Kyzylorda-news.kz. Қазақстанның ауа-райы бұрынғыша бұлтты және құрғақ ауа райы күтілетін кең антициклон анықтайды, деп хабарлайды Қазгидромет.
Тек солтүстік-батыста, ҚР оңтүстік-шығысының таулы аудандарында атмосфералық фронттардың өтуімен күн күркіреп жаңбыр жауады. Республика бойынша кей жерлерде жел күшейеді.
Қызылорда, Түркістан облыстарының басым бөлігінде, батыста, Атырау облысының оңтүстігінде, Батыс Қазақстан облысының оңтүстігінде, солтүстігінде, шығысында, Абай облыстарының оңтүстігінде төтенше өрт қаупі сақталады.

30 тамызға арналған ауа райы болжамы

Kyzylorda-news.kz. Қызылорда облысының әкімі Нұрлыбек Нәлібаев жұмыс сапарымен Сырдария ауданына барды.
Өңір басшысы бірқатар объектілерді аралап, әлеуметтік және кәсіпкерлік нысандардың жұмысымен танысты.Биыл Бесарық ауылдық округіне жаңадан дене шынықтыру және сауықтыру кешені бой көтеруде. Құрылыс объектілерін көзбен көріп, жағдайды бағамдаған облыс әкімі Нұрлыбек Нәлібаев сала басшыларына нақты талап қойды.
<blockquote>
 «Қомақты қаржы бөлінгендіктен әрбір нысан сапалы әрі уақытылы аяқталуы керек. Мердігер мекеме әлеуметтік нысандарды салар уақытта жауапкершілікті айқын сезінуі қажет. Құрылыстың сапасы жоғары болуы тиіс. Бұл дене шынықтыру және сауықтыру кешені балалардың келешегі үшін салынғандықтан, сапаға мән беріңіздер», – деді Нұрлыбек Нәлібаев.
</blockquote>
Мұнан кейін, өңір басшысы ауылдық округтегі мұражай ғимаратына барып, мәдени саланың жұмысымен танысып, аймақ басшысы өңірдің тарихи-мәдени әлеуетін көтеріп, жас ұрпақты тәрбиелеуде мұражайлар мен кітапханалардың, ондағы жәдігерлер және кітап қорын көбейту ісі үлкен маңызға ие екендігін тілге тиек етті.
Облыс әкімі Нұрлыбек Нәлібаев «Абай-Дәулет»ЖШС-нің өндірістік базасымен танысты.
«Абай-Дәулет» ЖШС-нің базасында жылқы бордақылау алаңы, кірпіш зауыты, қой фермасы, құрама жем дайындау цехы, алма бағы және түйе шаруашылығы жұмыс істейді.
Бүгінде «Абай Дәулет» серіктестігі күрішті сапалы өндеп, өнімін ішкі нарыққа да, алыс-жақын шетелге өткізуде де тәжірибесі мол ірі компания. Олардың өнімдері сапа менеджменті талаптарына толық сәйкес келеді. Оған дәлел бүгінде Сыр салысын Ресей, Өзбекстан, Моңғолия, Украина және Тәжікстан елдеріне экспортталуда.
Кәсіпорын қайырымдылық жобаларына да белсене қатысады.
Аймақ басшысы ауылда кәсібін жүргізіп қана қоймай, елдімекен тұрғындарын жұмыспен қамтып, ауылды көркейтуге атсалысып отырған шаруашылық иелеріне ризашылығын жеткізді.
«Абай-Дәулет» ЖШС-нің меншік иесі Марат Сәрсенбаев алдағы уақытта тұрғындарға қажетті «Этноауыл» жобасын қолға алмақшы.
<blockquote>
 «Бүгінде қожалықта 200 аса түйе болса, оның ішінде 60 түйе сауылып, 200 литр сүт беруде. Одан әрі сүт өнімдерін қолжетімді бағада облыс орталығына жеткізіліп, арнайы «Сүт өнімдері» дүкенінде нарықта ұсынып келеміз.Сондай-ақ, қазіргі таңда халыққа қажетті «Этноауыл», «Рәміздер алаңын» салуды жоспарға қойдық, және де биылдан бастап Сырдария өзенінің сол жағалауынан бой көтерген жаңа қалаға гүлмен абаттандыру жұмыстарына кірісіп кеттік. Бұл аймақ тұрғындарының жақсы жағдайда өмір сүруіне жасалып жатқан игі жұмыстар», – дейді Марат Сәрсенбаев.
</blockquote>
Ауданға жасаған жұмыс сапарын қорытындылаған облыс әкімі аудан басшылығына маңызды тапсырмалар беріп, ауданның экономикалық көрсеткіштерін жақсарту шараларын қабылдауды міндеттеді.
<img src="https://kyzylorda-news.kz/wp-content/uploads/2022/08/fb_img_1661769050732.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661769053474.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661769045283.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661769042373.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661769066398.jpg" alt="" />
<img src="https://kyzylorda-news.kz/wp-content/uploads/2022/08/fb_img_1661769061397.jpg" alt="" />

Бесарық ауылында «Этноауыл» жобасы қолға алынады

Kyzylorda-news.kz. Қызылорда гарнизонында 30 тамыз Қазақстан Республикасының Конституциясы күніне орай Қызылорда облыстық қорғаныс істері жөніндегі департаментінің ұйытқы болуымен Әбділдә Тәжібаев атындағы Қызылорда облыстық әмбебап ғылыми кітапханасында іс-шара өтті.
«Ата Заңым – айбыным» тақырыбында өткен шараға Қызылорда облыстық қорғаныс істері жөніндегі департаменті бастығының орынбасары – тәрбие, идеологиялық және әскери-патриоттық жұмыстар басқармасының бастығы подполковник Алмат Жақыпов, Қызылорда облыстық әмбебап ғылыми кітапханасының директоры Мыңжас Нұрлыбек Кәрбозұлы және департаменттің жеке құрамы мен кітапхана ұжымы қатысты.
Іс-шараның мақсаты – жеке құрамға Қазақстан Республикасының Ата Заңы туралы кеңінен насихат жүргізу, рухани дүниетанымын жетілдіру.
Шара басында Қызылорда облыстық қорғаныс істері жөніндегі департаменті бастығының орынбасары подполковник Алмат Жақыпов Конституция күніне арналған баяндама жасап, Ата Заңның қоғамның өркендеуіне қарқын қосып, халық бірлігіне жол бастағанын атап өтті. Сөз соңында барлық қатысушыларды осы атаулы күнмен құттықтады.
Департамент қызметшілері Қазақстан Республикасының Конституциясы күніне орай қойылған «Ата Заңым – айбыным» атты көрмені аралап, кітапхананың тыныс-тіршілігімен таныс болатын облыстық кітапхана қызметкерлері ұйымдастырған арнайы экскурсияға қатысты.
<blockquote>
 «Конституция күнін облыстық әмбебап ғылыми кітапханасында өткізу арқылы әскери қызметшілер рухани азық жинады деуге болады. Ата Заңымыз туралы қосымша мәліметтерді де естіп, көріп білдік. Осылардан кейін Конституцияның мемлекет пен қоғам үшін ғана емес, жеке басымыз бен отбасымыз үшін де маңызды екенін сезіндік», – деді Қызылорда облыстық қорғаныс істері жөніндегі департаментінің психологиялық қызметінің бастығы Нэлля Ысқақова.
</blockquote>
Іс-шара соңында Қызылорда облыстық қорғаныс істері жөніндегі департаментінің басшылығы Әбділдә Тәжібаев атындағы Қызылорда облыстық әмбебап ғылыми кітапханасының қызметкерлеріне ризашылығын білдіріп, осы кітапхана директоры Нұрлыбек Кәрбозұлына арнайы алғыс хат табыстады.
<img src="https://kyzylorda-news.kz/wp-content/uploads/2022/08/img-20220829-wa0014.jpg" alt="" />
<img src="https://kyzylorda-news.kz/wp-content/uploads/2022/08/img-20220829-wa0012.jpg" alt="" />

Әскери қызметшілер «Ата Заңым – айбыным» атты шара ұйымдастырды

Kyzylorda-news.kz. Ханшайым Диана мінген Форд автомобилі аукционда 851 мың долларға сатылды.
Марқұм оған 1985-1988 жылдар аралығында иелік еткен. Негізі Форд Эскорт моделі ақшыл түсте шығарылатын. Алайда ханшайымның сұрауы бойынша ол қара түске боялған. Бұл оның қауіпсіздігі үшін жасалған. Британдық ханзада Чарльздың әйелі – ханшайым Диана Парижде жол апатынан қайтыс болды. Биыл 31 тамызда оның көз жұмғанына 25 жыл болады.
<a href="https://24.kz/kz/zha-aly-tar/lemde/item/561486-khanshajym-dianany-avtok-ligi-auktsionda-satyldy">Хабар 24</a>

Диана ханшайымның автокөлігі аукционда сатылды

Kyzylorda-news.kz. Қазақстанда өткен тәулікте 1037 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 416,
Алматы қаласында – 66,
Шымкент қаласында – 256,
Ақмола облысында – 0,
Ақтөбе облысында – 0,
Алматы облысында – 14,
Жетісу облысында – 15,
Атырау облысында – 0,
Шығыс Қазақстан облысында – 0,
Абай облысында – 10,
Жамбыл облысында – 0,
Батыс Қазақстан облысында – 4,
Қарағанды облысында – 118,
Ұлытау облысында – 19,
Қостанай облысында – 0,
Қызылорда облысында – 21,
Маңғыстау облысында – 32,
Павлодар облысында – 58,
Солтүстік Қазақстан облысында – 0,
Түркістан облысында – 8.
Жалпы пандемия басталғалы елімізде коронавирус инфекциясын 1 388 021 адам жұқтырды. Соның ішінде 1 356 263 адам сауығып шықты.

21 қызылордалық коронавирустан жазылды

Kyzylorda-news.kz. Өткен тәулікте коронавирус инфекциясын жұқтырған 445 адам анықталды, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 77,
Алматы қаласында – 45,
Шымкент қаласында – 0,
Ақмола облысында – 67,
Ақтөбе облысында – 16,
Алматы облысында – 5,
Жетісу облысында – 5,
Атырау облысында – 10,
Шығыс Қазақстан облысында – 5,
Абай облысында – 11,
Жамбыл облысында – 4,
Батыс Қазақстан облысында – 28,
Қарағанды облысында – 61,
Ұлытау облысында – 0,
Қостанай облысында – 48,
Қызылорда облысында – 3,
Маңғыстау облысында – 9,
Павлодар облысында – 27,
Солтүстік Қазақстан облысында – 23,
Түркістан облысында – 1.
Жалпы пандемия басталғалы елімізде коронавирус инфекциясын 1 388 021 адам жұқтырды.

Қызылордада 3 адамнан коронавирус анықталды

Kyzylorda-news.kz. Бүгін БҰҰ деңгейінде Ядролық қарудан&nbsp;бас тарту күні. БҰҰ Бас Ассамблеясы Ядролық сынақтарға қарсы іс-қимылдың халықаралық күнін Қазақстан бастамасымен жариялаған еді.
Мемлекет басшысы айтулы күнге орай Twitter-де жазба жариялады.
<blockquote>
 «Бүгін – Ядролық сынақтарға қарсы халықаралық іс-қимыл күні. Бұл күннің бүкіл адамзат үшін мән-маңызы айрықша. Қасиетті қазақ жері атом сынағынан орасан зор зардап шекті. Мұндай қасірет ешқашан қайталанбауы керек. Қазақстан ядролық қауіпсіздік қағидаттарын әрдайым берік ұстанады», – деді Мемлекет басшысы.
</blockquote>
<img src="https://kyzylorda-news.kz/wp-content/uploads/2022/08/img-20220829-wa0001.jpg" alt="" />

Қасым-Жомарт Тоқаев: Мұндай қасірет ешқашан қайталанбауы керек

Kyzylorda-news.kz. Қазақстанның басым бөлігінің ауа райын ауқымды антициклон анықтайды, бұлтсыз және құрғақ ауа райы күтіледі, деп хабарлайды Қазгидромет.
Тек еліміздің солтүстік-батысында, оңтүстік-шығысындағы таулы аудандарында атмосфералық фронттар жаңбыр мен найзағай анықтайды. Республика бойынша кей жерлерде жел күшейеді, солтүстікте, солтүстік-батыста түнде және таңертең тұман түседі.
Қызылорда, Түркістан облыстарының басым бөлігінде, Атырау облысының батысы мен шығысында, Батыс Қазақстан, Абай облыстарының оңтүстігінде төтенше өрт қаупі сақталады, ал Батыс Қазақстан облысының солтүстігінде және шығысында төтенше өрт қаупі күтіледі.

Дүйсенбі күнге арналған ауа райы болжамы

Kyzylorda-news.kz. ҚР Конституциясы күні мерекесіне орай Жаңақорған ауданында мерекелік шара өткізілді.
Шараға аудан әкімі Мұрат Тілеуімбетов, басқарма басшысы Шахмардан Қойшыбаев, облыстық аумақтық инспекциясының басшысы Жандос Сәрсенбаев ветеринария саласының ардагерлері, аудандық, қалалық «Ветстанция» КМК-ның басшылары мен мамандары қатысты.
Шара барысында үнемделген қаражат есебінен салынған ветеринариялық пункттің салтанатты түрде ашылу рәсімі өткізілді.
Сонымен қатар облыс әкімі Нұрлыбек Нәлібаевтың тікелей қолдауымен халыққа сапалы қызмет көрсету және саланы жетілдіру мақсатында үстіміздегі жылы облыстық бюджеттен бөлінген 73,0 млн. теңгеге сатып алынған 140 дана қан үлгілерін жеткізуге арналған термочемодан және ауыл шаруашылығы жануарларын бірдейлендіру жұмыстарын ақпараттық жүйеге енгізуді, мемлекеттік қызмет көрсетуді уақытылы, сапалы жүргізу мақсатында 140 компьютер жиынтығы аудан, қалаға таратылды. Жаңақорған ауданына 25 компьютер және 25 термочемодан берілді.
Президент тапсырмасына сәйкес ветеринария саласын реформалауда жергілікті атқарушы орган сала мамандарының айлық жалақыларын көтеру міндеттілді. Осыған байланысты облыс әкімі Нұрлыбек Нәлібаевтың тікелей қолдауымен ветеринария саласының маңыздылығын ескере отырып облыстық бюджеттен 475,8 млн. теңге бөлінді. Нәтижесінде ветеринар мамандарының еңбек жалақылары сәуір айынан бастап 40%-ға көтерілді.
Сондай-ақ мереке қарсаңында облыс әкімі Нұрлыбек Нәлібаевтың, облыс әкімінің бірінші орынбасары Серік Қожаниязовтың, басқарма басшысының алғыс хаттарымен саланың дамуына сүбелі үлес қосып, аянбай еңбек етіп жүрген барлық аудан және қаланың ветеринар мамандары марапатталды.
<img src="https://kyzylorda-news.kz/wp-content/uploads/2022/08/img-20220828-wa0051.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0055.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0057.jpg" alt="" />

Жаңақорғанда Конституция күні аталып өтті

Kyzylorda-news.kz. Қызылордадағы Назарбаев Зияткерлік мектебінің оқушысы Нұрдаулет Таңатов «Atyrau Chees Fistival» халықаралық шахмат фестивалінде 1-орынды жеңіп алды.
Белгілі шахматшы, бірнеше дүркін әлем чемпионы Динара Сәдуақасованың Шахмат академиясы ұйымдастырған алғашқы әлемдік жарысқа 300-ге жуық шахмат әуесқойлары қатысты. Оның ішінде Қазақстанмен қоса, АҚШ, Нидерланды, Украина, Тәжікстан, Өзбекстан, Беларусь және Ресей мемлекеттерінің ойыншылары бар. Ойын швейцариялық жүйе бойынша 9 кезеңде өтті.
Сырбойылық Нұрдәулет Таңатов 16 жасқа дейінгі жасөспірімдермен сынға түсіп, ақ-қара ойынында мықтылығын дәлелдеді.
<blockquote>
 «Жарыс қызықты және шиеленісті сәттерге толы болды. Өз мүмкіндіктерімді шыңдап, табысты ойын үшін жаңа білім мен тәжірибе жинақтадым. Шахмат – логикалық ойлау мен есте сақтау қабілетін арттырудағы негізгі көмек құралы», – деп санайды Нұрдәулет Таңатов.
</blockquote>
Алтын медальмен бірге Нұрдәулет Таңатов 225 000 мың теңге көлемінде ақшалай сыйақыны иеленді. Жас спортшының қоржынында бұл – 33-марапат. Бұған дейін халықаралық, республикалық және облыстық турнирлерден 16 алтын, 9 күміс және 7 қола медаль иеленген жас зияткер өткен жылы «Қазақстан Республикасының спорт шеберіне кандидат» атағына ие болды.
<img src="https://kyzylorda-news.kz/wp-content/uploads/2022/08/img-20220828-wa0014.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0010.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0009.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0012.jpg" alt="" />
<img src="https://kyzylorda-news.kz/wp-content/uploads/2022/08/img-20220828-wa0015.jpg" alt="" />

Сырбойылық шахматшы Нұрдаулет Таңатов әлемдік сында топ жарды

Kyzylorda-news.kz. Бүгін Роза Бағланова атындағы мәдениет орталығында аудандық прокуратураның ұйымдастыруымен құқық бұзушылық профилактикасы саласында атқарылып жатқан жұмыстарды талқылау мақсатында кеңейтілген мәжіліс өтті.
Күн тәртібіндегі негізгі мәселенің бірі – жастар мен жасөспірімдер арасында топтасып төбелесуді болдырмау және алдын алу бағытындағы шаралар болды.
Маңызды басқосуды аудан прокуроры Дарын Әбіш ашып, жүргізіп отырды. Кеңейтілген мәжілістің кіріспе сөзі аудан әкімі Мұхтар Оразбаевқа берілді. Өз кезегінде Мұхтар Әуесұлы аудан әкімдігі тарапынан жастар арасындағы топтық төбелестің алдын алу бағытында көптеген жұмыстар атқарылып жатқанын жеткізді. Дегенмен де қабылданған түрлі шараларға қарамастан соңғы уақытта топтық төбелес тыйылмай тұрғаны көңілге қаяу түсіретіні жасырын емес екендігін тілге тиек етті.
Басқосуда ең алдымен аудан прокуроры Дарын Әбіш күн тәртібіндегі мәселеге байланысты баяндама жасап, құқық бұзушылық профилактикасының алдын алу бағытындағы жұмыстарда кемшілік бар екенін атап көрсетті. Сондықтан да ауданда келеңсіз оқиғаларды тоқтату үшін бірлесіп нақты іс-шараларды атқару қажет екендігін айтып, бірқатар ұсыныстарын жеткізді.
<blockquote>
 «Бірінші топтық төбелестің алдын алу үшін учаскелік полиция инспекторларымен, жергілікті атқарушы орган қызметкерлерімен, мәслихат депутаттарымен, үкіметтік емес ұйымдармен және әр аймақтағы аймақ белсенді жастарымен мобильдік топ құрып, рейдтік жұмыстар жүргізу қажеттігін ұсынамын. Ол үшін мобильдік топқа аудандық прокуратураның қызметкерлерін және әр аймақтың беделді азаматтарын, келісімдері бойынша депутаттарын, мемлекеттік мекеме басшыларын кемінде 7 адамға әр аймаққа бөліп, түсіндірме жұмыстарын жүргізу қажет», – деді Дарын Елтайұлы.
</blockquote>
Аудан прокуроры Дарын Әбіш сондай-ақ, мал ұрлығы мен жолдағы қауіпсіздікті қамтамасыз ету мәселелеріне қатысты атқарылған жұмыстарға да тоқталды.
Күн тәртібіндегі мәселеге байланысты аудандық полиция бөлімінің бастығы Болат Кабизов сөз алып, жастар арасындағы топтық төбелестің алдын алу бағытында атқарылып жатқан жұмыстарға тоқталды.
Мұнан соң аудандық ардагерлер кеңесінің төрағасы Оразғали Бекбанов, аудандық мәслихат депутаты Ғазиз Әліш, аудандық қоғамдық кеңес мүшелері Асқар Дәлиев пен Жәнібек Жұбанғанов өздерінің ой-пікірлерін білдіріп, пікір алмасты.
Кеңейтілген мәжілістен кейін «Ашық есік күні» шарасы өткізіліп, аудандық прокуратура қызметкерлері мен дербес бөлім басшылары және Әйтеке би кентінің әкімі аудан тұрғындарының сауалдарына жауап берді.
<img src="https://kyzylorda-news.kz/wp-content/uploads/2022/08/fb_img_1661676186057.jpg" alt="" />

Қазалыда топтық төбелестің алдын алу жолдары талқыланды

<a href="https://kyzylorda-news.kz/">Kyzylorda-news.kz.</a>&nbsp;Адам ағзасында «жаман» холестерин көбейіп кетсе, қан тамырларына жабысып, қан айналымын қиындатып жібереді. Содан жүрек аурулары пайда болады, инфаркт пен инсульт де осыдан.
Ең қызығы сол – адам қанда холестерин көбейіп кеткенін өзі де сезбей жүре береді. Бірақ десе де мамандардың айтуынша, холестериннің көбейе бастағанын білдіретін алғашқы әлсіз, бірақ анық белгілер болады.
Мәселен, солардың бірі – аяқ ауру, әсіресе, жүрген кезде не тұрған уақытта аяқтың “дыңқ” етіп қатты ауруып кететінін белгісі бар. Қан айналымы қиындағасын, табан мен башпайға қан жетпей қалуы мүмкін. Ауру содан болады. Бір аяқ ауырмай, екіншісі ғана ауруы мүмкін.
Одан бөлек, холестериннің көптігін білдіретін мынадай қосымша белгілері бар:
<ul>
<li>Аяқтың жүні түседі;</li>
<li>Аяқ ұю, аяқ әлсіз болады;</li>
<li>Тырнақ ақырың өседі әрі сынғыш келеді;</li>
<li>Табанда жара шығады, көп жазылмай жүреді;</li>
<li>Аяқтың түсі бозарып тұруы мүмкін;</li>
<li>Аяқтың бұлшықеті тартылуы, құрылысып қалуы ықтимал.</li>
</ul>
Мұндай жағдайда адам денсаулығын жақсарту үшін міндетті түрде дәрігерге қаралып, ем алғаны жөн.
Холестеринді түсірудің жолдары көп. Дәрі-дәрмек ішіп, салауатты диета ұстанып, жиі физикалық жаттығу жасап, азайтуға болады.
Холестерин көбейіп кеткенін адам иісіне қарап-ақ анықтауға болады
Беттегі дақ: Қанда холестерин көп екенін білдіретін басты белгі
<a href="https://massaget.kz/layfstayl/Zdorove/71064/?fbclid=IwAR0v8qQ-YmnU_4Hc4F4dtb_3ULlNY9BJ1mKH3JD7hgEz9LAK6J0mklGCuUQ">massaget.kz</a>

Қазақстан және Қызылорда облысының жаңалықтары