<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев бүгін ҚР Парламенті палаталарының бірлескен отырысында Қазақстан халқына Жолдауын жариялайды.
Президенттің Жолдауы Нұр-Сұлтан қаласының уақытымен сағат 11:00-де республикалық телеарналардан тікелей эфирде көрсетіледі. Сондай-ақ «БОРТ N1» тelegram-каналы жиыннан жедел хабар таратады.
Айта кетейік, Мемлекет басшысының бұл Жолдауында жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар қамтылады.

Бүгін Мемлекет басшысы халыққа Жолдау жариялайды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 480 адам коронавирус инфекциясынан жазылды, деп хабарлайды coronavirus2020.kz.
Нұр-Сұлтан қаласында – 6,
Алматы қаласында – 37,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 112,
Атырау облысында – 2,
Шығыс Қазақстан облысында – 1,
Жамбыл облысында – 3,
Батыс Қазақстан облысында – 202,
Қарағанды облысында – 36,
Қостанай облысында – 54,
Қызылорда облысында – 0,
Маңғыстау облысында – 0,
Павлодар облысында – 8,
Солтүстік Қазақстан облысында – 19,
Түркістан облысында – 0.
Елімізде барлығы 1 282 620 адам COVID-19-дан емделіп, сауығып шықты.

Қызылордада коронавирус жұқтырғандар мен жазылғандар жоқ

<a href="https://kyzylorda-news.kz/">Kyzylorda-news.kz.</a> Атмосфералық фронтальды бөліктердің өтуімен Қазақстанның басым бөлігінде жауын-шашын болады, деп хабарлайды Қазгидромет.
Республиканың солтүстік жартысында негізінен қар түрінде, оңтүстік жартысында негізінен жаңбыр түріндегі жауын-шашын күтіледі, оңтүстіктің, оңтүстік-шығыстың таулы аудандарында қатты жаңбыр, қар жауады.
Оған қоса, еліміздің басым бөлігінде желдің күшеюі, тұман, көктайғақ, жаяу бұрқасын болып, оңтүстікте найзағай жарқылдайды.
Қызылорда облысының орталығында тұман күтіледі, күндіз жел 15-20 м/с күшейеді, күндіз облыстың орталығында және оңтүстігінде көктайғақ болады.

Ауа райы: Жел, тұман, көктайғақ болады

Kyzylorda-news.kz. Дариға Назарбаеваның құдасы, олигарх Қайрат Боранбаев ұсталды.
<blockquote>
 “Боранбаевты Алматыда Қаржы мониторингі агенттігінің (ҚҚА) қызметкерлері ұстады. Оның ісіне қатысты Алматы департаменті емес, Астанадағы Қаржы мониторингі агенттігінің бас кеңсесінің адамдары жұмыс істеп жатыр. Қазір Боранбаев уақытша ұстау изоляторына қамалды. Жақын күндері Алматыда тергеу жұмыстары өткізіледі”, – делінген ақпаратта.
</blockquote>
Қайрат Боранбаев – “Қайрат” футбол клубының иесі, Қазақстан Республикасы паралимпиада комитетінің президенті, Ұлттық Олимпиадалық комитеттің (ҰОК) паралимпиадалық спортты дамыту жөніндегі вице-президенті, УЕФА адал ойын және әлеуметтік жауапкершілік комитетінің мүшесі.
Соңғы қазақстандық Forbes рейтингінде Боранбаев 590 миллион доллар байлығымен 14-орынға тұрақтады.
Боранбаевтың қызы Әлима – 2020 жылы көз жұмған Айсұлтан Назарбаевтың әйелі болған.
<a href="https://stan.kz/kayrat-boranbaevtin-ystalgani-turali-akparat-taradi-361713/">Stan.kz</a>

Қайрат Боранбаев ұсталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында аурухана мен мектеп құрылысы тоқтап тұр. Сондай-ақ тұрғындар осы жылдың басында қоныстануы тиіс тұтас шағын аудандағы көп қабатты үйлер де бекітілген кестеден қалып келеді. Басты мәселе тендердегі былық пен құрылыс материалдарының қымбаттауы.
Сырдария жағалауында орналасқан СПМК-70 ауданындағы бес қабатты үйлердің тендері өткен жылдың сәуір айында өтіп, құрылысы тамызда басталып, осы биылғы жылдың ақпан айында пайдалануға берілуі тиіс еді. Бірақ жоба жоспарға сай жүрмеді. Құрылыс неге тоқтады?
<blockquote>
 «Осы жерде салынып жатқан 10 көпқабатты үйдің тендерден жеңімпазы табылмай, олар бірімен-бірі соттасу себебінен құрылыс қазан айына дейін тоқтап тұрды. Құрылыс материалының бағасы 50-300% дейін көтерілді. Халықаралық жағдайға байланысты доллар бағасы тағы 25% көтерілді. Біздің құрылыс материалының кем дегенде 60% шетелден келетін болса, материал бағасы тағы көтеріледі деп отырмыз», – дейді мердігер мекеме директоры Манарбек Еспенбетов.
</blockquote>
Мердігерлер енді қаржының қайта есептеліп, айырмасын өтеуді сұрап отыр. Әйтпесе жұмыс тұралап, құрылыс алаңы қаңырап қалуы бек мүмкін. Баспана алудан үмітті тұрғындар болса әкімдік есігін күнара қағып жүр. Ал Арал ауданы Сексеуіл кентінде құрылысы 2019 жылы басталған аурухананың қазіргі жағдайы осы. Өткен жылы іске қосылып, халық саулығы жолында қызмет етуі тиіс 40 төсектік медициналық нысан жартылай салынған күйі жатыр.
<blockquote>
 «Мердігердің баяу жүргізуіне байланысты келісімшарт біржақты бұзылып, жобасына түзетулер енгізіліп жатыр. Мемлекеттік сараптама қорытындысына енгізіп қойғанбыз. Оң қорытынды алғаннан кейін қайтадан қаржы бөлініп, құрылыс жұмыстары жалғасатын болады», – дейді облыстық құрылыс басқармасының бөлім басшысы Батырбек Шаханов.
</blockquote>
Сексеуілде сондай-ақ теміржолшыларға арналып салынған қоспәтерлі тұрғын үйлердің де құрылысы аяқсыз қалып отыр. Сонымен қатар Жаңақорған ауданында іргетасы қаланған 300 орындық мектептің де мәселесі шешімін табар емес. Жалпы, облыста 26 әлеуметтік нысан құрылысы жүріп жатыр. Бірақ жобаларды мерзімінде аяқтау жағы ақсап тұр.
<a href="https://24.kz/kz/zha-aly-tar/o-am/item/533529-tenderdegi-byly-baspanasyn-k-tkender-kimdik-esigin-k-nara-a-yp-zh-r">Хабар 24</a>

Тендердегі былық: Қызылордада баспанасын күткендер әкімдік есігін күнара қағып жүр

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысында әйелдер кәсіпкерлігін дамыту орталығы ашылды.
Қызылорда облысы кәсіпкерлер палатасының алаңында өткен шараға Өңірлік кеңес пен облыстық іскер әйелдер кеңесінің мүшелері, «Amanat» партиясының аймақтық филиал және облыстық әкімдік өкілдері қатысты.
Кәсіпкерлер палатасының директоры Ғалымбек Жақсылықов орталықтың ашылу салтанатына келген қонақтарды Палатаның сүйемелдеуімен мемлекеттік бағдарламалар аясында кәсібін ашқан қыз-келіншектердің өнімдеріне арналған шағын көрмемен таныстырды.&nbsp; &nbsp;
Айта кету керек, осы күні Қазақстанның 14 өңірінде Ұлттық экономика министрлігінің «Ынтымақтастық қоры», ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия және «Атамекен» ҰКП серіктестігі аясында әйелдер кәсіпкерлігін дамыту орталығы жұмысын бастады.
Алғаш рет пилоттық жоба ретінде Әйелдер кәсіпкерлігін дамыту орталығы 2021 жылы Түркістан, Алматы және Маңғыстау облыстарында ашылған болатын.
<blockquote>
 «Әйелдер кәсіпкерлігін дамытуды қолдау әйелдердің құқықтары мен мүмкіндіктерін кеңейтуге, теңсіздіктерді қысқартуға, сондай-ақ бүкілхалықтың әлеуетіне сүйене отырып, тұрақты даму мақсаттарына қол жеткізуге, неғұрлым тұрақты экономикалық өсуге ықпал ететін болады. Біз бұл бастаманы Қазақстанның барлық өңірлерінде қолдағанамызға қуаныштымыз», – деді Қызылордадағы орталықтың ресми ашылуына онлайн қатысқан БҰҰДБ-ның Қазақстандағы Тұрақты өкілінің орынбасары Виталий Времиш.
</blockquote>
Бастама Азия Даму Банкінің қаражаты есебінен қаржыландырылады және оны Қазақстандағы БҰҰ Даму бағдарламасы жүзеге асырады.
<blockquote>
 «Азия Даму Банкі гендерлік теңдікті ілгерілетуге және әйелдердің құқықтары мен мүмкіндіктерін кеңейтуге үлкен көңіл бөледі. Әйелдер кәсіпкерлігін дамыту орталықтарын құру кәсіпкер әйелдерге жаңа мүмкіндіктер беріп қана қоймай, өз өңірі мен елінің дамуына қомақты үлес қосуға мүмкіндік береді деп үміттенеміз», – деп атап өттіі Азия Даму Банкі жобаларының үйлестірушісі Арыстан Ғалиев.
</blockquote>
Орталық кәсіпкер әйелдерді қаржылай емес қолдау алаңына айналмақ. Онда қыз-келіншектер стартаптарды іске қосу, жұмыс істеп тұрған бизнесті одан әрі кеңейту және дамыту үшін бірқатар қызметтер ала алады.Сондай-ақ оқыту бағдарламалары мен нетворкинг іс-шараларға қатысу мүмкіндігіне ие болады.
<blockquote>
 «Орталықтар әйелдер кәсіпкерлігін дамытуға, оқыту, кооперация және қажетті құзыреттерді қалыптастыру арқылы олардың экономикалық белсенділігін ынталандыруға, сондай-ақ бизнесті қолдау бағдарламалары шеңберінде жеңілдікпен несиелер мен гранттар беруге, әйелдердің жұмыспен қамтылуын қамтамасыз етуге, әйелдер мен олардың ұйымдары өндірген тауарлар мен қызметтерді өткізу нарықтарын дамытуға ықпал етуге бағытталған», – деді шарада «Атамекен» ҰКП Өңірлік даму департаментінің директоры Бауыржан Оразғалиев.
</blockquote>
Атап өту керек, Қызылорда облысында 5 жылда 5961 қыз-келіншек «Бастау Бизнес» жобасы бойынша оқып, біліктілігін көтерген. Оның 3089-ы бүгінде жеке кәсібімен айналысып жатыр.
Өткен жылы өңірде 3707 азамат кәсіпкерлікке қатысты Палата кеңесшілерінен кеңес алған болса, оның 1874-і әйелдер.
Былтыр Кәсіпкерлер палатасының кеңесшілері бизнеспен айналысып жүрген 930 кәсіпкерге сервистік қызметтер көрсеткен. Атап айтқанда, бухгалтерлік, салықтық есептерін тапсырып берген, бизнес жоспарларын әзірлеп, құқықтық қызмет көрсеткен. Қызмет алған кәсіпкерлердің 48,3 пайызы қыз-келіншектер.
Жыл басталған екі айдан 183 әйел кәсіппен айналыссам деген ниеттерін білдіріп, Палатадан кеңес алған. 67 кәсіпкер қыз-келіншекке сервистік қызмет көрсетілген.
Аймақта кәсіппен айналысамын деген қыз-келіншектер Қызылорда облысы кәсіпкерлер палатасындағы Әйелдер кәсіпкерлігін дамыту орталығынан кеңес ала алады. Мекен-жайы: Қызылорда қ., Қорқытата көш.,123, 1-қабат («Бизнеске арналған Үкімет» ғимараты), 8/7242/400202. Кеңесші: Нұрханова Жадыра Мейрамбеккызы, 8&nbsp;705&nbsp;116 19 10 (whatsapp).
<img src="https://kyzylorda-news.kz/wp-content/uploads/2022/03/img_4371-scaled.jpg" alt="" />
<img src="https://kyzylorda-news.kz/wp-content/uploads/2022/03/img_4489-scaled.jpg" alt="" />
<img src="https://kyzylorda-news.kz/wp-content/uploads/2022/03/img_4420-scaled.jpg" alt="" />

Қызылордада әйелдер кәсіпкерлігін дамыту орталығы ашылды

<a href="https://kyzylorda-news.kz/">Kyzylorda-news.kz.</a> Ұлыстың Ұлы күні – Наурыз мейрамын облыс көлемінде жоғары деңгейде атап өту мақсатында барлық мәдениет ұйымдарында 500-ден аса іс-шара ұйымдастырылады. Оның 25-і облыс орталығында өтеді. Бұл туралы Өңірлік коммуникациялар қызметінде өткен баспасөз конференциясында облыстық мәдениет, архивтер және құжаттама басқармасының басшысы Асқарбек Есжанов хабарлады.
«Шаралар 14 наурыз «Қауышу» күніне арналған облыстық филармонияның «Жылнама» атты ұлттық салт-дәстүрімізді насихаттауға бағытталған мәдени шарамен бастау алды.
<blockquote>
 «14-24 наурыз аралығында облыс кітапханаларында «Наурыз – береке, Наурыз – мереке», «Наурыз тойы – мерекем, салт-дәстүр – берекем», «Ұлыстың ұлы күні» тақырыптарында кітап көрмелері мен поэзия кештері, облыс музейлерінде «Дәстүрлер жаңғырығы», «Ұлттық салт-дәстүр», «Наурыз айшықтары» тақырыптық экскурсиялар мен ашық есік күндері және облыстық тарихи-өлкетану музейінде «Ұлттық рухани жаңғыру» ұлттық жобасы аясында «Көшпенділер өркениеті: қазақтың ат әбзелдері» атты этнографиялық көрме ұйымдастырылады», – деді Асқарбек Темірбекұлы.
</blockquote>
Сонымен бірге 19 наурыз және 22 наурыз күндері «Aray City Mаll» сауда орталығында «Наурызым – нұрлы ырысым» атты салт-дәстүрлерімізді айшықтайтын көріністер мен дәстүрлі орындаушылардың концерттері ұйымдастырылып, ұлттық ойындар өткізіледі.
Балалар жылына орай 21 наурызда Ә.Тәжібаев атындағы облыстық әмбебап ғылыми кітапханасында «Балалар кітап әлемінде» балаларға арналған мерекелік кеш, онан соң «Еркетай» балалар алаңы ашылады.
17-23 наурыз аралығында Н.Бекежанов атындағы қазақ академиялық музыкалық драма театрында М.Ахмановтың «Наурыз думан», Г.Ландудың «Балапан қораз», облыстық филармонияда «Әдемі» балалар театр студиясының «Ұлы даланың ұлық тойы» атты балаларға арналған қойылымдары жас бүлдіршіндерге ұсынылатын болады.
21 наурыз күні А.Тоқмағамбетов атындағы мәдениет үйінде «Көктем нұры» атты республикалық оқушылар айтысы ұйымдастырылмақ.
Сонымен қатар, Сыр өңіріне Атырау, Нұр-Сұлтан қаласының өнер ұжымдарының гастрольдік қойылым-концерттері жоспарлануда. Бүгін сағат 18.00-де Атырау облыстық филармониясының концерті өтеді.

Асқарбек Есжанов: Мәдени шаралар салт-дәстүрімізді жаңғырта түспек

<a href="https://kyzylorda-news.kz/">Kyzylorda-news.kz.</a> Еліміздің аумағындағы 6 740 бей-берекет қоқыс алаңы жойылды. Бұл туралы ҚР Экология, геология және табиғи ресурстар министрлігі Экологиялық реттеу және бақылау комитетінің төрағасы Зұлфуһар Жолдасов айтты, деп хабарлайды ҚазАқпарат.
<blockquote>
 «Азаматтарды алаңдататын тағы бір өзекті мәселе – қоқыстарды орналастыру. Қазіргі уақытта заңсыз қоқыс алаңдарын ғарыштан мониторингілеу жүзеге асырылады. Оның барысында 7 328 заңсыз қоқыс алаңы анықталды және 6 740-ы немесе 89 пайызы жойылды», – деді комитет төрағасы Орталық коммуникациялар қызметіндегі баспасөз мәслихаты барысында
</blockquote>
Зұлфуһар Жолдасовтың дерегінше, Қызылорда, Атырау облыстарында, Алматы мен Шымкент қалаларында бей-берекет қоқыс алаңдары толығымен жойылған.
Жалпы, Экология министрлігінің қауырт желісіне 479 өтінім түссе, оның 54 пайызы дәл осы бей-берекет қоқыс алаңдарына қатысты болып тұр. Қордаланған проблеманы шешу үшін жұмыс істеп тұрған қоқыс алаңдарын жою жаңа алаңдардың пайда болуына жол бермеу бойынша кешенді іс-шаралар әзірленген.

Қызылорда облысында бей-берекет қоқыс алаңдары толығымен жойылды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қ.Тоқаевтың Жарлығына сәйкес, мемлекеттік қызметшілерге арналған Әдеп кодексінің жаңа редакциясы қабылданды. Нақтырық айтсақ кодекстің құрылымы өзгертіліп, «Мемлекеттік қызметтің әдептік қағидаттары» туралы тарау енгізілді.
Бұл туралы Өңірлік коммуникациялар қызметінде өткен брифингте ҚР Мемлекеттік қызмет істері агенттігінің облыс бойынша департаменті басшысының міндетін атқарушы Берікбол Байхожаев хабарлады.
<blockquote>
 «Бұл кодекс мемлекеттік қызметшілердің қызметтік әдебін стандарттауға және өрескел мінез-құлықтың алдын алуға бағытталған. Осыған сәйкес, мемлекеттік қызметшілердің қызметтік әдебі туралы 6 қағида негізделді. Атап айтқанда, адал ниеттілік, адалдық, әділдік, ашықтық, сыпайылық, клиентке бағдарлану тараулары бар. Жалпы жаңа әдеп кодексі қызметтік әдеп стандарттарын белгілеуге бағытталған және мемлекеттік қызметшілердің бойында моральдық-адамгершілік қасиеттерді орнықтырудың негізі болып табылады», – деді Берікбол Байхожаев.
</blockquote>
ҚР Президент жанындағы мемлекеттік басқару академиясы – мемлекеттік қызметшілерді даярлауды, біліктілікті арттыруды қамтамасыз ететін мамандандырылған жоғары оқу орны. Облыста «Б» корпусының мемлекеттік әкімшілік қызметшілер саны үш мыңнан асады.
<blockquote>
 «Былтыр облыстағы филиалда 1509 тыңдаушы оқудан өтті. Оның 801-і мемлекеттік қызметшілер. Биылғы жылдың қысқа мерзімді бағдарламасына бағалау жүйесінің жаңа тәсілдері енгізілмек. Сонымен қатар кешенді оқыту, оқытудың кейстік форматын кеңінен қолдану, қайта даярлау курстарына мотивациялық дәрістер енгізіледі», – деді ҚР Президентінің жанындағы Мемлекеттік басқару академиясының облыс бойынша филиалының директоры Мұрат Әйтімов.
</blockquote>

Мемлекеттік қызметшілердің жаңа әдеп кодексі енгізілді

<a href="https://kyzylorda-news.kz/">Kyzylorda-news.kz.</a>&nbsp; Елдегі эпидемиологиялық ахуалдың тұрақтануына байланысты мерекелік шаралар санитарлық нормаларды сақтай отырып офлайн режимінде аталып өтілмек. Сыр өңіріндегі мейрам кеше Амал мерекесімен басталды. Негізгі шаралар облыс орталығында 21-22 наурыз күндері аралығында өткізіледі.
Өңірлік коммуникациялар қызметінде өткен баспасөз конференциясында облыстық ішкі саясат басқармасының басшысы Мира Қазбекова.
<blockquote>
 «9 күн бойы Ұлыстың ұлы күні аталып өтіледі. Әрбір күн бір атаулы іс-шараға арналады. Шараны ұйымдастырудың идеялық мазмұны алдымен салт-дәстүрді, әдет-ғұрыптарды жаңғыртып, насихаттау боп табылмақ. 
 15 наурызға – Дәстүрлі құндылықтар күні деген атау бердік. Бүгіннен бастап барлық білім беру ұйымдарында «Наурыз мейрамы» ұғымының пайда болу тарихы туралы тәрбие сағаттары, дәрістер, көрмелер, экскурсиялар ұйымдастырылуда. 
 Сонымен қатар, қайырымдылық шаралары Наурыз мейрамының маңызды құрамдас бөлігі. 16 наурыздан бастап меценаттарды, кәсіпкерлер мен еріктілерді тарта отырып, қала, аудандарда, кент және ауылдық округтерде «Наурыз мейірімі» қайырымдылық акциялары өткізіледі. 
 Наурыз мерекесінде ұлттық спорт түрлерін кеңінен насихаттауға жол ашуымыз керек. Осы ретте, 17 наурызда мерекені бұқаралық тойлау мақсатында халық көп шоғырланған орындарда, орталық стадионда ұлттық спорт түрлерінен сайыстар, тұрғындарға арналған «Спорт алаңдары» атты шаралар ұйымдастырылады», – деді Мира Жомартқызы.
</blockquote>
Балалар жылына орай, 18-не «Наурыз қоржыны» акциясы, «Наурыз шапағаты», «Балаларға базарлық», «Ертегілер елінде»секілді жеткіншектерге арналған шаралар өткізілмек.
Қоршаған ортаны қорғауға бағытталған шараларды ұйымдастыруға байланысты 19 наурызда жалпыхалықтық сенбілік болады. Ал, 20 наурыз қолөнер туындыларын әзірлейтін шеберлер күніне арналады. 
Айта кетейік, облыстық ішкі саясат басқармасы 14-22 наурыз аралығында түрлі форматта барлығы 80-ге жуық шараны өткізуді жоспарлауда.
<img src="https://kyzylorda-news.kz/wp-content/uploads/2022/03/275894662_1491332501262257_6818195953357927839_n.jpg" alt="" />
Облыстық ішкі саясат басқармасының басшысы Мира Қазбекова

Қызылордада Наурыз мейрамы орталық алаңда тойланады

<a href="https://kyzylorda-news.kz/">Kyzylorda-news.kz.</a>&nbsp; Болат Назарбаев пен Қайрат Шәріпбаевқа қарасты майнинг фермалары қызметін тоқтатты.
<blockquote>
 «Жүргізілген алдын алу шараларының нәтижесінде 55 майнинг фермалары қызметін өз еркімен тоқтатты. Олардың қатарында Павлодар облысында танымал кәсіпкерлер Болат Назарбаев және Александр Клебановпен үлестес фирмалар бар. Сондай-ақ, «QazaqGaz»ұлттық компаниясы» АҚ-ның Ақтөбе облысындағы бұрынғы басқарма төрағасы Қайрат Шәріпбаев және Қарағанды облысындағы танымал бизнесмендердің бірі Ерлан Нығматуллин болды», – делінген Қаржылық мониторинг агенттігінің хабарламасында.
</blockquote>

Болат Назарбаевқа қарасты майнинг фермасы қызметін тоқтатты

<a href="https://kyzylorda-news.kz/">Kyzylorda-news.kz.</a>&nbsp; 16 наурызда Мемлекет басшысы Қасым-Жомарт Тоқаев тікелей эфирде Қазақстан халқына Жолдау жариялайды.
Президент Жолдауында жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылады.
Мемлекет басшысының Жолдауы сағат 11:00-де (жергілікті уақытпен 10.00-де) республикалық телеарналардан тікелей эфирде көрсетіледі. Сондай-ақ «БОРТ N1» тelegram-каналы жиыннан жедел хабар таратады.

Қазақстан және Қызылорда облысының жаңалықтары