<a href="https://kyzylorda-news.kz/">Kyzylorda-news.kz.</a> Қызылордада кәсіпкерлер жаңадан қабылданатын салық кодексінің жобасына ұсыныстарын беріп жатыр.
Қызылордада Кәсіпкерлер палатасының Өңірлік кеңесі жанындағы Шағын және орта бизнес комитеті отырысында елдегі салық саясаты талқыланып, кәсіпкерлер Президенттің тапсырмасымен әзірленіп жатқан жаңа Салық кодексінің жобасына ұсыныстарын берді.
Шарада комитет төрағасы Бейбітәлі Тілеулиев Мемлекет басшысының биылғы Жолдауда салық кодексін жаңадан жазып шығуды тапсырғанын айта келе, бүгінде «Атамекен» Ұлттық кәсіпкерлер палатасы жанында осы мәселеге қатысты арнайы жұмыс тобы құрылғанын жеткізді. Жұмыс тобында өңірлерден келген ұсыныстар талқыланып, жаңа Салық кодексінің тұжырымдамасы дайындалмақ. &nbsp; &nbsp;
Отырыста «Табыс корпорациясы» ЖШС директоры Жанар Абдуллаева дивидентке салынатын салыққа қарсы екенін атап өтті.
<blockquote>«Біз онсыз да сол дивидентке дейін барлық міндетті төлемдерді төлейміз. Оның ішінде корпоративтік табыс салығы да бар. Ендеше неге дивидентке қосымша жеке табыс салығын төлеуіміз керек?», – деді шарада серіктестіктің басшысы.</blockquote>
Ал «CarStar» ЖШС-нің бас есепшісі Толыбек Қазиханов табысқа салынатын салықты оңтайландыру қажет деп санайды.
<blockquote>«Қазіргі қолданыстағы заң талаптары бойынша табыстан алты түрлі салық ұсталады. Шет елдерде біріктіріліп бір немесе екі түрі ғана алынады. Сол тәжірибені біздің елімізде де қолданса жақсы болар еді», – деді Толыбек Қазиханов.</blockquote>Ал «Абай-Дәулет» ЖШС-нің есепшісі Райхан Көшекеева тауарға берілетін ілеспе шот-фактураға қатысты ұсыныс берді.<blockquote>«Тауарларға арналған ілеспе шот-фактура беру міндеті тауарларды өткізетін, әкелетін және экспорттайтын барлық салық төлеушілерге жүктелген. Бұл саудамен айналысатын кәсіпкер үшін айтарлықтай салмақ. Мәселен сауда-саттықпен айналысатын жеке кәсіпкерде 7000 кейде 8000 тауар түрі болуы мүмкін. Соның барлығына виртуалды қоймада көрсетіп, құжат дайындап отыру өте қиын. Бұл талап тек экспортталатын отандық өнімдерге ғана қойылғаны жөн», – деді Райхан Көшекеева.</blockquote>Отырыста бұдан басқа электрондық шот- фактурамен жұмыс барысын жетілдіру, міндетті әлеуметтік медициналық сақтандыруға төленетін төлем мәселесі мен көлікке салынатын салық және басқа да мәселелер қаралып, талқыланды. Оны оңтайландыруға қатысты кәсіпкерлер ұсыныстарын да берді.Кәсіпкерлер палатасы директорының орынбасары Гаухар Елеусінова кездесуде айтылған, сондай-ақ өзге де кәсіпкерлерден онлайн жиналған ұсыныстардың барлығы «Атамекеннің» Орталық аппаратына жолданып, жұмыс тобында талқыланатынын жеткізді.<figure class="image"><img src="https://knadmin.beoblood.kz/uploads/kasipker1_34d94063f0.jpg" alt="касипкер1.jpg"></figure>

Қызылордалық кәсіпкерлер салық кодексінің жобасына ұсыныс берді

<a href="https://kyzylorda-news.kz/">Kyzylorda-news.kz.</a> Өздеріңізге белгілі, 2022 жылы 6 қазан күні Елордада «AMANAT» партиясының кезектен тыс XXIV съезді өтті. Съезд жұмысына еліміздің барлық &nbsp;аймағынан 1200-ға жуық делегаттар қатысты.
Күн тәртібіне сәйкес, бірінші кезекте алдағы ҚР Президент сайлауына партияның атынан Қасым-Жомарт Тоқаевтың кандидатурасы &nbsp;ұсынылды.&nbsp;
Cонымен қатар, «AMANAT» партиясының &nbsp;басты саяси іс-шарасы барысында жаңа Саяси тұғырнамасы бекітілді.&nbsp;
Осы ретте, съезд делегаты облыстық «Жастар Рухы» ЖҚ төрағасы М.Жорабек жастарға ел дамуының негізгі бағыттары мен саяси бірлестіктің принциптерін айқындаған идеологиялық құжаттың мазмұнын түсіндірді. Сонымен қатар ҚР Президенттігіне үміткер Қасым-Жомарт Кемелұлы Тоқаевты қолдау жөніндегі Халықтық коалиция форумы жөнінде мағұлмат беріп өзінің әсерімен бөлісті.&nbsp;
Форум жұмысында идеологиясы мен бағыты, мәртебесі мен мақсаты әр түрлі саяси партиялар мен &nbsp;азаматтық қоғам институттары өкілдері қатысты. Жалпы коалиция құру әлемдік тәжірибеде бар, бұрыннан қалыптасқан саяси мәдениеттің көрінісі.&nbsp;
<blockquote>Жиында сөз алған саяси партиялар мен қоғамдық бірлестіктер өкілдері әлемдік геосаяси ахуал күрделі кезеңде бір болып, Президент жанына топтасудың маңыздылығына тоқталды. Қазіргідей шешуші тарихи кезеңде қоғам болып ауызбіршілік танытып, Президент бағытына қолдау көрсетудің маңызды екенін айтты. Бұл тұрғыда Қ.К.Тоқаев ұсынған әділдік тұжырымдамасы – жалпыхалықтық мәселе. «Әділетті Қазақстан» идеясы барша халықты біріктіреді. Ол барлық әлеуметтік топтар үшін өзекті. Сондықтан мемлекеттің дамуына, көзделген реформаларды іске асыруға &nbsp;жастар атынан бірге үлес қосумыз қажет. Әділетті Қазақстанды сөз жүзінде емес, іс жүзінде құра алатынымызға сенімдімін, - деді М.Жорабек.</blockquote>
Диалог алаңында белсенді жастар мен &nbsp;оқу орнының білім алушылары қатысып, пікір алмасты.
<img src="https://knadmin.beoblood.kz/uploads/6f481394_06d8_47c5_b272_dff8fd09c432_4d10587bc7.jpg" alt="6f481394-06d8-47c5-b272-dff8fd09c432.jpg">

«BIR TOLQYNDA» диалог алаңында съезд делегаттары  жастармен кездесті

<a href="https://kyzylorda-news.kz/">Kyzylorda-news.kz.</a> 11 қазанда Қазақстанның басым бөлігінде ауа райын ауқымды антициклон анықтайды. Онымен жауын шашынсыз күн райы қалыптасады, деп хабарлайды Қазгидромет.
Еліміздің тек батыс өңірлерінде жаңбыр мен найзағай болжанады. Барлық өңірде – екпінді жел, оңтүстік пен оңтүстік-батыста – шаңды дауыл, шығыста және оңтүстік-шығыстың таулы аймақтарында тұман күтіледі.&nbsp;

11 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық мәслихаттың Өндіріс және шаруашылық салалары, қоршаған ортаны қорғау және табиғи ресурстарды тиімді пайдалану мәселелері жөніндегі тұрақты комиссиясының кеңейтілген отырысы өтті.&nbsp;
Онда, облыстық мәслихат хатшысы Н. Байқадамов және облыстық мәслихат депутаттары С. Өмірзақов, Қ. Боранбаев, Т. Жақыпбаевтың және «Қызылорда облысының ветеринария басқармасы» коммуналдық мемлекеттік мекемесінің басшысы Ш. Қойшыбеав, қала әкімінің орынбасары Ж. Сейлов, қалалық ауылшаруашылығы бөлімінің басшысы Н. Әзірбек, қалалық ветеринариялық станциясының басшысы Н. Төлегенов және т.б қатысуымен облыстық мәслихаттың кезекті 20 сессиясының күн тәртібіндегі 3 мәселе талқыланды. Өзге де облыстық мәслихат депутаттары және аудан әкімінің орынбасалары Zoom бейне-конференц байланысы арқылы қатысты.
Облыстық мәслихат депутаты Ж. Ысқақтың төрағалығымен өткен комиссияның кеңейтілген отырысында күн тәртібіндегі Қызылорда облыстық мәслихатының ветеринария саласындағы кейбір шешімдерінің күші жойылды деп тану, облыстың елді мекендерінде жануарларды аулау, уақытша ұстау және жансыздандыру қағидаларын бекіту, облыстың елді мекендерінде үй жануарларын ұстау және серуендету қағидаларын бекіту туралы мәселелер бойынша «Қызылорда облысының ветеринария басқармасы» коммуналдық мемлекеттік мекемесінің басшысы Ш. Қойшыбаев хабарлама жасады. 4 наурыздан бастап күшіне енген «Жануарларға жауапкершілікпен қарау» туралы жаңа заң бойынша, көшедегі иесіз иттерді себепсіз атуға тыйым салынған екені белгілі. «Заң күшіне енгеннен кейін Қазақстанда қаңғыбас жануарларды аулау және өлтіру тоқтатылады. Ал олардың санын реттеу мемлекеттік бюджет қаражаты есебінен стерильдеу жолымен ғана жүзеге асырылатын болады.
Жануарларды аулау жұмыстары оларға зиян келтірмейтін құралдармен оқшаулау сүрлемдерін, торларды ұстап алу кезінде бекітуге арналған бекіткіштерді ҚР заңнамасымен тыйым салынбаған жануарларды қимылсыздандыруға арналған препараттарды қолдана отырып жүзеге асырылады. Ауланған жануарлар уақытша ұстау пунктіне орналастырылады немесе жануарларға арналған баспанаға беріледі және деректер базасында тіркелуге жатады. Сонымен бірге уақытша ұстау пунктінде клиникалық тексеру және тексеру базасында тіркеу жүргізіліп, жануарларды ұстау ҚР ветеринария саласындағы заңнамасының талаптарына сәйкес, профилактиканы және диагностиканы қамтамасыз етеді.
Сондай-ақ, үй жануарлары көшелер арқылы немесе магистральдардың жанында өткен кезде тұмылдырық кигізіледі және жол көлік оқиғаларын және оның жүру бөлігінде апат болуын болдырмау үшін оны 1,5 метрден аспайтын қысқа қарғы бауда, және тыйым салу белгіленбеген орындарда 2 метр аспайтын қарғыбаумен ұстау қажет.
Хабарлама аяқталған соң, облыстық мәслихат депутаттарының тарапынан болған стерилизация жұмысы, уақытша ұстау пункттерінің барлық аудандарда қамтамасыз етілгендігі мен вакцинацияның мемлекет есебінен жасалатындығы туралы және &nbsp;Zoom байланысы арқылы қатысқан Шиелі ауданы әкімінің орынбасары Е. Әпетовтың уақытша ұстау пункттерінің талапқа сай келмейтіндігі, стерилизация жұмысына қаржы қажеттілігі мәселесіне қатысты сауалдары мен ұсыныстарына басқарма басшысы Ш. Қойшыбаев жауап берді.
Жиын соңында тұрақты комиссияның кеңейтілген отырысына ұсынылған мәселелер назарға алынып, тұрақты комиссиялардың бірлескен отырысының қарауына жіберілді.
<figure class="image"><img src="https://knadmin.beoblood.kz/uploads/Yskak_cf0fd4d420.jpg" alt="Ыскак.jpg"></figure>

Қызылордада өндіріс және шаруашылық салалары жөніндегі тұрақты комиссиясының кеңейтілген отырысы өтті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев аудандық ардагерлер кеңесінің төрағасы Келдібаев Мұса Алпысбайұлын 75 жасқа толған мерейтойымен құттықтады.
<blockquote>«Сіз саналы ғұмырыңызда ауданның дамуына елеулі үлес қосып, бар білім мен біліктілігіңізді, күш-жігеріңізді туған жеріңіздің гүлденуіне арнадыңыз. &nbsp;Осы жасқа Сіз үлкен абыроймен, беделмен келдіңіз. Сізді мерейтойыңызбен құттықтай отырып, Өзіңізге және отбасыңызға денсаулық, бақыт пен табыс тілеймін», – деді аудан әкімі құттықтау сөзінде.</blockquote>
Кездесу барасында мерейтой иесінің достары мен замандастары Мұса Алпысбайұлының өмір жолы мен атқарған қызметі туралы естеліктерімен бөлісті.
Мұса Алпысбайұлы – 1947 жылдың 10 қазанында Тереңөзек ауданында дүниеге келген. Әр жылдарда «Сырдария» газетінде корректор, аудандық астық қабылдау пунктінде лаборант, су пайдалану инженері, аудандық ауылшаруашылық басқармасында аға инженер жерге орналастырушы, аудандық жер қатынастары және жерге орналастыру комитетінің төрағасы, аудандық жер ресурстарын басқару жөніндегі комитетінің төрағасы, облыстық жер ресурстарын басқару жөніндегі комитетінің Сырдария аудандық филиалының бастығы, аудандық жер ресурстарын басқару жөніндегі комитетінің төрағасы қызметтерін абыроймен атқарған.
Бүгінгі күні медиатор, аудандық билер кеңесінің төрағасы, «Иман-2013» қоғамдық қорының төрағасы қызметтерін атқарады. Ардагер Сырдария ауданының «Құрметті азаматы».
<figure class="image"><img src="https://knadmin.beoblood.kz/uploads/311464144_1221623435067213_5167116989250947069_n_329677e2a7.jpg" alt="311464144_1221623435067213_5167116989250947069_n.jpg"></figure>

Мұрат Ергешбаев мерейтой иесін құттықтады

<a href="https://kyzylorda-news.kz/">Kyzylorda-news.kz.</a> Қызылордалық ғалымдар егіс алқаптарында су көлемін 25-30 пайызға дейін үнемдеп, мол өнім алуға болатынын дәлелдеді.
Соңғы жылдары еліміздегі су тапшылығы ауыл шаруашылығы саласына кері әсерін тигізуде. Осы ретте Қорқыт ата атындағы Қызылорда университетінің ғалымдары ресурстарды үнемдеу және өнімділікті көтеру мақсатында облыстық ауыл шаруашылығы және жер қатынастары басқармасының тапсырысы бойынша ғылыми жұмыстар жүргізіп келеді.&nbsp;
Қызылорда қаласына қарасты Абай ауылы, «Талапкер» шаруа қожалығында «Климат және су ресурстары өзгеруі жағдайында Қазақстандық Арал өңірі суармалы егіншілігін бейімдеу және тарату жобасы» аясында Дала күні аталып өтті. Жиынға ауыл шаруашылығы саласының өкілдері, университет ғалымдары мен білім алушылары, облыстағы шаруа қожалық басшылары қатысты. &nbsp;
Оқу орнының ғалымдары жобаның маңыздылығын түсіндіріп, қатысушыларға су тапшылығы жағдайындағы өнім алу технологиясын көрсетті. Басқосуда ауыл шаруашылығы саласының ғалымдары егістік картасын әзірлеуден бастап, өнім өсіру, жинау кезеңіне дейінгі атқарылған зерттеу жұмыстарының нәтижесін таныстырды.&nbsp;
<blockquote>«Біз ұсынып отырған технология аймақтың биоклиматтық ресурстарын тиімді пайдалануға негізделген. Күз-қыс және ерте көктемде топырақта жиналған ылғал қоры көп жағдайда пайдаланылмайды. Аймақтың негізгі дақылы – күріш. Жаңа технология лазерлік тегістеуден кейін арнайы тұқымсепкішпен күріш дәнін 0,5-1 см тереңдікке сеуіп, пленкамен бастырып, дән түскен жерді тесіп қояды. Пленканың астындағы топырақ тез қызып, ылғалдың пленка астында сақталуына, тұқымның өсуіне әсерін тигізеді. Бұл технология арқылы өсімдік 2-3 жапырақ шыққанға дейін суды қажет етпейді. Күріш өнімін сәуір айының 1-2 онкүндігінде, ақ дақылдарды наурыз айының екінші онкүндігінде егу қолайлы», - деді жоба жетекшісі, техника ғылымдарының докторы Серікбай Өмірзақов.</blockquote>
Сонымен қатар, ресурс үнемдегіш тұқымсепкіш арқылы тұқым 10 есеге дейін үнемделеді. &nbsp;Бұл шаруалар үшін экономикалық тұрғыдан 10 есе тиімді болмақ. Ғалымдар күрішті 15-25 күн сусыз өсіру арқылы су көлемінің 25-30 пайызға дейін үнемделетінін дәлелдеді. Жобаның нәтижесі бойынша аймақта қолданыстағы өсіру технологиясымен салыстырғанда 14,7 ц/га артық күріш өнімі алынды.
Бұдан бөлек жоба аясында арпа, бидай, сұлы, қант құмайы, жоңышқа, көкөніс және бақша дақылдары егіліп, суару технологиялары нақтыланды. Қатысушылар назарына ғалымдар өсірген өнімдер мен зерттеу жұмыстарына пайдаланылған соңғы үлгідегі көпфункциялы техникалар көрмеге қойылды. Дала күні аясында зерттеушілер ұсынған жаңа технология шаруа қожалық басшыларына өндіріске енгізу мақсатында таратылды.&nbsp; &nbsp;
<figure class="image"><img src="https://knadmin.beoblood.kz/uploads/P2022455_6519f76dcb.JPG" alt="P2022455.JPG"></figure>

Қызылордалық ғалымдар суды үнемдеп, мол өнім алуға болатынын дәлелдеді

<a href="https://kyzylorda-news.kz/">Kyzylorda-news.kz.</a> Қаржыңызды сауатты басқаруды үйрену жылдам процесс емес. Бірақ күн сайын ақша жинап, үш апта ішінде жаңа әдетті бекітуге болады. Fingramota.kz бұл процесті қалай тиімді және сіздің әмияныңыз үшін пайдалы ету жолдарымен бөліседі.
Бюджетті басқарудағы ең маңызды нәрсе – кейінге қалдырмай, бірден әрекет ету. Пайдалы әдет сіздің өміріңізге біртіндеп енеді және оны ұстану оңайырақ болады.
Жеті күн қағидасы I кү н. Бірінші қадам – шығындарды есепке алу үшін телефонға қосымша орнату немесе күннің қорытындысы бойынша барлық шығындарды шағын дәптерге жазып отыру. Егер сізде бәрі бақылауда болса да және сіз ақшаны не үшін жұмсайтыныңызды білсеңіз де, нақты шығын нәтижелері сізді таң қалдыруы мүмкін. Сондықтан бірінші міндет – соңғы айдағы шығындарыңызды есептеу және оларды бөлімдерге бөлу, мысалы: азық-түлік, көлік, коммуналдық шығындар, демалыс, сыйлықтар, емделу және т.б.
II күн . Ақшаны не үшін жинайтыңызға мақсат қойыңыз: мысалы, шағын бизнес ашу, балаларды оқыту, жаңа көлік сатып алу, саяхаттау және т.б. Мақсат қоймай жинақтаудан гөрі нақты тұжырымдалған мақсатқа ақша жинау жақсы ынталандырады. Өз қаржылық мақсатыңызды әлсін-әлсін еске түсіріп, оны көз алдыңызға елестетіп, ақшаны қайта есептеп және өзектілігі мен қажеттілігіне байланысты қойылған міндетті қайта қарап отырыңыз. Қалай болғанда да, ақша жинау және қойған мақсатыңыз ұзақ мерзімді, яғни кем дегенде 2 жылға арналған стратегия болғаны жөн.
III күн. Соңғы жылдың қай айларында ең көп кіріс алғаныңызды және бұл неге байланысты екенін есептеңіз. Сондай-ақ қай айда ең аз кіріс алғаныңызды және бұл жағдайдың қайталану қаупі бар-жоғын есте сақтаңыз. Жағдайды талдағаннан кейін, қандай әрекеттерден бас тартқаныңыз жөн және қайсысы қаржылық жағынан жақсы нәтиже бергені туралы ойланыңыз.
Толығырақ «<a href="https://fingramota.kz/kk/post/nemdeudi-sha-zhinaudy-zhne-osy-detti-bekitudi-21-knde-alaj-jrenuge-bolady">Бюджетті жоспарлаймыз</a>» бөлімінен оқыңыз.
&nbsp;

Ақша жинауды және үнемдеуді 21 күнде қалай үйренуге болады? 

<a href="https://kyzylorda-news.kz/">Kyzylorda-news.kz.</a> Елімізде құқықтық тәртіпті орнату, сондай-ақ адамдардың қауіпсіз ортада қолайлы өмір сүруге жағдай жасау өзекті де маңызды мәселе болып табылады. Сондықтан да қоғамдық тәртіпті сақтау, қылмыстың алдын алу профилактикалық жұмысын күшейту керек. Саладағы осындай басым бағыттарға мемлекет басшысы Қасым-Жомарт Тоқаев Жолдауда ерекше тоқталған болатын.
Осы орайда мемлекеттiк органдарды, жеке және заңды тұлғаларды өңірдегі заңдылық пен құқық тәртiбiнiң жай-күйi туралы ақпараттандыру мақсатында брифинг өтті. Брифингте ҚР Бас прокуратурасының Құқықтық статистика және арнайы есепке алу жөніндегі Комитетінің Қызылорда облысы бойынша басқарманың азаматтық және әкімшілік салалардағы құқықтық ақпаратты қалыптастыру бөлімінің бастығы Тұрсынқожа Үсенов баяндама жасап, ағымдағы жылдың 9 айының қорытындысы бойынша облыстағы қылмыс ахуалы туралы ақпаратпен таныстырды.
Тұрсынқожа Үсеновтың айтуынша, 2022 жылдың 9 айымен облыс аумағында жалпы 2541 қылмыс тіркелген, бұл былтырғы жылдың 9 айымен салыстырғанда 12 пайызға &nbsp;төмендеген.
<blockquote>«Атап айтсақ, ауыр қылмыстар 10,8 пайызға, ауырлығы орташа қылмыстар 9,1 пайызға төмендесе, керсінше онша ауыр емес қылмыстар 4,8 пайызға өскен. Ал аса ауыр қылмыстар өз деңгейінде қалған. Жасалған қылмыстарды талдау барысында өткен жылмен салыстырғанда адам өлтіру 5,6 пайызға, қарақшылық 20 пайызға, тонау 24,4 пайызға, қорқытып алу 33,3пайызға,ұрлық 11,8 пайызға, мал ұрлығы 22,1 пайызға, алаяқтық 8,3 пайызға, интернет алаяқтығы 13 пайызға, бұзақылық 6,8 пайызға, зорлау 50 пайызға және есірткіге қатысты қылмыстар 2,9 пайызға төмендеген. Ал денсаулыққа ауыр зиян келтіру 3,7 пайызға өскен. Жалпы қылмыстың 33 пайызға немесе әрбір үшіншісін ұрлық қылмысы құрайды. Дегенмен, осы ұрлық қылмысының ішінде ұялы телефон ұрлау 199-тен 174-ке, пәтер ұрлығы 180-ден 88-ге төмендеген. Қоғамдық орында жасалған қылмыстардың саны 628-ден 598-ге дейін немесе 4,8 пайызға төмендеген. 1186 адам қылмыстық құқықбұзушылық жасаса, оның 975-ы яғни 82,2 пайызы жұмыссыздармен жасалған. Облыс көлемінде орын алған қылмыстардың 70,8 пайызы Қызылорда қаласында тіркелген. Екінші орында 5,5 пайызбен Шиелі ауданы, үшінші орында 5,1 пайызбен Арал ауданы ауданы тұр. Облыс бойынша қылмыс Қармақшы ауданында аз тіркелген, жалпы тіркелген қылмыстардың үлесіне шаққанда 3,3 пайызды құрап отыр. Тағы бір айта кететін жайт, Қылмыстың жай-күйін анықтаудың бір құралы Комитет әзірлеген «Қылмыстық құқықбұзушылықтар картасы» аналитикалық жүйесі болып табылады. Аталған карта келесі қағида бойынша жұмыс жасайды. Қылмыс жасалып, ол қылмыстық қудалау органдарында тіркеледі. Осы уақыттан бастап, қылмыс картада пайда болады, онда қылмыс жасалған күні, уақыты, мекен-жайы және қылмыстың түрі көрсетіледі. Бұл карта ғаламтор желісінде http://qamqor.gov.kz мекен-жайы бойынша кез-келген азаматқа қол жетімді», – дейді Тұрсынқожа Үсенов.</blockquote>
Сонымен қатар ҚР Бас прокуратурасының Құқықтық статистика және арнайы есепке алу жөніндегі Комитетінің Қызылорда облысы бойынша басқарманың қылмыстық саладағы құқықтық ақпаратты қалыптастыру бөлімінің бастығы Қанат Жалғасов та баяндама жасады.&nbsp;
Қанат Жалғасовтың айтуынша, Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің тапсырмасын орындау шеңберінде «е-Заң-Көмегі», «Е-сараптама», «Офлайн қосымша» жобалары іске қосылған. Сондай-ақ саланы цифрландыру мақсатында сот сараптамасының сотқа дейінгі тергеп-тексеру органдарымен өзара іс-қимыл процестерінің электрондық форматтағы Қызылорда облысы бойынша 1516 сараптама қортындысы енгізілген автоматтандырылған пилоттық жоба да жасалған. Сотқа дейінгі тергеу сатысында қылмыстық процесті жүргізетін органдардың адвокатты қорғаушы ретінде тағайындау, Заң көмегінің бірыңғай ақпараттық жүйесі арқылы мемлекет кепілдік берген заң көмегін есептеу және төлеу процестерін автоматтандыру мақсатында жұмыстар жүргізілуде.
Брифингте аталған салада облысымыздың құқық қоғау органдары тарапынан жүйелі түрде шешімін таппай келе жатқан құқықбұзушылықтар талданып, олардың алдын алуға қатысты бірқатар шешімдер қабылдануын қажет ететіндігі тұжырымдалып, басым бағыттар айқындалды. &nbsp;
<figure class="image"><img src="https://knadmin.beoblood.kz/uploads/Whats_App_Image_2022_10_10_at_16_04_15_dad9219180.jpeg" alt="WhatsApp Image 2022-10-10 at 16.04.15.jpeg"></figure>

Тұрсынқожа Үсенов: Аймақта 9 айда 2541 қылмыс тіркелген

Қазақстан Республикасының 2022 жылғы Президент сайлауы (ВИДЕО)

Президенттікке кандидатқа қойылатын талап қандай?

Өз таңдауыңды жаса!

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының басшысы Мейрамбек Шермағанбет Жаңақорған ауданында орналасқан облыстық олимпиадалар және қосымша білім беру орталығында «Сыр дарыны» оқу-жаттығу жиынына қатысушы оқушылармен кездесті.&nbsp;Оқу-жаттығу жиыны 1 қазан айынан бастау алды.&nbsp;Онда аймақ&nbsp;бойынша 7-10 сынып аралығындағы оқушылар&nbsp;қатысып жатыр.
Басқарма басшысы Мейрамбек Зинабдинұлы сабақ барысымен, оқушылардың үзіліс кезіндегі сергіту сәттерін, балалардың жатын орындары мен асхана жұмыстарымен танысты.
Іс-шара аясында дөңгелек үстел ұйымдастырылып, дарынды да белсенді оқушылар басқарма басшысына сұрақтарын қойды. «Сыр дарыны» оқу-жаттығу жиынының берері мол екенін айтып, ұйымдастырушыларға алғысын білдірді.
Жиын соңында оқу жаттығу жиынында дарынды оқушыларға білім беріп, олимпиадаға дайындық жүргізіп жатқан ұстаздар марапатталды.
Айта кетейік, оқу-жаттығу «Қамбаш» және «Талдысу» олимпиадалар және қосымша білім беру орталықтарында өткізілуде. Жиын жаратылыстану-математикалық бағыттағы (математика, физика, химия, биология, география, информатика) пәндері бойынша басталды.&nbsp;Арал, Қазалы, Қармақшы, Жалағаш, Сырдария аудандарынан іріктеуден өткен 7 сынып оқушылары пән бойынша алты топқа бөлінді. 240 оқушыға педагог-зерттеуші мұғалімдер сабақ беріп жатыр.
Онда оқушылар пәндік олимпиадаларға дайындалып, балаларға жоғары деңгейдегі тапсырмалардың шешу жолдарын зерттеуге және бірлесіп орындауға мүмкіндік беріледі. Оқушыларға қажетті ресурстарды қолдана отырып, әрі қарай өзін-өзі оқыту әдістері үйретіледі.
<img src="https://knadmin.beoblood.kz/uploads/310991055_1460056267830907_4942865532956886347_n_948cc7a0a2.jpg" alt="310991055_1460056267830907_4942865532956886347_n.jpg">
<img src="https://knadmin.beoblood.kz/uploads/310977590_1460056214497579_7837949623583842622_n_9e430232bc.jpg" alt="310977590_1460056214497579_7837949623583842622_n.jpg"> &nbsp;
&nbsp;
 &nbsp;

Қазақстан және Қызылорда облысының жаңалықтары