Қызылорда қаласында кәсіпкерлер үшін аса маңызды шешім қабылданды. Қалалық мәслихаттың кезектен тыс сессиясында оңайлатылған декларация негізінде арнаулы салық режимін қолданатын бизнес субъектілеріне корпоративтік немесе жеке табыс салығының мөлшерлемесін 4 пайыздан 2 пайызға дейін төмендету туралы ұсыныс депутаттар тарапынан толық қолдау тапты.Бұл бастама – AMANAT партиясы ұзақ уақыттан бері көтеріп келе жатқан, өңір кәсіпкерлері үшін аса өзекті мәселелердің бірі. Партияның қоғамдық қабылдауларына түскен мыңдаған өтініштердің басым бөлігі шағын және орта бизнеске салынатын салық ауыртпалығына қатысты болды. Осыған байланысты партия өңірлік деңгейде де, республикалық деңгейде де жүйелі түрде ұсыныстар енгізіп, талқылаулар жүргізіп отырды. Соның нақты нәтижелерінің бірі – Қызылорда қаласында қабылданған қазіргі шешім. Сарапшылардың пікірінше, салықты 4%-дан 2%-ға төмендету бірнеше маңызды бағытқа оң ықпал етеді.Шағын және орта бизнес – қаланың экономикалық тірегі. Салық мөлшерлемесінің төмендеуі кәсіпкерлерге тыныс береді, айналым қаражатын көбейтіп, жұмыс орындарын сақтауға мүмкіндік береді.Қолданыстағы салық мөлшерлемесінің жоғары болуы кей кәсіпкерлерді тіркелмеуге немесе табысын жасыруға итермелейтіні жасырын емес. Ал жаңа мөлшерлеме бизнестің ашық жұмыс істеуіне ынталандырады. Мәслихатта бұл фактор ерекше атап өтілді: салықты азайту – салықтан жалтаруды азайтудың тиімді жолы.Салықтық жеңілдік – кез келген өңірдің инвестициялық тартымдылығын арттыратын маңызды көрсеткіш. Қызылордада қабылданған бұл шешім жергілікті кәсіпкерлер үшін ғана емес, сырттан келетін инвесторлар үшін де оң сигнал.

Қызылордада бизнеске салынатын салық мөлшерлемесі төмендеді

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев ауыл әкімдерінің жиынында мемлекет әрдайым ауылды қолдайтынын жеткізді, – деп хабарлайды <a href="https://kaz.inform.kz/news/memleket-ardayim-auildi-koldaydi-tokaev-a05779">Қазақпарат.</a><blockquote>«Біз бүгін ауылға қатысты көптеген маңызды мәселені көтеріп, нақты міндеттерді айқындадық. Алдымызда тұрған міндеттің бәрін сапалы әрі жүйелі орындасақ, мақсатымызға жетеміз. Ауыл өмір сүруге қолайлы, еңбек етуге жайлы болуға тиіс. Ауыл әкімі осы өте маңызды жұмыстың басы-қасында жүреді. Бүгін әкім Жанар Нұрмұратқызы «Таза Қазақстан» қозғалысы жөнінде өте өзекті мәселе көтерді. Оған алғыс айтамын. Мемлекеттік саясатты халыққа жеткізетін де, елдегі өзгерістердің, атқарылып жатқан ауқымды жұмыстың мән-маңызын жан-жақты түсіндіретін де&nbsp;— әкімдер. Мен Сіздерге зор үміт артамын»,&nbsp;— деді Мемлекет басшысы.</blockquote>Оның пайымынша, әкімнің ең басты міндеті&nbsp;— тұрғындардың тұрмыс сапасын арттыру. Ауылдағы ағайынның әл-ауқаты жақсарса, ауылдарымыз да&nbsp;көркейеді деген сөз.<blockquote>«Сіздер ауылды өркендету үшін табанды еңбек етесіздер деп сенемін. Ауыл халқы елімізді дамытуға зор үлес қосуда. Мен осы сәтті пайдаланып, барлық ауыл тұрғындарына зор алғыс айтамын. Мемлекет әрдайым ауылды қолдайды. Себебі ауыл&nbsp;— ұлтымыздың өзегі. Ауылды жаңа көзқараспен, озық оймен, жаңартылған тәсілдермен бірге дамытуымыз керек»,&nbsp;— деді Президент.</blockquote>Ол&nbsp;бүгінгі жиында ауыл әкімдерімен қатар, Үкімет мүшелері және облыс әкімдері отырғанын атап өтті. Сонымен қатар Үкіметке экономиканы сауықтыру үшін Ұлттық банкпен, Қаржы нарығын реттеу және дамыту агенттігімен бірлесіп, нақты шаралар қабылдауды тапсырғанын да&nbsp;еске салды.<blockquote>«Осыған орай, өткен аптада үш жылға арналған Макроэкономикалық тұрақтандыру және халықтың әл-ауқатын арттыру жөніндегі бірлескен іс-қимыл бағдарламасы қабылданды. Құжатта көрсетілген шаралар сапалы әрі уақтылы орындалуы керек. Бұл жұмысқа облыс әкімдері белсене атсалысуға тиіс. Нақты ойластырылған ұсыныстарды Үкіметке енгізуге рұқсат беремін. Алдымызда тұрған басты мақсаттар: экономиканың тұрақты, сапалы өсімін қамтамасыз ету қажет; инфляцияны төмендетіп, халықтың табысын арттыру арқылы тұрмыс жағдайын жақсарту қажет; жеке секторды дамытып, өндірісті жандандыру керек; дайын өнім экспортын көбейту қажет»,&nbsp;— деді Қасым-Жомарт Тоқаев.</blockquote>Президенттің сөзінше, мемлекетіміздің алдында әлі де&nbsp;көптеген сынақ пайда болуы мүмкін. Қазіргі таңда әлемдегі ахуал тұрақты емес, келешегі бұлыңғыр деуге болады. Кейбір елдердің егемендігі, жерінің тұтастығы әлі толық шешілмеген, тіпті, бұл мәселе халықаралық даулардың өзекті тақырыбына айналды. Біріккен Ұлттар Ұйымының беделі әлсіреп кетті, жаһандық экономика да&nbsp;құбылмалы күйде.<blockquote>«Сондықтан бәріміз бір ұлт болып, қырағылықты сақтауымыз керек, жас ұрпаққа қамқорлық көрсетіп, дұрыс тәрбие беруіміз қажет, ішкі даулардан аулақ болып, ынтымақ-бірлігімізді нығайтуымыз керек. Жалпы, бәрімізге ортақ аса маңызды міндет&nbsp;— ел&nbsp;мүддесіне тиімді қызмет ету. Қазақстанның егемендігі, дербестігі, тәуелсіздігі&nbsp;— бәрінен қымбат. Бұл&nbsp;— ұлтымыздың алдында тұрған ең биік мақсат. Мен ел&nbsp;Президенті ретінде бұл мақсатты орындау үшін барлық күш-жігерімді саламын»,&nbsp;— деді Мемлекет басшысы.</blockquote>

Президент: "Мемлекет әрдайым ауылды қолдайды"

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаев ауыл әкімдерінің диалог-платформасында сөз сөйлеп, әкімнің, ең алдымен халықпен тікелей жұмыс істейтін мемлекеттік қызметші екенін еске салды.<blockquote>– Бүгінгі жиынның мән-маңызы айрықша. Еліміздегі барлық деңгейдегі атқарушы билік өкілдері осы жерге арнайы шақырылды. Ауыл әкімдерінің басым көпшілігі, яғни 80 пайызы осында. Жалпы, осындай ауқымды құраммен алғаш рет бас қосып отырмыз. Шын мәнінде, тақырып – өте өзекті. Ауылдың жағдайы – еліміз үшін стратегиялық маңызы бар мәселе. Себебі халқымыздың тамыры – ауылда. Ауылдарымыз мықты болса, еліміз де берекелі болмақ. Сондықтан ауыл әкімдеріне қойылатын талап та, оларға жүктелетін міндет те әрдайым ерекше. Әкім – ең алдымен, халықпен тікелей жұмыс істейтін мемлекеттік қызметші. Бұл – өте жауапты жұмыс. Ауыл әкімі ауылдың болмысын, ауылдағы ағайынның өмірін жете түсінетін нағыз іскер маман болуы керек. Жаңа ғана бірнеше әкімнің сөзін тыңдадық. Айтылған ой-пікірлерді және ұсыныстарды мұқият зерделеп, жұмыс барысында міндетті түрде ескеру қажет, – деді Президент.</blockquote>

Мемлекет басшысы: «Әкім – ең алдымен, халықпен тікелей жұмыс істейтін мемлекеттік қызметші»

<a href="https://kyzylorda-news.kz/">Kyzylorda-news.kz</a> Бүгін Халықаралық мүгедектер күніне орай Ә.Тәжібаев атындағы облыстық кітапханада «Қайсар жандар қасымызда» атты кездесу өтті.Оған Пара пауэрлифтингтен ҚР-ның Халықаралық дәрежедегі спорт шеберлері, Қазақстан және Әлем Чемпионатының бірнеше дүркін жеңімпаздары &nbsp;Төлжан&nbsp;Фариза Қалбайқызы және Бойко Снежанна, Пара жеңіл атлетикадан Қазақстан Республикасының халықаралық дәрежедегі спорт шеберлері, әлемдік Гран-при сериясының жүлдегерлері Еламан Жоламан Маратбекұлы және Мақшат Мейіржан Қалданұлы қатысты.<img src="https://knadmin.beoblood.kz/uploads/ajsar_zhandar_asymyzda_1_8918a30f92.jpg" alt="«Қайсар жандар қасымызда» 1.jpg">Кеш қонақтары спорт саласындағы жетістіктері, қол жеткен табыстары мен қызықты сәттері туралы айтып, оқырмандар тарапынан қойылған сұрақтарға жауап берді.&nbsp; &nbsp; &nbsp;Іс-шараның өткізуге Қызылорда облысының дене шынықтыру, спорт және туризм басқармасының «Мүгедектерге арналған спорт клубы» КММ-нің&nbsp;біліктілігі жоғары деңгейдегі жоғары санатты жаттықтырушылары &nbsp;Юрий Мощеевке және Бахытбек Рысбаевқа атсалысқан.

«Қайсар жандар қасымызда» тақырыбында кездесу өтті

<a href="https://kyzylorda-news.kz/">Kyzylorda-news.kz</a>&nbsp;<span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;"> Жиында Мемлекет басшысы Қасым-Жомарт Тоқаев сөз сөйлеп, ауылды өркендету, ауыл әкімдері институтын одан әрі жетілдіру міндеттерін айқындайды.&nbsp;<span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;">Cондай-ақ еліміздің саяси және әлеуметтік-экономикалық дамуының маңызды мәселелеріне тоқталады. Бүгінде еліміз бойынша 2334 ауыл әкімі <span style="background-color:rgb(255,255,255);color:rgb(0,0,0);font-family:Roboto, -apple-system, &quot;apple color emoji&quot;, BlinkMacSystemFont, &quot;Segoe UI&quot;, Roboto, Oxygen-Sans, Ubuntu, Cantarell, &quot;Helvetica Neue&quot;, sans-serif;">сайланды.&nbsp;<a href="https://t.me/aqorda_resmi">t.me/aqorda_resmi</a>

Бүгін Астанада ауыл әкімдерінің диалог-платформасы өтіп жатыр

<a href="https://kyzylorda-news.kz/">Kyzylorda-news.kz</a> &nbsp;Қызылордада «Этномедиация тәжірибесін кеңейту: жаңа мүмкіндіктер алаңы» атты ауқымды форум-кездесу өтіп, өңірдегі медиация институтының даму барысы мен этносаралық келісімді нығайту бағытындағы жылдық жұмыс жан-жақты қорытындыланды.&nbsp;Жиынды облыстық қоғамдық даму басқармасы басшысының орынбасары, облыстық Қазақстан халқы Ассамблеясы хатшылығының меңгерушісі Артур Қамбаров ашып, медиативтік тәсілдердің бүгінгі қоғам үшін маңызын сөз етті. Ол Ассамблеяның 30 жылдығы аясында этносаралық келісім бағытындағы іс-шаралардың мазмұны кеңейіп, медиация саласының жаңа деңгейге көтерілуіне жол ашылғанын жеткізді.Форум барысында облыстық ҚХА жанындағы Этномедиация кеңесінің төрағасы, кәсіби медиатор Жанна Мирамбекқызы жыл бойы атқарылған жұмыстардың негізгі бағыттарына тоқталып, ауылдық және қалалық деңгейде ұйымдастырылған кездесулер мен семинарлардың нәтижесін таныстырды. Ол медиацияның қоғамда дау тудыратын мәселелерді сотқа жүгінбей, ортақ келісіммен шешуге мүмкіндік беретін пәрменді тетікке айналып келе жатқанын баяндады.Басқосуға қатысқан Қызылорда қалалық сотының судьясы Әсел Карбозова қала аумағында медиативтік тәртіпке жүгінудің артып келе жатқанын, азаматтар мәдениетінде бітімге келу дағдыларының қалыптасып жатқанын жеткізді. Ал адам құқықтары жөніндегі ұлттық орталықтың облыс бойынша өкілдігінің бас маманы Даурен Садуов құқықтық мәдениетті арттыру ісінде медиацияның ықпалы жоғары екенін, қоғамда түсіндіру жұмыстары үздіксіз жүргізілуі тиіс екенін алға тартты.Пікір алмасу барысында Этномедиация кеңесінің мүшелері – қоғамдық медиатор Жақсыбай Жакеев, отставкадағы судья әрі кәсіби медиатор Зина Жаңбыршаева және теолог Бақтияр Оспанов этномедиацияны дамытуға қатысты ұсыныстарын ортаға салды. Олар медиацияның қазақ халқының ежелден келе жатқан бітімгершілік дәстүрімен сабақтасып жатқанын, Сыр өңірі бұл бағытта өзгелерге үлгі бола алатынын атап көрсетті.<img src="https://knadmin.beoblood.kz/uploads/589275181_4253546861631128_6802672706842131723_n_37ca0a018a.jpg" alt="589275181_4253546861631128_6802672706842131723_n.jpg">Жиын соңында өңірдегі қоғамдық келісім мен татулықты нығайтуға елеулі үлес қосқан 13 азамат облыстық қоғамдық даму басқармасы басшысының Алғыс хатымен марапатталды. Олардың қатарында Этномедиация кеңесінің төрағасы Жанна Мирамбекқызы, кәсіби медиатор Зина Жаңбыршаева, теолог Бақтияр Оспанов, кәсіби медиаторлар Ерболат Ұзақбаев пен Ерғали Оразбеков, қоғамдық медиатор Қанибек Сәдуақас, білім беру ұйымдарының мамандары Толқын Тастаева, Рахима Оспанова, Ляззат Піркәуова, Азамат Алдамбергенұлы, Гүлсара Копаева, сондай-ақ ғылыми жоба жеңімпазы Аружан Хамитова және «Қоғамдық келісім» КММ-нің сарапшысы Ақерке Абдиканиева бар. Марапат иелеріне Алғыс хатпен бірге арнайы сыйлықтар табысталды.<img src="https://knadmin.beoblood.kz/uploads/590844661_4253546994964448_8506530033732330266_n_43f378c0c3.jpg" alt="590844661_4253546994964448_8506530033732330266_n.jpg">Шараның қорытындысында модератор қоғамдағы тұрақтылық, өзара құрмет пен бірліктің маңызын ерекше атап, алдағы кезеңде де медиация саласын дамытуға бағытталған жұмыстар жалғаса беретінін жеткізді. Қатысушылар естелік суретке түсіп, форум жұмысы аяқталды.&nbsp;

«Этномедиация тәжірибесін кеңейту: жаңа мүмкіндіктер алаңы» атты форум-кездесу өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікеновпен бірге Ақжарма ауылындағы газдандыру жұмыстарымен танысты.<blockquote>– Мемлекет басшысы Қасым-Жомарт Кемелұлы Тоқаев «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді» деп атап өтті. Осыған орай, аймақ басшысы Нұрлыбек Машбекұлы Нәлібаевтың тапсырмасымен елді мекендерді газдандыру жұмыстары қарқынды жүргізілуде. Биыл облысымыздың газдандыру көрсеткішін 83 пайызға жетті. Ауданда осы жылы Н.Ілиясов және Шаған ауылдары табиғи газға қосылды. Енді Ақжарма ауылын газдандыру жұмыстары жүргізіліп жатыр, – деді Берік Әбдіғаппарұлы.</blockquote>Жалпы жоба құны – 1 млрд. 881 млн теңгені құрайды. «Алия Сервис» ЖШС құрылыс монтаждау жұмыстарын жүргізуде. Қазіргі уақытта қажетті техникалар жұмылдырылып, жұмыстар жоспарға сәйкес атқарылуда.Аудан әкімі бұл Ақжарма ауылы халқының көптен күткен жаңалығы екенін атап, жұмыстың сапалы әрі уақытылы орындалуының маңыздылығына тоқталып, жауапты мамандарға нақты тапсырмалар берді.Фото: Сырдария ауданы әкімі баспасөз қызметі

Ақжарма ауылын газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz</a> 2025 жылғы 30 қыркүйектен бастап біздің елімізде онлайн тұтынушылық кепілсіз &nbsp; қарыздар беру кезінде «шешім қабылдау кезеңі» деп аталатын жаңа тетік іске қосылды.Аталған тетік қарыз алушыға шарт жасасқаннан кейін қаражат аударуды кешіктіруді көздейді: ақша тек күту кезеңі аяқталғаннан кейін және клиент тарапынан қарыз алу ниетін қайта растағаннан кейін ғана аударылады.Fingramota.kz бұл адамдардың кредиттер рәсімдеу кезіндегі мінез-құлқына қалай әсер ететінін, алаяқтық кредиттер ресімдеудің алдын алуға қалай көмектесетінін және жаңа тетік қарыз алушылардың қай санатына қолданылатыны жөнінде айтып береді.«Шешім қабылдау кезеңі» қалай жұмыс істейдіБұрын көптеген адамдар қарызды тез, ойланбастан немесе басқа адамның қысымымен алып, алаяқтардың құрығына түсіп жатқан. Жаңа тетік мұндай оқиғаларға ұрынбаудың алдын алуға көмектеседі. Бұл қосымша «сақтандыру» сияқты және кредит алмас бұрын ойлануға берілетін &nbsp;мүмкіндік. Бұдан былай мұндай «саңылаудың» арқасында адамдар өз шешімдерін қайта қарап, кредит алудан бас тарта алады. &nbsp;«Шешім қабылдау кезеңінің» ұзақтығы қарыз сомасына байланысты:150 АЕК-тен 255 АЕК-ке дейінгі қарыздар үшін (589 800 теңгеден 1 002 660 теңгеге дейін) - алаяқтық қаупі жоғары болған кезде кемінде&nbsp;8 сағат.Неғұрлым ірі қарыздар үшін, яғни 255 АЕК-тен жоғары (~1 002 660 теңгеден астам), сондай-ақ 75 АЕК-тен жоғары (~294 900 теңге) микрокредиттер үшін - кемінде 24 сағат.Ақшаны қарыз алушы келіскеннен кейін ғана аудару: «шешім қабылдау кезеңі» аяқталғаннан кейін қарыз алушы «электрондық үкіметтің» веб-порталында кредиттік бюрода ресімделген келісімді беру арқылы не кредиторды ақпараттандыру нысандары арқылы қарыз алу ниетін растауға тиіс.Қарыз алушының бас тартуы: егер «шешім қабылдау кезеңі» ішінде қарыз алушы қарыздан бас тарту туралы шешім қабылдаса, шарт жойылады және кредитор ақша аударуды жүргізбейді.«Шешім қабылдау кезеңі» қандай қарыздарға қолданыладыБұл қағида тек тұтынушылық кепілсіз онлайн-қарыздар үшін жарамды.Ол тауарлық (яғни тауар сатып алу үшін алынған кредиттер) кредиттерге қолданылмайды.Егер 150 АЕК лимитінен аспаса, кредиттік карта шеңберіндегі қарыздарға қолданылмайды.Ол сондай-ақ ішкі қайта қаржыландыруға (яғни, егер қарыз сол ұйым шеңберінде қайта қаржыландырылса) қолданылмайды.Бір күнде бірнеше қарыз: егер қарыз алушы бір күн ішінде бірнеше кредит рәсімдеген болса және олардың жалпы сомасы лимиттерден асып кетсе, шешім қабылдау кезеңі бәрібір міндетті болып табылады.Балама нұсқа – өзі барып өтініш жасау: егер ақша шұғыл қажет болса, қарыз алушы онлайн арқылы емес, банк бөлімшесіне немесе МҚҰ-ға бара алады – онда шешім қабылдау кезеңі міндетті емес.Бұл тетік &nbsp;не үшін енгізілдіЕң алдымен, қарыз алушылардың қорғанысын арттыру, адамдарға ойластырылған шешім қабылдауға уақыт беру және асығыс және қауіпті кредиттерден аулақ болу.Алаяқтық қаупін азайту. Көбінесе жылдам онлайн-қарыздарды алаяқтар пайдаланады – шешім қабылдау кезеңі бұл тәуекелді азайтады.Қаржылық жауапкершілікті күшейту. Қарыз алушы кредиттің өзіне шынымен қажет пе екендігін бағалай алады және егер ол өз ойын өзгерткен болса, бас тарта алады.Банк қызметтерінің ашықтығын арттыру. «Шешім қабылдау кезеңімен» қатар банктер өз сайттарында төлемдерді есептеуге арналған калькуляторларды орналастыруға және толық өтелгеннен кейін берешектің жоқ екені туралы анықтама беруге міндетті. &nbsp;Бұл онлайн қарыздар нарығына қалай әсер етуі мүмкінЕнді кредиттерді онлайн режимде «бірден» беру мүмкін болмайды – ақша шотқа бірден емес, 8-24 сағаттан кейін түседі.Бұл «импульсивті» өтінімдердің санын азайтып, жылдам қарыздардың жалпы санын азайтуы мүмкін.Ойлану кезеңі адамдардың кейбірінің шешімін өзгертуге және кредиттен бас тартуға әкелуі мүмкін, бұл берілген онлайн-қарыздардың жалпы көлемін азайтады.Қарыз алушы не істеуі керекЕгер сіз онлайн қарыз алуды жоспарласаңызЖаңа режимді ескеріңіз: шартқа қол қойылғаннан кейін автоматты түрде ақша түседі деп күтпеңіз — ақша «шешім қабылдау кезеңі» аяқталғаннан кейін және сіздің растауыңыздан кейін ғана түседі.Шешімді таразылаңыз: осы уақытты кредит талаптарын (пайызы, мерзімі, төлемдері) қайта қарау үшін пайдаланыңыз, басқа ұсыныстар іздеп көріңіз.Бас тартудан қорықпаңыз: егер сіз ойыңызды өзгерткен болсаңыз — шешім қабылдау кезеңінде ешбір шығынсыз қарыздан бас тартуға құқығыңыз бар.Егер шұғыл қажет болса: жаңа тетік қолданылмайтын банк немесе МҚҰ кеңсесіне жүгіну нұсқасын қарастыруға болады.Қаржыңызды жоспарлаңыз: аударымның кешігуіне байланысты өтінім беру мен нақты ақша алу арасындағы уақытты алдын ала есептеу қажет.<img src="https://knadmin.beoblood.kz/uploads/2605_infografika_kaz_47_006b96c03d.png" alt="2605-infografika-kaz-47.png">Қаржылық сауатыңызды Fingramota.kz-пен бірге арттырыңыз!Фото: fingramota.kz

Неліктен бұдан былай кредиттер бірден берілмейді: «шешім қабылдау кезеңі» туралы 

<a href="https://kyzylorda-news.kz/">Kyzylorda-news.kz</a> Қызылорда облысында тұтынушылардың құқықғын қорғау бағытындағы жұмыс күшейе түсті. Жыл басынан бері облыстық Сауда және тұтынушылардың құқығын қорғау департаменті «Сауда қызметін реттеу туралы» заң талаптарының орындалуына мониторинг жүргізіп, 176 кәсіпкерлік субъектісін тексерген. Оның 120-ында заң бұзушылықтар анықталды.Биыл департаментке тұтынушылар тарапынан 770 өтініш түсіп отыр. Бұл өткен жылмен салыстырғанда 2,1 есеге көп. Мұндай деректерді Қызылорда облысы бойынша Сауда және тұтынушылардың құқығын қорғау департаментінің басшысы Ерқасым Сүлейменов Өңірлік коммуникациялар қызметінде өткен брифинг барысында мәлімдеді.Ерқасым Жайбергенұлының айтуынша, тексеру нәтижелері негізінде ҚР Әкімшілік құқық бұзушылық туралы кодексіне сәйкес 29 кәсіпкерге ескерту беріліп, 22 нұсқама рәсімделген. Сонымен қатар 69 кәсіпкерге жалпы сомасы 1,3 млн теңге көлемінде әкімшілік айыппұл салынған.<blockquote>"Өтініштердің басым бөлігі электрондық сауда саласына қатысты. Атап айтқанда, онлайн платформалардағы сатушылардың әрекеттеріне байланысты 54 шағым тіркелген. Қоғамдық тамақтану орындарына қатысты 35 өтініш түсіп, олардың көпшілігі сапасыз тағам немесе сақтау талаптарының бұзылуына қатысты болды. Тұрғын үй-коммуналдық шаруашылық саласында 15 өтініш қаралып, негізінен коммуналдық төлемдердің дұрыс есептелмеуі мен қызмет көрсетуші ұйымдардың жауапкершілігі туралы шағымдар түсті. Түскен 770 өтініштің 392-сі қанағаттандырылып, 48-і бойынша азаматтарға түсіндіру жұмыстары жүргізілді. Ал 258 шағым тиісті ведомстволардың құзыретіне сәйкес жолданып, 67 өтініш иелері тарапынан кері қайтарылды" - деді департамент басшысы Ерқасым Сүлейменов.</blockquote>Департамент басшысы алдағы уақытта да тұтынушылардың құқығын қорғау бағытындағы жұмыстар жүйелі түрде жалғасатынын, аймақта қауіпсіз әрі әділ нарық қалыптастыру мақсатында кешенді шаралар жүзеге асырылатынын атап өтті.

Аймақта тұтынушы құқығын қорғау жұмыстары күшейді

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Кемелұлы Тоқаевтың «Әкімдердің халықпен кездесулерін өткізу туралы» Жарлығына сәйкес, Шиелі ауданының әкімі Айтбай Жандарбеков Тартоғай және Қоғалы ауылдық округтерінің тұрғындарымен кездесу өткізді.Кездесуге ауыл тұрғындары, абыз ақсақалдар, ақ жаулықты аналар, зиялы қауым өкілдері мен мекеме басшылары қатысты.Алдымен аудан басшысы Тартоғай ауылдық округіне барып, Мемлекет басшысының бастамалары мен аймақ басшысының қолдауымен аудан көлемінде жүзеге асып жатқан жұмыстар мен алдағы жоспарларды таныстырды.Тартоғай ауылдық округінде 2025 жылы М.Ғабдуллин көшесіне заманауи үлгідегі түнгі жарық шамдары орнатылды, Б.Момышұлы көшесі толықтай асфальтталып, күрделі жөндеуден өтті. Сондай ақ, Д.Ершохаев көшесінде жөндеу жұмыстары жүргізілген.Бүгінде ауылда әлеуметтік нысандар, көше жарығы, ауыз су, жол мәселелері шешімін тауып, тұрғындар аудан басшысына алғыстарын жеткізіп, ауыл әлеуетінің алдағы дамуына қатысты өз ұсыныс-пікірлерін ортаға салды.Келесі кезекте аудан әкімі Қоғалы ауылдық округі тұрғындарымен кездесті. Қоғалы ауылдық округінде 2025 жылы жастар саябағы салынды, елді мекен ауыл шаруашылығы бойынша малдарын сумен қамтамасыз ету мақсатында Қырман аумағынан ұңғыма қазылып, ауыл тіршілігіне тиімді жағдай жасалды.Кездесуде ауыл тұрғындары өздерін толғандырған бірқатар әлеуметтік мәселелерді көтеріп, нақты ұсыныстарын айтты. Аудан әкімі аталған сұрақтарды мұқият тыңдап, көтерілген мәселелерді кезең-кезеңімен шешу жолдары қарастырылатынын және тиісті сала басшыларына нақты тапсырмалар берілгенін жеткізді.Ашық форматта өткен кездесу ауыл тұрғындарының билікке деген сенімін арттырып, халық пен әкімдік арасындағы байланысты нығайтуға оң ықпалын тигізді.Фото:&nbsp;Шиелі ауданы әкімінің баспасөз қызметі

Шиелі: Аудан әкімі Тартоғай және Қоғалы ауылдық округтерінің тұрғындарымен кездесті

<a href="https://kyzylorda-news.kz/">Kyzylorda-news.kz</a> Қызылордада «Заң мен тәртіп – іс-қимылда. Құқықтық жаңғырту және құқық бұзушылықтардың алдын алу: теория және практика» тақырыбында ғылыми-тәжірибелік конференция өтті.Ағымдағы жылғы 26 қарашада облыс әкімінің бірінші орынбасарыД.Жаналинов пен облыс прокуроры Р.Ожаровтың қатысуымен «Заң мен тәртіп – іс-қимылда. Құқықтық жаңғырту және құқық бұзушылықтардың алдын алу: теория және практика» тақырыбында республикалық ғылыми-тәжірибелік конференция өтті.Конференцияға халықаралық деңгейде танылған заң ғылымының белгілі ғалымдары М.Қоғамов пен Н.Турецкий, Бас прокуратура өкілі, жергілікті күштік құрылымдардың басшылығы мен жеке құрамы, азаматтық қоғам өкілдері және студенттер қатысты.Шара барысында прокуратура жүзеге асырып жатқан «IT TERGEU» және «Смарт білезік» жобаларының нәтижелері таныстырылды. Атап айтқанда, аталған жобалардың арқасында қайта қылмыс жасау деңгейі 60%-ға, жалпы қылмыстылық 6%-ға төмендегені, ал қылмыстардың әшкерелену көрсеткіші 3%-ға артқаны жеткізілді.<img src="https://knadmin.beoblood.kz/uploads/1764302674_0d7dd11c_fef4_4e22_b887_dd249db9f789_467cb99b28.jpg" alt="1764302674_0d7dd11c-fef4-4e22-b887-dd249db9f789.jpg">«IT TERGEU» жобасы жасанды интеллект мүмкіндіктерін қылмыстық процесте кеңінен қолдану арқылы қылмысты ашу тиімділігін және тергеу жеделдігін арттыруға бағытталған. Жоба іске асырылған 2024–2025 жылдар аралығында 832 қылмыскер құрықталып, іздеуде жүрген 33 қылмыскер ұсталды. Сондай-ақ 595 жоғалған адамның жүрген жері анықталып, оның &nbsp;170-і – жасөспірімдер –кезекші тәулікте ата-анасына табысталды.«Смарт білезік» жобасы электронды бақылау құралдарын қолдануды оңтайландыруға, сотталғандардың қайталама қылмыс жасауын болдырмауға және пробация қызметкерлерінің жұмыс тиімділігін арттыруға бағытталған. Жоба іске қосылғаннан бері есепте тұрған тұлғалар арасында қайталама қылмыстың айтарлықтай төмендеу динамикасы байқалады (2024 ж. –50-ден 36-ға дейін, 28%; 2025 жылдың 11 айында –31-ден 19-ға дейін, 39%).Кездесу ғылыми пікір алмасу ғана емес, сондай-ақ тәжірибе бөлісу және құқықтық реформаларды жетілдіруге бағытталған нақты ұсыныстар әзірлеу алаңы ретінде өтті.Шара қорытындысы бойынша прокуратура мен ғылыми қауымдастық «Заң мен тәртіп» идеологемасын ілгерілету жөніндегі бірлескен іс-шаралар жүйесін жүзеге асыруға уағдаласты.

Заң мен тәртіп – іс-қимылда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өңір тұрғындарын сұйытылған газбен қамтамасыз ету мәселесі талқыланған мәжіліс өтті. Жиынға жауапты сала басшылары қатысып, талқылау барысында нақты тапсырмалар жүктелді.<blockquote>«Бүгінге дейін сұйытылған газды төмендетілген бағамен сатып алғанның арқасында пайда тауып келесіздер. Мен былтыр да қатаң ескерттім, әлеуметтік газды тек халыққа сату керек. Коммерциялық газды өз қаражаттарыңызға алыңыздар.Тұрғындарды толықтай қамтамасыз ету үшін қымбат болса да, басқа көздерден коммерциялық газды жедел жеткізіп, халыққа әлеуметтік бағамен сатыңыздар. Аймаққа бөлінген газды өнеркәсіп нысандарына, басқа өңірлерге сатуды доғарып, тапшылықты қолдан жасамаңыздар.Өңір тұрғындарының қажеттілігін толығымен өтеу үшін тиісті шаралар қабылдаңыздар. Ортақ мақсатымызға қол жеткізуде өзара түсіністікпен, жауапкершілікпен жұмыс жасаймыз деп сенемін.Алыпсатарлық әрекеттерге жол бермеу үшін реттеу және бақылау керек. Бөлінген газ басқа өңірлерге тасымалданбау үшін облыс шекарасына тәулік бойы кезекшілік орнатуды және оны күшейтуді тапсырамын. Заңды түрде тіркелмей, автокөліктерге сұйытылған газ қондырғыларын орнату фактілерін анықтау мақсатында рейдтік тексерулер жүргізіп, тиісті шаралар қабылдаңыздар», – деді Нұрлыбек Машбекұлы.</blockquote>Бүгінде облыстағы 16 оператор 144 автогаз құю станциясы және 6 газ сақтау қоймасы арқылы сұйытылған газ сатумен айналысады.<img src="https://knadmin.beoblood.kz/uploads/590644690_1147837140870862_5859267156754384817_n_ba67975926.jpg" alt="590644690_1147837140870862_5859267156754384817_n.jpg">Облыстық полиция департаменті аймаққа бөлінген газдың басқа өңірлерге шықпауын қадағалау үшін тәулік бойы жұмыс істейтін бақылау бекеттерін орналастырған. Бекеттер «Қарабұтақ-Қызылорда-Шымкент» автожолының Арал ауданындағы 1363-903-ші шақырымына, аталған трассаның Жаңақорғандағы 1998-268-ші шақырымына және «Қызылорда-Жезқазған» жолының 12-ші шақырымына қойылған.Жанар-жағармай мен газ тапшылығына жол бермеуде жергілікті атқарушы орган, экономикалық тергеп-тексеру, мемлекеттік кірістер және бәсекелестікті қорғау департаменттерінің өкілдерінен құралған өңірлік штаб жұмыс істейді. Қазір облыста сұйытылған мұнай газының шамамен 892,1 тонна қоры бар.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары