<a href="https://kyzylorda-news.kz/">Kyzylorda-news.kz.</a> 12 тамыз – Халықаралық жастар күніне орай облыс көлемінде ауқымды шаралар өткізілмек. Бүгінде аймақ бойынша атаулы датаға орай жастар апталығы жарияланды.
<blockquote>
 «Бүгіннен бастап қала мен барлық аудандарда халықаралық жастар күніне орай өткізілетін іс-шаралар туралы ақпараттандыру жұмыстары жүргізілуде. Апта бойы ұйымдастырылатын мерекелік шаралар әр күні әртүрлі атаумен өткізілетін болады. Атап айтсақ, 5 тамыз – «Жастар апталығының» ашылу күні, 6 тамыз – «Экомәдениетті дамыту күні», 7 тамыз – «Таланттар күні», 8 тамыз – «Еңбек күні», 9 тамыз – «Балаларға қуаныш сыйлау күні», 10 тамыз – «OPEN AIR», 11 тамыз – «Спорт күні», 12 тамыз – «Мүмкіндіктер және инновациялық идеялар күні» болып белгіленді. Бұл атаулы күндердің барлығы жастардың рухани азық алуына және салауатты өмір салтын қалыптастыруға арналған», – деді облыстық «Жастар ресурстық орталығы» КММ директоры Мақсат Дауылбай.
</blockquote>
Сонымен қатар облыстық «Жастар ресурстық орталығының» ұйымдастыруымен «Кинотаим», «ЖазғыFEST», «Бір толқында», «TabooArt», «Мінбер» сынды мәдени-көпшілік іс шаралар өткізіледі.
<blockquote>
 «Халықаралық жастар күні қарсаңында «Жастар рухы» жастар қанаты партиясы жүзеге асырып келе жатқан «Ардагерлерді ардақтайық» бастау алды. Мұнда жастардың қатысуымен Ұлы Отан соғысының ардагерлері мен жалғыз басты қарттарымызға көмек көрсетіледі. Одан бөлек, біздің партиямызда «Кеңес орталығы» жобасы 7-10 тамыз аралығында облыс көлемінде жүргізіледі. Былтыр осы орталықта алты мыңға жуық жас кеңес алған болатын. Осы жылы «Бір толқында» деп аталатын жаңа жоба тұсауын кеседі. Онда жас депутаттар мен жастар арасында еркін форматтағы кездесуі ұйымдастырылады», – деді «Жастар рухы» жастар қанатының Қызылорда облыстық филиалы төрағасының міндетін атқарушы Әсем Бекнұрқызы.
</blockquote>
Қала көлемінде Халықаралық жастар күніне орай өткізілетін негізгі іс шаралар тізбесі жинақталды. Соның бірі – 10-12 тамыз аралығындағы күндер «Ауыл жастары» күні.
<blockquote>
 «Қалаға қарасты кент және ауылдық округтерде мәдени-спорттық шаралар ұйымдастырылады. Сонымен қатар, биылдан бастап қала әкімінің «Самғау» жастар сыйлығы кәсіптік маман иелеріне 10 түрлі бағыт бойынша табысталатын болады. Мұнан өзге мерекелік шаралар толастамайды. Барлық қызылордалық жастарды мерекелерімен құттықтаймын»,- деді «Qosyl» жастар ресурстық орталығының директоры Әліби Басаров.
</blockquote>
<img src="https://kyzylorda-news.kz/wp-content/uploads/2022/08/zhastar.jpg" alt="" />

Әліби Басаров: «Ауыл жастары» күні ұйымдастырылады

<a href="https://kyzylorda-news.kz/">Kyzylorda-news.kz.</a>&nbsp;Бүгін Шиелі ауданында әлеуметтік маңызы бар азық-түлік өнімдерінің жәрмеңкесі өтті.
Жәрмеңкеде «Байқоңыр» ӘКК» АҚ (Өңірлік тұрақтандыру қоры) тарапынан және аудан кәсіпкерлерінің тарапынан барлығы 15 тоннадан астам әлеуметтік маңызы бар азық-түлік тауарлары нарық бағасынан төмен бағада саудаланды.
Атап айтқанда, 1 тоннадан астам ақталған күріш, 1 тонна картоп, 5 тонна 1 сортты ұн, 0,5 тонна қарақұмық жармасы, 2 тонна қант, 1,2 тонна күбағыс майы, 7200 дана жұмыртқа, 1 тонна ет пен 200 кг шұжық, 0,5 тонна балық, 400 литр шұбат, Иіркөл ауылдық округіне 1 тонна қызанақ, Бәйтерек ауылдық округінен 300 кг қызанақ пен 1 тонна қауын тұрғындарға ұсынылды.
Қант 444 теңге, күріштің келісі 175 теңге, құрақұмық жармасы 514 теңге, күнбағыс майы 630 теңге болса, жұмыртқа 29 теңгеден сатылды.
Ет – 1700 теңгеден болса, балық 500 бен 1200 теңге аралығында. Шұжық өнімдері 1500 теңгеден басталса, бірінші сорт ұнның келісі 135 теңгеден, картоп 130 теңгеден сатылды.
Шұбат 950-1000 теңгеден, қызанақ 50-70 теңгеден, ал қауынның келісі 50 теңгеден саудаланып, жәрмеңкеге келушілер ерекше ризашылығын, ұйымдастырушыларға алғысын білдірді.
<img src="https://kyzylorda-news.kz/wp-content/uploads/2022/08/297748543_1367114310485691_267122053541947695_n.jpg" alt="" />
<img src="https://kyzylorda-news.kz/wp-content/uploads/2022/08/kawyn.jpg" alt="" />

Шиеліде азық-түлік өнімдерінің жәрмеңкесі өтті

<a href="https://kyzylorda-news.kz/">Kyzylorda-news.kz.</a> Аймақ басшысының тікелей тапсырмасына сәйкес, облыс әкімінің орынбасары Мархабат Жайымбетұлының төрағалығымен өткен жиында коммуналдық мекемелердің қалыптасқан қарыздарын жою және алдағы жылу маусымына дайындық барысы талқыланды.
Жиында халық үшін ең маңызды тіршілікті қамтамасыз ету нысандары басшыларының саладағы қазіргі қалыптасқан жағдайды шешу мақсатында негізгі жұмыстары тыңдалды.
Мархабат Жайымбетұлы сала басшыларының жұмысын қатаң сынға алып, бұл бағыттағы жұмыстарды күшейту қажеттігін және жыл басынан бері коммуналдық мекемелердің арасындағы қарыздардың өскенін айтты. Соңғы мәліметтер бойынша, бүгіннің өзінде «Қызылордажылуэлектрорталығы» кәсіпорнына «Қызылорда электр тарату тораптары компаниясы» АҚ, «Қызылорда Су жүйесі» және «Энергосервис», «Дәулетэнерго», серкітестіктерініңберешектері 725 млн. теңгеге көбейген.
Ал, бір ғана «Қызылорда электр тарату тораптары компаниясы» АҚ-на мекемелер 365 млн. теңге қарыз. Облыс әкімінің орынбасары кәсіпорындар арасындағы қарыздарды өтеуге жауапкершілікпен қарап, жедел шешуді және оның алдағы жылу беру маусымын ұйымдастыруда кері әсерін тигізіп, сапалы қызмет көрсетуге тікелей қатысты екендігін атап өтті. Сонымен бірге, туындауы мүмкін мәселелердің алдын алу үшін, жылу беру маусымына дайындық жұмыстарына осы кезден қамдану қажеттігін тапсырды.
<blockquote>
 «Алда ең басты міндет тұр, ол – жылу беру маусымын бірқалыпты өткізу, сондықтан жылу маусымының тұрақты өтуі барлығына сын, әсіресе, нақты нысан бойынша жауапты басшыларға қойылар талап күшейеді», – деді Мархабат Жайымбетов.
</blockquote>
Жиналыс қорытындысымен коммуналдық салада қалыптасқан қарыздарды жою және салаға қатысты басқа да қажетті жұмыстарды сапалы ұйымдастыруға бағытталған нақты тапсырмалар берілді.
<img src="https://kyzylorda-news.kz/wp-content/uploads/2022/08/zhajymbetov.jpg" alt="" />

Басты міндет – халыққа сапалы коммуналдық қызмет көрсетіп, жылу маусымын тұрақты өткізу

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің бірінші орынбасары Серік Қожаниязовтың төрағалығымен облыс прокуратурасымен облыс бойынша полигондар қызметіне жүргізілген талдау нәтижесінде анықталған заң бұзушылықтарды жою мен облыста қалдықтарға арналған полигондар жүйесін дамыту мәселесі бойынша мәжіліс өткізілді.
Мәжіліске облыс прокурорының орынбасары Б. Мырзабаев, Қызылорда қаласының әкімі А. Шаменов, облыс прокурорының аға көмекшісі Т. Бектұрсынов, уәкілетті мемлекеттік органдардың басшылары және селекторлық режимде аудан әкімдерінің орынбасарлары қатысты.
Күн тәртібі бойынша облыс прокурорының аға көмекшісі Т. Бектұрсынов талдау нәтижесімен полигондар қызметінде анықталған заң бұзушылықтарға тоқталып, әзірленген ұсынымдарды атап өтті.
Сондай-ақ, басқарма басшысы М. Құрманбаев облыстағы полигондардың жәй-күйі, Арал ауданының Сексеуіл кентіндегі, Жалағаш, Сырдария және Шиелі аудандарында жүзеге асырылатын сұрыптау кешендері бар полигондардың жобаларына кеңінен тоқталып өтті.
Мәжіліс қорытындысымен Жосалы, Жалағаш, Тереңөзек, Шиелі және Жаңақорған кенттеріндегі полигон қызметі үшін берілген жер учаскелерін қоршап, қалдықтарды қабылдау және күзет–бақылау пункттерін ұйымдастыру, жеке кәсіпкерлік субъектілерін тарту арқылы полигон басында кіші сұрыптау желілері құрылатын болып шешілді.
<img src="https://kyzylorda-news.kz/wp-content/uploads/2022/08/poligon.jpg" alt="" />

Облыстағы полигон қызметін ұйымдастыру мәселелері қаралды

<a href="https://kyzylorda-news.kz/">Kyzylorda-news.kz.</a> Алдағы күндері елдің басым бөлігіндегі ауа райына оңтүстік циклон және онымен байланысты атмосфералық фронтальды бөлімдер әсер етеді.
Көбінесе жаңбырлы ауа райы болжанады. Найзағай, екпінді жел, өткінші жаңбыр жауады.
Республиканың орталығында, солтүстігінде, оңтүстігінде және оңтүстік-шығысында қатты жаңбыр, бұршақ жауып, қатты жел соғуы мүмкін.
Өңірлер бойынша: 
батыста +30 +37°С; 
оңтүстік-батыста +27 +37°С; 
солтүстік-батыста +27 +35°С; 
Солтүстік пен шығыста + 22 + 30 жылы; 
орталықта +20 +28 градус; 
елдің оңтүстігінде және оңтүстік-шығысында +30 +35°С шегінде; 
таулы аудандарда +25°С шамасында.

Алдағы күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясының облыстық филиалында азық-түлік тауарларының бағаларына сараптама жүргізу жөніндегі мониторингтік топ мүшелерінің, облыстық ауыл шаруашылығы және жер қатынастары мен кәсіпкерлік және өнеркәсіп басқармаларының, ҚР Бәсекелестікті қорғау және дамыту Агенттігінің Қызылорда облысы бойынша департаменті мен «Байқоңыр» ӘКК» АҚ басшыларының қатысуымен негізгі азық-түлік өнімдері бағаларының тұрақтылығын қамтамасыз ету бойынша арнайы жиын өтті.
Жиында қазіргі уақытта күн тәртібінен түспей тұрған әлеуметтік маңызы бар азық-түлік бағасының жай-күйі қаралып, бұл бағыттағы аймақта орын алып отырған проблемалық мәселелер мен олардың шешілу жолдары талқыланды және мониторинг топ мүшелерімен мәселені шешу туралы нақты ұсыныстар айтылды.
Олардың негізгілеріне тоқтап өтсек, азық-түлік бағасын тұрақтандыру бағдарламасы шеңберінде барлық сауда нысандарымен меморандумдарға отыру, қаладағы ірі сауда үйлерінде «Байқоңыр» ӘКК-ның сауда бұрыштарын көбейту, оларды негізгі азық-түлік өнімдерінің барлық түрімен қамту мен бағаларды тұрақтандыру бойынша жедел желі телефондарын орналастыру және т.б. бағыттарда болды.
Сонымен бірге партия алаңында қаралған маңызды мәселе осы айда өңірімізге жұмыс сапарымен келетін ҚР Парламенті Мәжілісі депутаттарының алдында көтеріліп, ұсыныстар беріліп, кеңінен талқыланатын болады.
Айта кетейік а.ж. 27 шілдесінен бастап өңірде облыс орталығы мен барлық аудандарды қоса есептегенде құрамы 77 адамнан тұратын 10 мониторингтік топ құрылып, 84 сауда нысандарына бақылау жұмыстары жүргізілді және бұл жұмыстар алдағы кезеңдерде жалғасатын болады. 
Өз кезегінде мониторинг топ мүшелері азық-түлік бағаларынан бөлек, қымбатшылыққа қарсы басқа да тауарлардың бағаларына бақылау жүргізу туралы ұсыныс білдірді. Мысалы: мектепке дайындық жұмыстары аясындағы оқуға қажетті тауарлар бағасы және т.б.
<img src="https://kyzylorda-news.kz/wp-content/uploads/2022/08/amanat.jpg" alt="" />

Қызылордада әлеуметтік маңызы бар азық-түлік мәселесі партия алаңында талқыланды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша бірінші сыныпқа құжат қабылдау аяқталды. Осыған сәйкес, 2022-2023 жаңа оқу жылында аймақта 17 898 бала бірінші сыныпқа қабылданады деп күтілуде. Сондай-ақ, жаңа оку жылы дәстүрлі форматта басталады. Алайда, аймақтағы эпидемиологиялық жағдайға байланысты бірқатар шектеулер қойылуы мүмкін. Бұл туралы Өңірлік коммуникациялар қызметінде өткен баспасөз конференциясында облыстық білім басқармасы басшысының орынбасары Бағдат Бердаулетов хабарлады.
<blockquote>
 «Мектепке құжат қабылдау электронды түрде және қағаз түрінде 1 сәуір мен 1 тамыз аралығында өткізілді. Осы уақыт аралығында ата-аналардан 17 371 өтініш түсіп, оның барлығы өңделді. Жаңа оқу жылына қабылданатын оқушылардың 89,7 пайызы қазақ тілінде оқытылатын болады. Бұл көрсеткіш бойынша біздің облысымыз республикада көш бастап тұр. Жалпы барлық беру ұйымдарында жаңа оқу жылына дайындық жұмыстары жүргізілуде. Осы ретте айта кетейін, алдағы оқу жылы дәстүрлі түрде өткізілетін болады. Дегенмен, өңірдегі эпидахуалға байланысты бірқатар шектеулер болуы мүмкін», – деді басқарма басшысының орынбасары Бағдат Бердаулетов.
</blockquote>
Бүгінде облыста «Мектепке жол» республикалық акциясы жүргізілуде. Бұл акция 30 қыркүйекке дейін жалғаспақ. Жалпы өңірде осал топқа жататын 31 мыңнан астам бала болса, оның 13 мыңнан астамы атаулы әлеуметтік көмек алатын отбасынан.
<blockquote>
 «Акция «Мектепке жол – Шекарасыз жақсылық» тақырыбымен өткізіледі. Қазіргі таңда қайырымдылық акциясын өткізудің өңірлік іс-шаралар жоспары бекітілді. Осыған сәйкес міндетті оқу қоры есебінен көмек алатын оқушылардың тізімі жинақталуда. Ал мектеп формасына келетін болсақ, ата-аналар мен заңды өкілдер мектеп формасы туралы мәселелерді талқылауға қатысады және өз ұсыныстарын енгізе алады. Мектеп формасына өзгерістер енгізу туралы шешім мектеп жанындағы қамқоршылық кеңеспен келісу арқылы мекеме басшысымен бекітіледі. Егер арнайы форма жасақталмаған жағдайда оны сатып алу міндеттелмейді», – деді Бағдат Қамбозұлы.
</blockquote>
<img src="https://kyzylorda-news.kz/wp-content/uploads/2022/08/297635384_1590640317998141_159556055632371067_n.jpg" alt="" />

Жаңа оқу жылы дәстүрлі форматта басталады

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігі Балалардың құқықтарын қорғау комитеті «Мектепке жол» республикалық қайырымдылық акциясын іске қосты. Балалар жылында бұл акция «Мектепке жол – Шекарасыз жақсылық» ұранымен өтіп жатыр. Акция 2022 жылғы 31 тамызға дейін, яғни жаңа оқу жылы басталғанға дейін жалғасады.
Науқанға кез келген адам қатыса алады: еріктілер, бизнесмендер, меценаттар, үкіметтік емес ұйымдар және т.б. Қатысушылар мұқтаж отбасылар мен балаларға қолдау көрсете алады немесе керісінше көмек сұрай алады.
<blockquote>
 «Акция аз қамтылған, көп балалы отбасылардан шыққан мектеп оқушыларына, жетім және ата-анасының қамқорлығынсыз қалған балаларға қажетті көмек көрсету мақсатында өткізіліп отыр. Балаларды жаңа оқу жылына дайындауға кез келген адам көмектесе алады. Осылайша әлеуметтік себептермен балалардың мектепке бармауының алдын аламыз. Әрбір мектепте әлеуметтік көмекке мұқтаж балалардың атаулы, жеке тізімдері жасалған. Білім беру ұйымдарында «жедел желі» үздіксіз жұмысы ұйымдастырылған. Қиын өмірлік жағдайға тап болған барлық бала мен ата-ана көмек сұрай алады. Өз кезегінде бей-жай қарамайтын азаматтар, кәсіпкерлер, меценаттар акцияға қосылып, мұқтаж жандарға қол ұшын соза алады», – деді ҚР Оқу-ағарту министрлігі Балалардың құқықтарын қорғау комитетінің төрағасы Есенғазы Иманғалиев.
</blockquote>
«Мектепке жол» акциясы жыл сайын жаңа оқу жылы қарсаңында өткізілетінін атап өтейік. Акцияның 10 жылында 2 млн-нан астам балаға материалдық көмек көрсетілді. 
«Мектепке жол» акциясына қатысу үшін білім басқармалары мен ұйымдарына хабарласу қажет. 
?Облыстық білім басқармаларының сенім телефондары:
<ol>
<li>Нұр-Сұлтан қаласы 
8 7172 55 69 60 
8 775 463 50 46</li>
<li>Алматы қаласы 
8 776 243 03 59</li>
<li>Шымкент қаласы 
8 7252 39 49 26 
8 707 904 04 95 
8 702 955 51 73</li>
<li>Алматы облысы 
87475028538 
87769796064</li>
<li>Ақмола облысы 
8 7162 72 29 03 
8 771 349 11 21 
8 708 444 52 32</li>
<li>Ақтөбе облысы 
8 702 031 25 22 
8 7132 98 11 31 
8 776 038 78 78 
8 705 507 71 78 
8 705 744 47 44</li>
<li>Атырау облысы 
8 7122 32 10 05</li>
<li>Шығыс Қазақстан облысы 
8 7232 70 23 57 
8 702 930 70 90</li>
<li>Жамбыл облысы 
8 7262 43-88-39 
8 708 614 24 05</li>
<li>Батыс Қазақстан облысы 
8 7112 2604 63 
8 747 475 25 31</li>
<li>Қарағанды облысы 
8 7212 25 25 02 
8 747 491 12 91</li>
<li>Қостанай облысы 
8 7142 39 08 28 
8 777 58 58 203 
8 708 087 42 01</li>
<li>Қызылорда облысы 
8 7242 60 54 81 
8 7242 60 54 58 
8 705 787 25 96 
8 775 370 60 15</li>
<li>Маңғыстау облысы 
8 7292 60 75 15 
8 7292 57 12 27 
8 702 995 36 39 
8 701 677 26 04</li>
<li>Павлодар облысы 
8 7182 32 09 65 
8 705 165 72 72</li>
<li>Солтүстік Қазақстан облысы 
8 7152 35 00 07 
8 777 536 14 54</li>
<li>Түркістан облысы 
8 707 684 71 00 
8 700 205 94 10 
8 702 625 65 62</li>
<li>Жетісу облысы 
8 702 374 77 09 
8 707 728 26 06 
8 705 226 26 13</li>
<li>Абай облысы 
8 7222 52 48 27</li>
<li>Ұлытау облысы 
8 7106 33 45 86 
8 7106 33 79 34</li>
</ol>

Қызылорда: «Мектепке жол» акциясына қатысу үшін қайда хабарласу керек?

Қызылорда облысы әкімінің гранты бөлінді

<a href="https://kyzylorda-news.kz/">Kyzylorda-news.kz.</a>&nbsp;Кейінгі кезде интернет алаяқтық деректері көбейіп барады. Мәселен 2016 жылы елде 1 мың қылмыстық іс тіркелсе, былтыр бірден 20 мыңға көбейді. Яғни 2021 жылы 21 мың іс тіркелді.
Интернет арқылы аңқау азаматтардың іші-бауырына кіріп, тонайтындар биыл да тыйылмай тұр. Жыл басынан бері 11 763 дерек анықталды. Келтірілген шығын көлемі 7 миллиард теңдеген асады. Осындай алаяқтықпен айналысқан 571 азамат ұсталды. 17 қылмыстық топтың жолы кесілді.
<img src="https://kyzylorda-news.kz/wp-content/uploads/2022/08/38a220819cfa97ccb7385ac304c7fa43_l.jpg" alt="" />

Интернет алаяқтық жасау дерегі 20 мыңға көбейді

<a href="https://kyzylorda-news.kz/">Kyzylorda-news.kz.</a> Ел қорғаны тәртіп сақшыларының қызметі халықтың сенімі арқылы өлшенеді. Халық көкейіндегі мәселелерді шешу және олардың конституциялық құқықтарының қорғалуы Полиция департаментінің басты назарында.
Азаматтарды жеке қабылдау мәселесі – полиция қызметіндегі басты бағыттардың бірі. Азаматтардың арыз-шағымдарын қарау барысы Полиция департаменті басшылығының қатаң бақылауда. Әрбір келіп түскен өтініш назардан тыс қалмайды.
Қызылорда облысы Полиция департаментінің бастығы полиция полковнигі Мұхтар Қожабаев үш азаматты жеке қабылдады.
Қабылдауға келген тұрғындар әкімшілік және қылмыстық істер бойынша мәселелер қозғап, өз пікірлерін білдірді. Көтерілген барлық уәжі назарға алынып, сол істердің аясында түсіндірме жұмыстары жүргізілді.
Облыстық полиция департамент бастығының орынбасарына, Тергеу басқармасының, Қызылорда қалалық полиция басқармасының басшыларына тиісті тапсырмалар берілді. Сондай-ақ қылмыстық, әкімшілік істердің тергеп-тексеруі басшы құрамның бақылауында болатындығы ескертілді.
Азаматтардың әрбір өтініші бойынша тиісті тексерулер жүргізіліп, оларға міндетті түрде жазбаша түрде жауап қайтарылатын болады.
<img src="https://kyzylorda-news.kz/wp-content/uploads/2022/08/0v4a0495-scaled.jpg" alt="" />

Полиция департаментінің бастығы жеке қабылдау өткізді

<a href="https://kyzylorda-news.kz/">Kyzylorda-news.kz.</a> Жаңақорған ауданында заманауи үлгідегі саябақ құрылысы жүргізіліп жатыр.
ҚР Президенті Қасым-Жомарт Тоқаев өскелең ұрпаққа жол ашу үшін барлық жағдайды жасау қажеттігін айта келе, Барыс жылын «Балалар жылы» деп жариялаған болатын.
Мемлекет басшысы 2022 жылды тек ұрандап немесе мереке түрінде атап өту ғана емес, балаларды қорғау мақсатында ең алдымен билік тарапынан денсаулық сақтау, білім беру және әлеуметтік қамсыздандыру саласында нақты іс-шаралар жасалуы керектігін қадап айтты.
<blockquote>
 «Өскелең ұрпақтың үйлесімді дамуы мен бақытты балалық, бұл – біздің жалпыұлттық міндетіміз», – деді Президент.
</blockquote>
Осыған орай, аудан әкімі Мұрат Тілеуімбетовтің бастамасымен, жергілікті кәсіпкердің демеушілігімен Жаңақорған кенті, Қорасан Ата көшесінің бойында (жер көлемі 2 гектар) үлкен заманауи үлгідегі саябақтың құрылысы жүргізілуде. Саябақтың ашылуы осы жылдың қазан айына жоспарлануда.
Саябақта субұрқақ, түрлі аттракциондар, мәдени шаралар үшін ашық сахна, спорттық алаң, жүгіру және вело алаңы, неке қию орны болады. Сондай ақ, саябақ ішіне көгал және саялы, сәнді ағаштар егіледі. Бұл аудан халқы үшін ерекше сый болмақ. Балалардың бос уақытын тиімді өткізіп, мәдени-спорттық шараларға қатысып, аудан тынысына араласуына мол мүмкіндік туады.
<img src="https://kyzylorda-news.kz/wp-content/uploads/2022/08/sajabak.jpg" alt="" />
<img src="https://kyzylorda-news.kz/wp-content/uploads/2022/08/sajabak1.jpg" alt="" />
<img src="https://kyzylorda-news.kz/wp-content/uploads/2022/08/sajabak2.jpg" alt="" />
<img src="https://kyzylorda-news.kz/wp-content/uploads/2022/08/sajabak3.jpg" alt="" />
<img src="https://kyzylorda-news.kz/wp-content/uploads/2022/08/sajabak4.jpg" alt="" />
<img src="https://kyzylorda-news.kz/wp-content/uploads/2022/08/sajabak5.jpg" alt="" />
<img src="https://kyzylorda-news.kz/wp-content/uploads/2022/08/sajabak7.jpg" alt="" />
<img src="https://kyzylorda-news.kz/wp-content/uploads/2022/08/sajabak8.jpg" alt="" />
<img src="https://kyzylorda-news.kz/wp-content/uploads/2022/08/sajabak9.jpg" alt="" />
<img src="https://kyzylorda-news.kz/wp-content/uploads/2022/08/sajabak10.jpg" alt="" />

Қазақстан және Қызылорда облысының жаңалықтары