<a href="https://kyzylorda-news.kz/">Kyzylorda-news.kz</a> Қызылорда облысында 24 пәтер тонауға қатысы бар адамдар ұсталды, деп хабарлайды Kyzylorda news ақпарат агенттігі El.kz сайтына сілтеме жасап.«ІТ TERGEU» жобасы аясында прокуратураның үйлестіруімен қызылордалық жедел уәкілдер үйлерге ұрлыққа түсуді табыс көзіне айналдырып келген адамдарды ұстады. Аталған топ Шиелі ауданында кезекті пәтерге ұрлыққа түсіп, «ізін суытпақ» болған кезде қолға түсті. Ұсталған үш күдіктінің бірі Абай облысының тұрғыны болса, екіншісі Ақмола облысының тұрғыны екені белгілі болды. Тергеу барысында олар үй иелерінің жоқтығын пайдаланып, пластик терезелерді күшпен ашып, үй ішіне заңсыз кіріп, ақша, құндыз тон, техника мен алтын бұйымдарды ұрлаған. Жедел-іздестіру іс-шараларының нәтижесінде жәбірленушілерге тиесілі алтын бұйымдар мен өзге де айғақ заттар заттай дәлелдеме ретінде алынды. Жәбірленушілерге келтірілген материалдық шығынның жалпы сомасы – 14 млн теңге. Бүгінгі күнде күдіктілер қамауға алынып, облыс аумағында 24 пәтер ұрлығын жасағаны анықталып, өзге де ұқсас фактілерге қатысы бар-жоғы тексеріліп жатыр. Тергеу жалғасуда. Өзге мән-жайлар Қазақстан Республикасы ҚПК-нің 47-бабы және 201-бабы тәртібінде жариялануға жатпайды.Фото: Нүркен Алишев

Қызылорда облысында 24 пәтер тонауға қатысы бар адамдар ұсталды

Мемлекетіміздің мүддесі үшін, еліміз бен жеріміз – ата-бабамыздың бізге қалдырған аманатын халық игілігі үшін сақтап қалу, келер ұрпақтарға жеткізу – ел тұтқасын ұстаған «AMANAT» партиясы үшін ең үлкен жауапкершілік.<a href="https://kyzylorda-news.kz/">Kyzylorda-news.kz</a> &nbsp;Тамыры терең тарихымыз, мәдениетіміз бен әдебиетіміз, тіліміз бен салт-дәстүріміз яғни, Тәуелсіз Қазақстанның құндылығын сақтап, оның дамуына жағдай жасау – партияның алға қойған міндеттерінің бірі.Соған орай Партиялық жобалар аясында &nbsp;«Белкөл» бастауыш партия ұйымының ұйымдастыруымен партия мүшелері арасында волейбол, шахмат спорт түрлерінен сайыстар өткізілді. Оған № 189 орта мектеп ұжым мүшелерімен қоса ата – аналарда белсенділік танытты.«AMANAT» партиясының жобалары аясындағы &nbsp;«Ардагерлерді аялайық» атты шарасында 9 Мамыр Жеңіс күніне орай тыл ардагерлеріне арнап «Белкөл» бастауыш партия ұйымымен және №189 орта мектеп ұжымымен және мектеп оқушыларынан құралған топ мерекелік шара ұйымдастырды. Осы орайда кентіміздегі 90 жастан асқан Ұлы Отан соғысының тыл ардагерлері Жақсылық Байтұрсын Әбдраманұлымен Беконова Тәжігүл анамызды құттықтадық. Ізгі ниетпен адамзат баласы мерекелейтін осы күннің тууына айтулы үлес қосқан батыр әкелеріміз пен аналарымыз ұлықтау – саналы ұрпақ міндеті болып қалмақ!«AMANAT» мемлекеттік мүддеге адал, қоғам игілігіне жұмыс істейтін партия. Халық ұғымында «аманатқа қиянат жасалмайды» деген нақыл сөз бар. ҚР Перезиденті Қ.К.Тоқаевтың халыққа жолдауындағы айтылған тапсырмалар, оларды жүйелі түрде іске асыру мақсатында халықтың үнін тыңдай отыра, аумақтағы халықпен кері байланыс үнемі жүргізіліп келеді. Мектеп оқушыларының &nbsp;ата-анасының тілектерін тыңдай отыра, оқушылардың жазғы демалыс күндерін тиімді өткізу үшін біршама жұмыстар атқарылды. Мектеп жанындағы &nbsp;«Балдәурен» күндізгі тынығу лагерінен ашылған ұлттық құндылығымызды насихаттау мақсатында ашылған қазақи нақыштағы жабдықталған шаңырақ астындағы лагерь болды. &nbsp;Ол біріншіден, оқушылардың жазғы демалыс күндерін тиімді өткізсе, екіншіден, балалар бойындағы ұлттық құндылығымыз саналатын барлық асыл қасиетте бойына сіңіру арқылы халқына адал қызмет ететін ұрпақ тәрбиелеу болатын.«Белкөл» бастауыш партиясы мүшелері «Таза бейсенбі» акциясы аясында үздіксіз сенбіліктер ұйымдастыруда. Мақсат – &nbsp;өзіміздің туған қаламыздың таза болуымен қатар, артымыздағы &nbsp;ұрпақтарымызға мұра болып саналатын туған жерімізді таза қалпында аманаттау.Еліміздің&nbsp;тұтастығы мен мызғымастығын сақтау, халықтың әл-ауқатын жақсарту, ұлтымыздың рухани болмысын жаңғыртып, қазақ тілінің мемлекеттік мәртебесін көтеру, &nbsp;ашық азаматтық қоғам қалыптастыру мақсатында жұмыс жасайтын «AMANAT» партиясы әрқашан халықтың жанашыры деп білемін.Кадиша Қорғанова,«Белкөл» бастауыш партия ұйымының төрағасы&nbsp;

Қоғамның еркіндігі  – ұлы құндылық

&nbsp;Қазір оның құрамында тоғыз академик бар, ал бұрынғы тізімнің күші жойылды.Қазақстанның экс-президенті Нұрсұлтан Назарбаев Ұлттық Ғылым академиясының академигі атағынан айырылды, деп хабарлайды <a href="https://sn.kz/sn-akparat-agyny/114659-nursultan-nazarbaev-tagy-bir-atagynan-aiyryldy">Skifnews.kz</a> ақпарат порталы.Бұл туралы бүгін Ғылым және жоғарғы білім министрі Саясат Нұрбектің қатысуымен өткен онлайн брифингте белгілі болды.&nbsp;Ол экс-президенттің академиктер тізімінен шығарылғанын растады.Экс-президент Нұрсұлтан Назарбаев 1995 жылдан бері Ұлттық ғылым академиясының мүшелігінде. Оның есімі жаңа тізімнен алынып тасталды. Мемлекет басшысының тапсырмасымен Ғылым академиясына&nbsp;қазір мықты ғалымдар тартылып жатыр.&nbsp;Қазір оның құрамында тоғыз академик бар, ал бұрынғы тізімнің күші жойылды.Фото: nege.kz

Нұрсұлтан Назарбаев Қазақстандағы тағы бір статусынан айырылды

<a href="https://kyzylorda-news.kz/">Kyzylorda-news.kz</a> &nbsp; Денсаулық сақтау министрлігі зейнетақы жинақтарының есебінен стоматологиялық қызметтерді көрсетуді алты айға тоқтата тұру туралы бұйрықтың жобасын әзірледі. Бұл туралы <a href="https://stan.kz/zeynetaki-zhinagindagi-akshaga-tis-emdeuge-shekteu-koyi-403743/">Stan.kz </a>ақпарат агенттігі хабарлайды.Протездеу және тістерді имплантаттау бойынша қымбат тұратын стоматологиялық қызметтерге қаражатты пайдалануды 2024 жылғы 10 тамыз бен 2025 жылғы 1 ақпан аралығында уақытша тоқтата тұру жоспарлануда.Біржолғы зейнетақы төлемдері жөніндегі уәкілетті оператор "Отбасы банк" АҚ ақпараты бойынша Бірыңғай жинақтаушы зейнетақы қорынан қаражатты стоматологиялық қызметтерге пайдалану кезінде нысаналы емес шығару жағдайлары тіркелген.Банктің мәліметінше, ол жүргізген қызметтік тексерулердің барысында жалған құжаттарды пайдалану және нақты медициналық қызметтерді көрсетпеу фактілері анықталды.<blockquote>"Осыған байланысты денсаулық сақтау министрлігі "Емдеуге біржолғы зейнетақы төлемдерін пайдалану қағидаларын бекіту туралы" Қазақстан Республикасы Денсаулық сақтау министрінің 2021 жылғы 15 ақпандағы № ҚР ДСМ-18 бұйрығына өзгерістер енгізу туралы" бұйрықтың жобасын әзірледі. Осы бұйрықпен протездеу және тістерді имплантаттау бойынша қымбат тұратын стоматологиялық қызметтерге қаражатты пайдалануды - 2024 жылғы 10 тамыздан 2025 жылғы 1 ақпанға дейін алты ай мерзімге уақытша тоқтата тұру көзделеді”, –&nbsp;делінген хабарламада.</blockquote>Осы уақыттың ішінде біржолғы зейнетақы төлемдері жөніндегі уәкілетті оператор БЖТ қаражатын мақсатсыз пайдалануға жол бермеу және стоматологиялық қызметтер көрсетудің ашықтығын қамтамасыз ету жөнінде тиісті жұмыс жүргізуге ниетті.Бұйрықтың жобасы 2024 жылғы 24 шілдеде талқылау үшін ашық нормативтік құқықтық актілер порталында орналастырылды.Фото:&nbsp;freepik.com

Қазақстанда зейнетақы жинағындағы ақшаға тіс емдеуге тыйым салынбақ: Министрлік себебін түсіндірді

<a href="https://kyzylorda-news.kz/">Kyzylorda-news.kz</a> &nbsp;Сыр өңіріне жұмыс сапарымен келген ҚР Премьер-Министрінің орынбасары Тамара Дүйсенова облыс орталығында пәтер кілттерін табыстау шарасына қатысты. Дарияның сол жағалауында 10 тұрғын үйдің құрылысы аяқталып, кезектегі 150 отбасы баспаналы болды.Салтанатты шарада сөз алған вице-премьер, пәтер кілтін алғандарды құттықтап, азаматтарға жайлы жағдай жасау мәселесі Мемлекет басшысының тұрақты назарында екенін жеткізді.<blockquote>«Халықтың әл-ауқатын арттыру, жайлы өмір сүруіне жағдай жасау – мемлекетіміздің ең басты стратегиялық міндеті. Бүгінде елімізде тұрғын үй мәселесін шешудің сатып алу, банктердің ипотека бағдарламалары, мемлекеттік бағдарлама бойынша баспана алу секілді әр түрлі жолдары қалыптасты. Жыл басынан бері еліміз бойынша 7,5 млн-ға жуық шаршы метр тұрғын үй пайдалануға берілді. Жыл соңына дейін көрсеткішті 18 млн-ға жеткізу көзделген. Бұл – мыңдаған отбасының баспана мәселесін шешуге мүмкіндік береді», – деп атап өтті Тамара Дүйсенова.</blockquote>Аймақ басшы Нұрлыбек Нәлібаев баспаналы болған азаматтарға игі тілегін білдіріп, жұрт қуанышына ортақтасты.<blockquote>«Құрылыс барысы әкімдіктің жіті бақылауында болды. Мердігерлер жұмысты сапалы атқарды деп санаймын. Ең бастысы, баспанаға мұқтаж жандардың бірқатары пәтірлі болып отыр. Аймақ әкімдігі бұл бағыттағы жұмысты ары қарай да жалғастыратын болады», – деді Нұрлыбек Нәлібаев.</blockquote>Пәтер алғандар арасында Гүлсезім Убайділдә бар. Жолдасымен жетімдер санатында кезекте тұрған. Бұған дейін жалдамалы пәтерлерде тұрып келген. Енді екі баланың анасы екі бөлмелі пәтердің иесі атанып отыр.<blockquote>«Өз баспанаң болғанға не жетсін. Бүгінге дейін туыстардың үйінде де тұрдық, пәтер де жалдадық. Енді міне, өзіміздің баспанамыз бар. Өте қуаныштымыз. Қолдау білдірген азаматтарға алғыс айтамын», – деді ол.</blockquote>Айта кетейік, баспаналардың құрылысына республикалық бюджеттен 8,5 млрд теңге бөлінген болатын. Бұл қаржыға 5 қабатты үйлер бой көтерді.<img src="https://knadmin.beoblood.kz/uploads/2_4ee146b6e9.jpg" alt="2.jpg"><img src="https://knadmin.beoblood.kz/uploads/3_01b3600b86.jpg" alt="3.jpg">Фото: Облыс әкімінің баспасөз қызметі

 Қызылордада 150 отбасы баспаналы болды

<a href="https://kyzylorda-news.kz/">Kyzylorda-news.kz</a> &nbsp;Қызылордадағы денсаулық сақтау инфрақұрылымы жаңа нысанмен толықты. Сырдың сол жағалауында жаңа қан орталығы ашылды. Салтанатты рәсімге өңірге жұмыс сапарымен барған ҚР Премьер-Министрінің орынбасары Тамара Дүйсенова қатысты. Шарада сондай-ақ облыс әкімі Нұрлыбек Нәлібаев, ҚР Парламенті Сенатының депутаттары Руслан Рүстемов, Наурызбай Байқадамов та болды.Бұған дейін қан орталығының өз алдына жеке ғимараты болмаған. Облыстық көпбейінді медициналық орталықта орналасқан еді. Жұмыс барысында орын тапшылығы сезілетін дейді қызметкерлері.Салтанатты шарада сөз алған Тамара Дүйсенова мемлекет тарапынан денсаулық сақтау саласына қатысты атқарылып жатқан шаралар туралы атап өтті. Қазірде елімізде Президент тапсырмасымен «Ауылда денсаулық сақтауды жаңғырту» ұлттық жобасы іске асуда. Оның шеңберінде елді мекендерде екі жылда 655 алғашқы медициналық санитариялық көмек беру нысандарын салу көзделген. Жоба аудандық ауруханаларды жетілдіруді де мақсат етеді.<blockquote>«Мемлекет тарапынан көрсетілген қолдау аясында бүгін жаңа Қан орталығының ашылуына куә болып отырмыз. Жылына он мың адамға қызмет көрсете алатын нысанның аймақ үшін маңызы зор. Біздің ең негізгі мақсатымыз ұлт денсаулығын сақтау. Ұлт денсаулығы – мемлекетіміздің даму кепілі», – деді вице-премьер.</blockquote>Облыс әкімі Нұрлыбек Нәлібаев та жерлестерін жаңа орталықтың ашылуымен құттықтады. Айта кетейік, ғимарат құрылысына республикалық бюджеттен 2,7 млрд теңге бөлінген болатын. Жыл сайын өңірде 10 мыңнан аса тұрғын донорлық қан тапсырады екен. Орталық медициналық ұйымдардың сұранысына сай 17 мың дозадан астам қан компоненттерін дайындамақ.Шара аясында аймақтың дансаулық сақтау саласының автопаркі де жаңа көліктермен толықты. Салтанатты түрде медицина мекемелері басшыларына 76 санитарлық автокөліктің кілті табысталды. Жаңа жедел жәрдем машиналары 11 медициналық мекеме аясында халық игілігіне жарайтын болады.<img src="https://knadmin.beoblood.kz/uploads/1_49329cc87b.jpg" alt="1.jpg"><img src="https://knadmin.beoblood.kz/uploads/2_58352f09a9.jpg" alt="2.jpg"><img src="https://knadmin.beoblood.kz/uploads/3_a87b38a270.jpg" alt="3.jpg"><img src="https://knadmin.beoblood.kz/uploads/4_ec0402210e.jpg" alt="4.jpg">Фото: Қызылорда облысы әкімінің баспасөз қызметі

Қызылордада қан орталығы ашылды

&nbsp;Фото: el.kz (Көрнекілік үшін)<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында жүргізіліп отырған жұмыстар жаңа реформалардың серпіні, сондай-ақ елдің әлеуметтік-экономикалық өмірін жаңғыртуға, азаматтардың әл-ауқатын жақсартуға бағытталған түбегейлі қайтақұруына белсенді қызмет атқаруда.Мұнда, Академия филиалының мәдени дәстүрі мен тарихи мұрасын сақтаушы және рухани – идеологиялық тәрбиеге бағытталған музей орналасқан. Бұл музейде ұлттық мәдени-тарихи нұсқаларды жинақтап, сақтап, насихаттап қана қоймай, жалпы адамзатқа тән үздік ұлттық құндылықтар мен дәстүрде тәрибеленген, отанын сүйетін, өз болашағын мемлекет болашығымен байланыстыратын, ел келешегін жалғастырушы, бәсекеге қабілетті жас мемлекеттік қызметшілерді тәрбиелеу міндетін де атқарады.Сонау 2000 жылдан бастау алған Академия филиалы Қызылорда облысы әкімінің шешімімен «Қызылорда облысы әкімінің кадрлар біліктілігін арттыру және қайта даярлау институты»Мемлекеттік қазынашылық кәсіпорны&nbsp;болып құрылды.Қазіргі таңда музей қорында осы аталған кезеңнен басталған хронологиялық ақпараттар толық қамтылған.Атап айтқанда,&nbsp;2000 ж. –&nbsp;Қызылорда облысы әкімінің 2000 жылғы&nbsp; 11 шілдедегі №260 шешімімен «Қызылорда облысы әкімінің кадрлар біліктілігін арттыру және қайта даярлау институты» Мемлекеттік қазынашылық кәсіпорны болып құрылды.2002 ж. –&nbsp;Қызылорда облысы әкімдігінің 2002 жылғы 28 мамырдағы&nbsp; №249 қаулысымен «Облыстық кадрлар біліктілігін арттыру және ақпараттық технологиялар институты» Мемлекеттік қазынашылық кәсіпорны болып өзгертілді.2005 ж. – Қызылорда облысы әкімдігінің 2005 жылғы 3 маусымдағы&nbsp; №447 қаулысымен Қызылорда облысы білім беру департаментінің «Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығы» шаруашылық жүргізу құқығындағы мемлекеттік кәсіпорны болып қайта құрылды.2007 ж. -&nbsp;Қазақстан Республикасы Үкіметінің 2005 жылғы 18 ақпандағы қаулысына сәйкес, Қызылорда облысы әкімдігінің 2007 жылғы 24 қаңтардағы&nbsp; №1 қаулысымен Қызылорда облысы әкімі аппаратының «Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру орталығы» шаруашылық жүргізу құқығындағы мемлекеттік коммуналдық кәсіпорын ретінде құрылды.2009 ж. - «Мемлекеттік қызметшілердің және бюджеттік сала қызметкерлерін қайта даярлау және олардың біліктілігін арттыру орталығының» жаңа ғимараты пайдалануға берілді.2012 ж. – Қызылорда облысы әкімдігінің 2011 жылғы 12 шілдедегі&nbsp; №74 қаулысымен Қызылорда облысы әкімі аппаратының «Мемлекеттік қызметшілердің және бюджеттік сала қызметкерлерін қайта даярлау және олардың біліктілігін арттыру орталығы» мемлекеттік коммуналдық қазынашылық кәсіпорны болып қайта құрылды.2017 ж. – Қазақстан Республикасы Үкіметінің 2017 жылғы 14 қыркүйектегі №559 қаулысына сәйкес «Қазақстан Республикасы Президентінің жанындағы Мемлекеттік басқару академиясы» Республикалық мемлекеттік қазынашылық кәсіпорны болып қайта ұйымдастырылды.Аймақтағы мемлекеттік қызметшілердің біліктілігін арттыру мекемесін түрлі жылдары т.ғ.д, профессор Арынов Қажымұқан Тоқтиярұлы (2000-2001), э.ғ.д Ким Ирина Леонидовна (2001-2004), э.ғ.д. Мұхамеджанова Әлия Ғафурқызы&nbsp; (2004-2007), Қазақстанның еңбек сіңірген қайраткері Әжібеков Қалқазбек&nbsp; (2007-2016), бюджеттік саладағы тәжірибелі қызметкер Искакова Райхан Хусаиновна (2016-2019), PhD Айтимов Мұрат Жолдасбекұлы (2019-2024) басқарғандығы туралы ақпараттар қамтылған.2017 жылдың 26 желтоқсанынан бері ҚР Президентінің жанындағы Мемлекеттік басқару академиясының Қызылорда облысындағы филиалы ретінде жұмыс жасап келе жатқан мекемеде 14 қызметкер қызмет атқарады. Оның ішінде профессор-оқытушылық құрам – 3 адам. Филиал базасында мемлекеттік қызметшілерді қайта даярлау және біліктілігін арттыру мақсатында 7 дәрісхана,&nbsp; 1 компьютерлік сынып жұмыс істейді.Осы ретте, филиалда жүзеге асып жатқан жобалар туралы ақпарат ұсынып өтейік.Онда, мемлекеттік қызметшілердің өзін-өзі дамыту, эмоциялық шаршау қалпының алдын алу және стресске төзімділігін арттыру мақсатында&nbsp; «Self- менеджмент» орталығы жұмыс істейді.Сонымен бірге, дарынды жастарды мемлекеттік қызметке тарту мақсатында ҚР Мемлекеттік қызмет істері агенттігінің Қызылорда облысы бойынша департаментімен бірлесіп «Абырой» жас мемлекеттік қызметшілер мектебі тыңдаушыларын оқытатын, арнайы аудитория дайындалды. ISO 37001 – халықаралық стандартына сәйкес сыбайлас жемқорлыққа қарсы менеджмент жүйесін әзірлеу және енгізу бойынша жетекші сарапшылар Академия филиалында жұмыс жасайды, олар аталған стандартқа сәйкес ұйымдарға консультациялық қызмет көрсетіп келеді.Жобалық менеджмент – Академияның Қызылорда облысы филиалында сертификатталған тренерлер облыстың жобалық кеңсе қызметкерлеріне әдістемелік қызмет көрсетіп, аймақтың мемлекеттік органдары қызметіне жобалық тәсілді енгізуді жүзеге асыруда. Сонымен бірге, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментімен бірлесе мемлекеттік қызметшілер арасында сыбайлас жемқорлықтың алдын алу және сыбайлас жемқорлыққа қарсы мәдениетті қалыптастыру бойынша ақпараттық-ағартушылық білім берілуде.Осы ақпараттардың барлығы музейдің танымдық базасында қалыптасқан.Мемлекеттік қызметшілер, жалпы жастармен ұрпақ сабақтастығын қалыптастыруда Акдемия филиалы музейінің орыны ерекше.&nbsp;Ж.Қ.Шынтасов,ҚР Мемлекеттік қызмет істері агенттігінің&nbsp;Қызылорда облысы бойынша департаментінің&nbsp;Мемлекеттік қызмет басқармасының басшысы&nbsp;&nbsp;

Академия филиалында «Self- менеджмент» орталығы жұмысын бастады

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы тұрғындарының өтініштерінің басым бөлігін медициналық қызметтердің сапасына қатысты мәселелер құрайды. Бұл туралы Шиелі ауданы әкімдігінің баспасөз орталығында өткен брифингте&nbsp;Әлеуметтік медициналық сақтандыру қорыныңоблыстық филиалының директорының м.а.&nbsp;Жұпар Алхожаева мәлімдеді.Спикердің мәліметінше, 2024 жылдың бірінші жартыжылдығында 468 өтініш түскен. Негізінен медициналық қызметтердің сапасы, медициналық көмек көрсетуден бас тарту мәселелері бойынша.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<blockquote>«Көп жағдайда қызылордалықтар 1414 Бірыңғайбайланыс орталығы арқылыжүгінеді, желіге 220сұрақ пеншағым түсті.Одан бөлек, Қор мамандары «Qoldau 24/7»мобильді қосымшасында 219 өтінішті өңдеді. Мұнда құжаттар қоса берілген мәтіндік форматтағы өтініштер жолданады. Әрі қарай өтінішке реттік нөмір беріледі, содан кейін өңдеу мәртебесі бақыланады», - деді Жұпар Алхожаева.</blockquote>ӘМСҚ-ның филиалының өкілі МӘМС жүйесіне қатысты сұрақтарды Қордың fms.kz ресми сайтында және Telegram-да Saqtandyrybot арқылы да шешуге болатынын айтты. Сонымен қатар, жоғарыда аталған байланыс арналары арқылы, сондай-ақ Halyk Bank, Kaspi Bank мобильді қосымшаларында және egov.kz электронды үкімет порталында сақтандыру мәртебеңізді анықтауға болады.&nbsp;Брифинг соңында спикер МӘМС жүйесінде «сақтандырылған» мәртебесін қалай алуға болатынын түсіндірді.

Жыл басынан бері ӘМСҚ-ға қызылордалықтардан 500-ге жуық өтініш келіп түсті 

<a href="https://kyzylorda-news.kz/">Kyzylorda-news.kz</a> Шымкентте отбасылық жанжал кезінде полиция подполковнигі, қалалық полиция департаментіне қарасты Жедел басқару орталығының инспекторы анасына қол көтеріп, денсаулығына жеңіл дәрежедегі зиян келтірген, деп хабарлайды <a href="https://qaz.ulysmedia.kz/news/17747-shymkentte-anasyna-kol-kotergen-politsei-kyzmetinen-kuyldy/">Ulysmedia.kz.</a>Сот отырысында полицейдің анасы ұлының қол көтергенін растаған. Ал тәртіп сақшысы ашу үстінде анасын ұрғанын мойындап, кешірім сұраған.<blockquote>“Сот шешімімен полиция қызметкері Әкімшілік құқық бұзушылық туралы кодекстің 73-1-бабының 1-1-бөлігімен кінәлі деп танылды. Оған әкімшілік жаза ретінде ескерту берілді. Сот шешімі шыққан соң полиция подполковнигі жұмыстан босатылды», - делінген полиция хабарламасында.&nbsp;</blockquote>Фото: ашық дереккөзден

Анасына қол көтерген полицей қызметінен қуылды

&nbsp;<a href="https://kyzylorda-news.kz/">Kyzylorda-news.kz</a> &nbsp;Облыстық «Жастар ресурстық орталығы» КММ-нің директоры қызметіне Басаров Әліби Төлепбергенұлы тағайындалды.Әліби Төлепбергенұлы 1990 жылы Қызылорда қаласында дүниеге келген. «Болашақ» университетін ақпараттық жүйелер мамандығында білім алған.Еңбек жолын 2011 жылы «Қызылорда жастары» қауымдастығынан бастаған.2011 - 2014 жж. «Қазақстан КВН Одағы» Республикалық жастар қоғамдық бірлестігінің «Қызылорда КВН» филиалында, «Қызық орда» қоғамдық қорында түрлі қызметтер атқарған.2014 - 2017 жж. «Облыстық Жастар ресурстық орталығында» кеңесші, Қызылорда қалалық бөлімінің басшысы.2017 - 2019 жж. Қызылорда қалалық «Жастар ресурстық орталығында» кеңесші.2019 - 2021 жж. Қызылорда қаласында «Жайдарман академиясының» директоры.2020 - 2022 жж. «Облыстық Жастар ресурстық орталығында» бөлім басшысы.2022 - 2024 жж. Қызылорда қалалық «Жастар ресурстық орталығының» директоры.Қосымша 2016 - 2024 жж. «Қазақстан КВН Одағы» Республикалық жастар қоғамдық бірлестігінің «Қызылорда КВН» филиалының директоры қызметін атқарған.Қазіргі таңда әлеуметтік желілерде және YouTube арнасында түрлі жобалардың, QYZYLORDA телеарнасында «Кешкі шоу» бағдарламасының жүргізушісі болып жұмыс атқарып келеді.Отбасылы 2 қыз, 1 ұл тәрбиелеп отыр.Жетістіктері: Халықаралық, республикалық «Жайдарман» ойындарының жеңімпазы, Қызылорда қаласы әкімінің «Самғау» жастар сыйлығының иегері.

 Әліби Басаров жаңа қызметке тағайындалды

&nbsp;<a href="https://kyzylorda-news.kz/">Kyzylorda-news.kz</a> &nbsp;Әлеуметтік медициналық сақтандыру қорында медициналық ұйымдарды қаржыландыру барысы туралы есеп берді. Бүгінде еліміз бойынша амбулаториялық дәрі-дәрмекпен қамтамасыз етуді қоса алғанда жалпы 1 трлн 272 млрд теңге төленді. Қазір 2024 жылы көрсетілген медициналық қызметтерге төлемдер жүргізілуде.22 шілдедегі жағдайбойынша ӘМСҚ-ныңҚызылорда облысы бойынша филиалы&nbsp;112 медициналық ұйымға биылғы қаңтар-наурыз және ішінара сәуір айлары үшін актілерге&nbsp;60,2 млрд теңге төленді.«Шілденің соңына дейін сәуір айына төлем жасауды аяқтап, мамыр айына актілерге төлем жасауға көшу жоспарлануда. Қаржыландыру кезеңдері қазақстандықтардың медициналық көмек алуына кедергі келтірмеді және кедергі етпеуі тиіс екенін атап өткім келеді», – деді Әлеуметтік медициналық сақтандыру қоры басқарма төрағасының орынбасары Индира Саркенова.Сонымен бірге Қор медицина қауымдастығын шарт аясында бөлінген қаражатты ұтымды пайдаланып, сондай-ақ қазақстандықтарға медициналық көмек көрсетуден бас тартпауға шақырды. Жалпы алғанда жағдай Қордың бақылауында және медициналық ұйымдарды үздіксіз қаржыландыру бойынша барлық қажетті шаралар қабылданып жатыр.

Қор 2024 жылы медициналық ұйымдарға шамамен 1,27 трлн теңге төледі

&nbsp; <a href="https://kyzylorda-news.kz/">Kyzylorda-news.kz</a> Қызылорда облыстық қылмыстық істер жөніндегі мамандандырылған ауданаралық соты қылмыстық кодекстегі аса ауыр қылмыстарды қарайды. Өткен жылмен салыстырғанда биыл сотқа түскен істер бойынша адам саны 18 адамға азайған.Сонымен қатар, прокуратура органдарына 4 адамға қатысты 2 қылмыстық іс қайтарылған. Өңірлік коммуникациялар қызметінің ақпарат алаңына қатысқан Қызылорда облысының қылмыстық істер жөніндегі мамандандырылған ауданаралық сотының төрағасы Мейрамбек Ибрашевтің айтуынша, осы жылы алқабилердің қатысуымен 1 қылмыстық іс қаралған. Ең басты ерекшелігі – алқабилер тек аса ауыр қылмыстарды қарайтын сот отырыстарына ғана қатыстырылады.<blockquote>– Жалпы, алқабилер соты – қылмыстық соттың істі қарауына шақырған және ант қабылдаған ҚР азаматы қатысатын сот жүйесі институты. Елімізде алқабилер соты 2007 жылдан бері қолданылады. 2007-2009 жылдар аралығында алқабилер өлім жазасы мен өмір бойына бас бостандығынан айыру бойынша істерді қарады. Ал, 2010-2012 жылдары қылмыс саны кеңейтіліп, аса ауыр қылмысқа жататын барлық іс қаралды. Алқабилер сотының қазіргі гибрид жүйесіне сәйкес, қылмыстық істерді 1 судья және 10 алқаби қарайды және қосалқы 2 алқаби болады. Ережеге сәйкес, алқаби болуға үміткер азаматтар 25 пен 65 жас аралығында болуы керек, – деді судья Асыл Изтелеуова.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары