<a href="https://kyzylorda-news.kz/">Kyzylorda-news.kz</a> Өткен аптада Жалағаш ауданының 85 жылдығына орай мемлекеттік қызметшілер және Қазақстан полициясы күні қарсаңында мекемелер арасында шағын футболдан сайыс өтті. Тартысты бәсекеге Жалағаш ауданына қарасты кент және ауылдық округтерден, бөлімдер мен мекемелерден 8 команда қатысып, жүлделерді сарапқа салды.Аптаның 5 күнін жұмыста өткізетін қызметкерлер спортпен шұғылдануға да уақыт тапты. Жарыс өте тартысты өтті, барлық команда физикалық, тактикалық тұрғыдан мықты дайындықпен келген. Ойында гол саны да көп болды. Кәсіпқой футболшылар секілді өнер көрсеткен мекеме қызметкерлеріне әріптес жанкүйерлері риза болды. Бір сөзбен айтқанда, спорттық шара өте жоғары деңгейде ұйымдастырылған.Нәтижесінде үздік ойынымен аудандық емхана қызметкерлері сайыстың жеңімпазы атанып, өзгелерден оза шапты. Аудандық білім бөлімінің қызметкерлері ІІ орынмен үздіктер қатарынан көрінсе, Ақсу, М.Шәменов, Қаракеткен, Бұқарбай батыр ауылдарынан құралған «Тұлпар» командасы үштікті түйіндеді. Сондай-ақ сайыс қорытындысымен «Үздік қақпашы», «Үздік шабуылшы», «Үздік ойыншы» номинациялары табысталды.– №31 мектеп-гимназиясында дене шынықтыру пәні мұғалімімін. «Футболдан жарыс өтеді» дегеннен аудандық білім бөлімінің құрамасына ендім. Жалпы сайыс өте тартысты өтті. Қарсыластар да тыңғылықты дайындықпен келгені көрініп-ақ тұр. Біз 2 орын алдық, ақтық ойында есеп ашылмады. Қос команда айып добы арқылы өзара мықтыны анықтады, бізге сәл сәттілік жетіспей қалды. Әрине, мұндай сайыстар жиі өткенін құптаймыз. Ұйымдастырушыларға алғыс айтамын, – дейді шабуылшы Бағлан Берікбай.Спортты жанына серік еткен мекеме қызметкерлерінің финалдық ойынына аудан әкімі Ардақ Ибраимов куә болып, үздіктерді марапаттады. Барлық қатысушыға алғыс білдіріп, төл мерекемен құттықтады.

Шағын футболдан сайыс өтті

 Самұрат Имандосов: Тынбай еңбек етсең ғана оның нәтижесін көресің

<a href="https://kyzylorda-news.kz/">Kyzylorda-news.kz</a> Апта басында Жалағаш аудандық мәслихат төрағасы Өмірзақ Елеусінов Жалағаш кентіндегі қоғам қайраткері Темірбек Жүргенов атындағы №123 мектеп-лицейінің 11 сынып оқушысы Наргиз Нұрбекті қабылдап, құрмет көрсетті. Наргиз Сұлтанқызы – АҚШ Мемлекеттік департаменті толығымен қаржыландыратын Future Leaders Exchange (FLEX) бағдарламасының 2023 жылғы жеңімпазы.Наргиз Сұлтанқызы 2023 жылдың тамызынан 2024 жылдың маусым айына дейін америкалық отбасында тұрып, сондағы мектепте 1 жыл тегін білім алуға қол жеткізген. Республика бойынша 100 оқушы, облыс бойынша 7 оқушының ішінде аудан тарихында бірінші рет жеңімпаз атанған Наргиз АҚШ-тың Джорджия штатында Thomas County Central High School мектебінде білім алып, 11-сыныпты жақсы нәтижемен аяқтады.&nbsp;Ол Thomas County Central High School Marching Band &amp; Blue Band оркестрінің мүшесі болып, флейтада ойнап, бірнеше мәрте концертте өнер көрсеткен. Сонымен қатар бос уақытында еріктілік қызметтер атқарып, қоғамдық жұмыстарға да белсене қатысқан.– Мен бұл бағдарламаны 7 сыныпта оқып жүргенімде білдім.&nbsp;Ол кезде &nbsp;олимпиада және басқа да сайыстарға қатысатынмын. Бұл бағдарламаға 10 сыныпта қайта ден қойып, осы бағдарламаға қатысып, жеңімпаз атануды мақсат еттім. Тамыз айынан қазан айына дейін дайындалып, тіркелу жұмыстарын жүргіздім. Алғашқы кезеңде 3 тақырып бойынша эссе жаздық. Эссенің тақырыптары мінез-құлық, салт-дәстүр, мәдениеттілік, қиындықтан шығу туралы болды. Яғни бұл бағдарлама аясында тек ағылшын тілін білу жеткіліксіз. Эссе барысында басқа отбасыда 1 жыл тұратындықтан оқушыны жан-жақты зерттеп, өзге ұлт өкілдерімен жақсы қарым-қатынас орната алатынына көз жеткізеді. Ал 2 кезеңде ағылшын тілінен тест тапсырдық. Ең қиыны 3 кезең болды. Біз бұл кезеңде шетелден келген қонақтармен сұхбат құрдық. Сонымен қатар топтық ойын болды. Бұл ойында әркім өзін барынша жақсы жағынан көрсету керек. Біздің топта үш-ақ адам болды. Ойын біткен соң қатты қобалжып, «өтпей қаламын-ау» деген ой болды. Шынымды айтсам, «осы кезеңнен кейін бағдарлама жеңімпазы атанамын» деген үмітім де болмады. Алайда ақпан айында 4 кезең ретінде қайта тест тапсырдық. Наурыздың 16 күні ұйымдастырушылар бағдарлама жеңімпазы атанғанымды хабарлады. Сол кезден бастап бізге америкалық отбасы іздей бастады. Менің мектебім –&nbsp;Thomas&nbsp;County&nbsp;Central&nbsp;High&nbsp;School. Ол жақта 2 мыңға жуық оқушы бар. Мен америкалық отбасыммен Джорджия штатында Томасвилл қаласына орналастым. Мен көпбалалы отбасымен тұрдым. Менің америкалық ата-анам өте мейірімді жандар болды. Олар менен бөлек Тайландтан келген қызды да өз үйлеріне тұрғызды. Бізге дейін де әр жыл сайын бірнеше оқушыны қанатының астына алған. Мен бұл отбасыға Қазақстаннан келген 4-ші қызбын, – дейді кейіпкеріміз.&nbsp;Наргиздің айтуынша, америкалық отбасы оған барынша қолдау көрсетіп, оны қажетті құрал-жабдықтармен қамтамасыз еткен. Америкалық әкесі кезінде әскерде қызмет еткен. Бірде тайландтық құрбысы екеуіне әскери ұшақты көрсетіп, көп нәрсені үйреткен. Басқа да елдердің тағамдары мен салт-дәстүр, әдет-ғұрпымен таныстырған.&nbsp;– Негізінен Наргиз – ағылшын тілінен олимпиадаға қатысып жүрген оқушы. Бұл бағдарламаға дайындықты 9-сыныптан бастадық. Өзіңіз білетіндей, №123 мектеп-лицей тереңдетіп оқытады. Наргиздің бұл пәнге деген қызығушылығы әуел бастан өте жоғары болды. Ата-ана, достарының қолдауымен ұстаздарының жетекшілігімен, өзіңнің білімділігімен бұл бағдарламада жеңімпаз болды. Наргизді мен ғана емес, барша ұжым, аудан жұрты мақтан тұтады. Оның жеңісін көрген мектеп оқушылары «апай, мені де осы бағдарламаға дайындаңызшы. Мен де Наргиз сияқты АҚШ-та білім алғым келеді» дейді. Бұйыртса, олар да осындай мүмкіндікке ие болады, – дейді ұстазы Гүлдана Сайлыбекқызы. &nbsp;Қабылдауда аудандық мәслихаттың төрағасы Өмірзақ Елеусінов мәслихат депутаттары атынан Наргиз Сұлтанқызына және ағылшын тілінен сабақ берген ұстазы Гүлдана Сайлыбекқызына алғыс хат табыстап, сый-құрмет көрсетті. Сонымен қатар «Amanat» партиясы аудандық филиалының атқарушы хатшысы &nbsp;Қаншагүл Шоңмұрынқызы мен мәслихат депутаты Гүлзат Ердәулетқызы Наргизге жылы лебізін білдіріп, ата-анасы мен ұстазына алғысын жеткізді.Жиын соңында Наргиз де қолайлы сәтті пайдаланып, ұстазына алғысын жаудырып, ата-анасына АҚШ-та оқимын деген арманына қолдау білдіріп, 1 жыл шетелде білім алуға жібергені үшін ризашылығын білдірді. Кездесуді мәслихат төрағасы Өмірзақ Елеусінов қорытындылап, Наргиз Сұлтанқызына алдағы уақытта алған білімін одан әрі жетілдіріп, қалаған жоғары оқу орнында жалғастыратынына сенім білдірді.Айта кетейік,&nbsp;Future&nbsp;Leaders&nbsp;Exchange&nbsp;(FLEX) – Армения, Әзірбайжан, Эстония, Грузия, Қазақстан, Қырғызстан, Латвия, Литва, Молдова, Моңғолия, Черногория, Польша, Румыния, Сербия, Тәжікстан, Түркіменстан және Украинадан келген орта мектеп оқушыларына арналған АҚШ мемлекеттік департаментінің бағдарламасы.&nbsp;FLEX&nbsp;1992 жылы құрылды және АҚШ Мемлекеттік департаментінің білім және мәдениет мәселелері жөніндегі бюросымен қаржыландырылады. Бағдарлама бұрынғы сенатор Билл Брэдлидің АҚШ пен басқа елдер арасындағы ұзақмерзімді бейбітшілік пен түсіністікті қамтамасыз етудің ең жақсы тәсілі және Еуразия елдері жастарының АҚШ туралы білу мүмкіндігі, америкалықтарға өздері туралы және америкалықтардың өздеріне өз елдері туралы үйрену жолы деген тұжырымынан туған.&nbsp;FLEX&nbsp;бағдарламасының негізгі мақсаты өзара түсінушілікті жақсарту, АҚШ пен Қазақстан азаматтары арасындағы ұзақмерзімді қатынастарды дамыту және нығайту болып табылады. Мемлекеттік департамент&nbsp;FLEX&nbsp;және басқа бағдарламалар арқылы 50-ден астам елден келген орта мектеп оқушыларымен алмасуды қолдайды.&nbsp;Бағдарлама жеңімпаздарды АҚШ-қа баруға және қайтуға билет пен ай сайынғы шәкіртақымен, америкалық отбасында тегін тұру, сондағы мектепке орналасу, бағдарлама алдындағы дайындық және медициналық сақтандырумен толық қамтамасыз етеді.&nbsp;Ақтоты БҮРКІТБАЙ

Жалағаштық тұрғын АҚШ елінде білім алды

<a href="https://kyzylorda-news.kz/">Kyzylorda-news.kz</a> Бүгін Қызылорда облысы Қамыстыбас станциясы құтқару бөлімшесінің бас құтқарушысы Аманбек Әбжалелов, құтқару бөлімшесінің құтқарушылары Заманбек Жұмағұл және Батырхан Бисембин Қамбаш көлінде патрулдеу жүргізу барысында жағадан 600 метр қашықтықта батып бара жатқан 2011 және 2016 жылы туған қыз балаларды құтқарып, судан шығарды.Қазіргі уақытта құтқарылған адамның жағдайы тұрақты, медициналық көмекке мұқтаж емес.ТЖМ азаматтарды суда қауіпсіздік ережелерін сақтауға шақырады.Фото: ТЖД

Қызылордада Қамбашқа батып бара жатқан жасөспірімдер құтқарылды

&nbsp;<a href="https://kyzylorda-news.kz/">Kyzylorda-news.kz</a> Премьер-Министрдің Қызылорда облысына жұмыс сапарына негіз болған басты мәселелердің бірі – су үнемдеу технологияларын енгізу және су инфрақұрылымын дамыту. Олжас Бектенов Мемлекет басшысының Кіші Аралды сақтау және дамыту жөніндегі тапсырмаларының орындалу барысымен танысты, атап айтқанда Қараөзек су қоймасының құрылысына назар аударылды және Көкарал бөгетін реконструкциялау қарқыны тексерілді.Өңірдің негізгі су көзі – Сырдария өзені. Соңғы бірнеше жылда өзен суының азаюына байланысты Солтүстік Аралда жиналған судың орташа жылдық көлемі жобалық 27 млрд текше метрден 2022 жылы 18,9 млрд текше метрге дейін төмендеді. Бүгінгі таңда су ағынын секундына 6 текше метрден 50 текше метрге дейін ұлғайту бойынша қабылданған шаралар нәтижесінде Солтүстік Аралда су көлемі 21,4 млрд текше метрді құрады – осы жылдың басынан бері 1,5 млрд текше метр су келді. Облыстың әлеуметтік-экономикалық дамуы мен экологиялық жағдайы Сырдария өзені бассейнінің сумен жабдықталуына тікелей байланысты екені анық, дәрияның жағасында аймақтағы елді мекендердің 85%-ы орналасқан, жергілікті халықтың 93%-дан астамы өмір сүреді.Бүгінгі таңда өңірде су үнемдеу технологиясы белсенді түрде енгізіліп жатыр. Облыста 286 мың га суармалы жер бар, оның 185-190 мың гектарына ауыл шаруашылығы дақылдары егіледі. Мемлекет басшысының егістікті әртараптандыру туралы тапсырмасы бойынша биыл күріш алқабы 6 мың гектарға қысқартылды. Лазерлік тегістеу күріш алқаптарын суаруға жұмсалатын судың шығынын азайтуға мүмкіндік берді. Инновациялық технологияның арқасында соңғы 10 жылда суды 20%-ға дейін үнемдеуге және өнімділікті 30%-ға дейін арттыруға мүмкіндік туды. Бұдан басқа, өңірде басқа да су үнемдеу технологияларын енгізу көлемі биыл 4,2 мың гектарға жетті, 2030 жылға дейін бұл көрсеткішті 34,2 мың гектарға дейін ұлғайту көзделген. Осы бағытта қазіргі уақытта Қызылорда облысында жалпы ауданы 4,8 мың га болатын 3 ірі инвестициялық жоба іске асырылып жатыр.<blockquote>«Мемлекет басшысы су үнемдеу технологияларын енгізуді жеделдетуді тапсырды. Сырдария өзеніндегі су тапшылығын ескере отырып, жер асты суларын ұтымды пайдалану мақсатында Су ресурстары және ирригация министрлігіне жер асты көздеріне зерттеу жүргізуді тапсырамын», – деді Олжас Бектенов.</blockquote>Премьер-Министр Су ресурстары және ирригация министрлігіне сыйымдылығы 775 млн текше метр болатын Қараөзек су қоймасын салу бойынша Қызылорда облысында іске асырылып жатқан жобаны қаржыландыру жөнінде ұсыныстар енгізуді тапсырды. Жаңа техникалық құрылыстың негізгі мақсаты – Көкарал бөгеті арқылы Үлкен Арал теңізіне қайтарылмайтын судың бір бөлігін сақтау. Бұл шаралар вегетациялық кезеңде Қазалы ауданының 31 мың гектар егістік жерлерін және арна бойында орналасқан 11 мың га шабындық пен жайылымды сумен қамтамасыз етеді. Қараөзек су қоймасы елімізде басым тәртіппен салынуы тиіс 9 су инфрақұрылымы объектілерінің тізбесіне енгізілген.Үкімет басшысына биыл аяқталатын Көкарал бөгетін реконструкциялау жоспары туралы баяндалды. Жобаны іске асыру шеңберінде бүлінген бөгет, сондай-ақ Қарашалан және Тұщы көлдері арқылы теңізге шығатын арналар қалпына келтірілетін болады. Олжас Бектенов Үкімет су ресурстарын тиімді пайдалану, су жинау лимиттерін және Сырдария мен Амудария бассейндері бойынша су қоймалары каскадының жұмыс режимдерін сақтау мәселелерінде көрші елдермен жұмысты жалғастыратынын атап өтті.<img src="https://knadmin.beoblood.kz/uploads/448924485_771734775147769_7712716142954065014_n_f0676cfd0b.jpg" alt="448924485_771734775147769_7712716142954065014_n.jpg">

Олжас Бектенов Кіші Аралдың жағдайын тексеріп, суды үнемдеу және экология бойынша тапсырмалар берді

<a href="https://kyzylorda-news.kz/">Kyzylorda-news.kz</a> 4-13 маусым аралығында Астана қаласында әйелдер арасында қол добынан ХХХІІ Қазақстан Республикасының чемпионаты өтті. 8 команда өнер көрсеткен ойында Қызылордалық «Қайсар» командасы топ жарып, І орын алды. Аталған командада Жалағаш ауданындағы «Наркескен» спорт клубының қол добы үйірмесінің қатысушылары Қарлығаш Алтынбек пен Альсина Жұмабек өнер көрсетті. Жас спортшыларымызды жеңісімен құттықтау үшін аудандық «Наркескен» спорт клубына табан тіредік.&nbsp;Барсақ спортшы қыздарымыз жаттығу залында алдағы уақытта өтетін жарысқа дайындық үстінде екен. Олардың бір-бірімен тілсіз тілдесіп, қарсылас команданың қақпасына доп соғуына қарап, олардың осы спорт түрінің хас шебері екенін аңғардық. Ойын аяқталғанын тағатсыздана күтіп, спортшы қыздарымызбен сұхбат құруға дайын тұрмыз.&nbsp;– 2016 жылдан бастап мектепте баскетбол үйірмесіне қатысатынмын. Бірде дайындық барысында біздің мектепке жаттықтырушым Дархан ағай келді. Қолында қолдобының добы бар. Бізге қолдобы ойынының шартын түсіндіріп, ойнап көруді ұсынды. Сол сәттен бастап менің бұл ойынға деген қызығушылығым оянды.&nbsp;Күнде «Наркескен» спорт клубына жаттығуға барып, осы спорт түріне ден қойдым. Жаттықтырушым Дархан ағай дайындықта бар білгенін үйретіп дайындады. Әр жаттығуға асыға баратынмын. Аудан командасымен жарыстарға барып, жақсы ойын өрнегін көрсетіп жүрдім, – дейді Қарлығаш Алтынбек.&nbsp;Альсина да бұл спорт түріне 2016 жылдан бастап келген. Оған дейін футболға қатысқан ол, бұл спорт түріне дене шынықтыру пәнінен сабақ беретін Талхат ағайының айтуымен келген.&nbsp;– Бұрын-соңды атын естіп көрмеген таңсық спорт түрі болса да аудандық «Наркескен» спорт клубына келіп, жаттықтырушым Дархан ағаймен таныстым. Алғашқы күннен жылы шыраймен қарсы алған жаттықтырушым ойынның қыр-сырын түсіндіріп, жаттығудан қалмауға кеңес берді. Уақыт өте тыңғылықты үздіксіз жаттығудың арқасында ауданның гандбол құрамасына қосылдым, – дейді Альсина Жұмабек.&nbsp;Аудан командасында жүріп облыс командасына Ким Вячеслав Чан Себовичтен «Қайсар» облыстық командасына шақырту алған олар әйелдер арасындағы «Супер лига» ойындарында ойын көрсеткен.&nbsp;Айта кетейік, қазіргі таңда «Қайсар» командасы 14 дүркін Қазақстан чемпионы. Ал жазғы спартакиада ойындарынан 5 дүркін чемпион. Спортшыларымыз «Қайсар» командасында жүріп «Қазақстан Республикасының Спорт шебері» атағын алған. Мұнан бөлек 2022 жылдан бастап «ҚР Ұлттық құрамасында» ойнап, Ұлттық құрамамен бірге Словения, Македония, Корея, Гонконг елдерінде ел мерейін үстем еткен. Олар жастар арасында Азия біріншілігінде ІІ, ІІІ орын иеленіп, клубтар арасындағы Азия ойынында ІІ орын иеленген. Сондай-ақ «Халықаралық дәрежедегі спорт шебері» атанған.&nbsp;Олар «жеткен жетістігіміздің барлығы Дархан ағайымыздың арқасы, қаншама қиыншылықты сол кісімен бірге еңсердік» дейді. Спортшы қыздардың алдағы уақытқа қойған жоспарлары да жоқ емес. Олар қазір қыркүйек айында өтетін Азия чемпионатына дайындық үстінде. Олардың басты мақсаты – шет елдерге жарысқа барып, еліміздегі қолдобы спорты жоғары деңгейде екенін көрсету. Бүгінге дейін жеткен жетістіктерін жаттықтырушы Дархан Кіребаевтың жүйелі жұмысымен байланыстыратын жас спортшылар болашақта жаттықтырушыларының жолын жалғап, ауданнан гандболшы қыздарды тәрбиелеп шығаруды көздейді. Бүгінде «Ұлттық құрама» командасында өнер көрсетіп жүрген олар болашақта осы құраманың жаттықтырушысы болсам дейді.&nbsp;Спортшы қыздарымыздың айтуынша олардың басқа іспен айналысатын бос уақыттары жоқ. Қазіргі таңда Альсина Қорқыт Ата атындағы Қызылорда университетінің 3 курс студенті. Ал Қарлығаш Жалаңтөс Баһадүр атындағы спорт мектебінің түлегі. Олардың айтуынша олардың 1 жылдық күнтізбесін алдын-ала дайындалып қояды екен. Сондықтан олар да жаттығу мен жарыстан өзге нәрсеге уақыт жоқ. Сондай-ақ олар сұхбат барысында осы спорттың арқасында өздеріне шетелдік жақын достар тапқанын да жасырмады. Ойын алаңында қарсылас болғанымен, ойыннан тыс бірге туған бауырдай болған жақын құрбыларды олар Корея, Иран, Кувейт елдерінен кезіктерген.&nbsp;– Қазір үйірмеде 54 қыз бар. Альсина мен Қарлығаш үйірмеге келген жылдары олармен бірге 18 қыз келді. Солардың ішінен осы екі қызымыз ойын барысында өздерінің мықтылығымен, қарым-қабілетімен ерекше көзге түсті. Нәтижесінде олар бүгінде үлкен додаларда ауданның ғана емес, еліміздің намысын қорғап жүр. Мен олардың әлі де талай белестерді бағындыратынына сенемін, – дейді жаттықтырушы Дархан Кіребаев.Ел мерейін үстем етіп, абыройын арқалап жүрген жас спортшыларымызға бізде алдағы жарыстардан жеңіспен оралуларына тілектестік білдіріп, тартысты ойынның куәсі болып қайттық.&nbsp;

Гандболшы қыздар чемпион атанды

<a href="https://kyzylorda-news.kz/">Kyzylorda-news.kz</a> Өткен аптада Жалағаш ауданында «Amanat» партиясының «Ардагерлерді ардақтайық» жобасы аясында партия ардагері Тәйтіков Сұлтанмұрат Мүбаракұлын еске алуға арналған&nbsp;Streetball-дан облыстық турнир өткізілді. Аталған іс-шараның негізгі мақсаты – дене шынықтыру және салауатты өмір салтын насихаттап, топтық рухты көтеру, облыс көлемінде стритболды дамыту, жағымды имиджді нығайту, жастарды дене шынықтырумен және спортпен белсенді айналысуға тарту, осы жарыс арқылы жастар арасындағы достық қарым-қатынасты күшейту болып табылады.Шарада «Amanat» партиясы Жалағаш аудандық филиалының төрағасы Өмірзақ Елеусінов, аудан әкімінің орынбасары Ғани Сүлейменов, аудандық ардагерлер кеңесінің төрағасы Садық Әлиевпен бірге қызмет жасаған әріптестері атынан Марат Омаров және әулет атынан ағасы Тәйтіков Қожамұрат сөз сөйлеп, Сұлтанмұрат Мүбаракұлының еңбек жолдарына, ауданның әлеуметтік-экономикалық дамуы жолындағы еңбектері мен атқарған жұмыстарына тоқталып, қатысушыларға сәттілік тіледі.Айта кетейік, Сұлтанмұрат Мүбәракұлы 1959 жылы 12 маусымда Жалағаш ауданы, қазіргі Ақсу ауылында дүниеге келген. Ауылшаруашылығы саласы мен партия қызметінде еңбек еткен Сұлтанмұрат Мүбаракұлы еңбек жолын қазіргі Ақсу ауылында қарапайым жұмысшы болып бастаған. Жамбыл қаласындағы жеңіл өнеркәсіп технологиясы институтын аяқтап, 1986-1998 жылдары институт жолдамасымен Талдықорған облысы, Қаратал ауданының Үштөбе қаласында астық қабылдау комбинатында шебер, аға шебер, цех бастығы, комбинат директорының орынбасары, директор, соңғы жылдары президент қызметін атқарған.&nbsp;1990 жылдары Талдықорған облысында комбинат басшылығында жүріп, ауданның ауыл шаруашылығы саласында жүрген азаматтарға ауыл шаруашылығы техникалары, басқа да шаруашылыққа қажетті жабдықтармен көмек көрсеткен.&nbsp;Сондай-ақ, «Amanat» партия филиалының әкімшілік ғимаратын 2013 жылы өзі басы-қасында жүріп, демеушілердің күшімен салуға ықпал етті.&nbsp;Қызмет еткен жылдары Талдықорған облысы, Қаратал ауданы, «Үштөбе қаласының Құрметті азаматы» атанған. Сонымен қатар, мерекелік медальдармен, түрлі деңгейдегі «Алғыс» хаттармен және партияның жоғары марапаты «Белсенді қызметі үшін» төсбелгісімен марапатталған.Жалпы турнирге Қызылорда қаласы мен аудандардан 8 команда қатысты. Олар өзара 2 топқа бөлініп сайысты. Сайыс қорытындысы бойынша жүлделі&nbsp;III&nbsp;орынды Жалағаш ауданының командасы қанжығаларына байлады. Ал Шиелі ауданының командасы&nbsp;II&nbsp;орынды қанағат тұтты, бағы мен бабы қатар шапқан Қызылорда қаласының командасы осы жарыста өз мықтылықтарын дәлелдеп&nbsp;I&nbsp;орын иеленіп, жеңіс тұғырынан көрінді. Жарысқа қатысып өз бақтарын сынаған командаларға «Amanat» партиясының арнайы кубогі, медальдары, дипломдары мен номинацинациялары табыс етілді. Сонымен қатар Тәйтік әулетінің ұрпақтары ұйымдастырылған шараға алғыстарын айта отырып, жарысқа қатысушы барлық командаға қаржылай сыйақы табыстады.– Жарыс жоғары деңгейде өткізілді. Қатысушы командалардың барлығы үлкен дайындықпен келген мықтылар екен. Біздің аудан командасының дайындығының аздығынан болар, Қызылорда қаласынан келген командадан жеңіліп, ІІІ орынды қанағат тұттық. Ардагерлерімізді ардақтау мақсатында өткен жарысты ұйымдастырушыларға алғысымыз шексіз, – дейді Жалағаш ауданы командасының спортшысы Ақмейір Ашухан.&nbsp;Марапаттау рәсімінде «Amanat» партиясы Жалағаш аудандық филиалының Атқарушы хатшысы Қаншагүл Мұстафаева барша қатысушыларға алғысын айта отырып, жастарға қажырлы еңбек етіп елеулі нәтижелерге бірге жетуге, болашақта еліміздің көк туын өзге мемлекетте желбіретуге өз тілегін білдірді.&nbsp;Ұйымдастырылған дүбірлі додаға қатысушы командалар жарыстың тартысты жоғары деңгейде өткенін айтып, ұйымдастырушы аудандық партия филиалына жоғары баға бере отырып, алдағы уақытта осы жарыстың дәстүрге айналуына ұсыныс тілектерін жеткізді. Аталған шараға «Amanat» партиясы Жалағаш аудандық филиалына қарасты бастауыш партия ұйымдарына қайтарылатын нысаналы трансферт қаржысы есебінен сыйлықтар берілді.

Тартысқа толы турнир өтті

<a href="https://kyzylorda-news.kz/">Kyzylorda-news.kz</a> Бүгінде Жалағаш ауданының жасөспірімдері қай спорт түрінен болсын қарсыластарына дес бермей, мықтылығын мойындатып жүр. Жуырда өңір спортшыларының қоржыны тағы бір жүлдемен толықты. №13 олимпиадалық резервтің мамандандырылған балалар және жасөспірімдер мектебінің волейболдан жаттықтырушысы Ләззат Әбдіқалықованың шәкірттері облыстық командалық жарыста аудан абыройын асқақтатып, жеңіс тұғырынан көрінді.Нақтырақ тоқталсақ, облыс орталығында 2011-2012 жылғы оқушылар арасында өткен облыстық чемпионатта жалағаштық волейболшы қыздар жүлделі бірінші орынды иеленді. «Жеңімпаз атану оңай, сол тұғырды ұстап қалу қиын» демекші, волейболшылар облыс біріншілігіне тыңғылықты дайындалған.&nbsp;Аталған жарыста аймағымыздың түкпір-түкпірінен келген командалар бақ сынаған. Волейболдан ауданның құрамасына ену оңай шаруа емес секілді. Ол үшін спортшы бірнеше жарыста бой көрсетіп, әдемі ойын мен чемпиондық мінезді көрсету керек. Жастарымыз бірде-бір жарысты қалдырмай қатысып, қысқа уақыттың ішінде мол тәжірибе жинақтаған. Жаттықтырушы да, спортшы жастар да жеңістің еңбекпен келетінін осыдан-ақ байқауға болады. Бәрінің мақсаты – чемпион болу. Сондықтан өрендерге жеңіс оңай келмегені белгілі.20 жылдан аса жаттықтырушы ретінде еңбек етіп келе жатқан Ләззат Әбдіқалықова ауданымызда бірнеше қайсар да қабілетті спортшы қыздарды, чемпиондарды тәрбиелеп, аудан спортының дамуына елеулі үлес қосып келеді.&nbsp;– Шүкір, ауданымыз мықты спортшыдан кенде емес. Спорттың тілімен айтсақ, өсіп келе жатқан жүйріктерге тәртіп пен төзімділік керек. Оның барлығы үйдегі ата-ана мен мектептегі ұстазды сыйлаудан басталады. Оған спортта жүрген бапкерлерді де қоса аламыз. Әрбір жаттықтырушы шәкіртінің жаман болғанын қаламайды, бұрыс қылыққа баруына жол бермейді. Сосын әрбір спортшы алдына мақсат қойып, әрдайым өзін бабында ұстап, бос уақытты құр өткізбей, жаттығу жасап, залда болуы қажет. Өйткені барлық жетістік, жеңіс төккен тердің, еткен еңбектің арқасында келеді. Санадағы қорқынышты алып тастап, психологиялық тұрғыдан мықты болуы шарт. Сонда ғана барлығы оңынан болады. Айналып келгенде жаттықтырушымен тығыз байланыста болып, берілген тапсырманы артығымен орындау қажет. Соның барлығы тәртіппен келеді. Көріп тұрғаныңыздай, бүгінде еңбегім елеусіз емес, жетістігіміз жетерлік, шәкірттерім жүлдемен оралып жүр, – дейді өз ісінің маманы Ләззат Әбдіқалықова.Айта кетейік, 2019 жылы Жаңақорғанда өткен 2006-2007 жылғылар арасындағы сайыста воллейболшы қыздар үздік үштікке ілінді. Ал Ақерке деген шәкірті облыс құрамасына еніп, Петропавл қаласындағы республикалық жарысқа қатысып, жүлделі орынға ие болған. Сондай-ақ екі жыл бұрын Талдықорған қаласында өткен ауыл жасөспірімдерінің ойындарында облыс құрамасына енген шәкірті Нұрсұлу Мырзашта жүлделі І орынды иеленген. Осылайша Нұрсұлу спорт шеберіне кандидат дәрежесін қорғап, аудан тарихында волейболдан бірінші рет осындай үлкен жетістікке жеткен қыздың бірі болды. Ақпейіл Маратқызы мен Назым Қанибай да жеңімпаз тәтелерінің жолымен жүруді мақсат етіп, тек аймақтық емес, еліміздің көк туын әлемдік аренада желбіретуді меже етіп қойған.&nbsp;– Волейбол командалық ойын болғандықтан, әр ойыншының өз орны бар. Сондықтан әркім физикалық және психологиялық тұрғыда дайын болуы керек. Жалпы біріншілік тартысты өтті. Өйткені қарсыластардың мықты дайындықпен келгені ойындарынан көрініп тұрды. Біз де тыңғылықты дайындықпен бардық. Нәтижесінде үздік ойын көрсетіп, жүлделі бірінші орынды иелендік, – дейді волейболшы Ақпейіл Маратқызы.Кез келген мықты спортшының артында білікті бапкер мен жанкешті жаттықтырушы тұратыны анық. Жеңіс пен жеңілісті спортшымен бірдей көтеретін мамандар көп жағдайда көзден тасада қалып жатады. Жаттықтырушы спортшының спортқа деген алғашқы қадамын басқызып, кәсіби спорттағы жолын бағдарлап, нағыз спортшы ретінде қалыптастыруға негіз болады. Түптеп келгенде, спортшыны жеңіске де, жеңіліске де жетелейтін жаттықтырушы болып табылады. Тәлімгерлік – көзге көріне бермейтін жұмыс. Осы орайда біз таудай жауапкершілік, асыл үміт пен мықты сенімді бірдей арқалаған Ләззат Әбдіқалықова мен талапты да талантты шәкірттері өңіріміздің абыройын әлі де асқақтатарына сенеміз.

Жалағаштық волейболшы қыздар топ жарды

<a href="https://kyzylorda-news.kz/">Kyzylorda-news.kz</a>&nbsp; Халық арасында “Журналистің жегені жантақ, арқалағаны алтын”,- деген сөз бар. Бұл болған жайтты бүкпесіз баяндап, күрмеуі көп мәселенің шешілу жолына үңілетін журналист қауымына берілген шын баға. Журналист қаламының ұшында мың сан тағдыр болуы мүмкін. Дауылда да, жауында да қаймықпай қызмет жасау қаламгерлерге ғана тән қасиет. Елдің қуанышын да, қайғысын да қаламының ұшында тербеген журналистердің жұмысы жеделдікті талап етеді. Мерейлі мерекеге орай бүгін Өңірлік коммуникациялар қызметінің ақпарат алаңында баспасөз конференциясы өтті.<img src="https://knadmin.beoblood.kz/uploads/449200134_2033490260379809_3773606255573447622_n_c5679d0feb.jpg" alt="449200134_2033490260379809_3773606255573447622_n.jpg"><blockquote>– Ең алдымен баршаңызды 28 маусым – Бұқаралық ақпарат құралдары қызметкерлері күні мерекесімен құттықтаймын! Өздеріңіз білетіндей, ақпарат ағымы тоқтаусыз ағып жатқан қазіргі қоғамда ашық әрі шынайы жаңалықтарды дер кезінде халыққа жеткізу аса маңызды. Бұл ретте телеарналар, басылым және интернет сайттардың сапалы жұмыс жасап, әлеуметтік желілерде ерекше контент қалыптастыруы медиа саласының серпінді дамуына ықпал ететіні анық. Бұл өз кезегінде осы салада аянбай еңбек етіп, бар қажыр-қайратын жұмсайтын журналистер қауымының ерекше еңбегі деп білеміз. Бүгінде облыстың медиа кеңістігінде барлығы 149 бұқаралық ақпарат құралы жұмыс істеуде. Оның ішінде 120 баспа БАҚ, 26 интернет-сайт пен ақпараттық агенттіктер, 2 телеарна бар. Олардың 137-і облыстық, 2-еуі қалалық, 10-ы аудандық деңгейде ауқымды ақпараттар таратып, медиа саласының дамуына өз үлестерін қосуда. Аймақтың бұқаралық ақпарат құралдарының тек 1-еуі орыс тілінде ақпарат жарияласа, 5-і мемлекеттік және орыс тілдерінде, 14-і мемлекеттік тілде ақпарат таратады. Соңғы уақытта озық тәжірбиелерді пайдалана отырып медиа саласын дамыту аясы белсенді жүргізілуде. Оның ішінде, жасанды интеллектті пайдалана отырып халыққа қызықты ақпараттар тарату қазіргі таңда ерекше қарқын алып келеді. Бұл әрине, облыстың медиа саласы үшін өте қуанышты жаңалықтардың бірі деп білеміз,- деді облыстық қоғамдық даму басқармасының басшысы Алмасбек Есмаханов.&nbsp;</blockquote>&nbsp;“Сыр медиа” ЖШС де БАҚ саласында елеулі қызмет атқарып келеді.<img src="https://knadmin.beoblood.kz/uploads/449448919_2033490267046475_6806407754904215829_n_302d030c6b.jpg" alt="449448919_2033490267046475_6806407754904215829_n.jpg"><blockquote>– &nbsp;Қазіргі таңда бізде 1 республикалық, 2 облыстық, 1 қалалық және 7 аудандық басылым жұмыс жасайды. Одан бөлек, 13 ақпараттық агенттік бар. Бүгінде 207 штаттық бірлікте қызмет жасайды. Журналистердің әлеуетін жақсарту үшін және оқырмандарға жақсы, сапалы мақалалар беру үшін бөлек жүлделер қойдық. Оның ішінде эксклюзивті, сараптамалық материал жазған тілшілер арасынан арнайы комиссия үздігін анықтайды. Сондай-ақ, үздік дизайнерді де сыйақысыз қалдырмаймыз. Ең басты қуанышымыз, бүгін 95 жылдық тарихы бар “Сыр бойы” газетінің бас редакторы Президенттің қолынан марарат алатын болады. Баршаңызды мерейлі мерекемен құттықтаймын! Журналистердің жазары көп болсын,- деді “Сыр медиа” ЖШС директоры Марат Аралбаев.</blockquote>&nbsp;“Qyzylorda” телеарнасы 1991 жылы ашылған.&nbsp;<img src="https://knadmin.beoblood.kz/uploads/449397866_2033490277046474_7151358150593636085_n_2ac558a9ec.jpg" alt="449397866_2033490277046474_7151358150593636085_n.jpg"><blockquote>– Тәулігіне 15 сағат эфирге шығамыз. Өткен жылдан бастап Байқоңыр қаласында тілшілер пунктін аштық. Қазіргі кезде біз Байқоңырдан да ақпарат таратамыз. Жыл басынан бері жаңа 8 бағдарлама көрерменге жол тартты. Жалпы, телеарнада 32 бағдарлама жарық көреді. Мемлекеттік қызметкерлердің айтар сөзін халыққа жеткізу мақсатында “Anyqtimes” хабарын аштық. Одан бөлек, руханиятқа арналған “Parallel” деген бағдарлама бар. Ауылдың тыныс-тіршілігін көрсететін “Құдайы қонақ” бағдарламасы да көрермендердің көңілінен шығып үлгерді. Алдағы жаңа маусымға да тағы да осындай қызықты әрі пайдалы бағдарламалар әзірлеудеміз,- деді Qyzylorda телеарнасының директоры Нұрбек Әмиша.</blockquote><img src="https://knadmin.beoblood.kz/uploads/449118825_2033490240379811_2417711995322106492_n_d9f77bf9f4.jpg" alt="449118825_2033490240379811_2417711995322106492_n.jpg">Фото: Қызылорда облысының Өңірлік коммуникациялар қызметі

28 маусым – Бұқаралық ақпарат құралдары қызметкерлерінің кәсіби мерекесі

<a href="https://kyzylorda-news.kz/">Kyzylorda-news.kz</a> Жалағаш ауданында жазғы суға шомылу кезеңіндегі балалардың қауіпсіздігі, діни экстремизм мен терроризмнің алдын алу профилактикасы және кәмелетке толмағандар жасайтын құқық бұзушылықтардың алдын алуға орай тұрғындармен көшпелі кездесу өтті. Ең әуелі ауданға қарасты Аққыр ауылдық округінен бастау алған жиын Жаңаталап, Мақпалкөл, Мәдениет, Қаракеткен, М.Шәменов елді мекендерінде жалғасын тауып, ауыл тұрғындарына кеңінен түсіндірме жұмыстары жүргізілді.Кездесудің күн тәртібінде төрт мәселе қаралды. Алғашқы мәселе жаз мезгілінде балалардың бос уақытын тиімді пайдалану, кәмелетке толмағандармен орын алатын құқық бұзушылықтар мен қылмыстардың алдын алу бағытындағы жұмыстар бойынша тиісті ауылдық округтердегі учаскелік полиция инспекторлары баяндама жасады. Келесі мәселеде жаз айларындағы суға шомылу кезінде балалардың қауіпсіздігін қамтамасыз ету бойынша жұмыстар бойынша аудандық төтенше жағдайлар бөлімі маманының, жазғы демалысқа шыққан жасөспірімдер мен балалардың тәрбиесі, бос уақытының тиімді ұйымдастырылуы бойынша мектеп директорларының және діни экстремизм мен терроризмнің алдын алу профилактикасы бойынша аудандық қоғамдық даму бөлімінің қызметкері Арыстанбек Байқабыловтың хабарламалары тыңдалды.&nbsp;Жиын аудан орталығындағы Руханият орталығында жалғасты. Күн тәртібіндегі мәселелерге сәйкес, аудандық полиция бөлімі бастығының міндетін атқарушы Мәулен Өсер, аудандық төтенше жағдайлар бөлімінің бастығы Еркін Назарқұлов, аудандық білім бөлімінің бас маманы Р.Ідірісов баяндама жасады. Жиын барысында аталған мәселелер кеңінен талқыланып, кент тұрғындары тарапынан айтылған ұсыныс-пікірлер тыңдалды.

Қауіпсіздік – басты назарда

<a href="https://kyzylorda-news.kz/">Kyzylorda-news.kz</a> Әкенің ұлға беретін тәрбиесін басқа әке, не басқа институт бере алмайтынын қазақ халқы әуелден білген. Әкенің ісі – ұлға өнеге. Сондықтан «Әке көрген – оқ жонар» дейді бабаларымыз. Әкенің қоғамдағы беделін, рөлін арттыру үшін елімізде «Әкелер күні» мерекесі маусымның үшінші жексенбісінде аталып өтілуде. Былтыр енгізілген бұл мереке елімізде отбасы құндылықтарын насихаттап, әкелер институтын нығайтуда маңызды қадам болды.&nbsp;Жалағаш аудандық тарихи-өлкетану музейінде әкелер күніне орай «Әке – шаңырақ тірегі» атты мерекелік кеш өтті. Салтанатты шараға аудан әкімінің орынбасары Ғани Сүлейменов қатысып, барша әкелерді мерейлі мерекемен құттықтады.– Бұл күн – асқар тау әкелерді ардақтайтын, отбасы құндылықтарын ұлықтайтын ұлағатты мереке. Әке, ата ұғымы біз үшін киелі, қасиетті. Себебі ұрпақ тәрбиесінде де әкенің айырықша орны бар. Бала анасынан мейірім мен махаббатты, жан шуағын алса, ерлік пен батылдық, мәрттік пен азаматтық, жігіттік, намысшылдық сияқты қасиеттерді әкесінен алады. Біз отбасы құндылықтарын сақтаймыз, нығайтамыз десек қоғамдағы әке мен ананың айырықша орнын әрдайым назарда ұстауымыз қажет. Сіздерді алдағы уақытта да ұрпақтарыңызға үлгілі, өнегелі тәрбие беріп, еліміздің жарқын болашағына өз үлесіңізді қосатындарыңызға сенемін. Барлық әкелерді бүгінгі мерекемен құттықтай отырып, отбасыларыңызға аманшылық, дендеріңізге саулық тілеймін! Әрдайым парасат биігінде болыңыздар, – деді аудан әкімінің орынбасары.&nbsp;Одан әрі салиқалы ұрпақ тәрбиелеп, отбасының үлгілі тірегі болып жүрген әкелер аудан әкімінің Алғыс хатымен марапатталды. Олардың қатарында ұл-қыздары биік белестерді бағындырып, ұрпақ тәрбиесінде өзіндік орны бар үлгілі әкелер Әділхан Жалғасбаев, Таңсықбай Зәуребаев, Қасымхан Айдархан, Салам Мажиев, Әділхан Құлтас, Оразбай Оспанов, Қыдырәлі Бекетов, Ербол Әділбеков, Данабек Танибаев, Болат Асқарбаев, Алтынбек Сыдықов мерейлі мерекеде марапат төрінен көрінді.Мерекелік шарада аудан ардагерлері мен қоғамда өзіндік орны бар үлгілі әкелер отбасы институтын нығайту, отбасылық құндылықтарды дамыту бағытында сөз қозғап, мерекелік лебіздерін білдірді. Шара соңы аудан өнерпаздарының концерттік бағдарламасымен қорытындыланды.

Қазақстан және Қызылорда облысының жаңалықтары