<h4 id="kyzylordanewskzhttpskyzylordanewskznbsphttpsexkkzkk"><a href="https://kyzylorda-news.kz/">Kyzylorda-news.kz.</a> Қазалы ауданында ауыл тұрғындары тіпті қансорғыш жәндік жабысқан малдарының арам өліп жатқанын айтады, деп хабарлайды&nbsp;<a href="https://exk.kz/kk">Экспресс К.</a></h4>
Бозкөл ауылының Самат есімді тұрғыны биыл осы бір жәндіктер тым көбейіп кетті дейді. Тіпті кене жабысқан малдары өздігінен жүре алмай қалғанын айтады. Сөйтсе де, кенені улауға мамандар шарасыз отыр деп ашулы тұрғын.
<blockquote>
 «Жайылымда жүрген жылқылар өліп жатыр. Өткенде ветеринарияның қызметкерлері келіп, кенені улауға өздерің ақша шығарыңдар дейді. Бізде ғана емес, басқа ауылдарда да кене жабысқан малдар қырылып жатыр. Бізге кім көмек береді? »— дейді Бозкөл ауылының тұрғыны.
</blockquote>
Ал ауыл әкімі төрт түліктен әзірге улы кене табылмады дейді. Сондай-ақ бұл мәселеге байланысты санитарлық эпидемиялогиялық қадағалау мекемесінің мамандары тексеру жұмыстарын бастағанын жеткізді.
<blockquote>
 «Малдардың неден өліп жатқаны әзірге белгісіз. Ол басқа бір ауру түрі болуы да мүмкін. Бірақ кененің көбейіп кеткені рас. Біз қазір осы жәндікті жоюға даярланып жатырмыз», – деді ауыл әкімі Ақылбек Бөлебай.
</blockquote>

Қазалы ауданында улы кене қаптап жатыр

<a href="https://kyzylorda-news.kz/">Kyzylorda-news.kz.</a> “Азаматтарға арналған үкімет” мемлекеттік корпорациясы әлеуметтік салада проактивті қызметтерді белсенді түрде енгізуді жалғастырып келеді. Бұл форматтың арқасында клиенттер ХҚКО-ға бармай-ақ, SMS арқылы бірнеше жәрдемақыны рәсімдей алады.
Әлеуметтік саладағы ең сұранысқа ие мемлекеттік қызметтердің бірі –&nbsp; бала туу және оның күтімі бойынша&nbsp; төленетін жәрдемақыларды ресімдеу. Бала өмірге келгеннен кейін оның анасына жәрдемақы бойынша өтініш беру үшін SMS-хабарлама келеді. Бұл хабарламаға оң жауап беріп, жәрдемақы төленетін банктің шот нөмірін көрсету керек. Ары қарай бала туу және бір жасқа дейінгі бала күтімі бойынша жәрдемақылар проактивті түрде ресімделетін болады. Еске салайық, осы қызметті пайдалану үшін мобильді азаматтар базасында тіркелу керек.&nbsp;
Осылайша, 2022 жылдың кейінгі бес айында бала туу және бала күтімі бойынша 152 298 мың жәрдемақы белсенді түрде ресімделді, бұл 2021 жылдағы кезеңмен салыстырғанда 2,2 есе көп (66 894 мың).&nbsp;
Айта кетейік, бала туу бойынша жәрдемақы мөлшері балалар санына байланысты. Бірінші, екінші және үшінші баланың тууына байланысты жәрдемақы – 120 840 теңге (2022 жылы 38 АЕК), одан кейінгілеріне – 200 340 теңге (63 АЕК) болады.&nbsp;
Жұмыс істемейтін әйелдер үшін бір жасқа дейінгі бала күтімі бойынша жәрдемақы:
•&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Бірінші бала күтімі бойынша – 18 317 теңге (5,76 АЕК);
•&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Екінші бала күтімі бойынша –&nbsp; 21 656 теңге (6,81 АЕК);
•&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Үшінші бала күтімі бойынша –&nbsp; 24 963 теңге (7,85 АЕК);
•&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Төртінші және одан да көп бала күтімі бойынша –&nbsp; 28 302 теңге (8,90 АЕК).
Баланың бір жасқа толғанға дейінгі (босанғаннан кейін) күтімі бойынша ай сайынғы әлеуметтік төлем жұмыс істейтін әйелдерге ғана тағайындалады. Төлем мөлшері әлеуметтік аударымдар жүргізілген табысқа да байланысты болады.&nbsp;
Төлемді есептеу үшін кейінгі 2 жылдағы орташа айлық табысты 0,4-ке көбейтіп, зейнетақы жарналарының 10 пайызын ұстап қалу қажет. Орташа айлық табыс 24-ке бөлінген кейінгі 2 жылдағы барлық ай сайынғы кірістердің сомасы ретінде есептеледі.
Бұл ретте табысынан айырылған жағдайда баланың бір жасқа толғанға дейінгі күтіміне байланысты төленетін әлеуметтік төлемнің ең жоғары мөлшері ең төменгі жалақының жеті еселенген мөлшерінің қырық пайызынан, ал әлеуметтік төлемнің ең төмен мөлшері – бала бір жасқа толғанға дейін оның күтіміне байланысты төленетін ай сайынғы мемлекеттік жәрдемақының мөлшерінен кем болмауға тиіс. Жәрдемақы төмендегідей есептеледі:&nbsp;1. Егер алушының 2 жыл ішіндегі табысының орташа айлық мөлшері 120 000 теңге болса, онда төлем 48 000 теңге (120 000x 0,4) мөлшерінде тағайындалады. Осы сомадан зейнетақы жарнасының 10 пайызы шегеріледі.
2. Егер табыс мөлшері 7 АЕК-ден (2022 жылға 420 000 теңге) асатын болса, онда төлем ең жоғары 168 000 теңге (420 000x 0,4) деңгейде тағайындалады. Осы сомадан зейнетақы жарнасының 10% шегеріледі.
3. Егер табыс 40 000 теңгені құраған жағдайда, онда төлем 16 000 теңге (40 000×0,4) мөлшерінде тағайындалады. Осы сомадан зейнетақы жарнасының 10% шегеріледі. Осы ретте жәрдемақылар ҚР міндетті әлеуметтік сақтандыру туралы заңнамасына сәйкес жүзеге асырылатын еске саламыз.&nbsp;Бұл қызмет 7 жұмыс күні ішінде көрсетіледі.

SMS арқылы 150 мыңнан астам бала күтімі бойынша төленетін жәрдемақы рәсімделген

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінде 13-14 шілде күндері бітіруші түлектерге салтанатты түрде диплом табыстау шарасы өтті.
Сыр еліндегі ғылым мен білімнің қарашаңырағы, сексен бес жылдық тарихы бар оқу орнында қазір 8 мыңға жуық білім алушы бар.
Биыл университетті Гуманитарлық-педагогикалық институты, Жаратылыстану институты, Экономика және құқық институты, Дәстүрлі өнер институты, Инженерлі-технологиялық институты бойынша 2159 түлек бітіріп, оның 200-ге жуығы үздік диплом иеленді.
Салтанатты жиынға Басқарма Төрағасы – ректор Бейбіткүл Кәрімова қатысып, түлектерге сәттілік тіледі.
<blockquote>
 – Ғылым мен технологияның дамуы қоғамда жаңа мамандық иелеріне сұраныс туғызуда. Сондықтан елімізге қажетті маман даярлау ісіне басымдық берудеміз. Білім алушылардың мықты маман, жан-жақты тұлға болып қалыптасуы ерекше назарда. Университетте ғылым саласын дамыту, жас ғалымдарды қолдау жұмыстары кең қанат жайды. Ғылыми зерттеу жұмысын жалпы қаржыландыру көлемі 20%-ға өсті.
 Биыл Қорқыт ата атындағы Қызылорда университетін 2159 түлек бітіруде. Біз үшін әр шәкірттің өмірден өз орнын тауып, сапалы маман атануы өте маңызды, – деді Бейбіткүл Сәрсемханқызы.
</blockquote>
Жиында «Қазақстан барысы» турнирінің жеңімпазы, университет түлегі&nbsp; Мақсат Исағабыловқа «Қорқыт ата атындағы Алтын медаль» табысталды. Сыр елінің абыройын асқақтатқан Мақсат Исағабылов – университет мақтанышы.
Сондай-ақ, салтанатты шарада білім сыналатын байқаулар мен қоғамдық шараларға белсене қатысып, оқу орнының мақтанышына айналған түлектер университет ректорының алғыс хатымен марапатталды.
Осы кезге дейін мыңдаған түлектің жарқын болашағына жолдама берген Қорқыт ата атындағы Қызылорда университеті еліміз бойынша үздік университеттердің қатарында. Қазақстанның үздік көпбейінді жоғары оқу орындарының рейтингісінде 7-ші орында.
Жыл сайын университетті таңдайтындар саны да артып келеді. 2019-2020 оқу жылында оқу жылында жалпы білім алушылар саны 5 мыңды құраған, осы оқу жылында 8 мыңға жетті. Оның ішінде грант негізінде білім алатындар саны 2500-ге көбейді.
Қорқыт ата атындағы Қызылорда университетінде 62 бакалавр, 36 магистратура және 13 докторантура білім беру бағдарламалары бойынша мамандар даярланады.
Оқу орны 170 шетелдік университетпен ынтымақтастық байланыс орнатқан. Бүгінде білім алушылар «Академиялық ұтқырлық», «Қос диплом» бағдарламасы бойынша АҚШ, Түркия, Польша, Бельгия, Словакия және отандық оқу орындарында білім алып, тәжірибе жинақтауда. Соңғы үш жылда «Ішкі академиялық ұтқырлық» бағдарламасы арқылы 200-ге жуық студент білім алды.
Салтанатты жиынға облыс әкімі аппаратының басшысы Шахмардан Байманов, қала әкімінің орынбасары Ақзира Қасымова, Қызылорда облысының білім саласында сапаны қамтамасыз ету департаментінің директоры Ғалия Дәулетова, техника ғылымдарының докторы, профессор Қылышбай Бисенов, ауыр атлетикадан Қазақстан Республикасының еңбек сіңірген спорт шебері Илья Ильин, «Қазақстан барысы-2022» республикалық турнирінің жеңімпазы Мақсат Исағабылов және университеттің профессор-оқытушылары мен ата-аналар қатысты.
<img src="https://kyzylorda-news.kz/wp-content/uploads/2022/07/b48e54f0-776f-461b-88ad-85b0dac5b4dc-scaled.jpg" alt="" />
<img src="https://kyzylorda-news.kz/wp-content/uploads/2022/07/2b4c2d24-2ff8-4e77-95ec-8cb5613149aa-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl3447-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl2611-scaled.jpg" alt="" />
<img src="https://kyzylorda-news.kz/wp-content/uploads/2022/07/imgl2925-scaled.jpg" alt="" />

Қорқыт ата атындағы Қызылорда университетінің түлектері диплом алды

<a href="https://kyzylorda-news.kz/">Kyzylorda-news.kz.</a> Қызылордада «Қазақстанның үздік тауары – 2022» өңірлік көрме-байқауы өтті. Шараны облыстық кәсіпкерлік және туризм басқармасы мен Кәсіпкерлер палатасы ұйымдастырды.
Атап өткен жөн, ел нарығын жоғары сапалы және бәсекеге қабілетті өніммен толықтыруға жәрдемдесу, кәсіпкерлердің отандық өнімнің сапасын арттыруға бағытталған қызметін жандандыруға ынталандыру мақсатында Президенттің Жарлығымен 2006 жылдан бастап елімізде жыл сайын өңірлік және республикалық деңгейде «Қазақстанның үздік тауары» көрме-байқауы өткізіліп келеді.
&nbsp;&nbsp;«Қазақстанның үздік тауары» көрме-байқауы үш номинация бойынша жүргізіледі:
– «Өндірістік мақсаттағы үздік тауарлар»;
– «Халық тұтынатын үздік тауарлар»;
– «Үздік азық-түлік тауарлары».
Өңірлік көрме-байқаудың 9 жеңімпазы (әр номинацияда үш жеңімпаздан) республикалық конкурсқа қатысады.
Биылғы жылы өңірлік байқауға аймақ кәсіпкерлігінің түрлі саласынан 60-тан астам тауарөндіруші қатысты. Құрамында бизнес, мемлекеттік орган өкілдерінен тұратын сарапшылар конкурсқа қатысушылардың өнімдерімен танысып, бағалау жұмыстарын жүргізді, жеңімпаздарды анықтады.
Сараптамалық топтың анықтауымен «Қазақстанның үздік тауары – 2022» өңірлік көрме-байқаудың жеңімпаздары:
– «Өндірістік мақсаттағы үздік тауарлар» номинациясы бойынша цемент өнімдерін шығаратын «Компания Гежуба Шиели Цемент» ЖШС, мұнай өндірісіне арналған қондырғылар шығаратын «Новомет-Казахстан»&nbsp; ЖШС, поливинилхлорид және төменгі қысымды полиэтилен құбырларын шығаратын «Казахстанская&nbsp; Нефтехимическая Компания Кемикал» ЖШС-нің Қызылорда филиалы;
–&nbsp; «Халық тұтынатын үздік тауарлар» номинациясы бойынша ұлттық киімдер тігумен айналысатын жеке кәсіпкер «Aiman Abdi», құрғақ құрылыс қоспаларын шығаратын «ВЕГА-Пром» ЖШС, жиһаз дайындайтын «Алис трейд Казахстан» ЖШС;
– «Үздік азық-түлік тауарлары» номинациясы бойынша өңделген ет, сүт, көкөніс өнімдерін шығаратын «Аруана Агролидер» ЖШС, күріш және күріш өнімдерін өндіретін «Асыл дән LTD» ЖШС, өнделген балық және балық өнімдерін өндіретін «Қарашалаң Сервистік Дайындау Орталығы» ЖШС.
Аймақ басшысы Нұрлыбек Нәлібаев жеңімпаздарды арнайы дипломдармен, қаржылай сыйлықпен марапаттады.
Шара аясында балалар жылына орай жеңіл өнеркәсіп саласындағы жергілікті таураөндірушілердің, атап айтқанда:
– жеке кәсіпкер «Aiman Abdi»-дің қазақи нақыштағы балаларға арналған киім үлгілерінен;
– жеке кәсіпкер Цой Светлананың балаларға арналған кешкі көйлектер топтамасынан;
– «DALATEX» ЖШС-нің «Мектеп формасы» топтамасынан дефиле көрсетілді.
Сондай-ақ, отандық өнім өндіріп, облыста кәсіпкерлік саласының дамуына қосқан үлесі және өңірлік көрме-байқауына қатысып, белсенділік танытқан кәсіпкерлер облыс әкімінің бірінші орынбасары Серік Қожаниязов пен Кәсіпкерлер палатасының директоры Пірмұхаммед Сыздықовтың алғыс хатымен марапатталды.
Сонымен бірге, көрме-байқауда кәсіпкерлер бизнестің әлеуметтік жауапкершілігі аясында шағын бизнес өкілдеріне демеушілік көрсету жөнінде бастама көтерді. Осылайша сараптамалық топтың ұсынысымен көрме-байқауға жоғары дайындықпен келген 9 кәсіпкер арнайы сыйлықтарға ие болды.
<img src="https://kyzylorda-news.kz/wp-content/uploads/2022/07/824a0219-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8862-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8891-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8867-scaled.jpg" alt="" />

«Қазақстанның үздік тауары &#8211; 2022»: 60-тан астам жергілікті тауарөндіруші қатысты

<a href="https://kyzylorda-news.kz/">Kyzylorda-news.kz.</a> Бүгін Дауылкөл ауылдық округіндегі «Тұрмағамбет» жауапкершілігі шектеулі серіктестігінің егіс алқабында бидайға алғашқы орақ түсті.
Алғашқы орақ салу рәсіміне Қармақшы ауданының әкімі Әділбек Ерсұлтанов, аудандық мәслихат хатшысы Әділ Қошалақов, аудандық ардагерлер кеңесінің төрағасы Асқар Мереков және жергілікті ардагерлер мен дихандар қауымы қатысты.
Аудан басшысы өңірдің экономикалық дамуында ауылшаруашылығының алатын орны ерекше екенін тілге тиек етіп, жыл сайын егіннен мол өнім жинап, ауданның мерейін тасытып жүрген “Тұрмағамбет” ЖШС дихандарына алғысын білдіріп, алдағы жұмыстарына сәттілік тіледі. 
Сондай- ақ аудандық ардагерлер кеңесінің төрағасы А.Мереков пен бірқатар ардагерлер ізгі тілектерін жеткізіп, батасын берді.
Айта кетейік, «Тұрмағамбет» ЖШС бойынша биыл 1700 гектар күріш дақылын, 50 гектар жаздық бидай, 267 гектар жоңышқа дақылын, 301 гектар ескі жоңышқа, 237 гектар мақсары орналастырылды.
Бүгінгі таңда ауыл бойынша егін орағына қатысатын 28 трактор, «МагДон» (жатка) 5 дана, комбайн 6 дана, арнайы техникалар 12, трактор тіркемесі 22 дана толықтай жөндеуден өткізіліп, егіс алқаптарында жұмыс атқаруда.

Қармақшы ауданында бидайға алғашқы орақ түсті

<a href="https://kyzylorda-news.kz/">Kyzylorda-news.kz.</a> Қазақстанның басым бөлігінде ауа райына оңтүстік циклон әсер етеді: 16 шілдеде солтүстік-батыста, 16-17 шілдеде солтүстікте жаңбыр жауады. 17 шілдеде республиканың шығысында найзағай ойнап, қатты жаңбыр жауады, екпінді жел соғады және бұршақ жаууы мүмкін.
Сонымен қатар демалыс күндері еліміздің батысы мен оңтүстігінде солтүстік-батыс антициклонының әсерінен ауа райы жауын-шашынсыз болады. Еліміздің оңтүстігінде шаңды дауыл соғуы мүмкін.
Ауа температурасының негізгі фоны: 
күндіз батыста +30+40С, 
солтүстік-батыста +25+40С, 
оңтүстік-батыста +36+45С, 
оңтүстікте +33+42С, 
оңтүстік-шығыста + 20 + 35 С, 
солтүстікте +24+33С-тан +20+30С-қа дейін, 
орталықта +27+38С-тан +23+33С-қа дейін, 
шығыста +21+33С-тан +16+28С-қа дейін төмендейді.

Демалыс күндері жаңбыр жауады

<a href="https://kyzylorda-news.kz/">Kyzylorda-news.kz.</a> ІІМ деректері бойынша 2021 жылдың басынан бері қаржы пирамидалары туралы 330 қылмыстық іс тергелді, оның жартысынан астамы сотқа берілді. 19 мыңнан астам адам зардап шегуші болып табылады, оларға келген зиян 21 млрд теңгені құрайды.
Заманауи қаржы пирамидалары жеңіл әрі жылдам табыс алу “ғажайыбына” сенетін адамдарды тарту үшін түрлі әдістерді пайдаланады. Алаяқтарды өзіне тән белгілермен анықтауға болады, олар туралы Fingramota.kz айтып береді.
Қаржы пирамидалары тек Қазақстанда ғана емес, Ресейде де жандана түсті. РФ Орталық банкінің мәліметі бойынша, жыл басынан бері қаржы пирамидаларының саны 1,5 есе – 146 ұйымға дейін өсті. Реттеуші алаяқтардың күшеюін экономикалық белсенділіктің артуымен, сондай-ақ халықтың инвестицияларға қызығушылық таныта бастауымен түсіндіреді.
Сұраныстан ұсыныс туындайды
Қаржы пирамидалары өздерін жоғары кірісті инвестициялар саласындағы табысты ұйымдар ретінде көрсете бастады. Өздерінің жарнамалық науқандарында олар «инновациялық жоба», «жоғары табысты бизнес», «бірегей», «аса тиімді», «табыстылыққа кепілдік береміз» және т. б. сөздерді пайдаланады.
Жалпы, қазіргі заманғы қаржылық пирамидалар кез-келген нәрсе ретінде жасырылған. Алаяқтар заңды микроқаржы ұйымдары, букмекерлік кеңселер, тұтыну кооперативтері және жабық инвестициялық пай қорлары ретінде жасырына алады. Қаржы пирамидалары әлеуметтік желілерде белсенді жұмыс жүргізеді, онлайн-табыстар немесе онлайн-жобаларды ұсынады. Немесе танымал мессенджерлердечаттар жасайды және қатысушыларды түрлі ұтыс ойындарымен, сауалнамалармен және басқа да маркетингтік амалдармен тартады.
Қаржы пирамидасы қалай жұмыс істейді
Алаяқ бірнеше қатысушыны тауып, оларға екі есе табыс табуға уәде беруі керек. Оның орнына қатысушылар кем дегенде тағы екі адамды алып келуі, сондай-ақ шағын ақшалай жарна салуы керек. Нәтижесінде жарналардың мөлшері астрономиялық болады және осы кезеңде бәрі «қирайды». Алаяқ елден үлкен олжамен кетеді, ал қиындыққа тап болған инвесторлар ақшаны қайтаруға болмайтынын түсініп, құқық қорғау органдарына өтініш жазады. Бұл әлемнің көптеген елдерінде ондаған жылдар бойы болды. Тек қаржы пирамидаға арналған тақырыптар, сондай-ақ азаматтарды алдау схемалары өзгереді. Ал принцип тұрақты.
Әдетте қаржы пирамидалары қысқа уақыт қана жұмыс істейді, ерте ме, кеш пе, алаяқтық схемалар жүздеген адамдарға шығын әкеледі, «жарылады». Шынында да, мұндай құрылымдарға салынған қаражатты алу мүмкін емес. Пирамиданы ұйымдастырушылар алданған салымшылардың ақшасын сақтықпен алып, оларды түксіз қалдырады.
Тәуекелдерді айналып өтудің жалғыз жолы – қаржы пирамидаларын толығымен елемеу. Егер Сізге тартымды жобаға қатысу, ақшаны бастапқы жарна ретінде салу, достарыңызды әкелу ұсынылса, сонымен қатар сіздің салымдарыңыз&nbsp; тұтастай сақталатынына кепілдік берсе, бұл қаржы пирамидасы емес, оның үстіне сіз бұрын-соңды болмаған табыс аласыз десе, сенбеңіз. Бұл қаржы пирамидаларының негізгі белгілері
«Қаржы пирамидасын қалай әшкерелеуге болады» чек-парағы
Сонымен, толық қауіпсіз болу үшін, Fingramota.kz сіз үшін қаржы пирамидасын анықтауға болатын белгілердің чек-парағы жасады:
<ol>
<li>Әкелген клиенттер үшін сыйақы</li>
</ol>
Егер сізге компанияға әкелген әрбір клиент үшін қосымша ақы төлеуге уәде берілсе, бұл ақшаны салмау үшін және барлық таныстарды осындай тәуекелді іс-шарадан бас тартқызу үшін жеткілікті негіз болып табылады.
<ul>
<li>Нарықтық деңгейден бірнеше рет асып түсетін жоғары кірістілікке кепілдік беру</li>
</ul>
Түрлі «инвесткомпаниялар» кірістілікке кепілдік бере алмайды, бұған&nbsp; заңнамалық тұрғыдан тыйым салынған. Егер біреу кепілдік берсе, ол – алаяқ деген сөз. Басқаша болмайды!
<ul>
<li>Қажетті лицензиялардың болмауы</li>
</ul>
Компания ақшалай салымдарды халықтан тартады немесе қор нарықтарына инвестициялауды ұсынады, бірақ оның қолында лицензиясы жоқ, бұл ретте онымен байланысу керегінің бар-жоғы жөнінде мықтап ойланыңыз. Мұндай ұйымдар ҚР Қаржы нарығын реттеу және дамыту агенттігінің бақылауында емес, яғни сіздің құқықтарыңыз бен мүдделеріңізді ешкім қорғай алмайды.&nbsp;
<ul>
<li>Кіру жарнасының болуы: ресімдеуге, оқытуға, акциялар және т.б. үшін</li>
</ul>
Әдетте, бұл жарна пирамиданы ұйымдастырушылардың негізгі кірісі болып табылады, сондай-ақ қаржы пирамидасына тән айқын белгі.
<ul>
<li>Меншікті негізгі құралдардың, басқа да қымбат активтердің болмауы</li>
</ul>
Компанияның қолда бар мүлкі мен активтерін нәтиже ойдағыдай болып шықпаған жағдайда сатуға және салынған ақшаны ішінара қайтаруға болады. Ал қаржы пирамидаларында мұндай активтер болмайды.
<ul>
<li>Өктем жарнама науқаны</li>
</ul>
Қаржы пирамидасы жарнамасы көптеген клиенттерді тез тартуға арналған және тек жариялануы пирамидалардың негізін қалаушылар үшін пайдалы болатын ақпаратты қамтиды. Әрине, мұндай компанияның клиенті кездестіруі мүмкін тәуекелдерді жарнама берушілер белгілі себептермен айтпауға тырысады.
<ul>
<li>Ұйым қызметінің нақты анықтамасының болмауы</li>
</ul>
Пирамидаларда салымшылардың өздігінен басқа клиенттері жоқ. Сізге өнім берушілерді, мысалы, басқа бизнес-серіктестерді ешқашан көрсетпейді.
Жалпы компанияға ақша салмас бұрын, ол туралы мүмкіндігінше көп ақпарат алыңыз. Пікірлерді зерттеңіз, бірақ бұл мәселеге мұқият қараңыз, өйткені оларды мүдделі адамдар қалдыруы мүмкін. Барлық құжаттарды оқыңыз. Компания нақты немен айналысатынын және ақшаңыздың қайда салынатынын сұрап біліңіз. Мұны қалай растауға болатындығын сұраңыз. Бұл ақпаратты өзіңіз тексеріңіз. Осыған ұқсас қызметтерді ұсынатын басқа ұйымдармен талаптарын салыстырыңыз. Егер сіздің қаражатыңызды орналастырудың неғұрлым пайдалы шарттары болса, олардың компанияларының пайдасы осы салада жұмыс істейтін ұқсас құрылымдарға қарағанда ненің есебінен бірнеше есе жоғары екенін компания қызметкерінен сұраңыз және сұрақтарыңызға нақты жауаптар алыңыз. Егер компания кез-келген сылтаумен ақпарат беру, тіпті құжаттармен танысу мүмкіндігінен бас тартса, инвестицияланған ақшаны алу одан да қиын болатыны айдан анық.
<ul>
<li>Төлемдер тек қолма-қол ақшамен қабылданады</li>
</ul>
Егер компания осылай жасаса, онда бұл ұйымға сенбеуге барлық негіз бар, өйткені ол ақша қозғалысының бақылануынан барынша қашады.
<ul>
<li>Тек жеке кездесу кезінде кеңес беру</li>
</ul>
Жеке кездесуде клиенттің сеніміне кіріп, оны ақша салуға сендіру үшін әртүрлі психологиялық әдістер мен амалдарды қолдану оңайырақ.
⠀
<ol>
<li>«Шартқа» ойланбай қол қоюды ұсынады</li>
</ol>
Асығыс шешім қабылдамаңыз! Шарттың үлгісін қолға беруді сұрап, онымен үйде асықпай танысып шығыңыз. Егер оның жекелеген ережелері қиындық тудырса, маманмен кеңесуге тырысыңыз. Берілген ақшаның орнына Сізде қандай құжат қалатынын қараңыз. Оның заңды күші бар ма?
Кез келген қаржылық құжатты, әсіресе шартты мұқият оқуды әдетке айналдырыңыз. Түсінбестен ештеңеге қол қоймаңыз. Содан кейін сіздің ақшаны қайырымдылық немесе кіру жарнасы ретінде салғаныңыз, соның арқасында күмәнді клубқа мүшелікке ие болғаныңыз анықталуы мүмкін. Егер Сізге шарт немесе оның жекелеген ережелері ұнамаса, оған қол қоймаңыз.
Ақшаңызбен бөліспес бұрын, оларды кімге және қандай мақсаттарға беретініңіз туралы ойланыңыз. Егер Сіз өз қаражатыңызды сеніп тапсырғыңыз келетін ұйымда жоғарыда аталған белгілердің барлығын немесе бірнешеуін тапсаңыз, Сізді кезекті қаржы пирамидасына тартуға тырысып жатқан жоқ па, соны ойлану керек.

Қаржы пирамидасын қалай әшкерелеу керек?

<a href="https://kyzylorda-news.kz/">Kyzylorda-news.kz.</a>&nbsp; 14 шілдеде Қазақстан энергетика министрлігінің мұнай өнімдерінің тізбесін бекіту туралы, сондай-ақ мұнай өнімдерін бөлшек саудада өткізудің шекті бағаларын белгілеу туралы бұйрықтары күшіне енді. Бұйрықтар 180 күнтізбелік күн жарамды болады.
Бұйрықтарға сәйкес, Қостанай және Солтүстік Қазақстан облыстарында Аи-92 және Аи-93 маркалы бензиннің шекті бағасы литріне 187 теңге болады, Қазақстанның басқа облыстарында баға 182 теңге деңгейінде сақталады.
Энергетика министрлігі екі облыстағы бағаны өзгертуге бөлшек сатушылардың мұнай өнімдерін өндіруші зауыттардан алыстығына байланысты логистикалық шығындар себеп болды деп түсіндірді.
<blockquote>
 “Мұнай өнімдері тізбесінен Аи-95 маркалы бензиннің бағасына мемлекеттік реттеу алынып тасталды, өйткені Аи-95+ және одан жоғары маркаларды өндіру кезінде қымбат тұратын импорттық қоспалар мен бензиндердің жоғары октанды компоненттеріне көп шығын кетеді. Импорттық қоспалар бағасы мұнай бағасына және ақша айырбастау бағамдарына байланысты құбылады”, – деді энергетика министрі.
</blockquote>
Дизель отынына шекті баға өзгеріссіз және Қазақстанның барлық өңірінде бұрынғы деңгейде сақталады. Яғни:
Ақмола, Ақтөбе, Шығыс Қазақстан, Батыс Қазақстан, Қостанай, Солтүстік Қазақстан, Абай облыстарында – литріне 260 теңге; 
Нұр-Сұлтан, Алматы, Шымкент қалаларында және Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Жетісу, Ұлытау облыстарында – литріне 230 теңге. 
Бұйрық жобалары “Ашық НҚА” сайтында 23 маусымда жарияланды және 2022 жылдың 8 шілдесіне дейін талқылау өтті. Одан бөлек аккредиттелген сараптамалық ұйымдармен келісу кезеңінен өтті, сондай-ақ қоғамдық кеңесте қаралды.
<a href="https://sputnik.kz/20220715/benzin-dizel-otynyny-shekti-baga-26144377.html">Sputnik Қазақстан</a>

Бензин мен дизель отынының шекті бағасы бекітілді

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте коронавирус инфекциясын жұқтырған 1257 жағдай тіркелді.
COVID-19 таралуына жол бермеу жөніндегі ведомствоаралық комисссияның мәліметінше, о ның ішінде:
Нұр-Сұлтан қаласында – 353,
Алматы қаласында – 349,
Шымкент қаласында – 103,
Ақмола облысында – 30,
Ақтөбе облысында – 7,
Алматы облысында – 115,
Атырау облысында – 23,
Шығыс Қазақстан облысында – 15,
Жамбыл облысында – 60,
Батыс Қазақстан облысында – 13,
Қарағанды облысында – 70,
Қостанай облысында – 17,
Қызылорда облысында – 51,
Маңғыстау облысында – 16,
Павлодар облысында – 9,
Солтүстік Қазақстан облысында – 5,
Түркістан облысында 21 адам ауырған.
«Елімізде коронавирус инфекциясын жұқтырғандар саны 1 313 551-ге жетті», – деп жазды ведомство.
Ал қауіпті инфекциядан арылып, жазылып шыққандар – 260 адам.

Соңғы тәулікте 51 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен Қазақстан Республикасы Үкіметінің кеңейтілген отырысы өтті. Жиында Қасым-Жомарт Тоқаев елдегі басты проблемаларды көтеріп, Үкімет пен министрлерді сынады. Тіпті кей министрлерге сөгіс жариялады.
Президенттің айтуынша, күрделі геосаяси сын-қатерге қарамастан, еліміз бір қалыпты дамып келеді. Мұны жартыжылдық нәтижеден көріп отырғанын баса айтқан ол инфляцияның да бірорында тұрмағанына тоқталды. Одан бөлек, елдегі азық-түлік бағасының өсуіне де байланысты өз пікірін білдірді.
Тіпті аса қажетті саналатын, соның ішінде білім, медицина, өнеркәсіп, ауыл-шаруашылық салаларына тоқталып, азаматтардың табысын арттыру және адам капиталын дамыту, белгілі аймақтарда халықты жұмыспен қамту, көші қон саласын реттеу деген сияқты мәселелерді көтерді. Сонымен қатар отандық тауардың сауда орындарына кедергісіз шығарылуын қамтамасыз ету керек екенін де нақты айтты.
Әсіресе Ресей нарығын тастап кеткен шетелдік компаниялардың Қазақстанға қоныс аударуына жағдай жасау керектігін, олардың құны жоғары сапалы тауарлары өндірісті арттыруға жақсы мүмкіндіктер беретінін айтқан тұсы құлағымызға жа,ымды естілді. Бұл дегеніміз әлеуметтік-экономикалық тұрғыда тұрмыстық жағдайымызды қалыпты ұстауға септігін тигізген болар еді.
Арман Мәжитов,
Аудандық «AMANAT» партиясының атқарушы хатшысы

Арман Мәжитов: Халықтың әлеуметтік жағдайы маңызды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтті. Жиында ҚР Премьер-министрі Әлихан Смайылов, Ұлттық банк төрағасы Ғалымжан Пірматов атқарылған жұмыстарды баяндады.
Президент кейінгі жылдары халықтың табысы төмендеп кеткенін алға тартып, Үкімет пен өңір әкімдеріне көрсеткіштерді жақсарту туралы нақты тапсырмалар берді.
Соңғы жылдары халықтың табысы біртіндеп өсті. Былтыр бұл өсім 5 пайыз шамасында болды. Бірақ, Алматы, Атырау, Қызылорда, Маңғыстау және Түркістан облыстарында жұрттың табысы орташа республикалық деңгейге жетпейді. Бұл көрсеткіш Алматы және Шымкент қалаларында да төмен. Ал, Қызылорда облысында халықтың табысы тіптен азайып кетті.
Биыл мамыр айында азаматтардың нақты табысының көрсеткіші минус 2,9 пайыз болды,-деді Қасым-Жомарт Тоқаев.
Кеңейтілген отырыстан кейін аймақ басшысы Нұрлыбек Нәлібаев Президент тапсырмаларын орындау бойынша жиын өткізіп, қала, аудан әкімдері мен басқарма басшыларына бірқатар тапсырмалар берді.
Расында, Қызылорда өңірінде соңғы 2 жылда халықтың табыс көлемі төмендеп кеткен. Мәселен, 2019 жылы халықтың нақты қаржылық табысы алдыңғы жылмен салыстырғанда 109,4 пайыз болса, 2020 жылы өсу динамикасы біршама төмендеп, 103,8 пайызды құрады. Жауапты сала басшылары тарапынан жіберілген кемшіліктер салдарынан 2021 жылы көрсеткіш тағы да төмендеп, 99,9 пайызды көрсетті. Қазіргі таңда бұл бағытта нақты шаралар қабылдау қажет.
Облыс әкімі Нұрлыбек Нәлібаев халықтың табысын арттырудың бірден бір жолы ретінде өңірде түрлі инвестициялық жобаларды іске асыру арқылы жаңа жұмыс орындарын ашу қажет екенін алға тартты. Бұл ретте аймақта нақты жұмыстар басталды. Айталық, биыл Сыр өңірінде 30490 жаңа жұмыс орнын құру межесі белгіленіп, 6 ай ішінде 14423 жаңа жұмыс орны ашылды, оның ішінде 5491 тұрақты жұмыс орындары.
Аймақта инвестиция тартуға басымдылық берілуде. 2022 жылдың I жартыжылдығының қорытындысы бойынша Сыр өңірі республикада алдыңғы бестікке еніп, 127,7 млрд.теңгенің инвестициясы тартылды.
Өңір басшысы Президент тапсырмаларын уақытылы, әрі сапалы орындалуы қажет екенін қатаң ескертіп, өзінің тұрақты бақылауында ұстайтынын жеткізді.
<img src="https://kyzylorda-news.kz/wp-content/uploads/2022/07/293821371_343360834651834_6499802944028456529_n.jpg" alt="" />

Н.Нәлібаев: «Халықтың табысын арттыруда аймақта жаңа жұмыс орындарын ашамыз»

<a href="http://Kyzylorda-news.kz.">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен сот органдарында орын алған кадрлық өзгеріске байланысты облыс активі өтті. Актив отырысына Қазақстан Республикасы Жоғарғы Сотының азаматтық істер жөніндегі сот алқасының төрағасы Нұрсерік Шәріпов арнайы қатысты.
Аймақ басшысы қай кезде де адам құқықтарының мүлтіксіз сақталуы басты назарда болатынын айтып, сот жүйесі – елімізде адам құқығының қорғалуы мен қоғамда тұрақтылықты қамтамасыз етудің бірден-бір кепілі екенін тілге тиек етті.
<blockquote>
 &nbsp;–&nbsp;Қазақта “Билік айту оңай, біліп айту қиын” деген. Сот жүйесінде қызмет атқаратын әрбір азамат әділдігін айтып, төрелік істе бұра тартпай шешім қабылдауы қажет.&nbsp; Ел Президенті Қасым-Жомарт Кемелұлы сот жүйесіндегі реформалар әділ сот төрелігін орнықтыруы қажет екенін айтып, нақты міндеттерді айқындап берді. Себебі Жаңа Қазақстан құрудың алғышартының бірі – дұрыс әрі әділ шешім шығаратын сот жүйесін қалыптастыру.Ал, қара қылды қақ жаратын әділ сот төрелігін жолға қоюда білікті де білімді судьяның алар орны ерекше. Сондықтан, заңнамада белгіленген қатаң тәртіппен жұмыс істейтін сот жүйесінің қозғаушы күші, негізгі тұлғасы – судья, – деді облыс әкімі.
</blockquote>
Қазақстан Республикасы Жоғарғы Сотының азаматтық істер жөніндегі сот алқасының төрағасы Нұрсерік Шәріпов жаңа Қызылорда облыстық сот төрағасын таныстырып, қызметіне сәттілік тіледі.
<blockquote>
 –&nbsp;Алаштың анасы атанған қасиетті Сыр елінен талай ел басқарған тұлғалар шыққан. Облыстық сотының төрағасы Әділхади Шиғамбаев тағайындалды. Әділхади Жұмабайұлы – Сыр елінің тумасы, осы уақытқа дейін бірқатар жоғары қызметті абыроймен атқарып келді. 24 жылдан бері сот саласында еңбек етуде, 2 облыстың сот алқаларының төрағасы болған. Алда тұрған міндеттерін тиісті деңгейде атқара білген жауапты азаматтардың бірі. Бұл қызметке тағайындалуыңызды Мемлекет Басшысы мен Жоғарғы Сот басшылығының жоғары сенімі деп білеміз. Ел алдында, қоғам алдында абыройлы болыңыз, – деді Нұрсерік Қасымұлы.
</blockquote>
Жаңа сот төрағасын облыстық сот саласының ардагерлері де құттықтады.
Өз кезегінде, Әділхади Шиғамбаев әріптестеріне жауапты лауазымды сеніп тапсырғаны үшін алғыс білдірді.
Шиғамбаев Әділхади Жұмабайұлы&nbsp; 1968 жылы Қызылорда облысында дүниеге келген. Әл-Фараби атындағы Қазақ ұлттық университетін «Құқықтану» мамандығы бойынша бітірген.Өзінің еңбек жолын 1985 жылы Қызылорда облысының Агроөнеркәсіп кешенінің механикалық-көліктік станциясынан бастаған.
1994-1998 жылдары Алматы қаласы, Әуезов аудандық прокуратурасында аға тергеушінің стажері, аға тергеуші, Алматы қалалық прокуратурасында аса қауіпті қылмысты анықтау бөлімінде аса ауыр істер бойынша тергеушісі, 1998 жылдан бастап Маңғыстау облысы Ақтау қалалық сотының судьясы, төрағасы, Ақтөбе облысының мамандандырылған ауданаралық экономикалық сотының төрағасы, Атырау облыстық сотының азаматтық істер жөніндегі сот алқасының төрағасы, Қызылорда облыстық сотының азаматтық істер жөніндегі сот алқасының төрағасы болып қызмет атқарған.
<img src="https://kyzylorda-news.kz/wp-content/uploads/2022/07/7a2b492383a2215fc289d41fe29d143a_1280x720.jpeg" alt="" />

Қазақстан және Қызылорда облысының жаңалықтары

Қазалы ауданында улы кене қаптап жатыр

SMS арқылы 150 мыңнан астам бала күтімі бойынша төленетін жәрдемақы рәсімделген

Қорқыт ата атындағы Қызылорда университетінің түлектері диплом алды

«Қазақстанның үздік тауары – 2022»: 60-тан астам жергілікті тауарөндіруші қатысты

Қармақшы ауданында бидайға алғашқы орақ түсті

Демалыс күндері жаңбыр жауады

Қаржы пирамидасын қалай әшкерелеу керек?

Бензин мен дизель отынының шекті бағасы бекітілді

Соңғы тәулікте 51 қызылордалықтан коронавирус анықталды

Арман Мәжитов: Халықтың әлеуметтік жағдайы маңызды

Н.Нәлібаев: «Халықтың табысын арттыруда аймақта жаңа жұмыс орындарын ашамыз»

Қызылорда облыстық сот төрағасы тағайындалды

Қазақстан және Қызылорда облысының жаңалықтары

Қазалы ауданында улы кене қаптап жатыр

SMS арқылы 150 мыңнан астам бала күтімі бойынша төленетін жәрдемақы рәсімделген

Қорқыт ата атындағы Қызылорда университетінің түлектері диплом алды

«Қазақстанның үздік тауары &#8211; 2022»: 60-тан астам жергілікті тауарөндіруші қатысты

Қармақшы ауданында бидайға алғашқы орақ түсті

Демалыс күндері жаңбыр жауады

Қаржы пирамидасын қалай әшкерелеу керек?

Бензин мен дизель отынының шекті бағасы бекітілді

Соңғы тәулікте 51 қызылордалықтан коронавирус анықталды

Арман Мәжитов: Халықтың әлеуметтік жағдайы маңызды

Н.Нәлібаев: «Халықтың табысын арттыруда аймақта жаңа жұмыс орындарын ашамыз»

Қызылорда облыстық сот төрағасы тағайындалды

«Қазақстанның үздік тауары – 2022»: 60-тан астам жергілікті тауарөндіруші қатысты