<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Сырдария аудандық мәдениет үйінде 1 қазан &#8212; қарттар күні мерекесі аталып өтті. 
Салтанатты шараға аудан әкімі Мұрат Ергешбаев қатысып ардақты ардагерлерді мерекесімен құттықтап, ізгі лебізін білдірді.
<blockquote class="wp-block-quote">«Халқымызда «Қариясы бар ел – қазыналы ел» деген тағылымы мол даналық сөз бар. Біз, әрқашан қариясын қадірлеп, ардагерін ардақтаған текті елдің ұрпағымыз. Ардагерлерді құрметтеу, олардың сөзіне құлақ асу – біздерге бабадан сіңген қасиет. Алыптарға алтын бесік болған Сырдария ауданының өсіп-өркендеуі жолында әр алуан салада нағыз еңбектің үлгісін көрсеткен ардагерлерімізге құрметіміз ерекше. Дархан далада күріштен тау тұрғызған «Социалисттік Еңбек Ерлері», «Еңбек Озаттары», егін даласында ерлермен қатар жүріп, абыройға ие болған есімдері ел-жұртқа танымал күрішші, механизатор, сауыншы апаларымызбен, сондай-ақ денсаулық, мәдениет, білім, әлеуметтік салаларында қажырлы еңбек еткен ардагерлеріміздің игі істері жастарға үлгі», &#8212; деді аудан әкімі өз сөзінде.</blockquote>
Шара барасында бірнеше ардагер «Ел құрметі» қоғамдық қорының төсбелгісімен және аудан әкімінің алғыс хатымен марапатталды.
Шара соңы ардагерлерге арналған мерекелік концерттік бағдарламаға ұласты.
<div class="wp-block-image"><figure class="aligncenter size-full"><img loading="lazy" width="600" height="900" src="https://kyzylorda-news.kz/wp-content/uploads/2022/10/310070111_1213692305860326_1182377493011323214_n.jpg" alt="" class="wp-image-168458"/></figure></div>
<div class="wp-block-image"><figure class="aligncenter size-full"><img loading="lazy" width="600" height="900" src="https://kyzylorda-news.kz/wp-content/uploads/2022/10/309495431_1213692175860339_5088165709567102364_n.jpg" alt="" class="wp-image-168459"/></figure></div>

Мұрат Ергешбаев: Қажырлы еңбек еткен ардагерлердің игі істері жастарға үлгі

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жалағаш аудандық Қ.Қазантаев атындағы мәдениет үйінде саналы ғұмырларында тынымсыз еңбектерімен мемлекетіміздің негізін салуға жол ашқан ардагерлердің төл мерекесіне арналған мерекелік салтанатты жиын өтті.
Салтанатты жиынды аудан әкімі Асқарбек Есжанов ашып, барша Жалағаш ауданының қазыналы қарттарын төл мерекелерімен құттықтады.
<blockquote class="wp-block-quote">«Қазір ауданда барлық мекеме ұжымдарда ардагерлердің бастауыш ұйымы бар. Осы ұйымдарда 4 мыңға жуық ардагерлеріміз тіркелген. Бұл біздің ауданымыздағы үлкен мәдени-рухани әлеуетіміз. Сіздердің орындарыңыз қай кезде де төрде. Қарттарымыз қашан да, қай заманда да халқының тілеуқоры, қамқоры, елдің ертеңі үшін ел бірлігінің алтын діңгегі болған. Аталы да, ұлағатты сөзімен болашаққа деген сенім ұялатып, жас ұрпақты ертеңгі күнге, жарқын болашаққа үндей білген. Сіздер сондай киелі де кемеңгер ұрпақтың өкілдерісіздер», &#8212; деді аудан басшысы құттықтау сөзінде.</blockquote>
Шарада ауданымыздың дамуына, өркендеуіне өз үлестерін қосқан бірқатар ардагерлерге аудан әкімінің құттықтауы, Алғыс хаты табысталды.
Келесі құттықтау сөзді аудандық ардагерлер кеңесінің төрағасы Садық Әлиев алып, қазыналы қарияларымызға облыстық, аудандық ардагерлер кеңесінің Құрмет грамоталарын, Алғыс хаттарын табыстады.
Жиын соңы қарттар күні мерекесіне орай өткізілген аудандық ардагерлердің ән байқауында өзіндік өнерімен ерекше көзге түсіп, оза шапқан үздіктердің, ардақты ардагер ата-әжелеріміздің концерттік бағдарламасына ұласты.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/309838224_1548365325615540_450513655862498345_n.jpg" alt="" class="wp-image-168452" srcset="https://kyzylorda-news.kz/wp-content/uploads/2022/10/309838224_1548365325615540_450513655862498345_n.jpg 1280w, https://kyzylorda-news.kz/wp-content/uploads/2022/10/309838224_1548365325615540_450513655862498345_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/310013908_1548365358948870_1959437377808916432_n.jpg" alt="" class="wp-image-168453" srcset="https://kyzylorda-news.kz/wp-content/uploads/2022/10/310013908_1548365358948870_1959437377808916432_n.jpg 1280w, https://kyzylorda-news.kz/wp-content/uploads/2022/10/310013908_1548365358948870_1959437377808916432_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/310004974_1548365408948865_7621503771255156177_n.jpg" alt="" class="wp-image-168454" srcset="https://kyzylorda-news.kz/wp-content/uploads/2022/10/310004974_1548365408948865_7621503771255156177_n.jpg 1280w, https://kyzylorda-news.kz/wp-content/uploads/2022/10/310004974_1548365408948865_7621503771255156177_n-768x512.jpg 768w" sizes="(max-width: 1280px) 100vw, 1280px" /></figure></div>

Асқарбек Есжанов қазыналы қарттарды төл мерекемен құттықтады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Биыл елімізде медициналық жоғары оқу орындарын бітірген 2 692 түлектің 104-і Қызылорда облысында жұмыс істейтін болады. Бұл туралы Өңірлік коммуникациялар қызметінің алаңында өткен баспасөз конференциясында ҚР Денсаулық сақтау министрі Ажар Ғиният мәлімдеді.
<blockquote class="wp-block-quote">«Республикада ауылға жұмысқа келген жас мамандарға әлеуметтік қолдау шаралары көзделген. Осы ретте, Қызылорда облысында 25 маман көтерме жәрдемақы алды. Бір маман тұрғын үймен қамтамасыз етілді. Ал бір маман басқа да әлеуметтік қолдау шараларына ие болды. Сондай-ақ, өңірге амбулаториялық дәрілік қамтамасыз ету шеңберінде 6,6 млрд. теңгеден астам сомаға дәрілік заттар, ал стационарлық көмек шеңберінде 6,4 млрд.теңгеден астам сомаға дәрілік заттар сатып алу жүзеге асырылды. Бұдан өзге, биыл әлеуметтік қызметкерлердің жалақысы 20 пайызға көбейеді. Денсаулық сақтау жүйесінде жетістіктермен қатар, бәріміз бірігіп шешетін міндеттер көп. Медицина қызметкерлері жұмысының нәтижелеріне оның әлеуметтік мәртебесі де тікелей әсер ететінін атап өткім келеді. Көп жағдайларда оған нақты адамдардың өмірі ғана емес, жалпы қоғамның тұрақтылығы да байланысты», &#8212; деді Ажар Ғиният.</blockquote>
Айта кетейік, «Ауылдық медицинаны жаңғырту» жаңа ұлттық жобасы аясында Сыр еліндегі мекендерде 27 дәрігерлік амбулатория салынады.
<div class="wp-block-image"><figure class="aligncenter size-full"><img loading="lazy" width="2048" height="1442" src="https://kyzylorda-news.kz/wp-content/uploads/2022/10/308873554_1630135477381958_8894033752119442115_n.jpg" alt="" class="wp-image-168449" srcset="https://kyzylorda-news.kz/wp-content/uploads/2022/10/308873554_1630135477381958_8894033752119442115_n.jpg 2048w, https://kyzylorda-news.kz/wp-content/uploads/2022/10/308873554_1630135477381958_8894033752119442115_n-768x541.jpg 768w, https://kyzylorda-news.kz/wp-content/uploads/2022/10/308873554_1630135477381958_8894033752119442115_n-1536x1082.jpg 1536w" sizes="(max-width: 2048px) 100vw, 2048px" /></figure></div>

Ажар Ғинаят: Денсаулық сақтау жүйесінде жетістіктермен қатар, бәріміз бірігіп шешетін міндеттер көп

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Ұстаздардың біліктілігін арттыру маңызды. Биыл өңірімізде 5634 мұғалім біліктілігін арттыру курсынан өтті, жыл соңына дейін тағы 1976 мұғалім өтетін болады. Бұл туралы Өңірлік коммуникациялар қызметінің ақпараттық алаңында өткен брифингте облыстық білім басқармасының басшысы Мейрамбек Шермағанбет мәлімдеді.
<blockquote class="wp-block-quote">«Тағы бір жаңашылдық үстіміздегі жылдың 1 қаңтарынан бастап педагогтерді жұмысқа қабылдаудың жаңа тәртібі енгізілді. Бос орындарға толық жүктеме қалыптасқан жағдайда, ұстаздар ашық конкурстық іріктеу арқылы қабылданады. Бұл білім беру ұйымдарын сапалы мамандармен қамтамасыз етудің тиімді жолы. Жұмысқа қабылдаудың жаңа тәртібі бойынша бүгінгі күнге мектептерге 36 маман қабылданды. Сондай-ақ, ұстаздардың біліктілігін арттырудың тағы бір критерийі – аттестация екені белгілі. Бүгінгі күнге дейін 15 729 педагог аттестациядан өтсе, жыл соңына дейін 650 педагог аттестацияланатын болады. Айта кететін жайт, биыл ұстаздар күнін өңірде атап өту бойынша бірқатар шаралар көзделген. Мерейлі мерекені атап өту жөнінде арнайы іс-шаралар жоспары бекітілді. Жоспарға сәйкес бүгінгі күні барлық білім беру ұйымдарында әдеби-көркем, ғылыми-танымдық бағытта шаралар басталып кетті. Осы тұста, Сыр өңірінің барша ұстаздарын кәсіби мерекелерімен құттықтаймын! Еліміздің болашағы, өскелең ұрпақты тәрбиелеу жолындағы еңбектеріңізге табыс, шығармашылық жетістіктер тілеймін», &#8212; деді Мейрамбек Зинабдинұлы.</blockquote>
<div class="wp-block-image"><figure class="aligncenter size-full"><img loading="lazy" width="731" height="939" src="https://kyzylorda-news.kz/wp-content/uploads/2022/10/309821576_1630142284047944_7906830631619599845_n.jpg" alt="" class="wp-image-168445"/></figure></div>
№4 облыстық мамандандырылған мектеп-лицей-интернатының тарих пәнінің мұғалімі Айман Смағұлова мұғалімнің әрбір жетістігі қажырлы еңбектің арқасында оң нәтижеге жетеді деп есептейді.
<blockquote class="wp-block-quote">«Осы тұста мен қызмет ететін білім ұйымына өз үлесімді қосып келем. Ол менің басты парызым мен ұстанымым. Оның себебі «Дарын» облыстық, республикалық қосымша білім беру орталығының ұйымдастыруымен жүргізілген пәндік олимпиада, ғылыми жоба байқаулары, әр түрлі интеллектуалды жарыстарда оң нәтиже беріп ұстазбен шәкірттің берік қамалын нықтай түсудемін. Мен өз мектебіммен, әріптестеріммен мақтанамын. Өмірдің әр сәтінен сабақ алу. Бекзаттық жол, жақсыға еліктеу, өмірлік тәжірибені өзгеге үйрету менің өмірлік құндылықтарым. Еңбек үздіксіз үйренгендіктің арқасында жеңілдей түседі.Сол себепті ұстамдылықты басшылыққа алу, білімге құштарлық басты ұстанымдарым. Қадірлі ұстаздар қауымы, сіздерді кәсіби мерекелеріңізбен құттықтаймын. Өскелең ұрпақты тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге табыс тілеймін. Баршаңызды ел ертеңі болатын зияткер тұлға тәрбиелеуге шақырамын», &#8212; деді Айман Смағұлова.</blockquote>
<div class="wp-block-image"><figure class="aligncenter size-full"><img loading="lazy" width="960" height="1280" src="https://kyzylorda-news.kz/wp-content/uploads/2022/10/309312694_1630142437381262_8565570484962463_n.jpg" alt="" class="wp-image-168444" srcset="https://kyzylorda-news.kz/wp-content/uploads/2022/10/309312694_1630142437381262_8565570484962463_n.jpg 960w, https://kyzylorda-news.kz/wp-content/uploads/2022/10/309312694_1630142437381262_8565570484962463_n-768x1024.jpg 768w" sizes="(max-width: 960px) 100vw, 960px" /></figure></div>

Қызылордада 15 729 педагог аттестациядан өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен актив отырысы өтті. 
Жиында аймақ басшысы Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Рустам Ақмырзаев пен жер ресурстарын басқару комитетінің Қызылорда облысы департаментінің басшысы Қайрат Тоғызбаевты жаңа қызметке тағайындауларына байланысты құттықтап, ел игілігі жолындағы қызметіне алғысын білдірді. Сыр халқының ілтипаты ретінде облыстың Құрмет грамотасын табыстады.
<blockquote class="wp-block-quote">«Рустам Сапарбекұлы, аймақта сыбайлас жемқорлық құқық бұзушылықтарды алдын алу бағытында жұмыстарды үйлесімді ұйымдастыра отырып, 40-тан астам қылмыстық істі сотқа жолдап, 500 млн. теңгеге жуық қаражатты мемлекет мүддесіне қайтаруға қол жеткізді. Облыс әкімдігімен бірлесіп, сыбайлас жемқорлық деректерін анықтаумен ғана емес, түрлі салаларда жүзеге асырылып жатқан жобаларда 60-тан аса сыбайлас жемқорлық тәуекелдерін анықтап, оларды дер кезінде жою бойынша белсенді шаралар қабылдады. Бұл өз кезегінде құқық бұзушылықтарды азайтуға мүмкіндік берді. Ал, Қайрат Әбенұлы еңбек жолын қарапайым инженер-жерге орналастырушыдан бастап, Қармақшы, Шиелі аудандары әкімінің орынбасары қызметтерін атқарды. Мемлекеттік қызметте сатылап өскен білікті маман. Біздің облысымызда жыл соңына дейін 150 мың гектар қайтару қажет болса, қазір 145 мың гектар жерлер мемлекетке қайтарылып, жоспар 96% орындалды. Мұнан бөлек, Қайрат Әбенұлы 2015 жылдан бастап 500 мың гектар ауыл шаруашылығы жерлерін мемлекетке кері қайтарылуына, жерді бақылау саласында 195 млн теңге әкімшілік айыппұл, заңнаманы бұза отырып пайдаланып жатқан жерлерге 146 млн теңге қосымша бюджетке түсетін қаржы көлемінің артуына зор үлесін қосты. Сыр өңірінің дамуына ерекше үлес қосып, жемісті еңбек еткендеріңіз үшін алғысымды білдіремін және ел игілігі жолындағы еңбектеріңізге табыс, отбастарыңызға амандық тілеймін», &#8212; деді Нұрлыбек Нәлібаев.</blockquote>
Айта кетейік, Рустам Ақмырзаев Агенттіктің орталық аппаратына арнайы департаменті басшысының орынбасары жауапты лауазымына, ал, Қайрат Тоғызбаев ротация тәртібімен Қазақстан Респбуликасы Ауылшаруашылығы министрлігі Жер ресурстарын басқару комитетінің Жамбыл облысы бойынша департаментінің басшысы лауазымына тағайындалды.
Басқосу соңында құқық қорғау органдарының басшылары мен ардагерлер қауымы қос азаматтың адал әрі жауапкершілікпен қызмет еткенін тілге тиек етіп, жаңа лауазымына табыс тіледі.
<div class="wp-block-image"><figure class="aligncenter size-full"><img loading="lazy" width="1440" height="1031" src="https://kyzylorda-news.kz/wp-content/uploads/2022/10/309543196_395997009388216_7313488213071553583_n.jpg" alt="" class="wp-image-168440" srcset="https://kyzylorda-news.kz/wp-content/uploads/2022/10/309543196_395997009388216_7313488213071553583_n.jpg 1440w, https://kyzylorda-news.kz/wp-content/uploads/2022/10/309543196_395997009388216_7313488213071553583_n-768x550.jpg 768w" sizes="(max-width: 1440px) 100vw, 1440px" /></figure></div>

Қос азаматқа құрмет көрсетілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;1 қазан күні елімізде қарттар күні аталып өтеді, деп хабарлайды <a href="https://www.inform.kz/kz/bugin-halykaralyk-karttar-kuni_a3985574" target="_blank" rel="noreferrer noopener">ҚазАқпарат</a>.
Халықаралық қарттар күні &#8212; 1990 жылы 14 желтоқсанда БҰҰ Бас ассамблеясында бекітіліп, жарияланды.
Бұл мереке елімізде жыл сайын аталып өтіледі. Және оның аясында қарттарға құрмет көрсетіліп, түрлі форматтағы іс-шаралар ұйымдастырылады.
Атап айтқанда, қарттарға құрмет көрсету акциялары, мемлекет тарапынан біржолғы қаржылай көмек, сондай-ақ, азық-түлік себеті, шипажайларға жолдама және тағы басқа.
Сол секілді егде жастағы жандарға арналып мерекелік концерт те ұйымдастырылады.
Одан бөлек, қарттарға арналған ауқымды шараның бірі &#8212; «Белсенді ұзақ өмір» ұлттық жобасы.
ҚР Еңбек және халықты әлеуметтік қорғау министрлігі былтыр қолға алған жоба аясында еліміздің барлық өңірінде белсенді ұзақ өмір сүру орталықтарын ашу жоспарланған. Жоспарға сай онда егде жастағы жандар бос уақытын өткізе алады.
Аталған орталықта ағылшын тілін үйрену, компьютерлік сауаттылық курстарынан өту, емдік дене шынықтыру, би және тағы басқа шараларды өткізу қарастырылған.
Еңбек және халықты әлеуметтік қорғау министрлігі берген статистикаға сүйенсек, бүгінде елімізде жасы алпыстан асқан 3 миллионға жуық жан бар.
Мереке қарсаңында Еңбек және халықты әлеуметтік қорғау министрі Тамара Дүйсенова әлеуметтік еңбек саласының ардагерлеріне зор денсаулық, амандық және ұзақ өмір тіледі.
Сондай-ақ, айтулы күнге орай зейнеткерлерге құттықтау хатымен қатар елордадағы Қ. Қуанышбаев атындағы қазақ драма театрындағы концертке билет табыс етілді.
Аталған ведомство мәліметіне сәйкес, елімізде қарттар күніне орай айлық шара басталып кетті.
<blockquote class="wp-block-quote">«Облыс, қала және аудан басшыларынан бөлек, кәсіпорындар мен ұйым басшылары әлеуметтік қолдау шарасына орай ашық есік күнін ұйымдастырып жатыр. Министрлік мәліметіне сәйкес, 188,4 мың қарт жанды қамти отырып, барлығы 1,6 млрд теңге сомасында біржолғы материалдық көмек көрсетілді», &#8212; дейді ведомстводан.</blockquote>

Бүгін – халықаралық қарттар күні

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;1 қазан күні солтүстік антициклонның әсерінен елдің солтүстігінде, оңтүстігінде, орталығында күн жауын-шашынсыз болады, деп хабарлайды Қазгидромет.
Атмосфералық ағындардың әсерінен Қазақстанның батысында жаңбыр, солтүстік-батысында және оңтүстік-шығысында жауын &#8212; шашын (жаңбыр, қар), шығысында қар жауады.
Республика бойынша тұман түсіп, жел күшейеді, оңтүстігінде шаңды дауыл тұрады, шығыста жолдарда көктайғақ болады.
Жамбыл, Түркістан, Қызылорда облыстарының басым бөлігінде төтенше өрт қаупі сақталады.

1 қазанға арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Денсаулық сақтау министрі Ажар Ғиният Қызылорда облысына жұмыс сапары барысында 75 төсек-орынға есептелген Қазақ республикалық лепрозорийдің жұмысымен танысты. Бүгінде мұнда алапеспен ауыратын 50 науқас емделуде.
Министр ауыр жұқпалы ауруды емдеу әдістерін жетілдіру, науқастарды әлеуметтік оңалту мәселелеріне қызығушылық танытты.
Лепрозорий ұжымында 12 дәрігер, 36 орта буын медицина қызметкері, барлығы 185 қызметкер бар. Алапес Қазақстанда халық денсаулығының проблемасы болып табылмайды. 2019 жылдың 1 қаңтарындағы жағдай бойынша бізде 381 науқас тіркелді. Бірақ соңғы он жылда елде бұл дерттің бес жағдайы жаңадан, ал тағы бесеуі қайталанумен анықталды. Жекелеген эндемиялық өңірлерде науқастардың жеткілікті саны шоғырланған (барлық санның 80 пайызы). Сондықтан бұл қиын инфекцияны толығымен жою туралы айту әлі ерте.
Мамандандырылған мекемедегі науқастарға зертханалық диагностика, физиотерапия, оңалту, массаж сияқты барлық қажетті медициналық көмек көрсетіледі, дәріхана бар.
Алапес (Ханзен ауруы, ескірген атауы – алапес)-терінің, жоғарғы тыныс жолдарының шырышты қабаттарының, перифериялық жүйке жүйесінің, тірек-қимыл аппаратының және ішкі ағзалардың әртүрлі клиникалық көріністерімен сипатталатын алапес микобактериялары тудыратын адамның созылмалы жұқпалы ауруы. Кеш диагноз қойылған және уақтылы емделмеген жағдайда ауру ауыр мүгедектікке әкеледі.
<div class="wp-block-image"><figure class="aligncenter size-full"><img loading="lazy" width="1440" height="1440" src="https://kyzylorda-news.kz/wp-content/uploads/2022/10/310036553_470038441832893_6247178190609408656_n.jpg" alt="" class="wp-image-168683" srcset="https://kyzylorda-news.kz/wp-content/uploads/2022/10/310036553_470038441832893_6247178190609408656_n.jpg 1440w, https://kyzylorda-news.kz/wp-content/uploads/2022/10/310036553_470038441832893_6247178190609408656_n-768x768.jpg 768w" sizes="(max-width: 1440px) 100vw, 1440px" /></figure></div>

Ажар Ғиният Қазақ республикалық лепрозорийдің жұмысымен танысты

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Сыр елінде Мемлекет және қоғам қайраткері Ұзақбай Қарамановтың 85 жылдығына арналған «Тәуелсіздік түлеткен тұлға» атты республикалық ғылыми конференция өткізілді.
Конференцияны модератор ретінде облыс әкімі Нұрлыбек Нәлібаев жүргізді.
Жиынға ҚР Парламенті Сенатының депутаты Мұрат Бақтиярұлы, техника ғылымдарының докторы, профессор, ҚР Ұлттық Ғылым академиясының академигі, мемлекет және қоғам қайраткері Бақытжан Жұмағұлов, техника ғылымдарының докторы Әлімжан Құртаев, ҚР Парламенті Мәжілісінің депутаттары Ғалым Әміреев, Бақытбек Смағұл, Ұзақбай Қараманұлының жұбайы Ұлдай апа, балалары,туған-туыстары, замандастары сондай-ақ, мәслихат депутаттары, зиялы қауым өкілдері қатысты.
Айдынды Аралдан түлеп шыққан сұңғыла саясаткердің құрметіне арналған республикалық конференцияда ҚР Парламенті Сенатының Төрағасы Мәулен Әшімбаев, мемлекет және қоғам қайраткері, саяси ғылымдар докторы Қырымбек Көшербаев, мемлекет және қоғам қайраткері экономика ғылымдарының докторы, профессор Бердібек Сапарбаев, ҚР Парламенті Сенатының депутаты, заң ғылымдарының докторы, профессор, ҚР Ұлттық ғылым академиясының академигі Мұхтар Құл-Мұхаммед құттықтау хаттарын жолдады.
Аймақ басшысы қайраткердің өмір жолы мен еңбегіне тоқталып, қазақ елінің дамуына қосқан үлесі туралы сөз қозғады.
<blockquote class="wp-block-quote">«Ұзақбай Қараманов еліміздегі құрылыс индустриясының алғашқы қарлығаштарының бірі. Ағамыз қандай қызметте жүрсе де, туып-өскен жері Арал халқының мүддесінен өзін жырақ ұстаған емес. 1960 жылдары айдынды Арал тартыла бастағанда, Ұзақбай Қараманов «Арал-Аманөткел су құбырын» тарту жұмысына басшылық жасап, жүз шақырымға жуық арна құрылысын салды. «Өзімнің емес, елдің болашағы үшін тер төгіп жүрмін» деген ұстанымды басшылыққа алған ағамыз 1989 жылы шілде айында Қазақ Кеңестік Социалистік Республикасының Министрлер Кеңесінің Төрағасы болғанға дейінгі қызметтердің бәрінде де өзінің азаматтық келбетін жоғалтпай, білімі мен қабілеттерін шыңдай білді. 1990 жылы Қазақ Кеңестік Социалистік Республикасының Тұңғыш Премьер-Министрі болды. Ұзақбай Қараманұлы бастаған үкімет ауыртпалықтарды жоюға, жұртшылықтың ертеңгі күнге деген сенімін нығайтуға қажырлы еңбек сіңірді. Тәуелсіздіктің негізін қалауға атсалысты», &#8212; деді Нұрлыбек Нәлібаев.</blockquote>
Республикалық конференцияда Ұзақбай Қарамановтың еңбекпен өрілген өмірінен естеліктер айтылып, техника ғылымдарының докторы, профессор, ҚР Ұлттық Ғылым академиясының академигі Бақытжан Жұмағұлов, Қызылорда облыстық мәслихатының хатшысы, тарих ғылымдарының кандидаты Наурызбай Байқадамов, қоғам қайраткері Бақберген Досманбетов ой толғамын жеткізді. Сондай-ақ, Ұзақбай Қарамановтың жұбайы Ұлдай Раметоллаева абзал азаматтың қарапайымдылығы мен адалдығы туралы жылы естеліктермен бөлісті.
Жиын соңында облыс әкімі Нұрлыбек Нәлібаев конференция жұмысына қатысқан барша қауымға ризашылығын білдіріп, мұндай шаралар алдағы уақытта да ұйымдастырылатынын жеткізді. Айта кетейік, бүгін туған жерінің даңқты перзенті Ұзақбай Қарамановқа көше атауы берілді. Қазірдің өзінде өзі туып-өскен қасиетті Арал аймағында орта білім беру ұйымы есімін иеленсе, алдағы уақытта облыс орталығынан ағамызға арналған бюст ескерткішін орнату жұмыстары қолға алынды. Ұзақбай Қараманұлы халқы алдындағы адал қызметі үшін Кеңес Одағының жоғарғы наградасының бірі «Еңбек Қызыл Ту» орденімен, Тәуелсіз еліміздің II дәрежелі «Барыс»,«Парасат» ордендерімен және басқа да марапаттармен наградталды.
Сонымен қатар, ҚР Ұлттық инженерлік академиясының академигі, Қызылорда облысының, Алматы, Қызылорда қалаларының, Арал, Қазалы аудандарының құрметті азаматы атанды.
Үш мәрте Қазақ КСР Жоғарғы Кеңесінің, екі мәрте ҚР Парламентінің депутаты болды. Қазақстан Құрылысшылар одағының негізін қалады.
<div class="wp-block-image"><figure class="aligncenter size-full"><img loading="lazy" width="2048" height="1906" src="https://kyzylorda-news.kz/wp-content/uploads/2022/10/310122064_395869322734318_2690821340230640328_n.jpg" alt="" class="wp-image-168435" srcset="https://kyzylorda-news.kz/wp-content/uploads/2022/10/310122064_395869322734318_2690821340230640328_n.jpg 2048w, https://kyzylorda-news.kz/wp-content/uploads/2022/10/310122064_395869322734318_2690821340230640328_n-768x715.jpg 768w, https://kyzylorda-news.kz/wp-content/uploads/2022/10/310122064_395869322734318_2690821340230640328_n-1536x1430.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1410" src="https://kyzylorda-news.kz/wp-content/uploads/2022/10/309871032_395869476067636_5120635332877605886_n.jpg" alt="" class="wp-image-168436" srcset="https://kyzylorda-news.kz/wp-content/uploads/2022/10/309871032_395869476067636_5120635332877605886_n.jpg 2048w, https://kyzylorda-news.kz/wp-content/uploads/2022/10/309871032_395869476067636_5120635332877605886_n-768x529.jpg 768w, https://kyzylorda-news.kz/wp-content/uploads/2022/10/309871032_395869476067636_5120635332877605886_n-1536x1058.jpg 1536w" sizes="(max-width: 2048px) 100vw, 2048px" /></figure></div>

Қызылордада Ұзақбай Қарамановтың 85 жылдығына арналған республикалық ғылыми конференция өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін С.Лапин атындағы №261 орта мектебінде мұғалімдер күніне арналған «Дублер күні» аталып өтті. Аталмыш даталы күнде өзін-өзі басқару жобасы аясында мектеп оқушылары білім, мәдениет, ақпарат, спорт министрлері өз жұмыстарының таныстырылымын жасады.
Іс-шара аясында Мектеп Президенті Бақтыгүл Шаймұрат бүгінгі күнді мектеп жылыжайын аралаумен бастады. Шарада домбыра үйірмесінің әуезді әні тыңдалып, Мәдениет министрі Мақсат Гүлсезім М.Ниязов атындағы «Алтын домбыра» ұлттық кабинетінің іс-жоспарына тоқталды. Мұнан соң оқушылардың қолынан шыққан түрлі өнер бұйымдарының көрмесі көрсетілді. Сондай-ақ оқушылар театры жобасы аясында «Лапин шоу» театры «Найман ана» қойылымы мен «Қуыршақ» театрының «Бауырсақ» ертегісінен үзіндісін қойды.
Ал Спорт министрі Әбілхан Абылайхан спорт үйірмелерінің мектепте жүргізілу барысына тоқталса, Білім министрі Қуаныш Інжу «Ғасыр алыптары» дебат клубының Американдық парламенттік форматтында пікір сайысына қатысты. Ақпарат министрі Каримбаева Дильназ оқуға құштар мектеп жобасы аясындағы COWORKING орталығының тыныс тіршілігін баяндады.
Сонымен қатар Мектеп Президенті шара соңында Дублер күнінінің жүргізілу барысымен танысып, мектеп директоры және орынбасарларының есебін тыңдады.
<div class="wp-block-image"><figure class="aligncenter size-full"><img loading="lazy" width="1280" height="958" src="https://kyzylorda-news.kz/wp-content/uploads/2022/09/308966617_1451681745335026_4673054530709799386_n.jpg" alt="" class="wp-image-168423" srcset="https://kyzylorda-news.kz/wp-content/uploads/2022/09/308966617_1451681745335026_4673054530709799386_n.jpg 1280w, https://kyzylorda-news.kz/wp-content/uploads/2022/09/308966617_1451681745335026_4673054530709799386_n-768x575.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="630" src="https://kyzylorda-news.kz/wp-content/uploads/2022/09/309180080_1451681672001700_7240039979259481416_n.jpg" alt="" class="wp-image-168425" srcset="https://kyzylorda-news.kz/wp-content/uploads/2022/09/309180080_1451681672001700_7240039979259481416_n.jpg 1280w, https://kyzylorda-news.kz/wp-content/uploads/2022/09/309180080_1451681672001700_7240039979259481416_n-768x378.jpg 768w" sizes="(max-width: 1280px) 100vw, 1280px" /></figure></div>

Мектепте білім алушылардың өзін-өзі басқару күні өткізілуде

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін «AMANAT» партиясы Қызылорда облыстық филиалының кезектен тыс XXІХ конференциясы өтті.
Алқалы жиында партияның жаңа саяси тұғырнамасының жобасы талқыланып, 6 қазан күні Астана қаласында өтетін партияның кезектен тыс ХXIV съезіне Сыр елінен делегаттар сайланды.
Конференция жұмысына облыс әкімі Нұрлыбек Нәлібаев, «AMANAT» партиясы облыстық филиалының саяси кеңесі мен саяси кеңес бюросы мүшелері, партияның аумақтық филиалдарының Атқарушы хатшылары, бастауыш партия ұйымдарының жетекшілері мен белсенділері, мәслихаттардағы фракция жетекшілері мен мүшелері және «Жастар Рухы» жастар қанаты мен бұқаралық ақпарат құралдарының өкілдері қатысты.
Жалпы атап өту керек, жыл басынан бастау алған елдегі саяси өзгерістер аясында «AMANAT» партиясы да толық жаңғыру жұмыстарын жүргізді. Партия атауы өзгеруімен қатар, оның негізгі бағдарламалық құжаттары да жаңаруда. Мәселен, бүгін талқыға түсіп отырған саяси тұғырнама жобасы партияның басты құжаттарының бірі десек болады. Жиынды ашқан «AMANAT» партиясы облыстық филиалының Атқарушы хатшысы Ләйлә Төрешова құжат жобасының бірнеше ай көлемінде түрлі сарапашылар пікірталасынан пайда болғандығын атап өтті.
<blockquote class="wp-block-quote">«Саяси Тұғырнама жобасын әзірлеу үшін «AMANAT» партиясы жанынан арнайы Жұмыс тобы құрылып, жоба республикалық және өңірлік деңгейлерде сарапшылық отырыстарда талқыланды. Барлық өңірлерден ұсыныстар жинау және әлеуметтік сауалнама жүргізу арқылы әрбір партия мүшесіне құжатқа қатысты өз пікірін айтуға мүмкіндік берілді. Әлеуметтік сауалнамаға еліміз бойынша 42 мыңнан астам партия мүшесі қатысып, олардан 1 000-ның үстінде ұсыныс жолданған. Бұл қатарда біздің жерлестеріміз де бар», &#8212; деді Ләйлә Төрешова.</blockquote>
Жалпы маңызды құжат жобасы бұған дейін партияның барлық Бастауыш партия ұйымдарында, аумақтық филиалдары конференцияларында талқыланып, бүгін облыстық конференция қарауына ұсынылды.
Жиында облыстық мәслихат хатшысы Наурызбай Байқадамов пен саясаттанушы Сәулет Сахиев сөз алып, Тұғырнаманың негізгі мақсаты мен онан туындайтын міндеттер төңірегінде кеңінен хабарлама жасады.
Мәселен, Науырзбай Байқадамов Тұғырнамада елдің тәуелсіздігі, әділеттілік, халықтың бірлігі, партияның болашаққа деген көзқарасы, даму бағдарлары, қағидаттары мен саяси мақсаттарды толық қамтитындығын жеткізді.
«Қоғамдық келісім» Коммуналдық мемлекеттік мекемесі директорының орынбасары, саясаттанушы Сәулет Сахиев ең алдымен саяси құжаттың толығымен қазақ тілінде жазылғандығы сондай-ақ, «Адам – Қоғам – Мемлекет» қағидасы бойынша құрылып, мұнда әрбір азаматтың әл-ауқаты басты назарға алынғандығын айтты.
<blockquote class="wp-block-quote">«Адам капиталы ұғымы бұрын тек жеке адамның бойындағы бай рухани құндылықтармен бағаланып, өлшенді деп түсініп келсек, жаңа Тұғырнама жобасында ол елдің жоғары экономикалық көрсеткіші ретінде бағаланып отыр», &#8212; деді Сәулет Сахиев.</blockquote>
Мұнан соң күн тәртібіне сәйкес конференция шешімімен Сыр өңірінен «AMANAT» партиясының кезектен тыс ХXIV Съезіне қатысатын 35 делегат сайланды.
Жиын соңында облыс әкімі Нұрлыбек Нәлібаев сөз алып, елдегі жүргізіліп жатқан реформалар сайлау жүйесі мен саяси партияларды дамытуға арналып отырғандығын тілге тиек етіп, талқылауға түскен жаңа Тұғырнаманың ел дамуының жаңа кезеңінің басты идеологиялық құжаты болатынына сенім білдірді. Сондай-ақ съезге қатысатын жерлестерге сәттілік тіледі.
<blockquote class="wp-block-quote">«Еліміздегі қабылданған реформалар сайлау жүйесі мен саяси партияларды дамытуға арналғанын да ескерсек, баршамыз демократия дәстүрлерін одан әрі нығайтып, өзара жауапкершілік пен сенімге негізделген жаңа саяси мәдениетті қалыптастыруға белсенді қатысуымыз қажет. Бұл үшін барлығымыз Мемлекет басшысының әрбір бастамасына қолдау білдіріп, басты құндылықтар болып табылатын – тәуелсіздік, жалпыұлттық бірлік, бәсекеге қабілетті экономика, білімді өркендеген қоғам, заң және тәртіп секілді ортақ басымдықтарды сақтап қана қоймай, оны әрі қарай нығайтуымыз керек, &#8212; деді аймақ басшысы.</blockquote>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/309534103_473370141495294_2480554237516930206_n.jpg" alt="" class="wp-image-168412" srcset="https://kyzylorda-news.kz/wp-content/uploads/2022/09/309534103_473370141495294_2480554237516930206_n.jpg 1280w, https://kyzylorda-news.kz/wp-content/uploads/2022/09/309534103_473370141495294_2480554237516930206_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/310292646_473370118161963_8853511958966785393_n.jpg" alt="" class="wp-image-168413" srcset="https://kyzylorda-news.kz/wp-content/uploads/2022/09/310292646_473370118161963_8853511958966785393_n.jpg 1280w, https://kyzylorda-news.kz/wp-content/uploads/2022/09/310292646_473370118161963_8853511958966785393_n-768x512.jpg 768w" sizes="(max-width: 1280px) 100vw, 1280px" /></figure></div>

Сырбойылық аманаттықтар саяси тұғырнаманы қолдайды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Денсаулық сақтау министрлігінің басшысы Қызылорда облысына жұмыс сапары барысында жүкті әйелдердің патологиясын бақылау мен диагностикалауды күшейтуді тапсырды.
Қызылорда облысына жұмыс сапары барысында Денсаулық сақтау министрі Ажар Ғиният әкім Нұрлыбек Нәлібаевпен бірлесіп 200 төсектік облыстық перинаталдық орталықтың жұмысымен танысты.
Перинаталдық орталық облыстағы барлық ауыр патологиясы бар әйелдерге, мерзімінен бұрын босанған жүкті әйелдерге, босанатын әйелдерге және жаңа туған нәрестелерге медициналық көмек көрсететін III-деңгейдегі ұйым болып табылады.
Мұнда жылына орта есеппен 11000 сәби дүниеге келеді.
Орталықтың базасында клиникалық, биохимиялық, бактериологиялық кабинеттер, ИФА-зертханалар, УДЗ кабинеттер, рентген кабинеті, аудиометрия, психолог, генетик, офтальмолог кабинеттері және басқа да кабинеттер жұмыс істейді.
Онда күндізгі стационар, консультациялық-диагностикалық бөлімше, облыстағы бүкіл жүкті әйелдерге генетика бойынша қызметтер, биохимиялық скринингтер, жаңа туған нәрестелерге неонаталдық скринингтер ұсынатын медициналық-генетикалық орталық орналасқан.
Дәрігерлер мамандандырылған акушерлік және неонаталдық көмекке мұқтаж жүкті әйелдерден басқа, салмағы 500 грамм және одан жоғары шала туған нәрестелерге күтім жасайды.
Перинаталдық орталықтың ұжымын 612 қызметкер, оның ішінде 102 дәрігер құрайды.
Облыстық перинаталдық орталықтың дәрігерлерімен кездесу кезінде Министр жүкті және босанған әйелдерге медициналық көмек көрсетудің жеткіліксіз ұйымдастырылуына, дәрігерлердің біліктілігін арттырудың қажеттілігіне назар аударып, босандыру проблемаларын талқылады.
Ажар Ғиният патологиялары бар жүкті әйелдерді ерте диагностикалаудың рөлін, пациенттердің жағдайын объективті бағалаудың және дұрыс таңдалған акушерлік тактиканың маңыздылығын атап өтті.
Министр жаңа туған нәрестелерге арналған реанимация бөлімшелерінде, босандыру бөлімшелерінде және босанатын әйелдерге арналған реанимация бөлімшелерінде медициналық көмек көрсету жағдайларын қарап шықты.
<div class="wp-block-image"><figure class="aligncenter size-full"><img loading="lazy" width="2048" height="1550" src="https://kyzylorda-news.kz/wp-content/uploads/2022/09/309667653_395707552750495_4681295475618239658_n.jpg" alt="" class="wp-image-168355" srcset="https://kyzylorda-news.kz/wp-content/uploads/2022/09/309667653_395707552750495_4681295475618239658_n.jpg 2048w, https://kyzylorda-news.kz/wp-content/uploads/2022/09/309667653_395707552750495_4681295475618239658_n-768x581.jpg 768w, https://kyzylorda-news.kz/wp-content/uploads/2022/09/309667653_395707552750495_4681295475618239658_n-1536x1163.jpg 1536w" sizes="(max-width: 2048px) 100vw, 2048px" /></figure></div>

Қазақстан және Қызылорда облысының жаңалықтары