<a href="https://kyzylorda-news.kz/">Kyzylorda-news.kz.</a> Жаңақорған ауданы, Жайылма ауылындағы №195 мектеп-гимназиясында «Дебат және Біз» тақырыбында облыстық семинар өтті.
Семинар аясында «Ұшқыр ой алаңы» дебат сыныбының ашылу салтанаты өткізіліп, аудандық «Алтын ғасыр» оқушылар дебат клубы құрылды.
Облыстық семинарға аудандық білім бөлімінің басшысы Болат Ибрагимов және аудандық мектептің директорлары мен республикалық, облыстық БАҚ өкілдері қатысты.
Семинар қатысушыларына ең алдымен мектептің домбыра үйірмесі өнерін көрсетіп, оқушылар президенті қонақтарға Балалар жылына орай жасалынған оқушылар көрмесінен таныстырылым жасады. Мұнан соң, аудандық білім бөлімінің басшысы Болат Ибрагимов «Ұшқыр ой алаңы» дебат сыныбы мен аудандық «Алтын ғасыр» оқушылар дебат клубын салтанатты түрде ашып, лентасын қиды.
«Ауданымызда осы кезге дейін түрлі деңгейде оқушылар арасында дебат сайыстары ұйымдастырылып, шәкірттеріміз облыстық, республикалық деңгейлердегі бәсекелерде үздік атануда. Осы тұрғыда бұл жұмыстарды одан әрі жаңғырту үшін «Алтын ғасыр» дебат клубын құрдық. Мұнда әр білім ошақтарында үздік деп танылған оқушылар дебат сайысына дәл осы жаңадан ашылып жатқан кабинетте машықтанып, түрлі сайыстарда аудан абыройын қорғайтын болады», – деді Болат Мақсұтұлы.
Ғылымға негізделген білім ордасының цифрлық әлеуетін таныстыру мақсатында семинарға қатысушыларға робототехника үйірмесінің жұмыстары көрсетілді. Үйірмеде тәлім алатын оқушылар бағдарламалау негізінде жасаған роботтардың жұмыс процесін таныстырды.
Жайылма ауылдық округындағы білімнің қара шаңырағы атанған мектеп бүгінде министрлік бекіткен төрт жобаны тиімді жүзеге асыруда. Соның ішінде шарада оқушылар «Оқуға құштар мектеп» жобасы аясында бук-трейлерден TEDx форматында оқыған кітаптарын талдап, таныстырылым жасады. Мұнан соң, «Мектеп театры» жобасы бойынша 3 сыныптың оқушыларынан құралған «Қуыршақ» театры орыс халқының «Үйшік» қойылымын қойып, қонақтарға ерекше көңіл-күй сыйлады.
Шара соңында аудандық білім бөлімінің басшысы Болат Ибрагимов мектеп басшылары мен ұстаздарын аталмыш төрт жоба бойынша тұрақты түрде жұмыс жасауға шақырып, тәжірибе ретінде басқа білім ошақтарына таратылуы қажеттігін атап өтті.

Жаңақорғанда «Дебат және Біз» облыстық семинары өтті

<a href="https://kyzylorda-news.kz/">Kyzylorda-news.kz.</a> Жаңақорған ауданында 3 мектеп пен 1 балабақшаның құрылысы жүргізілуде.
Олар Жаңақорған кентінде МАИ және Ипподром аумағындағы 300 орындық мектеп пен №169 мектептің 600 орындық жаңа ғимараты, Жаңақорған кентінде МАИ және Ипподром аумағындағы 300 орындық мектеп пен №169 мектептің 600 орындық жаңа ғимараты, Бірлік ауылындағы 90 орындық балабақша құрылысы жүруде. Бүгінде құрылыстың қарқыны күшейтіліп, облыс және аудан әкімдігі сапасын жіті бақылауда.
Бір ай уақыт бұрын іргетасы қаланып бастаған Ипподром мөлтек ауданындағы 300 орындық мектептің құрылыс қарқыны бүгінде жақсы жүргізілуде. Мердігер кампанияның айтуынша, 2023 жылы берілуі тиіс нысанды мерзімінен бұрын биыл аяқтауды жоспарлап отыр. Ал МАЙ бекетіндегі 300 орындық мектеп құрылыс барысы бүгінде әкімдіктің қатаң бақылауында. Сондай-ақ, кент орталығындағы 600 орындық №169 орта мектеп құрылысы аяқталуға жақын. Биыл балалар игілігіне пайдалануға беріледі деп күтілуде.
Бүгінде Жаңақорған ауданында бала санының өсімі жоғары. Осы ретте мектепке дейінгі білім беру мәселесі өзекті болып отыр. Қазіргі таңда аудан бойынша 118 балабақшада 6 141 бала тәрбиеленуде. Балабақшаларда орын тапшылығын жою мақсатында бүгінде Бірлік ауылында 90 орындық балабақша құрылысы жүргізілуде. Жаңа балабақша биыл пайдалануға беріледі деп жоспарланып отыр. Мұнымен қоса, биыл Жаманбай батыр ауылында да 90 орындық балабақша құрылыс басталады деп күтілуде.

Жаңақорғанда 3 мектеп пен 1 балабақша салынып жатыр

<a href="https://kyzylorda-news.kz/">Kyzylorda-news.kz.</a> Қазақстан аумағында синоптикалық процестердің күшеюімен орталықта, шығыста, оңтүстікте, оңтүстік-шығыста жауын-шашын, оңтүстік пен оңтүстік-шығыстың таулы, тау бөктерлі аудандарында қатты жауын-шашын болады, деп хабарлайды Қазгидромет.
Тек еліміздің батысы, оңтүстік-батысы, солтүстігі, солтүстік-шығысы жоғары қысымды алқабында болатындықтан, жауын-шашынсыз ауа райы сақталады. Республика бойынша тұман, желдің күшеюі, оңтүстік-батыста – шаңды дауыл, оңтүстік өңірлерде-найзағай, бұршақ, дауыл күтіледі.
Түнде Қызылорда облысының орталығында жел 15-20 м/с күшейеді.

25 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Тұрғын үй салумен айналысатын компаниялардың кейбірі пәтер бағасын арзандата бастады. Бұл туралы Құрылысшылар қауымдастығының басшысы Виктор Микрюков мәлім етті, деп хабарлайды <a href="https://lenta.inform.kz/kz/aldagy-eki-ayda-baspana-kymbattamaydy-kurylysshylar-kauymdastygy_a3925849">ҚазАқпарат</a>.
<blockquote>
 «Жалпы тұрғын үй нарығында ахуал оңалып келеді. Доллар бағамының төмен де, жоғары да құбылмай, айтарлықтай тұрақты деңгейде сақталуы нарыққа жағымды әсер етіп жатыр. Сондықтан біз дәл қазір баспана бағасы өспейді деп айта аламыз», – деді Виктор Микрюков.
</blockquote>
Оның сөзіне қарағанда, құрылыс материалдарының бағасында да жағымды динамика байқала бастаған.
<blockquote>
 «Көптеген құрлыс материалдарының бағасы төмендей бастады. Бұл әрине қуантарлық жаңалық. Көптеген құрылыс компаниялары баспана бағасын түсіре бастады. Өйткені кейбір болжамдар нақты тәуекелден артық есептеліп, баға қажетті деңгейден тым артық көтеріліп кеткен болатын», – дейді қауымдастық басшысы.
</blockquote>
Сөз соңында Виктор Микрюков алдағы екі айда баспана бағасы қымбаттамайды деген болжамын айтты.
Осы айдың басында ғана Біріккен риэлторлар қауымдастығы президентінің кеңесшісі Нина Лукьяненко баспана нарығында бағаны күрт түсіретіндей себеп көріп тұрмағанын айтқан еді.

Құрылысшылар қауымдастығы: Алдағы екі айда баспана қымбаттамайды￼

<a href="https://kyzylorda-news.kz/">Kyzylorda-news.kz.</a> Тіс дәрігеріне бірінші тексеріске келген емделушілердің көпшілігінен емдеу керек тістер табылады. Қазір тісті емдеу ауыртпайды, бірақ өте қымбатқа шығады. Егер балаңыздың сүт тістеріне дұрыс күтім жасасаңыз, емдеуден құтыла аласыз.
Сүт тістер де азу тістер секілді маңызды
«Сүт тістер бәрібір түсіп қалады» деп көпшілік ата-ана оларға аса мән бермейді. Алайда сүт тістерге дұрыс қарамау үлкен қателік. Себебі сүт тістердің дұрыс әрі сау өсуі адамның стоматологиялық болашағына әсер береді. Сүт тістердегі тісжегі оның астынан өсіп келе жатқан жаңа тістерді де зақымдайды. Ал егер уақытында сүт тістерді қаратпай, ол емдеуге де келмей, жұлдырып тастасаңыз, оның да өз қауіптері бар. Ол жақ геометриясының өзгеруіне, шайнаудың бұзылуына әкеліп, болашақта дене мүсіні, тістем және асқорыту проблемаларын тудыруы мүмкін.
Баланың алғашқы тісі шыққан кезден бастап тіс тазалау керек
Көпшілік стоматологтар балаға күніне екі рет ауыз гигиенасы қажет екенін айтады: таңертең және кешке тамақтан кейін тіс тазалау керек. Сондай-ақ, олар баланың тіс тазалауын ең болмағанда ол 8 жасқа толғанша бақылау керегін ескертеді. Бала тісінде ерте тісжегі пайда болуының бір себебі — жиі түнде ему. Егер балаңыз түнде емуін тоқтатпаса, тіс жегінің алдын алу үшін оған әр емізгеннен кейін бөтелкемен су ішкізіп жіберген жөн.
Щетка жұмсақ болуы керек
Баланың тіс щеткасына қойылатын негізгі талаптардың бірі — жұмсақ қылтан. Егер гигиенаға қажетті уақыт (2 минуттан аз емес) бөлсеңіз және дұрыс техниканы (жоғарыдан төмен қарай қозғау) сақтасаңыз, жұмсақ щетканың өңезден арылуға күші жетеді. Мұндай щетканың басты артықшылығы — оның бала тісінің етін зақымдамауы. Стоматологтар саусаққа киетін силикон тіс тазалағыштарды тек жолда пайдалануға кеңес береді. Себебі олар щетка секілді тісті толық тазалай алмайды. 3 жастан асқан балаларға тіс тазалайтын электр щетка алып беруге болады. Жиі мұндай щеткаға қызыққан бала тісін өздігінен тазалағысы келіп тұрады.
Сүт тістерінің сапасы тамақтануға байланысты
Сүт тістерінің минералдануы — бала рационы үлкен рөл атқаратын күрделі әрі ұзақ процесс. Стоматологтардың айтуынша, балаға алғашқы тамақ (шамамен 6 айдан бастап) бергеннен бастап, текстурасы, түсі және құрамындағы қоректік заттар жиынтығы әртүрлі өнімдер ұсыну керек. Әсіресе, балаға сәбіз, тоқаш, алма және басқа да «қиын» өнімдерді мүжуді үйрету керек. Ол жақ бұлшықеттерінің дамуын ынталандырады, эмальді механикалық түрде тазартады және оның минералдануына ықпал етеді. Бала рационында ең болмағанда 2 жасқа дейін тәтті мүлдем болмау керек.
Су баланың негізгі сусыны болуы тиіс
Балаға тіс жегінің ерте пайда болуы — қазіргі заманның нағыз проблемасы. Мамандар оны бала рационында судың жетіспеушілігімен де байланыстырады. Қазір көпшілік әр тамақтану кезінде балаға тәтті сусындар береді, барлық мүмкін тіскебасарлар қолжетімді — мұның барлығы тіс жегіні тудыратын бактериялардың дамуына керемет орта. Бұл микроағзалар қышқыл ортаны жақсы көреді, ал қышқыл орта кез келген тамақтанудан соң және тәтті сусындар ішкеннен кейін пайда болады. Олар сілекеймен ылғалданған және қарапайым сумен шайылған ортаны жақтырмайды. Сондықтан таза су ішу — тіс жегіден қорғанудың керемет әдісі.
Тіс дәрігеріне жүйелі түрде қаралап тұру керек
Баланы тіс дәрігеріне алғаш рет 9-12 айында қарату ұсынылады. Бұл кезде бала бірнеше тісімен мақтана алады. Ал дәрігер сол тістерін қарап, гигиена жайында кеңес беріп, тіс жегінің алдын алу шараларын ұсынады.&nbsp;
massaget.kz

Баланың сүт тістеріне қалай күтім жасау керек?

<a href="https://kyzylorda-news.kz/">Kyzylorda-news.kz.</a> Бұл – көрнекті мемлекет және қоғам қайраткері, мемле­кеттік сыйлықтың лауреаты, әйгілі театр сыншысы Әшірбек СЫҒАЙДЫҢ осыдан отыз жыл шамасы бұрын Қали СӘРСЕН­БАЙҒА берген сұхбатынан алынған үзінділер. Содан бері бірдеңе өзгерді ме екен, енді өзгермесе… Оқып көріңіз.
Билік пен халық екі тілде сөйлейді. Билік өз тілімізде сөйлемей өспейміз.
Билік базар араласын. Базардан бүткіл өмірімізді көруге болады.
***
Қазіргі әндерден тек барабанның дауысынан басқа ештеңе естімейсің. Миың шаршайды, көзің қарауытады. Құрқұлаққа айналдық қой.
***
…Ал енді мына өнердегі біржақтылықты айтайын. Опера театрының негізін салған, Күләш апамызды жетектеп жүріп, опера сахнасына алып шыққан Қанабек Байсейітовтың аты қайда? Осыны министрліктегілер қағазбастылықпен отырып аңғармай қалған болуы керек, әйтпесе Астанадағы опера театрын «Байсейітовтер театры» деп атасақ қандай жарасымды болар еді. Гнесиндер атында институт, ағайынды Абдуллиндер атында көше бар ғой. Осыны кім ойлайды? Қанекеңнің атында Талдықорғанда бір колледж болған, қазір бар ма, жоқ па білмеймін. Сонсоң «Құштар көңіл» деген кітабы қалды. Қанекеңнің қатарластарының бәрінің аты жаңғырып жатыр. Бұл кісі неге жалғыз қалды?
***
Шындық бір түрлі жаңа түскен келін секілді. Бірде ұяң, бірде қылымсиды, бірде долы т.б.
Мәдениет, өнер халықтың көз алдында. Ол сенің жүзің, бетің, бағдаршамың, сенің психологияң, эмоцияң. Мәдениет осындай жүк көтеріп тұр. Ол жұрттың назарында.
***
Менің 20 жыл өмірім Мәдениет министр­лігінде өтті. Екі рет орынбасар болдым. Орталық Комитеттің Мәдениет бөлімінде істедім. Ректор болдым. Өнер баспалдағының бар саласынан өткен адаммын. Тағдырыма ризамын. Мемлекет басшылары мені министрдің орынбасары ретінде таныса, мен оларға қандай кінә қоямын. Ұлттық өнер үшін министр болып бір істеп көруге болар еді, бірақ ондай мүмкіндік болмады. Қызметті өз еркіммен өткізіп кеткен адаммын. Егер артымнан сөз еріп жатса, «Жас Алаш» бірінші болып жазар еді. Бес миллион долларды жұтып қойған Кутовойды білесің. Кейде сондай былыққа батпай, аман-есен кеткеніме шүкіршілік етемін. Әлдекімдердің кепілдемесімен, звондауымен жұмысқа орналасқан емеспін. Бәріне өзімнің қаламым мен қағазымның арқасында жеттім.
…Менің кеткен сабебім, кездейсоқ, кәсіби маман емес адамдардың өнерге араласуы мені қорқытты, үркітті… Мәдениеттің оқуын бітірмегендер мәдениетті түсінбейді деуден аулақпын. Бірақ дәл өзіңдей түсінбейді. Ол жігіттер мүмкіндігін өз саласында байқап көру керек еді. Мәселен мені жұлып алып басқа қызметке қойса, бас тартар едім, жігіттердің бас тартпайтынына қайран қаламын.
Төлегендер жинақы жүру үшін, Бекежандар керек.
***
…Кейде біздің өнер адамдары «кім сойса да, қасапшы сойса екен» деп өтірік жылайды. Олар өнердің басына түсінбейтін адам келсе, соған қуанатын секілді. Әрқайсысы Станиславский, Қуанышбаев тәрізді болғысы келеді де, ал анау соған сеніп қалады. Ал енді ұңғыл-шұңғылының бәрін біліп отырған кісіні бұлар да жақтыра бермейді-ау деп ойлаймын.
***
…Қызметтен кетіп барып атақ алғаныма шүкір деймін.Әйтпесе мынау қызметін пайлаланды деген сөзге де ілініп кетуім ғажап емес еді.
***
Дос дегеннің өзі де кейде шартты ұғым болып көрінеді. Бір қарағанда дос көп секілді. Бірақ олар аз, өте аз. Достықтың өзі құбылмалы жайға айналып барады. Осындайда Сағатты сағынамын.Тірі күнінде ренжіскен кезіміз де болды. Бірақ жаны өте нәзік еді оның. Көңілінде кір сақтай алмайтын. Шамалы уақыт өткен соң «әй, шалдың баласы қой енді» деп жүретін. Осындай досты кейде оңашада етжүрегім елжіреп, сағынып отырамын.
***
Мен алты министрмен қызметтес болдым. Мұның ішінде кісіге жаны ашитын, өнерді өзегімен өртеніп танитын Жексембек Еркінбековтей министрді мен көргенім жоқ. Он екі жыл Мәдениет министрі болу оңай емес. Негізінен таза адам болды. Басқалар «мен жаман болдым ба?» десе, өзі білсін. Көп таланттар Еркінбековтың тұсында танылды. Егер осы дұрыс емес дейтін кісі болса, менімен сайысқа түсе берсін. Өйткені ол кісіге бес жарым жыл орынбасар болдым.
<a href="https://anatili.kazgazeta.kz/news/60318">Anatili.kz</a>

Әшірбек Сығай: Төлегендер жинақы жүру үшін, Бекежандар керек

<a href="https://kyzylorda-news.kz/">Kyzylorda-news.kz.</a> Мамандар дүкеннен сапалы сүзбе қалай таңдауға болатынын айтты.
Олардың айтуынша, өнімді таңдағанда құрамы мен сақтау мерзіміне назар аудару керек. Кез-келген сүзбе екі ингредиенттен тұруы керек: пастерленген сүт және ашытқы, фермент те болуы мүмкін.
Кейде өндірушілер сүзбеге кальций хлоридін қосады. Сондықтан өнім сапасын жоғалтады. Классикалық сүзбе құрамында өсімдік майлары немесе ақуыздар болмайды, әйтпесе ол ірімшік өніміне айналады. Қаптамадағы қосымша жазуларға назар аударудың да қажеті жоқ.
Сүзбе құрамына тұрақтандырғыш, қоюландырғыш, бояғыш пен консерванттар кірмеуі керек. Қағаз қаптамадағы сүзбе жарамдылық мерзімі – жеті тәуліктен, вакуумдағысының мерзімі бір айдан аспайды.
Ашылғаннан кейін өнімді тоңазытқышта үш күнге дейін, мұздатқышта алты айға дейін сақтауға болады.
<a href="https://sputnik.kz/20220422/sapaly-irimshikti-durys-tandau-24387177.html">Sputnik.kz</a>

Сапалы сүзбені қалай дұрыс таңдау керек?￼

Декретке миллионмен шығу жолдары қандай? &#8211; Есепші жүкті әйелдерге кеңес берді

Kyzylorda-news.kz. Көктемнің алғашқы күні Елордадан бастау алған Роза Бағланованың 100 жылдық мерейтойы Сыр өңірінде жалғасын тапты.
Нартай Бекежанов атындағы Қызылорда облыстық қазақ академиялық музыкалық драма театрында Қазақстанның Халық әртісі, Халық қаһарманы Роза Бағланованың 100 жылдық мерейтойына арналған «ҚАЗАҚТЫҢ ҚАҺАРМАН ҚЫЗЫ» атты мерекелік концерт өтті.
Бұл мерекелік концерт облыс әкімі Нұрлыбек Нәлібаевтың концертті өткізуге келген еліміздің танымал өнер жұлдыздарымен кездесуімен басталды.
Аймақ басшысы Халық қаһарманы, қазақтың бұлбұлы атанған Роза Бағланованың ізін жалғап, әндерін насихаттауда өнер иелерінің айрықша орны бар екенін жеткізіп, ілтипатын көрсетті.
<blockquote>
 «Айтулы концертке қазақтың ән өнерін асқақтатып, ұлт мәдениетін көтеруге еңбек сіңіріп жүрген Өздеріңіздің қатысып, өнер көрсетулеріңіз Сыр жұртшылығы үшін үлкен мақтаныш деп білемін. Бүгін Сыр елінде ән мен өнер мерекесі ғана емес, ұлт руханиятының жаңғырған күні десе болады. Өнер көшіндегі Сіздер тұрғанда ән падишасы, қазақтың қаһарман қызы Роза Бағланованың есімі ұрпақтан-ұрпаққа жалғаса беретіні сөзсіз» – деді Нұрлыбек Нәлібаев.
</blockquote>
Концертте Қазақстанның халық әртісі Нұрғали Нүсіпжанов, Сұлушаш Нұрмағанбетова, Алтынбек Қоразбаев, Гүлнәр Сиқымбаева, Жеңіс Сейдуллаұлы, Жеңіс Ысқақова, Игорь Благодарный, Айгуль Иманбаева, Асхат Үрпеков, Шаба, Нұрлан Албан, Бауыржан Исаев, Зарина Жакенова сынды әртістер мен Құрманғазы атындағы Қазақ ұлттық оркестрі өнер көрсетті. Өнер майталмандары Нұрғали Нүсіпжанов, Алтынбек Қоразбаев пен Сұлушаш Нұрмағанбетова Роза Бағланованың өнер әлеміндегі қолтаңбасын сөз етіп, Сыр жұртының өнер иелеріне деген құрметі үшін алғысын жеткізді.
Мұнан соң, өңір басшысы ұлт өнерінің майталмандарына Сыр халқы атынан сый-сияпат жасап, құрметін көрсетті.
Айта кетейік, қазақ өнерінің біртуар әншісіне арналған бұл керемет ән кеші Мәдениет және спорт министрлігінің ұйымдастыруымен өтті.
Сыр өңірі – халық деген әр талантын төбесіне көтере алатын, ұлтым деген ұл-қыздарын ұлықтай алатын өрісті өңір. Сыр топырағынан түлеп ұшқан өнер иесі, ән падишасы Роза Тәжібайқызының әндерін сағынған көрермендер өнер жұлдыздары мен концертті ұйымдастырушыларға деген құрмет қошеметін аямады. Ән кеші өте жоғары деңгейде өтті.
<img src="https://kyzylorda-news.kz/wp-content/uploads/2022/04/img-20220424-wa0010.jpg" alt="" />
<img src="https://kyzylorda-news.kz/wp-content/uploads/2022/04/img-20220424-wa0013.jpg" alt="" />
<img src="https://kyzylorda-news.kz/wp-content/uploads/2022/04/img-20220424-wa0004.jpg" alt="" />
<img src="https://kyzylorda-news.kz/wp-content/uploads/2022/04/img-20220424-wa0009.jpg" alt="" />
<img src="https://kyzylorda-news.kz/wp-content/uploads/2022/04/img-20220424-wa0008.jpg" alt="" />

Қызылордада Роза Бағланованың 100 жылдығына арналған концерт өтті

<a href="https://kyzylorda-news.kz/">Kyzylorda-news.kz.</a> Жапония басқа елдер арасында өмір сүру ұзақтығы бойынша бірінші орында. Бұл ел ғасыр жасаған тұрғындарымен танымал. Сонымен қатар жапондықтар құрметті жасқа жетіп қана қоймайды, жарқын және бақытты өмір сүру үшін төмендегі 5 қарапайым ережені ұстанады.
Жапондықтар аз мөлшерде тамақтанады
Жапония тұрғындары тағам үлесі неғұрлым аз болса, соғұрлым баяу желінеді деп есептейді. Сонымен қатар әр тамақты бөлек табақшаларға салады. Бұл астың дұрыс қорытылуын қамтамасыз етпек.
Олар адам тағамның шамамен 80 пайызын жегенін сезген кезде тамақтануды аяқтау керек деп санайды. Бұл салмақты дұрыс ұстауға көмектеседі.
Бу моншасы мен саунаны біріктіреді
Жапонияда танымал бу моншасы гигиеналық тұрғыдан ғана емес, демалуға мүмкіндік ретінде де қажет. Бұл денсаулық үшін өте пайдалы, әсіресе ағзадағы зиянды заттарды тері арқылы шығаруға, қан айналымын жақсартуға, бұлшық еттің құрысуын болдырмайды және иммундық жүйені нығайтады.
Тұз бен майды&nbsp;аз пайдаланады
Жапондықтардың өздері үшін Нагано аймағы үлгі болып табылады. Бұл жер басқа аймақтардың ішіндегі халқы ең сау аумақ болып саналады. Қарт адамдар өте көп, орташа өмір сүру ұзақтығы 80-87 жас аралығында. Негізі бұрын Нагано тұрғындары тұзды өте көп тұтынатын – күніне шамамен 15 грамм. Бұл әдет олардың денсаулығына зиянын тигізген. Олар мамандардың ұсыныстарын тыңдап, жағдай біртіндеп жақсара түскен. Қазір Наганода тұратындар күніне 0,9 грамнан аспайтын тұзды және бір шай қасық өсімдік майын тұтынады.
Тофуды жиі пайдаланады
Тофу – дәстүрлі жапон диетасының маңызды бөлігі. Бірегей соя ірімшігі жоғары қанықтыру ғана емес және вегетариандықтар үшін жануар ақуызына балама болып табылады. Ол пайдалы май қышқылдарына және маңызды витаминдер мен минералдарға бай. Тофуды үнемі тұтыну қатерлі ісік пен жүрек-қан тамырлары ауруларының қаупін азайтуға көмектеседі, сонымен қатар салмақ жоғалтуға ықпал етеді.
Олар физикалық белсенділікті жақсы көреді
Жапония тұрғындары кез келген жаста жоғары физикалық белсенділікті сақтауға тырысады. Олар көп жүреді, ұзақ серуендер Жапония халқы үшін спорт қана емес, сонымен қатар күнделікті қалыпты жағдай.
<a href="https://24.kz/kz/zha-aly-tar/bylu-manyzdy/item/537565-zhaponiya-khal-yny-za-mir-s-ru-piyasy-nede-5-arapajym-erezhe">24 kz</a>

Жапония халқының ұзақ өмір сүру құпиясы неде: 5 қарапайым ереже

<a href="https://kyzylorda-news.kz/">Kyzylorda-news.kz.</a> Жаңа Зеландия мен Ұлыбританияның Отаго университетінің ғалымдары жаһандық семіздік мәселесімен күресу үшін арнайы құрылғы жасады.&nbsp;
DentalSlim Diet Control – тіс дәрігері тістерді бекіту үшін үстіңгі және астыңғы тістерге орнататын құрылғы. Құлып арнайы магниттен жасалған. Бұл құрылғыны орнатқаннан кейін ауызды 2 миллиметр ашып сұйықтықты тұтынуға болады, бірақ ол сөйлеуге және тыныс алуға кедергі келтірмейді.
Зерттеуге қатысушылар 2 аптада 6,36 кг салмақ тастаған. Отаго университетінің денсаулық ғылымдарының жетекші зерттеушісі Пол Брутон бұл құрылғының артық салмағы бар адамдар үшін қауіпсіз екенін айтады. Оны тіс дәрігері орнатады және пайдаланушылардың өздері алып тастай алады. Ал, құлыпты екінші рет пайдалануға болады.
<img src="https://kyzylorda-news.kz/wp-content/uploads/2022/04/tis-kwlyp.jpg" alt="" />
Пол Брутонның айтуынша, адамдар арықтауға келгенде ережелерді сақтау қиынға соғады. Жаңа құрылғы оларға жаңа әдеттер, аз калориялы диетаны тұтынып үйренуге көмектеседі. Сондай-ақ, бұл құрылғы шығынсыз, хирургиялық процедурамен, жанама әсерлері жоқ салмақ тастауға тартымды балама бола алады деп саналады.
Құрылғыны 2-3 апта бойы қолданған адам ұзақ уақыт бойы тиімді арықтай алады, содан кейін оны алып тастап, үйренген диета негізінде арықтауға болады.
Зерттеулерге сәйкес, әлемде 1,9 миллиард адам артық салмақтан зардап шегеді. 650 миллион адам семіздікке шалдыққан. Жыл сайын 2,8 миллион адам артық салмақтан қайтыс болады. Жағдай осылай жалғаса берсе, 2030 жылға қарай әлем халқының 57 пайызы артық салмақтан зардап шегуі мүмкін.
<a href="https://massaget.kz/layfstayl/tehno/67830/">Massaget.kz</a>

Тісті «құлыптау» арқылы арықтауға көмектесетін құрылғы жасалды

Kyzylorda-news.kz. Қызылордада екі күн бұрын жоғалып кеткен 14 жастағы жасөспірім қыз аман-есен табылды.
21 сәуірде 14 жастағы жасөспірім қыз түнгі 21:30 шамасында үйінен белгісіз бағытқа шығып кеткен. Содан кейін үйіне қайта оралмаған. Бұл жөнінде жасөспірім қыздың анасы Қызылорда қалалық Полиция басқармасына хабарласты. Алғашқыда отбасы мүшелері өздері іздестіру жүргізеді. Одан еш нәтиже шықпаған соң, полиция көмегіне жүгінеді.
Жоғалған жасөспірімді табуға басқармаға қарасты Ақсай полиция бөлімі бүкіл жеке құрамы мен ювеналды полиция бөлімшесінің қызметкерлері жұмылдырылды. Кейін 14 жастағы жасөспірім қыз облыс орталығынан табылды.

Қазақстан және Қызылорда облысының жаңалықтары

Жаңақорғанда «Дебат және Біз» облыстық семинары өтті

Жаңақорғанда 3 мектеп пен 1 балабақша салынып жатыр

25 сәуірге арналған ауа райы болжамы

Құрылысшылар қауымдастығы: Алдағы екі айда баспана қымбаттамайды

Баланың сүт тістеріне қалай күтім жасау керек?

Әшірбек Сығай: Төлегендер жинақы жүру үшін, Бекежандар керек

Сапалы сүзбені қалай дұрыс таңдау керек?

Декретке миллионмен шығу жолдары қандай? – Есепші жүкті әйелдерге кеңес берді

Қызылордада Роза Бағланованың 100 жылдығына арналған концерт өтті

Жапония халқының ұзақ өмір сүру құпиясы неде: 5 қарапайым ереже

Тісті «құлыптау» арқылы арықтауға көмектесетін құрылғы жасалды

Қызылордада жоғалған жасөспірім табылды

Қазақстан және Қызылорда облысының жаңалықтары

Жаңақорғанда «Дебат және Біз» облыстық семинары өтті

Жаңақорғанда 3 мектеп пен 1 балабақша салынып жатыр

25 сәуірге арналған ауа райы болжамы

Құрылысшылар қауымдастығы: Алдағы екі айда баспана қымбаттамайды￼

Баланың сүт тістеріне қалай күтім жасау керек?

Әшірбек Сығай: Төлегендер жинақы жүру үшін, Бекежандар керек

Сапалы сүзбені қалай дұрыс таңдау керек?￼

Декретке миллионмен шығу жолдары қандай? &#8211; Есепші жүкті әйелдерге кеңес берді

Қызылордада Роза Бағланованың 100 жылдығына арналған концерт өтті

Жапония халқының ұзақ өмір сүру құпиясы неде: 5 қарапайым ереже

Тісті «құлыптау» арқылы арықтауға көмектесетін құрылғы жасалды

Қызылордада жоғалған жасөспірім табылды

Құрылысшылар қауымдастығы: Алдағы екі айда баспана қымбаттамайды

Сапалы сүзбені қалай дұрыс таңдау керек?

Декретке миллионмен шығу жолдары қандай? – Есепші жүкті әйелдерге кеңес берді