік кешен бөлімінің бастығы Жасұлан Серіков

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

<a href="https://kyzylorda-news.kz/date/2020/10/28/">Kyzylorda-news.kz.</a> Қазақстанда өткен тәулікте 148 адамда коронавирус індеті ПТР арқылы расталды, деп хабарлады ведомствоаралық комиссия.
Түркістан облысында бірде-бір адамда COVID-19 анықталмады.&nbsp;Шығыс Қазақстан мен Нұр-Сұлтанда індетке шалдыққандар саны әлі көп.
Аймақтар бойынша:
<ul>
<li>Нұр-Сұлтан қаласы – 24</li>
<li>Алматы қаласы – 9</li>
<li>Шымкент қаласы – 3</li>
<li>Ақмола облысы – 8</li>
<li>Ақтөбе облысы – 4</li>
<li>Алматы облысы – 13</li>
<li>Атырау облысы – 4</li>
<li>Шығыс Қазақстан облысы – 24</li>
<li>Жамбыл облысы – 2</li>
<li>Батыс Қазақстан облысы – 8</li>
<li>Қарағанды облысы – 12</li>
<li>Қостанай облысы – 7</li>
<li>Қызылорда облысы – 1</li>
<li>Маңғыстау облысы – 3</li>
<li>Павлодар облысы – 14</li>
<li>Солтүстік Қазақстан облысы – 12</li>
</ul>
Жалпы ел бойынша ауырғандар саны 110 832.

Қызылордада өткен тәулікте коронавирус тіркелді

<a href="https://kyzylorda-news.kz/">Kyzylorda-news.kz</a>. Ақмола облысындағы Красный Яр ауылында қандастар үшін салынған “Нұрлы көш” шағын ауданының проблемасы ұлттық комиссияның қарауына шығарылады. Осылайша, 11 жылдық тарихы бар проблема шешілуі керек. Бұл туралы Отандастар қорының жанындағы қоғамдық комиссияның отырысында сенатор Мұрат Бақтиярұлы мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Былтыр бір топ сенатор сол ауылды барып көрдік. Шынымен де, көше тартылған, электр қуаты берілген. Ол жағынан бәрі жақсы. 276 үй салынған. Бірақ әңгіме сол үйдің сапасында болып тұр”, – дейді Бақтиярұлы.
</blockquote>
Оның айтуынша, ауылдағы әрбір үйді салуға бюджеттен 56 мың доллар бөлінген. Алайда құрылыстың сапасы сын көтермейді.&nbsp;
<blockquote>
 “Мен бес үйді көріп шықтым. Қабырғасын гипсокартонмен салған. Төбесі өте жұқа. Фундамент те жоқ. Қыста қандастарымыздың барлығы туған-туысын жағалап кетеді екен. Ондай үйге ақша төлеу үшін жағдай болуы керек қой. Өзім бір тиын да төлемейтін едім. Кешірім сұраймын, біздің оңтүстік жақта ондай үйлерде мал да тұрмайды. Ал олар адам ғой, өз бауырларымыз”, – деп ашынды Бақтиярұлы.
</blockquote>
Бүгінде “Нұрлы көштің” үйлері қандастарымызға жалға беріліп отыр. Бірақ олар ақысын төлемейді, себебі жағдай жасалмаған. Жерді меншікке берсе, сапалы үйді өзіміз салып аламыз деп отыр.
<blockquote>
 “Сондықтан бұл мәселені шешудің бір ғана жолы бар. Ол – барлық жер учаскесін жекеменшікке беру. Бұл шешілетін дүние ғой. Премьер-министр бұл мәселені ұлттық комиссияның қарауына шығарамыз деді. Өйткені қарызын кешіріп, жерді жекеменшікке бермесе болмайды. Үкімет басшысы айтса, шешілуі керек қой. Жерді заңдастырып береді. Ал қарыздарын кешіруі мүмкін”, – дейді сенатор.
</blockquote>
Ақмола облысы әкімінің орынбасары Малғаждар Тәткеев барлық үйдің сапасыз салынғанын растады. Жергілікті билік жерді жекеменшікке беруге қарсы емес.
<blockquote>
 “Мен осы қызметке наурыз айында тағайындалғанмын. Ол жерге бардым, үйлерді көрдім. Иә, сапасы төмен. Үйлерді құмнан жасалған кірпішпен салыпты. Ондай материал суық тартады. Қазір ол жерлерді жекеменшікке беретін болсақ, облыстық бюджет те ақша үнемдейтін еді. Өйткені жыл сайын жөндеу жұмыстарына қыруар қаржы кетеді”, – деді Тәткеев.
</blockquote>
<h3 id="">“Нұрлы көш” шағын ауданының тарихы</h3>
2009 жылы Ақмола облысы Красный Яр ауылында “Нұрлы көш” бағдарламасымен 138 екі пәтерлі тұрғын үйлер салынған болатын. Оған республикалық бюджеттен 1,5 миллиард теңге бөлінді. Құрылысқа тапсырыс беруші – “Сарыарқа” компаниясының еншілес кәсіпорны. Ал құрылыс жұмыстарын “Көкшетау өндіріс” компаниясы атқарған.
Бұдан бөлек, облыстық бюджеттен 281 миллион теңге бөлінген. Ол ақшаға электр желілері тартылып, үйлерге жеңіл жөндеу жұмыстары жасалды. Спорт алаңы салынып, жол жөнделді.
<blockquote>
 “Тұрғын үйлер үш жақты келісімшартпен Тұрғын үй құрылыс жинақ банкі арқылы қандастарымызға таратылды. Олар пәтер құнының 50 процентін депозитте жинауы тиіс еді. Одан кейін үйді 4,5 проценттік мөлшерлемемен сатып алуға мүмкіндік берілді. Алайда көптеген салымшы шарт талаптарын орындамады”, – дейді Малғаждар Тәткеев.
</blockquote>
2011 жылы “Есіл” әлеуметтік-кәсіпкерлік корпорациясының балансында болған үйлерді Көкшетау әкімдігіне ауыстырып, жалға берілетін баспананың санатына қосты. Бір шаршы метрін жалға алу құны – 88 теңге. Сонда бір үйдің айлық төлемақысы 6 866 теңгені құрайды. Бірақ оны бірде-бір адам төлемеген. Себебі барлығы құрылыстың сапасына наразы.
<blockquote>
 “Қазіргі кезде “Нұрлы көш” шағын ауданында 1 057 адам тұрып жатыр. Оның 427-сі жұмыс істейді. 64 адам сәби күтімі бойынша демалысқа шыққан. Бұдан бөлек, 39 зейнеткер, 191 мектеп жасына дейінгі бала, 220 мектеп жасындағы бала, 50 студент пен 6 мүгедек бар”, – дейді Тәткеев.
</blockquote>
Отандастар қорының жанындағы қоғамдық комиссияның бүгінгі отырысына Дүниежүзі қазақтары қауымдастығының өкілдері де қатысты. Олардың айтуынша, “Нұрлы көш” шағын ауданында қоғамдық тәртіп дұрыс бақыланбайды. Соның салдарынан қылмыс көбейген.&nbsp;
<blockquote>
 “Балабақша саламыз деген. Ол жоқ. Өткенде жарық та болмады. Осы күзде өлім-жітім көбейді. 13 жастағы қыз баланы өлтіріп кетті. 11 жасар баланы көшеге асып кеткен. Ол жерде не бейнебақылау, не жарық жоқ. Жағдай жасалмаған”, – дейді олар.
</blockquote>

Сенатор Мұрат Бақтиярұлы қандастарға берілген үйлерде &#8220;мал да тұрмайтынын&#8221; айтты

<a href="https://kyzylorda-news.kz/date/2020/10/28/">Kyzylorda-news.kz.</a> Қызылорда облысы күріш егуші өңір ретінде белгілі. Алайда, су тапшылығына байланысты жыл сайынғы проблемалар суды қажет ететін дақылдардың егісін азайту қажеттілігін туындатады.
Сондықтан, ғылыммен бірге ылғал тұтынатын дақылдардың, атап айтқанда, күріштің егіс алқаптарын қысқарту және дәстүрлі күріш өсіруден алшақтай отырып, ауыл шаруашылығы тауарын өндірушілерге тұрақты табыс алуға мүмкіндік беретін ылғалды аз сіңіретін дақылдар – соя, жүгері және басқа да дақылдарға ауыстыру жұмыстары жүргізілуде.
Жаңа заманауи суғару жүйелерін – тамшылатып және жаңбырлатып суғару жүйелерін, аквагельдерді пайдалануға ерекше көңіл бөлінеді. 
Облыстың Жаңақорған ауданында аквагельдерді пайдалану бойынша жақсы жұмыс тәжірибесі бар. Күздік бидай себілген 80 га жерден орта есеппен гектарынан 18 центнерден өнім алынды. Енді бұл тәжірибені облыстың өзге өңірлеріне тарату жоспарлануда.

Қызылорда облысында ауыл шаруашылығы өндірісін әртараптандыру жұмыстары жүргізілуде

<a href="https://kyzylorda-news.kz/date/2020/10/28/">Kyzylorda-news.kz.</a> Kaspi банкте техникалық ақау болды. Кейбір тұрғындар есепшоттағы ақшаларынан айырылғанын айтып шағымданды. Нақты қандай сома қалғанын тексеру мүмкін емес
Банк техникалық ақау болғанын хабарлап отыр.
Хакерлер Kaspi банкінен 79 млн теңге ақша жымқырды деген ақпарат шындыққа жанаспайды. Банк клиенттерін жан-жақтан келіп жатқан жалған ақпаратқа сенбеуге шақырады.

Kaspi-де орын алған жағдайға банк жауап берді

<a href="https://kyzylorda-news.kz/date/2020/10/28/">Kyzylorda-news.kz.</a> Қызылорда облысының Қармақшы ауданында өз денсаулығының дімкәстігіне қарамастан, екі баланы судан құтқарып, кейіннен өмірден өткен Егеубай Елпановтың ата-анасына ведомстволық медаль табысталды, деп хабарлайды <a href="https://lenta.inform.kz/kz/eki-balany-kutkaryp-ozi-omirden-otken-kyzylordalyk-marapattaldy_a3711637">ҚазАқпарат.</a>
Оқиға биылғы жылдың маусым айында болды. Денсаулығына байланысты таза ауада серуендеп жүрген Е.Елпанов дария аумағынан балалардың жанұшыра айғайлаған дауысын естиді. Ол ешбір ойланбастан су бетіне бірде шығып, бірде батқан екі баланы құтқаруға асықты. Алғашқы сүңгігенде олардың біреуін таба алмаған. Тағы бір мәрте әрекет еткенде судың терең тұсынан бір бала қолына ілікті. Екіншісі Егеубайдың беліне жармасты. Осылайша ол екі баланы аман-есен жағалауға алып шықты. Су жұтқан олардың біреуіне алғашқы көмек көрсеткен.
<blockquote>
 «Сол сәтте Егеубайдың денсаулығы қайтадан сыр бере бастаған. Арада үш күн өткенде екі бүйрегі күрт нашарлап, өмірден өтті. Өзіне ажал төніп тұрса да жауқазын қос ғұмырды аман сақтап қалған оның ерлігін көзсіз батырлық деуге әбден болады», – деді жерлесі Қуаныш Төреев.
</blockquote>
Еліміздің Төтенше жағдайлар министрлігінің бұйрығымен оған «Суға батқанды құтқарғаны үшін» медалі берілді. Аталған награда оның ата-анасына табыс етілді.

Қазақстан және Қызылорда облысының жаңалықтары

Облыс әкімі «Алтын дән-2020» шарасына қатысып, еңбек озаттарын марапаттады

Қызылордада еріктілердің күндізгі лагері басталды

Қызылорда гарнизонының қызметшілері қан тапсырды

Қызылордада ауыл шаруашылығы өнімдерінің жәрмеңкесі өтеді

“5-10-20” бағдарламасының төртінші кезеңі басталды: өтінішті кімдер тапсыра алады?

Қызылордада интернет арқылы алдаған алаяқ ұсталды

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

Қызылордада өткен тәулікте коронавирус тіркелді

Сенатор Мұрат Бақтиярұлы қандастарға берілген үйлерде “мал да тұрмайтынын” айтты

Қызылорда облысында ауыл шаруашылығы өндірісін әртараптандыру жұмыстары жүргізілуде

Kaspi-де орын алған жағдайға банк жауап берді

Екі баланы құтқарып, өзі өмірден өткен қызылордалық марапатталды

Қазақстан және Қызылорда облысының жаңалықтары

Облыс әкімі «Алтын дән-2020» шарасына қатысып, еңбек озаттарын марапаттады

Қызылордада еріктілердің күндізгі лагері басталды

Қызылорда гарнизонының қызметшілері қан тапсырды

Қызылордада ауыл шаруашылығы өнімдерінің жәрмеңкесі өтеді

&#8220;5-10-20&#8221; бағдарламасының төртінші кезеңі басталды: өтінішті кімдер тапсыра алады?

Қызылордада интернет арқылы алдаған алаяқ ұсталды

Кәсіпкерлер назарына: Жем-шөпке кететін шығын жергілікті бюджеттен субсидияланатын болды

Қызылордада өткен тәулікте коронавирус тіркелді

Сенатор Мұрат Бақтиярұлы қандастарға берілген үйлерде &#8220;мал да тұрмайтынын&#8221; айтты

Қызылорда облысында ауыл шаруашылығы өндірісін әртараптандыру жұмыстары жүргізілуде

Kaspi-де орын алған жағдайға банк жауап берді

Екі баланы құтқарып, өзі өмірден өткен қызылордалық марапатталды

“5-10-20” бағдарламасының төртінші кезеңі басталды: өтінішті кімдер тапсыра алады?

Сенатор Мұрат Бақтиярұлы қандастарға берілген үйлерде “мал да тұрмайтынын” айтты