<a href="https://kyzylorda-news.kz/">Kyzylorda-news.kz</a> Қазақстандық ата-аналар соңғы кезде оқушылар мен мүғалімдерді видеоға түсіріп, челленджерге қатыстыру үрдісінің көбейіп кеткенін айтып шағымдануда.&nbsp;Парламенті мәжілісінің депутаты, бұрынғы білім&nbsp;және ғылым министрі Асхат Аймағамбетов мұндай тенденцияға қарсы екенін мәлімдеді. Бұл туралы&nbsp;<a href="https://stan.kz/akilga-konimsiz-aymagambetov-mygalimderdin-sabak-barisi-407271/">Stan.kz</a>&nbsp;ақпарат агенттігі хабарлайды.Аймағамбетов мұғалімдердің негізгі міндеті білім беру екенін алға тартты.<blockquote>«Жақында, тіпті КВН-да осы туралы қалжың көріп қалдым. &nbsp;Бұл видео түсіру, оны желіге жүктеу қалыпты жағдайға айналғанын көрсетеді. Сабақтарды немесе тәрбиелік іс-шараларды түсіріп, өңдеп, әлеуметтік желілерде жариялап жатады. Бұл қаншалықты дұрыс?&nbsp;Біріншіден, мектеп оқушыларының түрін&nbsp;рұқсатсыз жарияланып жатады. Мысалы, менің балаларымның түрі жарияланғанын қаламаймын, өйткені бұл балалардың жеке&nbsp;құқығы. Мұғалім балаңыздан оның фотосын&nbsp;немесе видеосын әлеуметтік желіде жариялау үшін рұқсат&nbsp;сұрауы керек. Екіншіден, бұл мұғалімнің негізгі міндетіне кері әсерін тигізеді. Мұғалім сабақты өткенін түсірумен, оны монтаждап, бөлісумен айналыспауы керек», –&nbsp;деп атап өтті Асхат Аймағамбетов.</blockquote>Аймағамбетов мұғалімдер&nbsp;уақыты мен күш-қуаты сабақ беруге және оқушыларды тәрбиелеуге бағыттау&nbsp;тиіс екенін айтты. Әрине, қосымша шараларға қатысуға ниет білдірген мұғалімдер де болуы мүмкін, бірақ бұл міндеттелмеуі керек дейді ол.<blockquote>“Күн сайын 100 шақты мектеп өткізіп жатқан іс-шарасын желіде бөлісіп, менің парақшамды белгілейді.&nbsp;Бірақ бұл көбіне формальді&nbsp;түрде жүзеге асып жатқан үрдіс&nbsp;сияқты.&nbsp;Мұғалім сабақ беруі керек, оның өз міндеттері бар. Бұл ақылға қонымсыз және қажетсіз идея», –&nbsp;деді Асхат Аймағамбетов.</blockquote>Сурет:gov.kz

Аймағамбетов мұғалімдердің сабақ барысын видеоға түсіріп, желіде бөлісуін сынады

<a href="https://kyzylorda-news.kz/">Kyzylorda-news.kz</a>&nbsp; Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Астанада балабақшада төрт жасар баланың басы зақымдалып, ауруханаға жеткізілген. Деректерге сүйенсек, оның басынан өзге тәрбиеленуші бүлдіршіннің &nbsp;орындықпен ұрған, деп хабарлайды<a href="https://sn.kz/"> Skifnews.kz </a>ақпарат порталы.Оқиға «Медина» балабақшасында болған. Сәбидің анасының айтуынша, ол 24 қыркүйекте таңертең ұлын балабақшаға апарған. Ал 9:41-де тәрбиеші ұлының басын ұрып алғанын айтып хабарласқан.Анасы балабақшаға келгенде, ұлының басындағы ашық жарақатты көріп, шошып кеткен. 10-15 минуттан кейін «жедел жәрдем» келіп, баланы ауруханаға жеткізіп, жарақаттанған жерін тіккен.&nbsp;Кейін ұлдың анасы бейнебақылау камераларынан қарауды талап еткен. Басқа кішкентай баланың ұлының басынан темір орындықпен ұрып жатқан сәті видеоға түсіп қалған.&nbsp;Бұдан соң әйел видеодан тәрбиешілердің дөрекі және қатыгез қарым-қатынасын да көргенін айтты.&nbsp;<blockquote>«Анасы бастапқыда жағдайды түсінуге тырысты. Бірақ видеоны көргеннен кейін әділеттілікті талап етті», - делінген хабарламада.</blockquote>Балабақша өкілдері оқиғадан соң ақшалай көмек ұсынып, кешірім сұраған. Бірақ анасы кінәлілердің жауапқа тартылғанын қалайтынын айтады. Ол материалдық көмектен бас тартқан. Сондай-ақ соққының салдары ұлының денсаулығына әсер етуі мүмкін екенін жеткізді. Себебі бала бұған дейін сөйлемей, тек ым-ишарамен түсіндіріп жүрген.Келесі күні баланың атасы тәрбиешілерге ашуланған. Ал баланың інісін балабақшадан шығарып алды деп болжануда.<blockquote>«Бүгінгі таңда балабақша тәрбиешісі Қазақстан Республикасы Еңбек кодексінің 49-бабына сәйкес 25 қыркүйектен бастап жұмыстан шығарылды», - деп түсіндірді ведомство.</blockquote>Фото: видеодан алынды

Астанада 4 жасар баланың басынан темір орындықпен ұрған

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен жылу маусымына дайындық, берілген тапсырмалардың орындалуы талқыланған мәжіліс өтті. Жиынға жауапты сала басшылары, қала, аудан әкімдері қатысты.<blockquote>«Жылу беру маусымына дайындық жұмыстарының нәтижесін көретін уақыт жақындап қалды. Үкімет барынша қолдау көрсетіп, сұратылған қаржыны бөлді. Биыл жылу көздері мен желілерін жаңғыртуға республикалық және жергілікті бюджеттен 12 млрд.теңге қаржы бағытталды. Оны тиімді игеріп, жұмысты уақытылы, сапалы жүргізу қажет. Алдағы жылу беру маусымында ешқандай мәселе туындамауы тиіс. Биыл 11 әлеуметтік нысанның қазандықтарын газға ауыстыруға 410 млн.теңге бөлінді. Мамыр айында 9 нысанның қазандығына 303 млн.теңге берілді. Газдандыру мәселесі кезең-кезіңімен шешілуде. Елді мекендердің негізгі бөлігі көмір пайдаланады. Көмірмен қамтамасыз етуге қатысты бұған дейінгі тапсырмалар уақытылы әрі сапалы орындалуы тиіс», – деді Нұрлыбек Нәлібаев.</blockquote>Сонымен қатар, қала және аудан әкімдеріне, бюджеттік бағдарлама әкімшілеріне, коммуналдық кәсіпорын басшыларына әлеуметтік нысандарда жоспарланған күрделі жөндеу, қазандықтарды қайта жаңғырту жұмыстарын бақылау жүктелді. Тұрғындар, әлеуметтік нысандар қатты және сұйық отыннан тапшылық көрмеуі керек.Айта кетейік, жергілікті бюджет есебінен 2 газотурбиналық қондырғының генераторы мен 11 қазандыққа күрделі, 1 турбина мен 15 қазандыққа ағымдағы жөндеу жүргізілуде.Жаңғыртудан өтетін 9,5 шақырым жылу желісінің 9,2 шақырымы жүргізіліп, жұмыстың 97 пайызы бітті, 741 шақырым электр желісі мен 127 қосалқы станцияға күрделі жөндеу, 45 шақырым электр желіcі мен 48 трансформаторға ағымдағы жөндеу жұмыстары қарқын алды.Облыстағы 1 067 әлеуметтік нысанның дайындығы 100 пайыз. Алдағы жылу беру маусымына 162,5 мың тонна, оның ішінде, тұрғындарға 135,7 мың тонна, әлеуметтік нысандарға 26,8 мың тонна көмір керек. Қазір көмір қоймаларында 33 мың тонна қор бар.<img src="https://knadmin.beoblood.kz/uploads/461977708_833603832294196_1217680531939950944_n_3db81655fe.jpg" alt="461977708_833603832294196_1217680531939950944_n.jpg">Фото: Қызылорда облысы әкімінің баспасөз қызметі

Н.Нәлібаев: "Жылу беру маусымы кедергісіз өтуі керек"

<a href="https://kyzylorda-news.kz/">Kyzylorda-news.kz</a> Парламент Мәжілісінің депутаты, Amanat партиясы фракциясының мүшесі Мархабат Жайымбетов премьер-министрдің орынбасары Серік Жұманғаринге онлайн сауда алаңдары мен тауарларды таңбалау проблемалары туралы депутаттық сауал жолдады, деп хабарлайды <a href="https://azattyq-ruhy.kz/society/78032-deputat-marketpleis-arkyly-n-pakasyn-aiyryp-otyrgan-azamattardyn-mun-yn-zhetkizdi/amp">Azattyq Rýhy.</a><blockquote>&nbsp; «Халықпен кездесуде әлеуметтiк жағынан осал топтағы жандар маркетплейс арқылы нәпақасын тауып жатқандығын жеткізді. Алайда олар біршама кедергілерге тап болып отыр», - дейді мәжілісмен.</blockquote>Бірінші – &nbsp;тауарды таңбалау талабы.Депутаттың айтуынша, ірі бизнес, яғни көтерме сатушылардың көбісі бұл талапты сақтамайды және таңбаланбаған тауарларды сатады. Ал олардың бұл іс-әрекеті шағын кәсіп иелеріне зиян тигізіп отыр. Депутаттың айтуынша, ірі бизнес, яғни көтерме сатушылардың көбісі бұл талапты сақтамайды және таңбаланбаған тауарларды сатады. Ал олардың бұл іс-әрекеті шағын кәсіп иелеріне зиян тигізіп отыр.«Себебі кедендік ресімдеудің оңайлатылған түрі бола тұра, қажетті шарттар толық орындалмайды. Таңбалау бойынша міндетті талаптар сақталмайды. Өз кезегінде уәкілетті операторлар мен ірі импорттаушылар салғырттық танытып тұр. Солардың «бармақ басты, көз қысты» әрекеттерінен салық төлемдері де дұрыс түспейді. Елімізде салық түсімдері бойынша орындау жоспарына сәйкес 2,4 трлн теңге қаражат бюджетке түспеген», - деп мәлімдеді Жайымбетов. Екінші мәселесі тауарларды заңсыз әкелуге қатысты. Депутат кеден органдары тарапынан бақылау жеткіліксіз деп санайды. Өйткені кедендік бақылау пунктінен миллиардтаған қаражат айналымы өтіп жатыр.<blockquote>«Қазір Қытай мен Қазақстан арасында сауда қайнап жатыр! Заңды тауар өткізіп жатса жақсы, ал заңды белшесінен басып жүргендер қаншама? Кеден бекеттерінде таңбалау мен қауіпсіздік алғышарттардың бірі болуы қажет. Бізде маркировка алмағаны үшін айыппұл көзі де қарастырылмаған. Сол маркировканың талабы мен машақаты қиын ба, белгісіз, көп азаматтарымыз көрші мемлекеттен қойма ашып, салықтарын сол мемлекетке төлеп жүр. Бізде оңтайландыруға кім кедергі?», - дейді депутат.</blockquote>Азаматтарды мазалайтын үшінші проблема – &nbsp;таңбалау қызметіне жауапты сайттың жұмысы.<blockquote>«Елімізде маркировканы беретін жалғыз мекеме - «Цифрлық экономиканы дамыту орталығы» ЖШС. Әсіресе, жалғыз маркировка бойынша дара сайт ismet.kz жұмысын әлі де жетілдіруді талап етеді. Аталған сайт қарапайым халыққа түсінікті және үздіксіз жұмыс жасау қажет. Жалпы, бұл мекеме ашықтықтың қайнар көзі болуы тиіс. Ал, осы мекемеде жұмыс шикі болса, маркетплейс арқылы өз арбасын өздері сүйретіп жүрген шағын кәсіпкерлерге кедергісін тигізеді. Бүгінде интернет сауда арқылы бала-шағасын аузына сары май құймаса да, өз жыртығын бүтіндеп жатқан халық жетерлік!», - дейді Жайымбетов.</blockquote>Осыған байланысты мәжілісмен үкіметке бірнеше ұсыныс тастады: міндетті тауарларды таңбалау жөніндегі талаптарды сақтамағаны үшін жауапкершілікті қайта қарап, күшейту; интернет сауда алаңдарын зерделеп, талаптары мен пайыздық мөлшерлемерін төмендету бойынша маркетплейс өкілдерімен жан-жақты келіссөз жүргізу; Қазақстандағы маркировка қызметіне жауапты Ismet.kz платформасында тауарлармен айналысатын бөлшек саудадағы адал бизнес жүргізіп отырған кәсіпкерлерге ел аумағына импортталып қойылған тауарларды қайта таңбалауға мүмкіндік беру; «Цифрлық экономиканы дамыту орталығы» ЖШС мекемесін мемлекеттік органның қарамағына беру және жұмыстарына жүйелі түрде сараптама жүргізу.Фото: primeminister.kz

Депутат маркетплейс арқылы нәпақасын айырып отырған азаматтардың мұңын жеткізді

<a href="https://kyzylorda-news.kz/">Kyzylorda-news.kz</a> Қызылорда қаласында жылу беру маусымы 15 қазанға жоспарланып отыр. Бұл туралы қала әкімдігінің баспасөз орталығында өткен брифингте Қызылорда жылу электр орталығы &nbsp;мекемесінің «Жылу жүйелері» бөлім басшысы Хасанғали Иманғалиев баяндады.Жалпы қала бойынша орталықтандырылған жылу жүйесіне барлығы 1621 нысан қосылған. Бүгінгі таңда кәсіпорынның теңгерімінде 23 энергия өндіруші нысан бар.Қызылорда қаласының жылу желілерінің тозуын азайту мақсатында 6 жоба жүзеге асырылуда. Аталған жоба аясында жалпы ұзындағы 9,5 км құрайтын жылу желілері қайта жаңғыртылуда. Сонымен қатар, кәсіпорынның өз қаражаты есебінен ұзындығы 4,3 км кварталаралық жылу желілеріне ағымдағы жөндеу жұмыстары жүргізілді.<blockquote>— Қазіргі таңда магистралдық және кварталаралық жылу құбырларының тығыздығы мен беріктігін сынау үшін &nbsp;гидравликалық сынақ жұмыстары жүргізілуде. Егер күнтізбелік бес күн ішінде гирдрометеорологиялық қызмет тіркеген сыртқы ауаның орташа тәуліктік температурасы +10⁰ С және одан төмен немесе сыртқы ауа температурасының күрт төмендеуі туралы болжам болған жағдайда қала әкімінің шешімімен жылу беру маусымы басталады. Биыл жылу беру маусымы 15 қазанға жоспарланып отыр, - деді бөлім басшысы Хасанғали Айғалиұлы.</blockquote><figure class="image"><img src="https://knadmin.beoblood.kz/uploads/7a77e879_b894_403b_b211_abd52da91c8e_d73d30a4a8.jpeg" alt="7a77e879-b894-403b-b211-abd52da91c8e.jpeg"></figure>Фото: pixabay.com &nbsp;

Қызылордада 15 қазанда жылу беріледі 

<a href="https://kyzylorda-news.kz/">Kyzylorda-news.kz</a> Әлеуметтік желіде елордадағы №32 мектеп мұғалімі жетінші сынып оқушысына тиіскені туралы ақпарат тарады. Ата-аналар оқу орнына келіп, педагогты жауапқа тартуды талап еткен. Бұл туралы <a href="https://stan.kz/astanadagi-mektepte-mygalim-7-sinip-okushisina-tiisip-t-407241/">Stan.kz а</a>қпарат агенттігі хабарлайды.Мәліметтерге сенсек, қыз бала ата-анасына 1981 жылы туған мұғалімнің оған тиіскенін және WhatsApp арқылы түнде жазып тұрғанын айтқан.<blockquote>“Егер…&nbsp;Жаман ойлап қал ма? Сен, түсініп тұрсың ғой, иә. Мен сенікі, ал сен мендік&nbsp;боласың. Жақсы ма?&nbsp;Мұны&nbsp;барлық мағынада айтып тұрмын”, –&nbsp;деп мұғалім оқушы қызға хабарлама жіберген.</blockquote>Мектеп директоры оқиғадан кейін мұғалімді жедел түрде жұмыстан шығарып, басқа оқу орнына орналасуына мүмкіндік берген.Елордадағы білім басқармасының баспасөз қызметі мұғалімнің 2024 жылдың 2 қыркүйегінен бастап мектепте сынақ мерзімінде жұмыс істегенін мәлімдеді.Осылайша 30 қыркүйекте мектептің тәртіптік комиссиясының шешімі бойынша педагог ҚР Еңбек кодексінің 52-бабының 14-тармағы "Тәрбиелік қызметтерді атқаратын қызметкердің осы жұмысты жалғастыруға жарамсыз моральдық теріс қылық жасауы" бойынша жұмыстан шығарылды.Сондай-ақ қазіргі уақытта қала полиция департаменті бұл факті бойынша қылмыстық іс қозғағанын, тергеу жүргізіліп жатқанын атап өтті. Басқа ақпарат берілмеді. Себебі бұл қылмыстық процестік кодекстің бабына сәйкес құпия ақпарат.Фото видеодан скриншот жасалған

Астанада 43 жастағы мұғалім оқушы қыздарға тиісіп, жұмыстан қуылды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының елордада өткен ауыл шаруашылығы жәрмеңкесіне 600 тоннадан астам өнім жеткізілді. Екі күнге жалғасқан тоқшылық мерекесінде сырдық ақ күріші мен айдынды Аралдың балығынан бөлек, ұлттық сусындар, көкөніс пен жеміс-жидек те халықтың сұранысына ие болды. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы жіне жер қатынастары басқармасының басшысы Талғат Дүйсебаев мәлімдеді.<blockquote>– Арқа төрінде ұйымдастырылған бұл шараға астаналық тұрғындарға арнап 50-ден астам өнімнің түрі жеткізілді. Жәрмеңкеде 100-ге жуық Сыр дихандары мен тауар өндірушілері 80 жүк көлігіне тиелген құны 270 млн теңге болатын өнімдерді елорда тұрғындары мен қонақтарына ұсынды. Атап айтқанда, 300 тоннадан астам күріш, 10 тонна ет өнімдері, 30 тоннаға жуық балық, 80 тонна көкөніс пен жеміс-жидектер, 180 тонна бақша өнімдері, 3 тонна ас тұзы мен 15 тоннаға жуық сүт және кондитерлік өнімдер жеткізілді. Айта кету керек, біз апарған өнімдер Астана нарығындағы бағадан 15-20 пайызға төмен бағада сатылды. Ауыл шаруашылығы жәрмеңкесіне жиналған жұрт арзандатылған отандық және табиғи өнімге қызығушылық танытып, зор ықыласын білдіріп, дән риза болды. Сонымен қатар, елордалықтарға ерекше көңіл-күй сыйлау үшін Сыр елінің өнерпаздарының қатысуымен концерттік бағдарлама да қойылды, – деді Талғат Тұрсынұлы.</blockquote>Фото:&nbsp;Қызылорда облысының Өңірлік коммуникациялар қызметі

 Қызылордалықтар жәрмеңкеге 600 тонна өнім апарды

<a href="https://kyzylorda-news.kz/">Kyzylorda-news.kz</a> “Жол активтерінің ұлттық сапа орталығы” РМК ҚОФ мамандары енді онлайн зертханамен жұмыс істейді.&nbsp;Бұл платформада жол құрылыс материалдарына жүргізілген сынамалардың нәтижесі тіркеліп, кез келген уақытта қол жетімді болады. Яғни, мамандар қағазбастылықтан арылып, электронды жүйеге көшуде. Бүгінде филиал қызметкерлері онлайн зертханамен жұмыс істеудің қыр-сырын үйреніп жатыр. Әрбір жолға жүргізілген тексерулер осы платформада сақталады.&nbsp;<blockquote>– &nbsp;Бұл жаңашылдық арқылы жұмысымыз едәуір жеңілдей түседі. Бұрынғыдай сынамаларды қағазға түсіріп, оны сканерлеп электронды форматқа ауыстырып әуре болмаймыз. Онлайн зертхана арқылы мамандар кез келген уақытта интернет желісі арқылы қажетті мәліметін ала алады. Бұл жұмысты жеңілдетіп қана қоймай, өндіріс ауқымын ұлғайтуға да мүмкіндік беріп отыр, – &nbsp;деді филиал директоры Ерболат Көштаев.</blockquote>Фото: eqaa.eu<img src="https://knadmin.beoblood.kz/uploads/12bb52a1_7998_49ea_9681_0014b7fe4881_c16c997481.jpg" alt="12bb52a1-7998-49ea-9681-0014b7fe4881.jpg">

Сынамалар онлайн зертханада тіркеледі

<a href="https://kyzylorda-news.kz/">Kyzylorda-news.kz</a> Республикалық референдумға 4 күн қалды.Маңызды саяси науқанда азаматтардың дауыс беруіне қолайлы жағдай үшін Қызылорда облысының әкімдігі арнайы 4 сервисті жүзеге асырды.<a href="https://referendum.orda.gov.kz/kk">https://referendum.orda.gov.kz/kk</a> сайты тұрғындар үшін үздіксіз жұмыс жүргізуде. Мұнда азаматтар сайтқа кіру арқылы өз учаскесін анықтап, референдум комиссиясының мекен-жайы, байланыс деректері және комиссия мүшелерінің құрамы туралы ақпаратты біледі. Сондай-ақ, әрбір азамат яндекс карта арқылы өз учаскесіне баратын жолдың сызбасын және такси құнын да көре алады.Бүгінгі күнге дейін сайтты 5000-нан аса тұрғын қолданған.&nbsp;Бұл қызметтер «Smart Qyzylorda» мобильді қосымшасында және телеграм <a href="https://t.me/referendumKzo_bot">https://t.me/referendumKzo_bot</a> желісінде бар.<blockquote>– Референдум кезінде «Жедел әрекет ету орталығы» КММ-нің 109 бірыңғай байланыс қызметі 24/7 жұмыс жасауда. 2 ауысыммен жұмыс істейтін 24 диспетчер 25 күннің ішінде 1000-ға жуық қоңырауға жауап берді. Сауалдардың басым бөлігі – азаматтардың өз учаскесін анықтауы және дауыс берушілерді уақытша тіркеу мәселелеріне қатысты, – дейді мекеме директоры Темірхан Мұқанғали.</blockquote>Сондай-ақ, дауыс беру күні Қызылорда қаласындағы 5 учаскеде онлайн сервис ашылып, тізімде жоқ азаматтарды тіркеу қызметімен айналысады. Олардың да тізімі аталған сайтқа енгізілген.№198 РУ – №5 мектеп-лицей№250 РУ – №261 орта мектеп№189 РУ – №136 мектеп-лицей№264 РУ – №264 мектеп-лицей№347 РУ – №271 орта мектепАйта кетейік, Қызылорда өңірінде 380 референдум учаскесі бар. Мұнда 492&nbsp;380 азамат дауыс беруге құқылы.Фото: ашық дереккөз

Референдум: Қызылордадағы 109 Call орталығына 1000-ға жуық қоңырау түскен

<a href="https://kyzylorda-news.kz/">Kyzylorda-news.kz</a> Белгілі тележүргізуші, актриса, әнші және продюсер Баян Алагузова саясатта болса, Қазақстан үшін не істейтінін айтты, деп хабарлайды&nbsp;<a href="https://qaz.ulysmedia.kz/news/20234-bizdi-erler-baskaryp-otyr-baian-alagozova-deputat-ielderdi-kobeitu-kerek-dedi/">Ulysmedia.kz.</a>Астанада өткен «Анамның қолымен жасалған» Қазақстан әйелдерінің бесінші форумы өтті. Жиында белгілі продюсер Баян Алагөзова сөз сөйледі.Айта кетейік, шоу-бизнестен басқа Баян Алагөзова қоғамдық қызметпен белсенді айналысады. Жақында “Жұлдыз” зорлық-зомбылықтың құрбаны болған әйелдер мен балаларға арналған оңалту орталығын ашты.Форум аясында белгілі продюсер Қазақстандағы заң шығарушы органда әйелдер көп болуы керек деген көзқарасын білдірді. Көрермендердің сұрағына жауап бере отырып, ол мүмкіндігі болса, Қазақстандағы депутаттардың 70%-ы әйелдер болатындай етіп жасайтын мәлімдеді.<blockquote>«Егер мен президент болсам, парламентті кем дегенде 70-те 30-ға бөлер едім. 70% әйелдер, 30% еркектер», –&nbsp;деді ол.</blockquote>Тележүргізуші қазіргі уақытта заңдарға кейбір ер адамдар жауап беретінін атап өтті.“Бізді еркектер басқарады” деген Алагөзова өз дегеніндей болса, “бақытты болар едік” деп түйіндеді сөзін.Фото: qaz.ulysmedia.kz

«Бізді еркектер басқарып отыр»: Баян Алагөзова депутат әйелдерді көбейтуді керегін мәлімдеді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен «Ауыл аманаты» жобасының іске асырылу барысы талқыланған мәжіліс өтті. Басқосуға басқарма басшылары, қала, аудан әкімдері қатысты.Аймақ басшысы жоба шеңберінде атқарылған жұмыстарға тоқталып, сала жетекшілеріне тапсырма жүктеді.<blockquote>«Ауыл аманаты» жобасы ауыл халқының әл-ауқатын жақсартуға және әлеуметтік мәселелерін шешуге бағытталған. Жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және жұмыссыздықты азайтуға мүмкіндік ұсынды. Бағдарламаның оң нәтижесі көз алдымызда. Өткен жылы республикалық бюджеттен 3 млрд. теңге қаралып, 406 жоба несиелендірілді, 713 жұмыс орны ашылды. Биыл 4 млрд. 600 млн. теңге қаржы бөлінуде.Қала және аудан әкімдері бағдарламаның артықшылықтарын тиімді пайдаланып, ауыл халқының табысын өсіруге ұмтылуы тиіс. Бұл ретте ауыл әкімдеріне зор жауапкершілік жүктеледі.«Ауыл аманаты» жобасының Сырдария ауданына қарасты «Бесарық» ауылында сәтті жүзеге асырылғанын көрдіңіздер. Осындай нәтижелі жұмыстар әр ауданда барынша сапалы және толыққанды атқарылуы тиіс», – деді Нұрлыбек Нәлібаев.</blockquote>Аталған бағдарлама өнім өндірумен қатар, оны өткізу мәселесін шешеді. Басымдық өңірдің ерекшелігіне қарай өндірістік жобаларға беріледі. Ал мал шаруашылығына қатысты жобаларға асылтұқымды мал сатып алу талабы қойылады. Бұл төрт түліктің тұқымын түрлендіруге жол ашады, сондай-ақ жақындарының малын тіркеп қоюшыларға кедергі болмақ. Осылайша қаржы нақты мақсатына жұмсалады.«Ауыл аманаты» жобасы бойынша 1 томат пастасы цехы, 34 жылыжай ашылып, 671 асылтұқымды төрт түлік алынды. Сонымен бірге, 21 сүт және ет өнімдері өндірісі іске қосылып, 66 ауыл шаруашылығы техникасы әкелінді. Оған қоса 14 балық, 18 құс шаруашылығы өркен жайды. Жоба қатысушыларының арасынан 38 адам кондитер және нан өнімдерін пісірумен айналысады, 3 гидропоника, 7 жиhаз, 34 пластикалық өнімдер мен құрылыс материалдары өндірісі, 98 қызмет көрсету орны ашылды.Қалған жобалар бойынша мониторинг жалғасуда. «Ауыл аманаты» жобасының игілігін көрген 106 елді мекенде 51 ауыл шаруашылығы өндірістік кооперативі құрылып, оның 33-і 716 млн.теңгеге қаржыландырылды. Биыл 575 жобаны іске асыру, 610 жұмыс орнын ашу көзделуде.<img src="https://knadmin.beoblood.kz/uploads/461759506_833491232305456_5619924643750320101_n_66d2f24962.jpg" alt="461759506_833491232305456_5619924643750320101_n.jpg"><img src="https://knadmin.beoblood.kz/uploads/461927831_833491202305459_1416656513724838688_n_1cb0f2a064.jpg" alt="461927831_833491202305459_1416656513724838688_n.jpg"><img src="https://knadmin.beoblood.kz/uploads/461949173_833491225638790_4493718995613873957_n_91e35459bf.jpg" alt="461949173_833491225638790_4493718995613873957_n.jpg">Фото: Қызылорда облысы әкімінің баспасөз қызметі

«Ауыл аманаты» жобасының артықшылықтарын тиімді пайдалану керек

<a href="https://kyzylorda-news.kz/">Kyzylorda-news.kz</a> Облыстық қоғамдық даму басқармасының ұжымы «1 қазан – Халықаралық қарттар күніне» орай өңірдің дамуына елеулі еңбек сіңірген, мемлекеттік қызмет саласында ұзақ та жемісті еңбек еткен сала ардагері Алмасбек Сардарбекұлын арнайы құттықтады.Шарада сөз алған басқарма басшысы Р.Каюпов сала ардагеріне құттықтау лебізін білдіріп, ҚР Мәдениет және ақпарат министрлігінің «Еңбек ардагері» медалін табыстады.Алмасбек Сардарбекұлы еңбек жолын Сырдария ауданындағы №144 орта мектептің мұғалімі болып бастап, зейнетке шыққанға дейін әр жылдары облыстық тілдерді дамыту жөніндегі, облыстық ішкі саясат, жастар саясаты мәселелері басқармаларында түрлі лауазымдарда абыроймен еңбек етті.Алмасбек Сардарбекұлы мемлекеттік қызметте жүріп, жастарға әлім-тәрбие беруде, олардың іскерлік қабілетін арттыруда сіңірген еңбегі зор. Қай салада қызмет етсе де, ұжымды ауызбіршілікке ұйыстырып, ағалық қамқорлығын көрсете білді.Алмасбек Сардарбекұлымен бірге қызметтес болған әріптестері оның қағазға деген ұқыптылығын, сауаттылығын, ұйымдастыру қабілетін, үлкенге құрмет, кішіге ізет жасаудың үлгісін көрсете білген азамат ретінде таниды.Бүгінде зейнет демалысында болса да қоғамдық жұмыстарға белсене араласады.<img src="https://knadmin.beoblood.kz/uploads/461794484_1647920269099370_967819751766786023_n_a52764cd6a.jpg" alt="461794484_1647920269099370_967819751766786023_n.jpg">

Қазақстан және Қызылорда облысының жаңалықтары