<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының облыстық филиалы жанындағы Сыбайлас жемқорлыққа қарсы іс- қимыл жөніндегі кеңесінің отырысы өтті.Жиынға партияның облыстық филиалының төрағасы Алмасбек Есмаханов, кеңес төрағасы Мақсұт Нәлібаев және кеңес мүшелері қатысты. Кеңес отырысында сыбайлас жемқорлыққа қарсы іс-қимыл жөніндегі кеңесі құрамына өзгерістер енгізу және құзырлы органдармен «Қазақстан Республикасы Сыбайлас жемқорлыққа қарсы саясатының 2022-2026 жылдарға арналған тұжырымдамасын іске асыру бағытында атқарылған жұмыстары туралы қаралды.Жиынның күн тәртібіндегі бірінші мәселе бойынша кеңес құрамына өзгерістер енгізіліп, жаңа мүшелері таныстырылды.Мұнан соң екінші мәселе аясында ҚР Сыбайлас жемқорлыққа қарсы іс-қимыл Агенттігі облыс бойынша департаменті превенция басқармасы басшысының м.а Олжас Мырзағалиев, облықтық экономикалық тергеп-тексеру департаменті тергеп - тексеру басқармасының басшысы Ерлан Қасқырбайұлы хабарлама жасады.Сондай-ақ кеңес отырысына арнайы шақырылған білім, денсаулық сақтау, құрылыс және спорт басқармаларының өкілдеріне сауалдар жолданып, сыбайлас жемқорлықтың алдын-алу бағытында атқарылып жатқан жұмыстар жайы тыңдалды. Отырыс барысында қаралып, талқыланған мәселелер бойынша кеңес мүшелері тарапынан айтылған ұсыныстар арнайы хаттамаға енгізілді.

Сыбайлас жемқорлыққа қарсы іс-қимыл жөніндегі кеңес отырысы өтті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Париж Олимпиадасына бармайды деп деп хабарлайды Kyzlorda-news.kz ақпарат агенттігі. Бұл туралы Президенттің баспасөз хатшысы Берік Уәли мәлімдеді.<ul><li style="text-align:justify;">Президент Қасым-Жомарт Тоқаевтың жұмыс кестесінде Париждегі Олимпиада ойындарының ашылу салтанатына қатысу белгіленбеген, - деді Берік Уәли.</li></ul>Естеріңізге сала кетейік, Олимпиаданың ашылу салтанаты бүгін Қазақстан уақыты бойынша 22:30-да басталады. Ол үш сағаттан астам уақытқа созылмақ.

Қасым-Жомарт Тоқаев Олимпиадаға бара ма?

<a href="https://kyzylorda-news.kz/">Kyzylorda-news.kz</a> Бүгін спортшылар үшін ең биік шың саналатын XXXIII жазғы Олимпиаданың ашылу салтанаты Франция елінде өтеді. Қазақ елінің намысын 80-ге жуық спортшы қорғамақ. Көк туды ашық алаңда көтеріп шығатын қазақ спортшыларын тікелей эфирде қолдағыңыз келсе, сағат 22:30-да Хабар мен El arna телеарналарын қосыңыздар деп хабарлайды Kyzlorda-news.kz ақпарат агенттігі.Биылғы олимпиаданың ашылу салтанындағы басты ерекшелік әр елдің өз қайығы болады. Міне, осы қайықта қазақ елінің туын бокс құрама командасының капитаны Асланбек Шымбергенов пен жеңіл атлетикадан спорт шебері Ольга Сафронова ұстайды. Ал, ашылу салтанын Хабар арнасында Жандос Айтбайұлы мен Асхан Жақаев жүргізеді. Тікелей эфир қонағы - Олимпиада ойындарына дайындық жөніндегі штаб басшысы Елсияр Қанағатов.

XXXIII Париж Олимпиадасының ашылу салтанатын қайдан көруге болады?

<a href="https://kyzylorda-news.kz/">Kyzylorda-news.kz</a>&nbsp; Мемлекеттік қызмет көрсету сапасын бағалау және бақылауды жүзеге асыратын уәкілетті орган Қазақстан Республикасының Мемлекеттік қызмет істері агенттігінің Қызылорда облысы бойынша департаменті халыққа сапалы әрі қолайлы қызмет көрсету және сервистік процесстерді жетілдіру мен қызмет алушылардың бұзылған құқығын қалпына келтіру жұмыстарын ұдайы түрде жүргізеді.&nbsp; &nbsp;Бұл ретте басты ұстаным – әрбір қызмет алушыға сапалы көмек көрсетіп, заң аясында іс-қимыл жасау. Департамент тарапынан қызмет алушылардың құқығын қалпына келтіру сәтті жүзеге асуда.&nbsp; Мәселен, Департаментке мемлекеттік қызмет көрсетуден Қызылорда қалалық ауыл шаруашылығы және жер қатынастары бөлімі (бұдан әрі - Бөлім) тарапынан бірнеше рет негізсіз бас тарту фактісі бойынша қала тұрғынаншағым түсті.Аталған шағымдызерделеу аясында Департамент тарапынан жүргізілген жоспардан тыс тексеру нәтижесінде Бөліммен «Жер учаскелерін қалыптастыру жөніндегі жерге орналастыру жобаларын бекіту» мемлекеттік қызметін көрсетуден негізсіз бас тартылғаны анықталды.Тексеру нәтижесімен, Департамент тарапынан енгізілген нұсқама негізінде қызмет алушының бұзылған құқықтары қалпына келтіріліп, өтініші бойынша жерге орналастыру жобасы бекітіліп ұсынылды.Атап өту керек, кәсіби мемлекеттік аппараттың тиімділігін бағалаудың негізгі көрсеткіші – мемлекеттік қызметтерді сапалы әрі мерзімінде көрсету және қызмет алушылардың құқықтары мен заңды мүдделерінің сақталуына тікелей байланысты.Сондықтан да Департамент мемлекеттік қызметтерді көрсету барысындағы жеке және заңды тұлғалардың құқықтарының сақталуына ықпал жасап, заң шеңберінде көзделген міндеттерді орындауға әрдайым мүдделі.&nbsp;Д.Тлепбаева,ҚР Мемлекеттік қызмет істері агенттігінің&nbsp;Қызылорда облысы бойынша департаментініңбас маманы&nbsp;

Қызмет алушылардың құқығын қалпына келтіру сәтті жүзеге асуда

<a href="https://kyzylorda-news.kz/">Kyzylorda-news.kz</a>&nbsp; Артында 1 жасар сәбиі қалды.Астанадағы аулалардың бірінен әйелдің мәйіті табылған. Қайғылы оқиғаға көршілері мен өтіп бара жатқандар куә болған. Марқұмның жеке өмірінің егжей-тегжейін көршісі "Астана - Что? Где? Когда?" Telegram-арнасы айтып берген. &nbsp;Бұл туралы <a href="https://aikyn.kz/270351/elordada-kopbalaly-ana-terezeden-sekirip-ketti">aikyn.kz</a> хаьбарлады.&nbsp;Оның айтуынша, келіншектің бес баласы бар. Кенжесі – 1 жаста. &nbsp;<blockquote>"1990 жылғы әйелдің балконнан секіргеніне куә болдым. Бес баланың анасы, кішісі бір жаста. Күйеуі басқа қалаға кетіп қалып, онымен жанжал шыққан", – дейді ол.</blockquote>Қоғамдық денсаулық сақтау департаментінің мәліметінше, әйелдің мәйіті полицияға тапсырылды.<blockquote>"Оқиға орнына жедел медициналық бригада шақырылды. Медициналық топ келген кезде үйдің ауласынан әйелдің мәйіті табылды. Куәгерлердің айтуынша, әйел жоғары қабаттан құлаған. Өмірге сәйкес келмейтін жарақаттан қайтыс болды", – делінген хабарламада.</blockquote>Полиция, бұл факті бойынша сотқа дейінгі тергеу амалдары жүргізіліп, сараптамалар тағайындалғанын хабарлады.&nbsp;&nbsp;Фото: aikyn.kz

Елордада көпбалалы ана терезеден секіріп, қаза тапты

<a href="https://kyzylorda-news.kz/">Kyzylorda-news.kz</a>&nbsp; Ақтөбе облысында 34 жастағы полиция қызметкері мас күйінде көлік айдап, ерлі-зайыптыларды қағып өлтірді, деп хабарлайды <a href="https://qaz.ulysmedia.kz/">ulysmedia.kz.</a><a href="https://azattyq-ruhy.kz/">Azattyq Rýhy</a>&nbsp;тілшісіне Ақтөбе облысының полиция департаменті бұл оқиғаны растады.<blockquote>«Дереккөзге сүйенсек, полиция қызметкері тойдан кейін мас күйінде көлік тізгініне отырған. Рульге ие бола алмаған ол 25 және 26 жастағы екі адамды қағып кеткен. Өкінішке қарай, ерлі-зайыптылар қаза тапқан», - делілнген хабарламада.</blockquote>Полиция қызметкері әуел баста оқиға орнынан қашып кетіп, артынан өзі берілген деген ақпарат бар. Қазір жол апатына кінәлі адам қамалып, оның тікелей басшысы болған бірнеше адам жұмысынан қуылғаны белгілі.сурет ашық дереккөзден

Ақтөбеде мас полицей көлікпен қағып кеткен ерлі-зайыптылар қаза болды

<a href="https://kyzylorda-news.kz/">Kyzylorda-news.kz</a>&nbsp; Сыр өңіріне жұмыс сапарымен келген ҚР Премьер-министрінің орынбасары Тамара Дүйсенованың қатысуымен «Ауыл аманаты» жобасын жүзеге асыру және кәсіпкерлікті дамыту мәселелері талқыланған мәжіліс өтті. Жиынға Парламент Сенатының депутаттары Руслан Рүстемов, Наурызбай Байқадамов, Ауыл шаруашылығы вице-министрі Ербол Тасжүреков, Үкімет аппаратының қызметкерлері қатысты.Сондай-ақ, Алматы, Түркістан, Батыс Қазақстан облыстарының кәсіпкерлері тәжірибе алмасу үшін арнайы келді. Мәжіліске «AMANAT» партиясы Қызылорда облыстық филиалы, облыстық басқарма, департамент, инспекция басшылары, қала, аудан әкімдері мен ауыл шаруашылығы, кәсіпкерлік, экономика және қаржы, жұмыспен қамту мекемелерінің басшылары, ауылдық округ және кент әкімдері қатысты.Облыс әкімі Нұрлыбек Нәлібаев саладағы негізгі мәселелердің шешілуі жолында осындай жиындардың маңызын атап өтті.<blockquote>«Өздеріңізге белгілі, Мемлекет басшысы Қасым-Жомарт Кемелұлы 2022 жылғы қараша айында Қазақстан Республикасы Президенті лауазымына кіріскеннен кейін «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы» Жарлыққа қол қойды. Жарлық бойынша елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі», «Ауыл аманаты», «Дипломмен ауылға» мемлекеттік бағдарламалары сәтті жүзеге асуда. Президентіміздің тапсырмасымен ауыл тұрғындарының табысын, тұрмыс сапасын арттыру, кәсіпкерлікті дамыту бағытында Сыр өңірінде де ауқымды жұмыстар атқарылуда. Биыл кәсіпкерлікті қаржылай қолдауға әртүрлі көздерден 34 млрд. 500 млн.теңге қарастырылған болса, оның ішінде Бірыңғай кешенді бағдарлама аясында субсидия және кепілдіктер беру үшін 9 млрд. теңге бөлінді. Мемлекеттік гранттар беруге 73 млн. 100 мың теңге қаралды. Биылғы 6 айда облыстағы шағын және орта кәсіпкерлік субъектілерінің саны 64 мың 478 болды. Жыл соңына дейін 3 мыңға жуық жобаны қаржыландыру көзделген. Кәсіпкерлер санының өсуі жастар және «Ауыл аманаты» жобасы аясында алынған микрокредиттер есебінен қамтамасыз етілді. Ауыл-аймақты дамыту үшін шағын шаруашылықтарды қолдау өте маңызды», - деді Нұрлыбек Машбекұлы.</blockquote>Еске салсақ, «Ауыл аманаты» жобасының басты мақсаты - ауыл халқының әл-ауқатын жақсарту және әлеуметтік мәселелерін шешу. Жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және ауылдағы жұмыссыздықты азайтуға мүмкіндік берді. Аймаққа өткен жылы республикалық бюджеттен жобаны қаржыландыруға 3 млрд. теңге бөлінсе, биыл 4 млрд. 600 млн. теңге қаржы қаралуда. Барлығы 411 жоба несиелендіріліп, ауылдың әлеуметтік-экономикалық дамуына айрықша үлес қосты.Іс-шарада Ауыл шаруашылығы вице-министрі Ербол Тасжүреков, облыс әкімінің орынбасары Ардақ Зебешев, Сырдария, Шиелі аудандарының әкімдері «Ауыл аманаты» жобасын іске асыру барысы мен артықшылықтары туралы баяндады.Мұнан бөлек, Алматы облысынан арнайы келген «Дәулет Бекет» ЖШС бас директоры Сыдық Дәулетов, Батыс Қазақстан облысы Қоскөл ауылдық округінің әкімі Әділет Мұсағалиев, Түркістан облысынан келген жеке кәсіпкер Данияр Қалымбетов өз тәжірибелерін бөлісті.Мәжілісті қорытындылаған ҚР Премьер-министрінің орынбасары Тамара Дүйсенова бағдарламаны іске асыру бағытында бірқатар ұсыныс айтты.<img src="https://knadmin.beoblood.kz/uploads/14_645c8b09f0.jpg" alt="14.jpg"><img src="https://knadmin.beoblood.kz/uploads/13_e42ffd0a83.jpg" alt="13.jpg">Фото: Қызылорда облысы әкімінің баспасөз қызметі

«Ауыл аманаты» жобасын іске асыру мәселелері қаралды

<a href="https://kyzylorda-news.kz/">Kyzylorda-news.kz</a> Донорлық ағзаларды ұзақ уақыт күткен төрт пациентке мамандар трансплантация бойынша сәтті операциялар жасады, деп хабарлайды El.kz ақпарат агенттігі.Қайтыс болғаннан кейінгі донор – жол апатының салдарынан қаза тапқан 18 жасар жігіт. Оның туыстары ағзаларды алуға келісім берді.Трансплантологиялық республикалық орталықта жігіттің бауыры, жүрегі және екі бүйрегін алынып, 25 шілдеде мамандар транспланттау алмастыру операциясын жүргізді.Айта кетсек, Шымкент қаласының жүрек орталығында 1966 жылы туған пациент жаңа жүрекке ие болды, ал А.Н. Сызғанов атындағы Ұлттық ғылыми хирургия орталығында 1966 жылы туған пациентке бауыр трансплантталды. Түркістан облысының облыстық клиникалық ауруханасында 1984 жылы туған пациентке бүйрек трансплантталса, University Medical Center клиникасында 2008 жылы туған балаға екінші бүйрек трансплантталды.

Жас жігіттің ағзасы төрт пациентке трансплантталды

<a href="https://kyzylorda-news.kz/">Kyzylorda-news.kz</a>&nbsp; 29 жастағы әйел алаяқтық жасап, тапқан ақшаны өз қажетіне жұмсағанын мойындады.Шугаринг шеберінің қызметіне жүгінген елордалық әйел алаяққа алданғанын айтып, полицияға арызданды. Жәбірленушінің айтуынша, ол салонның тұрақты клиенті болған, деп хабарлайды <a href="https://sn.kz/sn-akparat-agyny/114702-sululyk-salon-kyzmetkeri-turakty-klientin-1-mln-600-myn-tengege-aldap-ketti">Skifnews.kz </a>ақпарат порталы.Шугаринг жасайтын әйел клиентінің қызын ақылы түрде жақсы жағдайда босандыратын таныс дәрігері барын айтқан. Жәбірленуші оған сеніп, еш ойланбастан 1 миллион 600 мың теңгені алаяқтың қолына ұстатқан.<blockquote>“Алаяқ&nbsp;жәбірленушіні қызының операциясына арналған ақшаны беруге&nbsp;көндіріп, қаражатты дәрігерге апарып беруге уәде берген. Алайда алаяқ&nbsp;ақшаны алған соң ізін суытып, хабарсыз кеткен”, –&nbsp;деп мәлімдеді полиция.</blockquote>Аталған дерек&nbsp;бойынша сотқа дейінгі тергеу амалдары жүргізіліп жатыр. 29 жастағы әйел алаяқтық&nbsp;жасап, тапқан ақшаны өз қажетіне жұмсағанын мойындады.Фото: aikyn.kz

Сұлулық салонының қызметкері тұрақты клиентін 1 млн 600 мың теңгеге алдап кетті

<a href="https://kyzylorda-news.kz/">Kyzylorda-news.kz</a>&nbsp; 25 шілде – Дүниежүзілік суға батудың алдын алу күні.&nbsp;Осыған сәйкес елімізде «Балаларды суда қорғаңыздар» акциясы басталды. Науқанның басты мақсаты – кәмелетке толмаған азаматтарды жазатайым оқиғалардан сақтап, қаза болуына жол бермеу. Бұл туралы Өңірлік коммуникациялар қызметінің ақпарат алаңында облыстыық ТЖД Төтенше жағдайлардың алдын алу бөлімінің бастығы Бейбітхан Спанов мәлімдеді.<blockquote>&nbsp; &nbsp;– Облыста шомылу маусымы басталғаннан бері су айдындарында қауіпсіздік шаралары күшейтілді. Қазіргі таңда құтқарушылармен 3 адам құтқарылды, оның үшеуі де бала. Жалпы, орын алатын қайғылы жағдайлардың негізгі себептері – тыйым салынған жерлерде шомылу мен балаларды қараусыз қалдыру және өз күштерін асыра бағалау, жүзе алмау. Осыған байланысты Дүниежүзілік адамдардың суға батуының алдын алу күні қарсаңында облысымыздың құтқарушыларымен рейдтікіс-шаралар жүргізіледі. Сонымен қатар, облыста жыл басынан бері балалардың терезеден құлауының 12 фактісі тіркелген. Салдарынан 1-7 жас аралығындағы 13 бала түрлі жарақат алған. Тиісті сала мамандарының айтуынша, мұндай оқыс оқиғаларға басты себеп – ата-аналардың балаларға немқұрайлы қарауы болып отыр. Оған қоса, терезеде уақытша бекітшік торлардың болмауы мен москит торларының берік бекітілумеуі де балалардың терезеден құлап кетуіне әкеп соғады. Осы орайда облыс тұрғындарынан терезені ашық қалдырмауды және қосымша қорғаныш құралын орнатуды сұраймыз, –&nbsp;деді Бейбітхан Оразайұлы.</blockquote>Фото: Қызылорда облысының Өңірлік коммуникациялар қызметі

Бейбітхан Спанов: Облыста шомылу маусымы басталғаннан бері су айдындарында қауіпсіздік шаралары күшейтілді

&nbsp;<a href="https://kyzylorda-news.kz/">Kyzylorda-news.kz</a>&nbsp;Биыл Шиелі ауданында 31 501 гектар жерге егін егілсе, оның 12 918 гектары, яғни негізгі үлесін күріш өнімі құрайды. Сондай-ақ, ауданда әртараптандыру дақылдарына ерекше ден қойылған. Мәселен, 1 421 гектарға бидай, 1 250 гектарға тары мен жүгері, 9 923 гектарға мал азықтық дақылдар мен 5 495 гектарға бақша дақылдары орналастырылған. Ауданда суды үнемдеу мақсатында тамшылатып суғару әдісімен 2 050 гектар жерге көкөніс және бақша дақылдары егілген. Бұл туралы Өңірлік коммуникациялар қызметінің ақпарат алаңында Шиелі ауданының әкімі Нұржан Ахатов айтты.<blockquote>– Биыл ауыл шаруашылығы саласы бойынша 4 млрд 496 млн теңгенің өнімі өндірілді. Азық-түлік қауіпсіздігін қамтамасыз ету және импортты азайту мақсатында әр отбасының өзін-өзі әлеуметтік маңызы бар өнімдермен қамтамасыз ету үшін шаруашылық құрылымдарымен 1 550 гектар жер дайындалып, бау-бақша өнімдері егілді. Ауыл шаруашылығы құрылымдары бүгінде жаңа үлгідегі техникалармен толыққан. Техника паркі кейінгі 4 жыл көлемінде отандық және шетелдік техникалармен 63 пайызға жаңарды. Биыл жаңадан 30 ауыл шаруашылығы техникалары алынып, 1,1 млрд теңге инвестиция тартылды. Осы тұста егістік алқаптарының бірде-бір гектары судан қалмасын деп, күні-түні судың сағасын күзеткен су шаруашылығы мамандарының еңбегіне де ерекше тоқталып, алғыс айтқым келеді. Себебі, күрішті суға бастыратын жауапты сәтте су мамандарының көмегімен шаруашылықтарға 59 дана су насостары қойылып, «Шиелісушар» өндірістік учаскесі теңгерімдегі 5 каналдың 13,6 шақырымы, облыстық табиғи ресурстар және табиғат пайдалануды реттеу басқармасы арқылы 6 каналдың 89 шақырымы тазаланып, сын сағаттан абыроймен шығуымызға үлкен септігін тигізді. Сонымен қатар, Сырдария өзеніндегі су тасқынының алдын алу мақсатында және экологиялық қажеттілікті орындау үшін аудан аумағындағы Шиелі-Телікөл, Бұлақты, Тарша, Ошақты, Қалғандария, Таушұқырой және Хан-қожа көлдер жүйесіне 367 млн текше метр су жіберілді. Нәтижесінде, аудандағы соңғы он жылда су бармаған көлдер мен шабындық-жайылымдардың 98,5 пайызы суарылды,- деді Нұржан Сәбитұлы.</blockquote>Сонымен қатар, Шиелі ауданы бойынша 39 елді мекеннің 95 пайызы сапалы ауыз сумен қамтамасыз етілген. Қызылқайың, Қосүйеңкі елді мекендерінде ауыз су жүйесінің құрылысына 447 млн теңге өлініп, пайдалануға берілген. Биыл Ақтам, Лесхоз елді мекеніне су тұщытқыш орнатуға аудандық бюджеттен 40 млн теңге қаржы қаралып, мемлекеттік сатып алу жұмыстары жүргізілуде. Нәтижесінде Шиелі ауданы 100 пайыз сапалы ауыз сумен қамтамасыз етілетін болады.Фото: Қызылорда облысының Өңірлік коммуникациялар қызметі

Шиеліде әртараптандыру дақылдарына ерекше мән берілген

<a href="https://kyzylorda-news.kz/">Kyzylorda-news.kz</a>&nbsp; 25 шілде – Дүниежүзілік суға батудың алдын алу күні.&nbsp;Аталмыш күн аясында елімізде «Балаларды судан қорғаңыздар!» апталық акциясы басталды. Акция барысында өңірде рейдтер жүргізіліп, профилактикалық іс-шаралар күшейтілуде.Облыста жыл басынан 16 адам суға кеткен. Оның 10-ы бала. Ал, суға шомылу маусымында 4 бала қаза болған. «Балаларды судан қорғаңыздар!» акциясында облыстық ТЖД мамандарымен бірлесіп су айдындарында кезекті рейд ұйымдастырылды. Құқық қорғау органдарының қызметкерлері көпшілікке түсіндірме жұмысын жүргізіп, су айдыны маңында құқық бұзушылық жасағандарға әкімшілік шара көрді. Бүгінге дейін облыста белгіленбеген су айдындарына шомылған 34 адамға әкімшілік шара көрілген.БҰҰ ұйымының мәліметі бойынша әлемде жыл сайын 236 600 адам суға батып қайтыс болады. Суға бату салдарынан болатын өлімнің 90 пайызы өзендер мен көлдерде орын алған. Ал, елімізде соңғы 10 жылда 2 240 адам суға кетіп қаза тапса, оның 701-і бала. Биыл да суға шомылу маусымы басталғаннан бері 93 адам, оның ішінде 35 бала суға батып кеткен. Кәмелетке толмағандардың қаза болу фактілері Атырау, Қостанай, Қызылорда, Батыс Қазақстан, Маңғыстау және Абай облыстарында жиі тіркелген. «Балаларды судан қорғаңыздар!» апталық акциясы барысында ұйымдастырылған рейдтік жұмыстардың басты мақсаты – кәмелетке толмаған азаматтарды жазатайым оқиғалардан сақтап, олардың қаза болуына жол бермеу.Фото: Қызылорда облысының Өңірлік коммуникациялар қызметі

Қазақстан және Қызылорда облысының жаңалықтары