Сырдария ауданының әкімі ауылдарды аралап, тұрғындармен кездесті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық мәслихаттағы «AMANAT» партиясы депутаттық фракциясының кезекті отырысы өтіп, онда мектептердің күрделі жөндеуі және құрылыс барысы, студенттердің жатақханалармен қамтамасыз етілуі, азық-түлік өнімдерінің бағасын тұрақтандыру шаралары, сондай-ақ егін жинау науқанын жанар-жағармай материалдарымен қамтамасыз ету мәселелері қаралды.
Биылғы жылы облысы бойынша 6 мектепке күрделі жөндеу жүргізіледі және 2 апатты мектептер және 2 үш ауысымды мектеп мәселелері шешілетін болады. Сонымен бірге 12 мектептің күрделі жөндеу жұмыстарының жоба сметалық құжаттары әзірленіп, 7 мектептің де жоба сметалық құжаттары дайындалуда.
Жалпы 2022 жылы 4 350 орынды құрайтын 9 мектепті пайдалануға беру жоспарлануда, оның ішінде 6 мемлекеттік, 3 жеке мектептер. Мәселені талқылау кезінде депутаттар жөндеу және құрылыс барысын аралап көргендерін жеткізіп, жұмыстың сапасына және мерзімінде пайдалануға берілуіне мән беруді сұрады.
Өкінішке орай, кейбір нысандар уақытында берілмей қалуы мүмкін. Сондықтан депутаттар облыстық құрылыс басқармасына жоспарлы жұмыстарды кестеге сәйкес қатаң қадағалауды тапсырды.
Сонымен бірге, білім беру ұйымдарын жылу беру маусымына қажетті отын қорымен қамтамасыз етуді және сұйық отын бағасының көтерілуіне байланысты мәселелерді бақылауда ұстау керек екенін жеткізді.
Жатақхана мәселелері бойынша басқарма өкілдері жұмыстар жоспарға сәйкес жүргізілетінін мәлімдеді.
Азық-түлік бағасын тұрақтандыру бойынша атқарылып жатқан шаралар жөнінде басқарма басшысы Талғат Дүйсебаев баяндады. Қазіргі таңда тұрақтандыру қорында 671 тонна өнім бар болса, 7109 тонна өнім контрактіленген. Тұрақтандыру қорының өнімдері және «айналым схемасы» шеңберінде қарыз алған кәсіпкерлік субъектілерінің өнімдері 38 әлеуметтік дүкен арқылы және облыс орталығының 17 ірі сауда үйінің әлеуметтік бұрыштары арқылы сатылуда.
Нан бағасын арзандату мақсатында Азық-түлік корпорациясы арқылы 7 айға (ақпан-тамыз) 14316,5 тонна астық бөлінді. Бүгінгі күні, ұн 50 ірі наубайханаларға бөлке нанды төмендетілген бағада сату үшін мақсатты түрде берілуде. Қант бағасын тұрақтандыру және жетіспеушілігін болдырмау мақсатында өңірге тікелей Көксу қант зауытынан қант жеткізу бойынша жұмыс жолға қойылған. Жалпы, 1780 тонна қант контрактіленген болса, оның бүгінгі күнге дейін 1360 тоннасы облысқа жеткізілген. Жыл соңына дейін 3315 тонна қант сатып алу жоспарлануда.
Фракция мүшелері партияның мониторинг тобы жұмысының нәтижесімен бұл бағыттағы жұмыстарды күшейтуді ұсынды. Атап айтқанда, бағаның негізсіз өсуін қадағалау, сауда үйлеріндегі әлеуметтік бұрыштарды тауарлармен толықтыру, кәсіпкерлерге займ беру арқылы қала мен аудандардағы әлеуметтік дүкендер мен сауда үйлерінде әлеуметтік бұрыштар ашу, халықты тұрақтандыру қорының тауарлары сатылатын және сауда үйлерінде әлеуметтік бұрыштар жөнінде кеңінен ақпараттандыру, бағаны тұрақтандыру мақсатында перспективада тауарларды сақтау және сату бағытында ірі қоймаларды іске қосу және көптеген басқа да ұсыныстар берілді.
Шаруашылықтарды дала жұмыстарын жүргізу үшін қажетті көлемінде арзандатылған дизель отынымен қамтамасыз ету бойынша басқармаға тиісті шаралар қабылдау, оның ішінде су тапшылығына байланысты жанар-жағар майдың көп шығындалғандығын ескеру сұралды.
<img src="https://kyzylorda-news.kz/wp-content/uploads/2022/08/whatsapp-image-2022-08-11-at-09.32.02.jpeg" alt="" />

Қызылорда: Фракция отырысында бірқатар маңызды мәселелер қаралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Жеке қабылдауға 14 азамат келіп, мәселесін жеткізді. Басым бөлігі орта және шағын кәсіпке қолдау көрсетуді сұрады. Айталық, Алтынбек Өмірзақов Жаңақорған ауданынан шұлық тоқу цехын ашу жобасын ұсынса, Сәрсенкүл Мусаева көлік жөндеу бекетінің құрылысын толығымен аяқтауға қолдау көрсетуді сұрады.
Қабылдауға келген Талғат Телеубаев күріш қалдықтарының шикізатынан фин қағазын өндіруді дамыту туралы айтып, Абдурагим Миржибаев Қызылорда қаласындағы өзінің шағын жеке кәсібіне көмек беру мәселесін көтерді.
Аймақ басшысы кәсіпкерлік саласын жандандыруға ниетті азаматтарды қолдау шараларын жүргізу, қайтарымсыз гранттар беру барысын пысықтауды тапсырды.
Жалпы мемлекеттік гранттар – кәсіпкерлікті дамыту жөніндегі Ұлттық жоба аясында жаңа бизнес идеяларды іске асыруға беріледі.
Мұнан бөлек, жеке қабылдауда денсаулық сақтау, әлеуметтік көмек беру, облыс орталығының шалғай ауылдарындағы балаларға спорт алаңын салу, аяқ су жүргізу секілді маңызды сұрақтар көтерілді. Әсіресе, ИВЛ аппаратымен тыныс алатын бала көмек сұрай келген көпбалалы ана мәселесіне облыс әкімі денсаулық сақтау басқармасына мәселені мұқият зерделеп, тиісті деңгейде жұмыстарды үйлестіруді тапсырды.
Айта кету керек, осы уақытқа дейін аймақ басшысы 16 жеке қабылдау өткізіп, 144 азаматтың мәселесін саралады.
<img src="https://kyzylorda-news.kz/wp-content/uploads/2022/08/298759040_360845376236713_6491845961174011575_n.jpg" alt="" />
<img src="https://kyzylorda-news.kz/wp-content/uploads/2022/08/298920441_360849222902995_3234268634980273494_n.jpg" alt="" />
<img src="https://kyzylorda-news.kz/wp-content/uploads/2022/08/298761648_360849209569663_113150658842622304_n.jpg" alt="" />
<img src="https://kyzylorda-news.kz/wp-content/uploads/2022/08/299106914_360849139569670_2879014995059914165_n.jpg" alt="" />

Қызылорда облысының әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 2458 адам коронавирус инфекциясынан жазылып шықты, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясының баспасөз қызметі.
Нұр-Сұлтан қаласында – 1143,
Алматы қаласында – 503,
Шымкент қаласында – 0,
Ақмола облысында – 0,
Ақтөбе облысында – 69,
Алматы облысында – 50,
Жетісу облысында – 125,
Атырау облысында – 16,
Шығыс Қазақстан облысында – 0,
Абай облысында – 0,
Жамбыл облысында – 0,
Батыс Қазақстан облысында – 12,
Қарағанды облысында – 367,
Ұлытау облысында – 11,
Қостанай облысында – 40,
Қызылорда облысында – 74,
Маңғыстау облысында – 25,
Павлодар облысында – 23,
Солтүстік Қазақстан облысында – 0,
Түркістан облысында – 0.
Елімізде барлығы 1 334 270 адам COVID-19-дан емделіп, сауығып шықты.

Қызылордада 74 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте 1651 адамның коронавирус инфекциясын жұқтырғаны анықталды, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясының баспасөз қызметі.
Оның ішінде:
Нұр-Сұлтан қаласында – 370,
Алматы қаласында – 185,
Шымкент қаласында – 16,
Ақмола облысында – 109,
Ақтөбе облысында – 82,
Алматы облысында – 16,
Жетісу облысында – 53,
Атырау облысында – 48,
Шығыс Қазақстан облысында – 29,
Абай облысында – 26,
Жамбыл облысында – 33,
Батыс Қазақстан облысында – 118,
Қарағанды облысында – 191,
Ұлытау облысында – 37,
Қостанай облысында – 89,
Қызылорда облысында – 22,
Маңғыстау облысында – 34,
Павлодар облысында – 105,
Солтүстік Қазақстан облысында – 78,
Түркістан облысында – 10.
Елімізде коронавирус инфекциясын жұқтырғандардың жалпы саны 1 372 634 жетті.

Өткен тәулікте 22 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктердің өтуімен еліміздің басым бөлігінде құбылмалы ауа райы сақталады, деп хабарлайды Қазгидромет.
Соған байланысты жаңбыр жауады, еліміздің шығысында, орталығында және оңтүстік-шығыстың таулы аудандарда қатты жаңбыр болып, найзағай, екпінді жел күтіледі. Күндізгі сағаттарда бұршақ болуы ықтимал. Республиканың солтүстігінде түнде және таңертең тұман түседі.
Қызылорда облысының басым бөлігінде төтенше өрт қаупі сақталады.

11 тамызға арналған ауа райы болжамы

Kyzylorda-news.kz. Қазақстан Республикасында өтетін Сырдария өзені күніне арналған суреттер мен эссе/өлеңдер байқауы.
Сырдария өзені күнін тойлау аясында Су ресурстары және қоршаған орта жөніндегі USAID Өңірлік жобасы мен Қызылорда обылысы әкімдігі және Арал-Сырдария бассейні инспекциясы жастарды екі байқауға қатысуға шақырады.
Олар: сурет байқауы (7-15 жас аралығындағы балалар арасында) және эссе/ өлең байқауы (бакалавриат студенттері арасында).
Тақырып: «Сырдария өзені – достық өзені».
Сурет байқауы (Қызылорда және Түркістан обылысында тұратын 7-15 жас аралығындағы балалар арасында) Сурет салу кезінде төменде берілген талаптарды ескере отырып, Сырдария өзенінің еліміз бен Орта Азия үшін маңызына көңіл бөлу керек:
• Суретті А4 форматындағы қағазға салу керек.
• Суретті акварельмен, гуашьпен, тушьпен, пастельмен, түрлі-түсті немесе жай қарындашпен салуға болады.
• Жұмысты сканнерлеп, info@carececo.org электрондық поштасына жіберу керек; Хатта «Сырдария өзені күні – Қазақстан Республикасы» деп көрсетіңіз.
• Өтініш толтырған кезде автордың толық аты-жөнін, жасын, оқу орнын, тұратын мекен-жайын, электронды поштасын және баланың заңды өкілінің телефонын көрсетіңіз.
• Өтініш берудің соңғы күні – 15 тамыз.
Шығарма/өлең байқауы (Қызылорда және Түркістан обылысының бакалавриат студенттері арасында) Эссе/өлеңді қазақ немесе орыс тілінде жазуға болады. Оларды бағалау критерийі төмендегідей:
• Іс-шара тақырыбына сай келуі керек
• Өз бетімен жазылған және
• Автордың жеке көзқарасы мен уәжі болуы керек Басқа талаптар:
• Word форматында, қәрпі Times New Roman (14)
• Эссе екі беттен аспауы керек.
• Өлең бір беттен аспауы керек
• Цитатада берілген дереккөздер сілтеме ретінде көрсетілгені жөн.
• Жұмысты info@carececo.org электронды поштасына жіберіп, хат тақырыбын «Сырдария өзені күні – Қазақстан Республикасы» деп көрсету керек.
• Өтініш толтырған кезде автордың толық аты-жөнін, жасын, оқу орнын, тұратын мекен-жайын, электронды поштасын және телефон номерін көрсетіңіз.
• Өтініш берудің соңғы күні – 15 тамыз.
Жеңімпаздарға электронды пошта арқылы хабарлап, оларды 24 тамызда Қызылорда қаласында өтетін «Қазақстан Республикасында Сырдария өзені күнін атап-өту» іс-шарасы кезінде марапаттайды. Сондай-ақ, жеңімпаздар 26 қыркүйекте Қызылорда қаласында өтетін Сырдария өзені күнін өңірлік деңгейде тойлап өту іс-шарасында шығармашылығын көпшілікпен бөлісуге шақырылады.

Сырдария өзені күніне байқау жарияланды

<a href="https://kyzylorda-news.kz/">Kyzylorda-news.kz.</a> Соңғы кездері Қызылорда облысында өрт оқиғасы жиілеп кетті. Мәселен, биыл аймақта 249 өрт оқиғасы орын алып, өткен жылмен салыстырғанда 7,6 пайызға көбейген. Бұл туралы Қызылорда облыстық төтенше жағдайлар департаменті мемлекеттік өрт бақылау басқармасының басшысы Асхат Оразбаев мәлімдеді.
Салаға жауаптылардың айтуынша, қауіпсіздік ережелерін сақтамаудың кесірінен қайғылы оқиғалар жиі тіркеліп отыр.
<blockquote>
 «Жыл басынан бері өрт оқиғасынан 2 адам қаза тауып, 3 адам түрлі дене жарақаттарын алды. Жыл сайын төтенше жағдайлар департаментінің қызметкерлері жылу беру маусымы қарсаныңда қауіпсіздік ережелерін сақтау және өртті болдырмау туралы тұрғындарға түсіндірме жүргізеді. Дегенмен, өткен жылу беру маусымында облыстағы тұрғын үйлерден 162 өрт шықты», – дейді Асхат Оразбаев.
</blockquote>
Басқарма басшысының айтуынша, оқыс оқиғалардың дені тұрмыстық пештің талапқа сай келмеуі және қараусыз қалған балалардың олқылығынан орын алады.
<blockquote>
 «Көбінесе мұндай оқиғалар тұрмыстық пештердің талапқа сай келмеуінен және балаларды қараусыз қалдырудан пайда болады. Қазіргі таңда әлеуметтік жағдайы осал санатындағы отбасылардың үйлеріне датчиктер орнатылуда», – дейді Асхат Оразбаев.
</blockquote>
<img src="https://kyzylorda-news.kz/wp-content/uploads/2022/08/298568457_1594030470992459_7877715213561162076_n.jpg" alt="" />

Биыл Қызылорда облысында 249 өрт оқиғасы тіркелді

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Нұрлыбек Нәлібаев Қазақстан Республикасындағы Иран Ислам Республикасының Төтенше және Өкілетті Елшісі Маджид Самадзаде Саберді қабылдады.
Кездесу барысында Иран мемлекетімен ынтымақтастықты кеңейту және сауда-экономикалық қатынастарды дамыту мәселелері талқыланды.
Биыл екі ел арасындағы ашық және сенімді дипломатиялық қатынастардың орнағанына 30 жыл толды.
Иран Республикасы әлемдегі ең ірі жүгері импорттаушы мемлекеттердің бірі ретінде жыл сайын шамамен 4 млн. тонна жүгеріні сырттан сатып алуда. Осы ретте, облыс аумағында ирандық әріптестермен бірлесіп жүгері өсіру және Иранға экспорттау мәселелері талқыланды.
Бұған қоса, нарықты ішкі өнімдермен қамтамасыз ету мақсатында ирандық тәжірибемен жеміс-жидек және көкөніс өсіруге арналған жылыжай кешендерін салу мүмкіндіктері де айтылды.
Сондай-ақ, аймақ басшысы ирандық кәсіпорындарды мал өсіру және ет өндеу бағытындағы жобаларды жүзеге асыруға шақырып, ашық әрі тиімді байланыс орнатуға дайын екендігін жеткізді. 
Кездесу соңында облыс әкімі Иран Ислам Республикасының Елшісіне екі ел арасындағы ынтымақтастықты дамыту жолындағы дипломатиялық қызметіне табыс тіледі.
<img src="https://kyzylorda-news.kz/wp-content/uploads/2022/08/2ff79bdc-e2d5-4037-a569-ad404b14b382-e1660039135762.jpg" alt="" />

Облыс әкімі Иран Ислам Республикасының Төтенше және Өкілетті елшісімен кездесті

<a href="https://kyzylorda-news.kz/">Kyzylorda-news.kz.</a>&nbsp;Таязданған Арал теңізі, Чили, Испания, Италия, АҚШ және басқа да көптеген елдегі құрғап жатқан көлдер мен өзендер.
Бұл бүкіл дүние жүзінде болып жатқан құбылыс. Біздің ғаламшарда жердің шөлге айналу процесі күшейді. Бойыңды тітіркендіретін 15 үрейлі суретті тамашалаңыз!Ғалымдардың пікірінше, жаһандық жылу жердің шөлейттенуінің басты себебі болып отыр. Топырақ ылғалды сақтау қабілетін айырылады, жер асты суларының деңгейі төмендейді, өзендер мен көлдер құрғап, жер бетінен жоғалады. Ғаламшардағы ең құрғақ жерлердің көрінісі қандай екенін суреттер топтамасынан тамашалаңыз.
<img src="https://kyzylorda-news.kz/wp-content/uploads/2022/08/aral.webp" alt="" />
Үш жылдың ішінде Арал теңізінің (Қазақстан) шығыс бөлігі 80 процентке қысқарды
<img src="https://kyzylorda-news.kz/wp-content/uploads/2022/08/1.webp" alt="" />
Чилидің орталық аймағы өз тарихындағы ең ауыр құрғақшылықтың біріне тап болды. Суретте: Пэсуэлас көлі, Чилидің Вальпараисо аймағындағы су қоймасы
<img src="https://kyzylorda-news.kz/wp-content/uploads/2022/08/2.webp" alt="" />
Асередо (Испания) ауылынан қалған қирандылар. 1992 жылы су қоймасын салу үшін тұрғындарды бұл аймақтан көшіргенмен, су деңгейінің төмендеуі аталған жобаны жүзеге асыруға кедергі болды
<img src="https://kyzylorda-news.kz/wp-content/uploads/2022/08/3.webp" alt="" />
Берегуардодағы (Италия) қайықтар көпірі. Бұрын бұл қайықтармен су бетінде сейіл құруға болса, қазір құрғақшылық салдарынан олар көбіне қайраңға тіреліп қалып жатыр
<img src="https://kyzylorda-news.kz/wp-content/uploads/2022/08/4.webp" alt="" />
Батыс жарты шардағы ең үлкен тұзды көл – Үлкен Тұзды көлдегі (АҚШ) су деңгейі рекордтық ең төменгі деңгейге түсті
<img src="https://kyzylorda-news.kz/wp-content/uploads/2022/08/5.webp" alt="" />
Краснодар өлкесіндегі Беднягин қыстағы жанындағы құрғап кеткен Кирпильцы өзені
<img src="https://kyzylorda-news.kz/wp-content/uploads/2022/08/6.webp" alt="" />
Парана өзенінде (Аргентина) қайраңға тірелген қайықтың жанындағы өзен түбіндегі көлік іздері. Мұндағы су деңгейі тарихи минимумға жетті
<img src="https://kyzylorda-news.kz/wp-content/uploads/2022/08/7.webp" alt="" />
Құрғақшылықтан зардап шегіп отырған Португалияның ғарыштан көрініс
<img src="https://kyzylorda-news.kz/wp-content/uploads/2022/08/8.webp" alt="" />
Изерлондағы (Германия) қураған шыршалар
<img src="https://kyzylorda-news.kz/wp-content/uploads/2022/08/9.webp" alt="" />
Тартылып қалған Суунь Лун көлі (Тайвань)
<img src="https://kyzylorda-news.kz/wp-content/uploads/2022/08/10.webp" alt="" />
Фурнас (Бразилия) көлі. Елдегі құрғақшылық электр қуатының қымбаттауына әкелді
<img src="https://kyzylorda-news.kz/wp-content/uploads/2022/08/11.webp" alt="" />
Дуб өзенінің (Франция) құрғаған сағасындағы байдаркалар
<img src="https://kyzylorda-news.kz/wp-content/uploads/2022/08/12.webp" alt="" />
Марокко аумағының ұшақ терезесінен түсірілген көрінісі
<img src="https://kyzylorda-news.kz/wp-content/uploads/2022/08/13.webp" alt="" />
Байма көлінің (Қытай) ұлттық сулы-батпақты саябағындағы су деңгейінің төмендеуінен кейін тоғанның кеуіп қалған түбі
<img src="https://kyzylorda-news.kz/wp-content/uploads/2022/08/14.webp" alt="" />
Ирактың Дияла провинциясындағы Хамрин көлінің қалған бөлігі
<a href="https://sputnik.kz/20220810/qurgaq-aymaqtardyn-aueden-qaragandagy-korinisi-26636561.html">Sputnik.kz</a><a href="https://sputnik.kz/20220810/qurgaq-aymaqtardyn-aueden-qaragandagy-korinisi-26636561.html"></a><a href="https://sputnik.kz/20220810/qurgaq-aymaqtardyn-aueden-qaragandagy-korinisi-26636561.html"></a><a href="https://sputnik.kz/20220810/qurgaq-aymaqtardyn-aueden-qaragandagy-korinisi-26636561.html"></a>

Аралдан Кирпильцыға дейін: Әлемдегі ең құрғақ аймақтардың әуеден қарағандағы көрінісі

<a href="https://kyzylorda-news.kz/">Kyzylorda-news.kz.</a>&nbsp;Аккредиттеуден өз еркімен өткен балабақшалар аттестаттаудан босатылады. Бұл туралы тамыз конференциясының панельдік сессиясында Қазақстан Республикасының Білім және ғылым министрі Асхат Аймағамбетов мәлімдеді, деп хабарлайды Stan.kz.
Министр ведомство сапа тұрғысынан сертификаттау тәсілдерін өзгертетінін айтты. Яғни құжаттардың қалай рәсімделгеніне емес, басты мәселе ата-аналар мен мүдделі педагогтердің сауалнамасына мән беріледі.
<blockquote>
 «Аттестация сапалы көрсеткіштерге қарай өзгереді. Біз аккредиттеу мүмкіндігін қосымша енгізгіміз келеді, ерікті аккредиттеуден өтетіндер аттестациядан босатылады деп болжанады. Неліктен аккредиттеу мен аттестаттауды қатар жүргізу керек? Осыған қатысты жоспарлар бар, біз оларды талқылаймыз», – деді Аймағамбетов.
</blockquote>
Мемлекеттік аккредиттеу – бұл кәсіптік білімнің негізгі білім беру бағдарламалары бойынша білім беру қызметінің мемлекеттік білім беру стандартының талаптарына сәйкестігін растау рәсімі.
Аттестаттау педагогтердің біліктілік деңгейіне, біліктілік санаттарына қойылатын талаптарға сәйкестігін немесе кәсіби қызметін бағалау негізінде атқаратын лауазымына сәйкестігін растауға мүмкіндік береді.

Қазақстанда балабақшалар аттестаттаудан босатылады

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жоғары технологиялық медициналық қызметтерді қолдана отырып ем алу мүмкіндіктері турасында айтты.
Қазақстанда міндетті әлеуметтік медициналық сақтандыруды енгізумен жоғары технологиялық медициналық қызметтер (ЖТМҚ) көлемі артып келеді. Олар диагностика мен емдеудің инновациялық, бірегей әдістерін қолдану арқылы жүзеге асырылады. Бұл, ең алдымен, ашық жүрекке жасалатын оталар, жүрек, бауыр, бүйрек трансплантациясы, ми ісіктеріне арналған нейрохирургиялық араласулар, тұқым қуалайтын және жүйелі ауруларды, лейкоздарды, эндокриндік патологияның ауыр түрлерін емдеу, күрделілік жоғары хирургиялық араласулар.
ЖТМҚ-ның 78 түріне қала тұрғындары да, шалғай ауылдар да бірдей қол жеткізе алады. Егер адам ауырып қалса, оған инновациялық технологияларды қолдана отырып диагностика мен емдеу қажет болса, онда тұратын жеріне қарамастан, ол жоспарлы медициналық көмекке жүгіне алады. Басты шарт – МӘМС жүйесінде сақтандырылу мәртебесі. Пациенттер алған жоғары технологиялық медициналық қызметтердің барлығы әлеуметтік медициналық сақтандыру қорының қаражаты есебінен төленеді.
Қордың филиалы ЖТМҚ көрсетуге көпбейінді облыстық ауруханамен шарт жасасты.
2022 жылдың бірінші жартыжылдығының қорытындысы бойынша 200,7 млн. теңге сомасына 29 жоғары технологиялық медициналық қызмет көрсетілді, оның ішінде ТМККК шеңберінде 8,4 млн. теңге сомасына 1 қызмет, МӘМС жүйесінде 192,3 млн. теңге сомасына 28 қызмет.
2021 жылдың бірінші жартыжылдығында 293,7 млн. теңге сомасына 48 жоғары технологиялық медициналық қызмет көрсетілді, оның ішінде ТМККК шеңберінде 7,7 млн. теңге сомасына 1 қызмет, МӘМС жүйесінде 286,1 млн. теңге сомасына 47 қызмет.
Көріп отырғанымыздай, оталардың саны өткен жылдың сәйкес кезеңімен салыстырғанда 53% – ға төмендеді.
ЖТМҚ көрсетуге ағымдағы жылы Қор филиалымен 562,9 млн. теңге қарастырылған. 2021 жылы 539,3 млн. теңге бөлінді. Қаржыландыру көлемі 4% – ға өсті.
Жоғары технологиялық қызметтердің көмегімен көбінесе келесі оталар жүргізілді: автоматты кардиовертер/дефибрилляторды импланттау; бас және мойын тамырларын эндоваскулярлық (жаппай) эмболизациялау немесе окклюзиялау; бивентрикулярлық дефибрилляторды, жалпы жүйені импланттау (CRT-D); стенттерді бассүйекішілік артерияларға тері арқылы импланттау.
ӘМСҚ қаражаты есебінен жасалған ең қымбат оталар – жүрек ырғағын басқаруға, жүрек жұмысын үндестіруге және өмірге қауіп төндіретін аритмиялардың алдын алуға арналған кардиологиялық қондырғыларды имплантациялау оталар. Бивентрикулярлық дефибрилляторды, жалпы жүйені (CRT-D) импланттау, автоматты кардиовертерді/дефибрилляторды импланттау сияқты оталар. Олардың әрқайсысының құны 8,4 млн теңге.
Құны бойынша орташа ота, сомасы 6,1 млн. теңге – бас және мойын тамырларын эндоваскулярлық (жаппай) эмболизациялау немесе окклюзиялау.
ЖТМҚ-дың арзан оталардын бірі, сомасы 3,1 млн. теңге – қолқа қақпақшасын тін трансплантатымен ашық және басқа ауыстыру; митральды қақпақшаны тін трансплантатымен ашық және басқа ауыстыру; аннулопластика.
ЖТМҚ-ға жолдаманы қалай алуға болады?
ЖТМҚ алуға жіберу туралы шешімді пациентті жоғары технологиялық медициналық көмек көрсететін қандай да бір медициналық ұйымға жіберу мәселесін шешу үшін бейінді мамандар кіретін жергілікті денсаулық сақтау басқармасының басшысы құрған арнайы комиссия қабылдайды.
Бұдан әрі медициналық ұйым пациенттің тіркелген жері бойынша құжаттар пакетін ЖТМҚ комиссиясының қарауына жібереді, содан кейін комиссия құжаттарды қарайды, жолдаманың негізділігін айқындайды және хаттамаға ресімдей отырып, шешім қабылдайтын болады. Оң шешім қабылданған жағдайда ЖТМҚ комиссиясы емдеуге жатқызуға жолдаманы пациенттің құжаттар пакетін қоса бере отырып, «Емдеуге жатқызу бюросы» порталында тіркейді. Электрондық форматта қалыптастырылған медициналық ұйымға емдеуге жатқызуға жолдаманы пациент веб-порталда, ЖТМҚ ұсынатын денсаулық сақтау ұйымына емдеуге жатқызу кезінде қабылдау бөлімінде және тіркелген жері бойынша денсаулық сақтау ұйымына сұрау салу бойынша ала алады. Емдеуге жатқызуға жолдама келіп түскен сәттен бастап екі жұмыс күні ішінде қаралады және науқасты стационарға емдеуге жатқызу күнін айқындайды.
Егер сізде медициналық көмек алуға байланысты сұрақтар туындаған жағдайда, сіз өз емханаңыздағы Пациентті қолдау қызметіне хабарласа аласыз. Сондай-ақ, Қорға ресми кері байланыс арналары арқылы өтініш бере аласыз: 1406 байланыс орталығы, «Qoldau 24/7» мобильді қосымшасы, Қордың www.fms.kz сайты, Telegram-дағы Saqtandyry-bot.
<img src="https://kyzylorda-news.kz/wp-content/uploads/2022/08/444.jpeg" alt="" />

Қазақстан және Қызылорда облысының жаңалықтары