&nbsp;<a href="https://kyzylorda-news.kz/">Kyzylorda-news.kz</a>&nbsp; Жүрек, ми, жұлын аурулары қазақстандықтар арасында жиі кездеседі. Сондықтан аталған дерт түрлерін емдеуге жеке клиникаларда да жіті көңіл бөлінеді. Міндетті әлеуметтік медициналық сақтандырудың арқасында пациенттер клиникаларда диагностикалық тексеруден, дәрі-дәрмекпен және физиоемдеуден өте алады.Қызылорда қаласының тұрғыны Мағрипа Сматова «Жуас» клиникасында ем алып жүр. Егде жастағы пациентке артрит, артроз, жарық (грыжа) диагноздары қойылған. Мағрипа апаның айтуынша, ауруханаға жатқызу порталының жолдамасымен ол қазір клиникада ешқандай кедергісіз және уақытылы ем алуда.<blockquote>«Бұрын да осында қаралғанмын. Оң нәтиже байқадым. Күш түскенде және қозғалғанда буын-буыным сырқырайтын. Қазір еркін қозғалатын болдым. Сондықтан қайтадан «Жуасқа» келдім. Денсаулығыңды күткен, ауруды асқындырып алмаған дұрыс қой. Клиникада медициналық қызмет, дәрі-дәрмекпен қамту, тамақ тегін екенін айтқым келеді», - дейді Мағрипа Сматова.</blockquote>«Жуас» клиникасында кардиологиялық, неврологиялық ауруға шалдыққан науқастардың да емделуіне мүмкіндігі бар. Тәулік бойғы және күндізгі стационарлар бар. Емдеудің мерзімі – 10 күн. Дәрі-дәрмек терапиясы, массаж, ЛФК, мануалды терапия және тағы басқалар қамтылған.&nbsp; Неврологиялық бөлім меңгерушісі Асхат Төлеповтың айтуынша, МӘМС пен жеке клиникаларда медициналық қызметтердің қолжетімділігінің арқасында пациенттер уақытылы ем қабылдай алады.«МӘМС аймақта инсульт кезіндегі көмек қызметінің қарыштап дамуына жол ашып отыр. Медициналық ұйымдарда КТ, МРТ аппараттары орнатылған. Ангиограф аппараты қолданысқа енгізілгелі буын, ми, аяқ-қол және өзге де ағзалар патологиясын ерте анықтау мүмкіндігі екі есе артты. Әлбетте, мұның бәрі кардиологиялық, неврологиялық аурулар бойынша мүгедектікке шығу көрсеткіші төмендеді», - дейді Асхат Төлепов.Әлеуметтік сақтандыру қорының Қызылорда облысы бойынша филиалы 2024 жылы 112 медициналық қызмет тасымалдаушымен (30-ы – мемлекеттік, 82-сі – жеке) жалпы көлемі 118,03 млрд теңге көлемінде келісімшарт жасасқан. Оның ішінде мемлекеттік медициналық ұйымдар тарапынан 103,55 млрд теңге, жеке ұйымдарға - 14,48 млрд теңге бөлінді.

МӘМС-тің арқасында жеке клиникаларда медициналық қызметтер қолжетімді

&nbsp;<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жұмыс сапарымен Астана қаласына барды. Сапар кезінде аймақ басшысы Президент Әкімшілігі, Үкімет және тиісті министрліктерге облыстың даму жобалары бойынша ұсыныстар енгізді.&nbsp;Дүйсенбіде Нұрлыбек Нәлібаев ҚР Премьер-министрінің орынбасары – Ұлттық экономика министрі Нұрлан Байбазаровпен кездесіп, аймақтың экономикалық өсіміне қатысты мәселелерді, алдағы жоспарды талқылады.Сейсенбіде ҚР Премьер-министрі Олжас Бектеновтің төрағалығымен өткен Үкімет отырысына қатысты. Күн тәртібінде газ саласын дамыту мәселелері талқыланды. Үкімет отырысынан кейінгі арнайы мәжілісте аталған мәселе бойынша аймақтағы жағдай қаралып, жауапты тұлғаларға бірқатар тапсырма берілді.&nbsp;Жиында сұйытылған газдың басқа облыстарға кетпеуін қадағалау, газ құю станцияларының тиісті заңнама талаптарын сақтауына мониторинг жүргізу қажеттігі ескертілді.Мұнан бөлек, елді мекендерді газдандыру жайы қаралды. Өткен жылдың қорытындысына қарасақ, тұрғындарды табиғи газбен қамту үлесі 75 пайыз болды, 12 елді мекен табиғи газға қосылды. Осылайша газдандырылған ауылдар саны 35-ке жетті.​ Биыл республикалық бюджеттен 20 жобаға 5,9 млрд теңге берілді. Бұдан бөлек, «Самұрық-Қазына» акционерлік қоғамы 16 газдандыру жобасын қаржыландыруға 24 млрд теңге бөлді. Жыл соңына дейін 11 ауылдық елді мекен табиғи газға қосылып, "көгілдір отынмен" қамту деңгейін 78 пайызға, газдандырылған елді мекен санын 46-ға жеткізу жоспарлануда.Бүгін облыс әкімі «Жайлы мектеп» ұлттық жобасын жүзеге асыру және жылу маусымына дайындық барысы талқыланған Президент Әкімшілігінің отырысына қатысты.Еске салайық, бұған дейін аймақ басшысы жауапты тұлғаларға сол жағалаудағы 900 орындық, Арал қаласындағы және Жаңақорған кентіндегі 600 орындық мектептерді 1 қыркүйекке дейін оқушылар игілігіне беруді, қалған 7 мектепті қараша айына дейін салып бітіруді жүктеген болатын.«Жайлы мектеп» ұлттық жобасы аясында облыста 12 300 орынға арналған 21 мектеп салу жоспарланған. Өткен жылы 6900 орындық 10 мектептің құрылысы басталса, биыл 5400 орындық 11 мектеп құрылысы басталады деп күтілуде. Қызылорда облысының әкімдігі мектептерге инфрақұрылым жеткізуге жергілікті бюджеттен 118,4 млн. теңге бөліп, жоба-сметалық құжаттары әзірленді. Сараптама қорытындысы алынды. Инфрақұрылым жүргізуге жергілікті бюджеттен 1,7 млрд. теңге бөлініп, 7 мектептің құрылыс-монтаж жұмыстары аяқталды.Жылы беру маусымына дайындық қарқынды жүруде. Бұл мақсатқа Үкімет барынша қолдау көрсетіп, сұратылған қаржы бөлінуде. Желілерді жаңғыртуға республикалық бюджеттен 6 млрд. 200 млн. теңге, «Қызылорда жылу-электр орталығының» «Bono energy» маркалы 3 бу қазандығын жаңғыртуға Үкімет резервінен 2 млрд. теңге, барлығы 8,3 млрд.теңге бөлінді.Биыл жылумен қамту нысандарын жаңғыртуға 12 млрд.теңге қаржы қаралды. Оның ішінде жоғарыда атап өтілгендей, республикалық бюджеттен 8,3 млрд.теңге, облыстық бюджеттен 3 млрд.теңге, «ҚЖЭО» өз қаржысы есебінен 566 млн.теңге. Жергілікті бюджет және кәсіпорын қаржысы есебінен 2 газотурбиналық қондырғының генераторы мен 11 қазандыққа күрделі жөндеу, 1 турбина мен 15 қазандыққа ағымдағы жөндеу жүргізілуде. Жылу желілерін жаңғыртудағы 6 жобаны іске асыруға 6 млрд. 900 млн. теңге қаржы бөлінді.Облыстағы 1 067 әлеуметтік нысанның дайындығы 51%, оның ішінде білім беру нысандары 48%, денсаулық сақтау 52%, мәдениет және спорт нысандары 55% әзір.Биыл «Қызылорда жылу-электр орталығының» газотурбиналық қондырғылары мен автономды қазандықтарын жөндеуге облыстық бюджеттен 2 млрд. теңгеге жуық қаржы бөлінді. Жауапты мекеме басшыларына осы жұмыстың сапалы әрі мерзімінде атқарылуын бақылау тапсырылды.Айта кету керек, Мемлекет басшысы Қасым-Жомарт Кемелұлының оңтүстік өңірлерде электр энергиясы тапшылығын болдырмау тапсырмасына және қолданыстағы орталықтың тозығы жетуіне байланысты түрік инвесторымен бірлесіп, құны 215 млрд теңге болатын жаңа жылу орталығының құрылысы басталғаны белгілі. Орталық 2025 жылы іске қосылады. Шетелдік инвестиция есебінен салынатын жаңа ЖЭО 240МВт электр қуатын өндіре алады. Жоба жүзеге асырылғанда Қызылорда облысы электр энергиясымен, Қызылорда қаласы жылу энергиясы және ыстық сумен толық қамтылатын болады.Биыл облыстағы 9 әлеуметтік нысанның қазандықтарын газға ауыстыруға қажетті қаржы бөлінді.Фото: Қызылорда облысы әкімінің баспасөз қызметі

Аймақ басшысы өңірдің экономикалық мәселелері бойынша Астана қаласына барды

<a href="https://kyzylorda-news.kz/">Kyzylorda-news.kz</a> &nbsp;Республикалық маңызы бар «Қызылорда-Жезқазған» жолы ұзақ жылдан бері күрмеуі шешілмей келген, халық арасында біраз талқыға салынған мәселелердің бірі еді. Мемлекет басшысы Қасым-Жомарт Тоқаев аталған автомобиль жолы құрылысын бастауды және жолаушылар қатынасына қолайлы, сапалы етіп салуды тапсырған болатын.&nbsp;Көлік министрі Марат Қарабаев Қызылорда облысына жұмыс сапарымен келіп, «Қызылорда-Жезқазған» автожолын қайта жаңғырту барысымен танысты. Сыр өңірін еліміздің орталығымен байланыстыратын күре жолдың ұзындығы – 424 шақырым. Қызылорда облысының аумағындағы 216 шақырымның 140 шақырымы осы жылы аяқталады. Жоба құны - 108,5 млрд. теңге.Бүгінде Ұлытау облысының аумағындағы сегіз учаскенің құрылысымен айналысатын төрт мердігер анықталған. Оларға биыл күзде жұмысқа кірісу міндеті қойылды.&nbsp;Ал Қызылорда облысындағы учаскелерде құрылыс жұмыстары 2022 жылы басталған. Оған шетелдік және жергілікті компаниялар жұмылдырылған. Бес асфальтбетон зауыты мен алты арнайы ұсақтау қондырғысы жұмыс жасайды. Аймақтағы бес учаскеде құрылыс қарқынды. Мердігерлерге 140 шақырымды биыл аяқтау міндеттелді.&nbsp;Бүгінде Қызылорда облысындағы жол учаскелеріне 120 шақырым жаңа асфальт төселді (төменгі қабат). Құрылысқа 900 маман және 450 арнайы техника жұмылдырылған.«Қызылорда-Жезқазған» автожолын қайта жаңғырту жұмыстарымен танысу барысында Көлік министрі М.Қарабаевтың қатысуымен арнайы мәжіліс өтті. Жиынға Қызылорда облысы әкімінің орынбасары А. Зебешев, Көлік министрлігі Автомобиль жолдары комитетінің төрағасы А. Тұрсынұлы, «ҚазАвтоЖол» ҰҚ» АҚ төрағасы Д.Иманшаев, Қызылорда облысының жолаушылар көлігі және автомобиль жолдары басқармасының басшысы Ж. Сыздықов, «ҚазАвтоЖол» ҰҚ» АҚ Қызылорда облысы филиалының директоры Е. Жүнісов қатысты.Сонымен қатар, кездесуде республикалық маңызы бар «Самара-Шымкент» автомобиль жолының Қызылорда қаласынан Ақтөбе облысы бағытындағы 566 шақырым бөлігін 4 жолақтыға (I-б техникалық санатқа) ауыстыру мәселесі қаралды. Жобалау-іздестіру жұмыстарын, техникалық-экономикалық негіздемесін, мердігерді осы жылы анықтау және жөндеу жұмыстарын 2025 жылдың 4-тоқсанында бастау жоспарлануда.Фото: Қызылорда облысы әкімінің баспасөз қызметі

Көлік министрі “Қызылорда-Жезқазған” жолының құрылыс барысын көрді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысына жұмыс сапарымен келген Су ресурстары және ирригация министрі Нұржан Нұржігітовке облыс әкімінің орынбасары Бахыт Жаханов Арал ауданы, Аманөткел ауылдық округі тұсындағы «Қамыстыбас» және «Ақшатау» көлдер жүйесін суландырудың жай-күйін таныстырды.Аталған көлдер жүйесінің аумағы – 40459 гектар, оның ішінде «Қамыстыбас» көлдер жүйесінің аумағы – 28029 гектар, «Ақшатау» көлдер жүйесінің аумағы – 12430 гектар.Еске салсақ, Арал ауданындағы 2021 жылғы қуаңшылыққа байланысты Сырдария өзенінің «Бұрмақұлақ» арнасы бөгеліп, «Аспай» ескі ағытқысы қалпына келтірілді. Осылайша көлдер жүйесі суландырылды.«Арал ауданындағы «Қамыстыбас» және «Ақшатау» көлдер жүйелерін суландыру үшін «Аманөткел» ауылының тұсына су торабын салу» жобасының техника-экономикалық негіздемесі әзірленіп, биыл «Мемсараптама» РМК-ға қарауға ұсынылған болатын. Жоба құны – 35 млрд.теңге. Республикалық бюджеттен жоба-сметалық құжат әзірлеу ұсынылды.Нұржан Нұржігітов «Қамыстыбас» пансионатында Арал ауданының тұрғындарымен кездесті. Кездесуде су шаруашылығы саласындағы өзекті мәселелер талқыланды.Биыл вегетация кезеңінде «Шардара» су қоймасына 3,7 млрд текше метр су түсуі болжанған еді. Осы жылдың 10 шілдесіндегі мәліметтерге қарағанда, нақты 3,8 млрд текше метр су түсіп, болжам 144 пайызға орындалды.Бүгінде «Шардараға» жоғарыдан секундына 204,7 текше метр су келіп, қоймадағы су көлемі 3 млрд текше метр болды. Бұл өткен жылдың сәйкес кезеңімен салыстырғанда 752 млн текше метрге артық.Облыс шекарасына өткен жылмен салыстырғанда 289 млн текше метр артық су түсті. Алқаптар вегетация кезеңінде сумен жеткілікті көлемде қамтылды. Өзен арқылы түскен артық су Арал теңізіне жіберілуде. Өткен жылы осы уақытта теңізге секундына 6 текше метр су жіберілсе, бүгінде 65-75 текше метр су баруда. Жыл басынан бері 1,3 млрд текше метр су құйылған.Әрі қарай министр «Әйтек» су торабы арқылы Солтүстік Аралға баратын су көлемін бақылап, Сырдария, Жалағаш аудандарының су пайдаланушыларымен кездеседі.Фото: Облыс әкімдігі

Су ресурстары және ирригация министрі Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a> ҚР ҰҚК Шекара қызметінің Қызылорда облысы бойынша департаменті азаматтарды келісім-шарт негізінде әскери қызметке қабылдау жүргізуді бастады. Сондай-ақ, ҰҚК Шекара академиясына, одан бөлек шет елдердің әскери оқу орындарына қабылданатын үміткерлерді де іріктейді. &nbsp;Өңірлік коммуникациялар қызметінің ақпарат алаңына сала мамандары келіп керек мағлұматтарымен бөлісті.– Шекара академиясы мектеп түлектерін оқуға қабылдау науқаны басталды.<blockquote>Бұл келесі жылдың наурыз айына дейін жүргізіледі. Шекара қызметіне жоғары немесе арнайы орта білімі бар, мерзімді әскери қызметін шекара бөлімдерінде өтеген 25 дейінгі азаматтар да үміткер бола алады. Сонымен қатар, жоғары білімі бар, алайда жұмыссыз жүрген облыс жастарын жұмысқа қабылдау науқаны жүріп жатыр. Оның белгілі бір мерзімі жоқ. Айта кету керек, жоғарғы оқу орнын бітірген,әскери кафедраны оқыған запастағы офицер мамандары да бізге қазіргі таңда қажет. Күнделікті қабылдау жүргіземіз. Таңғы сағат 09:00 мен кешкі 19:00 аралағындағы қабылдаймыз. Мемлекетіміздің шекара шебін күзететін жандарды күтеміз,- деді ҚР ҰҚК Шекара қызметі Қызылорда облысы бойынша департаменті, тәрбиелік идеологиялық және кадрлық жұмыстары бөлімшесінің бастығы Данияр Жұпарбеков.</blockquote>Әскери қызметке қабылдау жүргізілуде.<blockquote>– Шекара қауіпсіздігі – мемлекеттің тұрақты дамуының кепілі. Темірдей тәртіпке төзімді, қажыр-қайраты жететін мамандарды дайындап шығару біздің міндетіміз. Шекарашы болуды үлкен бақыт деп санаймын. Себебі елдің тыныштығын қызғыштай қорып, күзету мее үшін үлкен мәртебе. Ал бұл қабылдауды жастарға берілген тамаша мүмкіндік деп білемін. Есігіміз әрдайым ашық. Патриот азаматтарды күтетін боламыз, – деді «Застава тарландары» Республикалық қоғамдық бірлестігі Қызылорда облыстық филиалының төрағасы Асан Худаяров.</blockquote>Фото: Өңірлік коммуникациялар қызметі

Әскери қызметке қабылдау жүргізілуде

<a href="https://kyzylorda-news.kz/">Kyzylorda-news.kz</a> Қызылорда облысы Арал ауданындағы <a href="https://kaz.inform.kz/news/kizilorda-oblisinda-zhanarmay-kuyu-beketnen-ort-shikti-6df019/">жанармай құю бекеті</a>нде өрт болды.Облыстық төтенше жағдайлар департаментінің мәліметіне сүйенсек, 17 шілдеде сағат 11.43 шамасында аудандық №3 мамандандырылған өрт сөндіру бөлімінің 101 арнасына Арал қаласындағы «Sinooil май құю бекетінде» өрт шыққаны туралы хабарлама келіп түскен. Оқиға орнына аудандық 3 мамандандырылған өрт сөндіру бөлімінің 3 негізгі өрт сөндіру автокөлігі мен 10 қызметкер жұмылдырылған. Тілсіз жау 12:00-де толық сөндірілді.<blockquote>«Өрт жанар-жағармай материалдарына арналған резервуардың жануынан пайда болған. Зардап шеккендер тіркелген жоқ. Өрттің шығу себебі анықталуда», – деп мәлім етті Арал ауданы әкімдігінен.</blockquote>Еске салсақ, бұдан бұрын Қызылордада құрылыс заттары дүкенінен өрт шығып, ондағы тауарлар түгел жанып кетті.Фото: Арал ауданы

Қызылорда облысында жанармай құю бекетінен өрт шықты

<a href="https://kyzylorda-news.kz/">Kyzylorda-news.kz</a> &nbsp;Жетісу облысында білім бөлімінің бұрынғы бастығы аса ірі көлемде пара алмақ&nbsp;болғаны&nbsp;үшін сотталды. Бұл туралы <a href="https://stan.kz/380-mln-tenge-talap-etken-zhetisu-oblisinda-bilim-bolim-403422/">Stan.kz</a> ақпарат агенттігі хабарлайды.Іс сотта қаралды.&nbsp;Бұрынғы білім бөлімінің бастығы бухгалтер мен оның екі сыбайласының ірі мөлшерде бюджет қаражатын жымқырғанын анықтаған. Оларға қатысты жымқыру фактісі бойынша жеке қылмыстық іс жүргізілуде.“Бөлім бастығы өзінің қызметтік жағдайын пайдалана отырып, ол бухгалтерден атқарып отырған лауазымын босатуды немесе қамқорлығы үшін 380 млн теңге пара беруді талап еткен. Бухгалтер мен оның сыбайластары 200 миллион теңге жинап, оны көлік жүргізушісі арқылы бөлім бастығына берген. Кейінірек, басшы параның қалған сомасын талап еткенде, бухгалтер құқық қорғау органдарына жүгініп, басшы 80 миллион теңге пара алған кезде ұсталған”, –&nbsp;делінген хабарламада.Сотталушының кінәсі куәгерлердің айғақтарымен, сот сараптамаларының қорытындыларымен, қылмыстық іс материалдарымен және іс бойынша жиналған басқа да дәлелдемелермен расталады.Прокурор сотталушыны 11 жылға бас бостандығынан айыруды сұраған. Сотталушы өзінің кінәсін мойындамады.Сот жаза тағайындау кезінде сотталушының жас балаларының болуын ескерген.“Сотталушы кінәлі деп танылып, ол&nbsp;11 жылға бас бостандығынан айырылды”, –&nbsp;делінген соттың хабарламасында.Сот үкімі заңды күшіне енген жоқ.Фото:&nbsp;freepik.com

Ірі көлемде пара алған білім бөлімінің экс-бастығы бас бостандығынан айырылды

<a href="https://kyzylorda-news.kz/">Kyzylorda-news.kz</a> Елордада алғашқы ірі креативті хаб өз жұмысын бастады, деп хабарлайды El.kz ақпарат агенттігі.Мәдениет және ақпарат министрлігінің мәліметінше, шығармашылық кеңістік мемлекет басшысының тапсырмасымен ашылды. Қасым-Жомарт Тоқаев Ұлттық құрылтайдың үшінші отырысында бұл сала еліміздің экономикасын өркендетуге тың серпін беретініне сенім білдірген еді.Креативті хабтың ашылу салтанатына мәдениет және ақпарат министрі Аида Балаева, Қазақстан Республикасы Парламенті Сенатының депутаты Андрей Лукин мен Астана қаласының әкімі Жеңіс Қасымбек қатысты. Қонақтар сәндік-қолданбалы өнер шеберлерімен танысып, ұлттық болмысты сақтауда қазақтың дәстүрлі ою-өрнегін қастерлеп-насихаттаудың маңызы зор екенін айтты.Ауданы 1,5 мың шаршы метрді құрайтын үш қабатты ғимарат нетворкинг жасап, креативті индустрия жобаларын жүзеге асыру алаңына айналмақ. Хаб бірнеше бағыттағы аймақтарға бөлінген. Атап айтқанда, кітап дүкені мен отандық баспалардың өнімдеріне арналған оқу залы, этно-мұражай, қолөнер шеберханалары, заманауи өнер қойылымдары, музыкалық және әдеби кештер алаңы, сонымен қатар «Smart nomad games» жобасы мен заманауи өнер галереясы бар.Осындай хабтарды Қазақстанның барлық аймағында ашу жоспарлануда. Олар шығармашылық жобаларды іске асыруға және коммерцияландыруға, сондай-ақ шығармашылық нарыққа жүздеген маман қосуға ықпал етеді.

Астанада креативті хаб ашылды

<a href="https://kyzylorda-news.kz/">Kyzylorda-news.kz</a> Оқу ағарту министрлігі жаңа оқу жылының басталу мерзімі мен ұзақтығын, каникул кезеңдерін бекітті, деп хабарлайды El.kz ақпарат агенттігі.Оқу жылы, құжатқа сәйкес, әдеттегідей 2024 жылғы 1 қыркүйекте басталып, 2025 жылғы 25 мамырда аяқталады.І тоқсанның ұзақтығы 8 оқу апта болады, күзгі демалыс – күнтізбелік 7 күн (2024 жылғы 28 қазаннан бастап 3 қарашаны қоса алғанда);ІІ тоқсан – 8 оқу аптасы, қысқы демалыс – күнтізбелік 10 күн (2024 жылғы 30 желтоқсаннан бастап 2025 жылғы 8 қаңтарды қоса алғанда);ІІІ тоқсан – 10 оқу аптасы, көктемгі демалыс – күнтізбелік 11 күн (2025 жылғы 21-31 наурызды қоса алғанда);ІV тоқсан – 8 оқу аптасы.

Жаңа оқу жылында оқушылар қанша күн демалады

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы Қызылорда қалалық филиалының кезектен тыс ХХХV конференциясы өтті. Жиынға Саяси кеңес мүшесі Жорабек Ибрагимұлы Нұрымбетов және партияның қалалық филиалының Атқарушы хатшысы Гүлшат Исақызы Мұсаева қатысты.&nbsp;Алдымен&nbsp;партияның қалалық филиалы жанындағы Саяси кеңесінің құрамына өзгерістер енгізу мәселесі қаралды. Кадрлық өзгерістердің орын алуына байланысты «AMANAT» партиясы Жарғысының 9.6 тармағына сай&nbsp; Саяси кеңес мүшелері құрамына өзгерістер енгізілді.Сонымен қатар, Конференция барысында партияның облыстық филиалының кезектен тыс&nbsp;XXXIV&nbsp;конференциясына делегаттар сайланды.&nbsp;<img src="https://knadmin.beoblood.kz/uploads/10_632d4de43d.jpg" alt="10.jpg">

Партияның қалалық филиалының кезектен тыс XXXV конференциясы өтті

&nbsp;<a href="https://kyzylorda-news.kz/">Kyzylorda-news.kz</a> Қызылордада әйелдер мен ер адамның төбелесінен кейін қылмыстық іс қозғалды. Бұған дейін <a href="https://t.me/egovpress/7029">Egov.Press</a> Telegram каналы төрт әйел кездесіп, сары көйлек киген бойжеткен олардың бірін қол-аяғымен ұрып-соғып жатқаны, содан кейін ер адам төбелеске араласып жатқан видеоны таратқан болатын.<blockquote>«Қызылордалық полицейлер бір топ жастың бұзақылық әрекетін тоқтатты. Қылмыстық іс қозғалды. Барлық қатысушылар анықталып, полицияға жеткізілді. Оқиғаның мән-жайы анықталуда», –деп хабарлады Қызылорда облыстық полиция департаментінің баспасөз қызметі ҚазТАГ сайтының сауалына.</blockquote>Фото: jasqazaq.kz

Қызылордада әйелдер мен ер адамның төбелесінен кейін қылмыстық іс қозғалды

<a href="https://kyzylorda-news.kz/">Kyzylorda-news.kz</a> Облыстық табиғи ресурстар және табиғат пайдалануды реттеу басқармасы жыл басынан бері жүйелі жұмыстар атқарып, оң нәтижеге қол жеткізіп келеді. Алдағы екі жылда барлық аудандар мен Қызылорда қаласында «Ірі қалаларда қатты тұрмыстық қалдықтарды қайта өңдейтін зауыттар салу» жоспарланған. Бұл туралы басқарма басшысы Серік Сермағамбетов мәлімдеді.<blockquote>– Мемлекет басшысы Қасым-Жомарт Тоқаевтың «Ірі қалаларда қатты тұрмыстық қалдықтарды қайта өңдейтін зауыттар салу» тапсырмасына сәйкес, облыс әкімінің қолдауымен алдағы екі жылда 9 жобаны іске асыру жоспарланып отыр. Қалдықтарды сұрыптау және өңдеу саласында 8 жоба «Жасыл Даму» акционерлік қоғамының қаржыландыру механизмі арқылы іске асырылады. Оның ішінде, облыс орталығы Қызылорда қаласында 2 ірі жобаны жүзеге асыру жоспарланған. Оның бірі Оңтүстік Корея инвесторларымен жүзеге асырылатын қолданыстағы полигонды жаңғырту жобасы. Аталмыш жоба аясында Оңтүстік Корея технологиясы бойынша қатты тұрмыстық қалдықтарды сұрыптау, өңдеу және кәдеге жарату зауыты салынатын болады. Қуаттылығы жылына 300 мың тоннаны құрайтын зауытта қалдықтар кәдеге жаратылып, электр энергиясы өндірілетін болады. Сонымен қатар, 100-ден аса бос жұмыс орындары құрылады. Бұдан бөлек, қуаттылығы жылына 220 млн шыны ыдыстарын шығаратын жобаны іске асырмақпыз. Зауытқа шикізат ретінде өнімнің 50 пайызына Республика бойынша жинақталған шыны қалдықтар қолданылатын болады. Жалпы, барлық жобалар толық жүзеге асқан жағдайда 500-ден аса тұрақты жұмыс орындары ашылып, 500 мың тоннадан астам қатты тұрмыстық қалдықтар сұрыптау және қайта өңдеуден өтеді, – деді Серік Сағитжанұлы.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары