Kyzylorda-news.kz. Ұлттық мереке - &nbsp;Республика күні және Арал қаласының 95 жылдығы қарсаңында теңізді өлке жұртына тарту жасалды. Арал ауданында бірнеше әлеуметтік нысан ел игілігіне пайдалануға берілді. &nbsp;Аталған мерекелер &nbsp;қарсаңында аудан орталығынан жаңа сауда үйі бой көтерді. Нысанның ашылу салтанатына қатысқан аудан әкімі Серік Сермағамбетов жиылған қауымды Ұлттық мерекемен және Арал қаласының 95 жылдығымен құттықтады. Сонымен бірге, өңірде кәсіпкерлік саласының өркендеп келе жатқандығына тоқталып, сауда орталығының жұмысына сәттілік пен табыс тіледі.Жеке кәсіпкер А.Төремұратова &nbsp;жаңадан ашылған нысанды «Бизнестің жол картасы» бағдарламасы және өз &nbsp;қаражаты есебінен тұрғызды. Құны 400 млн. теңгені құрайтын сауда орталығында 50-ден аса тұрғын қосымша жұмыспен қамтылатын болады.Мерейлі мерекеде аудандағы спорттық ойын алаңдарының саны 3-ге толығып, 7-ге жетті. Облыс әкімінің бастамасымен, демеушілердің қолдауымен «Балалар жылына» арналған тарту Арал қаласының Әленов, Алматы, Сырым батыр көшелері бойынан салынған. Жаңадан бой көтерген нысан жанында футбол және волейбол алаңдары бар. &nbsp;Ел Президенті Қасым-Жомарт Тоқаевтың Қазақстан Халқына Жолдауындағы «Өскелең ұрпақтың үйлесімді дамуы мен бақытты балалық – бұл біздің жалпыұлттық міндетіміз»,-деген тапсырмасына орай жыл басынан бері ауданда 2 ойын-сауық орталығы ашылды. Сондай-ақ балалар мерекесі қарсаңында аймақ басшысының атынан әлеуметтік көмекті қажет ететін, аз қамтылған, көпбалалы және ата-ананың қамқорлығынсыз қалған отбасыдағы &nbsp;50 балаға велосипед табысталған болатын.Білім саласының дамуына ерекше үлес қосып жүрген жергілікті кәсіпкерлер аз емес. Нәтижесінде ауданда &nbsp;бүгінде 22 жеке балабақша жұмыс жасаса, оның 6-ы биыл пайдалануға берлді. Солардың бірі Бөген ауылдық округінде ел игілігіне өз жұмысын бастады. Жеке кәсіпкер Болатбек Әліпов өз қаражаты есебінен, туған ауылынан 70 орындық замануи үлгідегі балабақша салды. Жаңа нысанда барлығы 24 ауыл тұрғыны еңбек етеді.Айта кетейік, «Балалар жылы» аясында Арал ауданында жеке кәсіпкерлердің өз қаражаттары есебінен ойын алаңдары мен ойын-сауық орталықтары, балабақшалар салынып, бұл бағытта барлығы жарты миллардтан астам қаржы жұмсалынды. Аталған жұмыстар жыл соңына дейін өз легімен жалғасады.&nbsp; &nbsp;Сондай-ақ Республика күні қарсаңында Аудан орталығынан кәсіпкерлерге арналған &nbsp;«Кәсіпкерлік үйі» ашылатын болады. Бұл өз кезегінде кәсіпкерлерге қаржылай көмек, консалтингтік және бизнес кеңес беру секілді қызмет түрлерін бір орталықтан көрсетуге мүмкіндік береді.<img src="https://knadmin.beoblood.kz/uploads/FB_IMG_1666422249543_dc5d57fd02.jpg" alt="FB_IMG_1666422249543.jpg"><img src="https://knadmin.beoblood.kz/uploads/FB_IMG_1666422259054_92b771ed5f.jpg" alt="FB_IMG_1666422259054.jpg"><img src="https://knadmin.beoblood.kz/uploads/FB_IMG_1666422252568_3de253b5e4.jpg" alt="FB_IMG_1666422252568.jpg"><img src="https://knadmin.beoblood.kz/uploads/FB_IMG_1666422268919_aeb01ae5c5.jpg" alt="FB_IMG_1666422268919.jpg"><img src="https://knadmin.beoblood.kz/uploads/FB_IMG_1666422265558_b55961c11a.jpg" alt="FB_IMG_1666422265558.jpg">

Республика күнінде Аралда әлеуметтік нысандар пайдалануға берілді

Kyzylorda-news.kz. «А.Н.Сызғанов атындағы Ұлттық ғылыми хирургия орталығының» стратегиялық блок басшысы, Қазақстан Республикасының хирургиялық қызмет жөніндегі координаторы медицина ғылымдарының кандидаты Ибекенов Оңласын Төлегенұлы Қызылорда облысына &nbsp;іссапармен келді. Дәрігер қазіргі таңдағы Сыр өңіріндегі хирургия саласының ахуалымен танысты.&nbsp;Сапар барысында Оңласын Төлегенұлы көпбейінді облыстық және қалалық ауруханалары, Жаңақорған және Шиелі ауданаралық ауруханаларының хирургия, реанимация, ота және функционалды бөлімшелерінің материалдық базасымен қатар, хирургиялық құрал-жабдықтармен, мамандардың қамтамасыз етілуімен танысты.Одан соң көпбейінді облыстық ауруханасының мәжіліс залында хирургиялық ахуалды талдау бойынша дөңгелек үстел өткізілді. Дөңгелек үстелге облыстық денсаулық сақтау басқармасы басшысының орынбасары Мирзанова Мая Миранбайқызы және облыстың хирург, эндоскопист дәрігерлері қатысты.&nbsp;Жиында облыстың хирургия саласының биылғы жылдың 9 айының қорытынды есебі тыңдалып, нәтижесінде Оңласын Төлегенұлы Қызылорда облысының хирургия саласының жұмысына оң бағасын берді.<img src="https://knadmin.beoblood.kz/uploads/IMG_20221022_WA_0009_b8e18d7ed5.jpg" alt="IMG-20221022-WA0009.jpg"><img src="https://knadmin.beoblood.kz/uploads/IMG_20221022_WA_0010_d40bf7cf29.jpg" alt="IMG-20221022-WA0010.jpg"> &nbsp;

Қызылорда облысының хирургия саласы — оң нәтижелі 

Kyzylorda-news.kz. Қызылорда облысы кәсіпкерлер палатасының алаңында Қытайдың Халықаралық сауданы ынталандыру жөніндегі комитетінің Қазақстан Республикасындағы ресми өкілі Чэнь Хунцян аймақ кәсіпкерлерімен кездесті.Қытайдың Халықаралық сауданы ынталандыру жөніндегі комитеті бизнес қауымдастықпен инвестиция және сауда бойынша әріптестік қарым-қатынас құруға ықпал ететін беделді ұйым.Кездесуде Чэнь Хунцян мырза Қытай Халық Республикасының төрағасы Си Цзиньпиннің Қазақстанға ресми сапарынан кейін қос елдің кәсіпкерлік саласына қатысты қызығушылық артқанын жеткізді. Сыр өңіріне сапарының да мақсаты осыда екен.Кездесуге өндіріс, мұнай, &nbsp;темір жол тасымалы және өзге де салаларда қызмет көрсететін, тауар шығаратын &nbsp;кәсіпкерлер келді.&nbsp; Қызылордалық кәсіпкерлер жоспарларымен бөлісіп, іскерлік қарым-қатынас орнатуға әзір екендіктерін жеткізді.&nbsp; Өңірлік кеңес төрағасы Ерлан Раимов кездесудің қос тарап үшін де тиімділігін айта келіп, бірлескен жоба жасауға шақырды.«Марал Нұр» ЖШС-нің басшылары темір жол саласы бойынша бірге жұмыс істеуге ниетті екенін жеткізсе, «Квант» ЖШС директоры Жаңабай Бекішев зауытқа қажетті жабдықтарды алдыруда жеткізілу мерзімінің ұзақтығына тоқталды. Кәсіпкер Болат Нұрхожаев мәселенің шешімі ретінде Халықаралық сауданы ынталандыру жөніндегі комитетінің өңірлерде де өкілдігі ашылса деген ұсынысын берді.<blockquote>«Біз де Кәсіпкерлер палатасы тарапынан өз кәсіпкерлеріміздің, сондай-ақ инвестиция құйғысы келетін қытайлық бизнес өкілдерінің де жобаларын сүйемелдеуге қолдау көрсететін боламыз», – деді кездесуде Кәсіпкерлер палатасының директоры Пірмұхаммед Сыздықов.</blockquote>Кәсіпкерлер палатасы қытайлық бизнес өкілдерімен байланыс орнатуға ниетті қызылордалық кәсіпкерлер болса Палатаға хабарласуын сұрайды.Мекен-жайымыз:Қызылорда қаласы, Қорқыт ата 123, «Бизнеске арналған Үкімет» ғимаратының 3-қабаты. Байланыс телефоны 8 /7242/ 40-09-81. &nbsp;&nbsp;&nbsp;&nbsp;&nbsp;&nbsp;

Қытайдың Халықаралық сауданы ынталандыру жөніндегі комитетінің өкілі Чэнь Хунцян қызылордалық кәсіпкерлермен кездесті

&nbsp;Kyzylorda-news.Kz. Бүгін Қармақшы ауданында Ұлттық мереке- 25 қазан Республика күні қарсаңында Жосалы кенті, Ыбрагім Қасымов көшесі мен Тайшық би &nbsp;көшелерінде жаңадан &nbsp;бой көтерген спорт ойын алаңдарының ашылу салтанаты өтті.&nbsp;Аудан әкімі Әділбек Ерсұлтанов жаңадан бой көтерген спорт алаңдарының ашылуына &nbsp;арнайы барып, тұрғындардың қуанышымен бөлісті.<blockquote>Сыр елінде Ұлттық мереке - Республика күні қарсаңында «Балалар жылына» тарту ретінде облыс әкімі Нұрлыбек Нәлібаевтың бастамасымен қала, ауданда демеушілердің қолдауымен құны 1,6 млрд.теңгені құрайтын бір мезетте 80 спорт ойын алаңы ел игілігіне берілуде. Соның ішінде Қармақшы ауданы бойынша биылғы жылы құны 100 млн теңгеден асатын 8 ойын алаңы салынуда. Бүгінгі күні ойын алаңдарының құырлыс жұмыстары аяқталып, Ұлттық мереке қарсаңында аудан тұрғыдарына пайдалануға беріліп отыр. Бұл шағын спорт алаңдары жас спортшылар мен аудан тұрғындарына керемет тарту, жаңа бастама деп білемін. Осы жерден болашақ спортшылар мен ел абыройын асқақтататын дарабоздар шығады деп сенеміз. Себебі балаға құйылған инвестиция ел болашағының жарқын кепілі болмақ-деді аудан әкімі Ә.Ерсұлтанов.</blockquote>Балалар жылына орай пайдалануға берілген қос нысанның ашылу салтанатында тұрғындар да сөз сөйлеп, игілікті іске ұйытқы болған азаматтарға алғысын білдірді.Сондай-ақ &nbsp;қос нысанның ашылу салтанатында &nbsp;тұрғындар да сөз сөйлеп, осындай игі бастамаларға қашанда &nbsp;жан жақты қолдау көрсетіп жатқан туған жерге жанашыр барша демеуші азаматтарға &nbsp;шынайы алғыстарын жеткізді.<img src="https://knadmin.beoblood.kz/uploads/FB_IMG_1666418450467_df476d696d.jpg" alt="FB_IMG_1666418450467.jpg"><img src="https://knadmin.beoblood.kz/uploads/FB_IMG_1666418439872_64601ded03.jpg" alt="FB_IMG_1666418439872.jpg">

Қармақшыда балаларға жаңа ойын алаңдары тарту етілді

<a href="https://kyzylorda-news.kz/">Kyzylorda-news.kz.</a> Біздің әрқайсымыздың ай сайынғы қажеттіліктерімізге бөлетін белгілі бір кірістеріміз бар. Кейбіреулер тіпті ақша жинап, мақсаттар мен армандарға ақша жинай алады, ал басқалары айлықтан айлыққа дейін деп күн кешеді . Бұл процесті қалай дұрыс ұйымдастыруға және ақшаңызды сауатты және тиімді басқаруға болады?Fingramota.kz өз қаржыңызды басқарудың әмбебап және қарапайым үлгісі туралы айт ып береді.Бұл модель сізді қаржылық еркіндікке жетелейтін үш капитал – «китке» негізделген.Бірінші «кит» - сіздің ағымдағы капиталыңыз. Сізде ай сайынғы шығындар үшін қолыңызда және қол жетімді жерде ақша болуы керек. Мысалы, сіз өзіңізге немесе жақындарыңызға жаңа киім сатып алуды, кафеге/мейрамханаға баруды, туыстарыңыз бен достарыңыздың туған күніне сыйлықтар сатып алуды, егер бар болса, кредит бойынша төлем жасауды жоспарлап отырсыз.Сонымен қатар, сіз күнделікті жолақы мен түскі асқа жұмсайсыз. Барлық шығындарды алдын-ала есептеңіз, бөлінген соманы конвертке, банктік шотқа салыңыз және жоспарланған бюджеттен асып кетпеңіз. Бұл сізге импульсивті және бір сәттік шығындардан аулақ болуға көмектеседі. &nbsp;Екінші «кит» - бұл резервтік капитал, қаржылық қауіпсіздік жастықшасы, яғни жұмсауға болмайтын қор, ол сіздің ресми жалақыңыздың кем дегенде 6-ындай болуы тиіс. Қаржылық жастықша сізге ертеңгі күнге деген сенімділік береді.Мысалды алыстан іздеудің керегі жоқ, пандемия кезінде кейбір адамдар ақшадан қиналды, өйткені олар жұмысынан айырылды немесе олардың қызметіне уақытша тыйым салынды.&nbsp;Үшінші «кит » – пассив капитал. Пассив кіріс «бір рет жасалды – сіз әрқашан аласыз» қағидаты бойынша әр түрлі құралдардан қалыптасады. Ол жұмсау үшін қосымша табыс көзін табу мақсатында ғана қалыптаспайды, &nbsp;оны автокөлік сатып алу, шетелде демалу, өзін-өзі дамыту сияқты қаржылық мақсаттарыңызды жүзеге асыру үшін ақша табудың тәсілі ретінде қарастырыңыз.&nbsp;Пассив кірісті жоспарлауға байыпты қарау керек. Алдымен оны қалыптастыру үшін қанша қаражат қажет екенін және сізде осындай сома бар-жоғын анықтау керек. Егер жоқ болса, оны негізгі кірістен жинау керек. Қанша уақыт және қандай жиілікпен – бұл нәтижесінде сіздің қандай пассив кіріс алғыңыз келетініне байланысты.Жеке немесе отбасылық бюджетті қалыптастыруға кедергі келтіретін үш себепБірінші себеп – импульсивтілік. Осы мінезімізден біз жалақының барлығын көбінесе күнделікті шығындарға жұмсаймыз. Барлығына дәл қазір және бірден, ымырасыз қол жеткізгіміз келеді. Бұл фактордан құтылу өте қиын болуы мүмкін.&nbsp;Кеңес: Ең жақсы әдіс – шығындарды жоспарлау, басымдық беру және оңтайландыру. &nbsp;&nbsp;Екінші себеп – сеніп қалу. Тез әрі оңай олжа табу үшін азаматтар өз ақшаларын алаяқтарға сеніп тапсырып, оларды күмәнді ұйымдарға салуы мүмкін. Соңғы уақытта алаяқтар танымал блогерлер, атақты адамдардың аттары мен фотоларын пайдаланып, экономиканың түрлі секторларындағы белгілі қазақстандық кәсіпорындар брендтерінің атын жамылып таңғажайып құралдарға инвестиция құю туралы ұсыныстарды жарнамалайды.&nbsp;Кеңес: Кез келген ақпаратқа сын тұрғысынан қараңыз, әсіресе сізге аз ғана салым салу арқылы қысқа мерзім ішінде жоғары әрі кепілді табысқа қол жеткізетініңізге және достарыңызды тартқаныңыз үшін бонустардың берілетініне уәде беретін болса, мұқият болыңыз.Үшінші себеп – жайлы орта. Сіздің тұрақты жұмысыңыз бар, сіз ай сайын жалақы аласыз және ортаңыз өзіңізге жайлы. Бірақ күтпеген жағдайлардың орын алу немесе негізгі кірісті жоғалту қаупі бар, олар сізді қаржылық тепе-теңдіктен айыруы мүмкін.Кеңес: Үнемі өзіңізді дамытумен айналысыңыз, шет тілдерін үйреніңіз, өзіңіздің кәсіби қызметіңіздегі жаңа үрдістерді бақылап отырыңыз, нарықтың сұраныстарын зерттеңіз және өз дағдыларыңызды дәл қазіргі уақытта барынша сұранысқа ие салада қолдануға тырысыңыз.Fingramota.kz-пен бірге қаржылық сауаттылығыңызды арттырыңыз!<figure class="image"><img src="https://knadmin.beoblood.kz/uploads/tenge_1126f08105.jpeg" alt="тенге.jpeg"></figure>

Сіздің қаржылық жеке капиталыңыздың үш «киті»

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының ұйытқы болуымен Қызылорда қаласындағы Серәлі Лапин атындағы №261 білім ордасында республкалық «Мектеп және театр» жобасы аясында «Тақиялы періште» киносының қойылымы болып өтті. Бұл туралы облыстық білім басқармасының баспасөз қызметі хабарлады.&nbsp;Шараға Қызылорда облыстық білім басқармасының мамандары, мектептердің педагог ұйымдастырушылары мен оқушылар қатысты.Республика күніне арналған қойылымға 6-9 сынып оқушылары белсенді қатысып, қазақ киносының алтын қорына енген «Тақиялы періште» көрсетілімін жоғары деңгейде сомдап шықты. &nbsp;Білім ошағының директоры Қарлығаш Абдрахманова мектеп театры жобасы &nbsp;оқушылардың шығармашылық қабілеттерін шыңдауда айрықша маңызға ие екендігін атап өтті.<blockquote>«Оқушылар театры жобасы басталғанда «не болар екен, қалай болар екен?»&nbsp;деп алаңдағанымыз рас. Бірақ ұжым мен оқушылар бір мақсатқа жұмыс жасаса қай істі де еңсеріп кетеді екен ғой. Әзірге ешкімнің бетін қақпадық. Сынамадық. Таңдауларына да араласпадық. Біресе драма, біресе комедия… әртүрлі тақырыпты сомдап жүр. Біраз електен өткізіп, тәжірибе жинақтаудамыз. Ал, енді бүгін «Тақиялы періште» киносының қойылымын тамашаладық. Балалар өзі қалаған. Комедиялы сюжетіне қызыққан шығар. Баласына қалыңдық іздеген Тана апа естеріңізде шығар, иә? Рөлін ойнайтын оқушым дайындықта төселіп алыпты, бар даусымен күлгенде аты аңызға айналған Әмина Өмірзақова апамыз кіріп келгендей күй кештік. Оқушыларымыз театрда ойнаудың қызығына түсіпті», - дейді мектеп директоры.&nbsp;</blockquote>Айта кету қажет, өткен жылы бастау алған жоба аясында аталған мектепте бүгінге дейін 5 қойылым ұйымдастырылған.&nbsp;«Лапин шоу» мектеп театры Тәуелсіздік мерекесі қарсаңында жаңа қойылымдар мен ертеңгіліктер көрсетуді жоспарлауда.<figure class="image"><img src="https://knadmin.beoblood.kz/uploads/Bezymyannyj_e71e62bc35.jpg" alt="Безымянный.jpg"></figure>

Қызылордалық «Лапин шоу» мектеп оқушыларының театры кезекті қойылымын көрсетті

<a href="https://kyzylorda-news.kz/">Kyzylorda-news.kz.</a> Биылғы жылдың 16 шілдесінде Ұлттық құрылтайда Қазақстан Республикасының Президенті Қасым-Жомарт Тоқаев ұлттық мереке мәртебесін Республика күніне қайтаруды ұсынған болатын.ҚР Президенті Қасым-Жомарт Тоқаев "Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек" деген болатын.&nbsp;Республика күніне орай ауылдық мәдениет үйінде «Отаным - Қазақстан» атты салтанатты жиын өтті. Шарада ауылдық округ әкімі Нұрлыбек Сайымов сөз сөйлеп, ауыл тұрғындарын ұлық мерекемен құттықтап, айтулы күннің мәні мен маңызына тоқталды. Сондай ақ, сала үздіктеріне құрмет көрсетіп, «Алғыс хат» табыстады. Мерекеде ауылдық округтегі ұжымдардың өнерлі жастары ән айтып, би билеп шараның шырайын кіргізді.&nbsp;Айта кетейік, 1990 жылы 25 қазанда Қазақстанның егемендігі туралы декларация қабылданды. Бұл еліміздің тәуелсіздік жолындағы тұңғыш қадамы болатын. Қыркүйек айында Қазақстан Республикасының парламенті "Қазақстан Республикасындағы мерекелер туралы" заңға түзетулер енгізді. Құжатқа сәйкес, Республика күні яғни 25 қазан – ұлттық мерекеге, ал Тәуелсіздік күні яғни 16 желтоқсан – мемлекеттік мерекеге айналды.<figure class="image"><img src="https://knadmin.beoblood.kz/uploads/intern_737e6d6fe7.jpg" alt="интерн.jpg"></figure>

ІІІ Интернационал ауылында Республика күні аталып өтті

<a href="https://kyzylorda-news.kz/">Kyzylorda-news.kz.</a> 25 қазан - Республика күні мерекесі қарсаңында Жаңақорған ауданында бірқатар әлеуметтік нысандар халық игілігіне пайдалануға беріліп, елді қуанышқа бөлеуде. Мемлекет басшысы Қасым-Жомарт Кемелұлы Тоқаевтың Әділетті Жаңа Қазақстанды құру идеясы аясында ауқымды шаралар атқарылуда.&nbsp;<blockquote>«Барша жерлестерімді қайта оралған ұлттық мерекеміз - Республика күнімен шын жүректен құттықтаймын! Араға 13 жыл салып, Президентіміздің Жарлығымен Республика күні Ұлттық мереке болып халықпен қайта қауышты. Бұл тарихи мәні жоғары, идеологиялық салмағы ерек айтулы күн еліміздің бүгіні мен ертеңіне адал қызмет ететін, ерен істер мен елеулі бастамаларды жалғастыратын барша азамат үшін маңызды», - деді Нұрлыбек Нәлібаев.</blockquote>Аймақ басшысының тікелей бастамасымен және демеушілердің қолдауымен Балалар жылына орай Қызылорда облысында 80 ойын алаңының 10 ойын алаңы Жаңақорған ауданында салынуда. Онан бөлек, Жаңақорған кентінде көркейту - абаттандыру жұмыстары толық аяқталды. Сондай-ақ, Жаңақорған ауданының тумасы, белгілі меценат М.Ысқақовтың қаржылай демеушілігімен кент орталығынан жаңа демалыс саябағы ашылып, пайдалануға берілді.&nbsp;Аудан орталығында алыстан көз тартып, «мен мұндалап» тұрған алып құмсағат бой көтеріп, Республика күніне орай Жастар аллеясы ашылды.&nbsp;<img src="https://knadmin.beoblood.kz/uploads/sport_2f0ded5303.jpg" alt="спорт.jpg">

Жаңақорғанда елге қуаныш сыйлаған жарқын жобалар жүзеге асты

<a href="https://kyzylorda-news.kz/">Kyzylorda-news.kz.</a> Қазалыда Ұлттық мереке – Республика күні қарсаңында балалар жылына тарту ретінде демеушілердің қолдауымен Сарбұлақ ауылында саябақ ашылып, Әйтеке би кенті мен Байқожа елді мекенінде спорт алаңдары пайдалануға берілді.Сарбұлақ ауылындағы саябақ пен Әйтеке би кентіндегі спорт алаңының ашылуына аудан әкімі Мұхтар Оразбаев арнайы барып, тұрғындардың қуанышымен бөлісті.<blockquote>“Бала – біздің болашағымыз. Балалар жылына орай облыс әкімі Нұрлыбек Нәлібаев аудандарда бюджет көздерінен тыс, демеушіліктің есебінен спорт және ойын алаңдарын салу жөнінде тапсырма берген болатын. Бұл тапсырма Қазалы ауданында толық жүзеге асырылды. Бүгінгі күні Сарбұлақ ауылында саябақ, Әйтеке би кентінде 2, Байқожа елді мекенінде 1 спорт алаңы және аудан орталығында 1 балалар ойын алаңы пайдалануға берілді. Бұдан бөлек тағы да жерлес кәсіпкер азаматымыз Темірхан Кенжебаевтың демеушілігімен Аранды ауылынан спорт және балалар ойын алаңы құрылысы жүргізіліп жатыр. Жалпы бүгін Қызылорда облысында балалар жылына тарту ретінде аймақ басшысының бастамасымен қала мен аудандарда демеушілердің қолдауымен құны 1.6 млрд. теңгеге бір мезетте 80 спорт ойын алаңы ел игілігіне берілді”, – деді аудан басшысы.</blockquote>Сарбұлақтағы саябақ осы ауылдың төл тумасы, жеке кәсіпкер Ержан Дәріқожаевтың демеушілігімен ашылса, Әйтеке би кентіндегі спорт алаңын жергілікті кәсіпкер, «Намыс құрылыс» ЖШС директоры Әбдімәлік Өтеулиев салып, тұрғындар игілігіне пайдалануға берді.Балалар жылына орай пайдалануға берілген қос нысанның ашылу салтанатында тұрғындар да сөз сөйлеп, игілікті іске ұйытқы болған азаматтарға алғысын білдірді.Бүгін Майлыбас ауылдық округіне қарасты Байқожа елді мекенінде де демеушілердің қолдауымен спорт алаңы пайдалануға берілді. Жаңа нысанның салынуына ауыл халқы мен балалар дән риза. Ал, бұған дейін оқушылар үйінің ауласында жеке кәсіпкер Жасұлан Шамұратовтың демеушілігімен балалар ойын алаңы салынып, ел игілігіне берілді.&nbsp;<figure class="image"><img src="https://knadmin.beoblood.kz/uploads/kazalyy_d2419d14ac.jpg" alt="казалыы.jpg"></figure>

Қазалылық кәсіпкерлер балаларға тарту жасады

<a href="https://kyzylorda-news.kz/">Kyzylorda-news.kz.</a> «Республика күні» өздеріңізге белгілі мемлекетіміздің қалыптасу тарихы ұлықталатын, өткеннің өнегесін өскелең ұрпаққа насихаттайтын күн.Қазақ елін қалыптастырып, елімізді әлемнің өркениетті мемлекеттерінің қатарына қоса алдық.Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жетуіне әрбір қазақстандықтың азаматтық адал борышы мен ерен еңбегінің қосқан үлесі зор. &nbsp;Әсіресе ел амандығы жолында айтарлықтай үлесін қосып келе жатқан медицина саласының қызметкерлерін ерекше атап өткен жөн.Бүгін көпбейінді облыстық ауруханасының мәжілісзалында «Республика күні» Ұлттық мерекесіне арналған медицина қызметкерлері арасында салтанатты шара ұйымдастырылды.&nbsp;Қазақстан Республикасының мемлекеттік Әнұранымен ашылған мерекелік шарада алдымен облыс әкімінің орынбасары Нұрымбет Сақтағанов сөз алып, барша қазақстандықтармен медицина қызметкерлерін ұлық мерекемен құттықтап, сала мамандарына марапат табыс етті. Одан әрі мерекелік марапат табыстау рәсімін облыстық денсаулық сақтау басқармасының басшысы Сабит Пазилов жалғады.&nbsp;Халық денсаулығын жақсарту жолында жанымызға шипа сыйлайтын дәрігерлер қауымы құрмет пен марапатқа әбден лайықты. Олардың тәулік бойы көз ілмей, тәуекелге &nbsp;бел буып, тынымсыз кешетін тірлігін жанкештілік &nbsp;деп бағалау керек.&nbsp;Салтанатты шарада Мәдениет саласының үздігі, әнші, сазгер Индира Елубаева «Туған жер», «Өмір уақыт» ән шашуларын арнаса, облыстық филармония әншісі Бақытжан Найманов «Қазақстан», «Белеске» әндерімен ақ халаттыларды қуантты.Денсаулық сақтау саласы – қазақ елінің болашағы үшін маңызы зор салалардың бірі. Бүгінгі күнге дейінгі тоқтаусыз дамып келе жатқан медицина саласы 32 жылдан астам уақытта биік шыңдарды бағындырып үлгерді. Сонымен қатар, «Денсаулық» бағдарламалары бұл саланың биікке өрлеуіне айқын жол ашты.Ауруханалар заманауи құрал-жабдықтармен жабдықталып, ақ халатты абзал жандардың біліктіліктері мен тәжірибелері артты. Бұл орайда Сыр медицинасы республика көлемінде халыққа сапалы медициналық қызмет көрсету бағытында көш бастап келеді.<figure class="image"><img src="https://knadmin.beoblood.kz/uploads/Whats_App_Image_2022_10_22_at_09_15_10_1_8d43166fcd.jpeg" alt="WhatsApp Image 2022-10-22 at 09.15.10 (1).jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_10_22_at_09_15_09_0c48542af5.jpeg" alt="WhatsApp Image 2022-10-22 at 09.15.09.jpeg"></figure>

Қызылорда: Ұлттық мерекеде медицина мамандары марапатталды

<a href="https://kyzylorda-news.kz/">Kyzylorda-news.kz.</a> «Елім дейтін ер болмаса, ерім дейтін ел қайдан болсын», - деген қазақтың тәмсілі бар. Туған жерін түлетіп, өркендеуіне үлес қосқан атымтай азаматтар қандай да құрметке лайық.&nbsp;Бүгін елордада Қазақстан Республикасы Ақпарат және қоғамдық даму министрлігінің ұйымдастыруымен қайырымдылық саласындағы үздік меценаттар мен филантроптар үшін «Жомарт жүрек» республикалық сыйлығының жеңімпаздарын марапаттау рәсімі өтті.Қайырымдылық жасау мен оны дамытуға елеулі үлес қосқан жомарт жүректі азаматтарды ынталандыру мақсатында жыл сайын өткізілетін шараға биыл аймақ атынан бірқатар азаматтар қатысты.&nbsp; Еліміздің барлық өңірінен үміткерлер қатысқан конкурстың төрт номинациясын Сыр өңірінің азаматтары жеңіп алды.&nbsp;Атап айтқанда, «Жыл тұлғасы» номинациясы бойынша «Ер-Әли» ШҚ басшысы Әліби Бекжанов, «Туған өлке» номинациясында Имамзада Шағыртаев, «Жылдың үздік қамқоршысы» номинациясымен Несібелі Жүсіпова марапатталды.Ал «Жыл меценаты» номинациясы иегерлері қатарында мезгілсіз арамыздан өткен Расул Есеновтің де есімі аталды.Айта кетейік, «Жомарт жүрек» байқауы басталған уақыттан бері төрт номинацияның бір өңірге табысталуы – бұрын-соңды болмаған жағдай. Сондықтан мұны Ұлттық мереке қарсаңында Сыр халқының тарихи жеңісі, Алаш азаматтарының елдік рухының биіктегені десек болады.&nbsp;Салтанатты шарада министрлік өкілдері мен парламент депутаттары жеңімпаздарға естелік сыйлықтар мен дипломдар табыстады.&nbsp;<figure class="image"><img src="https://knadmin.beoblood.kz/uploads/Whats_App_Image_2022_10_22_at_08_23_41_f7171996b2.jpeg" alt="WhatsApp Image 2022-10-22 at 08.23.41.jpeg"></figure>

«ЖОМАРТ ЖҮРЕК»: Сыр еліне бұйырған төрт номинация – тарихи сәт

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасының ұйымдастыруымен «Мемлекеттік тілді қызмет тіліне айналдыру» облыстық семинары өтті.Семинарға қатысушыларды облыс әкімінің орынбасары Нұрымбет Сақтағанов Республика күнімен құттықтап, күн тәртібімен таныстырды.Семинар барысында Облыстық қоғамдық даму басқармасының басшысы Мира Қазбекова «Мемлекеттік тілдің қолданыс аясын кеңейту мәселелері», Әділет департаментінің бөлім &nbsp;басшысы &nbsp;А. Қосбергенова «Салаға қарасты мекемелердегі мемлекеттік тілдің қолданылуы», Мемлекеттік кірістер департаменті басшысының орынбасары Қуанышбек Бекшин «Бақылау-касса машиналарының мемлекеттік тілде жүргізілуін қамтамасыз ету бағытында жүргізіліп жатқан жұмыстар туралы» хабарламалар жасады.Семинарда әлеуметтік желілерде сауда нүктелеріндегі бақылау-касса машиналары, тұтынушылық қызметтерге арналған терминалдар, газ, өрт сөндіру салаларында және &nbsp;нотариустардың атқарушылық жазбалары орыс тілінде &nbsp; жүргізілетіндігі жөнінде мәселе қозғалды. Сонымен қатар, «Тіл туралы» Заңға енгізілген өзгерістерге сәйкес көрнекі ақпарат, ас мәзірі, жол белгілері, елді мекен атауларын мемлекеттік тілде жазу міндеттелгендігі айтылды.Осы ретте, ас мәзірі, сауда орындарындағы &nbsp;тауар атауларын мемлекеттік тілге аудару мәселелерін филолог-ғалымдармен бірлесе отырып, аудару қажеттігі жөнінен пікірлер ортаға салынып, бірқатар ұсыныстар айтылды.Семинарды облыс әкімінің орынбасары Нұрымбет Сақтағанов қорытындылап, мемлекеттік мекеме басшыларына салаға қарасты ұйымдарда мемлекеттік тілдің қолданыс аясын кеңейту, жұмыстарды жандандыру бағытында бірқатар тапсырмалар берді.<figure class="image"><img src="https://knadmin.beoblood.kz/uploads/til_d270afaf97.jpg" alt="тил.jpg"></figure>

Қазақстан және Қызылорда облысының жаңалықтары