<a href="https://kyzylorda-news.kz/">Kyzylorda-news.kz.</a>&nbsp;«Атамекен» Ұлттық кәсіпкерлер палатасының мамандары жаңа Салық кодексі ең үздік халықаралық практикаларды ескере отырып, салық салудың сервистік-бағдарланған моделін құрудың негізгі міндетін шешуге тиіс екенін айтты. Қазақстан халқына Жолдауы кезінде Президент Қасым-Жомарт Тоқаев салық заңнамасын түбегейлі реформалау қажеттігі туралы мәлімдеді.
ҰКП мамандары атап өткендей, салық саясаты салық салу шарттарының тұрақтылығы мен ашықтығын, цифрлық технологияларды пайдалана отырып, салық міндеттемелерін орындаудың қарапайымдылығын қамтамасыз етуі қажет. Бұл ретте, салықтық әкімшілендірудің негізі салық қызметі органдарының салық төлеушіге, яғни клиентке бағдарлануы болуға тиіс.
<blockquote>
 «Әрине, бұл реформалар бизнес-қауымдастықтың, «Атамекен» Ұлттық кәсіпкерлер палатасының, барлық кәсіпкерлердің қызметін қамтиды, сондықтан бизнес Президент атап өткен бастамаларды күтті. Салық кодексіне келетін болсақ, оның салықтық әкімшілендіруге қатысты бөлігі толығымен жаңартылуы тиіс, өйткені бұл салық органдары функционалының кәсіпкерлер үшін ең көп мәселе тудыратын бөлігі», – деп түсіндірді «Атамекен» ҰКП басқарма төрағасының орынбасары, басқарма мүшесі Ербол Өстеміров.
</blockquote>
Платформалық модельге көшуді ескере отырып, салық органдарының ақпараттық жүйелерінің нысаналы архитектурасына талдау жүргізу қажет. Жаңа ақпараттық платформаны енгізу бизнестің шығындарын азайтуға және бюджет кірістерінің жиналуын арттыруға мүмкіндік береді. Ұлттық кәсіпкерлер палатасы осы жұмысты жүргізу үшін сарапшыларды ұсынуға дайын.
<blockquote>
 «Мемлекет басшысы салық заңнамасын түбегейлі реформалау қажет деген мәселені көтерді. Түбегейліліктің мәні неде? Түбегейлілік механизм фискалдық органдарға ғана пайда тұрғысынан құрылмауы үшін, сервистік-бағдарланған модель болуы үшін, барлық механизм тарапынан клиентке бағдарлануы үшін керек. Көбіне бизнес неге заңсыз әрекетке барады? Салық ставкасына және салық есебін механикалық жүргізуге байланысты барады. Бұл бүкіл бизнес-қоғамдастық үшін айтарлықтай үлкен проблема, күрделі әрі түсініксіз мәселе. Сондықтан кәсіпкердің өз ресурстарын немесе осының бәрін жүргізетін тиісті бухгалтерлердің ресурстарын жұмсауды талап етеді. Бұл мәселені шешу үшін кешенді тәсіл қажет, жұмыс тобын құру, соның шеңберінде бизнес-қоғамдастық және сарапшыларды тарта отырып, біз салықтық әкімшілендіру механизмдерін реформалау бойынша ұсыныстар дайындай аламыз. Бұл шара бүкіл бизнес-қоғамдастыққа сөзсіз оң әсер етеді», – деп атап өтті «Атамекен» ҰКП басқарма төрағасының орынбасары, басқарма мүшесі Тимур Жаркенов.
</blockquote>
Мемлекет басшысы Жолдауында орнықты экономикалық өсу түсінікті, болжамды салық саясатына тікелей байланысты. Фискалдық реттеуді қайта жүктеу мақсатында 2023 жылы жаңа Салық кодексі дайындалатын болады. Оның ең проблемалық блогы – салықтық басқару – толығымен жаңартылуы керек. Сондай-ақ, кез келген бетпе-бет өзара іс-қимылды болдырмай, салықтық бақылауды толық цифрландыруды қамтамасыз ету міндеті тұр. Тағы бір басымдық – салықтық ынталандыру тиімділігін арттыру. Бұл үшін экономиканың түрлі секторларындағы сараланған салық мөлшерлемелеріне көшу қажет.
Президент Қасым-Жомарт Тоқаев технологиялық жаңғырту мен ғылыми әзірлемелерге бағытталған корпоративтік табыс салығын төмендету немесе одан босату механизмдерін енгізу қажеттігін атап өтті. Салық төлеуден жалтару үшін айла-тәсілдерді барынша азайту үшін арнаулы салық режимдерін оңайлату талап етіледі.
Жаңа кодексте салық жүктемесін азайту мақсатында ұйымдарды әдейі бөлшектеуге жол бермеуді қарастырған жөн.
Өркениетті сауданы дамыту үшін мөлшерлемелері мен қарапайым рәсімдері бар бөлшек салықты қолдануды кеңейту қажет. Салық реформасы аясында «сән-салтанат салығын» енгізу мүмкіндігін қарастыру маңызды. Ол қымбат жылжымайтын мүлік, көлік құралдарын сатып алған кезде алынады және орта тапқа әсер етпейді.

Ұлттық палата: Кәсіпкерлер Жолдаудан салық реформаларын күтті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментіне қарасты ЗК-169/1 мекесінің бастығы, әділет майоры Қ.Ильясов және жеке құрам қызметкерлері Қазақстан Президенті Қасым-Жомарт Тоқаевтың Қазақстан халқына арнаған «Әділетті мемлекет. Біртұтас ұлт. Берекелі қоғам» атты кезекті Жолдауын бірге тыңдады. Жолдауды тыңдап болған соң, мекеме басшысы мен қызметкерлер қысқаша ой түйіндеді.
<blockquote>
 Қасым-Жомарт Тоқаев бұл Жолдауында әділетті Қазақстанды құру жолында және жаңартылған Коститутцияны нығайту жолында атқарылатын негізгі реформаларды атап өтті. Олар Президентінің кезектен тыс сайлауының өтуі, сыбайлас жемқорлықты жоюға, нашақорлыққа қарсы күреске, қоғамдағы, отбасы тұрмыстық қатынастар саласындағы зорлық-зомбылық деңгейін төмендетуге назар аудару керектігі жайлы айтты. Яғни, бұл біздің құқық саласындағы жұмысымызға міндеттелетін жүктің салмағының артатындығын білдіреді. Сондықтан баршаңызды осы жолдауды қолдауға шақырамын», – деді мекеме басшысы.
 «Маған бүгінгі Жолдауда бала күтіміне байланысты жәрдемақының 1,5 жылға ұзартылғаны ұнады.Бұл жас аналарға көрсетілген қолдау деп білемін. Сондай-ақ, биылғы балалар жылындағы ең басты жаңалық болашағымыз балаларымызға ұлттық қордан инвестиция салынатыны өте құптарлық. Сонымен қатар әйел азаматтарға зейнет жасының қысқартылатыны да дұрыс болды. Анам мемлекеттік қызметте. Зейнетке сәл болса да ерте шығатынына қуанып қалдым», – дейді әділет аға лейтенанты Нүркен Жансая.
</blockquote>
Жолдауды тыңдаған қызметкерлер маңызды құжатта айтылған мәселелер егемен еліміздің дамуына тың серпін беретініне сенімді.
<img src="https://kyzylorda-news.kz/wp-content/uploads/2022/09/img_20220901_102735-scaled.jpg" alt="" />

Тергеу изоляторында Президент Жолдауы тыңдалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық мәслихат депутаты, «Таң LTD» ЖШС төрағасы Имамзада Шағыртаев Президенттің Қазақстан халқына Жолдауына қатысты пікір білдірді. Депутат агроөнеркәсіп кешенін дамытудағы жаңа ереже – ел ырысын арттырудың батыл қадамы деп санайды.
Мемлекет басшысы Қасым-Жомарт Кемелұлы Тоқаев 2022 жылғы 1 қыркүйектегі Қазақстан халқына Жолдауында аграрлық сала бойынша нақты бағыттарды айқындап берді. Біріншіден, азық-түлік тауарларының бағасын белгілеудің және оны бөліп таратудың тиімсіз жүргізілуіне тоқталды. Азық-түлік өнімдерінің бағасын тұрақтандырудың бірден бір жолы – әрбір ауданда «Байқоңыр ӘКК» АҚ секілді көтерме тарату орталықтарын ашу қажет екендігін ұсынып келеміз. Мұндай орталықтар арқылы аудандардағы азық-түлік өнімдерін сататын көтерме сауда дүкендерін төменгі бағада азық-түлікпен қамтамасыз етіп, бағаны тұрақтандыруға мүмкіндігіміз бар. Сонымен қатар, шаруашылықтарды қажетті қаржымен қамтамасыз ете отырып, өнімдерін көтерме тарату орталығына өткізу арқылы азық-түлік өнімдерінің бағасын тұрақтындаруға өз септігін тигізетіні анық.
Биылғы жылы Жалағаш ауданының өзінде 3050 гектарға картоп, көкөніс және бақша дақылдары орналастырылды. Бұл дақылдардан алынған өнімдерде өз кезегінде аудан тұрғындарын көкөніс, бақша дақылдарымен қамтамасыз етуге өз септігін тигізеді.
Сонымен қатар азық-түлік тауарларының 5 түрімен облыс тұрғындарын(күріш, нан, жылқы еті, сиыр еті және балық) 100 пайыз толық қамтамасыз ете алсақ, қалған азық-түлік өнімдерісырттан тасымалданып келеді. 
Ауылшаруашылығы саласымен айналысатын құрылымдардың басшыларына өзімізде өндірілетін азық-түлік өнімдерінің түрін, көлемін арттыру бағытында ұсыныстар айтылып, түсіндірме жұмыстары жүргізілуде.
Екіншіден, мал шаруашылығы саласын дамыту. Мал шаруашылығын дамытудағы негізгі мәселе мал азығын уақытылы дайындап, қажетті жем-шөппен қамтамасыз ету.
Қазіргі таңда Жалағаш ауданында 50,4 мың шартты мал басына 73,7 мың тн шөп, 16,3 мың тн құрама жем, 28,4 мың тн сабан дайындау жоспарлануда. Бүгінгі күнге 69,6 тн шөп (94,4%), 8,0 мың тн құрама жем (51,0%) дайындалды.
Мал шаруашылығының түйткілді мәселелерінің бірі – малды жайылымдық жермен қамтамасыз ету. 
Жеке қосалқы шаруашылықтардағы мал басын тиісті жайылымдық, шабындық жерлермен қамтамасыз ету мақсатында елді мекен аумағындағы барлық жерге түгендеу жұмыстарын жасап, жеке қосалқы шаруашылықтарына жер беруді заңдастыру бағытында жұмыстар жоспарлануда. 
Осының нәтижесінде, егін шаруашылығында мал азығындық дақылдар көлемін арттыратын боламыз.
Жайылымдарды тиімді пайдалану мақсатында оларды бақылаудың жаңа әдістері, тиісті мемлекеттік қолдау шаралары барынша пайдаланылатын болады.
Сондай-ақ, жайылымдарды түбегейлі жақсарту, суландырудың барынша тиімді тәсілдерін қолдана отырып, жаңа жайылымдық жерлерді айналымға тарту жұмыстары қолға алынуда.
Мемлекет басшысының тапсырмасы бойынша ветеринария жүйесі түбегейлі реформаланады. Ветеринария саласын реформалау арқылы ауданда мал шаруашылығын дамытуға мүмкіндігіміз бар. Мал шаруашылығын дамыта отырып өндірілетін ет өнімдерінің қөлемін арттыра аламыз. 
Жаңа технологияларды өндіріске енгізе отырып ауданда өндірілетін азық-түлік өнімдерінің көлемін арттыру бағытында бірқатар жұмыстар жүргізілуде. Мемлекет басшысы жаңа технологиялар мен цифрландыру арқылы суды үнемдеуге көшу керектігін тапсырды.
Соңғы жылдары Сырдария өзенінің төменгі ағысында вегетациялық кезеңде күрделі су тапшылығы орын алуда. Су тапшылығы алдағы уақытта да орын алатындығы белгілі.
Осыған сәйкес, ауданда суармалы жерлерді қалпына келтіру және айналымға қосу ирригация және дренаж жүйелерін жетілдіру жобасының 2-кезеңінің жұмыстары жүргізілуде (жоба құны-9,3 млрд теңге). «ПУИД-2» жобасы аясында ауданда Аққұм, Бұқарбай батыр, Таң және Мәдениет ауылдық округтеріндегі 15 мың гектар суармалы жерлерді қалпына келтіру жұмыстары жүргізілетін болады. 
Сонымен қатар, су ресурстарын пайдалану тиімділігін арттыру мақсатында біз су үнемдеу технологияларын қолдана отырып, жемшөп, бақша дақылдары мен көкөніс көлемін белсенді түрде дамытуды жоспарлап отырмыз.
Мемлекет басшысының Жолдауында көтерілген мәселелер біздің қоғамдағы нақты жағдайларды бейнелейді. Халықтың көкейінде жүрген қордаланған мәселелерді шешудің жолдарын, бағыт-бағдарын белгілеп берді. Ендігі мәселе – алдағы уақытта Жолдаудан туындайтын міндеттерді жүзеге асырумыз керек деп есептеймін.
<img src="https://kyzylorda-news.kz/wp-content/uploads/2022/09/shagyrtaev.jpeg" alt="" />

Агроөнеркәсіп кешенін дамытудағы жаңа ереже – ел ырысын арттырудың батыл қадамы

<a href="https://kyzylorda-news.kz/">Kyzylorda-news.kz.</a>&nbsp;Қармақшы аудандық прокуратурасының бастамасымен полиция бөлімі, мемлекеттік кірістер басқармасы және сот орындаушылармен бірлесіп, мемлекет пайдасына қаржы өндіру бағытында рейдтік шаралар жүргізілуде.
Шараның мақсаты – әкімшілік айыппұл және мемлекет алдында басқа да берешектері қалыптасқан тұлғалардан тиісті қаражатты өндіру, қажет болған жағдайда құзырет шегінде мәжбүрлеу әрекеттерін қолдану және бұның салдары мен берешекті төлеудің жолдарын кеңінен түсіндіру.
Тамыз айының соңғы он күндігінде жүргізілген осындай шаралар нәтижесінде тұлғалардан қарыз ретінде қалыптасқан әкімшілік айыппұлдар айтарлықтай азайған. Бұл шара жүйелі түрде жалғасатын болады.
<blockquote>
 «Құрметті аудан тұрғындары, мемлекет алдындағы берешекті уақытылы немесе толық төлемеу, уәкілетті органдар тарапынан сізге деген қандайда бір шектеу немесе мәжбүрлеу шараларын қолдануға әкеледі. Ол дегеніміз ел аумағынан шығуға кедергі қою, есепшоттарға тыйым салу, мүлікке оның ішінде үй, жер, көлік құралдарына қатысты түрлі шектеу шараларын қабылдау. 
 Бұл өз кезегінде құжаттарды реттеу немесе алыс-беріс, сату-сатып алу сәттерінде кедергі болатыны анық. Сондықтан, Сіздерден кез келген құқық бұзушылықтан аулақ болуды, профилактикалық жұмыстарға атсалысып, мемлекет алдындағы берешектеріңізді уақытылы және толық төлеуді сұраймыз», – делінген хабарламада.
</blockquote>
<img src="https://kyzylorda-news.kz/wp-content/uploads/2022/09/bezymjannyj.jpg" alt="" />

Қармақшыда бюджетке қаржы өндіру жұмыстары жалғасуда

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы бүгінгі Жолдауында білім саласына кеңінен тоқталды. Себебі біздің келешегіміз өскелең ұрпақтың тәрбиесі мен біліміне тікелей тәуелді. «Білім – болашаққа салынған инвестиция» деп бекер айтылмаған. Сондықтан Жолдауда сапалы білім беруге бет бұратын кезеңнің келгенін, соған сәйкес нақты жаңа жобаларды тиянақты жүзеге асыру жайына ерекше тоқталып, тиісті тапсырмалар берді.
<blockquote>
 «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды. Біз 2025 жылға дейін 800 мың баланың заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз. Бұл ауыл және қала мектептерінің айырмашылығын едәуір азайтады. Жалпы мектеп салу Үкімет және әкімдіктер үшін басты міндеттің бірі болуы керек», – деді Президент.
</blockquote>
Айта кетейік, бұл мәселе біздің аймағымызда жуырда жүзеге аспақ. Қызылорда облысының 2023-2025 жылдарға арналып бекітілген жоспарына сай 20 мемлекеттік, 12 жеке мектеп салу жоспарлануда. Бұл дегеніңіз біздің өңір Президент берген тапсырманы бағдарға алғанын білдіреді. Олай болса, жаңа Қазақстандағы жаңа Жолдау табыстарға бастайтынына сенімдімін.
Ермұрат КАНАЛХАН,
З.Жарқынбаев атындағы №202 орта мектептің тарих пәні мұғалімі,
ғылыми әдістемелік ісі жөніндегі орынбасары

Ермұрат Каналхан: Қарқынды қолдау салаға серпін береді

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданында ардагерлер арасында «Үздік балықшы» сайысы өтті.
Жергілікті ардагерлер кеңестерін дамыту және қоғамның тұрақтылығын қамтамасыз ету бағытында, аудан әкімдігінің ұйымдастыруымен 2022 жылдың 27 тамызы күні аудан ардагерлері арасында «Үздік балықшы» сайысы өткізілді.
Табиғат аясында өткізілген сайыста ардагерлеріміз белсенділік танытып, шара соңында аудан әкімінің орынбасары Алмасбек Әбілқасымұлы жеңімпаздарды марапаттап, ынталандыру сыйлықтарын табыстады. Ардагерлеріміз ақ баталарын беріп, жақсы көңіл-күйде тарасты.

Шиеліде ардагерлер арасында «Үздік балықшы» сайысы өтті

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 454 адам коронавирус инфекциясынан жазылып шықты, деп хабарлайды Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссия.
Нұр-Сұлтан қаласында – 0,
Алматы қаласында – 38,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 0,
Жетісу облысында – 0,
Атырау облысында – 21,
Шығыс Қазақстан облысында – 21,
Абай облысында – 21,
Жамбыл облысында – 112,
Батыс Қазақстан облысында – 21,
Қарағанды облысында – 143,
Ұлытау облысында – 1,
Қостанай облысында – 0,
Қызылорда облысында – 1,
Маңғыстау облысында – 21,
Павлодар облысында – 54,
Солтүстік Қазақстан облысында – 0,
Түркістан облысында – 0.
Елімізде барлығы 1 358 340 адам COVID-19-дан емделіп, сауығып шықты.
Айта кетейік, өткен тәулікте аймақта коронавирус жұқтырғандар тіркелген жоқ.

Қызылордада 1 адам коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;2 қыркүйекте Қазақстанның басым бөлігінің ауа райын ауқымды антициклон анықтайды. Онымен бұлтты және құрғақ ауа райы күтіледі, деп хабарлайды Қазгидромет.
Тек еліміздің солтүстік-батысында, батысында, шығысында фронталды бөліктерге байланысты найзағай ойнап, жаңбыр жауады. Республика бойынша кей жерлерде шаңды дауыл тұрып, жел күшейеді.
Атап айтқанда, Жамбыл, Қызылорда, Түркістан, Ақтөбе, Алматы, Жетісу облыстарының басым бөлігінде, Атырау облысының батысында, оңтүстігінде, Батыс Қазақстан, Абай, Қостанай, Қарағанды, Улытау облыстарының оңтүстігінде төтенше өрт қаупі сақталады.
Ақмола, Қостанай облыстарының басым бөлігінде жоғары өрт қаупі күтіледі.
Күндіз Атырау, Ақтөбе, Маңғыстау, Қостанай, Ұлытау, Жетісу облыстарының басым бөлігінде, Жамбыл облысының оңтүстігінде, батысында, солтүстігінде, Батыс Қазақстан облысының оңтүстігінде, Қарағанды облысының оңтүстігінде, шығысында, орталығында,Солтүстік Қазақстан, Ақмола облыстарының басым бөлігінде қатты ыстық болады.

Қызылордада күн ыстық болады

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданы Әйтеке би кентінде Мұстафа Матаев атындағы №170 қазақ орта мектебінде профессор Мұстафа Матаевтың ескерткіш бюстының ашылу салтанаты өтті.
Аудан әкімі Мұхтар Оразбаев мектеп ұжымын құттықтап, Мұстафа Матаевтың саналы ғұмырындағы ғылымға қосқан үлесі мен адамгершілік болмысының өскелең ұрпақ үшін маңызы зор екендігін тілге тиек етті.
<blockquote>
 «Қай заманда да, қай қоғамда да дара тұлғаның жөні бөлек. Солай болған, солай бола да береді. Елім деген, жерім деген ерлердің тарихтың тар тұстарында қандай іргелі істер атқара алатынына қоғамымыздағы жетістіктерге қарап көзіміз жетіп отыр. Ғасырға жуық тарихы бар Қорқыт ата атындағы Қызылорда мемлекеттік университетінің қазіргі биігіне көтерілуіне өзіндік үлесін қосқан, ел көшін алға сүйреген Мұстафа Матаев – қабырғалы қайраткер. Бар өмірін Сыр бойының өркендеуіне арнап, адалдық пен қажырлықты ғұмырының туы еткен үлкен өнеге иесі», – деп атап өтті аудан басшысы.
</blockquote>
Мұнан соң Мұхтар Әуесұлы бүгінгі тарихи сәтке байланысты облыс әкімі Нұрлыбек Нәлібаев пен мемлекет және қоғам қайраткері Қырымбек Көшербаевтың «Құттықтау хатын» оқып беріп, мектепке табыс етті.
Салтанатты шараға қатысқан Қызылорда облысының құрметті азаматы, «РЗА» АҚ президенті Самұрат Имандосов, Қорқыт Ата атындағы Қызылорда мемлекеттік университетінің ардагері, профессорБағдат Кәрібозов, Мұстафа Матайұлының баласы Ғабит Матаев пен немересі Оңталап Көшербаев ескерткіш бюстының ашылуымен құттықтап, өнегелі өмірі, жарқын істері, өшпес іздері туралы айтып берді.
Сыр бойының тұңғыш философия ғылымдарының кандидаты Мұстафа Матаев көп жыл Қызылорда облысындағы іргелі оқу орнында еңбек етіп, көптеген шәкірттерге білім берді. Республика көлеміндегі ғылыми-педагогикалық жұмыстары ескеріліп, «ҚР білім беру ісінің құрметті қызметкері», «Әлеуметтік ғылымдар» академиясының Құрметті академигі атанды. Қызылорда қаласы мен Қазалы ауданының құрметті азаматы атақтары да берілді.
Сондай-ақ, «Ерен еңбегі үшін», «Ыбырай Алтынсарин» төсбелгілерімен марапатталды. 
Ардақты азаматтың өмірі өскелең ұрпақ үшін үлгі-өнеге болары анық. Осыған байланысты мектептен ҚР Білім беру ісінің құрметті қызметкері, өз заманының өршіл тұлғасы Мұстафа Матайұлының музейі де ашылды. Мұнда белгілі тұлғаның пайдаланған заттары, кітаптары қойылды. 
Ескерткіш бюст ашылған соң білім ордасына жиналған құрметті қонақтар музей ішін аралап, мұндағы жәдігерлермен танысты.
<img src="https://kyzylorda-news.kz/wp-content/uploads/2022/09/10.jpg" alt="" />
<img src="https://kyzylorda-news.kz/wp-content/uploads/2022/09/11.jpg" alt="" />
<img src="https://kyzylorda-news.kz/wp-content/uploads/2022/09/13.jpg" alt="" />
<img src="https://kyzylorda-news.kz/wp-content/uploads/2022/09/16.jpg" alt="" />

Қазалыда Мұстафа Матаевқа ескерткіш бюст орнатылды

<a href="https://kyzylorda-news.kz/">Kyzylorda-news.kz.</a> Бүгін мемлекет басшысы Қасым-Жомарт Тоқаевтың Қазақстан халқына арналған кезекті Жолдауы өзінің өзектілігін айқындады. Ел тағдырында басым салалардың дамуына көп көңіл бөлінді. Әсіресе, медицина қызметкерлерін қуантатын жағымда жаңалықтар көп болды деп ойлаймын.
Қасым-Жомарт Кемелұлы аудандық деңгейдегі 32 аурухана толықтай модернизациялаудан өтетінін хабарлады. Бұл ауыл халқына сапалы медициналық көмек қолжетімді болады деген сөз. Жас мамандарға да қажетті жағдайлар жасалынып жатыр. Елімізде оқу орнын енді тәмамдаған түлектерді әлеуметтік тұрғыда қамсыздандыруға баса назар аударылып келе жатыр. Бұл көп жылдардан бері жүзеге асырылып келе жатқан бағдарламалардың нақты нәтижесі. Алдағы уақытта да жас мамандарға білімін жетілдіруге қолдау көрсетілмек. Яғни, резидентура гранты 70 пайызға артпақ. Бұл зор мүмкіндік деп сенемін.
Президент Жолдауы әрбір қазақстандыққа жүктелетін зор жауапкершілік. Алға қойған бағытымыздан таймай, Жаңа Қазақстанды бірге құруға атсалысуымыз керек.
Жанерке АСЫЛБЕКОВА, 
дәрігер-психиатр

Жанерке Асылбекова: Жолдауға қолдау көрсетуге әзірміз

<a href="https://kyzylorda-news.kz/">Kyzylorda-news.kz.</a>&nbsp;Қызылордада Қорқыт ата атындағы әуежайдың жаңа терминалы замануи үлгіде салынады.
Сыртқы қабаты табиғи таспен және қасбет панельдермен әрлендіріледі. Шатырын құлама, фальц жабыны бар болаттан, ауасы ауысып тұратындай етіп орнатамыз.
Ең маңыздысы, мұндағы әрбір бөлме мүмкіндігі шектеулі жандарға қолжетімді етіп жобаланған. Бұл жерде пандустар да, арнайы лифттер де, тұрақ аймақтары да бар. Осының барлығы барынша жайлылық үшін жасалған.
Терминал алғашқы жолаушыларын 2024 жылдың қыркүйегінде қабылдай алады – оның қандай болатынын суреттерден көре аласыздар.
Қасбетінің мөлдір учаскелеріне аспалы витраж жүйесін орнатады. Сондай-ақ әрқайсысы жеке жақтауға салынып бекітілген қатты селективті жабындысымен қоскамералы әйнек пакеттерін пайдаланылады. Алюминийден жасалған терезелер де қоскамералы әйнек пакеттерімен толтырылады. 
⠀ 
Болат Өтемұратов Қоры осы жобаны қаржыландыруға 25 миллион доллар бөлді. Құрылыс аяқталған соң бұл нысан мемлекет меншігіне беріледі.
<img src="https://kyzylorda-news.kz/wp-content/uploads/2022/09/157920ee-fe0f-44e9-b853-115fab2c0f10.jpg" alt="" />
<img src="https://kyzylorda-news.kz/wp-content/uploads/2022/09/fc88e73a-ecb0-40f9-8d69-b1044dd2f225.jpg" alt="" />
⠀

Қорқыт ата атындағы әуежайдың жаңа терминалы заманауи үлгіде салынады

Қазақстан және Қызылорда облысының жаңалықтары