*<a href="https://kyzylorda-news.kz/">Kyzylorda-news.kz</a>. Қазақстанда коронавирусқа қарсы вакцина тапшылығы болмауы тиіс. Бұл туралы бүгін тікелей эфирде QazCOVID-in вакцинасын алған ҚР Денсаулық сақтау министрі Алексей Цой айтты, деп хабарлайды ҚазАқпарат.*
<blockquote>
 «Өздеріңізде білетіндей, вакцина қай уақытта жеткізілетіндігіне қатысты Қазақстанның әрбір өңірі бойынша нақты кесте бар. Күні кеше ғана Батыс Қазақстанға вакцина жеткізілді және күн сайын, екі күнде бір рет жаңа партиясы жеткізіліп отырады. Сондықтан айтарлықтай тапшылық орын ала қоймауы керек. Ең бастысы азаматтарымыз вакцинаның қауіпсіз, тиімді екендігіне көз жеткізді. Ол антидене титрін көтеретіндігін көрді және туған-туыстарына өзін, жақындарын қорғау үшін вакцинациядан өтуге кеңес беруде», – деді Алексей Цой.
</blockquote>
Оның дерегінше, бүгінде әрбір 20-шы қазақстандық вакцина алды. Яғни, вакцинациялау қарқыны жақсы өтіп жатыр.
<blockquote>
 «Біздің міндетіміз – мүмкіндік беру. Ал одан кейін азаматтар вакцина алуды өздері таңдап, оқшауланудан шығудың жалғыз жолы сол екендігін түсініп отыр», – деді Денсаулық сақтау министрі.
</blockquote>

Алексей Цой: Қазақстанда әрбір жиырмасыншы адам вакцина алды

*<a href="https://kyzylorda-news.kz/">Kyzylorda-news.kz</a>. Қазақстанда коронавирустың таралуына жол бермеу жөніндегі ведомствоаралық комиссия ел аймақтарындағы эпидемиологиялық жағдайды бағалау матрицасын жариялады.*
26 сәуірдегі мәлімет бойынша:
«Қызыл» аймақта: Нұр-Сұлтан, Алматы қалалары мен Ақмола, Атырау, Ақтөбе, Батыс Қазақстан, Қарағанды, Қызылорда, Маңғыстау, Павлодар облыстары тұр.
«Сары» аймақта: Шымкент қаласы, Алматы, Шығыс Қазақстан, Жамбыл, Қостанай, облыстары орналасқан.
«Жасыл аймаққа: Түркістан және Солтүстік Қазақстан облыстары енген.

Қызылорда қайтадан &#8220;қызыл аймаққа&#8221; ауысты

*<a href="https://kyzylorda-news.kz/">Kyzylorda-news.kz</a>. 26 сәуірінде халықты QazVac вакцинасымен вакцинациялау басталды. Денсаулық сақтау министрі Алексей Цой алғашқылардың бірі болып КВИ-ге отандық QazVac вакцинасымен екпе алды, деп хабарлайды ҚазАқпарат.*
<blockquote>
 «Вакцинаның алғашқы партиясы Биологиялық қауіпсіздік мәселелер жөніндегі институтта 50 мың дозамен өндірілді. Институтымыз вакцинаны дербес өндіруге мүмкіндігі бар. Қазақстанда өндірілген дозалар барлық өңірлерге жіберілді. Мұнан ары өндірісті ұлғайта түсу үшін түрлі алаңдарды қарастырып жатырмыз. Бұл – түрік серіктестеріміздің алаңы. Сонымен Гвардейскийде өзіміздің зауытты салу үстіндеміз. Қазір ол мұнан ары іске қосу үшін құрал-жабдықтарын орнатудың барлық кезеңінен өтіп жатыр», – деді Алексей Цой.
</blockquote>
Сонымен қатар ол қазақстандық вакцинаны Түркияда құюға қатысты уағаластық пысықталып жатқанын баса айтты.
22 cәуір күні COVID-19-ға қарсы қазақстандық QazVac (QazCovid-in) вакцинасының алғашқы партиясы жөнелтілді.
QazVac вакцинасының алғашқы 50 мың дозасы «СҚ-Фармацияның» хабтарына таратылып, одан әрі еліміздің барлық өңірлеріндегі денсаулық сақтау басқармаларының қоймаларына жеткізіледі.
Бұдан әрі вакцина өндірісі кезең-кезеңмен айына 500-600 мың дозаға дейін ұлғайтылады.
Қазақстандық вакцинаның артықшылықтары туралы айтылды.
Бұған дейін ҚР Білім және ғылым вице-министрі Мирас Дәуленов еріктілердің клиникалық зерттеуі қалай өтіп жатқанын айтып берген еді.
Сонымен бірге, Биологиялық қауіпсіздік мәселелері ғылыми-зерттеу институты жануарлардың коронавирусына қарсы вакцина әзірлеуді жоспарлап отыр.
Вакцина әзірлеп жатқан Биологиялық қауіпсіздік проблемалары ғылыми-зерттеу институты ғалымдарының еңбекақысын көтеруге қаражат бөлінді.

Алексей Цой алғашқылардың бірі болып QazVac вакцинасымен екпе алды

*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2716 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 475,
Алматы қаласы – 693,
Шымкент қаласы – 96,
Ақмола облысы – 150,
Ақтөбе облысы – 125,
Алматы облысы – 220,
Атырау облысы – 97,
Шығыс Қазақстан облысы – 86,
Жамбыл облысы – 51,
Батыс Қазақстан облысы – 166,
Қарағанды облысы – 240,
Қостанай облысы – 27,
Қызылорда облысы – 82,
Маңғыстау облысы – 50,
Павлодар облысы – 75,
Солтүстік Қазақстан облысы – 34,
Түркістан облысы – 49
Жалпы ел бойынша ауырғандар саны 309116.

Қызылордада өткен тәулікте 82 адамнан коронавирус анықталды

*<a href="https://kyzylorda-news.kz/">Kyzylorda-news.kz</a>. 26 сәуірде Қазақстан аумағында ауа райы құбылмалы болады, деп хабарлайды Қазгидромет.*
Қазақстан аумағының батыс бөлігі антициклонның ықпалында болады. Осыған байланысты жауын-шашын жаумайды. Республиканың солтүстік бөлігінде атмосфералық фронттардың әсерінен тұрақсыз ауа райы сақталады. Кей жерлерде жаңбыр жауады, найзағай жарқылдайды. Республика бойынша кей өңірлерде тұман түседі, жел күшейіп, солтүстік-батыста қатты дауыл соғады.
Ақмола, Қызылорда, Батыс Қазақстан, Павлодар облыстарының кей жерлерінде күндіз жел екпіні 15-20 м/с дейін күшейеді. Батыс Қазақстан, күндіз Павлодар облысының кей жерлерінде найзағай ойнайды.
Маңғыстау, Ақтөбе, Қарағанды облыстарының кей жерлерінде тұман болады, күндіз Ақтөбе облысында жел қарқыны 15-20 м/с жетеді.
Атырау облысының кей жерлерінде тұман түседі, жел жылдамдығы – 15-20 м/с.
Алматы облысының Алакөл аумағында 15-20 м/с жылдамдықпен күшті жел соғады.
Қостанай облысының кей жерлерінде найзағай ойнап, қатты дауыл тұрады. Жел екпіні – 15-20 м/с. Кұндіз Солтүстік Қазақстан облысында жел қарқыны 23-28 м/с жетеді.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Өзбекстанның Ташкент қаласында ауыр атлетикадан өткен Азия чемпионатында жерлесіміз Айзада Мүптілда (+87 келі) қола жүлдені иеленді. Ол жұлқа көтеруде 118 келіні, серпе көтеруде 151 келіні еңсеріп, қоссайыста 269 келіні көтерді.
Ол жақында ғана Қызылорда қаласында ауыр атлетикадан өткен онлайн Қазақстан чемпионатында әйелдер арасында бірінші орынды жеңіп алған болатын.
А.Мүптілда – 1998 жылы Қызылорда облысы Шиелі ауданы Бидайкөл ауылында дүниеге келген. Ауыр атлетикадан ҚР халықаралық дәрежедегі спорт шебері, бірнеше дүркін Қазақстан чемпионы. Ол Қызылорда қаласындағы жоғары спорт шеберлігі мектебінде тәлім алады.
Мүптілданы жарысқа білікті бапкерлер Альберт Хакимулин мен Арман Абдраев дайындады.

Азия чемпионатында жерлесіміз қола жүлдені иеленді

<a href="https://kyzylorda-news.kz/">Kyzylorda-news.kz</a>. Қазақстанда коронавирусқа қарсы Спутник V және QazVac вакциналары ғана мақұлданған, деп жазады <a href="https://informburo.kz/kaz/qazvac-vakcinasyna-qatysty-10-suraqqa-zauap">Informburo.kz.</a> Президент Қасым-Жомарт Тоқаев Биологиялық қауіпсіздік проблемалары ғылыми-зерттеу институты базасында өндірілген QazVac вакцинасы өңірлерге жеткізіле бастағанын, отандық екпе өндірісін ұлғаятынын&nbsp;<a href="https://twitter.com/TokayevKZ/status/1385461524752441344">атап</a>&nbsp;өтті. QazVac-тың алғашқы 50 мың дозасы “СҚ-Фармацияның” хабтарына таратылып, одан әрі барлық өңірдегі денсаулық сақтау басқармаларының қоймаларына жеткізіледі. Мемлекет басшысы Қазақстан әлем бойынша өз вакцинасын шығарған бірнеше елдің қатарында екенін айтып, екпені әзірлеген ғалымдар мен мамандардың бәріне алғыс айтты.
<h2 id="1nbspqazvac">№1.&nbsp;QazVac қайда шығарылады?</h2>
Вакцинаны биологиялық қауіпсіздік мәселелері ғылыми-зерттеу институтының мамандары жасаған. 50 мың дозадан тұратын алғашқы партиясы сол жерде шығарылды. Институт 500 мың дозаға дейін вакцинаның субстанциясын дайындай алады, бірақ толық әзірлеу қуаттылығы айына 50 мың дозаға ғана жетеді. Қазақстанға вакцина көптеп қажет болған соң үкімет айына жарты миллион доза шығара алатынТүркиядағы Atabay компаниясымен келіссөздер жүргізіп жатыр. Яғни, институт дайын затты Түркияға жібереді. Олар вакцинаны бөтелкеге ​​құйып, орап, Қазақстанға қайтарады.
<h2 id="2nbsp">№2.&nbsp;Биофармацевтика зауыты не үшін қажет?</h2>
Премьер-министрдің орынбасары Ералы Тоғжанов QazVac вакцинасы екі-үш ай ғана Түркияда құйылатынын мәлімдеді. Оған дейін Жамбыл облысының Гвардейский ауылында биофармацевтикалық зауыт салынып бітеді. Тоғжановтың сөзінше, жыл соңына дейін зауыт қуаты артып, айына 500 мың доза вакцина өндіруге жетеді.
<h2 id="3nbsp">№3.&nbsp;Вакцинаны таңдауға бола ма?</h2>
Иә. Қазақстанда коронавирусқа қарсы Спутник V және QazVac вакциналары мақұлданған. Азаматтар екеуінің бірін таңдап, қалағанын салдыра алады.
<h2 id="4nbspqazvac">№4.&nbsp;QazVac тіркелген бе?</h2>
QazVac вакцинасы әзірге Қазақстанда уақытша тіркеуден ғана өтті. Үкіметтің № 850 қаулысына сәйкес, вакцина бақылауда, тестілеудің үшінші кезеңі аяқталғаннан кейін оң нәтижелер алынған жағдайда тағы бір маңызды талдау жүргізіледі. Содан кейін ғана вакцинаға тұрақты тіркеу беріледі.
Отандық вакцина Дүниежүзілік денсаулық сақтау ұйымының тізіміне енгізілген.
<h2 id="5nbspqazvac">№5.&nbsp;QazVac қанша компоненттен тұрады?</h2>
QazVac-ты егу Спутник V вакцинасына ұқсас. Ол да екі компоненттен тұрады. Азамат өз еркімен егу пунктіне келіп, дәрігердің қарауынан өтіп, сауалнама толтырған соң ғана коронавирусқа қарсы вакцина ала алады. Екінші дозаны 21 күннен кейін алу қажет.
<h2 id="6nbsp">№6.&nbsp;Кімдерге вакцина алуға болмайды?</h2>
Вакцина 18 жасқа дейінгі балаларға, жүкті және бала емізетін әйелдерге салынбайды.&nbsp;Препараттың жеке компоненттеріне және бұрын салынған вакциналарға аллергиясы бар адамдарға қарсы көрсетім бар. Жұқпалы аурумен ауыратын, дене қызуы жоғары адамдарға уақытша салынбайды. 65 жастан асқан адамдарға екпе салдыруға шектеу қойылмайды.&nbsp;
Коронавируспен ауырғандар алты ай өткен соң ғана вакцина алу қажет.
<h2 id="7nbsp">№7.&nbsp;Вакцина алғаннан кейін қандай жанама әсерлері болуы мүмкін?</h2>
Дәрі-дәрмек, медициналық бұйымдар, медициналық техниканы сараптау ұлттық орталығы QazVac тазартылған препарат және жақсы орнығатынын мәлімдеді.
Вакцина салған жерде ауырсыну, ісіну және қызару дамуы мүмкін. Вакцина алған кей адамдарда әлсіздік, шаршағыштық, дене қызуының көтерілуі болуы мүмкін. Мұндай жанама әсерлер үш күннен аспайды. Басқа вакциналар секілді аллергиялық реакциялар сирек пайда болуы мүмкін. Барлық адамда екпе алғаннан кейін жанама әсерлер бола бермейді. Ешқандай әсер болмауы қалыпты жағдай.
<h2 id="8nbspqazvac">№8.&nbsp;QazVac коронавирус штамдарына қарсы тұра ала ма?</h2>
Биологиялық қауіпсіздік проблемалары ғылыми-зерттеу институтының бас директоры Күнсұлу Закария QazVac мутацияланған кез келген вирусқа қарсы тұра алатынын мәлімдеді. Оның сөзінше, инактивтелген вакцина толығымен вирус бөлшегінен жасалған. Онда вирус құрамындағы ақуыздардың барлық спектрі бар. Сондықтан қазақстандық вакцинаны алғаннан кейін пайда болатын иммунитет мутацияға ұшыраған кез келген вирусқа қарсы тұра алады, дейді Күнсұлу Закария.&nbsp;
Алайда QazVac коронавирус штамдарына қатысты зерттелмеген. Зерттелсе де, нәтижесі әлі жария етілмеді.
<h2 id="9nbspqazvac">№9.&nbsp;QazVac салдырған соң антидене қанша уақыт сақталады?</h2>
Қазақстандық ғалымдар QazVac вакцинациясынан кейін антиденелер қанша уақытқа дейін сақталатыны жайлы нақты мәлімет ұсынбады. Биологиялық қауіпсіздік проблемалары ғылыми-зерттеу институтының бас директоры Күнсұлу Закария вакцина алған ғалымдарда тоғыз ай ішінде иммундық жауап жоғары деңгейде сақталғанын айтқан болатын.
<h2 id="10nbspqazvac">№10.&nbsp;QazVac тиімділігі қандай?</h2>
Бастапқыда ресейлік Спутник V вакцинасының тиімділігі 91,6%-ды құрады. 21 сәуірде вакцина әзірлеушілер тиімділігін 97,6% деп таныды.
Қазақстандық вакцинаға келер болсақ, Денсаулық сақтау бірінші вице-министрі Марат Шоранов бірінші және екінші клиникалық кезеңдерде QazVac тиімділігі 96%-ды құрағанын мәлімдеді. Клиникалық зерттеулерге 3 мың ерікті қатысқан.

Қазақстандық вакцинаға қатысты 10 сұраққа жауап

<a href="https://kyzylorda-news.kz/">Kyzylorda-news.kz</a>. Бүгін Қазыбек би көшесінде орналасқан Д-300мм шойын құбырда ақау орын алуына байланысты күрделі жөндеу жұмыстары жүргізілуде. Ол үшін «Қызылорда су жүйесі» мекемесі тарапынан 11 жұмысшы күші мен 6 арнайы техника жұмылдырылған.
Осыған байланысты қазіргі таңда Қазыбек би, Қонаев, Қазантаев, Өсербаев, Тоқмағамбетов, Әуелбеков, Сүлейменов, Толыбеков, Ілиясов, Әйтеке би, Әуезов, Тәжібаев (орталық) көшелерінде уақытша ауыз су тоқтатылды.

Құбырдан ақау шықты: Қызылорданың бірнеше көшесі сусыз қалды

<a href="https://kyzylorda-news.kz/">Kyzylorda-news.kz</a>. Қазақстанның мемлекеттік сыйлығының иегері, әнші-композитор Ескендір Хасанғалиев ауруханада коронавируспен күресуде. Редакция дереккөзінің хабарлауынша, әнші ауыр жағдайда жатыр.
Ақпаратты әншінің ұлы Біржан Хасанғалиев растады. Оның сөзінше, Ескендір Хасанғалиевтің жағдайы кеше кешке күрт нашарлаған.
<blockquote>
 “Әуелі Алла, содан кейін дәрігерлер мен&nbsp; халық тілегі көмектесетініне сенеміз. Әкем өмір бойы халық үшін еңбек етіп келеді. Осындай қиын жағдайда халық әкемнің денсаулығы жақсаруын тілейтініне сенемін”, – деді Біржан Хасанғалиев.
</blockquote>
Айтуынша, Дарико Хасанғалиеваның жағдайы жақсарып, сауығып келеді.
Айта кетейік, әнші-композитор Ескендір Хасанғалиев пен жұбайы Дарико Хасанғалиева 10 сәуірден бастап коронавируспен күресіп жатыр. Халық әртісінің жансақтау бөліміне түскеніне алты күн болды.
<a href="https://sputnik.kz/">Sputnik Қазақстан</a>

Ескендір Хасанғалиевтің жағдайы ауыр

<a href="https://kyzylorda-news.kz/">Kyzylorda-news.kz</a>. Бүгін қала әкімі Ғанибек Қазантаев «Қызылорда тазалығы» ЖШС мен тұрмыстық қатты қалдықтарды қайта өңдеу полигоны және сол жағалаудағы КНС-32 КГ ГКНС-1 жұмысына барды.
Шаһар басшысы алдымен қала іргесіндегі қатты қалдықтарды қайта өңдеу полигонына барды. Өткен жылдың тамыз айында өз жұмысын бастаған кәсіпорында қазіргі таңда 9 техника, 35 адам тұрмыстық қатты қалдықтарды сұрыптау қызметімен айналысуда.
Полигон «Белкөл» кентінен 7,5 шақырым қашықтықта, экологиялық – санитарлық талаптарға сәйкес қалдықтардың өңдеу үлесін арттыру бағытында салынған. Кешен күніне 16-17 тонна, жылына 60 000 тонна қатты тұрмыстық қалдықтарды сұрыптап, өңдеуге қауқарлы. Қалдықтарды сұрыптау кешенінің құрылғылары Ресейде жасалған.
Ауданы 20 гектар қоқыстарды сұрыптау кешенімен және жарамсыз қоқыстарды көму алаңдарымен қамтамасыз етілген полигонға орташа есеппен күніне 110 тонна көлемінде қаладан жиналған тұрмыстық қалдықтар қабылданады. Осы қалдықтарға сұрыптау және көму жұмыстары жүргізіледі.
2020 жылы Қызылорда қаласы бойынша құралған 27 мың тонна қатты тұрмыстық қалдықтардың 21,8 пайызына сұрыптау және өңдеу жұмыстары жүргізіліп, 115 тонна сұрыпталған шикізат өнімдері (пластмасса, стекло, қағаз, цвет.мет.) қайталама пайдалану үшін мүдделі кәсіпкерлерге жөнелтілген.
Одан әрі Ғанибек Қонысбекұлы Қызылорда тазалығы мекемесіне барып, техникалық мүмкіншіліктерін көрді. Серіктестікте бүгінде штаттық режимде және қоғамдық жұмыспен қамту арқылы барлығы 618 адам жұмыс істеуде. Мекеме осы қызметкерлердің және балансындағы 137 дана арнайы техниканың күшімен қаладағы 800-ден аса көшенің күнделікті тазалығын сақтап келеді. Сонымен қатар күніне орта есеппен 1 мың 100 текше метр қоқысты арнайы полигонға шығаруда.
Аралау барысында күн-түн демей, уақытпен санаспай, тыным таппай қала тазалығын жоғары деңгейде сақтап тұрған тазашылықшылардың еңбегін ерекше атап өткен шаһар басшысы мекемені экономикалық тұрғыда әлдендіру алгоритмін жасап, серіктестіктің штат санындағы балансты сақтап, жұмыс тиімділігін арттыру керектігін жеткізді.
Қала басшысы бүгінгі барған нысандардағы аталған жұмыстардың жүйелі атқарылуын сала мамандарына нықтап тапсырып, өз бақылауына алды.
<img src="https://kyzylorda-news.kz/wp-content/uploads/2021/04/178140126_2820827274850679_4227131672892515382_n.jpg" alt="" />
<img src="https://kyzylorda-news.kz/wp-content/uploads/2021/04/178368817_2820827374850669_9031154841410648951_n.jpg" alt="" />
<img src="https://kyzylorda-news.kz/wp-content/uploads/2021/04/178235404_2820827191517354_5191429501266977647_n.jpg" alt="" />

Қызылордада күніне 27 мың тонна  тұрмыстық қалдық өңделеді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысында балық саласын дамытуға потенциал жоғары. Жергілікті сала өкілдері Балық шаруашылығын дамытудың мемлекеттік бағдарламасы аясында балық өсіру көлемін арттыруға дайын екендерін жеткізді.
Бұл туралы ҚР Экология, геология және табиғи ресурстар министрі Мағзұм Мырзағалиевтің жұмыс сапары аясындағы жиында айтылды.
Балықшылардың сөзінше, Қызылорда облысында қуаттылығы 12,5 мың тонна болатын 9 балық өңдеу зауыты бар. Олардың өндірістік қуаты өңірдің балық саласын саласын дамытуға және өндіріс көлемін екі есе арттыруға мүмкіндік береді.
Айта кетейік, Үкіметтің Балық шаруашылығын дамыту бағдарламасына сәйкес балық өсіру көлемін 270 мың тоннағадейін жеткізу жоспарлануда, оны 16 мың тоннасы Қызылорда облысына тиесілі болады.
<blockquote>
 «Балық шаруашылығына ерекше мән беру жөнінде Қазақстан Республикасының Президенті Қасым-Жомарт Тоқаев «Жаңа жағдайдағы Қазақстан: Іс-қимыл кезеңі» атты Қазақстан халқына арнаған Жолдауында атап өткен болатын Үкімет басшысының тапсырмасына сәйкес өткен жылы қазан айында Экология, геология және табиғи ресурстар министрлігімен және балық шаруашылығы ғылыми-өндірістік орталығымен бірлесе отырып, балық шаруашылығын дамытудың өңірлік бағдарламасын республика бойынша алғашқы болып бекіттік», – деді Гүлшара Әбдіқалықова.
</blockquote>
Балық шаруашылығы комитетінің төрағасы Нариман Жүнісов аталған межеге қол жеткізу үшін облыс аумағында балық өсіруге қолайлы су айдындар бар екенін, бұнымен тауарлы балық өсіру көлемін көбейтуге болатынын атап өтті.
<blockquote>
 «Қызылорда облысының табиғи-климаттық факторларын, Арал теңізін көлемін, күріш егу алқаптарында балық өсіру мүмкіндігін ескере отырып, өңір жылына жиырма бес мың тонна балық өсіруге қабылетті. Сондықтан, жергілікті тұрғындарды балық өсірумен айналысуға шақырамыз. Ол үшін өңірде теңіз де, тәжірибе де бар. Саланы мемлекеттік қолдау түрлері көбеюде. Біріншіден, тауарлы балық шаруашылығымен айналысу мерзімдері қырық тоғыз жыл болып белгіленді. Бұл бизнеске сеніммен инвестиция салуға және ұзақ мерзімді жоспарлар құруға мүмкіндік береді. Ал кәсіпшілік балық аулау үшін бұрынғы мерзімдер қалып, бес жылдан қырық тоғыз жылға дейін беліленді. Сондықтан тауарлы балық шаруашылығымен айналысу – тиімді», – деді комитет төрағасы .
</blockquote>
Қызылорда облысы аумағында Кіші Арал теңізі, Сырдария өзені және жергілікті маңызы бар 207 көлдер бар. Балық қорын сақтау және оларды жасанды жолмен молайту мақсатында Экология, геология және табиғи ресурстар министрлігіне қарасты Қамыстыбас балық питомнигінде жыл сайын 15 млн. дана балық шабақтары өсіріліп, балық шаруашылығы маңызы бар көлдерге және Кіші Арал теңізіне жіберілуде.
<blockquote>
 «Балық шаруашылығы бағдарламасын жүзеге асыруға 29 млрд.теңге қаржы тартылады. Осыған сәйкес 2030 жылға қарай, облыстың балық экспортын 2 есеге, тауарлы балық өндіру көлемін 111 есеге арттырып, 500-ден астам жаңа жұмыс орындары құрылады деп жоспарлап отырмыз. Нәтижесінде, облыста 16 шарбақтық балық өсіру шаруашылықтары, 12 тауарлы балық өсіретін тоған шаруашылықтары құрылып, 3 тұйық жүйелі сумен қамтамасыз ету құрылғылары іске қосылатын болса, көл-тауарлы су айдындарының саны 55-ке жеткізіледі», – деді жиында Қызылорда облысының табиғи ресурстар және табиғат пайдалануды реттеу басқармасының басшысы Б. Шаменов.
</blockquote>
Өңірде балық шаруашылығы саласында 6 млрд. теңгені құрайтын 9 инвестициялық жобаны іске асыру басталмақ. Осы жобалардың ішінде, жалпы құны 900 млн.теңгеге жылдық қуаттылығы 7 мың тоннаны құрайтын жаңадан 3 балық өңдеу зауыттары салынып, балықты терең өңдеу кешені кеңейтіледі. Өңірлік бағдарламаға сәйкес облыс бойынша өсірілетін 16 мың тонна балықтың 5950 тоннасы (37%) Қамыстыбас көлінің үлесіне тимек. 
Аралдағы жиналыста жергілікті балық шаруашылығы саласы өкілдері жүзеге асырып жатқан жобалары туралы да баяндады. Мысалы, «Арал СДО» ЖШС алдағы уақытта балық өңдеу цехын кеңейтіп, тауарлы балық көлемін арттырмақ.
<blockquote>
 «Кіші Арал теңізінде 5 учаскенің табиғат пайдаланушысымын. 1854 тонна балық аулау лимиті бекітілген. 20 адамды тұрақты және 100 адамды маусымдық негізде жұмыспен қамтамасыз етіп отырмын. Сонымен қатар, Арал ауданындағы «Тауарлы балықты өсіру және өңдеу кешенін кеңейту» жобасын қолға алып, балықты өңдеу цехы кеңейтіп, көксерке балық шаруашылығы мен тоғандық шаруашылықты дамытуды жоспарлап отырмын»,- деді шаруашылық басшысы Ә.Аимбетов.
</blockquote>
Ал жылына 2000 тонна балық өнімдерін шығаратын жеке кәсіпкер Игіліков биыл 5-6 млн шабақ өсіруді жоспарлап отыр.
<blockquote>
 «Өткен жылы, Түркістан облысының тауарлы балық өсіру жұмыстарымен танысып, тәжірибе алмасып қайттық. Балық өсірудегі Түркістан облысының оң тәжірибесіне қызығушылық танытып, өңірімізде енгізуге дайынбыз. Өңірімізде қабылданған балық шаруашылығын дамыту бағдарламасы, балық шаруашылығы саласында еңбек етіп жүрген біздерге көп көмегін тигізетініне сенеміз», – деді Т.Игіліков.
</blockquote>

Қызылорда облысында балық өсіру көлемі 16 мың тоннаға жетеді

<a href="https://kyzylorda-news.kz/">Kyzylorda-news.kz</a>. Дәрігер және тележүргізуші Александр Мясников «Россия 1» телеарнасының эфирінде парацетамолдың белгілі бір жағдайда денсаулыққа қауіпті болуы мүмкін екенін айтты.
Оның айтуынша, адамдарға&nbsp;бұл дәріні ішімдікпен бірге қабылдауға болмайды, өйткені бұл бауырға жүктемені арттырады және оның&nbsp;зақымдануына әкелуі мүмкін.
Сонымен қатар, бауыр аурулары бар адамдар парацетамолды қолдануды тоқтатуы керек.
<blockquote>
 «Егер сізде бауырдың созылмалы аурулары болса: жұқпалы гепатит, кезкелген тектегі бауыр циррозы, стеатогепатозбен ауырсаңыз, парацетамол кері әсер беруі мүмкін», – деп атап өтті дәрігер.
</blockquote>
Дәріні ішімдік ішкеннен кейін де ішуге тыйым салынады. Сондай-ақ, маман дәрінің мөлшерін сақтауға шақырады.
<blockquote>
 «Сіз күніне үш грамнан артық қабылдай алмайсыз. Егер таблетка алты жүз миллиграмм болса, сәйкесінше алты таблетка, егер 1 грамм болса, онда үш таблеткадан артық ішуге болмайды. Өйткені төрт грамм бауырдың уытты зақымдануына әкелуі мүмкін», – деп&nbsp;түсіндірді маман.
</blockquote>
Мясников парацетамолдың жұқпалы және қабыну ауруларын симптоматикалық емдеуге арналған көптеген ұнтақ препараттарына жататынын айтты. Адамдар көп жағдайда бұған&nbsp;назар аудармайды.
Парацетамол анилидтер тобына жататын анальгетик және дене&nbsp;қызуын&nbsp;түсіретін әсерге ие.
<a href="https://stan.kz/paracetamol-darisin-kimderge-kabildauga-bolmaydi-darige-346027/">Stan.kz</a>

Қазақстан және Қызылорда облысының жаңалықтары

Алексей Цой: Қазақстанда әрбір жиырмасыншы адам вакцина алды

Қызылорда қайтадан “қызыл аймаққа” ауысты

Алексей Цой алғашқылардың бірі болып QazVac вакцинасымен екпе алды

Қызылордада өткен тәулікте 82 адамнан коронавирус анықталды

Дүйсенбіге арналған ауа райы болжамы

Азия чемпионатында жерлесіміз қола жүлдені иеленді

Қазақстандық вакцинаға қатысты 10 сұраққа жауап

Құбырдан ақау шықты: Қызылорданың бірнеше көшесі сусыз қалды

Ескендір Хасанғалиевтің жағдайы ауыр

Қызылордада күніне 27 мың тонна тұрмыстық қалдық өңделеді

Қызылорда облысында балық өсіру көлемі 16 мың тоннаға жетеді

Парацетамол дәрісін кімдерге қабылдауға болмайды?

Қазақстан және Қызылорда облысының жаңалықтары

Алексей Цой: Қазақстанда әрбір жиырмасыншы адам вакцина алды

Қызылорда қайтадан &#8220;қызыл аймаққа&#8221; ауысты

Алексей Цой алғашқылардың бірі болып QazVac вакцинасымен екпе алды

Қызылордада өткен тәулікте 82 адамнан коронавирус анықталды

Дүйсенбіге арналған ауа райы болжамы

Азия чемпионатында жерлесіміз қола жүлдені иеленді

Қазақстандық вакцинаға қатысты 10 сұраққа жауап

Құбырдан ақау шықты: Қызылорданың бірнеше көшесі сусыз қалды

Ескендір Хасанғалиевтің жағдайы ауыр

Қызылордада күніне 27 мың тонна тұрмыстық қалдық өңделеді

Қызылорда облысында балық өсіру көлемі 16 мың тоннаға жетеді

Парацетамол дәрісін кімдерге қабылдауға болмайды?

Қызылорда қайтадан “қызыл аймаққа” ауысты