<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақ қоғамында ақсақалдар – елдік пен өнегелі өмір тәжірибесінің қайнар көзі. Қарттар қашанда елді береке-бірлікке, ырыс-ынтымаққа жұмылдыра білген. Халықтың «Ауылыңда қартың болса, жазып қойған хатпен тең», «Қариясы бар елдің – қазынасы бар» деген сөздерінің мәнісі – ақылдың кені, қазыналы қарттарды құрметтеу, ақсақалдар қауымын ардақтау болып табылады.</strong></p>
<p>Бүгін 1 қазан – Халықаралық қарттар күні мерекесіне орай аудан әкімдігінің мәжіліс залында аудан әкімі Әділбек Ерсұлтанов ауданымыздың ардагерлерімен және тыл еңбеккерлерімен кездесті.<br>Кездесуде сөз алған аудан әкімі Әділбек Бөрібайұлы ардагерлерді құттықтап, ізгі лебізін жеткізді.</p>
<blockquote class="wp-block-quote"><p>«Үлкенді сыйлау, оларға құрмет көрсету ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың еліміздің өсіп-өркендеуіне қосқан үлестеріңіз бен еңбектеріңіз ерен. Бүгінде еңбектеріңіздің зейнетін көріп отырған шақта Сіздерге мықты денсаулық, ұзақ-ғұмыр, отбастарыңызға береке-бірлік, амандық тілеймін», &#8212; деді.</p></blockquote>
<p>Сонымен қатар аудандық ардагерлер ұйымының төрағасы Мереков Асқар, «Ұлт бірлігі &#8212; Қармақшы» қоғамдық Бірлестігінің төрағасы Шегебай Құндақбаев, қоғамдық кеңес төрағасы Әбдірахман Құлдүйсенов сөз сөйлеп, мерейлі мерекемен барша жиналған ардагерлерді құттықтап, ауданымыздағы ардагерлер үшін атқарылып жатқан ауқымды шараларға өзіндік алғысын жеткізді.</p>
<p>Сондай-ақ мерекелік қабылдаудан кейін аудан ардагерлері күллі түркі елінің абызы Қорқыт ата кешеніне және үш жүзге пір болған Марал Ишан кесенесіне зиярат етіп, құран бағыштады.<br>Сонан соң мерейлі мереке құрметіне ардақты ардагерлеріміз үшін арнайы ас берілді.</p>
<div class="wp-block-image"><figure class="aligncenter size-full"><img loading="lazy" width="1599" height="1066" src="https://kyzylorda-news.kz/wp-content/uploads/2022/10/308944168_2177492682421626_8359587934575286749_n.jpg" alt="" class="wp-image-168578" srcset="https://kyzylorda-news.kz/wp-content/uploads/2022/10/308944168_2177492682421626_8359587934575286749_n.jpg 1599w, https://kyzylorda-news.kz/wp-content/uploads/2022/10/308944168_2177492682421626_8359587934575286749_n-768x512.jpg 768w, https://kyzylorda-news.kz/wp-content/uploads/2022/10/308944168_2177492682421626_8359587934575286749_n-1536x1024.jpg 1536w" sizes="(max-width: 1599px) 100vw, 1599px" /></figure></div>

Қармақшыда қарттар күні кең көлемде аталып өтті

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жалағаш ауданының әкімі Асқарбек Есжанов білім саласының қызметкерлерімен кездесті. </strong></p>
<p>Кездесуде Мемлекет басшысы Қасым-Жомарт Тоқаевтың Жолдауындағы білім саласына қатысты мәселелер кеңінен талқыланды.</p>
<p>Жалағаш ауданы бойынша білім бөлімінің басшысы Талғат Садықов білім саласы бойынша атқарылған жұмыстарды баяндады.</p>
<p>Аудан басшысы сондай-ақ, алдағы уақытта №123 мектеп-лицей жанынан қосымша құрылысын салу жұмыстары жүргізілетінін, Оқушылар Үйі мен әуез мектебінің жаңа ғимараты жақын күндері пайдалануға берілетінін жеткізді.</p>
<p>Мәжілісте Асқарбек Темірбекұлы білім бөлімінің басшысына аудандық полиция бөлімімен бірлесіп, балалардың қауіпсіздігін қамтамасыз етуді қатаң тапсырды.</p>
<p>Сонымен қатар, зейнет жасына толатын мұғалімдер зейнеткерлікке шыққаннан кейін мектеп басшылары мұғалімдерді қабылдауда белгіленген нормаларды қатаң сақтап, біліктілігі жоғары мамандарды қабылдау қажеттігін де атап өтті. Білім бөлімінің қызметкерлерінен бастап, есепшілер, білім беру ұйымдарының басшылары, мектеп директорының орынбасарлары сыбайлас жемқорлықты болдырмау бағытында қатаң шаралар атқарулары тиіс екендігін де атап өтті. Сағат бөлінісін жасауда мектеп басшылары, оқу ісінің меңгерушілері сыбайлас жемқорлыққа жол бермеу қажеттігін тапсырды.</p>
<p>Қазіргі таңда тиісті министрлік талаптарына сәйкес ауданда білім беру ұйымдарының басшыларын ротациялау жұмыстары жүргізілуде.</p>
<p>Асқарбек Есжанов мектеп басшылары, балабақша меңгерушілерімен қатар, мектеп директорларының орынбасарларын да ротациялау жұмыстарын жүргізу қажеттігін тапсырды.</p>
<p>Жиналыста мектеп статусы, есепшілердің жұмысы, мемлекеттік сатып алу жұмыстары, білім беру ұйымдарындағы кәсіподақтар, ыстық тамақпен қамту мәселесі, тәрбие жұмысы, мектеп психологтарының жұмысы айтылды. Білім саласына қатысты қамтылмаған мәселелер қалмады. Асқарбек Есжанов білім беру саласының қызметкерлерімен ашық пікір алмасып, ұсыныс-пікірлерін тыңдап, алдағы жұмыстарына сәттілік тіледі.</p>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/310108462_1548366662282073_7295255107239854550_n.jpg" alt="" class="wp-image-168589" srcset="https://kyzylorda-news.kz/wp-content/uploads/2022/10/310108462_1548366662282073_7295255107239854550_n.jpg 1280w, https://kyzylorda-news.kz/wp-content/uploads/2022/10/310108462_1548366662282073_7295255107239854550_n-768x512.jpg 768w" sizes="(max-width: 1280px) 100vw, 1280px" /></figure></div>

Жалағаш ауданының әкімі білім саласының қызметкерлерімен кездесті

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қармақшы ауданының әкімі Әділбек Ерсұлтанов төрағалығымен аудан әкімдігі жанындағы құқық бұзушылық профилактикасы жөніндегі ведомствоаралық комиссиясының кезекті мәжілісі өтті.</strong></p>
<p>Отырысқа комиссия мүшелері, құқық қорғау органдарының басшылары, бөлім басшылары және кент, ауылдық округі әкімдері бейнебайланыс арқылы қосылып отырды.</p>
<p>Отырыстың күн тәртібінде аудан жастары арасында құқық бұзушылықтардың алдын-алу жұмыстарының барысы, аудандық полиция бөлімінің жергілікті полиция қызметінің атқарып жатқан жұмыстарына аудан тұрғындары арасында жүргізілген әлеуметтік сауалнамалар қорытындысы және Қармақшы ауданы аумағындағы Батыс Еуропа-Батыс Қытай автодәлізі бойында орналасқан ауылдық округ әкімдерінің жол көлік оқиғаларының алдын алу бағытында атқарып жатқан шаралары туралы мәселелер қаралды.</p>
<p>Жиында аудан басшысы қоғамда құқық бұзушылықпен күресуді тұрақты жүргізуіміз керек екенін, құқық бұзушылықтың алдын алу және оны болдырмауға немқұрайлы қарау – ол әр түрлі қылмыстарға жол ашуға бірден-бір себеп екенін жеткізді.</p>
<p>Сондай-ақ, аудан бойынша 2022 жылғы 8 айдың қорытындысына сәйкес, жалпы қылмыстар саны былтырғы жылмен салыстырғанда азайғанын атап өтті.</p>
<p>Мәжіліс қорытындысымен аудан әкімі күн тәртібінде көтеріліп отырған мәселелерге байланысты комиссия мүшелерінің ұсыныс-пікірлерін тыңдап, тиісті сала басшыларына тапсырмалар жүктеді.</p>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/308840505_2176604092510485_869494946529862597_n.jpg" alt="" class="wp-image-168584" srcset="https://kyzylorda-news.kz/wp-content/uploads/2022/10/308840505_2176604092510485_869494946529862597_n.jpg 1280w, https://kyzylorda-news.kz/wp-content/uploads/2022/10/308840505_2176604092510485_869494946529862597_n-768x512.jpg 768w" sizes="(max-width: 1280px) 100vw, 1280px" /></figure></div>

Әділбек Ерсұлтанов: Қоғамда құқық бұзушылықпен күресуді тұрақты жүргізуіміз керек

<p><strong>Kyzylorda-news.kz. Қызылорда өңірінде педагог қауымға көрсетілер сый-құрмет жоғары. Жыл сайын шипажайларға жолдама беру, үздіктерге төсбелгі тағу, қаржылай сыйақы тағайындау өңірдегі мұғалімдердің мәртебесін арттырып келеді. Ал, биыл өңірде алғаш рет шәкірт тәрбиелеуде ұлттық ұстанымды биік қойып, ұстаздық қызметте табанды тер төккен 2 ардагер ұстазға Қызылорда облысының Құрметті азаматы атағы берілді.</strong></p>
<p>Бүгін облыс әкімі Нұрлыбек Нәлібаев ұстаздарды төл мерекесімен құттықтап, аймақ дамуына қосқан үлестері үшін алғысын білдіріп, ыстық ықыласын арнады.</p>
<blockquote class="wp-block-quote"><p>«Біз әрдайым Отанымыздың адал әрі абзал азаматтарын, шынайы патриоттарын тәрбиелейтін, Әділетті Қазақстанның жаңа буынын білім бәйгесіне қосатын ұстаздар қауымын ерекше қадірлейміз.Сәт сайын жаңарып, беталысы күнде өзгерген алмағайып дүниеде адамзат үшін ешқашан өзгермейтін құндылықтар бар. Ол – білім! Ол – еңбек! Бұл қос құндылықты да ұштастыра білген ұстаздардың қоғам алдындағы орны ерек, мәртебесі мерейлі!  Мұғалімдерді әлеуметтік көтермелеу мәселесін назардан тыс қалдырмаймыз. Ел Президенті халықаралық пән олимпиадаларының жеңімпаздарына бір реттік қаржылай сыйақы тағайындады. Балалардың ұстаздарын да моральдық және материалдық тұрғыдан ынталандырды.Біз де өз тарапымыздан дарынды балаларды қолдау саясатын лайықты деңгейде жалғастыратын боламыз», &#8212; деді Нұрлыбек Нәлібаев.</p></blockquote>
<p>Салтанатты жиында облыс әкімі жыл қорытындысымен еңбегімен көзге түсіп, шәкіртімен білім бәсекесінде топ жарған 10 ұстазға 900 мың теңгенің қаржылай сертификаты табысталатынын жеткізді.</p>
<p>Сыр елінің үлгілі ұстаздарына ҚР Оқу-ағарту министрлігі мен облыс әкімінің атынан марапат табысталды. Бірқатар облыс педагогына «Алтынсарин» төсбелгісі, «Қазақстан Республикасы Оқу-ағарту министрлігінің «Білім беру ісінің құрметті қызметкері» құрметті атағы, «Қызылорда облысының білім беру саласын дамытудағы еңбегі үшін жергілікті ерекшілік белгісі» мен облыс әкімінің Құрмет грамотасы және Алғыс хаты табысталды. Ал, Ұлттық біріңғай тестілеу көрсеткіші бойынша республика көлемінде «Үздік 100 мектеп» қатарына енген және үздік білім беру ұйымдарының педагогтарына ноутбук берілді.</p>
<p>Нартай Бекежанов атындағы мемлекеттік қазақ академиялық драма театрында өткен мерекелік іс-шарада ұстаз тағылымын театрландырылған қойылым аша түсті. Салтанатты кеш жергілікті өнер қайраткерлерінің концертімен аяқталды. </p>
<div class="wp-block-image"><figure class="aligncenter size-full"><img loading="lazy" width="1080" height="798" src="https://kyzylorda-news.kz/wp-content/uploads/2022/10/fb_img_1664629009911.jpg" alt="" class="wp-image-168489" srcset="https://kyzylorda-news.kz/wp-content/uploads/2022/10/fb_img_1664629009911.jpg 1080w, https://kyzylorda-news.kz/wp-content/uploads/2022/10/fb_img_1664629009911-768x567.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="709" src="https://kyzylorda-news.kz/wp-content/uploads/2022/10/fb_img_1664629014071.jpg" alt="" class="wp-image-168490" srcset="https://kyzylorda-news.kz/wp-content/uploads/2022/10/fb_img_1664629014071.jpg 1080w, https://kyzylorda-news.kz/wp-content/uploads/2022/10/fb_img_1664629014071-768x504.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="689" src="https://kyzylorda-news.kz/wp-content/uploads/2022/10/fb_img_1664629018242.jpg" alt="" class="wp-image-168491" srcset="https://kyzylorda-news.kz/wp-content/uploads/2022/10/fb_img_1664629018242.jpg 1080w, https://kyzylorda-news.kz/wp-content/uploads/2022/10/fb_img_1664629018242-768x490.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="881" src="https://kyzylorda-news.kz/wp-content/uploads/2022/10/fb_img_1664629020747.jpg" alt="" class="wp-image-168492" srcset="https://kyzylorda-news.kz/wp-content/uploads/2022/10/fb_img_1664629020747.jpg 1080w, https://kyzylorda-news.kz/wp-content/uploads/2022/10/fb_img_1664629020747-768x626.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="807" src="https://kyzylorda-news.kz/wp-content/uploads/2022/10/fb_img_1664629189168.jpg" alt="" class="wp-image-168496" srcset="https://kyzylorda-news.kz/wp-content/uploads/2022/10/fb_img_1664629189168.jpg 1080w, https://kyzylorda-news.kz/wp-content/uploads/2022/10/fb_img_1664629189168-768x574.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="638" src="https://kyzylorda-news.kz/wp-content/uploads/2022/10/fb_img_1664629194500.jpg" alt="" class="wp-image-168497" srcset="https://kyzylorda-news.kz/wp-content/uploads/2022/10/fb_img_1664629194500.jpg 1080w, https://kyzylorda-news.kz/wp-content/uploads/2022/10/fb_img_1664629194500-768x454.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="900" src="https://kyzylorda-news.kz/wp-content/uploads/2022/10/fb_img_1664629197304.jpg" alt="" class="wp-image-168498" srcset="https://kyzylorda-news.kz/wp-content/uploads/2022/10/fb_img_1664629197304.jpg 1080w, https://kyzylorda-news.kz/wp-content/uploads/2022/10/fb_img_1664629197304-768x640.jpg 768w" sizes="(max-width: 1080px) 100vw, 1080px" /></figure></div>

Қызылордада ұстаздар марапатталды

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Арал ауданының орталығында 1 қазан – Қарттар күніне арналған салтанатты шара өтті. Мерекелік кешке әр салада еселі қызмет еткен еңбек ардагерлері, тыл ардагерлері мен зейнеткерлер қатысты.</strong></p>
<p>Жиында алдымен сөз алған аудан әкімі Серік Сермағамбетов ардагерлерді төл мерекелерімен құттықтады.</p>
<blockquote class="wp-block-quote"><p>«Қария &#8212; ағып жатқан дария, телегей теңіз іспеттес. Теңіздің тұнығы, дарияның тазалығы қандай болса, бізде өздеріңізді сондай деп білеміз. Бүгінде ата-әжелеріміз әр шаңырақта немере-шөбелеріне өзінің ақылын айтып, тәлімді тәрбиесін беріп, ұлағатты ұғымдарды сіңіріп отыр. Қай кезде де, небір сын сағатта да халқына сүйеу, жұртына қамқор болатын қарттарымыз аман болсын. Сіздерді бүгінгі мерекелеріңізбен шын жүректен құттықтай отырып, дендеріңізге саулық, ұзақ-ғұмыр, әулеттеріңізге амандық, ырыс-несібе тілеймін!»,-деді аудан әкімі Серік Сағитжанұлы.</p></blockquote>
<p>Әр әулеттің саялы бәйтерегіне айналған, ұлағатты ұрпақ тәрбиелеп, ұлттық мүдде жолында елеулі еңбек еткен ардагер ақсақалдар мен ақжаулықты аналар бұл жиында аудан әкімінің құттықтау хатымен марапатталды. </p>
<p>Шара одан әрі қарттар күніне арналған ұлттық би мен дәстүрлі әндер легімен жалғасты.</p>
<p>Мұнан соң аудан әкімі Серік Сағитжанұлы Қазақстан Республикасына еңбегі сіңген мәдениет қайраткері, Арал ауданының құрметті азаматы, ардагер-журналист Шәкірат Дәрмағамбетовты арнайы құттықтады. Абыз ақсақалды төл мерекесіне орай алғыс хатпен марапаттап, ізгі лебізін білдірді.</p>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310141272_3375510542777308_2304522847180709281_n.jpg" alt="" class="wp-image-168537" srcset="https://kyzylorda-news.kz/wp-content/uploads/2022/10/310141272_3375510542777308_2304522847180709281_n.jpg 2048w, https://kyzylorda-news.kz/wp-content/uploads/2022/10/310141272_3375510542777308_2304522847180709281_n-768x512.jpg 768w, https://kyzylorda-news.kz/wp-content/uploads/2022/10/310141272_3375510542777308_2304522847180709281_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Арал аудананың әкімі қарттарды құттықтады

<p><strong>Kyzylorda-news.kz. Бүгін Үкімет басшысы Әлихан Смайловтың төрағалығымен селекторлық режимде жиын өтіп, көші-қонның кейбір мәселелері, «Жайлы мектеп» пилоттық ұлттық жобасын іске асыру және елді мекендерді көмірмен қамтамасыз ету мәселелері қаралды.</strong></p>
<p>Жиынға салалық министрлер мен онлайн режимде өңір әкімдері қатысты.</p>
<p>Премьер-Министр аталған салаларға қатысты нақты тапсырмалар жүктеп, нәтижелі жұмыс көрсету қажет екенін атап өтті.</p>
<p>Селекторлық отырыстан кейін аймақ басшысы Нұрлыбек Нәлібаев Үкімет тапсырмаларын орындау бағытында негізді басымдықтарға мән беріп, жұмысты ширату қажет екенін алға тартты. Оның ішінде көші-қон мәселесінде тіркелмеген көшіп-қонушылардың санын анықтауда мобильдік топтар құруды және құқық қорғау саласы басшыларына рейдтік шараларды ұдайы түрде жүргізуді тапсырды. Ал, білім басқармасының басшысына «Жайлы мектеп» пилоттық ұлттық жобасын іске асыруда нақты шаралар қабылдауды жүктеді. Бұл ретте құрылысы салынатын мектептерге бөлінген жер телімдері құжаттарының биылғы жылдың 1 қарашасына дейін рәсімдеуді тапсырды.Облыс әкімі жылуға дайындық және көмір жеткізу мәселесін арнайы қарады.</p>
<blockquote class="wp-block-quote"><p>«Барлық әлеуметтік нысандарға қажетті отын қорында проблема туындамауы керек. Әсіресе, аудандарда тапшылық орын алып, халық кезек күтіп, ажиотаж болмауын бақылауға алу қажет. Мектептерде, ауруханаларда, халыққа қызмет көрсету орындарында, мәденит және спорт мекемелерінде жылу беру үзіліссіз жүруі тиіс. Бұл бағытта әр ауданның ұйымдастыру жұмыстары мұқият қаралады», &#8212; деді Нұрлыбек Нәлібаев.</p></blockquote>
<p>Жиын соңында аймақ басшысы халықтың мұң-мұқтажын тыңдап, мәселелерін рет-ретімен шешуде 10 қазаннан бастап облыс әкімінің орынбасарлары, құқық қорғау саласы басшылардың орынбасарлары 1 күн бойы 1 ауданда ашық есік күндерін өткізіп, халықпен пікірлесетінін баса айтты. Мұндай тәжірибені ай сайын қолға алуды тапсырды.</p>
<div class="wp-block-image"><figure class="aligncenter size-full"><img loading="lazy" width="1080" height="652" src="https://kyzylorda-news.kz/wp-content/uploads/2022/10/fb_img_1664624790656.jpg" alt="" class="wp-image-168486" srcset="https://kyzylorda-news.kz/wp-content/uploads/2022/10/fb_img_1664624790656.jpg 1080w, https://kyzylorda-news.kz/wp-content/uploads/2022/10/fb_img_1664624790656-768x464.jpg 768w" sizes="(max-width: 1080px) 100vw, 1080px" /></figure></div>

Нұрлыбек Нәлібаев: Көмір қорында тапшылық болмауы керек

<p><strong>Kyzylorda-news.kz. Өңірге инвестициялық жобалар тарту – әкімдіктің басым бағыттарының бірі. Аймақта түріктің «Акса энерджи» компаниясы ТМД елдерінде теңдесі жоқ заманауи жылу электр орталығының құрылысын салуға ниет білдіргенін осы кезге дейін хабардар еттік. Ендігі міндет жобаны сапалы әрі уақытылы аяқтау. Бұл ретте аймақ басшысы Нұрлыбек Нәлібаевтың тапсырмасы аясында облыс әкімінің орынбасары Мархабат Жайымбетов көршілес Өзбекстан Республикасына барды. </strong></p>
<p>Іссапардың мақсаты – Ташкент қаласының Кибрай ауданындағы 470 МВт бу-газ турбиналық қондырғысының жұмысымен танысу. Өйткені, Сыр өңірінде жылу-электр орталығының құрылысын салатын «AKSA Energy» компаниясы нысанды осы мемлекетте жүргізген болатын. Мархабат Жайымбетов «AKSA Energy» компаниясының біздің өңірге бу-газ турбиналық қондырғысын салуға жауапты жоба менеджері Алған Саракогулымен кездесіп, құрылыс жұмыстарын жүргізу барысында туындайтын барлық мәселелерді  кеңінен талқылады. Сала мамандарымен пікірлесіп, бу-газ орталығының жұмыс жасау процесімен танысты. </p>
<p>Басқосуда Алған Саракогулыға бауырлас екі ел арасындағы қолға алынған жобаның маңыздылығы қаузалып, Қызылорда қаласына жақын арада бу-газ турбиналық қондырғысының құрылыс жұмыстарын бастау туралы ой қозғалды. </p>
<p>Айта кетейік, Президент тапсырмасы аясында заманауи қондырғылар республиканың екі аймағында ғана салынады. Алғашқысы біздің облыста жүзеге аспақ. Құны 215 млрд.теңгеден асатын жоба 36 ай ішінде аяқталып, жоба құжаттамасына сәйкес 2025 жылы қосу жоспарланған. Қуаттылығы 240 мегаватқа жететін жаңа нысан қаланың энергия мен жылу қажеттілігін қамтамасыз етіп, энергетикалық қауіпсіздікті күшейтуге мүмкіндік береді.</p>
<div class="wp-block-image"><figure class="aligncenter size-full"><img loading="lazy" width="1080" height="1440" src="https://kyzylorda-news.kz/wp-content/uploads/2022/10/fb_img_1664624453850.jpg" alt="" class="wp-image-168482" srcset="https://kyzylorda-news.kz/wp-content/uploads/2022/10/fb_img_1664624453850.jpg 1080w, https://kyzylorda-news.kz/wp-content/uploads/2022/10/fb_img_1664624453850-768x1024.jpg 768w" sizes="(max-width: 1080px) 100vw, 1080px" /></figure></div>

Мархабат Жайымбетов Өзбекстандағы бу-газ турбиналық қондырғының жұмысымен танысты

<p><strong>Kyzylorda-news.kz. Қызылорда өңірінде 78 мыңнан аса зейнет жасындағы ардагер бар. Олардың әрқайсысы мемлекеттің қолдауын сезінеді. Аймақта қариялардың лайықты деңгейде өмір сүруі үшін зейнеткерлерді сауықтыру және спорттық шаралармен қамту жұмыстары ұдайы жүргізіледі.</strong></p>
<p>Халықаралық қарттар күнінде облыс әкімі Нұрлыбек Нәлібаев №1 Қызылорда арнаулы әлеуметтік қызметтер көрсету орталығына барып, мұндағы қызмет алатын ардагерлердің жағдайын біліп, пікірлесті.</p>
<blockquote class="wp-block-quote"><p>«Біз «Қартын сыйлаған елде қасиет бар» деген аталы сөзге бас иген дана халықтың ұрпағы ретінде ардагерлерімізді ардақтап, сый-құрмет көрсетуді перзенттік парыз санаймыз.Абыз ақсақалдыққа, қадірлі қариялыққа жету &#8212; өмір мектебінен өткен әрбір адамның мерейлі кезеңі. Сіздер қай уақытта болмасын орамды ойларыңызбен елді берекелі бірлікке, тату тірлікке үндеп келесіздер. Мен Өздеріңізбен орайы келгенде жиірек жолығып, еркін пікірлесіп, кесімді ойларыңыз бен ұтымды ұсыныстарыңызды тыңдауға қашанда әзірмін. Сіздер аман болыңыздар», &#8212; деді облыс әкімі Нұрлыбек Нәлібаев.</p></blockquote>
<p>Мерейлі сәтте ардагерлерді құттықтауға келген облыстық ардагерлер кеңесінің төрағасы Серік Дүйсенбаев замандастарына бақ-береке тіледі.</p>
<p>Бүгінде бұл орталықта 250-ге жуық ардагер және мүгедектігі бар азаматтар қызмет алады. Заман талабына сай жабдықталған ғимаратта өткен жылы спорт алаңы салынып, пайдалануға берілсе, биыл қызмет алушылардың рухани демалыстарына ерекше көңіл бөлінбек. Бұл ретте еліміздің тарихи, мәдени орындарына саяхат жасауға шағын автобус сатып алу үшін бюджеттен 21 млн. теңге қаржы қаралды.</p>
<p>Басқосуда облыс әкімі қариялардың игілігіне арнап әлеуметтік орталыққа арнайы сыйлық табыс етті.</p>
<div class="wp-block-image"><figure class="aligncenter size-full"><img loading="lazy" width="1080" height="684" src="https://kyzylorda-news.kz/wp-content/uploads/2022/10/fb_img_1664622807056.jpg" alt="" class="wp-image-168478" srcset="https://kyzylorda-news.kz/wp-content/uploads/2022/10/fb_img_1664622807056.jpg 1080w, https://kyzylorda-news.kz/wp-content/uploads/2022/10/fb_img_1664622807056-768x486.jpg 768w" sizes="(max-width: 1080px) 100vw, 1080px" /></figure></div>

Аймақ басшысы Қарттар үйіне барып, ардагерлерді құттықтады

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Арал қаласында жаңа «Құран жаттау орталығы» ел игілігіне берілді.</strong></p>
<p>Игі шараға Қазақстан мұсылмандары діни басқармасының төрағасы Наурызбай қажы Тағанұлы қатысып, мұсылман жамағатын жаңа ғимараттың ашылуымен құттықтады.</p>
<blockquote class="wp-block-quote"><p>«Бүгін, қасиетті жұма күні Арал ауданының орталық мешіті жанындағы Құран жаттау орталығы ел игілігіне беріліп отыр. Осы орталықтан имандылыққа ұйыған жастар ертең-ақ халыққа қызмет етіп, дініміз бен дәстүріміздің кеңінен дәріптелуіне үлес қосады деген сенімдемін. Құран жаттаған, оны көңілге тоқыған жас буын өкілі жақсылық жасауға асық болады. Осы орталық шәкірттерді үлкенді құрметтеуге, дәстүрді қадірлеуге, ізгілікке баулитын болады. Құтханамыз құтты болсын, ағайын» деді Бас мүфти Наурызбай қажы Тағанұлы.</p></blockquote>
<p>Құран жаттау орталығының ашылуына қатысқан аудан әкімі </p>
<blockquote class="wp-block-quote"><p>«Орталық мешіттің жанынан діни білім ордасының бой көтеруі – ауданымыз үшін қуанышты жаңалық. Ел мен жерге қызмет етіп, соңына өшпес із қалдырған тарихи тұлғалардың барлығы сауатын медреседен ашқан. Осы оқу ордасынан ұлтқа қызмет ететін иманды, рухани бай, елжанды азаматтар тәрбиеленіп шығатынына сенімім мол. Еліміз аман, жұртымыз тыныш болғай!»- деді Серік Сермағамбетов.</p></blockquote>
<p>Мұнан соң аудан ардагері Садықбаев Әбілбай сөз алып, игі тілегін білдірді.</p>
<p>Атап өтейік, орталықта бір мезетте 70 шәкірт білім алады. Олар діни сауат ашумен қатар мектеп бағдарламасын оқиды. Ғимаратта дәрісхана мен жатақхана қарастырылған. Орталықтың жалпы аумағы – 400 шаршы метр. Ашылу салтанатынан соң орталық ішін аралаған Бас мүфти шәкірттерге қасиетті Құран кітабын сыйға тарту етті.</p>
<p>Қазақстан мұсылмандары діни басқармасының төрағасы ауданға жасаған сапары барысында Арал қалалық мешітінің іргетасын қалады.</p>
<p>Бас мүфти: «Іргетасы қаланған жаңа мешіт осы өңірдің рухани дамуына үлкен үлес қосады деп сенемін. Құлшылық ордасы дініміздің ғана емес, салт-дәстүріміз бен ұлттық құндылықтарымыздың кеңінен дәріптелуіне ықпал етеді. Алла Тағала халқымызға, еліміз бен жерімізге берекесі мен жақсылығын жаудырғай» деп дұға етті.</p>
<p>Қасиетті жұмада іргетасы қаланған мешітте бір мезетте 1000 адам мұсылмандық парызын өтей алады.</p>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310043134_3375350306126665_4613766276128882076_n.jpg" alt="" class="wp-image-168542" srcset="https://kyzylorda-news.kz/wp-content/uploads/2022/10/310043134_3375350306126665_4613766276128882076_n.jpg 2048w, https://kyzylorda-news.kz/wp-content/uploads/2022/10/310043134_3375350306126665_4613766276128882076_n-768x512.jpg 768w, https://kyzylorda-news.kz/wp-content/uploads/2022/10/310043134_3375350306126665_4613766276128882076_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310065660_3375350616126634_7942007151549929719_n.jpg" alt="" class="wp-image-168545" srcset="https://kyzylorda-news.kz/wp-content/uploads/2022/10/310065660_3375350616126634_7942007151549929719_n.jpg 2048w, https://kyzylorda-news.kz/wp-content/uploads/2022/10/310065660_3375350616126634_7942007151549929719_n-768x512.jpg 768w, https://kyzylorda-news.kz/wp-content/uploads/2022/10/310065660_3375350616126634_7942007151549929719_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/309969905_3375349966126699_2984377639107072437_n.jpg" alt="" class="wp-image-168543" srcset="https://kyzylorda-news.kz/wp-content/uploads/2022/10/309969905_3375349966126699_2984377639107072437_n.jpg 2048w, https://kyzylorda-news.kz/wp-content/uploads/2022/10/309969905_3375349966126699_2984377639107072437_n-768x512.jpg 768w, https://kyzylorda-news.kz/wp-content/uploads/2022/10/309969905_3375349966126699_2984377639107072437_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310209088_3375350246126671_6186348888895696784_n.jpg" alt="" class="wp-image-168546" srcset="https://kyzylorda-news.kz/wp-content/uploads/2022/10/310209088_3375350246126671_6186348888895696784_n.jpg 2048w, https://kyzylorda-news.kz/wp-content/uploads/2022/10/310209088_3375350246126671_6186348888895696784_n-768x512.jpg 768w, https://kyzylorda-news.kz/wp-content/uploads/2022/10/310209088_3375350246126671_6186348888895696784_n-1536x1024.jpg 1536w" sizes="(max-width: 2048px) 100vw, 2048px" /></figure></div>
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310006596_3375350126126683_2547738690288577934_n.jpg" alt="" class="wp-image-168547" srcset="https://kyzylorda-news.kz/wp-content/uploads/2022/10/310006596_3375350126126683_2547738690288577934_n.jpg 2048w, https://kyzylorda-news.kz/wp-content/uploads/2022/10/310006596_3375350126126683_2547738690288577934_n-768x512.jpg 768w, https://kyzylorda-news.kz/wp-content/uploads/2022/10/310006596_3375350126126683_2547738690288577934_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Арал ауданында «Құран жаттау орталығы» ашылды

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Шиелі ауданындағы «Семізбай-U» ЖШС Иіркөл филиалында  «Атом саласы қызметкерлері күні» мерекесіне орай мерекелік іс-шара өтті.</strong></p>
<p>Іс-шарада «Семізбай-U» ЖШС бас директоры Алмас Майлыбаев жұмыскерлерді кәсіби мерекемен құттықтап, еңбек озаттарымен еңбек майталмандарына облыс әкімінің алғыс хаттарын табыстап, төсбелгілерімен, құрмет грамоталарымен марапаттады.</p>
<p>Аталған шараға Шиелі ауданы әкімінің орынбасары Ерсұлтан Апетов, аудандық қоғамдық кеңесінің төрағасы&nbsp;Қабілеш Бекішов, аудандық ардагерлер кеңесінің орынбасары Ғани Есімов қатысты. Аудан әкімінің орынбасары жұмысшы ұжымды мерекемен құттықтады. Сонымен қатар Қабілеш Бекішов пен Ғани Есімов те өздерінің ыстық ықыласын білдіріп, жылы лебізін жеткізді. Сондай-ақ Ғани Есімов аудан ардагерлінің атынан&nbsp;«Семізбай-U» ЖШС бас директоры Алмас Майлыбаевқа Алғыс хат тапсырды.</p>
<p>Сонымен қатар, аудандық қоғамдық кеңесінің төрағасы&nbsp;Қабілеш Бекішов іс-шараға қатысушы қауымды 20 қарашада өтетін кезектен тыс ҚР Президент сайлауына жұмыла қатысып, дауыс беруге шақырды.&nbsp;</p>
<p>Шара соңында барлық жұмыскерлерге мерекелік дастархан жайылды.</p>
<figure class="wp-block-image size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/img-20220929-wa0063-1.jpg" alt="" class="wp-image-168257" srcset="https://kyzylorda-news.kz/wp-content/uploads/2022/09/img-20220929-wa0063-1.jpg 1280w, https://kyzylorda-news.kz/wp-content/uploads/2022/09/img-20220929-wa0063-1-768x512.jpg 768w" sizes="(max-width: 1280px) 100vw, 1280px" /></figure>

Шиеліде атом саласы қызметкерлері күніне орай мерекелік шара өтті

<p><strong><a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев қоғам қайраткері, қазақтың тұңғыш Премьер-министрі Ұзақбай Қараманов туралы ой қозғады. Аймақ басшысы бұл туралы өзінің «<a href="https://www.facebook.com/profile.php?id=100080294677470" target="_blank" rel="noreferrer noopener">Facebook</a>» парақшасында жариялады.   </strong></p>
<p>«Қадірлі жерлестер! Бүгін Сыр елі үшін айтулы күн. Себебі, Мемлекет және қоғам қайраткері, қазақтың Тұңғыш Премьер-министрі, біртуар азамат Ұзақбай Қараманұлын еске алуға арналған игілікті шаралар киелі Сыр төрінде бастау алды.</p>
<p>Қазақ қашан да үлкенге құрмет, кішіге ізет көрсеткен ел! Біз &#8212; өткенін бағалай білетін, қазіргісін саралай білетін халықтың ұрпағымыз. Кешегі өткен ұлыларымыз бен даналарымыз, билеріміз бен батырларымыз бүгінгі жастарға дәріптеліп, ұрпақтар сабақтастығы жалғасын табуда.</p>
<p>Осы игі бастаманың жалғасы ретінде қасиетті жұмада теңізді өлкенің тумасы, Сыр елінің мақтанышы Ұзақбай Қарамановқа көше атауы берілді.</p>
<p>Кең жүректі, қамқор көңілді абзал азаматтың құрметіне арнап «Тәуелсіздік түлеткен тұлға» атты республикалық конференция өткізілді.</p>
<p>Алқалы жиында қабырғалы қайраткерлер сөз алып, ілтипатын білдірді. Еңбекпен өрілген өмірінен естеліктер айтып, өр тұлға, қазақтың қабырғалы перзентінің есімі ерекше құрметтелді. Есімі алты алашқа танылған, нар тұлғалы азаматқа қандай құрмет көрсетсек те лайықты!</p>
<p>Алдағы уақытта облыс орталығынан ағамызға арналған бюст ескерткішін орнату жұмыстарын қолға алдық. Қазақтың бағына туған елі мен жері үшін аянбай еңбек ететін ұлы тұлғаларымыздың ізі өшпесін!», &#8212; деп жазды аймақ басшысы.</p>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/koshe.jpg" alt="" class="wp-image-168468" srcset="https://kyzylorda-news.kz/wp-content/uploads/2022/10/koshe.jpg 1280w, https://kyzylorda-news.kz/wp-content/uploads/2022/10/koshe-768x512.jpg 768w" sizes="(max-width: 1280px) 100vw, 1280px" /></figure></div>

Нұрлыбек Нәлібаев: Ел үшін аянбай еңбек ететін ұлы тұлғалардың ізі өшпесін

<p><a href="https://kyzylorda-news.kz/"><strong>Kyzylorda-news.kz.</strong></a><strong> </strong><span style="font-family:&quot;Arial&quot;,&quot;sans-serif&quot;;"><strong>Сырдария ауданының әкімі Мұрат Ергешбаев, аудандық мәслихат хатшысы Ержан Әжікенов және аудандық ардагерлер кеңесінің төрағасы Мұса Келдібайұлымен бірге Ұлы Отан соғысының ардагері ғасырдан асқан қария Яхия Тасыровтың шаңырағында болып, соғыс және еңбек ардагерін мерекесімен құттықтады.</strong></span></p><p style="text-align:justify;"><span style="font-family:&quot;Arial&quot;,&quot;sans-serif&quot;;">Аудан басшысы Мұрат Ергешбаев майдангерге мерекелік құттықтау хат және арнайы әзірленген сыйлықтарды табыс етті.</span></p><blockquote><p style="text-align:justify;"><span style="font-family:&quot;Arial&quot;,&quot;sans-serif&quot;;">«Сіз қиын кезеңдерді бастан өткеріп, халық шаруашылығын қалыптастыруда үлкен рөл атқардыңыз. Соғыста жеңіске жетуде қосқан үлесіңіз ерекше.&nbsp;<span lang="KZ" dir="ltr">Отан үшін от кешіп, туған елді қорғау жолындағы ерлігіңізді кейінгі ұрпаққа үлгі етіп насихаттауды басты парызымыз санаймыз. Майданда ғана емес, елдің әлеуметтік-экономикалық дамуына қосқан үлесіңізді де ерекше бағалаймыз. Өйткені, талмай, тынбай ел үшін еңбек еттіңіз. Сізге зор денсаулық, отбасыңызға бақыт пен береке тілеймін.&nbsp;</span>Балаларыңыз бен немерелеріңіздің, шөберелеріңіздің қуанышына бөленіп жүре беріңіз», – деді аудан басшысы Мұрат Ергешбаев.</span></p></blockquote><p style="text-align:justify;"><span style="font-family:&quot;Arial&quot;,&quot;sans-serif&quot;;">Мереке аясында ерекше құрмет көрсеткен аудан басшысына алғыс айтқан соғыс және еңбек ардагері Яхия Тасыров ақ батасын беріп, ауданда атқарылып жатқан жұмыстарға жеміс тіледі.</span><img src="https://kyzylorda-news.kz/wp-content/uploads/2022/10/309598925_1213706252525598_3526372116840703542_n.jpg" alt="" srcset="https://kyzylorda-news.kz/wp-content/uploads/2022/10/309598925_1213706252525598_3526372116840703542_n.jpg 2048w, https://kyzylorda-news.kz/wp-content/uploads/2022/10/309598925_1213706252525598_3526372116840703542_n-768x512.jpg 768w, https://kyzylorda-news.kz/wp-content/uploads/2022/10/309598925_1213706252525598_3526372116840703542_n-1536x1024.jpg 1536w" sizes="(max-width: 2048px) 100vw, 2048px" width="2048" loading="lazy"></p>

Қазақстан және Қызылорда облысының жаңалықтары