<a href="https://kyzylorda-news.kz/">Kyzylorda-news.kz.</a>&nbsp;Бүгін «AMANAT» партиясы аудандық филиалының мәжіліс залында Қызылорда облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев аудан тұрғындарына жеке мәселелері бойынша қабылдау жүргізді.
Қабылдау барысында тұрғындардың негізгі өтінші жұмыспен қамту тақырыбы аясында болды. Халықтың дені жұмыспен қамтылу мәселесін қозғады.
Сонымен қатар жеке қабылдау барысында «Қазалы Демеу мүгедектерді қолдау қоғамы» қоғамдық бірлестігінің жетекшісі инватакси қызметі жөнінде бірқатар сауалдарын қойып, ұсыныстарын жеткізді.
Жеке қабылдауда көтерілген мәселелермен толықтай танысқан басқарма басшысы Ғабит Жұмабекұлы түсіндірме жұмыстарын жүргізіп, тиісті сала мамандарымен байланысып, шешілу жолдарын қарастырды. Сондай-ақ, келіп түскен өтініштер жеке тұрақты бақылауында болатындығын атап өтті.
Жеке қабылдауға аудандық партия филиалының атқарушы хатшысы Нұрғиса Жаппарбергенұлы, аудан әкімінің орынбасары Дәурен Оңғарбайұлы және аудандық жұмыспен қамту, әлеуметтік бағдарламалар және азаматтық хал-актілерін тіркеу бөлімінің басшысы Совет Кеңесұлы қатысып, ауыл тұрғындарына түсіндірме жұмыстарын жүргізді.
<img src="https://kyzylorda-news.kz/wp-content/uploads/2022/08/298786380_1709678179397591_286223907215824470_n.jpg" alt="" />
<img src="https://kyzylorda-news.kz/wp-content/uploads/2022/08/298550600_1709678529397556_4030442883410341198_n.jpg" alt="" />

Ғабит Жаңабаев қазалылықтарды жеке мәселе бойынша қабылдады

<a href="https://kyzylorda-news.kz/">Kyzylorda-news.kz.</a> Жастар – болашақтың алтын діңгегі, ел келешегіне бастар нақты істердің темірқазығы. Ал жастарды қолдау – мемлекеттің даму статусын жоғары көтеретін, әлемдік аренадағы еліміздің асқақ беделін айқын көрсете алатын жүйелі бағдар.
Аталған мереке аясында Жалағаш ауданы әкімдігінің қолдауымен, ішкі саясат бөлімі мен жастар ресурстық орталығының ұйымдастыруымен арнайы мерекелік іс-шаралар өткізілуде.
Тамыз айының сегізінші жұлдызынан бастау алған шаралар легі «Мүмкіндіктер алаңымен» ашылды. Онда әр сала мамандары еркін форматта халыққа кеңес берді.
Кешкілік уақытта жастардың рухани демалуы мақсатында , ашық аспан астындағы кино көрсетілімі жүргізілді.Фильм арқылы жастардың бойында қазақ тілінде дублюждалған фильмдарға деген пікір қалыптастыру негізделген.
Өз кезегінде мерекелік шара үстел теннисімен жалғасын тапты. Ең алдымен жастардың күнделікті өмірде жылдамдық, тез қимылдау реакцияларын шыңдауға, сонымен қатар олардың бір-бірімен кездесіп, бос уақыттарын тиімді өткізуге мүмкіндік береді. Ал негізгі мақсаты бәсекелестер арасында өзара сыйластық пен достық қарым-қатынас орнату.
Ұлы дала төсінде дәстүріміз жанданып, ұлттық өнеріміздің алтын арқауының бірі саналатын қолөнер шеберлерінің көрмесімен жалғасын табады.
Апта соңында мерекелік шаралар жоспары «Жастар- ел тірегі» атты гала-концертімен қорытындыланады.
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-15.36.09-1.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-15.36.09.jpeg" alt="" />

Жалағаш ауданында халықаралық жастар күніне орай түрлі шаралар өтіп жатыр

<a href="https://kyzylorda-news.kz/">Kyzylorda-news.kz.</a> Биыл Қызылорда облысында кәсіпкерлік саласын қолдау бағытында мемлекет тарапынан қайтарымсыз грант беру жүргізілуде. Осыған орай, Ұлттық жоба шеңберінде жеңілдікпен несие беру үшін – 5,2 млрд. теңге, ал кәсіпкерлік бастамалар үшін мемлекеттік грантқа – 4,8 млрд. теңге қаржы қарастырылды. Бұл туралы бүгін Өңірлік коммуникациялар қызметінде өткен брифингте облыстық кәсіпкерлік және өнеркәсіп басқармасы басшысының міндетін атқарушы Ринат Сұлтангереев хабарлады.
<blockquote>
 «Жалпы мемлекеттік грант екі бағытта беріледі. Оның бірінші – облыстық жұмыспен қамту орталығы арқылы 400 айлық есептік көрсеткішке дейін берілетін болса, екіншісі – 5 млн. теңгеге дейін шағын кәсіпкерлердің жаңа бизнес-идеяларына берілетін грант. Биыл жаңа кәсіп бастағысы келетін азаматтарға – 120 млн. теңге қаржы қарастырылды. Оның ішінде кәсіпкерлік қызметіне 3 жыл толмаған 29 жасқа дейінгі азаматтардың жаңашыл бизнес-идеяларына 70 млн. теңге бөлінетін болады. Ал жалпы бөлінген қаржының 20 пайызы халықтың әлеуметтік осал санатындағы азаматтарға беріледі», – деді басқарма басшысының міндетін атқарушы Ринат Сұлтангереев.
</blockquote>
Брифинг барысында аталған гранттың беру шарттары мен негізгі басымдық берілетін салалар тізбесі айтылды.
<blockquote>
 «Қайтарымсыз грант берудің тізбесіне сәйкес бөлінген қаржы – шикізат пен материалдарды, материалдық емес активтерді, технологияларды сатып алуға байланысты шығыстарға пайдалынылады. Сондай-ақ, грант қаражатын пайдалануға болмайтын жағдайлары да бар. Мәселен, жылжымайтын мүлікті, жер учаскесін сатып алуға, жалдау ақысын төлеуге, жеңіл автокөлікті сатып алуға, сондай-ақ ауыл шаруашылығы жануарларын сатып алуға тыйым салынған», – деді Ринат Қалдыбекұлы.
</blockquote>
Айта кетейік, мемлекеттік гранттар – салықтар мен мемлекеттік бюджетке басқа да міндетті төлемдер бойынша, кредиттік тарихына сәйкес қаржылық міндеттемелері бойынша мерзімі өткен берешегі барларға, сондай-ақ бұрын соңды конкурсқа қатысып, грант қаржысын алғандарға берілмейді. Бұл талаптар Үкіметтің қаулысымен қабылданған арнайы қағидамен бекітілген.
Осы Қағидаға сәйкес 1 тамыздан бастап конкурстық іріктеуге құжат қабылдау жұмыстары жүргізілуде.
<blockquote>
 «Құжаттар 19 тамызды қоса алғанға дейінгі мерзімде qoldau.kz платформасы арқылы электронды түрде қабылданады. Жалпы, жобаларға грант қаражаттары – конкурстық іріктеу нәтижесімен беріледі. Осыған орай, жаңа бағыттарда кәсіптерін іске қосуға бет бұрған, жаңашыл өндірістерді іске қосуды көздейтін өңір кәсіпкерлерін конкурстық іріктеуге қатысуға шақырамын», – деді Ринат Сұлтангереев.
</blockquote>
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-15.32.09.jpeg" alt="" />

Жаңа бизнес идеяларды іске асыруға арналған қайтарымсыз  грант  кімдерге беріледі?

<a href="https://kyzylorda-news.kz/">Kyzylorda-news.kz.</a> Қызылорда облыстық кірістер департаментінің қызметкерлері тергеу изоляторына барды.
Қызылорда облыстық сыбайлас жемқорлыққа қарсы департаментінің ұйымдастыруымен Облыстық кірістер департаментінің 16 қызметкері ЗК-169/1 тергеу изоляторына экскурция келді. 
Басты мақсат – мемлекеттік қызметкерлер арасында сыбайлас жемқорлыққа қарсы мәдениетті қалыптастыру,бас бостандығынан айыру мекемелерінде болудың ауыртпалғын сезіну,сыбайлас жемқорлық және өзге де қылмыстық құқық бұзушылылық салдарымен таныстыру үшін оларды қамаудағылар әлеміне енгізу.
Тікен сымдардың арғы жағындағы экскурсияның мемлекеттік қызметкерлер үшін тәрбиелік мағынасы зор болды. Себебі мекеме бастығының орынбасары әділет капитаны Әмірбек Азамат Темірбекұлы экскурцияға келушілерді тергеу изоляторының арнайы контигенттер ұсталатын аймағындағы шаруашылық бөліміне қалдырылған сотталғандар жататын жатахананы, камераларды, аралатып,қылмыскерлердің ұсталыну жағдайымен таныстырып шықты. Алдымен кезекші бөлімге бастап апарып, тергеу изоляторының негізгі қызметтік мндеті, мекеме ішінде жүріп тұру жағдайы жайлы айтып түсіндірді.
<blockquote>
 «Біздің ЗК-169/1 тергеу изоляторының негізгі міндеті күдіктілер мен айыптаушылар және тергеудегілер мен бес жылға дейінгі соталғандарды ұстау және олардың режим тәтібін қадағалау мен сотталған азаматтардың жаза мерзімін өтеу барысында өмірге қайта тәрбиелеу болып табылады. Яғни, мұнда сот үкімі заңды күшіне енгенге дейінгі айыптаушылар мен күдіктілер және шаруашылық бөліміне қалдырылған сотталғандар отырады. Толтыру лиміті -430,бүгінгі таңда қамауда 250-ге жуық контигент бар. Сонық ішінде Сыбайлас жемқорлықтық қылмысының 366,367 – баптары бойынша қамауда ұсталынып отырғандар да, бар. Олар өздеріңіз секілді мемлекеттік қызметте болған азаматтар. Бұл азаматтар жазалау орындарына алғаш түсіп отырғандықтан өзге қылмыскерлерден оқшауланып, бөлек камераларда ұсталынады. Бірақ, тәртіп пен талап бәріне бірдей қатаң», – деді капитан А.Темірбекұлы.
</blockquote>
Осылайша, мемлекеттік қызметкерлер қамаудағы азаматтардың ұсталынуына мемлекет пен мекеме заңға сәйкес жағдай жасап отырғанымен, қоршаулы қорған ішіндегі аураның еңсеңді басатындығын сезіп қайтты. Олар қылмыс жасап мұнда түскенше, бостандықтың қадірін бағалап, өздерінде барды қанағат тұтып, шүкіршілік ету керектігін жете түсініп қайтты.
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-15.31.11.jpeg" alt="" />

Қызылорда облыстық кірістер департаментінің қызметкерлері тергеу изоляторына барды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданының әкімі Мұхтар Оразбаевтың тұрғындармен кездесуі Жалаңтөс батыр ауылында басталды.
Халықпен кездесуге аудандық мәслихат хатшысы Бақытжан Жарылқап, облыстық мәслихат депутаты Мнажадин Өтеев, аудандық қоғамдық кеңес төрағасы Талайлы Бөріқұлақов, аудандық полиция бөлімінің бастығы Болат Кабизов, аудандық мәслихат депутаттары Әбдуәли Рахметов, Ғазиз Әліш және бірқатар дербес бөлім мен мекеме-кәсіпорын басшылары қатысты.
Аудан басшысы алдымен 2022 жылғы ІІІ тоқсандағы ауданның әлеуметтік-экономикалық дамуы мен алдағы міндеттері туралы қысқаша айтып берді.
Мұхтар Әуесұлы биыл аудан орталығына жақын орналасқан Жалаңтөс батыр ауылында ауқымды жұмыстар атқарылып жатқанын атап өтті.
Атап айтар болсақ, елді мекенде Қызыл ой көшесі жарықтандырылып, су ұңғымасы қазылуда.
Сондай-ақ, ауылды көгілдір отынға қосу жұмыстары қарқынды жүргізілуде.Бүгінгі күнге 14 шақырым орта және төмен қысымды газ желілері жүргізіліп, 3 дана ГРПШ қондырғысы нысан басына әкелінді. Бұл жұмыстар жоспар бойынша қазан айында аяқталады деп күтілуде.
Одан бөлек, Жалаңтөс батыр батыр ауылынан спорт кешенін салу үшін жоба-сметалық құжаттары әзірленіп, мемлекеттік сараптамаға жолданған.
Ал, округке қарасты Шитүбек елді мекенінен медициналық бекет құрылысын салу үшін жоба-сметалық құжаттары әзірленуде.
Мұнан соң өткен кездесуде тұрғындар тарапынан айтылған ұсыныс-пікірлердің орындалу барысына тоқталды.
Сөз кезегі ұсыныс-пікірлерге берілгенде ауыл тұрғындары бірқатар мәселелерді аудан басшысының назарына ұсынды.
Аудан әкімі Мұхтар Оразбаев тұрғындар көтерген мәселелердің әрбіріне жеке-жеке тоқталып, сұрақтарға жауап берді.
Кездесуден кейін аудан әкімі Мұхтар Оразбаев жеке қабылдауға жазылған азаматтарды қабылдап, олардың мұң-мұқтаждарын тыңдады.
<img src="https://kyzylorda-news.kz/wp-content/uploads/2022/08/02.jpg" alt="" />
<img src="https://kyzylorda-news.kz/wp-content/uploads/2022/08/03.jpg" alt="" />
<img src="https://kyzylorda-news.kz/wp-content/uploads/2022/08/jujuju.jpg" alt="" />

Қазалы ауданы әкімінің ауыл тұрғындарымен кездесуі басталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының орталығында жаңа өнер сарайы бой көтереді. Бүгін жаңа ғимараттың іргетасы қаланды.
Бүгін Қызылорда облысының әкімі Нұрлыбек Нәлібаевтың қатысуымен Сыр елінде 1000 келушіге арналған жаңа өнер сарайының алғашқы іргетасы қаланды. Құны 3,7 млрд. теңгені құрайтын екі қабатты өнер сарайының құрылысы шамамен бір жарым жылда салынып бітеді. Ғимаратта симфониялық, эстрадалық және ұлттық өнер бағытындағы концерттік бағдарламалар мен түрлі форматтағы қоғамдық іс-шаралар өткізіледі.
Шарада аймақ басшысы Нұрлыбек Нәлібаев халық санының өсуіне байланысты үлкен сыйымдылықтағы көрермендерге арналған өнер ордаларының қажет екенін жеткізіп, құрылыс жұмыстарына сәттілік тіледі.
<blockquote>
 «Бүгін іргетасы қаланған жаңа өнер сарайы тек мәдениет саласының қызметкерлеріне ғана емес, Сыр руханиятына қызмет ететін, шығармашыл тұлғалардың киелі ордасына айналады деп сенеміз. Себебі руханиятқа жұмсалған әрбір қаржы жауһар туындылардың өмірге келуіне, ұлтты әлемдік аренада танытуға, талантты өрендердің шабытын шарықтатуға жол ашады»,- деді аймақ басшысы Нұрлыбек Нәлібаев.
</blockquote>
Айта кетейік, айтулы шараға өңірдегі өнер иелері мен зиялы қауым өкілдері қатысты.
<img src="https://kyzylorda-news.kz/wp-content/uploads/2022/08/nalibaev-1.jpg" alt="" />
<img src="https://kyzylorda-news.kz/wp-content/uploads/2022/08/oner.jpg" alt="" />

Қызылорда облысында 1000 орындық жаңа өнер сарайының іргетасы қаланды (ВИДЕО)

<a href="https://kyzylorda-news.kz/">Kyzylorda-news.kz.</a>&nbsp;Партияның «Ауыл аманаты» жаңа жобасы туралы ел арасында ақпараттық-насихаттық жұмыстар жүргізу мақсатында құрылған мобильді топ өкілдері құрамындағы мамандандырылған бірнеше бизнес тренерлер Жаңақорған ауданының Қожамберді, Жайылма ауылының тұрғындарына түсіндіру жұмыстарын жүргізді.
Мобильді топтың бизнес тренерлері кездесуге қатысушыларға жылдық мөлшерлемесі 2,5 пайызды құрайтын жеңілдетілген несиені қалай алуға болады, коорперативті не үшін құру керек, мемлекет техниканы лизингке алуға көмектесе ме секілді сұрақтар төңірегінде әңгіме өрбітті.
Шара барысында шағын кәсіпкерлер мен ауыл тұрғындары тренерлерге жеке сұрақтарын қойып, нақты кеңестер алды.
<blockquote>
 «Жалпы бағдарлама шеңберінде 2023-2025 жылдары аралығында әр жыл сайын еліміздің барлық облысына жобаны жүзеге асыруға арналған бюджеттік несие бөлу көзделіп отыр. Заңнамаға енгізілетін түзетулер пакеті әзірленді. Ол қаражат алу тетігін айтарлықтай жеңілдетіп, жобаны іске асырудың тиімділігін арттырады» – деді сарапшы Гүлмира Бағажаева.
</blockquote>
Басқосуға қатысқан бизнес тренерлер грант алу тәртіптері туралы біршама түсініктемелер берді. Бизнес жоспарды сауатты құру, жобаның өміршең, аймақ үшін қажетті болуы маңызды екенін алға тартты.
Аталмыш бағдарлама аясында Қожамберді, Жайылма ауылының әкімдері арнайы оқытудан өткен болатын. Олар енді өздері басшылық ететін ауылдарда өңдіруге болатын басым бағыттарды анықтауда. Тұтынушылардың сұранысына сай өнім өндіру үшін халықтың біліктілігін арттыруды жоспарлап отыр.
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-11.37.49.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-11.37.57.jpeg" alt="" />

«Ауыл аманаты» жаңа жобасы тұрғындарға түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz.</a> Қызылорда облысының орталығынан неке сарайы салынады. Бүгін аталған ғимараттың іргетасы қаланды. Шараға Қызылорда облысының әкімі Нұрлыбек Нәлібаев қатысты.
Бүгін құрылысшылар күнінде қызылордалықтар үшін үш нысанның іргетасы қаланды. Сондай-ақ, Арал және Шиелі аудандарының бірнеше елді мекеніне газ тарату желілері орнатылды.
Енді Сыр өңірінде отбасылық өмірге қадам жасаған жастар заманауи үлгідегі неке сарайында отбасы атанады.
Қызылорда облысының әкімі Нұрлыбек Нәлібаев жас жұбайлардың киелі шаңырағына айналатын Неке сарайының Халықаралық жастар күні аясында бой көтеруінің символикалық мәні бар екенін атап өтті.
<blockquote>
 «Бір қуантарлығы, аймағымызда демографиялық өсім жылдан-жылға жақсарып, шаңырақ көтерген жастардың қатары артып келеді. Биылғы жылдың 6 айында 2276 жұп некеге тұрып, отбасылық өмірге қадам басты. Президентіміз Қасым-Жомарт Кемелұлы Тоқаев: «Бақытты әрі берік шаңырақ – еліміздің игілігі мен өркендеуінің кепілі. Мықты отбасы – мықты мемлекет» деп отбасы құндылығының маңызды екенін жеткізді. Келешекте неке сарайында отбасы құндылықтарын дәріптейтін әлеуметтік-мәдени іс-шаралар да тұрақты түрде өткізілетін болады», – деді Нұрлыбек Нәлібаев.
</blockquote>

Қызылордада Неке сарайының іргетасы қаланды (ВИДЕО)

<a href="https://kyzylorda-news.kz/">Kyzylorda-news.kz.</a> Қармақшы аудандық мәслихаттағы «AMANAT» партиясы депутаттық фракциясының мүшесі С.Жұмадьяров, «Мәметова» БПҰ төрағасы Ж.Бозимова, партия филиалының қызметкерлері «AMANAT» партиясының «Өзгерістер жолы: Әр азаматқа лайықты өмір!» атты сайлауалды бағдарламасын іске асыру жөніндегі Қармақшы ауданы бойынша жол картасы аясында Төретам кентіндегі күрделі жөндеуден өткізіліп жатқан №85 орта мектеп нысанына мониторинг жұмысын жүргізді.
Зерделеу жұмыстары барысында мониторингтік топ мердігер компания «SCS Инжиниринг» ЖШС-нің басшылығымен кездесіп, бүгінгі күнге дейін атқарылған жұмыстарымен танысты.
Мониторинг барысында арнайы жасақталған топ күрделі жөндеу жұмыстарының сапасына және нысанның мерзімінде аяқталуына басты назар аударды.
Сонымен бірге, бүгіннен бастап мектептегі күрделі жөндеу жұмыстарының сапасын бақылау, бөлінген қаржының тиімді игерілуіне, құрылыс материалдарының талан-таражға түспеуіне, онда жұмыс жасап жатқан жұмысшылардың әлеуметтік жағдайы мен техникалық қауіпсіздік ережелерінің сақталуын қадағалау үшін Партиялық бақылау бекеті өз жұмысын бастады.
Партиялық бақылау бекетінің жетекшісі болып, Қармақшы аудандық мәслихаттағы «AMANAT» партиясы депутаттық фракциясының мүшесі С.Жұмадьяров бекітілді.
Партиялық бақылау бекеті орта мектептегі күрделі жөндеу жұмыстары аяқталғанға дейін өз жұмысын жасайды.
<img src="https://kyzylorda-news.kz/wp-content/uploads/2022/08/298581648_796316294705851_7669345315988886843_n.jpg" alt="" />
<img src="https://kyzylorda-news.kz/wp-content/uploads/2022/08/298370302_796316264705854_4325340263209648881_n.jpg" alt="" />

Партиялық бақылау бекеті жұмысын бастады

Сырдария ауданының әкімі ауылдарды аралап, тұрғындармен кездесті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық мәслихаттағы «AMANAT» партиясы депутаттық фракциясының кезекті отырысы өтіп, онда мектептердің күрделі жөндеуі және құрылыс барысы, студенттердің жатақханалармен қамтамасыз етілуі, азық-түлік өнімдерінің бағасын тұрақтандыру шаралары, сондай-ақ егін жинау науқанын жанар-жағармай материалдарымен қамтамасыз ету мәселелері қаралды.
Биылғы жылы облысы бойынша 6 мектепке күрделі жөндеу жүргізіледі және 2 апатты мектептер және 2 үш ауысымды мектеп мәселелері шешілетін болады. Сонымен бірге 12 мектептің күрделі жөндеу жұмыстарының жоба сметалық құжаттары әзірленіп, 7 мектептің де жоба сметалық құжаттары дайындалуда.
Жалпы 2022 жылы 4 350 орынды құрайтын 9 мектепті пайдалануға беру жоспарлануда, оның ішінде 6 мемлекеттік, 3 жеке мектептер. Мәселені талқылау кезінде депутаттар жөндеу және құрылыс барысын аралап көргендерін жеткізіп, жұмыстың сапасына және мерзімінде пайдалануға берілуіне мән беруді сұрады.
Өкінішке орай, кейбір нысандар уақытында берілмей қалуы мүмкін. Сондықтан депутаттар облыстық құрылыс басқармасына жоспарлы жұмыстарды кестеге сәйкес қатаң қадағалауды тапсырды.
Сонымен бірге, білім беру ұйымдарын жылу беру маусымына қажетті отын қорымен қамтамасыз етуді және сұйық отын бағасының көтерілуіне байланысты мәселелерді бақылауда ұстау керек екенін жеткізді.
Жатақхана мәселелері бойынша басқарма өкілдері жұмыстар жоспарға сәйкес жүргізілетінін мәлімдеді.
Азық-түлік бағасын тұрақтандыру бойынша атқарылып жатқан шаралар жөнінде басқарма басшысы Талғат Дүйсебаев баяндады. Қазіргі таңда тұрақтандыру қорында 671 тонна өнім бар болса, 7109 тонна өнім контрактіленген. Тұрақтандыру қорының өнімдері және «айналым схемасы» шеңберінде қарыз алған кәсіпкерлік субъектілерінің өнімдері 38 әлеуметтік дүкен арқылы және облыс орталығының 17 ірі сауда үйінің әлеуметтік бұрыштары арқылы сатылуда.
Нан бағасын арзандату мақсатында Азық-түлік корпорациясы арқылы 7 айға (ақпан-тамыз) 14316,5 тонна астық бөлінді. Бүгінгі күні, ұн 50 ірі наубайханаларға бөлке нанды төмендетілген бағада сату үшін мақсатты түрде берілуде. Қант бағасын тұрақтандыру және жетіспеушілігін болдырмау мақсатында өңірге тікелей Көксу қант зауытынан қант жеткізу бойынша жұмыс жолға қойылған. Жалпы, 1780 тонна қант контрактіленген болса, оның бүгінгі күнге дейін 1360 тоннасы облысқа жеткізілген. Жыл соңына дейін 3315 тонна қант сатып алу жоспарлануда.
Фракция мүшелері партияның мониторинг тобы жұмысының нәтижесімен бұл бағыттағы жұмыстарды күшейтуді ұсынды. Атап айтқанда, бағаның негізсіз өсуін қадағалау, сауда үйлеріндегі әлеуметтік бұрыштарды тауарлармен толықтыру, кәсіпкерлерге займ беру арқылы қала мен аудандардағы әлеуметтік дүкендер мен сауда үйлерінде әлеуметтік бұрыштар ашу, халықты тұрақтандыру қорының тауарлары сатылатын және сауда үйлерінде әлеуметтік бұрыштар жөнінде кеңінен ақпараттандыру, бағаны тұрақтандыру мақсатында перспективада тауарларды сақтау және сату бағытында ірі қоймаларды іске қосу және көптеген басқа да ұсыныстар берілді.
Шаруашылықтарды дала жұмыстарын жүргізу үшін қажетті көлемінде арзандатылған дизель отынымен қамтамасыз ету бойынша басқармаға тиісті шаралар қабылдау, оның ішінде су тапшылығына байланысты жанар-жағар майдың көп шығындалғандығын ескеру сұралды.
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-09.32.02.jpeg" alt="" />

Қызылорда: Фракция отырысында бірқатар маңызды мәселелер қаралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Жеке қабылдауға 14 азамат келіп, мәселесін жеткізді. Басым бөлігі орта және шағын кәсіпке қолдау көрсетуді сұрады. Айталық, Алтынбек Өмірзақов Жаңақорған ауданынан шұлық тоқу цехын ашу жобасын ұсынса, Сәрсенкүл Мусаева көлік жөндеу бекетінің құрылысын толығымен аяқтауға қолдау көрсетуді сұрады.
Қабылдауға келген Талғат Телеубаев күріш қалдықтарының шикізатынан фин қағазын өндіруді дамыту туралы айтып, Абдурагим Миржибаев Қызылорда қаласындағы өзінің шағын жеке кәсібіне көмек беру мәселесін көтерді.
Аймақ басшысы кәсіпкерлік саласын жандандыруға ниетті азаматтарды қолдау шараларын жүргізу, қайтарымсыз гранттар беру барысын пысықтауды тапсырды.
Жалпы мемлекеттік гранттар – кәсіпкерлікті дамыту жөніндегі Ұлттық жоба аясында жаңа бизнес идеяларды іске асыруға беріледі.
Мұнан бөлек, жеке қабылдауда денсаулық сақтау, әлеуметтік көмек беру, облыс орталығының шалғай ауылдарындағы балаларға спорт алаңын салу, аяқ су жүргізу секілді маңызды сұрақтар көтерілді. Әсіресе, ИВЛ аппаратымен тыныс алатын бала көмек сұрай келген көпбалалы ана мәселесіне облыс әкімі денсаулық сақтау басқармасына мәселені мұқият зерделеп, тиісті деңгейде жұмыстарды үйлестіруді тапсырды.
Айта кету керек, осы уақытқа дейін аймақ басшысы 16 жеке қабылдау өткізіп, 144 азаматтың мәселесін саралады.
<img src="https://kyzylorda-news.kz/wp-content/uploads/2022/08/298759040_360845376236713_6491845961174011575_n.jpg" alt="" />
<img src="https://kyzylorda-news.kz/wp-content/uploads/2022/08/298920441_360849222902995_3234268634980273494_n.jpg" alt="" />
<img src="https://kyzylorda-news.kz/wp-content/uploads/2022/08/298761648_360849209569663_113150658842622304_n.jpg" alt="" />
<img src="https://kyzylorda-news.kz/wp-content/uploads/2022/08/299106914_360849139569670_2879014995059914165_n.jpg" alt="" />

Қазақстан және Қызылорда облысының жаңалықтары