<a href="https://kyzylorda-news.kz/">Kyzylorda-news.kz.</a> Жаңақорған ауданының полиция бөлімінің қызметкерлері Кеңес ауылында «OPEL VECTRA» маркалы автокөлігін тоқтатып, тексеру барысында 60 жастағы жүргізушінің алкоголь өнімін пайдаланғаны байқалған.&nbsp;Медициналық сараптамадан өткізу кезінде оның «орта» дәрежелі масаң күйде болғаны белгілі болған.
Жүргізушіге қатысты ҚР ӘҚБтК-нің 608-бабының 1-бөлімімен әкімшілік хаттама рәсімделіп, сот шешімімен 15 (он бес) тәулікке әкімшілік қамауға алынып, көлік құралын басқару құқығынан 7 (жеті) жыл мерзімге айыру жазасы тағайындалған.
Осы тектес құқық бұзушылық сағат 00:05 шамасында аудан орталығында орын алды. Полиция қызметкерлерімен «ВАЗ-21061» маркалы автокөлігі тоқтатылып, тексеру барысында 28 жастағы жүргізушінің алкоголь өнімін пайдаланғаны байқалып, медициналық сараптамадан өткізу кезінде «жеңіл» дәрежелі масаң күйде екендігі белгілі болды.
Оған қатысты ҚР ӘҚБтК-нің 608-бабының 1-бөлімімен&nbsp; әкімшілік хаттама толтырылып, сот шешімімен 15 (он бес) тәулікке әкімшілік қамауға алынып көлік құралын басқару құқығынан 7 (жеті) жыл мерзімге айыру жазасы тағайындалған.
Еске сала кетейік, жыл басталысымен ауданда масаң күйде көлік басқарған 17-ден астам жүргізуші әкімшілік жакапкершілікке тартылды.
<blockquote>
 «Жол-көлік оқиғалары көбіне осылай рөлге мас күйде отыру салдарынан болады. Сондықтан ішімдік ішіп, көлік тізгіндемеңіздер. Бұл өз өміріңізбен қатар, өзгенің де өміріне қауіпті болады.&nbsp;Осы ретте, автокөлік жүргізушілерін жолда жүру ережелерін қатаң сақтауға шақырғым келеді.&nbsp;Сіздің ойланбаған әрекеттеріңізден кінәсіз адамдар зардап шегуі мүмкін», – деді Қызылорда облысы полиция департаментінің бастығы, полиция полковнигі Сұлтан Бектөре.
</blockquote>

Жаңақорған ауданында жыл басынан бері  мас 17 жүргізуші жауапкершілікке тартылды

<a href="https://kyzylorda-news.kz/">Kyzylorda-news.kz.</a> Тұрғын үй субсидиясына өтінімдер қабылдау 5 сәуірден басталады. Бұл туралы бүгін Үкімет отырысында ҚР Индустрия және инфрақұрылымдық даму министрі Қайырбек Өскенбаев айтты, деп хабарлайды <a href="https://lenta.inform.kz/kz/turgyn-uy-subsidiyasyna-otinimder-kabyldau-5-sauirden-bastalady_a3899582">ҚазАқпарат.</a>
Министрдің атап өтуінше, Мемлекет басшысының «Бәйтерек» ҰБХ» АҚ-мен бірлесіп, 2022 жылғы 1 мамырда жалға берілетін тұрғын үйді субсидиялауға өтінімдер қабылдау жөніндегі цифрлық платформаның жұмыс істеуін қамтамасыз ету» тапсырмасы бойынша жұмыстар қолға алынды.
<blockquote>
 «Цифрлық платформаның тестілік нұсқасын 15 наурыздан бастап пилоттық режимде іске қосуды жоспарлап отырмыз. Платформа Электрондық цифрлық қолтанба көмегімен өтінім беруді және өтінім берушінің талаптарға сәйкестігін автоматты түрде тексеруді көздейді. Тексеру Цифрлық даму, инновациялық және аэроғарыш өнеркәсібі министрлігі, Әділет министрлігі, Мемлекеттік кірістер комитеті, Білім және ғылым министрлігі, Еңбек министрліктердің мемлекеттік деректер базаларымен интеграциялау жолымен жүзеге асырылатын болады. Өтінімдерді қабылдауды 5 сәуірден бастауды жоспарлап отырмыз», – деді министр.
</blockquote>

Тұрғын үй субсидиясына өтінімдер қабылдау 5 сәуірден басталады

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының Жедел басқару орталығында полицейлер тәулік бойы үздіксіз өз жұмыстарын атқарып келеді.Қоғамдық қауіпсіздікті қамтамасыз ету мен тәртіпті сақтау мақсатында анықталған құқықбұзушылықтар бойынша жедел жұмыстарды жүзеге асырады. Бір аптада 102 нөмеріне 738 хабарлама келіп түсті. Ал, жедел басқару орталығының көмегімен 423 құқықбұзушылық анықталды.
Оның ішіндеҚазақстан Республикасының Әкімшілік құқықбұзушылық кодексінің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 184 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 45 жүргізуші, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 31 жүргізушіге әкімшілік хаттама толтырылды.
Қазақстан Республикасының Қылмыстық кодексінің 200-бабы (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) және 296-бабымен (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) 4 қылмыс ашылды.
<blockquote>
 «Біздің орталық өз жұмысын ешқашан кідірткен емес. Сондықтан сеніммен айта аламын, Қызылорда қаласы тұрғындарының тыныш ұйқысы мен қоғамдық қауіпсіздікті қамтамасыз ету мақсатында өз жұмысымызды одан әрі де жалғастыра береміз», – дейді Қызылорда қалалық Полиция басқармасының Жедел басқару орталығының бастығы, полиция майоры Берікбол Ерімбетов.
</blockquote>

Қызылордада жедел басқару орталығы 423 құқық бұзушылықты анықтады

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік көрсетілетін қызметтер тізіліміне сәйкес «Мемлекеттік атаулы әлеуметтік көмекті тағайындау» қызметі барлық азаматтарға тегін түрде көрсетіледі.
Атаулы әлеуметтік көмек алуға өтінішті тұрғылықты мекен-жайы бойынша жұмыспен қамту орталықтарына, кент, ауылдық округ әкімдіктеріне немесе «Электронды үкімет порталы» арқылы беруге болады.
Өтініш тапсыру барысында өтініш берушінің жеке куәлігі ғана жеткілікті. Қажетті мәліметтер мемлекеттік ақпараттық жүйелерден алынады, оның ішінде табыс туралы анықтамалар аударылған міндетті зейнетақы жарналары арқылы расталады. Дегенмен, өңірімізде «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» ҚР Заңына сәйкес жалақыға қоса төленетін экологиялық үстемелер ақпараттық жүйеде көрінбегендіктен Халықты жұмыспен қамту орталығы мамандарымен өтініш берушінің немесе жұмыс істейтін отбасы мүшелерінің айлық табысы туралы қосымша анықтама сұратуға құқылы.
Осыған орай, гранттар алуға, сондай-ақ жұмыспен қамтуға жәрдемдесудің басқа да белсенді шараларына қатысуға қатысты (жастар тәжірибесі, қоғамдық жұмыстар және т.б.), атаулы әлеуметтік көмек алу мәселелер бойынша тікелей Халықты жұмыспен қамту орталықтарына жүгініп, бұл мәселелерге делдал болғысы келетін кездейсоқ адамдарға сенбеуді сұраймыз.
Жұмыспен қамту орталықтары қызметкерлерінің, сондай-ақ делдалдардың заңсыз әрекеттері анықталған жағдайда Сыбайлас жемқорлыққа қарсы қызмет «1424» Call-орталығына осы фактілер туралы хабарлауыңызды сұраймыз.

Атаулы әлеуметтік көмек қалай тағайындалады?

<a href="https://kyzylorda-news.kz/">Kyzylorda-news.kz.</a>&nbsp; Жазатайым немесе қасақана жағдайда қылмысқа барып, жазаға тартылған сотталған азаматтардың&nbsp; жаза мерзімін толық өтеп, темір тордан босатылғаннан кейін&nbsp; бостандықтағы өмірге сіңісіп, қоғамға қайта бейімделіп кетуі үшін&nbsp; «Қақпа алдында кездесу»&nbsp;жобасының маңызы зор.
Жоба аясында&nbsp;&nbsp; Қызылорда қаласындағы қауіпсіздігі барынша төмен ЗК-169/4 мекемесінде&nbsp; жаза мерзімі аяқталған азаматтарға «Қақпа алдында кездесу» ұйымдастырылып, оған түрлі сала өкілдері шақырылды. Атап айтсақ, қалалық жұмыспен қамту,әлеуметтік бағдарламалар және азаматтық хал актілерін тіркеу бөлімінің&nbsp; маманы Б.Арыстанов,&nbsp; қылмыстық жазасын өтеген&nbsp; адамдарды&nbsp; әлеуметтік бейімдеу&nbsp; мен оңалту&nbsp; орталығының&nbsp; бас маманы&nbsp;&nbsp; Ғ.Оразбеков, қалалық пробация қызметінің аға инспекторы&nbsp; әділет капитаны Р.Сыздықов қатысты.
Жоба аясында мамандар әлеуметтік байланыстарды орнату, кәсіби білім алу, біліктілігін арттыру, жұмыспен қамту, кепілді медициналық көмегін алу, құқықтық көмек, құжаттарын қайта қалпына келтіру бағыттары бойынша түсіндірме жұмыстары жүргізіп, кеңестер берді. Пробация қызметі, жұмыспен қамту орталықтарының мамандары &nbsp;бұл азаматтармен тығыз байланыста жұмыс істейтінін жеткізді.
<blockquote>
 «Мен абайсызда қылмыс жасап сотты болдым. Бүгінде жазамды толық өтеп, мекемеден босатылғалы жатырмын. Мамандардан сұрағыма нақты жауап алдым. Түзеу мекемесінен шыққан адам қайда барарын білмей, кімнен көмек сұрарын білмей абдырап&nbsp; жатады.&nbsp; Міне, бүгін сала мамандары әр түрлі көмек түрлерін кімнен қалай алуымыз керек екендіктерін түсіндірді. Бізді сотталған азамат деп бөлмей қоғамға тез бейімделіп кетуіміз үшін беріліп жатқан көмектерге ризамын. Мекеме әкімшілігіне және сала мамандарына алғысым шексіз»,-&nbsp; деді босатылушы азамат.
</blockquote>

«Қақпа алдында кездесу»: Бостандыққа шыққандар мамандардан кеңес алды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры медициналық қызметтердің сапасы мен көлемінің айқаспалы мониторингінің жобасын енгізуде.
Айқаспалы мониторингтің пилоттық жобасы еліміздің барлық өңірлерінде енгізілуде.
Басты мақсаты – медициналық сақтандыру қоры тарапынан халыққа көрсетілген медициналық қызметтердің сапасы мен көлемін сараптау кезінде адами факторды, сыбайлас жемқорлықты болдырмау. Бұл туралы облыстық денсаулық сақтау басқармасының алқа мәжілісінің отырысында Әлеуметтік медициналық сақтандыру қордың Қызылорда облысы бойынша филиалының директоры Бақыт Исмаханбетов хабарлады.
Жиында облыс әкімінің орынбасары Балжан Шәменова, облыстық денсаулық сақтау басқармасының басшысы Сабит Пазылов, аймақтың медициналық ұйымдарының бас дәрігерлері қатысты.
<blockquote>
 «Бұл сараптама бірыңғай республикалық платформа арқылы жүргізіледі, онда халыққа көрсетілген барлық медициналық қызметтерді Қордың сарапшылары бағалайды. Қай медициналық ұйымды, қай өңірден тексеретінін ешқандай сарапшы білмейді. Қор пациенттердің құқықтарын бұзылуына қатысты ымырасыз ұстанымды ұстанады және медициналық көмектің қолжетімділігі мен сапасына мұқият бақылау жүргізеді», – деп атап өтті Қор филиалының директоры.
</blockquote>
Бақыт Исмаханбетовтың айтуынша, 2021 жылы халыққа медициналық көмек көрсету кезінде 82,4 мыңдай түрлі кемшілік анықталып, медициналық ұйымдарға салынған айыппұл сомасы 1 374 млн теңгеден асты.
Жиын соңында Қор филиалының директоры медициналық ұйымдарға 2021 жылдың табысты аяқталғаны үшін алғыс білдірді.
2021 жылдың қорытындысы бойынша бастапқы медициналық-санитарлық көмек көрсететін медмекемелер арасында Қармақшы аудандық ауруханасы сақтандырылған халық саны бойынша көш бастады – 85,4%, ал облыс бойынша медициналық қызметкерлерді ТМККК және МӘМС пакеттері жайлы жыл бойы оқытылымдардан кейінгі алынған тестілеу қорытындысы бойынша Қызылорда теміржол ауруханасының қызметкерлері үздік атанды. Жеңімпаз медмекемелерге Әлеуметтік медициналық сақтандыру қорының басқарма төрағасының алғыс хаты табысталды.
<img src="https://kyzylorda-news.kz/wp-content/uploads/2022/02/kollegija-.jpeg" alt="" />

МӘМС: Айқаспалы мониторинг жобасы енгізіледі

<a href="https://kyzylorda-news.kz/">Kyzylorda-news.kz.</a> Олимпия ойындарында қазақстандықтардың бүгінгі жарыстарын қазақстандық 2 телеарна тікелей эфирде көрсетеді, деп хабарлайды <a href="https://lenta.inform.kz/kz/beyzhin-2022-kazakstandyk-sportshylardyn-bugingi-zharysyn-kaydan-kore-alamyz_a3899441">ҚазАқпарат</a>.
Нақтырақ айта кетсек, жанкүйерлер бүгінгі жарыстарды отандық «Qazqstan» және «Хабар» телеарналарынан көре алады.
Қазақстандық телеарналардың тікелей эфир уақыты:
«Qazqstan» арнасы:
12:55 Шаңғы қоссайысы. Іріктеу – Шыңғыс Ракпаров;
«Хабар» арнасы:
16:55 Фристайл. Акробатика. Ерлер. Іріктеу – Шерзод Хаширбаев.
Айта кетейік, аталған Ақ Олимпиадада ойындарында еліміздің намысын 8 спорт түрінен 34 спортшы қорғап жатыр.
Олар – қысқы спорт ойындарының ішінде спорттың шаңғы жарысы, фристайл-могул, шаңғы акробатикасы, тау шаңғысы, шаңғымен секіру, биатлон және шорт-трек түрлерінен сынға түсуде.
Бейжің Олимпиадасы 20 ақпанда мәресіне жетеді.

Бейжің-2022: Қазақстандық спортшылардың бүгінгі жарысын қайдан көре аламыз?

<a href="https://kyzylorda-news.kz/">Kyzylorda-news.kz.</a> Сұлтан Әбілдаевтың жетекшілігімен қызылордалық «Қайсар» жаңа маусымға дайындығын жалғастыруда.
Жаттығу жұмыстары жергілікті футболшылардың қатысуымен өтуде. Атап айтар болсақ, қақпашылар Нұрымжан Салайдын, Нұрмат Сәрсенов, қорғаушылар Елжас Сарбай, Айбол Жахаев, Абылайхан Төлегенов, Айдос Байшылықов, Ерболат Серік, жартылай қорғаушылар Ислам Әбілқасов, Мағжан Бауыржан, Бекзат Құрманбекұлы, Аян Құлмағанбетов, Мақсат Байжанов, Руслан Сахалбаев, шабуылшылар: Өркен Махан, Елжас Алтынбеков.
Айта кетейік, қасқырлар Қызылордада ақпан айының соңына дейін жаттығу жұмыстарын өткізеді.
<img src="https://kyzylorda-news.kz/wp-content/uploads/2022/02/273897525_3409640639160033_9220357842799763127_n.jpg" alt="" />
<img src="https://kyzylorda-news.kz/wp-content/uploads/2022/02/273654658_3409639482493482_5502601841527641016_n.jpg" alt="" />
<img src="https://kyzylorda-news.kz/wp-content/uploads/2022/02/273528943_3409640015826762_4847301871784244663_n.jpg" alt="" />
<img src="https://kyzylorda-news.kz/wp-content/uploads/2022/02/273807724_3409640339160063_5278806836105425110_n.jpg" alt="" />

«Қайсар» дайындық жұмыстарын жалғастыруда

<a href="https://kyzylorda-news.kz/">Kyzylorda-news.kz.</a> Қазақстанда 5 904 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 678,
Алматы қаласында – 1 168,
Шымкент қаласында – 419,
Ақмола облысында – 698,
Ақтөбе облысында – 648,
Алматы облысында – 56,
Атырау облысында – 202,
Шығыс Қазақстан облысында – 23,
Жамбыл облысында – 14,
Батыс Қазақстан облысында – 220,
Қарағанды облысында – 548,
Қостанай облысында – 126,
Қызылорда облысында – 37,
Маңғыстау облысында – 28,
Павлодар облысында – 566,
Солтүстік Қазақстан облысында – 429,
Түркістан облысында – 44.
Елімізде барлығы 1 230 842 адам COVID-19-дан емделіп, сауығып шықты.

Қызылордада 37 адам коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 1173 адамның коронавируспен ауырған ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 64
Алматы қаласы – 480
Шымкент қаласы – 13
Ақмола облысы – 75
Ақтөбе облысы – 7
Алматы облысы – 91
Атырау облысы – 4
Шығыс Қазақстан облысы – 33
Жамбыл облысы – 19
Батыс Қазақстан облысы – 25
Қарағанды облысы – 75
Қостанай облысы – 45
Қызылорда облысы – 1
Маңғыстау облысы – 4
Павлодар облысы – 141
Солтүстік Қазақстан облысы – 95
Түркістан облысы – 1
Жалпы ел бойынша ауырғандар саны 1292393.

Covid-19: Қызылордада өткен тәуліктегі көрсеткіш жарияланды

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронттарға байланысты Қазақстанның басым бөлігінде тұрақсыз ауа райы сақталады, деп хабарлайды Қазгидромет.
Еліміздің солтүстігі мен шығысында қалың қар жауады. Республиканың кей жерлерінде тұман түседі, бұрқасын соғып, жел күшейеді, еліміздің оңтүстігінде, оңтүстік-шығысында көктайғақ болады.
Қызылорда облысының оңтүстігінде тұман түседі, түнде солтүстігі мен орталығында желдің екпіні – 15-20 м/с.

Ауа райы: Қызылордада тұман түседі

Kyzylorda-news.kz. Соңғы уақытта жер телімдерін иелену мәселелері бойынша Сырдария ауданындағы «Шаған жер» ЖШС шаруалары арасында өзара түсінбеушіліктер туындап, даулы мәселелерге ұласты. Екі тарап арасындағы ортақ мәселелерді шешу мақсатында бірнеше рет кездесулер өткізіліп, облыс әкімдігі тарапынан тиісті түсіндірмелер де жүргізілген. Дегенмен, мәселе оң шешімін таппады.
Бүгін облыс әкімі Гүлшара Әбдіқалықова «Шаған жер» жауапкершілігі шектеулі серіктестігіндегі шаруалармен кездесіп, талабын тыңдап, заң аясында ортақ мәмілеге келуге шақырды.
Жиынға облыс әкімінің орынбасары Бахыт Жаханов, облыс әкімі аппаратының басшысы Ерлан Райғаниев, облыс прокуроры Нұрлан Бижанов, құқық қорғау органдарының басшылары және аудан әкімі Мұрат Ергешбаев пен салалық басқарма басшылары қатысты.
Аймақ басшысы серіктестіктің ішінде орын алған дау-дамай бірнеше жыл қатарынан көтеріліп, біраз ағайынның арасына жік түскенін атап өтті және мәселені байыппен, қызбалыққа салмай шешім қабылдауға шақырды.
<blockquote>
 «Біз үшін ең маңыздысы – ағайынның ынтымақ-бірлігі. Өздеріңіз білесіздер, әкімдік шаруалардың ішкі мәселелеріне, шешім қабылдау процесіне араласпайды, тек түсініктеме жүргізіп, медиация тәртібімен шешу жолын ұсынамыз. Дегенмен, бүгінгі таңда үлескерлер бөлінген жер телімдеріне қанағаттанбай, бір-бірімен келісімге келе алмай отыр. Сондықтан қазіргідей қиын жағдайда тартысқа берілу орынсыз. Егін егу уақыты жақындаған тұста аяқ су тапшылығынан тиімді түрде шығу үшін бірігіп әрекет етуіміз қажет. Тағы бір мәрте ойланып, барлығын әділетті түрде келісуге шақырамын», – деді облыс әкімі.
</blockquote>
Жиында қос тараптың азаматтары сөз алып, мәселелерін ортаға салды. Серіктестік басшысы Жеңісбек Сыздықов пен үлескер Серікбол Орынбаев өзара түсінбестіктің салдарын жеке-жеке айтып, өз ұстанымдарын білдірді. Сондай-ақ, облыс прокуроры Нұрлан Бижанов серіктестік өкілдеріне өзара келісімге келіп, дауларын заң аясында реттеуге шақырды.
<h4 id="">Кездесу соңында облыс әкімі ел игілігі үшін ортақ шешімге келудің маңызды екенін және әділетті қадамдар арқылы орнықты шешім қабылдау қажет екенін еске салды.</h4>

Қазақстан және Қызылорда облысының жаңалықтары

Жаңақорған ауданында жыл басынан бері мас 17 жүргізуші жауапкершілікке тартылды