<a href="https://kyzylorda-news.kz/">Kyzylorda-news.kz</a> Қазақстандық дзюдошы Елдос Сметов Париждегі Олимпиада ойындарында Қазақстанға алғашқы алтынды әкелді. Бұл туралы <a href="https://stan.kz/eldos-smetov-parizh-olimpiadasinin-altin-zhuldegeri-ata-403925/">Stan.kz</a> ақпарат агенттігі хабарлайды.Финалдық белдесуде 31 жастағы қазақстандық француз дзюдошысы Лука Мхеидземен (60 келіге дейін) кездесті. Жекпе-жек аяқталуға бір минут қалғанда Елдос ваза-ари жасады."Елдос ерледі, ағайын! Балуанымыз Париж Олимпиадасының алғашқы алтын жүлдесін сыйға тартып, бәрімізді қуанышқа бөледі. Құтты болсын! Естеріңізде болса, 2019 жылы Парижде өткенде Grand Slam жарысында Елдос күміспен күптелген еді. Балуанымыз бүгін де өз мықтылығын дәлелдеп, Париж төрінде екінші рет жүлде алды. Елдосты бүгінгі жарқын жеңісімен шын жүректен құттықтаймын! Олбұған дейін Рио және Токио Олимпиадаларында да жүлдегер атанған еді. Жеңісті жолды бұл жолы да жалғастырды. Бүгін дзюдошылардың өнерін арнайы барып көрдім. Оңай болған жоқ. Олимпиадаға осал спортшы келмейді. Жарыстың алғашқы күніндегі жүлде өзге де олимпиадашыларымызға жұғысты, жеңіс жалғасты болғай", – деді Ермек Маржықпаев.Бұған дейін&nbsp;60 келіде сынға түскен спортшы алғашқы айналымда нидерландық Торнике Чакадуадан басым түсті. Ал екінші кезеңде украин Дильшот Халматовпен белдесті. Сметов Халматовты “вазарри” әдісімен жеңіп, ширек финалға шықты.Ал ширек финалда тайпейлік Янг Вэйден басым түсіп, жартылай финалға жолдама алған еді.Жартылай финалда испаниялық Франсиско Гарригоспен белдесіп, жарқын жеңіске жетті. Осылайша, Сметов Париж олимпиадасының алтын жүлдесіне таласу мүмкіндігіне ие болды.Тараздық татами шебері осыған дейін 2016 жылы Рио Олимпиадасында финалға шыққанымен қарсыласына есе жіберіп, күміспен күптелген. Ал Токиодағы ойындарда Торнике Чкадуаны жығып, үздік үштікті түйіндеген. Ал бүгін Елдос өміріндегі басты белдесуде бар шеберлігін паш етті.Фото: Туризм және спорт министрлігі

Елдос Сметов Париж олимпиадасының алтын жүлдегері атанды

<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясының «Қарызсыз қоғам» жобасы аясында Қызылорда, Байқоңыр қаласы мен Қармақшы, Шиелі, Жаңақорған аудандарының 236 тұрғыны қаржылық сауаттылықты арттыру курсынан өтіп, сертификат алды.Қатысушылар бір апта уақытта жалпы бағдарлама бойынша білімдерін жетілдіріп, мамандардан қолданыстағы қаржы құралдары, бағдарламалар, несиелер мен гранттар туралы кеңес алды.

«Қарызсыз қоғам» оқу семинарының апталық түлектеріне сертификаттар табысталды

<a href="https://kyzylorda-news.kz/">Kyzylorda-news.kz</a> Адал емес компаниялардан зардап шеккен қазақстандықтардың өтініштері негізінде тексерулер саны алты есеге артты, деп хабарлайды<a href="https://qaz.ulysmedia.kz/news/17844-24-myn-otinish-khalykty-aldagan-600-den-astam-kompaniia-zhazalandy/"> Ulysmedia.kz.</a>Сауда және интеграция министрлігі 2024 жылдың алты айының қорытындысы бойынша жұмыс нәтижелері туралы баяндады. Баяндамада тұтынушылардың құқықтарын қорғау мәселесіне ерекше тоқталды.ШАҒЫМ 60%-ҒА ӨСКЕН"Тұтынушылардың құқықтарын қорғау комитетінің қызметкерлері зардап шеккен қазақстандықтардың өтініштері негізінде 6 есе көп тексеру жүргізді. Бірінші жартыжылдықта 24 441 өтініш қаралды. Бұл өткен жылғы көрсеткіштен 60% артық. Түскен өтініштер негізінде мемлекеттік бақылау жүзеге асырылады", - делінген хабарламада.600-ГЕ ЖУЫҚ ТЕКСЕРІС ЖҮРГІЗІЛДІОсылайша, кәсіпкерлік субъектілеріне 570 тексеріс жүргізілді. Өткен жылмен салыстырғанда өсу қарқыны 620% құрады.<blockquote>"Әкімшілік жауапкершілікке 648 субъект тартылды. Бұл өткен жылдан 4 есе көп. Қабылданған шаралар нәтижесінде тұтынушылардың құқықтары 777 млн теңгеден астам сомаға қорғалды. Өткен жылдың осындай кезеңімен салыстырғанда өсім 189% құрады", - деп нақтылады министрлікте.</blockquote>ТАУАР ТУРАЛЫ ҚАЗАҚША МӘТІН ЖАЗБАҒАН, ҚҰРАМЫ СӘЙКЕС КЕЛМЕГЕН<blockquote>Сондай-ақ, сүт, кілегей, айран, сары май, күнбағыс майы, сүзбе, ірімшік, құс еті, балық еті және шұжық өнімдерін қоса алғанда, 681 өнім түрін зерттеу туралы хабарланды.</blockquote>"405 түрі бойынша (59,5%) бұзушылықтар анықталды. Өнімнің 337 түрі бойынша таңбалау бөлігінде бұзушылықтар анықталды (тауар туралы ақпараттың мемлекеттік тілде болмауы және басқа да бұзушылықтар), бұл бұзушылықтардың жалпы санының 83,2% құрайды. Өнімнің 68 түрі бойынша құрамның сәйкес келмеуі, жарамдылық мерзімі өткен тауарды сату, қажетті құжаттардың болмауы анықталды", - деді министрлік өкілдері.Ақтөбе, Түркістан, Батыс Қазақстан облыстарында, Жетісу мен Ұлытауда 12 түрлі өнім бойынша сәйкестік декларациялары жойылды және тоқтатылды.Коллаж: Ulysmedia.kz

24 мың өтініш: Халықты алдаған 600-ден астам компания жазаланды

<a href="https://kyzylorda-news.kz/">Kyzylorda-news.kz</a> Отандасымыз бірінші белдесуінде Нидерланд елінен келген Торнике Чкадуаны жарыс жолынан шығарды.Қазақстандық дзюдошы Елдос Сметов Париждегі Олимпиада ойындарын сәтті бастады, - деп жазады <a href="https://aikyn.kz/270408/eldos-smetov-olimpiada-oyynyn-zhen-ispen-bastady">Aikyn.kz.</a>60 келіге &nbsp;дейінгі салмақта бақ сынайтын Елдос қарсыласын голден скорда жеңіп шықты. Қарсыласынан белсенді қимылдап, ескерту айырмасымен алда болды.Елдос 1/8 финалда украиналық Дильшот Холматовпен белдеседі.Фото: Sports.kz

Елдос Сметов Олимпиада ойынын жеңіспен бастады

<a href="https://kyzylorda-news.kz/">Kyzylorda-news.kz</a> Париждегі Олимпиада ойындарында Қазақстан бірінші медалін жеңіп алды. Бұл туралы <a href="https://stan.kz/kazakstan-parizh-olimpiadasinan-algashki-medalin-zhenip-403910/">Stan.kz</a> ақпарат агенттігі хабарлайды.Қазақстандық пневматикалық мылтықтан атқыштар Ислам Сәтбаев пен Александра Ле Париждегі (Франция) Олимпиада ойындарында қола жүлдегер атанды.10 метрден пневматикалық винтовкадан ату (аралас) бойынша бір-екі спортшы сынға түсті. Оларға Германиядан келген спортшылар қарсы болды.Айта кетейік, бұл төртжылдықтың басты додаларындағы Қазақстан құрамасы үшін алғашқы медаль. Ойындардағы алғашқы алтынды Қытай мен Оңтүстік Корея сарапқа салатынын да атап өтеміз.Фото: Туризм және спорт министрлігі

Қазақстан Париж олимпиадасынан алғашқы медалін жеңіп алды

<a href="https://kyzylorda-news.kz/">Kyzylorda-news.kz</a>&nbsp; &nbsp;Қала әкімі Серік Қожаниязов «Ақмешіт» мөлтек ауданында «Мың бала» спорт кешенінің салтанатты ашылу рәсіміне қатысты.Шаһар басшысы тұрғындарды жаңа нысанның ашылуымен құттықтады.«Қызылорда – өркенді өзгерістер мен жаңа жобалар қанат жайған мерейлі мекен. Президентіміздің, Үкіметтің қолдауымен және облыс әкімінің үйлестіруінің арқасында қаламызда тұрғындарымыздың өмір сүру сапасын арттыруға бағытталған бастамалар сәтті жүзеге асуда. Халықтың игілігі, балалардың кемел келешегі үшін заманға сай әлеуметтік нысандар құрылысы қарқынды жүруде.Озық ойлы ұлт қалыптастыруда балаларымыздың білімді, салауатты, адал азамат болуы үшін барлық жағдай жасалуда. Оның дәлелі, облыс орталығында «Шығармашылық академиясы», «Оқушылар сарайы, физика-математика бағытындағы мектеп-интернаты, музыкалық колледж және «Жайлы мектептер» салынуда. Бұл – өскелең ұрпақтың бойына ұлттық құндылықтарымызды сіңірудегі ауқымды шаралар деп түсіну керек. Облыс әкімі Нұрлыбек Машбекұлының ұйымдастыруымен қаламызда заманауи спорт нысандары бой көтеруде. Биыл қаламызда үстел теннисі орталығы, халықаралық талаптарға сай 10 000 орындық жаңа стадионның құрылысы қарқынды жүруде.Халықты бұқаралық спортқа баулуға бағытталған игілікті істердің жалғасы ретінде 30 000 баланы спорттық үйірмелермен қамтуға мүмкіндік беретін көпбейінді «Қызылорда Арена» спорт кешені салынады.&nbsp;Франция елінде бүкіл әлем көз тіккен байрақты бәсеке – XXXIII Жазғы Олимпиада ойындары басталады.Дүбірлі додаға қаламыздың 4 спортшысы: Қамшыбек Қоңқабаев, Айдос Сұлтанғали, Жұбаназар Абылайхан, Шархан Нұрлыхан қатысып, ел намысын қорғайды. Спортшыларымыздың жеңіс тұғырынан көрінуіне тілектестік білдіреміз, – деді Серік Салауатұлы.Спорт кешенін салған «Абай-Дәулет» серіктестігінің басшысы Мұрат Абайұлы Сарсенбаевқа қала тұрғындары атынан алғыс білдірілді.Құны 500 млн. теңгені құрайтын «Мың бала» спорт кешенінің жалпы ауданы – 5000 шаршы метр. Мұнда бокс, кикбокс, таэквондо, дзюдо, самбо, қазақша күрес, грек-рим күресі, волейбол, баскетбол, футбол, ұлттық би, ұлттық садақ ату спорт түрлерінен 1000-нан аса бала өз шеберліктерін шыңдайтын болады. Бұл кешен «Ақмешіт» мөлтек ауданындағы М.Саламатов көшесінің бойында орналасқан.Фото: Қала әкімдігі

Қызылордада «Мың бала» спорт кешені ашылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Бішкек дүкендерінде Ауғанстанда өндірілген газдалған анар шырынын анықтап, айналымнан шығару мақсатында жоспардан тыс тексеріс жүргізіліп жатыр. Бұл туралы <a href="https://stan.kz/">Stan.kz</a> ақпарат агенттігі <a href="https://24.kg/obschestvo/300173_opasno_dlya_jizni_gazirovku_zolotaya_jizn_nachali_izyimat_vmagazinah_bishkeka/">24.kg</a> порталына сілтеме жасап хабарлайды.Мемлекеттік санитарлық-эпидемиологиялық бақылау орталығының мәліметінше, 58 сауда нүктесі мен сауда-базар кешендері тексерілді. Кәсіпорын басшыларына аталған өнімдерді сатылымнан алып, жеткізушілер мен сатушыларға қайтаруды талап ететін 65 санитарлық нұсқама берілді. Дүкен сөрелерінен 7 мың 356 банка сусын алынып тасталды.Бұған дейін Денсаулық сақтау министрлігі аурулардың алдын алу және мемлекеттік санитарлық-эпидемиологиялық бақылау департаментінің бұйрығымен бұл сусынды барлық жерде сатылымнан алып тастауды ұсынған еді.Еске салайық, Ауғанстанда жасалған сусынның құрамындағы Е122 азорубин бояғышы балалардың белсенділігі мен зейініне кері әсер ететіні белгілі болды. Сауда желілерінің басшыларына бұл өнімді сатуға тыйым салынды.Сондай-ақ құрамында зиян қоспасы бар шырын Қазақстанда сатылымнан алынбаған еді.Фото: Ozon.kz

Қырғызстанда тыйым салынған газдалған сусын Бішкек дүкендерінен алынып тасталды

Облыстық денсаулық сақтау басқармасының ана мен бала денсаулығын қорғау жөніндегі орынбасары Мирзанова Мая Миранбайқызы және медицина ұйымдары басшыларының қатысуымен облыстық перинаталдық орталығы базасында ұрықты пренаталдық диагностикалық сапасын жақсарту, &nbsp;балалар арасында аурушаңдық пен мүгедектікті уақытылы диагностикалау және алдын алу, ұрықтың туа біткен даму кемістігінен нәресте өлімін азайту мақсатында пренаталдық скрининг жүргізуді жетілдіру үшін сараптамалық деңгейдегі ультрадыбыстық зерттеу, биохимиялық скрининг және генетикалық кеңес беруді қамтитын «Бір күндік клиника» пилоттық жобасы іске қосылды.&nbsp; &nbsp; &nbsp; Бұл жоба Қазақстан Республикасы Денсаулық сақтау министрлігі, облыс әкімдігінің және басқарманың нәтижелі ынтымақтастығы арқасында жүзеге асырылады.&nbsp; &nbsp; Орталықта жүкті әйелдерге ультрадыбыстық және биохимиялық скрининг жасалып, генетиктер мен акушер-гинекологтар кеңес береді. &nbsp;Ұрықтың инвазивті пренатальды диагностикасы жүргізіліп, даму патологиясы анықталған кезде, пренатальды консилиумда босану тактикасы анықталады. Сондай-ақ, орталықта ұрықтың анықталған ақауларын растау үшін УДЗ диагностикасының екінші деңгейі бар. &nbsp; &nbsp; Ұрықты қорғау орталығы ультрадыбыстық және биохимиялық скрининг жүргізу үшін қажетті жабдықтармен жабдықталған. Орталықтың &nbsp;негізгі бағыты - туа біткен патологиялармен күресу, ұрықтың қалыптасуына әсер ететін жағымсыз факторларды жою, туа біткен даму кемістіктер мен хромосомдық ауытқулар анықталған жағдайда &nbsp;жүктілікті ұзарту мәселесі, &nbsp;ұзартқан &nbsp;жағдайда жаңа туған нәрестеге уақытылы қажетті медициналық &nbsp;көмек &nbsp;көрсету. Генетика бөлімінде &nbsp;хромосомалық ауытқуларға пренатальды биохимиялық скрининг және тұқым қуалайтын метаболикалық ауруларға неонатальды скрининг жүргізіледі.&nbsp; &nbsp; &nbsp; Анықталған туа біткен патологиялармен жүктілікті одан әрі жүргізу немесе тоқтату тактикасы туралы мәселелерді шешу үшін ұрық патологиясының сипатына байланысты бейінді мамандарды тарта отырып, көпсалалы комиссия ұйымдастырылады. Комиссия отырысында отбасына анықталған аурудың барлық салдары, жүктілікті ұзарту туралы шешім қабылдаған кезде баланың өміріне болжам жасалып және мүгедектік дәрежесі түсіндіріледі. &nbsp; &nbsp; Бір күндік клиника жүкті әйелдерге бір күн ішінде барлық тексеруден өтуге мүмкіндік береді. Мұнда «осында және қазір» принципі маңызды рөл атқарады. Жүкті әйелдерге мемлекеттік тегін медициналық көмек аясында ең заманауи медициналық диагностика мен емдеу әдістерін ұсына алатынымызға сенімдіміз.

«Бір күндік клиника» пилоттық жобасы іске қосылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Танымал әнші Балжан Бидаш жеке өміріндегі жақсы жаңалықты жария етті. Бұл туралы Stan.kz ақпарат агенттігі хабарлайды.Өнер иесі әзілкеш Жахан Отарғалиевтен ажырасып кеткен еді.<blockquote>“Сәлем, достар! Осы уақытқа дейін Алматыда күнде жаңбыр жауып, салқын боп тұрды. Бірақ дәл қазір 30 градуста көшеде асығып кетіп бара жатырмын. Өйткені бүгін той көйлегін таңдаймын, таңдаймыз ашығы. Солай, бақытты болып кетіп бара жатырмын. Мені күтіп тұр арғы жақта. Қалай ойлайсыздар, той көйлегі не үшін, кімге? Сіздерге осындай сұрақ бар", –&nbsp;деді Балжан Бидаш әлеуметтік желідегі парақшасында.</blockquote>Оқырмандарын алаңдатып қойған эстрада жұлдызы "Сен алдандың" деген жазумен құрбысы, актриса Фариза Ескерместің тойына дайындалып жатқанын көрсетті.<blockquote>"Гүлді сен аласың деп мені тұрмысқа асықтырып жатыр", –&nbsp;деді Балжан Бидаш.</blockquote>Кадр сыртында Фариза Ескермес те "бұйырса тойымызда гүлді сен қағып аласың және келесі той сенікі болады. Сен де сенің пікіріңді, таңдауыңды, шығармашылығыңды сыйлайтын жігітті кездестіресің" деп тілек айтты.&nbsp;Фото:&nbsp;https://www.instagram.com/bidash_official/

"Той көйлегін таңдаймыз": Балжан Бидаш тосын жаңалығын жария етті

<a href="https://kyzylorda-news.kz/">Kyzylorda-news.kz</a>&nbsp;&nbsp; Барлығы үш бас жүлде – При Версаль, Интерьер және Экстерьер бағыттары бойынша сынға түседі.Шілде айында ЮНЕСКО-ның сәулет саласындағы дәстүрлі Prix Versailles сайысы аясында әлемдегі ең әдемі 16 мейрамхананың тізімі жарияланды, деп хабарлайды <a href="http://sn.kz/">Skifnews.kz</a> ақпарат порталы.Тізімге Франциядан Қазақстанға дейінгі әлемнің түкпір-түкпірінен жаңа мейрамханалар, соның ішінде Бразилия, Корей, Италия, Қытай және Коста-Риканың гастрономиялық жобалары енді.Сайысқа ұсынылғандар арасында Dubai Atlantis The Royal қонақүйінде орналасқан Ariana's Persian Kitchen мейрамханасы да бар.Forbes.kz басылымының жазуынша, олардың барлығы При Версаль, Интерьер және Экстерьер бағыттары бойынша&nbsp;үш бас жүлде үшін сынға түседі. Жеңімпаздар қараша айында ЮНЕСКО-ның штаб-пәтерінде жарияланады.Марапат авторлары сайысқа қазақы үлгіде безендірілген &nbsp;«Ауыл» мейрамханасын ұсына отырып, оның орналасқан тарихи ғимаратына да баса назар аударды.<blockquote>"Ауыл" кеңестік модернизм сәулет ескерткішінің ішінде орналасуына байланысты Қазақстанның жаңа тарихы мен ежелгі мәдениетінің тамаша үйлесімін білдіреді, - делінген Prix Versailles&nbsp;сайысының ресми сайтында.</blockquote>Мейрамхана Қазақстан Республикасын Кеңестік үкімет кезеңінде біраз жыл басқарған Дінмұхамед Қонаевтың шетелдік қонақтарды қабылдаған резиденциясында орналасқан.<blockquote>Бас аспаз Руслан Закиров пен дизайнерлер NAAW және Dunie Design ашық асүйдің айналасында керемет кеңістіктер жасады, деп толықтырды сипаттама авторлары.</blockquote>«Ауыл» мейрамханасы&nbsp;Орталық Азия тағамдарының заманауи интерпретациясын ұсынады. Оның интерьерінен көшпелі және тәңіршілік дәстүрлерінен шабыт алғанын байқауға болады.Prix ​​​​Versailles - әлемдегі ең жақсы заманауи жобаларды көрсететін сәулет байқауы. Мұнда қазылар алқасы әуежайлар, кампустар, жолаушы станциялары, спорт ғимараттары, мұражайлар, сауда орталықтары, қонақ үйлер мен мейрамханалар сияқты әр түрлі бағыттағы сәулет өнерін бағалап, 24 бағыт бойынша жеңімпазды анықтап, марапаттайды.Фото: Auyl мейрамханасының интерьері

Әлемдегі ең әдемі: Қазақ мейрамханасы үздіктер тізіміне енді

<a href="https://kyzylorda-news.kz/">Kyzylorda-news.kz</a>&nbsp; Жылдың аяғында ресми түрде іске қосылмақ.Қазақстанда елдегі жоғары оқу орындарында білім алу үшін пайызсыз несие беру жоспарланып отыр. Бұл туралы Ғылым және жоғары білім министрі Саясат Нұрбек мәлімдеді. Бұл туралы <a href="https://aikyn.kz/270294/zhog-ary-bilim-alu-ushin-payyzsyz-nesie-beriledi">aikyn.kz</a> хабарлады.&nbsp;<blockquote>"Биыл төрт жаңа құрал жоғары білімге қолжетімділікті кеңейту үшін іске қосылып жатыр... Тағы бір құрал – биылдан бастап, жылдың аяғында оны ресми түрде іске қосамыз, бірнеше екінші деңгейлі банктер және қаржы орталығымызбен бірлесіп, заңнамалық түрде пысықтаған пайызсыз несие беру іске қосылып жатыр,&nbsp; пысықтау аяқталып жатыр. АҚШ-тағыдай жоғары білім алу үшін пайызсыз несие алуға болады", – деді Саясат Нұрбек.</blockquote>Фото: www.istockphoto.com

Жоғары білім алу үшін пайызсыз несие беріледі

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының облыстық филиалы жанындағы Сыбайлас жемқорлыққа қарсы іс- қимыл жөніндегі кеңесінің отырысы өтті.Жиынға партияның облыстық филиалының төрағасы Алмасбек Есмаханов, кеңес төрағасы Мақсұт Нәлібаев және кеңес мүшелері қатысты. Кеңес отырысында сыбайлас жемқорлыққа қарсы іс-қимыл жөніндегі кеңесі құрамына өзгерістер енгізу және құзырлы органдармен «Қазақстан Республикасы Сыбайлас жемқорлыққа қарсы саясатының 2022-2026 жылдарға арналған тұжырымдамасын іске асыру бағытында атқарылған жұмыстары туралы қаралды.Жиынның күн тәртібіндегі бірінші мәселе бойынша кеңес құрамына өзгерістер енгізіліп, жаңа мүшелері таныстырылды.Мұнан соң екінші мәселе аясында ҚР Сыбайлас жемқорлыққа қарсы іс-қимыл Агенттігі облыс бойынша департаменті превенция басқармасы басшысының м.а Олжас Мырзағалиев, облықтық экономикалық тергеп-тексеру департаменті тергеп - тексеру басқармасының басшысы Ерлан Қасқырбайұлы хабарлама жасады.Сондай-ақ кеңес отырысына арнайы шақырылған білім, денсаулық сақтау, құрылыс және спорт басқармаларының өкілдеріне сауалдар жолданып, сыбайлас жемқорлықтың алдын-алу бағытында атқарылып жатқан жұмыстар жайы тыңдалды. Отырыс барысында қаралып, талқыланған мәселелер бойынша кеңес мүшелері тарапынан айтылған ұсыныстар арнайы хаттамаға енгізілді.

Қазақстан және Қызылорда облысының жаңалықтары