<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақстанда соңғы тәулікте 95 адам коронавирус инфекциясын жұқтырды.
Оның ішінде:
Астана қаласында &#8212; 20,
Алматы қаласында &#8212; 10,
Ақмола облысында – 14,
Ақтөбе облысында – 4,
Жетісу облысында &#8212; 2,
Атырау облысында &#8212; 1,
Шығыс Қазақстан облысында &#8212; 1,
Батыс Қазақстан облысында &#8212; 4,
Қарағанды облысында &#8212; 17,
Ұлытау облысында &#8212; 3,
Қостанай облысында &#8212; 11,
Қызылорда облысында &#8212; 1,
Маңғыстау облысында &#8212; 2,
Павлодар облысында &#8212; 3,
Солтүстік Қазақстан облысында &#8212; 2.

Соңғы тәулікте коронавирус жұқтырғандар туралы мәлімет жарияланды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Қазгидромет» РМК-сы қыркүйектің 29-ы күнгі күн райы болжамын жариялады.
Кәсіпорын таратқан деректерге қарағанда, Қазақстанның басым бөлігінде фронталды бөліктердің өтуіне байланысты, жауын жауып, батыс аймақтарда жаңбыр, солтүстік, шығыс, орталық аймақтардың кейбір бөлігінде жаңбыр, кейбір бөлігінде қар жауып, еліміздің шығысында нөсер жауын жауады.
Тек Қазақстанның оңтүстік-батыс аймағында ғана күн жауын-шашынсыз болады. Республика бойынша жел күшейіп, батыста найзағай ойнайды, оңтүстік-батыста, оңтүстікте шаңды дауыл тұрады, солтүстікте, шығыста, орталықта тұман түсіп, көктайғақ болады.
Жамбыл, Түркістан, Қызылорда облыстарының басым бөлігінде төтенше өрт қаупі сақталады.

29 қыркүйекке арналған ауа райы болжамы жарияланды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылорда қаласы Белкөл кентінде «Марал ишан» атындағы Қарилар дайындау орталығы медресенің ашылу рәсімі өтті.
Салтанатты шараға Қызылорда облысы әкімінің орынбасары Нұрымбет Сақтағанов, Қазақстан мұсылмандары діни басқармасының төрағасы, Бас мүфти Наурызбай қажы Тағанұлы бастаған ҚМДБ басшылық құрамы, Меккедегі қасиетті Қағбаның кілтіне иелік етуші әулеттің өкілі Шейх Мұхәммәд Шәйби, Меккедегі «Зәмзәм су» мекемесінің директоры Шейх Айман, Нұр-Мүбарак университетінің проректоры Қайрат Құрманбаев және жергілікті тұрғындарқатысты.
«Марал ишан» атындағы қарилар дайындау орталығы – жергілікті кәсіпкер Мұрат Нұрсейітовтің демеушілігімен 2019 жылы құрылысы басталып, 2022 жылы аяқталды. 80 адамға шақталған ғимарат екі қабатты, 2 дәріс бөлме, 2 жатын бөлме, ұстаздар бөлмесі, 1 асхана, 1 медициналық бөлім (медпункт), 1 жаттығу бөлмесі, 2 дәретхана, 2 жуынатын бөлме, 2 демалыс бөлмесі және 1 қосымша бөлмеден тұрады.
Дәл осындай типтегі Құран жаттауға арналған қарилар дайындау орталығы Арал қаласында және Қазалы ауданы, Әйтеке би кентінде де қолданысқа беріледі.
Айта кетейік, бұған дейін осындай Құран жаттау орталығы Шиелі кентінде ашылған болатын. Бүгінде орталықтың жұмысы қарқынды жүруде.
<div class="wp-block-image"><figure class="aligncenter size-full"><img loading="lazy" width="859" height="576" src="https://kyzylorda-news.kz/wp-content/uploads/2022/09/309586821_1628394060889433_8660356417201746606_n.jpg" alt="" class="wp-image-167985" srcset="https://kyzylorda-news.kz/wp-content/uploads/2022/09/309586821_1628394060889433_8660356417201746606_n.jpg 859w, https://kyzylorda-news.kz/wp-content/uploads/2022/09/309586821_1628394060889433_8660356417201746606_n-768x515.jpg 768w" sizes="(max-width: 859px) 100vw, 859px" /></figure></div>
<div class="wp-block-image"><figure class="aligncenter size-full"><img loading="lazy" width="859" height="577" src="https://kyzylorda-news.kz/wp-content/uploads/2022/09/309458665_1628393984222774_1686685477178204912_n.jpg" alt="" class="wp-image-167986" srcset="https://kyzylorda-news.kz/wp-content/uploads/2022/09/309458665_1628393984222774_1686685477178204912_n.jpg 859w, https://kyzylorda-news.kz/wp-content/uploads/2022/09/309458665_1628393984222774_1686685477178204912_n-768x516.jpg 768w" sizes="(max-width: 859px) 100vw, 859px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/308889416_1628394397556066_7923227537391591619_n.jpg" alt="" class="wp-image-167987" srcset="https://kyzylorda-news.kz/wp-content/uploads/2022/09/308889416_1628394397556066_7923227537391591619_n.jpg 1280w, https://kyzylorda-news.kz/wp-content/uploads/2022/09/308889416_1628394397556066_7923227537391591619_n-768x512.jpg 768w" sizes="(max-width: 1280px) 100vw, 1280px" /></figure></div>

Қызылордада медресе ашылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің «Денешынықтыру және бастапқы әскери дайындық» кафедрасының 1-2 курс студенттері танымал спортшылармен кездесті.Басқосуда Әлеуметтік және тәрбие жұмыстары жөніндегі проректор Жандос Базартай оқу орнында спортты дамыту және жастардың салауатты өмір салтын қалыптастыру ерекше назарда екенін айтты.<blockquote>«Бүгінде университетте спортшыларға әрдайым қолдау көрсетіліп, қажетті жағдай жасалуда. Біздің студенттер еліміздің спорттық намысын олимпиада ойындарында, әлем чемпионаттарында, әлемдік универсиадада, Азия және Еуропа чемпионаттарында лайықты түрде қорғап келеді. Біз өз спортшыларымызды мақтан етеміз», - деді Жандос Нұртайұлы.</blockquote>Еркін форматта ұйымдастырылған жиында грек-рим күресінен ересектер арасында Әлем чемпионатының 2 дүркін қола жүлдегері Айдос Сұлтанғалиға, шахматтан Әлем чемпионы Әсел Серікбай мен белбеу күресінен Әлем чемпионатының 2 дүркін күміс жүлдегері Райымбек Рантаевқа Басқарма Төрағасы-Ректор Бейбіткүл Кәрімованың «Құрмет грамотасы» табысталды.Студенттермен кездесу барысында спортшылар өздерінің жетістіктері, спорт жолындағы сынақтары, тартысты додаларға дайындықтары мен қызықты естеліктері туралы бөлісті.<figure class="image"><img src="https://knadmin.beoblood.kz/uploads/sport_38f16d829b.jpg" alt="спорт.jpg"></figure><img src="https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2.jpg" alt="" srcset="https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2.jpg 1280w, https://kyzylorda-news.kz/wp-content/uploads/2022/09/38f05548-0b0a-4f9b-a549-a6d2872905f5-2-768x432.jpg 768w" sizes="(max-width: 1280px) 100vw, 1280px" width="1280" loading="lazy">

Студенттер танымал спортшылармен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;«Керім сұлу – Қызылорда» тігін цехының құрылтайшысы Жанар Прекеева Өңірлік коммуникациялар қызметінің ақпарат алаңында өндіріс жұмысын баяндады.
ҚР Президенті Қасым-Жомарт Тоқаевтың Қазақстан халқына арнаған Жолдауында кәсіпкерлерді қолдау мақсатында 2,5 пайыз жеңілдетілген шағын несие берілетінін айтқан болатын. Бүгінде өңірде мемлекеттік бағдарламаның көмегімен кәсіп ашып, жергілікті өнім өндіретін кәсіпкерлер қатары артқан. Солардың бірі &#8212; ұлттық нақыштағы сапалы өнімдерді шығаратын жеке кәсіпкер Жанар Прекеева. 
<blockquote class="wp-block-quote">«Мемлекет басшысының халыққа арнаған Жолдауында жұмыссыздық деңгейін төмендету және кәсіпкерлерді қолдау аясында тиімді шаралар қарастыру керектігін айтқан болатын. Қазіргі таңда мемлекеттік бағдарламалар арқылы кәсібін жүргізіп отырған азаматтар көбеюде. Өзім де «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында 2019 жылы 5 млн. теңге несие алған болатынмын. Ол қаржыға тігін цехын ашып, ұлттық нақыштағы бұйымдарды шығаруды қолға алдым. Бүгінде тігін цехында 7 адам еңбек етеді. Шығарған өнімдерімізге де сұраныс көбеюде. Болашақта кәсіп орнын кеңейтіп, жергілікті бұйымдарымызды басқа өңірлерге ұсынуды жоспарлап отырмыз. Мемлекет қандай кәсіп болмасын қолдауға дайын. Сол себепті қазір кәсіп ашуға мүмкіндік мол», &#8212; деді кәсіпкер Жанар Мақсатқызы.</blockquote>
<div class="wp-block-image"><figure class="aligncenter size-full"><img loading="lazy" width="887" height="906" src="https://kyzylorda-news.kz/wp-content/uploads/2022/09/prekeeva.jpg" alt="" class="wp-image-167961" srcset="https://kyzylorda-news.kz/wp-content/uploads/2022/09/prekeeva.jpg 887w, https://kyzylorda-news.kz/wp-content/uploads/2022/09/prekeeva-768x784.jpg 768w" sizes="(max-width: 887px) 100vw, 887px" /></figure></div>

Жанар Прекеева: Кәсіп ашуға мүмкіндік мол

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазан айында Республика күніне байланысты қазақстандықтар 23-25 қазан күндері демалады.
Бұл туралы құжат «Ашық» НҚА&nbsp;<a href="https://legalacts.egov.kz/npa/view?id=14244368" target="_blank" rel="noreferrer noopener">сайтына</a>&nbsp;шықты.
<blockquote class="wp-block-quote">«Биыл «Қазақстан Республикасындағы мерекелер туралы» ҚР Заңына 25 қазанды – ұлттық мейрам Республика күні ретінде енгізу жоспарланған. Ол биыл сейсенбі күнге түсіп тұр. Осыған орай, мереке күндерінде жұмыс уақытын тиімді пайдалану мақсатында қаулыға өзгеріс енгізу ұсынылды. Онда демалыс күнін 22 қазан сенбіден 24 қазан дүйсенбіге ауыстыру жоспарлануда», &#8212; делінген құжатта.</blockquote>
Сонымен, қаулы жобасына сәйкес, қазақстандықтар қазанның 23-25 күндері демалады.

Республика күніне орай қазақстандықтар 3 күн қатарынан демалады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Сыр өңірінде соңғы 3 ай ішінде Түркия мемлекетінің ірі компанияларымен бірлескен жобалар аясы кеңеюде.
Екіжақты ынтымақтастық нәтижесінде аймақта инвестициялық жаңа өндіріс орындары мен нысандар салынбақ.
Аймақта «Акса энерджи» компаниясы ТМД елдерінде теңдесі жоқ заманауи жылу электр орталығының құрылысын салуға ниет білдірді. Облыс әкімі Нұрлыбек Нәлібаев түрік инвесторы Коркут Озтуркпен кездесіп, ортақ келісім аясында нысанның құрылыс капсуласын салу рәсіміне қатысты.
Құны 215 млрд.теңгені құрайтын жобаның қуаттылығы 240 мегаватқа жетеді. Жылу электр орталығы 2025 жылы ел игілігіне беріледі.
Өткен сенбіде облыс әкімі Нұрлыбек Нәлібаевтың шақыртуымен Қызылорда өңіріне Түркияның KOÇ Holding компаниясының өкілі Өзгур Бурак Акколь және отандық «Orbis Kazakhstan» компаниясының басшысы Сухраб Әбдіғаппурұлы Махмудов арнайы келді.
Тараптар арасында Жаңақорған ауданында қызанақ пастасын шығаратын зауыт мәселесі талқыланды.
Құны 13,5 млрд.теңгені құрайтын жоба жылына 24 мың тонна томат пастасын дайындауға мүмкіндігі бар. Жобаны қос компания тең көлемде қаржыландырады. Зауыт іске қосылғанда 154 жұмыс орны ашылады.
Ынтымақтастықты одан әрі нығайту бағытында аймақ басшысы Нұрлыбек Нәлібаевтың тапсырмасы негізінде облыс әкімінің бірінші орынбасары Серік Қожаниязов Түркия мемлекетіне арнайы барып, бірқатар компания өкілдерімен келіссөздер жүргізді.
Түрік кәсіпкерлері аталған қос жобадан бөлек, аймақта өндірісте және сауда орындарында пайдаланатын қағаз қапшықтары мен қағаздан жасалатын ыдыстарды шығару жобаларын жүзеге асыруға ынталы екендігін білдірді.
Айта кетейік, өңірге инвестициялық жобалар тарту – әкімдіктің басым бағыттарының бірі. Тың жобалар арқылы халықтың тұрмыс сапасын жақсартуға және жаңа жұмыс орындарын ашуға мүмкіндік туады.
<div class="wp-block-image"><figure class="aligncenter size-full"><img loading="lazy" width="897" height="720" src="https://kyzylorda-news.kz/wp-content/uploads/2022/09/akimat.jpeg" alt="" class="wp-image-167956" srcset="https://kyzylorda-news.kz/wp-content/uploads/2022/09/akimat.jpeg 897w, https://kyzylorda-news.kz/wp-content/uploads/2022/09/akimat-768x616.jpeg 768w" sizes="(max-width: 897px) 100vw, 897px" /></figure></div>

Екіжақты ынтымақтастық: Сыр елінде Түрік компаниялары жаңа жобаларды іске асырады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Қызылорда облысының әкімі Нұрлыбек Нәлібаев Сыр еліне жұмыс сапарымен келген Қазақстан мұсылмандар діни басқармасының төрағасы, Бас мүфти Наурызбай қажы Тағанұлымен кездесті.
Басқосуда өңірдегі діни ахуал талқыланды. Сонымен қатар, имамдардың білімі мен біліктілігін көтеру, дін қызметкерлерін әлеуметтік тұрғыдан қолдау, аймақтағы мешіттерді кадрлармен қамтамасыз ету, халыққа дін мен дәстүр сабақтастығын дәріптеу сынды мәселелер сөз болды.
Аймақ басшысы еліміз тәуелсіздік жылдарында қоғамдық-саяси және экономикалық тұрақтылығымен, әр түрлі ұлт пен ұлыс, конфессиялар арасындағы сенім және өзара түсіністікпен ерекшеленетіндігін атап өтіп, асыл дінімізге қолдау көрсетіп, игілікті істерді жүзеге асыруға әрқашан әзір екенін жеткізді.
Өз кезегінде Наурызбай қажы Тағанұлы облыс әкіміне игі ниетін жеткізіп, Сыр елінде республикалық Құран жарысын ұйымдастыру іс-шараларына қолдау көрсеткені үшін Қазақстан мұсылмандары діни басқармасы атынан алғысын білдірді.
Наурызбай қажы Сыр еліне екікүндік сапары барысында облыс орталығына қарасты Белкөл кенті мен Арал, Қазалы аудандарында Құран жаттау орталықтарының ашылуына және Құран Кәрімді жатқа және мәнерлеп оқу бойынша ХІ Республикалық Құран жарысының ашылу салтанатына қатысады.
<figure class="wp-block-image size-full"><img loading="lazy" width="1024" height="682" src="https://kyzylorda-news.kz/wp-content/uploads/2022/09/akimat-1-1.jpg" alt="" class="wp-image-167915" srcset="https://kyzylorda-news.kz/wp-content/uploads/2022/09/akimat-1-1.jpg 1024w, https://kyzylorda-news.kz/wp-content/uploads/2022/09/akimat-1-1-768x512.jpg 768w" sizes="(max-width: 1024px) 100vw, 1024px" /></figure>
<div class="wp-block-image"><figure class="aligncenter size-full"><img loading="lazy" width="1024" height="683" src="https://kyzylorda-news.kz/wp-content/uploads/2022/09/akimat-2.jpg" alt="" class="wp-image-167913" srcset="https://kyzylorda-news.kz/wp-content/uploads/2022/09/akimat-2.jpg 1024w, https://kyzylorda-news.kz/wp-content/uploads/2022/09/akimat-2-768x512.jpg 768w" sizes="(max-width: 1024px) 100vw, 1024px" /></figure></div>

Нұрлыбек Нәлібаев Бас мүфти Наурызбай қажы Тағанұлымен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда облысы кәсіпкерлер палатасының алаңында қала әкімі Асылбек Шәменов, «Азаматтарға арналған үкімет» КЕ АҚ Қызылорда облыстық филиалының директоры Аида Әбибуллаева, Палата директоры Пірмұхаммед Сыздықов кәсіпкерлердің жер қатынастарына қатысты құжаттарын рәсімдеуді оңтайландыру үшін үш жақты меморандумға қол қойды.
Шарада «Азаматтарға арналған үкімет» КЕ АҚ облыстық филиалының жақында тағайындалған директоры Аида Әбибуллаева жер телімдерінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдап жатқанын жеткізді.
<blockquote class="wp-block-quote">«Меморандум жасау туралы ұсыныс Аида Ибрагимқызынан түсті. Бұл қадам кәсіпкерлердің бизнес жобаларын жүзеге асыру мерзімін жақындатып, уақытын үнемдеуге мүмкіндік берері сөзсіз», – деді Палата директоры Пірмұхаммед Сыздықов.</blockquote>
Бұған дейін Палата кәсіпкерлік мақсаттағы жер, ғимарат құжаттарына қажетті рұқсат құжаттарын жеңілдету бағытында бірқатар мәселелерді көтеріп, шешу жолдарын тұрақты тиісті органдарға ұсынып келеді. Жергілікті әкімдіктермен бұл бағытта нәтижелі жұмыстар бар.
Шарада «Азаматтарғаарналғанүкімет» КЕ АҚ облыстық филиалының директоры Аида Әбибуллаева жер телімдерінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдап жатқанын жеткізді.
<blockquote class="wp-block-quote">«Бүгінгі күнге дейін жерді заңдастыру үшін қажетті құжаттардың бірі жерге орналастыру жобасы 30 жұмыс күні ішінде дайындалып келсе, ендігі жерде 15 күнтізбелік күн ішінде әзірлеп береміз. Ал, жер-кадастрлық жоспар 10 жұмыс күні ішінде дайындалса, оны 7 жұмыс күнге қысқартамыз. Кейін бұл жұмыстар бір жүйеге келген соң, мерзімді одан да қысқа мерзімге азайту мәселесін қараймыз. Сонымен қатар, алдағы уақытта кәсіпкердің сенімхаты негізінде жергілікті атқарушы органдарға берілетін өтінішінен бастап, қабылданған түпкілікті құжатын тіркеуге дейін қызметті көрсетуді жоспарлап отырмыз. Бұл ретте филиалдың қызметі жауапкершілік, жалпыға тиімділік, жүйелілік және жеделдік қағидаттарын негізге аламыз», &#8212; деді Аида Әбибуллаева.</blockquote>
Атап айтқанда, Қызылорда қаласы әкімдігі жер телімдерінің нысаналы мақсатын өзгертіп, кәсіпкерлік нысанын заңға сәйкес құжаттандырғысы келетін азаматтарға Жер Кодексінің 49-бабын басшылыққа алып, бөліп төлеуге мүмкіндік беріп жатыр.&nbsp;
Бұл қадам бірқатар оң нәтиже береді. Жер телімін сатып алу-сатудан түсетін бюджетке кіріс ұлғаяды, нысаналы мақсаты кәсіпкерлікке ауысқаннан кейін, бюджетке түсетін жер салығының көлемі артады, жер телімімен бірге үстіндегі ғимараттың да бағалау құны артып, мүлік салығынан түсетін кіріс көлемі артады, кадастрлық құнды төлеу үшін пайызбен несие алу көлемі төмендейді, облыс көлемінде заңсыз құрылыстар қатары төмендейді.
Бизнес өкілдері жер телімдеріне қатысты мәселемен кездескен жағдайда Қызылорда облысы кәсіпкерлер палатасына хабарласа алады. Мекен-жайы: Қызылорда қаласы, Қорқыт ата 123, «Бизнеске арналған үкімет» ғимараты. Байланыс нөмірі 8 /7242/ 40-09-81.
<div class="wp-block-image"><figure class="aligncenter size-full"><img loading="lazy" width="1280" height="687" src="https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12.jpeg" alt="" class="wp-image-167943" srcset="https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12-768x412.jpeg 768w" sizes="(max-width: 1280px) 100vw, 1280px" /></figure></div>

Қызылордада құжаттарды рәсімдеуді оңтайландыруға қатысты меморандум жасалды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысы кәсіпкерлер палатасы Өңірлік кеңесінің отырысында «Атамекен» ҰКП-ның X съезіне қатысатын делегаттар дауыс беру арқылы анықталды.
Өңірлік кеңес мүшелерінің дауыс беруімен съезге 7 делегат сайланып, 2-уі резервке қойылды.
Съезге қатысатын кәсіпкерлер: Өңірлік кеңес төрағасы Ерлан Раимов, кеңес мүшелері Жаңабай Бекішев, Нұрлан Іздібаев, Раушан Базарбай, Болат Нұрхожаев, Бейбітәлі Тілеулиев, Наталья Мишукова.
Кеңес төрағасы Ерлан Раимов шараның маңыздылығына тоқталып өтті.
<blockquote class="wp-block-quote">«Жыл басында «Атамекенге» трансформация жасалатыны айтылды. Оны талқылауға арналған отырыстарға қызылордалық кәсіпкерлер де қатысып, ұсыныс-пікірлерімізді бердік. Нәтижесін ертең съезде көреміз. Бұдан өзге, қазір Ұлттық палата жүйелі проблемаларға басымдық беріп, жан-жақты зерттеп жатыр. Оны жақында жарияланған Жолдауда өздеріңіз де көрдіңіздер. Кәсіпкерлердің айтуымен, Палата көтерген бастама қабылданып, салық кодексі жаңадан жазылатын болды. Жалпы «Атамекен» бизнестің алдындағы негізгі міндетін орындап келеді. Рас, соңғы уақытта орын алып жатқан өзгерістерге сай Ұлттық палата жұмысына да тың серпін керек. Съезде осы жағынан да жақсы жаңалықтар болады деп күтеміз», – деді Ерлан Раимов.</blockquote>
Атап өту керек, 4 қараша күні Астана қаласында, офлайн өтетін съезде Абай, Жетісу, Ұлытау облыстарының өңірлік палаталарын құру, өңірлік кәсіпкерлер кеңесінің сандық құрамын айқындау, ҰКП-ның өткен жылғы қызметінің есебі, реформалауға қатысты қабылданып жатқан шаралар мен өзге де мәселелер талқыланып, қаралады деп жоспарланып отыр.
«Атамекен» қазір саладағы мәселелерді зерттеп, проблемасына, шешу жолдарына жүргізген талдауларын кәсіпкерлердің көріп, таныс болуы үшін телеграмнан арнайы канал ашты.
Кәсіпкерлердің аталған <a href="https://t.me/nppanalytics" target="_blank" rel="noreferrer noopener">каналда</a> оқып, танысып қана қоймай, пікір білдіруге, ұсыныс жасауға мүмкіндіктері бар.

«Атамекеннің» съезіне Қызылорда облысынан 7 делегат қатысады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz</a><a rel="noreferrer noopener" href="https://kyzylorda-news.kz/" target="_blank">.</a> Бүгін «AMANAT» партиясы «Теміржол» филиалына қарасты «Қызылорда магистральдық желі бөлімшесі» бастауыш партия ұйымы жиналысы өтіп, онда партияның Саяси тұғырнамасының жобасы талқыланды.
Жиынды ашқан бастауыш ұйым төрағасы Ибрагим Басықараев «AMANAT»- қоғам мен мемлекет игілігі үшін барлық жауапкершілікті өз мойынына алып, жұмыс істеп келе жатқан партия екенін тілге тиек етіп, осы орайда қара бастың қамы емес, мемлекеттің, ұлттың келешегі мен қауіпсіздігі үшін өзінің Саяси Тұғырнамасы жобасын әзірлеп, қоғам талқысына салып отырғандығын жеткізді.
Жиында бастауыш ұйым мүшелері саяси құжаттың әрбір бағытының маңыздылығына тоқталды.
Мәселен жарыссөзге шығып, өз ойын жетікізген партия мүшесі Алмас Ұзақбайұлы партия әрбір азаматтың болашағына еш алаңдамай өмір сүруі үшін кешенді жоба әзірлеп отырғанын жеткізді.
<blockquote class="wp-block-quote">««AMANAT» партиясы әрқашан қоғамдық-саяси үдерістердің бел ортасында жүр. Біз түрлі көзқарастар мен ой-пікірлердің тоғысатын, үндесетін алаңымыз. Біздің партия әр адамның құқығы мен бостандығын қорғайды. Бүгінгі талқыға түсіп отырған Тұғырнама жобасында әрбір адамның лайықты білім мен медициналық көмек алуы, жеке қауіпсіздігінің қорғалуы, жайлы үйде тұруына дейінгі халықтың көкейіндегі мәселелер қамтылып отыр»,-деді Алмас Ұзақбайұлы.</blockquote>
Ал бастауыш ұйым мүшесі Сабыр Бимухамедов Тұғырнамадағы отбасы институты беделін көтеруге, сонымен қатар, ана тіліміздің қолданыс аясын кеңейтуге күш салынатындығы қатты қуантып отырғанын айтты.
Жиынға партияның «Теміржол» филиалының Атқарушы хатшысы, республикалық саяси кеңес мүшесі Базара Танбаева, Магистральді желі бөлімшесі Ардагерлер кеңесінің төрағасы, сала әрі партия ардагері Сейсенбі Шермаханов қатысып, маңызды құжаттың ел игілігіне қызмет ететіндігіне сенім білдірді.
Жиын соңында күн тәртібіне сәйкес «Теміржол» партия филиалының кезектен тыс XXV конференциясына делегаттар сайланды.

Тұғырнама толық қолдауға лайық

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Евразия» спорт кешенінде Ұлттық Қауіпсіздік Органдарының 30 жылдығына арналған Қызылорда облысының күштік құрылымдар командалары арасында қазақ күресінен жарыс өтті.
Финалда Қызылорда облысы полиция департаментінің балуандары Қызылорда облысы бойынша Ұлттық қауіпсіздік департаментінің командасын 3:2 есебімен ұтып, облысымызда алғаш рет ұйымдастырылып отырған командалық жарысының жеңімпазы атанды.
Жеті команда қатысқан бұл жарыста біздің қызметкерлер өз тобында Шекара қызметі, №5547 Ұлттық ұлан әскери бөлім, Мамандандырылған күзет қызметі командаларын айқын басымдылықпен ұтып финалға шыққан. Ұлттық қауіпсіздік департаменті балуандары өз тобында Облыстық Сот пен төтенше жағдайлар департаменті командаларын жеңіп шыққан.
Команда құрамындағы қызметкерлер оқу-жаттығу взводының инспекторлары полиция майоры Қайрат Жалғасбаев 74 келі, полиция капитаны Ержан Абдуллаев 100 келі және Жылдам қимылдайтын арнайы жасақ қызметкерлері полиция капитаны Алмат Тайбағаров 90 келі, полиция аға лейтенанты Алтынбек Тұрмаханов 82 келі, полиция лейтенанты Нұрсұлтан Қарамергенов 66 келі.
<blockquote class="wp-block-quote">«Департамент спортшыларының шеберлігі мен кәсіби деңгейі полицияның мерейінің үстем болуына айрықша ықпал етуде. Келешекте де спортшылар департаменттің намысын биікке көтереді деген сенімдемін. Сіздерге зор денсаулық, отбасыларыңызға бақ-береке тілеймін! Спортта биік белестерді тілектестік білдіремін», &#8212; деп атап өтті Қызылорда облысы полиция департаментінің бастығы Мұхтар Қожабаев.</blockquote>
<div class="wp-block-image"><figure class="aligncenter size-full"><img loading="lazy" width="1871" height="865" src="https://kyzylorda-news.kz/wp-content/uploads/2022/09/bezymjannyj-3.jpg" alt="" class="wp-image-167906" srcset="https://kyzylorda-news.kz/wp-content/uploads/2022/09/bezymjannyj-3.jpg 1871w, https://kyzylorda-news.kz/wp-content/uploads/2022/09/bezymjannyj-3-768x355.jpg 768w, https://kyzylorda-news.kz/wp-content/uploads/2022/09/bezymjannyj-3-1536x710.jpg 1536w" sizes="(max-width: 1871px) 100vw, 1871px" /></figure></div>

Қазақстан және Қызылорда облысының жаңалықтары