<a href="https://kyzylorda-news.kz/">Kyzylorda-news.kz</a> Көршісінің баласы подьезде жиі түнеп жүргенін айтып, желі қолданушысы өз&nbsp;<a href="https://www.facebook.com/permalink.php?story_fbid=507831731700028&amp;id=100074196157154">парақшасында</a> бөлісті. Бұл туралы &nbsp;<a href="https://janabastau.kz/post/podieezde-tuneitin-bala-qonaq-kelgende-anasy-uige-kirgizbeidi?fbclid=IwZXh0bgNhZW0CMTEAAR33mmTA3BsRRztCBw86HunPP05z1iJ26GgbRElAhQSjZxUYFTGuj3iaMi0_aem_mWKBDcY2C0USLULiiPuePQ">janabastau.kz</a> хабарлайды.Оның айтуынша Таңнан кешке дейін жұмыс істейтін анасы үйіне «қонақ» келгенде баланы сыртқа шығарып жіберетінін жеткізді.Сондай-ақ ол желідегі оқырмандарына осындай шын мұқтаждарға үй алып берсе ғой деген ұсыныс жасады.&nbsp;<blockquote>Бұл бала_біздің подъездің "тұрғыны". Естуімше, шешесі үйіне "қонақ" келгенде, сыртқа шығарып жібереді. Мүмкін, бірдеңеге көңілі толмай, баланың өзі үйден шығып кететін шығар... Өздері шешесі жұмыс істейтін дүкенде тұрады. Үйлері жоқ. Әкесі жоқ. Бала аздап үркектеу, жасық. Екі күннің бірінде подъезге түнейді. Өзін көрген сайын үйге шақырамын. Бірақ, қанша шақырсам да үйге кірмейді. Қайтпек керек?Әшейінде, "ел қамын жеп жүр" деп, тепсе темір үзетін жігіттерге пәтер көлік таратып, көп алдында ұпай жинайтын меценаттар осындай шын мұқтаж жандарға көмектессе ғой! Мына балаға бір бөлмелі болса да пәтер алып беретін, тым құрыса, жалдап беретін қайырымды жан болса, немесе, ел_жұрт боп, осы балаға пәтер алып берсек_бала бұлай суық еденде жатпас еді.Тиісті органдарға хабарлап, анасын аналық құқықтан айыруға дәтім бармайды. Себебі, мен адам танысам, шешесі сондай жаман адам емес. Шешесі момындығынан жұртты басына шығарып алады. Әрі, күйіктен аздап ішеді. Басқа тұрғындар да, анасының балаға зәбір көрсетпейтінін білгендіктен, полиция шақырмайды. Меніңше, полиция шақырып, баланы анасынан айырғаннан мына баланың жағдайы оңалып кетпейді. Жүрегіне жара түседі. Одан да, осындай тағдыры қиын балаларға ел_жұрт боп қарасып жүрсек, ең дұрыс шешім болар еді деп ойлаймын.Әрине, бала болса да фото видеоға түсіріп, ел талқысына салып, жаппай "мүсіркеу" әдепті іс емес. Сондықтан, бет_жүзін көрсетпей, бәлкім жағдайы бар қайырымды жандар көмектесер деген үмітпен еткен әрекетім еді бұл. Көмектескісі келген жан болса, маған хабарласыңыз, - деп жазды Facebook желісінің қолданушысы.</blockquote>Сурет: Әлеуметтік желіден

Подъезде түнейтін бала: «Қонақ» келгенде анасы үйге кіргізбейді

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы Сыр өңірінде қарқынды түрде жалғасуда.«Таза Қазақстан» экологиялық акциясына аймақтағы барлық мекеме ұжымдары, үкіметтік емес ұйым өкілдері, волонтерлер, қоғам белсенділері мен жастар және тұрғындар белсенді қатысуда.Бүгінгі таңда, қала аумағында 33 сквер-аллеялар, саябақтар мен демалыс орындары бар. Аталған нысандарды таза ұстау мақсатында «Тазалық патрулі» қозғалысы өз белсенділіктерін танытып келеді.««Тазалық патрулі» волонтерлық тобының бір құрамы тұрғындар мен кәсіптік нысан иелеріне көгалдандыру мен тазалау жұмыстарын тұрақты жүргізіп тұруға шақырып, түсіндірме жұмыстарын жүргізді.Мақсатымыз шаһар тұрғындарын өз ауласын, көшесін таза ұстау, өзгелерге үлгі болуды түсіндіру. Біз қаламыздың таза болғанын қалаймыз» – деді «Тазалық патрулі» волонтерлер қозғалысының капитаны Даулетиярова Фатима.Сырдария ауданы тұрғындары «Менің туған өлкем» атты тазалық акциясына қатысып, сенбілік жұмыстарына жоғары белсенділік танытты.Акцияға тұрғындар, аудан орталығындағы мекеме қызметкерлері, «Жасыл ел» еңбек жасағы, сондай-ақ, кәсіпкерлер де белсене атсалысты.Сырдария ауданы тұрғындарының демалыс орнына айналған «Орталық саябақ», «Тағзым» алаңы, орталық алаңдағы кіші архитектуралық формалар, кент көшелері мен арықтары тазаланып, көпірлер мен ойын алаңдары сырланып, «Жастар» аллеясына абаттандыру жұмыстары жүргізілді. Жаңаша өзгеріп жатқан «Тағзым» алаңындағы арықтар қайта қазылып, аяқ су жүргізілді. Кәсіпкерлер де тазалық жұмыстарына белсене қатысып, кәсіптік нысанның айналасын тазартып, ғимараттарын сырлады.«Жасыл ел» еңбек жасағы мен «Сырдария» волонтерлер тобының мүшелері орталық алаңдағы гүлзарларды суару және тазарту жұмыстарын жүргізді.«Биылғы маусымда «Жасыл Ел» еңбек жасағы бойынша 110 квота берілді. Алғашқы маусымда 27 жасты, шілде айында 40 жасты жұмыспен қамтыдық. «Жасыл Ел» еңбек жасағына 16-35 жас аралығындағы жастарды қабылдайды. Ол санатқа оқушылар, студенттер мен жұмыссыз жастар кіреді. Бүгінгі Тазалық акциясына «Жасыл Ел» жасағы мен «Сырдария жастары» еріктілер штабының мүшелері де өз үлесін қосуда. Бұндай акциялар өз жалғасына таба берсе дейміз!» - деді «Сырдария еріктілері» штабының жетекшісі Сейітжан Нұржан.Акцияға 900 адам қатысты. Сенбілік барысында елді мекен көшелеріндегі қоқыстар тазартылып, шөптерді шабу жұмыстары жүргізілді. Бұл жұмыстарға 14 техника жұмылдырылып, 11 тонна қоқыс шығарылды.Шиелі ауданы тұрғындары республикалық «Таза Қазақстан» экологиялық акциясы аясында туындаған «Игі істер» экомарафонына белсенді қатысып, тазалық жұмыстарын ұйымдастырды. Шара аясында аудан орталығының тазалығына жауапты мекеме тазалық мотокөліктерімен қамтамасыз етілді.Мотокөліктер үлкен көлемді қоқыс көліктері кіре алмайтын көшелердегі қоқысты тез арада тасымалдап, үлкен көліктерге жүктеу жұмыстарын атқаруда.Бүгінде аудан орталығы 4 аймаққа бөлініп, арнайы кестеге сәйкес белгіленген уақытында қоқыс жинақталуда. Аталған мотокөліктер қоқыстардың тұрып қалуының алдын алып, дер кезінде жинақтау жұмыстарына өз тиімділігін тигізуде.Бұған қоса, тазалық акциясына ерікті жастардан құралған 700-ден астам азамат қатысты.Сенбілікте көшелер мен саябақтар тұрмыстық қоқыстан тазартылып белгіленген орындарға шығарылды. Сондай-ақ, сенбілік жұмыстарының аясында көшелер, аллеялар мен саябақтарда, су айдындарында жабайы шөптер шабылып, тазартылды.Жалпы ақпаратАйта кету керек, Мемлекет басшысының бастамасымен жүзеге асырылған экологиялық акцияға барлығы 200 мыңнан аса еріктілер, қоғам қайраткерлері, бюджет саласы мен кәсіпорын қызметкерлері қатысты.Нәтижесімен, 8 мың тоннадан (8762) астам қоқыс қалдықтары шығарылып, елді мекендердегі 505 скверлер мен парктер, 225 тарихи мәдени ескерткіштер, 791 әлеуметтік нысандар, 1130 өнеркәсіп және бизнес нысандары, 289 су объектілері, 24 445 аулалар мен көшелердің бойы тазартылып, 900-ге жуық техника жұмылдырылып, 129 мыңнан аса (129&nbsp;358) өңірдің климатына сәйкес жерсінетін қарағаш, терек және сырталының көшеттері егілді.<img src="https://knadmin.beoblood.kz/uploads/1_4c94725e81.jpeg" alt="1.jpeg"><img src="https://knadmin.beoblood.kz/uploads/4_997a8bd733.jpg" alt="4.jpg"><img src="https://knadmin.beoblood.kz/uploads/6_423d024226.jpg" alt="6.jpg"><img src="https://knadmin.beoblood.kz/uploads/5_d5be4d8ba8.jpg" alt="5.jpg">Қызылорда облысының әкімдігі

Қызылорда облысында «Таза Қазақстан» республикалық экологиялық акциясы жалғасуда

<a href="https://kyzylorda-news.kz/">Kyzylorda-news.kz</a> Өтежан Нұрғалиев пен Олжас Қасымның рухани <a href="https://madeniportal.kz/article/1240">әңгімесі</a>Мен Өтекеңді бір көрсем деп кішкене кезімнен бері армандап келдім. Бесінші сынып оқып жүргенімде кітап оқығым келетін. Оның ішінде поэзиялық кітап. Cосын әкемнен бір күні өлең кітаптардың ішінен қайсысын оқысам болады дедім. Әкем маған жұқалау келген кішкене ғана кітап ұсынды. Ол – Өтежан ақынның кітабы еді. Өтекеңмен &nbsp;Жазушылар Одағында кездестім. Сосын бір күні тағы кездесіп екеуара әңгіме жасадық. Сол әңгіме-сұхбатты назарларыңызға ұсынбақпын. Ақын қалай айтты мен сол күйінше түсірдім.Сіз азуын айға білеген ақындардың бірісіз. Жазба поэзиямыздың іргетасын қалаған Абайымызды да кейде мойындамайды деп естідік…Абай –әр уақытта да тамақта тұрған қылтан сияқты. Сен қаншалықты ақын болсаң да, Абайдан кейін екінші боласың. Абай – жай ғана ақын. &nbsp;Европада шамамен мұндай бес жүз ақын бар. Мұны всемирный скорость дейді. Өте қайғыдан басқа ештеңесі жоқ. Оның смертный нүктесі жоқ.Абайды ұлы ақын деп онда неге атаймыз?«Ұлы» деген сөз түбі өледі. Біраздан кейін ұлы болғысы келмейді. Ұлы дәрет деген де болады. Дәреттің ұлы болғаны не, бәрібір дәрет. Дәрет деген сөз осы бойда ең үлкен нәрсе деген сөз ғой. Ұлы деген емес, ұлық қой әуелдегі аты. Ұлы деген сөз жоқ, барабаны түсіп қалған ғой. Ұлы деген жаңа сөз. ХIХ ғасырда пайда болған. Арғы жағында ұлы деген сөз жоқ. Ресей билегеннен кейін ұлы деген сөз шыққан ғой. Ұлық деген сөз басқа… Әне, ұлық келе жатыр дейді. Сол ұлы. «Ұлы» сөзі жек көргенде улы болып өзгеріп кетеді. Төлеужан Ысмайылов улы Сталин дейтін. Дүниедегі ең құрметтісі, ең қорқыныштысы жылан ғой. Жылан өз заманында патшалық құрған. Жылан бұрынғы жердің бетіндегі ең ақылды, әрі күшті жануар. Жер жаралғанда адамды бірінші аздырған да&nbsp;жылан. Адам жердің бетінде тек жұмақта жүретін жан. Cол жыланның аздыруымен адам азған. Улы болатыны сол. Жыланның барлық қасиеті – тілінде. Бір миллиграмы пілді құлатады. Ақынның сөзі солай болуы керек. Өмірзақ Қожамұратов секілділер бола алмай қалғандар. Бола алмай қалғандар өте көп. Қожамұратов Айбергенов қой. Айбергеновтің ойыны.Өткенде Өмірзақ Қожамұратовтың кешінде Аманхан Әлім «Төлегендер Өмірзақтың шекпенінен шықты»,- дейді. Сіз екеуі бір-бірімен тұссас дейсіз. Негізі қайсысының поэтикалық қуаты мықты?Екеуі&nbsp;бірдей. Қатар ғой бәрі. Сен секілді қазақта мың ақын бар. Ең кемі. Тура сендей. Сен олардан озықпын деп ойлайсың. Олар сенен озықпын деп ойлайды. Бірақ, ұзын саны мың. Қатар келе жатырсыңдар. Шауып. Бірдей барып тиесіңдер. Қандай уақытта көтерсе сен соның ішінен біреу болып шығасың.Сіз әдеби ортаға жарқ етіп қай өлеңіңізбен шықтыңыз?Мені шығарған кім ғой… 1948 – 50 жылдары қазақтың барлық ұлыларын, қаймақтарын түгелдей қуды. Жұмыстан. Ең тәуірлерін түрмеге салды. 50 жылдан бастап… 1937&nbsp;ден кейінгі толқын сол… 1937 жылдары түгел ұсталды ғой. Оларды ұстатқан Сәбит Мұқанов. Қазақтың «ең ұлы» ақыны ғой. Өзі аман қалды. Бірақ, жұрт өй деп айтпайды. Сәбит әлі аман келе жатыр. Сәбит деген сөз Ғабит, Ғабит деген – Ғабиден, Ғабиден деген – Мұхтар. Барлығы бір адам. Сол кезде пустота болды. Мүлдем ақын жоқ. Барлығы жаман ақындар. 50 жылдан 56&nbsp;жылға дейін оқып көр.Төлеужанның «Марксизм және империялық стиль» деген бір&nbsp;өлеңі бар. Ол өлең «Егемен Қазақстанға» шықты. Ол бір өлең әдебиет жасай алмайды ғой. Ешқандай ақын жоқ. Сол тұста Жұбан Молдағалиев редактор болды. Сосын ақын жасау керек болды. Оралдан ешкім жоқ. Гурьевтен іздеу керек болды. Гурьевте ешкім жоқ. Шығарып көреді, барлығы нашар. Сосын таңдау маған түсіп, мені Жұбан шығарды. Сол кездегі жалғыз журнал – «Жұлдыз», бас редакторы – Жұбан Молдағалиев болды. Оның орнында Қуандық Шаңғытбаев қалған. Қуандық маған хат жазыпты. "Сенің өлеңіңді оқыдым. Сенің өлеңіңдей өлең тек қана Пушкинде бар. Басқа ешкімде жоқ. Сенің үш өлеңіңді бірден бастым" – деді.&nbsp;Қандай өлеңдеріңіз шықты?Көктем деген өлең жаздым. 3 шумақ. Оқып берейін бе?&nbsp;Ия. Оқып беріңіз?Бой бермей барады өзен алып-қашып,Жүр дей ме, жүгір дей ме нағыл дейді.Алыста асау бұлттар қамшыласып,Төбемде тамшы үзіліп тамылжиды.Көк аспан жоғалтқан ба әруағын,Тентек болып, тез келіп, неге кетті?Бел қалды бұраң қағып, биші сағым...Фото: madeniportal.kz<a href="https://oljeke.wordpress.com/2010/05/11/%D3%A9%D1%82%D0%B5%D0%B6%D0%B0%D0%BD-%D0%BD%D2%B1%D1%80%D2%93%D0%B0%D0%BB%D0%B8%D0%B5%D0%B2-%D0%BF%D0%B5%D0%BD-%D0%BE%D0%BB%D0%B6%D0%B0%D1%81-%D2%9B%D0%B0%D1%81%D1%8B%D0%BC%D0%BD%D1%8B%D2%A3-%D1%80/">oljeke.wordpress.com</a>

Өтежан Нұрғалиев: Абай – жай ғана ақын. Европада шамамен мұндай бес жүз ақын бар

<a href="https://kyzylorda-news.kz/">Kyzylorda-news.kz</a> Алматыда базардан шыққан өртке найзағай себеп болуы мүмкін. ТЖМ мамандары осы нұсқаны да қарастырып жатыр, деп хабарлайды <a href="https://baq.kz/almatyda-bazardan-shyqqan-orttin-sebebi-anyqtaldy-336380/">BAQ.KZ.</a>Тұрмыстық заттар сататын сауда орны түгел отқа оранды. Өрт сөндірушілердің жедел әрекетінің нәтижесінде қызыл жалын жанындағы нысандарға таралған жоқ. Өртті сөндіруге 30-дан аса техника мен тікұшақ та тартылды. Әуеден 30 тонна су төгілді.Фото:baq.kz

Алматыда базардан шыққан өрттің себебі анықталды

<a href="https://kyzylorda-news.kz/">Kyzylorda-news.kz</a> Қызылорда облысының бақылау жөніндегі басқармасының ұйытқы болуымен 2024 жылдың І жартыжылдығында барлығы 154 тексеру жүргізіліп, тексеру нәтижесімен анықталған заң бұзушылықтарды жою жөнінде 109 нұсқама берілді. Жалпы басқарма мемлекеттік сәулет-құрылыс және еңбек инспекциясының мәселелерімен айналысады.&nbsp;Жүргізілген тексерулер нәтижесімен сәулет-құрылыс және еңбек бақылау саласындағы заңнама талаптарын бұзған тұлғаларға қатысты 405 әкімшілік құқық бұзушылық туралы іс қозғалып, оларға жаза қолданылды. Жылдың бірінші жарты жылдығында жеке және заңды тұлғалардан 1 236 өтініш түсіп, олар бойыншазаңнама талаптарына сәйкес тиісті шаралар қабылданып, жауап берілді. Аймақтың бас ақпарат алаңында облыстық бақылау жөніндегі басқармасының басшысы Ғанижан Қалиев алты айдың қорытындысын мәлімдеді.<blockquote>– Мемлекеттік сәулет-құрылыс бақылау саласы бойынша айта кетсем. Мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы түскен 1 221 хабарламаның заңдылығы тексеріліп, оның 640-ы тізілімге енгізілсе, 581 хабарлама заңнама талаптарына сәйкес рәсімделмеуі себепті кері қайтарылды. Сондай-ақ, 806 объектіні пайдалануға қабылдау туралы актінің 488-не оң қорытынды берілсе, 318 актіге теріс қорытынды берілді. Сол сияқты, 70 аккредиттелген техникалық қадағалау ұйымдарынан «Е-Qurylys» жүйесіне 1697 айлық есептері түсіп, оның 1316-ы қабылданса, 381-і ескертпемен қабылданды, – деді Ғанижан Піртазаұлы.</blockquote>Фото: Қызылорда облысының Өңірлік коммуникациялар қызметі

Биыл облыстық бақылау жөніндегі басқармасы 154 тексеру жүргізген

<a href="https://kyzylorda-news.kz/">Kyzylorda-news.kz</a> &nbsp;Қоғамдық-саяси тұрақтылықты қамтамасыз ету, Қазақстан халқы Ассамблеясы мен этносаралық қатынас, мемлекеттік ақпараттық саясат, жастар саясаты мәселелері, сондай-ақ, азаматтық қоғам институттарын дамыту және қолдау, мемлекеттік тіл саясатын жүзеге асыру. Мұның барлығы да қоғамдық даму басқармасының атқаратын негізгі қызметтері. Облыс көлемінде атқарылып жатқан игі істердің ізіне үңілсек, қоғамдық даму басқармасының қолтаңбасын анық байқауға болады. Аймақтың бас ақпарат алаңында облыстық қоғамдық даму басқармасының басшысы Алмасбек Есмаханов 6 айда атқарылған жұмыстардың қорытындысын мәлімдеді.Брифинг барысында басқарма басшысы БАҚ қызметкерлерінің еселі еңбегін тілге тиек етті. Сондай-ақ Журналистер қауымының кәсіби мерекесі аясында атқарылған жұмыстарға тоқталды.<blockquote>– Биылғы жылдың 28 маусымында Бұқаралық ақпарат құралдары қызметкерлері күніне орай дәстүрлі «Қанатты қалам» іс-шарасы ұйымдастырылды. Мерекеде аймақтың ақпарат саласының дамуына елеулі үлес қосқан бірқатар БАҚ өкілі облыс әкімінің арнайы марапатына ие болып, құрмет төрінен көрінді. Мемлекет басшысының Жарлығымен «Ақмешіт ақшамы» газетінің бас редакторы Сәрсенкүл Бихожаева «Құрмет» орденімен, «Qyzylorda» телеарнасының бас инженері Бақытжан Шүкенов, «Сыр бойы» газетінің бас редакторы Қуат Шарабидинов «Ерен еңбегі үшін» медалімен марапатталды. Бірқатар БАҚ қызметкеріне облыс әкімінің, ҚР Мәдениет және ақпарат министрлігінің марапаттары табысталды. Мұнан бөлек, үздіктерге түрлі номинация берілді. Одан бөлек, биыл алғаш рет Сахитжан Бермағанбетов атындағы журналистер арасында кіші футболдан облыстық турнир өткізілді. Бұл жұмыстар алдағы уақытта да өз жалғасын таппақ,- деді Алмасбек Әбілқасымұлы.</blockquote>Брифингте Мемлекеттік тіл саясатын жүзеге асыру бағытында «Аймақта мемлекеттік тіл саясатын іске асыру» жобалары туралы айтылды.<blockquote>– Жалпы, мемлекеттік тілдің қолданыс аясын кеңейту, толыққанды қызметін қамтамасыз ету мақсатында түрлі форматта, барлығы 67 шараөткізіліп, оған 5000-ға жуық адам қамтылды. Мемлекет Басшысының Түркістан және Атырау қалаларында өткен Ұлттық Құрылтайларда ономастика саласы бойынша берген тапсырмалары негізінде бірқатар заңнамалық актілерге өзгерістер мен толықтырулар енгізілуде. Қазіргі таңда ономастика саласында өзектендірілген «Тарихи тұлғалар», «Жер-су атаулары», «Дәстүрлі атаулар» тізімдері мен Әдістемелік ұсынымдар басшылыққа алынуда,- деді Алмасбек Әбілқасымұлы.</blockquote>Фото:&nbsp;Қызылорда облысының Өңірлік коммуникациялар қызметі

Қоғамдық даму басқармасы іргелі істердің ізінде

<a href="https://kyzylorda-news.kz/">Kyzylorda-news.kz</a> &nbsp;Отандық блогер, әзілкеш Елдос Кәдірхановтың әйелі, блогер Таңшолпан Шотаева оқырмандарды алаңдатқан сауалға жауап берді. Бұл туралы<a href="https://stan.kz/bala-asirap-aluga-dayin-emespin-eldos-koloboktin-ayeli-403358/"> Stan.kz </a>ақпарат агенттігі хабарлайды.<blockquote>“Елдостың диагнозын екеуміз үйленбей тұрған кезде білдім. Ол кезде қатты мән бермедім. Қазір медицина дамыған заманда, ЭКО арқылы да көтеруге болады. Онда тұрған ештеңе жоқ деп ойладым. Сол ойыма сендім. Кішкентай күнінде отаны сәтсіз жасап, осындай диагнозы пайда болды. ”Үйленгеннен кейін түрлі дәрігерге қаралдық. Түркияға барып, емделіп келдік. Қайта-қайта ота жасады. Нәтижесіз аяқталғанда екеуміз де қатты қиналдық. Бір-бірімізге қолдау білдіріп, келе жатырмыз. Ол жылағанда мен жұбатамын. Мен көңілсіз болғанда ол жанымнан табылады. Солай өміріміз өтіп жатыр”, – деп күрсінді желі жұлдызы.</blockquote>Сонымен қатар блогер бала асырап алыңдар деп ақыл&nbsp;айтатындарға да үндеу жасады.<blockquote>“Бала асырап алуға дайын емеспін. Менің&nbsp;қорқынышым бар. Біреудің баласын асырап алып, кейін оған ауыр сөз айтып қалсам, ұрып жіберсем ше&nbsp;деген ой болады. Қазақ тек әйелді ғана кінәлайды ғой. Бірақ біздегі жағдай мүлдем&nbsp;басқаша. Сен емделіп, тексеріл деп маған неше түрлі гинеколог пен емшілердің нөмерін жібереді. Бала болса да, болмаса да осы күніме шүкір деймін”, – деді блогер.&nbsp;</blockquote>Фото:&nbsp;https://www.instagram.com/eldos_kalabok/

"Бала асырап алуға дайын емеспін": Елдос "Колобоктың" әйелі өзіне жиі қойылатын сұраққа жауап берді

<a href="https://kyzylorda-news.kz/">Kyzylorda-news.kz</a> &nbsp;Денсаулыққа қасақана ауыр зиян келтіру мақсатында дене жарақатын салған. Қызылорда облысының кәмелетке толмағандардың істері жөніндегі мамандандырылған ауданаралық сотында кәмелеттік жасқа толмаған балаға ауыр дене жарақатын салған жасөспірімге қатысты үкім шықты, деп хабарлайды <a href="https://sn.kz/sn-akparat-agyny/114380-basynan-tepken-kyzylordada-zhasospirim-6-zhylga-bas-bostandygynan-aiyryldy">Skifnews.kz</a> ақпарат порталы.Қызылорда облыстық сотының Telegram-дағы ресми арнасында жарияланған ақпаратқа сүйенсек, Қызылорда облысының кәмелетке толмағандардың істері жөніндегі мамандандырылған ауданаралық сотында Қазақстан Республикасы Қылмыстық кодексінің 106-бабының 2-бөлігінің 7), 11)-тармақтары бойынша (Бұзақылық ниетпен денсаулыққа қасақана ауыр зиян келтіру) қылмыстық іс қаралған.Сотталушы 2023 жылғы 3 сәуірде кешкілік уақытта көше бойында кәмелетке толмаған жәбірленушінің балалармен алысып жатқанын көріп, бұзақылық ниетпен кәмелетке толмаған адамға қатысты денсаулыққа қасақана ауыр зиян келтіру мақсатында соңғының басынан күштеп өзінің оң аяғымен 4-5 мәрте теуіп, ауыр дене жарақатын салған, - делінген сот хабарламасында.Жасөспірім сотта берген жауабында тағылған айыпты толық мойындап, жасаған әрекетіне шын ниетпен өкінетінін айтып, жеңіл жаза тағайындауды сұраған.Сот талқылауында кәмелетке толмаған жәбірленуші мен оның заңды өкілі сотталушыға кешірім беретінін айтып, бас бостандығынан айырудан басқа жаза тағайындауды сұраған.Сотталушы Қылмыстық кодекстің 106-бабының 2-бөлігінің 7), 11)-тармақтарымен кінәлі деп танылып, 6 жыл мерзімге бас бостандығынан айыруға үкім етілді, Қылмыстық кодекстің 63-бабын қолданып, сотталушыға жаза шартты деп саналып, оған 1 жыл мерзімге пробациялық бақылау белгіленіп, бірқатар міндет жүктелді, - дейді сот өкілдері.Фото: aikyn.kz

«Басынан тепкен»: Қызылордада жасөспірім 6 жылға бас бостандығынан айырылды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Танымал әншінің блогер келіні Әйгерім Саркенова шілде айының басында ұсақ бұзақылық жасағаны үшін 15 тәулікке қамауға алынған қайын ағасына арнап, мұрағаттық бейнені жүктеп, әсерлі жазба қалдырды, деп хабарлайды <a href="https://kaz.zakon.kz/madeniet-shou-biznes/6045937-ttyndalan-ayrat-nrtasa-keln-zhyly-lebzn-bldrp-serl-zhazba-aldyrdy.html">Zakon.kz.</a></h4>Блогердің айтуынша, қоғамдық орындарда оны танып жатқан адамдар қолдау көрсетіп келіп ізгі лебіздерін білдіріп жатады.«Мен бәріне ризашылықпен жауап беремін, бұл басымызға түскен тағы бір сынақ, тіпті елеуге де келмейді. Мен өзім куә болған жеті жыл ішінде көптеген ауыр, әділетсіз жағдайлар болды, сол кездерде ағаның кез келген сынаққа төтеп бере алатындығына көзім жеткен. Алайда, ата-аналарымыз көбірек уайымдауда. Сондай-ақ, елімізде мойындауға қол жеткізу оңай еместігін, қиын жол екендігін түсіндім. Ол барлық тосқауылдарға қарамастан, өзінің кім екендігін дәлелдеп келеді», – деп жазды Әйгерім Саркенова Instagram-да.Оқырмандарына Әйгерім Саркенованың даналығы әсер етті. Олар Қайрат Нұртастың жағдайы жақсы болатынына сендірді:Айгерім – өте ақылды, білімді, парасатты қыз, жар, келін. Өзіндік үні бар, керемет қалыптасқан тұлға. Бәріне ақылмен жеткен, өзіндік орны бар, өзін сыйлата біледі, өзгені де сыйлай алады. Қайрат мықты әнші,өз басым жақсы көремін и әр кез қолдаймын.Ер жігіттің басына не келмейді бұл да бір кезекті сынақ, Алла жар болсын. Келіні өте ақылды екен. Ағаң аман жүрсін Жарайсың, міне ақылды келін, көргенді жердің қызы. Бір сынақтың артында екі еселенген жақсылық бар. Құдай қаласа бәрі жақсы болады. Міне, отбасына әбден сіңген келін Алтын бала ғой Қайратжан, аман болсын!… Аяғынан шалғандар оларда шалынар бір күні….Сурет: Instagram/sarkenova.aigerim

Тұтқындалған Қайрат Нұртасқа келіні жылы лебізін білдіріп, әсерлі жазба қалдырды

<a href="https://kyzylorda-news.kz/">Kyzylorda-news.kz</a> Биыл қала, оған қарасты кент және ауылдық округтерде ұзындығы 112,8 шақырымды құрайтын 95 көшеге қайта жаңғырту, орташа және күрделі жол жөндеу жұмыстары жүргізілуде. Бұл жұмыстарға облыс әкімінің қолдауымен бюджеттің барлық көздерінен 25,2 млрд. теңге қаржы бөлінді.Осы қаржының 1,3 млрд. теңгесі кент және ауылдық округтердегі ұзындығы 39,5 шақырымды құрайтын 38 көшенің орташа жол жөндеу жұмыстарына қаралған. Ауыл халқы қолға алынған ауқымды жұмыстарға шараларға ризашылықтарын білдіруде.Фото: қала әкімдігі

Жол жөндеу жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> Дмитрий Малаховтың төрағалығымен Қаржылық мониторинг агенттігінде бірінші жартыжылдық жұмысының қорытындысы шығарылды.Алқа отырысында есепті кезеңде Мемлекет басшысының тапсырмасын орындау үшін АЖ/ТҚҚ туралы заңнаманы жетілдіру және экономикалық құқық бұзушылықтарды одан әрі қылмыссыздандыру бойынша жұмыс жүргізілгені атап өтілді.Бюджеттік кредитті заңсыз алу және мақсатсыз пайдалану, бухгалтерлік есеп, экономикалық контрабанда туралы заңнаманы бұзу және кедендік баждарды төлеуден жалтару сияқты экономикалық қылмыстарды қылмыссыздандыру арқылы кәсіпкерлердің құқықтарын қамтамасыз етуді қосымша ынталандыру бойынша дәйекті жұмыс жүргізілуде.Қаржылық мониторинг органдарының қызметі қылмыстық қудалау орбитасына адал бизнесті негізсіз тартуға жол бермеуге бағытталған.Көлеңкелі экономикаға қарсы іс-қимыл жөніндегі кешенді жоспар шеңберінде мемлекеттік органдардың бизнесқоғамдастықпен өзара іс-қимылының ашықтығын қамтамасыз етуге бағытталған 36 ақпараттық жүйе енгізіліп, жаңғыртылды.Бюджет қаражатын жұмсау мониторингі шеңберінде құны 300 млрд теңгеден асатын 35 мемлекеттік жоба бойынша ЖСҚ-да бағаны негізсіз көтермелеуі анықталды. Агенттіктің бастамасы бойынша олардың құны 45 млрд теңгеге төмендетілді.19,2 млрд теңгеге бюджет қаражатын ұрлаудың 111 фактісі бойынша сотқа дейінгі тергеп-тексеру жүргізілуде.Азаматтарды алаяқтық схемаларға тартудан қорғау мақсатында қаржы пирамидаларын ұйымдастырушыларға қатысты 22 тергеу басталды. Құқыққа қарсы мазмұндағы 14 мың сілтеме алдын ала бұғатталып, 100-ден астам құқыққа қарсы чаттар мен аккаунттар жойылды.Жалпы, қылмыстық істер бойынша өтем 3,5 есе (48,3-тен 164,4 млрд теңгеге дейін), оның ішінде ақша 7 есе (11-ден 79 млрд теңгеге дейін) ұлғайды, бұл жұмыс тиімділігінің артқанын көрсетеді.Жаңа технологиялар саласында крипто құралдарын қылмыстық мақсатта пайдалану мониторингі бойынша ведомствоаралық кеңес өткізілді. Тәуекелдерді секторлық бағалау жүргізілді және оларды азайту жөніндегі тиісті шаралар жоспары бекітілді. Қазақстан виртуалды активтер бойынша ФАТФ тобына қосылды.Агенттік Төрағасы қызметкерлерді жоғары лауазымдарға тағайындау кезінде кадрлық әлеуетті дамытудың және меритократия қағидатын сақтаудың маңыздылығын атап өтті.Қорытындылай келе, Дмитрий Малахов көлеңкелі экономикаға қарсы күрес саласында бюджет қаражатын ұрлауды, контрабанданы, есірткі бизнесін және ұйымдасқан қылмыстық топтарды қаржыландыруды анықтау жөніндегі жұмысты күшейтуді, сондай-ақ адал бизнесті дамыту үшін қолайлы ортаны қамтамасыз етуді және кәсіпкерлерді қылмыстық қудалау орбитасына тартудан қорғауды тапсырды.ҚР ҚМА Баспасөз қызметі

Бюджет қаражатын ұрлаудың 111 фактісі бойынша сотқа дейінгі тергеу жүргізілуде

<a href="https://kyzylorda-news.kz/">Kyzylorda-news.kz</a> Қазақстанда су айдындарында қаза тапқандардың саны күннен-күнге көбейіп жатыр. Алайда балалар өлімінің күрт өсуі үлкен <a href="https://kaz.inform.kz/news/elmzde-suga-tusp-koz-zhumip-zhatkan-bala-sani-kurt-kobeyd-0b09ac/">алаңдаушылық</a> тудырады.Жазатайым оқиғалар демалыс күндері жиі кездеседі. Қауіпсіздік ережелерін елемеу, жабдықталмаған жерлерде шомылу және балаларды назардан тыс қалдыру көбінесе қайғылы жағдайға әкеліп жатыр. Мәселен, шомылу маусымы басталғаннан бері 85 адам, оның ішінде 35 бала суға батып кетті.<blockquote>«ТЖМ қазақстандықтарды судағы қауіпсіздік ережелерін сақтауға шақырады. Тыйым салынған жерлерде шомылу өмірге қауіп төндіріп қана қоймай, айыппұл түрінде әкімшілік жауапкершілікке әкеледі. Тек әкімшілік құқық бұзушылық туралы кодекстің 412-бабы бойынша 721 қазақстандыққа 18 миллион теңгеден астам сомаға айыппұл салынды», – делінген Төтенше жағдайлар министрлігі хабарламасында.</blockquote>Министрліктің халықты қорғау бойынша қабылдаған шаралары өз тиімділігін көрсетіп жатыр. Оған дәлел, 45 күннің ішінде құтқарушылар 153 адамның, оның ішінде 38 баланың қаза болуына жол бермеді.Фото: Жетісу облысының әкімдігі

Қазақстан және Қызылорда облысының жаңалықтары