<a href="https://kyzylorda-news.kz/">Kyzylorda-news.kz.</a> 25 қазан - Республика күнінде Сырдария ауданында көкпар сайысы ұйымдастырылды.Халқымыздың ұлттық ойындарының ішіндегі ең ерекшесі – көкпар сайысы. Елден бата алу үшін көкпар беру – атадан балаға жалғасып келе жатқан қазақтың дәстүрі.Ата дәстүрді жалғастыру мақсатында Сырдария ауданы әкімдігінің ұйымдастыруымен жергілікті көкпаршы, жылқы малының жанашыры Кенжебек Ордабаев Тереңөзек кентіндегі атшабарында жаппай көкпарға қолдау жасап, елдің ризашылығы мен ақ батасын алды.&nbsp;25 қазан - Ұлттық Республика күні аясында ұйымдастырылған шарада аудан әкімінің орынбасары Димаш Байдушев сөз сөйлеп, шабандоздарға сәттілік тіледі. Дала төсін дүбірлеткен жаппай көкпарға ауданға көршілес Жалағаш, Шиелі, Арал, Жаңақорған аудандары және Түркістан облысының жігіттері де қатысып, доданың думанын қыздырды.&nbsp;Сайыстың жалпы жүлде қоры 4 млн. теңгені құраса, «Өгіз өлдіні» салған палуанға тай бастаған тоғыз сыйға берілді.Жұртшылықты дәстүрлі ойын мен ұлттық спортқа қызықтыру, бұқаралық спортты жандандыру, жастарды отансүйгіштікке тәрбиелеу мақсатында ұлттық спорттың додасы Тереңөзек кентінде ұйымдастырылып отыр.<figure class="image"><img src="https://knadmin.beoblood.kz/uploads/kokpar1_2849694b3d.jpg" alt="кокпар1.jpg"></figure>

Сырдария ауданында көкпар ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp; "Қазгидромет" елімізде алдағы үш күнде ауа райы қандай болатынын жариялады.Синоптиктердің айтуынша, 27 қазанда еліміздің солтүстігінде жауын-шашын, ал 27-28 қазан күндері шығыс аймақта нөсер жауын (жаңбыр, қар) болады. Аптаның ортасында солтүстік-батыс антициклоны батыс облыстарға, одан кейін Қазақстан аумағының басым бөлігіне ауысып, жауын-шашын тоқтайды және ауа температурасы төмендей түседі.28 қазаннан бастап еліміздің батысына циклон ықпал етіп, жауын-шашын (жаңбыр, қар) болады. 27 қазанда оңтүстікте, 27-28 қазанда оңтүстік-шығыста атмосфералық фронталды жүйелердің өтуіне орай жауын жауады: таулы аймақтарда нөсер жауын (жаңбыр, көктайғақ) жауады. Республика бойынша жел күшейіп, батыс, солтүстік және шығыста көктайғақ болып, тұман түседі.Республиканың басым бөлігінде ауа температурасы:<ul><li>батыста ауаның температурасы түнде 8 градус аяз – 7 градус жылыдан 2 градус аяз 8 градус жылыға дейін көтеріледі, ал күндіз 3-15 градустан 2-10 градусқа дейін төмендейді.</li><li>солтүстік-батыста түнде 10 градус суық 5 градусқа дейін жылып, күндіз 5 градус суық 5 градусқа дейін жылиды.</li><li>солтүстікте температура 5 градус суық 5 градусқа дейін жылиды күндіз 3-5 градустан 0-5 градус аязға дейін аздап құбылады.</li><li>орталықта 8 градус аяз 6 градусқа дейін жылиды, 3-13 градус аяз болады, күндіз 5 градус аяздан 10 градусқа дейін жылиды.</li><li>шығыста түнде 5 градус аяз 5 градусқа дейін жылып, 3-12 градус аязға дейін төмендейді, күндіз негізгі фон 5-12 градус жылыдан 6 градус аяз 2 градус жылыға дейін сақталады;</li><li>оңтүстікте түнде 3 градус аяз 8 градус жылы болса, күндіз 2-10 градустан 7-15 градусқа дейін жылиды;</li><li>оңтүстік-шығыста түнде 8 градус аяз - 10 градусқа дейін жылып, 10 градус аяз – 5 градусқа дейін жылиды, күндіз 2-15 градус жылы 5 градус аяз 10 градус жылыға дейін төмендейді.</li></ul>

Синоптиктер алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a> Арал ауданының тұрғыны Индира Жайылғанқызы түйе жүнінен тігілген көрпелерді Қызылорда облысының танымал бренді етуге ниетті. Денсаулығына қарамастан, азаматша табысты бизнес жүргізуде. Тігін цехын ашып, қазіргі таңда мүмкіндігі шектеулі жандарды жұмысқа орналастыруда.Аяқ ангиодисплазиясы диагнозы балалық шағында қойылған. Дәрігерлер қан тамырлары құрылымының сирек ауытқуын толық емдей алмады. Ауырған аяққа жүктемені азайту үшін мұғалім болып жұмыс істеген Индира Жайылғанқызы ұстаздықты қалдыруға тура келді. Тігінші болды. Қолөнерші мен оның көмекшілері сатып алушылар арасында үлкен сұранысқа ие түйе жүнінен көрпе тігеді.<blockquote>«Цехта 20 адам жұмыс істейді, негізінен физикалық мүмкіндіктері шектеулі адамдар. 2020 жылы өзіммен тағдырлас 30 тігінші даярлап оқыттық. Олардың ішінде 3-4-і тұрақты жұмыспен қамтыдық. Қазіргі таңда 20-ның үстінде жұмыс істейді. Оның 30 пайызы мүмкіндігі шектеулі азаматтар.&nbsp; Біздің цех кезең-кезеңімен кеңейіп келеді. Шығарылатын өнімнің ассортименті артып, лазерлік гравюра технологиясы енгізілуде. Түйе көрпелерін Арал ауданының танымал брендіне айналдыру жоспарда бар», — дейді Индира Жайылғанқызы.</blockquote>

Қызылорда облысының тұрғыны тігін цехын ашты

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылордада халықаралық мәртебеге ие жергілікті әуежайға жаңа ғимарат салынады жән бұл мақсатта бюджет қаражатын жұмсалмайды.<blockquote>"Болат Өтемұратов қоры "Қорқыт-ата" Қызылорда әуежайының жолаушыларға арналған жаңа терминалының жобасын таныстырды. Еске салсақ, өткен жылдың 26 ​​қазанында Қызылорда облысының әкімдігі, "Қорқыт-ата" әуежайы" АҚ және Болат Өтемұратов атындағы қор Қызылорда әуежайының жаңа жолаушылар терминалын салу бойынша ынтымақтастық туралы меморандумға қол қойды", - деп хабарлады Қызылорда облысының әкімдігі.</blockquote>Қор жобаны толығымен қаржыландыруды жоспарлап отыр – бұл өңірге меценаттық көмек болмақ.Терминалды жобалау жұмыстары 2021 жылы басталды, жобалаушы – Нидерланды, Ресей, Түркия және Парсы шығанағы елдеріндегі әуежайларды жобалауда 20 жылдық тәжірибесі бар GMW Mimarlik түрік компаниясы.Қор қаржыландыратын жобаның құны шамамен 25 миллион АҚШ долларын құрайды. Жүзеге асыру мерзімі – 2023 жылдың ақпаны мен 2024 жылдың қыркүйегі аралығын қамтиды. Жаңа әуежай ғимаратын салу кезінде 600 жұмыс орны ашылады деп жоспарланып отыр.Жоба IATA (халықаралық әуе көлігі қауымдастығы), ІСAO (халықаралық азаматтық авиация ұйымы) және EDGE (ресурс тиімділігіне бағытталған экологиялық ғимараттарды сертификаттау жүйесі) халықаралық стандарттарының талаптарына сәйкес жүзеге асырылады. Мұнда заманауи инженерлік жабдықтар мен архитектуралық шешімдер, экологиялық таза құрылыс материалдары қолданылады.Шыны витраждары бар екі қабатты терминалдың жалпы ауданы 7 500 шаршы метрді құрайды. Ғимарат сырты табиғи тас және қасбеттік панельдермен қапталады. Қасбеттердің әйнекті аумағында топсалы витраждар жүйесі орнатылып, қатты селективті жабыны бар қос камералы шыны терезелер қолданылады. Алюминий терезелер де қос камералы шыны терезелермен толтырылады.Жаңа терминалда ішкі және халықаралық рейстерге қызмет көрсету секторлары, транзиттік жолаушыларға арналған зал, CIP-залдар (белгілі бір санаттағы жолаушыларды қарсы алуға/ шығарып салуға арналған жайлылығы жоғары залдар) қарастырылады. Сондай-ақ, Duty Free аймақтары, дәмханалар, сауда нүктелері, намазханалар, жүк сақтау орындары және тағы басқа орындар қамтылады.Он паспорттық бақылау кабинасы, телескопиялық трап, 2 эскалатор, 2 лифт, жүк конвейерлік таспа қарастырылады. Шекара және кеден қызметтері, фитосанитария және ветеринария, санитарлық-эпидемиологиялық бақылау және желілік полиция бөлімшелері қызметкерлері үшін мамандандырылған орындар ескерілді.Модернизациядан кейін әуежай сағатына 300 жолаушыға қызмет көрсете алады және бұл қазіргі жолаушылар ағынынан екі есе көп.<blockquote>"Қазіргі таңда демеушілердің қаржыландыруы арқасында ескі ғимараттың ішкі-сыртқы безендіру жұмыстары жүргізіліп, 100 миллион теңгеге жуық қаражатқа аула қалпына келтірілді. "Қорқыт-ата" әуежайы арқылы аптасына 21 рейс орындалады, оның ішінде 8 рейс Астанаға және 13 рейс Алматыға Air Astana, Qazaq Air және Fly Arystan авиакомпанияларымен орындалып жатыр", - деді облыстық әкімдіктегілер.</blockquote>

Қызылордада әуежай терминалының жаңа ғимараты салынады

<a href="https://kyzylorda-news.kz/">Kyzylorda-news.kz.</a> 25 қазан - Республика күнінде Қызылорда облысында 55 сәби дүниеге келді.Бүгін Қызылорда облысы әкімінің орынбасары Нұрымбет Сақтағанов пен облыстық денсаулық сақтау басқармасының басшысы Сәбит Пазилов облыстық перинаталдық орталығында «25 қазан - Республика күні» бір тәулікте туылған сәбилер мен аналарын құттықтады.<blockquote>«Онда Ұлттық мереке күні дүниеге келген нәрестелер ме аналарына аймақ басшысының орынбасары Нұрымбет Аманұлы, «Біз үшін ең бастысы нәрестелер мен аналар денсаулықтарының мықты болуы. Мереке күні дүниеге келген барлық сәбидің аман-сау болуымен қатар, айтулы ел азаматы болып өсуіне тілектеспін. Қазақтың саны көп болсын!», - деген ізгі тілеген білдіріп, әрбір анаға жаңа туылған сәби күтіміне арналған қобдиша сыйға тартты.</blockquote>Өз кезегінде босанушы аналар Нұрымбет Аманұлы мен Сабит Бексеитұлына зор ризашылықтарын білдіріп, тілектерін жаудырды.Қазіргі таңда балалар мен аналарының денсаулық жағдайлары жақсы. Мереке күні босанған сәбилер мен аналарын құттықтау шарасы аудандарда да жалғасуда.Айта кетейік, «Республика күнінде» 1 тәулікте облыс бойынша барлығы 55 бала туылса, оның 38-і ұл, 17-сі қыз бала.<figure class="image"><img src="https://knadmin.beoblood.kz/uploads/312312222_3614645878762007_6704471963130669743_n_26c7d0d898.jpg" alt="312312222_3614645878762007_6704471963130669743_n.jpg"></figure><figure class="image"><img src="https://knadmin.beoblood.kz/uploads/311568750_3614645912095337_3391133972148733708_n_9383d6d007.jpg" alt="311568750_3614645912095337_3391133972148733708_n.jpg"></figure>

Қызылордада Республика күнінде 55 сәби дүниеге келді

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;<figure class="image"><img src="https://knadmin.beoblood.kz/uploads/45e72d83_b754_4208_8f22_6dc84778db15_4cf86c4c12.jpg" alt="45e72d83-b754-4208-8f22-6dc84778db15.jpg"></figure><figure class="image"><img src="https://knadmin.beoblood.kz/uploads/651973ce_f7bf_4a12_9e50_627e5f4719ea_83ce5020f2.jpg" alt="651973ce-f7bf-4a12-9e50-627e5f4719ea.jpg"></figure>

Өзіңізді сайлаушылар тізімінен тексеріңіз

Kyzylorda-news.kz. 2022 жылы 20 қарашада Қазақстан Республикасы Президентінің сайлауы өтеді.

Әр азаматтың дауысы маңызды!

Kyzylorda-news.kz. 2022 жылдың 20 қарашасында Қазақстан Республикасы Президентінің сайлауы өтеді.

ҚР Президентінің сайлауы

<a href="https://kyzylorda-news.kz/">Kyzylorda-news.kz.</a> Қазақстандық әйелдер 2028 жылға дейін 61 жаста зейнетке шығады. Парламент мәжілісі тиісті заң жобасын екінші оқылымда мақұлдап, сенаттың қарауына жіберді, деп хабарлайды Sputnik Қазақстан.Депутаттар "Кейбір заңнамалық актілерге мемлекеттік жастар саясаты мәселелері бойынша өзгерістер енгізу туралы" заң жобасына әлеуметтік блокқа қатысты түзетулер енгізді. Олар зейнет жасы мен әлеуметтік төлемдерге қатысты.<blockquote>"Әйелдер үшін зейнетке шығу жасы 2028 жылға дейін 61 жас деңгейінде бекітіледі. Сонымен қатар ең төмен базалық зейнетақы мөлшерін ең төмен күнкөріс деңгейінен 70%-ке дейін, ең жоғары базалық зейнетақы мөлшерін 120%-ке дейін дәйекті түрде жеткізу көзделіп отыр", - деді мәжіліс депутаты Жәмила Нұрманбетова.</blockquote>Бұдан бөлек, жасына байланысты зейнетақы төлемдерін есептеу үшін табыс шегі 46 еселенген айлық есептік көрсеткіштен 55 еселенген АЕК-ке дейін ұлғайтылады. Сондай-ақ заң жобасында бала күтімі бойынша төлемдерді тағайындау кезеңінің ұзақтығын 1,5 жасқа дейін ұлғайту нормасы қарастырылған.Мәжіліс құжатты екінші оқылымда мақұлдап, сенаттың қарауына жолдады.Еске салсақ, 1 қыркүйекте Қазақстан халқына жолдауында мемлекет басшысы әйелдердің зейнет жасы 2028 жылға дейін 61 жас деңгейінде белгіленетінін мәлімдеді. &nbsp;

Әйелдер 61 жаста зейнетке шығады – мәжіліс заң жобасын мақұлдады

20 қарашада Қазақстан Республикасы Президентінің сайлауы өтеді

<a href="https://kyzylorda-news.kz/">Kyzylorda-news.kz.</a> Республика күні мерекесі әр өңірде түрлі сипаттағы іс-шаралармен айшықталуда.&nbsp;Облыс әкімі Нұрлыбек Нәлібаевтың Ұлттық мерекенің мән-маңызын жоғары деңгеде атап өту туралы тапсырмасы аясында Байқоңыр қаласында тұратын азаматтар үшін түрлі іс-шаралар өткізілуде. Салтанатты түрде Ту көтеру рәсімі өткізіліп, спорттық сайыстар мен мәдени көпшілік концерт көпшілікке көтеріңкі көңіл-күй сыйлады.&nbsp;Бүгінгі мерейлі сәтте ҚР Парламентінің Сенаторлары, мәнерлеп сырғанаудан танымал қазақстандық спортшылар, Қызылорда облысының шығармашылық ұжымдары байқоңырлықтармен бірге Республика күнін атап өтуде.Ұлттық мерекеге орай ҚР Президентінің "Байқоңыр" кешеніндегі арнайы өкілдігінің бастамасымен халықаралық ғарыш станциясында жұмыс істейтін ресейлік ғарышкерлердің мерекелік құттықтауы ұйымдастырылды.&nbsp;Станцияда ұзақ мерзімді 68-ші экспедицияның экипажы Сергей Прокопьев, Анна Кикина және Дмитрий Петелин Қазақстанның ғарыштан қаншалықты әдемі екендігі туралы айтып, ғарышкерлерді шығарып салып, қарсы алған қазақ жерінің қонақжайлылығын, Ресей мен Қазақстанның ғарыштағы ынтымақтастығын атап өтіп, бауырлас елге сәттілік тіледі.ХҒС-68 экипажы Байқоңыр ғарыш айлағынан 2022 жылдың 21 қыркүйегінде ұшырылған және орбитада алты айдан астам жұмыс істейтін болады. &nbsp;

 Ресейлік ғарышкерлер ел тұрғындарын Республика күнімен құттықтады

<a href="https://kyzylorda-news.kz/">Kyzylorda-news.kz.</a> Байқоңыр ғарыш айлағынан "Прогресс МС-21" көлік жүк кемесі бар "Союз-2.1а" зымыран тасымалдағышы ұшырылды."Союз-2.1а" зымыраны "Прогресс МС-21" жүк кемесін жер маңы орбитасына шығарды. Енді ол Халықаралық ғарыш станциясына екі күн бойы өз бетінше ұшуы керек, деп хабарлады РИА Новости.Зымыран Байқоңыр ғарыш айлағынан 26 қазанда Мәскеу уақытымен 03:20-да ұшырылды. Орбитаға шығарылғаннан кейін "Прогресс" халықаралық ғарыш станциясына жеткенше Жерді 34 рет айналып шығады. Жүк кемесі станцияға 28 қазанда Мәскеу уақыты бойынша 5.50-де түйіседі деп жоспарланған.Кеме орбитада сегіз ай болады. Кеменің сыртқы элементтері, яғни, антенналар мен күн батареялары толығымен ашылды.<blockquote>"Прогресс МС-21" халықаралық ғарыш станциясына 2,5 тоннадан астам жүк – станцияға отын, ауыз су, халықаралық ғарыш станциясында атмосфераны ұстап тұруға арналған азот, ресейлік сегмент жүйелеріне арналған ресурстық жабдықтар, жеке қорғаныс құралдары, медициналық бақылау және санитарлық-гигиеналық және гигиеналық жабдықтар, жаңа киімдер, азық-түлік жеткізеді. &nbsp;</blockquote>

Қазақстан және Қызылорда облысының жаңалықтары