<a href="https://kyzylorda-news.kz/">Kyzylorda-news.kz.</a>&nbsp; Қосшыңыраулықтардың ықыласына бөленіп жүрген жеке кәсіпкер Айгүл Абуова «Ауыл шаруашылығын қаржылай қолдау қоры» арқылы мемлекеттік бағдарлама көмегімен тігін шеберханасын ашып, кәсібін жүргізіп отырғандардың бірі.
Қызылорда қаласы әкімдігі баспасөз қызметінің дерегінше кәсіпкер 2020 жылы кәсіпкерлікті қолдау шаралары туралы дер кезінде біліп, тігін кәсібін дамыту мақсатында 2,5 млн. теңге көлемінде несие алған. Қаржыға қажетті құрал-жабдықтар мен түрлі тігін машиналарын алып, қыз жасауы мен әсем өрнектелген құрақ көрпе-төсектер тігумен айналысуда.
<img src="https://kyzylorda-news.kz/wp-content/uploads/2022/02/273608058_3021803508086387_7099591767306836083_n.jpg" alt="" />
<img src="https://kyzylorda-news.kz/wp-content/uploads/2022/02/273585585_3021803571419714_1834370478873382327_n.jpg" alt="" />
Тігін шеберханасында екі адамды тұрақты жұмыспен қамтып отыр. 
Қосшыңырау ауылдық округіндегі келесі кәсіпкердің бірі Ғалымжан Құлжанов мемлекеттік бағдарламаның көмегімен мал шаруашылығын дамытуда. Ол 2021 жылы «Атамекен Қызылорда» микроқаржы ұйымы арқылы жеңілдетілген 6%-бен «Жылқы малын бордақылау» жобасына 8,0 млн. теңгеге қаржыландырылды. 
Кәсіпкер бұл қаражатқа 18 бас жылқы сатып алып, кең қоражайға жем-шөпті молынан әкелген. Ендігі ретте мал басын көбейтуді көздеп отыр.
Мемлекеттік бағдарламаның тиімділігі – халыққа кәсіп бастауға қолайлы мүмкіндік жасауда. Сондықтан да әр азаматты мемлекеттің қолдауына ие болып, кәсіп бастауға ынта білдіруге шақырамын,- деді кәсіпкер. 
Жалпы, қала көлемінде шағын кәсіпкерлікті дамыту, мемлекеттік бағдарламалар мен кәсіпкерлік негіздерін түсіндіру мақсатында ақпараттық-түсіндірме жұмыстарына да ерекше көңіл бөлініп келеді. Соның нәтижесінде өткен жылы мемлекеттік бағдарламалар шеңберінде жалпы құны 26,9 млрд. теңгені құрайтын 2532 жоба қолдау тапқан.
<img src="https://kyzylorda-news.kz/wp-content/uploads/2022/02/273501906_3021803714753033_5226847966814645978_n.jpg" alt="" />

Қосшыңыраулықтар мемлекеттік бағдарлама арқылы кәсіптерін жандандырды

<a href="https://kyzylorda-news.kz/">Kyzylorda-news.kz.</a> «Маған сақтандыру не үшін қажет, мен не үшін төлем төлеймін, МӘМС не береді?»- азаматтар жиі осындай сұрақтар қояды. Көптеген адамдар МӘМС тізімінде қандай медициналық көмекке сенім арта алатындығын білмейді. Әлеуметтік медициналық сақтандыру қоры МӘМС-ға не кіретінін және сақтандырылған азаматтардың қандай құқықтары бар екенін айтты.
Әлеуметтік медициналық сақтандыру қорында нақтылағандай, көрсетілетін медициналық көмектің көлемін арттыру үшін МӘМС жүйесі енгізілді. 2022 жылы халыққа медициналық көмекті қаржыландыруға 2,049 трлн теңге, оның ішінде ТМККК бойынша – 1,2 трлн, МӘМС бойынша – 838 млрд теңге бағыттау жоспарланып отыр. Тегін медициналық көмектің кепілдік берілген көлемі сақтандырылмаған азаматтарға да көрсетіледі, оған шұғыл жағдайларда медициналық көмек, учаскелік маманның қабылдауы, шұғыл операциялар, әлеуметтік мәні бар ауруларды емдеу кіреді. Толық тізбемен <a href="https://fms.kz/press-center/press-relizy/34732/">мына</a> сілтеме бойынша танысуға болады.
МӘМС тізбесінде медициналық көмек «САҚТАНДЫРЫЛҒАН» мәртебесі бар азаматтарға көрсетіледі. Бұл ретте 15 жеңілдік санатындағы 11 млн адамға мемлекет жарна төлейді. Бұл адамдар сақтандырылған және қосымша ақысыз медициналық көмек алу керек.
МӘМС тізіміне мыналар кіреді:
1. Амбулаториялық жағдайдағы медициналық көмек(ауруларды диагностикалау және емдеу):
– скринингтік зерттеулер;
– МСАК дәрігерлерінің жолдамасы бойынша бейінді мамандардың консультациялары;
– ауруларды диагностикалау және емдеу;
-халықтың жекелеген санаттарына шұғыл және жоспарлы нысандағы стоматологиялық көмек;
– күндізгі стационар және үйдегі стационар; – рәсімдер мен манипуляциялар;
3. Тәулік бойғы стационарда ауруларды емдеу және диагностикалау. Бұл жерде біз барлық аурулар бойынша медициналық көмек туралы айтамыз, соның ішінде қымбат тұратын операциялар, мысалы, кардиологиялық, ортопедиялық, есту органдарына жасалатын операциялар және т.б.
4. Диагностика және емдеу хаттамаларында көзделген барлық аурулар бойынша медициналық оңалту;
5. Скринингтік зерттеулерді, операцияларды және т. б. жүргізу кезінде биоматериал жіберілетін гистологиялық, цитологиялық және басқа да зерттеулерді қамтитын патологиялық-анатомиялық диагностика;
6. транспланттау кезіндегі диагностикалық зерттеулер;
7. Дәрілік заттармен және медициналық бұйымдармен қамтамасыз ету.
«Шұғыл көмек сақтандырылмаған адамдарға да көрсетілетінін білу қажет, өйткені ол ТМККК шеңберінде жүргізіледі. Алайда, медициналық көмек жоспарлы түрде МӘМС-те ұсынылады. Сақтандырылған тұлға мәртебесіне ие бола отырып, пациент медициналық қызметтердің ең көп түріне қол жеткізе алады. Тар бейінді мамандардың қабылдауы, әртүрлі талдаулар, КТ, МРТ, УДЗ, рентген, ЭКГ сияқты қымбат зерттеулер, көптеген аурулардың диагностикасы, оңалту қызметтері, жоспарлы операциялар МӘМС тізбесіне кіреді. Яғни сақтандырылған азаматтар қазір бұрын ақылы негізде көрсетілген қызметтерді тегін ала алады», – деп түсіндірді қордың баспасөз қызметінде.
«САҚТАНДЫРЫЛҒАН» мәртебесін алу үшін алдыңғы 12 айға жарналарды төлеу қажет, ал БЖТ төлеушілерге соңғы айларда, соның ішінде ағымдағы айларда үш реткі уақтылы төлемнің болуы жеткілікті. БЖТ төлеушілер үшін сақтандырылу мәртебесі төленген айдың соңғы күніне дейін әрекет ететіндігін еске салу қажет, мысалы, егер МӘМС үшін төлем ақпан айында болса, онда 1 – наурыздан бастап егер БЖТ кезекті төлемін жасамасаңыз, адам сақтандырылмайды. Егер ағымдағы кезеңде немесе алдын ала төлем болмаса, мәртебе жоғалады және оны қалпына келтіру үшін БЖТ-да үшінші бірізді төлемінің басталуын қайтадан күтуге тура келеді.Егер сізде сақтандырылған тұлға мәртебесін алуға немесе медициналық көмек алуға қатысты сұрақтар туындаған болса, сіз әрбір медициналық ұйымда бар Пациентті қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорына өтінішті өзіңізгее ыңғайлы байланыс арнасы бойынша қалдыруға болады: fms.kz &nbsp;ресмисайты, 1406 байланыс орталығы, Goldau 24/7 мобильді қосымшасыжәне Telegramдағы SaqtandyryBot.
<img src="https://kyzylorda-news.kz/wp-content/uploads/2022/02/image-7.png" alt="" />
<img src="https://kyzylorda-news.kz/wp-content/uploads/2022/02/image-8.png" alt="" />
<img src="https://kyzylorda-news.kz/wp-content/uploads/2022/02/image-9.png" alt="" />
<img src="https://kyzylorda-news.kz/wp-content/uploads/2022/02/image-10.png" alt="" />
<img src="https://kyzylorda-news.kz/wp-content/uploads/2022/02/image-11.png" alt="" />
<img src="https://kyzylorda-news.kz/wp-content/uploads/2022/02/image-12.png" alt="" />
<img src="https://kyzylorda-news.kz/wp-content/uploads/2022/02/image-13.png" alt="" />

Сақтандыру бойынша азаматтарға қандай медициналық көмек тиесілі?

<a href="https://kyzylorda-news.kz/">Kyzylorda-news.kz.</a> Қазақстанда 9 867 адам коронавирус инфекциясынан жазылып шықты, деп хабарлайды coronavirus2020kz.
Нұр-Сұлтан қаласында – 374,
Алматы қаласында – 1 952,
Шымкент қаласында – 6,
Ақмола облысында – 998,
Ақтөбе облысында – 0,
Алматы облысында – 352,
Атырау облысында – 421,
Шығыс Қазақстан облысында – 400,
Жамбыл облысында – 36,
Батыс Қазақстан облысында – 143,
Қарағанды облысында – 2 754,
Қостанай облысында – 437,
Қызылорда облысында – 106,
Маңғыстау облысында – 288,
Павлодар облысында – 874,
Солтүстік Қазақстан облысында – 615,
Түркістан облысында – 111.
Елімізде барлығы 1 176 775 адам COVID-19-дан емделіп, сауығып шықты.

106 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясын жұқтырған 2 004 жағдай тіркелді, деп хабарлайды coronavirus2020.kz.
Оның ішінде:
Нұр-Сұлтан қаласында – 186,
Алматы қаласында – 445,
Шымкент қаласында – 23,
Ақмола облысында – 118,
Ақтөбе облысында – 32,
Алматы облысында – 127,
Атырау облысында – 23,
Шығыс Қазақстан облысында – 103,
Жамбыл облысында – 13,
Батыс Қазақстан облысында – 43,
Қарағанды облысында – 209,
Қостанай облысында -175,
Қызылорда облысында -9,
Маңғыстау облысында – 15,
Павлодар облысында – 250,
Солтүстік Қазақстан облысында – 231,
Түркістан облысында – 2.
Елімізде коронавирус инфекциясын жұқтырғандар саны 1 276 611 жетті.

Қызылордада коронавирус жұқтырғандар саны азайды

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің өтуіне байланысты Қазақстан аумағының басым бөлігінде қар, республиканың оңтүстік және оңтүстік-шығысында жауын-шашын (жаңбыр, қар) жауады. Кей жерлерде көктайғақ, тұман түсіп, солтүстік пен шығыста жел күшейеді, деп хабарлайды Қазгидромет.
Ақмола облысының батысында, оңтүстігінде жаяу бұрқасын болып, облыстың батысында желдің жылдамдығы секундына 15-20 метрге күшейеді.
Шығыс Қазақстан облысының оңтүстік-батысында жаяу бұрқасын болып, облыстың батысында, шығысында желдің жылдамдығы секундына 15-20 метрге жетеі.
Солтүстік Қазақстан облысының оңтүстік-батысында, батыс және солтүстігінде, Қостанай облысының оңтүстігінде жаяу бұрқасын болып, Қостанай облысының солтүстігінде тұман түседі.
Алматы облысының оңтүстігінде және шығысында, Түркістан облысының оңтүстігінде, батысында, таулы және тау бөктерлі аудандарында, Атырау облысының батысында және орталығында, Қызылорда облысының солтүстігінде және орталығында, түнде Маңғыстау облысының солтүстік-шығысында тұман түсіп, көктайғақ болады.
Түнде Жамбыл облысының оңтүстік-батысында, күндіз солтүстік-шығыс және таулы аудандарында тұман түсіп, көктайғақ болады, солтүстік-шығыста және таулы аудандарда желдің жылдамдығы секундына 15-20 метрге жетеді.
Батыс Қазақстан облысының солтүстігінде, Ақтөбе облысының оңтүстігінде тұман түсуі ықтимал.

8 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев наурыз айының ортасында ел халқына Үндеу жолдайды. Бұл туралы Мемлекет басшысының баспасөз хатшысы Берік Уәли «Facebook» парақшасында мәлімдеді.
<blockquote>
 «Президент Қасым-Жомарт Тоқаев 11 қаңтар күні өткен Мәжіліс отырысында азаматтық қоғаммен және сарапшылармен арадағы диалог негізінде саяси реформалардың жаңа топтамасы әзірленеді деп мәлімдеген болатын. Осыған байланысты Мемлекет басшысы наурыз айының ортасында халыққа Үндеу жариялауды жоспарлап отыр. Бұл Үндеуде реформалардың негізгі бағыттары мен қоғамды саяси трансформациялауға бағытталған аса маңызды шаралар айқындалады», – деп жазды Берік Уәли.
</blockquote>

ҚР Президенті наурыз айының ортасында халыққа Үндеу жариялайды

<a href="https://kyzylorda-news.kz/">Kyzylorda-news.kz.</a>&nbsp; Биыл жаңа бизнес-идеяларға берілетін гранттар жаңа талаптарға сәйкес берілетін болды. Бұрын гранттар өз кәсібін ашқысы келетін және кәсіпкерлік негіздері курстарын бітірген барлық жұмыссыздарға берілсе, биылдан бастап тек 29 жасқа дейінгі жастарға, атаулы көмек алатын аз қамтылған отбасы мүшелеріне, көп балалы отбасыларға, қандастарға, мүгедек бала тәрбиелеп отырған адамдарға және мүгедектігі бар тұлғаларға беріледі.
Қызылорда облыстық жұмыспен қамтуды үйлестіру және әлеуметтік бағдарламалар басқармасы гранттың жаңа талаптарын түсіндірді.
Грант алудың міндетті шарттары қандай?
1) «Бастау Бизнес» жобасы бойынша оқуды аяқтау туралы сертификаттың болуы (алған күннен бастап он екі ай ішінде жарамды);
2) кемінде бір жыл тұрғылықты жері бойынша тұрақты немесе уақытша тіркеу туралы мәліметтердің болуы;
3) үміткердің белгіленген критерийлерге сәйкестігі;
4) комиссияның оң қорытындысының болуы.
Гранттар тек бір рет ғана беріледі.
Грант мөлшерін 200-ден 400 АЕК-ке дейін ұлғайту жоспарлануда (биылғы жылы 1 225 200 теңгені құрайтын болады). 
Жаңа бизнес-идеяларды іске асыруға гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді. 
Халықты жұмыспен қамту орталықтары Шарт жасалған күннен бастап 12 ай ішінде қаражаттың мақсатты пайдаланылуына мониторинг жасайды. Мәселен, өткен жылы жұмыспен қамту органдары гранттарды мақсатсыз пайдаланудың 239 фактісін анықтап, нәтижесінде 165 іс сот органдарына жолданған.
Атаулы әлеуметтік көмек туралы.
Мемлекеттік көрсетілетін қызметтер тізіліміне сәйкес «Мемлекеттік атаулы әлеуметтік көмекті тағайындау» қызметі барлық азаматтарға тегін түрде көрсетіледі. 
Атаулы әлеуметтік көмек алуға өтінішті тұрғылықты мекен-жайы бойынша жұмыспен қамту орталықтарына, кент, ауылдық округ әкімдіктеріне немесе «Электронды үкімет порталы» арқылы беруге болады. 
Өтініш тапсыру барысында өтініш берушінің жеке куәлігі ғана жеткілікті. Қажетті мәліметтер мемлекеттік ақпараттық жүйелерден алынады, оның ішінде табыс туралы анықтамалар аударылған міндетті зейнетақы жарналары арқылы расталады. Дегенмен, өңірімізде «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» ҚР Заңына сәйкес жалақыға қоса төленетін экологиялық үстемелер ақпараттық жүйеде көрінбегендіктен Халықты жұмыспен қамту орталығы мамандарымен өтініш берушінің немесе жұмыс істейтін отбасы мүшелерінің айлық табысы туралы қосымша анықтама сұратуға құқылы. 
Осыған орай, гранттар алуға, сондай-ақ жұмыспен қамтуға жәрдемдесудің басқа да белсенді шараларына қатысуға қатысты (жастар тәжірибесі, қоғамдық жұмыстар және т.б.), атаулы әлеуметтік көмек алу мәселелер бойынша тікелей Халықты жұмыспен қамту орталықтарына жүгініп, бұл мәселелерге делдал болғысы келетін кездейсоқ адамдарға сенбеу керек. 
Жұмыспен қамту орталықтары қызметкерлерінің, сондай-ақ делдалдардың заңсыз әрекеттері анықталған жағдайда Сыбайлас жемқорлыққа қарсы қызмет «1424» Coll-орталығына осы фактілер туралы хабарлауға болады.

Бизнес-идеяларға берілетін гранттың жаңа талаптары қандай?

<a href="https://kyzylorda-news.kz/">Kyzylorda-news.kz.</a> Қызылордалық полицейлер «Құқық&nbsp;тәртібі» жедел профилактикалық іс-шарасының 16 күнінде 111 қылмысты ашты.&nbsp;
Облыс&nbsp;орталығында бұрын жасалған 16 қылмыстың беті ашылды. Іздеуде жүрген 3 қылмыскер ұсталды.&nbsp;Жалға берілетін пәтерлердің 576 тексерілді.
Тегіс ұңғылы атыс қаруды заңсыз сақтап, алып жүрген 12 адам анықталып, барлығына ӘҚБтК-нің 482-бабымен әкімшілік хаттама рәсімделген.
Әкімшілік құқық бұзушылықтардың барлығы 1675 дерегі анықталған.Оның ішінде ұсақ бұзақылықтың- 587 дерегі, алкогольдік ішімдіктерді iшу немесе қоғамдық орындарға масаң күйде жүрудің-356,Қазақстан Республикасында тiркеусiз не жеке басты куәландыратын құжатсыз тұрудың-542, шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзудың-41,шетелдiктерді және азаматтығы жоқ адамдарды қабылдайтын жеке немесе заңды тұлғалардың Қазақстан Республикасының халықтың көші-қоны саласындағы заңнамасын бұзудың- 26 дерегі анықталған.
Сонымен қатар көлік құралын алкогольдік масан күйінде басқарудың 46дерегі анықталып,&nbsp;барлығы заңға сәйкес әкімшілік жауапкершілікке тартылды.&nbsp;
Бұл бағыттағы жұмыстар өз жалғасын табатын болады.

«Құқық тәртібі»: Қызылордада 1600-ден астам заң бұзушылық анықталды

<a href="https://kyzylorda-news.kz/">Kyzylorda-news.kz.</a> ​​​Қызылорда облысы Полиция департаментінің Шиелі аудандық полиция бөліміне аудан тұрғыны арызданды.​
Азаматшаның айтуынша,​ бейтаныс әйел​ оны көрген сәттен​ «сенде дуа бар, емдеп берейін» – деп, сеніміне кіріп, оның​ қымбат​ алтын бұйымдарын алдап алған. Көп уақыт өтпей «емші»​ ізін суытқан. ​Азаматшаға келтірілген шығын көлемі 500 мың теңгені құрайды.
Жедел-іздестіру шараларының нәтижесінде осы қылмысқа күдіктелген​ Қарағанды​ облысының тұрғыны​ ұсталды.​ Аталған дерек бойынша Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде.​ ​ ​

Қызылордада «емші» кейпін киген алаяқ ұсталды

<a href="https://kyzylorda-news.kz/">Kyzylorda-news.kz.</a> Қызылордада 4 жасар қыз баланың асқазанынан 1 келіден астам шаш шықты. Ішкі ағзадан шыққан шаштың ұзындығы 34 сантиметр. Қыз балаға отаны Қызылорда облыстық көпсалалы балалар ауруханасының хирургтары жасады.
Дәрігерлердің айтуынша, баланың тәбеті төмендеп, іші ауырып, жиі құса бастаған. Осындай шағымдардан кейін мамандар шұғыл операция жасау қажет деп шешкен. Баланың асқазанында ұйысып қалған шашты алу үшін жасалған операция сәтті өтті, дейді дәрігерлер. Қазір қыз бала тиісті ем-шараларын алып жатыр.
<blockquote>
 «Мамасының айтуы бойынша бір жасынан бастап шаш жей бастаған. Мұндай жағдай көбіне анемия болған кезде балаларда кездеседі. Операция барысында ешқандай қиындық болған жоқ. Баланың қазіргі жағдайы тұрақты. Құдай қаласа, он күнде үйге шығып қалады. Бұл екінші жағдай кездесіп тұрған. Бірінші жағдай осы күзде болды. Ол да өзінің шашын жеген 5 жастағы бала болатын», – дейді облыстық Көпсалалы балалар ауруханасының бөлім басшысы Әлімжан Төлегенов.
</blockquote>
<img src="https://kyzylorda-news.kz/wp-content/uploads/2022/02/a85327945b01afe08c1734f3a7f54567_l.jpg" alt="" />

Қызылордада 4 жасар қыздың асқазанынан бір келі шаш шықты

<a href="https://kyzylorda-news.kz/">Kyzylorda-news.kz.</a>&nbsp; Арықтауға ниеті бар қыздардың құлағына алтын сырға! Жаңа, жеңіл диетамен таныс болыңыздар.
Бұл тәсілдің басты ұстанымы мынандай. Асқазандағы тағам толықтай қорытылып болмағанша, басқа тамақ жемеу. Нәтижесінде сіз шамадан тыс артық тамақ жемейсіз. Айта кетсек, бұл әдіс арықтауды тездетіп қана қоймай, асқорыту жүйесін толықтай тазалап, жұмысын ретке келтіреді екен. Осы диетаны ұстанған адамның асқазаны уақыт өте кішірейеді, ал тамақты артық жемеу әдеті сақталып қалады.&nbsp;
Сонымен түрлі тағамның қанша уақытта қорытылатынын біліп жүріңіздер.
1-2 сағат 
су, шай, кофе, какао, сорпа, сүт, піскен жұмыртқа, күріш, піскен балық еті. 
2-3 сағат 
қуырылған жұмыртқа, піскен майлы балық еті, піскен картоп, нан. 
3-4 сағат 
піскен тауық не сиыр еті, қара бидай наны, алма, сәбіз, көкөніс түрлері, қуырылған картоп. 
4-5 сағат 
бұршақ түрлері, қуырылған ет, майға қуырылған балық не тауық еті.&nbsp; 
5-6 сағат 
саңырауқұлақтар, майлы ет.
Ұйқыға аш қарынмен жатуды әдетке айналдырыңыз. Ең дұрысы ұйқыға 3-4 сағат қалғаннан кейін мүлдем тамақтанбау.
<a href="https://massaget.kz/layfstayl/Zdorove/67369/?fbclid=IwAR0yJizr4g5z7mIikPMLm9PRwTLcveqGrOyXCdAhotAvLq6_PeNTDyxN9WE">Massaget</a>

Қай тамақ қанша уақыт қорытылады?

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» 8-10 ақпанға арналған ауа райы болжамын ұсынды.
Синоптиктердің болжамына сәйкес&nbsp;елде тұрақсыз ауа райы байқалады. Кей аймақтарда жауын-шашын жауып, көктайғақ болады. Сонымен қатар желдің күшеюі күтіледі.&nbsp;
<blockquote>
 “Кезеңнің басында, Қазақстан аумағының басым бөлігі Екатеринбург аудандарынан және онымен байланысты атмосфералық фронттардан келетін циклон жырасының ықпалында болады”, – деп мәлімдеді “Қазгидромет” РМК.&nbsp;
</blockquote>
Қазақстанның солтүстік, шығыс, орталық өңірлерінде жауын-шашын тоқтап, температураның төмендеуі болжанады. Солтүстік өңірлерде түнгі уақыттарда минус 15-28 градусқа дейін аяз болады. Ал орталық өңірлерде 15-25 градус, шығыс аймақтарда 15-30 градус аяз күтіледі.

Қазақстан және Қызылорда облысының жаңалықтары