<a href="https://kyzylorda-news.kz/">Kyzylorda-news.kz.</a>&nbsp; Халықтың нысаналы топтарына биыл скринингтік зерттеулер жүргізуге, оның ішінде онкологиялық түзілімдерді анықтауға арналған скринингтерді қоса алғанда, 23,7 млрд теңге көзделген. Әлеуметтік медициналық сақтандыру қоры скринингтің кімге және қандай түрлерінен өту керектігін еске салды.
Профилактикалық тексерулердің арқасында қатерлі ауруларды ерте кезеңде анықтап, уақтылы емдеуді бастауға болады. Скринингтерді денсаулықтарына шағымдары жоқ және аталған аурулар бойынша есепте тұрмайтын азаматтар белгілі бір жаста өтеді.
2022 жылға Әлеуметтік медициналық сақтандыру қорында медициналық ұйымдардың ересек тұрғындарға скринингтік зерттеулер мен профилактикалық тексерулерді жүргізуіне шамамен 23,7 млрд теңге қарастырылған.
Тұрғындар бекітілген емханасында учаскелік мейірбикенің шақыруы бойынша скринингтен өтеді. Скринингтен өтуге қажетті жасқа жеткен кезде азаматтар емханаға өз бетінше де жүгіне алады.
Айта кетейік, жұмыс берушілер скринингтерді өту үшін қызметкерлерді &nbsp;жұмыс уақыты кезеңінде лауазымын және орташа жалақысын сақтай отырып, кедергісіз жіберуі керек («Халық денсаулығы және денсаулық сақтау жүйесі туралы» Кодексінің 87 бабына сәйкес).
Скринингтік зерттеулердің түрлері және нысаналы топтар
<ul>
<li>30-39 жас аралығындағы әйелдер мінез-құлық қауіп факторларын ерте анықтау үшін скринингтен өтеді. Темекіні пайдалануға, дұрыс тамақтанбауға, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі. Скрининг жүргізу кезінде пациенттің денсаулығы тексеріледі. Созылмалы аурулар немесе олардың даму қаупі анықталған жағдайда пациентті дәрігерлердің қадағалауына қояды, қажетті емдеу-диагностикалық іс-шаралар жүргізіледі.</li>
<li>40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтауға арналған скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады. Скрининг осы аурулардың дамуын болдырмауға және қауіп тобындағы пациенттерді бақылауға жүргізіледі, қажет болған жағдайда – есепке алуға және емдеу мен дәрі-дәрмектермен қамтамасыз етуге мүмкіндік береді.</li>
<li>30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест немесе тереңдетілген диагностика – (бейне) кольпоскопия, биопсия және гистология, бейінді мамандардың консультациясын алады.</li>
<li>Әйелдер 40 жастан 70 жасқа дейін сүт безі обырын ерте анықтау үшін тексеруден өтеді – екі проекциядағы маммография. Қажет болған жағдайда тереңдетілген диагностика – нысаналы маммография, сүт бездерінің УДЗ-і, трепанобиопсия, пункциялық немесе аспирациялық биопсия, гистология, бейінді мамандардың консультациясы.</li>
<li>50-ден 70 жасқа дейінгі ерлер мен әйелдер гемокульт-тест көмегімен колоректальды обырды ерте анықтауға тексеруден өтеді. Қажет болған жағдайда тереңдетілген диагностика – жаппай бейне колоноскопия, оның ішінде наркозбен, эндоскопиялық шертпелі биопсия, гистология, мамандардың консультациясы жүргізіледі.</li>
</ul>
Егер сізде скринингтен өтуге қатысты қосымша сұрақтар туындаса, сіз оларды учаскелік дәрігерге немесе өз емханаңыздағы Пациенттерді қолдау қызметіне қоя аласыз.
Егер жағдайды сол жерде шешу мүмкін болмаса, онда ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.
<img src="https://kyzylorda-news.kz/wp-content/uploads/2022/03/skrining_kaz.jpg" alt="" />

МӘМС: Скринингтен не үшін өтеді және ол қалай жүргізіледі?

<a href="https://kyzylorda-news.kz/">Kyzylorda-news.kz.</a> Соңғы он күнде облыста коронавирус індетін жұқтырудың бірде-бір дерегі тіркелмеді. Ал өңірдегі халықтық 95 пайызы індетке қарсы вакцина қабылдады. Оның ішінде «Pfizer» екпесімен 82 мыңнан астам азамат қамтылды.
Бүгінгі күнге дейін 185 664 тұрғын ревакцинациядан өтті. Бұл туралы Өңірлік коммуникациялар қызметінің алаңыңда облыстық денсаулық сақтау басқармасы басшысының орынбасары Жангелді Шаймбетов хабарлады.
<blockquote>
 «Қазіргі таңда облыс бойынша инфекциялық стационарда – 10 адам, жансақтау бөлімінде – 3 науқас емделуде. Облыстағы эпидемиологиялық ахуалдың жақсаруына байланысты 3 наурыздан бастап 200 орынды модульді инфекциялық стационар жабылды. Ендігі кезекте бұл аурухана қайта бейінделіп, басқа профильді аурухана ретінде жұмыс істейтін болады. Сондай-ақ, барлық егу пункттері тек жұмыс күндері ғана қызмет көрсетеді. Ал сенбі және жексенбіде жұмыс істемейді. Жалпы облыста вакцинация жұмыстары жалғаса береді. Осы індетке қарсы екпелердің күшімен коронавирус инфекциясы жай тұмауға ұқсас ауру ретінде қалуы мүмкін. Дегенмен облыс тұрғындары сақтық шараларын ұмытпағаны абзал», – деді Жангелді Шаймбетов.
</blockquote>

Қызылорда облысында соңғы он күнде коронавирус жұқтырудың дерегі тіркелмеді

<a href="https://kyzylorda-news.kz/">Kyzylorda-news.kz</a> Партия жұмысын жан-жақты жаңғырту жұмыстары халықпен кері байланыс жасаудың тиімді құралы қоғамдық қабылдау бөлмелері қызметін де қамтып отыр. Қоғамдық қабылдау бөлмелері тек шағымдармен ғана емес, елді дамыту бойынша нақты идеялармен келетін азаматтар үшін өз ойлары мен ұсыныстарын ортаға салатын орынға айналуы тиіс және көшпелі қабылдауды жиі өткізіп, шалғай ауылдардың тұрғындарымен кездесу керек деп кезектен тыс ХХІІ съезде партия Төрағасы Қасым-Жомарт Тоқаев атап өткен болатын.
Бүгін «AMANAT» партиясы Қызылорда облыстық&nbsp; филиалының мобильді көшпелі қабылдау топтары Жалағаш, Сырдария, Қазалы, Шиелі, Жаңақорған аудандарында болып, шалғай елді мекен тұрғындарының мәселесін тыңдады.
<blockquote>
 «Сыр өңіріндегі 5 ауданның 5 елді мекенінде ұйымдастырылған мобильді топ мүшелерінің қабылдауына 200-ден астам азамат келіп өтініш білдірді. Себебі ауыл тұрғындары аудан, қала орталықтарына келе бермейтіндіктен осы мүмкіндікті пайдалануда. Мобильді топтар құрудағы мақсат олардың келуін күтіп отырмай оларға арнайы өзіміз келіп, ұсыныс – пікірлерін тыңдау. Бұл жұмыстар азаматтардың мәселелерін шешумен қатар, ауылдарда шоғырланған проблемаларды назарға алып, жүйелі шешімдер қабылдау үшін мүмкіндік береді», – деп&nbsp; атап өтті республикалық мобильді топ құрамының мүшесі, республикалық қоғамдық қабылдау бөлмесі меңгерушісінің орынбасары Азамат Біржанов.
</blockquote>
Жалағаш ауданы, Аламесек ауылдық округі, Есет батыр ауылында өткен қоғамдық қабылдауға алғашқылардың бірі болып келген ауыл тұрғыны, Гүлсім Жаханова ауыл көшелерін жарықтандыру қажеттілігін алға тартты. Зейнеткердің айтуынша ауылда 13 көшенің 3 көшесінен басқаларына көше жарығы жүргізілмеген.
<blockquote>
 «Түнгі мезгілде бір жерге барсаң тас қараңғыда жолыңды көрмейсің. Жауын болған күндері тіпті қиыні»,- дейді Гүлсім Жаханова.
</blockquote>
Өз кезегінде мобильді қоғамдық қабылдаудың құрамына кірген Жалағаш ауданының әкімі Асылбек Шәменов бұл мәселе төңірігінде жұмыстар жасалып жатқанын атап өтті.
<blockquote>
 «Есет батыр елді мекенінде аудандық бюджеттен қаражаты есебінен 1,0 млн теңгеге Көкпая көшесі жарықтандырылып, 1,4 млн теңгеге&nbsp; Ақарық көшесінің&nbsp; шамдары жаңартылды. Көтерілген мәселе шешілмей қалмайды. Алдағы уақытта Қара бура ЖШС-гі демеушілігімен Ақарық көшесіне 25 баған, «Өңірлерді дамыту» бағдарламасы аясында Әбішов көшесіне 20 баған қойылып, жарық шамдары орнатылады»,- дейді&nbsp; Асылбек Шәменов.&nbsp;
</blockquote>
Мұнан бөлек қабылдау барысында ауыл тұрғындары тарапынан ішкі көшелерді жөндеу, ауыз су, аяқ су, жайылымдық&nbsp; жер, егістік жерлерде ротацияның сақталуын қатаң бақылауға алу мәселелері көтерілді.&nbsp;&nbsp; Әрбір өтініш бойынша жауапты тұлғалар мен орындау мерзімдері белгіленеді.
Көшпелі қабылдау барысында мобильді топ өкілдері І топ көз мүгедегі Жартай Ешмахановтың үйіне соқты. Қос жанарынан айырылып, қабылдауға кел алмаған ауыл тұрғыны өтінішін жерде қалдырмай іздеп келген аманаттықтарға өз ризашылығын білдірді.
<blockquote>
 &nbsp;«Ауылға келіп, ауыл азаматтарының жағдайымен танысып жатқан «Amanat» партиясының өкілдеріне ризашылығым шексіз. Мұндай көшпелі қабылдаулар біз секілді үйден шыға алмайтын азаматтар үшін көкейіндегі мәселесін жеткізуге үлкен мүмкіндік. Менің «Amanat» партиясына алғыстан басқа айтарым жоқ.&nbsp; Қызыма жұмыс іздеп көмек сұрадым, жұмысқа орналасуына ықпал етті.&nbsp; Түрлі әлеуметтік көмектер көрсетіп жатыр.Бұл партияның барлығын игілігін көріп отырмыз.&nbsp; Біздерді мүгедек деп назардан тыс қалдырып жатқан жоқ. Еңбектерінің жемісін көрсін».&nbsp;
</blockquote>
Аманаттықтар сондай – ақ,&nbsp; Сырдария ауданына қарасты Іңкәрдария&nbsp; ауылында болып, тұрғындар өтінішіне құлақ түрді. Ауыл тұрғындары білім ордасына күрделі жөндеу, интернет жылдамдығын көтеру, ауылдық жерде кепілге қоятын үйлердің бағалануы төмен болуына байланысты, жас кәсіпкерлерге кепілсіз және төменгі пайызбен несие қарастырылса деген ұсыныстарын жеткізді.
Осы күні «AMANAT» партиясының мобильді бригадалары Шиелі ауданындағы Жөлек, Жаңақорған ауданындағы Қандөз, Қазалы ауданындағы Бекарыстан би елді мекендерінің тұрғындарына да қабылдау өткізді. Жөлек ауылдық округі тұрғындары Жуантөбе елді мекенін ауыз су жоқтығын айтып шағымданса, Кандөз ауылының&nbsp; тұрғындары елді мекенді газдандыру, Бекарыстан би тұрғындары мал басының жыл санап көбеюі мен қуаңшылық жағдай әсерін алға тартып, қыс мезгілінде мал ішетін судың қиындық тудыруына байланысты су ұңғымасын қазу қажеттілігі туындап отырған айтты. Ауыл тұрғындарының айтуынша Кеңес Үкіметі кезінде қазылған 7- 8 бұлақ бар. Олардың су өткізу қабілеті төмендеген. Бұл бұлақтарды қайта қазғанмен экономикалық тиімділігі жоқ.
Мобильді топ мүшесі, облыстық партия филиалының Атқарушы хатшысы Л. Төрешова&nbsp; барлық өтініштердің орындалғанша партияның жіті бақылауында болатындығын атап өтті.
<blockquote>
 ««AMANAT» партиясының қоғамдық қабылдау бөлімелеріне жыл басынан бері&nbsp; тұрғындардан&nbsp; 800 –ден астам өтініштер түсіп, олардың 60%-ы оң шешілді. 298 азаматқа заңнамалық тұрғыда кеңестер берілді. Бүгінгі мобильді қабылдаулар барысында азаматтардан түскен өтініштер шешімін тапқанша партияның тікелей бақылауында болып нақты жұмыстар жасалады. Мұндай&nbsp; қабылдаулар алдағы сәуір және мамыр айларында облыстағы шалғай 20 елді-мекенде ұйымдастырылады. Мобильді қабылдаулар жыл соңына&nbsp; дейін барлық аудандарды жалғасатын болады»
</blockquote>
<img src="https://kyzylorda-news.kz/wp-content/uploads/2022/03/277526281_344877627677880_7975954254508318238_n.jpg" alt="" />
<img src="https://kyzylorda-news.kz/wp-content/uploads/2022/03/277565059_344877587677884_8443029100053387388_n.jpg" alt="" />
<img src="https://kyzylorda-news.kz/wp-content/uploads/2022/03/277563409_344878424344467_4680830856147390748_n.jpg" alt="" />

Мобильді топ өкілдері шалғайдағы ауыл тұрғындарының өтініштерін тыңдады

<a href="https://kyzylorda-news.kz/">Kyzylorda-news.kz</a> Қазақстан мұсылмандары діни басқармасының төрағасы, Бас мүфти Наурызбай қажы Тағанұлы қасиетті Рамазан айында көбірек сауапты амалдар, мүмкіндігінше, мұқтаж жандарға қол ұшын беріп, науқастың көңілін сұрап, зиярат жасауға үндеді.
<blockquote>
 «Осы ретте кәсіпкер азаматтарды қасиетті айдың құрметі үшін халқымыздың тұрмыс жағдайын ескеріп, әлеуметтік маңызы бар тауарлар мен азық-түлік бағасын мүмкіндігінше 10%-ға дейін төмендетіп, жеңілдік жасауға шақырамын. Діни басқарманың негізгі жұмыс бағыттарының бірі – қайырымдылық. Діни басқарма жанындағы «Зекет және қайырымдылық» қоры қасиетті айда «Шарапатты Рамазан», «Рамазан қоржыны», «Рамазаннан тәберік» сынды ауқымды республикалық қайырымдылық іс-шаралар ұйымдастырады. Осы ретте еліміздегі барша мұсылман жамағатын қайырымдылық акцияларына белсенді түрде үлес қосуға шақырамын», – деді Орталық коммуникациялар қызметі алаңында өткен брифингте еліміздің бас мүфтиі.&nbsp;
</blockquote>
Сондай-ақ, Қазақстан мұсылмандары діни басқармасы Рамазан айында жарапазан жырын жатқа айтушылар арасында арнайы сайыстар ұйымдастыруды жоспарлап отыр.

Наурызбай қажы Тағанұлы: Кәсіпкерлерді азық-түлік бағасына жеңілдік жасауға шақырамын

<a href="https://kyzylorda-news.kz/">Kyzylorda-news.kz</a> Биыл облыста 12 мыңнан астам заңды тұлға мен 776 мың аса жеке тұлға, оның ішінде 47 852 дара кәсіпкер тіркелген. Сондай-ақ, 122 872 тұлғаға мемлекеттік қызмет түрі көрсетілді. Оның 122 598 электронды түрде, 99,8 пайызы қағаз түрінде жүзеге асты.
Бұл жөнінде Өңірлік коммуникациялар қызметінде өткен брифингте облыс бойынша мемлекеттік кірістер департаменті басшысының орынбасары Қуаныш Бекшин хабарлады.
<blockquote>
 «Өңірде салық төлеушілердің 99,7 пайызы электронды түрде салықтық есептіліктерін тапсырған, ал қағаз түрінде 0,3 пайызды құрады. Электрондық қызметтердің көбеюі сыбайлас жемқорлықты болдырмаудың маңызды аспектісі болып табылады. Халықаралық стандарттарға сәйкес мүгедектігі бар азаматтарға арналған электронды басқару жүйесінің мәзіріне «Мүмкіндігі шектеулі азаматтар» деген қызмет түрі қосылды. Сонымен бірге, салық төлемдерін төлеу үшін аумақтық кірістер басқармаларында «Халық банкі» және «Казпошта» АҚ бөлімшелерінің кассалары жұмыс істейді», – деді Қуаныш Бекшин.
</blockquote>

Қызылордада электронды қызметтерді пайдаланушылар қатары артқан

<a href="https://kyzylorda-news.kz/">Kyzylorda-news.kz</a> Шариғат бойынша балиғатқа толған, ақыл-есі дұрыс әрбір мұсылманға рамазан айында ораза ұстау – парыз. Бұл туралы Орталық коммуникациялар қызметі алаңында өткен брифингте ҚМДБ төрағасы, Бас мүфти Наурызбай қажы Тағанұлы мәлімдеді.
Алайда, жолаушыларға, сырқаттанған немесе денсаулығы нашар адамдар ауруының асқынуынан қауіптенсе және сенімді дәрігер ұзақ уақыт бойы ашығудан денсаулығы күрт нашарлап кетуі мүмкін деген шешім қабылдаса, сондай-ақ жүкті немесе омырауда баласы бар әйелдерге ораза тұтуды кейінге қалдыруға шариғатпен рұқсат беріледі.&nbsp;
<blockquote>
 «Егер Оразаға, жалпы діни мәслеге қатысты қандай да сұрақтар болса, Қазақстан мұсылмандары діни басқармасы жанынан ашылған Діни ақпарат беру орталығына хабарласуға болады. Жамағаттың сұрағына дер кезінде жауап беретін орталықтың нөмірі – 33-30-30. Орталыққа Нұр-Сұлтан қаласының коды арқылы телефон шалуға болады. Дін саласының білікті мамандары тәулік бойы қазақ және орыс тіліндегі сұрақтарға жауап береді», – деді Наурызбай қажы.
</blockquote>

Діни ақпарат беру орталығы ашылды

<a href="https://kyzylorda-news.kz/">Kyzylorda-news.kz</a> Қызылорда қаласындағы «Бәйтерек» мөлтек ауданындағы автомобиль көпірінің құрылысы биыл аяқталады деп жоспарлануда. Былтыр «Оң жақ магистральды» каналы арқылы өтетін автомобиль көпірінің құрылысына жоба-сметалық құжаттары әзірленді.
Бұл туралы Өңірлік коммуникациялар қызметінде өткен брифингте қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімі басшысының міндетін атқарушы Дархан Бақтияров мәлімдеді.
<blockquote>
 «Бәйтерек» мөлтек ауданындағы автомобиль көпірінің құрылысына қалалық бюджеттен 16,4 млн.теңгеге жуық қаржы бөлінді. Сонымен қатар «АлматыДор Проект» ЖШС келісім шарт жасалып, жобалық-сметалық құжаттары әзірленді. Қазіргі таңда мемлекеттік сараптаманың қарауына жолданды. Оң қорытындысы шыққаннан кейін республикалық және облыстық бюджеттен қаржы бөлу үшін өтінім ұсынылатын болады. Бұл өтінім толық мақұлданса көпірдің құрылысы аяқталып, пайдалануға беріледі, – деді Дархан Бақтияров.
</blockquote>

«Бәйтерек» мөлтек ауданындағы автомобиль көпірінің құрылысы биыл аяқталады

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық Полиция басқармасының ювеналды полиция қызметкерлері «Құқық тәртібі» іс – шарасы аясында есепте тұрған 16 қолайсыз отбасының 46 баласымен құқықтық профилактикалық әңгімелесулер жүргізді.
<blockquote>
 «Іс – шара барысында құқық бұзушы 141 жасөспірім басқармаға жеткізіліп, олардың ата – аналарына хаттама толтырылды. Ювеналды полиция қызметкерлері жасөспірімдер арасындағы тәртіпсіздікті болдырмау, қылмыстардың алдын-алу түнгі уақытта ойын-сауық орындарында болған және ересектердің бақылауынсыз көшеде жүрген балаларды анықтап, ата-аналарына тапсыру бойынша түнгі тексеру жұмыстары жүргізілді. Нәтижесінде, құқықбұзушы жасөспірімдердің ата – аналарына ҚР ӘҚБтК 442 бабы (Кәмелетке толмағандардың заңды өкілдерінің еріп жүруінсіз түнгі уақытта ойын –сауық мекемелерінде немесе тұрғын жайдан тыс жерде болуы) – 100 әкімшілік шара көрілді», – деп хабарлайды полиция департаментінің баспасөз құызметі.
</blockquote>
Жыл басынан бері басқарманың кәмелетке толмаған бейімдеу орталығына 73 жасөспірім орналастырылды. Оларға орталықтан психолог мамандары және полиция қызметкерлерімен бірлесе отырып құқықтық көмек көрсетілген.
<blockquote>
 «Ювеналды полиция қызметкерлері ұдайы кәмелет жасына толмаған мектеп, колледж білім алушыларымен кездесу өткізуде. Кездесу барысында оларға егжей-тегжейлі құқықтық сабақтар өткізіп, оларға заң бұзушылықтар жасаумауды ескертуде. Және де полиция қызметкерлері ата-аналарға өз балаларына мұқият болуға, бос уақытын дұрыс ұйымдастыру, тиімді өткізу мәселелеріне назар аударуға, олардың қатысуымен, сондай-ақ оларға қатысты құқыққа қарсы әрекеттерді жасауға қатысты қарым-қатынастардан аулақ болуға шақырады. Бұл реттегі жұмыстапр өз жалғасын табуда», – делінген хабарламада.
</blockquote>

Ювеналды полиция қызметкерлері есепте тұрған отбасыларға құқықтық көмек көрсетті

<a href="https://kyzylorda-news.kz/">Kyzylorda-news.kz</a> Экологтар&nbsp;Сырдария өзені сағасының өткізу қабілеті мен ирригациялық көлдерді сумен қамтамасыз етудің артқанын айтты. Арал теңізінде су көлемі 11,5 текше километрге ұлғайған.
<blockquote>
 “Бұл Сырдария өзенінің арнасын реттеу және Арал теңізінің солтүстік бөлігін сақтау&nbsp;жобасын іске асырудың нәтижесінде болды”,-&nbsp;деп хабарлады Қазақстанның экология, геология және табиғи ресурстар министрлігінің <a href="https://www.facebook.com/EcologyofKazakhstan/photos/a.462444771186873/1159112718186738/">баспасөз қызметі</a>.
</blockquote>
Экологтар « Ғасыр жобасы « деп атаған жоба мынадай&nbsp;мақсаттарға қол жеткізуге көмектескенін айтады:
Солтүстік Арал теңізінің Көкарал бөгеті, Әйтек құрылыстар кешені, Сырдария өзеніндегі қорғаныс бөгеттері салынды;
Қызылорда, Қазалы қалаларының гидротораптарында, Шардара және Арнасай су қоймаларының бөгеттерінде құрылыс жұмыстарының едәуір көлемі жүргізілді.
<blockquote>
 «Осыған байланысты Арал теңізінің солтүстік бөлігіне ағатын су көлемі ұлғайды.&nbsp;Арал өңірінің көптеген биологиялық түрлері қалпына келтіріліп, ауыл шаруашылығы алқаптарын суармалы сумен қамтамасыз ету жақсарды«, –&nbsp;деп хабарлады Экология министрлігі.
</blockquote>
Жобаның бірінші фазасын іске асыру нәтижесінде: 
– Сырдария өзені арнасының өткізу қабілеті 350-ден 700 м/с дейін артты; 
– географиялық климат түзуші объект ретінде Арал теңізінің солтүстік бөлігін сақтау; 
– ирригациялық және көлдік жүйелердің сумен қамтамасыз етілуі артты; 
– Шардара бөгетін пайдалану қауіпсіздігі мен&nbsp;СЭС-інің жұмыс режимін тұрақтандыру артты. 
– өзендегі қолданыстағы құрылыстардың сенімділігі артып, оларды пайдалану мерзімі ұлғайды.&nbsp;Су тораптарының пайдалану сипаттамалары жақсарды; 
– Арал өңірінің қазақстандық бөлігінің биоалуантүрлілігі қалпына келтірілді;
<blockquote>
 «Бұл өз кезегінде көлдерді қалпына келтіруге алып келді және балық шаруашылығын дамытуға мүмкіндік берді. Бұрын теңізде жоғалып кеткен балықтың 13 түрі қалпына келтірілді. Балық аулау көлемі 400 -ден 7,0 мың тоннаға дейін ұлғайды«, –&nbsp;деп толықтырды министрлік.
</blockquote>
Жоба аясында: Солтүстік теңіз бөгеті (Көкарал бөгеті), Ақлақ гидроторабы, Әйтек құрылыс кешені, Сырдария өзеніндегі қорғаныс бөгеттері салынып, Ақсу ауылы маңындағы өзен арнасы түзетілді. Қазалы және Қызылорда су тораптары, Шардара және Арнасай бөгеттері сияқты қолданыстағы құрылыстарында да жөндеу-қалпына келтіру жұмыстары орындалды.
Қазіргі таңда Мемлекет басшысының тапсырмасы бойынша «Арал теңізінің солтүстік бөлігін қалпына келтіру» екінші кезеңінің жобасы дайындалуда. Жобаны іске асыру барысында: гидротехникалық құрылыстарды салу және реконструкциялау, сондай-ақ Арал теңізіндегі балық питомниктерін қайта құру жоспарлануда.

Арал теңізіндегі су көлемі артты

<a href="https://kyzylorda-news.kz/">Kyzylorda-news.kz</a> 21 наурызда сағат 20:00-де Қызылордада 17 жастағы қыз белгісіз бағытта үйден шығып кеткен. Полицейлер оны іздеп жатқанын хабарлады.
Барлық әлеуметтік желілерде Айдана Тұраланың сипаттамасы мен суреттері жарияланып жатыр.
<blockquote>
 «Айдананы іздестіру жұмыстарына Қызылорда қалалық полиция департаментінің жеке құрамы мен облыстық полиция департаментінің жеке құрамы жұмылдырылды, еріктілер де қосылды. Іздестіру шаралары жалғасып жатыр. Қыздың таныстары мен достарынан сұрастыру жұмыстары жүргізіліп жатыр. Оны тапқан бойда халыққа дереу хабарлаймыз», – деп хабарлады Қызылорда ОІІД баспасөз қызметі..
</blockquote>
Қыздың бойы 160-165 сантиметр, орта денелі, шашы қара, қысқа. Кәмелетке толмаған қыз туралы қандай да бір ақпарат білсеңіздер 8 (7242) 29-75-20 телефоны немесе 102 арнасы арқылы полцияға хабарлауды сұраймыз.

Қызылордада 17 жастағы қыз бір аптадан бері іздестіріліп жатыр

<a href="https://kyzylorda-news.kz/">Kyzylorda-news.kz</a> Жаңақорған ауданында жаңа мешіт ашылды. «Әл-Мүмин» деп аталатын құлшылық үйінің ашылуына ҚМДБ Төрағасы, Бас мүфти Наурызбай қажы Тағанұлы арнайы қатысты.
Алғаш боп сөз алған діни басқарма төрағасы аудан халқын құттықтап, ізгі ниетін жеткізді.
<blockquote>
 «Мешіт – адамдарды мейірімділікке, сүйіспеншілікке шақыратын, бір-біріне қамқор болып, қол ұшын беретін, мұқтаж болған адам жанына тыныштық табатын, сондай бір қасиетті, ұлық мекен. Бұл – имандылықтың, білімнің, тәрбиенің ордасы. Аудандағы Әл-мүмін мешіті де жылу мен берекенің ордасына айналсын! 
 «Өзі үшін жақсы көрген нәрсені дін бауыры үшін де жақсы көрмеген адам кәміл мүмин бола алмайды» делінген бір хадисте. Міне, бүгінгі мешіт салдырған азаматтар осындағы жамағаттың да сауабына ие болып, өзіндегі бар жақсысын бөлісіп отыр. Алла разы болсын! Сыр еліне, Жаңақорған жұртына жақсылық, амандық тілеймін», – деді Бас мүфти.
</blockquote>
Ашылу рәсімі барысында бағдарламаға сай ауданның құрметті азаматтары сөз алып қуанышқа ортақтасты. Жаңа мешіттің ашылуына ұйытқы болған демеуші Несібелі Бектасқызына Бас мүфти арнайы Алғыс хат табыстап, имамға Құран Кәрім сыйлады. 300 адамға арналған «Әл-Мүмин» мешітіне іргелес асхана да пайдалануға берілді.
Рамазан айының қарсаңында аудандық орталық мешітінің ұйымдастыруымен қайырымдылық шарасы да өтті. «Рамазан сыйы» деп аталатын ізгі шарада бас мүфти Жаңақорған тұрғындарын келе жатқан Рамазан айымен құттықтап, қайырымдылық шарасына ұйытқы болған мешіт имамдары мен жомарт азаматтарға алғысын білдірді.
Айта кетейк, акция аясында 100 отбасыға азық-түлік қораптары таратылды.
<img src="https://kyzylorda-news.kz/wp-content/uploads/2022/03/277003227_2496443180485983_7619963077873188153_n.jpg" alt="" />
<img src="https://kyzylorda-news.kz/wp-content/uploads/2022/03/277467098_2496440963819538_6900194432983209709_n.jpg" alt="" />
<img src="https://kyzylorda-news.kz/wp-content/uploads/2022/03/277168491_2496536223810012_41361569906417058_n.jpg" alt="" />
<img src="https://kyzylorda-news.kz/wp-content/uploads/2022/03/276272779_2496443247152643_8676319984398383300_n.jpg" alt="" />
<img src="https://kyzylorda-news.kz/wp-content/uploads/2022/03/276997990_2496442980486003_3464472432187196160_n.jpg" alt="" />

Жаңақорғанда жаңа мешіт ашылды

<a href="https://kyzylorda-news.kz/">Kyzylorda-news.kz</a>. Қызылордалықтардың назарына 2022 жылғы Рамазан айындағы ораза және намаз кестесін ұсынамыз.
<img src="https://kyzylorda-news.kz/wp-content/uploads/2022/03/oraza-2.jpg" alt="" />
Айта кетейік, Төралқа Мәжілісі мүшелерінің шешімі бойынша биылғы пітір садақа мөлшері – 500 теңге болып бекітілді.

Қазақстан және Қызылорда облысының жаңалықтары