Kyzylorda-news.kz. Бүгін Сыр өңіріне жұмыс сапарымен келген ҚР Еңбек және халықты әлеуметтік қорғау министрі Тамара Дүйсенова облыс әкімі Нұрлыбек Нәлібаевпен кездесіп, әлеуметтік қолдау мәселелері бойынша актив отырысын өткізді.
Министр барлық отбасына қажетті Әлеуметтік кодекстің ерекшеліктері мен атаулы әлеуметтік көмек алу тәртібі және зейнетақыға қатысты нақты түсіндірме ұсынды.
Тамара Дүйсенова Мемлекет басшысының 10 мың тұрғынға 100 жұмыс орнын құру бастамасын жүзеге асыру аясында өңірдің жақсы нәтижелерін атап өтті. Мәселен, 4587 жұмыс орнын құру жоспарлы көрсеткіші бойынша 10 043 адам жұмысқа орналасты, яғни жоспар екі еседен артық орындалды.