<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «АнгарСпецСтрой» жеке шаруашылық серіктестігімен бірлескен «Отбасылық дағдарыс факторлары: ажырасудың себептері мен салдары эмпирикалық зерттеулер негізінде» атты ғылыми-әдістемелік семинар өтті.&nbsp;Шараның басты мақсаты – қоғамдағы өзекті мәселелердің бірі болып отырған отбасылық тұрақтылық, ажырасу себептері мен оның әлеуметтік салдарын жан-жақты талқылау, сонымен қатар отбасылық құндылықтарды нығайтуға бағытталған тиімді ұсыныстар әзірлеу болды.&nbsp;Жиынды Әлеуметтік және тәрбие жұмыстары жөніндегі проректор Жандос Базартай жүргізіп, отбасылық институтты зерттеу мен дамыту бағытында университет ғалымдарының атқарып жүрген еңбектерін атап өтті.&nbsp;Семинар барысында әр сала мамандары тақырып аясында мазмұнды баяндамалар жасап, өз тәжірибелерімен бөлісті. «Азаматтарға арналған үкімет» мемлекеттік корпорациясы» КеАҚ Қызылорда облысы бойынша филиалының директоры Аида Абибуллаева «Жастар және отбасы миссиясы» тақырыбында жастардың отбасылық өмірге дайындығы мен жауапкершілігі туралы баяндама жасап, өңірдегі ажырасу статистикасына тоқталды. Ол Қызылорда облысы бойынша ажырасу жағдайларының себептерін нақты деректер негізінде талдап, отбасылық құндылықтарды сақтауға бағытталған ұсыныстарын ортаға салды.Сонымен қатар, «Қызылорда қаласының отбасын қолдау орталығы» КММ директоры Гүлнара Сексенбаева «Қызылорда қаласының отбасын қолдау орталығының қызметі туралы талдамалық есеп: қол жеткізілген нәтижелер, проблемалар және одан әрі даму бағыттары» тақырыбында орталықтың жұмысы мен жетістіктерін таныстырды. «Экономика және басқару» білім бағдарламалары тобының доценті, экономика ғылымдарының кандидаты Алма Абдимомынова «Ажырасудың себептері: деректерге негізделген талдау» атты баяндамасында ажырасуға әкелетін әлеуметтік-экономикалық факторларға тоқталды.«Ақмешіт-Сырдария» мешітінің «Кеңес беру орталығы» жауапты маманы Айболат Темиров «Отбасы дағдарысы және бақытқа бастар жол» тақырыбында отбасындағы рухани құндылықтардың маңыздылығын атап өтсе, «Анаға тағзым орталығы» психологы Ақшарбат Бақытжанқызы «Отбасылық дағдарыстың алдын алу: психологиялық қолдау және отбасы құндылықтарын сақтау жолдары» тақырыбында баяндама жасап, отбасындағы түсіністік пен сенімді арттырудың маңызын атап өтті. Сондай-ақ «Экономика және басқару» БББ аға оқытушысы, экономика ғылымдарының кандидаты Абай Шайнұров отбасылық дағдарыстың әлеуметтік және экономикалық салдарына назар аударып, ғылыми тұрғыдан талдау жасады.Іс-шара соңында қатысушылар тақырып аясында пікір алмасып, қоғамдағы отбасылық құндылықтарды дәріптеу және жастарды отбасылық өмірге даярлау бағытында ортақ ұсыныстарын айтты.

Отбасылық құндылық – қоғам тірегі

<a href="https://kyzylorda-news.kz/">Kyzylorda-news.kz</a> Мемлекет басшысы отандастарымызбен аз-кем әңгімелесіп, оларға табыс тіледі.

Президент Қасым-Жомарт Тоқаевты АҚШ-та оқитын қазақ студенттері қарсы алды

<a href="https://kyzylorda-news.kz/">Kyzylorda-news.kz</a> &nbsp; &nbsp;Президент Қасым-Жомарт Тоқаевты АҚШ Мемлекеттік хатшысының бірінші орынбасары Кристофер Ландау күтіп алды.<img src="https://knadmin.beoblood.kz/uploads/871d5831_bca2_4fb6_81b6_3e71e2cb8e54_efc9c0e0b3.webp" alt="871d5831-bca2-4fb6-81b6-3e71e2cb8e54.webp">Ертең Мемлекет басшысы Президент Дональд Трамппен келіссөз жүргізіп, «Орталық Азия – АҚШ» саммитіне қатысады.

Қазақстан Президенті Вашингтонға сапармен барды

<a href="https://kyzylorda-news.kz/">Kyzylorda-news.kz</a> &nbsp; Қызылорда облысының теннис орталығында Қазақстан халқы Ассамблеясының 30 жылдығына арналған үстел теннисінен турнир өтті. Спорттық сайысқа этномәдени бірлестіктердің өкілдері, облыстық ҚХА құрылым мүшелері және “Қоғамдық келісім” КММ қызметкерлері қатысты.Алғаш рет ұйымдастырылған турнирге 40-қа жуық қатысушы тіркеліп, әр ойын ерекше тартыспен өрбіді. Спорт додасының басты мақсаты – салауатты өмір салтын насихаттау, этносаралық достық пен бірлікті нығайту болды.Турнирдің ашылу салтанатында “Қоғамдық келісім” КММ директоры Бақытжан Камалов қатысушыларға сәттілік тілеп, Қазақстан халқы Ассамблеясының мерейтойы аясында ұйымдастырылған бұл шараның маңыздылығын атап өтті. Жарыс қорытындысында үздіктер арнайы диплом және сыйлықтармен марапатталды.Ерлер арасында 1 орынды Мэлс Ким, 2 орынды Рашид Икрамов, 3 орынды Борис Федотов иеленсе, әйелдер арасында 1 орын – Марина Кимге, 2 орын – Наталья Тянге, ал 3 орын – Ирина Каратицкаяға бұйырды.Жастар арасындағы тартысты ойын нәтижесінде Бауыржан Жанұзақов жеңімпаз атанып, Айдос Алназаров екінші, Бектемір Нахбек үшінші орын алды.Жеңімпаздарды құттықтай отырып, турнир қатысушылары мұндай достық рухтағы спорттық шаралар алдағы уақытта дәстүрлі түрде жалғасатынына сенім білдірді.

Этнос өкілдері мен жастар үстел теннисінде бақ сынасты

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданының әкімі Жандос Еркінбектің төрағалығымен өткен кезекті мәжілісте 2025 жылғы егін жинау науқанының қорытындысы туралы, спорттық инфрақұрылымды дамыту және бұқаралық спортты қолдау туралы мәселелері қаралды.Жиынға аудан әкімінің орынбасарлары, бөлім, мекеме, кәсіпорын басшылары, кент және ауылдық округ әкімдері қатысты.Жиында күн тәртібіндегі бірінші мәселе бойынша аудандық ауылшаруашылық және жер қатынастары бөлімінің басшысы Әсет Омаров егін шаруашылығын дамыту мен суды үнемдеу технологияларын қолданысқа енгізу бағытында жоспарларын мәлімдеді. Осыған сәйкес аудан әкімі суды тиімді әрі уақтылы жеткізу – егін шаруашылығындағы ең басты міндеттердің бірі екенін атап өтті. Суды аз қажет ететін егіс көлемін ұлғайту және суды үнемдеу технологияларын қолданысқа енгізу бағытында нақты шараларды қабылдауды, алдағы егін егу маусымына дайындық жұмыстарын пысықтауды, ауыл, орман және балық шаруашылығындағы негізгі капиталға салынған инвестициялар бойынша нақты шараларды қабылдауды жүктеді.Сонымен қатар, күн тәртібіндегі екінші мәселе бойынша аудандық дене тәрбиесі, спорт және туризм бөлімінің басшысы Ғалым Ержанов ауданда спорттық инфрақұрылымды дамыту және бұқаралық спортты қолдау бағытында жоспарларын атап өтті. Бұл бағыттағы мәселе бойынша аудан әкімі аудандағы спорт саласын дамыту бағытында тиісті шараларды қабылдауды, жастар мен жасөспірімдердің бұқаралық спортпен шұғылдануын арттыру мақсатында нақты жұмыстар жасауды, аудан спортшыларын қолдау бағытында жұмыстарды жандандырып, жастардың облыстық, республикалық және әлемдік сайыстарға қатысу деңгейін көтеруді тапсырды.Жиын соңында аудан әкімі мәжілісте айтылған әрбір мәселе бойынша нақты тапсырмалар беріп, олардың орындалуын бақылауда ұстауды жауапты тұлғаларға жүктеді.

Егін жинау науқанының қорытындысы және спорттық инфрақұрылымды дамыту мәселелері талқыланды

<a href="https://kyzylorda-news.kz/">Kyzylorda-news.kz</a> Қазақ актері және сценарист Рүстем Омаров әйгілі Джеки Чанның халықаралық жобасы – «Доспехи Бога: Ультиматум» фильміне қатысатыны белгілі болды.Бұл – аты аңызға айналған «Доспехи Бога» (Armour of God) экшн-франшизасының жаңа бөлімі. Жаңа фильмде Рүстем Омаров тек актер ретінде ғана емес, сценарист ретінде де жұмыс істейді.<blockquote>«Бала кезімнен Джеки Чанның фильмдерін көріп өстім. Енді онымен бір жобада жұмыс істеу – мен үшін үлкен мәртебе», – деді Рүстем Омаров.</blockquote>Бұл жаңалық – қазақстандық киноиндустрия үшін үлкен жетістік және халықаралық деңгейдегі жаңа мүмкіндіктердің бастауы болып отыр.

Рүстем Омаров Джеки Чанмен бірге жаңа фильмге түседі

<a href="https://kyzylorda-news.kz/">Kyzylorda-news.kz</a> Қызылорда қаласында Корея Республикасынан келген делегацияның қатысуымен кездесу ұйымдастырылды. Іс-шара барысында Қазақстан мен Корея арасындағы ынтымақтастықты нығайту, өзара тәжірибе алмасу және алдағы бірлескен жобаларды жүзеге асыру мәселелері талқыланды.Кездесуден кейін қатысушылар назарына «Тәуелсіздік әскері» көркем фильмі ұсынылды. Бұл туынды Корея халқының азаттығы жолында күрескен әйгілі генерал Хон Бом Доның ерлік өмірін арқау етеді. Фильм көрерменге терең әсер қалдырып, тәуелсіздік пен бірліктің қымбат құндылық екенін айшықтай түсті.Кездесудің мазмұны мен көрсетілген фильмнің идеясы қос ел арасындағы тарихи байланыс пен рухани жақындықтың маңызын тағы бір мәрте көрсетті.Фото pexels

Достық үйінде «Тәуелсіздік әскері» фильмі көрсетілді 

<a href="https://kyzylorda-news.kz/">Kyzylorda-news.kz</a> &nbsp;Аймағымызда денсаулық сақтау саласының инфрақұрылымын жаңарту мен қолжетімді медициналық қызметті қамтамасыз ету бағытындағы жұмыстар қарқынды жүргізілуде. Соңғы жылдары өңірде жаңа ауруханалар мен емханалар салынып, ауылдық елді мекендерде алғашқы медициналық көмек нысандары пайдалануға берілді. Сондай-ақ көпбейінді аудандық ауруханаларда қосымша корпустар салу арқылы жаңа бөлімшелер ашу жоспарланған. Бұл шаралар өңір халқының сапалы медициналық қызметке қолжетімділігін арттыруға бағытталған. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысының міндетін атқарушы Жаңыл Абубакирова хабарлады.<blockquote>- Бүгінгі күні Қызылорда облысында денсаулық сақтау саласының инфрақұрылымын дамыту жұмыстары «Қызылорда облысының денсаулық сақтау инфрақұрылымын дамытудың 2024–2033 жылдарға арналған өңірлік перспективалық жоспары» аясында жүйелі түрде жүзеге асырылуда. Бұл жоспар аймақ тұрғындарына сапалы әрі қолжетімді медициналық қызмет көрсетуді қамтамасыз етуге бағытталған. Қазіргі таңда облыс бойынша заңды мәртебесі бар 32 мемлекеттік медициналық ұйым жұмыс істейді, олардың қарамағында 261 нысан бар. Оның ішінде 17 ауруханалық және 237 дәрігерлік-емханалық ұйым халыққа қызмет көрсетіп отыр. Соңғы он жылда өңірде жалпы 116 жаңа нысанның құрылысы жүргізіліп, пайдалануға берілді. Соңғы жылдары төрт аудандық аурухана мен алты аудандық емхана жаңадан салынып, ел игілігіне берілді. Ауыл тұрғындарына медициналық көмектің қолжетімділігін арттыру мақсатында 2023–2024 жылдары алғашқы медициналық-санитарлық көмек көрсету саласында үлкен жұмыстар атқарылды. Осы кезеңде барлығы 27 жаңа нысан - дәрігерлік амбулаториялар, фельдшерлік-акушерлік және медициналық бекеттер салынып, пайдалануға берілді. Нәтижесінде 46 мыңнан астам ауыл тұрғыны сапалы әрі уақтылы медициналық көмек алуға мүмкіндік алды. Бұл - ауылдағы денсаулық сақтау қызметінің сапасын жаңа деңгейге көтерген маңызды қадам. Бұдан бөлек, облыстың төрт ауданында – Арал, Қазалы, Шиелі және Жаңақорғанда көпбейінді аудандық орталық ауруханаларды дамыту бағытында ауқымды жобалар іске асырылуда. Бұл ауруханаларда жаңа қосымша ғимараттар салынып, инсульт және кардиологиялық орталықтар ашу, заманауи КТ, МРТ, ангиографиялық жабдықтар орнату жоспарланған. Барлық жобалар бойынша жобалық-сметалық құжаттар дайындалып, мемлекеттік сараптаманың оң қорытындысы алынды. Сондай-ақ, балаларды оңалту саласына ерекше көңіл бөлініп отыр. Арал ауданында бұрынғы туберкулез диспансері ғимаратын қайта жаңғырту арқылы «Қамқорлық» балалар оңалту орталығы ашылып, толық пайдалануға берілді. Бұл орталық мүмкіндігі шектеулі балаларға жан-жақты оңалту көмегін көрсетуге бағытталған. Ал жыл соңына дейін облыстық көпбейінді балалар ауруханасы базасында «Қамқорлық» Ерте араласу орталығы іске қосылмақ. Біздің басты мақсатымыз - облыс тұрғындарына медициналық көмектің барлық түріне уақтылы және сапалы қолжетімділікті қамтамасыз ету. Денсаулық сақтау саласының материалдық-техникалық базасын нығайта отырып, мамандардың әлеуетін арттыру арқылы өңір медицинасының дамуын жаңа деңгейге көтеруді көздеп отырмыз, - деді Жаңыл Исақызы.</blockquote>

Денсаулық сақтау инфрақұрылымын дамыту жұмыстары жүйелі түрде жүргізілуде

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың тапсырмасына сәйкес, облыс әкімінің бірінші орынбасары Данияр Жаналиновтың төрағалығымен сұйытылған газ мәселесі талқыланған жедел мәжіліс өтті, деп хабарлайды облыс әкімінің баспасөз қызметі.Жиынға қала және аудан әкімдері, жетекші салалардың өкілдері қатысып, сұйытылған мұнай газымен тұрақты қамтамасыз ету бойынша бірқатар тапсырмалар жүктелді.<blockquote>“Облыс аумағындағы барлық операторлардың газ қорына мониторинг жүргізіп, қолдан тапшылықты болдырмау үшін талон арқылы сату және баға саясатына зерделеу жүргізіңіздер. Заңнама талаптары бұзылған жағдайда нақты шаралар қабылдаңыздар.Полиция департаменті, облысқа бөлінген газдың басқа өңірлерге тасымалдануын болдырмау үшін шекараларға тәулік бойы кезекшілік орнатып, бақылауды күшейтіңіздер.Біздің өңірге бекітілген сұйытылған газ басқа облыстарға кетпеуі тиіс. Бір күннің ішінде халықты газбен толық қамту мәселесін шешуді тапсырамын”, — деді Данияр Еренғалиұлы.</blockquote>Сонымен қатар, газды коммерциялық нысандарға сатпай, бірінші кезекте халықтың сұранысын қамтамасыз ету міндеті жүктелді.

Сұйытылған газ мәселесі бойынша жедел мәжіліс өтті

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы мәдениет үйінде «Еңбек мерейі – ел құрметі» тақырыбында мерекелік кеш өтті. Түрлі сала қызметкерлерін марапаттау салтанатына арналған &nbsp;шараға қала әкімі Нұржан Ахатов, қалалық мәслихат төрағасы Ибадулла Құттықожаев қатысты.Кеште шаһар басшысы Нұржан Сәбитұлы &nbsp;Мемлекет басшысының Қызылорда облысына жасаған жұмыс сапарындағы іс-шараларды ұйымдастыруға және «Таза Қазақстан» республикалық экологиялық акциясына белсенді атсалысқан азаматтарға облыс әкімі Нұрлыбек Нәлібаевтың алғысын жеткізді.<blockquote>«Өткен аптада Мемлекет басшысы Қасым-Жомарт Кемелұлы өңірімізге жұмыс сапарымен келіп, ел игілігіне бағытталған ірі инвестициялық, инфрақұрылымдық және өндірістік жобалардың жүзеге асырылу барысымен танысты. Ел Президенті облыс әкімі Нұрлыбек Машбекұлының аймақтың әлеуметтік-экономикалық дамуы мен мәдени-рухани өрлеуінің мол мүмкіндігін ашқан қажырлы қызметіне, Сыр еліндегі байыпты бастамаларға жоғары бағасын берді. Облыстың жарқын болашағына сенім білдірді. Өз кезегінде аймақ басшысы да Қызылорда облысының өсіп-өркендеуіне, халқымыздың әл-ауқатының артуына атсалысқан, ортақ іске жұмыла білген азаматтарды лайықты бағалайды. Бұл еңбекке деген мәртебелі құрмет. Бүгінгі арнайы шарада Нұрлыбек Машбекұлы Сіздерге ыстық ықыласын арнап, облыстың ең жоғары марапаты – «Құрмет грамоталары» мен алғыс хаттарын табыстауды тапсырды», – деді Нұржан Сәбитұлы.</blockquote>Салтанатты кеште түрлі салада еселі еңбек етіп жүрген, Мемлекет басшысының жұмыс сапарындағы іс-шаралардың жоғары деңгейде өтуіне атсалысқан және республикалық «Таза Қазақстан» экологиялық бағдарламасында белсенділік көрсеткен майталман мамандарды марапаттап, құрмет төріне шығарды.Дайындалған концерттік бағдарламада әннен шашу шашылып, көптің көңілі көтерілді.Айта кету керек, соңғы жылдары аймақ басшысының қолдауымен және тың бастамаларымен Сыр шаһары қарқынды дамыды. Қала бюджеті еселеп артып, халыққа ең қажетті әлеуметтік нысандар бой түзеді. Тұрғын үй кезегіндегі отбасылар баспана бақытына кенеліп, инфрақұрылымдық жобалар сәтті жүзеге асты.Республикалық «Таза Қазақстан» экологиялық бағдарламасы бойынша Қызылорда - еліміздегі ең таза қалалардың көшін бастады. Дәстүрге берік, үлгісі озық қызылордалықтар жасампаз ісімен жарқын жолынан жаңылмайды.

Майталман мамандар марапат төрінде

&nbsp;<a href="https://kyzylorda-news.kz/">Kyzylorda-news.kz</a> Бүгін, 2025 жылғы 5 қарашада, Астанадағы «Қазмедиа» орталығында Astana Media Week 2025 форумы өз жұмысын бастады.Тоғыз жыл ішінде форум Қазақстандағы медиа саласын дамытуға арналған басты алаңға айналып, халықаралық және отандық медиа кәсіби мамандарын, медиабизнес өкілдері мен мемлекеттік органдарды біріктіретін маңызды платформа болып қалыптасты.Медиааптаның алғашқы күні «Жасанды интеллект пен цифрландыру кезеңіндегі журналистиканың жаңа бағыттары: қоғам сенімі және өркендеу» атты пленарлық сессиямен ашылды. Форум қатысушыларына Қазақстан Республикасының Мәдениет және ақпарат министрі Аида Балаеваның құттықтау хаты оқылды.<blockquote>«Ақпарат басты ресурсқа айналған заманда біздің осындай басқосуларымыздың маңызы ерекше. Себебі дәл осындай алаңда ғана біз өзекті мәселелерді ашық талқылап, қорытынды жасап, соның негізінде бизнес пен мемлекеттік басқару жүйесіне қатысты маңызды шешімдер қабылдай аламыз. Бүгінде Қазақстан кеңістік пен уақыт тоғысындағы ерекше кезеңді бастан өткеруде. Мемлекет, қоғам және медиа азаматтардың сұранысына сай, елдің алдағы дамуының заманауи бағыт-бағдарын айқындап келеді. Мемлекет басшысының «Әділетті Қазақстанды» құру ісінде осындай өзара бекем байланыс берік іргетасқа айналуға тиіс дегені де бекер емес», – деді Аида Балаева.</blockquote>Министр Digital News Report зерттеуіне сәйкес, Қазақстан азаматтарының бұқаралық ақпарат құралдарына деген сенім деңгейі Орталық Азиядағы басқа елдермен салыстырғанда айтарлықтай жоғары екенін айтты. Аида Балаеваның айтуынша, бұл – медиасаланы реформалау бойынша мемлекет жүргізіп келе жатқан жүйелі саясаттың нәтижесі.Министр құттықтауында атап өткендей, Қазақстан өңірде алғашқылардың бірі болып халықаралық стандарттарға, соның ішінде Digital Services Act қағидаттарына негізделген «Онлайн-платформалар және онлайн-жарнама туралы» заң қабылдады. Сонымен қатар жаңа «Масс-медиа туралы» заң редакциялардың құқықтық мәртебесін күшейтіп, журналистерді қорғау тетіктерін кеңейтті және ақпаратқа қол жеткізу тәртібін нақты айқындады. Аида Балаева осы бағыттағы жұмыс жалғасын табатынын айта келе, министрлік бірқатар заңнамалық актілерге өзгерістер енгізуді көздейтін түзетулер әзірлеп жатқанын атап өтті. Бұл түзетулер ақпараттық кеңістіктегі жылдам өзгерістерге лайықты жауап болмақ.Пленарлық сессияда сондай-ақ ҚР Мәдениет және ақпарат вице-министрі Қанат Ысқақов, Euronews-тің Қазақстандағы бюро жетекшісі Боян Бркич, Euronews халықаралық тілшісі (Франция) Денис Локтье, Өзбекстан Ұлттық медиа қауымдастығы бас директорының орынбасары Санжар Устабобоев, Түркия радиотелевизиялық корпорациясының (Түркия) Қазақстандағы өкілдігінің директоры Мехмед Захид Чалышкан және "Жетінші арна" телеарнасының бас директоры Илхам Ибрагимов сөз сөйледі.Іс-шара «Журналистика тоғысында: жасанды интеллекті бар цифрлық медианың пайда болуы» атты панельдік сессиямен жалғасты. Бұл алаңда қазіргі ақпараттық кеңістіктің трансформациясындағы негізгі үрдістер талқыланды. Айта кетерлігі, бағдарламаның бір бөлігі стримингтік платформалар нарығына арналды.Алдағы екі күн ішінде медиаорталық холлында Astana Media Week 2025 контент-маркеті өтеді. Бұл – жаңа форматтар, копродукциялар және халықаралық кооперациялар таныстырылатын алаң. Контент-маркет продакшн-компаниялар, дистрибьюторлар және платформалар арасындағы іскерлік кездесулер өткізуге мүмкіндік береді. Мұнда Қырғызстан, Өзбекстан, Қытай мен Қазақстанның ішкі және сыртқы нарықтарына арналған жаңа идеялар, пилоттық жобалар мен бірлескен өндіріс мүмкіндіктері ұсынылады.Astana Media Week 2025 7 қарашаға дейін жалғасып, еліміздің барлық өңірлерінен мемлекеттік, тәуелсіз және жаңа медиа өкілдері бас қосады. Қатысушылар үшін пленарлық және панельдік талқылаулар, жабық питчинг-сессиялар, сондай-ақ саладағы жетекші сарапшылар өткізетін практикалық мастер-класстар ұйымдастырылады.Медиаапта аясында ең белсенді қатысушыларға арнайы сыйлықтар қарастырылған. Үздік сұрақ қойған авторлар жетекші стримингтік сервис, медиамониторингтік компаниялардың жылдық жазылымына арналған сертификаттар және бас жүлде – Самарқандқа саяхат ұтып алу мүмкіндігіне ие болады.&nbsp;ҚР Мәдениет және ақпарат министрлігінің баспасөз қызметі

Astana Media Week 2025: заманауи журналистиканың жаңа бағыттары

<a href="https://kyzylorda-news.kz/">Kyzylorda-news.kz</a> Биылғы жылдың қыркүйек айында облыстық Қазақстан халқы Ассамблеясының Ақсақалдар кеңесі «Бизнесті заңсыз әкімшілік қысым мен қылмыстық қудалау қатерінен қорғау» тақырыбында кеңейтілген отырыс өткізді. Жиын барысында Қызылорда облыстық кәсіпкерлік басқармасы мен кәсіпкерлер палатасының басшылары атқарып жатқан жұмыстар жөнінде ақпарат берді.Сұрақтар мен пікірталасқа ұласқан отырыс барысында кеңес мүшелері аймақтағы тұрмысы төмен, асыраушысынан айырылған, үй жағдайында кәсіппен айналысып отырған азаматтарға салық мөлшерін жеңілдету туралы ұсыныс білдірді.Отырыс қорытындысы хаттама түрінде рәсімделіп, тиісті ұйымдарға жолданды. Алдағы уақытта бұл ұсыныстың іс жүзінде жүзеге асып, тұрғындар игілігіне оң әсерін тигізетініне сенім білдіреміз.

Қазақстан және Қызылорда облысының жаңалықтары