&nbsp;<a href="https://kyzylorda-news.kz/">Kyzylorda-news.kz</a> <a href="https://kaz.inform.kz/news/nauriz-bagdarlamasi-boyinsha-zaemdi-onlayn-rasmdeuge-boladi-ca96a4/">«Наурыз» бағдарламасы</a> бойынша төлем қабілеттілігін онлайн бағалатып, кредиттік өтінімді онлайн жолдап, заемды онлайн рәсімдеуге болады.Отбасы банк («Бәйтерек» холдингінің еншілес ұйымы) жаңа тұрғын үй бағдарламасының қатысушыларына, жалпы өзінің барлық клиенттеріне тұрғын үй сатып алу мақсатымен бөлімшелерге бармау үшін қолайлы жағдай жасап қойған. Онлайн-ипотека уақыт үнемдеуге және банк филиалдарында ұзын-сонар кезекте тұрмауға мүмкіндік береді.Бұл қызметті пайдалану арқылы қаражатыңызды да үнемдей аласыз. Себебі, заемды қашықтан рәсімдеу кезінде кредиттік өтінімді қарастыру үшін ақы алынбайды. Ал несие беруді ұйымдастыру қызметі үшін банк қарыз алушыға 50% жеңілдік беріледі.Төлем қабілеттілігін тексеруден бастап несие алғанға дейін клиентті жеке менеджер сүйемелдеп жүреді. Ол қолдау көрсетіп, кеңес беру үшін әркез байланыста болады.Сервисті пайдалану үшін бейнебанкинг қызметі арқылы Отбасы банкінің ресми сайтында немесе Баспана маркет порталындағы (otbasybank.kz) жеке кабинетте бейне операторға қоңырау шалу қажет.2024 жылдың 15 шілдесінде Отбасы банк «Наурыз» бағдарламасына қатысушылардың тізімін жариялады. 12 500 қазақстандық «Наурыз» бағдарламасы қатысушылардың тізіміне енгені туралы көптен күткен ақжолтай жаңалық алды (өтініш берушілердің толық тізімі Отбасы банкінің ресми сайтында жарияланған).Енді «Наурыз» бағдарламасының қатысушылары Отбасы банкіне кредиттік өтінім берулері тиіс. Ол&nbsp;үшін банк клиенттерге барынша қолайлы етіп бұл мерзімді қыркүйек айының ортасына дейін ұзартты. Осы арада уақыт пен қаражатты үнемдеу үшін аталмыш операцияны онлайн режимінде жасауға болады. Яғни банк бөлімшелеріне келудің қажеті жоқ.Бүгінгі таңда «Наурыз» бағдарламасы бойынша 2 мыңнан астам адам төлем қабілеттілігін растады. Енді олар несиелік өтінім беріп, баспана таңдап, заем алулары қажет. Бұл мүмкіндіктен «Наурыз» бағдарламасына қатысушылар да шектелмейді. Олар биылғы жылдың желтоқсан айының ортасына дейін баспана сатып ала алады.«Наурыз» бағдарламасы бойынша заемдар 2024 жылдың 24 шілдесінен бастап берілетін болады.«Наурыз» бағдарламасы аясында тұрғын үй сатып алу бойынша келесі шарттар ұсынылады:– алғашқы нарықтағы тұрғын үй, оның ішінде ҚТК кепілдігімен үлестік қатысу шарты және сақтандыру құралы бойынша;– моноқалалар мен ауылдық елдімекендерде екінші нарықтағы тұрғын үй, жылына бөлінген қаражаттың жалпы көлемінің 30%-нан аспайтын көлемде.Заемның ең жоғарғы мөлшері:– Алматы мен Астана қалалары үшін — 36 млн теңгеге дейін.– қалған өңірлер үшін — 30 млн теңгеге дейін.Бағдарламаға қатысушы бастапқы тұрғын үйді Баспана маркет порталынан (otbasybank.kz) таңдап, брондай алады. Қазіргі уақытта банк Баспана маркет порталында (otbasybank.kz) «Отау» бағдарламасына қатысушылар үшін де, «Наурыз» бағдарламасына қатысушылар үшін де&nbsp;13 172 пәтерден тұратын 490 тұрғын үй кешені&nbsp;ұсынылған. Бұл тізім күн сайын толықтырылып отыр.«Наурыз» бағдарламасының шарттары:–&nbsp;алғашқы жарна&nbsp;—&nbsp;20%-дан&nbsp;бастап;–&nbsp;тұрғын үй кезегінде тұрған азаматтардың әлеуметтік осал санаттары үшін кредит бойынша мөлшерлеме&nbsp;—&nbsp;7%&nbsp;(ЖТСМ 7,3%-дан 8,9% дейін);–&nbsp;азаматтардың барлық санаттары үшін кредит бойынша мөлшерлеме&nbsp;—&nbsp;9%&nbsp;(ЖТСМ 9,3%-дан 11,8% дейін);–&nbsp;несие мерзімі&nbsp;—&nbsp;19 жылға дейін.Фото: Мухтор Холдорбеков/Kazinform

«Наурыз» бағдарламасы бойынша заемды онлайн рәсімдеуге болады

&nbsp;<a href="https://kyzylorda-news.kz/">Kyzylorda-news.kz</a> «AMANAT» партиясы қалалық филиалының Партиялық бақылау комиссиясы және мониторинг тобының мүшелері «Кедергісіз келешек» партиялық жобасы шеңберінде мүмкіндігі шектеулі азаматтардың жұмыс орындарының квотасын 2-4% қамтамасыз ету бойынша еңбек ұжымдарында кездесулер өткізді.Бүгінде қаладағы бірқатар мекемелерде бөлінген квотаға сәйкес мүмкіндігі шектеулі азаматтар еңбек етуде. Бақылау тобының өкілдері қызметкерлермен тілдесіп, оларға жасалған жағдаймен танысты.

Бақылау жұмыстары жүргізілді

<a href="https://kyzylorda-news.kz/">Kyzylorda-news.kz</a> Бүгін облыстық мәслихаттың кезектен тыс XVI сессиясы өтті. Оған облыс әкiмi Нұрлыбек Нәлібаев, ҚР Парламенті Сенатының депутаттары Руслан Рүстемов пен Наурызбай Байқадамов, облыс әкiмiнiң орынбасарлары мен құқық қорғау органдарының бірінші басшылары, облыстық басқармалар және аумақтық инспекциялардың басшылары қатысты. Аудан, қала әкімдері, мәслихат төрағалары және активі бейнебайланыс жүйесі арқылы қосылды.Бүгінгі сессияда өткен 6 айдың қорытындысы бойынша негізгі макроэкономикалық көрсеткіштердің өсімі қамтамасыз етілгені айтылды. Мәселен, өнеркәсіп өндірісі 5 пайыз, өңдеу өнеркәсібі 37,5, ауыл шаруашылығы 4, құрылыс жұмыстарының көлемі 35,6, тұрғын үй 3,7, көлік 3,4, сауда 3,6 пайыз артты.Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі өткен жылдың қыркүйек айынан бері оң динамикаға шықты. Өсім өңдеу өнеркәсібі есебінен қалыптасты. Саладағы өсу қарқыны бойынша 2022 жылы Қызылорда облысы республикада 11-орында болған еді. Өткен жылдан бері алғашқы үштікте.Аймақ басшысы әр саладағы жетістіктерге тоқталып, алдағы уақытта жүзеге асырылатын жобалар туралы айтты.«Шетелдік инвесторлардың өңірде жұмыс істеуіне қолайлы климат қалыптасқандықтан, ауқымды инвестициялық жобалар жүзеге асырылуда. Осы жылдың 6 айында негізгі капиталға тартылған инвестиция көлемі өткен жылдың есепті кезеңімен салыстырғанда 41,4 пайыз артты.Кәсіпкерлікті қолдауға соңғы 2 жылда (2022-2023 жж.) 127 млрд. 500 млн. теңге тартылып, 12 мыңнан астам жоба қаржыландырылды. Оның 25 млрд. 100 млн. теңгесі мемлекеттік бағдарлама аясында қолдау тапты. Биыл екінші деңгейлі банктер мен қаржы ұйымдары арқылы 3 мыңға жуық жоба қаржыландырылады.Ауыл шаруашылығы саласына соңғы 2 жылда 20 млрд. 300 млн. теңгеден астам инвестиция тартылды. Жыл басынан бері 6 айда саладағы негізгі капиталға 3 млрд. 300 млн. теңге инвестиция салынды.Биыл бюджеттен тұрғын үй құрылысына және жеке салушылардан дайын пәтерлер сатып алуға 34 млрд. 100 млн. теңге қаралды. Жыл қорытындысымен 2,5 мыңнан астам пәтер пайдалануға беріледі.Биыл аймақта 43 млрд. теңгеге 300 шақырымнан астам жол жөнделеді. Жыл аяғына дейін жақсы жағдайдағы жолдар үлесі 92 пайыздан асады.Электр энергиясымен қамту бағытында 11 млрд. теңгеге 38 жоба жүзеге асырылуда. Нәтижесінде желілердің тозу деңгейі 6 пайыздан 62 пайызға төмендейді.Тұрғындарды газбен қамту көрсеткіші 78 пайызға жеткізіледі. Облыс халқының 98,4 пайызы орталықтандырылған ауыз сумен қамтылған.<blockquote>– Құрметті депутаттар! Өздеріңізбен бірге аймағымыздың әлеуметтік-экономикалық әлеуетін арттыру бағытында нәтижелі жұмыстар атқарылуда. Алдағы уақытта да атқарар жұмыс ауқымы зор. Өздеріңізбен бірлесіп, Тәуелсіз еліміздің, аймағымыздың дамуы жолында қызмет ете берейік! - деді Н.Нәлібаев.</blockquote>Биыл «Жайлы мектеп» ұлттық жобасы аясында 10 мектептің, «Білімді қолдау қоры» есебінен дарынды балаларға арналған физика-математика бағытындағы 300 орындық жатақханасы бар 400 орындық мектеп-интернаттың құрылысы жүргізілуде. Жергілікті бюджет есебінен 8 мектеп ғимараты күрделі жөндеуден өтуде.«ҚазГерМұнай» компаниясының демеушілігімен бой көтерген 350 орындық Оқушылар сарайы пайдалануға беріледі.«Саутс Ойл» компаниясының демеушілігімен Сырдария өзенінің сол жағалауынан музыкалық колледждің жаңа ғимараты салынуда. Нысан 2025 жылы іске қосылады.Облыстық тарихи-өлкетану музейінің құрылысы басталып, Шығармашылық академиясы салынуда.Облыстық мәслихаттың бүгінгі сессиясының қарауына 2024 жылға арналған облыстық бюджетті кезекті нақтылау ұсынылды.Фото: Қызылорда облысы әкімінің баспасөз қызметі

Облыстық мәслихаттың XVI сессиясы өтті

&nbsp;<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы қызмет университет түлектері мен жоғары білім туралы дипломдар санының қалыптан тыс өсуіне назар аударды.&nbsp;Агенттік тексеру барысында жалған білім беру құжаттарын беру схемасын анықтады. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды.Сыбайлас жемқорлыққа қарсы қызмет&nbsp;Ғылым және жоғары білім министрлігінің диплом бланкілерінің айналымына және ғылыми дәрежелер беруге байланысты қызметін тексерді. Нәтижесінде&nbsp;берілгені расталмаған 1143 диплом анықталған. Оның мыңнан астамы білім, 78-і денсаулық сақтау саласына тиесілі.<blockquote>“19 ЖОО-да зерттеу кезінде дерекқорда тіркелген, бірақ ЖОО-ның құжаттары мен дерекқорларында жоқ 2733 адам анықталды”, –&nbsp;делінген агенттік хабарламасында.</blockquote>2021 жылы университеттер&nbsp;жоғары білім туралы дипломдарды өз бетінше дайындау және беру құқығына ие болған еді. Сарапшылар бұл істі сәтсіз аяқталды деп отыр.&nbsp;Заңға енгізілген түзетулер жоғары оқу орындары арасындағы бәсекелестікті дамытып, жұмыс берушілермен байланыс орнатуы керек еді. Алайда олар ісі лас&nbsp;оқу орындарына карт-бланш (еркін таңдау) берді.“Университет қызметкерлері жалған құжаттар мен дипломдар жасаумен айналысты.&nbsp;QR-кодтарына рұқсат алып, диплом&nbsp;саудасының белең алуына әкелді. Ешбір жерде бірыңғай стандарт жоқ”, –&nbsp;деді &nbsp;Заң консультанттары палаталары қауымдастығы кеңесінің төрағасы Фарид Әлиев.Диплом&nbsp;сату нарығын цифрлық механизмді енгізу арқылы ғана жоюға болады.&nbsp;"Әділдік жолы" қоғамдық бірлестігінің мамандары Щучье колледжінде пилоттық режимде студенттердің сабаққа қатысуын цифрлық биометриялық бақылауды жоспарлап отыр.<blockquote>“Бұл жағдайдан шығудың жалғыз жолы –&nbsp;студенттердің сабаққа қатысуын цифрлық биометриялық тұрғыдан бақылауға алу керек. Басқа ешбір құрал бізге бұл схеманы жеңуге көмектеспейді”, –&nbsp;деді&nbsp;"Әділдік жолы" қоғамдық бірлестігінің атқарушы директоры Дидар Смағұлов.</blockquote>Қазір&nbsp;оқу орындары студенттерді ретроактивті түрде қабылдай алады. Өйткені жүйе бұған тыйым салмайды және құжаттарды тіркеу функциясын қарастырмайды. Бір ғана оқу жылында 1243 түлектің жоғары білім туралы диплом алғаны анықталды.Фото: Аqmolanews.kz

Дипломдар саны қалыптан тыс өскен: Антикор жалған диплом беру схемасын әшкереледі

<a href="https://kyzylorda-news.kz/">Kyzylorda-news.kz</a> Қызылордада екі күн бұрын жоғалып кеткен ер адам өлі табылды, – деп хабарлайды&nbsp;<a href="https://massaget.kz/basty-zhaalytar-438/112390/">Massaget.kz</a>.Бұған дейін еріктілер биыл 20 шілдеде жоғалып кеткен 25 жастағы жігіт іздестіріліп жатқаны туралы хабарлаған болатын. Қызылорда тұрғынының жұмыстан шығып, үйіне оралмағаны белгілі болды. Ол облыстық көпсалалы ауруханада медбике болып жұмыс істеген.<blockquote>«Төтенше жағдайлар департаменті, полиция департаментінің қызметкерлері, 25 жастағы жігіттің туыстары және бей-жай қалмаған азаматтардың күшімен іздестіру жұмыстары жүргізілді. Өкінішке қарай, ол өлі күйде табылды. Иманды болсын. Жас жігіттің өлімінің егжей-тегжейі туралы ақпарат жоқ», – деп жазды «Қызылорда волонтерлері» қоғамдық қорының атқарушы директоры Ольга Чебакова Facebook-тегі парақшасында.</blockquote>Облыстық полиция департаментінің баспасөз қызметі жас жігіттің өлімі туралы ақпаратты растап, екі күн бойы жоғалған жас жігітті іздеуге полиция департаментінің, полиция басқармасының, төтенше жағдайлар қызметінің жеке құрамы, еріктілер мен жергілікті тұрғындар жұмылдырылғанын айтты.<blockquote>«23 шілдеде жоғалған адамның денесі табылды. Бұл факт сотқа дейінгі тергеп-тексерудің бірыңғай тізілімінде тіркелген. Ер адамның өлімінің нақты себебін анықтау мақсатында қажетті сот-медициналық сараптама тағайындалды және осы сараптаманың қорытындысын күтіп отырмыз. Тергеу әрекеттері жалғасады. Өңір полициясы марқұмның жақындары мен туыстарына шын жүректен көңіл айтады», – деп хабарлады ведомствоның баспасөз қызметі.</blockquote>Ол мейіргер болып жұмыс істеген. Ол хабарсыз кеткен күні жұмыстан шығып, ұялы телефонын өшіріп, қайта хабарласпаған.Фото: Pixabay

Қызылордада екі күн бұрын жоғалып кеткен ер адам өлі табылды

&nbsp;<a href="https://kyzylorda-news.kz/">Kyzylorda-news.kz</a> «МӘМС туралы» Заңға сәйкесМӘМС жүйесіндемедициналық көмекке құқықалу үшін12 ай ішінде үздіксіз төлемдер қажет.Бүгінгі таңда МӘМСжүйесінде сақтандыру мәртебесін алудың3 жолы бар.&nbsp;Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директорының м.а. Жұпар Алхожаева толығырақ айтып берді.Біріншісі тәсілі - алдыңғы айларға төлем. Егерсіз бұрынресми түрде жұмыс істемеген болсаңыз, ондажұмысқа орналасу алдында МӘМС-ке өткен айлар үшін төлем жасаған жөн.Бір мысал келтірейін. Егер қызметкер жұмысты шілде айында бастаса, онда төлемдер 2023 жылдың тамызынан бастап 2024 жылдың шілдесін қоса алғанда дербес төлеуші ​​ретінде төлеу қажет.Егерде сізде бірнеше төленбеген ай болса, сізге олар үшін әлдеқайда аз мөлшерде төлем жасап, мәртебені алу тиімді болады. Бірақ осыдан кейін мәртебеңізді жоғалтпау үшін ай сайын жарналарды төлеуді ұмытпаңыз.2023 жылы МӘМС-ке дербестөлеуші ретінде ай сайынғыжарналар сомасы 3500 теңгені құрады. 2024 жылы - 4250 теңге.Екіншісі&nbsp;-&nbsp;12 айға алдын &nbsp;- ала төлеу. Бұл әдісті&nbsp;«сақтандырылған» мәртебесі бар, сондай – ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады.Алдағы 1 жылға төлем жасағыңыз келсе, ағымдағы айдан бастап барлығы 12 айға жеке жеке әр айды, жылын көрсетіп төлеу керек. Егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, төлемді келесі айдан бастап жасаған жөн. Сонда сіз бір жыл бойы сақтандырылған боласыз.Жүйе төлемдерді дұрыс есептеу үшін жарналар әр ай үшін бөлек төленеді. Төлем жасау кезінде ЖСН, төлем енгізілетін ай мен жылды дұрыс көрсету маңызды.Жарналарды 3 жұмыс күні ішінде төлегеннен кейін жүйеге төлемдердің түсуін және мәртебенің берілуін тексеру қажет.Мәртебені алудың үшінші&nbsp;жолы - азаматтардыңжеңілдетілген санаты арқылы.2020 жылғы 1 қаңтардан бастап МӘМС жүйесі енгізіле отырып, мемлекет азаматтардың 15 жеңілдікті санаты үшін ай сайын жарналар төлейді. Егер сіз, мысалы,ресми жұмыссыз,мүгедек, студент болсаңызнемесе басқа жеңілдіктісанатқа жатсаңыз, МӘМСжүйесіндегі мәртебеңіз «сақтандырылған» болуы керек.&nbsp;Тізіммен Әлеуметтік медициналық сақтандыру қорының&nbsp;fms.kz.&nbsp;ресми сайтында танысуға болады.Егер де сіз азаматтардың жеңілдетілген санаттарының қатарына кірсеңіз, бірақ мәртебеңіз «сақтандырылмаған» болса, «Qoldau-24/7» мобильді қосымшасы арқылы уақытша мәртебені (1айға) ала аласыз. Бұлқосымшаны Google Play-ден ұялытелефонға жүктеуге болады.Қосымша арқылы Қорға растайтын құжаттың фотосуретін жіберіңіз. Сізге бір айға «сақтандырылған» мәртебесі берілгеннен кейін тиісті хабарлама жіберіледі.Бір ай ішінде сақтандырылған азаматтарға МӘМС пакетінің қызметтері қолжетімді болады. Сондай-ақ, бұл мерзім пациентке өзінің жеңілдік мәртебесін қалпына келтіру немесе медициналық сақтандыру бойынша қарыздарын төлеу үшін беріледі.

МӘМС жүйесінде «сақтандырылған» мәртебесін алудың үш тәсілі

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында «Ауылда денсаулық сақтауды жаңғырту» ұлттық жобасына қатысты мәселелер қаралып, тиісті тапсырмалар берілді.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, талқыланған мәселеге орай аймақтағы жағдайды бағамдады.<blockquote>«Ұлттық жоба аясында өңірде биыл қолға алынған 9 дәрігерлік амбулатория және 2 фельдшерлік-акушерлік бекет 1 қазанға дейін пайдалануға беріледі. Құрылыстың жалпы құны – 3 млрд 500 млн теңге. Бұған Үкімет резервінен 2 млрд теңге берілді. Шиелі ауданындағы 30 төсектік инфекциялық бөлімше мен көпбейінді аурухананың құрылыс жұмыстары басталды. Айта кету керек, жүйелі жұмыстардың нәтижесінде Шиелі ауданындағы 30 төсектік инфекциялық бөлімшені салу ұлттық жобадан тыс, жоспарға қосымша енгізіліп, қазір 1 млрд 300 млн теңге қаржысы бөлінді. Арал ауданында дәл осындай инфекциялық бөлімше жобасы дайын. Ұлттық жоба аясында салынатын Арал аудандық ауруханасының қосымша құрылысы жобасын мемлекеттік сараптамадан өткеннен кейін екеуін біріктіріп қаржыландыруды Денсаулық сақтау және Қаржы министрліктерімен пысықтау қажет», – деді аймақ басшысы.</blockquote>Облыстық денсаулық сақтау басқармасына жобалардың қаржыландырылуын бақылауда ұстау тапсырылды.Айта кетейік, Шиелі аудандық көпбейінді ауруханасына салынатын қосымша құрылыс жобасының мемлекеттік сараптамадан оң қорытындысы алынды. Мұнан бөлек, Арал, Қазалы, Жаңақорған көпбейінді аудандық ауруханаларының қосымша құрылысы жобасы мемлекеттік сараптама қарауына енгізілді. Қорытындыны тамыз айында алу жоспарлануда.Нұрлыбек Машбекұлы ұлттық жоба аясында салынатын нысандар Мемлекет басшысының және Үкіметтің ерекше назарында екенін қаперге салып, құрылысқа қарқын қосуды тапсырды. Ең бастысы, ғимараттар сапалы болуы тиіс. Жауапты мекеме басшыларына барлық нысанның халыққа ыңғайлы, жайлы болуы керектігі ескертілді. Сондай-ақ, тазалығы, қасбеті талапқа сай болуын қатаң қадағалау керек. Жаңа дәрігерлік амбулаторияларды мамандармен, жаңа санитарлық автокөлікпен қамтамасыз ету назардан тыс қалмауы қажет.Фото: Қызылорда облысы әкімінің баспасөз қызметі

Ұлттық жоба халық игілігіне қызмет етуі тиіс

<a href="https://kyzylorda-news.kz/">Kyzylorda-news.kz</a> &nbsp;Бірінші жартыжылдықтың қорытындысы бойынша Қызылорда облысы ауыл шаруашылығы өнімдері көлемін арттыру бойынша жоғары көрсеткіштерге қол жеткізді. Бұл туралы ҚР Премьер-министрі Олжас Бектеновтің төрағалығымен өткен Үкімет отырысында айтылды.ҚР Ауыл шаруашылығы министрі Айдарбек Сапаровтың мәліметіне қарағанда, Сыр өңірі минералдық тыңайтқыштарды пайдалану көрсеткіші бойынша 1-орында, суды үнемдеу технологияларын енгізу бойынша 2-орында. Мұнан бөлек, өңірде арнайы техника паркін жаңарту көрсеткіштері жоғары.Облыс әкімі Нұрлыбек Нәлібаев Үкімет басшысына егіс құрылымын әртараптандыру және су үнемдеу технологияларын енгізу шараларын баяндады.<blockquote>«Мемлекет басшысының ауыл шаруашылығындағы жалпы өнім көлемін 2 есе арттыру жөніндегі тапсырмасын орындау үшін Қызылорда облысында 2024-2028 жылдарға арналған жол картасы бекітілді. Жол картасында 2024 жылға 18 көрсеткіш белгіленген, бүгінгі күні 5 көрсеткіш орындалды, 13 көрсеткіш жыл қорытындысымен толық орындалады. Биылға бөлінген 3 млрд. 700 мың текше метр су лимитіне сәйкес ауыл шаруашылығы дақылдары 190,9 мың гектарға, оның ішінде күріш 82 мың 400 гектарға егілді. Өткен жылмен салыстырғанда күріш егісі 6 мың 600 гектарға қысқарып, мал азықтық дақылдар көлемі 2 мың 400 гектарға ұлғайды. 2028 жылға қарай күрішті 72 мың 200 гектарға дейін оңтайландырып, су үнемдеу технологиясы арқылы мал азықтық және жүгері, көкөніс, бақша дақылдары көлемін көбейтеміз», – деді аймақ басшысы.</blockquote>Күріш мелиоративтік дақыл болғандықтан, су үнемдеудің бірден-бір жолы – лазерлік тегістеу. Кейінгі жылдары шаруалар күріш атыздарына жасалған лазерлік тегістеу арқылы суды 20 пайызға дейін үнемдеп, өнімділікті 30 пайызға дейін көтеруге болатынына көз жеткізді. Биылғы күріш егістігінің 55 мың гектары лазерлік тегістелді. Алдағы жылдары барлық алқап лазерлік тегістеуден өткізілетін болады. Осылайша егіс көлемі азайғанмен агротехнологияларды қатаң сақтау, минералды тыңайтқыштарды өз деңгейінде пайдалану, тұқым сапасын жақсарту, жаңа сорттарды өндіріске енгізу арқылы өнімділікті 20-25 пайызға дейін арттыруға толық мүмкіндік бар. Осының есебінен жыл сайын 450-460 мың тонна күріш өндіру көзделуде. Бұл көлем еліміздің күрішке қажеттілігін толық қамтамасыз етеді және экспорттық әлеует сақталады.Аймақта күріштен басқа дақылдарға су үнемдеу технологияларын енгізу былтыр 872 гектар болған, биыл 4 мың 393 гектарға жеткізілді. Алдағы жылдары оның көлемі 34 мың 200 гектар болмақ. Бұл бағытта 3 ірі инвестициялық жоба қолға алынуда. «Таң ЛТД» ЖШС қытайлық компаниямен бірлесіп, 3 мың гектарға тамшылатып суару әдісімен дән жүгері, «РЗА Агро» ЖШС жаңбырлатып суару әдісімен 1000 гектарға сүрлемдік жүгері, «Camel Pro» ШҚ 800 гектарға жоңышқа екті.Облысқа инвестиция тарту мақсатында агроөнеркәсіптік кешендегі 2024-2026 жылдары іске асырылатын инвестициялық жобалардың жол картасы әзірленді. Онда 51,3 млрд. теңгенің 30 инвестициялық жобасы қамтылған. Биыл 13 инвестициялық жоба жоспарланып, бүгінгі күні 6-уы іске қосылды. Атқарылған шаралардың нәтижесінде биылғы 6 айда ауыл шаруашылығының жалпы өнімі 104 пайызға артты. Оның ішінде өсімдік шаруашылығының өнімі 104,4 пайызға, мал шаруашылығының өнімі 104,3 пайызға ұлғайды.Нұрлыбек Машбекұлы өз баяндамасында биыл көктемгі егін егу және дала жұмыстарына «Кең дала-2» жобасы шеңберінде 10 млрд. теңге жеңілдетілген несие бөлінгенін айтып, Сыр диқандарына қолдау көрсеткені үшін Үкімет басшысына алғысын жеткізді.Фото: Қызылорда облысы әкімінің баспасөз қызметі

Сыр өңірінің аграрлық саласында жоғары көрсеткіштер бар

<a href="https://kyzylorda-news.kz/">Kyzylorda-news.kz</a> &nbsp;Ер адамның балаға күш көрсетіп жатқан видеосы “Не молчи” Instagram парақшасында жарияланды. Оқиға 23 шілде күні сағат 16:36 шамасында болған.&nbsp;Бұл туралы&nbsp;<a href="https://stan.kz/almatida-er-adam-balalardi-liftte-sokkiga-zhikti-403693/">Stan.kz&nbsp;</a>ақпарат агенттігі хабарлайды.Фото: Видеодан скрин<blockquote>“Ол жан-жағында адамның жоқ екеніне көз жеткізіп, шімірікпестен 10 жастағы балаларды ұрып, тепкілеп жатыр”, –&nbsp;делінген желідегі жазбада.</blockquote>Парақша жазбаның астына Алматы қаласының полициясын белгілеп, болған жағдайға пікір білдіруін сұрады.“Аталған дерек бойынша тергеу жүргізіліп жатыр. Полиция ер адамның кім екенін анықтап, бөлімшеге жеткізді”, – деді полиция департаменті <a href="https://tengrinews.kz/">Tenginews.kz</a> -ке берген жауабында.Ведомство ер адамның бұл әрекетіне құқықтық баға берілгенін мәлімдеді. Оқиғаның басқа да мән-жайы анықталып жатыр.

Алматыда ер адам балаларды лифтте соққыға жықты

<a href="https://kyzylorda-news.kz/">Kyzylorda-news.kz</a> Австралиялық су полосы командасының мүшесі тапсырған сынамадан COVID анықталғаннан кейін карантинге алынды, деп хабарлайды <a href="https://qaz.ulysmedia.kz/news/17715-parizh-2024-algashky-covid-anyktaldy/">Ulysmedia.kz.</a>Vesti.kz-тің мәліметіне қарағанда, Австралия олимпиадалық делегациясының басшысы Анна Мирес спортшының атын атаудан бас тартты, бірақ онымен тығыз байланыста болғандардың барлығы бақылауда екенін және сынақтардан өткенін атап өтті. Осы жағдайға қарамастан, команда жоспарланған кесте бойынша жаттығуды жалғастырып жатыр.<blockquote>Біз екі су добы ойыншыларының қатысуын жоспарладық, бірақ қазір олардың бірі кеше түнде алынған COVID сынамасының салдарынан оқшауланған. Сондықтан олар сақтық шарасы ретінде бүгінгі жаттығуларға қатыспайды. Біз COVID-ті тұмау сияқты кез келген басқа вирус ретінде қарастыратынымызды атап өткім келеді. Бұл Токио емес. Спортшы өзін жақсы сезінеді, жаттығуды жалғастырады, бірақ бөлек бөлмеде ұйықтайды, - деді Мирес жақында өткен баспасөз мәслихатында.</blockquote>Жұқтырған ойыншының командаластары сақтық шараларын ұстанады: бетперде киіп, қашықтықты сақтаңыз.Кешке қарай спортшының белгілері пайда болды және өзінің сынақ жабдықтарының болуы бізге тез ақпарат алуға және диагностика мен емдеу шараларын қабылдауға мүмкіндік береді,- деп қосты Австралия олимпиадалық делегациясының басшысы.Біз жағдайдың шешілуін күтеміз және бас дәрігеріміз Кэролин Бродериктен ұсыныстар аламыз. Дүрбелеңнің қажеті жоқ. Біз 2020-2022 жылдардағыдан алыспыз. Кейбір сақтық шаралары қабылданды, бірақ COVID таралуының төмен деңгейі ұйымдастырушыларға байланысты – деді Францияның Денсаулық сақтау министрі Федерико Джалету Franceinfo басылымына берген пікірінде.Ұйымдастырушылар сақтық шаралары ойын кестесін өзгертпестен жарыстарды қауіпсіз өткізуге мүмкіндік беретініне сенімді.Естеріңізге сала кетейік, жазғы ойындарға Қазақстаннан 80 спортшы қатысады. Олимпиаданың басталуына небәрі 3 күн қалды. Ашылу салтанаты 26 шілдеде өтеді, ал Ойындар 11 тамызда аяқталады.Фото: ашық дереккөзден

Париж-2024. Алғашқы COVID анықталды

<a href="https://kyzylorda-news.kz/">Kyzylorda-news.kz</a> &nbsp;Елді мекендердің таза әрі тұрғындардың өмір сүруіне жайлы болуы басшылықтың тұрақты назарында. Бүгін облыс әкімі Нұрлыбек Нәлібаевтың төрағалығымен өткен мәжілісте өңірдің санитарлық тазалығын қамтамасыз ету мәселелері талқыланды.Аймақ басшысы аппарат қызметкерлері жүргізген күнделікті зерделеу нәтижесіне тоқталып, анықталған кемшіліктерді шұғыл түрде жөнге келтіруді тапсырды.«Аппарат қызметкерлері қала аумағындағы тазалық, құрылыс, күрделі жөндеу және қайта жаңғырту жүргізілетін аумақтарды күнделікті аралайды. Бүгін де менің тапсырмаммен таңертеңнен бері зерделеп шықты. Кемшілік көп. Көпқабатты тұрғын үй аулаларының, ойын алаңдарының жағдайы сын көтермейді. Қала әкімі, жауапты орынбасарлары, бөлім басшылары тарапынан бақылау жоқ. Жұмыс өз деңгейінде сапалы жүргізілмейді. Қаладағы кәсіпкерлік нысандардың аумағы, қасбеті мүлде бақылаусыз қалған. Мен мәжіліс сайын әлеуметтік, кәсіпкерлік нысандар аумағын қатаң бақылауда ұстап, жан-жағын тәртіпке келтіруді тапсырудамын. Серік Салауатұлы, кәсіпкерлік және өнеркәсіп басқармасы, слайдта көрсетілген кемшіліктерді шұғыл 2 күн ішінде қалыпқа келтіріңіздер. Аудандардағы санитарлық тазалық жағдайы да сын көтермейді. Барлық елді мекеннің тазалығын қатаң бақылауға алып, көркейту-көгалдандыру, әктеу-сырлау жұмыстарын тұрақты жүргізіңіздер»,- деді Нұрлыбек Машбекұлы.Мұнан бөлек, аймақ басшысы «Таза Қазақстан» экологиялық акциясы аясында жүргізілетін жұмыстарды күнделікті бақылауда ұстауды тапсырды.Облыс әкімі аппараты күнделікті зерделеуді әрі қарай жалғастырып, анықталған кемшіліктерді қалпына келтіру бойынша ұсыныс беретін болады.Фото: Қызылорда облысы әкімінің баспасөз қызметі

Тазалықты қамтамасыз ету мәселелері талқыланды

<a href="https://kyzylorda-news.kz/">Kyzylorda-news.kz</a> Қонаев қаласында әскери бөлімнен қашқан екі сарбаз жазаланды, деп хабарлайды <a href="https://qaz.ulysmedia.kz/news/17682-konaevta-skeri-bolimnen-kashkan-eki-sarbaz-zhazalandy/">Ulysmedia.kz.</a>Тәртіпті бұзған екі әскери қызметкерге қатысты әкімшілік іс қаланың мамандандырылған әкімшілік құқық бұзушылықтар жөніндегі ауданаралық сотында қаралды.<blockquote>«Биылғы 8 шілдеде Н. мен М. аға сержанттың бекітілген жоспарды бұзбау туралы ауызша бұйрығына әдейі бағынбағаны анықталды. Сол күні кешкі сағат 20:00 шамасында олар ескертусіз әскери бөлімнің аумағынан шығып, Алатау қаласына қашып кетті. Сот шешімі бойынша Н. мен М. ҚР ӘҚБтК-нің 652-бабы 6-бөлігінде көзделген әкімшілік құқық бұзушылық жасағаны үшін кінәлі деп танылып, 7 тәулікке әкімшілік қамауға алынды», - деп хабарлайды облыстық сот.</blockquote>Фото: ашық дереккөзден

Қазақстан және Қызылорда облысының жаңалықтары