<a href="https://kyzylorda-news.kz/">Kyzylorda-news.kz</a> Жыл сайын Қазақстанда қарыз алушыларды қорғаудың халықаралық тәжірибеге негізделген жаңа шаралары енгізілуде. Fingramota.kz екі жыл ішінде қабылданған жаңалықтарды қорытындылады.<h2 style="text-align:center;">2024 жыл. Кредиттер бойынша сыйақы мөлшерлемесін қайта қарау және алаяқтықтан қорғау</h2>2024 жылғы маусымда халықтың борыш жүктемесін азайтуға бағытталған заң қабылданды.Негізгі өзгерістер:2024 жылғы 1 шілдеден бастап төлеу мерзімін 90 күннен аса кешіктірген қарыз алушыларға жаңа кредит беруге тыйым салынды; коллекторларға проблемалық кредиттерді сатуға&nbsp;екі жылдық мораторий&nbsp;енгізілді (2026 жылға дейін); омбудсмендердің өкілеттіктері кеңейтілді: енді олар тек ипотека бойынша ғана емес, тұтынушылық кредиттер бойынша да дауларды шешуге көмектеседі; берешекті сотқа дейінгі реттеу жүйесі күшейтілді – қайта құрылымдаудың бірыңғай ережелері қолданылады. Борыш жүктемесін төмендету үшін сыйақының шекті мөлшерлемелері қайта қаралды:кепілсіз кредиттер бойынша — 56%-дан 46%-ға дейін, кепілді кредиттер бойынша — 40%-дан 35%-ға дейін. Бұдан басқа, қаржылық алаяқтық мәселесі өзекті болып қала береді — бұл тек қазақстандықтар ғана емес, әлемнің көптеген елдерінің тұрғындары да тап болып отырған мәселе. Бүгінгі таңда негізгі қауіп әлеуметтік инженериямен байланысты. Қаскүнемдер қоңырауларды, хабарларды немесе жалған сайттарды алдап немесе қысыммен адамның өз атына кредит алуына мәжбүрлеу үшін пайдаланады.Мұндай тәуекелдерді азайту үшін Қазақстанда жаңа қорғау шаралары енгізілді. Мәселен, eGov порталында кредиттерден ерікті түрде бас тарту қызметі пайда болды – оны&nbsp;2,7 млн-ға жуық азамат&nbsp;пайдаланып үлгерді. Енді онлайн-қарыздарды алу кезінде биометриялық сәйкестендіру және бейненің шынайлығын міндетті түрде тексеру қолданылады, бұл фотоны қолдану жасаудан және дипфейктерден қорғайды.Сонымен қатар, Ұлттық Банктің жанынан Антифрод-орталық құрылды, оған 200-ден астам қатысушы қосылды. Оның жұмысы 80 мыңнан астам алаяқтық операцияның алдын алуға және 3 млрд теңгеге жуық қаражатты бұғаттауға мүмкіндік берді. Егер клиент алаяқтық туралы іс бойынша ресми түрде жәбірленуші деп танылса, банктер мен МҚҰ кредиттер бойынша өндіріп алуды тоқтата тұруға міндетті екендігі де маңызды толықтыру болды.<h2 style="text-align:center;">2025 жыл. Қандай қосымша шаралар қабылданды?</h2>2025 жылғы маусымда заңнамаға қарыз алушыларды қорғауды күшейтуге бағытталған қосымша түзетулер енгізілді. Сонымен, 31 тамыздан бастап банктер мен микроқаржы ұйымдары 21 жасқа толмаған және 55 жастан асқан клиенттерден жеке келісім алуға міндетті — мұны бөлімшеге келіп те, онлайн түрде де жасауға болады.Ірі кредиттерді алғаш рет ресімдейтін азаматтар үшін ерекше қағидалар белгіленген: егер сома МҚҰ-да 75 АЕК-тен немесе банктерде 150 АЕК-тен асатын болса, шартты бөлімшеде клиенттің жеке қатысуымен ғана жасауға болады.30 қыркүйектен бастап «шешім қабылдау кезеңі» енгізіледі. Бұл дегеніміз –шартқа қол қойылғаннан кейін ақша сол сәтте емес, тек 24 сағаттан кейін аударылады деген сөз. Мұндай тетік қарыз алушыға бәрін асықпай ойлауға және қажет болған жағдайда, кредиттен бас тартуға уақыт береді. Бұл МҚҰ-да 75 АЕК-тен астам және банктерде 225 АЕК-тен астам сомаға кредиттерге қатыстыБұдан басқа, алаяқтық кредиттерді соттан тыс есептен шығару үшін негіздер тізбесі кеңейтілді. Егер қарыз азаматтардың атына алаяқтық жолмен ресімделген болса, мұндай жағдайда олар өз құқықтарын оңай және тез қорғай алады.Сонымен қатар, азаматтар қарыздарын оңай өтеуі үшін жеке тұлғалар үшін комиссиялар мен мерзімінен бұрын өтеу үшін айыппұлдар алып тасталды.<h2 style="text-align:center;">Өз қаражатыңызды өзіңіз &nbsp;қалайша қорғай аласыз?</h2>1) Ең алдымен, келісімшартқа қол қоймас бұрын кез келген қаржылық өнімдердің шарттарымен — ол кредит, микроқарыз немесе сақтандыру қызметі болмасын, мұқият танысып, оқып шығыңыз. Кредиттің толық құнына, сыйақы мөлшерлемесіне, ықтимал комиссиялар мен айыппұлдарға назар аударыңыз.2) Ешқашан дербес деректеріңізді және құжаттардың көшірмелерін үшінші адамдарға бермеңіз. «Сенімхат бойынша» немесе «сіз үшін» кредит ресімдеу туралы кез келген ұсыныс — алаяқтықтың тікелей белгісі. Цифрлық гигиенаны сақтау маңызды: күмәнді сілтемелерге өтпеңіз және күдікті сайттарға картаның немесе СМС-кодтың деректерін енгізбеңіз3) Егер сіз онлайн-кредит ресімдейтін болсаңыз, міндетті түрде биометриялық сәйкестендіру жүргізіліп жатқанын тексеріңіз, және eGov порталы арқылы қарыз алуға ерікті түрде тыйым салу мүмкіндігін пайдаланыңыз. Егер сіз кредит алуды жоспарламасаңыз, бұл – қосымша қорғаныс құралы.4) Егер даулы жағдайлар туындаған болса — мысалы, қызмет алуға мәжбүрлеу, қайта құрылымдаудан бас тарту немесе алаяқтыққа күдіктенсеңіз &nbsp;— қаржы ұйымына, қажет болған жағдайда қаржы омбудсманына немесе Агенттікке жүгіну қажет. Қолыңызда дәлелдер болуы үшін барлық ұсыныстарды жазбаша немесе электрондық сервистер арқылы тіркеп отырыңыз.5) Соңғы талап — кредиттік бюроларда кредиттік тарихыңызды үнемі тексеріп отырыңыз. Бұл заңсыз қарыздарды уақытында байқауға және тез әрекет етуге мүмкіндік береді.<img src="https://knadmin.beoblood.kz/uploads/infographics_1712_6_4b1816883a.png" alt="infographics-1712-6.png">Осы қағидаларды сақтау тәуекелдерді азайтуға, қаржыңызды сақтауға және өз құқықтарыңызды уақытында қорғауға көмектеседі. Соңғы жаңалықтар жөнінде біліп отырыңыз және Fingramota.kz-пен бірге қаржылық тұрғыдан сауатты болыңыз. Фото: fingramota.kz

Қазақстанда қарыз алушылардың құқықтары қалай қорғалып, қаржылық алаяқтықпен қалай күреседі?

<a href="https://kyzylorda-news.kz/">Kyzylorda-news.kz</a> Арал аудандық кәсіпкерлік және өнеркәсіп бөлімі, аудандық ауылшаруашылық және жер қатынастары бөлімі, аудандық санитарлық-эпидемиологиялоқ бақылау басқармасы, аудандық полиция бөлімі және аудандық төтенше жағдайлар бөлімі мен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі, қала әкімдігінің мамандары бар жұмысшы тобы базарлар және сауда үйлерін, қоғамдық тамақтану орындарын, сондай-ақ базар маңындағы белгіленбеген орындарда кәсіпкерлермен тілдесіп, заң талаптарын сақтау жөнінде арнайы түсіндірме жұмыстарын жүргізді.Аудандағы сауда орындарының санитарлық-эпидемиологиялық, өрт қауіпсіздігі, сәулет құрылыс талаптарына сәйкестігі, жабдықталу жай-күйін зерделеу мақсатында жұмыс жүргізген жұмыс топ қаладағы орталық базарда бірқатар сауда нүктелерін аралады.

Жұмысшы топ сауда орындарында түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> &nbsp;Қазақстанның «Қажымұқан» тарихи кинотуындысы Сеулде өткен халықаралық кинофестивальде қос жүлдені жеңіп алды. Фильм «Ең үздік фильм» номинациясы бойынша Гран-при, туындыда ойнаған актер Ербол Төлепберген «Үздік басты рөл» жүлдесін иеленді, деп хабарлайды <a href="https://kaz.zakon.kz/madeniet-shou-biznes/6067359-koreyaday-kinofestivalde-azhyman-film-os-zhldege-ie-boldy.html">Zakon.kz.</a>Фильм ҚР Мәдениет және ақпарат министрлігі мен Ұлттық киноны қолдау мемлекеттік орталығының қолдауымен түсірілген.«Қажымұқан» – қазақтың тұңғыш чемпионы, аты аңызға айналған балуан Қажымұқан Мұңайтпасовтың өмір жолын баяндайтын тарихи драма. Туындыда спортшының күрес әлеміндегі жетістіктері ғана емес, оның ұлт рухын көтерудегі рөлі мен адами болмысы кеңінен суреттеледі.Фильмнің сценарий жұмыстары 2012 жылы басталған. Режиссер Қанағат Мұстафин 10 жылдан астам уақыт зерттеу жүргізіп, архив деректері мен тарихи мәліметтерді жинақтаған. 2020 жылы түсірілімге кіріскен. Режиссер фильм арқылы тек тарихи деректерді көрсетіп қана қоймай, Қажымұқанның рухын, адамдық бейнесін, елге деген махаббатын жеткізгісі келгенін айтады.Бұған дейін фильм Италияда өткен XXIX Халықаралық IPAAF – Apoxiomeno кинофестивалінде де жоғары бағаланып, бірнеше марапатқа ие болған. Сондай-ақ фильм өткен жылы Қазақстанда кең көлемде прокатқа шықты және Қазақ киносының онкүндігі аясында да ел өңірлерінде көрсетіліп келеді.Айта кетейік, 11-ші Сеул халықаралық «WebFEST» 28 елмен әріптестік орнатқан. Фестиваль заманауи веб-контентті дамытуға бағытталған және бүкіл әлем бойынша онлайн көрсетілімдер ұйымдастырады.Биыл іс-шараға 21 номинация бойынша 160 шығарма ұсынылды, оның ішінде 20-сы – корей, 22-сі – шетел туындылары.Фото: ҚР Мәдениет және ақпарат министрлігінің баспасөз қызметі

Кореядағы кинофестивальде «Қажымұқан» фильмі қос жүлдеге ие болды

7 қыркүйек — соғыс ойыншықтарын жою күні<a href="https://kyzylorda-news.kz/">Kyzylorda-news.kz</a> Адамзат тарихына көз жүгіртсек, соғыс пен қақтығыс қаншама қайғы-қасірет әкелгенін көреміз. Бір елді екіншісі жауласа, бір әулеттен талай адам айырылды. Қаншама шаңырақтың оты өшіп, ұрпақтың тағдыры күйреді. Осыны көрген халық бейбіт өмірдің қадірін бәрінен артық бағалайды. Сол бейбітшілікті дәріптеу – ең алдымен бала тәрбиесінен басталады. Өйткені бүгінгі ойыншықпен ойнаған бүлдіршін – ертеңгі қоғамның мүшесі. Сол себепті жыл сайын 7 қыркүйек – Соғыс ойыншықтарын жою күні ретінде аталып өтеді. Бұл күн балаларға қару емес, достық пен мейірімділік сыйлайтын ойыншықты таңдай білуді еске салады.<h2 style="margin-left:0px;text-align:center;">Ойыннан от шықпасын…</h2>Әдетте біз ойыншықты тек ермек көзі деп ойлаймыз. Бірақ ойыншықтың да өз тілі бар. Ол балаға үнсіз тәрбие береді. Қуыршақ ойнаған қыз бала қамқорлықты үйренсе, құрылыс ойыншықтарын ермек көрген ұл бала ойлануға дағдыланады. Ал қолына мылтық пен пышақ ұстаған балаға «күшпен шешу» ойы еріксіз қалыптасуы мүмкін.Психологтар мұндай ойыншықтар баланың агрессиясын күшейтетінін айтады. «Жауды жою», «қарумен жеңу» секілді түсінік ойында қалыптасып, шынайы өмірге де әсер етуі ғажап емес. Бір-бірімен ойнап жүрген бүлдіршіндердің «сені аттым», «мен сені өлтірдім» деп айқайлауы осының дәлелі. Бұл – бейкүнә ойынның артында үнсіз қатердің жатқанын көрсетеді.Жас ұрпақтың санасына зорлықты ерлік ретінде сіңіру – болашақ қоғамға жасалған қастандықпен тең. Сондықтан әлемнің көптеген елдері балаларды бейбіт ойға жетелеп, 7 қыркүйекті ерекше күн ретінде белгілеген.<h2 style="margin-left:0px;text-align:center;">Қатігездікке бастайтын ермек</h2>Қазіргі дүкен сөрелеріне қарасаңыз, түрі қорқынышты құбыжықтар мен үрейлі кейіпкерлерге толы ойыншықтарды жиі кездестіресіз. Қызығы сол – балалар дәл осыларға құмар. Қолында қанжары бар монстр, көзі қып-қызыл робот немесе құбыжыққа ұқсайтын қуыршақ қазір сәнге айналып үлгерді.Тағы бір парадокс – мұндай ойыншықтардың бағасы арзан емес. Кейбірі қарапайым отбасының бір айлық табысына тең. Соған қарамастан, сұранысқа шек жоқ. Бұл – маркетингтің айласы. Өндірушілер балалардың қиялын жақсы жарнама арқылы баурап, ата-ананы қымбат ойыншық алуға итермелейді. Нәтижесінде бала бойына бірнеше қажетсіз қасиеттерді сіңіруі мүмкін.Әлемнің дамыған елдері бұл мәселені ертерек түсініп, «бейбіт ойыншық» өндірісін жолға қойған. Мысалы, Жапонияда ғылымға қызықтыратын құрылғылар, Еуропада шығармашылыққа жетелейтін ойындар кең тараған. Олар баланың ойлау қабілетін дамытып, төзімділікке үйретеді.Ал бізде әлі де әскерилердің автоматы немесе пышағы өтімді тауарлардың бірі. Бірақ таңдау ата-ананың қолында. Қарапайым конструктор, табиғатты танытатын үстел ойыны немесе сурет салуға арналған құрал – бір мылтықтан әлдеқайда пайдалы. Мұндай ойындар баланы қиялға жетелейді, білімге ынталандырады.Әрине, ойыншық – балалық шақтың ажырамас бөлігі. Бірақ балаға берер ең үлкен сыйлық – оның дамуына сеп болатын пайдалы дүние. Бір қымбат роботтың орнына сүйікті кітабын сыйлау – ой-өрісін кеңейтеді. Бір пластик мылтықтың орнына спорт үйірмесіне жазу – денсаулығын нығайтады.Музыкалық аспапқа баулу – құлақ пен қиялды шыңдайды, ал сурет салу құралдары – шығармашылыққа жетелейді. Мұндай дүниелер баланың тек уақытын қызыққа толтырып қоймай, оның болашағына салынған инвестицияға айналады. Бала өскенде ойыншықты емес, алған тәрбиесін ұмытпайды.7 қыркүйек – Соғыс ойыншықтарын жою күні бізге жай ғана атаулы күн болып көрінуі мүмкін. Бірақ оның мәні терең. Бұл күні әрбір ата-ананы «баламның қолындағы ойыншық қауіпсіз бе?» деген сұрақты мазалауы тиісҚорлан САРЫФото: freepik.com

Балаларды бейбітшілкке бейімдейік

<a href="https://kyzylorda-news.kz/">Kyzylorda-news.kz</a> Елімізде күзгі мерзімді әскери қызметке шақыру басталды. Қорғаныс ведомствосының мәліметінше, 1 қыркүйектен 31 желтоқсанға дейін Қарулы күштер мен басқа да күш құрылымдарына 18 бен 27 жас аралығындағы 22 мыңға жуық азамат жіберілетін болады.Әскерге шақырылушылардың көбінде кредиттік &nbsp;міндеттемелер мәселесі туындайды. &nbsp; Fingramota.kz әскерге шақырылушылар үшін қандай заңнамалық нормалар күшіне енгенін және мемлекет әскерге шақырылушыларға қалайша қолдау көрсететінін айтып береді.<h2 style="text-align:center;">Қарыздар бойынша төлем мерзімін кейінге қалдыру: заң әскерге шақырушыларды қорғайды</h2>Қаржы нарығын реттеу және дамыту агенттігі (бұдан әрі – Агенттік) 2024 жылғы тамыздан бастап «Банктер және банк қызметі туралы» және «Микроқаржылық қызмет туралы» заңдарға енгізілген түзетулер күшіне енгені жөнінде еске салады, түзетулермен банктер мен микроқаржы ұйымдарының мерзімді әскери қызметін өткеруші қызметшілерге банктік қарыздар мен микрокредиттер бойынша төлемдерді кейінге қалдыру міндеті бекітілді.Бұл кейінге қалдыру әскери қызмет өткерудің барлық мерзіміне және ол аяқталғаннан кейін 60 күнге қолданылады. Осы кезеңде негізгі борыш пен пайыздарды өтеу тоқтатылады, сондай-ақ кредит бойынша сыйақы есептелмейтін болады.Ең бастысы — әскерге шақырылушыдан ешқандай өтініштер беруге, кредиторларға баруға немесе қосымша қағаздарға қол қою талап етілмейді. Барлығы автоматты түрде жасалады. 2025 жылғы шілдедегі жағдай бойынша 23 009 адам мерзімді қызметін өткеруде, оның ішінде 20 774 әскери қызметші қарыздар бойынша кейінге қалдыру алды. Яғни, әскерге шақырылушылардың 90%-дан астамы қарыздар бойынша кейінге қалдыруды пайдаланды.Бұл ретте, кредитор кредит бойынша төлемді кейінге қалдыруды автоматты режимде ұсынбаған жағдайда, қарыз алушы/әскери қызметші кредиторға тиісті өтінішпен жүгінуге құқылы екендігін атап өтеміз. Мәселе кредитормен реттелмеген жағдайда, әскери қызметші сондай-ақ Агенттікке жүгінуге құқылы.Білгеніңіз маңызды! Егер кредит бойынша сот шешімі, атқарушылық жазба немесе борышты өтеу туралы бітімгершілік келісім шығарылып қойған болса, онда бұл шешімдер «Атқарушылық іс жүргізу туралы» заң шеңберінде мерзімді әскери қызмет кезеңіне тоқтатыла тұрады.Жаңа өзгерістер: мерзімді әскери қызметін өткерушілерге ешқандай &nbsp;жаңа кредиттер берілмейді2025 жылдың жазында тағы бір маңызды заң қабылданды. 2025 жылғы 31 тамыздан бастап банктер мен микроқаржы ұйымдарына мерзімді қызметтегі әскери қызметшілерге қызметті өткеру мерзіміне кредиттер мен микроқарыздар беруге тыйым салынады.Бұдан былай кредит алуға өтініш берген кезде банктер мен МҚҰ кредиттік бюро арқылы жас адамның мәртебесін тексеруге міндетті. Егер кредиттік есепте «мерзімді әскери қызметші» мәртебесі көрсетілсе, кредит берілмейтін болады.Аталған тетікті іске асыру үшін Агенттік 2025 жылғы 20 тамызда № 34 қаулы қабылдап, ол Қорғаныс министрлігі мен кредиттік ұйымдар арасындағы мәліметтер алмасу тәртібін бекітіп берді. Әскерге шақырылушының кредиттік есебінде әскерге шақыру туралы бұйрықтың күні мен қызметтен босатылғаннан кейін жеке құрамның тізімдерін алып тастау күні көрсетіле отырып, енді оның мәртебесі автоматты түрде тіркеліп тұрады.Бұл шешімнің екі мақсаты бар:1. &nbsp; &nbsp;Әскери қызметшілерді шамадан тыс кредит алу тәуекелінен қорғау.2. &nbsp; &nbsp;Әскерге шақырылушылардың жиі жағдайда қарыздарды төлеуге көмектесуге мәжбүр болатын отбасыларына түсетін жүктемені азайту.Қорғаныс министрлігінің мәліметінше, мерзімді әскери қызметке шақырылған әскери қызметшілер әскери-оқытылған резервтің негізін құрайды. Бұл дегеніміз, қажет болған жағдайда елдің аумақтық тұтастығын қорғау үшін дәл осы қызметшілердің жұмылдырылуы мүмкін екенін білдіреді. Сондықтан мемлекет әскери қызметті құрметті міндет етіп қана қоймай, сонымен қатар қосымша қорғау мен қолдауды қамтамасыз етуге тырысады. Әскерге шақырылушылар қызмет кезеңінде олардың кредиттерінің уақытша тоқтатылып тұрғанына сенімді болған уақытта қызметті өткеру алаңсыз әрі біршама оңай өтеді.Бұдан басқа, процесті автоматтандыру қосымша бюрократиялық кедергілерді жояды: әскери қызметшіге банктер мен МҚҰ-ға жүгірудің, құжаттар ресімдеп, уайымдаудың қажеті болмайды.<h2 style="text-align:center;">Шақыруды ұйымдастыру: цифрлық шақырту қағаздары мен жаңа мерзімдер &nbsp;</h2>2025 жылы шақыруды ұйымдастыру процесінің өзі де өзгерді. Енді келу туралы хабарламалар қағаз түріндегі шақырту қағаздары арқылы ғана емес, сондай-ақ SMS және eGov порталындағы жеке кабинет арқылы да жіберіледі. Құжат келу күнінен кемінде үш күн бұрын келуі керек. Егер әскерге шақырылушының телефоны немесе eGov-та есептік жазбасы болмаса, шақырту қағазы қол қою арқылы жеке тапсырылады немесе пошта арқылы жіберіледі. Бұл ретте шақырту қағазын алғаны туралы қол қоюдан бас тартудың өзі келу міндетінен босатпайды – хабарлама бәрібір жарамды болып саналады.Тағы бір жаңалық: күзгі шақыру енді бұрынғыдай қазан айынан емес, 1 қыркүйектен басталады. Бұл шешім дайындық уақытын ретке келтіру және жұмылдыру ресурстарын оңтайландыру үшін қабылданды.Абайлаңыз: алаяқтар!Кез-келген ауқымды науқан алаяқтардың қызығушылығын тудырады. Қаскүнемдер мессенджерлер мен әлеуметтік желілер арқылы күдікті сілтемелерден &nbsp;тұратын жалған «шақырту қағаздарын» таратулары мүмкін. сондай сілтемелер арқылы өтіп, өзіңіздің телефоныңыз бен жеке деректеріңізге қол жеткізуге рұқсат беруіңіз мүмкін.Бұл &nbsp;- фишингтің классикалық мысалы. Интернет-хабарларға сенетін жастар әрдайым қауіп туралы ойлай бермейді.Сондықтан мынаны естен шығармау маңызды: ресми хабарламалар мемлекеттік сервистерден және әскери комитеттен тек eGov, SMS арқылы келеді. Қалған нәрсенің барлығы – сақтық шараларын қабылдауға себеп.Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Әскерге күзгі шақыру – 2025: кредиттік міндеттемелер жөнінде әскери қызметшілерге арналған жаңалықтар 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев экологиялық мәселелерді талқылауға Сыр еліне жұмыс сапарымен келген Парламент Мәжілісінің депутаттары Еділ Жаңбыршин, Мархабат Жайымбетовпен және «Хуанрань Медикал» компаниясы директорлар кеңесінің төрағасы, «Майжике Инвестмент менеджмент» компаниясының басқарма төрағасы Лю Бо, аталған компанияның тең төрағасы Юй Шимао, «Иньцзян Эко-пром» компаниясының басқарма төрағасы Е Вэйумен кездесті.Басқосуға жауапты салалардың, өнеркәсіптік кәсіпорындардың басшылары, халықаралық сарапшылар мен шетелдік компаниялардың өкілдері қатысты.Аймақ басшысы өңірдің инвестициялық әлеуетіне, атқарылған жұмыстарға тоқталды.<blockquote>«Екі Мемлекет басшыларының сарабдал саясаты нәтижесінде қазақ-қытай қарым-қатынасында сенімді экономикалық серіктестік пен табысты мәдени-гуманитарлық байланыстар қалыптасты.Қытай Халық Республикасы – Қызылорда облысының ең ірі сауда серіктестерінің бірі. Өңірімізде қара және түсті металдардың, пайдалы қазбалар мен сирек кездесетін жер элементтерінің қорлары бар. Еліміздің ваннадий қорының 66%,-ы мырыштың 16%,-ы қорғасынның 11% және уранның 15%-ы Қызылорда облысында орналасқан.Аймағымыздағы әлеуеті зор 61 инвестициялық жобаның тизерлерін қарастырып, медициналық өнімдер шығаратын өндіріс орнын ашуға шақырамын. Сондай-ақ, Қызылорданың құрылыс саласындағы инвестициялық әлеуетін ескеріп, ламинат шығаруға қызығушылық танытудамыз. Облыс әкімдігі қажетті техникалық шарттарды алуға жан-жақты қолдау көрсетуге дайын», – деді Н. Нәлібаев.</blockquote>Басқосуда қоршаған ортаны қалпына келтіру, суды тазарту, өнеркәсіптік қалдықтарды қайта өңдеу және қайталама шикізат негізінде құрылыс материалдарын өндіру бағытындағы жұмыстар да талқыланды.Еділ Жаңбыршин қоршаған ортаны қорғау мемлекеттік саясаттың басым бағыттарының бірі екенін және жүйелі бақылауды талап ететінін атап өтті.Қытайлық компаниялардың өкілдері сөз сөйлеп, қазақстандық кәсіпорындарда инновациялық шешімдерді енгізуге, қолданыстағы өндірістерді жаңғыртуға және экологиялық таза технологияларға негізделген жаңа өндірістерді құруға дайын екендіктерін білдірді.Айта кетейік, 5-6 қыркүйекте Парламент Мәжілісінің Экология мәселелері және табиғат пайдалану комитеті Қызылорда облысы әкімдігімен бірлесіп, жұмыс кеңесін өткізуде. Іс-шараның мақсаты – экологиялық заңнаманың жекелеген нормаларының орындалу барысын зерделеу, оны жетілдіру бойынша ұсыныстар әзірлеу. Кеңесте Қызылорда облысындағы өзекті экологиялық мәселелер қаралуда.Мәжіліс депутаттары мен шетелдік қонақтар өнеркәсіптік нысандарды, «Өндіріс» индустриялық аймағын, құрылысы қарқын алған газтурбиналық электр станциясын аралап көрді.Фото: Қызылорда облысы әкімінің баспасөз қызметі

Экологиялық мәселелер талқыланды

<a href="https://kyzylorda-news.kz/">Kyzylorda-news.kz</a> Қызылордалық полицейлер биыл 8 айда есірткі қылмысына қарсы іс-қимыл жүргізу нәтижесінде 210 құқықбұзушылықты <a href="https://kaz.inform.kz/news/kizilordada-uy-zhagdayinda-esrtk-osrgen-5-fitozerthana-aniktaldi-8d52aa/">анықтады</a>.Оның басым бөлігі есірткіні өсіру, өткізу және жарнамалауға бағытталған.Облыстық полиция департаменті мәлімдегендей, заңсыз айналымнан 1 тонна 315 келі есірткі алынды.&nbsp;<blockquote>— Аймақта есірткінің басқа түрлеріне қарағанда марихуана көбірек өтімді болып тұр. Сондай-ақ синтетикалық есірткі заңсыз айналымға енгелі героинді айналымнан ығыстырды. Оның интернет және әлеуметтік желілер арқылы таралуы ұйымдасқан қылмыстық топтарды анықтауға кері әсерін тигізіп отыр, — деді департаменттің басқарма бастығы Біржан Бағысов.</blockquote>Сондай-ақ үй жағдайында сора өсірген 5 фитозертхана анықталды. Маусым айында аса ірі мөлшерде синтетикалық есірткі тасымалдаған Қызылорда және Маңғыстау облыстарының тұрғындары құрықталды.<blockquote>— Жедел профилактикалық іс-шаралар нәтижесінде есірткіні жарнамалайтын граффити суреттер азайды. «Кибернадзор» ақпараттық жүйесіне синтетикалық есірткіні жарнамалайтын 1050 сайт енгізіліп, бұғатталды. Профилактикалық іс-шаралар өткізуге жергілікті бюджеттен 17 млн теңге бөлінді, — деді Бағысов.</blockquote>Ал жақында Алматы облысының 35 жастағы тұрғыны 2024 жылдың қазан айында жерасты есірткі зертханасын ұйымдастырғаны үшін 8 жылға бас бостандығынан айырылды.Фото: Polisia.kz

Қызылордада үй жағдайында есірткі өсірген 5 фитозертхана анықталды

<a href="https://kyzylorda-news.kz/">Kyzylorda-news.kz</a> Сенат депутаты Геннадий Шиповских онлайн-казиноларды жарнамалайтын блогерлерге жазаны күшейтуді сұрап,&nbsp;депутаттық сауал жолдады. Бұл туралы&nbsp;<a href="http://stan.kz/">Stan.kz</a>&nbsp;ақпарат&nbsp;агенттігі хабарлады.&nbsp;Депутаттың айтуынша, соңғы екі жарым жылда елімізде 205 астыртын казино жабылып, 224 тұлға қылмыстық жауапкершілікке тартылған. Блогерлердің заңсыз қызметтерді ілгерілетуге қатысуы ерекше алаңдаушылық туғызады.Тек биылғы жылдың өзінде 34 блогердің онлайн-казиноларды жарнамалағаны анықталған.&nbsp;Олардың ішінде кейбірі бірнеше рет әкімшілік жазаға тартылса да, заңсыз әрекетін жалғастырып келеді. Себебі қарапайым айыппұлдар оларды тоқтатуға жеткіліксіз, заңсыз жарнамадан түсетін миллиондаған пайда төленген әкімшілік жазадан әлдеқайда асып түседі.<blockquote>«Әлеуметтік желілер кеңістігінде кейбір блогерлердің заңсыз жеңіл ақша табу үрдісі күрт көбейіп кетті. Әсіресе, олардың онлайн-казино, жалған ұтыстар, яғни гивтар, курстар және күмәнді қаржы айналымдарын насихаттауы кеңінен етек алып отыр. Бұл құбылыс халықтың әлеуметтік-экономикалық әл-ауқатына айтарлықтай зиян тигізіп, жастар арасында құмар ойынға тәуелділік, отбасылық дағдарыс және көлеңкелі қаржы айналымының өсуіне әкелуде», –&nbsp;дейді&nbsp;депутат.</blockquote>Геннадий Шиповских мұндай блогерлерді қылмыстық жауапкершілікке тартуды ұсынды.<blockquote>«Қазір заңсыз онлайн-казино және күмәнді гивтерді жарнамалаған блогерлерге қолданылып жатқан әкімшілік айыппұлдардан бөлек, қылмыстық жауапкершілік тетігін толыққанды іске қосуды ұсынамыз. Әлеуметтік желілерде жиі ұйымдастырылатын ұтыс ойындары мен гивтердің заңдылығын тексеру үшін арнайы мониторинг жүйесін енгізу керек. Заңсыз жарнаманы таратушылармен қатар, осы қызметке делдалдық жасап отырған төлем ұйымдары мен жарнамалық агенттіктердің қызметіне мониторинг жүргізу керек», –&nbsp;деді Геннадий Шиповских.</blockquote>Фото: senate.parlam.kz

Депутат онлайн-казиноларды жарнамалайтын блогерлерге жазаны күшейтуді ұсынды

6 қыркүйек – Анықтау&nbsp;қызметі&nbsp;күні<a href="https://kyzylorda-news.kz/">Kyzylorda-news.kz</a> 6 қыркүйек – Анықтау қызметі күні. Қазақстанда бұл күннің кәсіби мереке ретінде аталып келе жатқанына биыл – отыз төрт жыл. Жалпы анықтаушы – жауаптылық пен аса ұқыптылықты, тиянақтылықты қажет етеді. Мамандықтың басты міндеті – қылмыстың барлық егжей-тегжейін анықтау, күдікті адамдардың әрекетінің себебін нақтылау немесе қылмыс белгілері болған жағдайда қылмыстық іс қозғау. Анықтау кезеңінде азаматтың қандай да бір қылмыс немесе құқық бұзушылық жасаған уәжін түсіну – басты талап. Біз атаулы мерекеге орай осы салада қызмет атқаратын Мереке Болатқызымен әңгімелестік.Мереке Қожамұратова – Қызылорда облысы, Жалағаш ауданы, Бұқарбай батыр ауылында 1996 жылы дүниеге келген.ҚР ІІМ Қостанай Заң академиясына оқуға түсіп, 2017 жылы оқуды аяқтаған. Бүгінде ол Қызылорда қалалық полиция Басқармасының Анықтау бөлімінің анықтаушысы, полиция капитаны қызметін атқарады.Тілші: Анықтау қызметіне тоқталып өтсеңіз? Жауапкершілігі мен қойылар талабы қандай?М.Болатқызы:– Анықтау қызметіне қатысты жауапкершілік пен қойылатын талаптар нақты заңмен реттеледі. Нақты талаптар: қылмыстық процессуалдық заңнаманы жақсы білу, істі заң жүзінде жүргізу, жоғары жауапкершілік адалдық басты орында тұрады. Жалпы қылмыспен күресу – аса маңызды міндет. Біз өзімізге жүктелген міндетті орындап, артылған жауапкершілік үдесінен шығуымыз керек.Бұл мамандықты таңдар тұста сауаттылық пен төзімділікті басты орынға қою керек. Өзіңіз білетіндей, Ішкі істер саласының қызметі, міндеті ауыр. Әр сағатымыз ғана емес, әр өткен минутымыз маңызды. Сонымен қатар біздің жұмыс қателікті кешірмейді. Біз әр адамның тағдырына жауаптымыз. Кісінің қылмысқа қатысы бар ма, жоқ па соның барлығын түбегейлі зерттеп, нақты дәлелмен көз жеткізуіміз керек. Жұмыс болған соң әртүрлі жағдай кездеседі.Тілші: Бұл салаға келуге не түрткі болды?&nbsp; М.Болатқызы:– Бұл салаға келуіме заң мен әділеттілікке деген құштарлығым себеп болды. Әр адамның құқығы қорғалуы керек деген сенім мені осы жолға итермеледі.Тілші: Сіздіңше бұл саладағы мамандардың бойынан қандай қасиеттер табылу керек?М.Болатқызы:– Анықтау саласында қызмет ететін қызметкердің бойында ең алдымен әділдік, адалдық және жоғары жауапкершілік керек. Сонымен қатар заңды терең білу, байсалдылық, шынайылық пен төзімділік өте маңызды.Тілші: &nbsp;Қылмыстың қай түрі жиі орын алады?М.Болатқызы:– Алаяқтық қылмыстар жиі болады. Жалпы қоғамда алаяқтық белең алып тұр. Адамдар сенгіш, сезімтал келеді екен. Бізге көп келетін іс те осы.Тілші: Жұмысыңыздың қиындығы мен қызықты тұсы қандай?М.Болатқызы:– Бұл салада қызмет жасау оңай емес, әсіресе қыз бала үшін физикалық, эмоционалдық және моральдық жағынан белгілі бір қиындықтар болады. Дегенмен бұл қиындықтар өз мамандығыңа деген сүйіспеншілік пен жауапкершілік арқылы жеңілдейді. Ең бастысы – мақсат пен сенім.Тілші: &nbsp;Сұқбатыңызға рақмет!Сұқбаттасқан: Мөлдір САБЫРЖАН

Мереке БОЛАТҚЫЗЫ: Біздің жұмыс қателікті кешірмейді

<a href="https://kyzylorda-news.kz/">Kyzylorda-news.kz</a> «Қазақстандағы орыс қауымдастығы: бірлік, келісім және мәдени мұраға 30 жыл» Қазақстан халқы Ассамблеясының 30 жылдығына орай Қызылорда қаласында орыс қауымдастығының онкүндігі басталды. Достық үйінде өткен салтанатты шара аясында «Қазақстандағы орыс қауымдастығы: бірлік, келісім және мәдени мұраға 30 жыл» атты дөңгелек үстел ұйымдастырылды.Жиынға этномәдени бірлестіктердің өкілдері, ҚХА ардагерлері, жастар ұйымдары мен бұқаралық ақпарат құралдарының өкілдері қатысты.Кездесудің ашылуында облыстық қоғамдық даму басқармасы басшысының орынбасары Артур Қамбаров сөз сөйлеп, Қазақстандағы этностардың мәдени, рухани және қоғамдық өмірдегі рөліне тоқталды.<blockquote>– «Орыс қауымдастығы – халқымыздың тарихымен біте қайнасқан, ел дамуының әр кезеңінде өзіндік із қалдырған маңызды этнос. Олар тәуелсіздік жылдарынан бастап білім беру, мәдениет және қайырымдылық саласында айтарлықтай белсенділік танытып келеді. Бүгінгі онкүндік – сол ортақ құндылықтарды дәріптейтін игі бастама», – деді ол.</blockquote>Шара барысында қатысушылар қауымдастықтың этносаралық татулықты нығайтуға, мәдени дәстүрлерді сақтауға қосқан үлесін сөз етті. Сондай-ақ алғашқы төраға Владимир Толоконниковтің еңбектері еске алынып, ұйымның қалыптасу тарихына шолу жасалды.2007 жылы құрылған орыс қауымдастығы бүгінде түрлі мәдени, ағартушылық және әлеуметтік жобаларды жүзеге асырып, өңірдегі этномәдени орталықтармен тығыз байланыс орнатып келеді. Көрермендерге арнайы әзірленген бейнероликтер ұсынылып, қауымдастық белсенділері мен серіктестеріне құрмет грамоталары табысталды.Жиын соңында шығармашылық ұжымдар өнер көрсетіп, фотокөрме ұйымдастырылды. Кеш қонақтары орыс этносының әндерін тыңдап, мерекелік көңіл-күйге бөленді.Қауымдастық төрағасы Наталья Мишукова қатысушыларға алғыс айтып, онкүндікке арналған іс-шаралар легі туралы БАҚ өкілдеріне сұхбат берді.

Орыс қауымдастығының онкүндігі басталды

<a href="https://kyzylorda-news.kz/">Kyzylorda-news.kz</a> 4 қыркүйек күні облыстық кітапханада Қазақстан халқы тілдері күніне орай «Тілім – менің байлығым» атты дөңгелек үстел ұйымдастырылды.Шараға «Қызылорда облысының тілдерді оқыту орталығы» мемлекеттік тіл оқытушысы Ү.Ақниетқызы, «Qazbilim Qyzylorda» ұлттық лицейінің қазақ тілі пәні мұғалімі А.Темирова, Қызылорда облыстық қоғамдық даму басқармасының «Қоғамдық келісім» КММ жетекші сарапшысы, «Ассамблея жастары» РҚБ облыстық филиалының төрағасы, «Корей» этномәдени бірлестігі мүшесі Е.Пак, «Татар» этномәдени бірлестігінің жетекшісі Г.Гизатуллина, сондай-ақ Қызылорда Ашық университетінің, М.Ықсанов атындағы политехникалық колледжінің және «Orda» жоғары колледжінің студенттері қатысты.Қатысушылар тілдің халықтың рухани мұрасы әрі ұрпақтан-ұрпаққа жететін асыл қазына екеніне тоқталып, қазақ тілінің мәртебесін көтеру мен этносаралық қатынастағы маңызы жайында ой бөлісті.Шара аясында оқырмандар назарына «Тілге құрмет – ұлтқа құрмет» атты кітап көрмесі ұсынылды.<img src="https://knadmin.beoblood.kz/uploads/assambleya_2175b8c688.jpg" alt="ассамблея.jpg"><img src="https://knadmin.beoblood.kz/uploads/assambleya_7_b5779ffca9.jpg" alt="ассамблея 7.jpg"><img src="https://knadmin.beoblood.kz/uploads/assambleya_2_65ec806591.jpg" alt="ассамблея 2.jpg"><img src="https://knadmin.beoblood.kz/uploads/assambleya_9_17d0c2a910.jpg" alt="ассамблея 9.jpg"><img src="https://knadmin.beoblood.kz/uploads/assambleya_8_9c994c78c8.jpg" alt="ассамблея 8.jpg"><img src="https://knadmin.beoblood.kz/uploads/assambleya_6_5eab3bdc34.jpg" alt="ассамблея 6.jpg">

«Тілім – менің байлығым» дөңгелек үстелі өтті

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрі Светлана Жақыпова Мемлекет басшысының тапсырмаларын іске асыру шеңберінде азаматтардың жұмыс күші тапшылығы бар өңірлерге ерікті түрде қоныс аударуын ынталандыру шаралары туралы айтып берді. &nbsp;Бұл туралы <a href="https://kaz.inform.kz/news/45mln-tenge-zhumis-kush-tapshi-onrlerge-koshkenderge-sertifikat-berled-1ddcbc/">kaz.inform.kz </a>хабарлады.&nbsp;<blockquote>– Ерікті түрде қоныс аударуға жәрдемдесу шеңберінде жаңа қолдау шаралары енгізілді. Қоныс аударушыларға тұрғын үй сатып алу үшін экономикалық мобильділік сертификаты беріледі. Бұл шамамен 4,5 млн теңге. Соңғы үш жылда 6 мың отбасы еңбек күші тапшылығы бар өңірлерге қоныс аударды. Олардың жартысынан көбі сертификат алды. Қабылдаушы өңірлерде жеке мобильді сүйемелдеу жүйесі жұмыс істейді, – деді Светлана Жақыпова.</blockquote>Министрдің мәлімдеуінше, биыл 6 мыңнан астам адам аталған қызметті алған.<blockquote>– Қоныс аударушылар үшін ауыл шаруашылығы мақсатында берілетін жер учаскелерін конкурстан тыс тәртіппен алу құқығы, сондай-ақ материалдық көмекті есепке алу үшін ашық шоттардан өндіріп алу үшін тыйым салуды көздейтін түзетулер қабылданды. Көшу кезінде материалдық көмекке жүгінудің электронды форматы енгізілді. Жаңа механизм іске асырылған сәттен бастап, «қандас» мәртебесін 13 мың этникалық қазақ алды. Бұдан басқа біз шетелдік жұмыс күшін тарту квотасын төмендету саясатын дәйекті түрде жүргізіп келеміз. Соңғы 5 жылда тартылған шетелдік жұмысшылар саны 25 мыңнан 17 мыңға дейін төмендеді. Әлеуметтік әділеттілік қағидатын белгілеу, оңтайландыру бойынша жүргізіліп жатқан барлық жұмыс мемлекет пен қолдауға мұқтаж азаматтар мүддесі теңгерімін қамтамасыз етуге және көрсетілетін қызметтің сапасын арттыруға бағытталған, — дейді ведомство басшысы.</blockquote>Фото: Үкімет

Қазақстан және Қызылорда облысының жаңалықтары