<a href="https://kyzylorda-news.kz/">Kyzylorda-news.kz</a> &nbsp;Қызылорда облысы прокуратурасының ұйымдастыруымен құқық қорғау мен сот органдардың және адвокаттар қауымдастығының қатысуымен дөңгелек үстел өтті. Басқосудың мақсаты – қылмыстық істерді сотта қарау барысында тергеуде жіберілген заң бұзушылықтарды өзара талқылап, алдағы уақытта оларға жол бермеу.Қазіргі таңда, кадр тапшылығымен қатар, жұмыс талабы да күшеюде.Сотқа дейінгі тергеп-тексерудің сапасының төмендеуі салдарынан азаматтардың конституциялық құқықтарының бұзылуына әкеп соқтыру жағдайы кездесуде.Осы жылдың 5 айында Республика көлемінде 12 мыңға жуық іс сотқа жолданып, басты сот талқылауын тағайындауға кедергі келтіретін қылмыстық-процестік заңнаманы елеулі түрде бұзушылықтар анықталуына байланысты 38 қылмыстық іс прокурорға қайтарылса, 24 іске соттармен ақтау үкімдері қабылданған.Бұдан бөлек, 90 іс жеңіл баптарға сараланған. &nbsp; &nbsp; &nbsp; &nbsp;Бұл сандық мәліметтерге де облыстың үлесі де бар.Сотқа дейінгі тергеп-тексерудің сапасының төмендеуі салдарынан азаматтардың конституциялық құқықтарының бұзылуына әкеп соқтыру жағдайы кездесуде.Үстіміздегі жылдың 5 айында облыс көлемінде 587 іс сотқа жолданып, олардың 435 іс қаралып, 369-ы бойынша айыптау үкімдері қабылданса, 47 іс тоқтатылған, қалғандары бойынша бүгінгі күні сот процестері жүріп жатыр.Жолданған істердің 9-ы кәмелетке толмағандарға қатысты болса, 63 іс әйелдерге қатысты болған.Прокурорға 5 адамға қатысты 3 қылмыстық іс кері қайтарылып, оның 2-уі бойынша сот актілерінің күші жойылды.Бір азаматқа қатысты соттың ақтау үкімі заңды күшіне енді.Тергеуде жіберілген кемшіліктер бойынша соттармен 4 жекеше қаулылар қабылданып, 17 сотталушының әрекеттері соттармен жеңіл баптарға қайта сараланған. Соның негізінде 6 адам қамаудан босатылған.Қылмыстық іс жүргізуде осы және де басқа да проблемалық мәселелер туындайды, кемшіліктер мен заң бұзушылықтар да орын алады.&nbsp;Бүгінгі жиында осыларды құқық қорғау мен прокуратура органдарының және сот, адвокатура өкілдерінің қатысуымен талқыланып, шешу жолдары қарастырылып, біркелкі тәжірибе қалыптастырылатын болады.

 Қызылордада тергеудегі кемшіліктер мен заң бұзушылықтар талқыланды 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Франция Президентінің арнаулы өкілі Барбара Помпили бастаған делегациямен кездесті. Аймақ басшысы екі ел арасында жоғары деңгейдегі тұрақты байланыс пен ерекше достық қарым-қатынас орнағанын атап өтіп, делегацияның жұмыс сапары жемісті әрі нәтижелі болуына тілектестік білдірді.– Біздің еліміз, оның ішінде біздің аймағымыз Францияның инвестициялық және сауда-экономикалық серіктесі болып саналады. Бүгінгі сапарыңыз ынтымақтастыққа оң серпін беретініне сенімдімін. Су ресурстарын тиімді пайдалану – бүгінде біздің өңір үшін ғана емес, Орта Азияның барлық мемлекеттері үшін маңызды және өзекті мәселе. Қызылорда облысының экономикалық және экологиялық жағдайы Сырдария өзенінің деңгейіне, Арал теңізінің жағдайына тікелей байланысты. Сырдарияға құйылатын судың 90 пайыздан астамы республикадан тыс жерлерден, яғни Қырғызстан, Өзбекстан, Тәжікстан елдерінен келеді. Біздің облыс өзеннің төменгі ағысында орналасқандықтан, су соңғы кезекте жетеді. Сондықтан қазір біз үшін суды үнемді, ұтымды және әділ пайдалану мәселесі аса маңызды, – деді Нұрлыбек Машбекұлы.Айта кетейік, делегация мүшелері сапар барысында «Қорқыт ата» мемориалдық кешенінің, Арал қаласындағы «Балықшылар» музейінің және балық өңдеу зауытының жұмысымен танысты. «Көкарал» бөгетіне барып, Қазалы ауданындағы орман питомнигін аралады. Мұнан бөлек Таң ауылындағы күріш алқаптарын көрді. Сондай-ақ Қызылорда қаласындағы тарихи-өлкетану музейіне және «Анаға тағзым» орталығына барды.Франция Президентінің арнаулы өкілі Б.Помпили жұмыс сапары барысында Жалағаш ауданындағы «Total Eren» күн электр станциясымен танысты. Аудан орталығының шығыс жақ бөлігінде жаңартылған энергия көздерін өндіру мақсатында 28 МВт күн сәулесінен энергия өндіретін электр станциясы салынып, пайдалануға берілген.Аталған жоба Қазақстан Республикасының энергетика министрлігінің 2017 жылы 24 ақпандағы № 68 бұйрығымен «Жаңартылған энергия көздерін пайдалану жоспарына» енгізілген. Жобаның жалпы құны 19 млрд теңгені құрайды. Ал жобаны жүзеге асыру мақсатында кент аумағынан 164 гектар жер учаскесі табысталған. Күн электр станциясының құрылысы 70 гектар жер учаскесіне орналасқан.&nbsp;2018 жылдың маусым айында «28 МВт күн сәулесі электр станциясын салу» жобасы бойынша Европалық даму банкі атынан «ЭкоСоциоАналистс» компаниясымен тұрғындар арасында әлеуметтік және экологиялық әсерін бағалау жұмыстары жүргізілген. Жыл мезгіліне қарай күнделікті 100-280 МВТ/сағат электр энергиясын өндіруде. Сондай-ақ 2018 жылдың 10 шілдесінде жобаның қоршаған ортаға әсерді бағалау бойынша ашық түрде қоғамдық тыңдау өткізіліп, қолдау тапқан. Аудан үшін үлкен маңызы бар жобада қазіргі таңда 22 адам тұрақты жұмыспен қамтылып, жергілікті бюджетке жылына 47 млн теңге салық түсуде. Бұл жоба ауданның әлеуметтік-экономикалық дамуына септігін тигізуде.

Франциялық делегация күн электр станциясымен танысты

<a href="https://kyzylorda-news.kz/">Kyzylorda-news.kz</a> Президенттің «Таза Қазақстан» жалпыұлттық бастамасы аясында қолға алынған «Таза бейсенбі» экологиялық акциясы аясында бүгін партияның облыстық филиалының белсенділері мен «Жастар рухы» Жастар қанатының еріктілері Сырдария өзенінің жағасын тазалауға шықты.Партияның ұйытқы болуымен өткен шараға партияның бастауыш ұйымдары мен фракция мүшелері қолдау білдіріп, Сырдария өзенінің Арай 4 мөлтек ауданы маңындағы жағалауын қоқыстан тазартты.Өзен ағысы қатты болғандықтан жиналғандарға партия филиалының Атқарушы хатшысы Ләйлә Төрешова алдымен сақтық шараларын түсіндірді.Атап өтейік, акция барысында аманаттықтар өзен бойындағы пластикалық және шыны құтыларды қапқа салып, аумақты ретке келтірді.<blockquote>«Экологиялық мәдениетті қалыптастыруға бағытталған шара апта сайын сайын жалғасып келеді. Бір өкініштісі өзеннен балық аулауға келген азаматтар отырған орында қалдықтарды тастап жинап кетпейді. Сол себепті бұл жерлер қоқыс орнына айналған. Біздер мұны тазалап қана қоймай, акция арқылы қала тұрғындарын тазалық мәдениетін сақтауға шақырамыз»,- дейді «Белкөл» бастауыш партия ұйымының төрағасы Қадиша Қорғанова.</blockquote>Жалпы «Таза бейсенбі» акциясы өңірде әр апта сайын сайын жүзеге асып келеді. Мемлекет басшысының «Таза Қазақстан» экологиялық акциясына Сыр халқы белсене ат салысуда. Дегенмен акцияның мәнін түсінгенмен, оны сақтауға келгенде салғырттық танытып отырғандар аз емес. Сондықтан тазалықты сақтамағандарға шара қолдану мәселесін әлі де күшейту қажет секілді», - дейді партияның облыстық филиалының партиялық бақылау инспекторы Базара Танбаева.Жалпы акция бастау алғалы тазалық жұмыстары аясында аманаттықтармен 15 тоннадан астам қоқыс шығарылды.&nbsp;<img src="https://knadmin.beoblood.kz/uploads/448927063_880598200772484_1778685334027255526_n_40e023e089.jpg" alt="448927063_880598200772484_1778685334027255526_n.jpg"><img src="https://knadmin.beoblood.kz/uploads/449082361_880598594105778_3424512267297725480_n_3bae9e92ad.jpg" alt="449082361_880598594105778_3424512267297725480_n.jpg"><img src="https://knadmin.beoblood.kz/uploads/449100172_880598557439115_3703881060088680192_n_3965e5152e.jpg" alt="449100172_880598557439115_3703881060088680192_n.jpg"><img src="https://knadmin.beoblood.kz/uploads/449164707_880598627439108_5044773377744622374_n_64c32f14e0.jpg" alt="449164707_880598627439108_5044773377744622374_n.jpg">

«Таза бейсенбі» акциясы аясындағы тазалық жұмыстары жалғасып жатыр

Жаңа заң: Қарыз алушылардың құқығы қалай қорғалады?

<a href="https://kyzylorda-news.kz/">Kyzylorda-news.kz</a> &nbsp;Елде тұрмыс түзеле бастағанымен, одан бұрын өсіп отырған баға беталысы өзгелерге Менделеев кестесіндегі кереметтен де артық танымылдыққа ие қылып отырған айнымас атрибутқа айналғаны қашан... Не істемек керек? Байыбына үңілдік.Баға қою қайдан басталды? Тарихты зерделесек, «Тауар мен көрсетілетін қызметке төленетін ақша не өзге қызмет түрлері» деген экономикалық анықтамаға лайық термин төркіні тым әріде. Жаугершілік заманда балама, барымтадан басқа, алғашқы қауымдық қоғамның өзінде қолындағысын беріп, орнына айырбас сұрайтын істен бастау алған.Ал, тұтас дәуір көкжиегін көруді көксеген кеңестік кезеңдегі ортақ отандастар «Капиталистік өндірістік процесс баға өнімі мен арақатынасы арқылы реттеліп отырады» деген марксизм мазмұнын терең біледі.Нарықтық қоғам бағаның түр-түрін танытып үлгерді. Мемлекет нақты көлемін бекіте алатын немесе бекітілген ережеге сәйкес, өзгеріп отыратын, кесімді баға, реттелетін баға, көтерме сауда бағасы, аймақтық баға, базистік баға сынды ұғымдар бүгінге тән.Нарықтың негізі, тауар түрлерінің өндіруін өрістететін не өшіретін күшке ие қоғамдық жүйе уақытына сай өзгеріп отырады. Экономиканың негізгі күретамырына баланатын күрделі саясатпен санаспау мүмкін емес.«Баға қай кезде құлдырайды?» деген сұраққа экономист маман Сапар Өмірбайұлы былай деп жауап берді.«Баға құны екі факторға байланысты реттеледі. Олардың алғашқысы, ұсынылған өнімге жарнама жасау.&nbsp;Қазір білесіз, нарықта жарнамасы жарған, бәсі жоғары бұйымға сұраныс қашан да бар. Бұл орайда, тауар өндірушінің жеткізу ұзақтығы, сервис ұйымдастыру, нарықтағы имиджі басты рөлге ие.Ал, негізгісі, құнның ауытқуына әсер ететін сыртқы фактор. Оған өнім шығатын елдегі саяси ахуал, экономикалық саясат, қажетті ресурстардың туындамауы, инфляция көрсетікіштері негізге алынады», – дейді.Ел экономикасы көрші мемлекеттерден ілгері&nbsp;Тақырыпты талдау барысында журналистік анкета арқылы тұрғындар пікірін білдік. Нәтижесінде, ұғынғанымыз, азық-түлік, күнделікті тұтынатын әлеуметтік тауарлар, коммуналдық қызмет кезек күттірмейді.Қазақстанның экономикалық өсімі көршілес елдермен салыстырғанда көш ілгері. Жалақы, өзге де ақылы қолдаулар үлесі жыл сайын артса да, жоғарыда аты аталған қажетті заттардың ақысы артқан үстіне арта түседі.Бағаны тұрақтандыруға арналған арнайы шаралар, арнайы қорлар жұмыстарын жоққа шығаруға болмайды. Соңғы жылдары әлеуметтік азық-түлік тауарларын маусымда сатып алып, жеткіліксіздік кезінде нарыққа ұсыну үшін мемлекет қаржысының көлемі көбейіп келеді. Алайда, барлық тауарды бақылауға, жеткізуге билік қауқарсыз. Оған қоймалардың аздығын қосыңыз.Баға жоғарылауының негізгі себебінің бірі – өнімдердің өзге елдерден тасымалдануы. Импортқа тәуелді мемлекеттің ұтылып отырған негізгі қиындығы да осы. Сапалы өнімді алуға қызығушылық жоғары болса да, ел тұрғындарының басым бөлігіне қолжетімсіз. Тасымал көлемі жоғарыласа, әрбір тауарға кететін шығын аз болатыны анық. Алдардың ала шапанындай, жырым-жырым болған жалақы былай тартса өгіз, былай тартса, арба сынатын көріністі көз алдыңа келтіреді. Қазалыда ауылшаруашылықты шыр айналдырып отырған кәсіпкерлер жетерлік. «Бау бақша егіп, жемісі мен дақылын сатып, күн көретіндердің бірімін. Маусымында шетелден заңсыз кірген, химиялық жолмен егілген өнімдер жаулайды. Ойлап көріңізші, сабағынан үзілген қияр айлап, өзгеріссіз тұрады. Жәшіктегі алмалардың ешбіріне құрт түспейді. Кепкен өріктің сақталу мерзімін айтпай-ақ қояйын. Қызғанғаным емес, кімді алдаймыз? Уды сатып, ұрпақты денсаулығынан айыруға барлық мүмкіндікті ашып беріп отыр. Бұлай болмайды, қадағалауы керек», – дейді Қазалы ауданының тұрғыны кәсіпкер Кеңес Өтеген.Шетелге шектеу қою ұстанымын өзге шаруалар да қолдайды. Қарыз алып, егін егіп, өнімін тиынға пұлдаған олардың жанайқайы назар аудартпай қоймайды.Берешек берудегі берекетсіздікӨрісті өсім үстіне отырған көрсеткіштің бірі – кредит алу. Бүгінде бөлшек кредит алуды жатырқамайтын жағдайға жеттік. Не керек болса, бұрынғыдай ағайынды ағалап, араламай, банк, заем беру орталықтарын жағалаймыз.Қазақстандағы 87,6 процент тұрғынның кредиті бар. Олардың 67 процентінің басында бірнеше банктік берешек бар. 26,8 проценті мүлде қауқарсыз, не іздеуде жүргендер.Тұрғындардың неге несие алатыны туралы сұрағанымызда, банк қызметкері Бану Аймағанбетқызы төмендегідей көп жауап қатты.«Кредит алудан қашудың қажеті жоқ. Ол – уақыт туғызған мүмкіндік. Дамыған елдердің бәрінде жолға қойылған.Жеке тұлғалар тұтынатын кредит – бөлшек кредит. Қазір не көп, мерзімдік акциялар көп. Сондайда тұрғындар тұрмыстық техникалар алады. Мәселен, жаңадан шыққан телефонға қол жеткізуге жастар құмар. Тікелей сатып алуға көбінің жағдайлары жеткіліксіз. Автокредиттер, жылжымайтын мүлік сатып алуға арналған ипотекалар да бар.Сонымен бірге, тауар сатып алуға, шетелге қыдыруға, білім алу, той жасауға байланысты тұтынушылық кредитке жүгінетіндерге тілек тілдірушілер де толастамайды», – дейді ол. Маман маңызды іске мүмкіндік берген жағдайды тез ұмытып, берешектерін беруде берекетсіздік танытатындар көбейіп, келе жатқанын қынжыла жеткізді. Мақаланы жазу барысында нысанаға бір отбасын алдық.Отағасының айлық жалақысы – 119 мың, жұбайыныкі – 141 мың теңге, баласы – 77 мың теңге алса, келіні – 100 мың көлемінде табыс кіргізеді. Барлығы – 437 мың. Үйдегілердің ай сайын төлейтін кредиттік көлемі – 281 мың теңге. Одан ауысатын – 156 мыңды отбасындағы – 8 адамға шақсақ, күнкөріс көлемі – 19 мың теңгеден келеді. Әрбірінің үлесіне тиетін ақыға азық-түлік, коммуналдық өтем, жол ақысы, киім-кешек, бензин, жөргек, балабақша шығындарын қосқанда, жан бағуға жеткіліксіздігін көреміз. Сауда орталығына барып, бір реттік тамақты есептелік. Дайын тұшпара, картоп, екі бөлке нан, шайға сүт, балаларға тәтті. 6-10 мың аралығындағы шығынды талап етеді. Орташа – 8 мың деп алсақ, азық-түліктің өзіне – 8 адамға айына орташа – 192 мың теңге қажет. Тәжірибе «Арқа жайлы болса, арқар ауып несі бар» деген тәмсілді түйіндетеді.Экономика өсу үшін инфляция, баға деңгейі, ұлттық табыс, жалпы ішкі өнім және жұмыссыздықты жоюға маңыз беру қажет дегені халық қалаулыларының мінберде көтергеніне көп өтсе де, жағдай өзгерді деу қиын.Пайызы – кредиттер де дамуға кедергі келтіріп отырғанын атап өту керек.«Қазалы ауданына, қалаға жақын ауылдар бомаса, шалғай жатқан елді мекендерде өрлеу, өсу бар деп айту қиын. Жол қиындығы өз алдына. Ауыл халқы қартайып барады. Кінәлай алмайсың. Шаруашылықтан берекет кетті. Мал өсіру көк шығын. Жем-шөбін табудың өзі салмақ түсіріп тұр. Ал, егін, бау-бақша егуге су жеткіліксіздігі қолбайлау», – дейді қазалылық ардагер Ақтәңір Ешмағамбет. Бұл әупірімдеп, күй кешіп жатқан ауылдың қазіргі келбеті. Осы беталыс әрмен қарай жалғаса берсе, азық-түлік тапшылығы одан әрі қиындай түспек.Баға, қайда барасың?Статистикалық мәліметтерге зер салсақ, өткен жылы жеміс пен көкөніс бір жылда – 9,5 процентке өскен. Жаңа піскен көкөніс – 9,8 процентке артса, балғын жеміс – 15,7 процентке аспандаған.Алма бағасы – 600 теңгеге жоғарыласа, бананның арзаны – 900 теңге. Апельсин – 1000 теңгеден, лимон – 1300 теңгеден басталады. Кептірілген жеміс-жидек – 71 процент, яғни – 4500-7000 теңгеге дейін қымбаттағаны анықталып отыр.Қазақстандықтар жыл ішінде қырыққабатты – 147-220 теңгеден, сәбізді – 168-200 теңгеден, қызанақты – 853-1000 теңгеден, пиязды – 106-120 теңгеден алған.Халық көп тұтынатын ет пен құс өнімдері – 9, жұмыртқа – 14,2, ұн және ұн өнімдері – 12,7 процентке көтерілген. Жарма түрлерінде де өсім бар.Инфляция динамикасы су ақысы, қоқыс, электр энергиясы, демалыстарды ұйымдастыру, қызмет көрсету орындары жұмысы, ұялы байланыс, теміржол, қалааралық автобустағы жол ақысының да өскенін көрсетіп отыр.Фармацевтикалық өнімдер – 10, жиһаз – 11,9, құрылыс материалдары – 7,2, дизель отыны – 15,23, бензин – 14,8, сұйытылған газ – 13,7 процентке артқан.Қуанарлығы, пияз – 12,9, картоп – 11,3, қияр – 0,1 процентке арзандаған. Түркия, Қырғызстаннан жететін киім, Қытай елінен тасымалданатын тұрмыстық бұйымдар мен техникалар, жөргек бағасы айтарлықтай төмендеген.Қазақстан өндірістік қуаттылығы жоғары болмаса, жыл санап өрістеп келе жатқан мемлекет. Шикізаттық сұранысқа ие, ел бірте-бірте импорттық тәуелділіктен арылуға қадам басу қажет. Өздерінде өндірілген өнімнің жалпақ жұртқа жетпеуінде, шикізаттың, мамандардың, құрал-қондырғылардың шетелден келуі кедергі. Баға асқақтаса, сұраныс азаяры экономиканың өзгеріссіз аксиомасы. Нәтижесінде, жаңа жұмысын бастаған кәсіптердің жабылып қалу, қысқару қаупі орын алады.Қымбатшылық пен баға өзгерісі дамыған елдерге де тән. Олар осы мәселеге жан-жақты жол іздеуде. Француз жұрты көлемі шағын мәшине мінетіні көпке таныс. Қытайлықтар автокөліктерден бас тартып, қос дөңгелекті көліктерді көбейтсе, Жапондықтар жаппай үнемдеуге көшкен. Өзбекстан мемлекеті көлемді, шетелдік көліктерге өте жоғары сомада салық салады. Біздегі бейжайлық су, жарық, қалдықтардың өзінен байқалып жатады. Дәстүріміз деп, дарақыланып той жасап, дүние-мүлікпен жарысу тағы бар. Қолындағы барын ұқсатуға ұмтылмай, «Үкімет асырауы тиіс» деген сыңаржақ ұстаныммен өмір сүретіндер қатары қалың. Бұлайша, бәсекелестік пен баға бұйдасын ұстатпаса, алтын балықты аңсап, «Баға, қайда барасың?» деп теңізге үмітпен қараған қайраңдағы қариядан қандай айырмамыз болады?..

Нарық ырқына не себеп?

<a href="https://kyzylorda-news.kz/">Kyzylorda-news.kz</a> Жақында күллі мұсылман қауымға ортақ қасиетті Құрбан айт мерекесі өткізілді. Енді мал &nbsp;сату, сою бекеттерінде және &nbsp;мұсылман қауымның басы қосылып үй жағдайында, мешіттерде немесе қоғамдық тамақтану орындарында «құдайы тамақ» беру ұйымдастырылады. Осындай іс-шаралар барысында аса қауіпті жұқпалы аурулардың, жаппай тамақтан уланудың және жедел ішек инфекцияларының алдын алу мақсатында Жалағаш аудандық санитариялық-эпидемиологиялық бақылау басқармасының басшысы Гүлзираш Айымбетова БАҚ өкілдерімен брифинг өткізіп, тұрғындардың бірқатар талаптарды сақтау қажеттігін қаперге салды.Ол мал сату, сою бекеттерінде құрбандыққа шалынатын малды сату мен сою арнайы орындарда және әрбір жануардың тиісті ветеринарлық құжаттары болған жағдайда ғана іске асырылуы керек деп есептейді. Сондай-ақ мал сою орындарында санитариялық-эпидемиологиялық талаптар қатаң сақталып, шыққан қалдықтар уақытылы залалсыздандырылуы керек екенін айтады. Қызметкерлердің медициналық тексеруден өтуі және медициналық кітапшаларының болуы, жеке бас гигиенасын сақтау да үлкен маңызға ие.&nbsp;– Үй жағдайында қонақтардың қол жууына жағдайдың болуы, тамақтану бөлмелерінің ауасын жиі алмастыру, шикізат пен тамақ өнімдерінің қауіпсіздігін куәландыратын тауардың ілеспе құжаттамасы бар орындардан сатып алынуы керек. Үй жағдайында дайындалған өнімдерді пайдаланбас бұрын 15-20 минут термиялық өңдеуден өткізу керек. Ет, құс, жұмыртқадан тез бұзылатын тағамдар, сондай-ақ паштеттер, аспаздық өнімдер, кремі бар кондитерлік өнімдер, салаттарды дайындағаннан кейін бірден қолдану, сақтау талабы бұзылғанда келесі күні пайдаланбау керек. Терінің іріңді аурулары бар, іріңді кесілген, күйген, терісі сыдырылған, сондай-ақ жоғары тыныс алу жолдарының ауруы болған жағдайда тамақ әзірлеуге қатыспау керек, – дейді ауданның бас санитары.&nbsp;Спикер қоғамдық тамақтану нысандары мен мешіттерде түрлі жұқпалы індеттердің, топтасқан тамақтан уланудың алдын алу да маңызды екенін ескертті. Ауыз су, ыстық су, лас су жүйелерімен, келушілер мен персоналдарға арналған орындар қол жуу, өңдеу, сүрту немесе кептіру құрылғыларымен және құралдарымен жарақталуы керек. Желдету және ауа баптау жүйелерінің болуы маңызды. Қоғамдық тамақтану өнімдерін дайындау үшін пайдаланылатын азық-түлік шикізатының, тамақ өнімдерінің және қосымша материалдардың әрбір партиясын қабылдау, сақтау, тасымалдауын қадағалау және қауіпсіздігін куәландыратын тауардың ілеспе құжаттары бар орындардан сатып алынуы тиіс. Үй жағдайында дайындалған консерві өнімдерін қоғамдық тамақтану орындарында, мешіттерде пайдаланбау керек. Ал тез бұзылатын тамақ өнімдері үшін тауардың ілеспе құжаттамасына өнімнің шығарылған уақыты мен күні, сақтау шарттары, соңғы жарамдылық мерзімі көрсетілуі керек және олар тоңазытқышта сақталуы тиіс.Ауданның бас санитары азық-түлік шикізаты мен дайын тамақ өнімдерін &nbsp;бөлшектеу үшін &nbsp;өңделетін тамақ өнімдеріне сәйкес әріпті және түрлі-түсті таңбалауды пайдаланып, таңбаланған жеке бөлшектеу мүкаммалдарды мақсаты бойынша пайдалану керек деп есептейді. Ал жабдықты пайдалану, &nbsp;жуу және дезинфекциялау оларды пайдалану, жуу және дезифекциялау жөніндегі &nbsp;өндіруші нұсқаулығына сәйкес жүзеге асырылуы тиіс. Тамақ қалдықтарын жинауға арналған &nbsp;жарамды жағдайдағы бөлек контейнерлер оларды тазалауды, жууды және жануарлардың кіруінен қорғауды қамтамасыз ететін қоқыс пен тамақ қалдықтарын жинауға арналған шаруашылық алаңының көзделуін, персоналдың арнайы киімдермен қамтамасыз етілуі мен жеке бас гигиенасын сақтау, тексеріп қараудан, гигиеналық оқытудан өткені туралы белгісі және жұмысқа &nbsp;рұқсаты бар әр жұмыскердің жеке медициналық кітапшасының жұмыс орнында сақталуы керек.&nbsp;– Терінің &nbsp;іріңді аурулары бар, іріңді кесілген, күйген, терісі сыдырылған, сондай-ақ жоғары тыныс алу жолдарының ауруы бар, инфекциялық аурулармен ауыратын және инфекциялық ауруларға күдікті адамдар жұмысқа жіберілмеу керек. Жоғарыда аталған санитариялық-эпидемиологиялық талаптар сақталмаған жағдайда халық арасында улану, аса қауіпті, өткір ішек жұқпалы ауруларының тіркелуіне себепкер болатынын еске саламыз, – дейді спикер.

Жалағаш: Бас санитар брифинг өткізді

<a href="https://kyzylorda-news.kz/">Kyzylorda-news.kz</a> Мәдениет – ұлт өмірінің айнасы, ғасырлар бойы үзілмей келе жатқан халықтың рухани келбеті, мейірімі мен парасат-пайымы. Бүгінде Еуразияның ең бай да бірегей мәдениетінің қатарына қазақ мәдениетінің де кіргені біз үшін үлкен мақтаныш. Дана халқымыз «Өнер – ұлттың жаны» деп бекер түстемесе керек. Өркениетті ұлт, ең алдымен, тарихымен, өнерімен, әлемдік мәдениеттің алтын қорына қосқан үлесімен танылып, бағаланады. Осы орайда өркениетті ұлт ретінде танылуда өзіндік үлес қосып жүрген Жалағаш ауданының тумасы Қарақат Ғаниқызы кеше ғана Грузияның Кутауиси қаласында өткен халықаралық жарыста топ жарды.Жалағаш ауданына қарасты Жаңаталап ауылдық клубы жанынан құралған «Домбыра» үйірмесінің мүшесі, аудандық облыстық, республикалық байқаулардың бірнеше дүркін жүлдегері, жерлесіміз осы жолы тек ауданның емес, елдің абыройын асқақтатып, жүлделі орынмен оралды.&nbsp;– Ең алғаш өнер саласына қадам басуым мектеп қабырғасынан бастау алған болатын.&nbsp;Ал қызығушылығым сол кішкентайымнан атамның «белгілі әнші Қарақат Әбілдина секілді боласың» деп дем беруінен басталды. Осылайша оқушы кезімнен ауылдық клубта «Домбыра» үйірмесінде Қасым Айтпенбетов ұстазымнан тәлім алдым. Ал қазіргі уақытта «Қазанғап» атындағы Қызылорда музыкалық жоғары колледжінде білім алып жатырмын. Осында келгелі жаңа дәрежеге ауыстым десем де болады. Себебі домбыра мен жыр өнерін қатар алып жүрмін. Ол қадамым оңынан басталып, жақында ғана Грузия елінде өткен халықаралық байқауда намысты қолдан бермедім, – дейді Қарақат.Байқауда кейіпкеріміз өз туындысындағы екі керемет шығарманы дайындаған. Бірі Жалағаш ауданының &nbsp;тумасы, ақын Асқар Қожахметовтің «Қош болып тұр, Қазақстан аймағым» атты термесі болса, екіншісі халық әні «Ақерке» әнін орындаған.&nbsp;Одан бөлек жыршы қызымыз ХVІ &nbsp;республикалық студенттік пәндік Кіші олимпиадасында «Жыршылар» номинациясы бойынша ІІІ орын, Мәдениет қайраткері, жыршы-термеші Жұмабек Аққұловтың 80 жылдық мерейтойына орай еткен «Жыр ғұмыр» атты облыстық жыршы-термешілер байқауынан ІІ орын, «Текті сөздің төресін – терме» атты облыстық жыршы-термешілер байқауынан І орын иеленген.&nbsp;Айта берсек, Қарақаттың жетістігі көп, оны 4 жасынан бастап-ақ өнер саласында жүруімен байланыстырады. Ал жыр өнеріне келгеніне 3 жыл болған. Бұл салада да биіктерден көрініп, ел намысын қорғап жүргенін алғашқы ұстазы Бисенбек Төлеубаевтың еңбегімен байланыстырады.– «Адамдарға мәдениетті таяқпен болса да үйретуіміз керек, әйтпесе күйрейміз» демекші, мәдениет – елдігіміздің, егемендігіміздің белгісі. Ал оны әрдайым сақтап, болашақ ұрпаққа жеткізу – біздің міндетіміз. Мәдениеттің ішіндегі ойып тұрып орын алатыны – әрине, өнер. Біз де сол өнер мәдениетіне өз үлесін қосып жүрген жыраулармыз. Жас та болса Қарақат өнер саласында өз ізін қалдыруда. Еліміздің байрағын желбіретіп, мәдениетімізді әлемнің түкпір-түкпіріне жырлары арқылы жеткізуде. Қазір біз «Жиенбай» жыраулық мектебін қалыптастыруға бар күшімізді салудамыз. Сол мектептің басы да міне, осы Қарақаттан басталуда. Ол колледжге келген уақыттан бастап еңбекқорлығымен көзге түскен шәкіртімнің бірі. Әлі де болса болашағынан көп үміт күттіретін қыз, – дейді ұстазы Бисенбек Төлеубаев.Соңғы уақытта аудан мәдениеті тың серпінмен дамып келеді. Ол әрине, тек &nbsp;мәдениет саласындағы жетістіктер мәдениет мекемелерінің жұмыстарымен, статистикалық сандық көрсеткіштерімен және белгілі есімдердің болуымен ғана өлшенбейді. Бүгінгі күні мәдениет тұлғаның рухани-эстетикалық дамуының, жалпыұлттық бірлікті қалыптастырудың және елді әлемдік қоғамдастыққа ықпалдастырудың қуатты құралы болуы тиіс. Міне, бүгінгі кейіпкеріміздің де бойынан осы қасиеттер көрініп-ақ тұр. Сондай-ақ өнер атты өлкеге қадам басқан жас мамандар белгілі қоғам қайраткері Ілияс Омаровтың «Мәдениет – халықтың ең үлкен рухани азығы. Бұл салаға кез келген жан келе бермейді, халыққа мәдени қызмет көрсететін маманның өзі мәдениет пен білімді кемел игерген адам болуы тиіс. Жеңіл ойлы адамға жұмысы оңай көрінетін бұл салаға қызығып келушілердің ұзақ уақыт тұрақтап қалуы сирек құбылыс. Осы саланың ыстығына күйіп, суығына тоңуға шыдауға әзір адамдар ғана мәдениет пен өнерді көркейтуге өз үлесін қоса алады» деген сөзін қаперден шығармағаны абзал.Ақнұр&nbsp;АЛТЫНБЕК

Қарақат Грузияда топ жарды

&nbsp; <a href="https://kyzylorda-news.kz/">Kyzylorda-news.kz</a> &nbsp; Бүгінде зергердің жұмысы жоғары бағаланады. Себебі олардың жасаған жұмысының сапалы, әрі әдемі шығатыны жасырын емес. Оған бір ғана дәлел – көрсен көзің тоймайды. Оның үстіне қазір алтыннан гөрі, қолдан жасалған әшекей бұйымдар сұраныста. Қазақша ою-өрнекпен әсемделген сырға, сақинаны тағушылар қарасы күн санап көбейді. Жігіттерге арнайылап жасалған өнімдер де бар. Құны қымбатырақ, бірақ қолдан жасалған еңбектің жоғары бағаланатынын ескерген жөн. Әшекей бұйымға қызығушылар қатарында қызылордалықтар көп. Әлеуметтік желі арқылы тапсырыс қабылдап, өзі жасаған бұйымдарды насихаттап, жасалу жолына тоқталып, зергердің маңдай-тері, адал еңбегін көрсетіп, сондай-ақ қандай заттар пайдаланғаны, бағасы жөнінде көп ақпарат беріп, сапалы дүниесін жақсы жарнамалай білетін зергердің бірі – Абзал Молдабек.&nbsp; &nbsp; Кәсіпкерлердің барлығы дерлік өнімін өткізу үшін әлеуметтік желінің көмегіне жүгінетіні рас. Біздің кейіпкеріміз де инстаграм мен фейсбук арқылы жұмысын жүйелі жүргізеді. Ол арнайы SMM курсын жетік меңгеріп, бар зейінін сапалы дүние жариялауға салады. Абзалмен фейсбук әлеуметтік желісі арқылы таныстық. Ол Қазақстанға ғана емес шет елдерге де өте танымал. Қызылордадан бирюза шығатыны туралы Абзал тарқатып берді.&nbsp;Кейіпкеріміздің өзге зергерлерден ерекшелігі, ол жасаған дүние екінші қайтара жарыққа шықпайды. Себебі дизайн алдын-ала жоспарланып, тың дүние жарыққа шығады.<blockquote>– &nbsp;Отбасымда алты ағайындымыз. Ағам зергерлікпен айналысады. Менің алғашқы ұстазым да сол. Сол кісіден үйреніп, тәжірибе жинақтадым. Осылайша жеке шеберхана ашып, авторлық құқық алдым. Бұл салаға келгеніме 10 жылдан асыпты. Қазір мен Алматыда, ағам Талғарда зергерлікпен айналысады. Абай атындағы Қазақ ұлттық педагогикалық университетінде көркемсурет факультетінде қолөнер мамандығы бойынша білім алдым. Көпжылдық тәжірибе осы өнерде төселуіме, жаңа, көзтартар туындылар жасауда көмектесті. Көбіне эсклюзив бұйымдар жасаймын. Әрбір элементті бүге-шүгесіне дейін қиюластырамын. Бұған қоса табиғи тас пайдаланамын. Оларды табу, өңдеудің өзі түсінген адамға үлкен жұмыс. Бізде стандарт дизайндар бар. Арнайы тапсырыспен емес, тек өз қолымыздан шыққан дизайндағы бұйымдарды ұсынамыз, – дейді шебер.</blockquote><blockquote>&nbsp; &nbsp; Бала күнінен әдемілікке құштар кейіпкерімізге бұл қасиет отбасынан дарыған. Бүгінде тек Қазақстанға емес, алыс-жақын шетелде бұйымдары сұраныста. Қырғызстаннан да қызығушылық танытатындар табылыпты. &nbsp;– Маңғыстау, Атырау, Ақтөбе облысынан қызығушылар көп. Ол жақтың тұрғындары ұлттық нақыштағы бұйымдарды қатты ұна­тады. Күн­делікті тағып жүреді, басты тұтынушымыз сол жақта. Бізде ең өтімді 5-6 дизайн бар. Олар – «Өмір ағашы», «Қос Қарлығаш», ерекше неке жүзіктері, тағы да басқа. Біз тұтынушыларға арнайы сыйлықтар жасаймыз, тұрақты тұтынушыларға төмендетілген баға қарастырамыз. Қазіргі таңда қызығушылық танытатындар қатары көп. Сұрастырып, мол ақпарат білгісі келетіндер де бар. Әрине, бұл мені қуантатыны анық. Себебі "өз қолымнан шыққан дүниеге, өзгелер қызығып қарап жатса" ол еңбектің бағаланғаны деп білемін, – дейді кейіпкеріміз.</blockquote><img src="https://knadmin.beoblood.kz/uploads/1_8_737x1024_b427a3ce7d.jpg" alt="1-8-737x1024.jpg">&nbsp; &nbsp; Зергердің қолдан істеген жұмысы аз уақытта аяқталады деп ойлаймыз. Бірақ бұл да шабыт арқылы жасалатын дүние. Идея бар, дизайн бар. Барлығын тоғыстырып жасап шығу тағы бар. Бір бұйымды жасау, оны сатылымға шығару оңай дүние емес. Кейіпкеріміздің күн-түн жасаған еңбегіне әртүрлі уақыт кетеді.<blockquote>&nbsp; &nbsp; – Бір ай, тіпті бір жыл уақыт керек болуы мүмкін. Мәселен, парақшамдағы тұмаршаны жасап шығаруға бір жыл уақыт жұмсадым. Өйткені оның дизайны, материалы ізденісті талап етті. Эскизден бастап соңғы нәтижеге жету оңай емес. Бірақ бұйымды аяқтағанда жүректе қуаныш ұялайды. Шеберханада тұрақты 4 адам жұмыс істейді. Оған қосымша тас өңдейтін, тағы бірлесіп жұмыс істейтін шеберханалар бар. Өйткені кейбір құралдарды алуға қаржы қолбайлау. Сондықтан серіктестікте жұмыс істейміз. Шеберханадағы барлық зергер – шәкірттерім. Арнайы өткізген курсымнан соң жанымда тұрақтады. Негізі 30 шақты шәкіртім бар. Олардың барлығы зергерлікпен айналысуда. Кейбірінің жеке шеберханасы бар, жеке компанияларда жұмыс істеп жатқандары да жетерлік. Қырғызстаннан, Қазақстанның түпкір-түпкірінен келіп, шеберлік сабақтарыма қатысуды қалайтын жастар қатары көп. Шеберхананың атауы – «Alash Jewels». Бар қазақты біріктіретін, ынтымаққа үндейтін атау болсын деген ниетпен таңдадым. Сондықтан рудың, жүздің таңбасы бар ешқандай тапсырыс алмаймын. «Руды бiлгенiң – қасиет, руға бөлiнгенiң – қасiрет». Мендік позиция осы, – дейді зергер.</blockquote><img src="https://knadmin.beoblood.kz/uploads/2_5_762x1024_fadc180418.jpg" alt="2-5-762x1024.jpg">&nbsp;Жалпы, бирюза сөзінің мағынасы қазақ тіліне аударғанда бақыт тасы деген мағына береді екен.<blockquote>&nbsp; «Қызылордадан бирюза шығады».&nbsp;Бұл – зергердің сөзі. Толығырақ тоқталып өткенін сұрадық. Сонымен оның айтуынша,&nbsp;"бірі білер, бірі білмес. Елімізде «Бирюза» асыл тасы шығады. Ол Балқаштан, орталық Қазақстанда Баянауылдан, кейінгі жылдары Қызылордадан табылды. Тіпті қазақтілді аудиторияда бирюза тасының табиғи немесе пластмасса екенін ажырата алмайтындар бар. Құндылығын енді ұғып жатыр. Негізі мұны өндіретін адамдар оны тек экспорттайды. Ресейге, АҚШ-қа сатады. Ол жақта асыл тасты жақсы бағалайды әрі қомақты бағаға өтеді. Қынжылтатыны, барды ұқсата алмай отырмыз. Сондықтан шикізатты сырттан күтеміз. Жоғарыда «бір бұйым жасау үшін бір жыл уақыт керек» дедім. Бұл – сол шикізатты сарыла күтетін уақыт, – дейді Абзал Молдабек.</blockquote>&nbsp; &nbsp; &nbsp; Жоғарыда атап өткенімдей, қазір қазақ қолөнері жақсы дамып, зергерлікпен айналыстатындардың қатары артып келеді. Саннан сапа маңызды рөл атқарады. Сондықтан халқымыздың төл өнерінің дамығаны қуантады. Ұлттық нақыштағы әшекейлерді жаңа заманмен үйлестіре түрлендіріп отыру зергердің басты жұмысы. Осылайша зергердің жасаған өніміне сұраныс артпақ. Зергердің жұмысы аса ұқыптылық пен шыдамдылықты қажет етеді. Нәтижесінде көздің жауын алатын бұйымдар дүниеге келеді. Сондықтан да кейіпкеріміздің барлық әшекейі үлкен сұраныста.Мөлдір САБЫРЖАН

Қызылордада "бақыт тасы" бар

<a href="https://kyzylorda-news.kz/">Kyzylorda-news.kz</a> Бүгін Қызылорда қаласында жол апаты орын алды.Сағ: 05.50 шамасында Қызылорда қаласы, Хон-Бен-До көшесі мен Бейбітшілік көшелері қиылысында "Hyndai Sonata" маркалы автокөлігімен &nbsp;қоғамдық автобус соқтығысып, нәтижесінде "Hyndai Sonata" маркалы автокөлігінің жүргізушісі оқиға орнында алған дене жарақатынан қайтыс болғаны анықталып, мәйіт мәйітханаға тапсырылды.

Қызылордада жол апатынан бір адам қайтыс болды

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазақстан Премьер-Министрі Олжас Бектенов Қызылорда облысына жұмыс сапары барысында «Бәйтерек» ғарыштық зымыран кешеніне барды, сондай-ақ Байқоңыр қаласының даму жоспарымен танысты.Қазақстан Премьер-Министрі Олжас Бектенов Қызылорда облысына жұмыс сапары барысында «Бәйтерек» ғарыштық зымыран кешеніне барды, сондай-ақ Байқоңыр қаласының даму жоспарымен танысты.Ғарыштық зымыран кешенінің құрылысы «Союз-5» жаңа зымыран тасығыштарын ұшыруға арналған «Зенит-М» ҒЗК инфрақұрылымы базасында жүргізіліп жатыр. 2018 жылы ресейлік тарап алаңды жалға алуды тоқтатқаннан кейін нысанды қазақстандық мамандар пайдалануда. Жұмыстың аяқталу мерзімі 2028 жылдың мамырына жоспарланған, ал алғашқы ұшу сынақтарын 2025 жылы бастау жоспарланып отыр. Кешеннің жылына 6-8 зымыран ұшыруға мүмкіндігі бар.Олжас Бектенов монтаждау-сынақ кешенін, сондай-ақ зымыран көлеміне шақталған көлік қондырғыларын қарап шықты. «Бәйтерек» БК» АҚ басқарма төрағасы Айдын Айымбетов кешенді заманауи жүйелерге сәйкестендіріп жаңғырту туралы баяндап, энергия тасымалдаушы жүйелерді тексеру кезеңдері, сондай-ақ «Бәйтерек» жобасы үшін мамандарды оқыту туралы хабардар етті.Үкімет басшысы «Бәйтерек» ғарыштық зымыран кешені бүгінде посткеңестік аумақтағы Қазақстан мен Ресейдің ең ірі бірлескен жобасы екенін және екі мемлекет басшыларының ерекше бақылауында екенін атап өтті. Биыл оны іске асыруға 14,7 млрд теңге бағытталды, қаражаттың қалған бөлігін бөлу мәселесі қосымша пысықталатын болады. Олжас Бектенов экологиялық таза тасымалдағыштарда ғарыш аппараттарын сәтті ұшыру үшін мамандардың тығыз бірлескен жұмысының қажеттілігіне назар аударды.«Зымырандарды ұшыру мерзімдерін өзгертпеу керек. Үш ұшырылымның біріншісі келесі жылы өтуі тиіс. Жоба “Байқоңыр” кешенінің белсенді жұмысын қамтамасыз ету үшін аса қажет. Бұл орайда бірлескен кәсіпорындағы еңбек ұжымының жұмысы да маңызды. Сондай-ақ ғылыми ортамен де өзара тығыз іс-қимылды үзбеу керек», — деп атап өтті Олжас Бектенов.Қаланы дамыту жоспары туралы Премьер-Министрге ҚР Президентінің «Байқоңыр» кешеніндегі арнайы өкілі Қайрат Нұртай баяндады. Қазіргі уақытта халықтың 70%-ын Қазақстан азаматтары құрайды. Табиғи өсім мен көші-қон ағыны есебінен оң динамика тіркеліп отыр. Қаланың қарқынды өсуін ескере отырып, әлеуметтік, инженерлік инфрақұрылымды дамыту, тұрғын үй қорын ұлғайту жөніндегі шаралар іске асырылуда. Мәселен, 600 орынға арналған мектеп салу жоспарланған, өткен жылдың қорытындысына сәйкес, қазақстандық білім беру стандарттары бойынша 2 балабақша ашылды, бұл кезекті екі есе төмендетуге мүмкіндік берді.«Байқоңыр» кешенін газбен жабдықтау туралы келісімге сәйкес қалада барлық көппәтерлі тұрғын үйлер газдандырылды. Бұдан басқа, сумен жабдықтау және су бұру желілері жалға беруден алынып, облыстық коммуналдық меншікке берілді. «Байқоңыр» кешенінің объектілеріне рұқсат алуды жеңілдету үшін цифрлық құралдарды енгізу мүмкіндігі қарастырылуда.<img src="https://knadmin.beoblood.kz/uploads/449109560_771611748493405_2854432133964548556_n_326113f2af.jpg" alt="449109560_771611748493405_2854432133964548556_n.jpg"><img src="https://knadmin.beoblood.kz/uploads/449169086_771611875160059_432666762761432612_n_33b0bd70cb.jpg" alt="449169086_771611875160059_432666762761432612_n.jpg">

Олжас Бектенов «Бәйтерек» ғарыштық зымыран кешені құрылысының қарқынын тексеріп, Байқоңырдың даму жоспарымен танысты

Қуат Шарабидинов Президент қолынан «Ерен еңбегі үшін» медалін алды

<a href="https://kyzylorda-news.kz/">Kyzylorda-news.kz</a> Азаматтардың құқықтары мен заңды мүдделерін қорғау Қазақстан Республикасының Мемлекеттік қызмет істері агенттігінің Қызылорда облысы бойынша департаментінің негізгі міндеттерінің бірі.Бұл ретте департамент тұрғындар шағымын қарау арқылы сындарлы диалог орнатып, қызмет алушылардың құқықтарын қорғауға атсалысады.Биылғы жылдың мамыр айында Департаментке қызмет алушының«Сауда-саттықты (аукциондарды) өткізуді талапетпейтін мемлекет меншігіндегіжер учаскелеріне құқықтарды алу» (ІІ кезең)мемлекеттік көрсетілетін қызметбойынша өтінішіне Ақай ауылдық округі әкімінің аппаратымен бас тарту фактілеріне қатысты шағымы келіп түскен.Шағымның негізінде, Әкімдік пен Қармақшы аудандық ауылшаруашылығы мен жер қатынастары бөліміне Департаментпен жоспардан тыс тексеру жүргізілді.Тексеру нәтижесінде, Әкімдік тарапынан&nbsp;Электрондық құжат және электрондық цифрлық қолтаңба туралы Заңының талаптары бұзылуына байланыстыҚР Цифрлық даму, инновациялар және аэроғарыш өнеркәсібі министрлігі Ақпараттық қауіпсіздік комитетімен Ақай ауылдық округінің әкімі ҚР «Әкімшілік құқық бұзушылық туралы» Кодексіне сәйкес әкімшілік жауаптылыққа тартылды. Бұған қоса мемлекеттік қызметтердің көрсету тәртібі бұзылғандығы үшін Әкімдіктің бас маманына тәртіптік жаза қолданылды.Сондай-ақ, Бөлім қызмет алушының Қағида талаптарына сәйкес ұсынған құжаттар пакеті толық болғанына қарамастан, материалдарды жер комиссиясының қарауына енгізбей, қызмет алушының құқығын шектеп, 1 (бір) жұмыс күні ішінде мемлекеттік қызмет көрсету тәртібін бұза отырып, негізсіз бас тартқанын анықтады.Тексеру нәтижесімен, Департамент тарапынан енгізілгенұсыным негізіндеқызмет алушының құқығы қалпына келтіріліп, өтініші бойынша ұсынған құжаттар жер комиссиясының қарауына ұсынылды.Атап өту керек, мемлекеттік қызметтерді сапалы әрі өз мерзімінде көрсету нәтижесімен қызмет алушының құқықтары мен заңды мүдделерін сақтау – мемлекеттік аппараттың тиімділігін бағалаудың негізгі көрсеткіші.Бұл тұрғыда Департамент әрдайым шағымданушы тараптың заңды мүдделерін қорғауда пәрменді шараларды қабылдайды.&nbsp;

Қазақстан және Қызылорда облысының жаңалықтары